باحث

طيب الحمد لله خلاص اشتغل الحمد لله والصلاة والسلام على رسول الله. اهلا بحضراتكم في المقطع رقم واحد وتمانين من مقاطع حظر التجول والمقطع السادس من مقاطع سورة الكهف احب افكر حضراتكم بالمصاحف. كل واحد يكون معه مصحف - 00:00:00ضَ

طيب نبدأ بقى على طول اول حاجة اسف على العطل الفني اللي حصل ده والاخوة على الفيسبوك انتزروا بقى لها بقى لهم تلات دقايق انا اسف احد اكبر اعداء الاسلام هو امية ابن خلف - 00:00:28ضَ

المالك بتاع آآ سيدنا بلال وكان من صناديد قريش. اللي عذب سيدنا بلال في صحراء مكة ونيمه على الرمال الساخنة في الصيف وحط الحجر الكبير على صدره ويقول له لو بس تتفوه باسم اللات والعزى بس قل اسمهم بس. وانا هاوقف التعذيب وساني - 00:00:44ضَ

بلال يقول احد احد. فده كان مجرم المجرمين الكبار هذا الرجل اللي من صناديق قريش ساوم النبي صلى الله عليه وسلم ان هو وزعماء قريش هيدخلوا الاسلام هيبقوا مسلمين بشرط - 00:01:11ضَ

ان النبي صلى الله عليه وسلم يعمل لهم مجالس غير مجالس المسلمين الفقراء اللي زي بلال وصهيب الرومي وسلمان الفارسي وابن مسعود لانهم ريحتهم عرق يعني بيستحموا بس بيرجعوا يلبسوا نفس اللبس التاني عشان الفقراء ما عندهمش لبس يغيروا فيه - 00:01:30ضَ

فهم بيقرفوا يعني ناس من عيلة القوم وناس آآ شيكو ما بيقرفوا الحقيقة يعني عاوزين المسجد يبقى فيه كده وايكونومي كلاس مكان الدرجة الاولى ودرجة رجال الاعمال مع بعض. والدرجة السياحية بيقعد فيها العبيد والناس الفقراء - 00:01:51ضَ

عارف الطيارة اللي يعني بيدخلوا الركاب بتوع الدرجة الاولى الاول. عشان يبقوا قاعدين بيبصوا علينا واحنا داخلين على الدرجة السياحية. ونعدي من وسطيهم بقى مربوطين بالسلاسل كده يقعدوا يبصوا واحد واحد كده نظرة طبقية شوية - 00:02:10ضَ

اهو المنزر الطبقي ده كانوا عاوزين يعملوه في الاسلام. يعملوه في المسجد. ما يعني كان شرطهم عشان يسلموا انهم هيسلموا كل حاجة وهيدفعوا الزكاة ويحجوا ويصوموا ويصلوا معه ويصلوا عادي. ولكن مش هيقعدوا في نفس الجلسة مع الفقراء - 00:02:23ضَ

فصل على اساس طبقي طبعا شيء مريع بس لو النبي صلى الله عليه وسلم وافق قريش هتدخل الاسلام وبالتالي كل قبائل الجزيرة العربية هتدخل الاسلام. قريش هي الزعيمة هي اللي ماسكة مكة هي اللي معها الكعبة اهيت - 00:02:42ضَ

ولا فيه بقى بدر ولا احد ولا ولا غزوات ولا حد يموت ولا حاجة ولا حاجة خالص الموضوع كان هيمشي بس يوافق الرسول عليه الصلاة والسلام على الشرط ده انه لما يجلس مع الاغنياء الفقراء ما يحضروش - 00:03:04ضَ

ويبقى دول لهم جلساتهم ودول لهم جلساتهم عشان الريحة هتنزل الاية معي بقى الاية تمانية وعشرين اقرا معي. اعوذ بالله السميع العليم من الشيطان الرجيم. واصبر نفسك مع الذين يدعون ربك - 00:03:23ضَ

ربهم بالغداة والعشي يريدون وجهه ولا تعد عيناك عنهم تريد زينة الحياة الدنيا. ولا تطع من اغفلنا قلبه عن ذكرنا واتبع هواه كان امره فرطا يعني اللي هو بيقوله ده مش وارد اصلا كخيار مطروح. مش اوبشن خالص. ده معناه تغيير الدين على مزاج الحاكم - 00:03:41ضَ

