باحث

السلام عليكم ورحمة الله وبركاته. اهلا بحضراتكم في المقطع رقم سبعمية تلاتة وستين من مقاطع حظر التجول. والحلقة الخامسة من حلقات تدبر سورة ال عمران اه اقرأ معي الاية عشرة - 00:00:00ضَ

اعوذ بالله السميع العليم من الشيطان الرجيم ان الذين كفروا لن تغني عنهم اموالهم ولا اولادهم من الله شيئا واولئك هم وقود النار بعد ما ربنا حكى لنا عن احوال الراسخين في العلم - 00:00:28ضَ

ودعاؤهم الى الله انه يثبتهم على الهدى والايمان حكى لنا عن الذين كفروا ان الذين كفروا دول مش مجرد كافرين يعني مولودين كده كافرين. لا ده ده يعني دول ناس احدثوا الكفر - 00:00:51ضَ

رفضوا الاسلام لن تغني عنهم اموالهم ولا اولادهم من الله شيئا. واولئك هم وقود النار. الذين كفروا هنا دول ما يدخله النار النار هتتغذى عليهم. هيبقوا هم الوقود بتاع النار. يعني كل ما يترموا في النار كل ما تشتعل اكثر - 00:01:10ضَ

ومش هينفعهم وقتها اللي كان بينفعهم في الدنيا اللي كان بيحميهم في الدنيا. ولن تغني عنهم اموالهم ولا اولادهم من الله شيئا يعني فلوسهم اللي كانوا بيشتروا بها اعدائهم وبيجيبوا بها ناس تدافع عنهم مش هتدفعهم هناك. واولادهم - 00:01:32ضَ

اللي كانوا بيشيلوا السلاح ويدافعوا عنهم يوم القيامة ما حدش جاي معه حد يحميه ولا معه حاجة تحميه اقرا معي الاية حداشر كدأب ال فرعون والذين من قبلهم كذبوا باياتنا فاخذهم الله بذنوبهم - 00:01:55ضَ

والله شديد العقاب قعدتهم هي تماما عادت الاقوام اللي قبل كده. الاقوام الكافرة ال فرعون والاقوام اللي قبلهم قوم نوح وقوم لوط كدأب يعني عادتهم زي عادتهم في تكذيب الانبياء. آآ رفض الايات - 00:02:16ضَ

وهكذا وما احدث الكفر بان هم كذبوا بايات الله كلمة بقى ايات الله والذين من قبلهم كذبوا باياتنا ايات الله تنقسم الى ايات الوحي وايات كونية خلق الكون النظر في الطبيعة. خلق الانسان خلق الحيوان. تسخير الكون للانسان. دي كلها ايات ربنا بتدل على وجود الله سبحانه - 00:02:38ضَ

وتعالى يبقى قلنا ايات الوحي ايات كونية ايات حسية بمعنى معجزات موجودة مع الانبياء ومع بعض الانبياء زي العصا اللي انقلبت الى ثعبان واكلت الحبال والعصي بتاعة الصحرا آآ زي معجزة آآ اليد عند سيدنا موسى اما كان يدخل ايده تحت باطه في تحت ابطه - 00:03:09ضَ

اه اه ويخرجها تخرج بيضاء من غير سوء يعني بدون مرض يرجعها تاني ويطلعها تاني تطلع عادية ايات ايضا عقابية يعني ربنا ارسل تسع ايات على آآ ال فرعون القمل والطوفان والدم اهي الاية في سورة الانعام - 00:03:31ضَ

فارسلنا عليهم الطوفان والجراد والقمل والضفادع والدم ايات مفصلات فاستكبروا وكانوا قوم مجرمين. دي ايات عقابية اليد والعصا مش ايات عقابية. وان كان العصا تعاقبوا بها ايضا في آآ فلق البحر - 00:03:52ضَ

قوم فرعون على الاخص الحقيقة شافوا كم من الايات ما حدش شافها ومع ذلك كذبوا واصروا حصل ايه بقى؟ فربنا اخذهم بذنوبهم يعني بهذه الذنوب بسببها ربنا اخذهم اخذ عزيز مقتدر. اخذ شديد اهلاك شامل - 00:04:11ضَ

