باحث

الحمد لله رب العالمين والصلاة والسلام على رسول الله الامين وعلى اله واصحابه اجمعين ننزل بقلوبنا منزلة جديدة من منازل اياك نعبد واياك نستعين فماذا بعد التوبة والمحاسبة والانابة بعد ذلك - 00:00:00ضَ

منزلة الاعتصام بالله والاعتصام افتعال من العصمة افتعال العصمة التي هي الاحتماء والمنع اذا قيل فلان معصوم اي ممنوع من الوقوع في شيء عصم منه المعصوم من الكبائر الممنوع من الوقوع فيها - 00:00:34ضَ

والمعصوم من الفتنة الممنوع من الخوض فيها والقلاع العظيمة والمناطق الكبيرة المحمية الممنوعة تسمى عواصم العاصمة الفلانية والعاصمة الفلانية ومن ذلك والله يعصمك من الناس اي يحميك ويمنعك ويدافع عنك - 00:01:03ضَ

فنزول القلب منزلة الاعتصام دلالة على الاحتماء بالله عز وجل ومن يعتصم بالله فقد هدي الى صراط مستقيم. يعتصم اي يحتمي ويدافع الله عنه العصمة قرينة الهداية لان الذي يعتصم بالله - 00:01:33ضَ

يمهد له طريقه ويمنعه من افات الطريق وعلل النفس وافاتها ويحفظ ويصان وهذا هو معنى العصمة والاعتصام ولكن الاعتصام له متعلقان ان يتعلق الاعتصام بامرين الامر الاول يتعلق الاعتصام بالهداية - 00:02:03ضَ

والسير في الطريق الصحيح هذا يحتاج الى الى الى اعتصام ويتعلق بالسلامة من افات الطريق بعد الدخول فيه طريق الاسلام انت ينبغي ان تتصور ان طريق الاسلام في الطريق الحسي - 00:02:35ضَ

الذي هو سالك لو انك صبرت عليه وسرت فيه وصلت الى ربك والى مقصودك الذي هو مرضاة الله تعالى والفوز بجنته ولكن الله عز وجل من باب الامتحان والاختبار جعل في الطريق معالمه - 00:02:57ضَ

كلما نزلت محطتها كالاعتصام والانابة والاخبات والانس والشوق والى غير ذلك والمحبة والرغبة والرجاء والتوكل كلما نزلت هذه المقامات القلبية كل ما تأكدت انك في الطريق الصحيح ارشادات في الطريق هذا من رحمة الله بعباده - 00:03:18ضَ

في الطريق مرات المسافة بتطول يقوم اذا تمر يقول لك مدني باقي لي يعني كزا كيلو انت لما ترى هذه العلامة تتأكد انك شنو في الطريق الصحيح وللعلامة فائدة وهي الانس - 00:03:38ضَ

وتسلية النفس بدنو الطريق وقربه النهايات انت لما تيجي ماشي في الشارع ماشي لمدني يقول لك تمانية واربعين كيلو مدني تمانية وتسعين كيلو. لما يكتبها لك انت بتقول بتشعر انك انت شنو - 00:04:04ضَ

حققت شيء فيعطيه شيء من الانس. والطريق كلما مررت فيه بمنازل كلما اصابك شيء من الانس لان الطريق موحش في الشارع لما تجوا في حلة يتنفس الناس شنو الصعباء وبعض المحطات للتزود - 00:04:29ضَ

واجل محطتان في طريق القلب للسائر التوبة والمحبة ما في احسن من كذا اصلا. دي محطات الزول بينزل يفتح العربية يفتح الكبوت كوب موية ينزل في القهوة يشرب دبنه يأكل بسكويت - 00:04:52ضَ

المهم بجنن بيأتي بنفس غير النفس الذي كان فيه والا مل وفتر في ناس طبعا يقول لك ساعة ساعة دي كاس الامم الاوروبية يا اخوان نسألكم بالله ساعة فساعة ياخدوا عشرين ساعة حصل الكأس من ما بدأ دي كم ساعة - 00:05:15ضَ

كل يوم فكرة مباركة انا كم؟ اثنين المباراة كم ساعة ونص ثلاث ساعات في اليوم. في الشهر قال لك ساعة. انت في اليوم عندك ثلاثة ساعات تخاف الله؟ تقول ايه ساعة فساعة - 00:05:36ضَ

قال الرسول ما قال مع اليونان في ساعة في ساعة ما تخاف الله انت يا اخي ساعة في ساعة امشي الجناين عين النيل الصبح ده ده ساعة فساعة في افخاذ الاوروبيين وتأيد معهم - 00:05:49ضَ

ويشجع في ناس لو لقوا مراد يخش جوة الشاشة زاتهم. يمشوا في هناك يكون في اليونان عشان يرفع يشجع مع الناس فالمهم الطريق هكذا وفي الطريق عقبات وهذا ايضا من باب الرحمة والابتلاء - 00:06:08ضَ

لو ان الطريق ممهدا وميسرة سار فيه كل الناس حتى من لا يستحق السير والوصول وصل ولو شئنا لاتينا كل نفس هداها ولكن حق القول مني لاملأن جهنم من الجنة والناس اجمعين - 00:06:31ضَ

طيب هذا هو الاعتصام الاعتصام بالله نوعان حتى يفهم الاعتصام الاول اعتصام بالله والاعتصام الثاني اعتصام بحبل الله وكلاهما ذكره الله في القرآن وقال سبحانه وتعالى عن الاعتصام الاول واعتصموا بالله - 00:06:53ضَ

عن عن الصحابة وامر به طبعا باخبار واعتصموا بالله واخلصوا دينهم شنو لله والامر الثاني امر به. واعتصموا بالله هو مولاكم نعم المولى ونعم النصيب. ده الاعتصام بالله. الاعتصام بحبله - 00:07:24ضَ

