باحث

السلام عليكم ورحمة الله وبركاته. اهلا بحضراتكم في المقطع رقم تمنمية ستة اربعين من مقاطع حظر التجول والحلقة الثالثة والثلاثين من حلقات تدبر سورة النساء ما زلنا بنتكلم في موضوع حساس جدا وهو موضوع القتال - 00:00:01ضَ

ده موضوع حساس يعني لازم الناس تفهمه كويس عشان ما حدش يضل هنا الغلطة فيها ارواح اولا القتال بيمارسه المؤمنين والكافرين لكن المؤمنين بيقاتلوا في سبيل الله. اعلاء كلمة الله - 00:00:27ضَ

يعني اعلاء كلمة الحق لما اقول في سبيل الله في سبيل الحق. الله هو الحق والعدل بينما الكافرين بيقاتلوا في سبيل الطاغوت واعلاء كلمة الطغيان والظلم نقرا كده الاية ستة وسبعين - 00:00:45ضَ

اعوذ بالله السميع العليم من الشيطان الرجيم الذين امنوا يقاتلون في سبيل الله والذين كفروا يقاتلون في سبيل الطاغوت اولياء الشيطان ان كيد الشيطان كان ضعيفا طيب نسيب الكافرين على جنب - 00:01:07ضَ

و آآ ونشوف بعد ما ربنا دعا المسلمين لقتال اولياء الشيطان دول كيف ستكون استجابة المسلمين اول حاجة لازم نفهمها هو ان القتال فريضة صعبة اوي. لان فيها تضحية بالنفس - 00:01:38ضَ

الانسان اللي بيخرج للقتال عرضة انه ما يرجعش تاني بيعرض نفسه للقتل لذلك الاجر في ايه؟ هيبقى متناسب مع صعوبة العمل يعني واحد واقف بيوزع مية في الشارع. اكيد مش زيه زي واحد رايح يقاتل في سبيل الله. الاتنين عمل صالح. والاتنين عليهم ثواب. لكن ما فيش مقارنة بالتأكيد - 00:01:58ضَ

طيب عشان الانسان يقدر يعمل حاجة فيها تضحية بحياته اولا لازم يكون مستعد ان هو يبيع الدنيا. ويشتري الاخرة واللي هيساعده على كده هو انه يعرف اجره ايه الاية اربعة وسبعين - 00:02:21ضَ

فليقاتل في سبيل الله الذين يشرون الحياة الدنيا بالاخرة ومن يقاتل في سبيل الله فيقتل او يغلب فسوف نؤتيه اجرا عظيما بس في حاجة تانية هتشجع المسلم على القتال والتضحية بروحه. وهي انه يعلم - 00:02:45ضَ

ان قتاله ده سيغير حياة ناس اخرين وده اللي بنقوله المسلم لما بيقاتل ده مش لانه بيحب الموت بالعكس نحن قوم نحب الحياة واكتر من يحب الحياة فينا هم المقاتلين اللي بيقاتلوا ويضحوا بارواحهم ويضحوا بحياتهم من اجل حياة الاخرين - 00:03:08ضَ

لما يعلم المقاتل ان قتاله ده سيغير حياة ناس مستعبدين مذلولين بيستنجدوا بربنا بالتالي ربنا بيوكل اليه هو مهمة انقاز هؤلاء الناس. لان يعني ده امر فيه شهامة. وفيه شرف كبير - 00:03:37ضَ

ايه الدلون ربنا يوكل له هذه المهمة. اقرا خمسة وسبعين وما لكم لا تقاتلون في سبيل الله المستضعفين من الرجال والنساء والولدان. الذين يقولون ربنا اخرجنا من هذه القرية الظالم اهلها واجعل لنا من لدنك وليا واجعل لنا من لدنك نصيرا - 00:03:57ضَ

