باحث

السلام عليكم ورحمة الله وبركاته. اهلا بحضراتكم في المقطع رقم سبعمية ستة وخمسين من مقاطع حظر التجول والحلقة السابعة والثمانون من حلقات تدبر سورة البقرة بعد ما تدبرنا ايات بتصف المنفقين في سبيل الله - 00:00:01ضَ

المتصدقين المحسنين الذين ينفقون في كل وقت وعلى كل حال ليلا ونهارا وسرا وعلانية هنتدبر باذن الله الليلة سبع ايات عن المرابين الربا والمرابين احب افكركم ان سورة البقرة سورة مدنية - 00:00:29ضَ

لذلك بيغلب عليها الطابع التشريعي القانوني ولكن نرى ان دايما ان التشريعات والقوانين الالهية لها اهتمام مختلف عن التشريعات والقوانين الوضعية اللي من صنع البشر البشر لما بيعملوا تشريعات وقوانين بيبقى كل همهم هو تحقيق العدالة الى الى اقصى حد بين البشر. ربنا سبحانه وتعالى بالاضافة - 00:00:52ضَ

والى تحقيق العدالة بين البشر آآ بيبقى آآ في اهتمام اكثر بالجانب الانساني وجانب العلاقات الانسانية. وده ما لا يمكن ان تجده في التشريعات والقوانين البشرية طبعا مسألة ان القرآن المدني هو اللي فيه التشريعات والقوانين ده شيء طبيعي لان الاسلام دين ودولة - 00:01:20ضَ

والدولة في المدينة ولابد من نظم تنظم حركة الحياة وعلاقة الحاكم بالمحكوم وعلاقة المحكومين ببعض وعلاقة الناس ببعض عموما سواء مسلمين وغير مسلمين وهكزا من ضمن التشريعات الاساسية والمهمة جدا في اي دولة في الدنيا هي النظام الاقتصادي - 00:01:45ضَ

هناك ما يسمى بالنزام الاقتصادي الاسلامي رغم انف اي حد هناك نزام اقتصادي اسلامي مهما حورب فلسفة النزام الاقتصادي الاسلامي او نزام الاقتصاد الاسلامي بتقوم على نزرية توزيع المخاطر. انا هحاول ابسط لكم الموضوع على قد ما اقدر - 00:02:09ضَ

توزيع المخاطر والقاعدة القانونية بتاعتها تسمى قاعدة الغنم بالغرم يعني ايه ؟ يعني كل ما الانسان يبقى عرضة انه يغرم اكتر يعني فيه مخاطرة بماله كل ما لازم يكون من حقه انه يكسب اكتر - 00:02:32ضَ

انما انسان يدخل في علاقة تجارية او علاقة عمل لا يوجد فيها اي احتمال للخسارة نهائي ومكسبه مضمون مية في المية علمية مسبقا ده ضد الاسلام اصلا لان اي عمل لازم فيه مخاطرة. فلو فيه طرف لا يتحمل المخاطرة اطلاقا ده معناه ان الطرف الاخر هيخسر خسارة هتدمره لو خسر - 00:02:55ضَ

هتدمروا تماما انما في الاسلام الناس بتتشارك فتكسب مع بعض او تخسر مع بعض. فيتم توزيع المخاطر الامر التاني هو ان في نزام الاقتصاد الاسلامي الارقام ما ينفعش تزيد على الورق - 00:03:19ضَ

الارقام بتاعة يعني حجم الاموال ما ينفعش يبقى ارقام بتزيد على الورق الا في حالة لو هناك عمل حقيقي وانتاج حقيقي انما المرابي يعطي المال يعطي الف جنيه وضامن بقوة القانون وبالورق وبالامضاء - 00:03:39ضَ

وبالتوقيعات ان الالف هيبقوا الف ومتين اخر السنة. سواء حصل انتاج او ما حصلش فده بيخلق فقاعة عبارة عن متين جنيه على الورق لكنها لا تمثل بضاعة ولا سلعة ولا خدمة قدمت - 00:04:00ضَ

ما فيش عمل حقيقي فاصبحت فيه متين جنيه بتدور في السوق هي فقاعة مش حقيقية ده كله مع الوقت يؤدي الى انهيار الاقتصاد الاقتصادي علشان كده نهى الحكيم الخبير ربنا هو الحكيم. مصدر الحكمة كلها الخبير - 00:04:18ضَ

