السلام عليكم ورحمة الله وبركاته. السلام عليكم قل اندعو من دون الله ما لا ينفعنا ولا يضرنا. ونرد على اعقابنا بعد اذ هدانا الله. كالذي الشياطين في الارض حيران له اصحاب يدعونه الى الهدى ائتنا. قل ان هدى الله هو الهدى - 00:00:01

قل ان هدى الله هو الهدى. وامرنا لنسلم لرب العالمين. وان اقيموا الصلاة واتقوه وهو الذي اليه تحشرون. قل اندعو من دون الله ما لا ينفعنا ولا يضرنا. حكاية اية. تعالوا نعيش مع هذه الاية من كتاب الله من سورة الانعام - 00:00:31

طيب قل اندعو من دون الله ما لا ينفعنا ولا يضرنا هو ده عبارة عن ايه؟ المشركين شغالين في الدعوة يا جماعة. اهل الكفر شغالين في بيشتغلوا على دعوة مين ؟ بيشتغلوا على دعوة ابو بكر وعمر. بيحاولوا ان هم يرجعوا ابو بكر وعمر وعثمان وعلي. والاصحاب النبي صلى الله عليه وسلم - 00:00:51

الى الشرك. فربنا بيأمر النبي عليه الصلاة والسلام وبيأمر الصحابة انهم يردوا على دعاة الشرك. تخيل انت كده يعني اتقلبت وبقى آآ دعاة التنصير هم اللي بيدعوا المسلمين. بقى دعاة الالحاد هم اللي بيدعوا المسلمين. ده دعاة الشرك والوثنية - 00:01:11

هم اللي بيدعوا المسلمين. بقى دعاة العلمانية وترك ما انزل الله وترك شريعة الله. هم اللي بيدعوا المسلمين. يعني انت متخيل اهل البطل عندهم جرأة قد ايه وعندهم قوة في الباطل بتاعتهم قد ايه. وانت لازم ترد على هذه الدعوة. فهم بيدعوا الصحابة انه الناس دي ما بتيأسش - 00:01:31

والشيطان مش هييأس منك. وقال الباطل مش هييأسوا منك. ومش هيسيبوك في يوم من الأيام. واذا كان هذه هي قوة اهل الباطل في نصرة الباطل. فاين قوة اهل الحق في نصرة الحق؟ قل يعني قل لدعاة الشرك. قل للي جايين يكلموكم ان انتم تسيبوا الهدى - 00:01:51

وتسيبوا الدين. قل اندعو من دون الله. عشان كده في اخر الاية له اصحاب يدعونه الى الهدى ائتنا. هم شغالين على دعوة المتدينين ان هم يضيعوا. وانتم سايبين الضياعين ان هم يهتدوا. انتم سايبين اهل الفساد - 00:02:11

والناس اللي كانت كويسة في يوم من الايام ان انتم تاخدوا بايدهم وترجعوهم للتدين تاني والناس دي شغالة على المتدينين انها تضيعها قل اندعو من دون الله ما لا ينفعنا ولا يضرنا صفر. لا قيمة. انتم انتم عايشين في وهم. انتم مضيعين عمركم في - 00:02:31

قاضي قل اندعو من دون الله وكل ما دون الله دون. من دون الله. احنا ايه اللي هيخليني انزل؟ ايه اللي هيخليك انا دلوقتي بدعو الله العلي الاعلى العلي الكبير سبحانه وتعالى الكبير المتعال. انا ايه اللي هيخليني انزل للدون؟ انا ايه اللي هيخليني اضيع نفسي - 00:02:51

على باب ما من لا ينفع ولا يضر. قل اندعو من دون الله ما لا ينفعنا كما قال الله عز وجل. ومن يشرك بالله فكأنما خر من السماء انا فوق في السما وانا بدعي ربنا انا وانا رافع ايدي لربنا وانا بتوسل الى الله وانا بتضرع الى - 00:03:11