لكن الصف المسلم مش كله زي بعض. الناس يا جماعة فيهم ضعف والضعف ده متفاوت. فيه منهم منافقين اتكلمنا عنهم في الحلقة السابقة وقلنا استجابة المنافقين للقتال بتبقى عاملة ازاي. وانهم هيحاولوا يختاروا المعارك السهلة اللي فيها كمان فلوس كتير - 00:04:21ضَ

لانك لما بتقاتل قبيلة غنية غير لما تقاتل قبيلة فقيرة دي فيها غنائم ودي ما فيش فيها حاجة. شوية صفيح اقرا بقى اتنين وسبعين وان منكم لمن لا يبطئن فان اصابتكم مصيبة قال قد قد انعم الله علي اذ لم اكن - 00:04:41ضَ

معهم شهيدا ولئن اصابكم فضل من الله ليقولن كأن لم تكن بينكم وبينه مودة. يا ليتني كنت معهم فافوز فوزا عظيما. يعني هيفرحوا لما انتم تهزموا وهم مش معكم بيقولوا بركة يا جامع - 00:05:06ضَ

كان زمانا قتلنا واتبهدلنا على الفاضي ولو كسبتم معركة وهم مش معكم يقولوا يا ريتنا كنا خرجنا معهم عشان يبقى لنا كده ايه يعني قطعة من التورتة النهاردة بقى القرآن هيتكلم عن نوع من المؤمنين - 00:05:26ضَ

لكن نوع خواف شوية هيخافوا وهنشوف ليه هيخافوا بعد ما كانوا هم اللي بيطالبوا بالقتال قبل كده وبعدها هيرجع يتكلم عن المنافقين مرة اخرى. خلاص يبقى الاول هيتكلم عن مؤمنين من نوع - 00:05:44ضَ

اه خواف شوية مش هنقول خواف لكنه من نوع خاف بعد ما كان هو بيطالب بالقتال وبعد كده يرجع يتكلم عن المنافقين مرة اخرى. اقرا معي بقى الاية سبعة وسبعين. هنبدأ من هنا تدبر ايات الليلة - 00:06:01ضَ

الاية سبعة وسبعين سانية واحدة الم تر الى الذين قيل لهم ايديكم واقيموا الصلاة واتوا الزكاة. فلما كتب عليهم القتال قالوا اذا فريق منهم يخشون الناس كخشية الله او اشد خشية - 00:06:15ضَ

وقالوا ربنا لم كتبت علينا القتال لولا اخرتنا الى اجل قريب والمتاع الدنيا قليل والاخرة خير لمن اتقى ولا تظلمون فتيلا الانسان يا جماعة مهما كان مؤمن فهو ضعيف. وبيدخله ضعفه - 00:06:42ضَ

دول صحابة الاية بتتكلم عن بعض الصحابة اللي كانوا في مكة مضطهدين اسم المهاجرين يعني وبيطالبوا وهم في مكة بالاذن بالقتال. عشان يدافعوا عن نفسهم ومع ذلك امروا انهم يكفوا ايديهم - 00:07:03ضَ

يكفوا ايديهم انا عايز اقول لكم انه يعني مكة كان الاضطهاد فيها واصل لمراحل مش معقولة يعني عمار ابن ياسر وابوه ياسر وامه سمية بنت خياطة عذبوا عذاب شديد كانوا بيجوعوهم ويعطشوهم وبعد كده يطلعوهم جعانين وعطشانين في الحر - 00:07:18ضَ

في صحراء مكة ويربطوهم في اوتاد في الرمال الساخنة انتم عارفين مكة في الصيف الحرارة فيها كم يعني المتوسط خمسين ماشي؟ في الشمس اعلى. يعني الناس اللي راحت قبل كده الحج والعمرة في اغسطس عارفة مكة عاملة ازاي في الوقت ده. تخيل بقى الصحابة كانوا بيخرجوا - 00:07:39ضَ

عطشى وجوعى عشان يتعزبوا وهم عطشانين وجوعانين بقى في الرمل في الشمس وبعدين ربطوا رجلين السيدة سمية في بعيرين وضربوهم جريوا في اتجاه معاكس وهي في الوضع ده ابو جهل راح طاعنها بحربة في القبل - 00:08:03ضَ

