باحث

السلام عليكم ورحمة الله وبركاته. اهلا بحضراتكم في المقطع رقم آآ ستة وتمانين من مقاطع حظر التجول والمقطع رقم حداشر من مقاطع سورة الكهف للاسف حصلت مشكلة على اليوتيوب والناس ضاعت مني - 00:00:09ضَ

فارجو انهم يجدوا الرابط تاني جديد آآ نبدأ بازن الله. نبدأ بازن الله على مدرسة الجامعة وكده كده اصلا الفيديوز موجودة طيب آآ زي ما قلنا ده المقطع رقم ستة وتمانين من مقاطع حظر التجول. ورقم حداشر من تدبر سورة الكهف - 00:00:33ضَ

اول حاجة احب افكر حضراتكم بها انكم تجيبوا مصاحف وافكركم ان احنا امبارح وقفنا عند الاية رقم تسعة وخمسين من سورة الكهف وقلنا هنسيبها للنهارده لانها مهمة جدا ومش عايزين نكروت التدبر بتاع الاية ديت - 00:00:57ضَ

اقرا معي بقى افتح المصحف بتاعك على سورة الكهف الاية تسعة وخمسين وابدأ اقرأ معي. اعوذ بالله السميع العليم من الشيطان الرجيم وتلك القرى اهلكناهم لما ظلموا وجعلنا لمهلكهم موعدا - 00:01:13ضَ

قبل ما ابدأ احب اقول لكم ان كلمة سنة. يعني الطريقة المعتادة سنة النبي صلى الله عليه وسلم يعني ما كان يفعلوه. ما كان يقول ما كان يقبل هناك ايضا سنن اسمها سنن الهية. يعني سنة الله - 00:01:32ضَ

ودي قوانين في الكون منها سنن محسوسة في زكل ومنها سنن غير محسوسة النوعين سنن محسوسة او غير محسوسة خلاص بقى سنة اذا هي ثابتة لا تتغير. ثابتة لا تتغير - 00:01:52ضَ

ربنا سبحانه وتعالى بيقول فلن تجد لسنة الله تبديلا ولن تجد لسنة الله تحويلا. السنة المحسوسة منضبطة بقوانين الفيزياء قوانين الطبيعة. بالتالي يمكن التنبؤ بها قبل ان تحدث وبدقة شديدة. يعني قل لي كمية الماية دي قد ايه - 00:02:14ضَ

كم مللي جرام مية والحرارة اللي انت بتسخنها بها قد ايه اقدر احسب لك بالثانية متى سيصل هذا الماء الى الغليان؟ ليه؟ لانها سنة محسوسة منضبطة بقوانين مين واضحة وطبيعية - 00:02:40ضَ

السنن الغير محسوسة ثابتة ايضا وهتحصل يعني هتحصل لكن صعب التنبؤ بمتى تحدث لان في متغيرات كتيرة ولا توجد قوانين طبيعية نستخدمها عشان نحسبها بها. نديكم مثال عشان ما تتوهوش مني. ربنا مثلا قال - 00:03:00ضَ

ان الله لا يغير ما بقوم حتى يغيروا ما بانفسهم. ده قانون عام. هذه سنة من سنن الله سنة يعني ثابتة لا تتغير. لو ناس غيرت ما بانفسها ربنا يغيرها - 00:03:21ضَ

ولكن امتى نشوف التغيير امتى ربنا هيغير ما بقوم لما يغيروا ما بانفسهم لا نستطيع نحسبها لا بالساعة ولا بالايام ولا بالشهور ولا بالسنين. ليه لان ما فيش قانون طبيعي - 00:03:40ضَ

نقدر نحسب على اساسه. ولان كمان المتغيرات دي متغيرات كثيرة جدا زي مسلا قدر التغير اللي هم اتغيروه وقدر التغيير اللي غيروه لانفسهم. فالمسألة دي تجعل من الصعب ان احنا نتنبأ بها لكنها لازم هتحصل. هذه قوانين - 00:03:56ضَ

