باحث

السلام عليكم ورحمة الله وبركاته. اهلا بحضراتكم في المقطع رقم تمنمية وعشرة من مقاطع حظر التجول والحلقة الثانية والخمسون من حلقات تدبر سورة ال عمران ارجو من حضراتكم تجيبوا المصاحف. واقروا معي الاية مية ستة وتمانين. انا اسف - 00:00:01ضَ

اعوذ بالله السميع العليم من الشيطان الرجيم لا تبلون في اموالكم وانفسكم ولا تسمعن من الذين اوتوا الكتاب من قبلكم ولا تسمعن من الذين اوتوا الكتاب من قبلكم ومن الذين اشركوا اذى كثير - 00:00:33ضَ

وان تصبروا وتتقوا فان ذلك من عزم الامور امبارح قلنا عندنا كويز عندنا امتحان صغير كده. اديتكم واجب تفكروا في العلاقة بين الاية دي والاية اللي قبلها اللي احنا تدبرناها امبارح اللي هي الآية مية خمسة وتمانين - 00:01:03ضَ

وايه ممكن تكون الحكمة من ورود الايتين دول بعد ايات غزوة احد خاصة اقرأ كده معي الاية مية خمسة وتمانين هي اخر اية تدبرناها امبارح كل نفس ذائقة الموت. وانما توفون اجوركم يوم القيامة - 00:01:31ضَ

فمن زحزح عن النار وادخل الجنة فقد فاز وما الحياة الدنيا الا متاع الغرور تمام خلونا بقى نركز الاية مية خمسة وتمانين كده كل نفس ذائقة الموت كل نفس هتموتوا - 00:01:56ضَ

تعاين الموت وانما توفون اجوركم يوم القيامة. الاجر بتاعكم هتاخدوه يوم القيامة. فاكرين الفيديو اللي اسمه الحلم اللي انا حطيته بتاع احمد نام وشاف اه حلم والحلم فيه ان هو لابس لبس غريب واقف في استاد كورة ومش مع المتفرجين مش مع - 00:02:17ضَ

ومش مع اللعيبة وضع غريب وقف برة الملعب ولابس لبس غريب كده يونيفورم وماسك شنطة غريبة. فطبعا هو في حالة من من الحيرة الشديدة الحيرة دي لن يبددها الا انه يقرأ نص - 00:02:45ضَ

فلقى في جيبه كروت. الكروت تمسل القرآن الكريم النص اللي لما الواحد يقرأه يفهم هو هنا ليه في الدنيا. الاستاد ده يمثل الدنيا فمن ضمن الكروت الكارت الاخير كارت الاجر - 00:03:05ضَ

قولوا لي يعني اول كارت آآ انت بتشتغل مم آآ معالج اصابات ملاعب اللي هي تمثل الوظيفة اني جاعل في الارض خليفة الكارت التاني المهام المطلوبة منه كمعالج اصابات ملاعب يعالج كل آآ لاعب مصاب او حكم او آآ حد من الجمهور اللي هي الاربع مهام الرئيسية - 00:03:27ضَ

اللي قلنا عليها قبل كده كتير بتاعة الخليفة خليفة الله في الارض هيقوم بالعبادة بالدعوة باعمار الارض باقامة العدل ودفع الظلم. تمام الادوات دي قصة بقى تاني حاجة انت اخر حاجة الاجر. الاجر بتاعه كان مكتوب له الفين جنيه بعد المباراة - 00:03:52ضَ

وده الطبيعي ما فيش حد بياخد اجره اسناء العمل بعد ما العمل يخلص. وانما توفون اجوركم بعد ما ايه؟ ما تدوقوا الموت كل نفس ذائقة الموت وبعد الموت ييجي يوم القيامة توفوا اجوركم - 00:04:18ضَ

التوفيق هتم ازاي فمنزوحزح عن النار وادخل الجنة فقد فاز؟ وما الحياة الدنيا الا متاع الغرور. يبقى انا خلينا نركز في المقطع اللي هو وانما توفون اجوركم يوم القيامة يبقى الاجر بتاعنا كمؤمنين هناخده يوم القيامة. الثواب هناخده يوم القيامة - 00:04:35ضَ

