باحث

السلام عليكم ورحمة الله وبركاته. السلام عليكم. ايه يا رجالة انتم صايمين ولا ايه؟ يا رب تطلعوا صايمين. الحمد لله الله وكفى وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله. اللهم - 00:00:00ضَ

صل على عبدك ونبيك محمد صلى الله عليه وسلم. في الاولين والاخرين وفي كل وقت وحين. اما بعد. بس هوكك فين يا شيخ الصوت بتاعك فين ؟ ها؟ مين فيكم يا جماعة طبق الحاجات بتاعة المرحلة الاولى والتانية ؟ فياللا نشجع بعض - 00:00:40ضَ

مين فيكم يلا مين فيكم حافز على ورد القرآن يرفع ايده كده اللهم بارك اللهم بارك. مين فيكم حافظ على السواك؟ ربنا يوفقكم ويبارك فيكم يا رب يلا نشجع بعض بقى نبدأ ان شاء الله بازن الله. نكمل اللقاء الرابع في سورة لقمان. ولقد اتينا لقمان الحكمة - 00:00:56ضَ

اشكر لله اخواني واحبابي في الله ما جلس قوم في بيت من بيوت الله يتلون كتاب الله ويتدارسونه بينهم. زي ما احنا بنقول كده الا نزلت عليهم السكينة حفتهم الرحى غشيتهم الرحمة. حفتهم الملائكة ذكرهم الله فيمن عنده - 00:01:16ضَ

ابشروا يا اخواني في الله بثمرة وثواب مدارسة كتاب الله. وخلصنا السجدة وداخلين في لقمان ويا رب دايما بازن الله. سبحانه وتعالى ربنا ما يحرمنا من الارتقاء في الايمان والفهم والعزم والسعادة والعزيمة والانطلاق الى الله ورضا الله ومقامات الجنة - 00:01:36ضَ

طول ما احنا منطلقين مع كتاب الله. احنا يا اخوانا بنعمل كده عشان الجنة. جنات النعيم زي ما خدنا المرة اللي فاتت. مش تلات ايام في هيلتون كينج ماريوت. مش - 00:01:56ضَ

في اسبوع في صف اول في فيلا في الساحل الشمالي. جنات النعيم خالدين فيها. انت متخيل الجايزة اللي ربنا بيوعدك بها لو انت كملت في الطريق ده. لو انت ارتبطت بكتاب ربنا. لو انت جاهدت في تدبر كتاب ربنا. لو احنا نفزنا الكلام اللي احنا - 00:02:06ضَ

كل مرة ده انتم متخيلين يا اخوانا لما كنا نروح عمرة اللهم ارزقنا المتابعة بين الحج والعمرة يا رب. فكان مسلا يقول لك ده فيه واحد نازل مسلا في الفنادق - 00:02:26ضَ

صف اول قدام الحرم. فيقول لك اوض الفنادق دي مش تمن واحد. في اوض في الهيلتون وانتر كونتننتال والحاجات اللي على وش الحرم دي. يقول لك فيه اوض غالية جدا عن الباقي. ليه ؟ يقول لك كعبة فيو. يعني ايه كعبة فيو وانت نايم على السرير كده ؟ تشوف الكعبة والناس بتطوف حواليها. ايه ده! هيجي لك - 00:02:36ضَ

نوم ازاي ؟ اهو الفردوس الاعلى عرش فيو. وانت قاعد كده بتتنعم انت شايف العرش وشايف الملائكة عفينا من حول العرش عرش فيو هو ده الهدف بتاعنا احنا بنتعب مع القرآن بنتدبر القرآن بنحفز القرآن بنتدارس القرآن - 00:02:56ضَ

بنستعد لرمضان بالقرآن بنجاهد في رمضان بازن الله بالقرآن عشان عرش فيود اهي عشان جنات النعيم اللي ربنا وعدنا بها ولقد اتينا لقمانا الحكمة. ان اشكر لله. صراحة يا اخواني في الله - 00:03:16ضَ

يعني الواحد جاي المرة دي وقلبه مفعم بالمشاعر. لدرجة ان انا قاعد افكر يعني اسرع عشان نخلص ولا اعيش؟ يعني انا فعلا الدرس بتاع النهاردة ده من الدروس اللي مغيراه لي حياة انا نفسي. انا حاسس ان الصفحة اللي احنا هنتكلم عنها النهاردة دي صفحة قصة لقمان بتتفجر - 00:03:33ضَ

بالحكمة. كل كلمة من كلماته كل فعل من افعاله بيتفجر بالحكمة. انا اول مرة اعيش معنى الحكمة بالمنظر ده. واحس ان سورة لقمان موسوعة في الحكمة بتتكلم عن معناها. بتتكلم عن الطريق اليها. بتتكلم عن عظمة الحكمة وماذا لو جاءت الحكمة - 00:03:53ضَ

بتتكلم عن اسبابها بس نقدر نعيش مع المعنى ده ازاي ؟ نسأل الله الهدى والسداد. في البداية طبعا قبل ما ندخل في الصفحة اللي بتتفجر بمعاني الحكمة كل كلمة لقمان قالها لابنه. الكلمة دي وراها حكمة جبارة. كل حاجة عملها مع ابنه. بدأ معه ازاي ؟ ابنه ده كان كافر. كان مشرك - 00:04:13ضَ

كان بيسجد للاوثان بدأ معه ازاي؟ اتقفل منه ولا ما اتقفلش؟ طب تدرج معه ازاي؟ طب كمل معه ولا قطع الطريق؟ طب وصله من اللي كان فيه لفين؟ طيب ترتيب كلام لقمان ايه؟ طب وصايا لقمان نفسها ايه؟ المعنى عظيم وجليل وعايزين النهاردة - 00:04:33ضَ

اخرج بكلمة الحكمة ونخرج بفهم الحكمة. لو خرجنا النهاردة واحنا بنقول اللهم اتنا الحكمة. وانت فاهم انت بتطلب من ربنا هتبقى خرجت بخير كبير اوي اوي اوي. طيب قبل ما ندخل في الايات نفسها - 00:04:53ضَ

الترابط بتاع الايات يا جماعة. ولقد اتينا لقمان الحكم. في حوالي عشر ترابطات كده لازم نقولهم في الاول. اول حاجة ترابط قصة لقمان اللي هي الصفحة مع الايات اللي قبلها اللي شرحناها المرة اللي فاتت. اللي هي ايات - 00:05:09ضَ

خلق السماوات بغير عمد ترونها والقى في الارض رواسي. وبث فيها من كل دابة وانزلنا من السماء ماء. هذا خلق الله. ايه العلاقة ما بين ايات تدبر وما بين قصة لقمان جمهور المفسرين ان لقمان لم يكن نبي وانما كان عبد كثير التفكر والتدبر. فوصل بكثرة التدبر - 00:05:26ضَ

انظر الى الله. فجاءت ايات التدبر قبل ولقد اتينا لقمان الحكمة. كأن ايات التدبر ده يكون اللي قدامك ده هو اربعة وعشرين ساعة. لقمان تعب معه قوي وتفكر فيه قوي وتدبر فيه قوي فوصل الى الله ووصل الى الحكمة. كأن فتح الله على لقمان - 00:05:46ضَ

الحكمة كان ثمرة تدبر لقمان في الكون. وكثرة تفقر لقمان. والكون قدامك اهو. الكون قدامك اهو. مين فيكم؟ اتفرج على مقاطع تدبر الاسبوع اللي فات. مين فيكم اتفرج على افلام تدبر الاسبوع اللي فات؟ مين فيكم نزل جلسات تدبر الاسبوع اللي فات؟ لازم تتعب مع القرآن شوية - 00:06:06ضَ

