باحث

اعوذ بالله السميع العليم من الشيطان الرجيم. بسم الله الرحمن الرحيم. الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد - 00:00:00ضَ

هذه الليلة الثالثة من الليالي التسع الاخيرة في رمضان. وبذلك يكون الثلث الاول من العشر الاوائل من رمضان من العشر الاواخر ورمضان خلصوا. هذه الليلة الثالثة. السنة دي تسعة وعشرين يوم يعني لسه تسع ليالي فات تلاتة - 00:00:20ضَ

لسة ستة. وانا ما رأيت في حياتي رمضان اسرع انقضاء من هذا العام. يعني سبحان الله بيمر مر الريح واسرع والله. اسأل الله سبحانه وتعالى ان يكون قد تقبل مني ومنكم ما كان في الليالي الماضية. واسأله سبحانه وتعالى - 00:00:40ضَ

بان يعيننا على الليالي المقبلة باذنه وفضله وكرمه ومنه ان شاء الله تعالى. اليوم باذن الله تبارك وتعالى انا هتكلم معكم على معنى مهم وبخاصة ونحن في هذا الشهر الكريم شهر القرآن. كل انسان منا بيحاول دايما انه يكون - 00:01:00ضَ

حواليه مجموعة من اصحابه وبيحاول دايما يختار الاصحاب اللي هم ينفعوه في وقت شدتهم. يعني مسلا بتلاقي بعض الشباب مثلا بيبقى حريص جدا ان يبقى له اتنين تلاتة اربعة خمسة من زمايله كده زباط وكلاء نيابة ومستشارينه علشان - 00:01:20ضَ

يمكن لو في يوم من الايام حصلت مشكلة يرجع لهم علشان يحلوا له المشكلة دي. حصلت مشكلة في يوم ما حد يتصل على صاحبه الزابط يجيب اللي مش عارف ايه - 00:01:40ضَ

ويعمل ايه وهكذا. او لو في يوم من الايام عايز يخلص مصلحة في اي ادارة حكومية او الكلام ده بيتصل على صاحبه المستشار او بيتصل على صاحبه وكيل النيابة او لو في اي حاجة عايز يخلصها بكارت حد بس من بتاع اصحابه بياخد الكارت وبيطلع به عشان المسألة دي تنقضي - 00:01:50ضَ

لكن حقيقة في بعض الاوقات صاحبي ده ما ينفعش. ما بينفعنيش بحاجة يعني مثلا في يوم من الايام كنا في جنازة واحد كبير جدا في المنصورة كانت صلاة الجنازة بتاعته في آآ مسجد النصر. وحضر - 00:02:10ضَ

بقى قيادات امنية كبيرة جدا وقيادات طبية كبيرة جدا جدا جدا. ورجال اعمال كبار جدا جدا جدا. وسبحان الله! بدأت انظر كده للانسان اللي توفي ده وقل يا ترى ممكن حد من ولو كان اكبر قيادة امنية في مصر ممكن يبعت معه قوة تقف مع - 00:02:30ضَ

او مع الرجل ده داخل قبره علشان ما يتسألش مسلا سؤال القبر. ممكن ازن الصحوبية هنا ما تنفعش سألت نفسي سؤال تاني هل ممكن القيادات الطبية بتاعة المنصورة كلها اللي هي الصرح العلمي الكبير ده؟ هل ممكن النهاردة توقف - 00:02:50ضَ

الموت واللي كانوا جايين معه ان هم يقبضوا الروح او بعد ما خدوا الروح هل ممكن بعلمهم في الطب ان هم يرجعوا الروح مرة تانية للجسد فكانت الاجابة برضو لأ. قلت طب يا ترى كل رجال الاعمال اللي موجودين بالاموال والثراء الفاحش ده ربنا يبارك للجميع - 00:03:10ضَ

والثراء الكبير ده هل ممكن يا ترى في يوم من الايام يشتروا له قبر كده ويحطوا له قبر مكيف ويزرعوه له ويخلوه له شكله حلو كده وممكن خلوا القبر ده روض من رياض الجنة. فرجعت قلت وبرضه دول ما ينفعوش. قلت طيب بس هم - 00:03:30ضَ

اكيد ممكن الناس دي تعمل له صدقة جارية تدعي له. جم يصلوا عليه الجنازة. اكيد الحاجات دي بتنفعه. قلت يا ترى بس المدة قد سنة اتنين تلاتة عشرة مية وبعد كده خلاص انا برضه بقيت لوحدي فكل اصحابي اللي كانوا حواليا سابوني - 00:03:50ضَ

