باحث

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد ما زلنا نتكلم في آآ سلسلة اساسيات الطريق الى الله - 00:00:00ضَ

امور ينبغي ان تكون اساسيات في اي واحد بيدعي الالتزام او يدعي ان انا مم خلاص انا بقيت ملتزم انا بدأت الطريق. ثم تجد هناك خلل شديد في مسألة معينة وهي من الثوابت. يعني ما ينفعش واحد يبقى ملتزم - 00:00:20ضَ

ما بيعملش الحاجة ديت. المرة اللي فاتت اتكلمنا عن حسن الخلق كشيء اساسي في اي واحد عايز يبقى ملتزم بجد لازم يتكلم في المعاملة وفي الاخلاق تعامله مع اخواته في اهله تعامله مع الناس في الشارع في سلوكه في كلامه في اخلاقه آآ عموما ده شيء بديهي ليس الالتزام مجرد الصلاة والصيام - 00:00:36ضَ

وهزه الاشياء. قلنا في اخر الدرس ان احنا اهم الدرس ده لو حبينا نطبقه فالتطبيق العملي بتاعه اهم شيء يكون مع اه ومع الاب والام. ده اهم تطبيق للدرس الماضي. وقلنا ان احنا المرة اللي جاية نتكلم بقى نركز على قضية التعامل مع الوالدين - 00:00:56ضَ

التعامل مع الوالدين على اعتبار ان ديت مشكلة بتقابل اي اخ حديث الالتزام. اول ما بيلتزم بيبتدي يحصل آآ مشكلة في البيت دايما في العادة بيحصل مشكلة في البيت. ليه بتحصل المشكلة ديت؟ هي دي القضية اللي احنا عايزين نناقشها ايه؟ نناقشها النهاردة. ليه دايما بيحصل مشكلة مع الاب والام بعد الالتزام بعد - 00:01:16ضَ

الاخ يبدأ ينتظم في الدروس في المساجد يربي لحيته او الاخت مسلا لبست نقاب راحت دار بدأت تحفظ قرآن ما شابه زلك يبتدي دايما يحصل صدام عائلي عنيف. رغم ان الولد ده كان محبب الى ابيه قبل كده. البنت دي كانت يعني كانوا بيحبوها في البيت جدا. ايه اللي خلى المشاكل تبدأ؟ وازاي انا اتعامل مع - 00:01:36ضَ

المشاكل ديت اللي في الغالب بتحصل في كل بيت بدأ في واحد يلتزم او بدأت في واحدة تلتزم. لازم الاول نقسم نقسم الموضوع انا بحب انتم عارفين الايه الشجريات دي انا ايه بحب الموضوع دوت. احنا هنفترض الاول ايه كل الحالات في الاخر هنمسك حالة واحدة يعني - 00:01:56ضَ

اول حالة ان انت التزمت واصلا اهلك كانوا ملتزمين. وهم كان حلم حياتهم انك انت ايه تلتزم. فالحالة دي ايه؟ خالص مية مية دي حالة مسالية اصلا احنا مش بنتكلم ايه؟ مش بنتكلم عليها يعني. لان دي حالة مسالية ان اصلا اهلي ملتزمين المشكلة كانت فيك انت - 00:02:14ضَ

يعني هم اصلا بيتحايلوا عليك عشان تبقى ملتزم فربنا هداك وبقيت ملتزم. فانت كده في اللزيز كده الكلام مش مع الحالة ديت. الحالة الاولانية دي نادرة طبعا. الحالة التانية اهل مش ملتزمين. بعد ما انت التزمت سبحان الله حبوا الالتزام عادي جدا والتزموا. ودي طبعا حالة مثالية مش ده - 00:02:33ضَ

ده موضوعنا. الحالة اللي بعد كده لا انت التزمت هم ما التزموش. انت الوحيد الملتزم في البيت. هم بقى عادي عندهم الزنوب العادية بتاعة اي حد ما بيصلوش الفجر احيانا بيتفرجوا على التليفزيون بيتفرجوا على الافلام الحاجات اللي هي المعروفة يعني. فهم في عرف الناس مش ملتزمين او في عرف الملتزمين في خلل في البيت - 00:02:53ضَ

في آآ الاب في الام هم مش وحشين قوي يعني مش مش مخدرات لأ. بس يعملوا الحاجات الغلط اللي الناس كلها بتعملها. فاحنا مجازا بنسميهم يعني مش ملتزمين اوي يعني تمام؟ هو التزم والبيت فيه مشاكل انتم بتلبس ضيق والدته بتلبس مش عارف ايه والده بيشتم بيشرب سجاير حاجات العيل الموجودة في كل بيت - 00:03:13ضَ

طيب احنا هنفترض وده العادي الاخ بيلتزم في اسرة في العادة ما بتكونش قوي عندها كل ملامح الالتزام. الاسرة دي بعد ما هو التزم ما التزموش ما تتأسروش به او لسه الموضوع مؤقتا يعني ما تأثروش به. هنقسم الموضوع ده لايه؟ لقسمين. القسم الاول ان هو ما التزموش لكن هم محبين لالتزامه - 00:03:33ضَ

هم عارفين ان هم غلط وعارفين ان ابنهم صح او بنتهم صح. وهو الراجل ده اختار طريق ربنا. وهو يستحمل اختياره وهو يعني يعني قد الموضوع يا ابني انت اللي اخترته ده لو - 00:03:53ضَ

انت اخترت الطريق دوت شايف ان كده صح. ربنا يقويك ويسهل لك واحنا معك يعني. ومش هنمنعك من حاجة طالما انت شايف ان كده خير ربنا ربنا يوفقك واحنا مش هيضرنا في حاجة التزامك احنا مبسوطين انك انت بقيت كويس. ده برضو الحالة دي حالتك جيدة موجودة ممكن تكون موجودة مش نادرة. في الحالة دي موجودة - 00:04:03ضَ

الاهل بيفرحوا ان ابنهم مات اهتدى. قال لك احسن ما يبقى صايع وبتاع. خليه يبقى ملتزم. مش مهم. بس هم في نفسهم يعني لسه القرار ده بالنسبة لهم صعب. فالحالة دي لو موجودة - 00:04:23ضَ

كويس جدا كويس دي حالة موجودة ممكن تبقى موجودة لزلك دي مش مشكلتنا برضو المشكلة ديت سهلة ان الاهل ما التزموش اه لكن هم مش معادين مش بيعادوك هم محبين لالتزامك. ويتمنوا في قلوبهم يبقوا زيك بس هم مش هياخدوا القرار ده بسهولة - 00:04:33ضَ

يفضل لنا الحالة ان هم انت التزمت في اسرة مش ملتزمة وهم ما التزموش لكنهم معادين بقى. بدأوا يعادوا الايه؟ الالتزام دي الحالة اللي احنا عايزينها نوصل لها. المعادي للالتزام دوت - 00:04:50ضَ

هنطلع منه ايه؟ فرعين برضو. الفرع الاول ان هو معادي بسببك الفرع التاني ان هو معادي مش بسببك. خلينا نمسك مش بسببك ده عشان ده ساهل يعني. او يعني مش هنتكلم عنه كتير - 00:05:03ضَ

مش معادي من غير سببك يعني ايه بيعادل التزام مش بسببك؟ هو اصلا عنده خلفية عن التزام سيئة الاعلام خوفه اوي من الناس الملتزمين دول الملتحين الدروس المساجد عنده اصلا مشكلة في دماغه في الفكر عنده مشكلة هو بيكره - 00:05:19ضَ

التدين بسبب الاعلام. هو بيحب ربنا على فكرة احنا بنفترض في كل ده ان ما فيش حد ما فيش حد بيكره ربنا والا ما يبقاش مسلم يعني. او بيكره الدين مسلا ده نادي يعني - 00:05:36ضَ

يعني يكاد يكون غير موجود في المسلمين لكن هو بيكره السورة دي بيعتقد ده مش الدين هو ده مش الدين اصلا اللي انت بتعمله ده مش الدين هو اصلا عنده فهم خاطئ اصلا - 00:05:46ضَ

وده من خارج عنك يعني انت التزمت وهو والدك كده ووالدتك كده هم فاهمين الدين غلط شايفين ده مش من الدين. الدين هو اللي احنا بنعمله وخلاص. باخطائنا بعملنا هو ده الايه؟ الدين الوسطي وده الصح. اي حاجة بعد كده تبقى تشدد. وبعد كده الموضوع بقى بيخش في خطر - 00:05:56ضَ

وانت كده يا ابني هتعمل لنا مشاكل وهتعمل لنا مصايب. ويبتدي يحاربك بسبب وهو بيتفرج الصبح بالليل على الاعلام ويشوف بقى الايه الكلام على الملتزمين والكلام على يعني الاسلام والاسلاميين. وابتدي بقى حالة الرعب اللي بتحصل له في التليفزيون دي. ويبتدي يشوفه في حضرتك بقى اقول ايه. خلقتك وتطلع - 00:06:12ضَ

وشه هيعمل ايه يا عم افرغ فيه كل الطاقة اللي خدها في الايه؟ في الاعلام ديت. ده بقى امره ايه؟ يعني هنتكلم عنه برضه. بس انا مسلا السبب التاني ان هو يكون آآ يعني هو شوية هو ما عندوش صورة مشوهة لكن هو عنده ارتباط بين الالتزام والبلاء - 00:06:32ضَ

وهو ايمانه ضعيف يعني خايف عليك. فهو دي مشكلته مع الالتزام. هو هو بيحق الالتزام عنده هو مش مشوه يعني. بس هو خايف عليك. هو بيخاف عليك فقال لك لا يا ابني هتلتزم هتجيب نفسك مشاكل يا ابني تجيب لنا مشاكل وبتاع فهو مش عايزك تروح المساجد مش عشان التزام وحش او الملتزمين دول فيه صورة مشوهة عنده - 00:06:52ضَ

هو شايف ان الموضوع ده طريق خطر في تهديد عليك او تهديد على الاسرة او او او فهو خايف عنده خوف يعني ده يدل على ضعف ايمانه. في العادة احنا قلنا الاسرة مش ملتزمة فطبيعي ان هي تكون ضعيفة - 00:07:12ضَ

الايمان فهي مش قادرة تستحمل يعني ما عندهاش تعداد تتحمل تبعات ما عندوش استعداد يسمع ان ابنه مسلا وقف في لجنة ولا ولا ولا استعملوا له استدعاء في امن الدولة - 00:07:25ضَ

بيسلموا عليه حتى بس مش مش هيأزوه ولا حاجة. لأ ما عندوش استعداد يعني آآ آآ حد حد يشتم بنته مسلا في الطريق بسبب لبسها او بسبب يعني التزامها ما عندوش استعداد حد يقطمه ان ابنك عامل كده ليه في نفسه بنتك عاملة كده ليه في نفسها وما عندوش استعداد يستحمل اي حاجة. فهو هيحاربك مش عشان بيكره الدين ولا الالتزام - 00:07:35ضَ

الصورة مشوهة بس هو ضعيف ايمانه. ده قلنا ده مش بسببك برضو دي حاجة خارجة عن خارجة عن ارادتك يعني. او يكون سبب تالت. السبب ان هو اصلا تعامل مع نمازج مشوهة من الملتزمين - 00:07:55ضَ

ربنا ايه ابتلاه بواحد بقى ايه بيدعي الالتزام شيخ نصب عليه بقى واحدة شكلها ملتزم شتمته في الشارع بتاع المهم من ساعتها هو بيكره ملامح الالتزام دي خالص. فلما شاف ابنه كده او بنته كده بدأ يتعفرت ومش عايزك تبقى شبه الناس ديت. هو بقى مش رابطها بالدين خالص. هو شايف ان الشكل - 00:08:09ضَ