واتبع سبيل من اناب اليك. مش استمتع او استمع لمن اناب اليك. اتبع نفز عشان توصل لازم تنفز. يبقى من الترابط ده ان الفتح على قدر المجاهدة على قد ما هتتعب في التدبر على قد ما ربنا هيفتح عليك. ده في النهاية ربنا بيقول ايه - 00:06:26ضَ

ولقد اللام دي لام القسم. الله سبحانه وتعالى يقسم الله سبحانه وتعالى يقسم انه اتى لقمان الحكمة. ربنا بيقسم ان اللي هيتعب هيدي له. ان اللي هيجاهد في العبادة هيفتح عليه. الله سبحانه وتعالى يقسم ان من سلك الطريق الى الله - 00:06:45ضَ

الله وسيعطيه الله وسيرفعه الله. ولقد اتينا لقمان ايه الفلوس؟ مركز الحكمة جايزة مزهلة. طيب الترابط التاني هو علاقة لقمان بن نضر بن الحارث ومن الناس من يشتري لهو الحديث قالوا النضر بن الحارس ايه علاقة لقمان بن نضر بن الحارس؟ النضر ده راجل كان اه - 00:07:05ضَ

مستشار كبير حاجة عالية جدا جدا جدا في في الوظائف الشامخة القضائية. ولكن ربنا خفضه بالمعصية عثمان كان عبد اسود ولكن ربنا رفعه بالطاعة وبالمجاهدة في الطاعة. يبقى اللي بيرفع وبيخفض بازن الله وايه؟ الطاعة والمعصية. آآ الندر من - 00:07:25ضَ

كان شخصية كبيرة جدا في جزيرة العرب ربنا قال له عذاب ايه؟ مهين. اولئك لهم عذاب مهين. اهانة. لقمان كان عبد اسود ولكن تدبر عبد فربنا وضع اسمه على صورة ورفعه يبقى سر الرفع والخض هو ايه؟ ادي لقمان وادي النضر ده عبقري وده عبقري - 00:07:45ضَ

ده عنده عقلية ضخمة وده عنده عقلية ضخمة. ولكن لقمان عقليته ابتغى بها الوصول الى الله. فرفعه الله. النظر ابن الحارس دخل في سكة العلمنة وحرب الدين وحرب الشريعة وحرب وخلاص كانت النتيجة هي ايه؟ غير ان النضر امام من ائمة الباطل لقمان امام من ائمة الحق - 00:08:05ضَ

ما دام الباطل له ائمة لازم الحق يبقى له ائمة. ما ينفعش يبقى هم سحر حواة واحنا لعب هواة. ما ينفعش يبقى هم محترفين شوية هواة لازم زي ما الباطل فيه ناس محترفة في نصرة الباطل يبقى الحق له ناس محترفة في نصرة الحق ما ينفعش تفضل - 00:08:25ضَ

ما دام فيه نموزج النضر ابن الحارس الوقتي موجود في الاعلام وموجود في من يحاربون دين الله. لازم يبقى فيه نموزج لقمان او اتباع لقمان. لازم يبقى فيه ناس عندها تفاني وحكمة وتجرد في نصرة دعوة ربنا. طيب - 00:08:45ضَ

الترابط التالت ومن الناس من يشتري لهو الحديث. ليه قصة لقمان تيجي بعد لهو الحديث؟ الكلام عن لهو الحديث؟ لان ده نتيجة اللي ركز بقى. يعني فيه ناس طيب اللي ركز طب اللي ركز اوي طب اللي ركز مع ربنا اوي جت قصة لقمان. انت لا تتخيل انت لو ركزت في الدين انت لا - 00:09:01ضَ

انت لو ركزت في الاسبوع اللي باقي من رجب وفي شعبان وفي رمضان انت هتوصلي لايه ؟ يا اخوانا اللي بيركزوا مع ربنا دول بيوصلوا لقمم شامخة قمم رهيبة. طيب الترابط الرابع ايه علاقة قصة لقمان بسورة الروم؟ سورة الروم اللي هي السورة اللي قبل سورة ايه - 00:09:21ضَ

اللي قبل بسورة لقمان طبعا بالتأكيد يعني بالتأكيد يعني صورة الروم هي السورة اللي قبل لقمان. والا ما كناش نقول الترابط. اخر اية في الروم ايه اللي هي بعدها على طول اللي بعدها طول سورة لقمان. اخر اية تقول لهم ايه؟ فاصبر ان وعد الله حق واه. ولا يستخفنك الذين لا يوقنون. لا - 00:09:40ضَ

تاخد فنك. على فكرة الكلمة دي هتبقى محور الدرس. مقابلة لا يستخفنك باتين لقمان الحكمة. هو ده محور الدرس. الحكمة هي عكس الاستخفاف. الحكمة هي عكس انك تبقى خفيف. يعني ايه لا يستخفنك؟ يعني ايه انسان خفيف؟ انسان نفسيته ما لهاش لجام. انسان ما عندوش فرامل - 00:10:00ضَ

اللي يكبح باجناح نفسيته. اللي يشتمه يرد عليه. لما يغضب ينفعل. لما يسمع خبر وحش يحبط ويتقفل ويحزن. لما يشوف دنيا لعابه يسيل يستخفنك الانسان الخفيف اللي بيتعامل مع الحياة بنفسيته. اللي بياخد كل حاجة على صدره. اللي اهل الباطل - 00:10:20ضَ

الزوق يقوم رايح مفجر ولا عامل تفجير ولا عامل مش عارف ايه. ده الانسان الخفيف. اللي هو ده انسان ما ينفعش ينصر الدين. فربنا بيقول اللي الدين والدعوة لازم يبقوا حكماء. عندهم حكمة. يبقى الحكمة عكس الخفة. طب يعني ايه الحكمة؟ الحكمة هي انك تقدر تحكم نفسك - 00:10:40ضَ

انك تقدر تتحكم في نفسيتك. لساعة ما يحصل اي حاجة. عارضة. يعني ايه؟ لان المعنى ده معنى كبير اوي ومعنى خطير اوي كلمة الحكمة اصلا يا جماعة جاية من الحكمة. الحكمة اللي هي نهاية اللجان اللي بتتحكم في الفرس. من خلال اللجان تتحكم بها في - 00:11:00ضَ

فرس اللي ماسكة راس الفرس او او فم الفرس. فالحكمة انك انت يبقى نفسيتك انت متحكم فيها. تعرف امتى تشد اللي تعرف امتى تسيب الايجابي؟ يبقى عندك فرامل في نفسيتك. انما الاية يستخفنك الانسان الخفيف يغضب بسهولة. آآ لو حد شتمه يرد عليه - 00:11:20ضَ

تحبط بسهولة يتقفل بسهولة. يترعب بسهولة. يشيل لعابه من الاغراء اول ما يشوف اي اغراء بسهولة. انسان خفيف انما الحكيم اللي يقدر يتحكم في نفسه قدام المغريات سابت. قدام التهديدات سابت. قدام ضغوط الواقع سابت. قدام - 00:11:40ضَ

انسان حكيم قادر يتحكم في نفسه هتاخد المعنى ده هناخده بصورة واضحة جدا جدا. ولكن الوقت اول ما ندخل في الايات اللي يعنيني هنا علاقة الروم بقصة لقمان او بسورة لقمان المقابلة ما بين لا يستخفنك وما بين اتينا لقمان ايه؟ الحكمة ففيه ترابط اعجاب - 00:12:00ضَ

اللي وضع الصورة دي بعد الصورة دي الله سبحانه وتعالى. طيب علاقة آآ قصة لقمان ومن الناس من يشتري لهو الحديث ليضل ليضل عن سبيل الله. جت قصة لقمان بعد مجهود اهل الباطل الرهيب. في حرب القرآن وفي حرب الدين. ايه الترابط؟ الترابط يا اخواننا - 00:12:21ضَ