رجعت سألت نفس السؤال الرابع هو انا ممكن ممكن يوم القيامة وانا بين ايدين ربنا سبحانه وتعالى حد الصحابي يكون معي فوجدت برضه ربنا بيقول يوم يفر المرء من اخيه وامه وابيه - 00:04:10ضَ

صاحبته وبنيه لكل امرئ منهم يومئذ شأن يغنيه. وفي سورة آآ المعارج يبصرونهم يود المجرم لو يفتدي من عذاب يومئذ ببنيه وصاحبته واخيه وفصيلته التي تؤويه ومن في الارض جميعا ثم ينجيه. فبرضه ما حدش نفعه. سبحان الله! السؤال هنا - 00:04:30ضَ

معلش يا جماعة اوروبية سبعة وتلاتين خمسة وستين وعربية تسعة وعشرين واحد واربعين فسألت نفسي هنا يا ترى مين هو الصاحب اللي هيكون معي في كل المراحل دي؟ مين هو الصاحب اللي ينفعني وان شاء الله يعني يبقى صاحب فعلا نافع. فما وجدت والله صاحب ممكن ينفع صاحبه - 00:05:00ضَ

في كل المراحل دي وفي كل الازمات دي وفي كل الاوقات دي الا صاحب واحد بس. اللي عمره ما يتخلى عنك. عارفين مين القرآن. هو ده الصاحب الوحيد اللي انت لو احسنت صحبته - 00:05:30ضَ

ان شاء الله ربنا يكرمك. على فكرة صحوبية القرآن حد يقول لك بس ما ينفعش تقول صحوبية القرآن والقرآن ده كلام ربنا ما ينفعش تقول الكلام ده اقول بس النبي هو اللي قال كده - 00:05:50ضَ

قال صلى الله عليه وسلم يأتي القرآن صاحبه يوم القيامة. وقفتنا النهاردة مع احسن وافضل صاحب لك. مع صاحبي الوفي مع الصاحب اللي ما يترككش ابدا. مع الصاحب اللي دايما هيكون معك في ضهرك. يساعدك ويقويك ويعينك وباذن الله يرفعك - 00:06:03ضَ

دنيا واخرة. انا قلت لكم الان صاحبنا اللي مات وقعدت اسأل الاسئلة الكتيرة جدا. مين ينفعه بعد ما دخل القبر؟ انا اقول لك الصاحب الوحيد اللي ينفعك هو قبرك القرآن. هو ده الصاحب بجد اللي ينفعك جوة قبرك. عايز دليل على كده؟ بص النبي صلى الله عليه وسلم وهو بيقول لنا صلى الله - 00:06:23ضَ

قال يسلم ان سورة من القرآن شفعت لصاحبها في قبره فادخلته الجنة. وفي رواية فغفر الله له ذنبه قالوا يا رسول الله وما هي؟ قال سورة من القرآن ثلاثون اية تبارك الذي بيده الملك. تبارك الذي بيده الملك - 00:06:43ضَ

تبارك الذي بيده الملك نفعت صاحبها جوة القبر علشان كده كان من السنة عن اصحاب النبي صلى الله عليه وسلم انهم كانوا لا ينامون ودي سنة مفقودة في حياتنا كانوا لا ينامون حتى يقرأون سورة تبارك. ليه؟ عارفين انها المنجية من عذاب القبر. وكان النبي يقول لهم كده - 00:07:03ضَ

سورة تبارك هي المنجية من عذاب القبر. فاللي يصاحبها ويحفظها ويعمل بها تنفعه جوة قبره. تنفعه جوة قبره. بعد بس بقى. بعد الدرس. بعد الدرس ان شاء الله. اقعد بالسلامة. ربنا يكرمك يا رب. ترفعه جوة قبره. ده مش كده وبس. النبي - 00:07:23ضَ

صلى الله عليه وسلم قال لنا ايضا وان العبد المؤمن اذا كان في قبره اذا كان في قبره اوتي بملكان فيسألانه يقول ان من ربك؟ وما دينك؟ وما نبيك؟ وما عملك؟ وما عملك؟ اما المؤمن فيقول ربي الله وديني الاسلام ونبي محمد - 00:07:43ضَ