كل ده بيفكروا بفلانة او فلانة او بتاع هو بيبتدي يعادي الهيئة عموما علشان الموضوع ده بالنسبة له عنده تاريخ اسود في التعامل مع النمازج ديت هو قدره كده يتعامل مع واحد او اتنين بالشكل ده ما نساهمش طول عمره. دي دي المسألة هنتكلم برضو عنها. يعني الكلام اللي هقوله في الناحية التانية هيعالج - 00:08:29ضَ

الاولانية. اللي هي معادي بسببك بقى يعني معادي من غير سببك دي انت مش تقدر تحلها يعني حاجة خارجة عن ارادتك يعني. لكن انا كلامي كله في الحتة ديت بقى. طب والحتة التانية ما هي - 00:08:49ضَ

اللي هقوله هنا هينفع هنا اللي هقوله في في دي هينفع في دي. لان انت هتحل كل المشاكل دي بنفسك. لانك انت هتبقى جزء من المشكلة يعني لو كان عداهم الالتزام بسببك انت - 00:09:03ضَ

يعني هو في الاصل كان عادي ما عندوش مشكلة مع التدين. وعادي ما عندوش مشكلة انك انت ملتزم رح المسجد يا عم ان شاء الله يا ربي. دقنك اعمل اللي انت عايزه - 00:09:17ضَ

بس هو انت اتعاملت غلط بقى في البيت فاديت انطباع سيء جدا عن الالتزام من اول يوم فهو اول يومين بدأ يصطدم معك مرة في التانية في التالتة راح بدأ الحرب. هو كان ما كانش ناوي يبدأ الايه؟ المعركة دي خالص. لكن حصلت حاجات منك - 00:09:27ضَ

سببت ان المعركة بدأت ودي النقطة الاساسية اللي انا عايز اركز عليها النهاردة. لان دي اللي في ايدك لا يكلف الله نفسا الا ايه؟ انا ما اقدرش اغير الاعلام ما اقدرش اغير المزيعين. ما اقدرش اغير - 00:09:47ضَ

النماذج المشوهة اللي في الشارع لكن انا اقدر اغير سلوكي انا نفسي انا. ايه هي الحاجات؟ اللي ممكن الملتزم يعملها غلط بيته مع اسرته تؤدي الى العداء دوت. لان في الغالب يا اخواننا على فكرة الحتة اللي انا هتكلم فيها هي دي الغالب اصلا. هي دي الغالب - 00:09:59ضَ

غالب الشكاوى بتدور ورا الاخ تلاقيه هو عنده مشكلة اصلا في البيت. هو عنده مشكلة في التعامل مع اهله. وبالتالي هو اللي سبب العداء ده. ويبتدي بقى يتهمهم هم بقى بيحاربوني - 00:10:19ضَ

بيقولوا لي بيقولوا لي ما تروحش الدرس. تقعد تنكش انت تلاقي هو عنده مشكلة في التعامل هو عنده مشكلة في التعامل مع الاب والام. لزلك قبل ما نبدأ نقف وقفة لطيفة كده مع آآ اشياء من كلام السلف رحمهم الله - 00:10:29ضَ

نقي قيل ورد عن موسى عليه وعلى نبينا الصلاة والسلام انه رأى رجلا عند العرش رابطا بمكانه من الله. فسأل عنه قالوا نخبرك بعمله؟ قال اخبروني قال لا يحسد الناس على ما اتاهم الله من فضله. ولا يمشي بالنميمة ولا يعق والديه. ولا يعق والديه. قال بعض العلماء - 00:10:50ضَ

من وقر اباه طال عمره ومن وقر امه رأى ما يسره ومن احد النظر الى والديه عقهما وقال ابن عباس ما من مؤمن له ابوان يصبح ويمسي وهو محسن اليهما الا فتح الله له بابين من الجنة. بابين من الجنة. لزلك كان السلف لو واحد فيهم مات له ابوه ولا امه - 00:11:15ضَ

وكان يبكي بكاء رهيب جدا. كما ورد زلك عن يعني لما ماتت ام اياس بن معاوية اياس بن معاوية لما مات ام بكى بكاء رهيب جدا. فالناس مش متعودين منه على كده - 00:11:42ضَ

كده متعودين منه على الجلد يعني. هو كان بيموت له قريب بيموت له بتاع بيلاقوه جامد يعني. فقالوا له يعني النهاردة بالزات انهيار غير عادي يعني فقال كيف لا ابكي؟ وقد كان لي بابان مفتوحان الى الجنة. والان اغلق احدهما - 00:11:52ضَ

اغلق احدهما ما ابكيش ازاي ؟ هي مش مسألة ام ده انا كنت شايف الام دي كنز انا عايش قاعد انهل منه وقاعد اخد منه ماتت الام من لي بعد الام؟ من لي بعد الام؟ كذلك فعل رفاعة ابن اياس لما ماتت امه فقال له قيل له لما - 00:12:10ضَ

ما تبكي قال وكيف لا ابكي وقد اغلق عني باب من ابواب الجنة. النصيحة الانسان يغتنم هذه الابواب قبل ان تحرم منها هم عن قريب سيموتون شئت ام ابيت تنهل - 00:12:30ضَ

من هذين البابين قدر ما تستطيع انهم لن يبقيان لك وقال كعب ان الله ليعجل هلاك العبد ازا كان عاقا لوالديه ليعجل له العذاب ليعجل له العذاب. هل الواحد فينا - 00:12:48ضَ

شايف ابوه وامه من ساعة ما التزم شايفهم كده شايف ان هو بعد ما التزم فهم القضية ديت فبدأ يتعامل مع بومه على انه بيتعامل مع بابين من الجنة. مع كنوز - 00:13:04ضَ

قاعدين معي في البيت كنوز قاعد ياخد منهم على قد ما يقدر قبل ما يموتوا. يا برهم وياحسن اليهم بيبتدي يتعامل بالنزرة دي لا هي المشكلة ان الاخ لما بيلتزم يبتدي يتعامل مع بومه على انهم اعداء - 00:13:14ضَ

ان هو اصلا بيفترض ان هم هيعادوني ده اساسي ده ده اللي هيحصل هو متربص بهم. وعارف ان اول ما انا اقول التزم من هنا يبتدي ايه؟ ليه؟ وفين ومين وبتروح مع مين - 00:13:30ضَ

بتمشي مع مين وبتكلم الناس دي. فيبتدي هو نفسيته عدائية خلاص وابتدأ يتعامل معهم على ان هم بقى ايه معادين. الناس دي منافقين. الناس دي مش فاهمين الدين صح. الناس دي عندها - 00:13:40ضَ

آآ خلل في الالتزام بيبتدي يتعامل معهم على ان دول يعني ايه ما بيفهموش حاجة ان دول جهلة ان دول ايه مساكين والكلام ايه والكلام دوت. فتخيل واحد من النفسية دي اصلا - 00:13:55ضَ

ملتزم هو بيبتدي ملتزم يعني هصلي يعني هصوم يعني هعمل ورد يعني قرآن يعني طلب علم ابويا وامي دول جهلة وعندهم مشاكل وعاملين مشاكل طول النهار ويعني شكلهم كده منافقين. تخيل واحد من النفسية دي بيتعامل مع اهله من بعد الالتزام - 00:14:05ضَ

كل ما يكلموه كلمة طبعا بيهيج بقى الدنيا دي بتتأكد عنده ان هم كده تمام؟ فهو اصلا مش شايف ان الوالدين دول اصلا عبادة ولا بر والكلام ده مش موجود عنده. هو مش شايف الابواب دي خالص الكلام بتاع السلف هو ده مش في حساباته على - 00:14:23ضَ

اطلاق زلك هو الانطلاقة اصلا في الالتزام غلط ان هو ما مش شايف ان الكلام مع الوالدين كلام حساس جدا. وان ممكن غلطة بس مع الوالدين تقضي على كل دينك. على كل - 00:14:38ضَ

كل التزامك لا ينفعك عمل مع الله سبحانه وتعالى. وممكن العكس حسنة واحدة مع الوالدين تنقلك نقلة لا يعلمها الا الله. بل تشيل حاجات كتير جدا من الحاجات الغلط اللي انت بتعملها. حتى لو مش ملتزم اصلا. ايه رأيك بقى؟ احد مشايخنا بيحكي في رحلة عمرة - 00:14:52ضَ

فبيقول جون جينا في ليلة سبعة وعشرين في رمضان. رمضان ليلة سبعة وعشرين اللي هي غالبا بتكون ليلة القدر. ليلة سبعة وعشرين. بيقول بعد التراويح ما خلصت راح الراجل قال صلاة جنازة اثابكم الله. جنازة بعد التراويح. مش متعودين هم بعد التراويح يبقى فيه جنازة - 00:15:12ضَ

فبيقول فايه قال الصلاة على الرجل يرحمكم الله. الشيخ اتجن قال من هزا الرجل رجل واحد واحد بس في ليلة سبعة وعشرين يموت. ويتصلى عليه في الحرم بعد صلاة التراويح واحد - 00:15:36ضَ

يقول مين ده؟ مين ده؟ اللي ربنا اختاره دونا عن اهل الارض. المفروض في الحرم بيموت بالعشرة وبالعشرين في الصلاة الواحدة يتصلى على عشرة عشرين ده العادي. واحد رجل واحد وفي ليلة سبعة وعشرين ليه - 00:15:53ضَ

المهم طالع يتجنن من الحرم. قابل واحد قال له عارف مين اللي صلوا عليه النهاردة؟ قال له مين؟ قال له الحاج فلان اللي معنا في العمرة. قال له يا نهار ابيض! فلان معنا في العمرة - 00:16:11ضَ

بيقول في دماغي لفت. قال لي قال ده كان بيشرب سجاير. هتجنن. الراجل عادي ما فيهوش اي حاجة بيصلي زينا ويصوم زينا وبيشرب سجاير اشمعنى ؟ هيقول بدأنا ندور وراه بقى. الراجل ده بيعمل ايه ؟ بيقول دورنا وراه لم نجد له اي عبادة الا هزه العبادة فقط. كان بارا بامه - 00:16:21ضَ

جدا كانت امه لو طلبت اي شيء يجيبه لها ولو من اخر الارض وكان ملازما لها مقبلا لاقدامها. وكان رهيب جدا في بئر الام. حتى امه مرة لمحت كده ان هي عايزة حزاء. حزاء تلبسه. بيقول - 00:16:43ضَ

اشترى لها الحزاء ورجع وحط دماغه على الارض وحط الحزاء فوق دماغه وقال لها خدي يا امي وخليها تاخد الحزام من فوق دماغه هو ده هو ده السر. رغم انه بيشرب سجاير - 00:17:01ضَ

بس شوف الحركة دي مع الام ممكن مسحت كتير قوي من حاجات كان بيعملها غلط ما بالك لو هو ملتزم بقى اصلا يحصل ايه بقى؟ يعلى فين ده بقى؟ ازا كان واحد يعني ايه؟ نص نص وحركة مع امه علت قوي معه كده لدرجة ان هو بيصلي عليه في الحرم - 00:17:24ضَ

رحلة تانية برضه كان اخوه من العامرية راحوا ودي صورة انتشرت على الفيس عارفين الاخ اللي مات ساجد بعد صلاة العصر في في المدينة كانت الصورة دي من عدة اشهر. ده واحد - 00:17:42ضَ

اسكندرية من العامرية وكان طالع مع رحلة انهاي رحلة من اخوانا. الناس مش مصدقين بيقولوا صلوا معه الضهر رجع راح العصر. فين يا عم فلان؟ لا هم لقوا صورته على الفيس. هم - 00:17:52ضَ

الرحلة شافوه على الفيس قبل ما يعرفه. من سرعة النقل الخبر بيبص على الفيس فلان مات بيقول ايه ده! مش ده فلان اللي كان معنا في الاوضة؟ قال له اه والله ما هو فلان. راحوا - 00:18:02ضَ

