باحث

انتم عارفين آآ كتاب مدارج السالكين للامام ابن القيم رحمة الله عليه كتاب عزيم اوي في كده آآ يعني مش عارف اقول لكم ايه يعني هو ما فيهوش حاجة مش يعني كله مفيد - 00:00:01ضَ

كله جميل ولكن آآ اه الواحد كده احيانا في حاجات بتأسر فيه مسلا لما يبقى في حالة معينة من بيئة مرهق مسلا آآ مهموم بيبقى مشغول شوية نقرا نفس الحاجة اللي كان بيقراها قبل كده - 00:00:19ضَ

تحس ان هي اثرت عليه ما كانتش مأثرة علي قبل كده يعني لما كان الواحد مش في مش في مود معين الكلام دوت يأثر فيه لكن آآ احيانا بيجي الواحد كده لحظات بيقرا الكلام بيحس ان هو ايوة - 00:00:41ضَ

هو ده. ده وقته. انا كنت عايزه دلوقتي انا بقول الكلام ده ليه لان احنا حضرنا قبل كده مع بعض آآ اللي كانوا معي في دورة فن الحياة كان عندنا درس اسمه المرض الجميل. اكيد كتير منكم سمعه يعني. درس المرض الجميل - 00:00:58ضَ

كان بيجي لي عليه كومنتات كتير قوي اللي الناس بتقول لي الدرس ده جه في وقته اوي موضوع الدرس ده جه في وقته هو مش الدرس ده جه في وقته يعني هو هو سبحان الله يعني - 00:01:19ضَ

انت اللي كنت في حالة تتلقى الدرس مناسبة حسيت ان الايه ان الدرس دوت اه كان مناسب لك في الوقت دوت. احيانا بيبقى في كلام كده مش بنحسه الا لما نكون في حاجة حاجة له فعلا ماسة - 00:01:32ضَ

فهو مش الكلام اللي جه في وقته هو الكلام ده انت سمعته كتير قبل كده بس انت اول مرة اسمعه وانت آآ محتاجه او حاسه او او عايز تلمسه احنا النهاردة - 00:01:50ضَ

اغلبنا ان لم يكن كلنا في آآ ابتلاءات متنوعة والمرض منتشر في كل مكان دلوقتي غير الارهاق النفسي غير الهموم غير الغموم غير الاخبار السيئة غير غير غير حاجات كتير قوي - 00:02:05ضَ

خلينا نبدأ الدرس. انا بس مش عايز ادي مقدمة طويلة بس خلينا نبدأ درس على طول بقى. عشان كده انا خلاص هبدأ الدرس. فلازم ابدأ بحمد الله اولا والصلاة والسلام - 00:02:23ضَ

على النبي عليه الصلاة والسلام الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم اما بعد درس اليوم بعنوان الرضا عن الله - 00:02:37ضَ

احيانا الواحد آآ بيبقى فيه آآ حاجات بيقراها في الكتب بيكون قراها كتير قبل كده لكن آآ مرة كده ييجي يقرا حاجة في الكتاب يحس ان هي جت في وقتها - 00:02:59ضَ

زي ما قلت لكم قبل كده هي مش جت في وقتها وانت اللي في حالة الان تستشعر هزا الكلام حاسس به دلوقتي. رغم ان نفس الكلام ده يمكن انت قريته قبل كده - 00:03:18ضَ

مرة واتنين وتلاتة وعشرة بس هو الكلام ده المرة دي انا كاني اول مرة اقراه. كان الاية دي اول مرة اسمعها وده بيفكرني قول آآ لما مات النبي عليه الصلاة والسلام. الصحابة طبعا كانوا في حالة من الانهيار - 00:03:33ضَ

حتى جاء ابو بكر الصديق ودخل على النبي، عليه الصلاة والسلام، وقبله في رأسه وقال طبت حيا وميتا يا رسول الله. ثم خرج الى الناس فوجد عمر في حالة من الهيجان فقال على رسلك يا عمر ثم قرأ - 00:03:53ضَ

فقال قولته الشهيرة من كان يعبد محمد سيدنا محمدا قد مات ومن كان يعبد الله فان الله حي لا يموت ثم قرأ ابو بكر الصديق قول الله تعالى افان مات وما محمد الا رسول قد خلت من قبله الرسل. افان مات او قتل انقلبتم على - 00:04:10ضَ

ومن ينقلب على عقبيه فلن يضر الله شيئا. الصحابة قالوا ايه؟ قالوا فقرأها فكأنها نزلت الان. يعني كاننا اول مرة رغم ان الاية دي بتتقرا علينا كتير رغم ان احنا سمعناه كتير لكن في مواقف معينة بتلاقي الكلام لما بيجي لك - 00:04:28ضَ

تحس ايوة جه في وقته. لأ هو طول عمره موجود انت اللي جيت. مش هو اللي جه. انت اللي حالتك الان آآ حاسس به. وده بيدينا معنى للالم معنى للمرض معنى للارهاق معنى للتعب - 00:04:48ضَ

في حاجات عمرنا ما هنحس بها. من ايات من صفات الله من احاديث نبوية من حالات ايمانية لم تكن لتخرج ولا لتشعر بها ولا لتعيش فيها الا ان يبتليك الله سبحانه وتعالى بحالة - 00:05:07ضَ