واما عملي فقرأت القرآن وعملت بما فيه. هو نسى الصلاة دلوقت ما اتكلمش عن الصلاة. ما تكلمش عن الصيام ما تكلمش عن الزكاة ما تكلمش عن اعمال الخير ما تكلمش عن التراويح ما تكلمش عن التهجد ما تكلمش عن اي عمل ولكن قال انا عملي الوحيد قرأت القرآن وعملت - 00:08:03ضَ

بما فيه. فيقال له على اليقين عشت وعلى اليقين مت وعلى اليقين تبعث ان شاء الله. ثم ينادي مناد من السماء ان صدق عبدي فافتحوا له من الجنة وافرشوا له من الجنة فلا يزال يأتيه من طيبها وريحها الى قيام الساعة. شفت القرآن لو - 00:08:23ضَ

صاحبته ممكن يوصلك لايه ؟ صورة شفعت لك. سورة نجتك من عذاب القبر. سورة ايضا سورة ايضا غفر الله لك بها. سورة وايضا النبي صلى الله عليه وسلم قال ان اللي قرأ القرآن وعمل بما فيه لا خوف عليهم ولا يحزنون داخل قبورهم. صاحبوا القرآن. طب تعالوا نشوف نموزج تاني - 00:08:43ضَ

تعالوا نشوف نموزج تاني تخلى عن القرآن جوة القبر عمل ايه وحاله ايه؟ النبي صلى الله عليه وسلم قال رأيت فيما يرى النائم انني مررت على رجل مضطجع على قفاه راجل نايم على ضهره وعلى رأسه رجل معه حجر يضربه على رأسه فينفلق الرأس - 00:09:03ضَ

ويتدهده الحجر فيذهب فيأتي بالحجر فتلتئم الرأس فيضربه على رأسه فتنفلق الرأس هذا حاله الى قيام الساعة داخل قال صلى الله عليه وسلم فقلت للملكين من هذا؟ قالوا هذا رجل اتاه الله القرآن فنام عنه بالليل ولم يعمل به بالنهار - 00:09:23ضَ

واحد في قبره كل اللي بيحصل فيه دماغه عمالة تتكسر حتت علشان مكان بعيد عن القرآن. ما كانش مصاحب القرآن. عشان كده باقول لكم احسن صاحب ينفعكم يوم القيامة بدءا من عند القبر هو القرآن. احسن صاحب لنا في ارض المحشر القرآن. احسن صاحب لنا في ارض المحشر - 00:09:43ضَ

القرآن ما تنساش ان في ارض المحشر الشمس قربت قوي من الرؤوس. وكل واحد مننا بيتمنى انه يلاقي حاجة تضلل عليه في ارض المحشر افضل صاحب يساعدك في اليوم ده القرآن. قال صلى الله عليه وسلم اقرأوا الزهراوان. اقرأوا الزهراوين. البقرة وال عمران - 00:10:03ضَ

فانهما يأتيان يوم القيامة كانهما ايه؟ غمامتان او غيايتان او فرقان من طير صواف تحاجين جاني عن صاحبهما يوم القيامة تحجان قال النووي رحمة الله عليه اي تمنع حرارة الشمس وتمنع الشمس عن صاحبهما يوم القيامة - 00:10:23ضَ

شفتم احسن صاحب ما سابكش في الدنيا لا لا. لا سابك في دنيا ولا سابك في اخرة. في ارض المحشر انت خارج ما شاء الله مظلل عليك. مظلل عليك ما تخافش من الشمس. وازا كان الدنيا كلها الناس كلها يوم القيامة تخرج من قبورها حفاة ها؟ عراة ها - 00:10:43ضَ

غرلة فصاحب القرآن يكرم عند الله. ما تبقاش دي صورته ولا تبقى دي حالته. صاحبه في الوقت ده ما يسيبهوش. صاحبه اللي صاحبه في الدنيا في الوقت ده ما يسيبهوش. قال النبي صلى الله عليه وسلم يأتي القرآن صاحبه يوم القيامة فيقول له الا تعرفني؟ فيقول - 00:11:03ضَ

يقول انا صاحبك القرآن الذي اسهرت ليلك واظمأتك بالهواجر. انا صاحبك اللي كنا زمان صحاب مع بعض وانت راكب ام كرباص كل واحد فاتح الموبايل بتاعه على صفحة الفيس وعمال يقلب والتاني اللي فاتح تويتر وعمال يكتب والرابع والخامس والسادس والسابع بس - 00:11:23ضَ