عن الربا الربا لغة في اللغة العربية يعني الزيادة لسه واخدين كمثل جنة بربوة. ربوة. يعني مكان ازيد علوا. اكبر اعلى اه الربا في المال هو ان شخص يقترض مال على انه يعيده بزيادة مرتبطة باجل. اجل يعني وقت - 00:04:38ضَ

استلف منك الف لمدة سنة بس ارجعهم لك الف ومتين ولما السنة تعدي تسألني ها تقضي يعني تقضي دينك هتدفع الالف ومتين ام قربي قربي يعني اؤجل لك سنة كمان - 00:05:04ضَ

بس الالف ومتين هترجعهم الف وخمسمية. ده اسمه ربا النسيئة. لان احنا بننسأ الدفع بنؤجل الموعد وربنا قال اقرا بقى معي الايتين متين ستة وسبعين ومتين سبعة وسبعين اعوذ بالله السميع العليم من الشيطان الرجيم - 00:05:21ضَ

الذين يأكلون الربا لا يقومون الا كما يقوم الذي يتخبطه الشيطان من المس ذلك بانهم ذلك بانهم قالوا انما البيع مثل الربا. واحل الله البيع حرم الربا فمن جاءه موعظة من ربه فانتهى فله ما سلف. وامره الى الله. ومن عاد فاولئك - 00:05:44ضَ

اولئك اصحاب النار هم فيها خالدون يمحق الله الربا ويربي الصدقات. والله لا يحب كل كفار اثيم قول الله تعالى الذين يأكلون الربا بينخدع فيه بعض الناس ويظنوا ان الحرام يقع فقط على المرابي - 00:06:16ضَ

يعني اللي بيسلف الفلوس عشان هو اللي بياكل الربا لكن السنة النبوية الشريفة ورد فيها تفصيل اكثر يعني سيدنا عبدالله بن مسعود رضي الله عنه قال ان رسول الله صلى الله عليه وسلم - 00:06:41ضَ

لعن اكل الربا وموكله وشاهديه وكاتبه النبي عليه الصلاة والسلام لعن يعني دعا بالطرد من الرحمة من رحمة الله اكل الربا. يعني المرابي اللي بياخد المتين الزيادة دول وموكله واللي دخل اصلا في التعاقد ده واستلف بالربا موكله يعني اللي بيأكل المتين اللي بيدي المتين دول - 00:06:54ضَ

اللي هو استلف بالربا وشاهديه اللي شهدوا دول يعني راضيين عن هذا العقد. اللي شهدوا على العقد. وكاتبه واللي قعد كتب العقد كمان يعني لما النبي عليه الصلاة والسلام انها نهي شديد جدا عن اي شيء يتعلق بالربا. زي كده الخمر. احنا مش منهيين عن شرب الخمر. منهيين عن شرب الخمر وصنع الخمر وتجارة الخمر - 00:07:22ضَ

تقديم الخمر وكل ده. وزراعة العنب اللي هيتعمل منه الخمر كمان. لو انت متأكد ان العنب بتاعك هيتعمل منه خمرة ما تزرعش عنب كمان طيب يبقى اللي بيسلف واللي بيستلف واللي بيكتب العقد واللي بيشهدوا على العقد هم كمان ملعونين مطرودين من رحمة ربنا. فهو عيد شديد جدا في المسألة دي - 00:07:48ضَ

الذين ياكلون الربا لا يقومون الا كما يقوم الذي يتخبطه الشيطان من المس ربنا بيصور لنا مشهد البعث بتاع الناس دي اللي بياكلوا الربا يبعثوا من قبورهم زي المجانين. العرب تقول عن المجنون ممسوس بشيطان. يعني بيتخبطه الشيطان من المس. فهذا هذا ما - 00:08:11ضَ

هذه تسمية العرب تسميها. فبيقوموا من قبورهم في حالة من التخبط اقفل الايه اعمل بس اه اه فالعرب تقول عن المجنون انه ممسوس بشيطان. الناس اللي بتاكل الربا دي بتقوم من قبورها في حالة من التخبط الشديد - 00:08:36ضَ

وهناك تفسير اخر بيقول لا ده مش يقومون هنا مش معناها يقومون من قبورهم بس لا. لا يقومون في الدنيا الا زي المجانين يعني هتجد عندهم حتى حضارتهم الحضارة بتاعتهم هتقوم في حالة من التخبط - 00:09:10ضَ