حاكم احنا نيجي نجيب الحاكم هنا. هو انت كل شوية تدخل السياسة! ما فيش سياسة. مجتمع قريشي كان مجتمع تجاري. فالتجار كانوا هم الحكام في مكة فلما ربنا يقول ويل للمطففين مش معناها بس ويل للتجار الغشاشين اللي بيشيل السفندياية بعد ما يوزن لك لا لا معناها ويل للحكام المزورين - 00:04:09ضَ

لان التجار اللي نزلت فيهم الاية كانوا هم اصحاب الحل والعقد في مكة. هم اصحاب القرار السياسي بتاع مكة لكن لو بدأ الانبياء ومن بعدهم المصلحين يتنازلوا ويوافقوا على طلبات الحكام والاغنياء بتوع - 00:04:30ضَ

المجتمع عشان يجذبوهم للدين ويقربوهم من ربنا هيتغير الدين الدين ليس فقط عبادة الله الواحد الاحد. الدين ايضا هو اقامة العدل بين الناس ودفع الظلم. فلو هيتبني الدين اصلا على الظلم وعلى التفرقة بين - 00:04:47ضَ

الناس هيبوظت دي هيحرف الدين على فكرة في اديان قائمة على كده. قائمة على التفرقة بين الناس. الهندوسية الناس فيها تلات طبقات فتنزل الاية تقول عليه الصلاة والسلام ولا تفكر مش وارد اصلا الكلام ده. واصبر نفسك مع الذين يدعون ربهم - 00:05:05ضَ

فهم بالغداة والعشي يريدون وجهه ولا تعد عيناك عنهم تريد زينة الحياة الدنيا ولا تطع من اغفلنا قلبه عن ذكرنا واتبع هواه وكان امره فرطا الاية الحقيقة بتكلم كل واحد مننا - 00:05:30ضَ

واصبر نفسك مع الذين يدعون ربهم بالغداة والعشي يريدون وجهه. خليك مع الناس اللي بتذكرك بالله في كل وقت الناس الموصولة بالله اللي لما تشوفهم يذكروك بربنا هم دول الناس اللي تستحق ان احنا نصاحبها ونعيش معها - 00:05:53ضَ

خلوا بالكم القعدة مع الناس الموصولة بالله دمها مش خفيف اوي زي القعدة مع الناس التانية اللي هو صاحب الكاس والقاعدة اللي فيها وشيشة والله اعلم في ايه في الشيشة - 00:06:13ضَ

فالموضوع محتاج ايه انك تصبر نفسك على القعدة دي في الاول لغاية ما تتعود عليها وتحبها. واصبر نفسك مع الذين يدعون ربهم بالغداة والعشي يريدون وجهه. صبر نفسك والزم القعدة دي معهم عشان انت هتتعود عليها وهتحبها بعد كده - 00:06:26ضَ

عشان هم دول اللي بيفكروك بربنا اسمع بقى واصبر نفسك مع الذين يدعون ربهم بالغداة والعشي يريدون وجهه في ناس مخلصة وناس متدينة تدين شكلي من اجل الشياكة والمزاهر. بيروح يحج عشان يتقال له يا حاج - 00:06:48ضَ

وعشان يرسم الكعبة على باب البيت والطيارة والكلام ده لكن تقدر تعرف انت طبعا هنا بقى مشكلة طب نعرف ازاي الناس المخلصة والناس اللي مش مخلصة؟ مش هتقدر تعرف. مش هتحكم على الناس لان ده معناه انك هتبدأ تحكم على قلوب - 00:07:06ضَ

الناس اوعى تعمل كده. الله! اومال نعمل ايه ولا حاجة. تقدر تعرف نفسك انت يعني ايه ؟ يعني المهم انت انت بتقرا القرآن ده عشان جارك. انت بتقراه عشان نفسك انت - 00:07:26ضَ

انت لازم تبقى من الذين يدعون ربهم بالغداة والعشي يريدون وجه مش يريدون ارضاء الناس ويريدون سمعة بين الناس هي دي النقطة. ازاي تتدبر القرآن فكل اية بتربيك وبتغير منك - 00:07:36ضَ

طيب انت بتشارك في عمل خير بتحضر دروس عشان تتمنزر ولا ابتغاء مرضاة الله؟ طب تعرف ازاي لما تعمل جزء من هذه الاعمال في السر بينك وبين ربنا ومش لازم كل حاجة تعملها تذيعها. تروح تذيعها بقى وتكتبها على الفيسبوك وبتاع عشان الناس تتأسى بك وتحث الناس على الخير. خلي فيه جزء من - 00:07:54ضَ