الهي سواء التغيير الافضل او للاسوأ عشان تبقوا عارفين. طيب نيجي بقى للاية تسعة وخمسين في سورة الكهف اللي هي محل هذا التدبر اقرا معي اقرأ معي اه وتلك القرى اهلكناهم لما ظلموا - 00:04:12ضَ

واجعلنا لمهلكهم موعدا. ازا قانون عام وتلك القرى اهلكناهم لما ظلموا. القرى تهلك لما تظلم الدول تهلك لما تظلم طبعا انت بتسأل طب امتى يا رب هيهلكوا ؟ القرآن بيقرا افكارك. كمل الاية بقى. وجعلنا لمهلكهم موعدا. موعده ربنا هو اللي يعلم متى تهلك - 00:04:38ضَ

هذه القرى متى تهلك هذه الامم من سنن الله في الكون الدول التي تظلم تهلك اين ذهبت فارس؟ بعد الفين سنة حضارة اين ذهبت الدولة الرومانية بعد الف وخمسميت سنة حضارة البحر المتوسط اسمه بحر متوسط لانه كان بحيرة بتتوسط الدولة - 00:05:03ضَ

دولة واحدة ضخمة عظيمة قوية في وسطها بحيرة اتسميت اتسمت البحر المتوسط. البحر الابيض ما فيش حاجة اسمها البحر الابيض. ما اسموش ابيض متوسط. طيب في عدة سنوات الدولتين دول تبخروا - 00:05:25ضَ

على يد الصحابة. ولكن اللي هزمهم هو الله سبحانه وتعالى. شف حديث النبي صلى الله عليه وسلم. تغزون فارس فيفتحها الله مش تفتحونها ثم تغزون الروم فيفتحها الله اذا نحن امام اية عظيمة. امام اية مادة قانونية. اين ذهب الاتحاد السوفيتي؟ اين ذهبت الشيوعية بتاعة آآ الاتحاد السوفيتي - 00:05:43ضَ

ازا مادة قانونية وتلك القرى اهلكناهم لما ظلموا وجعلنا لمهلكين موعدا ومن ادلة يا جماعة مصداقية هذا الكتاب هو انه دايما يحث على الخير ويحذر من الشرور. اذا هو من الله - 00:06:09ضَ

اه دايما يحذر من الظلم يحذر من السرقة. يحذر من الفواحش. يحذر من الكذب. يحذر من العنصرية بيحذر من الكذب يا اما ما هو القرآن يا اما من عند الشيطان ومش ممكن يكون عند الشيطان يحذر من الحاجات السيئة دي كلها. ويحث على العدل ويحث على الصدق ويحث على العفة. مش - 00:06:26ضَ

او من عند انسان وبيدعي انه من عند الله يبقى هو كزاب ازاي يبقى انسان كزاب ويطلع الجمال ده وازاي يبقى انسان كزاب ويحث على عدم الكذب ويحث على الصدق وهو انسان لابد انه ينفضح. طيب - 00:06:48ضَ

هو انا ساترك لكم رابط مهم جدا لمحاضرة مهمة جدا اسمها آآ آآ قيم انسانية ام سنن الهية؟ مهم قوي اتفرجوا عليها. المحاضرة اديتها في تركيا في يوم من الايام من حوالي تمن سنين كده - 00:07:02ضَ

طيب هتركها لكم في صندوق الشرح تحت الفيديو يا بتوع اليوتيوب هتركها لكم في البوست بتاع الفيسبوك يا بتوع الفيسبوك. طيب وهنا نبدأ بقى قصة حبيبنا وحبيب ربنا سيدنا موسى عليه الصلاة والسلام والعبد الصالح - 00:07:18ضَ

ربنا قال له والقيت عليك محبة مني ولتصنع على عيني. عشان كده هو حبيب الله وحبيبنا هو والنبي محمد صلى الله عليه وسلم. اقرأ معي الاية واذ قال موسى لفتاه لا ادرح حتى ابلغ مجمع البحرين او امضي حقوبا - 00:07:37ضَ