واعتصموا بحبل الله جميعا ولا تفرقوا وهذا من اعتصامان عليهما مدار منزلة الاعتصام. طيب الطريق يحتاج الى امرين من الهداية وسلوكه والى السلامة من افاته الاعتصام بحبل الله يعين على الطريق وسلوكه. والاعتصام بالله يعين على افات الطريق وعلله - 00:07:45ضَ

كل واحد عنده فايدة. قلنا الطريق الى الله يحتاج الى امرين. الامر الاول الطريق والهداية اليه صح؟ الصحيح اخوانا مينا الله خلق يا اخوان المدني بوين يقول لك تمشي جامعة افريقيا وتركب الشارع بتاع سوبا ده تاني ما تجيش الا في مدني - 00:08:18ضَ

لما يكون شارع واحد والديك طوالي ما فيه الا خريماتنا كويس جدا. والدين كدا ما فوقه خريمات وان هذا صراطي مستقيما فاتبعوه ولا تتبعوا السبل فتفرق بكم عن سبيله. ذلكم وصاكم به لعلكم تتقون. يوصلك الى الله - 00:08:39ضَ

المستقيم اهدنا الصراط المستقيم ولكن في الطريق اذن وافات ممكن زول يوقفك الطريق اذا عشان ما عشان ما تعترظك افات في الطريق ويوقفك واحد يأخره وهكذا انت تحتاج لسلوك الطريق في افات افات للعمل - 00:08:55ضَ

في العمل وافات في النفس افات العمل ان يكون العمل على غير السنة وافات النفس ان يكون العمل على غير الاخلاص والجادة وان يكون العمل ليس لله وان يكون فيه سمعة ورياء وحظوظ للنفس - 00:09:21ضَ

عشان كذا اي شيء يتعلق بعلو النفس حتى ولو كان بالدين المؤمن يخافه. ودي قاعدة شرعية عند علماء التربية في ماذا يقولون؟ يقولون ان المؤمن اذا جرت على يده كرامة من الكرامات استحيا منها كما تستحي الفتوى - 00:09:37ضَ

عند البلوغ من حيضها البت لما بتحيط بتخجل ولا بتخجل مما تحب مامتها في البيت بتغير ولا بتغير وفي التعامل بتغير ولا بتغير يتغير الا فتيات العولمة ما بتغيرا يزدادن جرأة - 00:09:57ضَ

وقوة عين لكن الفتيات بن عريف مما الله خلقه الدنيا مما الواحدة تحيط لو كان بتلعب في الشارع تاني بعد اشنو بتوقف حتى لو كان حقه صغير والولي الصالح اذا ظهرت عليه الكرامة اول ما تزعلوا بيخجل زيدا - 00:10:18ضَ

لانه بدأ في صراع مع نفسه سوف يلتفت الى الكرامة فتقطعه عن ربه اذا توقف مع الكرامة قطع لله وهذي التي اسماها ابن القيم في كتابه الفوائد القواطع سماها شنو - 00:10:38ضَ

القواطع لان السعي الى الله في طريق سيره بين العلائق والعوائق والقواطع العلائق ما اعترض السائل الى الله من الامور التي يتعلق بها القلب ومن ذلك حب الصور وعشقها والميل اليها - 00:10:54ضَ

اسمه علائق وفي عوائق والعوائق ما يعترضك في حال سيرك من خارج نفسك من صديق يريد ان ينحرف بك ومن معيقات تريد من امور الدنيا ان تقعدك عن عن الله. اما القواطع - 00:11:20ضَ

ما يقطع طريقك الى الله والقواطع علائق وعوائق والقواطع شنو علائق وشنو العلائق بتقطع والعوائق شنو بتقطع والعلائق مرجعها الى النفس والعوائق مرجوعة الى خارج شنو النفس اصحاب السوء ذي العلائق ولا عوائق - 00:11:42ضَ

عوائق المرأة المكاجرة علائق العوائق الاولاد المنحرفين وان من ازواجكم واولادكم شنو؟ عدوا لكم شنو؟ فاحذروهم. المال عائق ولا ولا من العوائق ولا من العلايق الغالب انه من العوائق ولكنه فيه جانب من العلائق اللي هو التعلق القلبي والوجداني به. فكل ما يتعلق به قلبك شنو يعتبر شنو - 00:12:03ضَ

وكل ذلك يقطع عن الله تعالى ولذلك الطريق فيه فيه افات الافات يتخلص منها بماذا بالاعتصام بمن بالله والاعتصام بحبل الله يفيدك في هداية الطريق. واستبصاره والوعي به ومعرفته وركوبه ولكن هل كل من اهتدى استمر - 00:12:35ضَ

هل كل من اهتدى استمر؟ بالمناسبة بقول لك اخطر شيء في الهداية الاستمرار على الهداية ربنا، لا تزغ قلوبنا بعد اذ هديتنا بعد الهداية انت تحتاج الى ثبات قلب وهذا اخطر ما يواجه الشباب والعاملين في - 00:13:08ضَ

مجال الدعوة والاسلام وخدمة المسلمين اللي هو شنو؟ عدم الاستمرار ابن القيم رحمه الله يقول ان من اكبر عواقب الشهوات سوء الخواتيم اتباع الشهوة عنده خطورة بالمناسبة كثير من الناس اذا اذا ارتكب الشهوة او ركب - 00:13:30ضَ

مراكب الشهوة ركبها وهو لا ينظر الا الى لذة حاضرة انية ولا يتلمح العواقب ولا ينظر الى النهايات والمآلات صح ولا ما صح ما بينزر الى شنو الى النهايات كيف يا اخوانا - 00:13:57ضَ

كيف لا ينظر الى النهاية تأمل شهوة تخرج صاحبها من حد الاعتدال والهيبة والوقار وقوة الشخصية الى الضعف هذه المسائل بمعنى الواحد تلقاه عاقل جدا. لكن لمن مثلا عنده مرض في شهوة النساء. لما يشوف النسوان - 00:14:16ضَ