وانا بافزع الى الله وانا بتلهف على باب الله. انا فوق في السما. انا لو والعياذ بالله والعياذ بالله لو الواحد توجه الى غير الله فكأنما كأنما ده تصوير مشهد خر من السماء. خر ده يعني واحد خلاص فقد السيطرة على نفسه. يقول لك غرم - 00:03:31

بطولة. يعني الانسان اللي بيخر من طوله ده اللي فقد السيطرة على نفسه. فكأنما خر من السماء فتخطفه الطير. الف طير يقطعوه الف حتة خلاص الشهوات بتتخطفه. والاهواء بتتخطفه او تهوي به ريحه في مكان سحيق هيتسحق. هيضيع - 00:03:51

اهوي تهوي به الريح بيروح للهاوية. نفس الكلمة اللي في هزه الاية اللي احنا بنتكلم فيها كالذي استهوته الشياطين. استهوته القته في ضيعته. الاية بتتكلم عن انسان ضايع. انسان ضاع خلاص. انسان يعني في قمة الضياع واحد ماشي مع ناس كما قال بعض - 00:04:11

مفسرين وايه وبعض الناس قعدت تستدرجه لحد ما ساب الرفقة بتاعته ولحد ما راح في صحراء مقفرة ووسط جبال وضاع وما عدش عارف هو فين. وخلاص ده البني ادم ده ضايع ضايع. وفيه ناس لسه بعد ما ضاع الضياع ده متمسكة انها تنقزه - 00:04:31

ومتمسكة انها ترجعه. لو اصحاب يدعون يدعون مضارع مستمر. اوعى تيأس من دعوة الناس. اوعى تتوقف عن دعوة حد. اوعى قل ده ما فيش فيه فايدة بعد ما راح في الهاوية وبعد ما راح في الضياع وبعد ما تاه وبعد ما الشياطين استدرجته وزي ما واحد - 00:04:51

تستدرج واحد لحد ما يوديه في صحراء مهلكة وبعد كده يسيبه. خلاص هو يموت لوحده. هو انا الشيطان ما بيقتلكش بايديه. الشيطان بيسيبك تقتل نفسك بايديك. لو قتلك بايديه هتبقى انت شهيد. واهل الباطل عمرهم ما هيدوا فرصة لاهل الحق ان هم يبقوا شهداء. انما لو - 00:05:11

انت قتلت نفسك بايديك. انت منتحر. انت ما لكش قيمة. فالشيطان واهل الباطل عمرهم ما بيقتلوا الداعية بايديهم. عمرهم ما بيقتلوا الملتزمين بايديهم. هم بيسيبوك انت اللي تضيع نفسك. هم بيسيبوك انت اللي هم بيستهوك هم بيقعدوا يستدرجوك لحد الهاوية. هم - 00:05:31

فبيقعدوا يستدرجوك لحد ما تسيب صحبتك وتسيب صحبة الدين وصحبة الايمان وتسيب الناس اللي انت ماشي معها وتسيب رفقتك على الطريق الى الله يستدرجوك لهاوية والضياع والخراب والجبال والصحراء وبعد كده يسيبوك. ضيع انت نفسك بقى. بالتأكيد انت هتعمل مصيبة في نفسك - 00:05:51

بالتأكيد انت هتشوف كارسة وتعملها في نفسك ويبقى ده المشهد البشع بتاعك في نهاية واحد راح في الهاوية وضاع ومع ذلك اهل الهدى ما سابهوش له اصحاب. اصحاب واحد ضايع واحد بايز واحد تمرد على صحبة الدين. وترك - 00:06:11

بيئة الايمان واعتزل اهل الصلاح وصاحب الشياطين. شياطين الانس وشياطين الجن وبدأ يمشي في سكة توهان ووقع في الكبائر والزنا والشرك والموبقات ولسه صاحب المتدين مصاحبه له اصحاب. الناس مش مش هتيجي - 00:06:31

