باحث

اهلا بحضراتكم في المقطع رقم تسعمية تلاتة وسبعين من مقاطع حظر التجول والحلقة الخامسة عشر من حلقات تدبر سورة الانفال افتح معي الاية خمسين والاية واحد وخمسين من سورة الانفال - 00:00:00ضَ

افتحوا معايا المصاحف واقرا معي خمسين وواحد وخمسين اعوذ بالله السميع العليم من الشيطان الرجيم الذين كفروا الملائكة يضربون وجوههم وادبارهم وذوقوا عذاب الحريق ذلك بما قدمت ايديكم وان الله ليس بظلام للعبيد - 00:00:25ضَ

الخطاب للنبي صلى الله عليه وسلم ولكل قارئ يتدبر القرآن عن قتلى الكفار يوم بدر وعن كل كافر ظلم المسلمين واضطهادهم وسخر من الاسلام اهزأ بالاسلام زي كفار بدر ولو ترى - 00:01:06ضَ

اه لو شفت اذ يتوفى الذين كفروا الملائكة يضربون وجوههم وادبارهم اه لو شفت ملائكة الموت وهي بتتوفى ارواح الذين كفروا كنا هنشوف ايه لرأيتهم يفعلون شيئا عجيبا. ايه بقى هو؟ يضربون وجوههم وادبارهم. بيضربوهم وهم بيموتوا - 00:01:33ضَ

على وشهم بالاقلام صفع كده على الوجه وعلى الدبر يعني على المقعدة وادبارهم مش ظهورهم. كلمة الدبر يعني المقعدة يعني وهم بيموتوا بينضربوا بالاقلام والشلاليت. بالمصري كده بالبلدي كده بعض المفسرين قالوا - 00:02:02ضَ

بيضربوهم بسياط من نار على ادبارهم. على ادبارهم. مع ان ما فيش دليل الناس يطوي النار ولا حاجة. بس هو اللي قال كده قالها انه مش قادر يحل مشكلة انه - 00:02:24ضَ

ده مش عزاب مؤلم ولا حاجة يعني الضرب على المقعدة مش شيء مؤلم زي مسلا ما حد يضرب في فم المعدة مسلا. او في الحنجرة مسلا. مؤلم اكتر طب ليه يعني المقعدة دي عاملة زي المخدة يعني فاهمة الوجع فيها مش جامد يعني - 00:02:38ضَ

يا جماعة ده مش بالضرورة عذاب اليم ممكن ده يكون عذاب مهين ناس كانوا زعماء وقادة. اهانوا المؤمنين وظلموهم وسخروا من دينهم النهاردة وهم بيموتوا بتبدأ مرحلة جديدة هم اللي هيتهانوا فيها - 00:02:55ضَ

الضرب بالصفع بالاقلام على الوش مهين جدا. مش بالضرورة مؤلم زي الضرب تاني لكنه مهين وبالشلاليت على المقعدة مهين جدا. هذا عذاب نفسي. اكثر منه جسدي وعلى فكرة العذاب النفسي - 00:03:19ضَ

الطبيعي بتاعه انه مؤلم اكتر من الجسدي. مع انه نفسي الدليل على كده ايه؟ ان انسان ممكن ينتحر بانه يرمي نفسه تحت عجل القطر وهو يعلم انه سيشعر بالم رهيب وهو بيتفرم تحت عجلات القطار - 00:03:36ضَ

بس بيعمل كده ليه؟ عشان يوقف العذاب النفسي اللي اللي ناتج عنه الكآبة الشديدة اللي عنده. اذا العذاب النفسي بيبقى اشد على الانسان بكتير جدا من العزاب الجسدي بس ده بيتم امتى - 00:03:55ضَ

وهم داخلين النار علشان يعذبوا عذاب جسدي اسمع بقى ولو ترى اذ يتوفى الذين كفروا الملائكة يضربون وجوههم وادبارهم وذوقوا عذاب الحريق العذاب الجسدي اهو المسلم نفسه ممكن طبعا لما يقرا الكلام ده كلام جامد اوي. يقع في قلبه ايه - 00:04:12ضَ