وعند ذو العاقل وتجده بعد ذلك يذل في هذا الباب وتزل قدمه يصبح وقد جرى وراء الشهوة ولا ينظر الى عواقب الفضيحة ويفضح بعد ذلك هذا حصل ولا ما حصل - 00:14:45ضَ

الانسان بعينه شنو بس هو انه قد ضيع لكن طيب الشهوة دي ممكن يحصل فيها فضيحة ما بعين الفضيحة ما بعيني للقيامة داري قضي ساعته يتونس مع البت يضحك معاها والبت اسوأ بالمناسبة - 00:15:04ضَ

البيت اسوأ. ليه لانها هي اللي حتتحمل العواقب الكبيرة في الدنيا. اذا حملت بتبقى في ازا عرفوا بيقتلوها. كان ما قتلوها عار لهم هم. والناس يتكلموا والرؤوس العالية تطأطأ. والبيوت الشريفة تهدم - 00:15:24ضَ

وبيوتا الفضيلة تلطخ وده كله الاب كان تارك الحبل على شنو على القارب من باب الثقة لكن اخواننا المرأة امام الرجل ضعيفة ما في حاجة اسمها ثقة والرجل امام المرأة شنو - 00:15:43ضَ

ثقة والا تأمل قول عمر بن عبدالعزيز لا يخلون رجل بامرأة وان كان يعلمها القرآن وهي مريم بنت عمران مريم بنت عمران جابوها لك قال لك جريها قرآن وقفوا لكم في اوضة الريا - 00:16:00ضَ

قولون يا اخوانا افتحوا الباب مريم بنت عمران تعرف يزول عنده كلام وريني زول اللي بيقول ليك ده زي اختي ودي بتي انا ربيتها وباثق فيها واسق في هي ما انسان الا تكون حجر. طالما انسان ازا عايناه شاب ساكت - 00:16:20ضَ

يؤثر فيها برجلة شديدة عشان كده قال لك لا تسافر امرأة الا الا مع ذي محرم يا اخوانا انا ما اعرف الناس ليه في واحد مشى مشى ادرس مش ادرس تبادل ثقافي - 00:16:35ضَ

مع زميلي اليوم يعني الجامعة بتاعته في السودان اختارته هم الاتنين بس هو وزميلته وقع على الوقت انه يمشي يمثلوا الجامعة دي في المنطقة المعينة في بلد اوروبي مع الجامعة تانية طبعا البلد الاوروبي قاموا استقبلوهم ونزلوهم في فندق. الجامعة دي على حسابهم - 00:16:55ضَ

واي واحد ادوه غرفة براوة الولد ان هم بعيدين وانه البلد اباحية والبت انه اقرب الناس في المجتمع دا كله هي للولد دا اجروا غرفة البنت وقعدت مع الولد في غرفته - 00:17:16ضَ

الولد براوي يحكي لي انه بزن صباح مساء قال لي شهر عسل رسمي شهر عسل مجانا لا ماشي خطب ده قدوش ياكوش ولا دفع ولا مأزون يا اخي صندوق بارد ما فيه - 00:17:33ضَ

لمن تراجع البت اهلها ذبحوا لها كرموه ليه بدل ما يذبحوها ذبحوا ليها نجاة من فرنسا قالوا مشت مسألة السودان كرامة ومحتقروا الاحتقار قال له شوف المطرطشين دولحين لبيتهم ده - 00:17:57ضَ

فجاء يتوب يعني تقول لي لا تسافر امرأة الا مع رفقة مأمون والرسول يقول لك الا مع ذي محرم انت بتألف في الدين ولا شنو بتحرف ولا شنو حاجة مع مع ابو بكر وعمر. حاجه معون. قال لها ما تحج السنة دي لحد ما الجولة دي. مناع قال لها ما تحجي. شنو - 00:18:17ضَ

مرق حج مع ابو بكر وعمر. رجعها قال لها ما تحجي لحد ما اجراء اجلك تحجي مع محرم. ما عندك محرم ما عليك حق مأمونة وعمر وفيه امرأة قال له انا ما اشتري جهاد رسمي. خرج الجهاد - 00:18:40ضَ

قال لي خلاص انت انت في سبيل الدين اصلا امشي انا اول مرة تجي مع الرجال الرفقة المأمونة قال ليهو اترك الجهاد وحج مع امرأتك ما في رحلة علمية ولا حج بدون محرم - 00:19:03ضَ

لا تقولوا لي رحلة علمية ولا رحلة ثقافية ولا رحلة يا اخي دا لعب يا اخي شوف الزول المشى للعسل لما ذبحه ليه هم يحتقرون به دواخله قال له شوف الناس المطرطشين - 00:19:24ضَ

طبعا هو ما عرف يعني قايلين بالتو شريفة لكن القاه في اليم مقطوفا وقال له اياك اياك ان تبتل بالماء زور كتفه ورموه في البحر قال له ما في الموية - 00:19:39ضَ

غلطان انه البت ولا هلا الغلطان منو يا اخوان انا ما اعرف قيم الاعراب والمحافظة عليها والحرص على الاعراب وعلى الدفاع عنها والموت في سبيلها يا اخي من مات دون عرضه فهو شنو - 00:19:55ضَ

دون عرضه فهو شهيد هذه القيم انتهت يعني نخوة الرجولة ومكارم الاخلاق ومحاسن الاداب والله لا ادري لذلك هذه القضية قضية الشهوات قضية خطرة جدا. يقول شيخ الاسلام ابن تيمية رحمه الله تعالى - 00:20:18ضَ

قال وانك لتجد الرجل العاقل الاديب بهيبته امام الرجال يضعف امام شهوة النساء فيفقد وقاره وهيبته بل انك لتجد الرجل ومعه امرأة جميلة يتعشق امرأة بالحرام الذميمة دميمة قبيحة. العقول تستهجن - 00:20:42ضَ