تشعر فيها بهزه الاشياء. اسماء لله مش هتعرفها الا في المرض آآ آآ صفات لله مش هتحس بها الا في التعب. الا في الظلم او تكون مظلوم يعني. آآ آآ آآ احاديس مش هتحسها الا وانت آآ - 00:05:26ضَ

محتاج ماديا مزنوق في فلوس. احاديس مش هتحسها الا وانت وقعت في زنب آآ اسماء لله مش هتحسها الا وانت يعني قصرت وهكزا من زلك اه موضوعنا النهاردة يمكن واحد بيقرأ لابن القيم كتير - 00:05:42ضَ

بس احيانا كده بتيجي نقرا حاجة تقول ياه مع اني قريتها قبل كده يعني. يعني سبحان الله يعني كلام ابن القيم طبعا طول عمره كلام عزيم بس احيانا الواحد في كلام كده بيبقى ايه حاسه كده. انا عايز النهاردة اقول لكم حاجة من الحياة اللي قرأتها مؤخرا يمكن قرأتها كتير. بس - 00:06:02ضَ

حاسسها شوية انا عايز انقلها لكم هو فصل فصل كده عمله ابن القيم رحمه الله تعالى في كتاب البديع العزيم اللي هو يكاد يكون ارقى كتب ابن القيم على الاطلاق وهو كتاب - 00:06:22ضَ

مدارج السالكين. كتاب مدارج السالكين كتاب عزيم جدا جدا فصوله رائعة جدا. وله مختصر جميل اسمه تهزيب مدارج السالكين ينصح به للي عايز يبدأ في الكتاب يقرا الايه يقرا المختصر الاول. تهزيب مدارج السالكين - 00:06:39ضَ

ابن القيم في كتاب مدارج السالكين كان بيتكلم على منازل القلب في السير الى الله سبحانه وتعالى كان بيتكلم بقى على كل الاعمال القلبية. الصبر والرضا والشكر والرجاء وحسن الزن بالله. وآآ والتبتل والاستعانة والاستعازة. كل - 00:06:58ضَ

بقى اللي تتخيله اتكلم فيه فكان له باب بيتكلم فيه عن الرضا الرضا بعد ما اتكلم عن الصبر بيتكلم عن الرضا بقى عايز يقول ازاي العبد يرضى عن ربنا سبحانه وتعالى - 00:07:14ضَ

ازي العبد؟ يرضى عن الله ازاي العبد يستقبل اقدار الله بالرضا والصبر اقل من الرضا. الصبر ان انت تبقى في نفسك شيء كده بس ايه يعني كاتم كاتم تريد يعني - 00:07:31ضَ

كاره للموضوع اللي عندك دوت تريد ان تغيروا يعني بس انت حابس لسانك عن الشكوى وحابس قلبك عن التسخط وحابس الجوارح عن اللطم والحاجات دي. فده اسمك صابر لكن الراضي - 00:07:46ضَ

حاجة اعلى من كده والرضا مستحب عموما لان مش اي حد يعني يعني يتحمله لانه منزلة عالية اوي ابن القيم عايز يقول انا هقول لكم شوية حاجات يمكن تساعدكم على الرضا مش بيتكلم عن الصبر بقى. هو بيتكلم على ايه الاعلى - 00:08:03ضَ

هقول لكم شوية حاجات هتساعدكم على الرضا ازاي ترضوا باقدار الله سبحانه وتعالى كلام نحس ان احنا مش بنسمعه في الواقع بتاعنا احنا عايشين يا جماعة في واقع مؤلم احنا بنخش الفيسبوك بنخش صفحة الاخبار. بنخش على الجوجل. بنخش على تويتر. بنلاقي احزان مآسي شكوى - 00:08:21ضَ

احنا للاسف بقينا عبارة عن شكوى للناس كل احوالنا مكتوبة على النت مكتوبة على الفيس كل واحد يعطس عطسة يكتب يا جماعة ادعوا لي ومش عارف ايه بتاع انا كل حد يعني ابنه يحصل له - 00:08:46ضَ

خبطة كده الحقوني وبتاع وكل اخبارنا السيئة وكل اخبارنا السلبية وكل اخبارنا المؤلمة بننشرها في الناس. ييجي واحد يبان زي يخش لايك كمية اخبار اليمة. حاجة رهيبة يعني يا اخي اكتم هزا يعني اكتم. فيه ناس بتشمت فيك. يعني اكتفي بالله ربا. كلم ربنا اشتكي ليه؟ ليه بتقعد تقول لنا كل الحاجات دي - 00:09:00ضَ

وهيعجبني جدا قول الله تعالى لقد سمع الله قول التي تجادلك في زوجها وتشتكي الى الله. وتشتكي ايه؟ الى الله. والله يسمع تحاوركم هذه المرأة لم تشتكي لجيرانها من جوزها ما راحتش لاهلها تشتكي ما كتبتش على الفيسبوك. ما هي لو عندها تويتر ما كانتش كتبت انما وتشتكي الى الله. عشان كده - 00:09:25ضَ

كده مشكلتها خلصت بسرعة لانها اشتكت الى الله وهذا يعقوب مشكلته خلصت. انه قال انما اشكو بثي وحزني الى الله واعلم من الله ما لا تعلمون وهذا رسول الله صلى الله عليه وسلم يقول اللهم اني اشكو اليك ضعف قوتي وقلة حيلتي - 00:09:54ضَ