هو مش كده كتير شوية؟ يعني ايه العزاب ده كله؟ نفسي وجسدي واهانات وحريق خلي بالك بقى آآ في الوقت ده هتسمع ربنا بيقول للكفار ايه بقى وهم داخلين ذلك بما قدمت ايديكم وان الله ليس بظلام للعبيد - 00:04:39ضَ

ما قدمت يداه يعني كسبه. يعني اللي هو اللي هو عمله بنفسه ذلك بما قدمت ايديكم دي حصيلة اعمالكم من اقوال وافعال ونوايا سيئة ربنا ما زلمش حد ربنا لم يظلمكم. المفسرين هنا توقفوا عند كلمة ظلام. وان الله ليس بظلام للعبيد. ظلام على وزن - 00:05:08ضَ

فعال يعني كثير الفعل ربنا مش ظلام ده نفي للكثرة ونفي الكثرة لا يعني نفي القلة يعني لو قلنا فلان اكال ده مش معناه انه ما بياكلش خالص. لأ معناه انه ممكن يكون بياكل بس بطريقة معتدلة - 00:05:37ضَ

لكن فلان ليس اكال يعني ما بياكلش كتير لكن ممكن يكون بياكل لو نقول فلان ليس ظلام. يعني ما بيظلمش كتير. لكن ممكن يكون بيزلم طب ونعمل ايه؟ معقول! يعني وان الله ليس بظلام للعبيد. هل مع كامل ربنا ممكن يزلم بس شوية صغيرين؟ لأ برضو - 00:05:59ضَ

ليه ؟ هناك عندنا ايات اخرى نفت الظلم تماما عن الله سبحانه وتعالى في سورة النساء ان الله لا يظلم مثقال ذرة. ذرة الذرة هي اصغر شيء اصغر شيء اسمه ذرة - 00:06:21ضَ

في الوقت ده كانت يمكن الذرة دي هي حبة الرمل. النهاردة الذرة هي الذرة بقى ماشي ازا ربنا لا يظلم اطلاقا وفي سورة يونس ان الله لا يظلم الناس شيئا - 00:06:41ضَ

ولكن الناس انفسهم يظلمون. الناس هي اللي بتظلم نفسها لكن ربنا لا يزلم ابدا اطلاقا وخدنا في سورة الكهف ولا يظلم ربك احدا. ربنا لا يزلم احد اطلاقا ولا فرعون ولا ابو جهل ولا اي حد خالص - 00:06:58ضَ

هيظلم. ربنا ما بيزلمش ليه؟ خل بالك ربنا بيقول اني حرمت الظلم على نفسي. ربنا جعل الظلم حرام عليه هو. ما حدش يقدر يعمل حاجة حرام له. ما حدش يقدر يعمل اللي ربنا حرام وحلال - 00:07:16ضَ

لكن ربنا عمل لنفسه هو حاجات ما يعملهاش. ربنا حرم الظلم على نفسه. ازا لا يظلم ربنا قال في سورة الزلزلة فمن يعمل مثقال ذرة خيرا يره. ومن يعمل مثقال ذرة شرا يره - 00:07:28ضَ

خلاص يبقى ازن ربنا لا يظلم اطلاقا طيب امال ليه نفى الكثرة عن نفسه؟ وما قالش وان الله ليس بظالم للعبيد مش كان يبقى يعني اوقع يعني ده اللي متوقعينه لكن وان الله ليس بظلام للعبيد. ليه نفى الكثرة؟ ما نفاش القلة - 00:07:48ضَ

احنا لسه قايلين دلوقتي الاية فيها عذاب الاية خمسين عذاب نفسي وعذاب جسدي ربنا يا جماعة لو ظلم وهو لن يظلم ولا يظلم ابدا. لكن لو افترضنا انه هيظلم ربنا بيفعل كل شيء الى اقصى مدى - 00:08:12ضَ

ربنا بيرحم بس مش زي اي راحم هو ارحم الراحمين ربنا بيغفر بس مش زي اي غافر هو الغفور يعني يغفر يغفر الذنوب الكبيرة. وهو الغفار يعني كثير المغفرة مهما الناس غلطت وتستغفر بيغفر لها. في العقاب هو شديد - 00:08:36ضَ

