باحث

السلام عليكم ورحمة الله وبركاته. اهلا بحضراتكم في المقطع رقم سبعمية وتمانين من مقاطع حظر التجول والحلقة الثانية والعشرون من حلقات تدبر سورة ال عمران ارجو من حضراتكم تجيبوا المصاحف - 00:00:02ضَ

وافكركم ان احنا تدبرنا امبارح قول الله تعالى اقرا معي من تسعة وستين لواحد وسبعين ال عمران اعوذ بالله السميع العليم من الشيطان الرجيم ودت طائفة من اهل الكتاب لو يضلونكم وما يضلون الا انفسهم وما - 00:00:26ضَ

ايشعرون يا اهل الكتاب لم تكفرون بايات الله وانتم تشهدون يا اهل الكتاب لم تلبسون الحق بالباطل وتكتمون الحق وانتم تعلمون وقلنا ان اهل الكتاب بيعملوا كل ما في استطاعتهم - 00:00:48ضَ

من اجل اضلال المسلمين واخراجهم من دينهم وانا اسف يعني في اللفز بس وصلت الوضاعة ببعضهم انهم يدعوا انهم اسلموا وبعدين يرتدوا عن الاسلام عشان يشككوا والمسلمين في دينهم. اقرا بقى معي الاية اتنين وسبعين. ومن هنا بنبدأ تدبر آآ ايات حلقة الليلة - 00:01:15ضَ

وقالت طائفة من اهل الكتاب امنوا بالذي انزل على الذين امنوا وجه النهار واكفروا اخره لعلهم يرجعون ولا تؤمنوا الا لمن تبع دينكم عاوزكم بقى تركزوا جدا لان الايتين دول من اصعب الايات في القرآن في تفسيرهم. وفي وقفاتهم - 00:01:40ضَ

مجموعة من يهود المدينة وجدوا انهم لما بيهاجموا الاسلام هجومهم مش بيؤثر في المسلمين. لان طبيعي واحد يهودي اكيد هيهاجم الاسلام يعني. متوقع ايه؟ يعني هيقول شعر في الاسلام طب ما طبعا هيهاجم الاسلام - 00:02:07ضَ

لكن لما نسمع كمسلمين بقى ان واحد مسلم ارتد عن الاسلام بعد ما امن وبعدين نزل فيديو بنجري على اليوتيوب نشوفه هو بيقول ايه بالتالي تأثير المرتد عن الاسلام اكبر - 00:02:23ضَ

لان مش متوقع ان واحد مسلم يخرج وكمان يهاجم الاسلام الغير مسلم بنقول له انت بتهاجم الاسلام لانك ما جربتوش لكن المرتد ما نقدرش نقول له كده. طب ما هو جربه اهو - 00:02:40ضَ

يقول لك انا كنت مسلم وما شفتش يوم حلو في الدين ده بالتالي هم قرروا يدخلوا الاسلام ويرتدوا عشان يبقى اسمهم مسلمين سابقا عشان يهزوا المسلمين من جوة لما يتكلموا ويهاجموا - 00:02:56ضَ

خدتوا بالكم من الايه؟ من المؤامرة وقالت طائفة من اهل الكتاب امنوا بالذي انزل على الذين امنوا وجه النهار واكفروا اخره لعلهم يرجعون ولا تؤمنوا الا لمن تبع دينكم وبالفعل - 00:03:12ضَ

كان في منافقين على فكرة كثير من المنافقين كانوا من اليهود ما كانوش من الاوس والخزرج. المعزم يعني مش نص المنافقين تقريبا. كانوا اصلا يهود يهود تظاهروا بالاسلام عشان يطعنوه من جوة. او عشان يحققوا مكاسب - 00:03:32ضَ

خلاص المسلمين بقوا هم يعني الحكام فهم بصوا لو تتذكروا احنا تكلمنا عن الموضوع ده في سورة البقرة اقرا معي الاية ستة وسبعين في سورة البقرة واذا لقوا الذين امنوا قالوا امنا واذا خلا بعضهم الى بعض قالوا اتحدثونهم بما فتح الله عليكم - 00:03:49ضَ