الجزاء عموما سواء بقى اجر او عقاب هيبقى يوم القيامة يبقى الرسالة اللي باخدها لا تنتزر الاجر الا يوم القيامة. يا مؤمن لا تنتزر اجر في الدنيا. قد يأتي بعض الاجر في - 00:04:56ضَ

الاجر يوم القيامة الله! اومال الدنيا فيها ايه يا رب يا ايه الاية مية ستة وتمانين لتبلون في اموالكم وانفسكم ولتسمعن من الذين اوتوا الكتاب من قبلكم ومن الذين اشركوا اذى كثيرا. عرفت الدنيا فيها ايه بقى؟ بهدلة - 00:05:12ضَ

بهدلة هتبتلوا في اموالكم هتخسروا فلوس وفي انفسكم يعني ناس بتحبهم هيموتوا وفي انفسكم بتشمل ايضا الصحة بتاعة الانسان عمالة ايه تتدهور كل ما يكبر وقت اتشتموا كمان يلا ولا تسمعن من الذين اوتوا الكتاب من قبلكم مسيحيين ويهود. ومن الذين اشركوا اذى كثيرا - 00:05:35ضَ

بس البهدلة دي مش عقاب اومال ايه دي ابتلاءات لا تبلون مش لتعاقبن لا لتبلون. دي ابتلاءات. يبقى الاجر في الاخرة وانما توفون اجوركم يوم القيامة والدنيا فيها امتحانات. ابتلاءات لتبلون في اموالكم وانفسكم. طيب هل اكيد كل الناس - 00:06:04ضَ

هتحاسب وتؤجر يوم القيامة؟ ايوة ليه ؟ لان كله نفس ذائقة الموت وبعد كده وانما توفون اجوركم يوم القيامة طب وهل الكل هيبتلى في الدنيا؟ ايوة ليه؟ عشان ربنا قال لتبلون اللام دي اسمها لام القسم. يعني ربنا بيقسم ان الناس - 00:06:35ضَ

كلها هتبتلى ما فيش حد مش هيبتلى ما فيش ربنا بيقول وما اصابكم يوم التقى الجمعان فباذن الله وليعلم المؤمنين وليعلم الذين نافقوا. عشان كده الايتين دول مية خمسة وتمانين مية ستة وتمانين جم بعد ايات غزوة احد ليه - 00:06:57ضَ

علشان يردوا على السؤال اللي كان عند كتير من حضراتكم وكتبتوه في التعليقات وارسلته لي على مدار عشرين يوم فاتت ناس كتير منكم هيتجننوا ايه زنب الصحابة اللي ثبتوا مع النبي صلى الله عليه وسلم؟ ليه يعاقبوا - 00:07:25ضَ

بذنب تلاتين صحابي فقط من الرماة عصوا اوامر النبي ليه ايه زنب ربعميت واحد ثبتوا في ميدان القتال انهم يدفعوا تمن عدم ثبات متين واحد تولوا يوم التقى الجمعان وانسحبوا من الميدان - 00:07:45ضَ

لا يعاقبوا وليه يقتل منهم سبعين ويمثل بجثثهم ويجرح الباقي الاجابة ما لهمش زنب ولا حاجة المشكلة في تفكيرك انت اللي شايف ان اللي حصل في احد عقاب لأ مش عقاب اومال ده ايه ده ابتلاء - 00:08:05ضَ

نفس الحدث بيبقى عقاب لواحد وابتلاء لواحد تاني يعني لو هننظر على الابتلاءات انها عقوبات ده معناه ان اشد الناس عقابا الانبياء ثم الصالحون ثم الامثل فالامثل. طبعا مش معقول ربنا هيعاقب الانبياء ليه - 00:08:29ضَ

ربنا هيعاقب الصالحين ليه النبي قال اشد الناس بلاء. يعني امتحانا الانبياء ثم الصالحون ثم الامثل فالامثل ازا ربنا وجد في دين الانسان صلابة يزيد له في بلاء يعني يصعب له الامتحان اكتر عشان يطلع كل الخير اللي عنده كل الصبر اللي عنده وكل الحاجات الحلوة اللي عنده - 00:08:50ضَ

تطلع مع الامتحان لما يبقى صعب مش عقاب الابتلاءات ليست عقوبات معقول ننزر لفقد النبي عليه الصلاة والسلام لستة من عياله على ان ده عقاب لربنا! ده كلام ايه ده - 00:09:10ضَ