العقاب كل حاجة لغاية الاخر كده. اقصى حاجة فيها فربنا لو ظلمه وهو لا يظلم ولن يظلم. لكن لو ظلم مش هيبقى ظلم عادي عدد الناس نفسها اللي بتعاقب لو العقاب ده زلم - 00:08:57ضَ

ما فيش زالم هيقدر يعاقب العدد ده لازم يبقى ظلام لما واحد يزلم واحد او اتنين ما بنسميهوش ظلام ده بنسميه طاغية لما واحد يزلم ناس كتير بنسميه طاغية اللي يزلم واحد او اتنين ظالم - 00:09:14ضَ

انما الطاغية عشان كده احنا في ترجمة جسور ظلام ترجمناها التايلاند يعني طاغية. ان ربنا ليس طاغية خلاص طيب التدبر الاخر بقى في الاية دي هو ليه اصلا ربنا بينفي عن نفسه الزلم - 00:09:33ضَ

ربنا مش محتاج انه ينفي عن نفسه الظلم ربنا مش محتاج يدافع عن نفسه ما يقول ان هو هيعاقب عقاب شديد. وهيدخل النار ولهم عذاب الحريق. وما يقولش ان ده عشان هم قدمت ايديهم كده. ربنا لا يحتاج انه يدافع عن نفسه - 00:09:53ضَ

اللي يدافع عن نفسه وينفي عن نفسه الصفات السيئة. هم مش بس لازم يعني مش بس اكيد هو بيدافع عن نفسه من باب الضعف. لأ ممكن بيدافع عن نفسه من باب الحب. يعني انا لو معي ابني وقلت له احنا رايحين مشوار بس تعال نعدي على الشركة الاول. فدخلنا الشركة - 00:10:14ضَ

يعني تخيلوا كان انا املك شركة مسلا. ماشي؟ ودخلت الشركة دي ومعي ابني الصغير. فلما دخلنا فوجئنا بموزف بيعمل حاجة غلط جدا دور الشركة وانا مانعه انه يعمل كده قبل كده. ومدي له مليون تحزير وانه ما يعملش الحركة دي تاني. فلما دخلت انا وابني فوجئنا به بيعمل كده. فعاقبت عقوبة - 00:10:35ضَ

جديدة جدا. قلت له مسلا ايه مخصوم منك مسلا خمستاشر يوم او رفدت الراجل خالص. رفدته انا ممكن اشعر ان صورتي كبابا الكويس العادل اللي ما بيزلمش حد ممكن تهتز في عينين ابني. فاقول للموزف ايه قدام ابني. وانا ما ظلمتش - 00:10:57ضَ

انا نبهتك قبل كده اكتر من مرة واديتك عدة انزارات. انا الكلام موجه لابني عشان مش عاوز صورتي اتهز عنده يهمني قوي علاقتي به دايما لاحظنا ان لما ربنا يتكلم عن العقاب الشديد - 00:11:19ضَ

يذكر انه ليس بظلام للعبيد ولا يظلم ربك احدا ينفي عن نفسه الظلم واشعر ان الجملة دي بتحمل في طياتها حب لي انا للقارئ المتدبر ان ربنا بيحبني فلا يريد اني اهلك باني اسيء الظن بالله - 00:11:38ضَ

وكأن ربنا بعد ما ذكر العقاب الشديد بتاع الكفار زكر للمؤمنين انه لا يظلم احدا علشان ما حدش يسيء الظن بالله ومن يسيء الظن بالله يهلك خدتوا بالكم من دي - 00:11:59ضَ

اقروا كده معي تاني الايتين مع بعض ولو ترى ربنا بيكلم المسلم اهو. ولو ترى اذ يتوفى الذين كفروا الملائكة يضربون وجوههم وادبارهم وذوقوا عذاب ابى الحريق ذلك بما قدمت ايديكم وان الله ليس بظلام للعبيد. فتشعر ان انت شعورك كمسلم يشعر - 00:12:16ضَ

لا يستاهلوا ربنا ما ظلمش حد خلاص يفضل عندك حسن الظن بالله. والله اعلم اقرأ معي كده بقى. هم آآ من اتنين وخمسين لخمسة وخمسين يلا اقرا معي من اتنين وخمسين لخمسة وخمسين - 00:12:41ضَ