انت كنت ماسك مصحفك وعمال تقرأ. الناس في ليل رمضان عمالين ياكلوا ويناموا. اما انسى فكان اكلك بسيط علشان تقوم تصلي وتقرأ بي. انا صاحب القرآن وان كل تاجر اليوم من وراء تجارته وانا اليوم من ورائك. قال صلى الله عليه وسلم فيعطى الملك بيمينه ده في ارض المحشر - 00:11:43ضَ

ويعطى الملك فيعطى الملك بيمينه والخلد بشماله ويوضع على رأسه تاجر وقار نوره اشد من نور الشمس. في رواية عند الامام البزار في في مسند ان النبي صلى الله عليه وسلم قال فيأتي القرآن صاحبه يوم القيامة فيقول القرآن اي ربي حله الراجل ده ما يطلعش عريان - 00:12:03ضَ

الناس ده واحد من اهل القرآن فيقول القرآن اي ربي حله في لبس حلة الكرامة لا تقوم بها الدنيا وما فيها. لو الدنيا كلها اتجمعت علشان تعمل سياب زي دي ما تقدرش لا تقوم بها الدنيا وما فيها. فيقول القرآن اي رب زده في لبس تاج الكرامة نوره اشد من نور - 00:12:23ضَ

الشمس ثم يقول القرآن اي ربي ارض عنه فيرضى الله عنه. في اليوم للانبياء اولي العزم من الانبياء بيقولوا ان ربنا اليوم قد غضب غضبا لم يغضب قبل له مثلك ولم يغضب بعد ولن يغضب بعده مثله. صاحب القرآن القرآن يقول لربنا يا رب ارض عنه فيرضى الله عنه في يوم غضبه - 00:12:43ضَ

فيرضى الله عنه في يوم غضبه. مش باقول لك احسن صاحب. وازا كان الناس يوم القيامة محشورين جماعات وزمرهات عمالين يتحركوا كده سويا آآ كل واحد منهم كل جماعة منهم راحة للجنة او للنار اللي كانوا بيشربوا مخدرات مع بعض زمرا كده رايحين - 00:13:07ضَ

نار واللي كانوا بيصلوا مع بعض زمرا رايحين للجنة. فباذن الله صاحب القرآن اللي صاحب القرآن يوم القيامة لا احشر مع البشر. ولكن يحشر مع الكرام. السفرة البررة. قال صلى الله عليه وسلم - 00:13:27ضَ

الماهر بالقرآن مع الايه؟ مع السفرة الايه؟ الكرام الايه؟ طب ليه ما تحشرش مع البشر لا انت منزلتك اعلى شوية عند ربنا عز وجل. يوم القيامة كل الناس بتتخلى عنك. حتى اقرب الناس لك. والدك ووالدتك تخلوا عنك اصلا - 00:13:47ضَ

كل واحد ربنا زي ما ربنا قال لنا لكل امرئ منهم يومئذ ايه؟ شأن يغنيه. بس القرآن يشفع لك. ويقربك اوي من ربنا سبحانه تعالى ما يسيبكش لوحدك. الصيام والقرآن يشفعان للعبد يوم القيامة. وقال صلى الله عليه وسلم ان هذا القرآن شافع مشفع - 00:14:07ضَ

شافع ان يشفع لصاحبه بين يدي الله مشفع شفاعته مقبولة. وماحل مصدق يجادل عن صاحبه بين يدي الله عز وجل وماحي المصدق اللي يجعله قدامه كما قال صلى الله عليه وسلم من جعله امامه قاده الى الجنة ومن جعله وراء ظهره ساقه الى النار ما يسيبكش - 00:14:28ضَ

ما فيش ابدا من القرآن. القرآن هيفضل معك لانه احسن صاحب. ده مش كده وبس. القرآن لا يرضى لك منزلة. الا الفردوس الاعلى كل اية في القرآن رفعة لدرجتك. كل اية في القرآن رفعة لدرجتك. كل اية بتقرأها جديد او بتحفظها جديد - 00:14:48ضَ

ربنا بيرفعك بها. ما تنساش ان النبي قال لنا يقول الله عز وجل لحامل القرآن يوم القيامة اقرأ ورتل واصعد في درج الجنة. كما كنت ترتل في الدنيا فان منزلتك عند اخر اية كنت تردد - 00:15:08ضَ

فرفعة الدرجات في الاخرة برضه جت باحسن صاحب جت بالقرآن. ممكن يصاحب القرآن؟ ممكن نقرب من القرآن بل وفي الجنة يعد الله عز وجل لك من الكرامة ما لم يجعلها الله عز وجل لاحد. ولم لا؟ واهل القرآن - 00:15:28ضَ