صلوا عليه وادفنوا بتاع قال له ايه السر اللي وراء الشخص ده؟ لم يجده برضو الا المسألة ديت. كان بارا جدا بامه سمعوا بقى حكاويه بقى عن امه بعد كده. بعد ما ما مات عرفوا كان بيعمل ايه مع مع ايه مع امه. ربنا اختاره يموت بعد صلاة العصر ساجد في الحرام - 00:18:12ضَ

انا عايز اقول لك ان هي حاجة بسيطة كده مع الوالدين. تعليك قوي تدمرك قوي لازم تحط التصور ده التزامك ما ينفكش عن الوالدين ابدا. لزلك احنا بنعتبر ده من الاساسيات - 00:18:33ضَ

طيب خلينا نقول اسباب انت ممكن تكون جزء منها. واحد انك انت من ساعة ما التزمت وانت في تدهور في الدراسة فشل دراسي زاهر عليك. فيه ارتباط وسيق بين الفشل الدراسي - 00:18:49ضَ

وبين طلب العلم الجديد بقى. وحرصك على طلب العلم والمسجد والاخوة والدروس والاخوة والدروس والمسجد والشيخ. الحاجات دي شغالة طول النهار والدراسة فشل فشل فشل. طبيعي ان اهلك يعادوك. يكرهوا التزامك. ومش عايزين حد يلتزم من اخواتك ولا عايزين حد يبقى زيك - 00:19:03ضَ

بسبب اللي هم شافوه منك كنت كويس في الدراسة فشلت ومن ساعة ما التزمت واضح جدا الارتباط الشرطي بين التزامك وبين فشلك في الدراسة. وده مشكلة فيك انت. ليه عملت كده فيهم؟ ليه تفتنهم؟ ليه - 00:19:25ضَ

جبت لهم الازمة ديت دي مشكلة انت السبب فيها المفترض لما تلتزم تتوقع حاجة زي كده التزامك هيأثر في الوقت اكيد لان انت دلوقتي بتطلب علم بتاع فيبتدي ان انت لازم تعمل موازنة او تقلل من نومك او تشد شوية في الدراسة علشان هم مستنيين اليوم دوت - 00:19:38ضَ

لازم تبقى زكي. هم مستنيين هم ممكن احنا قلنا الاهل في الاول هيعدوها. بعد كده هيستنوك بقى شوفوا النتيجة هتطلع ايه. اول ما النتيجة تطلع هيسيبوك يا حيبتدي الحرب عليك. فكان لازم تبقى زكي - 00:19:55ضَ

تبقى عارف ان هم مستنيين نتيجتك في الدراسة. فلازم بعد ما تلتزم تشد حيلك اوي. في الدراسة يمكن اكتر من الاول. ويمكن لو انت كنت فاشل تبقى ناجح بقى ولو كنت ناجح تبقى ناجح اوي. او على الاقل لو ناجح ما تنزلش عن المستوى اللي انت معودهم عليه. والا على طول هيحاربوك. آآ بص ساعة ما رحت المسجد بص واقول لك ايه - 00:20:09ضَ

لا مسجد ولا دروس ولا بتاع. اقعد بقى ركز في مزاكرتك شوية طيب انت الخلل التاني ان انت اصلا بتتعامل مع مزاكرة على انها هي ايه؟ الدنيا بقى. خلاص الاخ التزم بقى. واحنا دلوقتي ايه المزاكرة دي دنيا. انا عايز بقى فقه وعقيدة - 00:20:29ضَ

واحفز قرآن وامش مع المشايخ وامش ورح مع الاخوة وتعالى مع الاخوة. مش مهم الدراسة دي نزهت فيها. ليه دنيا بقى ازهد في الدنيا. ده ده غباء غير عادي يعني. ليه؟ لان انت ليه مش مفترض ان المزاكرة دي عبادة - 00:20:44ضَ

عبادة ايه يا عم الشيخ؟ الفيزيا دي تدخل النار اصلا. عبادة ايه دي؟ يعني اتعبد ازاي انا بالكيميا يعني؟ اعمل لها ايه يعني ورد طب ما ايوة ما هي عبادة مش عبادة في زاتها عبادة للنية اللي انت حاططها فيها. انت لو ناوي بالمزاكرة دي انك انت تبر اباك وامك مسلا - 00:20:59ضَ

انت ناوي كده. ناوي ان انت لما لما تزاكر يشوفوك يفرحوا ويتبسطوا يشكروك. يدعوا لك مش دي نية كويسة ؟ انت ناوي انك انت تسبت نفسك في الالتزام. انت اما تجيب درجة كويسة انت بتسبت نفسك. لانك انت بتمنع عن نفسك الحرب اللي هتحصل لو نتيجتك بقت كويسة. بتشتري - 00:21:19ضَ

من الاخر انك انت اللي هتأزي نفسك بالدرجة ليه؟ بالدرجة الوحشة ديت. انت في مش جابوك وامك بقى بس لا ده في ناس كتير مستنيين اليوم دوت. عشان يشمتوا فيك. يقول لك بص - 00:21:39ضَ

فلان من ساعة ما التزم وهو فاشل اهو في ناس مستنية العكس يقول لك هنشوفه لو حافظ على دراسته وتفوق انا نفسي التزم ابقى زيه. فما تبقاش فتنة للناس اللي ما كانش عايز يلتزم سبته واللي عايز - 00:21:51ضَ

يلتزم خوفته. لأ انا عايزك تبقى اللي عايز يلتزم شجعته. قل لي خلي بالك انا يقول لك انت التزمت ازاي وجبت النتيجة ديت؟ انت ازاي جمعت بين الدراسة والمسجد الشيف اسأله كده لما الواحد يبقى متميز في الدراسة. ليه ما تبقاش انت؟ ليه تبقى فتنة للناس؟ مش فتنة لابوك وامك بس؟ والاب والام بيتعرضوا لضغط من الناس كلهم يقول لك - 00:22:05ضَ

ابنكم كان كويس ويبتدي الناس بقى تديهم من ايه؟ من تحت لتحت. هم مش هيستحملوا. هيطلعوا كل ده عليك. طب ليه تعمل فيهم كده؟ يبقى لازم ايه؟ تتعبد بالمزاكرة. اطحن نفسك ايام الدراسة. تعال في الصيف اطحن نفسك طلب علم شرعي. اطحن نفسك مع الاخوة والاعمال الخيرية وكل حاجة. لكن في الدراسة اعمل موازنة - 00:22:25ضَ

يعني مش هنضيع في الفروض خالص ولا هنعمل محرمات. لكن النوافل يعني بقدر ما تزودش اوي بحيس ان انت ما تجيش على المزاكرة قوي. اسمع درس دارسين والله لا اسمع عوض بدل درس في المسجد دارسين على النت عشان ما نستهلكش وقت. آآ ورد القرآن يعني آآ حفزك يقل شوية في الدراسة يزيد - 00:22:45ضَ

شوية في الصيف قيام الليل يعني يبقى آآ توازن موازنة مش هتحرم نفسك من المستحبات لكن ما تبقاش انت بقى ايه مستهلك وقتك كله في اعمال تعتبر ان دي اعمال صالحة ومزاكرة دي يعني من اعمال الايه الكفار والمنافقين وده دنيا وما ينفعش ان احنا نزاكر. انت هتدمر نفسك بنفسك لما - 00:23:05ضَ

تفشل في الدراسة لما تشوف السرور اللي على وجه ابيك وامك بعد ما تجيبي الدرجة الكويسة دي هتعرف يعني ايه عبادة. يعني ايه العبادة؟ العبادة انك انت تشوف البسمة على وش ابوك وامك. دي - 00:23:25ضَ

اعظم عبادة. قال بعض السلف النظر الى الوالدين عبادة. النظر الى الوالدين عبادة. فما بالك بادخال السرور عليهم؟ احب الاعمال الى الله سرور على ايه؟ مسلم. كيف لو كان المسلم ده الاب والام؟ هم يفرحوا بك لما تبقى متفوق في الدراسة اكيد. طيب من الحاجات المشكلة اللي بتحصل ويبقى انت السبب - 00:23:40ضَ

في ان اهلك يعادوا الالتزام. انك انت اول ما التزمت واتعلمت كلمتين في المسجد ابتديت انك انت تطلع كل الكلمتين دول عليهم في البيت. بدأت عرفت ان كزا حرام وكزا ما ينفعش وعرفت شوية احكام وشوية احاديس شوية ايات تطلع يا عيني ما تلاقيش زباين تكلمهم غير ايه غير الاتنين الغلابة اللي قاعدين في البيت دول. بابا - 00:24:00ضَ

السجاير حرام. بابا التليفزيون حرام. ماما لبسك حرام. ماما البسي نقاب. طب بقول لك ايه لا مسجد يابا ولا شيوخ ولا طلب علم. اقعد هنا خليك هنا مع المنافقين والكافرين الله يكرمك. مش ناقصاك. ما هو ده الطبيعي انت متوقع - 00:24:20ضَ

منه ايه؟ واحد دلوقتي كان امبارح هو ابوك. خد بالك؟ اقول لك قاعدة. لازم تبقى فاهمها. ابوك عمره ما هيبقى ابنك ابوك عمره ما هيستحمل انك انت تعلمه الا بقى لو كان واحد يعني بقى ايه قلبه ابيض خالص بقى - 00:24:40ضَ

مش هستحمل انك انت النهاردة تبقى شيخه او استازه او انك انت تيجي النهاردة تقول له انت بتعمل حاجة غلط. هيستحملها من اي حد الا انت. ان هو معتبر ان هو ابوك. انا اللي باقول لك مش انت - 00:24:57ضَ

بتقول لي انا اللي امرك مش انت اللي تأمرني. فلازم تراعي الحساسية دي. ممكن والدتك تستحمل منك. يعني يمكن. لكن والدك مش هيستحمل. طب انا اعمل ايه؟ اسيبهم على الغلط؟ لا. انا عايزك - 00:25:07ضَ

بتتعمل بطريقة اشيك يعني مش هقول يعني ارفق بهم شوية. يعني ايه ارفق اعمل ايه؟ يعني بلاش الدخلة الجامدة دي. يعني بلاش تخشي بابا انت بتعمل حاجة حرام. يعني دي جامدة شوية عليه. يعني تجيبها بطريقة تانية. واخد بالك؟ يعني مسلا والدك ما بيصليش الفجر. مش لازم تقول له بابا انت بتعمل كبينة من الكبائر وانت اصلا فاجر وفاسق - 00:25:17ضَ

ترك الصلاة في كفر وفي في خلاف كفره. ممكن تقول له يا بابا آآ انا نفسي اصحى الفجر انا الدنيا مكعبلة معي. ايه رأيك تصحيني تقول لوالدتك ماما بقول لك ايه ما تساعديني اصحى الفجر. عارف ان انت ما تصحيش بس معلش عشان خاطري تعالي على نفسك. انا هاظبط نبه بصي لو ما سمعتوش ايه زقيني كده بس. هتيجي بتايه - 00:25:37ضَ

قاعد معهم مش كده ولا ايه؟ يعني بتبتدي انك انت تخلي موضوع اقتراحات يعني. اقتراحات آآ بابا انا نفسي انا اليومين دول يعني ربنا هاديني كده ربنا كارمني والحمد لله في حاجات كتير الصراحة كنت غلط بعملها بس مش عايز اقول لك عليها بس - 00:25:57ضَ

المهم عايزك تساعدني انا في حاجة كده فاضلة وعندي مشكلة. ايه يا ابني؟ موضوع الافلام والمسلسلات ده الصراحة لما بشوفه الدنيا تبوز معي خالص. معلش عايز الزقة معي كده الله يكرمك. يعني حاول لو انا موجود - 00:26:16ضَ

ما تساعدنيش على الموضوع دوت. انت ما تقولوش ان هو بيعمل حاجة ايه؟ غلط. انت هو فاهم انك انت بتعمل عادة سرية بتمشي مع بنات وهو بقى ينقزك دلوقتي. موضوع الافلام والمسلسلات دي بيأسر فيك الكليب - 00:26:26ضَ

