باحث

وحلل عقدة من لساني يفقهوا قولي السلام عليكم ورحمة الله وبركاته اهلا بحضراتكم في المقطع رقم تمنمية تسعة وتمانين من مقاطع حظر التجول. والحلقة الخامسة عشر من حلقات تدبر المائدة - 00:00:00ضَ

الليلة ان شاء الله هنشرح اشد عقوبة في الشريعة الاسلامية الشريعة العقوبات اما حدود او قصاص او تعزير عقوبات حدية حدود او قصاص او عقوبات تعزيرية الحدود هي العقوبات المنصوص عليها في القرآن والسنة - 00:00:18ضَ

يعني نزلت بوحي والسنة وحي ولكن النبي عبر عنها كلماته الحد هو حق لله. لا يجوز لاحد انه يتنازل عن الحد. لذلك لما راح سيدنا زيد آآ رضي الله عنه يشفع لامرأة سرقت اسمها فاطمة المخزومية - 00:00:47ضَ

فراح يشفع لها والنبي عليه الصلاة والسلام كان معود الصحابة انهم يشفعوا للناس وقال لهم اشفعوا فيقضي الله حوائج الناس وتؤجرون ويقضي الله حوائج الناس على يد نبيكم لكن لما راح يشفع لامرأة سرقت - 00:01:12ضَ

النبي نام وقال له افي حد من حدود الله يا زيد ما ينفعش تشفع في حد لان النبي نفسه لا يملك ان هو يوقف عقوبة حدية وقالوا لو ان فاطمة بنت محمد سرقت لقطعت يدها. في حد اغلى عنده منها؟ بحد. طب الله! ما يقدرش - 00:01:34ضَ

فالحد هو حق الله ما حدش يقدر يلعب في العقوبة دي ولا يخففها ولا يتغاضى عنها. طيب. القصاص هو قتل النفس بالنفس. يعني واحد قتل فيقتل يقتل اسمه القود بيقتل قصاد الشخص اللي هو قتله. او اتلف عضو من اعضاء شخص اخر. فيتلف قصاده نفس العضو - 00:01:55ضَ

فقأ عين تفقأ عينه قطع ودن يتقطع ودنه نفس الودن. يمين يبقى يمين وهكزا وهنيجي للحكم ده اسمه حكم القزاز الحكم ايه الفرق بين القصاص وبين الحد الحد حق الله ما حدش يقدر يتنازل عنه انما القصاص ربنا سمح فيه لاهل القتيل او اهل او الشخص اللي فقد عضو جسمه انه يقبل الدية - 00:02:21ضَ

يعفو عن المجرم. او اللي ارتكب الجريمة فبيقبل تعويض مادي نزير عدم تنفيز العقوبة. ده اسمه القصاص. التعزير هي عقوبة يقدرها الحاكم. وكلمة الحاكم يعني القاضي. كتير من الناس ما بيفهموش مش فاهمين ده ايه - 00:02:45ضَ

التعزير عقوبة يقدرها الحاكم حسب ما يرى يحكم بقى بسجن بغرامة بجلدة باعدام كل دي لكنها عقوبة تعزيرية هي حق للقاضي نفسه من حقه يلغي العقوبة. يوقف تنفيز العقوبة يؤجل العقوبة يخفف العقوبة - 00:03:04ضَ

زي الاحد الحد حق لله لا احد يملك ان هو ما ينفزوش. طيب. الاية تلاتة وتلاتين اللي احنا بصددها النهاردة نزل فيها اغلظ واقسى عقوبة حدية من الحدود كلها. اقرا بقى معي الايتين تلاتة وتلاتين - 00:03:26ضَ

اربعة وتلاتين اللي هم موضوع تدبر الليلة اعوذ بالله السميع العليم من الشيطان الرجيم انما جزاء الذين يحاربون الله ورسوله. ويسعون في الارض فسادا اي يقتلوا اي يقتلوا او يصلبوا او تقطع ايديهم وارجلهم من خلاف - 00:03:46ضَ

او ينفوا من الارض ذلك لهم خزي في الدنيا ولهم في الاخرة عذاب عظيم الا الذين تابوا من قبل ان تقدروا عليهم فاعلموا. فاعلموا ان الله الغفور الرحيم. طيب انما جزاء الذين يحاربون الله ورسوله دي اسمها جريمة الحرابة - 00:04:15ضَ

