باحث

السلام عليكم ورحمة الله وبركاته اهلا بحضراتكم في المقطع رقم تمنمية واتنين من مقاطع حظر التجول والحلقة الثانية الرابعة والاربعون من حلقات تدبر سورة ال عمران ما زلنا بفضل الله نتربى - 00:00:01ضَ

وتتربى قلوبنا مع تعقيبات القرآن على احداث غزوة احد هذه الغزوة المباركة بمناسبة احد مش عايز حد يتعقد من كلمة احد ومن غزوة احد علشان حصل فيها اللي حصل هذه الغزوة في رأيي من اكثر الغزوات اللي استفاد منها - 00:00:25ضَ

المسلمين في تاريخهم بعد كده. خدوا درس بقى كده الاية مية خمسة وخمسين نعوذ بالله السميع العليم من الشيطان الرجيم ان الذين تولوا منكم يوم التقى الجمعان انما استذلهم الشيطان - 00:00:47ضَ

انما استذلهم الشيطان ببعض ما كسبوا ولقد عفا الله عنهم ان الله غفور حليم لما حصل الهجوم المضاد وحركة الكماشة آآ على جيش المسلمين بعد نزول الرومان آآ لجمع الغنائم اصبح جيش المسلمين في مواجهة تلت تلاف جندي من الامام وميتين فارس من الخلف - 00:01:10ضَ

احنا قلنا الفارس بمائة جندي آآ بمئة راجل في القوة فاضرب المتين فارس في مية يطلعوا ايه ؟ عشرين الف كأن فيه جيش عشرين الف راجل من ورا وتلات تلاف من قدام بيواجه - 00:01:41ضَ

المسلمين طبعا في غزوة احد ظهر ابطال ابطال وبطلات. ام عمارة انه سايبة بنت كعب الانصارية دي صحابية من الخزرج والنساء كانوا بيخرجوا لتطبيب الجرحى. بحيس الجرحى يرجعوا النساء تطببهم وتداوي الجروح - 00:02:00ضَ

خرجت مع زوجها غزية ابن عمرو الانصاري ده تاني زوجة لها واتنين من اولادها من زوجها الاولاني آآ منهم ابن معروف اسمه حبيب ابن زيد ابن عاصم آآ حبيب ده له قصة على فكرة مع مسيلمة الكذاب في حروب الردة - 00:02:23ضَ

مسيلمة اعتقلوا وهددوا انه اذا لم يشهد له بالنبوة يعني لم يعترف بانه نبي الله هيقطع ايديه ورجليه. ويشويه في النار فلم يشهد بالنبوة وفعلا قطع اطرافه وفعلا القى في النار. عيلة كلها ابطال يعني. باعوا انفسهم لله - 00:02:43ضَ

اه واخوها برضو لها اخ معروف. المهم يعني. نسيبة لما واجهت المعركة شديدة نزلت تقاتل وتدافع عن النبي صلى الله عليه وسلم. حتى قال فيها صلى الله عليه وسلم ما نظرت عن يميني او شمالي الا - 00:03:03ضَ

وام عمارة تدفع عني بالسيف ابص يمين الاقي ام عمارة بتدافع عني من اليمين. ابص شمال الاقي ام عمارة بتدافع عني من الشمال بتدافع عن النبي عليه الصلاة والسلام بتقاتل واصيبت بتلتاشر جرح يومها. منهم جروح غائرة جدا تعبتها جدا لدرجة ان تاني يوم ما قدرتش تطلع معهم - 00:03:20ضَ

حمراء الاسد بس احنا لسة هنتكلم في حمراء الاسد بعدين من الروايات اللي بتاعة الاحداث بتاعة يومها يبدو ان جيش المسلمين احنا قلنا كانوا سبعمية قتل منهم سبعين جرح منهم الثلث. يعني تقريبا متين - 00:03:41ضَ