من كلمتين ترميهم لهم. الناس مش هتيجي من كلمتين تنزل لشاب على قهوة ترميهم له. وتقوم سايبه وماشي. الناس هتيجي لما تصاحبها. الناس هتيجي لما تصبر على الجهل اللي هم فيه. وتصبر على فاكرين الاية بتاعة امبارح في حكاية اية امبارح فاكرين قول الله سبحانه وتعالى واذا جاءك الذين - 00:06:51

باياتنا فقل سلام الناس بقى اللي من الصحابة اللي عصت ربنا وجهلت على بعض وغضبت على بعض وحصل مشكلة وواحد عمل مشكلة في بيئة الايمان وفي بيت الدين. ورجع تاني تايب وربنا بيكلمه. مش انت جيت واذا جاءك الذين يؤمنون - 00:07:11

هو انسان متدين ومؤمن ولكن ما قدرش على نفسه في موقف صعب عمل مشكلة بينه وبين حد من اخوانه. تخيلوا ده كان بيحصل في بداية الدعوة في الفترة اللي انزل فيها سورة الانعام. فربنا بيقول للنبي فقل سلام عليكم اوعى تسيبه يدخل مكسور الخاطر. قم واستقبله وسلم عليه وقل له ان ربنا - 00:07:31

سبحانه وتعالى بيحييه. فقل سلام عليكم كتب ربكم على نفسه. الرحمة انه من عمل منكم سوءا بجهالة ثم تاب من بعده واصلح فانه غفور رحيم. يبقى احنا بنصبر على جهالات اللي فيه تدين وفيه ايمان ولكن غلط - 00:07:51

في حق اخوانه غلط بنصبر وكذلك بنصبر على جهالات غير المتدين اصلا. اللي هي الاية دي بقى. له اصحاب لو اصحاب دي كلمة عجيبة جدا هو انا هصاحب غير المتدينين يا رب! انت مش هتصاحبه يعني هتتفسح معه. مش هتصاحبه يعني ايه؟ هتقعد معه القهوة. مش انت هتصاحبه - 00:08:11

مصاحبة من يريد انه يعمل جسر علاقة اجتماعية بينه وبين اللي قدامه. عشان لما يتكلم في الدين التاني يسمعه. عشان لما يتكلم في الدين لان هو مش هيفضل على طول راسخ في الباطل وسابت على الباطل. هتيجي لحزة ضعف. هييجي في رمضان ينكسف من نفسه ويقول للناس كلها بتعبد ربنا - 00:08:31

انا ما بعبدش ليه ؟ واحد قريبه هيموت. هيقول طب انا هافوق امتى ؟ ما انا كده هافضل تايه لحد ما اموت. هيجي له تعب نفسي من كتر المعاصي اللي هو بيعملها وهيبقى نفسه انه يرجع في اللحزة دي هيلاقيك قدامه بتقول له تعال انا ايدي ممدودة لك. تعال حط ايدك في ايدي وتعال نرجع - 00:08:51

على ربنا ونتوب لربنا له اصحاب انت مصاحبه صحبة الدعوة الى الله يدعونا مضارع مستمر ما بييأسوش ابدا ولا توقفوا ابدا هيتغير هيتغير. الناس هتتغير لو بقى اهل التدين بيطبقوا الكلام ده. يدعون الى الهدى ائتنا. ما هو برضه هو صح - 00:09:11

وواقف معه ومستمر في دعوته. ولكن في النهاية الكلام العملي الى الهدى ائتنا. انا مش هجيب لك آآ اسانسير واطلعك به تاني. بعد ما نفسك في الهوية. انا مش هشيلك على كتافي وارجعك. انت اللي لازم ترجع على رجليك. قبل ما ربنا يجيبك على وشك. انت اللي لازم تبقى - 00:09:31

عندك رغبة في العودة الى الله الى الهدى ائتنا. الى الهدى ائتنا. يعني يعني مش مش انا هاجي اشيلك وارجعك انت اللي هتيجي انت اللي هتاخد القرار. ما حدش هياخد القرار غيرك. زي المدرب اللي واقف برة الملعب وقاعد يبين للاعيب يجيب جون ازاي - 00:09:51

