باحث

يفقهوا قولي السلام عليكم ورحمة الله وبركاته. اهلا بحضراتكم في المقطع رقم تسعمية سبعة وستين من مقاطع حظر التجول والحلقة التاسعة من حلقات تدبر سورة الانفال ارجو من حضراتكم تفتحوا المصاحف واقرأ معي ان شئت. الاية الكريمة - 00:00:00ضَ

رقم اربعة وعشرين في سورة الانفال اعوذ بالله السميع العليم من الشيطان الرجيم يا ايها الذين امنوا استجيبوا لله وللرسول استجيبوا لله وللرسول اذا دعاكم لما يحييكم واعلموا ان الله يحول بين المرء وقلبه - 00:00:34ضَ

الحلقات اللي فاتت شوفنا فيها ربنا بيأمر بطاعته وطاعة الرسول ويخبرنا ان شر الدواب شر المخلوقات التي على الارض يعني هي الكفار. الذين يعصون النبي صلى الله عليه وسلم ولا يستجيبون لدعوته. وفي الاية اربعة وعشرين هنا بيأمرنا بالاستجابة لله وللرسول - 00:01:11ضَ

اذا دعاكم برضو مفرد. يعني اذا دعاكم الرسول مش اذا دعا مش اذا آآ دعوكما لأ. اذا دعاكم الرسول. يبقى الاستجابة هنا لله مش ممكنة بدون الاستجابة للرسول صلى الله عليه وسلم. دي اول نقطة. تاني نقطة هي - 00:01:45ضَ

نستجيب للرسول امتى؟ لامتى يبقى لازم نستجيب للرسول اذا دعاكم لما يحييكم طيب لو دعانا لحاجة تانية ما نستجبش لا اذا دعاكم لما يحييكم ده مش تقييد لامر ابدا. ده بيان لما في الامر. يعني ايه؟ يعني يا ايها الذين - 00:02:05ضَ

امنوا استجيبوا لله وللرسول اذا دعاكم لما يحييكم يعني ما تقعدش تصنف كلام النبي وتقول ده بيحييني ده مش بيحييني مش هطيعه. لأ انت تستجيب لله وللرسول لان كل شيء بيدعوك اليه الرسول يحييك - 00:02:29ضَ

ازا ده مش معناه ان ده تقييد للامر. لأ امتى اقصد ايه اذا دعاكم لما يحييكم يعني ما يدعوكم له الرسول يحييكم استجيبوا لله وللرسول ده معناها عشان ما حدش يقعد يقول لك اه طب كويس ربنا حط قيد قال لك - 00:02:49ضَ

تدعيكم لما يحييكم. يبقى انا كل حاجة اي امر من النبي اقعد اصنفه واشوف ده يحيني ولا ما يحينيش؟ لأ كده غلط يعني ده بيان لطبيعة ما يدعو اليه النبي. مش تقييد لما يدعو اليه النبي. طيب - 00:03:05ضَ

هو ايه اللي بيدعو بيدعونا اليه يعني؟ هم؟ كل حاجة بيدعوها بتحيينا. دعانا للقرآن الكريم والقرآن بيحيينا القرآن روح روح تحيي القلوب وقل لي الكلام ده قبل كده مليون مرة. القرآن مش حبر على ورق - 00:03:22ضَ

ربنا بيقول في سورة الشورى وكذلك اوحينا اليك روحا من امرنا يبقى القرآن روح وقلنا ايه الفرق بين البني ادم الحي والبني ادم الميت؟ الاتنين عندهم اجساد عند الوجوه الواحد. لكن في واحد فيهم ما فيش فيه روح. الميت ما فيش فيه روح. القرآن رح. يبقى القرآن روح تدخل القلب الميت - 00:03:38ضَ

فتحييه ازا لما النبي يدعونا للقرآن ولتدبر ايات الوحي هذا هو الذي يحيينا لابد من الاستجابة. ممكن يكون المقصود اذا دعاكم لما احييكم يعني اذا دعاكم الى عقيدة التوحيد هو ده فعلا اللي يحيينا ليه؟ لان الكفر والشرك موت للقلب - 00:04:03ضَ