هم اهل الله. قال رسول الله صلى الله عليه وسلم اهل القرآن هم اهل الله وخاصته. فما بالك باكرام الله عز وجل لاهل القرآن في الجنة من تقريبهم لله سبحانه وتعالى. ان ربنا يقربهم منه ويجعلهم في اعلى درجة من درجات الجنة. عشان - 00:15:48ضَ

كده بقول لكم الست ايام الجايين احنا خلاص ما عدش قدامنا الا ست ليالي بس. ست ليالي اروا الله عز وجل من انفسكم خيرا بفضل الله الشباب النهاردة بيختم كل يوم ختمة. النهاردة بفضل الله جا لي الشباب بفضل الله اللهم لك الحمد. جا لي امبارح بيقول لي انا مش عارف اعمل ايه في رمضان. اخ اسمه حسام - 00:16:08ضَ

بيقول لي مش عارف اعمل ايه في رمضان؟ قلت له يا ابني انس كل حاجة وامسك القرآن. الكلام ده كان امبارح بعد درس العصر. جا لي النهاردة بعد درس العصر بيقول لي انا - 00:16:28ضَ

بفضل الله بختم الان اول ختمة لي. كان في الجزء التسعة وعشرين ممكن نعمل كده؟ ممكن نزداد ارتباط بالقرآن في الست ايام الجايين دول ممكن النهاردة ما فيش اي حاجة تشغلنا عن القرآن واحنا في شهر القرآن. ممكن النهاردة نختم ممكن بفضل الله عز وجل. اللهم لك الحمد من احسن وافضل الحاجات - 00:16:38ضَ

بنشوفه في المعتكف السنة دي ودي فكرة اخونا محمد محسن ربنا يا رب يبارك فيه ويحفظه. كل يوم احنا عندنا شباب بيختموا القرآن في المعتكف. كل يوم وكل يوم الساعة ستة ستة و نص - 00:16:58ضَ

انت كده حاسة ان ربنا بييسر بنجيب الشباب اللي ختم وياللا يا جماعة ادعوا بقى دعاء ختم القرآن والمعتكف كله حواليكم. بدعة يا شيخ اقول لك لا مش بدعة سيدنا انس ابن مالك رضي الله عنه في ختمته للقرآن كان يجمع اولاده واولاد اولاده واولاد اولاده ويقول هذه ساعة يستجاب فيها الدعاء - 00:17:08ضَ

وامام العلم الامام سفيان الثوري رحمة الله عليه كان يقول عند ختم القرآن هذه ساعة تتنزل فيها السكينة. كل يوم الشباب بفضل الله في قلب المعتكف وبعد ما بنختم بندعي كلنا واحد بيدعي واحنا كلنا بنأمن وراه ان ربنا عز وجل ينزل علينا من سكينته ينزل علينا من رحماته وبركاته سبحانه وتعالى. ان - 00:17:28ضَ

شغلوا الان بالقرآن. انشغلوا الان بالقرآن. احرصوا الان بالقرآن. وافضل وضع لقراءة القرآن. الان ان بعد ما اخلص التراويح بهدوء خالص كل واحد فينا احنا قاعدين وبنقرأ قرآن. اللي مش قادر يقوم يقف وانت قاعد امسك مصحفك الله اكبر واقرأ. واقرأ - 00:17:48ضَ

يبقى انت بتصلي وبتقرأ قرآن. عملت اتنين مع بعض. قيام ليل وقرآن. قادر تصلي بفضل الله وانت واقف. قم بقى صل كده وامسك مصحفك واقرأ سؤالك لحد اخر ليلة. الليلة دي ليلة وترية. ليلة وترية. يوم السبت اللي فات يوم واحد وعشرين. ليلة واحد وعشرين. ما كانش هي ليلة القدر خالص - 00:18:08ضَ

طبعا كل يوم بيبص على علامات الشمس وكده. فلعلها تكون هذه الليلة هي الليلة ان شاء الله تكون ليلة القدر. نركز ونجتهد كده لعل ربنا عز وجل يفتح من ايدينا. ربنا يا رب يحفظكم - 00:18:28ضَ

جميعا ويفتح بين ايديكم. واسأله سبحانه وتعالى في هذه الليالي الطيبة ان نكون من عتقائه من النار. صلى الله على نبينا محمد واله وصحبه وسلم - 00:18:38ضَ