ان يعني لما تيجي قصة لقمان بعد ليضل عن سبيل الله. بعد ان فيه ناس بتحارب الدين كأن قصة لقمان هي طريقة ازاي رد على الناس دي. ازاي نرد على اللي بيحاربوا دين الله سبحانه وتعالى؟ نرد عليهم ازاي؟ على الذين يحاربون دين الله. تربية الاطفال - 00:12:41ضَ

جلسة تربوية خاصة ما بين لقمان وما بين ابنه. يعني ده المفروض بقى نرد عليهم السنين اللي فاتت دي سمعنا كلام كتير. لازم نعمل قنوات اعلامية جبارة ولازم قنوات العلمانية يترد عليها باعلام مرعب واعلام منفق عليه مليارات زيك زيهم. يا ابني - 00:13:01ضَ

ما هو هو صح لازم اعلان صح ما فيش مشكلة. ولكن انت لازم تفهم فعلا الرد ايه. الرد على الاعلام المرعب بتاع لهو الحديث كان جلسة تربوية خاصة. جلسة تربية اولاد. انك انت ترجع تقعد مع ابنك ولا بنتك. وتبدأ تربي فيهم. وتحيي السنة المبهرة. سنة - 00:13:21ضَ

وهو يعظه وهو يعظه مش مربي محفظ المسجد يعظه. مش تجيب محفظ قرآن لابنك يعظه انت اللي لازم تقعد انت اللي لازم تدي له. انت اللي لازم تربيه. بعد كده كل الدنيا هتربي ابنك معك. انما انت لو ما قعدتش مع ابنك ما حدش هيربيه - 00:13:41ضَ

حدش هيربي لك ابنك على المفاهيم اللي انت عاوزها. يبقى ازا قيمة التربية قيمة التربية في مواجهة هزا الباطل. قيمة ان احنا نبني نمازج متأسسة بحق وحقيقي. قيمة طفلة زي الطفلة اللي على رجلي داهية - 00:14:03ضَ

لما يبدأ يعني دكتور احمد كده يقعد معها كده ويبدأ يربيها ويبدأ يديها. تطلع بكرة نموزج لا يتأسر بالباطل. ليه لان واخدين تربية صح. كأن ربنا بيوجهنا. اعرفوا ازاي تردوا على الباطل. الرد على الباطل هو بيعلوا صوتهم. اغضض من صوتك ده مش عنده. هو - 00:14:20ضَ

معركة صوت خدوهم بالصوت ليغلبوكم. علوا الصوت علوا الصوت. اقعدوا زعقوا في التوك شو. اقعدوا جعجعوا. اقعدوا اتكلموا بصوت عالي بصوت علي بصوت عالي لحد ما التانيين ما يبقاش لهم صوت. ربنا بيقول لك مش معركة صوت. اغضض من صوتك. احنا ما بنكسبش برفع الصوت. احنا بنكسب بالحجة - 00:14:40ضَ

احنا بنكسب بالحجة مش صوتك حصانك هي حجتك. ده ترابط خامس. طيب قصة لقمان ايه ترابطها مع سورة لقمان كلها. ترابط القصة مع الصورة كلها. الصورة كلها بتتكلم عن الله. والعقيدة ونعم الله. وعظمة - 00:15:00ضَ

الله! طب قصة لقمان في النص ليه ؟ حبيب قلبي اصل هو مش كلام بس حبيبي خلينا نقعد ندي كل يوم خمسين درس. عن الدين والتدين. بدون ما يبقى فيه نموزج عملي. بيتحقق فيه الكلام - 00:15:20ضَ

ده الناس مش هتصدق. الدين الدعوة مش ان احنا نتكلم عن ربنا بس. ان يطلع ملتزمين لو شفتهم يذكر الله الدعوة مش ان احنا نتكلم عن الاخلاق بس. ان يطلع نموزج عملي مطبقها. يبقى طول ما انت مش مطبق الدين. طول ما انت مش مطبقة الدين - 00:15:35ضَ

كل كلامنا عن الدين مش هيجيب نتيجة. هيبقى كلام انما عشان الناس تصدق اللي احنا بنقوله لازم نطبقه. اقعد ادي خمسين خطبة عن الزهد. طول ما انت ما انتش زاهد ما حدش هيصدق. اقعد ادي خمسين خطبة عن الزور. طول ما الدنيا غالية على قلبك. ما بتطلعش للناس - 00:15:55ضَ

اكرام في الدعوة الى الله. الدنيا مش سهلة انك تطلعها. ما حدش هيصدقك. اقعد اتكلم عن قيام الليل. طول ما انت ما بتقومش الليل حد اقعد اتكلم زي ما انت عايز تتكلم. القضية ان ربنا جاب في وسط السورة نموزج عملي زي سورة الانعام. ليه ييجي نموزج سيدنا - 00:16:15ضَ

ابراهيم في النص كذلك نوري ابراهيم ملكوت السماوات. لان الموضوع مش كلام بس. الناس محتاجة تسمع عن الدين وتشوف دين يمشي على الارض تسمع قرآن يتلى وتشوف قرآن يمشي على الارض. طيب ايه ترابط قصة لقمان مع الايات اللي بعدها في - 00:16:35ضَ

سورة لقمان الم تروا ان الله سخر لكم ما في السماوات وما في الارض. الم تروا بقينا بنكلم المجتمع ونازلين للمجتمع بعد جلسة الاطفال ايوة ما هو يا ابني حصونا مهددة من الداخل. لو بيوتنا استقرت هنعرف ننزل للمجتمع بقوة. وهيبقى خطابنا العام قوي. وانت واقف على اساس اولادي اهم - 00:16:55ضَ

فقل تعالوا ندعوا ابناءنا وابناءكم ولادنا اهم. ولاد الملتزمين اهم. زوجات الملتزمين اهم. استقرار اسر الملتزمين اهو. اولادنا انجح ولاد. واحنا اديني موديل ناجح. خرج لي اسرة ملتزمة ناجحة. وبعد كده قل للمجتمع المتروا ان الله - 00:17:15ضَ

سخر لكم يبقى ده ترابط. طب ايه ترابط لقمان مع سورة السجدة اللي بعدها؟ سورة الامامة جعلنا منهم ائمة. لو الحكمة بتاعة اتضافت على السجدة. السجود بتاع سورة السجدة وتتجافى ذنوبهم. والعبادة ستصل الى الامامة. فلو جبنا لقمان والسجدة - 00:17:35ضَ

لو جمعناهم مع بعض جمعنا حكمة لقمان مع عبادة السجدة ستصل لصورة الاحزاب اللي بعدهم. ان هو ده طريق النصر على الاحزاب. هو ده طريق النصر الحقيقة القرآن بيديك خط سير. ولكن اللي يقدر - 00:17:55ضَ

يبقى الحكمة في لقمان خطوة للامامة وخطوة للنصر على الاحزاب. المتحزبين ضد دين الله سبحانه وتعالى. آآ آآ الترابطات كتير جدا ويعني اتكلمنا عن ترابط آآ قصة لقمان مع الايات اللي قبلها في اربع عناصر والايات اللي بعدها وترابط قصة - 00:18:11ضَ

لقمان مع الصورة كلها ان ده نموزج عملي في وسط الكلام على الارض. لسة ترابط قصة لقمان مع اخر سورة لقمان. قصة لقمان اب قاعد مع ابنه وقعد يكلمه عن ربنا ويقول له انا بحبك يا بني يا بني يا بني احب الناس الى قلبي. اخر السورة يا ايها الناس. اتقوا ربكم - 00:18:31ضَ