الناس دي بتبهدلني يا بابا. فمعلش دي زق معي زقة كده ساعدني بس. يعني يا ريت ما مش عايز اشوف الايه الحاجات دي في البيت علشان انا بتعب وبتاع. انت كده حطيته هو - 00:26:36ضَ

ان هو بابا دلوقتي. ويا رب يبني بس انت كان ممكن تقولها له بطريقة تانية يا بابا اللي انت بتشوفه ده حرام وانت غلط وانت لازم تبقى كويس صح لكن انت حولتها ان هو اللي هو اللي بيربيك. هو اللي بيساعدك. انت كده كده مش محتاجه في حاجة. انت ما كنتش هتفرج كده كده. لكن انت بتقول له ساعدني صل الفجر. طب طفوا التليفزيون عشان - 00:26:46ضَ

تربوني خليته هو اللي ايه؟ هو اللي حاسس ان ايه معه يعني هو اللي بيهندل يعني بيتقل ازاي؟ هو اللي بيدير الايه؟ الموضوع دوت. تمام مش انت اللي ليه اللي عامل عليه - 00:27:06ضَ

ممكن مش لازم تتكلم في ساعة المنكر بالزبط ممكن تحضر له يعني انت عارف ان هم بيعملوا كزا غلط ممكن تقعد تدردش معهم وتحكي قصة عن ناس كانوا بيعملوا حاجة غلط - 00:27:21ضَ

سوء خاتمة وحسن خاتمة من غير ما تقول لهم انتم ايه يا عم بتعملوا حاجة غلط ولا بتاع هم فهموا الرسالة بكل ادب ما بال اقوام يفعلون ايه؟ كزا وكزا تمام - 00:27:31ضَ

اه ممكن تخش عليه دخلة تانية مسلا السجاير تكلمه عن صحته تكلمه بابا يعني نفسي تبقى انا بحبك وانت قدوتي في الحياة يعني بردو دخلت ممكن تبقى دخلة مختلفة ارفق - 00:27:40ضَ

شوية من ان انت تحسسه ان بابا انت بتعمل جريمة. هو مش غلط انك تقول له انت بتعمل حاجة حرام عادي يعني. بس انت بتراعي النفسية برضو شوية. هو الهدف المطلوب ان هو يبطل كزا مسلا - 00:27:50ضَ

فالدخلة بتفرق شوية. فعايز تبقى عندك نباهة. نباهة في الموضوع دوت. ابو هريرة رضي الله عنه وارضاه كان ارفق الناس بامه. امه كانت مشركة فقال كنت ادعوها الى الاسلام فتأبى علي - 00:28:00ضَ

قال فدعوتها يوما الى الاسلام فاسمعتني في رسول الله ما اكره. تخيل بقى! صعب اوي يعني امه خلاص سبت النبي عليه الصلاة والسلام. هيعمل ايه في ابو هريرة؟ ما عملش اي حاجة خالص خالص. ولم يتجاوز حدود الادب - 00:28:15ضَ

لم يكلمها كلمة زائدة سابها خالص سابها جدا لو انت بقى عملوا معك كده ممكن تعمل مشكلة كبيرة في البيت مش كده؟ سابها وراح الى النبي عليه الصلاة والسلام يبكي يبكي يقول يا - 00:28:33ضَ

اني ادعو امي وهي تأبى علي. ولقد دعوتها اليوم فقالت فيك كلاما اكرهه. يا رسول الله ادعو الله لامي ان يهديها. ادعو الله لامي ان فدعا النبي عليه الصلاة والسلام لام ابي هريرة قال اللهم اهد ام ابي هريرة. عاد ابو هريرة للبيت افترق الباب - 00:28:46ضَ

فقالت امه بكل هدوء. خد بالك راجع البيت بيخبط على البيت. واضح ان هو ما خسرش امه خالص ولا قال لها كلمة تزعلها. والا ما كتش دخلته. خبط على الباب وداخل عادي بعد ما عملت كده في - 00:29:06ضَ

النبي عليه الصلاة والسلام تخيل! فقالت على رسلك يا ابا هريرة يعني خليك مكانك. قال فسمعت صوت ماء. وسمعتها كأنها تغتسل ثم خرجت الي فتحت الباب قالت اشهد ان لا اله الا الله وان محمدا رسول الله. سبحان الله - 00:29:16ضَ

فذهب ابو هريرة فرحان للنبي عليه الصلاة والسلام بيقول لامي اسلمت امي اسلمت ادعو الله لي ان يحببني وامي الى الناس. فقال اللهم حبب ابا هريرة وامه الى الناس. قال ابو هريرة والله لا يسمع بي احد ولا يسمع بامي الا احبنا. ما تجد احد في الدنيا الا وهو يحب ايه؟ ابا هريرة - 00:29:32ضَ

رضي الله عنه وارضاه. بعد الاسلام بقى كان بيعمل ايه؟ كان بقى بيطلع الالتزام كله في الام ديت. فكان بعد كده بيمر عليها والاول كان بيخبط الباب بس بعد كده كان يمر علي يقول السلام عليك يا امي. ورحمة الله وبركاته. فتقول عليك السلام يا بني ورحمة الله وبركاته - 00:29:52ضَ

يقول رحمك الله يا امي كما ربيتيني صغيرا. وتقول رحمك الله يا بني كما بررتني كبيرا. ايه الجو ده؟ ده بيت ده ام دي امي بتتعامل معها عادي ولا انت طبعا كل واحد متخيل ماما دلوقتي ايه ماما ايه دي ماما صعبة قوي يعني ما ينفعش تتعامل معها اصلا ليه - 00:30:12ضَ

ليه؟ ممكن يعني تتعامل كده. مش لازم بنفس الالفاز يعني نتعامل بعبارات مسام مناسبة سهلة. الام تتقبلها جميلة ابو هريرة لما كبرت امه كانت كفيفة كان يحملها على ظهره. ويوديها اي مشوار يشيلها على ضهره ويلف بها عايزة تروحي فيها اصرف ما يروحش شايلها وموديها. شايلها وجايبها - 00:30:32ضَ

قالوا ابو هريرة لم يحج حتى ماتت امه. ما راحش يحج علشان امه عايشة ان هو ما يقدرش يروح يحج ويسيبها. مين لها؟ ما لقاش غيره. فترك الحج شف الحج عبادة عظيمة ازاي. لكن هو يرى ان بره بامه اعظم - 00:30:51ضَ

من زلك ان ما لهاش حد تاني. هيعوقها لو راح. فاخر الحج حتى ماتت. امه رضي الله عنه وارضاه كذلك كان عثمان وكان حارث بن النعمان. عائشة رضي الله عنها تصف عثمان وحارثة ابن النعمان بانهما ابر الصحابة بامهم - 00:31:11ضَ

قالت كان رجلان من اصحاب النبي عليه الصلاة والسلام ابر من كان في هذه الامة بامهما. عثمان بن عفان وحارثة ابن النعمان قالت عائشة قلت للرسول عليه الصلاة والسلام يوما يا رسول الله لقد نمت البارحة ورأيت اني في الجنة ثم سمعت صوت قارئ يقرأ - 00:31:30ضَ

فقلت من هذا الصوت الجميل؟ فقيل لي هذا حارث بن النعمان. فقال النبي عليه الصلاة والسلام كذلك البر كذلك البر. يعني هو في المكانة دي بسبب بر يعني حارثة من النعمان بامه رضي الله عنهم وارضاهم - 00:31:52ضَ

الصحابة فاهمين الدين صح. احنا عندنا خلل في فهم الدين. لزلك عايزك انك انت تبقى رفيق رفيق. وانك انت تبقى معلم جيد لاهلك في البيت. المشكلة التالتة انك انت بتكون انت السبب فيها برضو ان اصلا اهلك مش شايفين ان انت ملتزم - 00:32:12ضَ

يعني انت عملت شوية شكليات بتصلي في المسجد دقنك ولا ما عملتش عارف عملت ايه بس هم مش شايفين حاجة اتغيرت سلوكك هو هو كلامك هو هو. آآ تعاملك مع اخواتك هو هو. تعاملك معهم هو هو. هو مش شايف ان انت التزمت اصلا - 00:32:32ضَ

هو بيحارب الصورة الغريبة اللي انت فيها ديت هو في الحقيقة لو عمل كده يبقى عنده حق ان هو شايف ان انت في غلط اصلا. مين قال ان انت ملتزم؟ ده انت فتنة للناس. هو مش عايزك تبقى كده. ولو انت كنت التزمت فعلا التزام شامل كامل. كان ممكن كان - 00:32:51ضَ

ان قبل كده شاف فيك فعلا انك انت التزمت بجد نصيحة تانية اهلك خد بالك دي نفسية قليلة بس كلنا مرينا بتجارب وعارفين يعني ايه نفسية الاهل بيفكروا ازاي؟ الاخ بيلتزم قرآن صلاة مش عارف ايه فهو في - 00:33:08ضَ

فاكر ان هو مفترض يفرحوا به في البيت بقى اما يعمل كده. لأ هو مش هيفرحوا بك. لان هم الحاجات دي كلها مش بتلمسهم فاهمني الاهل مش هياخدوا بالهم الا من حاجة اللي بتلمسهم هم - 00:33:27ضَ

هو ده الالتزام عندهم صل زي ما انت عايز صوم ما انت عايز. بس هو لو ما شفش فيه منفعة من الالتزام ده عادت عليه هو مش هيقيد الالتزام دوت. لزلك - 00:33:43ضَ

من اخطاء ان انت مش بتركز على منافع تعود على الوالدين مباشرة. يلمسوها بسرعة بسرعة اول ما تلتزم عايزك اول ما تلتزم اكتر اتنين يحسوا ابوك وامك فعلا يحسوا ان انت التزمت بجد. ان هم شايفين حاجات غريبة اتغيرت فيك ناحيتهم هم - 00:33:55ضَ

مش اول ما تلتزم تركز على الحاجات اللي مش بيشوفوها. ورد قرآن الصلاة المسجد الاخوة الدروس. هم كل ده قاعدين في البيت ما بيشوفوش. هم بيشوفوك راجع زي ما انت - 00:34:15ضَ

ما فيش حاجة متغيرة فيك فانت انت شايف نفسك ملتزم وهم شايفينك ما فيش حاجة جديدة ما فيش حاجة عدت علينا يعني ايه؟ يعني انت عايز تكسبهم بسرعة اول حاجة في التزامك المصلحة اللي هتعود عليهم. تركز فيها. بمعنى لازم انك انت - 00:34:24ضَ

شوف كل حاجة كانوا بيكرهوها فيك قبل الالتزام تغيرها. كنت بتسهر مع اصحابك بطل تسهر مع اصحابك حتى لو ملتزمين. كنت آآ مسلا ما بتساعدش في البيت ساعد في البيت. كنت ما بتنزلش تشتري حاجة لمامتك هي اللي بتجيب كل حاجة. ابوك هو اللي بينزل انزل انت. قل لهم انا بعد كده من النهاردة انا نويت انزل اشتري لكم حاجات وبتاع. يعني - 00:34:42ضَ

انا شايف ان ده انا بحبك يا ماما وبتاع وخلاص. بس هتحششني ان انت هي حصلت حسنات عشان هم بيزعلوا من الموضوع دوت. يعني حسيت ان انت بتعمل كده عشان بتحبها. مش هتعمل كده عشان اخد حسنات - 00:35:02ضَ

سنات وخلاص سفلقة كده لأ انا بحبك يا ماما خلاص هو لازم تقول لها عشان انا باخد حسنات منك يعني. فهتحس ان انت ما بتعملش بالنسبة لها انت ما بتعملش لله يعني. انت - 00:35:12ضَ

