باحث

السلام عليكم ورحمة الله وبركاته. اهلا بحضراتكم في المقطع رقم سبعمية واحد وسبعين من مقاطع حظر التجول وفي الحلقة الثالثة عشر من حلقات تدبر سورة ال عمران ارجو من حضراتكم تجيبوا المصاحف - 00:00:02ضَ

او افتحوا القرآن على التطبيق اللي بتقروا منه واقرا معي الاية تلاتة وتلاتين واربعة وتلاتين اعوذ بالله السميع العليم من الشيطان الرجيم ان الله اصطفى ادم ونوحا وال ابراهيم وال عمران على العالمين - 00:00:23ضَ

ذرية بعضها من بعض والله سميع عليم طالما ان سورة ال عمران بتخاطب اهل الكتاب من اول من الاول خالص. بدأت بنزل عليك الكتاب بالحق مصدقا لما بين يديه وانزل التوراة والانجيل من قبل هدى للناس - 00:00:49ضَ

في كلام بقى ايه في خطاب لاهل الكتاب يهود ونصارى ربنا بيجيب لهم تاريخ البشرية بقى بطريقة تربط الانبياء بسيدنا محمد صلى الله عليه وسلم كده الاية تلاتة وتلاتين ان الله اصطفى ادم ونوحا وال ابراهيم وال عمران على العالمين. الاصطفاء هو - 00:01:20ضَ

بعد ما بيحصل تصفية فربنا اختار من بين كل خلقه ادم ليكون هو ابو البشر ثم نوحا ليكون ابو البشر الثاني بعد الطوفان ومختلف طبعا لو كان الرأي فيه رأي بيقول انه او رأي الجمهور انه الطوفان عم الارض كلها وان البشرية كلها من نسل آآ يعني آآ اولاد نوح - 00:01:47ضَ

كل اللي موجود دلوقتي من اول من الناس لاولاد نوح لكن المؤكد تاريخيا ان نوح كان بداية لمرحلة جديدة من البشرية قبلها كان هناك ما يسمى بالدولة السومارية اللي الاثار بتاعتها فيها معلومات غريبة جدا جدا جدا - 00:02:13ضَ

ناس اعمارهم كانت مش بالاف السنين بعشرات الالاف من السنين الاثار السومارية بكلمكم دلوقتي علم اثار لا بكلمكم من التوراة ولا من الانجيل ولا من القرآن علم اثار ملوك سومر القدام. يعني الدولة السومارية منقسمة الى الدولة السومارية القديمة والدولة السومارية حديثة - 00:02:36ضَ

الدولة السومارية القديمة فيها ملك حكم تمانية واربعين الف سنة وملك تاني حاجة واربعين الف سنة واحد حاجة وتلاتين الف سنة واللي اتعمل عليه انقلاب وما لحقش يحكم تمنتاشر الف سنة بيحكم. يعني كلام غريب جدا - 00:02:56ضَ

بعد كده الدولة السومارية الحديثة الناس بتحكم بالتمنميت سنة وبالتسعميت سنة اللي هي ايه مراحل سنية كده قريبة من سن سيدنا نوح. اللي احنا عارفين اللي هو تسعمية وخمسين سنة - 00:03:13ضَ

الله اعلم بقى طبعا فيه مفسرين كتير اتكلموا في الموضوع ده وقالوا يعني قد يكون كانوا بيعدوا اليوم بسنة اما تحسب تمانية واربعين الف آآ يوم يعني بيطلع لك العدد الطبيعي بتاع عمر الانسان الطبيعي اللي هو في حدود التمانين سنة - 00:03:26ضَ

تسعين سنة مية سنة كزلك برضه الدولة الصومالية الحديثة اللي قد يكونوا كانوا بيحسبوا الشهر سنة. الله اعلم. لأ مش مش قادرين نفهمها من الناحية العلمية خالص. ولكن الدولة السومارية ديا في الاثار بتاعتها ان حدث حدث كوني كبير وغرق الناس - 00:03:42ضَ