ليحاجكم به عند ربكم افلا تعقلون يعني هم لما يكونوا مؤمنين فعلا لكنهم منافقين تضارب الاسلام واختلفوا مع بعض. لان بعضهم لما اعلن اسلامه بدأ يحدث المسلمين ويؤكد لهم دلائل نبوة النبي - 00:04:20ضَ

دلائل نبوة النبي صلى الله عليه وسلم في التوراة وحصل خلاف بينهم واحد منهم بيقول يعني واحد يبقى يقول التاني ايه الغباء ده ولا حد يعمل كده حد يدل الناس على الادلة بتاعة آآ آآ صدق النبوة اللي عندنا في التوراة - 00:04:42ضَ

خدت بالك بقى فهم اختلفوا مع بعض كمان بعد ما دخلوا الاسلام. بس الملاحز في الايتين بقى آآ اية البقرة اللي احنا قدامها دي واية ال عمران هو انهم معترفين بصدق نبوة النبي عليه الصلاة والسلام - 00:05:01ضَ

يعني هم عارفين الحق كويس اوي وبرضو مش بيتبعوه. الاية الاية ستة وسبعين في البقرة بيقول ايه اتحدثونهم بما فتح الله عليك ليحاجوكم به عند ربكم يعني معقول تروحوا تقولوا لهم الادلة اللي على صدق الدين بتاعهم اللي هو الاسلام على صدق القرآن على صدق النبي - 00:05:18ضَ

عشان يروحوا قدام ربنا يستخدموا المعلومات دي في المناظرة ضدكم ويكسبوكم يعني شف بقى كل اللي فارق معهم ان المسلمين هيستخدموا المعلومات اللي عرفوها منهم لما يقفوا قصادهم قدام ربنا. لكن مش فارق معهم حسابهم عند ربنا اصلا - 00:05:40ضَ

ليه ؟ بعدها بتلات ايات الاية تمانين في البقرة وقالوا لن تمسنا النار الا اياما معدودة. لان في النهاية خالص ما فيش يهودي هيقعد في النار غير كم يوم من امن العقوبة اساء الادب - 00:05:57ضَ

فهم مؤمنين انهم لو اتعاقبوا عقابهم هيبقى كم يوم بس في النار وخلاص تمام يبقى هم في اية البقرة واضح ان هم عارفين الحق مع النبي محمد صلى الله عليه وسلم - 00:06:13ضَ

وفي اية ال عمران نفس الكلام. اسمع بقى شف بقى الصياغة بتاعة ال عمران وقالت طائفة من اهل الكتاب امنوا بالذي انزل على الذين امنوا يعني هم مؤمنين ان القرآن منزل على - 00:06:28ضَ

من الله وبرضه بيكفروا فهمتم بقى سر وصف المغضوب عليهم ايه مؤمنين ان ده منزل وبرضه هيكفروا بك وقالت طائفة من اهل الكتاب امنوا بالذي انزل على الذين امنوا وجه النهار واكفروا اخره. وجه النهار يعني اول - 00:06:45ضَ

في النهار واخر النهار اكفروا لعلهم يرجعون يرجع عن الايمان بالكتاب المنزل من الله ولا تؤمنوا الا لمن تبع دينكم. اوعوا تدخلوا الاسلام وتلزقوا جوة اوعوا تؤمنوا بجد ده يوريك التبرير اللي كانوا بيبرروه - 00:07:11ضَ

او بيبرروا به لنفسهم ازاي هم مش بيؤمنوا بمحمد صلى الله عليه وسلم بالرغم انهم عارفين ان هو نبي من الله لانه مش متبع لشرع موسى ولا تؤمنوا الا لمن تبع دينكم - 00:07:35ضَ

بالتالي لو فيه نبي جه بعد موسى ايتبعوه لانه بيتبع شريعة موسى لذلك هم امنوا بمعزم انبياء بني اسرائيل اللي جم بعد موسى. بعض الانبياء هم كفروا بهم بعضهم قتلوهم. لكن - 00:07:51ضَ

