باحث

السلام عليكم ورحمة الله وبركاته. اهلا بحضراتكم في المقطع رقم تسعمية سبعة وتمانين من مقاطع حظر التجول والحلقة العاشرة من حلقات تدبر سورة التوبة شفنا امبارح بعد انتهاء غزوة حنين - 00:00:00ضَ

يعني تجمع الغنائم الرهيبة الكبيرة. النبي آآ آآ جمعها في منطقة اسمها الجعرانة دي كانت المنطقة اللي فيها الايه الغنائم المخزن بتاع الغنام عليه آآ احد الصحابة امين المخزن شفنا بقى امبارح ان الانصار - 00:00:26ضَ

شعروا بحزن لما النبي عليه الصلاة والسلام اعطى من الانفال احنا قلنا ان الغنائم بتقسم اربع تخماس يعني تمانين في المية الخمس عشرين في المية. يبقى اربع تخماس تمانين في المية يوزعوا على المقارن - 00:00:55ضَ

بيوزعوا ازاي عشان تبقوا عارفين النبي عليه الصلاة والسلام كان يعطي الرجل سهم والحصان سهم فالفارس ياخد سهمين يعني نصيبين. نصيب لهم نصيب للحصان بتاعه لان الحصان له تكلفة. بياكل وعلف - 00:01:12ضَ

وفي رعاية للحصان العشرين في المية اللي هم نصيب النبي عليه الصلاة والسلام كان ممكن يعطي منهم آآ هدايا بيتألف بهم قلوب الناس فلقوه بيعطي لقريش يعني مسلا اعطى ابو سفيان ابن حرب اللي هو كان زعيم قريش - 00:01:32ضَ

اه ازن مائة ناقة ده الراجل لسة اسلم اول امبارح من اسبوعين اسلم يعني كان قبلها زعيم قريش وقاد الجيوش ضدنا في احد لما لقوا الوضع كده النبي ادى ناس كتير من القبائل الاخرى وحتى قريش كمان - 00:01:55ضَ

ولم يعطيهم حزنوا وقالوا رسول الله يعطي قريشا وسيوفنا تقطر بدمائهم يعني لسة دمهم ما نضفناهوش من على السيوف بتاعتنا ده احنا لسة كنا بنحاربهم اول ما دول كانوا الكفار اول امبارح - 00:02:16ضَ

وحاسين بمرارة شديدة. بعض الناس ممكن تقول لك ايه؟ ايه يا جماعة المادية دي؟ لا الموضوع مش فلوس الموضوع هو شعور بعدم الاطمئنان هو فيه ايه يعني هو هو معقول النبي مسلا يكون استفاد مننا وقت ما كان محتاجنا ودلوقتي خلاص قومه اسلموا وبلده الاصلية مكة - 00:02:37ضَ

اللي اتولد فيها بقت بلد اسلامية بقى وبقت من بلاد الاسلام دلوقتي من حواضر الاسلام. يعني من مدن الاسلام. فهيتركنا بقى تعالوا نقرأ حديث ورد عن ابي سعيد الخدري والحديث هيشرح لنا - 00:03:04ضَ

عن ابي سعيد الخدري رضي الله عنه قال لما اعطى رسول الله صلى الله عليه وسلم ما اعطى من تلك العطايا في قريش وفي قبائل العرب ولم يكن في الانصار منها شيء. الانصار خدوا نصيبهم عادي في الغنائم لكن الانفال اللي هو العشرين في المية اللي النبي بتوع النبي اللي كان بيوزع - 00:03:21ضَ

منهم ما خدوش منها حاجة لما حصل كده ولم يكن في الانصار منها شيء وجد هذا الحي من الانصار في انفسهم يعني حسوا في نفسهم بحاجة حسوا وجدوا في انفسهم وجدوا شيء من الايه من من الحزن او الغضب المكتوم او حاجة - 00:03:46ضَ

قال لك حتى كثرت فيهم القالة لدرجة ان بقى فيه كلام بيدور بينهم حتى قال قائلهم لقي والله رسول الله صلى الله عليه وسلم قومه خلاص بالمصري كده من اللي احبابه نسي اصحابه - 00:04:08ضَ

فدخل عليه يعني على النبي صلى الله عليه وسلم سعد بن عبادة احنا عارفين ان ايه آآ آآ زعماء الانصار كانوا السعدين. سعد بن معاذ ده اللي مات بعد الاحد - 00:04:36ضَ