ذلك ولكنه يتعلق بها تبريره غير تبرير السودانيين. السودانيين كان عنده له تبرير تبرير انك ادبر يعني واحدة مصاحب له واحدة شينة. ومراته جمل يكون مصاحب السنة دي ويمشي يوقف عربيته جنبهم وينزل ما في عقل - 00:21:13ضَ

الناس يقولوا بالله شوف فلان نصاحب وحدة يقول لك لا دي كانت باب اما تبديل الشريعة قال ذلك ان محبة الله والشهوات المحرمة كان ابن تيمية لا يجتمعان في قلب فاذا دخلت محبة الله فرضت الشهوة المحرمة واذا دخلت الشهوة المحرمة طردت - 00:21:33ضَ

محبة الله ما بيجتمعوا. وسبحان الله يقول ومن ومن كانت له شهوة في غير حرام لا تطرد محبة الله انما تقويها كمحبة الولد والزوجة. سبحان الله! شيء عجيب! لو بتحب ولدك وبتحب زوجتك ده ما بيتعارض مع محبة ربنا. لكن كانت بتحبها لك واحدة - 00:22:06ضَ

غير مرتك وطبعا الموبايلات بقت والله انا والله العزيم قررت اوقف الفتوى لانه بيمر علي مرات اسبوع بيسألوني اسئلة يا من رافض اكبس يكبس يا اخي زات اسئلة والله العزيم يعني تخلي الانسان يحتار - 00:22:28ضَ

يعني في اه واحد سألني انه هو شاب في الثانوي والان هو في الجامعة اذا كنت في الثانوي مشيت لناس اقرباءنا ما زلت معهم في البيت من اهالينا مرة مطلقة - 00:22:55ضَ

وامها يعني كبير وعندها اخوه. اخون ده شغال في الشاحنات بيسافر بيجيب ازنداء صباح ومسا وقاعد في بيت الراجل الرسمي لا مر لا ولا اثنين ولا عشر ولا عشرين ولا مئة - 00:23:20ضَ

الاشكال وين؟ الاشكال انه لمن جا يتزوج تعلق تعلق شديد بيمدها المحترمة الملتزمة المرأة المرأة اصلا جلست سلوكي من المكويس. فالراجل طلقها من بدري وقلع بنته منها. رباها احسن تدبير. انا الان دار اتزوج بجوزين لا بجوز ليه - 00:23:35ضَ

داير فتوى كشف عورة امها عشرات المرات ومئات المرات. وداير يتزوج البيت حتى الان بيجوز له يجوز ولا يجوز سئل شيخ الاسلام ابن تيمية رحمه الله عن ذلك مذهب الجمهور المنع ومذهب الشافعية الاباحة - 00:23:56ضَ

وعلة الجمهور ان النكاح من الرجل اذا نكح البنت وامها التحريم حتى لا يصيب فرجين. وذلك متحقق حتى ولو لم يتم نكاح شرعي وعلة الشافعية ان الحرمة لا تنتشر الا بنكاح شرعي لتبنى عليه الاحكام. كما ان الالف لا يثبت الا - 00:24:16ضَ

نكاح شرعي فمن اتى وهو ابنك او انت زعمت انه ابنك وليس بطريقة شرعية وانت اثبتت انه ابنك ينسب اليك ولكنه لا يقيم ولا يبني على ذلك احكاما شرعية من من نشر التحريم اي اخواتك - 00:24:40ضَ

لا لا يعتبرن له شنو محمد تغطي كل واحدة منهن منه والدليل على ذلك حديث العبد بن زمعة وسعد بن ابي وقاص لما تنازعا في ولد زمعة. فقال عبد اخي - 00:25:01ضَ

وولد في فراش ابي وقال اه سعد ابن ابي وقاص هو ولد عقبة اخي عضو بن ابي وقاص وقد اوصى به الي واخبرني ان الولد الذي في فراش زمعة انه ولده فنظر النبي الى الولد فوجد - 00:25:22ضَ

ان الولد يشبه عقبة بن ابي وقاص ولكنه قضى به لزمعة وقال الولد للفراش وللعاهر الحجر الحجر يعني شنو واللي عايز شنو الحجر ولكن الدليل وين ثم قال لسودة زوجته حيبلها شنو - 00:25:40ضَ

الولد القادوبير لزمعة هيقبل السودة بالتزام عشنو يا اخوانا الولد ولا الزمعة قال ده اخوي ولد ابوي هو سعد قال لا وابوه وابو الولد ده اخوي عقبة ابن ابي وقاص قال ولد ولده. الرسول قضى بيه لزم على انه ولد في فراشه. وقال الولد لشنو - 00:26:07ضَ

للفراش سوداء بالنسبة للولد ده اخوه ما هي السودة بنت زرعة؟ وده ولد منو وين الجمعة اخوه فقال لها احتجبي منه من باب الاحتياط. من باب شنو؟ الاحتياط فالنبي وسلم قضى فيه بالشرع - 00:26:32ضَ

ولكن لم اراد ان يقضي فيه بمجرد علمه كقاضي قال الولد لشنو الفراش مسألة هذه الشهوة الخطرة الصارفة عن الطريق والوصول الى الله يا اخوانا ما هو اكثر ما يعيق الانسان في الاستقامة - 00:26:58ضَ

الشهوة المتأجة بعض الناس شهوة في النساء قليلة ولكن في المال كبيرة وبعض الناس في المال يمكن ان تأتمنه على مليارات. ولكنه في النظر واختلاس النظر الى النساء والتأمل في محاسنهن. والافتتاح - 00:27:14ضَ

بهن لا يمكن ان تأمنه على شيء. بل تجده عاقل واريد يعني كما قال ابن تيمية ولكنه اذا رأى امرأة فقدت ماسوقه فجعل ينظر اليها ويدقق النظر فيها وربما تكلم معها - 00:27:31ضَ