فتجد عندهم مشاكل اجتماعية حتى لو عندهم زيادة في الاموال نتيجة العمل بالربا لكن هتجد عندهم تخبط. انتشار امراض اجتماعية وشزوز الحقيقة بيقولوا الاشياء دي كلها معناها ان ربنا نزع البركة من مجتمعاتهم - 00:09:26ضَ

التفسيرين موجودين والاتنين ما ما بيتعارضوش يعني ممكن الاتنين ذلك بانهم قالوا انما البيع مثل الربا. واحل الله البيع وحرم الربا. وصل بهم الامر في العناد انهم قلبوا الاية يعني المفروض هم يقولوا انهم انهم يدافعوا عن الربا. يقولوا يا جماعة انما الربا مثل البيع - 00:09:41ضَ

لكن لا ده قلبوا الاية قالوا انما البيع مثل الربا. جعلوا الربا هو الاصل جعله ربا هو الاصل. قال لك يعني انا لو اشتريت قفص تمر بمتين جنيه ورحت بعته بتلتميت جنيه. ده تجارة حلال ولا مش حلال؟ حلال. حلو اوي. اشتريت حاجة بمتين رحت بعتها بتلتمية - 00:10:07ضَ

قال لك ايه اللي هيجرى ؟ بص الشياطين ايه اللي هيجرى لو انا بعت المتين بتلتمية وما دخلش تمر في الموضوع. ما انا حقيقة الامر دفعت متين وكسبت تلتمية. طب خلاص انا هادي متين واخد تلتمية وما ادخلش في الموضوع تمر - 00:10:28ضَ

فاصبح المال وسيم بعد ما كان وسيلة بقى هو السلعة بقى المال نفسه هو الهدف هم عندهم وسائلهم في اقناع الناس شياطين. ثم فتح الله باب التوبة في المسألة دي. فمن جاءه موعظة من رب - 00:10:44ضَ

ربه فانتهى فله ما سلف وامره الى الله ومن عاد فاولئك اصحاب النار هم فيها خالدون. اللي يصله هذا الكلام يجب انه ينتهي فورا عن هذا الكلام هذا الكلام مش صحيح. هذا الكلام اللي بيقال دوة دمر مجتمعاته ودمر بيوت كثيرة جدا - 00:11:05ضَ

اللي يصله هذا الكلام من جاءه موعظة من ربه فانتهى فله ما سلف الفلوس اللي حصل عليها من الربا قبل كده بتتحول الى فلوس حلال مش لازم يطلعها خلاص فله ما سلف - 00:11:29ضَ

وامره الى الله. خلاص هو مش مش مطالب بردها. ومن عاد فاولئك اصحاب النار هم فيها خالدون. لكن اللي يرجع بعد كل ده. ويسمع الكلام ده ويرجع يتعامل بالربا. هم - 00:11:46ضَ

يحصل له لأ مش يحصل له يحصل لهم حصل التفات من المفرد للجمع شف شف الاية كلها ماشية مفرد. فمن جاءه مفرد. موعظة من ربه مفرد. فانتهى مفرد فله مفرد. ما سلف - 00:11:59ضَ

مفرد الى الله ومن عاد مفرد برضو فاولئك جمع حصل التفات في الضمائر العدد التفات في في العدد فاولئك اصحاب النار هم فيها خالدون. يعني كلهم الزيادة في الوعيد ما فيش واحد منهم هيفلت - 00:12:16ضَ

ليه ؟ كده يمحق الله الربا ويربي الصدقات الله لا يحب كل كفار اثيم يمحق الله الربا يدمر الربا وفعلا بص على اقوى الاقتصادات في العالم مسلا زي اليابان تلاقي الفايدة قريبة من الصفر - 00:12:38ضَ

صفر بص على الدول اللي فيها الفايدة عالية تجد اقتصادتها منهارة يمحق الله الربا ويربي الصدقات. ولما تجد زعيم مسلم بيحاول ان هو يقلل الفايدة يحارب حرب شديدة جدا يمحق الله الربا ويربي الصدقات. تخيلوا بقى ربنا بيتعامل بالربا - 00:12:59ضَ