جروح شديدة يعني اقعدتهم يعني خدتهم يعني يعني مرميين في الارض مش قادرين لا بيقاتلوا ولا بيروحوا حتة وثبت مع النبي الثلث. يعني برضو ثبت معه حوالي متين بيقاتلوا في آآ انحاء المعركة في انحاء الميدان يعني - 00:04:00ضَ

متين قصاد كل الاعداد دي ومتين فروا انسحبوا من ميدان المعركة تلت بعضهم هرب الى ان وصل المدينة المعظم ما هو ما راحوش المدينة لكن وقفوا عند حدود جبل احد. بيلتقطوا انفاسهم وبيفكروا هيعملوا ايه بعد ما انتشرت شائعة ان النبي مات - 00:04:19ضَ

انتشرت شيء عن النبي قتل قلنا عبدالله بن قميئة قتل سيدنا مصعب بن عمير وكان سيدنا مصعب بن عمير لما بيلبس الخوزة بتاعته بيشبه النبي فقال قتلت محمدا الاشاعة مع كمان الهجوم اللي كان الخاطف اللي اتعمل آآ عمله خالد ابن الوليد - 00:04:50ضَ

انا عايز اقول لكم على حاجة يعني من ضمن اللي انسحبوا المتين اللي انسحبوا سيدنا عمر ابن الخطاب بل وسيدنا عثمان بن عفان واخرين يعني متين انسحبوا بعضهم وصل بيته - 00:05:07ضَ

يعني وصل لغاية المدينة منهم واحد من الصحابة اسمه سيدنا سعد بن عثمان رجعوا زوجتهم فتحوا الباب العلوم خلصت انهزمنا ومات رسول الله فالنساء بقوا يبكوا ويحثوا التراب على وجوههن ورؤوسهن يحطوا التراب - 00:05:22ضَ

ويقولوا ا عن رسول الله تفرون لماذا لم تموتوا على ما مات عليه؟ هاك المغزل اغزل به. يعني بالبلدي كده اقعد يلا اشتغل تريكو المغزل ده النساء بتشتغل في البيت بتغزل الصوف وتعمل منه قماش. شغل كده ستاتي يعني - 00:05:43ضَ

زمان احنا كنا بنلبس البلوفرات في المدرسة من صنع امهاتنا يعني ربنا يديها الصحة كانت هي اللي بتعمل لي البلوفرات انا واخويا. بايديها تريكو يشتغلوا تريكو في البيت يعني تجيب الصوف من ميدان الجامعة وتشتغل. بس ان راجل يشتغل تريكو غريبة شوية - 00:06:08ضَ

فلما الرجال رجعوا من الغزوة منهزمين نسائهم اهانوهم مع ان نساء المسلمين اكثر النساء ادبا وطاعة لازواجهن لكن الدين يأتي اولا الحق احق ان يتبع الناس اللي انسحبت دي ارتكبت آآ معصية اسمها التولي يوم الزحف - 00:06:24ضَ

ولان الاسلام دين نظام وقانون ما فيش حاجة اسمها ان جندي ينسحب الا باوامر. فاي جيش محترم في العالم ازا مات قائد الجيش بيتولى قائد اخر وهو اللي بيقرر الانسحاب او عدم الانسحاب - 00:06:48ضَ

حتى الانسحاب له خطة لازم الانسحاب يتم بخطة والا تحصل خسائر فادحة اذا هوجم المسلمين وهم بينسحبوا. يعني خطة خالد ابن الوليد في الانسحاب في غزوة مؤتة تدرس في كليات العسكرية خطة انسحاب رائعة. بنتكلم فيها مرة ان شاء الله - 00:07:04ضَ

لكن ان الجندي يفر من المعركة هذه كبيرة من الكبائر واذا كان طبعا ليست طبعا مثل اللي انسحبوا قبل المعركة اللي قبل المعركة دول منافقين اللي مشيوا مع مع عبدالله بن ابي بن سلول يعني يا اما منافقين يا اما سمعوا للمنافقين - 00:07:29ضَ