اعمالك الصالحة بينك وبين الله لا يعلمه احد ابدا. ازا استطعت انك تخفي جزء من اعمالك فانت اذا موصول بالله او على الاقل انت سليم من مسألة الرياء اقرأ معي تمانية وعشرين تاني واصبر نفسك مع الذين يدعون ربهم بالغداة والعشي يريدون وجهه - 00:08:18ضَ

ولا تعد عيناك عنهم تريد زينة الحياة الدنيا اوعى تخلي زينة الحياة الدنيا تجعلك تتنازل عن مبادئك هنا تربية على ايه على الزبط ميزان القيم القيم اللي هنقيم على اساسها الصح والغلط والحسن والقبيح. والحلو والوحش بلغتنا العامية. مش الدنيا ولا المكاسب الدنيوية - 00:08:44ضَ

الاخرة انت مصاحب واحد بيصيف في جمصة وسايب اللي عنده فيلا في مراسي ومارينا لو انت بتقيم الناس كده يبقى انت عندك مشكلة ضخمة جدا في القيم بتاعتك تدبر الكهف - 00:09:10ضَ

والتفكر في هذه الايات يزبط لك ميزان القيم بتاعك حدد صاحبك ازاي ؟ ايه هي علامات الصحبة الصالحة؟ قال لك من تذكرك بالله رؤيته ويزيد في علمك منطقه. يعني كلامه مفيد مش لغو كله وكلام فارغ. وطول النهار بنكد - 00:09:26ضَ

ويزهدك في الدنيا عمله هو بيعمل ايه؟ تشوفه مش متكالب على الدنيا وكلها وتحصيل الثروة والماديات فتبقى انت حاسس ان انت عايز تلهف عشان انت كمان ما انت احنا في سباق مع الناس - 00:09:48ضَ

ولا تعصي الله ولا تعصي الله وانت في قربه مش واحد بيغتاب فانت بتسمع الغيبة خدت آآ وزر ويبحث آآ او بيحث الناس على ارتكاب المحرمات. وبيقترح الذهاب لاماكن فيها محرمات ابعد عن ده. ده هيضيعك - 00:10:04ضَ

وتشعر انك لما تشوف افعاله انك عاوز تعمل زيه. علشان تبقى انسان عزيم زي افعاله كلها كده نافعة للناس. يعني انت قاعد مع واحد شايفه طول النهار بيخدم الناس طول النهار بيعمل اعمال صالحة - 00:10:24ضَ

فتبقى عايز انت كمان تعمل اعمال صالحة. ينعكس عليك. فده اللي انت تروح تصاحبه ابو الصاحب التاني كمل الاية بقى ولا تطع من اغفلنا قلبه عن ذكرنا واتبع هواه وكان امره فرطا. اوعى تسمع - 00:10:42ضَ

الكلام اللي قلبه غافل عن الله وماشي ورا مزاجه واتبع هواه ماشي على مزاجه وشهواته وكان امره فرطا. فرطت منه الدنيا فرطة منه مزودها. ابعد عن ده حتى لو انت ما بتعملش حاجة غلط لكن قربك منه هيوقعك في الغلط. على الاقل هيخليك - 00:11:00ضَ

تألف المعصية في حاجة اسمها الف المعصية ده مرض من امراض القلب. انك تألف المعصية تبقى شيء مألوف بالنسبة لك حتى لو انت ما بتعملهاش يقسي قلبي. اقسى علاقة بي - 00:11:27ضَ

الشخص الغافل ده انك تدعوه والقصة اللي جاية هي قصة دعوة الصاحب المؤمن للصاحب اللي قلبه غافل عن الله ولا تطع من اغفلنا قلبه عن ذكرنا هي سانية واحدة ولا تطع مني من اغفلنا قلبه طب هو زنبه ايه ؟ ده ربنا هو اللي جعل قلبه يغفر - 00:11:44ضَ

لا دي ما تتفهمش بعيدا عن ايات سورة الشمس ونفس وما سواها فالهمها فجورها وتقواها. ربنا سوى النفس. كل واحد فينا اسمه نفس جوة كل واحد فينا عنده الفجور والتقوى مع بعض - 00:12:08ضَ

قد افلح من زكاها وقد خاب من دساها كل واحد فينا داخله في دوافع الخير ودوافع الشر. وربنا اعطى كل انسان مننا القدرة على تزكية نفسه فيفلح يعني ينجح او تدسية نفسه دساها انك تدسي نفسك فتخيب وتفشل نفسك - 00:12:27ضَ