ماشي؟ اللي هو حكم في بني قريدة ثم مات من اثار جراحه. وسعد بن عبادة. سعد بن عبادة دخل على النبي صلى الله عليه وسلم فقال يا رسول الله ان هذا الحي من الانصار قد وجدوا عليك في انفسهم. يعني في مجموعة كده من الانصار اللي هم الانصار اللي طالعين معنا في القتال - 00:04:49ضَ

قد وجدوا عليك في انفسهم يعني زعلانين منك. لما صنعت في هذا عشان اللي انت عملته في توزيع الفيق الذي اصابت اللي هو ايه النصيبك قسمت في قومك يعني اديت قسم لقومك - 00:05:10ضَ

واعطيت عطايا عظاما في قبائل العرب يعني كل من هب ودب بقى بياخد ولم يكن في هذا الحي من الانصار منها شيء وما ادتش ولا حاجة لولا واحد من الانصار - 00:05:32ضَ

النبي عليه الصلاة والسلام قال له الزعيم خلي بالك فاين انت من ذلك يا سعد طب ده هم الحي ده من الانصار. طب وانت بقى يا سعد فين في القصة دي ؟ يعني انت برضه حاسس بايه ؟ - 00:05:49ضَ

النبي عليه الصلاة والسلام بيسأل الاول وبيستكشف علشان يشخص المرض ايه بالظبط قبل ما يبدأ يعالج قال سعد يا رسول الله ما انا الا من قومي يعني انا واحد من قومي - 00:06:10ضَ

يعني ايه؟ يعني انا متضايق زيهم انا عاوز افهم ازاي تنسانا احنا يعني هل انت بتقدرنا ولا احنا خلاص ادينا دورنا لما كان الاسلام ضعيف. ده لازم اقول لكم يا جماعة الموضوع مش فلوس - 00:06:28ضَ

الموضوع انت بتفرح لما بيجي لك هدية. بتبقى فرحان بالهدية. حلو اوي طب لما يجي لك هدية من شخص عزيم تبقى فرحان بها اكتر. وكل ما حد يخش بيتكم تقول له انت عارف مين جاب لي ده ؟ ده الوزير الفلاني. ده رئيس الوزراء - 00:06:45ضَ

هو اللي اداني الهدية دي. تبقى فرحان بها طب ايش حال بقى لما يبقى النبي عليه الصلاة والسلام اشرف الخلق هو اللي مدي لك هدية تبقى فرحان بها. طب لما تشوفه عمال يوزع هدايا وانت ما ادكش حاجة - 00:07:01ضَ

تشعر بحزن كان بس ما حدش فينا يظن في الانصار شيء وحش. الموضوع مش مادي. دول اخر ناس في الدنيا يفكروا في المادة هو بس خايفين هو في ايه يعني احنا ما بقاش لنا لازمة دلوقتي - 00:07:15ضَ

احنا للدرجة دي النبي نسينا خالص كده زي كده بيقول ايه؟ واخدنا يعني خلاص يعني طبعا ما حدش قال الكلام ده. ده كلام كان بس آآ مخاوف بتدور جواهم وهتشوفوا دلوقتي ان النبي ريحهم في الاخر ومش بالفلوس وما ادهمش حاجة برضو. وبقوا اكتر ناس مستريحين. ازاي بقى؟ هنشوف - 00:07:35ضَ

فقال النبي صلى الله عليه وسلم فاجمع لي قومك في هذه الحظيرة حظيرة يعني مكان مقفول اجمعهم لي جوة اجتماع مغلق يعني واضح انكم بقى مش فاهمين حاجة. تعالوا افهمكم انا اديت الناس كلها وانتم بالزات ما اديتكوش حاجة ليه - 00:08:00ضَ

قال فجاء رجال من المهاجرين فتركهم فدخلوا. ساب المهاجرين يدخلوا يحضروا الاجتماع وجاء اخرون فردهم الناس اي حد غير المهاجرين والانصار ما يدخلش الاجتماع ده. ده اجتماع مغلق للاباء المؤسسين - 00:08:24ضَ

عارف يعني ايه الاباء يعني للمؤسسين اللي اسسوا المجتمع الاسلامي انما الناس اللي لسة داخلة اول امبارح دي لا لا لا لكم برضه يعني ده ده الايه؟ الفاوندرز الناس اللي هم اللي اسسوا آآ دولة العدل والاحسان. اجتماع - 00:08:51ضَ

