باحث

السلام عليكم ورحمة الله وبركاته اهلا بحضراتكم في المقطع رقم سبعمية تلاتة وسبعين من مقاطع حظر التجول وفي الحلقة الخامسة عشر من حلقات تدبر سورة ال عمران. ارجو من حضراتكم تجيبوا المصاحف - 00:00:00ضَ

واقرأ معي ان شئت من الاية اتنين واربعين. النهاردة احنا هناخد تلات ايات قصيرين كده وبكرة نفس الكلام ان شاء الله اقرأ معي اعوذ بالله السميع العليم من الشيطان الرجيم - 00:00:24ضَ

واذ قالت الملائكة يا مريم ان الله اصطفاك وطهرك واصطفاك على نساء يا مريم قنتي لربك واسجدي واركعي مع الراكعين ذلك من انباء الغيب نوحيه اليك وما كنت لديهم اذ يلقون اقلامهم ايهم يكفل مريم - 00:00:39ضَ

وما كنت لديهم اذ يختصمون يعني ايه واذ واذ واذ قالت الملائكة واذ اذ يعني اذكر واذكر لها عدة معاني اذكر يعني افتكر تذكر يعني ده خد انت العبرة وايضا اذكر اذكر للناس. اذكر للصحابة بتوعك اذكر للناس. يعني احكي لهم عنها - 00:01:18ضَ

واذ قالت الملائكة اذكر لنفسك وخد العبرة واذكر للناس عشان ياخدوا العبرة لما الملائكة كلمت مريم. تمام كده ؟ طيب. بس الواو دي واو عطف واذكر واذ قالت الملائكة معطوفة على ايه بقى - 00:01:54ضَ

واذ قالت الملائكة يا مريم عطف قصة على قصة عطف قصة مريم على قصة امها. امرأة عمران امر عجيب اوي. امر هذه العائلة. ما احنا فاكرين بقى امرأة عمران ها - 00:02:15ضَ

آآ نجيب الاية اللي قبلها نشوف كده آآ شوف يا سيدي اهي اذ قالت امرأة عمران ربي اني نذرت لك ما في بطني محررا فتقبل مني. الاية خمسة وتلاتين بيعطف عليها دلوقتي قصة بنتها بقى. اللي هي خلفتها - 00:02:29ضَ

واذ قالت الملائكة يا مريم ان الله اصطفاك وطهرك. امر عجيب اوي امر هذه العائلة الحقيقة امرأة عمران تتمنى انها تحمل متخلف واختها امرأة زكريا تتمنى تحمل وتخلف يعني مش بيثبت لها حمل - 00:03:08ضَ

فبتسقط كل ما تحمل وقبلهم سارة زوجة سيدنا ابراهيم قالت عجوز عقيم. ايضا كانت تتمنى تخلف بالنسبة لهم الحمل والولادة نعمة كبيرة للسعادة. بالنسبة لمريم هذا الخبر عبارة عن مصيبة. يعني بنت مش متزوجة هتحمل ازاي. وفي مجتمع من المتدينين وعايشة في بيت زكريا النبي بتاع هذا الزمان - 00:03:29ضَ

يعني كارثة من جميع النواحي يبقى يقولوا لك مصائب قوم عند قوم فوائده نفس ما تتمناه انت بالنسبة لغيرك ممكن يكون مصيبة المهم نرجع للقصة. الواو دي واو العطف بتقول لك اربط القصص ببعضها - 00:03:54ضَ

قصة زكريا خلي بالك بقى لما نيجي نربط القصص ببعضها هنجد مسلا ان زكريا طلب اية قال ايه بص في الاية واحد واربعين قال رب اجعل لي اية. قال ايتك الا تكلم الناس ثلاثة ايام الا رمزا - 00:04:16ضَ

تمام لكن مريم لم تطلب اية فجعلها الله هي الاية مريم اية للعالمين. في سورة الانبياء اللي فيكم فاكر من اوائل السور اللي تدبرناها في اول سنة والتي احصنت فرجها فنفخنا فيها من روحنا وجعلناها اية للعالمين - 00:04:35ضَ

ربنا جعل مريم هي الاية اية للعالمين كانت صديقة لدرجة انها كلمة صديقة اه باسلوب توكيد عن طريق المبالغة في الصدق انتم عارفين ان اسم مريم هو اسم المرأة الوحيد اللي ذكر في القرآن الكريم - 00:05:05ضَ