اول حاجة الحرب بيكون هدفها اخذ شيء بالقوة من عند الاخر. استيلاء على شيء اما اخذ اموال او ارض مسلا ناس بتاخد الارض اللي عليها ناس. فبيحاربوهم. سواء الناس دول لهم حطوا في الارض او ما لهمش. لكن الحرب هدفها الاستيلاء على شيء او اخذ شيء بالقوة - 00:04:55ضَ

سواء الشيء ده ومن حقي اني اخده او مش من حقي. لكن ده هدف الحرب. انما جزاء الذين يحاربون الله هل فيه حد يقدر يأخذ ما عند الله بالقوة؟ ما حدش - 00:05:19ضَ

هنموت بعض بعض المفسرين قالوا ان اسم الجلالة لفظ الجلالة اللي هو ايه اسم الله اضيف في هذه الاية لمجرد التشنيع. تشنيع يعني اظهار الشناعة تبشيع جريمة الحرابة ولركبة الحرابة هي قطع الطريق. لكن عشان ربنا يظهر شناعة هذه الجريمة - 00:05:32ضَ

اضاف اسمه وكأن اللي بيطلع يقطع الطريق ده اكنه بيحارب ربنا لكن في الحقيقة هي ايضا الناس بتطلع تحاول اخذ حق الله في التشريع. يعني ايه؟ اللي بيطلع ده عشان يقتل حد. يقطع الطريق ويقتل حد ويأخذ الامن. ربنا شرع - 00:05:57ضَ

ان لا يجوز قتل النفس ولا يجوز ترويع الناس. فاللي بيدي نفسه الحق انه يعمل كده هو بيحاول يستولي على حق الله في التشريع وقال مفسرين اخرين ان هو ده معنى يحاربون الله يعني يحاربونه في شرعه هو قال ما حدش يقتل الا لو عمل كزا - 00:06:23ضَ

ويستحق عقوبة الاعدام يوم واحد يطلع ويقرر يقتل الناس على مزاجه هذه محاربة لله تمام؟ طيب بالتالي من يقتل حتى اكنه بيحارب ربنا هنا في سورة البقرة ربنا بيقول اه يا ايها الذين امنوا اتقوا الله وذروا ما بقي من الربا ان كنتم مؤمنين - 00:06:47ضَ

فان لم تفعلوا فاذنوا بحرب من الله ورسوله. اهو اللي بيتعامل بالربا ده يقال له يوم القيامة خذ سلاحك للحرب. يعني يلا عشان هتحارب ربنا. كنت عارف في الدنيا ان انت كده هتحارب ربنا. اذا هناك - 00:07:19ضَ

حارب من الناس لله ومن الله لبعض الناس. ودايما بتكون فيما يخص التشريع. يخص التشريع. طيب نرجع للاية بتاعتنا انما جزاء الذين يحاربون الله ورسوله رسوله وقت حياته اه كان فيه حرب ناس حاربت النبي عليه الصلاة والسلام - 00:07:36ضَ

بعد ما ماتوا هل حد يقدر يحارب النبي؟ اه لما يحارب السنة انكار السنة. انكار حجية السنة. التقليل من اهمية السنة. محاربة لرسول الله انما جزاء الذين يحاربون الله ورسوله ويسعون في الارض فسادا - 00:07:59ضَ

هنا بقى الاية بدأت تتكلم عن جريمة الارهاب الارهاب في القانون الدولي هو استهداف غير المحاربين من اجل الوصول لاهداف سياسية الله! يعني لو ناس روعت واستهدفت ناس بس مش عشان اهداف سياسية يبقوا مش ارهابيين ليه ؟ يعني هو لازم يكون فيه مصلحة للسياسيين عشان نضفي البشاعة على - 00:08:23ضَ

فيما يعني لأ لو ناس راحوا قتلوا جيرانهم عشان يستولوا على بيوتهم ما هم ارهابيين برضه هم ارهبوهم لكن لأ لازم السياسيين يدخلوا نفسهم في الموضوع ده. المهم ربنا اعتبر اي اعتداء على امن الناس ارهاب. ترويع ترويع يعني ارهاب - 00:08:47ضَ

لذلك هذه الاية ليست عن جريمة القتل ولا عن جريمة السرقة. بل عن جريمة اكبر منهم هم الاتنين اسمها جريمة الحرابة. يعني جريمة قطع الطريق لان القتل ممكن يحصل اغتيالا - 00:09:05ضَ