ولا تطع من اغفلنا قلبه عن ذكرنا واتبع هواه وكان امره فرطا. هو اللي اتبع هواه واتبع هواه وكان امره فقط. فهو لما اتبع هواه وكان امره فرطا بالتالي طبيعة النفس الانسانية هو انها صاحبة - 00:12:52ضَ

القرار وربنا سمح لها انها تسوق الانسان فلما ربنا يقول اغفلنا قلبه عن ذكرنا لان ربنا سمح له انه يقود نفسه نحو الهلاك لان هو ده جزء اساسي جدا من مسألة - 00:13:09ضَ

الحرية. ما هو ربنا لو هيبرمجنا ويجبرنا ان احنا نبقى كلنا ناس صالحين. بقينا روبوتات بقينا زي الروبوتات او زي الحيوانات مسيرين مش لا احنا مخيرين وجزء اساسي من الاختيار باكيدج الحرية ان انت عندك حرية الاختيار - 00:13:25ضَ

انك انت قادر تضيع نفسك او تزكي نفسك آآ فربنا ترك النفس الانسانية تقود الانسان بكامل حريته حتى في الايمان او الكفر اهو اقرا الاية اللي بعدها وقل الحق من ربكم - 00:13:42ضَ

فمن شاء فليؤمن ومن شاء فليكفر. حتى في الايمان والكفر ربنا ما اجبرناش. طب ما تكبرنا ربنا كان ممكن يكرهنا لو ربنا كان عمل النظام كده ان اللي هيكفر هيجي له فشل كلوي - 00:14:04ضَ

كلنا كنا هنؤمن لكن لا ما عملش كده. ليه عشان انت عندك حرية الاختيار. وقل الحق من ربكم وقل يا محمد وقل يا كل واحد فينا. احنا نقول الحق احنا نوضح الحق - 00:14:19ضَ

ونترك كل واحد بحريته لا اكراه في الدين ده الروح اللي قايم عليها هذا الدين ما اعرفش انا قلت لكم قبل كده الكلام ده ولا لأ لكن لا اكراه في الدين نزلت - 00:14:35ضَ

بسبب قبل الاسلام كان كثير من العرب جهلة بيكرهوا ان يجي لهم آآ بنات يعني يعني زوجاتهم يخلفوا بنات فكان بعضهم وزوجاتهم حامل حوامل ينظروا لله نذرا يا رب لو رزقتني بولد زكر - 00:14:49ضَ

ساهوده ويبقى يهودي لان العرب الوثنيين كانوا يعلموا ان اليهود اهل كتاب وانهم اقرب الى الله منهم. فعملوا ايه نظروا ان لو جا له ولد يبقى يهودي. نتيجة هذا اصبح هناك جيل من اليهود اباءهم مش يهود وثنيين - 00:15:16ضَ

بعض هؤلاء الاباء دخلوا الاسلام فبقى اولادهم يهود وعايشين مع بني النضير وهم مسلمين. جبال النظير يخرجوا قال لك لا ادونا ولادنا. ولادنا دول مسلمين هيخشوا الاسلام. وارادوا ان يكرهوا اولادهم - 00:15:38ضَ

هم على الاسلام تنزل الاية تدافع عن حق الشباب اليهودي في الاحتفاظ بدينه وعدم دخوله الاسلام. لا اكراه في الدين قد تبين الرشد من الغي تجبروهم ليه يخشوا الاسلام؟ اتركوهم. تخيل شوفوا الجمال شوفوا الروعة. شوفوا الرقي، الايات تنزل للدفاع عن حق الشباب اليهودي في الاحتفاظ بدينه اليهودية - 00:15:56ضَ

اكرهه على دخول الاسلام. ده ده روح الدين وقل الحق من ربكم اية تسعة وعشرين اقرا معي فمن شاء فليؤمن ومن شاء فليكفر انا اعتدنا للظالمين نارا احاط بهم سرادقها. وان يستغيثوا يغاثوا بماء كالمهل يشوي الوجوه - 00:16:20ضَ

بئس الشراب وساءت مرتفقا. تعال بقى نشوف دي. انا اعتدنا للظالمين نارا دا النار جاهزة من دلوقتي اعتدنا. دا هي معدة ومولعة. هي يعني من يوم القيامة ايه الظالمين اما بيجوا يخشوا النار بس مش هتلاقيهم ممكن بس تستنوا خمسين سنة لغاية ما نولع النار. لا النار هم والعميدات وجاهزة - 00:16:46ضَ