موت في سورة النحل تدبرنا قول الله تعالى في سورة النحل. هم آآ والذين يدعون من دونه والذين يدعون من دون الله لا يخلقون شيئا وهم يخلقون اموال غير احياء. وما يشعرون ايانا يبعثون. الهكم اله واحد الى اخر الايات. يبقى ربنا بيدعونا - 00:04:27ضَ

الى هذه العقيدة التي تحيي الناس. من كفار الى مؤمنين. ازا الكفر نوع من انواع الموت ول ايمان هو حياة هو حياة. ازا عقيدة التوحيد تحيي الناس. ايه تاني بيدعون له النبي عليه الصلاة والسلام؟ الشريعة - 00:05:00ضَ

التي تحفظ الاموال وتحفظ الاعراض وتحفظ الانفس يبقى الشريعة ايضا تحيينا لما ربنا يقول في سورة البقرة ولكم في القصاص حياة يا اولي الالباب الحياة الزايدة القزاز ده عبارة عن عقوبة اعدام ايوة ما هي دي الحياة - 00:05:20ضَ

الله! ان من قتل يقتل ويبقى ده قانون معروف. فكل واحد بيفكر يقتل يراجع نفسه عشرين مرة قبل ما يعملها. يبقى ولكم في القصاص حياة يا اولي الالباب ايه كمان بيدعوا له النبي عليه الصلاة والسلام؟ - 00:05:40ضَ

فكر بقى معي كده الصورة دي بالزات سورة الانفال نازلة في ايه ؟ نازلة في اول قتال حصل بين المسلمين والكفار فالموضوع الاساسي في هذه السورة هو الجهاد في سبيل الله. اذا النبي يدعو امته للجهاد - 00:05:55ضَ

الجهاد يحيينه! معقول! الجهاد يحيينا ازاي! ده زي ما القصاص احيانا! الله! ما القصاص عقوبة قتل! عقوبة اعدام يعني قتل ولكنها ارواح ايضا القتال في سبيل الله الجهاد القتالي ينقز ارواح. ايه رأيكم بقى ده في واحد عامل بحس - 00:06:12ضَ

وجد فيه ان عدد المسلمين اللي قتلوا بعد بعد ما المسلمين ضعفوا وتركوا الجهاد اضعاف مضاعفة اكثر من عدد المسلمين اللي كانوا بيقتلوا وقت ما كانوا رافعين علم الجهاد في ازمنة الجهاد كان ما فيش كانت الامم لا تتجرأ على المسلمين فتقتل منهم - 00:06:31ضَ

لكن لما المسلمين تركوا الجهاد في سبيل الله تجرأت الامم عليهم. اقول لكم على حاجة بقى حديث الرسول عليه الصلاة والسلام المشهور اللي كلنا عارفينه عمرنا ما فكرنا فيه بالطريقة دي. انا الكلام ده جعان يعني الاية دي اذا دعاكم لما يحييكم. وان - 00:06:52ضَ

جهاد من الحاجات اللي بيدعوا لها النبي يبقى الجهاد يحيينا خلاني افكر في الحديس ده تاني. ركز بقى معي الحتة دي جميلة جدا. ركز معي اما النبي عليه الصلاة والسلام يقول - 00:07:07ضَ

يوشك الامم ان تداعى عليكم كما تداعى الاكلة الى قصعتها يعني الامم الاخرى هياكلوكم اكل زي الناس الجعانة الجعانين لما يقعدوا حوالين القصعة القصعة يعني الصينية اللي فيها الطعام عشان ياكلوا وهم جعانين تلاقي - 00:07:20ضَ

بتمتد وفي ظرف دقيقة دقيقتين الصينية فضيت. اتاكلت بالكامل فالنبي بيقول يوشك ان يوشك الامم ان تتداعى عليكم كما تداعى الاكلة الى قصعتها. يعني هييجي يوم قريب هتتاكلوا اكل يوشك يعني قربوا قرب اليوم ده. هتتاكلوا اكل - 00:07:43ضَ

فقال قائل ومن قلة نحن يا رسول الله؟ احنا هنبقى قليلين وقتها للدرجة دي الامم هتاكلنا اكل للدرجة دي هنبقى قليلين بص النبي قال ايه عليه الصلاة والسلام قال بل انتم يومئذ كثير - 00:08:07ضَ