واذ معناها افتكر افتكر لما تذكر الموضوع ده مهم لك في حياتك. واذ قال موزة افتكر لما موسى قال واذ قال موسى لفتاه. مش معروف من هو الفتى. مساعد سيدنا موسى خادم لسيدنا موسى - 00:07:58ضَ

ولكن التفاسير والادلة كلها تشير ليوشع ابن نون اللي اصبح نبي بني اسرائيل بعد سيدنا موسى وسيدنا هارون ويقال انه ذكر في القرآن الكريم باسم اليسع ويقال هو ذا الكذب. المهم - 00:08:17ضَ

القرآن سكت عن اسمه في القصة وظهر فقط كخادم لسيدنا موسى يتعلم منه ومن مرافقة سيدنا موسى واذ قال موسى لفتاه لا ابرح حتى ابلغ مجمع البحرين او امضي حقوبا - 00:08:34ضَ

افتكر لما موسى قال لفتاة انا لن اتوقف عن المشي لغاية ما ابلغ مجمع البحرين ان شا الله امشي حقبا. يعني قرون طويلة الحقب الواحد طبقا للزمخشري وده من علماء اللغة له تفسير رائع اسمه الكشاف - 00:08:55ضَ

الحقب تمانين سنة حقبا يعني قرون بقى سؤال معلش ايه الاصرار ده يعني ايه للدرجة دي مهمة اوي يا سيدنا موسى انك يخليك توصل لمجمع البحرين يعني اسمع بقى حديث امية ابن كعب لا يمكن فهم القرآن بدون السنة خلوا بالكم. السنة مهمة جدا لفهم القرآن وفهم حياتنا وفهم كيف - 00:09:19ضَ

اعبد الله واوعوا تصدقوا حد يخدعكم يقول لكم السنة مش مهم والقرآن يكفي. الكلام ده غير صحيح السنة مذكرة تفسيرية بتفسر القرآن حديث ابي بن كعب رضي الله عنه ده من اعظم علماء الصحابة في القرآن الكريم مشهور بعلمه في القرآن الكريم - 00:09:46ضَ

وقف موسى خطيبا في بني اسرائيل. موسى وقف يخطب في بني اسرائيل بني اسرائيل سألوه من اعلم الناس مين اكتر واحد عنده علم سيدنا موسى قال الموضوع مش مستاهل يعني اني انتظر وحي. انا نبي هذا الزمان انا كليم الله. ربنا اختارني لقيادة الامة المسلمة في هذه المرحلة - 00:10:04ضَ

جدا من تاريخ العالم واخترني للوقوف امام اكبر طاغية هيكون مين يعني اعلم الناس؟ فقال لهم انا من اعلم الناس يا موسى؟ قال انا انا اعلم الناس يكون مين يعني - 00:10:24ضَ

اسمع الرسول صلى الله عليه وسلم قال ايه الحديث بقى كتب الله عليه ان لم يرد العلم اليه سيدنا موسى طلب يقابل العبد الصالح ده خلي بالك ان هو هنا ربنا عاتب سيدنا موسى - 00:10:41ضَ

انت ازاي ما تقول الله اعلم ازاي كده سيدنا موسى قال له هل هناك من هو اعلم مني؟ قال نعم عبد من عبادي عند مجمع البحرين. فسيدنا موسى طلب يقابل العبد الصالح ده - 00:11:04ضَ

ربنا قال له تذهب لمجمع البحرين وده مكان بعيد جدا وتاخد حوت يعني سمكة وضعه في مقتل يعني حاجة جردل صغير حاجة كده واللي هيحصل للسمكة هيكون هو العلامة المهم ربنا عاتبه - 00:11:15ضَ

لازم نقول الله اعلم مش عارف تقول الله اعلم مش عارف ما تقولش آآ حاجة من دماغك. تقول الله اعلم لكن لا تتطوع باعطاء معلومة لا دليل عليها شف بقى انت لما تقرا الاية دي بتدبر بتربيك على ايه - 00:11:33ضَ