الطبيعي ان كان عندهم انبياء وكانوا بيؤمنوا بهم يعني لذلك هم امنوا بالانبياء بتوع بني اسرائيل نجوم متبعين لشريعة موسى اما لو جه رسول بشريعة مختلفة او ناسخة لبعض شرائع موسى فكأنه جه بدين جديد ومش هيتبعوه - 00:08:08ضَ

فصحيح ان محمد في نزرهم نبي اخر الزمان اللي بتتنبأ به التوراة لكنه جاي بشرع جديد ينسخ شرع موسى فقال لك احنا مش ممكن نؤمن به. ولا تؤمنوا الا لمن تبع دينكم. يبقى هم فرقوا الدين - 00:08:28ضَ

فرقوا الدين وجعلوه شيعا هو كله دين الله؟ اه هو كله دين الله. كلهم انبياء من الله ورسل؟ اه كلهم رسل وانبياء من الله. بس هم هيفضلوا متبعين شريعة ومش هيجددوا. مش هيعملوا ابديت - 00:08:46ضَ

ولا تؤمنوا الا لمن تبع دينكم حتى لو كان نبي انتم التخريجة بتاعتهم ايه؟ من الناحية الشرعية يعني هم ازاي خلوا اللي بيعملوه ده شرعي خرجوها بالتخريج ده اقرا تلاتة وسبعين - 00:09:01ضَ

ولا تؤمنوا الا لمن تبع دينكم. قل ان الهدى هدى الله. ان يؤتى احد مثل ما اوتيتم او يحاجوكم عند ربكم. قل ان الفضل بيد الله يؤتيه من يشاء شاء والله واسع عليم - 00:09:18ضَ

الاية دي صعبة في تفسيرها جدا فركزوا معي يبقى احبار اليهود وقادة اليهود قالوا للشعب بتاعهم ايه الناس اللي هتدخل الاسلام اول النهار وتخرج اخر النهار. ما تلزقوش جوة. ولا تؤمنوا الا لمن تبع دينكم. اوعى يتضحك عليكم وتفضلوا مسلمين - 00:09:36ضَ

ركز معي بص في الاية ولا تؤمنوا الا لمن تبع دينكم. ده كلام مين؟ احبار اليهود ربنا قال بقى ايه للنبي عليه الصلاة والسلام قل يعني قل يا محمد قل له قل قل يعني قل يا محمد - 00:09:56ضَ

قل ان الهدى هدى الله قل لهم ما يفرقش معنا امينتم ولا لم تؤمنوا هذا لا يؤثر لان الهدى هدى الله. مش منكم انتم لن يزيدنا او ينقصنا ازا انتم امنتم بنبوة النبي او لم تؤمنوا ولا يفرق معنا - 00:10:10ضَ

قل ان الهدى هدى الله. ركز بقى ركز بقى ان يؤتى احد مثل ما اوتيتم او يحاجكم عند ربكم. دي لها تفسيرين اول تفسير ان ده من بقية كلام احبار اليهود - 00:10:33ضَ

يعني ايه؟ يعني هم قالوا كده بص لي بقى ايه ولا تؤمنوا الا لمن تبع دينكم ان يؤتى احد مثل ما اوتيتم او يحجكم عند ربكم. دي الكلمة بتاعتهم على بعضها - 00:10:51ضَ

انما قل ان هدى الله هو الهدى ده جملة اعتراضية لكن ده بقية كلام اليهود ولا تؤمنوا الا لمن تبع دينكم ان يؤتى احد مثل ما اوتيتم او يحاجوكم عند ربكم - 00:11:07ضَ

بيقولوا لليهود اللي اللي هيدعوا دخول الاسلام. اوعوا بجد تؤمنوا بمحمد لانه مش بيتبع شريعة موسى ومش بيتبع دينكم ولا انتم عاوزين حد تاني يؤتى مثل ما اوتيتم عاوزين العرب يؤتوا دين زي الدين بتاعكم العزيم ده - 00:11:23ضَ