ذكرت ذكرت خمسة وتلاتين مرة يعني الضعف عدد ذكر اسمها في الانجيل وبعد كده ييجي واحد متخلف بيقول لك آآ النبي بتاعكم هو اللي كتب القرآن وادعى انه من عند الله. طب ازاي - 00:05:27ضَ

يعني ليه وهو اول ما ارسل ارسل وقعد تلتاشر سنة في مكة بيكلم العرب ما فيش يهود هناك. ولا مسيحيين يستفزهم ليه ؟ بانه يسمي سورة كاملة على اسم امرأة. والعرب اصلا آآ ما بيحبوش النساء. يعني النساء - 00:05:45ضَ

عندهم في الوقت ده لو كانوا جهلة قبل الاسلام. فالنساء عندهم درجة تانية مواطنين درجة تانية وكمان امرأة مش عربية ده من بني اسرائيل واصلا في عداء تاريخي بين اليهود وبين العرب حتى من قبل الاسلام - 00:06:02ضَ

ليه يخش يستفزوهم بانه يسمي اه صورة كاملة على اسم واحدة من بني اسرائيل. وامرأة طيب مين فيكم يقدر يقرا لنا كده ايتين من سورة امنة طب حد يقول لي اكتب لي كده ايتين من سورة خديجة - 00:06:15ضَ

او صورة فاطمة يعني معقول هيكتب هو الكتاب ده ما يذكرش اسم امه ولا مرة ما يذكرش اسم آآ السيدة خديجة بنت خويلد اللي ساندته في اوقات الشدة. وهي اول من صدقه اول من امن ولا - 00:06:34ضَ

مرة ويذكر اسم امرأة من بني اسرائيل اللي هي ام المسيح خمسة وتلاتين مرة ما يزكرش اسم بنته فاطمة الزهراء اللي بيحبها وام الحسن والحسين اللي كان بيسميها ام ابيها من كتر حنانها عليه. كان لما تبقى جاية له ومتوقعها جاية كان ينتزرها خارج البيت مش جوة البيت مش قادر ينتزر داخل البيت - 00:06:54ضَ

يقابلها يقبلها في رأسها ما يزكرش اسمها ولا مرة شوفتوا ايه؟ ده شيء يعني حتى الناس اللي بتهاجم الاسلام بتهاجم بغباء نرجع للاية اتنين واربعين واذ قالت الملائكة يا مريم ان الله اصطفاك وطهرك واصطفاك على نساء العالمين - 00:07:18ضَ

هو جبريل اللي كلمها لكن ذكر ان الملائكة كلمتها خلي بالك بقى ذكر الملائكة كلمتها ده فيه تأكيد ان الوحي ده من الله كان عن طريق الملائكة. ولم يأت الكلام مبهما - 00:07:42ضَ

زي حالة ام موسى يعني ربنا قال ايه؟ واوحينا الى ام موسى لكن ما قالش ازاي اوحالها. فقد يكون وحي الهام وحي من ام. لكن هنا الوحي عن طريق الملائكة وربنا ربنا ربنا قال واذ قالت الملائكة - 00:08:00ضَ

تأكيد ان هذا الوحي كان عن طريق الملائكة ايضا نلاحز انه اصطفاك تكررت مرتين ابن عاشور ذكر في التحرير والتنوير ده اه من افضل التفسير. في رأيا هو افضل تفسير - 00:08:17ضَ

ذكر ان تكرار الاصطفاء تأكيد على انه اصطفاء على نساء العالمين هذا دليل النبوة والاصطفاء التاني بانه جعل حملها وولادتها اية للناس هي التي حملت في الانسان الوحيد اللي ولد بدون اب - 00:08:36ضَ

اصطفيت مرتين مرة بان هي التي ستحمل السيد المسيح ومرة تانية اصطفيت بانها انها آآ نبية يا مريم ان الله اصطفاك وطهرك واصطفاك على نساء العالمين يا مريم كنت لربك واسجدي واركعي مع الراكعين - 00:08:56ضَ

هل مريم ما كنتش بتقرض كفاية يعني القنوط قلنا التعبد بخشوع مدد طويلة ما كتش بتصلي كفاية واسجدي واركعي ما كتش بتركع كفاية وبتسجد كفاية! يعني ليه الملائكة تقول لها يا مريم - 00:09:33ضَ