واحد يستخبى في الدرة عندنا في الصعيد يقول لك بيستخبى في الدرة ويقوم ايه طاخ اللي هو عايز يقتله من القبيلة التانية ولا من العيلة التانية ده اسمه اغتيال اسمه قتل الغيلة. ده مش قطع طريق - 00:09:22ضَ

هو لم يرهبه هو قتله قتل اغتيال. فدي اسمها جريمة قتل. ماشي؟ لا عقوبة اخرى وهي القتل حدا على فكرة مش القصاص وخلينا نتكلم فيها بعدين السرقة ممكن تحصل اسرة خارج البيت يرجعوا يلاقوا حد كسر البيت ودخل وسرق. ده مش قطع طريق - 00:09:37ضَ

خلاص؟ لم يحصل ترهيب ولا تخويف ناس ولا قطع طريق. لزلك عشان المتهم يعاقب على جريمة الحرابة. يعني يعتبر محارب معناها قاطع الطريق. لازم يكون فيه سلاح ويكون فيه طريق - 00:10:00ضَ

لكن لو واحد سرق من جوة بيت ما يعتبرش جريمة حرابة. جريمة سرقة. طيب لو واحد وقف لواحد في الطريق وقال له اديني محفظتك بدون اي سلاح. ولا عصاية ولا مطوة ولا مسدس. برضو مش حرابة. ممكن تبقى بلطجة - 00:10:16ضَ

في قصة تانية ليه الاية تلاتة وتلاتين بقى بتذكر عقوبات مختلفة انما جزاء الذين يحاربون الله ورسوله ويسعون في الارض فسادا ان يقتلوا او يصلبوا. او تقطع ايديهم وارجلهم من خلاف او ينفوا من الارض - 00:10:31ضَ

هم هيقتلوا ولا هيصلبوا؟ ولا هتقطع ايديهم وارجلهم من خلاف؟ ولا هينفوا من الارض عندنا بقى هنا كزا سؤال في الاية دي. اولا ليه التشديد في كلمة يقتل يصلب تقطع. ليه مش يقتلوا؟ يصلبوا تقطع - 00:10:58ضَ

ايه معنى يقتل ما هو الواحد يعني يفعل نداء صيغة مبالغة في الفعل. يعني الفعل هيتعمل كتير هو فيه حد هيقتل كتير يعني يقتل هو واحد بس هيقتل ازاي هو من اول مرة هيموت هنرجع نموت تاني ازاي - 00:11:22ضَ

نفس الكلام لو اتصلب ما هو بيتصلب بيموت على الصليب خلاص هيفضل يتصلب ازاي او يصلب نفس الكلام لما بتقطع يده ورجله من خلاف هتقطع ازاي كتير ما هي مرة واحدة هتقطع يعني حتى التلات عقوبات ما ينفعش يتعملوا كزا مرة - 00:11:44ضَ

مم خلينا في القتل دلوقتي يعني يقتل عدة مرات ليه خدوا تلاتين سانية وفكروني فيها عشان تبقوا عارفين الاجابة لها علاقة باية سابقة ليه ربنا ما قلش يقتل قال يقتل وكأن اللي قتل ده هيقتل عدة مرات. طب ليه ربنا كده - 00:12:02ضَ

وليها علاقة باي سابقة واكتبوا لي في التعليقات بتاعة اليوتيوب والفيسبوك هي الوحيدة اللي بقدر اشوفها هنا مم عشان امام الملأ لأ دلالة على شدة الحادس. على مرأى من الناس لأ - 00:12:26ضَ

دليل على شناعة القتل لأ ان فعلهم جماعي. لأ طيب هيئة بني ستان بصوا يا جماعة قلت لكم لي علاقة باية قبل كده الاية تلاتة وتلاتين لا انا اسمي تلاتة وتلاتين - 00:12:41ضَ

واحد وتلاتين من اتنين وتلاتين اهي من اجل ذلك كتبنا على بني اسرائيل انه من قتل نفسا بغير لنفس او فساد في الارض فكأنما قتل الناس جميعا قتل قاطع الطريق مش انتقام للي هو قتلهم في القافلة. لأ ده انتقام للانسانية كلها - 00:13:01ضَ