ثم بدأ عهد جديد على الارض. فيه ناس اعمارهم عادية وانا بكلمكم زي ما بقول لكم من واقع الاثار. الاثار علم الاثار اكتبوا الدولة السومارية هتقروا اشياء في منتهى العجب - 00:04:02ضَ

لزلك ممكن نعتبر نوح وعلى فكرة اسمه ما اسموش نوح اسمه نوح. سيدنا نوح ابو البشرية الثاني هذا بدون مبالغة ان الله اصطفى ادم ونوحا. وما قالش وابراهيم وعمران. قال وال ابراهيم وال عمران على العالمين - 00:04:16ضَ

طبعا كلمة اتقال فيها عدة اراء من آآ اتباعه المؤمنين به عشان كده اللي بيؤيد هزا كلمة يعني وصف ال فرعون ال فرعون مش مش اسرة فرعون المقصود بها اتباعه - 00:04:38ضَ

لزلك احنا في الترجمة بتاعتنا خليناه آآ فوق يعني آآ عمران آآ ابراهيم فوج هتشمل تشمل اسرته وتشمل ايضا اتباعه اللي اتبعوه. قال آآ اللهم صل على محمد وعلى ال محمد. تشمل ذرية سيدنا محمد - 00:04:56ضَ

وتشمل اصحاب سيدنا محمد وتشملنا احنا كمان ان شاء الله. طيب طيب ليه بقى ابراهيم وعمران قال قال ما قالش ابراهيم قلنا ادم ونوح ابو البشرية الاول ابو البشرية التاني. لكن ابراهيم فيه ذرية بقى بينتمي له معزم الانبياء اللي احنا نعرفهم - 00:05:17ضَ

ابراهيم جاب اسماعيل واخوه اسحاق. فمن ابراهيم جاد سلالة من الانبياء من الفرع بتاع اسماعيل جه محمد صلى الله عليه وسلم من الفرع بتاع اسحاق جه يعقوب ومن يعقوب جه بني اسرائيل كلهم - 00:05:42ضَ

ابناؤه الاتناشر هم بني اسرائيل الاسباط ومنهم كل ايه بني اسرائيل بقى بكل انبيائهم يبقى ال ابراهيم بتشمل محمد صلى الله عليه وسلم وتشمل كل انبياء بني اسرائيل بما فيهم السيد المسيح على فكرة - 00:06:00ضَ

ولكن تم تمييز عمران خاصة ليه بقى عمران كان من احبار اليهود. وكان ابو آآ مريم اللي جابت السيد المسيح بولادة عذرية. فبرضه نقدر نقول زي ما قلنا كده ان ادم فيه شيء مميز قوي وهو انه - 00:06:19ضَ

ابو البشر الاول. ابو البشر نوح ابو البشر الثاني. لان كل السلالة منه عمران جه منه آآ امر غريب جه منه آآ آآ سيدنا المسيح عليه الصلاة والسلام اللي ولد بولادة عذرية لم تتكرر - 00:06:36ضَ

فالاربعة اللي ذكروا ربنا اصطفاهم ليكونوا علامات مميزة في تاريخ البشرية. قلنا ادم ابو البشر نوح الاب التاني للبشر. ابراهيم بداية السلالة ذهبية من الانبياء والرسل بالفرعين وعمران هو اللي من نسله جات للسيدة مريم - 00:06:57ضَ

وعلى فكرة السيدة مريم تعتبر في رأي بعض العلماء نبيا بكرة ان شاء الله لما نتكلم في الموضوع ده واقول لكم رأي المؤيدين لنبوة السيدة مريم ورأي المعارضين لنبوة السديمان. بس انتم تبقوا فاهمين ان الطرفين داخل المعسكر السني. يعني اللي قالوا بنبوة السيدة مريم من اهل السنة - 00:07:18ضَ

جماعة منهم احد اكبر المفسرين الامام القرطبي وكاتب الرأي بتاعه في الجمع لاحكام القرآن فهنتكلم في ده بكرة بالتفصيل. لكن نقدر نقول ان عمران مميز لان من نسله جت السيدة مريم - 00:07:38ضَ