واخشوا يوما لا يجزي والد عن ولده. ولا مولود هو جاز عن والده شيئا. لا اب هينفع ابنه. ولا يا ابني هينفع ابوه كأن انت الوقتي في فرصة كأن انت الوقتي فرصة استفيد من ابوك استفيد من ابنك استفيد اوعظوا بعض لأ هيجي - 00:18:51ضَ

ما حدش هيفتكر حد. لقمان لو ابنه كان كفر وظل كافر لو شاف يوم القيامة ولا هيبص له. سيدنا ابراهيم هيشوف ابوه بيتمسخ ضبع يوم القيامة ويتشال من قوائمه يترمى في النار مش هيبص له خلاص سيدنا محمد هيشوف ابو طالب بيترمى في النار يوم القيامة - 00:19:11ضَ

هيبص له خلاص قصة وانتهت يعني الترابطات كتير وترابط لقمان مع الروم اتكلمنا فيه وترابط لقمان مع السجدة والاحزاب اللي بعدهم اتكلمنا فيهم. تعالوا نبدأ ندخل في الايات كده بقى - 00:19:31ضَ

بسم الله والصلاة والسلام على رسول الله. ولقد اتينا لقمان الحكمة. ان اشكر لله. الحكمة. الكلمة الجبارة دي. الكلمة العالية اوي اوي اوي اوي دي. ولقد اتينا لقمان يعني ايه الحكمة يا جماعة؟ قبل ما ندخل اسمه لقمان الحكيم والسورة من اولها تلك ايات الكتاب الحكيم - 00:19:45ضَ

يعني ايه الحكمة؟ الحكمة انك انت تقدر تحكم نفسك قلنا مفتاح فهم كلمة الحكمة. كلمة ولا يستخفنك الذين لا انك ما تبقاش خفيف. يبقى احنا عايزين النموزج اللي يقدر يحكم نفسه. اللي عنده حكمة في القدرة على ان هو يحكم نفسه. طب لقمان - 00:20:05ضَ

حكم نفسه في ايه ؟ يا نهار ابيض! تعال بقى نبص في قصة لقمان بصة سريعة كده من فوق كده الاول هيليكوبتر فيو كده. نشوف الحكمة عند لقمان الحكيم. اول حاجة ان اشكر لله. انه حكم نفسه مع نعم ربنا. نعم ربنا زي ايه؟ زي الفلوس. ان ربنا يديك فلوس زي الشباب - 00:20:25ضَ

ان ربنا يدي الواحدة جمال. ان ربنا يدي الواحد قوة وصحة ان ربنا يديك مركز. الناس اول ما بتشوف النعم بتنسى ربنا ده اول ما شاف النعم ان يشكر لله يبقى حكم نفسه مع الله. ما بقاش خفيف. ما جراش على النعم ونسي المنعم. انيشكو لله - 00:20:45ضَ

اكبر ظاهرتين في الدنيا لو جه كائن فضائي زار الكرة الارضية اكبر ظاهرتين هيشدوه هم زاهرة سخر وظاهرة اسبغ اللي هم الصفحة اللي بعد كده. الم تروا ان الله سخر لكم ما في السماوات وما في الارض. واسبغ عليكم نعمة. ظاهرة صقر - 00:21:05ضَ

هو الكون ده كله بيخدم في ليه؟ والغلاف الجوي بيخدمني ونسبة الاكسجين بتهدمني وسمك القشرة الارضية. والكواكب والنجوم والشمس والقمر. هو كله قاعد يخدم في ليه؟ كل دول خدامين عندي ليه؟ والظاهرة التانية اسبغ انك غرقان نعم. غرقان. خمستاشر مليون جهاز تكييف في جلدك - 00:21:25ضَ

اوضة عرقية والا تولع وتتحرق. خمسة وتلاتين مليون آآ آآ غدة هضم في معدتك. والا ما تعرفش تهضم بس الياية. ولا حتة عيش حتى ربع مليار خلية استقبال نور في عينيك. اتنين مليون وصلة عصبية مع مخك. ايه؟ مية - 00:21:45ضَ

كيلو متر فلتر ترشيح في كلتك. هو كل ده ليه ؟ ميت مليون خلية عصبية عشان التواصلات اللي كل جوة مخك حالة من التواصلات اللي على وجه الكرة الارضية. يعني عدد خلايا التواصل في مخك اكتر من عدد مجرة التبانة. نجوم مجرة التبانة. كل ده ليه - 00:22:05ضَ

فالظاهرتين اللي يبهروا الانسان في الدنيا ظاهرة سخر وظاهرة اسبغ. ودول اكتر حاجتين البني ادم مش عارف عنهم حاجة. ولا مركز هم عشان كده اول حكمة. اول مشاهد الحكمة ربنا قال ولقد اتينا لقمانة. الحكمة ايه ؟ ان اشكر لله. ده اول الحكمة. يبقى آآ عايز تعرف انت حكيم ولا لأ - 00:22:25ضَ

اول ما يفتح الله على العبد بالحكمة ان يرزقه الحكمة مع الله. انك تعرف تعرف ما هو اللي حصل ايه ان المرة اللي فاتت خدنا قول الله هذا خلق الله. يعني ايه هذا خلق الله؟ يعني خمسة واقفين واحد معه عربية مرسيدس وواحد معه مفتاح قصر في ارض الجولف - 00:22:45ضَ

وواحد معه مفتاح شركة وواحد معه مفتاح عربية مش عارف ايه. وواحد معه مفتاح خزنة فيها مليارات. فقام جاي واحد كده قال له هات المفتاح بتاع الشقة اللي في ايدك ده. ده انا بتاع فلان. وهات مفتاح الخزنة اللي في ايدك ده. ده بتاع فلان. وانت هات مفتاح العربية اللي معك. ده بتاع فلان. وانت هات مفتاح - 00:23:05ضَ

الشركة اللي معك. ففجأة الخمسة بعد ما كانوا مرسومين وعاملين يا ما هنا يا ما هناك. واقفين كدهوت ايديهم جنبهم. وطلعوا شوية شحاتين. طلعوا طبيب وكل ده طلع بتاع واحد تاني. اهي دي هذا خلق الله. فيه ناس بتنصب على البشر. ان هي تسلب نسبة النعم - 00:23:25ضَ

لله سبحانه وتعالى وتنسبها للبشر. فجه لقمان بعدها ربنا قال ولقد اتينا لقمان الحكمة ايه؟ هنشكر ايه؟ لله انسب كل نعمة له لوحده. اعرف ان كل حاجة بتاعته هو. ارجع بقى. ارجع بقى - 00:23:45ضَ

القضية من الاصل بقى. افهم ان كل اللي انت غرقان فيه ده منه هو. انشكر لله بعد هذا خلق الله. فالحكمة الله. طب الحكمة التانية لما لقى ابنه كافر ومراته كافرة قول جمهور المفسرين ان لقمان كان ابنه كافر. لانهم قالوا لا تشرك ما فيش حاجة اسمها ان واحد - 00:24:05ضَ

المؤمن اقول له لا تشرك او يعني ده غالب سياق اللغة واستعملها. فقالوا ما دام قال له لا تشرك ان هو كان مشرك. في هذه اللحظة. عشان كده لقمان فضل مع ابنه مين من تحت الصفر من اول لا تشرك لحد ما وصله ان ذلك من عزم الامور. لحد ما وصلوا للقمة - 00:24:25ضَ

ان احنا نفضل مع الناس من القاع لحد ما نوصلهم للقمة. مش قضية ان احنا نرمي درس ولا ننزل جولة وبعد كده السلام عليكم وعليكم السلام. ان احنا نفضل مع المجتمع ونفضل مع الناس. عشان كده الصفحة دي بتاعة قصة لقمان مع ابنه. دي مش جلسة - 00:24:45ضَ