ولكنكم غثاء كغثاء السيل. ولينزعن الله من صدور عدوكم المهابة منكم ولا يقذفن الله في قلوبكم الوهن لأ ده انتم مش هتبقوا قليلين! ده انتم هيبقى عددكم في الليمون. هيبقى عددكم زي الرز. هيبقى عددكم كتير جدا - 00:08:24ضَ

بس هتبقوا غثاء يعني المشكلة مش في كوانتي المشكلة تبقى في الكواليتي. الكواليتي بتاعكم هيبقى وحش جدا. هتبقوا غثاء كغثاء السيل ناس فاهمين غثاء السيل ده هو الرغاوي البيضا الحلوة اللي هي الفوم ده اللي فوق موج البحر. لا يا حبيبي ده اسمه زبد البحر - 00:08:48ضَ

غثاء السيل بقى حاجة تانية خالص السيول السيل المطر لما بينزل على الجبال بينضف الجبال فبيسحب من الجبال الجيف اللي هي الفيران الميتة والحيوانات الميتة المتعفنة والقزارة واوراق الشجر اللي واقعة ومسودة كده - 00:09:11ضَ

والثمار المتعفنة اللي وقعت من الشجر وتعفنت. كل بقى الوساخة دي بيسحبها السيل ثم ينحسر السيل ويترك الزبالة متجمعة في الوادي. فتقول العرب على هذه الزبالة المتجمعة غثاء السيل فهمتم النبي عليه الصلاة والسلام - 00:09:34ضَ

يا صديقي ما قالوا له هنبقى قليلين قال لهم لأ. ده انتم هتبقوا كتير هتبقوا زي الزبالة اللي بيلمها السيل من على الجبال كارسة كارسة ولينزعن الله من صدور عدوكم المهابة منكم اعدائكم مش هيخافوكم هو في حد بيخاف من الزبالة يعني انت عمرك شفت زبالة فخفت منها - 00:10:00ضَ

انت بتعرف منها. تعرف لكن ما تخافش من الزبالة وليقذفن الله في قلوبكم الوهن. وربنا هيقذف في هيقذف في قلوبكم الوهن. ايه الوهن ده؟ قال قائل كلمة الوهن كلمة جديدة ما كانتش معروفة يعني. قال قائل يا رسول الله وما الوهن - 00:10:30ضَ

قال حب الدنيا وكراهية الموت اول ما تحبوا الدنيا وتبقوا مش عايزين تتركوها وبالتالي هتتركوا عبادة الجهاد في سبيل الله لان عبادة عبارة عن ايه ؟ الجهاد بيعارضك للقتل قتال - 00:10:51ضَ

قال دفاعا عن المزلومين دفاعا عن الحق ضد الباطل لكن انت لو كرهت الموت بالطريقة دية خلاص هتبقى من الناس اللي اللي ما حدش خايف منها. بس خلاص انا عايز يا فندم يا جماعة - 00:11:06ضَ

ليه المسلم يكره الموت؟ اذا مت لقيت ربي انت مش بتحب ربك؟ لو بتحب ربك؟ ما حدش بيقول لك حب الموت لكن ما تكرهش الموت الموت شيء لابد من حدوثه - 00:11:25ضَ

انت امتى هيحصل ما حدش يعرف ده شيء ما حدش يعرفه اطلاقا المهم انك هتعيش مرة واحدة وهتموت مرة واحدة يبقى عيش صح وموت صح بس اعمل الصح خلاص انا عارف انا لن اموت قبل موعدي بثانية واحدة اللي ربنا كاتبها - 00:11:39ضَ

خلاص يبقى والله انا بقى لو مت في الجهاد ضد الظالمين طب ما انا كده حي لما ربنا يقول ولا تحسبن الذين قتلوا في سبيل الله امواتا. بل احياء عند ربهم يرزقون - 00:11:59ضَ

اوعوا تفتكروا لا تحسبن ما تحسبهمش كده. ما تعتقدش كده انهم ماتوا اللي قتل في سبيل الله مش ميت امال ايه؟ حي عند ربه يرزق. قاعد بياكل. بياكل وايضا في سورة البقرة. ولا تقولوا لمن يقتل في سبيل الله امواتا بل احياء ولكن لا تشعرون. هو حي بس انت مش حاسس به - 00:12:14ضَ