انت بتتدبر هذه الاية فبتربيك على الموضوعية. عدم الكلام الا اذا كنت واثق من كلامك وعندك دليل حطها مع اية قصة الكهف. اصحاب الكهف هؤلاء قومنا اتخذوا من دونه الهة. لولا يأتون عليهم بسلطان بين. لو كان بس عندهم دليل - 00:11:56ضَ

الله! يعني العبادة بدليل يبقى انت تعطي معلومة بدون دليل؟ ثانيا فدي اول مشكلة. يعني ادي اول حاجة بتربيك عليها الاية. لا تتكلم الا اذا كنت متأكد جدا من كلامك - 00:12:22ضَ

ولا تعطي معلومة بدون دليل. اتنين لا يليق بالمسلم انه يزكي نفسه. في سورة النجم ربنا بيقول فلا تزكوا انفسكم. هو اعلم بمن اتقى انت متخيل ان لما ربنا صحح لسيدنا موسى المعلومة - 00:12:39ضَ

وان هو مش اعلم الناس ان سيدنا موسى سكت واخفى ذلك عن بني اسرائيل اكيد صححها واكيد راح قال لهم على فكرة يا جماعة انتم سألتوني من اعلم الناس وانا قلت انا - 00:12:56ضَ

مش انا اعلم الناس طلع فيه شخص اخر سلام عليكم. انا رايح مسافر ادور عليه وابحث عنه عشان اتعلم فاكيد سيدنا موسى صححها وهذا درس تربوي لان مش سهل ان انسان بعد ما يزكي نفسه يتراجع امام الناس يقول لهم بصراحة مش انا احسن واحدة - 00:13:09ضَ

مش انا اعلم واحد مش سهلة طبعا ده درس تربوي عشان تاني مرة ما يبقاش يزكي نفسه. ما حدش يزكي نفسه جرب كده اقعد مع اربعة خمسة كده من اصحابك مسلمين وسجل القعدة - 00:13:26ضَ

وارجع اسمعها هتلاقي كل واحد فيهم بيتكلم عن نفسه. بما فيهم انت بتتكلم عن نفسك كل واحد بيتكلم عن انجازاته عن زكاؤه عن خبرته عن املاكه وعن جماله وعن شياكته وعن حلاوته. لو حد من الصحابة سمع حوار من حواراتنا هيقول دول اكيد مرضى نفس - 00:13:41ضَ

طول النهار بنزكي انفسنا يبقى ده اول درس. اول درس لا تتكلم بدون دليل وخليك موضوعي. نمرة اتنين لا تزكي نفسك تالت درس بقى عاوز تقابله علشان تتعلم مش هجيبه لك في درس خصوصي في ترابيزة على ترابيزة السفرة لا لا لا - 00:14:02ضَ

اتعب وامش وسافر واجتهد في عبادة اسمها عبادة طلب العلم بس انت مسافر في عبادة اخلاقك وانت مسافر تطلب العلم تكون اخلاق المتعبد طلب العلم من اجل العبادات. قال النبي صلى الله عليه وسلم اذا مررتم برياض الجنة فارتعوا - 00:14:23ضَ

قيل وما يا رسول الله وما رياض الجنة؟ رياض جنة ايه في الدنيا؟ قال مجالس العلم. مجالس العلم دي كل مدرس او مدرسة قاعد حواليه طلاب بيتعلموا اي علم مفيد - 00:14:55ضَ

دي حلقة من حلقات الجنة. دي روضة من رياض الجنة على الارض. هذا تشبيه النبي صلى الله عليه وسلم وقال ايضا ما من خارج يخرج من بيته يطلب العلم الا وضعت له الملائكة اجنحتها - 00:15:08ضَ