عندنا مشكلة ان احنا بنشتكي كتير واللي بيشتكي كتير ده عادة مش راضي يعني للاسف ده بقى عدوى. يعني بقى ان واحد يبقى بيحمد ربنا في كل حال وراضي عن الله في كل حال. ده فين ده؟ فين ده؟ مش آآ - 00:10:11ضَ

مين ده ؟ فين اللي دايما آآ بيطلع الجميل اللي فيه؟ فين دايما اللي بيثني على الله بما هو اهله؟ احنا بقينا دلوقتي هروبا من ان احنا نتكلم عن ربنا بقينا بنشتكي من الدنيا نغني لليل الدنيا زلمتني الليل - 00:10:30ضَ

الليل ازاني الدنيا جاية علي الدنيا حطت علي فيه ايه؟ انت عايز تقول ايه عايز تقول ايه انت عايز تشتكي ربنا بس مش عايز تقول ربنا سبحان الله يعني فين الحمد لله على كل حال - 00:10:50ضَ

الحمد لله الذي بنعمته تتم الصالحات فين رضيت بالله ربا؟ ورضيت بالله ربا دي يعني يعني رضيت بالله خالقا ولا ربا دعني ربا مدبرا حكيما عليما سبحانه وتعالى خبيرا رزاقا ضار نافع - 00:11:09ضَ

كل حاجة ولا رضا عن ربنا بس لما يعطيك ولا رضا عن ربنا بس لما يعني يرزقك آآ ذرية لكن اول ما ييجي الابتلاء تبتدي تصوت في كل السوشيال ميديا - 00:11:30ضَ

تبتدي تشتكي بدل بس بدل ما تقول ربنا تقعد تقول دنيا وحاطين علي ومتبهدل وحالتي بالبلاء في ايه في ايه يا جماعة في ايه؟ اين انتم من بلايا الانبياء اين انتم من آلام الانبياء - 00:11:43ضَ

اين انتم من جراحات الانبياء هؤلاء احمد الناس فسمي النبي عليه الصلاة والسلام محمد واحمد لانه ما حمد الله احد اكثر منه صلى الله عليه وسلم كتير ما بقول لاخواني ويمكن سمعتوها مني في دروس قبل كده - 00:11:59ضَ

كنت اقول لهم يا جماعة عايز احكي لكم حاجة واحدة حاجة واحدة من الام النبي، عليه الصلاة والسلام في حاجات اصلي بتعدي علينا كده ما بناخدش بالنا منها احنا بنفتكر النبي عليه الصلاة والسلام دوت كل الامه كانت في الدعوة - 00:12:19ضَ

والمنافقين والجهاد والكلام دوت. احنا ما بناخدش بالنا ان اسناء اسناء السيرة اللي فيها كمية احداس مهولة وكل واحد فيها اصعب من التانية يوم الطائف ويوم احد وو هذا الرجل صلى الله عليه وسلم كان عنده سبع ولاد. تلاتة صبيان واربعة بنات. اسناء بس حياته كده - 00:12:36ضَ

مات ستة اسناء اللي انت بتشوفه ده احد والطائف وحنين والاحزاب وكل الحاجات اللي احنا بنفتكرها هي دي بلاءات النبي عليه الصلاة والسلام. لأ هو في السكة دي وانت مش واخد بالك وانت مش واخد بالك وانت مش واخد بالك - 00:13:00ضَ

مات له ستة من سبعة تلات صبيان ماتوا صغار تلات بنات ماتوا كبار ولم يبق له الا فاطمة في السكة دي ماتت له حفيدة حفيدة امامة بنت بنته ماتت خدت بالك من حد فينا بياخد باله من الحاجات دي في حياة النبي عليه الصلاة والسلام - 00:13:16ضَ

احنا عندنا لو واحد مات له ولد او ام مات لها بنت ممكن تقعد تعمل عليها مناحة في الميديا الى ان تلقى الله وكأن احدا لم يبتلى الا هي وكأن احدا لم يبتلى الا هي - 00:13:44ضَ

النبي عليه الصلاة والسلام ماتت زوجته احب الناس اليه. مات عمه. مات آآ حمزة. مات اصحاب شيء رهيب لا يحتمل. اتهمت عائشة في عرضها. اللي هو اللي احنا بنسمعه. الاحداث اللي احنا نسمعها فرادى - 00:13:58ضَ

هنسمع دلوقتي اه فلانة واحد عمل لها صور واتهمها في عرضها. ده موضوع. فلانة مات لها ابن فلانة ماتت لها بنت فلانة اتكسرت. فلانة اتضربت. فلانة جوزها فلانة. لأ كل ده كل ده كل ده - 00:14:16ضَ

حصل اضعافه للنبي لوحده عليه الصلاة والسلام وما رأينا منه الاكل رضا عن الله سبحانه وتعالى من ارضى الناس عليه الصلاة والسلام انزل الله عليه السكينة. رضي بالله ربا فارضاه الله سبحانه وتعالى - 00:14:36ضَ

وهو من هو عليه الصلاة والسلام وهو خير خلق الله كان يبيت وليس في بيته طعام. وكان يربط الحجر على بطنه عليه الصلاة والسلام من شدة الجوع. عمرك وصلت لكده مع احترام - 00:14:55ضَ

احنا بنقعد نشتكي واحنا حالنا واحنا اقل من غيرنا واحنا ما عندناش واحنا عايزين نجيب في يوم في يوم نمت فيه رابط حجر على باطنك علشان تحبس الجوع عمرك عدى في بيتك شهرين شهرين شهرين ما شفتش طبيخ - 00:15:08ضَ