دي مش جلسة كرقمان عمل فيها كل ده. لقمان ما وصلش ابنه من لا تشرك بالله لمقام اؤمر بالمعروف وانهى عن المنكر. واصبر على اعصابك في جلسة ده ملخص مسيرة قطعها معه جلسة ورا جلسة ورا جلسة لحد ما خده من قاع طلعه للقمة هي دي - 00:25:05ضَ

يبقى حكمة. الحكمة في التغيير. الحكمة في التدرج في التغيير. الحكمة مع الانسان مع اخطاء الاخرين. ما شافش ابنه غلط مولع فيه وانا اسيب لكم البيت. وانا مش هساكن مش فضل معه. لحد ما ابنه اسلم ومراته اسلمت. الحكمة في - 00:25:25ضَ

دعوة وفي طريقة التغيير وفي التدرج. وبدأ بالاصول ازاي وترقى فيها ازاي. بعد كده الحكمة انه يقدر يحكم نفسه ولا تصعر خدك للناس. انه يقدر الناس مين ؟ الاغنيا. المليونيرات اللي اول ما الناس بتشوفهم اللعاب يسيل. واحد غني. ده واحد من - 00:25:45ضَ

ملياردير ده الامير فلان ده الملك فلان ولا تصعر خدك للناس. انه يقدر يحكم نفسه ساعة ما يشوف الاغنيا. ساعة ما يشوف اصحاب الاموال ساعة ما يشوف اصحاب السلطان ساعة ما يشوف اصحاب المراكز. ما ينافقش. ما يتزلش. ما يسعرش خده لهم. ما يميلش وشه لهم - 00:26:05ضَ

وبرضو على القول التاني ساعة ما يشوف الفقراء ما يقعدش بقى يتكبر على الفقير يقدر يحكم نفسه لما يشوف الغني ولما يشوف الفقير ولا تمشي في الارض مرحا. يقدر يحكم نفسه ساعة ما يشوف المتعة. يلا فيه طلعة للساحل الشمالي يلا معك. يلا ده فيه مش عارف عندنا ايه - 00:26:25ضَ

يلا نطلع روسيا عشان نتفرج على مباراة ايه! ولا تمشي في الارض مرة. قادر يحكم نفسه. قادر يحكم نفسه ساعة ما يشوف المتعة. ساعة ما يشوف الشهوات قادر يحكم نفسه واقصد في مشيك. اقصد في مشيك دي يعني انت وزير اقتصاد عمرك. اقصد يعني اعرف ان الخزنة بتاعتك وسروتك - 00:26:45ضَ

يا عمرك اعرف بقى عمرك ده هتديه. هتدي منه كتير لايه ونص نص نص لايه وقليل لايه؟ ادارة الوقت دي ادارة سروتك العظمى في الحياة وهي عمرك. اقصد في مشيك انه يقدر يحكم نفسه ساعة العروض. ساعة ضغوط الواقع. يلا عقد عمل. لأ استنى - 00:27:05ضَ

مش على طول كده. انا هشد اللي جنب بتاع نفسيتي واقف افكر الاول. يعني ايه الحكمة؟ يعني ان انا ساعة ما في حاجة تيجي لي مخيفة او محزنة او مستفزة او مغرية اشد اللي جاية من الاول بتاع نفسيتي. استني. ما ترديش. فلان بيشتمك. استني ما ترديش. ده في - 00:27:25ضَ

ده عمل خمستاشر الف ريال. استني! ما ترديش! ده فيه ماتش استني! ما ترديش! اومال ايه! اقف يفكر ان في ذلك لايات لكل ايه؟ صبار. صبار شكور دي الطريق للحكمة الصبار. اقفي اقفي الاول استشيري. استخير - 00:27:45ضَ

فكري احسبيها. شوفي المكاسب والخساير على مستوى الدنيا والاخرة. بص عليها من كل الجوانب. اسألي الناس اللي فاهمة. استخيري ربنا الاول في ركعتين بينك وبينه. اقفي بالورقة لو القلم واحسبيها وبعد كده ردي هي دي الحكمة. يبقى الحكمة مش ان انا عندي معلومات كتير. ممكن واحد ما عندوش معلومات وحكيم. ليه؟ بيقدر - 00:28:05ضَ

يتحكم في نفسيته. فما بيتعاملش بردود الافعال في اي موقف او عرض مغري او ضغط واقع. ما يتعاملش بنفسيته على طول ما كل الناس بتعمل لا لا لا لا يتعامل بحكمة يعني يقف الاول يقف في الاول يفرمل فرامل النفسية بتاعته يشغلها وبعد كده يستبصر - 00:28:30ضَ

الاستخارة والاستشارة والاستبصار وبعد كده يرد. عرفتم يعني ايه الحكمة؟ يبقى الحكمة المتصل بالحكمة هو انسان كثير المعلومات لأ امال الحكمة دي صفة ايه ؟ نفسية. عشان كده ايه الفرق بين الهداية والرشد والحكمة؟ الحكمة اللي ربنا - 00:28:50ضَ

اتكلم عنها في سورة ايه؟ لقمان. والرشد عسى ان يهديني ربي لاقرب من هذا. رشدا. اللي ربنا اتكلم عنه في سورة ايه؟ الكهف. والهداية اللي ربنا معناها في سورة الفاتحة. ايه الفرق بين التلاتة؟ الهداية دي الكلمة الام اللي شملت كل ده. امال الرشد دي الهداية العقلية. انك تبقى عارف خط - 00:29:10ضَ

بتاعك صح. اومال الحكمة دي الهداية النفسية. ان نفسيتك مش هي اللي سايقاك. انما بتقف الاول كده وتفرمل وتفهم الصح ايه وبعد كده تتعامل بعد ما تكون شفت. فهي دي الحكمة ان ربنا يهدي لك نفسيتك. اقفي استني - 00:29:30ضَ

الحكمة بتاعة لجام النفسية في ايدك شد اقفي هنا مش تجري اول ما تشوفي دنيا تقومي جارية مش حكيم اللي يعمل كده اول ما شوفي ازى لأ واصبر على ما اصابك. قادر يحكم نفسيته ساعة الازى. ايوة ده عشان ربنا. اصبري. ساعة الصلاة يا بني اقم الصلاة. ان ده - 00:29:50ضَ

شد اللجام انزلي يلا انزل صلي. اؤمر بالمعروف. ساعة ما يشوف الشباب بيعصي ربنا هيكسفوني. نفسيتك عايزة تقرا. شد اللجام خدي اتكلمي عن ربنا. ادخلي زكريهم بالله. ادخلي ما فيش حد هيكسفك ولا حاجة ولو حد كسفك في سبيل الله. ساعة الرزق يأتي بها الله - 00:30:10ضَ

اه يأتي بالله لو لك مثقال حبة من خردل في رزقك. ربنا هيجيبها لك. ساعة ما يحصل ازمة في الرزق. اجري شف اي حل. يا عم خلاص يا عم بلدية ايمان بلا بتاع. شف اي اي وعقد عمل شد اللجام. اقفي. اصبري بس بالله. انت لو لك مثقال حبة من خردل في رزقك ربنا - 00:30:30ضَ

اجيبه لك. يبقى ساعة الازمات. ساعة الاحلام والاماني. ان الله لا يحب كل مختال. اللي عايش في الخيال. اللي عايش في شد اللجام هو انت بتحلمي وخلاص! هاسيبك تحلمي وخلاص. ولا انت ها هتقلبي على الطريق اللي انت ماشية فيه! انسان لجام نفسيته في ايده - 00:30:50ضَ