النار دي بقى احاط بهم سرادقها. يعني خيمة محيطة بالانسان. قال بعض المفسرين الدخان بتاع النار هيعمل زي هيعمل زي خيمة بحيس ان هم يبقوا مخنوقين ومش شايفين براها كمان - 00:17:07ضَ

وان يستغيثوا يغاثوا طب كويس بايه ؟ بناء كالمهل يشوي الوجوه. طبعا يغاثوا هنا ده من باب التهكم يغاث بماء. معقول! اه بس ايه كالمهل. المهل يعني لونه عكر. غامق. تبقى قرفان تشرب. عارف انت لما عارف يجي واحد يجيب لك كوباية ماية - 00:17:24ضَ

لونها اسود او لونها عكر معكرة تبقى قرفان تشربها ده يا ريتها بس معكرة لأ سخنة لدرجة مش انها بتلسع لسانك او شفايفك لا ده مجرد تقربها من وجهك تشوي الوش - 00:17:46ضَ

كالمهل ومن سخونيته يشوي الوجوه مجرد السخونية بتاعته بتهد ده ده مفاعل نووي لمجرد انك تقربه كده يشوي الوش ماء وسخ وبيغلي لدرجة ان حرارته بتشوي الوش بئس الشراب وساءت مرتفقة. بئس عكس نعمة - 00:18:05ضَ

الاية اللي قبلها نعمة ها نعم الثواب وحسنت مرتفقة. هنا بئس الشراب وساءت مرتفقا. يعني ده اسوأ شراب بئس الشراب. اسوأ شراب ممكن حد يشربه. وساءت مرتفقة النار دي اسوأ مرتفق. برضه من باب التهكم لان الارتفاق هو الراحة والاتكال - 00:18:31ضَ

اصحاب الكهف قالوا ايه؟ بصوا معي في الاية ستاشر ارجع الاية ستاشر ارجع استشر تأووا الى الكهف ينشر لكم ربكم من رحمته ويهيئ لكم من امركم مرفقا. يعني يعمل لكم - 00:18:53ضَ

ومكان مريح وقلنا ازاي يبقى الغار ومكان مريح قلنا عشان الايمان في القلب. الغار هيبقى مريح. اللي ما فيش فيه آآ مخدة. ما فيش فيه سرير ما فيش فيه كرسي - 00:19:09ضَ

هيبقى مريح. الكفار لهم ايه؟ لهم النار وساءت مرتفقة برضو من باب التهكم. زي يعني اسوأ مكان ممكن انسان يقعد فيه ده معناه اقرا معي الاية تلاتين ياللا. تلاتين ان الذين امنوا وعملوا الصالحات انا لا نضيع اجر من احسن عملا - 00:19:19ضَ

لكن على الناحية التانية المؤمنين الذين امنوا وعملوا الصالحات. احنا قلنا مفهوم الخلاص في الاسلام طير بيطير بجناحين. الايمان والعمل الصالح. واحد بس الطير هيقع الايمان وحده ضروري لكنه مش كفاية. العمل الصالح وحده ضروري لكنه مش كفاية - 00:19:50ضَ

خلاص؟ طيب آآ المؤمنين اللي عملوا الصالحات اجرهم لا يضيع ان الذين امنوا وعملوا الصالحات انا لا نضيع اجر من احسن عملا. يعني ايه؟ يعني ما تخنش ما تخافش على اعمالك الصالحة مش منسية - 00:20:12ضَ

بص من نعم ربنا علينا اننا بننسى الاعمال الصالحة اللي بنعملها انت متخيل لو انت فاكر كل عمل صالح عملته في حياتك وكل صدقة تصدقت بها ربما ده يؤدي الى انك مش ربما ده اكيد هيحصل. هتطمئن للاعمال الصالحة بتاعتك - 00:20:34ضَ

وتتوقف عن عمل العمل الصالح بعد كده. او يقل جدا ليه؟ لانك هتستكتر اللي انت عملته. فمن نعم الله اننا بننسى لكن هو لا ينسى وكل اعمالنا متسجلة قلنا صوت وصورة متسجلة في سجلات لن يضيع منها شيء - 00:20:57ضَ