كدأب الفرعون والذين من قبلهم كفروا بايات الله فاخذهم الله بذنوبهم ان الله قوي شديد العقاب ذلك بان الله لم يك مغيرا نعمة انعمها على قوم حتى يغيروا ما بانفسهم - 00:13:05ضَ

وان الله سميع عليم بدأ بال فرعون والذين من قبلهم كذبوا بايات ربهم فاهلكناهم بذنوبهم واغرقنا ال فرعون عون وكل كانوا ظالمين ان شر الدواب عند الله الذين كفروا فهم لا يؤمنون - 00:13:29ضَ

اداء بيئة ال فرعون والذين من قبلهم ذكرت مرتين في هذه الايات في الاربع ايات دول مرتين كدأب ال فرعون والذين من قبلهم ووردت ايضا مرة في سورة ال عمران - 00:13:57ضَ

اداء بال فرعون والذين من قبلهم كذبوا باياتنا فاخذهم الله بذنوبهم والله شديد العقاب الدأب يعني ايه الدأب يعني العادة الامر المتكرر يقول لك بيعمل عمل دؤوب يعني مستمر معناها هنا ان الله - 00:14:19ضَ

فعل معهم ما فعل مع ال فرعون والذين من قبلهم زي قوم لوط وقوم عاد وقوم ثمود وغيرهم. من الاقوام اللي استحقت العذاب. هم كدأب ال فرعون والذين من قبلهم نفس اللي ربنا بيعمله مع معهم على الاقوام البائدة عملوا معهم مع كفار قريش - 00:14:44ضَ

ربنا هنا شبه مشركي مكة بهم. ليه ان بيجمعهم معهم تكذيب الرسول عليه الصلاة والسلام والكفر بايات الوحي والاستكبار كدأب ال فرعون والذين من قبلهم كفروا بايات الله زي قوم فرعون بالزبط - 00:15:09ضَ

وزي عاد وثمود وكل دول وقوم لوط فاخذهم الله بذنوبهم ان الله قوي شديد العقاب الانفال فيها توكيد يعني تأكيد على قوة الله بذكر اسم القوي ان الله قوي بالتنوين يبقى اسم على طول - 00:15:33ضَ

اهو هتشوفوا لسه اما نيجي نتكلم في اسماء الله الحسنى يعني ايه ازاي نعرف ده اسم ولا صفة؟ الاسم بيكون منون او معرف بالالف واللام فاسم القوي وارد اهو ماشي - 00:15:58ضَ

ومؤكد بان حرف التوكيد ماشي مم اما اية ال عمران فتنتهي بايه والله شديد العقاب اية ال عمران اهي بدأ بي ال فرعون والذين من قبلهم كذبوا باياتنا فاخذهم الله بذنوبهم والله شديد العقاب - 00:16:12ضَ

ان خلي بالك الانفال اللي هي تنتهي بان الله قوي شديد العقاب جاية في سياق الكلام اساسا عن مشركي قريش وهزيمتهم في بدر فربنا بقوته ذكر انه قوي. هم بقوته - 00:16:43ضَ

انزل شديد عقابه على بعضهم فقط اللي استحقوا العذاب وترك الاخرين لانه يعلم انهم سيؤمنون في السنوات القليلة القادمة كلهم كذبوا بايات الله على اختلافها ال فرعون ومجرمين قريش والاقوام الاخرى البائدة لكن - 00:17:08ضَ

منهم اللي كذب بالايات الحسية يعني المعجزات. زي كده فرعون اللي كذب بمعجزات موسى كلها ومنهم اللي كذب بايات الوحي اللي كذب بالقرآن واللي كذب بالتوراة واللي كذب بالانجيل واللي كذبه بايات كونية تدل على قوة الله وعظمة الله وعلم الله وحكمة الله - 00:17:34ضَ

الهيئات الكونية زي السماء والارض والنجوم والشمس والقمر ونزول الماء من السماء وكل ده تلاتة وخمسين ذلك بان الله لم يك مغير النعمة انعمها على قوم حتى يغيروا ما بانفسهم وان الله سميع عليم - 00:18:00ضَ

ذلك يعني العلة عشان كده دي العلة اللي بسببها ربنا عاقب عقاب شديد. هو ان الناس اللي بتغير نفسها من الفطرة الصافية ربنا فطر الناس فطرة الله التي فطر الناس عليها - 00:18:25ضَ