وهي آآ وابنها عيسى ابن مريم اللي هو حالة فريدة من نوعها سواء في بداية حياته او في نهاية قصته. مش هقول نهاية حياته نهاية قصته لانه رفع فلزلك عمران تم تمييزه ايضا - 00:07:54ضَ

ال عمران اقرا معي تلاتة وتلاتين واربعة وتلاتين كده ان الله اصطفى ادم ونوحا وال ابراهيم وال عمران على العالمين ذرية بعضها من بعض والله سميع عليم هذا تذكير لاهل الكتاب بعلاقة النبي محمد صلى الله عليه وسلم بانبياؤهم. ذرية بعضها من بعض. هتفرقوا ليه - 00:08:08ضَ

بينهم سيدنا ابراهيم طلب لذريته ان يكون فيهم النبوة وكلنا فاكرين في سورة البقرة واذ ابتلى واذ ابتلى ابراهيم ربه بكلمات فاتمهن. قال اني جاعلك الناس اماما. قال ومن ذريتي قال لا ينال عهدي الظالمين - 00:08:43ضَ

وربنا لم يرفض طلبه جعل النبوة في ذريته ولكن باستثناء الظالمين. يعني هيبقى في ظالمين من ذريتك يا ابراهيم دول لن ينالوا العهد. وطبعا ايامها ما اعرفش حصل لناس كتير منكم زعلت اوي واتصدمت في سيدنا ابراهيم. ازاي يطلب لزريته النبوة؟ هو بيطلب لهم آآ ايه؟ بيطلب لهم مسلا - 00:09:12ضَ

آآ منصب آآ فيه فلوس بيطلب لهم الغنى مين فينا ما يحبش ولاده يبقوا دعاة هادينا مهدين وربنا يهدي بهم. ايه المشكلة؟ انا شايفها شيء منتهى الاخلاص والحب لذريته انا مش شايف في اي مشكلة خالص طبعا يعني - 00:09:32ضَ

المهم ذرية بعضها من بعض طيب اقرا معي كده خمسة وتلاتين وستة وتلاتين اذ قالت امرأة عمران ربي اني نذرت لك ما في بطني محررا فتقبل مني انك انت السميع العليم - 00:09:49ضَ

فلما وضعتها قالت رباني وضعتها انثى والله اعلم بما وضعت وهنا في قراءة والله اعلم بما وضعت وليس الذكر كالانثى واني سميتها مريم واني اعيذها بك وذريتها من الشيطان الرجيم. طيب - 00:10:17ضَ

حن امرأة عمران يقال ان زوجها مات وهي حامل اذ يعني اذكر اذ قالت امرأة عمران يعني اذكر لما امرأة عمران قالت ربي اني نذرت لك ما في بطني محررا فتقبل مني - 00:10:43ضَ

انك انت السميع العليم نظرت انها لما تولد ابنها هتوهبه للعبادة والخدمة في بيت المقدس فهي نذرت الولد للعبادة اذ قالت امرأة عمران ربي اني نذرت لك ما في بطني محررا. يعني ايه محررا - 00:11:12ضَ

محررا من خدمتها لان عند بني اسرائيل الطفل اول ما يبقى مميز وصالح للاستخراب تقدر تقول له رح هات كوباية رح هات طبق ومش هيكسرهم مش يعني يعني مش لازم يبلغ لك - 00:11:36ضَ

ممكن يبقى ناص عنده مسلا ايه سبع تمن سنين كده ماشي يصبح في خدمة ابوه او امه ينزل بقى الغيط مع ابوه والبنت تقف مع مامتها في المطبخ ويعني ايه يبقوا في خدمة الاب والام - 00:11:48ضَ

محررا يعني الاب والام ابنهم من الخدمة علشان يتفرغ لخدمة بيت المقدس. بيتها مقداش بالعبري بيت المقدس عند العرب ده ده كان ده كان مكان العبادة اللي عايز يقول مسلا ايه المسجد بتاع الامة الاسلامية وقتها - 00:12:04ضَ

عند العرب على فكرة البنت لما تبلغ بيبقوا عاوزين يجوزوها فبيعتقوها برضه بيسموا العواتق يعني بيعتقوها من شغل البيت. ما يبقاش بقى ايديها خشنة ومقشفة من غسيل الاطباق ومن التنضيف. لأ. يعتقوها من الشغل ده عشان تربرب كده - 00:12:28ضَ

