باحث

افقهوا قولي السلام عليكم ورحمة الله وبركاته. اهلا بحضراتكم في المقطع رقم تمنمية تلاتة وسبعين من مقاطع حظر التجول. والحلقة الستون من حلقات تدبر سورة النساء. ودي هتكون الحلقة قبل - 00:00:00ضَ

الاخيرة باذن الله الاية الاولى اللي هنتدبرها النهاردة صدق او لا تصدق هي اكتر اية في القرآن شفت المنصرين بيستغلوها للتبشير في اوساط المسلمين وبيستغلوها كدليل على ان الاسلام بيقر بالثالوث المقدس - 00:00:22ضَ

الاب والابن والروح القدس اله واحد امين انا نفسي جا لي واحد منصر من حوالي خمستاشر سنة لا لا اقل شوية. كان كان بعد السورة على طول. يعني حوالي مسلا من عشر سنين كده حداشر سنة - 00:00:52ضَ

وقعد طلب يقعد معي في مكتبنا في في مصر وعمل مقدمة طويلة عن اهمية ان الانسان يلتزم بكتابه اللي هو مؤمن به اذا ثبت لي من القرآن ان المسيح غير مخلوق - 00:01:10ضَ

وان الثالوث المقدس توجد له اشارات واضحة في القرآن تشير اليه فالمفروض ان انا اقبل هذا الكلام واعلن فورا قبولي للمسيح مخلص شخصي لحياتي وقال لي ربنا قال في القرآن - 00:01:35ضَ

انما المسيح عيسى ابن مريم رسول الله وكلمته وعلى فكرة المسيحيين لا ينكروا ان المسيح نبي على فكرة يعني لكنهم بيقولوا هو النبي واله في نفس الوقت والاله المتجسد في جسد انسان - 00:01:54ضَ

نبي يدعو الناس لكنه اله وابن اله. اله من اله المهم في الاية دي السيد المسيح ظهر بمنتهى الوضوح انه كلمة الله. طالما انه كلمة الله واهل السنة عندهم الكلمة غير - 00:02:18ضَ

كلام الله غير مخلوق. يبقى المسيح مش مخلوق ثانيا ربنا قال في القرآن وروح منه. في نفس الاية وروح منه اذا هو روح الله وبكده يبقى الثالوث مذكور بوضوح في الاية. الله - 00:02:38ضَ

والكلمة اللي هي الابن هم عندهم الابن هو كلمة الله والروح الروح القدس بس. وراح راجع بضهره وانتزر بقى ان انا انزل على ركبي واعلن اني تركت الاسلام اصبحت مسيحي من ايماني بالقرآن. اه طبعا انا مش مصدق - 00:02:57ضَ

مصدق السزاجة. قلت له انت يا ابني قريت الاية دي اصلا قبل كده هو ماسك في ايده كتاب صغير كده كتيب كده اسمه انت تحكم انت تقرر عملت عنه حلقتين - 00:03:18ضَ

كتاب تنصيري بيتوزع كان في التاكسيات وفي مواقف الاتوبيس وبتاع قال لي ايوة قرأت الاية قبل كده. قلت له آآ وريهاني فوراني كتاب صغير كده المقطعين دول انما المسيح عيسى ابن مريم رسول الله وكلمته - 00:03:32ضَ

وروح منه. يقول لي مش قرآن ده ولا مش قرآن؟ اللي هو يعني آآ انجليزي ده ولا مش انجليزي وتعال يا ابني بس نطلع الاية ونقراها من غير قص ولزق - 00:03:49ضَ

تعال نشوف الاية. الاية دي هي الاية اللي احنا هنتدبرها النهاردة. اول اية النهاردة اللي هي الاية مية واحد وسبعين في سورة النساء الاية بتقول ايه بقى قلت له يا ابني اقرا الاية كويس اقراها من اولها - 00:04:01ضَ

اعوذ بالله السميع العليم من الشيطان الرجيم يا اهل الكتاب لا تغلوا في دينكم ولا تقولوا على الله الا الحق انما المسيح عيسى ابن مريم رسول الله وكلمته القاها الى مريم وروح منه - 00:04:17ضَ

فامنوا بالله ورسله ولا تقولوا ثلاثة انتهوا خيرا لكم انما الله اله واحد. سبحانه ان يكون له ولد له ما في السماوات وما في الارض وكفى بالله وكيلا اكتر من كده ايه - 00:04:41ضَ