ده ابتلاء لان في دينه صلابة اصلب دين دين محمد عليه الصلاة والسلام اصعب امتحان مر به انسان كان امتحان النبي عليه الصلاة والسلام ونجح في الابتلاء بالصبر لانه فاهم هو جاي الدنيا اللي هي دار ابتلاء - 00:09:26ضَ

دعاؤه كان اللهم ارزقني من اليقين ما تهون به علي مصائب الدنيا. ولم يدعو الله انه يرزقه حياة في الدنيا بدون مصائب. ليه ؟ لان ما فيش حاجة اسمها حياة بدون مصائب - 00:09:45ضَ

هي الحياة مكان المصائب اصلا. المصائب دي عبارة عن ابتلاءات وليست عقوبات. خد على سبيل المسال حمزة ابن عبد المطلب ومصعب ابن عمير والسبعين صحابي اللي قتلوا وفاتهم والتمثيل البشع اللي حدث لجثثهم. قلت لكم قطعوا اذانهم وانوفهم واصابعهم وحتى اعضاء تناسلية بتاعة بعضهم - 00:10:01ضَ

لدرجة جعلت ابو سفيان قائد جيش قريش يتبرأ من هذه الفعلة البشعة ويقول لم امر بها انا ما امرتش بكده. انا ما ليش دعوة اللي حصل للسبعين صحابي دول اللي قتلوا شهداء احد - 00:10:27ضَ

ده كان عقاب واجر وابتلاء في نفس الوقت. عقاب لمين انت متخيل شعور اللي عاش من الصحابة الرماة اللي عصوا امر النبي عليه الصلاة والسلام ونزلوا من على الجبل وتسببوا في الهزيمة - 00:10:45ضَ

انت متخيل شعورهم وهم بيشوفوا جثث اصحابهم اللي قتلوا بسببهم ده عقاب لهم قعدوا طول عمرهم يلوموا نفسهم كل ما واحد منهم يشوف ابن من ابناء شهداء احد بيشعر بالالم جواه - 00:11:04ضَ

صح؟ يبقى ده عقاب للي غلط. في نفس الوقت ده اجر ومكافأة لمين؟ للشهداء انفسهم المسلم المؤمن اللي فاهم دينه ويعلم اجر الشهيد يتمنى ان ينال الشهادة في نفس الوقت ده ابتلاء ابتلاء لمين؟ لاحبابهم واقاربهم. وللنبي عليه الصلاة والسلام - 00:11:21ضَ

ابتلاء لصفية بنت عبدالمطلب اللي هاجرت مع ابنها الزبير واخوها حمزة. التلاتة كانوا مهاجرين مع بعض فلما يقتل اخوها يعني النبي لما رأى جثة حمزة ممثل بها شهق شهق وقال لولا ان تجد صفية تجد يعني تزعل - 00:11:43ضَ

لتركته حتى يحشر من بطون الطير والسباع. لولا ان عمتي صفية هتزعل كنت تركته. متقطع كده عشان تاكلوا السباع والطيور يعني النسور الجوارح ياكلوه والسباع اللي هم الضباع والسباع عشان ده اكرم للشهيد - 00:12:12ضَ

ان ربنا يجمعه يوم القيامة من بطون السباع لكن بس عمتي هتزعل هادفنه وقال لابنه يعني اسف لابنها لسيدنا الزبير حواري رسول الله من الاربعتاشر فدائي اللي ثبتوا على الجبل - 00:12:32ضَ

الحق امسك امك. قبل ما تشوف اخوها عشان ممكن ما تستحملش قال له القها فارجعها لا ترى ما باخيها. ما تخليهاش تشوفه فقال لها سيدنا الزبير بيقول لامه صفية بنت عبدالمطلب - 00:12:55ضَ

يا امة يا ماما ان النبي رسول الله صلى الله عليه وسلم يأمرك ان ترجعي قالت ولم؟ ليه؟ وقد بلغني ان قد مثل باخي انا عارفة وبلغني وعرفت ان تم التمثيل باخويا. وذلك في الله - 00:13:15ضَ

فما ارضانا بما كان من ذلك. ما فيش حد يرضى باللي حصل اكتر مننا. ده احنا راضيين جدا لاحتسبن ولاصبرن ان شاء الله. ما تخافوش هاصبر بس سيبوني اشوفه. الله - 00:13:38ضَ