اعمل كده عشان تاخد حسنات لكن انت ما بتحبنيش برضو. هو بيتضايقوا قوي من الموضوع دوت. فهتبتدي انك انت تبين لها الحتة ديت. آآ والدك ما كنش يحب انك انت آآ - 00:35:22ضَ

تنام في الصالون ما تنمش في الصالون. آآ مكان تحبك تنام بدري. نام بدري. آآ ما كنش يحبك انك انت تهمل في نفسك. ابتدي ايه؟ هندم في نفسك شوية الحاجات اللي هم كانوا بيتضايقوا منها كلها. حتى لو حلال يعني حتى لو بتعمل حاجة صح بس هم كانوا بيتضايقوا منها كل الحاجات دي اول حاجة تغيرها - 00:35:32ضَ

نبتدي ايه ايه ده الواد الجنة ولا ايه انا راجعة بدري انا النهاردة قلت له آآ قم قام يعني ايه قلت له نام نام الواد ده اتهبل ولا ايه؟ ايه يا حاج شف ابنك ما له - 00:35:49ضَ

لا يا حاجة ده دي اسار الدقن اصلا لك معلش. حلوة اوي يا حج خليك دقنه كده يا حاج الله يكرمك. طالما الموضوع كده حلو كده خليه بس المشاكل يا عم الحاج خليه. سبه بلاش تضايقه يا حاجة. ابوس ايدك ده احنا ما صدقنا بقى كويس. انا عايزهم يقولوا كده. يبقى هم مش طايقين التزامك - 00:36:06ضَ

بس يعدوها. علشان في مصالح كتير قوي حصلت. يا سلام بقى لو الموضوع بقى قلب بتقبيل يد تبوس دماغ ابوك تبوس ايد امك تبوس رجلها يا سلام بقى لو شوية هدايا بقى كده تجيب هدايا لوالدك محفزة قلم ساعة لو انت غني شوية موبايل تجيب لوالدتك بوكيه ورد كل واحد بقى ايه - 00:36:26ضَ

والعيلة بقى دكر بط الليل يمشي معها يعني كل واحد وماما بقى بتاعته بقى انت كل واحد ادرى ماما بتحب ايه. المهم تجيب لها اللية بتحب وخلاص. مش مهم بقى ايه هو ده يعني. واديها بقى كل اسبوع هدية كده. وكل ده انت بتمهد اصل لحيتك لسه بتطلع براحة ومش واخدين بالهم لغاية دلوقتي على فكرة. هيتفاجأوا - 00:36:46ضَ

وقريب ان في مشكلة كبيرة هتحصل. هيبتدي يتخانقوا مش هيعرفوا ليه لان انت سبقت من ساعة ما خدت قرار مسلا ان انا التزم اول حاجة بدأت بها الايه المعاملة معهم. فعلى ما بان عليك - 00:37:06ضَ

انت سبتهم خلاص هيقول لك بطل التزام هقولها بطل كله. تاخدوها زي ما هي كده ولا ها؟ ارجع يا حكشة القديم. لأ بلاش حكشة الله يكرمك. خليك زي بس انت المشكلة بدأت بالشكل قبل الايه؟ قبل التطبيق. تبدأ بالتطبيق الاول وبعد كده الشكليات ديت. او يعني اقصد هو كله دين يعني لكن المهم انك انت - 00:37:18ضَ

عامل حسابك للمويوم دوت. فانت زنقتهم. هم فجأة تلاقوك طلب علم والتزام وماشي مع ناس مش عارف ايه. الله الله الله ما انت ايه اللي حصل لك؟ يبتدوا يترددوا هيقدر يحاربك مش هيقدر. ما هو شاف في مصالح كتير جدا. خدم الالتزام دوت. هدايا وبتاع. ما هي دي المشكلة يا اخواننا. هو الاخ اول ما التزم اول حاجة فالح فيها - 00:37:41ضَ

ماما على فكرة بقى عيد الام طلع بدعة. يلا. وعلى فكرة مش هجيب لك هدية السنة دي عشان حرام. يلا. متوقع ايه من ماما يعني؟ بتحب الدين تحب الالتزام هتكرهك انت والالتزام والشيوخ والشيخ اللي قال لك والمسجد وتحاربك طبعا. لكن انت لو سبقت من دلوقتي يعني احنا دلوقتي بس خلاص زنقت انت. من من قبل من اول السنة - 00:38:01ضَ

في شهر واحد قاعد انت تجيب كل اسبوعين هدية. جيت في شهر تلاتة عديته كله حتى. عادي مش هزعل منك خالص. ولا هتقول لها بدعة ولا هي اصلا اليوم هيعدي عندها مش هتحس باي مشكلة. ان هي مش حاسة ان هي اصلا محرومة من حاجة عشان تفتقدها في اليوم دوت. فالملتزم مش - 00:38:24ضَ

هو اللي بيقول لماما عيد الام بدعة. الملتزم هو اللي بيجيب هدية لماما. كل شهر على الاقل مرة او مرتين واضح يا اخواني الكلام دوت؟ هم بيكرهونا ليه؟ بسبب كده. انت ما فيش حاجة عندك غير حرام؟ يعني الدين ما فيهوش حلال؟ هو ما فيش غير - 00:38:41ضَ

غلط ما فيش حاجة صح بيأمرك بها الدين؟ دي مشكلة تانية. مش كده؟ طب انا لو ركزت بقى على الجو دوت هيجوا مش هيقدروا يتكلموا معك. خلاص يا ابني التزم على - 00:38:58ضَ

يا سلام بقى لو تفوقت في الدراسة كده انت جبت الايه القاضية معهم. تمام؟ تعال ناخده حتة كده من السلف. لما ازاي فهموا الدين صح يعني ازاي فهمه؟ الدين صح. ازاي كانوا بيتعاملوا مع اهلهم؟ قال - 00:39:08ضَ

ابن عون نبئت ان رجلا دخل على محمد وهو عند امه. محمد ابن سيرين. فمحمد سيرين يعني معروف عن الناس ان هو جامد يعني. فقالوا ما شأن محمد اشتكي شيان شافوه عندهم شافوه قاعد مع امه. فبصوا له لقوه شكله عيان كده. قالوا ما له فيه ايه؟ قالوا لا. هو بخير ولكنه يكون هكذا عندما يجلس - 00:39:23ضَ

امي تحس ان هو قاعد مع ملك تحس ان هو قاعد ايه خايف راجل سبحان الله! ففي في ام بتخاف من ابنها. بعد ما التزم عشان هو جامد بيرد علي جامد وهي ما عندهاش علم. تقول لك يا ابني انا جاهلة ما اعرفش اقول لك ايه. وقاعد هو يديها بقى. طلع بها كل الدروس فيها. واحدة واحدة - 00:39:47ضَ

امك بتخاف منك خلاص ليه ابن سيرين كان بيقعد قدام امه بتخاف منه. آآ هو بيخاف منها. تمام كان علي ابن الحسين اللي بيسمى زين العابدين علي ابن الحسين ابن علي ابن ابي طالب. كان كثير البر بامه - 00:40:08ضَ

المهم هو كثير بر. فالناس شافوا عليه حاجة غريبة كده. قالوا له احنا بنشوفك ولما بتيجي تأكل قعدت مع امك ما بتاكلش معها. اشمعنا دي ما بتعملهاش؟ انت كويس معها في كل حاجة. ليه ما بتقعد - 00:40:26ضَ

تقعد معي بس ما بتاكلش. استناها تخلص وبعد كده انت ايه تاكل. فقال اخاف ان تسبق يدي الى ما سبقت اليه عينها فاكون قد عقلت حققتها. يعني انا امد ايدي اخد حاجة وهي قبل ما اخدها كانت عينيها عليها. بس هي لسه ما مدتش ايديها. فانا خايف اكون زعلت مني لو انا كلتها. طب انت ما خدتش بالك. وانا بقول انا - 00:40:36ضَ

انا خايف خليها تخلص كل اللي بتحبه وبعد كده هناكل الايه؟ الباقي. انت ايه اخبارك؟ تعال كل دراعي يا ابني هو ده اللي ناقص ماما مش قادر جعان خد جعان خد ماما لازم تتغدي النهاردة - 00:40:56ضَ

هات يا ماما. باقول لك ايه الورك ده شكله زيادة. هات يا ماما. يا ابني خد دراعي كله يا ابني. عارف انت الجو ده ؟ هو ده اللي بيحصل. يعني يعني في ادب عزيم - 00:41:16ضَ

اذا مع الوالدين. كان ابو حنيفة يغسل رأس امه ويقبلها عمر ابن زر لما مات ابنه قالوا كيف كان بره بك؟ قال ما مشى معي نهارا قط الا كان خلفي. ادب وما مشى معي ليلا قط الا كان - 00:41:26ضَ

امامي احميني ولا رقى على سطح انا تحتم ابدا. انا عمري ما طالعة في دور انا في الدور اللي تحتيه من الادب مع الايه؟ مع الاب. شف التعامل يا اخوانا الناس فاهمة الدين ازاي. كان طلق ابن حبيب - 00:41:48ضَ

يقبل رأس امه وكان لا يمشي فوق ظهر بيت هي تحته اجلالا لها. اجلالا لها وكان ابن الحسن التميمي في يوم من الايام خرج عقرب في البيت جري وراه وامه موجودة في البيت جري وراه. فالعقرب دخل في جحر - 00:42:03ضَ

هيعمل ايه؟ اموته ازاي؟ مش عارف يموتوا ازاي؟ هو شايفه في الجحر بس مش عارف يجيبه بحاجة. فراح مدخل ايده وجابه بايده. فلدغه العقرب بس هو موته بقى قالوا لما فعلت في نفسك هذا؟ قال خشيت ان يخرج العقرب فيلدغ امي. ما لازم اموته. ما هو ممكن يقول لك دخل الجحر سبه خلاص. فدخل ايده وجابه - 00:42:23ضَ

جه جابه بايده واتلدغ من عقرب قال بس امي ايه تسلم وما يحصلهاش حاجة تعال يا محمد في فرف المطبخ يا ماما ده فار يعني. ربنا يقويك. محمد تعال انت بتخاف من الفار؟ لا طبعا يا ماما - 00:42:46ضَ

خاف من اشتغل ايه بس؟ على فكرة الفار ما بيخوفش يعني. طب تعال معلش عندي ظروف كده كان محمدا المنكدر يضع خده على الارض امام امه ويقول يا امي ضعي قدمك على خدي. كده من غير حاجة خالص. هو كده - 00:43:03ضَ

ده العادي بتاعه يروح يحط دماغه على الارض يقول لها حطي رجلك فوق دماغي عشان اه تعرفي قيمتك عندي ناس فهمت الدين. ناس فهمت الدين صح سبحان الله وكان رجل في - 00:43:26ضَ

موسم الحج حمل امه على ظهره وطاف بها. فلقي ابن عمر وقال يا ابن عمر اتراني جزيتها؟ قال لا والله. ولا بزفرة واحدة. من زفراتها وكان رجل يحمل امه في كل موطن. حتى كان في الخلاء يحملها - 00:43:41ضَ

وكان يغض بصره عنها. فذهب حكى يعني لعمر رضي الله عنه هذا الامر هل اديت حقها؟ قال لا قال لقد حملتها على ظهري. وحبست نفسي عليها قال انت تصنع ذلك؟ هي كانت تصنع بك ذلك - 00:44:01ضَ

وهي تتمنى بقاؤك. واما انت فتصنع ذلك وتتمنى فراقها. تقول امتى استريح من حج الست التقيلة دي في نفسك حتى. لكن هي يوم ما كانت بتشيلك وكنت انت بتعملها وبتسويها وبتبهدل الدنيا. كانت بتفرح بك وتتمنى انك تعيش وتكبر. هيهات - 00:44:19ضَ

هيهات لن تصل الى بر الام ابدا من الخلل ايضا انك انت يبقى زي ما قلنا ان انت اصلا مش عامل ان البر ده عبادة وتبتدي توازن بين العبادات. يعني لما يتعارض البر مع عبادة تانية انت اصلا مش معتبر البر ده في الميزان دايما بتقدم العبادات الايه؟ التانية - 00:44:39ضَ

