باحث

السلام عليكم ورحمة الله وبركاته. اهلا بحضراتكم في المقطع رقم تسعمية تلاتة وتسعين من مقاطع حظر التجول والحلقة السادسة عشر من حلقات تدبر سورة التوبة افتح معي الايتين خمسة واربعين وستة واربعين في سورة التوبة واقراهم معي - 00:00:01ضَ

اعوذ بالله السميع العليم من الشيطان الرجيم انما يستأذنك الذين لا يؤمنون بالله واليوم الاخر وارتابت. وارتابت قلوبهم فهم في ريبهم يترددون ولو ارادوا الخروج لاعدوا له عدة. ولكن كره الله انبعاث - 00:00:31ضَ

اتاهم فثبطهم. وقيل اقعدوا مع القاعدين يعني هم لو فعلا عاوزين يخرجوا كانوا خرجوا كانوا جهزوا نفسهم للخروج لكنهم جايين يستأذنوك انهم يقعدوا وهم كده كده هيقعدوا ومش هيخرجوا انما يستأذنك الذين لا يؤمنون بالله واليوم الاخر وارتابت قلوبهم فهم في ريبهم يترددون. ولو ارادوا الخروج لاعدوا - 00:01:12ضَ

له عد ولكن كره الله انبعاثهم. فثبطهم وقيل اقعدوا مع القاعدين. دول كزابين لانهم راحوا وقالوا للنبي عليه الصلاة والسلام ده احنا كنا خلاص هنخرج معكم وبعدين حصل كزا وحصل كزا وخايفين كمان يحصل كزا - 00:01:48ضَ

بس من جوانا احنا معك وعاوزين نخرج معك فربنا بيكذبهم وبيقول للنبي عليه الصلاة والسلام ولو ارادوا الخروج لاعدوا له عدة بس انت عارف هم ما خرجوش ليه لان الله سبحانه وتعالى لم يشاء لهم انهم يبقوا من المجاهدين. ده شرف لا يستحقوه - 00:02:06ضَ

فربنا سبطهم. يعني ربنا هو اللي جعلهم ما يخرجوش وخليكم بقى مع القاعدين في المدينة. يعني مع النساء والاطفال والعجزة ولكن كره الله انبعاثهم فثبطهم وقيل اقعدوا مع القاعدين. كده دخلنا في مشكلة. دخلناه في ايه؟ في الشبهة بتاعة - 00:02:34ضَ

ازاي ربنا هيحاسبهم ويعاقبهم على ترك الجهاد وهو اللي ثبتهم وخلاهم يقعدوا. هو نفس السؤال بتاع ما دام ربنا هو الذي يهدي ويضل. ازاي يحاسب ناس بتضل ؟ طالما هو اللي اضلهم. نفس السؤال وعندنا الحلقة بتاعته وروحوا راجعوها - 00:02:55ضَ

ربنا يا جماعة انزل هداية عامة للناس كلها قلنا كده زي اليقط ولوحات الاسترشادية اللي في الشوارع بتدل على الطريق. دي نزلت الناس كلها الناس بعد كده منهم اللي رضي بهذه اللوحات فطلب الهداية اهتدى بها - 00:03:14ضَ

وبقى يقراها وماشي عليها فبيوصل ومنهم اللي غافل مش دريان بها ما بيوصلش. ومنهم اللي شافها وكذبها وقال لك مين قال ان دي لوحات ان الكلام اللي فيها صح؟ ده انا - 00:03:32ضَ

عندي طريقة تانية اوصل بها تماما ده زي الناس اللي بتقبل القرآن والسنة وبتقراهم وبتفهمهم وبتتدبرهم وبتتبعهم. دول ربنا بيعطيهم بعد كده هداية معونة فبيعينهم على الهداية يعينهم على اتباع القرآن والسنة - 00:03:45ضَ

لما واحد منهم يروح يصلي في المسجد بنقول ايه؟ ربنا اختاره يبقى واحد من المصلين اللي في المسجد اه بس هو هو راح بعنيه. هو راح بخطره. بس احنا بنقول في النهاية ربنا اختاره يبقى منهم. لان ربنا جعله من المهتدين - 00:04:03ضَ

نفس الكلام لو واحد طلع يجاهد في سبيل الله بنقول ربنا اختاره عشان يبقى من المجاهدين في سبيل الله. لكن في النهاية هو الانسان اللي خد الخطوة كذلك برضه اللي يرفض يقرأ اللوحات الاسترشادية اللي في الشوارع ويقول مش اتبعها هو اللي عمل في نفسه كده - 00:04:21ضَ