في منطقة القبل شقة نصين امية ابن خلف جوع وعطش سيدنا بلال بن رباح وبعد كده ربطه في الحر بتاع الشمس في الصحراء دي عشان بس يذكر اللات والعزى هو يقول احد الاحد لغاية ما الكفار ضحكوا على امية بن خلف - 00:08:24ضَ

ان العبد بتاعه زله سيدنا ابو بكر اشتراه واعتقه. سيدنا ابو بكر اشترى عبيد كتير واعتقه اه زنيرة الرومية امة رومية فضلوا يعزبوها لغاية ما فقدت بصرها قالوا لها شفتي بقى اللات والعزى انتقموا منك. قالت لا. بل هو من الله وان شاء رد بصري. تاني يوم - 00:08:47ضَ

اصبحت وقد رد الله بصرها وبتشوف وسيدنا ابو بكر اشتراها واعتقها واحد اسمه افلح ابو ابو فكيهة كانوا بيسحلوه في الحر ويضعوا الحجارة الكبيرة على صدره لغاية ما يفقد عقله. ويخرب في الكلام - 00:09:14ضَ

وخنقوه وافتكروه مات فرموه في الصحرا وبعد كده فاق وسيدنا ابو بكر اشتراه من سيده واعتقه ايضا خباب ابن الارت كان حداد في الحدادة بيصنع سيوف ودروع وبتاع ها هم عرفوا انه اسلم - 00:09:33ضَ

عزبوه بالنار اللي هو كان بيصنع بها الدروع والسيوف. وطفوا بجسمه النار. طفوا النار بجسمه النار بتاعة الحداد اللي بتسيح المعادن. حاجة شيء فوق الخيال الصحابة كانوا بيطالبوا بالاذن بالقتال للدفاع عن نفسهم - 00:09:53ضَ

اه مش هيعملوا ما عندهمش قوة يعملوا جيش لكن كان ممكن يعملوا عمليات اغتيال لكبار الكفار اللي بيعزبوا المسلمين. الله وبعضهم قال للنبي كنا قبل الايمان اعزة وبعده اذلة فلما لا يؤذن لنا بالقتال - 00:10:14ضَ

ليه ادينا ازن لحكمة عند الله لم يؤذن بالقتال ولا حتى بعد الهجرة الا باكتر من سنة لان لابد من اعداد القلوب قبل ان تمسك السلاح. السلاح امر خطير جدا - 00:10:31ضَ

قد يستخدم في رفع الظلم وقد يستخدم في الظلم الانسان لما يشعر بقوته قد يطغى ويظلم هنستبدل طاغوت كافر بطاغوت مسلم نبقى ضرينا الاسلام وفتنا الناس عن الاسلام. لا لابد من التربية اربعتاشر سنة ونص بيتربوا اولا قبل ما يؤذن به حمل السلاح - 00:10:52ضَ

الم تر اقرا معي الاية سبعة وسبعين المتر الى الذين قيل لهم كفوا ايديكم واقيموا الصلاة واتوا الزكاة. فلما كتب عليهم قتال اذا فريق منهم يخشون الناس كخشية الله او اشد خشية - 00:11:18ضَ

قيل للصحابة كفوا ايديكم لم تؤمروا بالقتال خلاص. ما فيش قتال دلوقتي ربوا قلوبكم بالصلاة وبالزكاء. هم طالبوا بالقتال الم تر الذين قيل لهم كفوا ايديهم وطالبوا بالقتال. اتقال لهم ايه؟ صلوا وزكوا الاول - 00:11:42ضَ

ليه ؟ تربية ايمانية تربية للقلوب قبل ما تحمل السلاح اربط بين ده وبين ده مش مش بالصدفة جه. الكلام عن الصلاة والزكاة هنا لأ مش هتمسك كفوا ايديكم مش هينفع تشيلوا السلاح قبل ما تقيموا الصلاة وتؤتوا الزكاة - 00:11:56ضَ