دي مشكلة يعني مسلا واحد التزم الاخوة لابسين قفاطين ولابسين طاقيات وبتاع راح عمل زيهم. فقال اهله في البيت لقوه متغير كده مرة مش مسلا مش بيحبوا اللبس دوت مسلا. قالوا له يا عم التزم زي ما انت عايز بس بقى بلاش تلبس القفطان. مش عايزينك تلبس الطية ديت. بس دي كانت - 00:45:05ضَ

راح هو زارجن ولازم بقى البس الايه لازم البس القفطان ولازم هالبس الطاقية خلاص طب تعالى بقى طب ليه هو الموضوع اصلا ما كان كان في يعني كان امر مستحب. كان ممكن تسيبه. وتكسب الوالدين - 00:45:27ضَ

يعني في احيانا خلل كده يعني في الموازنات ديت. يبقى مسلا هم يتكلموا معك في المستحب وهتكسب به التزامك كله. خلاص سيب المستحب وعلى فكرة انت هتسيبه دايما لأ هتسيبه مؤقتا لغاية ما يتعودوا عليك ويتعودوا على التزامك وبعد كده هتلبس اللي انت عايزه وهتروح اللي انت عايزه. قالوا لك ما صلي في المسجد ماشي. بس ما - 00:45:43ضَ

بس تصلي وتيجي على طول. لا اصلي السنن في المسجد. ما تصليها في البيت اه لا ده في كلمة بعد الصلاة لازم اسمعها. يا عم مش لازم تسمعها روح البيت اكسبهم وقلت لك دي فترة ايه؟ مؤقتة بس نعدي المرحلة الصعبة دي. يعني مش لازم من اول يوم كل حاجة عايزها - 00:46:05ضَ

يا تخسر كله يا تكسب كله لا. يعني هتوازن شوية. هتركز في الواجبات بس ان انا مش هينفع افاصل معهم في الواجبات. بس اي حاجة مستحبة ممكن ايه؟ اتساهل فيها عشان نعدي المرحلة دي بس - 00:46:23ضَ

تمام؟ ففيه موازنات. زلك السلف كانوا فاهمين القضية التعبد دي ان يعني بر الاب والام شيء مقدم على الامور المستحبة قال محمد بن المنكدر بات اخي عمر يصلي بالليل. وبت اغسل قدم امي - 00:46:34ضَ

فوالله ما احب ان ليلتي بليلته يعني لو قالوا لي راجعة لنا الزمان قالوا لي تصلي انت مكانه طول الليل وهو يغسل رجل امك يقول لا والله ابدا اقعد انا طول الليل اغسل رجل امي ومش مهم اصلي خالص. واليوم ده ما صلاش قيام ليل اصلا. بيقول بت اغسل رجل امي. قعد طول اليوم مع مع والدته قاعد يصليها - 00:46:53ضَ

ضحكها ويكلمها ويغسل رجليها بس. قضى اليوم في كده. ايه رأيك يوم بدل ما ما انت راجع البيت كل شوية اقفل عليك اوضتك وقاعد تزاكر افتح عادي واقعد مع والدتك واقعد هزر - 00:47:12ضَ

اضحك واتكلم واحكي حكاوي. قضي الليل كله معها يوم كده يا اخي هيحصل ايه يعني ليه دايما تخليهم ياخدوا الصورة كده على طول اول ما تيجي ترفع نفسك الباب ما دي حاجات كده. اي حاجة بصوا يا اخوانا احنا في اول التزامنا لازم نضيق دائرة الصدامات قدر ما نستطيع. انت في حاجات كتير هم دلوقتي اتفاجئوا بها انك بتعملها جديدة - 00:47:22ضَ

فانا عايز اقلل الاصطدامات هم كده كده في حاجات هيكلموني فيها. فلو فيه حاجة ممكن اؤجلها نأجلها ممكن اسمع كلامهم فيه؟ اسمع كلامهم فيه عشان نعدي مش كل حاجة اصطدم معهم فيها. لكن حاجة حرام مش هعملها. حاجة واجب هعملها خلاص. خلاص خلينا في دي. لو في امور مستحبة يمكن التفاهم فيها يبقى نتفاهم فيها علشان - 00:47:44ضَ

الامور تعدي. قال الحسن لا يعدل بر الوالدين لا حج ولا جهاد ولا صدقة نشوف بقى الكلام مثلا الامام ابن عساكر محدث الشام سئل يوما مرة اتأخر كان له درس اتأخر عليه - 00:48:05ضَ

درس وهو محدث الشام. وكان في بلد تانية اتأخر جدا. قالوا لما اتأخرت؟ قال لم تأزن لي امي في الخروج. قال لها عايز اروح درس في بلد تانية ومحدس الشام. قالت له لأ خليك معي شوية. اقعد شوية معي. ليه؟ اقعد كده وخلاص. اقعد - 00:48:25ضَ

اعمل ايه؟ انت بقى لو قريت تروح ده درس ما ينفعش. الاخوة الشيخ بتاع ماما بقول لك ايه مع نفسك وانزل. طب ليه؟ قلت لها داعية عليك معلش الدرس اتأجل يتسجل. اسمعوا على النت اتصرف. احضروا بعدين. خلي واحد ييجي يشرحه لك في البيت - 00:48:42ضَ

ما ينفعش انك انت تصطدم في حاجات ممكن التفاهم فيها حيوا بن شريح ده بقى اصعب كان قاعد ده من ائمة المسلمين وكان قاعد في الدرس بتاعه فعلا. الدرس بتاعه وناس قاعدين اضعاف اضعافكم. فامه نادت عليه قالت يا حيوا قال نعم يا امي - 00:49:02ضَ

هو في الدرس هو كان بيته جنب مسجد لازق في البيت. فهي بتنادي عليه سامعها يعني. قالت يا حيوا قال نعم يا امي. قالت قم واطعم الدجاج قال حاضر فهم اؤكل الايه؟ الفراخ واقول لهم استنوني شرائك الفراخ واجي. راح اكل فراخ ورجع الدرس. ايه رأيك؟ امام كبير جدا من المسلمين - 00:49:19ضَ

امام كبير ابن حيوى ابن شريح قالت امه اكل فراخ قال لها حاضر وقام اكل فراخ. عاديس ما فيش حاجة يعني في موضوع الام والناس قعدوا له واستنوه. وادينا بنتعلم منه لغاية النهاردة لو ما كانش قام كان حصلت له مشكلة - 00:49:40ضَ

ابو حنيفة بقى العجيب بقى. ابو حنيفة امه كانت لما تحب تسأل في مسألة فقهية كانت تسأل عمر ابن زر. تحب تسأل عمر الذر طب انا طب انا اسأليني انا. لأ. ما اسألكش انت. هو دايما الام بتشوف ابنها ايه؟ ما بتشوفش ابنها. يعني الناس كلها بتشوفك شيخ ماما تشوفك ايه آآ كوتي. يعني فاهم انت ايه كتكوت دايما انت - 00:49:56ضَ

بتاعها فمهما كنت شيخ ما رحت جيت بقى بقيت العالمة الداعية العلامة الفهامة انت كتومته في الاخر عند ماما. يعني ايه بس مش قصدي ابو حنيفة طبعا يعني. انا اقصد يعني هي هي كانت ايه يقول لها طب اسأليني انا لأ هي عايزة تسأل عمر ابن زار تمام وهو - 00:50:16ضَ

ابو حنيفة اعلن من عمر ابن زار والناس كلها عارفين كده. وعمرو نزار نفسه بيسأل ابو حنيفة. فهي تقول له عايز اسأل في مسألة. يقول لها تحت امرك. تقول له - 00:50:36ضَ

قال لها حاضر. يروح جايب الحمار بتاعه ومركبها عليه ويفضل يسوق الحمار قدام الناس كلها ابو حنيفة سايق حمار وركب امه عليه. يقول له اين ابو حنيفة؟ قال الى مجلس عمر ابن زار. لماذا - 00:50:46ضَ

قال امي تريد ان تسأله سؤالا طب اسألك انت والله قدر ربنا بقى نعمل ايه؟ رأي يروح بها وهو فرحان جدا ويروح ييجي عند عمار المزار يقول له يا سيدي امي تريد ان تسألك سؤال وتسأله وهو الراجل هيتجنن - 00:50:56ضَ

طب ابو حنيفة عندك في البيت ما تسأليه لا هي عايزة تروح فكان يعني شف الادب بتاعهم اخلاقهم مع الامهات احد السلف كلم امه فعلى صوته فاعتق رقبتين عشان علا صوته بس. الاخوة تطلع قدام سنة بالله عليكم عشان الدنيا زحمة. ازا قيل لكم تفسحوا في المجالس فافسحوا يفسح الله - 00:51:09ضَ

سئل رجل سأل رجل ابن عباس قال اني نذرت ان اغزو الروم وان ابواي يمنعان غزو مستحب يعني او او فرض كفاية لو ناس راحوا خلاص يكفوا الباقيين اللي قاعدين - 00:51:32ضَ

فقال اطع ابويك فان الروم ستجد من يغزوها غيرك. يعني الروم مش هتقف عليك خليك انت مع والديك هم ما لهمش غيرك. والروم ربنا ايه؟ هيرسل لهم من يغزوهم. تمام؟ اويس القرنية لما النبي عليه الصلاة والسلام قال اويس القرني - 00:51:49ضَ

خير التابعين صح ليه ما جاش قابل النبي عليه الصلاة والسلام؟ قالوا لانه كان بارا بامه. كانت امه ما تقدرش تيجي. ففضل معه. فوت صحبة النبي عليه الصلاة والسلام عشان خاطر ايه؟ عشان خاطر يقعد مع امه. هو عارف مكان النبي وممكن يجي له. ما قدرش يجي له لغاية ما مات. عشان امه ما كانتش تقدر تيجي معه. ففضل مع امه لغاية ما مات النبي عليه الصلاة والسلام - 00:52:07ضَ

وحرم اويس لكن لم يحرم والله انما فاز ببر الايه؟ فاز ببر الام من الحاجات برضو انك انت تنعزل عنهم يعني انت مسلا في مع الوالدين انت مسلا بتتجنبهم في الحياة الحرام مسلا بتتفرج على التلفزيون تحاول انت ايه تقعد في الاوضة اه بيغتاب - 00:52:29ضَ

وبتحاول ان انت تطلع البلكونة لكن المشكلة ان بعد كده بتبقى الحالة دي عامة. يعني ماشي كويس اللي انت بتعمله. وبعد كده في حالة عامة تطلع البيت تقفل على نفسك وخلاص. حتى لو ما بيعملوش حاجة غلط - 00:52:49ضَ

طب ليه؟ يعني انت كده كده هتبعد عنهم في حتت فما تخليهمش يحسوا ان انت كارههم هم نفسيهم. يعني اي مساحة ممكن تخالطهم فيها خالطهم. وليه انت ما تبقاش انت صاحب - 00:52:59ضَ

مبادرة يعني ليه انت رد فعل؟ ما تقول لهم طب تعالوا يا جماعة افسحكم النهاردة. خدهم في حتة حلال كويسة وكلوا واشربوا وارجعوا واتبسطوا. اقعد انت قل لهم النهاردة عايز عايز اكلمكم في موضوع اقعدوا - 00:53:09ضَ

حكي وضحكهم واعمل مش عارف ايه. خدت انت زمام المبادرة بدل ما انت مجرد رد فعل وقاعد منكمش في البيت مش عايز تكلم حد وخايف كل حاجة هتبقى حرام وخايف كل حاجة طب ليه فلو في اي - 00:53:19ضَ