كذلك اللي يرفض القرآن والسنة وما يروحش يصلي او ما يروحش ما يخرجش في الجهاد نقول ايه؟ ربنا لم يكتب له انه يبقى مع المصلين. ربنا لم يكتب له ان - 00:04:37ضَ

فمع المجاهدين. بس في النهاية الانسان هو اللي بياخد الخطوة الصح او الخطوة الغلط هو الانسان اللي يلام على ذلك ولكن كره الله انبعاثهم فثبطهم. وقيل اقعدوا مع القاعدين لكن يعني اخيرا طيب تدبرنا بقى امبارح كمان قول الله تعالى - 00:04:47ضَ

عفا الله عنك لما اذنت له حتى يتبين لك الذين صدقوا وتعلم الكاذبين الله يعفو عنك. ليه بس اديتهم الاذن انهم ما يخرجوش ده هي دي كانت فرصتك انك تعرف كل واحد على حقيقته - 00:05:08ضَ

وقلنا ان تسعة وتلاتين منافق منهم عبدالله بن ابي بن سلول استأذنوا النبي في القعود في المدينة وعدم الخروج للجهاد في تبوك فلو كان النبي عليه الصلاة والسلام قال لهم لا اجد لكم عذرا ولم يأذن لهم بالقعود - 00:05:27ضَ

اللي كان هيقعد منهم كان خلاص هينكشف نفاقه فلانه ايه ؟ اه طب انت ازاي رايح تستأزن النبي عليه الصلاة والسلام؟ وانت سواء النبي عليه الصلاة والسلام سمح لك او ما سمحلكش كده كده هتقعد يبقى انت منافق بقى - 00:05:43ضَ

لكن بعض الناس ممكن تظن من الاية دي ان دي غلطة كبيرة جدا للنبي عليه الصلاة والسلام بصوا يا جماعة الانبياء اخطائهم في دائرة الاولويات. يعني ايه يعني ممكن يختار شيء - 00:05:57ضَ

اقل في الاولوية من شيء اخر لكنه صح برضه الانبياء لا يخطئون في الدين. لا يخطئون في تبليغ الدين. ما فيش حاجة حلال يقولوا عليها حرام. ما فيش حاجة حرام يقولوا عليها حلال بالغلط - 00:06:17ضَ

تمام؟ اه لكن كون النبي عليه الصلاة والسلام لا يريدهم انهم يخرجوا معه ده مش غلط. ده اختيار من الاختيارات. ليه بقى ده اصلا دول ياما عملوا فتن قبل كده - 00:06:29ضَ

وهنا بقى الايات اللي جاية دي سبعة واربعين تمانية واربعين هتورينا ان ربنا رغم ان ربنا عاتب النبي في الاية تلاتة واربعين قال له عفا الله عنك لما اذنت لهم في سبعة واربعين والتمانية واربعين ربنا بيشرح لنا - 00:06:47ضَ

ليه النبي من جواه كان يميل ان هو ما يطلعوش معه النبي يعلم انهم ومش بس يعلم. ده احنا عندنا تجربة سيئة جدا معهم كزا مرة لو خرجوا فيكم ما زادوكم الا خبالا ولاوضعوا خلالكم يبغونكم الفتنة وفيكم سماعون - 00:07:02ضَ

لهم والله عليم بالظالمين لقد ابتغوا الفتنة من قبل وقلبوا لك الامور حتى جاء الحق وظهر امر الله وهم كارهون يعني ايه بقى يعني دول ياما عملوا فتن قبل كده. خرجوا معكم قبل كده - 00:07:25ضَ

احد خرج الف شخص مع النبي عليه الصلاة والسلام ثم انسحب عبدالله بن ابي بن سلول واقنع تلتميت واحد يتركوا النبي وينسحبوا ويرجعوا على المدينة ما باقولش التلتمية كلهم منافقين لكن فيه ناس بتسمع وفيكم سماعون لهم - 00:07:48ضَ

قدر يقنع تلتميت راجل من اللي خارجين مع النبي يقاتلوا انهم يرجعوا. ويتركوه في احد لو خرجوا فيكم ما زادوكم الا خبالا. ولاوضعوا خلالكم يبغونكم الفتنة. وفيكم اماعون لهم والله عليم بالظالمين - 00:08:08ضَ