ده كلام مطمئن للمؤمن اللي بيعمل الصالحات. اعمل الخير وارميه في البحر زي ما بيقولوا. انساه ما تخافش مش هيضيع ان الذين امنوا وعملوا الصالحات انا لا نضيع اجر من احسن عملا - 00:21:16ضَ

اقرأ معي بقى واحد وتلاتين اولئك لهم جنات عدن تجري من تحتهم الانهار. يحلون فيها من اساور من ذهب يلبسون ثيابا خضرا من سندس واستبرق. متكئين فيها على الارائك. نعم الثواب - 00:21:37ضَ

كانت مرتفقة طيب اولئك لهم جنات عدن. دول ربنا يجعلنا منهم يا رب لهم جنات عدن. يعني جنات باقية لا تزول. معدل الاقامة مش يعني مش مش مش هيروحوا يتفسحوا فيها ويمشوا اخر النهار. وان داي تريب زي ما بيقولوا لا لا لا انت مقيمين فيها. دي جنات عشان الاقامة - 00:21:59ضَ

اولئك لهم جنات عدن. يعني جنات للاقامة باقي تجري من تحتهم الانهار. يعني هم في جنات على جبال وربا مرتفعة. وشايفين الانهار شكلها جميل بتجري من تحت كده او جنات - 00:22:23ضَ

بتشقها الانهار فتتمشى وتستمتع بجريان الماء كده انت شايفه تحتيك كده او عارف الكورة في قرى سياحية في بعض الجزر بيبنوا فيها شاليهات فوق الماية ويعملوا ارضية شفافة فتبقى شايف الماية والسمك كده - 00:22:42ضَ

انت تخيل بقى الجنة اللي انت عايزها اللي انت عايزه في الجنة هيكون موجود انا اتعلمت الحكاية دي من الشيخ علي الطنطاوي رحمة الله عليه اديب العلماء وعالم الادباء. شيخ شامي عزيم كتب مقال في مرة - 00:23:00ضَ

ان كل واحد يتخيل الجنة بتاعته هو عايز فيها ايه من دلوقتي هو قال قال انا هطلب من الله مش اني اشوف السيرة النبوية؟ لا اني احضرها بيحصل وقائعها وانا في قلبها - 00:23:15ضَ

هيطلب كده من ربنا. وانت لك ما تريد في في الجنة. يبقى موجود بقى مع الرسول عليه الصلاة والسلام ويحضر النبي عليه الصلاة والسلام وهو داخل الغار مع ابو بكر ويحضر دخول النبي عليه الصلاة والسلام - 00:23:32ضَ

المدينة والناس فرحانة والانصار فرحانين ويحضر غزوة بدر ويحضر فتح مكة. تخيل الجنة اللي انت عايزها. انا شخصيا بحب اقعد مع العلماء. احب اقعد مع عالم واسمعه بيتكلم لكن حصل كزا مرة اني قعدت - 00:23:42ضَ

مع اتنين علماء بيتناقشوا في موضوع علمي تحس ان دي امتع امتع لحزات حياتي فتخيلت ان انا في الجنة ودعوت الله وادعو الله ان في الجنة اجلس مع النبي محمد صلى الله عليه وسلم. وسيدنا عيسى وموسى وابراهيم ونوح جميعا عليهم افضل الصلاة والسلام - 00:23:56ضَ

واسمعهم بيتناقشوا وبيتكلموا وانا قاعد كده بتعلم بس منهم كل واحد بقى يتخيل بقى اعرف واحد بيقول لي انا نفسي الجنة يكون فيها تخن ورجيم. ويكون اكل الريجيم هو الحاجات اللي ممنوعة علي في الدنيا. فكل الحاجات الممنوعة دي شوكولاتة ومش عارف - 00:24:19ضَ

ايه وبتاع واخس. اه ماشي برضه مش وحش. المهم يعني انت تخيل جنتك. اولئك لهم جنات عدن. واطلب من ربنا اللهم اجعلنا منهم يا رب زي التدبر القلبي قلنا تجري من تحتهم الانهار - 00:24:39ضَ

يحلون فيها من اساور من ذهب ويلبسون ثيابا خضرا من سندس واستبرق. خل بالك بقى يحلون هم مش البسوا الاساور الدهب لأ هم هيحلوا بالاساور الدهب. عارف انت يقول لك ايه؟ وتم تقليده بقلادة كذا - 00:24:55ضَ