ما شفتش اكل بيتسخن كان يمر عليه الشهرين عليه الصلاة والسلام لا يوقد في بيته نار ده برضه جزء من الاحداس الضخمة اللي بتحصل ده غير بقى الاحزاب وغير احد وغير بدر وغير اصحابه اللي بيموتوا وغير وغير ده كده حاجة في السكة - 00:15:30ضَ

حاجة في السكة بس لي واحدة من دول اللي هي على السكة دي بتوقف حياتنا ورغم زلك لم نرى منها ان منه الا كل الرضا صلى الله عليه وسلم واحد يقف منبهر. انت ازاي كده - 00:15:47ضَ

انت ازاي بيحصل فيك كل ده ؟ وعندك صلابة نفسية انك تكمل. عندك كم من الرضا عجيب انك تكمل زلك ابن القيم بقى انا مش شكلي مش هبدأ النهاردة ابن القيم بقى عمل فصل - 00:16:05ضَ

عزيم يقول وفصل سميها كده فصل نافع جدا الاسباب التي توصل العبد الى الرضا فصل نافع جدا في الاسباب التي توصل العبد الى الرضا ازاي يوصل العبد للرضا ازاي نعملها ازاي؟ هتلاقوا كده لو تهزيب مدارج السالكين او المدارج يدور على فصل الرضا دوت. هيلاقي الحاجات دي - 00:16:28ضَ

خدوا المفاجأة بقى ابن القيم كتب كم سبب يوصل الى الرضا؟ تخيلوا كده كل واحد يفكر كده ابن القيم كتب كم سبب يوصل الى الرضا جربوا كده قولي لي رقم كده - 00:17:01ضَ

افتكروا كم سبب؟ نقيم بقى ايه هينطلق في الاسباب التي تساعد العبد على الرضا اقول لكم انا لا لا حش للدرجة دي كتب اكتر من ستين سبب اكثر من ستين سبب يعين العبد على الرضا - 00:17:27ضَ

ستين سبب اه هو فعلا ممكن كتبه لو اتشرحوا يخلصوا في مجلد ما تسألنيش عملها ازاي؟ ده ابن القيم بقى. احنا على قدنا. احنا بنحاول نفهم بس. احنا لو قلنا النهاردة عشرة منهم نبقى جامدين قوي - 00:17:51ضَ

قال ستين سبب يعين العبد على الرضا صح دي حتة كده من مدارج السالكين بس. حتة صغيرة. من كتاب مدارج السالكين تعالوا نقرا بقى ابن القيم يقول بسم الله انما تستوي النعمة - 00:18:08ضَ

والبلية عند العبد في وجوه يعني امتى يستوي عند العبد النعمة والبلية عند العبد في الرضا لوجوه امتى تستوي عنده النعمة والبلية؟ يبقى راضي عن الله في كل حال نعمة بلية هو راضي دايما. راضي عن الله - 00:18:28ضَ

قال احدها الاولى انه مفوض والمفوض راض بكل ما اختاره له من فوض اليه ولا سيما اذا علم كمال حكمته ورحمته ولطفه وحسن اختياره له ازا الرضا عن الله وفرعن معرفتك بالله - 00:18:47ضَ

بيقول انت اصلا بتتعامل. مين اللي قدر عليك القدر؟ الله. من هو الله؟ الله عليم حكيم رحيم عليم حكيم رحيم لطيف له الاسماء الحسنى. وانت مفوض امرك له وافوض امري الى الله. فالمفوض - 00:19:15ضَ

لا يسأل المفوض لمازا فعلت هزا ولا يراجعه في اختياري. خاصة ازا كان قد فوض الى من هو اعلم واعلى واحكم وارحم واحسن وافضل وكل شيء يبقى ازاي بعد ما هو المفوض دوت يختار لك اختيار تيجي انت يبقى في نفسك شيء من هزا الاختيار. شف ده اول سبب بس - 00:19:34ضَ

هخش في التاني بيقول السبب الثاني انه لا تبديل لكلمات الله. يعني واعلم انه اصابك لم يكن ليخطئك ومع اخطاء لا يكن السواك لا تبديل لكلمات الله ولا راد لحكمه وان ما شاء الله كان - 00:20:04ضَ

وما لم يشأ لم يكن هو يعلم ان البلية والنعمة بقضاء سابق وقدر حتم بمعنى كما قيل ان العبد اذا راضي مر عليه البلاء وله فيه اجر وازا لم يرضى - 00:20:25ضَ

مر عليه البلاء وكان عليه وزر يعني هو كده كده القضاء هيعدي عليك. فاما ان تخرج منه فائز وتخرج منه خسران فمما يعين العبد على الرضا ان يعلم ان رضاه او عدم رضاه لا يؤثر في جريان - 00:20:44ضَ

جريان البلاء. هو كده كده سيجري عليك البلاء. وطالما حصل يبقى ما كانش مش هيحصل فتاخده وتاخد معه اجر ولا تاخده وتاخد معه وزر. فده بيساعدك على ايه؟ على الرضا ان انا اطلع على الاقل كسبان. عجبا لامر المؤمن ان امره كله له خير - 00:21:03ضَ

بيقول التالت انه عبد محض والعبد المحض لو هو عبد بجد عبد بجد لا يسخط جريان احكام سيده المشفق البار الناصح المحسن بل يتلقاها كلها بالرضا به وعنه انه عبد محض - 00:21:21ضَ