لان الناس كلها من حقها انها تسافر وتنتقل بين المدن او تنتقل في الشوارع وهي امنة على نفسها. فالامن هو اول حق من حقوق الانسان في الاسلام وذكرنا قبل كده حديث الرسول عليه الصلاة والسلام من اصبح منكم امنا في سربه معافا في بدنه - 00:13:31ضَ

عنده قوت يومه فكأنما حيزت له الدنيا بحذافيرها الحق في الامن الحق في الرعاية الصحية الحق في القوت اللي يعيش منه حتى لو مش بيشتغل. لكن ربنا قدم الامن على الرعاية الصحية وعلى الاعاشة - 00:13:52ضَ

بشرع الله لا احد يخاف انه ينزل في الشارع ولا احد يموت لعدم وجود مال لشراء دواء. ولا احد يموت من الجوع. هي دي الشريعة اللي الناس مش فاهماها. وفاكرين ان الشريعة عبارة عن عقوبات وقطع ايدين. لا - 00:14:14ضَ

اساسا حقوق انسان حقوق انسان. وبعد ما الناس بتاخد حقوقها بتحاسب بقى لما تغلط بس لو تلاحزوا قلنا حق الامن هو اول حق. حقي اني انزل من بيتي وارجع لاولادي - 00:14:28ضَ

ازا طالما ان قاطع الطريق قتل فكانما قتل الناس جميعا. لانه انتهك امن الناس جميعا. فيقتص عن كل انسان ويقوم بهذا القصاص الحاكم نيابة عن كل انسان. فربنا قال ان يقتلوا - 00:14:43ضَ

بالتشديد وكأنه بيقتل مش بس باللي هو قتلهم بل بكل انسان في الارض اخدتوا بالكم؟ طيب. انما جزاء الذين يحاربون الله ورسوله ويسعون في الارض فسادا. اي يقتلوا او او يصلبوا او تقطع ايديهم وارجلهم من خلاف او ينفوا من الارض. طيب - 00:15:06ضَ

او دي للتخيير يعني من حق القاضي يختار على مزاجه العقوبة يا اما يقتله يا اما يصلبه يا اما يقطع ايديه من قلب او ينفوهم من الارض لأ في يا جماعة بصوا حاجة في البلاغة اسمها المحسنات البديعية - 00:15:32ضَ

الطبخ كده في حاجة اسمها محسنات الطعم او مكسبات الطعم. القرفة الحبهان الحبهان عندنا يعني الهيل. القرنفل دي محسنات غالية اوي. فيه بقى حاجة اسمها الزعفران دي حتة شوية كدهو بخمس تلاف جنيه. انا بقى اديكم حتة بخمس تلاف جنيه دلوقتي - 00:15:50ضَ

في اللغة العربية حاجة اسمها اللف والنشر اللف والنشر. يعني ايه يعني ربنا يزكر كزا حاجة وما يزكرش الخبر بتاعهم ويقوم زاكر الاخبار ورا بعضهم برضو. بعد ما زكر يعني مسلا - 00:16:06ضَ

في سورة القصص الاية تلاتة وسبعين ربنا بيقول ومن رحمته جعل لكم الليل والنهار لتسكنوا فيه. ولتبتغوا من فضله. لأ سانية واحدة جعل لكم الليل والنهار لتسكنوا فيه اللي هو ايه ؟ اللي هو الليل - 00:16:20ضَ

واذا ابتغوا من فضله اللي هو النهار فربنا عمل لف وبعد كده نشأ. اللفة انك بتلف حاجة والنشر انك تفتحها مرة اخرى الليل والنهار لف. انشر بقى تقوم فاتح لتسكنوا فيه ولتبتغوا من فضله - 00:16:40ضَ

كان ممكن يقول ومن رحمته جعل لكم الليل لتسكنوا فيه والنهار لتبتغوا من فضله مم مش حلوة ولكن بالشكل ده بالاسلوب ده المحسنات البديعية دي اسمها اللف والنشر. طيب. وفيها انواع بقى بالترتيب ومش بالترتيب وقصة. طيب - 00:16:57ضَ

آآ خد مسال تاني آآ في سورة العنكبوت ربنا قال وعادوا وثمود وقد تبين لكم من مساكنهم وزين لهم الشيطان اعمالهم. خل بالك بيذكر مين؟ عاد وثموت دلوقتي. ماشي فصدهم عن السبيل وكانوا مستبصرين - 00:17:17ضَ