والله شديد العقاب. فرعون بجيشه كلهم غرقوا عن بكرة ابيهم. يعني كلهم ربنا قال فاغرقناهم اجمعين. ما فيش فيهم واحد نجا من جيش فرعون قوم لوط هلكوا جميعا عذاب الاستئصال - 00:04:33ضَ

قوم نوح طوفان اغرقهم جميعا فليستكبر عن ايات الله ربنا اه بيعاقبوا لما ربنا بيعاقب الله شديد العقاب. فاخذهم الله بذنوبهم والله شديد العقاب. طيب وحتى في الدنيا الذنوب والمعاصي لها شؤم. يعني حتى لو ان يعني خلاص هو من بعد - 00:04:52ضَ

اه اه بعثة النبي صلى الله عليه وسلم ما اصبحش فيه عزاب استئصال لكن الذنوب والمعاصي لها شؤم آآ يقال مسلا الزنا يورث الفقر اه اه فغير عذاب يوم القيامة في الدنيا ربنا بيعسر حياة المذنبين - 00:05:22ضَ

اقرا معي الاية اتناشر قل للذين كفروا ستغلبون وتحشرون الى جهنم وبئس المهاد قل للذين كفروا اللي هما مين قل يعني قل يا محمد قلنا سيرة المخاطب المفرد يبقى لازم يكون النبي عليه الصلاة والسلام - 00:05:41ضَ

قل اي قل قل يا محمد على طول في القرآن قل للذين كفروا والايات بتنزل في المدينة. ازا المقصود بها يهود المدينة الذين يحاربون الاسلام يولي المدينة بعد انتصار النبي والصحابة على قريش - 00:06:02ضَ

قالوا له يا محمد لا يغرنك انك لقيت قوما اغمارا لا علم لهم بالحرب فاصبت منهم فرصة وانا والله لو قاتلناك لعرفت انا نحن الناس. يعني ايه يعني بالعربي كده بالبلدي كده. قالوا له ما تاخدش في نفسك آآ قلم - 00:06:19ضَ

ان انت يعني شفت شوية هواة ما لهمش في الحرب ولا بيعرفوا يستخدموا الاسلحة فاصبت منهم فرصة فلقيتها فرصة فغلبتهم فافتكرت نفسك يعني بقى قائد عسكري ومعه الجيش بجد لا - 00:06:43ضَ

لو قاتلناك لعرفت اننا نحن الناس احنا اكثر عددا وعدة وفلوس ومعنا مدن كاملة زي خيبر انس خالص انك ممكن تنتصر علينا فانزل الله سبحانه وتعالى. قل للذين كفروا ستغلبون وتحشرون الى جهنم وبئس المهاد - 00:06:56ضَ

بلغهم انهم هيغلبوا في الدنيا. وهيهزموا عسكريا في الدنيا وهيهزموا نفسيا في الدنيا ويوم القيامة بقى ربنا هيحشرهم الى جهنم وبئس المهاد. المهاد هو الفراش الممهد للنوم. بئس الفراش ان يبقى جهنم - 00:07:27ضَ

الناس تروح تنام في جهنم نلاحز هنا بناء ستغلى هنا للمجهول ما قالوش قل له سنغلبكم او سنهزمكم في ميدان القتال قل للذين كفروا ستغلبون وتحشرون الى جهنم وبئس المهاد - 00:07:48ضَ

يعني هتتغلبوا في ميدان القتال في الدنيا وتحشر الى جهنم في الاخرة. مين هيحشرهم الى جهنم؟ الله سبحانه وتعالى. واضحة يعني. لكن مين هيهزمهم في الدنيا مين هينزل يقاتلهم في المعركة؟ - 00:08:09ضَ

جنود الاسلام الصحابة كان ممكن يقول له كل الذين كفروا سنغلبكم وتحشرون الى جهنم وبئس المهاد لا احنا بنقاتل بس. انما اللي بيغلب هو الله النبي عليه الصلاة والسلام قال للصحابة - 00:08:26ضَ