لما جاء الزبير الى الرسول صلى الله عليه وسلم اخبره بذلك قال خلي سبيلا. خلاص سبها فأتت فنظرت الى اخيها فصلت عليه واسترجعت واستغفرت له. صلت عليه يعني دعت له - 00:13:54ضَ

يبقى نفس الحدث ابتلاء لاخته ابتلاء لابن اخته. ابتلاء للنبي عليه الصلاة والسلام. مكافأة لحمزة نفسه انه ينال الشهادة عقاب للرماة اللي بقوا على قيد الحياة ان في في منهم ناس قتلوا طبعا - 00:14:11ضَ

هيفضلوا يؤنبوا وضميرهم يفضل يؤنبهم وان كان ربنا عفا عنهم طبعا ازا الايتين دول بيردوا على الكلام اللي كان بيدور عننا عندنا عندنا عن احد الاجر يوم القيامة والدنيا ابتلاء فلازم يحصل فيها ابتلاءات ما تبصوش على كل ابتلاء انه عقاب مش حقيقي. مش بالضرورة - 00:14:28ضَ

الاية دي لنا كلنا يا جماعة لتبلون في اموالكم وانفسكم ولا تسمعن من الذين اوتوا الكتاب من قبلكم ومن الذين اشركوا اذى كثيرا الابتلاء جاي في المال وفي النفس ندخل في الصحة والامراض - 00:14:54ضَ

لان لان الناس بقى اللي بتسأل ايه ذنب الاطفال اللي بيجي لها سرطان خلاص شرحنا بقى ان الدنيا دار ابتلاء ابتلاء لاسر الاطفال. لابو الطفل ولام الطفلة. ايوة طفل جا له سرطان ما حدش باقي يقدر يقول هو اللي عمل كده في نفسه. هو اللي شرب سجاير - 00:15:17ضَ

الواد ما بتشربش سجاير ده الواد اتولد عنده سرطان عايزين ايه ؟ الله! لكن ده ابتلاء لابوه وامه وهم لو مكتوب لهم يعيشوا هيبقى ده ابتلاء برضه. ولو مكتوب لهم يموتوا غلمان في الجنة. الله - 00:15:35ضَ

يبقى لا يجب ان النظرة تبقى ضيقة وقاصرة على الدنيا فقط دي مش نزرة المؤمن ابدا ولسه بقى ده لسة الشتايم وقلة الادب. ولا تبلؤن في اموالكم وانفسكم ولتسمعن من الذين اوتوا الكتاب من قبلكم - 00:15:51ضَ

ومن الذين اشركوا اذى كثيرا. الغريب بقى ذكر اهل الكتاب قبل المشركين. اللي بيعبدوا الاصنام هتجدوا اهانات وشتايم من اليهود والنصارى اكتر من عباد الاصنام. اكتر من البوزيين والمجوس دول هيشتموكم - 00:16:12ضَ

ده بالزبط اللي حاصل الاسلاموفوبيا اللي عند اهل الكتاب اشد من اللي عند المشركين اتباع الاديان الاخرى. عارفين ليه لانهم شايفين في الاسلام خطر كبير خطر الانتشار وسطهم. اكبر من اي دين اخر على وجه الارض - 00:16:33ضَ

المسيحي او اليهودي لما بيعرض عليه الاسلام والبوذية والهندوسية غالبا بيختار الاسلام. يعني لو هيختار لو عناوي يغير هيغير بالاسلام معظمهم بسبب اتحاد المنبع فبيجعل الاسلام نسخة معدلة بدون العيوب اللي كانت عنده - 00:16:51ضَ

مسيحي بيلاقي دين نفس العقائد وكل حاجة والاحترام وحب المسيح والسيدة العذراء بس بدون تأليف المسيح بدون الثالوث اللي هو اصلا ما كانش فاهمه. بدون مش عارف مفهوم الخلاص الغريب اللي هو برضه ما كانش معترف الله - 00:17:11ضَ

ايه اللي يجعله يترك الاسلام ويروح يعبد بقر؟ ليه فتجد الهجوم على الاسلام من اهل الكتاب خاصة وتشويهه اكبر لان انتشاره وسطهم اخطر ولان هو ده التطور الطبيعي بتاع اليهودي او المسيحي - 00:17:29ضَ