عشان تخرجوا الدنيا من قلوبكم لما هاجروا المدينة اذن بعد كده بالقتال بعض الصحابة مش كلهم طبعا يعني. قلة قليلة من المحترمين جدا منهم عبدالرحمن بن عوف على فكرة وسعد ابن ابي وقاص يعني ناس من من المبشرين العشرة من العشرة المبشرين بالجنة يعني - 00:12:15ضَ

بعد ما كانوا هم اللي بيطالبوا بالقتال في مكة ربنا بيوصف انهم خافوا من الناس تماما زي خوفهم من الله. او اكتر كمان يعني وصف شديد قوي فلما كتب عليهم القتال اذا فريق منهم يخشون الناس كخشية الله او اشد خشية - 00:12:36ضَ

كبيرة قوي الموت بيأتي من الله في سكون واحد يبقى قاعد روحه تطلع يجي له هبوط في الدورة الدموية يموت. يجي له ازمة قلبية يموت. لكن لما بيقتل بايدي الناس بيحصل - 00:13:03ضَ

هدم للآلة دي بتقطع وتقطع راسه ويطعن في قلبه يعني فالموت بسبب القتل في الم وفي عزاب اكتر لزلك ربنا قال يخشون الناس كخشية الله او اشد خشية يعني بيخافوا من من القتل - 00:13:23ضَ

على ايدي الناس اكثر من خوفهم من الموت موتة طبيعية آآ احنا بنسميها موتة ربنا ده المعنى مش معنى كده ان الصحابة العزام دول كانوا اه بيتقوا الناس يعني لأ - 00:13:40ضَ

طب ايه اللي حصل للصحابة دول ليه ضعفه كده ؟ بقية الاية هتقول لك وقالوا ربنا لما كتبت علينا القتال لولا اخرتنا الى اجل قريب يقول متاع الدنيا قليل والاخرة خير لمن اتقى ولا تظلمون فتيلا. طبعا الكلام اللي قالوه ده - 00:13:57ضَ

لا يجوز ان انسان يقوله لكن هم ما قالوهوش ده كان حديث نفس جواهم. فربنا قاله في القرآن جواهم فيجوز الانسان يحدث نفسه. يعني طالما ان حديث النفس هو جوة النفس ما خرجش للعمل ولا حتى الانسان حدث به. ازا مش حرام - 00:14:23ضَ

لكن في داخلهم قالوا يا رب في بس كتبت علينا القتال دلوقتي طب يعني مش كنت تأخر الفريضة دي شوية كم سنة كده هم هم اللي كانوا بيطالبوا بالقتال في مكة. ايه اللي حصل بقى - 00:14:42ضَ

كمل اية وانت تفهم وقالوا ربنا لما كتبت علينا القتال لولا اخرتنا الى اجل قريب قل قل يا محمد ربنا بيقول له هو ده الدواء هي مشكلتهم في دي قل لهم متاع الدنيا قليل. اه يبقى الدنيا زغللت عينيهم - 00:14:56ضَ

والاخرة خير لمن اتقى ولا تظلمون فتيلا. اللي حصل ان انتم لما هاجرتم واشتغلتم في التجارة وفتحتم دكاكين وبقى عندكم آآ آآ تجارة رايحة على الشام وتجارة جاية من اليمن. والبلية لعبت والقشية بقت معدن. بدأتوا تركنوا للدنيا - 00:15:16ضَ

التجارة ماشية كويس فقلت يا رب بس كنت اخرتنا كم سنة نعمل قرشين السروة بتزيد والخير بيعم وادي احنا بنروح نصلي كل يوم مع النبي ونطلع على السوق بعد كده نتاجر ونبيع - 00:15:34ضَ

ليه بس الدنيا ما تستمرش كده كم سنة نعمل قرشين قل علاج متاع الدنيا قليل. الدنيا لازم تبقى في ايدك مش في قلبك واللي يطرد الدنيا من قلبك هو اقامة الصلاة. صل بخشوع - 00:15:51ضَ