في مساحة من التعامل المباح. اتعامل على طول لان انت كده كده هتحاول تبعد عنهم في الحتة ليه؟ الحتة الغلط او الحرام ديت فوسع الدائرة المشتركة فيما لا يحرم. كذلك ابتسم في وجوههم - 00:53:29ضَ

يخش البيت عبد انكماش. في ايه؟ زعلان. بيضحك مع الاخوة كلهم ويضحك مع الناس كلها. ييجي البيت قافل كده على طول تبصمك في وجه اخيك صدقة فكيف بتبسمك في وجه ابيك - 00:53:43ضَ

لا تنكر باليد مهما كان. هذه قاعدة جليلة في قواعد الامر. ان الامر بالمعروف والنهي عن المنكر قال النبي صلى الله عليه وسلم من رأى منكم منكر فلغيره بايه؟ بيده - 00:53:59ضَ

هذا مع كل احد الا الا الوالدين. الوالدين تنكر باللسان بس اعلى من كده لأ لعظم حق الوالدين. يعني ما ينفعش باباك بيشرب سجاير يروح واخد منه السيجارة. ما ينفعش. اخرك هتقول له يا بابا الغلط اللي بتعمله ده مسلا. حرام اي حاجة - 00:54:10ضَ

انت خدها منه لأ. تاخد العلبة تخبيها لأ ما ينفعش وهم بيتفرجوا على التليفزيون تروح قالب القناة. هتنصحهم خلاص. اقصى حاجة انك انت هتنصح باللسان. اما الانكار باليد مع الوالدين ما ينفعش - 00:54:28ضَ

مع اي حد لكن لعظم حق الوالدين ما ينفعش ان الولد يتجرأ على الوالدين بالايه؟ باليد من الحياة انك انت تخليهم يكرهوا التزامك مسلا. انك انت مسلا هم حاجة بيتضايقوا منها - 00:54:41ضَ

فتقعد انت تنسبها للالتزام بمعنى ايه؟ انت مسلا تقول لهم كزا غلط. يقول لك ايه غلط من البيت عرف منين؟ الشيخ في المسجد قال لي. طب ما انت يعني انت بتقول لهم ايه؟ ما تودونيش تاني - 00:54:54ضَ

المسجد الاخوة قالوا لي في المسجد قالوا لي اتعلمت كده في الدرس النهاردة. يعني هم كده كده متنرفزين من الحاجة اللي انت بتقولها فانسبها لنفسك. يعني قل قل قريتها على النت - 00:55:05ضَ

واحد في المشروع قالها لي اي حاجة لكن ما تقعدش تنزل بعد كده تقول لهم انا رايح فين؟ رايح المسجد المسجد ها تعال يا حبيبي خليك جنبنا. واخد بالك؟ كده يعني. ابدأ بدعوة الاقرب منهم. دور في الاسرة على - 00:55:19ضَ

الاب والام اخوك اختك. مين فيهم اقرب واحد للالتزام ممكن تدعوه؟ يبتدي يركز ايه؟ ركز عليه. ابتدي ابقوا اتنين في البيت. بعد كده تبقوا تلاتة. بعد كده تبقوا اربعة كده تلاقي البيت كله ايه؟ كله التزم وده ده اللي حاصل مع كتير من الاخوة ان هي بدأت بالصبر وعمل كل القواعد ديت التزم بها والبيت دلوقتي اغلبه ملتزم او محب جدا - 00:55:32ضَ

التزام على اضعف الايه؟ التقديرات. طبعا من زلك انك انت تكسر جدا من الدعاء لهم. تكسر جدا من الدعاء لهم. قال الله تعالى ان اشكر لي ولوالديك. فقال ابن عباس كما ان الانسان يصلي خمس صلوات في اليوم والليلة يجب عليه ان يدعو لابيه وامه خمس مرات في اليوم والليلة. وصلى - 00:55:52ضَ

رجل بجوار عروة بن الزبير بن العوام قال فسمعته في السجود يقول اللهم اغفر للزبير بن العوام اللهم اغفر لاسماء بنت ابي بكر. امه اسماء وابو الزبير. فديت حاجات ايه؟ مهمة. اخيرا - 00:56:12ضَ

اه اسئلة سريعة جدا يكثر السؤال عنها هي مش مش دي الدين يعني لكن هي في مسألتين دايما بيبقى فيهم مشكلة. هو طبعا الالتزام اوسع من كده. لكن دايما السؤال بييجي على الشكل لان الشكل - 00:56:29ضَ

اول حاجة باينة قوي احنا لو بدأنا مسلا اهو. واحدة لابس نقاب مسلا. فدايما السؤال بييجي في الحتة دي. دي اكبر صدمة بتحصل في البيت سواء كان النقاب او كانت اللحية دي - 00:56:44ضَ

اكبر مشكلة بتحصل في البيت. مش قصدي بالكلام دوت ان دوت هو الدين او او ده جزء من الدين احد احد العبادات. لكن دي بيحصل فيها اكبر صدمة لان هي حاجة في الشكل - 00:56:54ضَ

دي سابتة فيك على طول. فالناس بيحصل مشكلة معهم. فبيجي السؤال دايما واحدة عايزة تنتقب وتقول لك انا اهلي في البيت رافضين اعمل ايه هنجاوب الاجابة على محورين. الحاجة الاولانية - 00:57:04ضَ

في وسيلة سابتة معنا على طول. وفي وسيلة حنقولها متدرجة هي الوسيلة الثابتة. الحاجة اللي هنعملها من الاول للاخر. اول حاجة الصدق مع الله. ان يكون اصلا الاخت اللي عايزة تلبس نقاب صادقة مع الله في هزا الطلب - 00:57:19ضَ

ان في احيانا كتير بيبقى اللي بيتكلم اصلا مش صادق هو مش عايز. وزي ما يوم ما بيقول لك اهلي مانعني مش عارف ايه لكن هو من جوة هو اصلا مش مش ناوي اوي. لو صدق مع ربنا - 00:57:34ضَ

انا ما شفتش حد صدق مع ربنا في حاجة الا ربنا يسرها له. حتى لو كل الارض بتحاول تمنعه بنجد ان ربنا سبحانه وتعالى يسرها له. يبقى الصدق الاول فيما تطلب. يعني اتهم نفسك الاول - 00:57:44ضَ

خلص مشكلتك انت الاول. الصدق. نمرة اتنين التوكل على الله فقط. لا على كلامك ولا على دعوتك ولا على ابوك ولا على الاهل ولا على اي حد اعتمد على الله اعتمدي على الله فقط في طلب هذا الامر. الحاجة التالتة الدعاء ان تكثري من الدعاء جدا للابوين. ربنا يرقق قلبهم - 00:57:54ضَ

ان هو ربنا يحببهم في الموضوع ده. ان يا رب يعني ما يرفضوش دعاء طويل جدا. الحاجة الرابعة ان تكثري من العمل الصالح لكي ربنا يكرمك من ديفدي. يعني تعملي اعمال صالحة كتير عشان ربنا يكافئك على دي في دي. دي مشكلة مش قادرة عليها. طب انا هاجي لها من ناحية تانية. هاعمل اعمال صالحة - 00:58:14ضَ

عشان ربنا ييسر لي الامر المعلق الايه؟ اللي متكعبل دوت. فربنا يفرجه بسبب عبادتك اللي هي اللي عملتيها مقابل الموضوع دي الحاجة اللي هنعملها على طول. طيب ايه هي بقى الحاجة اللي هنتدرج فيها؟ اول حاجة هنفترض ان انت مش هتطلبي من اهلك النقاب. لا انت هتطلبي منهم حاجة زي ما كنت بتطلبي زمان - 00:58:34ضَ

اتفسح. عايزة فلوس. عايزة آآ اجيب هدوم معينة. عايزة آآ اخرج مع اصحابي. لما كانوا بيرفضوا كنت بتعملي ايه؟ نفس الموضوع كان في الحاح صح؟ كان في كل واحدة لها طريقة مع ماما مع بابا. كل واحدة عارفة مدخلها يعني. اه بطريقة الدلال بالاقناع بالزكاء - 00:58:54ضَ

اهلها مهارة في التعامل مع الاب والام عارفة مداخلهم ايه هدية؟ كلمة طيبة ممكن يحصل تمهيد بزكاء. نفس اللي كان واحد بيعمله او كان الواحدة بتعمله في طلب الشيء الصعب عارفة ان هي والدها مش هيرضى ان هي تخرج النهاردة. مش هيرضى ان هي تروح الفسحة ديت. مش هيرضى ان هي تجيب الهدوم ديت. كانت بتجيبها - 00:59:14ضَ

ازاي كانت تعمل كده؟ نفس الاداء ده هو اللي هتعمليه في طلب الايه؟ النقاب. هتقول لي لا ما نفعش ان الموضوع ده نقاب والموضوع اصعب هنخش في موضوع تاني. يعني المهم ان ينبغي الحزر من حاجة معينة. ان لما الاخت تكلم الموضوع ده بلاش يعني برضو موضوع الايه؟ اصل آآ لازم اعمل كده وحرام ما - 00:59:33ضَ

كده فايه بيتشد بالموضوع ده ليه؟ لان الوالدة مسلا مش منقبة مسلا. فلما هي بتقول لها لازم اعمل كده وحرام وواجب والكلام ده. وممكن هي الوالدة ايه بتعمل رد فعل عدائي؟ لأ طب مش هتلبسيه. فممكن نحاول نجيبها بطريقة تانية. طريقة تانية بحيس ان هم يقتنعوا. نجيبها بالاقناع. يعني مسلا ممكن الاخت تتعلل - 00:59:51ضَ

بالمعاكسات مسلا. او قبل كده ان هي الاول تبدأ تحاول تقنعهم بطريقة تانية. يعني تجيب تحاول تقنع الوالد ازاي؟ مسلا تسأله عن واحدة قريبتهم منقبة. تقول ايه رأيك في فلانة - 01:00:11ضَ

يقول لك والله ست محترمة وطيبة بس اسأليه كده وخلاص عدي يومين تلاتة. تاني تسأليه عن واحدة تانية منقبة في العائلة. والله ايه رأيك في فلانة؟ هتقول والله الست دي طيبة ما شفناش منها حاجة - 01:00:21ضَ

احسن ناس بعد فترة تقول له تاخديه بقى تنزلي معه مسلا في الشارع وتقول له بابا عايز اشتري هدوم وتعال معي انا بحبك تيجي معي بحبك تنقلي لي هدومي وتخشوا المحل - 01:00:31ضَ

وبعد كده تبتدي تنقي اللبس الواسع. او تنقي النقاب. قلت له يا بابا نفسي تشتري لي دوت. انا بحبك قوي. نفسي تشتري لي دوت. نفسي ابقى زي فلانة. ان انت قلت لي عليها - 01:00:41ضَ

كويسة. انا فعلا بحبها وواخداها قدوة لي. نفسي ابقى زيها. نفسي انك تشجعني على كده. انا عايز الكلام يجي منه هو مش منك انت. لان هو لما طول ما بيجي منك بيبقى فيه دايما ايه استنفار كده يعني. لكن لو جه ان هو اقتنع بالموضوع دوت بيبتدي الموضوع يبقى سهل - 01:00:51ضَ

فممكن يقول طب وماله خلاص ده انا اللي قايل لها بلساني فلانة دي كويسة وفلانة دي كويسة. هاجي اقول لها دلوقتي ايه طيب؟ فيتحرج ممكن الاب فممكن يتشجع يجيب الايه؟ يجيب اللبس دوت - 01:01:09ضَ

فتخليها تيجي منه انت اللي جبت لي هدومي انت السبب اقعد في ان انا عملت كده. جزاك الله خيرا. او قبليها طبعا تكوني ممهدة بحالة بر كبيرة قوي. يعني هدايا بقى - 01:01:19ضَ

في الفترة اللي قبل ما هتقولي لهم الايه الرغبة ديت هيبقى في هدايا وفي تقبيل ايدي وفي في حاجات كتير قوي تعمليها تمهدي للايه؟ للكلمة دي ان هي لما تتقال ما تتقابلش - 01:01:29ضَ