هات الاية اللي بعدها بقى كمان. الاية مية اتنين وسبعين لن يستنكف المسيح ان يكون عبدا لله. ولا الملائكة المقربون. ومن يستنكف عن عبادته ويستكبر فسيحشرهم اليه جميعا. ايه رأيك بقى - 00:05:08ضَ

قلت له ايه رأيك بقى تعال يا ابني نحلل الايتين دول كلمة كلمة نشوف القص واللزق اللي انتم بتعملوه ده ده محرج علشانه قلت له انا مكسوف علشانك والله اول حاجة - 00:05:29ضَ

يا اهل الكتاب يا اهل الكتاب يعني يا اهل الكتاب من النصارى ما هو بعد ما كلم اهل الكتاب من اليهود في امر المسيح وعاتبهم على الكفر به وبامه وباتهامهم لها في شرفها وهي - 00:05:43ضَ

طول العذراء الطاهرة المطهرة وعاتبهم في تفاخرهم بمحاولة قتله وصلبه. هنا يعاتب اهل الكتاب من النوع التاني بقى اهل الكتاب الذين غلوا في المسيح هناك من غالوا في الكفر دي وهناك من غالوا - 00:06:02ضَ

في تعظيمه اللي هم النصارى. المسيحيين يعاتبهم على الغلو في المسيح وتعظيمه بطريقة تخرج من الملة تخرج من الدين تخيلوا واحد متدين ومن كتر تدينه عمل حاجات خرجته من الدين - 00:06:24ضَ

قال النبي صلى الله عليه وسلم لا تطروني كما اطرت النصارى المسيح ابن مريم يعني لا تبالغوا في تعظيمي زي ما هم عملوا يعني احنا بنحب النبي محمد عليه الصلاة والسلام جدا - 00:06:47ضَ

تخيل واحد بيحب النبي جدا لدرجة انه عبد النبي او قال النبي ده ابن الله يبقى خرج من الدين خلاص كفر من الاسلام فالنبي حزر من هذا. وقال لا تطروني كما اطرت النصارى المسيح ابن مريم. ودي الحقيقة عزمة الاسلام وقوة الاسلام - 00:07:04ضَ

مليار وسبعميت مليون بني ادم بيحبوا النبي محمد جدا بيحبوا اكتر من ولادهم اكتر من ابائهم وامهاتهم وما فيش واحد منهم بيعبده شوفوا وسطية ازاي الاسلام يقدر يعني يسيطر على المشاعر مهما كانت قوية ويحط لها الاطار بتاعها اللي ما تخرجش عنه - 00:07:27ضَ

يا اهل الكتاب لا تغلوا في دينكم. لا تبالغوا في المغالاة والغلو في الدين يعني تطرف يا اهل الكتاب بلاش تطرف في الدين بلاش تطرف في الدين بتاعكم ولا تقولوا على الله الا الحق - 00:07:56ضَ

ده معناه ان اللي بيقولوه على الله باطل باطل مش حق ايه بقى التصحيح بقى لهزا الباطل انما المسيح عيسى ابن مريم رسول الله وكلمته القاها الى مريم قال لك بس اهو هو كلمة الله. وانتم عندكم كلام الله غير مخلوق. يبقى المسيح مش مخلوق. فسألته - 00:08:19ضَ

قلت له بص هو ربنا عنده كم ابن ادي واحد المسيح فقط هو الابن المولود لله. لان الانجيل فيه ابناء كثيرين جدا لله يعني ادم اسمه ابن الله وسليمان ابن الله وداوود ابن الله وكل من ذكر - 00:08:45ضَ

ابناء الله. يعني احنا نسميهم ابناء بالطن. كتير جدا ابناء الله عندهم فلافل يعقوب ابن الله وابراهيم ابن الله كله كويس اوي بس هم عندهم المسيح هو الوحيد اللي اسمه الابن المولود لله. فده اللي خلاه خاص. قلت له كويس جدا. طبقا - 00:09:05ضَ

طبعا المحرفة يعني. قلت له كويس. انت طلعت من القرآن انه كلمة الله. طيب. لو طلعت لك من القرآن ان ربنا له كلمات اخرى مش كلمة واحدة. يبقى معنى كلمات مش هو المعنى اللي انت فاهمه. اللي هو ابن الله. ما انت بتقول - 00:09:26ضَ