هو المدرب مش هينزل الملعب ويجيب الجون. اللعيب هو اللي هيجيب الجون. انت اللي لازم تجيب الجون. انت الداعي الى الله هو عامل زي الكوتش. عامل زي هو بيوجهك الصح فين ولكن ما حدش هيجيب الجون غيرك. ما حدش هيخرج نفسه من الازمة اللي هو فيها غيرك. ما تستناش حد يخرجك من اللي انت فيه. ما تستنا - 00:10:11

مفيش حد يشيلك ويقهرك على النجاح والسعادة والتدين غصب عنك انت اللي لازم تتحرك وانت اللي لازم تاخد الخطوة الاولى الى خد ائتنا من تقرب الي شبرا تقربت منه ذراعا. بس الاول انت تقرب الخطوة الاولى عليك. ربنا هيقرب لما انت تقرب. الدنيا هتتغير - 00:10:31

لما انت تتغير اياك نعبد واياك نستعين. انت لازم تعبد عشان ربنا يعينك. اياك نعبد قبل اياك نستعين. لازم الخطوة الاولى تبقى من وفي نفس الوقت الى الهدى ائتنا. مش الى الهدى فازهب. مش الى الى الهدى الى الهدى ائتنا. ائتنا. يعني احنا - 00:10:51

يعني احنا ناس متدينة يعني احنا موجودين في بيئة ايمان يعني احنا بنقيم اعمال الدين يعني احنا عندنا صلاة وقيام ليل وصلاة فجر وجلسة ضحى ودعوة الى الله. ودورات ايمانية وليالي ايمانية احنا احنا عندنا واقع دين. انا مش بدعوك - 00:11:11

لوهم مش الى الهدى فازهب. يعني اروح فين؟ والله رح دور بقى. يعني انت نازل لي على القهوة تقول لي التزم. يعني التزم آآ مين يساعدني؟ والله ويروح دور بقى على دينك. انا جاي اقول لك بس التزم. ائتنا. يعني احنا ناس مطبقين الدين. ومستنيين - 00:11:31

غير المتدين انه يفوق يقوم ييجي ييجي لنا. انما يعني الانبياء لما كانوا بيكلموا اقوام يقولوا لهم فاتقوا الله وايه واطيعوه مش اتقوا الله بس. لما تنزل لشاب كده اتق الله. انت بتعمل حاجات حرام طب انا عايز اتغير. آآ اعمل ايه؟ المدمن لما بيجي يتغير بيروح - 00:11:51

مستشفى علاج ادمان والا ما بيغيرش يعني ما فيش مدمن لو ما رضاش يدخل مركز من مراكز علاج الادمان ومركز من مراكز الهاف واي مسلا ما فيش مدمن هيعرف يتغير لوحده. انا لازم تجيب لي بيئة علاج عشان اقدر اتعالج. فكذلك اداني ده مدمن للمعاصي. انا عايز بيئة علاج عشان اتعالج. المسجد - 00:12:11

احنا في ده اهو ده بقية علاج. اي مسجد بيمسل بقية ايمان اداه بيت علاج. ما فيش حاجة اسمها ان المتدين ينزل يكب كلمتين ويروح ينام في بيته. انت بتنزل - 00:12:31

انت بتبني بيت امام وبعد كده بتنزل تقتل الناس في الشوارع والقهاوي والنوادي والجامعات والنواصي وبيوت البغاء كل مكان تقول لهم الى الهدى ايه؟ ائتنا ائتنا احنا موجودين وواقع. انا مش بقول لك رح دور لك على درس تسمعه على النت وخلاص - 00:12:41

انا بقول لك انا موجود تعال اقف جنبي. انا هبقى واقف جنبك. فاتقوا الله بس كده واطيعون. انا عندي طريق وخط سير. تعال امشي معي فيه بقى انما ودعوة الناس الى وهم. عشان كده ربنا بيقول لسيدنا ابراهيم واذن في الناس ايه؟ بالحج. احنا طالعين عمرة اهو يا جماعة. تيجوا معنا - 00:13:01