وقارون وفرعون وهامان. ولقد جاءهم موسى بالبينات فاستكبروا في الارض وكانوا سابقين بعد عدو ثمود ذكر آآ ذكر قارون وفرعون وهامان. حلو اوي فكلا اخذنا بذنبه فمنهم من ارسلنا عليه حاصبا. ومنهم من اخذته الصيحة. ومنهم من خسفنا به الارض. ومنهم من اغرقنا. وما كان الله ليظلمهم - 00:17:39ضَ

ولكن كانوا انفسهم يظلمون. اللف زكر لك بالترتيب ده عاد ثمود قارون فرعون هامان. ده اللف. النشر بقى يفتح الورق تاني هتلاقي اول عقوبة اللي هو من ارسلنا عليه حاصبة عاد - 00:18:13ضَ

وبعدها ومن اخذته الصيحة ثمود بعدها من خسفنا به الارض قارون بعدها ومنهم من اغرقنا فرعون وهامان وجنودهما شفت بقى ازاي ؟ طيب. تعال بقى نطبق الكلام ده عندنا على الاية بتاعتنا في آآ آآ - 00:18:31ضَ

في سورة المائدة. اهي انما جزاء الذين يحاربون الله ورسوله ويسعون في الارض فسادا ايه هو الفساد بقى اللي في الارض كزا جريمة مع بعض محطوطين في التعبير ده ما هو ممكن الفساد ده يكون - 00:18:54ضَ

يعني في عدة درجات لقطع الطريق ممكن يبقى ارهاب الارهاب هنا هيكون فيه ترويع وقتل ده يقتل ويصلب عشان يبقى عبرة لغيره ما حدش يعمل كده تاني ممكن ارهاب وترويع بس وسرقة مال كمان. ماشي - 00:19:13ضَ

وممكن سرقة اموال بس من غير قتل فاللي يسرق اموال من غير قتل ده تقطع يده للسرقة وتقطع رجله ما هو من خلاف. لانه قطع بها الطريق وممكن ارهاب وترويع - 00:19:36ضَ

يعني واحد قطع الطريق بس ما سرقش وما قتلش مجرد خوف الناس وجعل الناس تلف وترجع لما لقوا الطريق مقطوع خلاص وراحوا طريق تاني اطول ومرهق عشان اأمن. ده ينفى من الارض. هو لا قتل ولا هو بمجرد بس قطع الطريق لكن لا قتل ولا سرق - 00:19:54ضَ

وممكن يكون هو اصلا بيشتغل مع العصابة بس شغلانة ادارية بيسوق عربية بيسهل حاجة بيشتغل شغل الكمبيوتر بتاعهم. ده برضو ينفى من الارض. طبعا النفي من الارض مش معناه ان انا اقطع له تزكرة ويروح انفيه في - 00:20:18ضَ

يسرى لا النفي دلوقتي هو السجن زمان ان الواحد يتغرب عن وطنه ده كان عقاب رهيب. انما النهارده الشباب كلهم عايزين يخلصوا دراسة ويهاجروا فالنفي هو السجن دلوقتي الهدف من النفي هو العزل عن المجتمع. اللي هو ارهبه. ما يستحقش يعيش معه - 00:20:34ضَ

والعزل يكون بطريقة مؤلمة النفي خارج البلاد زمان كان مؤمن مؤلم، لكن دلوقتي لأ الرأي القديم من ايام المذاهب الاربعة هم آآ يعني يعني كان في رأي اصلا من ايام الوزارة اربعة ان النفي هو الحبس. يعني ابو حنيفة عنده النفي هو الحبس وليس الاخراج الى خارج البلد - 00:20:55ضَ

طبعا عشان تبقوا عارفين اصل كلمة نفي في اللغة. جاي من كلمة النفاية خلي بالك من دي اه مش معناه الاخراج يعني لما تملى آآ جردل او تملى مسلا انا باملى المج ده دلوقتي فاتملى مني لغاية الاخر. فوقعت منه ماية اهي ماية على الترابيزة قدامي اهي. دي اسمها ان ان آآ - 00:21:19ضَ