ما فيش غير ابن واحد بس. خلاص؟ وهو المسيح اللي هو كلمة الله. طب السيدة مريم موصوفة في القرآن بايه اللي هي المفروض انها ام الكلمة فيوتوكوس يعني ام الكلمة - 00:09:46ضَ

آآ او ام الاله عندهم في سورة التحريم ربنا بيقول ومريم ابنة عمران التي احصنت فرجها فنفخنا فيه من حين وصدقت بكلماتي ربها وكتبه وكانت من القانطين. ما قالش بكلمة ربها - 00:10:01ضَ

بكلمات ربها وكتبه يبقى فيه كلمات مش كلمة واحدة. وانت قلت ربنا له ابن واحد يبقى كلمة الله مش معناها ابن الله معناها معنى اخر وصدقت بكلمات ربها وكتبه. يعني صدقت بمعجزات ربها وكتبه - 00:10:24ضَ

المسيح مخلوق بكن معجزة ادم مخلوق بكن معجزة وهي انثى حملت بدون تدخل من ذكر بكون كلمة الله معجزة وحواء خلقت من ادم بكن معجزة. وانا وانت خلقنا من ذكر وانثى معجزة. ومن اياته ان جعل لكم من - 00:10:47ضَ

ازواجا لتسكنوا اليه. ان خلق لكم من انفسكم ازواجا لتسكنوا اليها. ازا كل احتمالات الخلق تمت. بدون ذكر حصل خلق المسيح. آآ بدون آآ ذكر ولا انثى حصل خلق. الانسان الاول. من ذكر فقط حصل برضو حواء. من انثى - 00:11:17ضَ

فقط المسيح الله من ذكر وانثى انا وانتى. فهذه معجزات دالة على قدرة الله. الذي اذا اراد شيئا فانما يقول له وكن فيكون هتقعد بقى تحور وتقول لي اصل المسيح كلمة الله. ومش عارف ايه. ما هو فيه كلمات كثيرة لله. كلمة الله يعني معجزة الله - 00:11:38ضَ

معجزة من الله المقصود ان هو معجزة من معجزات ربنا. حد ينكر ان السيد المسيح معجزة في حد زاته؟ معجزة وبعدين ربنا بيقول وكلمته القاها الى مريم. هل معقول لو هو اله - 00:12:03ضَ

يقال عنه انه القي وكلمته القى لا يليق ان اله يتقال عليه انه القي يا اهل الكتاب لا تغلو في دينكم ولا تقولوا على الله الا الحق. انما المسيح عيسى ابن مريم رسول الله وكلمته - 00:12:21ضَ

القاها الى مريم وروح منه طيب وروح منه ايه الشيء المميز يعني عشان روح منه طب ما كل انسان جه نتيجة نفخ الروح اللي ربنا اعدها له ربنا قال للملائكة - 00:12:48ضَ

عن ادم مرتين في سورة صاد وفي سورة الحجر اسمع بقى فاذا سويته ونفخت فيه من روحي فقعوا له ساجدين يعني ربنا لما يشكل ادم ويسويه ويعطيه صورته لسة لسة القيمة ما اتحطتش فيه. القيمة كلها - 00:13:15ضَ

في نفخ الروح الروح التي اعدها الله للانسان غير الروح الطبيعية اللي موجودة في الحيوانات التي تعطي الحياة. هذه روح اخرى مميزة اعدت للانسان خاصة كلنا من هذه الروح التي اعدها الله للانسان - 00:13:41ضَ

ربنا قال في سورة الانبياء كمان فنفخنا فيها من روحنا ربنا نفخ في السيدة مريم من روحنا. قال كده يعني روح من ضمن الارواح شريفة اللي ربنا اعدها القرآن نفسه روح - 00:14:03ضَ

في سورة الشورى ربنا قال آآ وكذلك اوحينا اليك روحا من امرنا يعني رحمة من الله. القرآن ده رحمة فالمسيح روح الله يعني رحمة من الله ياه! طب ما دي حاجة مميزة له. مش مميزة خالص عن اي نبي كل الانبياء هم روح الله ايضا. كل الانبياء رحمة من الله. النبي - 00:14:30ضَ