اما عند الهزيمة لا يجب ان المسلم ينسحب الا باوامر القائد المهم ده يوريكم ازاي الجو كان مشحون ومخيف يوم احد حتى ان متين من كبار الصحابة انسحبوا منهم اتنين من الخلفاء الراشدين بعد كده - 00:07:49ضَ

يعني المسألة كانت صعبة قوي اليوم ده كان صعب اوي يوم من ايام الله يوم تربى فيه الصحابة وتربت بسببه الامة بعد كده. احنا لحد دلوقتي عمالين ناخد بقى لنا كم يوم بنتكلم في الدروس اللي في احد ولسه - 00:08:11ضَ

ولسه اقرأ كده. ان الذين تولوا منكم يوم التقى الجمعان انما استذلهم الشيطان ببعض ما كسبوا. ولقد عفا الله عنهم ان الله غفور حليم خلي بالك ممكن المجتمع المسلم دلوقتي ينقسم بقى بعد المعركة ويبدأوا يصنفوا بعض ويكفروا بعض ويفسقوا بعض - 00:08:25ضَ

فربنا بيكلم المؤمنين مباشرة وبيقول لهم الناس اللي تولوا دول ربنا عفا عنه خلص الموضوع مش من حق حد انه يحاكم حد ولا يصدر احكام على حد ولا يصنف الاخرين - 00:08:53ضَ

اللي بيذنب في حق الله حسابه على الله والله لو الذنب عليه عقوبة شرعية تقام لو ما فيش عقوبة شرعية ولا عقوبة الا بقانون. فالامر لله الامر موكل الى الله. يعني هناك يا جماعة معاصي - 00:09:10ضَ

ليس عليها عقوبات في الدنيا زي مسلا الكذب ما فيش عليه عقوبة في الدنيا. وهو من من من المعاصي الكبيرة في الاسلام. لكن ما فيش عليه عقوبة في الدنيا فكذلك - 00:09:27ضَ

هذا هذا الذنب ربنا اعلن للناس انه عفا عنهم عشان في داء بشع في المجتمع المسلم ان احنا طول النهار بنصنف بعض هذا فاسق هذا منافق هذا لا يسمع له ده غير التكفير وده كافر وده - 00:09:40ضَ

ده شيء ده تألي على الله. الانسان يقعد يصنف الناس مش هم انسحبوا دون اذن يوم احد ولقد عفا الله عنهم ان الله غفور حليم. خلاص ربنا عفا عنهم. فضل يدافع بها سيدنا عثمان عن نفسه بعد كده على طول. اي - 00:10:04ضَ

حد يقول له يعتب عليه ان يوم احد هو انسحب يقول له ولقد عفا الله عنهم ان الله غفور حليم. الحاجة بيني وبين ربنا انت ما تعرفش انا بيني وبين ربنا ايه - 00:10:25ضَ

ما تعرفش انا توبت ازاي ما تعرفش انا تصدقت ازاي ما تعرفش انا عملت ايه بيني وبين ربنا. لكن ربنا خلاص عفا عنا ما حدش يزلنا بالكلام ده يقول الرازي - 00:10:35ضَ

روي ان عثمان عوتب بعد هزيمته يوم احد فقال ان ذلك وان كان خطأ لكن الله عفا عنه ما حدش له دعوة يعني ده حق ربنا وربنا عفاه. فمش من حق حد يتكلم فيه. النقطة هي - 00:10:46ضَ

مين اللي ازلهم في هذه الزلة مين اللي زلهم خلاهم يزلوا يتزحلقوا الزلل يعني الانسان يتزحلق يعني يقع في الخطأ غصبا عنه ان الذين تولوا منكم يوم التقى الجمعان انما الشيطان ببعض ما كسبوا. دي لازم نتوقف عنها - 00:11:04ضَ

مش هو اللي خلاهم يزلوا الشيطان استذلهم الف سين تاء زائد الفعل في اللغة العربية يعني طلب الفعل. لو كان الشيطان اللي ازلهم كان ربنا قال انما ازلهم الشيطان الشيطان طلب انهم يزلوا - 00:11:28ضَ