كلاما لا يليق بمكانته ولا حاله ولا وضعه وهذا ما اسماه ابن القيم السكر بالشهوة قوم لوط انت تستغث فيهم. كيف انهم انتكست فطرهم اذا درجت الخروج عن حتى المألوف - 00:27:46ضَ

وانكم تأتون شنو؟ وتأتون الذكران من العالمين قال عنهم الله سبحانه وتعالى مشخصا هذا الداء لعمرك انهم لفي سكرتهم فجعل الشهوة سكر. وهي نوع من انواع السكر. اذا تملكت الانسان يفقد تماسكه - 00:28:08ضَ

ووقاره وفهمه وعقله فلا يتلمح العواقب هنا مسألة مهمة جعل الله الشهوة غريزة في الانسان ليحصل اعمار الارض ولولا الشهوة لما خرج خرجنا وخرجتم الى الحياة. لكنه جعل العقل ليضبط الشهوة حتى لا تنفلت. وهذا من محاسن الاسلام - 00:28:27ضَ

فالعقل يتلمح العواقب. الشهوة دي كان الزول بدا فيها بتقوده ليومين الى اين تنتهي به الشهوة للاسف الشديد الشهوة تقوده الى الدمار والهلاك والوبال ابن عباس يوم عرفة اتوا اليه بشاب متعشق - 00:28:55ضَ

اصفر لونه وامتحل جسمه فقال ما باله؟ قالوا عاشق وما زال دعاء ابن عباس سائر عرفة اللهم اني اعوذ بك من العشق فلا تبتليني وقد يقع العشق بسماع صوت او بنظرة واحدة - 00:29:13ضَ

ولذلك منعت الشريعة خلط الاوراق في قضية الرجال والنساء لانه مجرد النظر قد يوقع وقل للمؤمنين يغضوا من ابصارهم حتى الكلام اذا سألتموهن متاعا فاسألوهن من وراء حجاب اتقوا الدنيا واتقوا النساء فان اول - 00:29:32ضَ

فتنة بني اسرائيل كانت في شنو النساء يا اخوانا التعامل بين الرجل والمرأة على مفهوم الفتنة تعامل شرعي ما تركت بعدي فتنة ابر على الرجال من شنو من النساء خطرة جدا - 00:29:49ضَ

هذه المسألة من الاهمية بمكان يعني النظر والتأمل في هذه المسألة. يقول ابن القيم رحمه الله ان شوفوا الكلام ده معصية الزنا اعوذ بالله اجارنا الله واياكم. معصية الزنا من المعاصي الولادة. فانها قد تولد قتلا - 00:30:05ضَ

وذلك اما بكيفية التخلص من الجنين الذي هو ثمرة هذا اللقاء الحرام واما بان يحاول اهلها قتلها واما ان يقتل الزوج الفاعل بامرأته غيرة ويولد وان سلم ذلك لقد دنس الشرف - 00:30:25ضَ

ضمن السلوك الشرف تلطخ العرض مع سواد الوجه والكآبة التي تعتريه. وظلمة القلب قال وقل ان تجد زانيا له صدق في حديث او معه ورع او وفاء لصديق ممكن زول زاني صديق زاكر وعنده معه علاقة ما بيوفلوه. اعوذ بالله شيء شيء عجيب من السبب - 00:30:43ضَ

قل ان تجد زانيا معه وفاء بعهد او صدق في حديث او ورع او وفاء لصديق قل ان تجد حتى قال رحمه الله تعالى ويكفي في الزنا سوءا ان صاحبه يتلطخ باسوأ باسوء الالفاظ واشنع الالقاب كالزاني والخائن - 00:31:12ضَ

الى غير ذلك وفوق ذلك كله اسوأ ما في ذلك الخواتيم. الخواتيم يا اخوانا شوفوا التوب من الشهوة خطأ شوف السلف الصالح يا اخوانا هذا الباب والله خطير جدا باب الشهوات - 00:31:33ضَ

يعني الشهوات خاصة شهوة النساء والعكس يا اخي انت تجد الرجل عنده الحلال يطلع الى الحرام وتجد المرأة عندها الحلال تتطلع الى الحرام وقد يجد الرجل في الحرام متعة لا يجدها في حلاله. ويجد انبساطا لا يجدها في حلال - 00:31:53ضَ

يا اخي في ناس الواحد بيتكلم مع النسوان التانيات بيديك كلام تقيل ومرة بديها كلامك. زيده صايم مع مرته الاكل والشاي وكده لكن مع انه سنة تانية مكنات تقيلة انا مما شفتك اتبرجلت وانا مما عينت ليكي عيوني ما اعرف حصل ليها - 00:32:14ضَ

وعينك زي عيون الكنيسة. وانا ما اعرف ذاتي اقول شنو انت ما نصح مشكلتك انك انت ما نصح انت عندك شذوذ في العاطفة وانحراف الشهوة اللي بيقول لك حرام منه تكب المكنات لنزوان التانية وحدث عن اجهزة الموبايل وما فيها - 00:32:43ضَ

من الرسائل والغراميات والسوء. اعوذ بالله يا اخوانا انا يؤسفني ان اقول بملئ في. عصرنا هو عصر تفجر الشهوات مش شهوات عادية. الشهوات متفجرة هو عصر تفجر الشهوات لذلك يعني - 00:33:09ضَ

الطريق الذي انت تسير فيه من اكبر قواطعه الشبهات والشهوات ولكن اود ان اقول اقول لك في هذه المسألة يعني كلاما يقول ابن القيم قل ان تجد صاحب شهوة يعزم على التوبة ويستطيع - 00:33:35ضَ