يمحق الربا بس هو يربي. يربي الصدقات ربنا صدقاتك بيربيها لك بيزودها انت بتدفع الف جنيه صدقة. مش هتروح تلاقي الف ومتين في صحيفة حسنات ده انت تلاقي عشر اضعاف على الاقل الى سبعمائة ضعف والله يضاعف لمن يشاء - 00:13:26ضَ

كمل الاية والله لا يحب كل كفار اثيم الكفار على وزن فعال يعني مقيم على الفعل بيتكرر منه كثيرا الكفار هو المقيم على الكفر بيكفر بالنعمة ربنا اعطاه مال فبدل ما يشكر نعمة المال كفر نعمة المال. بانه استخدم المال فيما لا يرضي الله. استخدم المال فيما - 00:13:47ضَ

رضي بالله. تخيل ربنا بيدي لك نعمة فانت تاخدها تحاربه بها تاخد النعمة بتاعة ربنا وتعمل اللي يغضبه بها اكن بالزبط اب بيدي ابنه مصروف عشان يشوفه بيستمتع بفلوسه كده ويروح يشتري شاورما يشتري لبان يشتري شوكولاتة يقوم الولد واخد الفلوس دي - 00:14:18ضَ

قدام ابوه رايح يشتري علبة سجاير او خمرة هذا الكفر النعمة الطبيعي ان الاب ما يجيش يبني فلوس تاني بقى ربنا يمحق الربا اثيم يعني شديد الاثم هذا اثم شديد جدا - 00:14:39ضَ

اقرا متين سبعة وسبعين ان الذين امنوا وعملوا الصالحات واقاموا الصلاة واتوا الزكاة لهم اجرهم عند ربهم ولا خوف عليهم ولا هم يحزنون طبعا قلنا في قراءة يعقوب ولا خوف عليهم ولا هم يحزنون - 00:15:01ضَ

يبقى ربنا بيجيب لك الصورة المقابلة العكسية اما الذين امنوا وعملوا الصالحات بقى دول اقرضوا الناس قروض حسنة عملوا الصالحات بدل ما يدي ما يتسلف بالفايص يعني سلف بالربا! ده سلف ومجانا مش عايز حاجة وبس انت رجع لي فلوسي في وقتها وخلاص - 00:15:21ضَ

دون ربا. يعني يساعدوا الناس في قضاء حوائجهم ان الذين امنوا وعملوا الصالحات واقاموا الصلاة يعني صلوها كما يجب في مواعيدها في جماعة ولكن ايضا اقامة الصلاة بتكون في الحياة - 00:15:44ضَ

في معاملاتهم ازاي انا اقف! معقول اقف مع اخويا في الصلاة كتف الكتف في الكتف والقدم في القدم وانا مسلفه بالفايص بالربا وما دفعليش ادخله السجن واتوا الزكاة. يا جماعة ما جاع فقير الا بتخمة غني - 00:16:00ضَ

كل فقير بيجوع او بيعرى او بينام في الشارع بدون بيت فالسبب هو شخص اخر سلبه حقه وهو الزكاة الناس اللي يا جماعة لما بتطلع الزكاة هي بتطهر فلوسها من الحرام - 00:16:24ضَ

انت كل سنة عندما يحول الحول في اتنين ونص في المية في فلوسك بيتقلبوا الى فلوس حرام. مش بتاعتك خلاص. لو ابقتها يوم واحد انت سارق لص مصر بتسرق الفقراء يا ريتك يعني مش مسلا بتسرق الاغنيا لأ ده بتسرق الفقراء - 00:16:39ضَ

الجوعى الايتام دول بقى الناس اللي امنوا وعملوا الصالحات واقاموا الصلاة واتوا الزكاة لهم اجرهم عند ربهم. هياخدوا اجرهم بالكامل من الله. وشرحنا امبارح التدبر في كلمة اجر لان انت اجير انت ربنا مش بيدي لك تمن سلعة ده انت لما بتوصل مال اما تدي صدقة انت كانك ربنا استأجرك لتوصل المال لهذا الشخص - 00:16:59ضَ

مال الله في الاخر اي عمل صالح انت بتعمله هو في النهاية خالص انت واخده من الله اذا هذا اجرك ولا خوف عليهم ولا هم يحزنون ولا خوف عليهم ولا هم يحزنون - 00:17:28ضَ

لا يخافوا من فقر. لان الخوف يكون من شيء في المستقبل وعادة الناس بتخاف في المستقبل من الفقر تخاف من الوحدة تخاف من اشياء كده. فلا يخافوا من فقر ولا يحزنوا على منفعة فاتتهم في الماضي - 00:17:42ضَ