قدرة على تحديد الصح من الغلط تحديد الحق من الباطل لكن الناس بتفسد فطرتها بنفسها فبتغير حتى يغيروا ما بانفسهم فتبدأ تقبل الظلم. على فكرة وجود الظالمين شيء عادي اللي مش عادي ان يكون الظالم عنده حاضنة شعبية - 00:18:45ضَ

ان يكون الظالم معه شعب معه نص شعب معه ربع شعب. ما ينفعش دي المشكلة دي معناها ان الفطرة فسدت ان الناس تحب الظلم تنصر الظلم تقبل الكفر تقبل الشرك - 00:19:07ضَ

الفترة السليمة لا تقبل هزا. لا تقبل الا التوحيد. لا تقبل الا العدل شوف في سورة الروم ربنا بيقول فاقم وجهك للدين حنيفا. فطرة الله التي فطر الناس عليها لا تبديل لخلق - 00:19:23ضَ

الله ذلك الدين القيم ولكن اكثر الناس لا يعلمون. يبقى الفترة السليمة لا تقبل الا الدين القيم. القيم يعني المستقيم هي دي فطرة الله التي فطر الناس عليها اللي هي لا تقبل الا ملة ابراهيم. لا تقبل الا التوحيد - 00:19:44ضَ

طب الناس اللي بتقبل غير كده عملت ايه؟ بوزت فطرتها ربنا بيقول ايه؟ الرسول عليه الصلاة والسلام بيقول ايه؟ ما من مولود الا يولد على الفطرة فابواه يهودانه او ينصرانه او يمجسانه. طب ما فيش ابوين هيؤسلمانه! يعني هو مش هيبقى مسلم؟ لأ - 00:20:03ضَ

لأ هو على الفترة يعني مسلم ازا الانسان ربنا بينعم عليه بفطرة سليمة وهو بيخربها فيبدأ يقبل الشزوز في كل شيء. الشزوز في قائد الشزوز في طريقة الحياة الشزوز في العلاقات مع الناس - 00:20:26ضَ

لا يمكن ربنا يعذب ناس بريئة. لا يمكن اقرا بقى كده تاني معي بالمفهوم ده. ذلك بان الله لم يك مغيرا نعمة انعمها على قوم حتى يغيروا ما بانفسهم يبقى هم اللي بيبدأوا بالشر - 00:20:45ضَ

وان الله سميع عليم. سميع يسمعهم وهم يمكرون بالمؤمنين. ويمكرون ويمكر الله. والله خير الماكرين عليم بالمكر بتاعهم وبالتدبير بتاعهم وبكل حركة وبكل سكنة. ربنا مش بس بيعرف حركتك ما بتتحرك بيعرف سكانتك لما بتسكن كمان. كل حاجة بتتعمل لمحاربة هذا الدين ربنا يسمعها ويعلمها - 00:21:06ضَ

اربعة وخمسين اداء بي ال فرعون والذين من قبلهم كذبوا بايات ربهم فاهلكناهم بذنوبهم واغرقنا ال فرعون وكل كانوا ظالمين تشعر ان الاية دي تكرار للاية اتنين وخمسين بس هي مش تكرار - 00:21:36ضَ

ركز معي يا كريم. كريم اللي سألني في الموضوع ده امبارح ولا اول امبارح. قلت لك مش هقول لك مش هجاوبك غير لما نيجي للايتين دول تشعر ان اربعة وخمسين تكرار لاتنين وخمسين بس هي مش تكرار - 00:21:55ضَ

حطهم قصاد بعض كده وركز كده الاية اتنين وخمسين بتتكلم عن الكفر بايه؟ والاية اربعة وخمسين بتتكلم عن الكفر بايه قبل ما اجيب اتنين وخمسين نقرا اربعة وخمسين مع بعض اهي. كدأبي ال فرعون والذين من قبلهم كذبوا باياتي مين؟ ها؟ ربهم - 00:22:07ضَ

اه طب ما هي هي لأ مش هي هي اتنين وخمسين ركز. كدق بال فرعون والذين من قبلهم كفروا بايات الله الله هو فيه فرق؟ اه طبعا. فيه فرق اتنين وخمسين بتتكلم عن الكفر بالالوهية بالوهية الله. الخالق العظيم الجبار - 00:22:25ضَ