هل يؤتى احد مثل ما اوتيتم؟ يحبوا يبقى حد عنده دين وشريعة زي شريعتكم وانتم آآ وضعكم الثقافي في الجزيرة العربية يتهزل ان في دين تاني طلع وشريعة تانية طلعت. قلت لكم قبل كده ان اليهود كانوا محترمين في الجزيرة العربية. وكانت الناس - 00:11:46ضَ

حتى المشركين بيسألوهم اسئلة في التاريخ وفي العقيدة لانهم اهل كتاب فواخدين وضع محترم يعني ولا انتم تحبوا حد تاني يؤتى المكانة دي او يحاجكم عند ربكم برضه كل اللي هاممهم ان هم حد تاني يقف قصادهم قدام ربنا - 00:12:10ضَ

ويبقى عنده حجة نفس بالزبط المعنى بتاع اية البقرة. ستة وسبعين كل اللي فارق معهم هو التنافس مع المسلمين على الشرعية وعلى المكانة. مين اللي معه الحجة؟ مش في ارضاء الله خالص - 00:12:32ضَ

ثم يعود الخطاب للنبي مرة اخرى. اقرا معي بقى تلاتة وسبعين واربعة وسبعين قل ان الفضل بيد الله يؤتيه من يشاء. والله واسع عليم. يختص برحمته من يشاء. والله ذو - 00:12:49ضَ

الفضل العظيم قل لهم يا محمد قل ان مم قل ان الفضل بيد الله يؤتيه من يشاء. هذه النبوة والوحي والحكمة والعلم هو فضل بيد الله يعطيه لموسى يعطيه لمحمد يعطيه لعيسى يعطيه لمن يشاء - 00:13:07ضَ

لا انتم هتحددوا لربنا يعطيه لمين ولا احنا يعطيه لمن يشاء هذا فضل الله مش معنى انه اعطى النبوة والحكمة وايات الوحي والشريعة لموسى انه لن يعطيها لاحد بعده. والله واسع عليم. فضل ربنا - 00:13:38ضَ

تكبير وواسع وربنا عليم بحال الناس واحتياجهم لتشريعات جديدة تناسب تطور الخلق وتطور البشرية والله واسع عليم التفسير التاني بقى ده اول تفسير. التفسير التاني بقى ان كلمة ان يؤتى احد مثل ما اوتيتم او يحاجوكم عند ربكم دي ليست من كلام اليهود بل هي كلام - 00:13:57ضَ

ربنا على سبيل التوبيخ ركز معي اخبار اليهود قالوا ايه؟ ولا تؤمنوا الا لمن تبع دينكم. كده انتهى لغاية هنا كلام احبار اليهود ثم ربنا وجه كلامه للنبي عليه الصلاة والسلام وقال له ايه ؟ قل ان هدى قل ان الهدى هدى الله - 00:14:32ضَ

ان يؤتى احد مثل ما اوتيتم او يحاجكم عند ربكم. قل لهم يا محمد الهدى ده الهدى ده بتاع ربنا ووبخهم بانك تقول لهم ولا انتم فاكرين ان ما حدش هيؤتى شرع زي ما انتم اوتيتم شرع - 00:14:55ضَ

ولا تكونوا انتم خايفين ان المسلمين يقفوا بالحجة قصادكم قصاد ربنا؟ فوارد ان ده ايضا يبقى مش كلام اليهود بل هو كلام الله على سبيل التوبيخ قل ان الفضل بيد الله يؤتيه من يشاء. والله واسع عليم. يختص برحمته من يشاء. والله ذو الفضل العظيم - 00:15:12ضَ

وقل لهم كمان ان الفضل اللي هو النبوة والعلم والحكمة والوحي بيد الله. يعطيه لمن يشاء. يعطيه لموسى يعطيه لعيسى. يعطيه محمد فضل الله كتير والله واسع عليم خلي بالك بقى الاية اللي بعدها - 00:15:33ضَ

الاية اربعة وسبعين يختص برحمته من يشاء والله ذو الفضل العظيم رحمة الله من معانيها النبوة خدناها فين؟ في سورة الزخرف وقالوا لولا نزل هذا القرآن على رجل من القريتين عظيم - 00:15:50ضَ