قال عن نفسه ايه انما قال صلى الله عليه وسلم انما انا رحمة مهداة. فالمسيح رحمة ومحمد رحمة وموسى رحمة وابراهيم رحمة. رحمة ربنا بالبشرية انه اداهم انبياء يهدوهم عشان الناس اللي تقعد تقول لك ربنا خلق الناس عشان تدخلهم النار لو خلقهم عشان يدخلهم النار يبعت لهم انبياء ليه ؟ ما يسيبهم بقى كفار - 00:15:00ضَ

لماذا هذه المغالاة في المسيح ليه الغلو ده ؟ ليه التطرف ده ؟ نكمل بقى عشان نشوف الثالوث المقدس. تعالوا نشوف فربنا قال لهم ايه بقى هات من الاول يا اهل الكتاب لا تغلوا في دينكم ولا تقولوا على الله الا الحق انما المسيح عيسى ابن مريم رسول الله وكلمته القاهرة - 00:15:27ضَ

الى مريم وروح منه. فامنوا بالله ورسله. ولا تقولوا انتهوا خيرا لكم والله انا مكسوف علشانك. دي الاية اللي بتعترف بالثالوث يا راجل! هي دي يا راجل يا عاقل ولا تقولوا ثلاثة - 00:15:58ضَ

ما انتاش فاهمها ما قريتهاش ليه بتردد زي البغبغان كلام مكتوب في كتيب حقير بنص جنيه بدل ما تروح تفتح باب قرآن على الانترنت. ما تفتح القرآن وتبحس عن الاية وتقراها بنفسك. وتقرا الاية اللي بعدها. ليه تعمل كده؟ ولا تقولوا ثلاثة. هي دي الاية اللي - 00:16:25ضَ

بتدل على الثالوث كفاية بقى انتهوا خيرا لكم. ربنا بيقول لك ولا تقولوا ثلاث كفاية انتهوا خيرا لكم. ازن نبرة الغضب واضحة جدا. الله غاضب غاضب اكثر ما يغضب الله - 00:16:45ضَ

حد يدعي ان له ابن اكثر شيء يغضب الله الاب وابن وروح قدس في الاية. مش معقول كمل الاية كده انما الله اله واحد. سبحانه ان يكون له ولد له ما في السماوات وما في الارض وكفى بالله وكيلا. ها لسة متأكد الاية بتؤيد مبدأ الثلوث؟ لا يوجد الا اله واحد - 00:17:08ضَ

سبحانه يعني هو منزه عن كل نقص سبحانه ان يكون له ولد يعني لو له ولد ده يبقى نقص والله منزه عن النقص نعم بالنسبة للكمال بالنسبة للانسان ده شيء يعني من الكمال. شيء كويس ان الواحد يبقى عنده ولد - 00:17:39ضَ

عشان يشيله لما يكبر ويعجز ويبقى مش قادر يخش الحمام يدخله الحمام. ومش قادر يأكل نفسه فيأكله لكن بالنسبة لله هذه علامة نقص ليست كمال. الله منزه عن النقص. سبحانه ان يكون له ولد. ليه؟ هو الغني عن الولد لا يحتاج لاحد - 00:18:07ضَ

كل احد يحتاج الى الله والله لا يحتاج لاحد. له ما في السماوات وما في الارض. وكفى بالله وكيلا هو الغني الذي يملك كل ما في السماوات وكل ما في الارض وكفى بالله وكيلا يدبر - 00:18:31ضَ

الخلق مش مش هيجيب ولد عشان يدبر اموره لما يكبر! لا. لا يحتاج لاله اخر معه عشان يساعده. ما هو المسيحيين يؤمنوا الاب خلق الابن والابن خلق العالم. ليه ليه ما فيش اله واحد يخنق كله وخلاص - 00:18:50ضَ

كده الهين قال لك لأ هم اله واحد. ازاي اله واحد؟ هو الاب هو اللي ابنه يقول لك لأ اوعى تقول كده. الاب مش هو الابن والاب مش هو الروح القدس - 00:19:13ضَ

والاب هو الله والابن هو الله والروح القدس هو الله. كل واحد منهم هو الله بس ولا واحد منهم هو اي واحد من الاتنين التانيين. كلام مش معقول انا ما بفتريش عليهم والله هو ده شرح الثالوث المقدس. وطبعا هو غير مفهوم. فمزهب القديس فيكتور في القرن الثاني عشر - 00:19:25ضَ

الثالوث لا يمكن فهمه. يؤخذ كما هو كده طيب امال المسيح يبقى ايه يعني جه من غير اب وبمعجزة خطيرة. مش مفروض يكون له وضع خاص. اسمع الاجابة في الاية مية اتنين وسبعين وانت تعرف المسيح هو ايه - 00:19:47ضَ