وزلوا فعلا لكن اللي يقرأ القرآن بتدبر هيشوف ان مش الشيطان الشيطان حاول يخليهم يزلوا لكن اللي حصل انه الشيطان ذكرهم بذنوبهم حينما استذلهم الشيطان ببعض ما كسبوا فكروا ببعض الذنوب اللي عليهم - 00:11:50ضَ

وما فيش حد مننا ما عندوش زنوب وحتى الصحابة عندهم زنوب فكرهوا ان يموتوا في ميدان المعركة قبل ان يتوبوا لو هذه الذنوب حقوق للناس يبقى التوبة لازم تشمل اعادة الحقوق الى اهلها او استسماح الناس دول - 00:12:15ضَ

فكرهوا ان يموتوا قبل اعادة الحقوق الى اهلها والتوبة شوفوا الشيطان بقى دخل ازاي. دخل من نفس الباب اللي دخل به لادم وحواء ودي لاحزها اخوكم شعبان من فرنسا بكسر الفاء - 00:12:37ضَ

البقرة ستة وتلاتين احنا تدبرنا فيها فاذلهما الشيطان عنها فاخرجهما مما كانا فيه الشيطان دخل لادم وحواء من باب الدين برضه ازاي وقال ما نهاكما ربكما عن هذه الشجرة. الا ان تكونا ملكين او تكونا من الخالدين - 00:12:54ضَ

قل ادم وحواء واحنا قلنا قصة ادم هي قصة كل واحد مننا الشيطان دخل له هو وزوجته من باب الدين. قال لهم ما يعني ربنا قال لهم ما تقربوش من الشجرة. يعني ربنا قال وقلنا يا ادم اسكن انت وزوجك - 00:13:24ضَ

الجنة وكلا منها كلوا من كل حتة. رغدا حيث شئتما. كله حلال في الجنة ما عدا حاجة واحدة ولا تقربا هذه الشجرة. بس فتكونا من الظالمين الشيطان قال لهم عارفين ليه - 00:13:40ضَ

ربكم قال كده عشان لو اكلتوا منها يا هتصبحوا ملائكة يا هتصبحوا من الخالدين يعني مش هتموتوا ابدا وراهم فايدة لنفسهم حياتهم انهم يبقوا خالدين. يعني بقى ما يمرضوش وما يموتوش ويعيشوا بقى على طول. ما حدش يكره - 00:13:59ضَ

بس كمان لو اصبحوا ملائكة دي فايدة في الدين. ليه؟ لان الملائكة ربنا وصفهم في سورة التحريم لا يعصون الله ما امرهم ويفعلون ما يؤمرون لو بقوا ملائكة مش هيعصوا ربنا ابدا - 00:14:20ضَ

فهو خلاهم يعصوا ربنا مرة عشان ما يعصوش ربنا تاني. شف الشيطان والمداخل بتاعته يدخل من باب الدين من باب انك ترضي ربنا عشان كده ربنا قال لنا في سورة النحل - 00:14:44ضَ

فاذا قرأت القرآن فاستعذ بالله من الشيطان الرجيم هتقرا قرآن تقول اعوذ بالله السميع العليم من الشيطان الرجيم. ليه بربنا من الشيطان الرجيم هو انا اعمل حاجة وحشة! ده انا اقرا قرآن! اه الشيطان يدخل لك من باب القرآن - 00:15:03ضَ

بيقول لك يا سلام! ده انت بقيت بتتدبر القرآن كل يوم اهو. شايف انت بقيت احسن من اللي حواليك كلهم ازاي شوف يا خليج تنزر انك لنفسك انك احسن من اللي حواليك - 00:15:24ضَ

فرق كبير بينك وبينهم كل ناس في غفلة وانت اللي فايق انت اللي قريب من ربنا فيضحك عليك سيدخل الغرور والكبر في قلبك عشان كده عندنا دورة اسمها دورة التربية الروحية بناخدها بعد دورة التربية الايمانية علشان تعالج الاثار الجانبية بتاعة التربية الايمانية - 00:15:35ضَ