يا سلام بس لو كان القرآن ده نزل على واحد تاني غير محمد اي حد يكون غني من مكة او حتى الطائف التعقيب بقى في الاية اللي بعدها. اهم يقسمون رحمة ربك - 00:16:19ضَ

هم دول اللي هيحددوا النبوة ربنا ينبأ مين ولا ينبأ مين ؟ ربنا يرسل مين ولا يرسل مين ؟ اذا سميت النبوة رحمة صح ده اسمه ده اللي بنعمله ده اسمه تفسير الكتاب بالكتاب. وده اقوى انه اصل من اصول التفسير. انك احسن طريقة - 00:16:36ضَ

افهم بها كلمة في كتاب اي كتاب في الدنيا هو انك تشوف نفس الكاتب ده استخدم الكلمة دي في نفس الكتاب ده في موضع تاني بمعنى ايه يبقى انت قدرت تفهم تفسير الكتاب بالكتاب. خلاص - 00:16:57ضَ

يبقى الرحمة رحمة رحمة رحمة الله. بتذكر ايضا على انها هي النبوة. يختص برحمته من يشاء والله ذو الفضل العظيم يبقى ربنا بيختص بالنبوة من يشاء من بني اسرائيل من بني اسماعيل هذا امر يعود الى الى الله - 00:17:16ضَ

ثم يبين الله للمسلمين انهم لازم يبقوا ناس موضوعيين. ما يعمموش ما يكرهوش حد. ما يقعدوش بقى ايه يعني يعني يا يا يا يعمموا يعني يقول لك اليهود كلهم كده. المسيحيين كلهم كده. العراقيين كلهم. ده دي طريقة عدم موضوعية في التعامل مع الناس - 00:17:39ضَ

ما تيجي الاية اللي بعدها من اجمل ما يمكن بقى اتعلمنا التفكير الموضوعي في الاسلام ومن اهل الكتاب من ان تأمنه بقنطار يؤده اليك ومنهم من ان تأمنه بدينار لا يؤديه - 00:18:03ضَ

اليك الا ما دمت عليه قائما ذلك بانهم قالوا ليس علينا في الاميين سبيل. ويقولون على الله الكذب وهم يعلمون بلى من اوفى بعهده واتقى فان الله يحب المتقين من اهل الكتاب - 00:18:21ضَ

ناس عندهم امانة ومن اهل الكتاب ناس خاينين للامانة اللي عندهم امانة دول لو استأمنتهم بدينار زي بالزبط لو استأمنتهم بمليون دينار. ما يفرقش لان الامانة عندهم فوق كل شيء - 00:18:46ضَ

لا تقارن بمبالغ خلي بالك في تعبيرين ممكن اقول استأمنك على فلوسي او استأمنك بفلوسي المعنيين بيؤدوا نفس الغرض في النهاية استأمنك على فلوسي ودي اللي بتستخدم اكتر يعني باجعل الامانة عندك اعلى من فلوسي. باستأمنك على فلوسي - 00:19:08ضَ

وبعتبر امانتك اعلى من فلوسي. فبطمئن على فلوسي انما الباء تفيد الالتصاق بستأمنك بكزا بفلوسي يعني بجعل الامانة ملتصقة بك وانت بتتعامل في فلوسي وفي النهاية بتؤدي نفس يعني المؤدى يعني - 00:19:38ضَ

اقرأ بقى معي. ومن اهل الكتاب من ان تأمنه بقنطار يؤده اليك ومنهم من ان تأمنه بدينار لا يؤده اليك الا ما دمت عليه قائما يعني منهم اللي لو استأمنتوا - 00:20:01ضَ

بقنطار قنطار دلالة على الكثرة الشديدة. القنطار وحدة قياس كبيرة في بعض البلاد. بتوصل انها تساوي ميت كيلو جرام وهي اصلا في الاصل بتاعها يعني وحدة قياس آآ حجم. اصلا لكنها بتتقلب في بعض الدول. يعني هي ما بيستخدمش عندنا في مصر بتستخدمه في القطن - 00:20:19ضَ