اقنوتي لربك اسجدي واركعي مع الراكعين هي ما كانتش تتعبد كفاية يعني ولا ايه عارفين لما واحد يقول لابنه زاكر زاكر حاجة من اتنين يا اما ابنه مش بيزاكر فبيقول له زاكر - 00:09:48ضَ

يا اما ابنه بيزاكر قليل فبيقول له زاكر اكتر. او الحاجة التالتة ايه بقى ان ابنه بيزاكر كويس جدا وابوه معجب به جدا. فمن اعجابه وهو بيشوفه بيزاكر يقول له زاكر زاكر - 00:10:06ضَ

فده اعجاب من الملائكة بقنوت السيدة مريم. ما نقولش السيدة بقى هي هي بنت حتى لسه صغيرة بقنوت مريم وبركوع وسجود وطول السجود وطول الركوع وكثرة الصلاة بتاعة مريم. فبيشجعوها من باب التشجيع ويقولوا لها - 00:10:22ضَ

ايه يا مريم اقنطي لربك واسجدي واركعي مع الراكعين مع الراكعين قالوا عليها ان معناها صل صلاة جماعة كمان. يعني صل بقى في المسجد صلاة الجماعة خلي بالك نقول بيت المقدس يعني المسجد الاقصى في بيت المقدس اللي بناه سيدنا سليمان. على فكرة فهذا المسجد مسجد الاسلام - 00:10:40ضَ

في اي امة بقى امة بني اسرائيل امة آآ بني اسماعيل المهم انها هذا هذا مسجد المسلمين زي كده اما نقول مسلا ايه ايا صوفي هو المسجد بتاع الدولة بيغلب عليها مين هو ده المسجد بتاعها. طيب - 00:11:07ضَ

ده يرجعنا على فكرة اما يقولوا لها اقنطي لربك واسجدي واركعي مع يرجعنا لصفات المتقين. اللي خدناها في الاية سبعتاشر تربط ربط الصورة ببعضها الصابرين والصادقين والقانتين والمنفقين والمستغفرين بالاسحار - 00:11:25ضَ

هي بقى يا لولا يا مريم اقنتي لربك واسجدي واركعي مع الراكعين اخر اية ذلك من انباء الغيب نوحيه اليه. هنا الكلام بقى اللي سيدنا محمد عليه الصلاة والسلام ربنا بيقول له ذلك من انباء الغيب نوحيه اليك يا محمد - 00:11:51ضَ

وما كنت لديهم اذ يلقون اقلامهم ايهم يكفل مريم وما كنت لديهم اذ يختصمون ذلك من انباء الغيب نوحيه اليك. معناها ان التفاصيل القصة دي لا يمكن معرفتها الا عن طريق الوحي - 00:12:15ضَ

تفاصيل هذه القصة تغيب عن الناس. ومش معروفة او لا يوجد طريق لنعرف التفاصيل القصة دي الا بوحي من الله قد يكون القصة دي موجودة ولكن بشكل مختلف او بشكل محرف - 00:12:39ضَ

وذلك من انباء الغيب نحيه اليك. دي من الحاجات اللي مش معروفة حقيقتها انا بقى بقولها لك دلوقتي يا محمد ده الحقيقي وما كنت لديهم اذ يلقون اقلامهم ايهم يكفل مريم - 00:12:52ضَ

انت ما كنتش معهم لما كانوا بيتخانقوا مع بعض كل واحد منهم عاوز هو اللي يكفل مريم وما كنت لديهم اذ يلقون اقلامهم ايهم يكفل مريم وما كنت لديهم اذ يختصمون - 00:13:09ضَ

بقوا خصوم لبعض بقوا بيتخانقوا مع بعض كل واحد عايز هو اللي يكفلها عايزين نفهم الموقف ده. هو ما كنت لديهم اذ يلقون اقلامهم منزر كان عجيب وهم مجموعة رجالة كده بيتنازعوا مين لا يكفلها - 00:13:25ضَ

هيصرف عليها عارفين لما مجموعة من الرجالة كده الاصحاب الكرام يروحوا ياكلوا مع بعض في مطعم وبعد كده الشيك ييجي في الاخر فيقوم ويشدوا الشيك من بعض كل واحد عايز هو اللي يدفع يدفع للتاني منزر حلو - 00:13:40ضَ