اربعة وخمسين بتتكلم بالكفر عن الكفر بربوبية الله بص اتنين وخمسين كده بال فرعون والذين من قبلهم كفروا بايات الله. فكانت النتيجة ان الله القوي القوي من صفات من اسماء الجلال من من صفات الالوهية. عاقبهم عقابا شديدا - 00:22:46ضَ

فاخذهم الله بذنوبهم ان الله قوي شديد العقاب انما الاية اربعة وخمسين بتتكلم عن ربهم ربهم اللي بيرزقهم ويحفزهم ويحميهم اللي يستحق منهم الشكر والحمد فلما يكفروا به من ربهم - 00:23:14ضَ

يتركهم لشوية مية تغرقهم. مجرد انه سحب منهم صفة الربوبية اللي هي الحفظ والذين من قبلهم كذبوا بايات ربهم بدل ما يؤمنوا بربهم ويشكروا نعمة ربهم ويصلوا لربهم لأ كذبوا ايات ربهم. فاهلكناهم بذنوبهم - 00:23:36ضَ

واغرقنا ال فرعون وكل كانوا ظالمين كل دول كانوا ظالمين كلهم ظالمين الله لا يظلم ابدا. لكن كلهم وكل كانوا ظالمين ظالمين لانفسهم بالشرك. ربنا قال ان الشرك لظلم عظيم - 00:24:05ضَ

وظالمين للناس يأكلون حقوق الناس. قوم فرعون استعبدوا بني اسرائيل اللي هم الامة الاسلامية في الوقت ده اصلا قوم شعيب ظلموا الناس بالغش في المكيال قريش استبدوا سياسيا. فحاربوا الدعوة ولم يتركوا للمسلمين حرية التعبير ولا حرية العقيدة. عن دول - 00:24:25ضَ

دول عندهم تلتمية وستين صنم حوالين الكعبة. انتم فاكرين ان قريش كانوا بيعبدوا تلتمية وستين صنم؟ لا ابدا. كل قبيلة جايبة الصنم بتاعها حطاه اللي قريش ما بتعبدوش بس سايبينهم ليه - 00:24:48ضَ

حرية العقيدة. انما مع المسلمين لأ حرية العقيدة دي حلال لكل الناس انما احنا لأ الظالمين دول يا جماعة اسوأ من الحيوانات. ان شر الدواب عند الله الذين كفروا فهم لا يؤمنون - 00:25:01ضَ

مش قلنا ان كل ما يتحرك على الارض دابة بيدب على الارض الانسان دابة من الدواب لكن نادرا ما ما تستخدم كلمة الدواب للانسان شر الدواب يعني اكثرها شرا. ان شر الدواب - 00:25:25ضَ

يعني اكثر الدواب شرعا لكن العرب لا تقول اشر في حاجة اسمها صيغة افعل التفضيل. اقول فلان افضل من فلان. يعني اكثر منه فضلا فلان احسن من فلان فلان اطول من فلان - 00:25:46ضَ

فلان اقصر من فلان. فلان اقوى من فلان لكن في الشر ما اقولش فلان اشر من فلان. اقول فلان شر من فلان وفي الخير نفسه كده ما اقولش فلان اخير من اقول فلان خير من فلان. فالعرب تحذف الهمزة - 00:26:02ضَ

في الشر والخير في صيغة افعل التفضيل ودي من الاستثناءات. على فكرة اللغة العربية مليانة استثناءات القواعد في اللغة العربية مليانة استثناءات. وكذلك على فكرة في روايات كثيرة من روايات اخرى مسلا رواية ورش كثيرة فيها الاستثناءات. عشان كده الناس دايما تسأل - 00:26:20ضَ

هو ليه حفص هي المنتشرة ان حفص اكثر قراءة منضبطة بالقواعد واستثناءاتها قليلة جدا جدا جدا فاستسهالا عشان هتبقى سهلة على العيال دي وهي بتتعلم انتشرت حفصة اكتر. طيب نرجع بقى ان شر الدواب عند الله هم مين؟ الذين كفروا. يا خبر ابيض - 00:26:39ضَ