تيجوا تعتمروا معنا؟ احنا رايحين نحج اهو. هتيجي هتلاقيني قاعد مستنيك. واعرفك المناسك دعوة الناس الى واقع عملي شازن في الناس بالوعظ وخلاص. وبعد ما تقول توبوا الى الله. طب اتوب اعمل ايه بقى؟ توب. يعني اعمل ايه؟ ما اعرفش اتوب. اتصرف. طب اروح فين؟ ما اعرفش - 00:13:21

صرف هزه ليست وزيفة اهل الدين هزه تنبلة. دي تنبلة دينية. ان احنا نختزل الدعوة في تكليم الناس في الدين الدعوة شقين لا يتجزئان. الدعوة شقين لا يتجزآن. الدعوة حاجتين كده - 00:13:41

ماسكين في بعض كده. حاجتين كده مكلبشين في بعض كده. الركن الاول من اركان الدعوة هو اقامة بيئة الايمان. زي ما النبي في عمل عمل دار الارقم في المرحلة السرية وبعد كده نزل في المرحلة الجارية يقول لنا تعالوا. الاول عمل دار الارقام. الاول عمل الاول عملت النادي - 00:14:01

وبعد كده نزلت اقول للشباب تعالوا العبوا كورة. انما انا نازل اقول لهم ما تروحوا تلعبوا كورة. ما تلعبوا باسكت. ما تلعبوا يد ما تتدربوا يا عم على البنج بونج كده. يا عم - 00:14:21

بتلعبوا كمال اجسام. تلعبوا العاب كورة. يعني اعمل ايه ؟ ما اعرفش. والله العظيم ما اعرفش الروح بقى تشوف ايه. دور بقى يعني هو المفروض في حاجة اسمها نادي وما فيش حد راضي يبنيها والمفروض يعني ايه بس انت رح دور بقى. رح آآ هات اي تمارين من على اليوتيوب كده في فن تعليم السباحة واتفرج عليها - 00:14:31

انا ما اعرفش يا راجل! الركن الاول هو انشاء النادي الايماني والمجتمع الايماني والبيئة الايمانية والواقع الايماني. الركن في الثاني هو النزول للناس من اجل دعوة الناس الى بيئة الايمان. وازن في الناس من بحفز القرآن. انا عامل تحفيز - 00:14:51

وعزة في الناس بل الجمعية الخيرية. احنا طالعين قافلة. ما تيجوا معنا يا شباب. واذن في الناس بل. الليلة الايمانية. واذن في الناس صلاة الجماعة في وسط صحبة متدينة. وازن في الناس بالدرس الاسبوعي. وازن في الناس انزل قل للناس في واقع - 00:15:11

انما هتنزل تقول للناس آآ رح دور بقى. دور مين يا ابني! انت بتكلم واحد مدمن! هو فيه واحد لو واحد مجنون! ينزل واحد مدمن يقول له باقول لك ايه - 00:15:31

آآ انت لازم تتعالج. يا راجل! ايوة انت بتغرق! واحد جاي لواحد بيغرق في بحر ويقول له انت بتغرق يا ابني! انت بتضيع! يقول له ايوة انا بضيع والله انت هتروح فين؟ انت عارف الوقتي الماية هتملى رئتك. وهتعجز عن اخذ النفس وهتموت موتة بشعة. والتاني قاعد يصرخ طب اعمل ايه - 00:15:41

اديني ايدك. انا ما بمدش. انا باكب الكلام وخلاص. انا يا عم مد لي ايدك طلعني من اللي انت فيه. مش هاطلع لوحدي. مش هاقدر اطلع لوحدي اه بالزبط كده اه انت لازم تتعالج من الادمان طب ساعدني. اه وديني مستشفى علاج ادمان. لأ انا دي مش مسؤوليتي. انا بكب كلام وخلاص - 00:16:01

انت حر بقى ما هو ماشي بس انت مش متخيل ان اللي قدامك ده مدمن مدمن عادة سرية مدمن معاصي سر جواه شبهات مدمن اغاني مدمن من افلام مدمن علاقات محرمة مدمن مال حرام مدمن. عايز يتعالج. فالى الهدى ائتنا كلام خطير. كلام القرآن لو قعدنا - 00:16:21