ستقاتلون جزيرة العرب فيفتحها الله هم هيقاتلوا بس اللي هيفتح هو الله. ثم تقاتلون الروم فيفتحها الله انتم هتقاتلوا وربنا اللي هيفتح. ربنا اللي هيغلب. ربنا اللي هينتصر ما قالش فتفتحوها - 00:08:49ضَ

ليه لانه هي دي هو ده التربية القرآنية للانسان المسلم ربنا بيقول لنا في سورة الانفال فلم تقتلوهم ولكن الله قتلهم وما رميت اذ رميت ولكن الله رمى. شف رمية السهم دية ربنا اللي بيرميها - 00:09:12ضَ

المسلم ينسب النصر والغلبة لله لان الانسان بطبيعته نفسيته ضعيفة ومن الممكن انها يدخلها الغرور ويدخلها الكبر فينسب الفتوحات وينسب النصر لله. شعار المسلمين في فتوحات الاندلس كان ايه الله غالب - 00:09:30ضَ

اللي فيكم راح زار الاندلس وشاف قصر الحمراء دايما الكاليجرافي ده اللي هو الخط العربي اللي مكتوب بطريقة فيها الزخارف الاسلامية هناك. الله غالب. الله غالب الله غالب مش احنا - 00:09:50ضَ

مش احنا هي دي التربية القرآنية اللي نالها الصحابة فاصبحوا جيل قرآني فريد. والاجيال القليلة اللي بعدهم ايضا نالت تربية قريبة فحققت نصر كبير جدا للاسلام. بانكار الذات وباليقين باننا بدون الله احنا لا نساوي شيء - 00:10:11ضَ

قبل ما ننتقل للاية تلتاشر في لفتة جميلة ايضا هنا النبي عليه الصلاة والسلام ما قالش ستغلبون وتحشرون الى جهنم وبئس المهاد قل للذين كفروا ستغلبون وتحشرون الى جهنم وبئس المئات - 00:10:33ضَ

يعني ربنا قال له قل للذين كفروا. فالمفروض يروح لهم يقول لهم ايه؟ ستغلبون وتحشرون الى جهنم وبئس المهاد. لكن لأ. ده هو راح قال لهم قل للذين كفروا ستغلبون وتحشرون الى جهنم وبئس المهاد - 00:10:54ضَ

ليه اولا هو كل كلمة القرآن هو حافز عليها وصلها زي ما هي ولكن ايضا ده معناه ان زي ما بيقولوا هيقول لك ايه ربي قال لي اجي اقول لكم كزا - 00:11:11ضَ

فقال لهم ربي قال لي اجي اقول لكم كزا يعني حتى كلمة قل هو حافز عليها لان ده قرآن. اذا يهود المدينة كانوا بيسمعوا القرآن كانوا بيعرفوا القرآن ازا هتوجعهم جدا الاية اللي قبلها على طول - 00:11:30ضَ

الاية اللي قبلها بتقول ايه بتشابههم بمين كدأب ال فرعون والذين من قبلهم كذبوا باياتنا فاخذهم الله بذنوبهم والله شديد العقاب احنا لو حد جه قال لنا ايه قال لي مسلا انت والمجموعة بتاعتك بتوع التدبر دول ده انتم زي ابو جهل والمجموعة بتاعته - 00:11:45ضَ

الكلام ده هيجرحنا جدا. دي شتيمة شديدة جدا ليه ان احنا عدونا الاساسي هو ابو جهل. ده احنا دينا كله قائم على عداوة ابو جهل وامسال ابو جهل عندنا ايات كثيرة بتتكلم عن ابو جهل - 00:12:11ضَ

فلما حد يشبه المسلمين بهم المسلمين هيوجعنا الكلمة دي هم اليهود هنا شبهوا بالعدو التاريخي بتاعهم. فرعون وال فرعون خدتوا بالكم بقى فاللي هم كتبهم وصلواتهم وكلامهم في معابدهم وكل بيدور حول فرعون والزلم بتاع فرعون وناصر ربنا لبني اسرائيل - 00:12:24ضَ