انه يبقى مسلم. ده التطور الطبيعي اي واحد فيهم بيشغل مخه لازم هيبقى مسلم لتبلون في اموالكم وانفسكم ولتسمعن من الذين اوتوا الكتاب من قبلكم ومن الذين اشركوا اذى كثير - 00:17:49ضَ

اه يانا عالمشاكل طب نعمل ايه يا رب؟ كمل الاية. وان تصبروا وتتقوا فان ذلك من عزم الامور تالت مرة نؤمر فيها بالصبر والتقوى في ال عمران وبنفس الصيغة وان تصبروا وتتقوا - 00:18:04ضَ

اول مرة في الاية مية وعشرين وان تصبروا وتتقوا لا يضركم كيدهم شيئا. ان الله بما يعملون محيط. وردت في اليهود لو هتصبروا وتتقوا وتخلوا بالكم تتقوا يعني تبقوا تبقوا مصحصحين - 00:18:24ضَ

مش يعني تتقوا الله وتتقوهم وتتقوا شرهم ايضا التقوى تبقى هي دي نزامك. تتقي الشر وتتقي الله لا يضركم كيدهم شيئا. وفي الاية مية خمسة وعشرين وردت في المشركين بلى ان تصبروا وتتقوا ويأتوكم من فورهم هذا يمددكم ربكم بخمسة الاف من الملائكة مسومين. يبقى برضو امرنا بالصبر - 00:18:48ضَ

ربنا قال لتبلون في اموالكم وانفسكم ولتسمعن من الذين اوتوا الكتاب من قبلكم ومن الذين اشركوا اذى كثيرا وان تصبروا اتقوا تالت امر بالصبر والتقوى. فان ذلك من عزم الامور وردت في الكفار عموما سواء اهل الكتاب او مشركين - 00:19:16ضَ

هتسمعوا اذى كثيرا من مين؟ الذين اوتوا الكتاب من قبلكم ومن الذين اشركوا. الاتنين بقى برضو الصبر والتقوى دول هم التلات مواضع اللي امرنا فيهم بالصبر والتقوى بالصيغة دي الموضع الرابع هو اخر اية في السورة - 00:19:43ضَ

ونتدبرها بكرة يا ايها الذين امنوا بكرة او بعد بكرة. اصبروا وصابروا ورابطوا. واتقوا الله لعلكم تفلحون. سور اخرى فمن الصبر نتدبرها ان شاء الله اقرا بقى معي الاية مية سبعة وتمانين - 00:20:00ضَ

واذ اخذ الله ميثاق الذين اوتوا الكتاب لتبيننه للناس ولا تكتمونه فنبذوه وراء ظهورهم واشتروا به ثمنا قليلا ما يشترون ربنا لما بينزل وحي على رسول والرسول بيدعو الناس والناس بتؤمن ويبقوا من الذين امنوا بهذا الرسول - 00:20:22ضَ

ربنا بيأمر المؤمنين دول انهم يقوموا بدعوة الاخرين. ده كل الرسل كده واذ اخذ الله ميثاق الذين اوتوا الكتاب لتبيننه للناس ولا تكتمونه النبي صلى الله عليه وسلم دعانا للاسلام - 00:20:51ضَ

وامنا ثم مات احنا مش انبياء لكن مطلوب مننا نبقى دعاة مطلوب ندعو الناس باننا نأمرهم بالمعروف واول معروف الايمان. بالله وننهاهم عن المنكر واول منكر الشرك بالله ال عمران مية وعشرة - 00:21:10ضَ

كنتم خير امة اخرجت للناس تأمرون بالمعروف وتنهون عن المنكر وتؤمنون بالله نفس هذا الكلام فرض على اهل الكتاب ايضا واذ اخذ الله ميثاق الذين اوتوا الكتاب لتبيننه للناس ولا تكتمونه - 00:21:30ضَ

ربنا اوصاهم واخذ العهد عليهم انهم يدعوا الناس للدين ويبينوا للناس حقيقة ما في كتبهم وما يكتموش حاجة. بس للاسف بدل ما يبينوه كمل فنبذوه وراء ظهورهم واشتروا به ثمنا قليلا. فبئس ما يشترون - 00:21:52ضَ