او على شيء اصابهم في الماضي. ده مش معناه ان اللي بيعمل الاعمال الصالحة دية ما بيحصلوش مشاكل او مصايب. بالعكس بيحصل له امال ايه ربنا بيتكلم عن استقبالهم للمصائب - 00:17:57ضَ

انا ارى ان معناها انهم عرضة للمصائب ولكن طريقة الاستقبال المصائب تختلف عن الاخرين يستقبلوها في ثبات زي استقبال النبي للمصائب كده ليخافوا من المصائب ولا بتؤثر فيهم وتحزنهم المصائب - 00:18:10ضَ

النبي عليه الصلاة والسلام كان يدعو الله سبحانه وتعالى اللهم ارزقني من اليقين ما تهون به علي مصائب الدنيا ولم يسأل الله الدنيا بدون مصائب ما فيش حاجة اسمها دنيا بدون مصائب - 00:18:29ضَ

حياة بدون مصائب ده ده في الجنة لكن هنا الدنيا ده مكان للمصائب لكن دول استقبالهم للمصائب وتعاملهم مع المصائب يختلف عن تعامل الناس اللي بتشجع وبتتعب وبتروح ترمي نفسها من الشباك لما يخسر فلوسه ما فيش الكلام ده خالص - 00:18:44ضَ

الدنيا هينة عندهم اقرا متين تمانية وسبعين لاتنين وتمانين انت لما الدنيا تهون في نظرك لما يحصل لك مصائب دنيوية ولا حاجة جنب ان يفوتك العصر ولا حاجة جنب مصائب مصائب الاخرة - 00:19:03ضَ

بقى معي متين تمانية وسبعين الى متين تسعة وسبعين يا ايها الذين امنوا اتقوا الله وذروا ما بقي من الربا ان كنتم مؤمنين فان لم تفعلوا فاذنوا بحرب من الله ورسوله - 00:19:23ضَ

وان تبتم فلكم رؤوس اموالكم لا تظلمون ولا تظلمون وان كان ذو عسرة فنظرة الى ميسرة وان تصدقوا خير لكم ان كنتم تعلمون خلوا بالكم ان النهي عن الربا جه في اول حياة النبي آآ اسف - 00:19:45ضَ

آآ يعني الربا جه في اخر حياة النبي صلى الله عليه وسلم يعني في حجة الوداع آآ آآ قال النبي صلى الله عليه وسلم ربا الجاهلية موضوع ربا الجاهلية موضوع واول ما ابدأ به ربا العباس ابن عبدالمطلب ربا عمه - 00:20:11ضَ

عم النبي عليه الصلاة والسلام العباس كان بيسلف الناس بالفايص. والنبي بدأ به هو. والغى المعاملات المالية بتاعته ربنا قال يا ايها الذين امنوا اتقوا الله وذروا ما بقي من الربا ان كنتم مؤمنين. خلاص؟ تم المنع تماما - 00:20:31ضَ

تمام واتركوا اللي المعاملات اللي ايه في ايديكم دلوقتي دي مش هتكملوها مش هتكمل بالشكل الربوي ده ازا كنتم مؤمنين فربنا دايما بيذكرهم بالايمان وبان صحيح ان الواحد لما بيطيع الله فيه نوع من التضحية بتتم ولكن هذا تمن لايمانهم - 00:20:52ضَ

فان لم تفعلوا فاذنوا بحرب من الله ورسوله وان تبتم فلكم رؤوس اموالكم لا تظلمون ولا تظلمون. اللي مش هينتهي عن الربا يقال له يوم القيامة خذ سلاحك للحرب يعني يعني انت سمعت الاية دي - 00:21:17ضَ

فاذنوا بحرب من الله ورسوله. طب يلا يا شاطر. خد سلاحك بقى عشان هتحارب ربنا يلا انت سمعت فاذنوا بحرب من الله ورسوله واصريت. اصررت انك تكمل تعامل بالربا. ياللا بقى حارب ياللا ورينا ورينا شطارتك هتقدر تعمل ايه مع - 00:21:39ضَ

وان تبتم لكم رؤوس اموالكم لا تظلمون ولا تظلمون. اللي هيتوب هيفضل له حق عند المقترض لكن هيتم الغاء البند الربوي ويبقى حقه هو ان المقترض يرجع له الالف جنيه بتاعته. اللي هم الايه جسم القرض - 00:21:57ضَ