النفاية. يعني ما ما نفي ما زاد وليس له مكان. ازا دول ما لهمش مكان في المجتمع نفايات فينفوا من الارض. يخرج من المجتمع ما لهمش مكان فيه عشان المجتمع يقدر يتحرك ويتقدم لابد يخلص من دول. طيب. عند الامام مالك - 00:21:42ضَ

ازا كان المحارب المحارب يعني قطع الطريق ممن له الرأي والتدبير المحارب ده من المخططين فالامام مالك يرى ضرورة قتله وصلبه او قتله او صلبه لان مجرد قطعه يد ورجل - 00:22:04ضَ

وان احنا نتركه حي ما بيدفعش ضرره ويفضل عامل بقى فيها زعيم آآ عصابة عصابة وعامل مافيا ويبقى عمال يخطط لهم والناس بتنظر له على انه يعني زعيم المافيا. لا لا لا لا - 00:22:26ضَ

المخطط والرقص المدبر ده لابد من قتله والتخلص منه ازا كان ما فيش فيه الصفتين دول اللي هو القتل اللي هو انه صاحب رأي وتدبير وكده ده بيخطط ولا بيسرق ولا بيقتل مجرد عضو في العصابة زي ما قلنا بيعمل اعمال ادارية بيسوق عربية مش عارف ايه بيودع الفلوس في حساب حاجات كده هو - 00:22:40ضَ

يبقى لابد ياخد ده ايسر العقوبات اللي هي الحبس. وبينهم هم الاتنين ما بين اعلى حاجة واقل حاجة بيبقى فيه ايه؟ العقوبات الاخرى اللي هي يقتلوا او يصلبوا او تقطع ايديهم وارجلهم. الناس اللي مارست السرقة بدون قتل - 00:23:06ضَ

دول بتقطع يده للسرقة وتقطع رجله لانه قطع بها الطريق. طيب آآ طبعا هنا في التعبير هنا غريب شوية. ان يقتلوا او يصلبوا او تقطع ايديهم وارجلهم من خلاف وكأن - 00:23:23ضَ

كل ايديهم هتتقطع وكل رجلهم هتتقطع بس بلا بلا جدال هي ايد واحدة ورجل واحدة. والا ما كانش كلمة من خلاف بقى لها قيمة من خلاف يعني في ايد ورجل هيفضلوا - 00:23:43ضَ

وايد ورجل هيتقطعوا ومن رحمة ربنا ان الايد اللي بتقطع تكون عكس الرجل اللي بتقطع عشان هتمسك بالايد التانية اللي هتفضل فوق الرجل المقطوعة هيمسك العكاز يبقى بديل عن الرجل المقطوعة فيقدر مهما كان يتحرك - 00:23:55ضَ

هنا بقى لازم نفهم ليه ربنا زكرها بالجمع ايديهم ارجلهم اي شيء في جسد الانسان يضاف لاكثر من واحد يجمع حتى لو اللي فارضين مسلا في سورة التحريم ربنا بيتكلم عن زوجتين من زوجات النبي - 00:24:13ضَ

اللي هم ايه آآ آآ السيدة حافصة والسيدة عائشة لما قالوا ايه آآ لبعض كلام وسر وبتاع فربنا في سورة التحريم قال ايه؟ ان تتوبا مثنى الى الله فقد صغت قلوبكما ما قالش فقد سغت قلبيكما او فقد صغ قلبيكما - 00:24:35ضَ

قلوبكم وجمع. يبقى اي شيء في اعضاء الانسان لما يضاف لاكتر من واحد بيجمع حتى لو لفرضين خلاص؟ ان يقتلوا او يصلبوا او تقطع ايديهم بالجامع اهو وارجلهم من خلاف - 00:24:55ضَ

كمل بقى الاية او ينفى من الارض وهنا يعني الحبس ذلك لهم خزي في في الدنيا ولهم في الاخرة عذاب عظيم. ذلك لهم خزي في الدنيا. ممكن يكون قلت في الحياة الدنيا انا بقراه في الاول - 00:25:14ضَ

وغلطان. هي لهم خزي في الدنيا ولهم في الاخرة عذاب عظيم. ده ربنا بيخزيهم بهذه الطريقة في الدنيا اتصلبوا قدام اللي رايح واللي جاي. وبقوا عبرة وقطعت ايديهم وارجلهم. فالناس هتشوفهم وتقول لولادهم شايفين يا ولاد اللي يسرق - 00:25:32ضَ