انا بذوه النبذ يعني الترك الواحد لما ينبذ حاجة بيتركها جنبه كده مش محتاجة بس يمكن بعدين يرجع لها فياخدها من جنبه لكن اللي بيرمي وراء ضهره يعني مش ناوي يرجع تاني خلاص مش هيرجع له تاني - 00:22:16ضَ

فنبذوه وراء ظهورهم نهائي واشتروا به ثمنا قليلا فبئس ما يشترون فنبذوه الهاء دي ضمير يعود على ايه؟ الكتاب اللي هم اوتوا الكتاب ولى الميثاق اللي ربنا اخده عليهم هم نبذوا الميثاق عن طريق تحريف الكتاب. فالاجزاء اللي حرفوها حرفوها تحريف نهائي - 00:22:33ضَ

هذه الفقرات وراء ظهورهم. يعني مش ناويين يرجعوا لها تاني خلاص عدت منهم شوية حاجات آآ فيها براهين النبوة بتاعة النبي صلى الله عليه وسلم فعدت ووصلتنا لكن اشياء كتيرة اخرى حرفت - 00:23:03ضَ

حذفت الاية دي بتفكرنا بايه بقى اية تدبرناها في البقرة وتفتيكم من تلات شهور تدبرنا ان الذين يكتمون ما انزلنا من البينات والهدى من بعد ما بيناه للناس في الكتاب - 00:23:22ضَ

اولئك يلعنهم الله ويلعنهم اللاعنون. بدل ما يبينوا للناس ما قاله الله كتموه واخفوا الحق لذلك هم ملعون ملعونين نرجع تاني لمية سبعة وتمانين بقى واذ اخذ الله ميثاق الذين اوتوا الكتاب لتبيننه للناس ولا تكتمونه فنبذوه وراء ظهورهم - 00:23:42ضَ

ايه واشتروا به ثمنا قليلا فبئس ما يشترون. باعوا دينهم وباعوا الميثاق مش ميثاق ربنا في نظير ثمن قليل في نظير ايه؟ البقاء في السلطة اليهود كانوا هم السلطة العلمية - 00:24:09ضَ

في الجزيرة والسلطة الثقافية والسلطة الاقتصادية. فالعرب كانوا بينظروا لهم كاهل كتاب عندهم علم بالتاريخ وعلم بالاديان والمذاهب والنحل فكانوا بيسألوهم في العلوم وفي الثقافة فكانوا مسيطرين على السلطة العلمية والثقافية. لهم وضع - 00:24:27ضَ

محترم اوي وكانوا مسيطرين على اسواق كثيرة. اسواق مدن زي يثرب خيبر نجران فهم مش عاوزين يوثقوا نبوة محمد صلى الله عليه وسلم علشان العرب لا تتخذه هو السلطة. ويبقى راحت عليهم السلطة - 00:24:49ضَ

مش عاوزين يذوبوا في المجتمع المسلم لانهم لو اسلموا خلاص هيصبحوا من مجتمع المسلمين القبائل يا جماعة ذابت وانصهرت في الاسلام. الاسلام لما جه عمل ريسيت للتاريخ سفر روتر وولع تاني ابتدى التاريخ من اول وجديد بطريقة جديدة. لا الفرس ولا الروم استطاعوا على مدار الفين سنة يعملوا - 00:25:12ضَ

الاسلام عمله في اربعين سنة شكل العالم تغير وتغيرت الولاءات. الولاء اصبح لله وليس للقبيلة بقت الاخوة على اساس العقيدة وليس الدم ده معناه ان حصل تغيير في نظام الهوية - 00:25:41ضَ

هوي الهوية اختلفت عند الناس هم بقى اهل الكتاب دول باعوا الحق وباعوه باعوا باعوا مهمتهم اللي ربنا وضعها على عاتقهم. بما انهم اهل كتاب وناس محترمين باعوا كل ده وايه واشتروا به - 00:26:03ضَ

امانا قليلة فبئس ما يشترون الحياة الدنيا دي كلها بكل اللي فيها بالنعيم اللي فيها بالقصور كلها بالفلوس كلها بالدهب كله. ما تسواش ان الانسان يغضب اخطر حاجة بقى يا اللي بتتدبر معي النهاردة انك تقرأ هذه الايات وتظن انك تتدبرها وانت لم تتدبر منها شيئا - 00:26:22ضَ