مبلغ القرض نفسه ايه الاصل؟ لا تظلمون ولا تظلمون لا هتنتقصوا حاجة ولا انتم هتاخدوا زيادة وان كان ذو عسرة فنظرة الى ميسرة ازا كان واحد معسر مزنوق حالته في حالة عسر مادي مش قادر يسدد - 00:22:19ضَ

فناظرة الى ميسرة. في الاسلام ما حدش بيخش السجن عشان مش عارف يرجع قرض. من الاخر من الاول خالص المقرض ما كانش اقرضه. لو حاسس ان هو مش هيقدر يرجع - 00:22:44ضَ

وله بقى سكك تانية بقى خالص بقى مع الحاكم بعد كده آآ ما فيش حد بيموت من الجوع. في في دولة اسلامية بتطبق الشريعة. لكن ما فيش حد بيخش السجن عشان مش عارف يرجع - 00:22:56ضَ

الا وعنده بقى اهمال عنده حاجة دي حاجة تانية فنظرة نذرة يعني ايه ينظر فهل ينظرون الا يعني يعني هل منتزرين ايه غير كده فنظر يعني انتزار فانتزروه ادوا له ايه؟ انتزار الى ميسرة الا ان ربنا ييسر له - 00:23:07ضَ

لغاية ما ربنا ييسر له الامور وان تصدقوا خير لكم ان كنتم تعلمون. ولو سمحتم المقترض وسبتوا له المال وعفيتم عن الدين بتاعه او جزء من الدين على قد ما تقدروا عشان تساعدوه. خير لكم. فده احسن لكم - 00:23:28ضَ

طيب لو المقترض لا يستطيع او لو المقرض ما يقدرش يترك هزا المال يعني هو سلف فلوس على فكرة القرض في الاسلام اثوب من الصدقة تمنتاشر ضعف لان الصدقة الواحد بياخدها وخلاص بينام عليها. لكن اللي بياخد قرض بيبقى هم. بيبقى عايز يرجعه. فبيشتغل فبينتج فبيرجع الفلوس لو قدر يرجع - 00:23:46ضَ

لكن لو المقرض ده هو اقرض وهو فعلا محتاج فلوس هو مش هيقدر يسيب فلوسه حقه ما يتركهاش هنا المجتمع يتصدق بان الناس تجمع مبلغ الدين وتسد الدين عن المقترض وتدفع للدائن. يعني بيبقى فيه نزام تكافل - 00:24:11ضَ

لسداد ديون الغارمين قال رسول الله صلى الله عليه وسلم من نفس عن مؤمن كربة من كرب الدنيا نفس الله عنه كربة من كرب يوم القيامة ومن يسر على معسر - 00:24:28ضَ

اللي سهل على واحد مش عارف يسد دينه بانه يعني سد عنه النص سد عنه الربع يعني خفف الدنيا عنه شوية. ومن يسر على معسر يسر الله عليه في الدنيا والاخرة - 00:24:46ضَ

ثوابها عاجل يعجل في الدنيا ولا ينتقص من ثواب الاخرة ومن ستر مسلما ستره الله في الدنيا والاخرة. المسلم اللي هيتفضح ده وجه واحد راح ستره. ستر معصيته. ستر دينه - 00:25:02ضَ

اشياء كثيرة ربنا يستره هو في الدنيا والاخرة والله في عون العبد ما كان العبد في عون اخيه طول ما انت بتساعد اخوك ربنا بيساعدك اقرأ بقى معي متين واحد وتمانين - 00:25:17ضَ

واتقوا يوما ترجعون فيه الى الله ثم توفى كل نفس ما كسبت وهم لا يظلمون هذه هي اخر اية نزلت من القرآن الكريم اول كلمة نزلت في القرآن الكريم آآ سورة العلق اقرأ - 00:25:37ضَ

اقرأ باسم ربك الذي خلق. خلق الانسان من علق. اقرأ وربك الاكرم الذي علم بالقلم. علم الانسان ما لم يعلم. دي اول ايات اخر اية نزلت واتقوا يوما ترجعون فيه الى الله ثم توفى كل نفس ما كسبت وهم لا يظلمون - 00:26:04ضَ