احلوي ايه يجوزوها بقى. فيسموها العواتق ودول ورد ورد يعني ورد الكلمة دي في الحديث المعروف بحديث العيد اللي هو عن ام عطية قالت امرنا ان نخرج العواتق وذوات الخدور ويعتزلن ويعتزلن الحيض - 00:12:48ضَ

المصلى يعني لما الرسول عليه الصلاة والسلام امر ان كل النساء تيجي حتى الصغيرين حتى العواتق وذوات الخدود كله ييجي على مصلى العيد كان عايز يتكلم مع النساء راح لوحده معه صحابي واحد يقال كان آآ سيدنا ابو بكر واتكلم معهم لوحده. الحديس المعروف المشهور اللي آآ - 00:13:13ضَ

بيسبب الشبهة بتاعة آآ ناقصاته عقل ودين لكن ده كان بيتكلم معهم لوحده مش قدام الرجالة. عشان الرجالة ما يستغلوش الكلمة دي ويقعدوا طول النهار يايه يزلوهم بها لكن كان بيتفرجوا على الشبهة يعني لها فيديو مخصوص. المهم في الحديث ده ام عطية بتقول امرنا ان نخرج العواتق وذوات الخدور - 00:13:33ضَ

يعني ايه ؟ البنت العتيق يعني لما تكبر آآ يتعمل لها اه اه قلنا العتيق اللي هي بتعتق من الخدمة في البيت عشان ايه تحلو كده وايه وتتجوز بقى ماشي؟ لو كبرت شوية كمان ولسه ما - 00:13:56ضَ

بيتعمل لها خباء جوة البيت ستارة عشان ما تنامش بقى قدام اخواتها الولاد وما ينفعش خلاص بقى كبرت البنت. فبقت مخدرة. يعني ايه مخدرة؟ المخدرات اسمها مخدرات لانها بتغطي العقل بتذهب العقل. فدي بتبقى مخدرة يعني بيتعمل لها خدر بيتعمل لها حجاب. يحجبها - 00:14:14ضَ

يعني زي طول النهار بقى قاعد بقى بتسرح شعرها وبنوتة بقى خلاص بقى بيتربى فيها الانوثة يعني وده على فكرة سر عدم وجود الشذوذ في المجتمعات العربية البدوية في الوقت ده لان الذكور كانوا بيتربوا على الخشونة ويروحوا يتربوا في البادية ويرضعوا في البادية ويتعلموا اللغة العربية في - 00:14:36ضَ

ويركبوا الخيل ده ده يعني العيل كان يبقى عنده تلات اربع سنين وبيركب خيل والبنات كانوا بيتربوا على الانوثة والنعومة ماشي؟ المهم نرجع لبني سؤال بس اللي خدني للموضوع دوة هو الكلام عن محررا - 00:14:55ضَ

بني اسرائيل بقى ام مريم قبل ما تولد يقال انها شاخت شاخت يعني اصبحت شيخة كبرت في السن جدا فوق التسعين ولم تنجب وشاف الطير بيأكل طيور وهي قاعدة في مرة تحت شجرة - 00:15:10ضَ

وتحركت جواها الغريزة بتاعة الامومة ودعت ربها يعطيها ولد ونذرت انها تهب الولد معتقدة انه هيبقى ابن تهبوا للعبادة والخدمة في بيت المقدس لكن صيغة الاية ما بتقولش المعنى ده - 00:15:27ضَ

شف صيغة الاية خمسة وتلاتين ده ده التفسير اللي انا قريته لكن اذ قالت امرأة عمران ربي اني نذرت لك ما في بطني محررا. فتقبل مني انك انت السميع العليم - 00:15:48ضَ

خلي بالك ما في باطني. يعني هي برضو متوقعة يعني هناك نسبة مش قليلة انها ممكن تبقى بت يعني خمسين في المية ممكن تبقى بنت. نذرت ما في بطنها يعني بعد ما حملت - 00:16:05ضَ