وايتاء الزكاة التضحية بالمال خلوا بالكم حتى الوقت ده كانت الزكاة الزكاة على فكرة مفروضة من ايام مكة. ولكن ليس بالتفاصيل بتاعة ربع العشر ونصف العشر في الزراعة لأ. ما كانش التفاصيل - 00:16:09ضَ

لسة نزلت. ولكن الزكاة مفروضة منك قل متاع الدنيا قليل والاخرة خير لمن اتقى ولا تظلمون فتيلا قل لهم يا محمد ان كل اللي هم فرحانين به ده اغنام وتجارة قماش - 00:16:26ضَ

قليل جدا مقارنة باللي ربنا ادخره لهم في الاخرة والاخرة خير. احسن افضل لمن اتقى ولا تظلمون فتيلا. الماديات دي هتاخدكم بعيد عن ربنا وتخليكم اقل استعدادا للتضحية واقل تقوى - 00:16:47ضَ

الماديات تدخل الدنيا تدخل تطلع التقوى من القلب هذا الكلام ليس فيه اساءة للصحابة. لانهم بني ادمين ووارد انهم تدور في نفوسهم بعض الافكار اللي تخليهم يتمسكوا بالدنيا ثم بعد كده يتم تربيتهم تربية ايمانية احنا نتعلم منها لان انا واحد اصدقاء - 00:17:08ضَ

الحقيقة آآ اللي باحبهم جدا بعت بيلومني جدا على آآ طريقتي في الكلام دي عن الصحابة ولازم احنا نجلهم هو ده مش ده مش اجلال لهم وحب لهم انا بقول انهم تغيروا. بقول ان النبي رباهم تربوا تربية قرآنية نبوية جميلة. لازم نتعلم. لكن الصحابة لما دخلوا الاسلام ما كانوش آآ - 00:17:29ضَ

ما كانوش صحابة وما كانوش مسلمين نص نص زينا. ده كانوا كفار. وبعد كده دخلوه الاسلام. وثم بدأ التطور يحصل عندهم. ليس في زلك اي اساءة للصحابة يقطع لساني قبل ما افكر اني اسيء لصحابي واحد - 00:17:49ضَ

طيب قل متاع الدنيا قليل والاخرة خير لمن اتقى ولا تظلمون فتيل. الفتيل قلنا اللي هي الخيط اللي بيبقى في الشق بتاع النواة. حاجة ما لهاش قيمة ده لو انت عملت خير قد الفتيل ده ستجده في ميزانك يوم القيامة. طيب - 00:18:06ضَ

هديكم بقى مسال المقارنة الفظيعة اللي بين متع الدنيا ونعيم الاخرة لو واحد خيرني اني امسك مسلا آآ قلم دهب قلم دهب او قلم بلاستيك الاختيار بين انك تمسك القلم الدهب لمدة خمس سواني وتتركه تاني - 00:18:29ضَ

او تاخد القلم البلاستيك الرخيص ده وتتملكه ويبقى بتاعك وتقدر تكتب به اللي انت عايزه وتحطه في جيبك وتمضي به لما تحتاجه وكل حاجة العقل بيقول ايه تمسك القلم الدهب خمس سواني ولا تتملك الى الابد الالم البلاستيك الرخيص - 00:18:57ضَ

العقل يقول تتملكي الاعلام الرخيص. حلو اوي. لو انا اخترت اني امسك القلم الدهب اللي يسوى عشر تلاف جنيه ده لمدة خمس سواني واتركه ده يبقى اختيار زكي ولا اختيار غبي؟ يبقى اختيار غبي كويس - 00:19:16ضَ

تخيلوا بقى لو العكس الاختيار بيني انك تمسك قلم بلاستيك رخيص لمدة خمس سواني او تتملك قلم دهب عبارة عن ثروة ذهبية هتتملكها لو واحد اختار انه يمسك القلم البلاستيك لمدة سواني وضحى بالذهب الباقي. اختار البلاستيك الفاني وضحى بالذهب - 00:19:32ضَ