اتكلم في كل اية من كتاب ربنا والله ما نخلص. يعني ده مش حكاية اية ولا حكاية لفظ ولا حكاية حرف. قل اندعو من دون الله. ما لا ينفعنا ولا يضرنا انتم - 00:16:41

انتم جايين لي انا بعد ما دوقت قيام الليل وبعد ما دقت الطاعة وبعد ما دقت الصحبة الصالحة وبعد ما دقت رفعة الايد وبكاء السجود وحضور مجالس الاسماء الحسنى. والتدبر في الخلق والخلوة في المقابر. بعد ما نمت تقول لي لا - 00:16:51

جايين تقولوا لي سيب الواقع وسيب الحقيقة وسيب الله الحق اللي بحق وحقيقي يقدر وروح لوهم اقف على باب وهم وعيش الوهم تاني تبقى جنين اللي ده هو اللي بيستنكر. اللي بيتزبزب ده اللي ما داقش. ده اللي ما داقش. قل اندعو من دون الله - 00:17:11

ايه ما لا ينفعنا ولا يضرنا ونرد على اعقابنا بعد اذ هدانا الله ونرد على اعقابنا. نرد على اعقابنا يعني ايه العاقب ده ليه رجليك دي كعب رجلك يعني؟ نرد على على هنا المفسرين يقول لك الاستعلاء نرد على اعقابنا - 00:17:31

يعني بالتعبير العامي انا مش هرجع ورا. لي واحد صاحبي كان آآ مفوه اوي يعني من اكتر الشخصيات اللي في تاريخ عمري شفتها مفوهة. عبقري في الاستنباطات القرآنية. حاجة كارثة يعني - 00:17:51

يعني من كوارس الزمن اللي انا عملتها في حياتي. في القدرة على استنباط المعاني من النص القرآني واستجلاء المعاني. حاجة وهم وجاء له يعني شغلانة بحاجة فعلا وهم. يعني ده لو كان اشتغل في الدعوة كان ده كارسة من الكوارس فعلا يعني. الواحد قابل تلات اربع شخصيات بالمنظر ده كده - 00:18:11

فجا له شغلانة بمسلا عشرين تلاتين اربعين الف جنيه. المهم فساب الليلة وراح قعد في الشولة ماشي ما فيش مشكلة. هيبقى عندك وقت وكمل والترتيسة على رزقك الساعة اللي عندك في قضية كمل المهم فقال لك لأ انا مش شغال في شركة من اكبر شركات العالم يعني انا مش عاوز انا مش هسكت - 00:18:31

قام طالع على حاجة اكبر منها في بمرتب بقى اضعاف بس ايه اكبر فبكلمه فبقول له طب يعني يعني طب ايه وازن قال لي كلمة جميلة قوي. قال لي انا مش هرجع ورا. انا مش هرجع لورا تاني. مش هرجع لورا دي يعني ايه؟ يعني انا خدت قرار ان انا مسلا - 00:18:51

اطور نفسي في نقطة من نقاط الدنيا انا مش هرجع لورا تاني مش هرجع للخلف تاني. اهي دي الكلمة دي في الاية دي بقى بس على الدين. ونرد على عقابنا انتم عايزين نرجع ورا - 00:19:11

انتم عايزيني اتخلف للقهقرة مرة اخرى؟ انا مش راجع ورا. انتم ناس متخلفة. انتم ناس متأخرة انا رجوعي للي انتم عليه ده معناه ان انا باعود للخلف مش باطلع لقدام. فاكرين الكليب بتاع آآ مشاري راشد طلع البدر علينا - 00:19:21

اللي كان مصوره كل الناس ايه قاعدة ترجع لورا. كل الناس قاعدة ترجع لورا فكرة طبعا كانت فكرة زكية يعني. كل الناس قاعدة ترجع لورا. يعني عايز يقول لك ان - 00:19:41