نظرت انها تهب ما في بطنها مش يعني مش نظرت قبل ما تحمل ما قالتش يا رب لو حملت هحرر الايه الولد ويبقى آآ خادم في آآ بيت المقدس. لأ - 00:16:18ضَ

هي بعد ما حملت وهبت ما نزرتش. وهبت ما في بطنها ايه ده ولم تشترط على الله انها تحمل الاول. عايز اقول لكم هي من ضمن النبيات اللي في الديانة اليهودية عندهم تمن نبيات - 00:16:35ضَ

منهم آآ هذه المرأة الصالحة حنا فواضح انها وهبت الولد بمنتهى الاخلاص. منتهى الاخلاص. وبعدين حصلت المفاجأة ستة وتلاتين فلما وضعتها قالت ربياني وضعتها انثى والله اعلم بما وضعت وليس الذكر كالانثى - 00:16:53ضَ

واني سميتها مريم واني اعيذها بك وذريتها من الشيطان الرجيم. لما ولدت وولدت بنت وهم مش بيوهبوا البنات للخدمة في المسجد الذكور بس في قراءة ابن عامر ويعقوب وشعبة شعبة ده مهم اوي لان شعبة ده اخو اخو حفص في القراءة. يعني الامام عاصم اقرأ شعبة واقرأ حافص - 00:17:15ضَ

فشعبة القراءة بتاعته اخت قراءة حفص اللي احنا بنقراه فلما وضعتها قالت ربي اني وضعتها انثى والله اعلم بما وضعت. هي اللي بتتكلم. وليس فالذكر كالانثى. يبقى كل ده كان كلامها ايه - 00:17:38ضَ

هي اللي بتقول ربنا اعلم انا وضعت بنت فيه عندها نبرة احباط محبطة. اهي كانت عايزة توهب المولود للبيت المقدس وبتقول البنت مش زي الولد من ناحية انها ما بتتوهبش للعبادة والخدمة في بيت المقدس - 00:17:58ضَ

لكن في قراءة الجمهور وقراءة حفص والله اعلم بما وضعت. يعني ربنا هو اللي بيتكلم وبيقول انه يعلم انها وضعت بنت وليس الذكر كالانثى. بص الجمال بقى. يعني ليس الذكر التي التي كانت تتمناه - 00:18:15ضَ

كالانثى التي وهبتها لها هي كانت عايزة دكر عشان توهبه طب ليس الذكر اللي انت كنت عايزاه كالانثى اللي اديتها لك هي مش عارفة هي انجبت مين الانثى اللي انجبتها وزعلانة قوي دي - 00:18:34ضَ

تبقى اطهر نساء العالمين هي مش عارفة هي كانت شايلة مين في بطنها اقرا كده الاية اتنين واربعين. اطلع بس يعني خمس آآ ايات لقدام واذ قالت الملائكة يا مريم ان الله اصطفاك وطهرك واصطفاك. تاني على نساء - 00:18:50ضَ

العالمين انحنى امرأة صالحة اه وكانت عايزة توهبها للخدمة والعبادة لكن اللي حصل هنشوف بقى الحلقة الجاية حصل ايه لكن سمت البنت ايه ؟ مريم مريم يعني امة السيد مار يعني السيد. زي ما تلاقي كده - 00:19:14ضَ

القساوسة او في لبنان وفي الشام وفلسطين. مار الياس مار مش عارف مار يعني السيد كزا. اللي هو اسماء الايه اللي هم زي القديسين عندهم يعني. فكلمة مار يعني السيد - 00:19:38ضَ

ماري امة السيد امة الرب زي ما احنا بنقول مسلا ايه امة الله فسميتها امة الرب امة السيد واني سميتها مريم واني اعيذها بك وذريتها من الشيطان الرجيم بسبب الاستعاذة دي خلي بالك بقى - 00:20:01ضَ

قال النبي صلى الله عليه وسلم ان بنتها مريم هي وابنها اني اعيذها بك مريم. وذريتها من ذريتها ما كانتش تعرف. المسيح عيسى ابن مريم هم الاتنين عاذتهم من الشيطان اعاذتهم بالله من الشيطان - 00:20:22ضَ