اجتماع طارئ لهم اساسا مع الانصار وازا حد من المهاجرين عايز يحضر اهلا وسهلا. يحضر عشان يسمع بقى برضه هو كمان ايه اللي حصل لكن الناس الجداد ما يحضروش فلما اجتمعوا ده الحديث - 00:09:10ضَ

اتى سعد سعد ابن عبادة اتكلم بقى. قد اجتمع لك هذا الحي من الانصار يا رسول الله اتفضل الناس مجتمعة جوة فدخل سيدنا محمد عليه الصلاة والسلام عليهم بقى فاتاهم رسول الله وهم جوة كلهم في الحظيرة مقفول عليهم - 00:09:24ضَ

اجتماع ما فيش حد سامع غيرهم فحمد الله واثنى عليه بما هو اهله السنة ان الانسان قبل ان يبدأ كلامه او يبدأ خطبته يحمد الله ويثني عليه. الحمد لله والصلاة والسلام على رسول الله - 00:09:44ضَ

لازم يحمد الله ويثني على على الله ثم قال ركزوا بقى يا جماعة يا معشر الانصار مقالة بلغتني عنكم وجدة وجدتموها في انفسكم يا جماعة الخير يا انصار كلام بلغني عنكم - 00:10:00ضَ

وجدة وجدتموها في انفسكم. وكمان جواكم في حاجة في نفوسكم مش مريحاكم سمعتم انكم بتقولوا كلام كده وانكم متضايقين الم اتكم ضلالا فهداكم الله بي وعالة فاغناكم الله بي. واعداء فالف الله بين قلوبكم - 00:10:31ضَ

هو مش حقيقي ان انا لما جيت لكم من تسع سنين كنتم ضلال بتعبدوا اصنام فربنا هداكم بي وعالة يعني فقراء وربنا اغناكم بي بالنبي ربنا اللي بيغني بس بالنبي عليه الصلاة والسلام. بمجيئه له - 00:10:57ضَ

وذكرهم بعداوتهم لبعض واعداء فالف الله بين قلوبكم مش كنتم اعداء؟ ده انتم كنتم الاوس والخزرج بتدبحوا بعض بقيتوا احباب بي برضو وقالوا لله ولرسوله المن والفضل النبي بيفكرهم. بيفكرهم بفضل ربنا عليهم. هداهم للايمان - 00:11:20ضَ

اغناهم بعد الجوع والفقر وخلاهم اخوات واستبدل الكراهية اللي بينهم الى حب بين الاوس والخزرج. اتقلبت حب دي معجزة فبعد ما قال لهم مش حصل ان ربنا هداكم بي واغناكم بي وقلب اللي بينكم حب بي - 00:11:54ضَ

وساكتين فقال الا تجيبوني يا معشر الانصار انتم مش بتردوا ليه مش دي نعم ربنا عليكم اللي جعلني سبب في حصولها لكم قالوا بماذا نجيبك يا رسول الله؟ لله ولرسوله المن والفضل. ايوة طبعا طب ما حدش بينكر المن؟ ما حدش بينكر الفضل بتاع ربنا وبتاع - 00:12:14ضَ

علينا قال بصوا بقى دي هنا عارف انت اما تكون بتحاول تقنع حد فتلعب دور الديفيل ادفوكيت. يعني بتلعب دور محامي الشيطان قال لهم قال اما والله لو شئتم لقلتم - 00:12:36ضَ

ولصدقتم ولصدقتم جئتنا طريدا فآويناك وعائلا فواسيناك وخائفا فامناك فامناك ومخذولا فنصرناك ومكذبا فصدقناك دي وساوس الشيطان اللي ممكن يدخل بها عليهم. ومش هيتكلموا. هيبقوا بس مكسوفين منها بس حاسين بها جواهم. فالنبي عليه الصلاة والسلام. هم - 00:12:55ضَ

هنا لعب دور محامي الشيطان وقال لهم لعلمكم بقى انتم ممكن جدا تقولوا الاتي. ولو قلتم كده تبقوا صادقين فعلا واي حد هيسمع هيقول صداقته هيصدقكم طبعا. انتم مش بتقولوا حاجة غلط - 00:13:32ضَ

ممكن تقولوا جئتنا طريدا فآويناك انا هحط لكم الحتة دي اه جئتنا طريدا فآويناك يعني كنت مطرود من بلدك واحنا اللي قويناك في بلدنا ما حدش يقدر ينكر وعائلا فواسيناك - 00:13:48ضَ