ان كل المتدينين لا يزدهم سعيهم في غير على غير هدى من الله الا الرجوع للخلف والا تقاكر للوراء زي قول لله سبحانه وتعالى على فرعون ثم ادبر يسعى. هو جاب مارشيدير وقام اكبر ديق جاب مارشيدير - 00:19:51

السعادة اسمه بنزين. فكل ما بيدوس بنزين ها انا انا انا رايح اسكندرية. فقمت موجه العربية ناحية اسكندرية وجايب مارشيدير وده بنزين انا بقرب من اسكندرية ولا من اسوان؟ انا بقرب اسوان كل ما بدوس بنزين اكتر كل يا عيني ما برجع لورا اكتر. وكل ما ببعد عن هدف اكتر - 00:20:11

يعني يعني سخرية سخرية من اهل الضلال. ونرد على اعقابنا. انا مش هرجع وراء. بعد ازن بعد اذ هدانا الله مش بعد ان هدانا الله. مش بعد بعد ازن يعني المفروض اللي عمره في الدين يوم اذ - 00:20:31

بعد اول خطوة انت المفروض تهت. هو انت دلوقتي لو واحد من الملوك عزمك عنده على الغدا اول ما دخلت كده ايه دي هي الناس دي عايشة في ايه ده! ما انت شايف يا عم السقف شكلها ايه والباركيه والارض والحيطان والموكيت - 00:20:51

والفخامة والستاير والخدم والحشم وبعد كده كل ما تدخل تزهل تتوه مخك يتوه. كل شفتم بقى هو نفسه والعز والمعقبات والحرس الجمهوري ايه ده! وبعد كده قعدك على المائدة ايه يا عم اللي انتم - 00:21:11

بتاكلوه ده يا عم! ايه الكائن العجيب ده! ده اسمه استاكوزا! الكائن اللي انا عمري ما شفته في حياتي ده! ايه ده يا عم! ايه ده! دخلك ربع ساعة. وجه واحد بعد - 00:21:31

كده شحات قاعد في كوخ ولا قاعد في كشك بيقول لك ما تيجي تعيش معي تاني بقى ونقعد مع بعض كده تاني. مجنون يا ابني! ده ربع ساعة هنا سد الدنيا واللي فيها. ربع ساعة مع ربنا المفروض لا المسألة تنسيك الدنيا - 00:21:41

مشكلتنا ان احنا بندخل هنا برجلينا مش بقلبنا. انت لو صليت بقلبك هو السجود ده راس نزلت وطلعت ولا قلبي نزل وطلع كالذي ونرد على اعقابنا بعد اذ هدانا الله. انا دقت خلاص. انا عشت عشان كده اول ما بتدخل في الصلاة تقول الله اكبر تقوم - 00:21:58

رافع ايدك كداهو. ايدك دي ضهر ايدك للدنيا. انا رميتك ورا ضهري. دا من اول لحزة شاهدت فيها جلال الله. رميت الدنيا ورا ضهرك وعرفت ان الله اكبر من كل شيء. وان جلال الله اكبر من كل جلال. وان عطاء الله اكبر من كل عطاء. فورا ده دي البداية. اللي كانت اللي دي - 00:22:21

بدايته بقلبه مش بايديه. يبقى نهايته شكلها ايه بقى ونرد على اعقابنا بعد اذا هدانا الله. كالذي استهوته الشياطين في الارض. استهوت القته في الهاوية. ضيعته. واستهوته برضه يقول لك انا هاوي - 00:22:41

استهوتوا قعدت ترغبه. اه هو ماشي مع صحبة الدين بدأوا بقى ايه؟ يستدرجوه. واحدة واحدة حد وضيعوه الارض بقى حيران حيران على وزن فعلان. زي غضبان ازا امتلأ غضب حيران من جواه يتقطع - 00:22:55