يستنكف المسيح ان يكون عبدا لله ولا الملائكة المقربون. ومن يستنكف عن عبادته ويستكبر فسيحشرهم اليه جميعا يعني ايه؟ يعني شرف للمسيح عليه السلام. انه يكون عبد لله سيدنا محمد عليه الصلاة والسلام له القاب كثيرة - 00:20:12ضَ

واوصاف كثيرة اشرف لقب هو عبد الله. ارقى لقب هو عبد الله ربنا قال عنه في سورة الاسراء سبحان الذي اسرى بعبده ليلا من المسجد الحرام الى المسجد الاقصى الذي باركنا حوله - 00:20:36ضَ

وقال عنه في سورة الجن وانه لما قام عبد الله يدعوه كادوا يكونون عليه لبدا كذلك المسيح هو عبدالله يتشرف بان يكون عبدا لله. اول كلمة قالها المسيح كانت ايه - 00:20:56ضَ

ما قالش ماما زي العيال ما ما تقول ماما بابا لأ السيد المسيح كان عنده يوم واحد لما تكلم في المهد قال ايه؟ قال اني عبد الله اتاني الكتاب وجعلني نبيا. اول كلمة قالها قال انا عبدالله مش ابن الله - 00:21:13ضَ

مع ان المشكلة مين ابوه. خل بالك المشكلة مين ابوه فعشان تبرأ السيدة مريم اتكلم في المهد. المفروض يقول مين ابوه لا انا عبد الله وكأنه ده علشان هيقال عنه في يوم من الايام ابن الله. لا يترفع - 00:21:37ضَ

لن يستنكف المسيح ان يكون عبدا لله. لا يترفع المسيح انه يبقى عبد لله ولا حتى الملائكة المقربون من الله. يترفعوا عن كونهم عبيد لله لن يستنكف المسيح ان يكون عبدا لله ولا الملائكة المقربون. طيب - 00:21:57ضَ

ما فيش بقى معنى الكلام. الملائكة تزكر ليه دلوقتي ايه مناسبة ذكر الملائكة يعني؟ مش عارف في حد بيبعت حاجة فيه ناس فهمت ان الاية دي دليل على ان الملائكة افضل من الانبياء - 00:22:24ضَ

المعتزلة حلو كده قال لك ما هو لما ربنا يقول لن يستنكف المسيح ان يكون عبدا لله ولا الملائكة المقربون. ده دليل الملائكة افضل من على الاقل الملائكة المقربون افضل من الانبياء. الملائكة المقربون جبرائيل اسرافيل ميكائيل الملايكة الكبار - 00:22:50ضَ

لان ايه لزوم ان ربنا يقول ولا الملائكة المقربون؟ يعني اكيد ربنا يقصد لا المسيح ولا الاحسن منه يستنكفه. لا لا ده غلط كبير خلي بالك بقى ده مشي يعني طبعا اهل العلم اتفقوا على ان الانبياء افضل من الملائكة. لكن هناك ايضا من يرى مش بس الانبياء لا - 00:23:12ضَ

نشوف سورة البينة. ان الذين امنوا وعملوا الصالحات اولئك هم خير البرية. البرية البريئة يعني المخلوقات الذين امنوا وعملوا الصالحات انبياء وغير انبياء بني ادمين عندهم شهوات. لكن استطاعوا السيطرة على شهواتهم - 00:23:34ضَ

انما الملائكة لا يعصون الله ما امرهم. فدي طبيعة فيهم. وما عندهمش شهوات تجعلهم يعني يريدوا ان ان هم يعصوا الله يبقى مين افضل الاتنين بيسبحوا والاتنين بيعبدوا والاتنين مؤمنين. الافضل هو البشر اللي عنده شهوات وقدر يسيطر عليها. ان الذين امنوا - 00:23:58ضَ

عملوا الصالحات اولئك هم خير البرية امال ليه ربنا زكر الملائكة في الاية مية اتنين وسبعين لن يستنكف المسيح ان يكون عبدا لله ولا الملائكة المقربون لو الملائكة مش احسن من المسيح. طب ليه زكرهم - 00:24:24ضَ