يبقى لما نتدبر قول الله تعالى في سورة الانفال هتلاقي اربعة وعشرين تاني يا ايها الذين امنوا استجيبوا لله وللرسول اذا دعاكم لما يحييكم. يعني استجيبوا عندما يناديكم للجهاد واعلموا ان الله يحول بين المرء وقلبه. وانه اليه تحشرون - 00:12:42ضَ

يعني ايه بقى؟ يعني ربنا يحول بين المرء وقلبه معناها ايه خلي بالك احنا قلنا القلوب هي ايه المشاعر مجموع مشاعر الانسان اسمها القلب قال صلى الله عليه وسلم ان القلوب - 00:13:13ضَ

قال صلى الله عليه وسلم ان القلوب بين اصبعين من اصابع الله يقلبها كيف يشاء يعني المشاعر بتاعة الانسان باينة يعني في يد الله. يتحكم فيها. يعني ايه؟ يعني ممكن مشاعر سلبية ربنا يحول - 00:13:33ضَ

بينك وبينها فتتغلب عليها يعني مسلا ينادي المنادي للجهاد شعور الخوف موجود في قلب كل انسان فربنا يجعلك تتغلب على شعور الخوف. او انك تحطه على التراك الصحيح. تحطه في الاتجاه الصحيح. فتخاف من - 00:13:50ضَ

الله وتخاف من ان يتغلب الظالمين. فتسعى وتخلف فالخوف يخليك تخرج الى الجهاد. بدل ما يخليك تتقاعد وتقعد عن الجهاد واعلموا ان الله يحول بين المرء وزوجه فتجد هذا الشخص الصغير الضعيف اللي كان بيخاف من الصرصار بينطلق في ميدان القتال بيقاتل بشجاعة - 00:14:09ضَ

واعلموا ان الله يحول بين المرء وقلبه يعني مسلا سيدنا مسلا آآ عبدالله بن مسعود هو اللي قتل ابو جهل. طبعا اللي اصابه ابو جهل في يعني في مقتل بس لم يمت. وكان معاذ ومعوذ اه اه ابن عفوت - 00:14:33ضَ

اللي هم آآ راحوا وسألوا هم انصار من شباب الانصار. سألوا عمو مين ابو جهل فيهم؟ ما يعرفوش ما عزبش حد منهم ما عزبش حد من قرايبهم لكن عزب اخوانهم واحبابهم من المهاجرين - 00:14:53ضَ

فارادوا الانتقام لهم. والانتقام للسيدة سمية اللي بيسمعوا عنها ما شافوهاش. يمكن ما كانوش اتولدوا. ما يعرفوهاش كانوا صغيرين وقتها. ده كان شباب صغير. خمستاشر سنة ستاشر سنة وراحوا وقتلوا ابو جهل لكن اصابوه في مقتل لكن لم يمت. طلع عبدالله بن مسعود عليه وراح ايه؟ قال له لقد ارتقيت مرتقا صعبا يا رويعي الغنم - 00:15:09ضَ

انت راح قاطع قاطع رقبته وجر راسه بحبل كمان. عبدالله مسعود معروف بانه قليل كده في الجسم وضعيف جسما واحيانا كان حتى يعني بعض الناس لي ضحك عليه عشان خاطر وهو صغير كده - 00:15:30ضَ

ايه اللي يجمد قلبه بالشكل ده ؟ ويطلع ويقطع رقبة ابو جهل وبتاع يبقى انت محتاج خل بالك بقى محتاج الانسان انه يقوي قلبه باستمرار يقوي المشاعر بتاعته ويحط المشاعر بتاعته على التراك الصحيح - 00:15:43ضَ

مسلا آآ التقوى الخوف اتقوا خوفا من الله. خاف من ربنا. ما حدش قال لك ما تخافش. انت لازم تخاف بس خاف من ربنا آآ انت انسان ضعيف وشهواتك اقوى آآ قوية جدا. فربنا يحول بينك وبين هذا الشعور. لان نفسك - 00:15:58ضَ