واحنا هننسى في غزوة بني المصطلق اسمها غزوة المريسيع لما عبدالله بن ابي بن سلول شعل الخلاف حصل بين المهاجرين والانصار حتى كادوا يقتتلوا انتم عارفين يعني ايه المهاجمين والانصار كانوا كانوا هيقتتلوا. النبي عليه الصلاة والسلام لما سمع - 00:08:29ضَ

الدوشة بتاعتهم وان هيحصل حاجة بينهم خرج حافيا. خرج من غير ما ينتعل السنة انه يلبس نعل. خرج بيجري وقال آآ آآ يا ربي اه ادعو الجاهلية وانا بين اظهركم؟ دعوها فانها منتنة. مين اللي كان وراء الكلام ده؟ كان - 00:08:48ضَ

منافقين اول ما حصل خلاف راح جاري عبدالله ابن ابي ابن سلول على بعض الانصار يعني اهل المدينة وقال لهم اوقد فعلوها قد نافرونا وكاثرونا في بلادنا على رأي المسل سمن كلبك يأكلك - 00:09:13ضَ

يعني اقعد اكل في كلبك لغاية ما ياكلك هو اما والله لان رجعنا الى المدينة ليخرجن الاعز منها الاذل يعني احنا يعني هم كده زودوها اوي. احنا يعني قل لهم بقى هذا ما فعلتم بانفسكم. ده اللي انتم عملتوه في نفسكم - 00:09:32ضَ

احللتوهم بلادكم استقبلتوهم في بلادكم. وقاسمتوهم اموالكم. كان الانصار بيقسموا الرغيف. بيقسموا فلوسهم. بيقسموا بيوتهم بينهم وبين المهاجرين دلوقتي بيقولوا انتم اللي عملتوا كده اما والله لو امسكتم عنهم ما بايديكم لتحولوا الى غير ذلكم. من هنا ورايح - 00:09:54ضَ

امسكوا وما تديهمش حاجة خالص. واطردوهم بقى برة من بيوتكم وهم هيروحوا وايه ويغوروا في اي حتة. هو ده هو ده كان الكلام. تخيلوا واحد جندي مع الجيش طالع بيفرق بين الناس بالشكل بالشكل ده - 00:10:16ضَ

طبعا الكلام ده كان بيقوله العدد قليل كده عشان يبدأ ينتقي منهم ناس ويحضرهم للانقلاب فهذا الكلام مش بيبقى على الملأ قدام الناس كلها مش قدام الانصار كلهم فواحد راح وشى به وقال للنبي عليه الصلاة والسلام - 00:10:31ضَ

مين ده ؟ واحد من المهاجرين لأ من شباب الانصار لكنه شاب صالح تقي اسمه زيد ابن ارقم ومن نفس القبيلة بتاعة عبدالله ابن ابي ابن سلول من الخزرج سمع - 00:10:50ضَ

عبدالله بن باز بيقول الكلام ده وهو جوة الخيمة بتاعته. وبيكلم الناس بالكلام ده فراح رايح للنبي عليه الصلاة والسلام وقال له كل حاجة سمعها قال له عبدالله بن ابي بن سلول بيقلب الناس وعايز يعمل فتنة وعايز يعمل انقلاب - 00:11:04ضَ

سيدنا عمر ابن الخطاب كان قاعد قال له يا رسول الله آآ اقترح قتله وقال قل لحد معين بقى معروف من الانصار انه يقتله هو. عشان سيدنا عمر ما اقترحش ان هو اللي يقتله - 00:11:22ضَ

مش عايز الفتنة مش عايز تحصل فتنة. فقال له اقترح على فلان انه يقتله. فقال لا يا عمر حتى لا تقول الناس ان محمدا يقتل اصحابه النبي رفض وقال له لأ عشان الناس ما تقولش. محمد بيقتل اصحابه - 00:11:37ضَ

وارسل النبي لؤلؤ قال له بلغني انك قعدت مع ناس من الانصار وقلت كزا وكزا. فاقسم بالله انه لم يقل هزا الكلام طب وبعدين النبي المفروض بقى ايه يصدق مين - 00:11:56ضَ

خلي بالك هو بقت كلمته قصاد كلمة زايد ابن الارقم خلاص كلمة قصاد كلمة. زايد ابن ارقم ما شافش مين تاني كان جوة الخيمة والى كان قال اسماء وكان ممكن تستدعى ويشهدوا - 00:12:13ضَ