قنطار القطن. لكن هي لما في بعض البلاد بتوصل ميت كيلو فتخيل بقى ميت كيلو دهب مسلا واحد لو انت استأمنته على ميت كيلو دهب يرجعه لك من نفسه ومن اهل الكتاب من ان تأمنه بقنطار يؤديه اليك - 00:20:42ضَ

ومنهم من ان تأمنه بدينار لا يؤده اليك الا ما دمت عليه قائما. ومنهم اللي لو اعطيته دينار واحد مش هيرجعه لك الا لما تطلع روحك. في المطالبة بقى بالفلوس وتطلب تحكيم وتوسط ناس بينكم - 00:21:04ضَ

الا ما دمت عليه قائما. تفضل تطالب وتهاتي لغاية ما تاخد الدينار بتاعك وهيدوا لك في الاخر بس بتعب شديد بالرغم من ان المبلغ صغير جدا طب ليه ما قالش ومنهم من ان تأمنه بدرهم - 00:21:23ضَ

من الدرهم فضة هيبقى رخيص قوي مش مستاهل ان الانسان الخاين يضيع سمعته علشانه لكن الدينار الدهب بيظل له قيمة ولو قليلة النصاب ممكن يجعل سمعته اقل من مبلغ صغير بس مش صغير اوي كده لدرجة درهم يعني عشان هو مش عبيط يعني - 00:21:40ضَ

طيب ليه بيستحلوا سرقة مال الناس مش المفروض انهم اهل كتاب وعندهم دين وعندهم شريعة تمنعهم من هزا اقرا بقى شف بص السبب اللي هيجننك دلوقتي ذلك بانهم قالوا ليس علينا في الاميين سبيل. ويقولون على الله الكذب وهم يعلمون - 00:22:07ضَ

بلى من اوفى بعهده واتقى فان الله يحب المتقين ذلك بانهم قالوا ليس علينا في الاميين هنا اميين يعني الامميين يعني الناس اللي من الامم الاخرى وليسوا من امة بني اسرائيل. عشان كده احنا ترجمناها في ترجمة مؤسسة جسور - 00:22:32ضَ

جن تايلز ليس علينا في الاميين اميين كانت بتترجم لها جين تايلز. اللي هي بالعبري جوييم. اللي هي جمع جوي. جوي يعني غير يهودي. الناس بني اسرائيل يا اما يهود يا اما جويين - 00:22:57ضَ

يعني جين تايلز يعني امميين امم اخرى التوراة اللي هي الوصايا العشر تمنع السرقة وخيانة الامانة. لكن التلمود اللي اشترك في كتابته الاف الحاخامات عبر التاريخ يقول ان النهي مقتصر على سرقة اليهودي فقط. اما لو جاييم - 00:23:13ضَ

يجوز سرقة اموال الجويين وخيانة الامانة مع الجويين واكتر من كده كمان مش عايز اتكلم الاسلام يجعل الامانة هي المعيار. اللي بيقاس على اساسه قيمة الانسان مش مهم بقى مين الانسان اللي انت بتبقى امين معه. مش مهم بقى جويين مش جايين ما يفرقش بقى - 00:23:38ضَ

مثل اليد لو ايدك دي حد قطعها بالغلط كسرها لك افسد ايدك ديت اليد كم احنا قلنا قبل كده ديت الانسان مائة ناقة والعضو اللي منه اتنين نص دية فانت عندك عينتين لو حد خزق لك عين - 00:24:07ضَ

بخمسين ناقة عندك ايديه يعني آآ يدين لو ايد منهم فسدت او حد قطعها لك بالغلط او او اي حصل حاجة فيها الدية بتاعتها خمسين ناقة. الناقة في مصر النهاردة بتلاتين الف جنيه. ده قبل - 00:24:35ضَ

يعني مليون وخمسميت الف جنيه التعويض بتاع ايدك طيب لو ايدك دي سرقت بها نصاب السرقة اللي بيتقطع فيه الايد كام ؟ جنيه ربع دينار ربع دينار يعني تقريبا جنيه دلوقتي - 00:24:53ضَ