فين اللي يبقى ارهابي؟ شايفين يا ولاد؟ فبيبقوا عبرة خزي ده لا يلغي عذاب الاخرة لا يلغي عذاب الاخرة لو هو فضل مصر على ان اللي عمله ما كانش غلط وما تابش - 00:25:50ضَ

في ناس بتعاقب وبتقضي عقوبتها وبتخرج تاني تؤسس عصابات وتعلم النشء الجديد وتشغله تعمل شبكات ومافيا والكلام ده كله فمش بالضرورة ان اللي بيعاقب بيندم على فكرة لكن يستثنى من العقاب في الدنيا مين ؟ - 00:26:06ضَ

قطاع الطرق اللي يتوبوا يعني لو قطع الطريق تاب ما يطبقش عليه القتل والصلب كل ده ما يطبقش الله! يعني لو مسكنا قطاع الطرق وقالوا لنا بصوا ده احنا حتى تبنا من النهاردة اهو هنبطل سرقة. وقطع طريق وهنصلي ونقرا قرآن - 00:26:30ضَ

بيقول له كان غيرك اشطر هيطبق عليك برضه الحد. الله! اومال يعني ايه الاية اربعة وتلاتين اللي بتقول الا الذين تابوا من قبل ان تقدروا عليهم فاعلموا ان الله غفور رحيم. يعني اللي ييجي يسلم نفسه - 00:26:50ضَ

ويعترف ويندم ويعيد الحقوق يسقط عنه حد الحرابة يعني ايه؟ ما يتعاقبش خالص؟ لأ يتعاقب بس عقوبة تعزيرية او يعني لو هو قتل تتحول العقوبة لقصاص يبقى ولي الدم يقرر يقتل ولا يعفو عنه ويأخذ الدية - 00:27:08ضَ

قبل كده كانت عقوبة حدية لازم هيقتل التعويض المادي ده ممكن ينفع العيال. ولاد القتيل. فممكن يعني نقبل التعويض المادي ده عشان تعليم العيال وجوازها وبتاع. وايه ولو يعيد المسروقات وهكزا - 00:27:32ضَ

ففي ناس بقى بعد ما تسمع ده دلوقتي هتستكتر العفو عن قطاع الطرق لو تابوا فربنا قال ايه؟ فاعلموا ان الله غفور رحيم اعلموا خلي بالك. هنا ربنا حط شرط انهم يتوبوا قبل ما احنا نقبض عليهم اصلا - 00:27:47ضَ

يعني مش خلاص عشان اتقبض عليه او احنا ضيقنا عليه الخناق لأ لازم هو يكون انصلح حاله قبل ما يسلم نفسه ويعترف ويرجع الحقوق لاهلها الحالة دية اعلموا اعرفوا ان ربكم غفور رحيم. غفور رحيم لمن تاب مهما عمل - 00:28:05ضَ

وده لمصلحتكم انتم طالما غفر للي ارتكب جريمة زي دي وقبل توبته يبقى ان شاء الله يقبل توبتك انت كمان يعني اكيد بقى ما قطعتش الطريق. يعني المفروض نكون فرحانين لما نعرف ان ربنا - 00:28:25ضَ

هيرحم الناس هيغفر للناس اللي بتوب مش نبقى زعلانين وعايزين دايما الناس تتعاقب والناس وهكزا. يلا خلونا نتوقف هنا الليلة ونكمل بكرة بازن الله اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت - 00:28:37ضَ

مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك. وعبادك الصالحين واجعلنا ممن يحبك ويحب ملائكتك وانبيائك ورسلك - 00:28:58ضَ

الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا. ونور - 00:29:18ضَ

وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل - 00:29:38ضَ

حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من من شرورهم ونجعلك اللهم في نحورهم فانت الوكيل ولا حول ولا قوة الا بك - 00:30:00ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد وخيب رمي عدوهم وتقبل شهداءهم وكن مع اخواننا في تركستان الشرقية وفي الشام وفي كشميرا وفي الهند وانصر يا رب من نصرهم واخذل يا رب - 00:30:17ضَ

رب من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على - 00:30:37ضَ

نصرة شريعتك. فوثق الله مرابطتها وادم ودها واهدها سبلها. واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:30:57ضَ

انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله ونراكم غدا باذن الله في نفس هذا الموعد ان كنا من اهل الدنيا - 00:31:17ضَ