الضعيفة دي امام الشهوات محتاجة ان انت تقوي قلبك وتربي في نفسك تربية ايمانية تقوي المشاعر ايمانيا. فتوجه مشاعرك كلها في الطريق الصحيح شعور الحب لازم يكون موجود في قلبك حب الخير - 00:16:19ضَ

شعور الكره لازم موجود في قلبك. اكره الشر. ما فيش حاجة اسمها ما فيش كره. ما فيش حاجة اسمها كده. كل المشاعر موجودة. المهم توجه كل واحدة في الاتجاه الصحيح. ايه بقى - 00:16:35ضَ

يساعد الانسان على هذه هذا النوع من التربية تذكر الموت تذكر ان الموت قريب اخر الاية اربعة وعشرين. واعلموا ان الله يحول بين المرء وقلبه اللي يساعدك. وانه اليه تحشرون - 00:16:45ضَ

تتذكر ان الموت قريب وبعد الموت هناك حشر وبعث تذكر الموت يجعل الانسان يقوي قلبه ويعلي المستوى الايماني عنده كمل بقى خمسة وعشرين واتقوا فتنة لا تصيبن الذين ظلموا منكم خاصة. واعلموا ان الله - 00:17:05ضَ

شديد العقاب من سنة الله في الارض ان الفساد اذا انتشر في فئة من فئات المجتمع ممكن ربنا يصيب هذا المجتمع بفتنة اي ابتلاء شديد لا يصيب فقط الفئة الظالمة او الفئة المنحرفة. بل الجميع - 00:17:28ضَ

بعد كده الناس تحشر على نياتها قال رسول الله صلى الله عليه وسلم مثل القائم على حدود الله والواقع فيها كمثل قوم استهموا على سفينة فاصاب بعضهم بعضهم فاصاب بعضهم اعلاها وبعضهم اسفلها - 00:17:48ضَ

ده بقى اللي يوريك اهمية ان احنا ما نتركش الفئة المنحرفة تزود في الموضوع ولابد من دعوتها والامر بالمعروف والنهي عن المنكر مثل المجتمع ده زي ما يكون ايه قوم - 00:18:10ضَ

استهموا على سفينة. يعني ايه استهموا على سفينة؟ يعني عملوا قرعة. بعضهم اخد اونديك بقى على السطح وبعضهم خد ايه البدروم تحت اللي هو قاع السفينة حلو اوي استهموا على سفينة دي لها معنى مهم جدا الناس بتفوته ومش واخدة بالها منه. معناها انهم متساويين في الحقوق والواجبات وما حدش منهم بيجبر التاني على - 00:18:23ضَ

شيء ولا بيتدخل خالص في امر التاني في اموره تاني. ولما بيكون في مشكلة بيعملوا قرعة وبالعدل كده. حلو ده حلو جدا فكان الذين في اسفلها اذا استقوا من الماء مروا على من فوقهم - 00:18:51ضَ

فقالوا لو انا خرقنا في نصيبنا خرقا ولم نؤذي من فوقنا. الناس اللي كانوا تحت في قاع السفينة واضح ان الاي كيو بتاعهم كان تعبان قوي. يعني ما كانش كان الزكاء بتاعهم - 00:19:07ضَ

مش يعني كان درجة الغباء كبيرة جدا فقالوا احنا كل ما نحتاج ماية بيحتاجوا ماية ليه؟ يطلعوا فوق يعدوا على الناس اللي اللي فوق اللي على السطح عشان يجيبوا ماية من النهر. هم - 00:19:22ضَ

السفينة بتاعتهم بيبقى واضح انها في نهر. فبيحتاجوا ماية من النهر قال لك واحنا ليه نطلع؟ طب ما احنا نعمل خرم في قاع السفينة ونطلع ماية هيحفروا بير مية في السفينة - 00:19:36ضَ

طيب الغباء ده لو ترك الكل هيموت غرق النبي بيقول عليه الصلاة والسلام. فان يتركوهم وما ارادوا هلكوا جميعا وان اخذوا على ايديهم نجوا ونجوا جميعا يعني ايه لو اللي فوق تركوهم يخرقوا السفينة فاكرين نفسهم بيحفروا بير - 00:19:47ضَ