بين اقرأ واتقوا تلاتة وعشرين سنة من التربية مجتمع بيتربى. القرآن بيربيه والسنة النبوية بتربيه وكأن الرسالة هي ان هذا الدين لا يقوم على الجهل بل يقوم على العلم يجب ان تقرأ وتتعلم - 00:26:23ضَ

وتطلب العلم ولكن اذا لم يقودك هذا العلم للتقوى فانت فاشل العلم الذي لا يقود للتقوى علم انت لم تنتفع به واتقوا يوما ترجعون فيه الى الله. ثم توفى كل نفس ما كسبت وهم لا يظلمون. الشيء الوحيد اللي ممكن يجعل - 00:26:49ضَ

انسان ينتهي عن المعاصي وينتهي عن استغلال اخوه في الانسانية. هو انه يتقي هذا اليوم اللي هيحاسب فيه امام الله. هيحاكم. يعني ايه ترجعون ورجعوني ازاي ؟ الانسان قبل ان يخلق - 00:27:12ضَ

لم يكن في الدنيا كان معدوم كان في العدم. ثم ظهر في بطن امه وربنا هو الذي رعاه وهو في بطن امه كان في يد الله ثم خرج من بطن امه واوكل الله الى الاب والام مهمة رعايته كطفل - 00:27:29ضَ

ثم شاب وكبر ومات. لما مات رجع تاني في يد الله بالكامل ما فيش حد موكل به خالص يوم ما الانسان بيرجع كده في يوم بقى هيقف الانسان امام الله ويسأله الله - 00:27:49ضَ

في حد مننا هيسمع هذا الكلام ويصدقه ولا يخاف من السؤال ده موزف الضرايب لو بعت لك يعني بعت لواحد مننا جواب الواحد بيبقى يعمل على روحه قبل ما يروح يشوفه هو عايز ايه. يعني موظف ضرايب بيخلي الواحد مرعوب - 00:28:07ضَ

مش حال ربنا بيقول لك انت راجع لي وهتقف وهسألك واتقوا يوما ترجعون فيه الى الله. ده انت يوم التلات عشان رايح مصلحة الضرايب وباعتن لك جواب انت مرعوب امال اليوم بقى اللي انت راجع فيه لله - 00:28:23ضَ

عشان توفى كل نفس ما كسبت وهم لا يظلمون. كل انسان يومها هياخد جزاؤه وهيتحاسب وانت رايح مش عارف هيتعمل معك ايه الكسب ما كسبت بيشمل العمل سواء عمل صالح او عمل فاسد. بيشمل القول سواء قول خير او قول شر. بيشمل العقيدة اللي كنت بتعتقدها سواء - 00:28:40ضَ

عقيدة سليمة او عقيدة شركية او كفرية. يشمل النوايا سواء نوايا مخلصة او نوايا تشوبها الشوائب الرياء والتفاخر السمعة والشهرة الاية دي لو فهمها الناس فعلا وهضموها تغير العالم كله - 00:29:02ضَ

بس للاسف حب الشهوات بيطغى على الانسان ويجعله لا يتقي الله. واتقوا يوما ترجعون فيه الى الله. ثم وتوفى كل نفس ما كسبت وهم لا يظلمون ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا - 00:29:21ضَ

فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين - 00:29:49ضَ

واجعلنا ممن يحبك ويحب ملائكتك وانبيائك ورسلك. وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع - 00:30:09ضَ

قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتاب - 00:30:36ضَ

بكتلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعل اسألك اللهم في نحورهم فانت الوكيل ولا حول ولا قوة الا بك - 00:31:02ضَ

اللهم بحق كل حرف في كتابك تلوناه او تدبرناه عيد بنصرك المرابطين في الارض المباركة فلسطين. اللهم سدد رميهم وخيب رمي عدوهم. وكن مع اخواننا في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم. وطهر المسجد الاقصى من الدنس فانهم لا - 00:31:18ضَ

واكتب لنا ختم القرآن فيه انك على ذلك قدير وبالاجابة جدير. اللهم من قضى منا بالوباء المنتشر فاكتبها له شهادة. ومن كان منا او من احبابنا او من او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره - 00:31:44ضَ

وابعده عنه ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك - 00:32:08ضَ

فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميلك التوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. وصل اللهم وسلم على محمد وعلى - 00:32:28ضَ

على اله وصحبه ومن تبع هداه. والسلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا - 00:32:48ضَ