اللي هو بيتخانقوا مين اللي هيتكلف؟ مين اللي هيكفلها قيل لان ابوها كان رئيسهم اه يمكن برضه لانها بنت حنا واليهود بيعتبروا حنا نبية يا بنت نبية ومن كنت لديهم اذ يختصمون بيشدوا مع بعض من كتر الكرم بتاعهم. فشوف الصورة الموضوعية اللي القرآن بيرسمها عن بني اسرائيل - 00:13:56ضَ

اللي بيسيء فيهم بيذكر اساءته. يعني ربنا مسلا قال ايه في الاية تلاتة وتسعين في سورة البقرة قالوا سمعنا وعصينا واشربوا في قلوبهم العجل بكفرهم لما بيسيئوا ربنا بيذكر اساءتهم كما هي - 00:14:22ضَ

ولما بيحسنوا لما حد منهم بيحسن واخلاقه تبقى حلوة كده ربنا بيذكر هذا بطريقة ايجابية ايضا جدا ذلك من انباء الغيب نوحيه اليك وما كنت لديهم اذ يلقون اقلامهم ايهم يكفل مريم وما كنت لديهم اذ يختصم - 00:14:43ضَ

زكريا قال لهم يا جماعة خالتها زوجتي وانا اولى بها انا اللي هكفلها ما فيش فايدة كلهم مصرين ينالوا هذا الشرف. المهم عملوا قرعة القوا اقلامهم يقال القوها في الماء الجاري - 00:15:03ضَ

الاقلام اللي بيكتبوا بها التوراة دول كلهم احبار ربايز يعني فالقوة في الماء الجاري والم زكريا جري اسرع من الالم بتاعهم فوقعت من نصيب زكريا هو وده بقدر الله ان ربنا هو اللي قدر ان يكفلها زكريا. لو تفتكروا امبارح اخدنا في الاية سبعة وتلاتين - 00:15:19ضَ

فتقبلها ربها بقبول حسن وانبتها نباتا حسنا وكفلها زكريا. فربنا كفلها زكريا بالطريقة دي. عملوا قرعة والقرعة وقعت على زكريا ليه عشان يدخل عليها المحراب ويجد عندها رزقا ويسألها انى لك هذا؟ وتقول له هو من عند الله. هنالك دعا زكريا فيدعو الله انه يهب له غلام. فربنا يستجيب له - 00:15:38ضَ

وتبشر الملائكة بيحيى احد اهم انبياء بني اسرائيل ابن خالة السيد المسيح اللي عمد السيد المسيح في نهر الاردن من الشخصيات المهمة جدا اللي يقرأ في التاريخ المسيحي وما يسمى بالكنيسة بتاريخ الكنيسة والكلام ده يجد يوحنا المعمدان شخصية اساسية - 00:16:08ضَ

النقوش المسيحية في كل الكنائس بترسم دايما يوحنا المعمدان ايضا بتلاقي واحد لابس خيش لابس كده لبس زاهي جدا ده يوحنا المعمدان قديس كبير عندهم وهو معروف طبعا وعلى فكرة - 00:16:32ضَ

كان له نشاط مش بس في العبادة وفي الجهاد في سبيل الله. بل وكان عضوا في جماعة تسمى حماس من يبحث في التاريخ المسيحي يجد يحيى اللي هو يوحنا المعمديان له حضور قوي جدا - 00:16:49ضَ

وطبعا اسمه آآ في في كتبهم يوحنا المعمداني ذلك من انباء الغيب نوحيه اليك وما كنت لديهم اذ يلقون اقلامهم ايهم يكفل مريم وما كنت اذ يختصمون نتوقف هنا الليلة - 00:17:05ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا وامواتنا - 00:17:29ضَ

ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل - 00:17:49ضَ

في اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:18:17ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف في كتاب تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم - 00:18:42ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخوانك - 00:19:02ضَ

في تركستان الشرقية وفيه كشمير وفي الشام وفي الهند وفي سريلانكا وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا - 00:19:18ضَ

ربنا ختم القرآن فيه اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا - 00:19:33ضَ

مريضا به او حاملا له فالبسه ثوب الصحة والعافية. عاجلا غير اجل. ومن لم يصب به فقه شره وابعده عنه. ولا يسلط الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحد - 00:19:46ضَ

عدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنور الذي لا يخبو واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:20:12ضَ

وصلي اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:20:39ضَ