نادر يعني زول يقول تاني انا من يوم الليلة والله انا مرة واقف في شارع الزلط واقف بنركب المواصلات. والدنيا سخانة شديدة. وانا عرقان. جاني شاب مشكل بنطلون وزول وجيه - 00:33:59ضَ

انت فلان الفلاني قلت له ايه والله قال لي انا مغروط فيك والله انا ماشي راكب المواصلات. والله ما اوحي السلطة. وقفت الكمسري ونزلت بس عشان اقابلك. لما شفتك قال لي لمحتك بالشباك - 00:34:15ضَ

وقف الكمسري وجاني قطعة زلط وجاني. انا ماشي كده وهو ماشي كده شعرت ان الموضوع شنو موضوع شنو؟ قال لي انا كان عندي علاقة اثمة مع طالبة معي في الكلية وقررت اني اتوب - 00:34:28ضَ

وبقيت اصلي الصبح في جماعة ما كنت اصلي في جماعة قلبه رجع اليه قال لي اصلي الصبح واقرا لوح قرآن وابكي وارجع اقول البت دي كان لاقتني الليل انا اديها لك كلام - 00:34:43ضَ

قال اول ما اجي خاش الكلية تجي مين جارية علي؟ انت اتأخرت وكده تضحك خلاص نمشي الكافتريا واشتري البرجر وناكل ونضرب امشي صلاة الضهر في الضهر ما اتمنى ما اطلع من الجامعة عشان ما الاقيها - 00:35:00ضَ

اطلع اقول انا الليلة احسمها لازم احسمها. اطلع لمن اشعر نفسي انه ضعيف اطلع من من الجامع للبيت طوالي قال لي قال لي انا اسبوع تديني كلام نهائي. انا الموضوع ده. انا داير اتوب الى الله يا اخي. ده اكيد بس عقدتيه الوحيدة اللي بيدي - 00:35:18ضَ

انت بتثق في كلامك قلت له خلاص تخلي الجامعة نهائيا مش ده محل الاذى؟ ما تمشي الجامعة تخلي الجامعة نهائيا قام سكت قال لي كيف؟ قلت لك اسمع الجنة ولا الجامعة؟ قال لي الجنة. قلت له دي بتطيرك من الجنة. الجامعة دي بتطيرك للجنة - 00:35:35ضَ

شهادة من ربنا اسمها العفة. في شهادة الله اسمها العفة. دارت اكتر من كده شو؟ الكلام وقعدوه. انا ما قلت له عندك حاجتين بس قلت له يا تمشي تنقل من الجامعة تمشي الفاشل لكن برضه لانه في الفاشل برضه بتلقوا بناتنا حتمشي وين - 00:35:57ضَ

قال لي ها الطيب والحل الثاني شنو؟ قلت له تتزوجها يا تزوجه قام سكت قلت له بدي كعبة؟ قال لي والله ما كعبة يا مولانا. والله بدي مية محترم. وجات في الاول زاته ما كان معه العلاقة. ولا كيف اتعملت؟ وبقى فيه تعلق - 00:36:14ضَ

قلت له طيب هل يعني ازا نتباع قال لي لا والله لكن بس يعني خديت ايدي فيها وحاجات زي دي لكن كويس قلت لها انت بترتضيها ام لعيالك؟ قال لها ايوا بارتضيها - 00:36:32ضَ

قلت له اسمع بعدين تعيف يا ولاد الجيران وتعين في الشافعي. تقول ده بيشبه منه. ونخرته ديما نخذتنا قال لي لا لا انا البت دي كويسة قلت له خلاص وشال مني رقم التليفون اتصل لي على الزروع قال لي قدمنا وقبلونا وخلاص ان شاء الله حنتزوج - 00:36:45ضَ

يا اخوانا وضع الامر في الطريق الصحيح مسألة مهمة حاجة غريبة. قال لي في ايام انا انقبضت منها ما قدر يواجهها لكن انقرض منها. قال لي زملائنا عملوا لنا اتفاقية سلام - 00:37:09ضَ

انتم مش شاطرين ما لكم يا اخوانا ما في داعي وارجعوا لبعض. ارجعوا لبعض سيروا في الحرم. ارجعوا لبعض في قال ارجعوا لبعض يلا. مدير الجامعة كيف يا اخي دي طرطشة - 00:37:23ضَ

والله اعوذ بالله دي طرطشة طرطشة ما بعدها طرطشة قال صالحون وذم يعني بدل ما يجيكم ويايدوهم عملوهم صلح يا اخي شوف اكلمك والله المسألة بتاعة الشهوة دي بالمناسبة صعبة جدا. لذلك ابن القيم هنا يرى ان السبيل الوحيد - 00:37:34ضَ

بعد الهداية والهداية تكون بالاعتصام بحبل الله والسلامة من الشهوات والشبهات ان ان يكون الاعتصام بالله الاعتصام اعتصامان اعتصام بحبل الله يضعك في الطريق الصحيح واعتصام بالله يمنعك من افات الطريق - 00:37:55ضَ

ولذلك يقول واعتصموا بالله هو مولاكم نعم المولى ونعم النصير. واعتصموا بحبل الله جميعا طيب بدأ ابن القيم رحمه الله يناقش الاعتصام بحبل الله في منزلة الاعتصام الاعتصام بالله هو اكبر - 00:38:17ضَ

اخوانا الاسم قلنا شنو المنع والاحتماء لا يحميك من الشهوات ولا يمنعك من الدنايا الا الاعتصام بالله. القلعة العظيمة والبدنة الكبيرة تسمى عاصمة السودان عاصمته شنو الخرطوم ومصر عاصمته عاصمته. التي يعني يحصل فيها شنو؟ الاحتماء والمنع - 00:38:35ضَ

والدفع والامان العاصمة والذي يمنع من المعاصي بعناية الله وتوفيقه يقال انه معصوم كالانبياء. الانبياء ما لهم الانبياء لهم العصمة. عليهم صلوات الله اجمعين. طيب الاعتصام بحبل الله ورد في قول مجاهد - 00:39:03ضَ