وكأن ربنا هيقلدك هيقلدك قلادات يعني هيكرمك ويلبسك حصل على الميدالية الذهبية ويسلمه الميدالية مش عارف بنفس كده. هيحلوا باساور من ذهب ويلبسون هم هيلبسوا ثياب بقى ايه خضرا من سندس يعني حرير رقيق. واستبرق آآ آآ حرير بس مشغول بالقصب الدهب والفضة اللي هو - 00:25:18ضَ

بيسموه البرودري والكلام ده متكئين فيها على الاراك عاتين على فرش جميل كده وفخم كده ومريح. نعم الثواب وحسنت مرتفقا. هنا بقى خلينا نتكلم الصراحة ممكن واحد يقفل من الكلام ده. وكزا حد انا عندي كزا حالة - 00:25:49ضَ

يجي يقول لي بص بصراحة المتع الحسية بتاعة الجنة بتقفلني انا كلمني عن متعة رؤية الله ومجالسة الانبياء والصالحين. والسلام النفسي والروحي انبسط جدا. لكن تقول لي يحلون فيها من - 00:26:11ضَ

من دهب ويلبسون ثيابا بقى خضرا من سندس يعني حرير رقيق واستبرق يعني حرير مشغول بخيوط الدهب والفضة ومتكين فيها على الاراضي قال لي انا بقفل من الكلام ده ده لسة فيه بقى صور تانية بقى فيها بقى فيه زوجات وحور عين ومشاريب بتلف وكأس بتطوف على الناس ومتحسية كتير شوية - 00:26:25ضَ

قلت له ده لانك اناني هو كان يعني احنا مفتوحين وبنتكلم مع بعض هو صاحبي ده لانك اناني ليه؟ انت كان في متناول ايدك في الدنيا متع وواخدها كأنها حق من حقوقك - 00:26:48ضَ

واخد واخد النعمة اللي عنده فورجرانتد انا غني خلاص وما فكرتش ان غيرك امتحانه في الدنيا هو الحرمان من المتع دي انت اتجوزت غيرك ما تجوزش وصبر وعف نفسه عن الحرام. مش من حقه يتجوز في الاخرة عشان حضرتك مش في دماغك الموضوع دون انت خلاص انت اخدته في الدنيا ومش حاسس انها متعة اصلا - 00:27:06ضَ

انت كان عندك فرش حلو وشيك في بيتك ومريح غيرك ما قاعد على حصيرة وصبر ما مدش ايده للحرام. مش من حقه يتمتع بارائك الدنيا علشان حضرتك مش في دماغك انها متعة - 00:27:34ضَ

انت كنت بتلبس اللي انت عاوزه وعندك مقدرة على شراء اغلى الملابس سواء اشتريتها او ما اشترتهاش. لكن مجرد قدرتك المادية على شراء ما تريد من ملابس شيكو فخمة ومتعة لم ينالها اخرين - 00:27:52ضَ

وشايفين لبس الناس بتلبسه ونفسهم كانوا يلبسوه حرموا منه في الدنيا على سبيل الاختبار وعفوا نفسهم عن الحرام ما مدوش ايديهم للحرام ما ارتشوش وصبروا يحرم من ده في الاخرة كمان. عشان حضرتك مش في دماغك ان ده لازم يكون اصلا من المتع اللي في الجنة - 00:28:09ضَ

هذه انانية ممكن اية بتتكلم عن متع الجنة ما تعملش كليك معك. تعمل كليك مع غيرك. وتكون سبب في هدايته في الدنيا. وانه يصبر على الاختبارات والفتنة اللي هو فيها في الدنيا - 00:28:29ضَ

بس هي حتى لو ما عملتش كليك معك فالمشكلة فيك. ليه؟ لانك واخد بعض هذه النعم على انها حق مكتسب. ومش شاعر بانها يجب انك تشكر ربنا عليها وتسأل الله انه لا تحرم منها - 00:28:47ضَ

لو انت في نعمة معينة مسلا مال عندك مال فبتشكر الله على النعمة وتسأل الله اللهم اني اعوذ بك من السلب بعد العطاء تيجي على اية بتقول لك انك هيكون عندك ثروة - 00:29:04ضَ

دهب وعندك وعندك قصور في في الاخرة هتكليك معك حتى لو انت عندك الكلام ده في الدنيا لانك مقدر النعمة انها نعمة من عند ربنا ما هياش مكتسب لك وهي عندك كده كده - 00:29:18ضَ