اكثر شرا من دواب زي الاسود والنمور والثعالب والذئاب. ايوة اه. اكثر شرا فهم لا يؤمنون على الاقل الدواب التانية على الاقل الحيوانات بتعبد ربنا. وان من شيء الا يسبح بحمده ولكن لا تفقهون - 00:27:04ضَ

تسبيحهم. انتم اللي مش عارفين الاشياء دي والحيوانات دي بتسبح ازاي كل قد علم صلاته وتسبيحه. كل شيء عارف ازاي يصلي وازاي يسبح. انتم اللي مش عارفين هم بيصلوا ويسبحوا ازاي - 00:27:24ضَ

لكن دول اقل من الحيوانات دية لا يستخدمون عقولهم لمقارنة الاسلام بالاديان الاخرى اللي موجودة مع ان لا يوجد دين يستطيع الوقوف على رجلين اذا قورن بالاسلام خاصة بقى لما نبقى بنتكلم عن عباد اصنام كمان يعني - 00:27:39ضَ

فهم في عدم استخدام عقولهم زي الحيوانات لكن الحيوانات ما عندهاش عقول تستخدمها اصلا لكن هم بني ادمين وربنا اداهم عقول وهم غيروا نفسهم وقرروا تعطيل هذه العقول وده يرجعنا للاية تلاتة وخمسين تاني. ذلك بان الله لم يك مغيرا نعمة - 00:28:02ضَ

انعمها على قوم حتى يغيروا ما بانفسهم هم اللي غيروا استخدام العقل بدل ما يشكروا نعمة العقل بانهم يستخدموها في ما يرضي الله لأ هم عطلوا نعمة العقل فغيروا هذا في انفسهم - 00:28:28ضَ

خلاص؟ التدبر عندي هنا النهاردة ان ده شيء يحذرني من عدم شكر النعمة. ما هو النعمة اما تشكر واما تكفر ليرى ااشكر ام اكفر؟ هذا من فضل ربي ليرى ااشكر ام اكفر؟ الشكر عكسه عكس الكفر - 00:28:49ضَ

شكر النعمة يبقى باستخدام النعمة فيما يرضي الله كفر النعمة باستخدام النعمة فيما يغضب الله. يعني انسان ربنا ادى له مال يشكر نعمة المال ازاي مش بانه يجيب سبحة بعداد ويقول عشر تلاف مرة الحمد لله كل يوم ما يكفيش ما ينفعش. لأ شكر نعمة المال بانفاق المال في - 00:29:06ضَ

حاربت الجوع والفقر والظلم هو لازم ده اسمه الشكر نعمة المال باستخدام المال فيما يرضي الله. وبرضو قل الحمد لله عشر تلاف مرة ما فيش مشاكل لكن تقولها بس باللسان لا دا مش شكر النعمة - 00:29:32ضَ

طيب كفر نعمة المال ازاي؟ بان الانسان يبقى مسرف ومبذر وينفق امواله على الراقصين والراقصات ده كفر نعمة المال او يمسك عن الفقراء ولا يخرج زكاة المال يبقى كفر نعمة المال - 00:29:48ضَ

فاذا ربنا غير حاله من الغنى للفقر لا يلومن الا نفسه. لان ربنا قال ذلك بان الله لم يكم مغير النعمة انعمها على قوم حتى يغيروا ما بانفسهم وان الله سميع عليم - 00:30:10ضَ

على طول واحد انسان ادانا ربنا ادى له صحة وادى له قوة. يستخدم صحته وقوته في مساعدة الضعفاء او دفع الظالمين عن المظلومين. كده يبقى شكر نعمة الصحة وشكر نعمة القوة. لكن اذا استخدم صحته وقوته في الظلم وفي البلطجة وفي التجبر يبقى كفر - 00:30:30ضَ

من نعمة الله اذا ربنا سلب منه هذه النعمة نعمة الصحة ونعمة القوة لا يلومن الا نفسه ان شر الدواب عند الله الذين كفروا فهم لا يؤمنون فهم لا يؤمنون مقصود بهم الكفار الذين لا يرجى ايمانهم - 00:30:52ضَ