بس مين فينا عبد محض يا جماعة؟ مين فينا عبد محض للاسف عبيد من وراء وراء عبيد كذابين نزعم اننا عبيد لله. اياك نعبد واياك نستعين. اللهم اني انا عبدك وابن عبدك وابن امتك كذاب - 00:21:45ضَ

شأنك لا يدل على ذلك. انت اذا يعني الله بك ما تحب شكرته اذا فعل بك ما لا تحب ولا ترضى فانك تسخط زلك. هذا ليس فعل العبد خاصة ازا كان هزا العبد مفترض انه يعلم ان سيده مشفق بار - 00:22:04ضَ

محسن ناصح فكيف العبد يعني تارك امره لسيده ففعل سيده به شيء فالمفترض انه يقول آآ لا شك ان سيدي قد فعل بي الافضل والاحسن الرابع بقى انه محب شوفوا علي المفوض تمام - 00:22:25ضَ

وقال انه عبد وقال انه محب والمحب الصادق من رضي بما يعامله به حبيبه المحب الصادق من رضي بما يعامله به حبيبه اللي بيحب حد بجد بيحب اي حاجة بتيجي منه. خاصة ازا علم ان هزا الاخر ايضا يحبه - 00:22:45ضَ

ولا يتصور انه يؤزيه ازا كان الناس بتقول مسال مسلا يعني يعني آآ طبعا ده مسال كده يعني بيقول عشان للتفهيم يعني. ناس تقول ضرب الحبيب زي ايه ضرب الحبيب زي ايه - 00:23:12ضَ

عارفينه طبعا انت الناس العادية تقول ضرب الحبيب زي اكل الزبيب رغم ان ممكن ان الحبيب ده ضربك زلم يعني يعني يعني ممكن الحبيب ده اللي بيحبك ضربك وبيأزيك فعلا او بيزلمك فعلا او بيضرك فعلا - 00:23:29ضَ

رغم زلك الناس بتقول ده حتى لو بيزلمني. ولو بيأزيني ولو متعمد يضايقني والله هو طالما بحبك على قلبي زي العسل ده في حالة ان اللي بتحبه ضربك. ضربك بيأزيك وهو ما عندوش الحكمة وما عندوش الوعي. وما عندوش حسن الاختيار - 00:23:47ضَ

هو ما عندوش العلم والرحمة ورغم زلك قلت على المزلمة اللي حصلت فيك دي اكل زبيب علشان جاية من حد بتحبه بس صح فما ظنك برب العالمين ما زنكم برب العالمين - 00:24:07ضَ

ازا اتاك القدر من الله وانت تحبه وهو يحبك وانت تعلم يقينا انه لا يزلم الناس شيئا وانه لا لا لا يريد الا الخير لعبده المؤمن. ويكره مساءة عبده المؤمن. ويدبر له داخل الشر الزهير - 00:24:26ضَ

خير كثير لك العبد جاهل لا يعلم العواقب ويقف المحب امام الحبيب يتلقى اقداره بالرضا يقول طالما هزا القدر من الزي قدر علي؟ اليس رب العالمين؟ وانا احب رب العالمين. وهو يحبني - 00:24:43ضَ

وانا راض عنه سبحانه وتعالى. ما يأتيني منه زي ما بنقول كده بالبلدي على قلبي زي العسل البلدي ببساطة على قلبي زي العسل بيقول ابن القيم السبب الخامس انه جاهل - 00:24:59ضَ

بعواقب الامور جاهل. دي مهمة جدا. انه جاهل بعواقب الامور وسيده اعلم بمصلحتي وبما ينفعه ان الرضا يا جماعة بييجي من حاجتين. علمك بالله وعلمك بنفسك. علمك بالله وعلمك بنفسك - 00:25:15ضَ

علم واحد مش هيكفيك لازم الاتنين. علمك بالله انه عليم حكيم خبير رحيم شفيق بار محسن ارحم بك من امك وعلمك بنفسك انها زلومة جهولة عجولة متسرعة تحسب الامور من نزرة ضيقة ترى الامور من ناحية واحدة - 00:25:39ضَ

ايه ده! لا ترى كل الجهات اذا علمت زلك وعلمت حالك انك جاهل بعواقب الامور وتعلم ان سيدك اعلم بهذه المصلحة منك وبما ينفعك وقفت في مقام الرضا عن اقداره سبحانه وتعالى. راض به وعنه جل - 00:25:57ضَ

في علاه بعد كده بيقول السبب السادس. في ستين احنا في ستة لسه انه لا يريد مصلحة نفسه من كل وجه ولو عرف اسبابها فهو جاهل ظالم. يعني الانسان ممكن ايه - 00:26:14ضَ

يعني ايه ابن القيم بيقول الكلام دوت؟ بيقول ان الانسان لا يريد مصلحة نفسه من كل وجه. يعني ممكن واحد فينا مسلا يكون عايز يبقى غني هو شايف ان دي مصلحة - 00:26:31ضَ

بس هو شايفها مصلحة من زاوية واحدة ان انا هستريح ماديا هلبس كويس هاكل كويس عيالي هيخشوا مدارس احسن هو شايف مصلحة بس هو شايف من ايه؟ من وجه واحد لا يرى باقي الوجوه قد - 00:26:43ضَ