وحملة تقيل واحنا خففناه عنك مم وخائفا فامناك انت كنت معرض للقتل ومعرض للاغتيال في كل لحزة قعدت مع ابو بكر تلت تيام مختفين مستخبيين جوة غار الكل خذلك ما حدش ساعدك غيرنا - 00:14:21ضَ

ومخذولا فنصرناك. خلي بالك هم ما قالوش كده. هم لم يقولوا هذا. هو النبي بيقول لهم ده انتم ممكن جدا تقولوا الكلام ده يعني الشيطان ممكن يدخله جواكم. ولو قلتوه ما حدش يقدر ينكره - 00:14:51ضَ

ومخذولا فنصرناك مم ومكذبا فصدقناك انت الكل خذلك واحنا اللي ساعدناك. انت الكل كذبك واحنا بس اللي صدقناك النبي عليه الصلاة والسلام بيقطع الطريق على الشيطان وعلى النفس الامارة بالسوء انها تستغل هذا الفضل. فبيقول لهم - 00:15:05ضَ

وانا فاكر كويس جدا. كل افضالكم علي خلي بالك بقى انكار فضل الناس عليك يفتح باب شر كبير جدا ما ينفعش تقف تقول لهم انا ربنا هداكم بي وخلاص لأ. وكمان تقول لهم وانا فاكر ايضا فضلكم علي - 00:15:34ضَ

الاعتراف بفضل الناس ده بيغلق ابواب شر وبيفتح ابواب التفاهم والتصالح والتسامح. لزلك انا ارى ان الخطبة دي الخطبة التاريخية تدرس المفروض في في كليات الاعلام تدرس في فن التفاوض. تدرس في فن كسب قلوب الناس - 00:15:55ضَ

اسمع علومي بقى اوجدتم علي يا معشر الانصار في انفسكم في لعاعة من الدنيا تالفت بها قوما ليسلموا ووكلتكم الى اسلامكم الا ترضون يا معشر الانصار ان يذهب الناس بالشاء والبعير وترجعون برسول الله الى رحالكم - 00:16:19ضَ

فوالذي نفس محمد بيده لما تنقلبون به خير مما ينقلبون به ولولا الهجرة لكنت امرأ من الانصار ولو سلك الناس شعبا وواديا وسلكت الانصار وشعبا وواديا لسلكت شعب الانصار وواديها - 00:16:53ضَ

الانصار شعار والناس دثار اللهم ارحم الانصار وابناء الانصار وابناء ابناء الانصار فبكوا حتى اخدمت لحاهم هفهمكم بقى ايه معنى الكلام ده اصلا. الكلام ده خطير جدا. هنحلله بقى حتة حتة كده - 00:17:19ضَ

اوجدتم علي يا معشر الانصار في انفسكم في لعاعة من الدنيا تالفت بها قوما ليسلموا وهو وكلتكم الى اسلامكم خلي بالك النبي كان لسة بيقول لهم ايه انا معترف بفضلكم. انتم ممكن تقولوا انت كنت مكذب واحنا صدقناك. انت كنت خائف واحنا قويناك. انت كنت مطرود واحنا قويناك. ممكن تقولوا الكلام ده - 00:17:39ضَ

ده كله وتبقوا صادقين ما حدش يقدر ينكره وبعد كده راح قالب الترابيزة عليهم وقال لهم انتم بقى كمان ها لازم تفهموا ان انا برضه من حقي ازعل لما الاقيكم - 00:18:08ضَ

بتزعلوا مني عشان لعاعة من الدنيا. يعني ايه لعاعة؟ اللعاعة يعني الفتافيت اللي بعد ما بتاكل وبتشيل طبقك كيف تفيد كده حوالين الطبق دي اللعاعة شوية فتافيت ليس لها قيمة - 00:18:21ضَ

شوية جمال وشوية خرفان الديت ده كم جمل وده كم خروف. شوية فتافيت برقق بها قلوب الناس اللي لسة اسلمت دية عشان تثبت شوية هدية من هنا وهدية من هنا ده اسمه تأليف اسمهم المؤلفة قلوبهم. عشان الناس تثبت في الاسلام. يبقى اللي انا شايفه مش سابت - 00:18:39ضَ