اللي بينفقوا اموالهم ليصدوا عن سبيل الله وبيعملوا كل ما يستطيعوا لمحاربة الاسلام باقي شيء واحد بقى قبل ما نقفل تكرار ضرب المثال بفرعون في الكفر والظلم في القرآن كله كده - 00:31:13ضَ

مش بس في الامثال فرعون ذكر اربعة وسبعين مرة في القرآن الكريم قوم نوح اربعتاشر مرة ستة وعشرين مرة. عاد تلاتة وتلاتين مرة هو ما فيش غير فرعون ولا ايه - 00:31:29ضَ

عارفين المصري اللي قاعد كل شوية في السعودية يسمع الخطبة يجيب فيها الراجل بيضرب مسل بفرعون بيقول هو ما فيش غير فرعون يا عم ولا ايه! يعني خدته الحماية الوطنية كده - 00:31:45ضَ

ليه فرعون هو اكثر مثال ذكر للقادة الجبابرة ليه عارفين الاجابة سمعتم قبل كده وزارة السياحة في مصر وهي بتروج وتعمل دعاية لمصر فبتقول مصر فيها ثلث اثار العالم وده حقيقي - 00:31:55ضَ

مصر فيها تلت اسار العالم صح؟ صح. هو ده السبب بقى اللي عشانه فرعون جه اربعة وسبعين مرة ربنا لما هيضرب مثال في قدرته وقوته في اهلاك الجبابرة ما ينفعش يضرب مثال بقوم انت ما تعرفش قوتهم قد ايه - 00:32:15ضَ

لازم يضرب مثال بقوم اثار الحضارة بتاعتهم باقية وموجودة بالالاف. من الاف السنين الحضارة الفرعونية هي اكثر حضارة اثارها ما زالت موجودة بغزارة اهرامات ومسلات ومعابد وقبور. فيها مومياوات محنطة وكأنها ماتت امبارح. فربنا بيضرب مثال باكثر - 00:32:34ضَ

حضرات القديمة تقدما اللي اثارها شاهدة حتى اليوم على قوتها واحد بيروح حتت كده في اوروبا وبتاع هنا في اثار رومانية هنا في اثار نروح نشوف الاثار ده ايه شوية حاجات مكسرة في الارض اثار وعاملين حواليها بقى بتاع وحاطين لك يافطة حواليها بتنور وبتحكي لك الحكاية بتاعة البتاعة اللي محطوط في الارض دي - 00:33:04ضَ

هي دي اثار دي ؟ لأ. لكن ربنا يضرب المثل بحضارة موجود اثرها حتى الان حتى نعرف قوة الله اداء بي ال فرعون والذين من قبلهم كذبوا بايات ربهم فاهلكناهم بذنوبهم واغرقنا ال فرعون وكل كانوا ظالمين - 00:33:27ضَ

يبقى ده كده مثال مؤثر. احنا شايفين بعينينا الحضارة دي وازاي ربنا القوي العظيم هدها اغراقهم كلهم اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما - 00:33:49ضَ

تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا وامواتنا ومن الماء البارد على الظمأ. اللهم حببنا اليك والى ملائكتك وانبيائك ورسلك. وعبادك - 00:34:10ضَ

صالحين واجعلنا ممن يحبك ويحب ملائكتك وانبيائك ورسلك. وعبادك الصالحين. اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل كله لك. وسعينا كله في مرضاتك. اللهم اجعل القرآن الكريم رابع قلوبنا ونور صدورنا وجلاء احزاننا - 00:34:30ضَ

وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون - 00:35:01ضَ

بحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك. اللهم بحق كل حق - 00:35:21ضَ

في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد رميهم. وخيب رمي عدوهم وتقبل شهداءهم وكن مع اخواننا في تركستان الشرقية وفي الشام وفي كشميرا وفي الهند. وانصر من نصرهم واخذل من خذلهم. وطهر المسجد - 00:35:41ضَ

الاقزى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق - 00:36:01ضَ

لهما رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا يا ربنا بمعرفتك. وامتنا يا مولانا على الشهادة في سبيلك. انك نعم المولى ونعم النصير. وصل اللهم وسلم على سيدنا - 00:36:21ضَ

محمد وعلى اله وصحبه ومن تبع هداه. والسلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا - 00:36:41ضَ