ازاي ايد لما تفسد او او او حد يقطعها يدفع تعويض مليون وخمسميت الف جنيه بينما لو سرقت جنيه تتقطع العلماء قالوا لما كانت امينة كانت ثمينة. ولما خانت هانت - 00:25:19ضَ

جميلة الكلمة دي لما كانت امينة كانت ثمينة. ولما خانت هانت الامانة لا تهاون فيها في الاسلام قال رسول الله صلى الله عليه وسلم قد الامانة الى من ائتمنك ولا تخن من خانك - 00:25:48ضَ

حد ائتمنك تعيد الامانة ولا تخن من خانك. حد خانك بمبلغ تاخد المبلغ منه لكن مش بعد كده تسرق منه. ما ينفعش انت تخونه في عشان هو خانك. لأ. دي ما فيش فيها قصاص - 00:26:14ضَ

دي ما فيش فيها خسارة ما ينفعش تخون حد عشان هو خانك. لا حقك بس تاخده. ما تاخدش اكتر منه قرش وتقول عشان هو عمل في. مش حقك. ولا تخن من خانك - 00:26:33ضَ

دي عظمة هذا الدين دي عظمة هذا الدين انا معي خمسة وسبعين وستة وسبعين ده ده حديث الرسول عليه الصلاة والسلام. ادي الامانة الى من ائتمنك ولا تخن من خانك. طيب - 00:26:45ضَ

ذلك بانهم قالوا ليس علينا في الاميين سبيل. ويقولون على الله الكذب وهم يعلمون. بلى من اوفى فبعهده واتقى فان الله يحب المتقين ذلك بانهم قالوا ليس علينا في الاميين سبيل. ويقولون على الله الكذب وهم يعلمون. يعني لا يمكن ربنا يشرع هزا الكلام - 00:26:59ضَ

انك ينفع تسرق اللي مش يهودي واللي يهودي ما تسرقوش واللي الكلام ده ما لا يمكن ربنا يقول هزا الكلام. ويقولون على الله الكذب وهم يعلمون يعلمون ده كذب كمل بقى بلا من اوفى بعهده واتقى - 00:27:25ضَ

فان الله يحبه لا فان الله يحب المتقين. هنا بقى ربنا انتقل الى الوفاء بالعهد عموما وليس فقط اعادة الامانات المادية الوفاء بالعهد صفة من صفات المتقين واخلاف العهد صفة من صفات المنافقين - 00:27:44ضَ

بلى من اوفى بعهده واتقى وربنا لم يرد انه يربط يربط حبه بالشخص فما قالكش ان الله يحب كده آآ كده شخصا المسألة. قال لك فان الله يحب المتقين القرآن هدفه الرئيسي انه يربي القارئ المتدبر على خلق التقوى - 00:28:04ضَ

ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا كما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم - 00:28:31ضَ

اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك تحب ملائكتك وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم - 00:28:53ضَ

اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب هموم وغمومنا ومغفرة ذنوبنا - 00:29:23ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا - 00:29:49ضَ

واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض - 00:30:15ضَ

المباركة فلسطين اللهم سدد رميهم وخيب رمي عدوهم وكن مع اخواننا في تركستان الشرقية وفي كشميرا وفي سريلانكا وفي هند وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك - 00:30:35ضَ

واكتب لنا يا ربنا ختم القرآن فيه اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك توحدت على دعوتك. وتعاهدت على نصرة شريعتك. فوثق اللهم رابطتها وادم ودها واهدها سبلها - 00:30:58ضَ

واملأها بنورك الذي لا يخبو. واشرح صدورها بفيض الايمان بك وجميل التوكل عليك واحييها يا ربنا بمعرفتك وامتها يا مولانا على الشهادة في سبيلك انك نعم المولى ونعم النصير وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا بازن الله - 00:31:23ضَ

في نفس هذا الموعد ان كنا من اهل الدنيا - 00:31:51ضَ