في الاسلام بادي له هدية انما انتم وكلتكم الى اسلامكم عارف قوة ايمانكم يعني انتم المفروض تزعلوا لو اديتكم بقى اللي في حضانة واولى ابتدائي زيه زي اللي معه دكتوراة! انا وثقت في ايمانكم فلم اعطيكم ايوة. اه انا فعلا لم اعطيكم لان مش محتاج - 00:19:05ضَ

اعطيكم عشان اثبتكم على الاسلام الا ترضون؟ اسمع بقى دي كانت اللي هم كانوا منتظرينها هي دي اللي صالحتهم يا جماعة الا ترضون؟ يا معشر الانصار ان يذهب الناس بالشاء والبعير وترجعون برسول الله الى رحالكم. ده اللي ريحهم ليه بقى - 00:19:29ضَ

الحالة النفسية تخيل نفسك انت من الانصار كده بتحب النبي جدا وانت عشت معه الفترات الصعبة. وبعد تمان سنين بلده اتفتحت مكة فتح والمهاجرين فرحانين بالنصر وفتح بلدهم تاني تشعر بايه - 00:19:51ضَ

القلق ليه الناس اللي انت بتحبهم دول خلاص رجعوا بلدهم بقى هيسيبوك ويروحوا يعيشوا في بلدهم روحهم روحهم في رسول الله وفي المهاجرين كمان بيحبوهم جدا فهم في حالة نفسية سيئة جدا - 00:20:16ضَ

فاعلن لهم النبي انه لن يترك المدينة هذا اعلان انه سيحكم الدولة من المدينة والمدينة هي العاصمة هو ده معناها الا ترضون يا معشر الانصار ان يذهب الناس بالشاء والبعير - 00:20:35ضَ

كل واحد رجع بشوية خرفان وشوية آآ جمال. وترجعون برسول الله الى رحالكم انا راجع معكم دي كانت القشة ده اللي ده اللي خلاهم يشموا نفسهم ربنا لما وصفهم الانصار وصفهم ازاي في القرآن - 00:20:54ضَ

قال يحبون من هاجر اليهم. دا وصفهم في القرآن النبي عليه الصلاة والسلام بيحب مكة جدا بلده وهي اشرف بقاع الارض واقدس بقاع الارض وهو بيتركها من تسع سنين الدموع في عينيه وبيبص لمكة وبيقول والله انك لخير ارض الله واحب ارض الله - 00:21:13ضَ

ولولا ان اهلك اخرجوني منك ما خرجت ومع زلك المدينة اللي قوته ونصرته اصبح يحبها. ايضا. فبقى عنده وطنين الوطن اللي اواه ودعمه لم ينسى له ذلك ولم يتركه واستمر الى ان مات - 00:21:45ضَ

وطنه الجديد في المدينة ثم قال وفكرهم على فكرة انا مش غريب عنكم انا اصلا منكم يعني. انتم اهلي قال لهم ولولا الهجرة لكنت امرأ من الانصار ليه ؟ يا جماعة السيدة امنة بنت وهب ابن وهيب من يثرب اصلا. يعني - 00:22:12ضَ

عبدالمطلب جد النبي لما حب يجوز ابنه عبدالله اللي هو ابو النبي عليه الصلاة والسلام اخدوا وراحوا الى آآ آآ يثرب اسمها المدينة لسه واتجوزوا اختين امنة بنت وهب واختها اسمها ايه ؟ حاجة بنت وهيب - 00:22:32ضَ

آآ لا لا لا يعني اتجوزوا اتجوزوا آآ اتنين آآ وحتى اللي تزوجها جابت حمزة وامنة جابت محمد فسيدنا حمزة اقرب اعمام النبي له سنا ويعتبر ابن خالته المهم فبيفكروا ان هو اصلا عيلة امه من من يثرب من من بلدهم ولولا الهجرة لكنت امرأ من الانصار - 00:22:54ضَ

اسمع بقى ولو سلك الناس شعبا وواديا وسلكت الانصار شعبا وواديا لسلكت شعب الانصار وواديا. الانصاري وواديا لو الناس راحت من طريق والانصار من طريق تاني انا همشي معكم انتم في طريقكم - 00:23:27ضَ

ايه الجمال ده! ايه الدعم النفسي ده كلام طبعا يرفع المعنويات جدا. وفيه شرف كبير جدا للانصار. ثم قال الانصار شعار والناس دثار يعني ايه بقى ؟ الشعار هو الملابس الملاصقة للجسد. بلغتنا النهاردة الفانلة الداخلية - 00:23:44ضَ