التربية الايمانية بعدها بتبقى مواظب على تدبر القرآن والخشوع في الصلاة. فقد يصيبك الكبر والغرور. تزن ان ده شيء ذاتي ده ميزة فيك انت بني ادم كويس بقيت وانك اصبحت افضل من الاخرين فتيجي التربية الروحية تزبطك وتحطك تاني في وضعك الحقيقي وتفكرك ان ربنا هو اللي من عليك بانه اختارك تبقى من المجموعة اللي تتدبر - 00:15:57ضَ

القرآن كل يوم مش انت ترجعك تاني في ايه ؟ زي غزوة احد كده رجعتهم تاني لو كان نصرين ورا بعض كبار بدر وراها بن نصر كبير في احد. الله اعلم كان كان ممكن تبقى كارسة - 00:16:19ضَ

لكن لابد من التربية وسوسة الشيطان اذا وافقت هوى في النفس بيقع الانسان وبيزل بيتزحلق فالشيطان استزله لكن مين اللي ازلهم؟ مين اللي وقعهم؟ نفس النفس اللي محتاجة لسة مزيد من التربية والتزكية - 00:16:35ضَ

اقرأ بقى معي مية ستة وخمسين ولغاية مية تمانية وخمسين يا ايها الذين امنوا لا تكونوا كالذين كفروا وقالوا لاخوانهم اذا ضربوا في الارض او كانوا غزا او كانوا غزا لو كانوا عندنا ما ماتوا وما قتلوا - 00:16:59ضَ

ليجعل الله ذلك حسرة في قلوبهم. والله يحيي ويميت والله بما تعملون بصير ولئن قتلتم في سبيل الله او متم لمغفرة من الله ورحمة لمغفرة من الله ورحمة خير مما يجمعون. ولئن متم او قتلتم لالى الله تحشرون - 00:17:23ضَ

المنافقين قالوا عن الناس اللي قتلت لو كانوا بقوا في المدينة عندنا هنا ما كانوش هيموتوا ولا هيقتلوا لو كانوا رجعوا معنا مع التلتميت واحد اللي رجعوا ما كانوش هيموتوا ولا هيقتلوا - 00:17:53ضَ

ده مش بس في حالة الخروج للغزو يعني الحرب لأ بل حتى مجرد السفر البعيد عموما خطر فالافضل والاامن ان الانسان يبقى في مدينته ويبقى في بيته ويقلل الحركة بتاعته - 00:18:13ضَ

عشان ده اامن عشان ما يموتش عشان ما يقتلش ما يتعرضش لاخطار ربنا بيخاطب المؤمنين. وبيقول لهم ما تعوموش على عوم المنافقين ما ترددوش نفس هذا الكلام الخيبان. الاسلام دين الحركة. مش بس في الغزو والقتال لأ وفي السفر - 00:18:32ضَ

طلب الرزق وطلب التجارة وطلب العلم اقرأ معي يا ايها الذين امنوا لا تكونوا كالذين كفروا وقالوا لاخوانهم اذا ضربوا في الارض او كانوا غزا لو كانوا عندنا ما ماتوا وما قتلوا ليجعل الله ذلك حسرة في قلوبهم والله يحيي ويميت والله بما تعملون بصير - 00:18:57ضَ

ربنا بيخاطب المؤمنين وبيفكرهم بايمانهم. يا ايها الذين امنوا لما يكون في امر مهم ربنا هيديه بيفكر الانسان ان هو اللي امن يا ايها الذين امنوا يا ايها الذين اختاروا الايمان وبالتالي رضيتم بالله ربا ومشرعا - 00:19:21ضَ

اليكم ان مش تتقبلوا ان تطيعوا الاوامر. انتم اللي اخترتم الايمان يا ايها الذين امنوا لا تكونوا كالذين كفروا وقالوا لاخوانهم اذا ضربوا في الارض يعني مسافرين في طلب علم في طلب رزق او في القتال في سبيل الله - 00:19:41ضَ