لأ ما كنش يعرف في الشريعة الاسلامية البينة على من ادعى. واليمين على من انكر من المدعي زيد عندك بينة عندك تسجيل؟ عندك شهود؟ لا ما عندوش. خلص الموضوع اليمين على من انكر. انت بتنكر يا عبد الله يا ابن يا ابن ابي يا ابن سلول اه - 00:12:23ضَ

اقسم يمين اقسم يمين انه ما قلش كده. كزب يمين غبوس خلاص ما فيش تسجيلات ما فيش بتاع القضية تحفز خلاص ثم تنزل اية من فوق سبع سماوات تشهد مع زيد - 00:12:48ضَ

في سورة المنافقون يقولون لئن رجعنا الى المدينة ليخرجن الاعز منها الاذل. ولله العزة ولرسوله المؤمنين ولكن المنافقين لا يعلمون فكان كل ما النبي عليه الصلاة والسلام يقابل زيد بن ارقب يقول له ايه؟ اهلا بمن ابر الله باذنه - 00:13:05ضَ

اهلا باللي ربنا ابر باذنه ما خلاش اذنه ودانه آآ آآ يبقى شكلها انها كذبت ربنا صدق كلامه هنا بقى ابنه ابن ابن المنافق ابن رأس النفاق عبدالله ابن ابي ابن سلول ابن - 00:13:33ضَ

احد كبار السحرة احد عظام الصحابة شاب صالح تقي اسمه عبدالله بن عبدالله بن ابي بن سلول. وعلى فكرة عبدالله بن ابي بن سلول كان له آآ ابن وبنت من الصحابة يعني آآ بنته الجميلة من الصحابيات اللي معروفين كان لها قصة كده يعني ما نقولها ان شاء الله مرة - 00:13:52ضَ

ابنه هي اسمها جميلة ابنه عبد الله بن عبدالله بن ابي بن سلول شعر ان كده ابوه يعني انكشف نفاقه وانه ممكن يحكم عليه بالاعدام ويقتل فراح للنبي عليه الصلاة والسلام - 00:14:12ضَ

قال له ازا كان ابويا سيقتل ارجو انك آآ تخليني انا اللي اقتله لا اريد ان ارى قاتل والدي يمشي امام عيني عشان ما يحصلش انه فيه ناس تقول لك ايه عشان ما يقتلوش لا مش هيقتلوا بس - 00:14:30ضَ

هيشعر في صدره بشيء ضده واقل شيء يعني المفروض المسلم يكون سليم الصدر من ناحية اخوه المسلم لمجرد اني مش عايز صدره يضيق ناحية مسلم تاني. لان هو اللي نفز حكم الاعدام في ابوه. قال له لو هتحكم بالاعدام على ابويا سبني انا اللي اقتله - 00:14:49ضَ

وقال النبي صلى الله عليه وسلم لا بل نحسن صحبته ما دام فينا انتم عارفين عمل ايه عبدالله بن ابي سلول؟ وهما داخلين المدينة وقف وحط ايده وقال له ما انتاش داخل. لغاية ما النبي صلى الله عليه وسلم يأذن انك تدخل حتى تعلم من - 00:15:10ضَ

العزيز ومن الذليل عادية ما كده مع ابوه ابوه مين ؟ ابوه منافق هو بيختار بين ربنا وبين الله وبين علاقة الابوة في الحق ما فيش هزار في الاسلام. الحق احق ان يحق. طيب - 00:15:31ضَ

سؤال بقى عشان نفهم برضو النبي عليه الصلاة والسلام بيفكر ازاي احنا لازم نتدبر في اجتهادات النبي صلى الله عليه وسلم كيف كان يفكر؟ كيف كان يختار ليه النبي عليه الصلاة والسلام ما نفزش حكم الاعدام فيه؟ وهو خائن وبيثير الفتنة يعني دمه حلال. دمه حلال اكيد يعني. ونزلت الاية بتسبت - 00:15:51ضَ

ان هو منافق. الله! ولكن المنافقين لا يعلمون. في اكتر من خلاص واضح انه منافق بصوا طريقة تفكير النبي قال ايه عشان بس نفهم ان مش كل حكم جائز اننا نطبقه يبقى من الحكمة انه يطبق - 00:16:15ضَ