بسبب هذه الاستعاذة يقول النبي صلى الله عليه وسلم ما من مولود يولد الا نخسه الشيطان فيستهل صارخا من نخسة الشيطان الا ابن مريم وامة ثم قال ابو هريرة راوي الحديث اقرؤوا ان شئتم واني اعيذها بك وذريتها من الشيطان الرجيم - 00:20:44ضَ

يعني اقل حاجة الشيطان بيعملها ولا ينجو منها بشر انه يدايق المولود الصغير اول ما يطلع من بطن امه فيصرخ عند الولادة دي ما حصلتش لا لمريم ولا لابنها بسبب دعاء هذه المرأة الصالحة - 00:21:11ضَ

واني اعيذها بك وذريتها من الشيطان الرجيم التدبر هنا يعلمنا ايه التدبر هنا هتتدبر ايه! هتتدبر ايه يا عم! ده انت جايب لي التفاصيل بتاعة قصة ما لناش دعوة بها. لأ ازاي - 00:21:30ضَ

الزمالك ما لكش دعوة بها مين المرأة اللي دعت ربنا دي وربنا استجاب لدعائها كده وحفز زريتها من الشيطان للدرجة دي دي لا نبية. انا طبعا عند اليهود هي نبي. ولا زوجة نبي. يعني جوزها مش نبي. ولا صديقة ولا مشهورة. ولا نعرف عنها حاجة اصلا. يعني حتى اسمها احنا ما نعرفوش - 00:21:45ضَ

حنا ده الاسم اللي ذكر في كتب ال الكتاب فبنستخدمه والله اعلم صح ولا غلط اصلا يعني مش حد مشهور لكنها مخلصة دعت ربنا باخلاص فاستجاب لها ربنا لدرجة ان ذريتها المباشرة والغير مباشرة كمان ربنا حفزهم من كل سوء - 00:22:03ضَ

بقى اللي ربنا حفظوا من نغسة الشيطان اللي ما فيش حد نجى منها ولا الانبياء كلهم ربنا هيتركه يتصلب المباشرة مريم بنتها. والغير مباشرة لمسيح عيسى ابن مريم ده يعلمنا ان دعاء الانسان المخلص ليس بينه وبين الله حجاب - 00:22:26ضَ

اسمعوا بقى الحديث ده قال رسول الله صلى الله عليه وسلم يستجاب لاحدكم ما لم يعجل فسئل ما يعجل ازاي يا رسول الله؟ قال يقول قد دعوت ربي فلم يستجب لي - 00:22:50ضَ

عارف اللحظة اللي انت بتقول فيها عمال ادعي بقى لي سنين وربنا ما استجاب ليش. اهي دي اللحزة اللي كانت قبل الاستجابة وانت بكلمتك دي اجلت الاستجابة الاخطر من الكلمة شعورك - 00:23:10ضَ

انك انك اهل للاستجابة لك الشعور اخطر من الكلمة اللي انت قلتها. شعورك بالاستحقاق شعورك انك انسان صالح انسان تقي. تستحق ان ربنا يستجيب لك يا جماعة احنا بنسمي نفسنا ملتزمين. يقول لك انا التزمت وانا في الجامعة - 00:23:27ضَ

لا بجد يعني انت ملتزم؟ اه طبعا انا ملتزم لو بنعرف نكتب الشعر كنا كتبنا شعر في نفسنا. ده احنا قمر ده احنا نقول للصحابة قوموا واحنا نقعد مكانكم بالله عليكم في حد من الصحابة سمى نفسه ملتزم او قال على نفسه متدين انا من يوم ما بقيت متدين انت بقيت متدين حضرتك مبروك امتى - 00:23:48ضَ

كل الصالحين لما تقرأ سيرهم تجدهم غير راضين عن نفسهم يعني من حكم ابن عطاء الله السكندري اسمعوا بقى الكلام كلام يتكتب بماء الدهب بيقول اصل كل معصية وغفلة وشهوة - 00:24:09ضَ