يكون غناك سبب ان انت تنتكس. قد يكون سبب غناك سبب انك انت تفتن في دينك. قد يكون الغنى سبب ان ولادك ولادك يخشوا مدارس آآ فخمة جدا فيتعرفوا على صحبة سيئة فيشربوا خمور او يشربوا مخدرات او يروحوا الساحل عشان معهم فلوس كتير فيزنوا فيفجروا - 00:26:56ضَ

فبنتك تعمل يحصل جريمة قتل ما تعرفش في الاخر انت مش عارف بس انت شايف تقول له يا اخي انا نفسي ابقى غني ليه ربنا بيخليني ما تعرفش ممكن انت مختلى بمرض ما. وربك يعلم انك لو اعطيت الصحة لفجرت - 00:27:16ضَ

او لو اعطيت الصحة لا زال هذا الانكسار الجميل الذي في قلبك. ولزهبت الدعوة الجميلة التي تدعو بها في جوف الليل. ولا قصرت في الصلاة بعد ما ان كنت مواظبا عليها - 00:27:33ضَ

مش ممكن انت شايف فيه مصلحة؟ ليه ربنا بدعيه كتير ان انا اخف ليه ما ما بخفش لما تفكر في الموضوع ده انت هتفضل تدعي عادي يا رب اخف عادي. بس انت راضي - 00:27:45ضَ

في الاخر ربنا اراد بي الشفاء يبقى هو ده الصح. اراد بي المرض يبقى هو ده الصح. خلاص انا راضي تماما. عن الله سبحانه وتعالى. فالعبد يريد مصلحة نفسه فعلا. لكن لا يرى كل الوجوه - 00:28:00ضَ

ولو عرف كل الوجوه لا اختار ما اختاره له الله سبحانه وتعالى. عشان كده ربنا قال وعسى ان تكرهوا شيئا وهو خير لكم. وعسى ان تحبوا شيئا هو ايه؟ شر لكم. والله يعلم - 00:28:15ضَ

والله يعلم وانتم ايه؟ وانتم لا تعلمون. انتم لا تعلمون ان كرهتموهن وعسى ان تكرهوا شيئا ويجعل الله فيه خيرا كثيرا بيقولوا انعكاسها بالسابع انه مسلم مسلم والمسلم من قد سلم نفسه لله - 00:28:27ضَ

ولم يعترض عليه في جريان احكامه عليه ولم يسخط ذلك عشان كده يا جماعة ربنا سبحانه وتعالى لما اراد ان هو يختصر لنا المرة دي اختصر لنا سبب علو شأن ابراهيم عليه السلام - 00:28:52ضَ

ليه ليه ربنا اصطفاه؟ ليه ربنا اختاره؟ ليه ربنا اعلى قدره؟ ربنا قال حاجة واحدة بس حاجة واحدة بس قال ولقد اصطفيناه في الدنيا تاني ولقد اصطفيناه في الدنيا ولقد اصطفيناه في الدنيا - 00:29:13ضَ

وانه في الاخرة لمن الصالحين. ليه؟ ليه؟ ليه يا رب يعني السبب. اذ قال له ربه اسلم اسلم قال اسلمت لرب العالمين هل طبق ابراهيم فعلا الاسلام بلا شك ربنا قال ان ده جاب مية في المية يا جماعة. وازا ابتلى ابراهيم ربه بكلمات - 00:29:35ضَ

رهيب ما تمهن فاتمهن يعني ابتلاه بحاجات رهيبة جدا يا جماعة. ابتلاه بالنار انه يتحرق في النار وهو من هو. رضي بالله. ما سخطش خالص. ابتلاه ان هو ما فيش انجاب لمدة ضخمة جدا في حياته - 00:30:03ضَ

ولا ما فيش اي حاجة ابتلاء اول ما يجي له الولد حطه في الصحراء هو وامه وامش بعد ما يكبر ادبحه عادي جدا هيروح هيدبحه ما عنده مشكلة عبد مسلم راضي تماما عن الله سبحانه وتعالى. مفوض بجد مسلم بجد عبد بجد - 00:30:17ضَ

حامد شاكر ربنا وصف ابراهيم قال شاكرا لانعمه. شاكرا لانعمه. ده انت ابتليته بالنار. وابتليته بدبح ابنه. وابتليته انه يرمي ابنه في الصحراء ويمشي. وابتليت عدم الانجاب عشرات السنين وابراهيم عليه السلام شاكرا لانعمه - 00:30:41ضَ

يا سبحان الله احنا الواحد فينا لو ربنا ادى له الف نعمة وبكلام ابتلاء صغير كده ما ينساهوش ابدا كده الانسان كنود يذكر المصيبة الواحدة وينسى الاف النعم لكن ابراهيم عليه السلام كان بيحمد ربنا على كل حاجة - 00:31:04ضَ

حتى دبح ابنه حتى ترك ابنه في الصحراء من يرى ان هزه نعم لان هو انسان جهول نعم من الله يستحق عليها الحمد ان احنا دلوقتي دلوقتي لما بنشوف عواقب عواقب - 00:31:25ضَ

هزه الابتلاءات اللي حاصلة لابراهيم نقول والله كانت نعمة نقول والله كانت نعمة والحمد لله ان ربنا ابتلاه بانه يسيب ابنه عشان نشوف زمزم ونشوف مكة ونشوف الكعبة وابتلاه بدبح ابنه عشان نشوف الاضحية ونشوف التضحية ويبقى فيه سنن وفي ملة كل ده - 00:31:42ضَ