ممكن يكون واحد حكمه انه يقتل يعني يجوز قتله بس الحكمة تقول انه لا يقتل افضل النبي قال ايه لسيدنا عمر؟ سيبكم من اللي قاله لابنه نحسن صحبته ما دام فينا آآ ده ابنه. لكن مع سيدنا عمر - 00:16:31ضَ

الكلام هنا كان بالمنطق الولاية عمر حتى لا تقول الناس ان محمدا يقتل اصحابه هو من الصحابة ما هو مش من الصحابة ومنافق يعني كافر كافر يضمر الكفر ويظهر الايمان - 00:16:48ضَ

مش من الصحابة بس قال له ايه؟ حتى لا تقول الناس ان محمدا يقتل اصحابه. يعني هو شكله قدام الناس ايه من ام الصحابة يا جماعة مسألة انه كان في منافقين والمنافقين اسمهم كزا ومنهم كزا والجد ابن خيش ده كان احنا عارفينه عشان احنا بندرس قرآن وسنة وسيرة دلوقتي. لكن وقتها ما كانش - 00:17:08ضَ

فيه حاجة اسمها كده وقتها. كان كل دول اصحاب النبي عليه الصلاة والسلام فلو سيدنا محمد عليه الصلاة والسلام حكم على واحد منهم بالاعدام سمعة الاسلام هتدار ضرر كبير جدا. في الوقت اللي الناس عمالة تسلم من القبيلة دي. وكل يوم بييجي واحد للمدينة بيعلن - 00:17:32ضَ

من القبائل المختلفة اللي حوالين المدينة وفي الجزيرة العربية فالتخلص من هذا المنافق مصلحة ولكن سمعة الاسلام هتضر فيبقى في مفسدة اكبر هيدي فرصة لناس في القبائل دي تقول ايه؟ خلوا بالكم يا شباب. الشباب اللي بيشاوروا عقلهم يروحوا يدخلوا الاسلام. خلوا بالكم بقى عشان ده - 00:17:52ضَ

محمد ده زعيم جماعة ارهابية واللي بيدخل في الجماعة بتاعته لو ما مشيش على العجين ما يلخبطوش بيقتله. ما سمعتوش عمل ايه فعبد الله بن ابي بن فهيدي فرصة للاعلام - 00:18:16ضَ

المنافق الاعلام المعادي للاسلام انه يعمل بها انه يكبر الموضوع ويعمل منه آآ آآ بروباجاندا ضد الاسلام واحنا المفروض لا نعطي اسلحة لاعدائنا يحاربونا بها اعلاميا يبقى لما واحد يكتب كتاب مسيء للاسلام او يرسم صورة مسيئة للنبي عليه الصلاة والسلام وتطلع فتاوى بقتل واحد يروح يقتله - 00:18:30ضَ

او يحاول يقتله هذا يوقع ضرر بالاسلام اكبر بكتير جدا من منفعة التخلص من شخص زي ده ده لما يموت بيعملوه شهيد. في يوفاندوخ اتعمل شهيد وبيسموا على اسمه شوارع وميادين - 00:18:55ضَ

وهم اصلا نكرات ما حدش كان بيقرا لهم ولا حد كان بيشوف رسوماتهم اللي كان بيقرا له خمسميت واحد هيقرا له خمسة مليون وخمسين مليون بعد ما كان نكرة اتعمل عليه افلام. يبقى احنا في النهاية الخسرانين ده اللي بنقوله. احيانا الانسان يبقى من من من الزكاة - 00:19:13ضَ

والفطنة انه يتغافل ويسيب بعض حاجات تعدي هي المسألة مسألة مسألة تفكير مسألة استراتيجية يعني طيب نرجع للاية سبعة واربعين يلا لو خرجوا فيكم ما زادوكم الا خبالا يعني لو كانوا خرجوا فيكم ما كانوش هيزودوكم قوة. بالعكس كانوا هيزودوكم اضطراب. خبالة من الخبل المخبوء - 00:19:36ضَ

قول يعني انسان مضطرب ما زادكم الا خبالا يعني كانوا هيزودوكم اضطراب وربنا بيقول لنا انهم لو كانوا خرجوا مع الجيش كانوا هيعملوا مناخ من الاضطراب تسعة وتلاتين اللي ما خرجوش في تبوك دول - 00:20:02ضَ