الحكمة في ايده مش في ايد نفسيته. مش هو اللي متساء من نفسيته. هو اللي سايقها. عشان كده واقصد في مشيك. استني. استني عمرك عمرك انا وزير اقتصاد العمر ده ده سروتي استني هو الموضوع ده يا عبادة ولا دعوة ولا شغل ولا دراسة ولا صلة رحم - 00:31:10ضَ

عشان اعرف انا هادي له قد ايه من عمري. اقصد في مشي. واغضض من صوتك. ايوة. مش يقعد في مجلس اقران. انا عايز ابقى الكبير هنا. لأ قادر يحكم نفسيته بقى مش - 00:31:30ضَ

خفيف علي صوتك. كل ما تعلي صوتك كل ما تبقى اعلى من اقرانك. او اطلع على المنبر زعق زعق زعق. ليه؟ لما تزعق تقدر تكسب اللي بينازروك لا يا حبيبي احنا مش اغضض من صوتك. انك ترد بالحجة ان يبقى قوتنا في الحجة مش - 00:31:40ضَ

في رفع الصوت مش خدوهم بالصوت ليغلبوكم زي ما قال الباطل بيعملوا معنا. انك تتعلم انك تحكم نفسيتك. فما تعليش صوتك عشان تتصدر وتاخد موقع لا لا لا بالحجة. فلقمان يا اخوانا - 00:32:00ضَ

الايات بتاعته حتى مع الوالدين. جاهداك على ان تشرك به. ده مسكه سعد ابن ابي وقسمه وولع فيه. ولع في في الحصير وهو جواه ده منعوهم من الاكل صاحبهما في الدنيا معروفا. ابقى صاحبه ده واحد بيعزبني عشان الدين صاحبهما في الدنيا - 00:32:17ضَ

معروفة ردود افعالك مش بانفعالاتك. النفسية ما تبقاش خفيف. ما تتعاملش مع الحياة بنفسيتك وتبقى انسان خفيف. احكم نفسيتك وخليك انسان حكيم. الكلام اللي بقوله لكم ده. انا حاسس انه من المعاني اللي انا نفسي بيتغير حياتي بها. عارفين ليه؟ لان انا النهاردة وانا باقول يا رب اللهم اتني - 00:32:37ضَ

الحكمة انا بدأت افهم انا بطلب من ربنا ايه زي كده يعني التوفيق انا ما كنتش فاهم يعني ايه التوفيق بس عارف ان التوفيق ده حاجة حلوة لحد ما جيت في قول الله جزاء وفاقا. فقلت توافق قعدت ادور بقى والتفاسير وكتب اللغة. فلقيت ان التوافق في نقل الدم معناه - 00:32:57ضَ

ان فصيلة اللي هينقل نسخة طبق الاصل من العيان اللي هيديها له دم. توافق الاعضاء معناها ان العضو اللي هيتبرع بحتة من كبده والده ولا والدته معناها ان فصيلة الانسجة وكلمة السر اللي على خلاياها نسخة طبق الاصل من جسم المريض اللي هياخد. يبقى - 00:33:17ضَ

التوفيق ان يبقى اعمالك واختياراتك في الحياة. نسخة طبق الاصل من مراد ربنا. نسخة خطيبة الاصل باللي يوصلك للفردوس الاعلى. نسخة طبق الاصل من اللي يوصلك للسعادة والنجاح. كلام خطير - 00:33:37ضَ

بقول وما توفيقي الا بالله وانا فاهم انا بقول ايه. خدتوا بالكم يا اخوانا يعني ايه ان احنا نفهم القرآن. يعني ايه ان احنا نفهم يعني ايه اهدنا انا بطلب من ربنا ايه عسى ان يهديني ربي لاقرب من هذا رشدا يعني ايه رشد اديني خط سير يا رب - 00:33:57ضَ

خط سير مع ولادي. اديني خط سير مع الناس مع الشباب اللي بيعصي. مع اخواني في بيئة الايمان. اديني خط سير في الدعوة. اديني خط سير يا رب خط سير في حياتي. في كل حاجة في حياتي. نبقى فاهمين. احنا بنطلب من الله ايه؟ ولقد اتينا لقمان - 00:34:17ضَ

الحكمة اللام هنا لام القسم الله يقسم. الله سبحانه وتعالى يقسم ان هو اداه الحكمة. طب ليه؟ كان الله يقسم ان ما فيش حد حد هيمشي في الطريق ده مش هياخد. انت ماشي في اجمل طريق واعظم طريق هتتغمر. يا اخواننا الم تروا ان الله ايه؟ سخر لكم ايه؟ معه في - 00:34:37ضَ

السماوات عملت ايه يعني؟ صليت ولا صمت ولا ما عملش حاجة؟ ده ربنا اداهم للكافر قبل ما اداهم للمسلم. الله! واسبغ عليكم نعمه. هو اسبغ المؤمنين لا لا لا لا ده كله واخد كل الكلام ازا كان كل النعم دي ازا كان سخر واسبغ اداها للكافر زي ما اداها للمسلم - 00:34:57ضَ

يعني اداها لك من غير ما تصلي ولا تسجد ولا تعبد. امال لما تسجد وتعبد. امال لما هيديك سخر بس سخر تانية هيسخر لك الكون على سبيل الولاية. هيسخر لك الملايكة على واسبك هيصبغ عليك. بس نعم تانية على قلبك - 00:35:17ضَ

روحك ونفسيتك ورزقك وكل حاجة. يعني ازا كان ده يعني دايما يقول لك ايه في برنامج جوجل ايرث ده حاجة بابليك كده لاي حد يدخل ياخده. قال لك بقى فيه جوجل ارس بالاشتراك. ايه ده! قال لك ده انت ممكن تشوف نفسك في البلكونة وانت واقف في البلكونة. اتفرج على نفسك كده بس قبل اشتراك بقى. يعني - 00:35:37ضَ

دايما الحاجة الاسبيشيال بيبقى عرض تاني. فازا كان العرض البابليك سخر واسبغ. اومال لما تعبده ربنا يهديك ايه؟ ولقد من عند الله لقمان الحكمة. يعني ايه لقمان كلمة لقمان الذي القم الحكمة القاما. عارف لما الواحد يلتقم الاكل كده ها الذي امتلأ فمه بالحكمة - 00:35:57ضَ

حكمة امتلأ فمه بالحكمة. اللي بوقه ده مليان حكمة. ها از كانه مليان لقمة كده. اللي ما بيخرجش من بوق والذي اذا تكلم بالحكمة القب كل من يسمعه من عظمة الحكمة التي يقولها. القى يبقى - 00:36:22ضَ

اوه مليان حكمة. طب واللي بيسمعه بقى كأنه القم. يقول لك القم حجرا في فمه. يعني سكك كده هو ما قدرش ينطق اول ما سمع الكلام ده فكأن من يسمع حكمة لقمان الباهرة يلقم يعني يسكت كده وما يقدرش من الانبهار بالكلام اللي بيقوله. يعني الحكمة نفسها درجات - 00:36:42ضَ

وربنا ادى له درجة عالية اوي اوي اوي ادها له ليه؟ عشان جهده مع الله. ولقد اتينا لقمان الحكمة ان اشكر لله. قال لك ده اول الحكمة. عايز تعرف ربنا بدأ يفتح عليك بالحكمة ولا لأ ؟ اول ما يفتح الله عليك من الحكمة ان - 00:37:02ضَ

يفتح عليك في الشكر. انك تبدأ كده تصفى وتنسى الخلق كده وتشوف ان ربنا عمل لك كتير اوي اوي اوي اوي. وان نعم ربنا دي انت لك لازم تشكروا قصادها. هو يعني ايه الشكر يا جماعة؟ الكلمة اللي هتجيب لك الخلاصة بتاعة معنى الشكر واسم الله الشكور. شكرت الدابة شكرت الدابة. لو - 00:37:22ضَ