لكن هو لو كان بيقيسها بس كده بمنزور البني ادم ما كنش شافها كده لكن هو مفوض مسلم والمسلم من قد سلم نفسه لله ولم يعترض عليه في جارين احكامي عليه ولم يسخط زلك - 00:32:06ضَ

انتبه لما تشوف احاجات الانبياء تاخدها عبرة. نفس اللي حصل بيحصل معك بس مش لازم ينزل فيه القرآن. ومش لازم ربنا يقول لك. هو حصلت مع الانبياء واحنا عرفنا الحكم - 00:32:24ضَ

خلاص انت بيحصل معك نفس الحاجة مش لازم كل مرة ينزل الوحي. مش لازم ملايكة تنزل تقول لك هو حصل كده ليه معك فاهم بيقول السبب الثامن انه عارف بربه - 00:32:36ضَ

حسن الظن به لا يتهمه فيما يجريه عليه من اقضيته واقداره فحسن ظنه بالله يوجب له استواء جميع الحالات عنده ورضاه بما يختار له سيده التاسع انه يعلم ان حظه من هذا القدر - 00:32:57ضَ

ما سيحصل في قلبه من رضا او سخط سيبك من القدر. انت هتطلع منه بايه حظك من المغدور ده ما سيقع في قلبك من رضا او سخط فمن رضي فله الرضا - 00:33:21ضَ

ومن سخط فعليه السخط. خلصت خلصت حظك من القدر ده سيبك من القدر بقى. القدر ده كله شكليات في الاخر في وراء القدر حاجة هتحصل موت حياة آآ فلوس فقر غنى. كل ده في الاخر في حاجة هتحصل بعديه. هو ده نصيبك منه. مش نصيبك هو القدر نفسه. هو نصيبك - 00:33:36ضَ

سيترتب على القدر رضا سخط فمن رضي فله الرضا. هو ده الندية ومن سخط فعليه الايه السخط الله اكبر العاشر انا هقول لكم العاشر بس عشان احنا كده ايه آآ طولنا عليكم شوية - 00:33:59ضَ

علم بانه ازا رضي ازا رضي انقلب في حقه نعمة ومنحة وخف عليه حمله واعين عليه وازا سخط تضاعف عليه ثقل البلاء وكله ولم يزدد الا شدة فلو ان السخط يجدي عليه نفعا - 00:34:21ضَ

لكان له فيه راحة انفع من الرضا لكنه لا نفع فيه بوجه من الوجوه ايه الجمال ده ايه ده ربنا يرحمك يا ابن القيم. ربنا يرحمك جزاك الله خير والله - 00:34:50ضَ

علم بانه اذا رضي انقلب في حقه نعمة ومنحة وخف عليه حمله واعين عليه وازا سخط تضاعف عليه ثقله ثقله وكله ولم يزدد الا شدة. فلو ان السخط يجدي عليه نفعا - 00:35:08ضَ

ما كان له فيه راحة وامر المؤمن كله له خير اذا اصابته ضراء صبر فكان خيرا له واصابته سراء شكر فكان خيرا له مش عارف انا كنت فاكر هناخده النهاردة تلاتين خمسين بس احنا لسة في عشرة - 00:35:29ضَ

بص انا هانط اه نطة كده بس عايز اقول لكم آآ آآ اثر من اعجب العجب والله. من اعجب العجب اسمعوا الاسر دوت عشان ممكن اختم به بيقول اجتمع سلاسة - 00:35:47ضَ

ركزوا كويس جدا عشان ما تهوش مني اجتمع الثلاثة. مين التلاتة اللي قعدوا مع بعض عشان عندكم امتحانات والله عايز اخلص بدري مش عايز اطول عليكم ربنا يبارك فيكم يا رب. ربنا يوفقكم في الامتحانات يا رب. ربنا يوفقكم في الامتحانات. وجزاكم الله خيرا ان انتم بتحضروا اللايف دوت - 00:36:10ضَ

اجتمع ثلاثة مين التلاتة دول بقى وهيب ابن الورد. طبعا ده حاجة كبيرة اوي وسفيان الثوري ويوسف ابن اسباط جبال قاعدين مع بعض. وهبي ابن الورد وسفيان الثوري ويوسف ابن اسباط - 00:36:27ضَ

وقال الثوري تلاتة هيتناقشوا في مسألة ايهما افضل؟ الموت او الحياة ايهما افضل الموت؟ ان عبدي يموت ولا يعيش؟ يطول فقال الثوري قد كنت اكره الموت موت الفجأة قبل اليوم - 00:36:49ضَ

واما اليوم فوددت اني ميت. ازا سفيان السوري بيقول انا شايف اختار لو خيرت بين ان اعيش وان اموت اختار ان اموت فقال له يوسف ابن اسبات قال له يوسف ابن اسباط ولم - 00:37:07ضَ

فقال سفيان الثوري لما اتخوف من الفتنة؟ يعني انا انا كويس دلوقتي اموت دلوقتي حلو احسن ما حدش عارف لو عشت اتفتن ولا حاجة حلو يبقى ده رأي سفيان الثوري ان هو يموت احسن ما يفضل يعيش كتير لانه خايف على نفسه من الفتنة - 00:37:25ضَ

يوسف ابن اسباط قال ايه بقى قالوا له طب انت رأيك ايه؟ قال ولكني لا اكره طول البقاء. انا عن نفسي احب اعيش وقال الثوري ولم؟ ليه عايز تعيش فقال يوسف ابن اسباط لعلي اصادف يوما - 00:37:41ضَ