وهو تعبير لو خرجوا فيكم لأ الطبيعي كنا نسمع لو خرجوا معكم ما زادوكم بس ربنا ما قلش معكم قال لو خرجوا فيكم ان تعبير المعية هم زي مسلا ايه؟ اذ يقول لصاحبه لا تحزن ان الله معنا - 00:20:19ضَ

كلمة معكم بتوحي بانهم معكم في التوجه وفي الهدف وبيقووكم. لكن المنافقين ربنا ما قالش لو خرجوا معكم ابدا لو خرجوا فيكم زي السوس اللي بينخر في الخشب زي المرض اللي بياكل في جسم المريض - 00:20:41ضَ

بيقضي على صحته. فالمنافقين عبارة عن سرطان في جسد الامة. لو خرجوا فيكم مش معكم. ما زادوكم الا خبالا ولاوضعوا خلالكم يبغونكم الفتنة اوضعوا او ضع يعني مش بسرعة اوضعت بعيري يعني سيرت بعيري سيرا سريعا - 00:21:00ضَ

ولاوضعوا خلالكم يبغونكم الفتنة. يعني لو خرجوا فيكم كمان كانوا هيسعوا سعيا حثيثا كانوا هيحاولوا بسرعة انهم يعملوا فتنة جواكم. يبغونكم الفتنة خلالكم الخلال يتخللوكم يخترقوكم يعني ولاوضعوا خلالكم كانوا هيخترقوكم ويعملوا فتنة بسرعة جواكم - 00:21:25ضَ

لا برضه الكلام ده يعني كان ممكن نتفادى ليه ما يطلعوا ويتكلموا. ما حدش اصلا هيسمع لكلامهم. يا ريت. ربنا بيقول ايه؟ وفيكم سماعون لهم. ما هي دي المشكلة احيانا بتسمعوهم - 00:21:54ضَ

احيانا المسلمين بيدوا ودانهم للناس واحنا هننسى برضو عند العودة في غزوة بني المصطلق. ابن سلول اطلق شائعات قزرة عن السيدة عائشة وشرحنا الفتنة اللي عملها في سورة النور اللي هي اسمها آآ آآ حديث الافك - 00:22:18ضَ

وبعض المسلمين سمع ووقع في الافك وجلد مسطح ابن ابي مصطح حسان ابن ثابت شاعر النبي جولد سمعوا وفيكم سماعون لهم ما دي المشكلة. انكم احيانا بتسمعوا وبتدوا ودانكم بس ايضا من معانيها وفيكم سماعون لهم يعني ايه - 00:22:43ضَ

يعني وفيكم يعني بينكم جواسيس بيسمعوا الاخبار بيبقوا بينقلوها لهم بس انتم مش عارفين مين المجرمين دول. وفيكم سماعون لهم والله عليم بالظالمين. ربنا عارفهم. عارف مين الجواسيس دول اقرا تمانية واربعين - 00:23:04ضَ

لقد ابتغوا الفتنة من قبل وقلبوا لك الامور حتى جاء الحق وظهر امر الله وهم كارهون حاولوا يعملوا فتن قبل كده وقلبوا لك الامور. يعني قلبوا الحقائق ها بقوا يضع يحطوا الكذب مكان الصدق. والصدق مكان الكذب وقلبوا لك الامور. شقلبوا الحقيقة - 00:23:28ضَ

بالخداع يعني بيخادعوا عملوا فتنة في احد ورجعوا بتلت الجيش. في المريسين عملوا فتنة بين المهاجرين والانصار. وبعدها في نفس الغزو عملوا فتنة في حادس الافك الله انا مش اول مرة لقد ابتغوا الفتنة من قبل - 00:23:54ضَ

فيا مسلمين يا اللي شايفين يا يعني اللي شايفين ربنا قال للنبي عليه الصلاة والسلام لقد يعني عفا الله عنك لما اذنت لهم. لو انتم فاهمين ده غلطة كبيرة هي مش غلطة كبيرة خالص خالص - 00:24:11ضَ

النائب خالص ده اوبشن طبيعي جدا النبي كان ممكن يختاره. جدا وده اللي عمله لان تجربتنا معهم سيئة جدا جدا جدا تسعة واربعين تسعة واربعين مش موجود عندي على على الشاشة - 00:24:21ضَ

اقروها انتم بقى ومنهم من يقول ائذن لي ولا تفتنني الا في الفتنة سقطوا. وان جهنم لمحيطة كافرين ومنهم من يقول ائذن لي ولا تفتني كان في واحد اسمه الجد ابن قيس. واحد من المنافقين - 00:24:49ضَ