الضرب في الارض يعني السفر البعيد. يا اما للغزو يا اما لاسباب اخرى او كانوا غزا يعني في الغزو طب ليه ما كان يكتفي بضربه في الارض؟ ما هو بيدخل من ضمنها الغزو - 00:19:59ضَ

لأ ليه؟ لان الغزو مش بالضرورة يبقى ضرب في الارض. ازاي؟ هو اللي طلعوا لغاية احد على اطراف المدينة اسمهم ضربوا في الارض؟ ما ضربوش في الارض ده طلعوا ما فيش اتنين تلاتة كيلو - 00:20:16ضَ

يبقى ده ما اسموش ضرب في الارض لكنه غزو يعني خارجين للقتال على اطراف المدينة. ازا ده غزو بشوف الدقة بتاعة القرآن لو كانوا عندنا ما ماتوا وما قتلوا ليجعل الله ذلك حسرة في قلوبهم والله يحيي ويميت والله بما تعملون بصير - 00:20:29ضَ

ما ترددوش كلامهم عشان ربنا يجعل عدم سماعكم لهم وعدم ترديدكم لكلامهم الفارغ ده حسرة في قلوبهم يعني انتم لما ما ترددوش الكلام بتاعه وما تعملوش زيهم ده هيبقى حسرة في قلوبهم. حاولوا يعملوا فتنة وما عرفوش - 00:20:49ضَ

فهتحسروهم بالشكل دوت طيب هل فعلا كلامهم ده كلام فارغ يعني ما فيش فيه شيء من الصحة والله يحيي ويميت. والله بما تعملون بصير طبعا كلام فارغ الله فاقت هو الذي يحيي ويميت. كم واحد قعد في بيته مات داخل بيته؟ اتزحلق في البانيو ومات - 00:21:15ضَ

نفعوا انه ما سافرش. نفعوا انه ما ضربش في الارض. نفعه انه ما خرجش في الغزو. لأ والله يحيي ويميت. والله بما تعملون بصير. وكم واحد سافر الدنيا كلها ودخل غزواته ومعارك كثيرة ولم يمت في قتال. زي سيدنا - 00:21:42ضَ

خالد بن الوليد قال شهدت مائة معركة او زهاءها اكتر او تقريبا مية معركة. وقال ما في جسدي موضع شبر. ما فيش شبر واحد في جسمي ما فيش فيه يا طعنة رمح - 00:21:58ضَ

او او سهم واموت حتف انفي على فراشي كالبعير فلا نامت اعين الجبناء. وهو بيموت على فراشه قال لك يا رب ما يشوف النوم الجبناء بتخافوا من ايه ؟ يعني فضلت اجري ورا الشهادة وفي الاخر بموت على فراشي. طبعا هو ان شاء الله نال مرتبة الشهداء لانه طلب الشهادة - 00:22:13ضَ

وقلنا امبارح الحديث ان من طلب الشهادة اعطيها ولو مات على فراشه. لكن ربنا اراد ان سيف الله المسلول لا يكسره احد كمل بقى يارا مية سبعة وخمسين ومية تمانية وخمسين - 00:22:38ضَ

ولئن قتلتم في سبيل الله او متم لمغفرة من الله ورحمة خير مما يجمعون. ولئن متم او قتلتم لإلى الله شارون كل القراء قرأوا الاية مية سبعة وخمسين خير مما تجمعون. ايه اللي حصل؟ قرأها خير مما يجمعون. وهنتدبر الفرق بينهم في الاخر اخر الحلقة ان شاء الله - 00:22:53ضَ

تعالوا دلوقتي نفترض تنزلا في الخطاب كده. نفترض يعني افترض ان كلام المنافقين صح وان فعلا الواحد لما يمتنع عن السفر عن الضرب في الارض سفر بعيد وعن القتال في سبيل الله وعن - 00:23:17ضَ