هو مش يعني يعني هو هو ضاع بس لحد دلوقتي واقف مزبزب. لقوا اصحاب يدعونه الى الهدى ائتنا. المفسرين قالوا كل البشر بينطبق عليهم هزه الاية. كل البشر واحد قاعد يحاول يستدرجه للباطل او نفسه بتستدرجه للباطل. وداعي الحق جواه بيناديه على - 00:23:15

الحق وهو واقف حيران ما بين الاتنين. افصل ما تعيش حيران. افصل بدون بيئة الايمان عمرك ما هتستقر. بدون صحبة الطاعة عمرك ما تستقر بدون كسرة العبادة عمرك ما هتلاقي طريق. بدون كثرة السماع عن اسماء الله الحسنى وكثرة ذكر الله. عمرك ما تستقر بدون كسرة الدعاء - 00:23:35

عمرك ما صاير متوه نفسك ليه؟ له اصحاب. اوعى تسيب العصاة لو اوعى لو عصيت ربنا تسيب اهل الطاعة خليك مصاحبهم. يدعونا مضارع مستمر. اوعى تيأس. الى الهدى تعال. ما حدش - 00:23:55

بعت لك عربية اسعاف تشيلك. لازم تتحمل مسؤولية كل معصية انت عملتها. وتيجي بنفسك. ائتنا احنا بنينا اقعوا مستنيينك. يبقى هم هنا دعوه الى واقع. يبقى فكرة ان احنا بندعو الناس فقط فقط بالكلام. ده دعوة ناقصة مبطولة - 00:24:11

احنا الدعوة الى الله ركنين. الركن الاول ليس الكلام. الركن الاول هو اقامة اعمال الدين في المساجد اقامة بيئات الدين واقامة اعمال الايمان. الركن الثاني هو النزول للشباب لدعوته. اقوم كلمت خمسين شاب. اقول لهم تعالوا ده فيه تحفيز ده - 00:24:31

في ده جبان وخايف وده مزبزب وتايه وده معمي ولسه ما فاقش. وده وده ده وواحد طلعت به. اللي طلعت ده انت طلعت ببني ادم بحق وحقيقي. انما نزلت الخمسين واحد اقول لهم اتغيروا وتوبوا حبيبنا والله العزيم ده انا نفسي اتوب. ده انت راجل - 00:24:51

السكر وراجع بقى ده انا النهاردة كلمت خمسين واحد كلهم ما شاء الله اتفسروا بس ما تغيروش. انت مؤسر ولست مغير. مغير لو انت بتتكلم في الدين كلام التأسير وعندك بيئة ايمان بيئة تغيير. يبقى اجتمع كلام التأثير مع بيئة التغيير. يقوم الناس - 00:25:11

انما كلام التأثير وحده هيأسره وبعد كده اول كليب بيتنطط قدام عينه هينساك انت والدنيا بتاعتك دي كلها من اولها لاخرها لو اصحاب يدعونه الى الهدى ائتنا. قل ان هدى الله هو الهدى. خليك واضح - 00:25:31

قل ان هدى الله هو الهدى. ما فيش طريق تاني. ما فيش شريعة غير الشريعة الاسلامية. ما فيش طريق لربنا غير سيد ما تخليش حد يهزك ولا يهزمك نفسيا. وامرنا لنسلم لرب العالمين. اللهم اجعلنا من اهل القرآن الذين هم اهلك - 00:25:51

اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم ارحمنا بالقرآن العظيم واجعله لنا اماما وهدى ونورا. اللهم ارزقنا حفظ القرآن في صدورنا. اللهم اهدنا وسددنا. اللهم زدنا ولا تنقصنا. اللهم اكرمنا - 00:26:11

ولا تهنا. اللهم اعطنا ولا تحرمنا. اللهم اثرنا ولا تؤثر علينا. اللهم اهدنا واسر الهدى الينا. اللهم انصرنا على من بغوا علينا. ان شاء الله بالليل بقى النهاردة الليلة الايمانية ونعيش بقى مع سورة المعارج بازن الله سبحانه وتعالى. سبحانك اللهم وبحمدك اشهد ان لا اله الا انت استغفرك واتوب اليك - 00:26:31

- 00:26:51