جالي علف قليل وجابت لبن كتير في درعها. واتملت لحمة في جسمها. فامتلأت باللحم واللبن وهي واخدة على فلان نسمع شكرة الدم. يبقى يعني ايه الله الشكور؟ يعني اللي اقل ركعة ولا سجدة ولا خمس دقايق قبل الفجر تصليهم تلاقيه ملا حياتك - 00:37:42ضَ

نعم ليه شكور. تصلي ركعتين يديك فردوس اعلى. ايه ازاي يعني شكور. طب يعني ايه ان انا نفسي ابقى شكور؟ انك انت ملأ قلبك بحمد الله على النعم. وتملى بلسانك الدنيا ثناء على الله على النعم. وجوارحك - 00:38:02ضَ

اتملى عبادة شكر لله على النعم. وتنسب كل حاجة في حياتك لله هو ده الشكر هو ده نشكو لله الدنيا صفته وبقيت ماشي صح. وبقيت فاهم صح. عشان كده ربنا جاب في السورة الطريق للحكمة. قال ان في ذلك لايات - 00:38:22ضَ

ها صبار شكور اشمعنى ؟ شكور؟ يعني انت شايف صح اصلا قبل ما يحصل الموقف الانفعال اللي حصل انت شايف صح. شكور ناسي بكل حاجة لله لما حصل الموقف صبار وقفت واستنيت واتأنيت لحد ما فهمت وبعد كده اتصرفت. فهو ده الطريق للحكمة في الكلمتين دول اللي مزكورين في سورة لقمان - 00:38:42ضَ

ولقد اتينا لقمان الحكمة ان نشكر لله. يبقى اول الحكمة فيما بينك وبين الله. طب تاني الحكمة واذ قال لقمان لابنه وهو ايه وهو يعظم. انك تدعو الى الله. انك انت جوة بيتك يبقى عندك حكمة مع ولادك في الدعوة الى الله ومع اهلك في الدعوة الى الله - 00:39:02ضَ

قال لك دول اعظم مظهرين للحكمة اللي ربنا جابهم مع لقمان وبعد كده باقي صفات لقمان. ولقد اتينا لقمان الحكمة ان اشكر لله لله. انسب كل النعم لصاحبها الحقيقي. وسيبك من النصابين والافاكين. اللي كل ما يكتشف - 00:39:22ضَ

حاجة في الكون ينسبوها لنفسهم. وهي اصلا بتاعة ربنا. هم بس اكتشفوها. ومن يشكر يشكر مضارع مستمر لان النعم مستمرة ما بتقفش. فلازم الشكر يبقى مستمر بالقلب واللسان والجوارح. فانما يشكر لنفسه. انما اقوى اداة قصر في اللغة. يشكر لنفسه. ان لم - 00:39:42ضَ

دي لو دي لا من عاقبة يبقى عاقبة شكرك هتعود عليك انت اصلا. يعني كل ما ربنا يديك نعمة تعبده وتشكره عليها ربنا يزود النعم. المفتاح في ايدك. يا ابني - 00:40:02ضَ

يا ابني مفتاح الخزان في ايدك. حنفيات نعمة الزوجة دي حنفية. نعمة الاولاد حنفية. نعمة الفلوس حنفية. نعمة الدراسة حنفية نامت انت مفتاح الخزان اللي بيدي كل ده ربنا مديه لك. اللي هو الشكر. كل ما تشكر تلاقي النعم والامر - 00:40:15ضَ

حنفيات اكتر واكتر هو ده ايه! انت جبتها من المصدر. ومن يشكر فانما يشكر لنفسه. ومن كفر فان الله غني. وربنا محتاجك في حاجة بس غني حميد. حميد يعني يعني الكون كله بيحمده على نعمه. يعني ربنا مش محتاجك في حاجة. وحميد يعني بيدي بيدي نعم يحمد - 00:40:35ضَ

عليها يعني ابني مزعل ابوه قوي وقافله قوي ويعني فابوه عايز يجيبه. فابوه في جيبه مسلا ميت الف دولار. فقام مطلع المية الف دولار وقعد ما هو مش بيعدهم ولا حاجة. هو بيقول لابنه شايف انا معي ايه يا عم دين بقى وتعال صالحني. يا عم اتعادل بقى معي عشان اديك. بيغريك - 00:40:55ضَ

لله المثل الاعلى ربنا لما بيقول للي كفر انا حميد بيغريه. بيقول له شف اديت لاوليائي ايه؟ كل ده عشان ايه؟ عشان يغريك ان هو ييجي رحمة الله سبحانه وتعالى. واذ قال لقمان لابنه وهو يعذر. الله اكبر. لقمان عمره ما كان يتخيل - 00:41:16ضَ

لو هو قاعد مع ابنه بيكلمه عن ربنا ان الجلسة دي ربنا هيخلدها في القرآن من فوق سبع سماوات الجلسة دي ربنا بيحبها اوي. النهاردة جيت ابدأ في الايات كده اجهز فيها وانا اول ما وصلت عنده وهو يعظ وقلبي تاعبني - 00:41:36ضَ

قلت يعني انت هتروح تقول للناس اتقوا الله واقعدوا مع ولادكم. قفلت الحاجة وقمت لميت عيالي وقعدت اتكلم معهم عن ربنا وعن الجنة وعن النار. قلت الواحد يطبق الاول. يا ابني انت لما بتدي وقت لولادك الله بيبارك لك في عمرك - 00:41:54ضَ

الله يبارك الله يحب هزه الجلسة. دي من اسباب حب لديه الجلسة السحرية. اللي بس لو طبقناها الدنيا تتغير. يا ابني يعني انا ملتزم. عندي مسلا اربع اولاد مسلا. يعني ربنا يرزق الجميع الذرية الصالحة الطيبة المباركة يا رب. ويجوزكم الاول وبعد كده يرزقكم. تأكيد يعني - 00:42:14ضَ

فانت دلوقتي ولادنا عددهم اكتر مننا فلو ما عملناش اي حاجة في الدعوة غير ان احنا ربنا ولادنا صح. الملتزمين هيتضاعفوا كل شوية. ملتزمين ما بيهزوش اصلا. ما بيزيدوش ليه - 00:42:34ضَ

لا بيهتموا بولادهم ولا هم نفسهم كثير منهم بيثبت. لو لم نفعل من الدعوة الا تربية الاولاد المجتمع ده. في خلال خمسين ستين سنة كله هيبقى ملتزم. فده طريقة جبارة. من الايات اللي وجعت قلب قول الله سبحانه وتعالى فان آآ فقل تعالوا ندعوا ايه - 00:42:50ضَ

ابناءنا وابناءكم. النبي عليه الصلاة والسلام بيقول للكفار ايه؟ ادي ولادنا وادي ولادكم. ولادنا هيرفعوا ايدهم ويقولوا يا رب. وولادكم هيرفعوا ايدهم ويقولوا يا رب. شوفوا بقى ربنا هيسمع دعاء مين؟ النبي بيتباهى باولاد الصحابة - 00:43:10ضَ

طب احنا الوقتي لو جبنا ولاد المسلمين بتوع سبيس تون والجيمز واليوتيوب وحطيناهم قصاد ولاد الاوروبيين هتلاقي الاخلاق زي بعضها. الفرق هتلاقي ايه؟ ان التانيين عندهم اخلاق. وان التانيين عندهم ايه سكس متربين عليها ومبادئ متربيين عليها. هتبقى مصيبة - 00:43:28ضَ

يا اخوانا واطفالنا لهم عابدون. ماشيين وراهم يمين يمين. شمال شمال مشكلة. مشكلة ان احنا مش قادرين ندرك الرسالة في تربية ولادنا واذ قال لقمان لابنه وهو وهو مش المحفظ بتاع الجامع كان ممكن - 00:43:48ضَ