رضا بما يصنع يعني واحد خرج من بيته رايح يطلب العلم طول ما هو ماشي الملايكة واقفين على الجانبين حرس شرف حرس شرف من الملايكة مش عساكر امن مركزي. لأ ملايكة وايه بقى كل ما يعدي من عند ملائكة يقوموا فارشين الاجنحة بتاعتهم كده تحية بيحيوك - 00:15:25ضَ

رضا بما يصنع استشعر ده وانت رايح تطلب العلم وقال ايضا صلى الله عليه وسلم طلب العلم فريضة على كل مسلم وان طالب العلم يستغفر له كل شيء. كل حاجة بتستغفر لك. بتطلب من ربنا انه يغفر لك طول ما انت بتطلب العلم - 00:15:47ضَ

الحيتان في البحر حتى السمك في الماية بيطلب لك المغفرة الكون كله بيطلب لك المغفرة ان الكون كله سجد لك عشان تؤدي مهمتك. فازا كنت بتؤدي مهمتك يكون كله بيدعي لك - 00:16:08ضَ

لما تخرج من بلدك تطلب العلم ما تروحش تصيع بقى علشان ما تضيعش ثوابك العظيم ده ناس كتير بتطلع عشان تطلب العلم بس بتصيع للاسف تنسى نفسها قلنا الاية دي فيها كم من الدروس رهيب. واحد بتصحح منهج الفكر عند القارئ المتدبر فتخليه ما يتكلمش الا لو متأكد وعنده دليل. لا تزكوا انفسكم - 00:16:26ضَ

ليتواضع وما يزكيش نفسه يتعلم انه لازم يتعب عشان يتعلم انا الشيخ بتاعي علمني يا طالب العلوم بغير كد ستدركها اذا شاب الغراب يا طالب العلوم بغير كد ياللي عايز تتعلم من غير ما تتعب - 00:16:50ضَ

هتتعلم لما الغراب يشيب هو فيه غراب شايب الغراب كل الغربان سود. ما فيش غراب شعره بيبيض. يعني ازا لابد من انك تتعب وتكتب يقول لك الشيخ يعلمني ايضا العلم فيض والكتابة قيد - 00:17:10ضَ

انتهت واصطدت غزالة. تقوم مخليها جنبك وتروح تكمل صيد ولا بتربطها ؟ بتربطها. والا هتهرب منك نفس الكلام. العيب اللي انت اتعلمته تكتبه ما يهربش منك وتعبك ما يروحش على فاشوش - 00:17:29ضَ

يبقى تكتب اربع رابع درس في الاية دي انت غلطت ولا يليق بمن هو مثلك انه يخطئ فبالتالي لازم شوية الم عشان التربية الربانية دي مش ببلاش مجمع البحرين مش قريب. ده انت هتمشي مشوار سقع - 00:17:43ضَ

هتمشي مشوار حلو يعني اللي ما قالش الله اعلم في درس هياخده تربية ربانية عشان تاني مرة يبقى يفتكر الله اعلم واللي ما قالش ان شاء الله هاخد درس برضو هينتزر الاجابة خمستاشر يوم وانتهى الاحراج. كل يوم الكفار جايين ها يا محمد جبت لنا الاجابة على التلات اسئلة فاكرين انتم الدرس اللي قلنا فيه - 00:18:07ضَ

في سبب نزول نزول سورة الكهف اصلا الاجابة ما نزلتش معنا. قال لهم اخبركم غدا بس نسي يقول ان شاء الله الاجابة اتأخرت خمستاشر يوم عشان يبقى درس. ولا تقولن لشيء اني فاعل ذلك - 00:18:34ضَ

ارجع للاية تلاتة وعشرين. قال لي في الكهف قالت لي تلاتة وعشرين واربعة وعشرين ولا تقولن لشيء اني فاعل ذلك غدا. الا ان يشاء الله واذكر ربك اذا نسيت وقل عسى ان يهديني ربي لاقرب من هذا رشدا - 00:18:48ضَ