انه طاعته وفي قول ابن عباس قرآنه وفي قول ابن مسعود حبل الله دين الله الدين كله اما الدين واما الطاعة واما القرآن واما آآ الاسلام واما الجماعة ايضا من المفسرين من قال ان الاعتصام بحبل الله هو شنو - 00:39:28ضَ

هو الجماعة ومنهم من قال الاعتصام بحبل الله تعالى عهده وكل هذه المعاني مرجعها الوقوف على الاسلام ومفرداته على الطاعات واجتناب المعاصي. هذا هو الاعتصام بحبل الله. طيب الاعتصام بحمد الله عنده فائدة - 00:39:54ضَ

يدفع عن العمل البدعة الاعتصام بحبل الله يدفع عن العمل شنو البدعة لانك اعتصمت وامتنعت بشيء هو الدليل الصلاة تنحرف الى شنو الى بدعة ليس عليها دليل واياك ان تقدم على عمل من الاعمال ليس عليه دليل شرعي - 00:40:19ضَ

دشنو ينفعك يدفعك من البدعة. والاعتصام بالله يمنعك من الرياء ويقودك الى تجريد الاخلاص وسلم العمل للعمل الاخلاص الاعتصام بالله والسلم للعمل الاتباع شنو بالاعتصام باللهو الذي حبله بحبل الله والاتصال بالله يمنع من ذلك يمنع من - 00:40:45ضَ

الرياء وشوائب الاخلاص. يقول ابن القيم رحمه الله الاعتصام بحبل الله يحفظ من الضلال والاعتصام بالله يحفظ من الهلاك الضلال الضلال عن الطريق المستقيم. انت كان اعتصمت بحبل الله معناه مشيت في الطريق شنو؟ الصح - 00:41:13ضَ

وعشان ما تحلف وانت في الطريق الصح بان تكون على الطريق صورة وليس قلبا يعني بتكون ماشي في الطريق ملتزم على الدين. ولكن ليس بقلبك انما بجسدك يؤدي الصلاة بجسدك - 00:41:31ضَ

صورة ولا تؤديها بقلبك روحا هذا يفيدك اياه الاعتصام بشنو بالله فالاعتصام بحبل الله يحفظ من الضلال والاعتصام بالله يحفظ من شنو هنا يقول ابن القيم رحمه الله تعالى الاعتصام - 00:41:46ضَ

بالله يعني ما ما الاعتصام بالله. الاعتصام بالله التوكل عليه والامتناع والاحتماء به واول ما تحتمي به الى الله تحتمي بالله من نفسك لذلك انت تقول ونعوذ بالله من شرور شنو - 00:42:08ضَ

انت تحتمي بالله حتى من شنو من نفسك حتى لا تهنأ فانت تسأل الله وتلجأ اليه وترجع اليه وتسأله وتنيب اليه وتحتمي به ان يمنعك شرور نفسك وكذلك ان يدفع عنك النقص - 00:42:31ضَ

وان يبعد عنك الشهوة والشبهة اخواننا لولا الله لكنا على غير ما نحن عليه الان من الهداية الى الاسلام قال تعالى يمنون عليك ان اسلموا قل لا تمنوا علي اسلامكم بل الله يمن عليكم ان هداكم للايمان ان كنتم - 00:42:53ضَ

صادقين ومن ذلك ايضا قوله تعالى ومن يهدي الله فهو المهتد ومن يضلل فلا هادي له ولن تجد له وليا مرشدا فهذه آآ فائدة الاعتصام بالله والاعتصام بشنو؟ بحبل الله. فقلنا ان الاعتصام - 00:43:17ضَ

نوعان اعتصام بالله يحفظ من الهلاك واعتصام بحبل الله يحفظ من شنو ها من الضلال الاعتصام بحبل الله يضعك على الطريق الصحيح ويكفل لك الهداية والاعتصام بالله يكفل لك البقاء - 00:43:48ضَ

الاستمرار والثبات على شنو؟ على الهداية. الاعتصام بحبل الله يقيك البدع والاعتصام بالله يقيك افات النفس من العذر والغرور والنظر الى العمل والى غير ذلك من النقائص والافات الامر اظن في هذه المسألة - 00:44:05ضَ

واضح طيب ننتقل الى كلام صاحب المنازل هذا كله مقدمة وكلام من ابن القيم ثم نقف بعد ذلك على كلام ابن القيم رحمه الله تعالى حول شرح كلام الهروين. الهروي يرى - 00:44:26ضَ

ان الاعتصام بحبل الله الاعتصام بحبل الله تعالى المحافظة على الطاعة بمراقبة امره ان تحافظ على طاعة الله مراقبا شنو؟ امره. وده كلام منو ده كلام منو ابو اسماعيل هروي يشوف كلام ابن القيم رحمه الله في شرح ذلك. يقول ابن القيم - 00:44:43ضَ

يريد بالمحافظة على الطاعة معروفة ان يثبت عليها ربنا لا تزغ قلوبنا بعد اذ ولكن كيف يراقب امر الله ان يراقب امر الله ان يفعل الطاعة مستشعرا بعدها الاحتسابي حتى - 00:45:08ضَ

يعني ان يقوم بالطاعة على سبيل العبادة والتجريد لا على سبيل العادة والمحاكاة والتقليد قال رحمه الله قال طلق ابن حبيب التقوى ان تعمل بطاعة الله شنو على نور من الله ترجو ثوابه - 00:45:31ضَ

فعلى نور من الله ببصيرة ان هذه طاعة. وانت تفعلها وانت مستشعر مستحضر للنية فالغرض من مراقبة الطاعة بان بان تكون النية حاضرة في كل عمل حتى لا تجري حتى لا يدري العمل مجرى شنو - 00:45:54ضَ