ربنا يقول واذ قال لقمان لابنه واعظا. ما القرآن مبني على الاختصار. والبلاغة الاختصار. ليه ربنا قال وهو يعظ يقعد جت مضارع ليه؟ لافادة استحضار المشهد لان المشهد ده ربنا بيحبه اوي. طب كلمة هو جت ليه؟ هو اللي لازم يقعد - 00:44:08ضَ

ما فيش حاجة اسمها محفظ قرآن يربي لي ابني. مدرس مدرسة يربي لي ابني. كل دول يربوا لك ابنك لما انت تربي ابنك. وهو حدش هيربي ولاد حد. عشان كده - 00:44:28ضَ

اولاد الملتزمين الواحد لاحزها. يا بيطلعوا ائمة يا بيطلعوا والعياذ بالله افسد ناس. وافسد شباب لان ابن الملتزم ده لو اهله اهتموا به بجد بيطلع احسن من اهله ميت مرة. واذ قال لقمان لابنه وهو يعظه - 00:44:43ضَ

يا بني لا تشرك بالله. يا بني يا بني من البنوة يا حبيبي وكلمة تصغير انا باحبك الطب النفسي يقول لك لازم يكون فيه علاقة عشان تقدر تغير اللي قدامك. لازم الكلمات الدعوية تعدي على جسر علاقات اجتماعية. العلاقة الدعوة الى الله - 00:45:01ضَ

يا اخوانا مش هنغير الناس من غير ما نكون بنحب الناس. وقريبين من الناس. وبنتكلم بلغة الناس. يا بني يا حبيبي انا باحبك يبدأ يسمعه. يا بني ممكن مش بس من البنوة من البناء لازم - 00:45:25ضَ

افهم يا كلاب ان وظيفتك انك تبني ولادك. هو نفس الجزر اللغوي. الجزر اللغوي بتاعة يا بني تاج تلات كلمات. يا اما من البنوة يا اما من البناء يا اما من البواني. التلات حاجات دول. والمعنى جميل في التلاتة. يبقى يا بني الحب ان احنا لازم نفهم الناس ان احنا - 00:45:45ضَ

احنا بنحبهم عشان وان يبقى في علاقة عشان يسمعونا. الحاجة التانية ان البناء لازم تفهم ان وزيفتك انك تبني ابنك. مش ترمي له كلمتين ولا توديه محفز قرآن القصة خلصت ولازم تفهم الناس ان انا كل همي ان انا ابنيكم. او من البواني. البواني في اللغة رجلين الدابة اللي بتقف عليها - 00:46:05ضَ

يا ابني انا مش هقدر اقف في حياتي من غيرك. او ضلوع الصدر اللي بتحمي القلب. يا ابني انت سندي وحمايتي. يبقى ان احنا نفهم المدعو بقيمته وبأهميته يا بني لا تشرك بالله. ان الشرك لظلم عظيم - 00:46:25ضَ

لا تشرك لا تشرك بي. يعني الكلمة بقى اللي نقف عليها هنا ان شاء الله عشان نصلي العشاء او اذان العشاء لا تشرك. يعني ابنه كان كافر ومع ذلك بكل حكمة بقت ما تقفش معه - 00:46:44ضَ

وانما عايزين نغير المجتمع نغير واحدة واحدة. فضل معه لحد ما اوصله وامر بالمعروف وانهى عن المنكر. واصبر على ما اصابك ان ذلك عزم الامور فضل معه لحد ما وصله للقمة. الله اكبر. وكمل معه الطريق. القضية مش ان احنا نكب للناس كلمتين وعزيتين ونسيبهم - 00:46:58ضَ

ازاي نكمل مع الناس الطريق وبترتيب سليم بدأ معه بالعقيدة لا تشرك بالله. وبعد كده دخل معه بقى في الرزق ومعرفة الله انها ان تك مثقال حبة من خردل يأتي بها الله. وبعد ما اسس عنده العقيدة والاتصال بالله دخل معه على العبادات اقم الصلاة - 00:47:18ضَ

اه وامر بالمعروف وانه عن المنكر. وبعد كده دخل معه في الاخلاق اقصد في مشيك واغضض من صوتك. مشي معه بترتيب سليم. ما انا لو كلمته عن الصلاة كلمت عن الصلاة وانا مش عارف هو بيصلي لمين مش هيصلي. فالاول قال له يأتي بها الله كل حاجة بايده. وبعد كده قال له يا بني اقم الصلاة - 00:47:38ضَ

اقم الصلاة. صل بقى للي بالعظمة دي. صل للي يقدر يعمل لك كل احلام حياتك. فبدأ معه من القاع ووصل معه فضل مكمل الطريق تدرج بدأ الاول بالاصول وبعد كده فرغ عليها العبادات والاخلاق. والترتيب سليم - 00:47:58ضَ

ما بدأش بحاجة في الزراعة يقول لك ما ينفعش اروي قبل ما احرت! والا ما يطلعش زرعة! اه بالزبط كده! هو مشي معه بترتيب صح! فوصل في النهاية ان نفسه بقى اية من ايات ربنا في الاستقامة على مراد ربنا نقدر نغير المجتمع كده نقدر يبقى عندنا الحكمة دي في تغيير المجتمع نقدر نتحكم - 00:48:18ضَ

في عملية التغيير بحكمة من الله سبحانه وتعالى يا بني لا تشرك بالله ان الشرك لظلم عظيم. انا كنت ظالم ومتخيل ومتوهب ان انا هخلص الصفحة النهاردة ولكن يبدو ان انا ظني وتخيلاتي يعني الله لا يحب كل مختال. مش عايزين حد يعيش في الخيال مننا - 00:48:38ضَ

يا جماعة والله انا كنت يعني بقول طب سيب اخر ايتين طب ما تسيبش اخر ايتين انما احنا كده يعني وقفنا عند اول ايتين ونسأل الله سبحانه وتعالى التيسير المرة الجاية - 00:48:58ضَ

ان شاء الله بازن الله نخلص قصة لقمان ولكن اهم حاجة. عايزكم تخرجوا بها النهاردة يا جماعة معنى الحكمة. انا اكتر حاجة مزلزلة قلبي معنى الحكمة معنى الحكمة وانه عكس لا يستخفنك الذين يوكلونك. ما تبقاش خفيف. ازاي تقدر تحكم نفسك؟ ازاي اللي جاب نفسيتك يبقى في ايدك؟ ازاي فرامل نفسيتك تغير - 00:49:08ضَ

بتاعها كل شوية في غرفة المجاهدة المركزية بقى. في خلوات في الخلوات التعبدية اللي بينك وبين الله. تغير تيل الفرامل بتاع نفسيتك كل شوية ازاي انك تقدر تتحكم في نفسيتك. ما تتقفلش. ما تقفش. ما تحبطش. ما تغضبش. ما يسيلش لعابك امام - 00:49:28ضَ

سرعات اتحكم في نفسيتك قدام ضغط الواقع. قدام ضغوط المجتمع. قدام مغريات الدنيا. قدام المتع والفسح. قدام اخطاء اولادك قدام نعم ربنا قدام الشهوات. قدام نداء الله في الصلاة. قدام الاذى اللي ممكن تتعرض له وانت ماشي في طريق الدين والدعوة - 00:49:48ضَ

قدام ازاي انك انت تبقى وزير اقتصاد عمرك وحياتك تتحكم في عمرك؟ تتحكم في علاقاتك تقدر تحكم نفسك في سائر هزه الامور ترفع صلاة العشاء سبحانك اللهم وبحمدك اشهد ان لا اله الا انت استغفرك واتوب اليك - 00:50:08ضَ

- 00:50:28ضَ