ابي الباقي يبقى مجنون صح حلو قوي. هو ده بالزبط اللي احنا كلنا بنعمله الناس لما بتفضل متاع الدنيا الزائلة وتضحي بنعيم الاخرة اللي هو النعيم المقيم الابدي فالناس بالزبط مجانين هم مش مجانين. لكن درجة الايمان بحقيقة الاخرة وحقيقة نعيم الاخرة - 00:19:57ضَ

الضعيفة فالانسان بيؤمن بما يشعر به وانا شايف بعنيا الماجي موجود اهو هو كده للاسف كل ما يزيد الايمان في القلب كل ما الانسان يؤمن بالغيبيات كل ما الانسان يضحي بالماديات - 00:20:27ضَ

هو انت بتفهم انت بتتكون من ايه والدنيا ماشية جواك ازاي لازم نفهم فلسفة الاسلام في المنطقة في الحتة دي يا جماعة. طيب اقرا معي التمانية وسبعين هم خافوا طيب. ماشي - 00:20:43ضَ

ربنا يقول لهم ايه بقى اينما تكونوا يدرككم الموت ولو كنتم في بروج مشيدة وان تصبهم حسنة يقولوا هذه من عند الله. وان تصبهم سيئة يقولوا هذه من عندك قل كل من عند الله - 00:20:59ضَ

فما لهؤلاء القوم لا يكادون يفقهون حديثا يعني ايه بقى لو الناس اللي بتقعد بتقعد يعني القاعدين ما بيخرجوش للجهاد يعني الناس القاعدين اللي مش بيخرجوا في الجهاد. فاكرين انهم كده هيحموا نفسهم من الموت - 00:21:23ضَ

وانهم هيقدروا يتفادوا الموت يبقوا غلطانين اينما تكونوا يدرككم الموت كلمة يدرككم دي يعني الموت منطلق اصلا وراكم يوم ما اتولدت الموت انطلق وراك وفي لحظة معينة مكتوبة هيدركك بس - 00:21:48ضَ

يدرككم يعني هو اصلا ماشي وراك بس هو ماشي على مهله شوية هيمد ويدركك يوم ما مكتوب انه يدركك قالوا الموت عبارة عن سهم منطلق بيدرك الانسان ولفترة من ساعة انطلاقه لغاية ما يدركه هييجي فترة عمر الانسان - 00:22:14ضَ

فيوم ما انت اتولدت انطلق الموت وراك. قمت افهم كده سواء بقى ادركك في ارض المعركة او ادركك في الدور السبعين في ناطحة سحاب في نيويورك هيدركك اينما تكونوا يدرككم الموت ولو كنتم في بروج مشيدة ناطحات سحاب - 00:22:35ضَ

بروج جمع برج. برج يعني مبنى عالي حصين الحصون دي مش بتمنع الموت ثم يعود الكلام بقى عن المنافقين بقى دلوقتي. خلاص اللي ما خرجوش مع المسلمين ثم المسلمين انتصروا قالوا يا ريتنا كنا خرجنا معهم علشان نفوز وننال من الغنائم - 00:22:57ضَ

ولما المسلمين ينهزموا يقولوا كويس ان احنا ما كناش معهم. طيب ولو كانوا خرجوا مع المسلمين اسمع بقى الاية تمانية وسبعين. طيب. وان تصبهم حسنة يقولوا هذه من عند الله وان تصبهم سيئة - 00:23:21ضَ

قولوا هذه من عندك. قل كل من عند الله فمال هؤلاء القوم لا يكادون يفقهون حديثا يهود المدينة كانوا بيقولوا لما جه محمد قلت الثمار وغلت الاسعار يعني كانوا بيتشائموا من النبي عليه الصلاة والسلام - 00:23:46ضَ

وان تصيبهم حسنة يقول هذه من عند الله وانتظرهم سيئة يقولوا هذه من عندك. ها وشك وحش علينا قالوا كده لمين ؟ قالوا كل سيدنا موسى قبله في سورة الاعراف مية واحد وتلاتين - 00:24:08ضَ