تمام؟ طيب ارجع معي للاية واحد وتلاتين تاني. خضرا من سندس واستبرق متكئين فيها على الارائك نعم الثواب وحسنت مرتفقا. عكس بئس اللي في الاية تسعة وعشرين في تسعة وساءت بئس الشراب. هنا نعم الثواب. وساءت مرتفقة. آآ آآ هنا وحسنت مرتفقة. ثم - 00:29:31ضَ

تبدأ بقى القصة التانية اللي فيها تمثيل لهذه المعاني. بالنسبة لميزان القيم. هنرى في القصة دي آآ اللي بيقيم الامور على اساس مادي واللي بيقيم الامور على اساس القرب من الله. وهنشوف فيها تمثيل للي الذين يدعون ربهم - 00:30:01ضَ

والعشي يريدون وجهه. عموما فيه واجب عندكم تعملوه الليلة او قبل بكرة القصة التانية دي وتتدبروها وتحاولوا تطلعوا العلاقة بينها وبين الايات اللي سبقتها اللي احنا تدبرناها النهاردة وامبارح. يعني - 00:30:21ضَ

في اخر تمن ايات في القرآن قبل قصة الجنتين تتدبروهم ومع تدبر قصة الجنازة. هنقرا مع بعض دلوقتي الايات اللي هنتدبرها بكرة بتاعة الجنتين انا ما بحبش اسميها صاحب الجنتين. يا اما الصاحبين يا اما آآ الجنتين لكن صاحب الجنتين دي فيها اهمال للراجل الطيب الحقيقة. فاحنا هنقراها مع بعض ومش هنتدبرها - 00:30:40ضَ

انتم هتتدبروها قبل الدرس بتاع بكرة وتطلعوا العلاقات اللي بينها وبين الايات اللي احنا دبرناها النهاردة وامبارح وتكتبوا الكلام ده على بتاعت اليوتيوب وعلى التعليقات بتاعة الفيسبوك. خلاص مع بعض يلا - 00:31:04ضَ

من اية اتنين وتلاتين واضرب لهم مثل الرجلين جعلنا لاحدهما جنتين من اعناب وحفثناهما بنقل وجعلنا بينهما زرعا. كلتا الجنتين اتت اكلها ولم تظلم منه شيئا وفجرنا خلالهما نهرا. وكان له ثمر فقال لصاحبه وهو يحاوره - 00:31:20ضَ

ويحاوره انا اكثر منك ما له واعز نفرا. ودخل جنته وهو ظالم لنفسه قال ما اظن انت تبيد هذه ابدا وما اظن الساعة قائمة ولئن رددت الى ربي لاجدن خيرا منها منكر - 00:31:49ضَ

قال باء قال له صاحبه وهو يحاوره اكفرت بالذي خلقك من تراب. ثم من نطفته ثم سواك رجلا. لكنه الله ربي ولا اشرك بربي احد ولولا اذ دخلت جنتك قلت ما شاء الله. قلت ما شاء الله - 00:32:18ضَ

الله لا قوة الا بالله. ان تراني انا اقل منك مالا وولدا. فعسى ربي ان يؤتيني خيرا من جنتك. ويرسل عليها حسبانا من السماء فتصبح صعيدا انزلق او يصبح ماؤها غورا فلن تستطيع له طلبا. واحيط بثمره - 00:32:49ضَ

كيف اصبح يقلب كفيه على ما انفق فيها. وهي خاوية على عروشها ويقول يا ليتني لم اشرك ربي احدا. ولم تكن له فئته ينصرونه من دون الله وما كان منتصر - 00:33:19ضَ

اسأل الله العلي العظيم ان يجعل القرآن الكريم ربيع قلوبنا ونور صدورنا وجلاء احزاننا وذهاب همومنا مغفرة لذنوبنا. اسأل الله ان يجعل هذا التدبر في ميزان حسناتي وحسناتكم. اللهم انك تعلم ان هذه القلوب قديمة - 00:33:39ضَ

اجتمعت على كتابك وعلى محبتك. والتقت يا ربنا على طاعتك. وتوحدت على دعوتك. وتعاهدت على نصرة فوثق اللهم رابطتها وادم ودها واهدها سبلها واملأها بنورك الذي لا يخبو واشرح بفيض الايمان بك وجميل التوكل عليك. واحيها بمعرفتك وامتها على الشهادة في سبيلك. انك نعم المولى ونعم النصير - 00:33:59ضَ

والسلام عليكم ورحمة الله. نراكم غدا باذن الله ان كنا من اهل الدنيا ما تنسوش الواجب - 00:34:29ضَ