مش ممكن العزمة الحقيقة. يعني احنا قاعدين بنتفرج في الصورة على تربية ربانية بتحدث. لاتنين من اعزم رضوى لله. خاتم الرسل وكليم الله دي اشارة لايه؟ لاهمية التربية لو تركت ابنك او بنتك بدون تربية هو مش هيطلع متربي بالبركة. لأ هيطلع متربي شيطاني - 00:19:07ضَ

فلابد من التربية ولابد من دراسة التربية ولابد من تربية النفس ايضا. ده اهم حاجة انت فاقد الشيء لا يحسن انت لازم تربي نفسك ايضا وتربي بعد كده اولادك. عشان كده تحت كل فيديوهاتي على اليوتيوب - 00:19:30ضَ

هتجدوا اقتراح لبرنامج تربوي لتربية النفس. تلات دورات ورا بعض. اول دورة مفاتح التدبر تاني دورة التربية الايمانية. تالت دورة التربية الروحية. والتربية الايمانية فيها واجب يومي لازم يتعمل خلاص؟ اقرأ معي بقى واحد وستين - 00:19:45ضَ

فلما بلغ مجمع بينهما نسيا حوتهما فاتخذ سبيله في البحر سربا. لما وصلوا المكان كما وصلوا مجمع البحرين طبعا مجمع البحرين فيه ناس قالوا لازم يكون نهر مع بحر يبقى دمياط وناس قالوا لأ يبقى بحرين نبقى بحرين وناس قالوا - 00:20:05ضَ

القرآن سكت عن هذا. مش لازم نعرف فين يعني لما وصلوا المكان الحوت اتنسى وهم مش واخدين بالهم فهرب ونزل اتسرب في البحر اتنين وستين معي فلما جاوز لما جاوزه مكان مجمع البحرين. والسمكة هربت منهم من غير ما ياخدوا بالهم - 00:20:26ضَ

سيدنا موسى تعب قال لفتاه اتنا غدائنا لقد لقينا من سفرنا هذا نصبا. يعني تعب شف بقى ربنا خلى سيدنا موسى يتعب بعد تجاوز المكان اللي اتسرب فيه الحوت عشان يقفوا عشان يتغدوا ويستريحوا - 00:20:50ضَ

اكتشفوا اللي حصل قبل ما يكملوا كتير الفتى مساعد سيدنا موسى قال ايه؟ اقرا معي تلاتة وستين قال ارأيت اذ اوينا الى الصخرة فاني نسيت الحوت وما انسانيه الا الشيطان ان اذكره. واتخذ سبيله في البحر عجبا - 00:21:10ضَ

عارف يا سيدنا موسى لما وقفنا نستريح عند الصخرة انا نسيت اخلي بالي من الحوت ونسيت كمان احكي لك وما انسانيه اني احكي لك الا الشيطان هو اول مرة مش الشيطان بس هو نسي الحوت وزحوت. تاني مرة بقى اللي هو النسيان التاني انه نسي يحكي لسيدنا موسى وما انسانيه الا الشيطان وان - 00:21:33ضَ

كنت هقول لك بس نسيت ما اهتمتش انها ممكن تكون حاجة مهمة يعني واتخذ سبيله في البحر عجبا. عرف يلاقي في البحر آآ طريقه بطريقة عجيبة يعني سمكة ميتة بقى لها مدة معنا وما فيش فيها حياة. تصحى - 00:22:00ضَ

او تجري كانت حاجة عجيبة جدا لاحزوا بقى تناسق الالفاظ وربطها للقصص في الصورة وربطها الصور ببعضها عجبة سمعناها قبل كده فين في سورة يونس اللي هو صاحب الحوت الاية اتنين اكان للناس عجبا - 00:22:16ضَ

ان اوحينا الى رجل منهم ان انذر الناس وبشر الذين امنوا اكان للناس عجبا في يونس اللي هو صاحب العود. وفي الكهف الحوت اتخذ سبيله في البحر عجبا. وفي الكهف ايضا جت في القصة الاولانية بتاعة اصحاب الكهف - 00:22:37ضَ