وكل واحد حب يعمل حاجة يعملها ما دام هو حر ما حرية بقى مفتوحة هنا كلهم هيغرقوا. لأ الحرية حدودها. انك ما تضرش الاخرين. حريتك تنتهي عند مصالح الاخرين لو ممارسة الحرية هتغرق الناس لأ ما ينفعش انك تمارس الحرية كده - 00:20:14ضَ

دي مش حرية لزلك الشريعة هي من يحدد الخطوط الحمراء اللي عندها يجب التوقف هي دي النقطة. لان احنا بنقول لك ايه ؟ طيب ما كل واحد يعمل اللي هو عايزه ؟ لأ ما هو انت هتقول كده وغيرك هيقول كده وغيرك هيقول حاجة. مين فينا اللي صح؟ لازم نروح لحاجة اسمها - 00:20:36ضَ

المرجعية اللي اللي هي التي لا تقبل انها تكون غلط. وهي مرجعية الوحي الله سبحانه وتعالى شرع الله سبحانه وتعالى. طيب واحد بيقول لك ايه طيب دلوقتي لما الفتنة تنزل يعني ربنا بيقول اهو - 00:20:55ضَ

وآآ آآ واتقوا فتنة لا تصيبن الذين ظلموا منكم خاصة. واعلموا ان الله شديد العقاب. يعني بتنزل الفتنة دية مسلا قوم لوط لما هلكوا قوم صالح لما هلجوا. قوم شعيب لما هلكوا. هل كانوا كلهم مجرمين؟ اكيد لأ. اكيد لأ. حتى اللي مش مؤمنين منهم لكن كان فيهم اطفال - 00:21:14ضَ

مش مسؤولين اصلا ولا مكلفين اصلا عن ام المؤمنين زينب بنت جحش رضي الله عنها قالت يا رسول الله انهلك وفينا الصالحون؟ قال نعم اذا كثر الخبث ثم يحشرون على - 00:21:35ضَ

اياتهم. يعني الموت مكتوب كده كده على الناس كلها فلو هلك قوم هلكوا كعقاب لكن من يشعر بك عقاب هو المجرم اللي هيعذب في الاخرة هو المجرم اللي جنبه مات. لكن ليس كعقاب مات عادي جدا زي ما كان مكتوب انه يموت. ليس كعقاب - 00:21:52ضَ

ممكن يدخل الجنة كمان. طيارة بتقع فيها تلتميت واحد. منهم المؤمن ومنهم الكافر ومنهم الزالم ومنهم العادل ومنهم الخاين ومنهم المخلص الموت مكتوب على الجميع. الكل هيموت. لو فيه حد يستحق انه ما يموتش يبقى النبي بقى سيدنا محمد عليه الصلاة والسلام. مات برضو ما فيش حد مش مكتوب عليه يموت. اه - 00:22:17ضَ

فالموت مش عقاب مش عقاب اطلاقا. حلو اوي. بعد ما الناس تبعث كل واحد هيحاسب على نيته هو خلاص لو رجعنا بقى للحديس الشريف بيقول ايه؟ فان يتركوهم وما ارادوا هلكوا جميعا - 00:22:36ضَ

وان اخذوا على ايديهم نجوا ونجوا جميعا. اذا الامر بالمعروف. والنهي عن المنكر عبادة مجتمعية. المجتمع فارسها لابد ان يقوم بها كل انسان ولكن بتكون منزمة بحيث انها تؤدي في النهاية الى ان المجتمع يتفادى الدمار. وطبعا احنا اتكلمنا فيها قبل كده وعارفين حديث الرسول عليه الصلاة والسلام من - 00:22:50ضَ

آآ من رأى منكم منكرا فليغيره بيده من لم يستطع فبلسانه فمن لم يستطع فبقلبه وذلك اضعف الايمان. يعني ايه؟ اللي يشوف منكم منكر فليغيره بيده. يغير المنكر بنفسه فمن لم يستطع معناها هنا من ليس من حقه - 00:23:15ضَ

ان يغير انت مش من حقك يبقى ايه تغير بلسانك فبلسانه تتكلم ضد هزا المنكر وتقول يا جماعة ده غلط يا جماعة ده هيودينا في داهية يا جدعان ده هيعمل كزا ده هيعمل وتبدأ تتكلم تتكلم متتوقفش عن - 00:23:37ضَ