وعن الغزو نفترض ان فعلا لو عمل كده احتمالات موته هتقل وهيعيش اكتر فعلا افترض هيزيد ايه يعني هياكل طبقين زيادة يعني هياكل كم طبق زيادة في حياته يعني. هيجمع ايه يعني الفين تلات تلاف مليون اتنين مليون هيجمع ايه فلوس زيادة يعني - 00:23:34ضَ

مهما اكل ومهما جمع من مال فلا يمكن اللي جمعه ده يساوي المغفرة والرحمة اللي بينالها الشهيد في سبيل الله او حتى الغريب اللي بيموت على سفر مش شرط طبعا ما يكونش سفر في معصية - 00:23:56ضَ

في سفر حج بيسافر عمرة. بيسافر طلبا للرزق. بيسافر طلبا للعلم. وتموت تنال مغفرة ورحمة. ما بنقولش شهيد. لكن المغفرة ورحمة لان الاحاديث اللي وردت في ان موت الغريب شهادة غير صحيحة - 00:24:15ضَ

لكن الاية واضحة ان موت الغريب المسافر يجلب المغفرة والرحمة. اذا ده معناه ان الاسلام دين الحركة. مش دين الجمود خلي بالك في حجة الوداع النبي صلى الله عليه وسلم خطب خطبة الوداع في مية واربعتاشر الف صحابي - 00:24:31ضَ

حضروا معه مية واربعتاشر الف حجوا معه يعني مية واربعتاشر الف صحابي. مدفون منهم في مكة والمدينة عشر تلاف والباقيين فين ؟ في كل انحاء الارض خرجوا في الجهاد في الدعوة في طلب العلم - 00:24:50ضَ

بلد جدتي في الصعيد في آآ المنيا اسمها بني مزار. لان فيها عشرات من يعني قبور الصحابة عشرات القبور من هنا. ازن سبعين صحابي مدفونين في مدخل آآ في منطقة مدخل المنيا ومنطقة بني مزار فيها ازن سبعين صحابي فتسمى بني مزار - 00:25:06ضَ

المزارات يعني جروزني عاصمة الشيشان مدفون فيها اربعين صحابي. عند سور الصين العزيم فيه صحابة وصلوا هناك في قبر يزار في قبرص جزيرة قبرص اسمه قبر المرأة الصالحة. المسيحيين بيروحوا يولعوا عندها شمع - 00:25:26ضَ

دي صحابية اسمها ام حرام بنت ملحان. خرجت في الغزو مع اول اسطول اسلامي وماتت في قبرص دفنت هناك فلما الاسلام يذكرك بالموت ده علشان تتحرك اكثر في الحياة. وتصلح الارض وتعمر الارض. اقول لكم على حاجة حتى - 00:25:45ضَ

انت بتقاتل من اجل الحياة حتى الاستشهاد في سبيل الله هو من اجل الحياة ازاي ؟ الله الجندي بيضحي بحياته حتى يعيش الاخرين في امان وفي عدل ويعيشوا احرار حتى القتال هو من اجل الحياة في الاسلام. ولئن قتلتم في سبيل الله او متم لمغفرة من الله ورحمة خير مما - 00:26:04ضَ

يجمعون وفي احسن من كده المغفرة والرحمة اللي بياخدها الانسان اللي بيموت في سبيل الله او بيقتل في سبيل الله خير من الكام طبق اللي كان هياكلهم ولا من الكام الف اللي كان هيجمعهم لو كان عاش! ده افترضنا فعلا ان هو ده كان هيقلل فرص - 00:26:35ضَ

ولئن متم او قتلتم لالى الله تحشرون يحشر الى الله فيكافئكم على تضحياتكم تعالوا بقى نتدبر قراءة باقي القراء وقراءة حفص في الاية مية سبعة وخمسين. حفص قرأها هكزا ولئن قتلتم في سبيل الله او متم لمغفرة من الله ورحمة خير مما يجمعون - 00:26:53ضَ