افتكر اول حاجة قلناها في مفاتح التدبر. التدبر في الاساس هو ان تضع نفسك في الاية وتشوف الاية بتكلمك تقول لك ايه لما ربنا يكلمنا عن اهل الكتاب. طب ما احنا اهل كتاب. الله! مش احنا عندنا كتاب من كتب ربنا! احنا نعتبر بطريقة ما تقنيا. احنا برضو اهل كتاب يعني - 00:26:51ضَ

فلما ربنا يكلمنا عن اهل الكتاب دي مش قصص تاريخ ولا تسلية ولا حتى للعلم ولا هذه قصص للتربية لما ربنا يقول لنا مثل الذين حملوا التوراة ثم لم يحملوها كمثل الحمار يحمل اسفارا. ده عشان نضحك عليهم نقول - 00:27:10ضَ

حمير طب واخويا مسل الذين حملوا القرآن ثم لم يحملوك مثل ايه؟ الغزلان يعني حمير اكبر. ليه بقى؟ لان لو القرآن اعظم من التوراة خلي بالك ان القرآن هو المنهج والمعجزة في نفس الوقت - 00:27:30ضَ

بينما التوراة منهج فقط والمعجزة جاءت منفصلة. عصب تتحول ثعبان تفلق البحر تفجر الماء من الحجر. معجزة بتدل على صحة المنهج لكن القرآن هو المعجزة وهو المنهج في نفس الوقت. فهو معجزة باقية. انما عصى موسى. مين النهاردة؟ بيؤمن بموسى - 00:27:49ضَ

بسبب عصا موسى معجزة من تلت تلاف سنة خلاص ما اصبحتش حجة على حد دلوقتي. لكن النهاردة المعجزة باقية فطالما ان القرآن هو اعظم كتاب من كتب الله. ازا هو اعظم من التوراة. يبقى مسؤولية من حملوا القرآن اكبر من مسئولية - 00:28:09ضَ

من حملوا التوراة يبقى لو اللي لم يتحملوا مسؤولية التوراة زي الحمار يحمل اسفاره. فما بالكم بقى بمن لم يتحمله مسئولية القرآن مش لاقي يعني ما فيش وصف تاني بقى خلاص - 00:28:31ضَ

اسوأ من الحمار لزلك اخطر حاجة تقرا الكلام ده تفتكروا مش موجه لك. الناس عشان يسليك. لا واذ اخذ الله ميثاق الذين اوتوا الكتاب لتبينن انه للناس ولا تكتمونه فنبذوه وراء ظهورهم واشتروا به ثمنا قليلا فبئس ما يشترون - 00:28:51ضَ

هل احنا قمنا بواجبنا في دعوة الناس للقرآن الناس اللي طول النهار بنتكلم عنهم نقول كفار داخلين النار هيدخلوها كده ولا هيتعلقوا في رقبتنا لان احنا لم نبلغهم كل واحد فينا لازم يفكر في دوره الدعوي. هل قام بدوره ولا لأ؟ هل امر بالمعروف ولا لا؟ نهى عن المنكر ولا لا؟ دعم منزمة - 00:29:15ضَ

دعوية ولا لأ ؟ تطوع مع منزمة دعوية ولا لأ ؟ دي كلها اسئلة لازم نسألها لنفسنا ونتوقف هنا اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا - 00:29:40ضَ

فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهالينا واموالنا ومن الماء البارد على الظمأ. اللهم حببنا اليك والى ملائكتك وانبيائك - 00:30:04ضَ

اولئك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم - 00:30:24ضَ

اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرتك ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل - 00:30:55ضَ

كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:31:25ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم وتقبل شهدائهم وكن مع اخواننا في تركستان الشرقية وفي الشام وفي - 00:31:45ضَ

وفي سريلانكا وفي الهند وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت - 00:32:05ضَ

على كتابك وعلى محبتك. والتقت يا ربنا على طاعتك وتوحدت على دعوتك. وتعاهدت على شريعتك فوثق اللهم رابطتها. وادم ودها واهدها سبلها. واملأها بنورك الذي لا يخفى واشرح صدورها بفيض الايمان بك وجميل التوكل عليك - 00:32:25ضَ

واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا بازن الله - 00:32:51ضَ

في نفس هذا الموعد ان كنا من اهل الدنيا - 00:33:11ضَ