اتوب فيه واعمل صالحا الله! عشان الناس عايزة تعيش ليه! ها! مش عايز يعيش حياته! مش عايز يقضيها! مش عايز اللي هو ايه! ربنا يخليني وخلاص! ليه عايز تعيش ليه - 00:38:00ضَ

ناس عارفين عايزين يموتوا ليه وعارفين عايزين يعيشوا ليه عايز تعيش ليه عشان تعيش حياتك عشان تجيب فلوس زيادة عشان تاكل اكل قال لعلي يمكن اليوم اللي جاي اكون احسن - 00:38:15ضَ

يمكن اتوب اكتر يمكن اعمل احسن يمكن ازداد لعلي اصادف يوما نتوب فيه واعمل صالحا. خلصت كده؟ يبقى ده رأي سفيان السوري هو عايز يموت شايف الموت احسن عشان الفتنة. ويوسف ابن الاصماط بيقول لا انا هعيش احسن يمكن اتوب احسن وايه - 00:38:28ضَ

زود في العمل شوية فقيل لوهيب بن الورد ابن الورد ركز قالوا مازا تقول انت يا وهيد؟ قال اما انا انا لا اختار شيئا اما انا انا لا اختار شيئا - 00:38:48ضَ

احب شيء الي هو احب شيء الى الله انا لا اختار شيئا احب شيء الي هو احب شيء الى الله مقام الثوري من مكانه وقبل رأس وهيب ابن الورد وقال - 00:39:07ضَ

هذه روحانية ورب الكعبة هذه روحانية ورب الكعبة. يعني هذا توفيق من الله الكلمة دي ازاي قلتها؟ وازاي غابت عننا قال اما انا فلا اختار شيئا اموت اعيش اختار انا ليه اصلا؟ وانا ليه اختار؟ وانا ليه اصلا انا واحد ما اعرفش! انا اعرف بكرة هيحصل ايه ؟ على اساس ايه اختار ؟ انا اعرف هازداد ولا - 00:39:30ضَ

فتى انا مفوض واختار ليه انا عبد وسيدي اختار لي وانا راض عنه انا باخد بالاسباب وباعيش حياتي عادي والاقدار ما خلاص هو اعلم قال احبه الي احبه الى الله - 00:39:55ضَ

خلاصة الكلام الناس جايبة من الاخر الناس جايبة من الاخر طيب احنا طولنا عليكم خلينا انا كنت فاكر هخلص الفصل ده النهاردة والله طيب خليه تشويقة كده بس. يبقى ده الفصل ده ايه؟ تشويقة - 00:40:15ضَ

تحبوا نكملوا المرة الجاية لسه ده احنا في عشرة ده لسه كتير ممكن نكمله المرة الجاية ويمكن يمكن يمكن يكون دي فتحة خير ونتشجع ونقرا في كتاب مدارج السالكين شوية - 00:40:43ضَ

ونتسلى كده نفتح فصل فصل كده في مدارس سالجين نمزمز فيه كده. انا من زمان نفسي اركز مع مدرس سالكين شوية. نفسي اشرحه لكم بس مش عارف انتم هتستحملوا ولا هتزهقوا؟ مش عارف - 00:41:06ضَ

آآ يمكن احنا نجرب نكمل الفصل ده المرة الجاية لو انتم اتحمستم للكتاب المدارج يمكن ناخد منه حاجات تانية بس ابن القيم ده ممكن واحد يقعد طول حياته يقرا لابن القيم بس - 00:41:22ضَ

وحاجة فوق الوصف يعني منورين عشر اسباب بس على فكرة لسة خمسين سبب. هيقول هو ابن القيم ازاي ترضى عن الله سبحانه وتعالى كفاية كده عليكم. عشان انتم عندكم مزاكرة بس. لولا كده كنت طولت - 00:41:38ضَ

اللي عايز يقرأ لابن القيم يقرأ الاول الوابل الصيب الوابل الصيد وبعد كده يقرأ الداء والدواء الداء والدواء لابن القيم. وبعد كده يقرا تهزيب مدارج السالكين. تهزيب المدارج السالكين خلاص - 00:41:57ضَ

يا رب يرزقنا واياكم الرضا. ان شاء الله المرة الجاية نكمل آآ الرضا وربنا يسهل يا رب ونخلصه المرة الجاية انا احبكم في الله واسأل الله ان يجمعني بكم في جنات النعيم - 00:42:18ضَ

يرضيكم يا رب وانا مبسوط ان انا يعني قدرت ادي اللايف النهاردة وانا حاسس ان انا بقيت كويس بعد ما قريت الكلام دوت معنا وريت الكلام ده انا بقيت كويس خالص - 00:42:32ضَ

الحمد لله يا رب يرزقنا واياكم الرضا واجعلنا من عباده الطيبين الصالحين جزاكم الله كل خير. اكتبوا تعليقاتكم. اللي عايز يكتب اي حاجة يكتبها. انا هاقراها ان شاء الله. انشروا الفيديو دوت لاحبابكم - 00:42:45ضَ

ربنا يرضينا واياكم. جزاكم الله خيرا سبحانك اللهم ربنا وبحمدك اشهد ان لا اله الا انت استغفرك واتوب اليك. الحمد لله رب العالمين - 00:42:58ضَ