الرضا عن النفس راضي عن نفسك اول ما ترضى عن نفسك اعرف انك هتقع في معاصي. والغفلة والشهوة واصل كل طاعة ويقظة وعفة عدم الرضا منك عنها. عدم رضاك عن نفسك واحساسك بالتقصير هو اللي هيسبب الطاعة واليقظة والعفة - 00:24:34ضَ

لان تصحب جاهلا لا يرضى عن نفسه خير لك من ان تصحب عالما يرضى عن نفسه الرسول صلى الله عليه وسلم نفسه النبي عليه الصلاة والسلام لم يكن يرى انه يستحق الجنة بعمله - 00:24:59ضَ

مع ان عمله ودعوته وجهاده كانت سبب في دخول مليارات الناس في الاسلام ومع زلك لم يكن راضيا عن نفسه يقوم الليل حتى تتورم قدماه. السيدة عائشة تقول له ريح شوية - 00:25:18ضَ

انت خلاص ربنا غفر لك ما تقدم من ذنبك وما تأخر بتعمل في نفسك كده ليه؟ يقول لها افلا اكون عبدا شكورا احنا ورثنا اشياء ليست من الدين. بل هي ضد الدين ونظن انها من الدين. ورثنا الرضا عن النفس - 00:25:32ضَ

شايفين نفسنا ملتزمين شايفين نفسنا متدينين. شايفين نفسنا احسن من غيرنا. ايش عرفك اللي في القلب عامل ازاي اول ما واحد من الجماعة اللي واقعين دول بيموت نبدأ نبعته على النار بقى. يا رب ده هيخش النار. يا رب ده هيخش النار. انت ما لك؟ انت ايش عرفك انت داخل فين - 00:25:48ضَ

كفاية تألي كل ما تشعر انك راضي عن نفسك وعن عبادتك تذكر النعم النعمة اللي انت غرقان فيها. ومش شاعر بقيمتها اصلا انا عارف كلامي مزعج ولتاني مرة بضايقكم في اسبوع. انا عارف والله. عشان كده الفيوز قليلة على الفيديوهات بتاعة عشان خاطر بتضايق الناس - 00:26:06ضَ

لكن صديقك من صدقك لا من صدقك ربنا رحمن رحيم. اه شف الاية انت ربنا قال لك ربنا اه اجبرك انك تتذكر ان هو الرحمن الرحيم سبعتاشر مرة كل يوم على الاقل وانت - 00:26:26ضَ

تقرا الفاتحة في السبعتاشر ركعة في الخمس صلوات الحمد لله رب العالمين. الرحمن الرحيم. لكن وراها على طول ما لك يوم الدين. ليه؟ عشان الرحمن الرحيم تعطيك الامل والنشاط عشان تستمر في العمل وفي العبادة وفي الاجتهاد - 00:26:40ضَ

بس ما تركنش علي لان فيه يوم دين انت ما انتش ضامن الجنة ولا انت ضامن النجاة من النار. ربنا يا رب ينجينا كلنا من النار وكل عام وانتم بخير بمناسبة اه العيد - 00:26:59ضَ

ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على - 00:27:14ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا - 00:27:36ضَ

لك وسعينا كله في مرضاتك اللهم اجعل القرآن الكريم رابع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:28:06ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف في كتابك كلوناه او تدبرناه اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك - 00:28:27ضَ

اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد رميهم - 00:28:47ضَ

رمية عدوهم وكن مع اخواننا في تركستان الشرقية وفي كشميرا وفي الشام وفي سريلانكا وفي الهند انصر من نصرهم واخذل من خذلهم وطهرهم في المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم من قضى منا بالوباء المنتشر فاكتبها له - 00:29:03ضَ

وشهادة. ومن كان منا او من احبابنا او من اخواننا او من اخواتنا او من مشايخنا مريضا به او حاملا له فالبسه ثوب الصحة والعافية عاجلا غير اجل ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك - 00:29:23ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها. واهدها سبلها. واملأها - 00:29:43ضَ

بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك وامتها يا مولانا لنا على الشهادة في سبيلك انك نعم المولى ونعم النصير. وصلي اللهم وسلم على سيدنا محمد وعلى اله - 00:30:03ضَ

وصحبه ومن تبع هداه. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:30:23ضَ