ام حسبت ان اصحاب الكهف والرقيم كانوا من اياتنا عجبا هناك جمال في توزيع الالفاز في القرآن وهذا الجمال له سر يحتاج الى دراسته صدقوني القرآن جواه كمية اسرار محتاجة لسة ما حدش درسها لسة. مليارات الناس قرت القرآن ولسه حاجات كتيرة لم يصبر الناس - 00:22:54ضَ

اقرا معي اربعة وستين بقى لما سيدنا موسى سمع الخبر بتاع السمكة اللي راحت زعل قال ذلك ما كنا نبغ فارتد على اثارهما قصصا طول عمري كنت فاهم ان سيدنا موسى هنا بيتريق - 00:23:24ضَ

وبيسخر وبيقول لك ادي اللي كان ناقص ذلك ما كنا نبغ. ادي اللي احنا كنا محتاجينه. لأ سيدنا موسى فعلا فرح بضياع الحوت وقال له هو ده اللي انا كنت منتزره هو ده اللي انا محتاجه بالزبط. تعال معي وريني - 00:23:42ضَ

ضعف فين بالزبط واوعى تغلط في تحديد المكان. فارتد يعني رجعوا لورا على اثارهما قصص ان الانسان يقص الاثر يعني يمشي ورا خطوات الرجلين عشان يعرف الانسان اللي هو بيقتص اثره راح فين؟ هم رجعوا - 00:24:01ضَ

يقتص اثرهم هم على اثارهما هم قصصا رجعوا لورا ماشيين على نفس خطوات رجليهم عشان يتتبعوا خطواتهم عشان يوصلوا للمكان بالزبط ما يغلطوش فيه وصلوا لا قوم انتظرهم هناك. اقرا خمسة وستين - 00:24:21ضَ

فوجد عبدا من عبادنا اتيناه رحمة من عندنا وعلمناه من لدنا علما فوجدا هم الاتنين وجدوا العبد الصالح ودي اخر عهدنا بفتى سيدنا آآ موسى وليكن يوشع ابن نون ولكن كده بينتهي دوره وهيختفي من القصة وده اخر مشهد فوجد هم الاتنين عبدا من عباده - 00:24:44ضَ

اتيناه رحمة من عندنا وعلمناه من لدنا علما. وهيستكمل بقية المشاهد بتاعة القصة. سيدنا موسى عبد الصالح مع بعض وبيختفي الفتى. طيب بيرجع بقى لبني اسرائيل طبعا وبيسيب بقى سيدنا موسى ايه ياخد الكورس التعليمي بتاعه - 00:25:16ضَ

فوجد عبدا من عبادنا اتيناه رحمة من عندنا. وعلمناه من لدنا علما. هذا العلم رحمة من الله وهو خاص بهذا الرجل فقط بس لا يجوز لاحد انه يدعي ان عنده علم لدني من لدن الله في عمل اعمال مخالفة للشرع مدعيا انها بوحي من الله - 00:25:37ضَ

هو الراجل ده خلاص نتوقف هنا اليوم وبكرة ان شاء الله نكمل في نفس الوقت. اسأل الله العلي العظيم ان يجعل القرآن ربيع قلوبنا ونور صدورنا وجلاء احزاننا وذهاب كهمومنا ومغفرة ذنوبنا - 00:26:03ضَ

واسأل الله ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك واجتمعت على محبتك والتقت يا ربنا على طاعتك وتوحدت على دعوتك. وتعاهدت على نصرة شريعتك فوثق اللهم رابطتها - 00:26:21ضَ

وادم ودها واهدها سبلها. واملأها بنورك الذي لا يخبو. واشرح صدورها بفيض ايماني بك وجميل التوكل عليك واحييها يا ربنا بمعرفتك وامتها على الشهادة في سبيلك انك نعم المولى ونعم النصير. والسلام عليكم ورحمة الله. ونراكم غدا بازن الله ان كنا من اهل الدنيا - 00:26:44ضَ

السلام عليكم ورحمة الله وبركاته - 00:27:14ضَ