لان مش المسيح بس اللي عبد على انه ابن الله. الملائكة ايضا عبدت من بعض القبائل العربية على انها بنات الله صح ولا لأ؟ قالوا انما نعبدهم ليقربونا الى الله زلفى. صح؟ فطالما بقت فتح موضوع ان المسيح لا يستنكف ان يكون - 00:24:48ضَ

عبدا لله بالمرة القرآن هيذكر ايضا الملائكة التي عبدت على انها بنات الله ويقول انها لا تستنكر هي ايضا ان تكون عبيدا وعبادا لله. خل بالك ان فيه نوعين من الالهة التي عبدت من من دون الله يا جماعة - 00:25:08ضَ

الالهة التي عبدت من دون الله نوعين نوع منهم الهوا نفسهم زي فرعون اللي قال ما علمت لكم من اله غيري. هو قال له نفسه مم والهة اخرى غير عاقلة - 00:25:27ضَ

صنعت والهت زي الاصنام وهناك فضلاء زي سيدنا عيسى زي الملائكة لا طلبوا من حد يعبدهم ولا حاجة. بالعكس ده هم امروا الناس بعبادة الله. بس الناس عبدتهم هم. فهذه الاية بتبرئ هؤلاء - 00:25:45ضَ

فضلاء من انهم الهوا نفسهم لن يستنكف المسيح ان يكون عبدا لله ولا الملائكة المقربون. ومن يستنكف عن عبادته ويستكبر فسكت فيحشرهم اليه جميعا خلي بالك بقى هنا في التفات في العدد من الافراط للجمع خدت بالك من الالتفات؟ الناس اللي مش فاهمة يعني ايه التفات؟ انتم اكيد ناس انضميتوا للتدبر - 00:26:06ضَ

مؤخرا وطبعا فوتوا اللينك اللي ببعته بعد كل تغريدة اللي فيه دورة اسمها مفاتح التدبر وفاكرينها مش مهمة دي مهمة جدا افتحوها واتفرجوا عليها عشان فيها شرح للالتفات احنا عندنا التفات في العدد من الافراد للجمع. ازاي؟ ومن يستنكف عن عبادته مفرد ويستكبر - 00:26:35ضَ

مفرد فسيحشرهم اليه جميعا جمع اللي هيتكبر عن عبادة ربنا فربنا هيحشرهم كلهم يعني ايه؟ يعني من يتكبر ومن لا يتكبر. عشان اللي لم يتكبر يرى جزاء من تكبر كلهم جميعا النصارى الموحدين الاريوسين اللي القوا للسباع احياء وعذبوا ونشروا بالمناشير - 00:27:00ضَ

الى الله مع من عذبوهم ومع من الهوا المسيح ومع من امنوا بالثلوث المقدس عشان يتفرجوا بقى. خلوا بالكم من موضوع طبيعة المسيح ده اريقت بسببه دماء ملايين. مش هقول مئات الالاف. ملايين على مر القرون - 00:27:33ضَ

النبي عليه الصلاة والسلام وصف هذه الفترة وقال اصحابه كونوا كاصحاب عيسى ابن مريم نشروا بالمناشير وحملوا على الخشب يعني اتصلبوا لموت في طاعة خير من حياة في معصية الاسلام يثني كثيرا على النصارى الموحدين. اللي وقفوا زي الصخرة في وجه بدعة تأليه المسيح - 00:27:55ضَ

والثالث المقدس زي الابيونيين واتباع بولس الشمش واتباع اريوس وغيرهم كتير نتوقف هنا الليلة وغدا باذن الله ستكون اخر حلقة من حلقات تدبر سورة النساء. اللهم انا نسألك حبك وحب من - 00:28:30ضَ

يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما ما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ - 00:28:50ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب من ملائكتك وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك - 00:29:10ضَ

اللهم اجعل القرآن الكريم رابع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف - 00:29:40ضَ

في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:30:09ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم وتقبل شهداءهم وكن مع اخواننا في تركستان الشرقية - 00:30:25ضَ

وفي الشام وفي كشمير وفي الهند وانصر يا رب من نصرهم. واخذل يا رب من خذلهم. وطهر المسجد الاقصى من الدنس. فانهم لا يعجزونك واكتب لنا يا ربنا ختم القرآن فيه - 00:30:43ضَ

اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها - 00:30:57ضَ

سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك يا مولانا على الشهادة في سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه - 00:31:15ضَ

السلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا - 00:31:35ضَ