فاذا جاءتهم الحسنة قالوا لنا هذه وان تصبهم سيئة يتطيروا بموسى ومن معه الا انما طائرهم عند الله. ولكن اكثرهم لا يعلمون. التطير يعني التشاؤم انه لما يحصل مشكلة يقولوا موسى والمؤمنين ياه على وشهم وش المصايب دول - 00:24:25ضَ

المنافقين معظم المنافقين على فكرة في المدينة كانوا من اصل يهودي دخلوا لمحاولة تفكيك الصف المسلم من جوة عملوا نفس الحكاية مع النبي صلى الله عليه وسلم اقرا بقى تمانية وسبعين - 00:24:48ضَ

وان تصيبهم حسنة يقول هذه من عند الله وان تصبهم سيئة يقولوا هذه من عندك ولكل من عند الله لأ ده كل حاجة بتحصل للانسان من عند الله فمال هؤلاء القوم لا يكادون يفقهون حديثا - 00:25:01ضَ

الناس اللي تتكلم بالطريقة دي تبقى ناس جاهلة. فما لهؤلاء القوم لا يكادون يفقهون حديث دول ما بيفهموش حاجة ما بيفهموش الكلام اللي يتقال لهم. لا يكادون يفقهون حديثا لو سمعوا اي كلام غالبا مش هيفهموه اصلا - 00:25:23ضَ

تسعة وسبعين ما اصابك من حسنة فمن الله. وما اصابك من سيئة فمن نفسك. وارسلناك للناس رسولا وكفى بالله شهيدا. هي الاية دي بتتناقض مع الاية اللي قبلها اللي بتقول قل كل من عند الله - 00:25:44ضَ

طبعا لأ لكن التناقض ظاهري ظاهري الامور اللي ربنا ادى لك فيها الاختيار ادى لك الاسباب وطلب منك تاخد بالاسباب. يعني ايه ربنا اداك الاختيار انك تزاكر او ما تزاكرش. ماشي - 00:26:06ضَ

بالزبط كده. وعمل السبب المزاكرة سبب من الاسباب. فازا اخدت بالاسباب هتنجح زاكرت تنجح ما زاكرتش تسقط يبقى كل من عند الله نجاح وسقوط من عند ربنا صح؟ حلو قوي. لكن السيئة اللي بتصيبك من نفسك لان الله هو خالق الاسباب اللي انت تركتها - 00:26:25ضَ

يبقى لو سقطت يبقى السقوط من عندك لانك لم تأخز بالاسباب انت اللي تسببت في ده ربنا اداك آآ كل الاختيارات وانت اللي اخترت بنفسك تترك الاسباب الاية تسعة وسبعين - 00:26:53ضَ

بتخاطب الانسان عموما ولا تخاطب النبي عليه الصلاة والسلام لان النبي لا تأتي منه سيئات. ولا اي شيء تسوء الناس. بالعكس لا يأتي من جانب النبي صلى الله عليه وسلم الاكل خير. فلما ربنا يقول ما اصابك من حسنة فمن الله. وما اصابك من سيئة فبنفسك - 00:27:11ضَ

يكلم الانسان بشكل عام. مؤمنين كفار منافقين كلهم بيكلمك ايها الانسان انما النبي بقى في باقي الاية بقى وارسلناك للناس رسولا وكفى بالله شهيدا. يبقى انت مرسل يا محمد لتبليغ ما يأمرك - 00:27:31ضَ

الله به مش هيجي من جنبك ما فيش حاجة اسمها وشك وحش علينا وانت لا لا لا سيدنا محمد مش سبب في غلاء اسعار ولا في نزول اسعار انت جاي مش عشان تغلي الاسعار وترخصها انت جاي رسول - 00:27:52ضَ

رسول بتبلغ وكفى بالله شهيدا. وعشان تبقوا عارفين من يطع الرسول فقد اطاع الله. ومن تولى فما ارسلناك عليهم حفيظا. انت يا محمد رسول. يعني المفروض ان انت تطالب الاية تمانين اهي - 00:28:09ضَ