طيب فرضنا فيه مجتمع فيه آآ ظالم بيحكمه ولو فتحت بوقك هتروح وراء الشمس هتعمل ايه؟ فمن لم يستطع فبقلبه. وذلك اضعف الايمان يعني اقل حاجة انك على الاقل بقلبك - 00:23:50ضَ

يكره المنكر وتنكر المنكر ولما تشوفه تقول اللهم ان هذا منكر لا يرضيك لكن ما تألفش المعصية من كتر ما شفتها الفتها. من كتر ما شفت المنكر الفت المنكر. طيب - 00:24:09ضَ

واتقوا فتنة لا تصيبن الذين ظلموا منكم خاصة واعلموا ان الله شديد العقاب اقول لك على حاجة هنا يا جماعة في اوروبا الشواز قعدوا يطالبوا بالتسامح معهم وحقوق حقوق في الزواج وقعدوا يتغلغلوا لدرجة مكنتهم من اصدار قرار - 00:24:25ضَ

قوانين في ستاشر دولة في نفس الوقت في زرف سنة ونص ستاشر دولة طلع فيها قوانين تمنع العلاج العلاج من الشزوز. بل تجرم العلاج. يعني لو واحد آآ في اوروبا هنا في بلد مانعة العلاج - 00:24:42ضَ

خد ابنه باكستان يتعالج. والولد اقل من تمنتاشر سنة يرجع يخش خمس سنين السجن. خمس سنين ليه خدت ابنك باكستاني يتعالج ليه؟ رحت باكستان باكستان. الواد عنده اقل من تمنتاشر سنة يبقى انت اجبرته. ما اجبرتوش ما الواد قدامكم اهو يقول لكم. يبقى ابدا - 00:25:00ضَ

ده معناه ايه ان الطبيعيين بقوا بيطالبوا بحقهم في الوجود دلوقتي يعني ممكن دلوقتي واحد يعمل اعلان ان عنده دورة تعلم الناس العادية الطبيعية ازاي يعيشوا شواز لكن ما حدش يقدر يعمل العكس - 00:25:17ضَ

ياخد سجن يتسجن امام في مسجد. قسيس في كنيسة جا له واحد بيقول له الحقني. انا حاسس بانجذاب لنفسي الجنسي. يا ريت تصلي لي او تدعي لي. لو دعا له يخش السجن - 00:25:34ضَ

لازم يقول له انت ما عندكش مشكلة. انت كده تمام؟ اه يبقى النقطة هي انه لما تركوا الناس دية لما الناس دي تركت اصبح التغلب على امر المنكر بعد كده صعب جدا بل شبه مستحيل - 00:25:46ضَ

اقول قولي هذا واستغفر الله لي ولكم. اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا تحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب اليه - 00:26:02ضَ

من اهالينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك ورسلك وعبادك الصالحين. اللهم احي قلوبنا بحبك. واجعلنا لك كما تحب. اللهم - 00:26:22ضَ

واجعلنا نحبك بكل قلوبنا. ونرضيك بكل اجسادنا. اللهم اجعل حبنا كله لك. وسعينا كله في اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:26:47ضَ

اللهم فاطر السماوات والارض عالم الغيب والشهادة ان تحكم بين عبادك فيما كانوا فيه يختلفون. فبحق في كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم. واحفظنا - 00:27:16ضَ

اياهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. الله - 00:27:36ضَ

اللهم سدد رميهم وخيب رمي عدوهم وتقبل شهدائهم. وكن مع اخواننا في تركستان الشرقية وفي الشام وفي كشميرا وفي الهند. وانصر من نصرهم واخذ من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه - 00:27:54ضَ

اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها. واملأها بنورك الذي لا يخبو. واشرح صدور - 00:28:15ضَ

فيض الايمان بك وجميل التوكل عليك واحييها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. وصلي اللهم وسلم على محمد وعلى اله وصحبه ومن تبع هداه. والسلام عليكم ورحمة الله. ونراكم غدا باذن الله - 00:28:40ضَ

في نفس هذا الموعد ان كنا من اهل الدنيا - 00:29:02ضَ