موسى عليهم وبعد كده يشبهوا هم بال فرعون صعب بال فرعون والذين من قبلهم كذبوا باياتنا فاخذهم الله بذنوبهم. انتم يا يهود المدينة كذبتم بايات الله. كذبتم بالقرآن وانتم عندكم ايات دالة على صحة - 00:12:48ضَ

تابوت محمد عليه الصلاة والسلام. ازا ازيكم زي ال فرعون توجع اوي ما تقولوا زي ال فرعون. لو قلت لهم مسلا زي قوم نوح ممكن ما يفرقش معهم لكن تقول لهم زي آل فرعون هتفرق معهم جدا - 00:13:07ضَ

وهتوجعهم جدا هات بقى الاية تلاتاشر قد كان لكم اية في فئتين التقتا فئة تقاتل في سبيل الله واخرى كافرة. يرونه كن مثليهم رأي العين. والله يؤيد بنصره من يشاء. ان في - 00:13:19ضَ

في ذلك لعبرة لاولي الابصار قد كان لكم اية في فئتين التقتا احنا كان لازم تاخدوا العبرة من اللي حصل في بدر لما فئتين من الناس التقت وعادة فئة فئة يعني جماعة من الناس لكنها عادة تستخدم في الحرب. الفئة فئة بتقاتل مع بعض بتحارب - 00:13:48ضَ

اذا لقيتم فئة فاثبتوا فئة تقال عن المجموعة اللي بتحارب مع بعض ساعتها يعني قد كان لكم اية في فئتين التقتا. كان لازم تاخدوا من الفئتين اللي التقوا والتحموا في القتال التحموا في القتال - 00:14:15ضَ

والاعداد والقوة بتاعتهم مش هي اللي فرقت اللي فرق هو مين؟ لان هم هم بيقولوا الرسول عليه الصلاة والسلام انت لو قتلتنا هتشوف ان احنا الناس احنا معنا فلوس ومعنا عتاد ومعنا عدة وعددنا اكبر منكم لما نجمع يهود ايه؟ الجزيرة كده على بعض - 00:14:36ضَ

فاللي فرق في بدر ما كانش العدد والعدة ربنا بيكلم يهود المدينة وبيقول لهم وكان لازم تاخدوا درس من بدر فالتعبير في الاية دقيق جدا وجميل جدا خلي بالك احنا امام فئتين يعني جماعتين من الناس. فئة تقاتل في سبيل الله. ركز بقى - 00:14:55ضَ

يبقى الاخرى بتقاتل في سبيل مين الشيطان بس ما قالش كده الفئة تقاتل في سبيل الله والتانية في سبيل الشيطان دي مفهومة من السياق طالما الاولى بتقاتل في سبيل الله يبقى التانية - 00:15:14ضَ

ايه؟ في سبيل الشيطان. طيب. واخرى التانية كافرة. يبقى الاولانية ايه؟ مؤمنة بس برضو ما قالش كده يبقى التعبير الاجمالي الكامل المفهوم مفهوم المخالفة قد كان لكم اية في فئتين التقتا فئة مؤمنة بس مش مكتوبة محذوفة. فئة مؤمنة تقاتل - 00:15:31ضَ

وفي سبيل الله واخرى كافرة تقاتل في سبيل الشيطان بس برضو محذوفة. فالمعنى مكتمل يعني ايه؟ ودي ميزة الاختصار الشديد اللي في القرآن ان هو المعنى اللي اللي يوصل في اربع كلمات مش هيتكتب في خمسة - 00:15:56ضَ

هيوصل في اربعة ان ما كانش اقل كمان يبقى فئة مؤمنة تقاتل في سبيل الله واخرى كافرة تقاتل في سبيل الشيطان يرونهم مثليهم رأي العين والله يؤيد بنصره من يشاء - 00:16:17ضَ

المسلمين في بدر كانوا تلتمية وخمستاشر والكفار كانوا اكتر من الف ربنا قلل الفئتين في نزر بعض قبل الالتحام علشان المسلمين ما يخافوش من عدو تلات اضعاف عددهم فشافوهم ضعفين - 00:16:32ضَ