ومن يطع الرسول فقد اطاع الله ومن تولى فما ارسلناك عليهم حفيظا. ارجع للاية اربعة وستين وما ارسلنا من رسول الا ليطاع باذن الله انت لم ترس ترسل لتؤثر في الحوادث. يعني بوجودك لا اسعارها تغلى ولا هترخص. انت وجودك لتبليغ الرسالة بس - 00:28:28ضَ

واللي هيطيعك يبقى اطاع الله الصورة مركزة جدا على مسألة طاعة الرسول ولسه في الحلقات الجاية هنشوف يعني كانه من الموضوعات الاساسية جدا في سورة النساء طاعة الرسول هتقول له طب ما هو الرسول حرام مات. والسنة ما هي الكلام هو السنة. انت تمشي ورا الناس اللي بتنكر السنة وبتنكر حجية السنة وتقول لي انا - 00:28:52ضَ

قطيع الرسول بتطيعه ازاي؟ هتطيعه ازاي؟ ازا كان كلامه انت مش بتطيعه طيب من يطع الرسول هتقول لي طب وايه اللي يثبت ان ده كلامه هقول له ايه اللي يدي كلامه الثقافة. حضرتك لما تثقف نفسك وتعرف كيف جمعت السنة - 00:29:16ضَ

وكيف حققت السنة وان علم الحديث له جواهرجية عارف الجواهرجي اللي بيحط العدسة كده ويبص في وهرب يعرف هي اصلية ولا مزيفة. فيه جواهرجية الحديث جواهرجية للحديث من يطع الرسول فقد اطاع الله. ومن تولى فما ارسلناك عليهم حفيظا. اللي بيطيع الرسول بيطيع ربنا. واللي هيعرض - 00:29:30ضَ

ويعطي ضهره للرسالة يتولى بعيدا عنها فانت يا محمد مش شغلتك انك تحميه فما ارسلناك عليهم حفيظا لن تحفظوا من عذاب الله. انت مجرد مبلغ. وما على الرسول الا البلاغ المبين - 00:30:04ضَ

خلاص اه قلت لكم في تركيز كبير في صورة النساء على طاعة الرسول. في برضو الاية تسعة وستين ايضا قبل ما نقفل ايضا عن طاعة الرسول ومن يطع الله والرسول فاولئك مع الذين انعم الله عليهم من النبيين والصديقين والشهداء والصالحين. وحسن اولئك رفيقا - 00:30:26ضَ

هناك تركيز في ايات كثيرة اه واطيعوا الله واطيعوا الرسول واولي الامر منكم فهناك تركيز على مسألة طاعة الرسول في هذه السورة. اقول قولي هذا واستغفر الله لي ولكم فاستذكرون ما اقول وافوض امري الى الله - 00:30:45ضَ

اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم - 00:31:02ضَ

اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكك وانبيائك ورسلك وعبادك الصالحين واجعل مما يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك - 00:31:18ضَ

كل قلوبنا ونرضيك بكل اجسادنا. اللهم اجعل حبنا كله لك. وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:31:47ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد - 00:32:18ضَ

لنا ولهم واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين - 00:32:38ضَ

اللهم سدد رميهم وخيب رمي عدوهم وتقبل شهداءهم. وكن مع اخواننا في تركستان الشرقية وفي كشميرا وفي سريلانكا وفي الهند وفي الشام يا رب العالمين وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك - 00:32:58ضَ

اكتب لنا يا ربنا ختم القرآن فيه اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدت على دعوتك وتعاهدت على نصرة شريعتك فوثق الله مرابطتها وادم ودها واهدها سبلها واملأها بنورك الذي لا - 00:33:19ضَ

يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله ونراكم غدا باذن الله - 00:33:43ضَ

في نفس هذا الموعد ان كنا من اهل الدنيا - 00:34:03ضَ