الدثار هو ما يتدثر به المدثر. يعني البدلة الخارجية. العباية اللي بتتحط على الكتف فقال لهم انتم اقرب الناس الى قلبي انتم زي الفانلة الداخلية كده اللهم ارحم الانصار وابناء الانصار وابناء ابناء الانصار - 00:24:06ضَ

دعا لابناء الانصار واحفاد الانصار في احياء علوم الدين يقول لك اذا اردت انك ترقق قلب انسان وتجعله يشعر بحبك اسألوا عن اولاده ادعي لاولاده تخيل لما حد يقابلك ويسألك عن اولادك وتلاقيه فاكرهم بالاسم مع ان انت اخر مرة قابلته كان من فاكر ولادك بالاسم - 00:24:30ضَ

فالانسان يهمه جدا اولاده يا جماعة. هم اه فبكى القوم حتى اخضلوا لحاهم وقالوا فبكى القوم حتى اخضروا لحاهم وقالوا رضينا برسول الله صلى الله عليه وسلم قسما وحظا ثم انصرف رسول الله وتفرقوا - 00:24:55ضَ

القوم الانصار بكوا لغاية ما بقت اللحى بتاعتهم آآ مبلولة. مبلولة من الدموع وقالوا رضينا برسول الله قسما. يعني يبقى النصيب بتاعنا الرسول ده بالنسبة لنا كفاية مش عايزين لا جمال ولا خرفان - 00:25:28ضَ

ولا غيره وتفرقوا خطبة تاريخية تدرس المهم بعد كل ده راح النبي خل بالك بقى راح للنبي قادة هوازن يطلبون منه انه يرد عليهم كل اللي راح منهم ده كل شيء راح كل ده كارسة - 00:25:46ضَ

النساء والاولاد والاموال ما هو الغبي اللي كان بيقودهم اللي قال لهم طلعوا كل حاجة معكم ومش عارف ايه وفي الاخر خالص راح كل حاجة نسائهم وعيالهم سبي سبي. يعني ايه؟ يعني بقوا عبيد واماء. ليه؟ لان هم كانوا بيستعبدوا العبيد والاماء - 00:26:07ضَ

وده اللي لازم تشوفوه في الحلقة اللي هعمل لها شير النهاردة ان شاء الله بتاعة الرق المسلمين مش بيسترقوا الاسرى الا لو العدو بيسترق الاسرى هو وانا شارحها وجايب الاية بتاعة سورة محمد وكل حاجة - 00:26:29ضَ

وتجدوا ان المسلمين لم يسترقوا احد من قريش ابدا. ليه؟ لان قريش ما كانتش بتسترق الاسرى. خلاص. لكن دول كانوا بيسترقوا الاسرى المسلمين يدخلوا الحرب بناء على الشروط واحدة شروط متبادلة عشان يبقى فيه عدل في المسألة - 00:26:47ضَ

ارجو تتفرجوا على الحلقة يعني. النبي قال لهم يعني قانونا قانونا النبي لا يستطيع ان يتصرف في تمانين في المية ان ده ملك المجاهدين والجنود. ما يقدرش قال لهم بصوا - 00:27:07ضَ

اختاروا بين الاموال وبين السبي عايزين الخرفان والمعيز والجمال والدنانير الدهب والفضة والكلام ده ولا عاوزين السبي السبي يعني زوجاتكم واولادكم واختاروا السبي طبعا خلاص بدل ما يبقوا عبيد نبقى نبقى نقول لهم بصوا. نصيبي انا وبني هاشم - 00:27:24ضَ

البيت انا هعرف اتفاهم مع بني هاشم واصلا ده النبي ده حقه انه يتصرف في دول خلاص فقال المهاجرون ونحن نصيبنا لرسول الله يتحكم فيه كما يشاء. والمهاجرين اتبرعوا بنصيبهم من السبي في الغنائم في التمانين في المية. فقال - 00:27:50ضَ

ما هم واخدين في تمانين في المية. ونحن نصيبنا لرسول الله فرجع لهوازن نسائهم واطفال ما عدا قبيلتين اتنين قالوا لأ احنا متمسكين بنصيبنا اظن تميم ومش فاكر القبيلة التانية ايه وخلاص. لكن معزم السبي رجع للناس - 00:28:17ضَ