يرونهم مثليهم رأي العين فالمسلمين شافوا ان الكفار بتاع ستمية بس لكن مش الف ضعفين ضعف ضعفين المسلمين كانوا تلتمية وخمستاشر. ضعفيهم يعني ستمية وتلاتين. فالمسلمين شافوا الكفار في بتوع حدود الستمية ستمية وخمسين - 00:16:57ضَ

فربنا بيجرأ المسلمين على قتالهم وخلى قريش يشوفوا المسلمين هم كمان اقل من تلتمية في في آآ سورة الانفال ربنا قال اذ يريكموهم اذ التقيتم في اعينكم قليلا. ويقللكم يا صحابة ويقللكم في اعينهم ليقضي - 00:17:15ضَ

الله امرا كان مفعولا. الكفار مع ان المسلمين كانوا تلت عدد الكفار. الكفار شافوهم اقل من كده كمان. عشان يتجرأوا اكتر على قتاله ثم بعد اللقاء بعد الالتقاء حصل العكس. قريش شافوا المسلمين بقى بقوا ضعفيهم هم كمان - 00:17:40ضَ

ضعفهم يعني ايه؟ يعني الكفار كانوا الف. شافوا المسلمين الفين وهم بيقاتلوهم. حسوا انهم اكتر فانهزموا اكثر نفسيا وده ادى الى هزيمة عسكرية عندهم. فده من تأييد ربنا للمسلمين انه قلل عددهم قبل المعركة عشان يجرأ العدو عليهم فلما العدو بدأ يقاتلهم - 00:17:59ضَ

العدو شعر ان العدد اللي شافه ده تضاعف سبع تمن اضعاف. فبقى ضعفين عدد العدو العدو الف والمسلمين تلتمية. فالعدو شافه وهو بيقاتل المسلمين انهم المسلمين بتوع الفين. قوتهم قوة الفين مش قادرين يقاتلوهم - 00:18:19ضَ

تمام؟ طيب والله يؤيد بنصره من يشاء بس مين ياخد العبرة؟ ان في ذلك لعبرة لاولي الابصار اولي الابصار يعني الناس اللي بتشوف الحق حق والباطل باطل. مش الناس اللي نزرها ستة على ستة - 00:18:38ضَ

فيه ناس ممكن يكونوا آآ آآ عميان يكونوا آآ غير مبصرين فاقدي البصر ويروا بالبصيرة ستة على ستة وناس ممكن يكون نظرهم حاد جدا ويقدر يقرا يافطة صغيرة من على بعد خمسين متر - 00:18:57ضَ

لكنه اعمى البصيرة ربنا قال في سورة الحج فانها لا تعمى الابصار ولكن تعمى القلوب التي في الصدور ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:19:18ضَ

وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك - 00:19:43ضَ

وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع - 00:20:03ضَ

قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون - 00:20:28ضَ

فبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم يحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:20:51ضَ

اللهم بحق كل حرف في كتابك تلوناه او تدبرناه سيد بنصرك المرابطين في الارض المباركة فلسطين نكون مع اخواننا في تركستان الشرقية وفي كشميرا وفي سريلانكا وفي الهند وانصر كل من نصرهم واخذل كل من خذلهم - 00:21:10ضَ

مطهر المسجد الاقصى من الدنس فانهم لا يعجزونك يا ربنا واكتب لنا ختم القرآن فيه اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا - 00:21:28ضَ

او حاملا له فالبس ثوب الصحة والعافية عاجلا غير اجل. ومن لم يصب به فقه شره. وابعده عنه ولا تسلطه الا على اعلى اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك - 00:21:45ضَ

وتعاهدت على نصرة شريعتك. فوثق اللهم رابطتها وادم ودها واهدها سبلها. واملأها بنورك الذي لا يخبو واشرح صدورها بفيض بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:22:10ضَ

اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا باذن الله - 00:22:30ضَ