خير مما يجمعون انما باقي القراء قرؤوها خير مما تجمعون وده الطبيعي المتوقع لان ربنا بيخاطب المؤمنين بضمير المخاطب. فقال لهم ايه؟ ولان قتلتم انتم او متم انتم فطبيعي انه يقول خير مما تجمعون انتم بضمير المخاطب - 00:27:19ضَ

يعني المغفرة والرحمة اللي هتجدوها خير واحسن مما كنتم انتم ستجمعون. لو عشتم كم سنة زيادة يعني لكن قراءة حفص ربنا عمل فيها التفات من ضمير المخاطب وهم المؤمنين الى ضمير الغيبة - 00:27:46ضَ

ولئن قتلتم في سبيل الله او متم لمغفرة من الله ورحمة خير مما يجمعون. مين هم بقى اللي يجمعون ممكن يكون مقصود الكفار اللي قالوا لو كانوا عندنا ما ماتوا وما قتلوا - 00:28:05ضَ

صح الاية مية ستة وخمسين تاني اهي يا ايها الذين امنوا لا تكونوا كالذين كفروا وقالوا لاخوانهم اذا ضربوا في الارض او كانوا غزا لو كانوا عندنا ما ماتوا وما قتلوا. فييجي بقى - 00:28:23ضَ

في الاية مية سبعة وخمسين ويقول لك ولئن قتلتم في سبيل الله او متم لمغفرة من الله ورحمة خير مما يجمعون هم الكفار اللي قالوا هزا الكلام وعلى فكرة ممكن يكونوا الكفار اغنى من المسلمين وبيشتغلوا في حاجات حرام الاسلام بيمنع الشغل فيها بيصنعوا خمور بيتاجروا في الخمور - 00:28:36ضَ

بيشتغلوا في الربا فالمغفرة والرحمة اللي عند الله الله اللي بيدعوكم للخروج خير من كل الفلوس اللي بيجمعها الكفار اللي بيدعوكم للقعود. وعدم الخروج في الغزو او في القتال وممكن برضو يكون المقصود - 00:28:58ضَ

خير مما يجمعون يعني الناس اللي قتلوا في سبيل الله ها المغفرة والرحمة اللي اللي وجدوها عند الله خير مما كانوا سيجمعون فخير مما يجمعون صحيح هو مضارع لكن المضارع يدل على الحال يعني يعني الوقت الحالي والاستقبال - 00:29:19ضَ

في اللغة العربية يعني خير مما كانوا سيجمعون في المستقبل لو ما كانوش آآ آآ ماتوا او قتلوا. تمام؟ طيب. خلونا نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة - 00:29:42ضَ

لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهالينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك - 00:30:04ضَ

وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل في قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك - 00:30:28ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض - 00:30:50ضَ

عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم ونجعلك اللهم في نحور - 00:31:10ضَ

فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين اللهم سدد رميهم وخيب رمي عدوهم. وكن مع اخواننا في تركستان الشرقية وفي الشام وفي - 00:31:32ضَ

وفي سريلانكا وفي الهند وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم من قضى منا بالوباء المنتشر فاكتبها له شهادة - 00:31:56ضَ

ومن كان منا او من احبابنا او من اخواننا او من اخواتنا او من مشايخنا مريضا به او حاملا له فيلبسه ثوب الصحة والعافية عاجلا غير اجل ومن لم يصب به فقه شره وابعدوا عنه ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب - 00:32:16ضَ

وقد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرتك لشريعتك فوثق اللهم رابطتها وادم ودها واهدها سبلها. واملأها بنورك الذي لا يخبو - 00:32:36ضَ

صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة سادتي في سبيلك انك نعم المولى ونعم النصير. وصلي اللهم وسلم على محمد وعلى اله وصحبه ومن تبع هداه - 00:32:56ضَ

السلام عليكم ورحمة الله وبركاته. ونراكم غدا باذن الله في نفس هذا الموعد. ان كنا من اهل الدنيا - 00:33:16ضَ