بصدمة قوية. طيب موضوع برضو ما جابش نتيجة. هبتدي ان انا اخش في خطوة جديدة ان احنا نبتدي نتحجج بالمعاكسات. ان هي الاخت بتتعرض لمضايقات في الطريق وبتتعرض معاكسات وفي تحرشات والاولاد بيعاكسوني واللبس دوت مش عامل لي حماية من الشباب والشباب فاسد والجامعة فيها مشاكل. وانا ما فيش حل انا لي واحدة صاحبتي - 01:01:39ضَ

النقابة هي الوحيدة اللي كويسة وما حدش بيكلمها فتبتدي تطلبي كده من باب انك انت عايزة تعفي نفسك وعايزة ما تتعرضيش مضايقات ممكن الوالد حمية تاخده فيوافق بسبب ان هو مش هرضى ان بنتي تتعرض - 01:01:59ضَ

المعاكسات تمام فممكن يوفي الباب دوت. لا ما جابتش برضو نتيجة تبتدي تحاولي تجيبي قريب. حد من القرايب يكون متحمس للقضية ديت. يبتدي يحاول على الوالد يأسر على الوالدة يكون بيشجعك يكون معك. يحاول يأسر عليهم لغاية ما يوافقوا. لا ما جابش نتيجة برضو. هننتقل بقى لمرحلة لايه؟ مرحلة البكاء - 01:02:12ضَ

ده السلاح الفتاك لاي بنت. هل بكاء عايز بقى البكاء اللي هو ايه بيقطع القلب بقى. ده فعلا بيعمل شغل يعني. الوالد بالزات طبعا ماما ولا كأنك لكن الوالد ممكن يتأسر يعني. البكاء اللي هو ايه اللي هو محن اوي يعني عارف انت؟ اه اللي هو بيقطع القلب ده. بكاء - 01:02:32ضَ

بقى بكاء بقى وتقعدي في الاوضة وتقفلي على نفسك شوية وتعملي زعلانة وبتاع يعني ممكن الوالد يتأثر ويمكن يوافق علشان بس انت بدأت تحطمي نفسيا. برضو ما جابش نتيجة وما حدش عبرني. هنبتدي بقى نتعامل. التعامل هتبتدي تقل لي الخروج من البيت قدر المستطاع. تمام؟ بعد - 01:02:52ضَ

ممكن وانت خارجة في حلين. الحل الاول ان انت تجيبي النقاب عادي او يعني حاجة غطاء للوجه. وتلبسيه برة البيت من غير ما يعرف. خلاص تجيبي قفاز تلبسيه وتلبسي نقاب - 01:03:12ضَ

برة البيت واول ما ترجعي البيت بتقلعيه ولا من شاف ولا من دنيا. طب هم عرفوا واو حسوا هننتقل للمرحلة اللي بعد كده. ان احنا هنجيب نضارة نضارة شمس كبيرة - 01:03:23ضَ

اويلي بتغطي تلت تربع الوش دي وهتتلبس صيف شتا شمس مش شمس شتا اي حاجة هي هتتلبس النضارة جوة برة النضارة الكبيرة ديت لبس ممكن تحتيها تلبسي الكمامة بحجة الايه؟ في حجة العدوى والكلام ده. خلاص ما حدش شايف منك اي حاجة يخبطوا دماغهم في الحيط. او تبقى في منديل حطاه - 01:03:33ضَ

بواجهك اغلب الايه؟ اغلب الوقت. فلو نزل الوالد معك هتلبسي النضارة وتحطي بقى المنديل اغلب الوقت علشان او تلبسي الكمامة دي في حجة الايه؟ العدوى بعد كده آآ هتبتدي تقعدي كده فترة شوية - 01:03:53ضَ

وبعد كده نبدأ من الاول تاني. تهدي شوية وبعد كده نبدأ تاني الالحاح والاقناع والدعاء والبر والكلام ده كله. لغاية ما بازن الله تعالى الامور هتتحل. هي مش هتيجي غير كده. عايزة جهاد. طب ليه ربنا يقدر علينا كده عشان تتمسكي بالنقاب ده جامد جدا بعد ما تلبسيه. تعرفي قيمته. ساعتها عمرك - 01:04:07ضَ

ابدا. طبعا اهم حاجة ما تخليش بابا يسمع الدرس ده ابدا طولت عليكم النهاردة خلاص اخر حاجة طيب صاحبنا ابو لحية ده طيب هنعمل معه ايه؟ الغلبان ده اللي بيتطحن في البيت. ايه هو السؤال دايما برضه صاحبنا اللي عايز يربي لحيته دوت وفي البيت بيحاربه - 01:04:27ضَ

اعمل ايه ؟ نفس الكلام بس انت امرك يعني ايه هنتك عليك شوية. لانك انت راجل. بمعنى كده انك انت اول حاجة انك انت هترفض. وتشوف هيحصل ايه. انا آآ تقول لي اصلك هتنفز. تقول لهم لأ انا ايه هربي لحيتي. يلا - 01:04:51ضَ

هيبتدي ايه؟ الحرب. لو الحرب مجرد حرب كلامية او ضغط او جزب وشد او كده عادي استحمل وخلاص. يعني انت مش مضطر انك انت تعمل حاجة. ومش هيعرفوا يعملوا عادي ما تطيعهمش وسيبهم وهم يتخانقوا معك ويزعقوا لك ويعملوا بتاع ويجيبوا لك ناس ويحاولوا يقنعوك. طالما احنا في معركة كلامية - 01:05:09ضَ

خلاص اسبت وخلاص هو شوية وقت بس زي ما قلنا كان المفروض تمهد للموضوع ده باعمال صالحة كتير معهم عشان يعدوها. لو انت اتأخرت يبقى لازم بالتوازي مع القرار ده انك انت - 01:05:28ضَ

تكون محضر بر طويل اوي مع الوالدين عشان يوم ما تقول لهم القرار دوت يبقى الموضوع ايه اسهل شوية. تمام؟ هتستحمل بقى تستحمل الحرب الايه اللي هتحصل عليك دي شوية وتسبت شوية لغاية ما هم مع البر الشديد بتاعك خلال الفترة بتاعة التحمل دي هيبتدي يهدم ويبتدي يفوتوا الموضوع ده عشان هم شافوا - 01:05:38ضَ

اتغيرت جدا من ساعة ما خدت الايه؟ القرار دوت. لو الموضوع بقى ايه؟ ممكن تلجأ للمفاوضات. تقول له طب اه بص سيبني اربي لحيتي واوعدك السنة دي امتياز لو ما جبتش امتياز هحلقها - 01:05:58ضَ

دبست يا حلو. ضعت كده انت. طب اوعدك اوعدك ان انا ايه الحاجة الفلانية اللي انت ما بتحبهاش فيها دي هبطلها. بس دي اقساط ديت. ايه رأيك؟ اه ممكن ايه يحصل مفاوضات يعني - 01:06:11ضَ

ما جاتش المفاوضات وبعد كده الموضوع اتطور بقى. قلب بطرد من البيت وهتضرب جامد وهيحصل مشكلة كبيرة. وفعلا بص لو تقدر تستحمل استحمل برضو. لا وصل مرحلة اكراه بقى انا مش قادر استحمل خالص. يبتدي يتفاوض على يعني التهزيب بس. تقول له طب بابا بص ايه هسويها بس. طبعا يعني ايه ما تجيبهاش يعني خالص - 01:06:21ضَ

تحاول ان انت ايه توصل لحل وسط معهم ما لا يدرك كله لا يترك زله يعني. فتحاول انت توصل لمرحلة وسط. بعد كده برضو تبالغ في البر وشوية شوية تروح سايبها تاني - 01:06:41ضَ

هم ايه؟ هيعدوها. مع ادمان الدعاء لهم والاستمرار في البر وتكرار المحاولات. وبازن الله تعالى الامور تعدي بسلام. سؤال تالت اه اه بتيجي تسلم مرة واحدة الاخ التزم مش هيسلم على قرايبه البنات دي مشكلة كبيرة صح؟ بس دي امرها سهلة بس ما حدش يقدر يجبرك عليها يعني خلاص - 01:06:51ضَ

انت هتقول له مش هسلم خلاص هتعملوا ايه يعني؟ هتروحوا قايل لهم يا جماعة انا خلاص آآ تيجي تسلم تقول لك لا والله انا اسف ما بسلمش ليه؟ والله الرسول عليه الصلاة والسلام ما كنش بيصافحني سينفعش لازم - 01:07:11ضَ

سلم دي عرفتك دي زي مامت زي بابا ما ليش دعوة. انا مش هاسلم. ما دي دي سهلة انا مش هيعرفوا يعملوا معك حاجة فيها. او احيانا بيعرفوا يعملوا يعني. كان عندنا اخ ايه - 01:07:21ضَ

قرر ان هو ما يسلمش على على قرايبه خالص البنات يعني. اللي هم مش محارم يعني. فراح لقى مرات عمه في وشه. هي كبيرة بتسلم عليها قالت له قال لها لأ مش هسلم عليك الرسول عليه الصلاة والسلام نهى عن زلك. يا ابني سلم علي انا زي امك فراح حط ايديه ايديه ورا ضهره. فراحت حضنته وباسته - 01:07:31ضَ

قالت له ولا ده انا زي امك. طبعا هو حط ايديه ورا ضهره. ما فيش مقاومة. راحت هوب. اديته واحدة كده فقرر يسلم يعني بعد كده. يعني ممكن تحصل مرة ان شاء الله وتبقى كويسة. انا قصدي ان الموضوع ده اللسعة دي هي مرة. بمعنى ايه؟ يوم ما هتبطل تسلم - 01:07:49ضَ

هي مرة واحدة هيتحرجوا كلهم بعد كده هم نفسهم مش هيرموا نفسهم تاني معك. اول ما هتخش يقول لك ايه عم الشيخ دخل ما حدش يسلم يا بنات ها عشان ما تحاربوش نفسيكم - 01:08:09ضَ

اخر حاجة الافراح والكلام دوت يقول لك تعال معنا الفرح مش تعال معنا الفرح. ارفض برضو. هيزعلوا وبتاع مش مهم. هيزعلوا طالما الفرح فيه منكرات كتير. لو الموضوع بقى نوصل لمرحلة بقى كبيرة قوي ممكن اخرك قوي يعني اه تقضي معهم اليوم في الاول كده قبل ما يخشوا القاعة. واه سلامات وطيبون والف مبروك. وساعة الجد تروح انت ايه - 01:08:21ضَ

تروح بتبعد خالص. ولما يا جماعة تيجوا ماشيين يتصلوا بي هاجي معكم. يعني انا كلام فيه آآ رسايل كتير لكن حبيت الم الموضوع على قد ما اقدر. في بس واحد لكن عايز اقول يا اخواننا دي اساسيات اساسيات في التعامل مع الالتزام الوالدين مهمة جدا القضية ديت انا عايز انا بقول لك النهاردة عشان - 01:08:41ضَ

انت تكسب علشان انت التزامك يفضل بدل جهل في التعامل مع الوالدين في اول الالتزام يؤدي الى اصطدامات انت اللي بتخسر في النهاية هو مش هيخسروا حاجة وممكن انت تأذيهم بنفسهم ان انت توقعهم في غلط هم ما كانوش عائزين يقعوا فيه - 01:09:01ضَ

لكن بسبب تعاملك السيء انت اللي ركبتهم ليه؟ ركبتهم الغلط دوت. فلابد ان احنا يا اخوانا نحسن التعامل مع الوالدين كشيء اساسي. لا يسمى الملتزم ملتزم حتى يكون بارا بوالديه بالطريقة اللي احنا ايه اتكلمنا عنها. نسأل الله ان يتقبل منا ومنكم صالح الاعمال. اقول قولي هزا واستغفر الله - 01:09:17ضَ