قال يا رسول الله الناس كلها عارفة قد ايه انا مفتون بالنساء فاذا رأيت نساء بني الاصفر افتتنت بهن. افتتنت بهن فاذن لي في التخلف. ولا تفتني وانا اعينك بمالي - 00:25:20ضَ

يعني انا راجل ضعيف قوي من ناحية الستات وخايف اروح اشوف الشقروات بقى بتوع بني الاصفر بقى الروميات بقى وبتاع وما اعرفش اغض بصري ويمكن اقع في حرام اكبر كمان - 00:25:41ضَ

فاذن لي اقعد في المدينة وادي لكم فلوس تستعينوا بها في الجهاد وغيره راحوا ايضا. قالوا قالوا اعذار واهية وكزبوا وقالوا للنبي ازا يعني لم تأذن لنا في القعود ممكن تقع فتنة يحصل فتنة - 00:25:56ضَ

في بيوتنا الكلام ده كله فربنا بيقول ومنهم من يقول ائذن لي ولا تفتني الا في الفتنة سقطوا بترك الجهاد في سبيل الله سقطوا خلاص في الفتنة قال ايه مش عاوز يجاهد ليه؟ اصله خايف يشوف ستات. يعني الجيش ده كله مش رجالة يعني. ما هم برضه رجالة زيك. الله - 00:26:14ضَ

والواحد ممكن يسوق اعذار وحجج تخليه يتوقف عن العبادة تماما. يعني بنفس المنطق ده ما نصليش بقى ونقول اصل الصلاة كل شوية بتعطل عن العمل والعمل عبادة وده يخلينا نخسر فلوس ورزقنا ويقل فنبقى فقراء فنكفر ونكره الدين يبقى بلاش نصلي بقى الله - 00:26:37ضَ

اللي عمله ده اسمه ترك المصلحة خشية مفسدة متوهمة يعني ايه؟ يعني نقعد نتوهم ونتوقع مفاسد قد تحدث وقد لا تحدث فعشان كده نترك مصلحة مؤكدة يعني هو ترك فريضة. ترك الجهاد في سبيل الله. ليه؟ خايف ما يعرفش يغض بصره. كان ممكن يغض بصره. ممكن ما يغضش بصره. فانت عشان مفسدة - 00:26:58ضَ

تتوهمها ممكن تحصل وممكن ما تحصلش انت بتترك مصلحة مؤكدة شوف بقى من الناحية من الناحية من ناحية انا بشرحها لكم من ناحية فقه الاولويات خلاص بقى يبقى بالمنطق ده كل واحد يقعد في بيته بقى ولا حد ينزل يصلي في المسجد ولا حد يروح يجاهد ولا حد يطلع يتاجر والحياة تقف عشان مش خايفين ما نغضش بصرنا - 00:27:26ضَ

الله ومش عاوزين يقعوا في الفتنة امال انتم حصل ايه؟ ده انتم وقعتم خلاص في الفتنة. وانتم لسة هتقعوا! ومنهم من يقول ائذن لي ولا تفتني! الا في الفتنة سقطوا. وان جهنم لمحيطة - 00:27:54ضَ

كافرين دول سقطوا بالفعل في الفتنة وهم في جهنم اصلا خلاص. وان جهنم لمحيطة دلوقتي بالكافرين هي محيطة بهم السؤال هو هم بيعملوا كده ليه بيعملوا كده ليه ؟ ده اللي هنشوفه بكرة بازن الله - 00:28:08ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من - 00:28:26ضَ

واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك كالصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك - 00:28:46ضَ

بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم في قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:29:15ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحقكم كل حرف في كتابك تلوناه او تدبرناه ايد بنصرك المجاهدين في فلسطين. اللهم سدد رميهم وخيب رمي عدوهم - 00:29:41ضَ

وتقبل شهدائهم وكن مع اخواننا في تركستان الشرقية وفي الشام وفي كشميرا وفي الهند. وانصر من نصرهم واخذل من خذلهم. وطهر المسجد الاقصى ومن الدنس فانهم لا يعجزونك. واكتب لنا يا ربنا ختم القرآن فيه - 00:30:01ضَ

اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك - 00:30:18ضَ

الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله - 00:30:38ضَ

نراكم غدا بازن الله في نفس هذا الموعد ان كنا من اهل - 00:30:58ضَ