خلي بالك هنا بقى عايز ارجع تاني ازاي الانصار بعد ما كانوا اصلا زعلانين ما خدوش في العشرين في المية يقبلوا انهم ما ياخدوش العشرين في المية وكمان يرجعوا التمانين في المية اللي واخدينه ليه - 00:28:38ضَ

عشان القيادة الحكيمة بتاعة الرسول عليه الصلاة والسلام لم يتجاهل المشكلة ودي الدروس والعبر اللي ناخدها. المشكلة كانت في نفوس الانصار وسمع من القائد بتاعهم انه جواهم كلام عمال يتناقل - 00:28:59ضَ

القائد ما ينفعش يتجاهل الحالة النفسية بتاعة الجيش النهاردة هي حالة نفسية جوة الناس. بكرة تبقى فتنة وتبقى تمرد فلازم القائد يعالج الامور دي ويرفع الحالة المعنوية بتاعة الجيش بتاعه - 00:29:16ضَ

ثانيا لم يسمح لاحد الا لاخوانهم المهاجرين بالحضور واكلين عيش وملح مع بعض. فهيقدروا مشاعرهم وعارفين قدرهم وعارفين فضلهم على الاسلام مش هيتكسفوا لما الكلام ده يدور قدامهم لكن اللي ما عاش الايام الصعبة - 00:29:33ضَ

اللي في اول ست سنوات اللي كان آآ آآ بيتقسم فيها الرغيف بين اسرتين مش هيقدر يفهم موقف الانصار. ممكن يشعر بشعور معادي للانصار. يفتكرهم طماعين. لكن ده يدينا صورة عن مدى الاخلاص - 00:29:52ضَ

اللي كان عند الصحابة كلهم. قال الشافعي رحمه الله ان الله اثنى على اصحاب محمد صلى الله عليه وسلم في التوراة والانجيل والقرآن وقال هم الذين ادوا لنا سنن رسول الله. احنا عرفنا منين سنته؟ منهم هم - 00:30:12ضَ

عرفنا منين الاحاديث منهم هم هم شاهدوه والوحي ينزل عليه فعلموا ما اراد النبي عاما وخاصا. ده كلام الشافعي عنهم وعزما وارشادا وعرفوا من سننه ما عرفنا وما جهلنا. هم اعرف منه بنا - 00:30:34ضَ

وهم فوقنا في كل علم وكل اجتهاد وكل ورع وكل عقل. ما حدش ابدا يفتكر نفسه احسن من الامر احسن من الصحابة واراؤهم لنا احمد واولى بنا من ارائنا. عندنا لانفسنا. بيقول ده الشافعي واحد من اعلى - 00:31:00ضَ

العلماء في التاريخ الاسلامي قال لك في النهاية خالص اراء الصحابة على راسي انا من فوق ولازم احترم اراء الصحابة اكتر من رأيي انا نفسي قال لك وقبل كل شيء - 00:31:22ضَ

الفضل الاكبر بقى. هم الذين اختارهم الله لصحبة خاتم النبيين خلاص ناخد بقى اية النهاردة عشان ما نبقاش النهاردة ايه ما خدناش ايات خالص يا ايها الذين امنوا انما المشركون نجس فلا يقربوا المسجد الحرام بعد عامهم هذا وان خفتم عيلة فسوف يغنيكم الله من - 00:31:36ضَ

من فضله انشاء ان الله عليم حكيم الكلام هنا لمين بقى يا ايها الذين امنوا حلو اوي. دول اللي هم مين المقاولين والانصار لا خلاص دلوقتي النداء ده بيشمل ناس كتير. ده بيشمل الطلقاء. بيشمل اهل مكة اللي لسة مسلمين اول امبارح وبيتعلموا يتوضوا. وبيتعلموا - 00:32:01ضَ

المضمضة والاستنفار بتعلمه فبيقول لهم من هنا ورايح المشركين مش هيدخلوا مكة تاني ومعظم اهل مكة اللي دخلوا الاسلام دول تجار ومعتمدين في رزقهم على التجارة وعلى السياحة الدينية الناس جاية عمرة وحج بتشتري من الدكاكين عندهم وبتعمل لما لما ربنا ينزل قرار ان ما فيش مشركين هيدخلوا خلاص - 00:32:23ضَ

هم كده هيقلقوا اول حاجة هيقلقوا عليها رزقهم حجيج بيجوا بالالاف في موسم الحج والعمرة. فلما ربنا يمنع المشركين. اول حاجة الانسان بيفكر فيها رجل الاعمال ايه؟ البيزنس بتاعه البيزنس بتاعه في مكة. هيفكر في - 00:32:56ضَ

بيزنس على طول فربنا قبل ما يطمنهم على رزقهم بين لهم العلة ليه المشركين بالعقيدة الشركية بتاعتهم دي يعتبروا نجاسة لا تصح انها تكون في المسجد الحرام. يا ايها الذين امنوا انما المشركون نجس. نجاسة معنوية وليست مادية - 00:33:09ضَ

يعني ممكن المشرك ياخد دش ويستحمى ويحط برفان وبتاع ويبقى بيبرق كده. لكن الاعتقاد الشركي ده يجعل منه نجاسة. ما ينفعش يدخل المسجد الحرام ازا نجاسة معنوية بس. مش محتاج تغسل ايدك بعد ما تسلم على وشك. لأ عادي - 00:33:36ضَ

فلا يقربوا المسجد الحرام بعد عامهم هذا ما قالش فلا يدخلوا المسجد الحرام. لأ فلا يقربوا المسجد الحرام. يعني مكة كلها مش هيدخلوها. مش بس المسجد مكة كلها خايفين احنا بقى على البيزنس قال لهم وان خفتم عيلة فسوف يغنيكم الله من فضله ان شاء - 00:33:55ضَ

ان الله عليم حكيم طبعا البيزنس ممكن يتأثر ورجل الاعمال واي انسان متعود على مصادر دخل معينة لما يجد ان المصادر دي اتقفلت هيقلق واحد عنده مطعم وبيقدم خمور وواحد عنده فندق فاتح فيه ملهى ليلي وبيقدم خمور. عشان ينزل له قانون فجأة - 00:34:22ضَ

بيع الخمور من النهاردة اتوقف الملاهي الليلية تغلق هيقلق بس هو هيقفل هيمتثل لهذا ابتغاء مرضات الله. بس محتاج كمان يتوكل على الله. فربنا بيقول له وان خفتم عيلة يعني ان يبقى عندكم حمل مادي او عبء مادي - 00:34:47ضَ

انكم يقول لك متزوج ويعول. يعني عنده اعباء مالية. وان خفتم عيلة فسوف يغنيكم الله من فضله ان شاء ربنا هيغنيكم. توكلوا عليه. بس مش اكيد كمان انشاء يعني ازا ربنا شاء ان يعوض عليكم هيعوض عليكم. بس ممكن ما يعوضش برضو - 00:35:09ضَ

اه يتوقف على ايه بقى ان الله عليم حكيم عليم بمصلحتكم ومصلحة الاسلام. مش بالضرورة الفلوس والغنى يكون خير علشانك يعني لو الفلوس والغنى هتخلي حد من عيالك يشرب مخدرات ويدمن انت هتتمنى انك ما كنتش جت اصلا. وانك كنت عشت على قدك - 00:35:34ضَ

مين اللي يعلم الغيب الله سبحانه وتعالى عشان كده ربنا بيقول ايه وان خفتم عيلة فسوف يغنيكم الله من فضله ان شاء طب ده متوقف على ايه ؟ ان الله عليم حكيم - 00:35:56ضَ

والحكيم الذي يعلم ما في صالحكم فان كان يعلم ان في صالحكم ان يغنيكم فسيغنيكم ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك - 00:36:13ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكة - 00:36:30ضَ

وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك وبكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا - 00:36:50ضَ

ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم الغيب والشهادة. انت - 00:37:20ضَ

بين عبادك فيما كانوا فيه يختلفون. فبحق كل حرف في كتابك تلوناه او تدبرناه اكفنا واهلينا واخواننا اخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا - 00:37:40ضَ

اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. اللهم سدد رميهم وخيب رمي عدوهم وتقبل شهداءهم وانصرهم في جهادهم مع اخواننا في تركستان الشرقية وفي الشام وفي كشميرا وفي الهند - 00:38:00ضَ

وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:38:21ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبور واشرح صدورها بفيض الايمان بك وجميل التوكل عليك واحيها يا ربنا بمعرفتك وامتها يا مولانا على الشهادة في سبيل - 00:38:41ضَ

سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله نراكم غدا باذن الله في نفس هذا الموعد ان كنا من اهل الدنيا - 00:39:05ضَ