مجرى العادة ولكن ان يترقى الى درجة العبادة وفي ذلك يقول صلى الله عليه وسلم من صام رمضان ايمانا واسلوب واحتسابا ايمانا انه هذا من من عند الله واحتسابا يطلب الاجر - 00:46:14ضَ

والثواب وينتظر المثوبة والجزاء من الله وهذه في اه غايتي في غاية الاهمية. طيب اما الاعتصام بالله عرفه صاحب المنازل الترقي بالله الترقي الاعتصام بالله الترقي بالله عن كل موهوم - 00:46:31ضَ

بمعنى ان تترفع عن كل ما سوى الله لان كل ما سوى الله وهم كل ما سوى الله يعتبر شنو الوهم ضده شنو الحقيقة مش كده والله هو الحق المبين ربنا الحق. فما سوى الله شنو - 00:46:56ضَ

وهم تترفع عما سوى الله ليس ترفع الخلق ترفعك عن الخلق. انما ترفع لارادتي يعني شنو ما تعايد الناس تقول له امشي امشي احتقرهم لا الترفع المطلوب. تترفع ارادتك عن طلب الخلق والنظر اليه. هذا الترفع. اما الخلق - 00:47:18ضَ

تتواضع لهم بجسدك وتترفع عنهم بارادتك. فلا تطلب بارادتك سوى الله وتواضعك وتواضعك للخلق بجسدك ايضا من باب طاعة الله تعالى ولذلك انت تتواضع للخلق لكن قال من تواضع لمن - 00:47:47ضَ

من تواضع لمن لله شنو؟ رفعة وضع لالله كيف انا تواضعت للخلق احترمتهم وبقيت معهم كويس وقعدت معهم في الواقع تواضعت لله ولا للناس اذ واقعتنا الناس بالجسد ولكنك تواضعت لله بالنية والاحتساب والارادة - 00:48:07ضَ

وهذه مسألة في غاية شنو في غاية الاهمية. طيب صاحب مناد يرى ان قمة الاعتصام بالله هو الاعتصام بالخبر تسليما واذعانا اي خبر يأتيك من الله الاعتصام ان تسببه فلا وربك لا يؤمنون حتى يحكموك فيما شجر بينهم ثم لا يجدوا في انفسهم حرجا مما قضيت ويسلموا تسليما وده اعتصام بشنو - 00:48:24ضَ

لله بالخبر وبتصديق الوعد والوعيد وتعظيم الامر والنهي وتأسيس المعاملة على اليقين والانصاف الكلام بالمناسبة يعني رفيع جدا بالمناسبة. ده كلام الحراوي كلام ابن القيم ارفع منه. قال ابن القيم - 00:48:57ضَ

الاعتصام بالخبر الوارد عن الله من غير منازعة يعتبر ايمان طيب قال لي كلام؟ اخوانا الان ما انا اكلمكم زي ما قلت لكم في مسألة المحرم والمحرم. والنصوص اللي زي دي. واحد يقول لك يا اخي - 00:49:14ضَ

والله يا اخي الناس المعينين دول مشددين. مشددين انت عارف الزول النجيب قال لي انا بعرفه يقول والله الرسول الاسم محمد ابن عبد الله دم السردي الشديد دا الزول النجيب - 00:49:29ضَ

لانه الكلام كلامه. انت رأيك شنو مدرك عند حساسية مع اي طائفة. اها عندك حساسية مع الرسول لا والله ما عندي. قال ليك ما صافح النسوان. ارأيك شنو اذا الكلام ده ما عاجبك. قول والله الزول اللي قال الكلام ده زاته مشدد - 00:49:48ضَ

الرسول مشدد. لكن يمكن يقول محمد سيد مشدد. وشيخ فلان متشدد الشتاء الرسول قال لا تسافر امرأة الا مع ذي محرم والله يا اخي ما في جامعات والبنات راقيات ان نصدأ عندك معاه واعتراض - 00:50:08ضَ

قالوا خلوه اول حاجة ينبغي ان تعلموه مهما تطور العصر الانسان هو الانسان. بل الانسان العاقل يقول في عصر تفجر الشهوات صيانة للاعراض تطبق احاديث لا تسافر امرأة الا مع ذي محرم. واياكم والدخول على النساء. قال رجل افرأيت الحمو. قال الحمو الموت - 00:50:29ضَ

ارحموا الموت الرسول الرسول قال ليه اخوك شقيقك يخش على مرتك جوه كعب زي الموت الناس يقول لك انتوا جافين بالاصح الرسول جافي دي بتقطع المحنة. الرسول بيقطع المحنة ده تشدد الرسول مشدد بس انا انا بحول القواني بوديك الامية طوال انا والامية بتجيب الموضوع زاته وحولت الامية رأيك شنو - 00:50:54ضَ

كيف تكفر بعد ذلك؟ اذا تكفر يا اخوانا الخطاب واضح جدا الرسول عليه الصلاة والسلام الا تقول ما قال لو مت بقى في صحيح البخاري قال لك يقول لك والله يا اخي الان بقى في طيارات. انت عارف المشكلة كلها في الطيارات - 00:51:22ضَ

الدواب دي لو كان بيسافروا بالابل سهل لكن الطيارات دي بيبقى فيها اختطاف وفي مباريات الطيارات يا اخي ممكن يجيب تلفونه في الطيارة ها بس تلفونه يقول لي انت ساكنة وين - 00:51:43ضَ

وينزل واستقبلوه اهله في في المطار وزي ما بيعرفوا بعدها تمشي ويضرب لها تليفونها اذا ما كان في تليفونك الزمان حلال حقه الزمن ده يبقى حرام. والزمان حرام حقه الزمن ده يزيدوه شوية كمان - 00:51:59ضَ

كان الناس دايرين الاستقامة جد يعني لكن اخواننا الوصول لما نتكلم عن الحديث يتكلم عن الانسان كانسان بمشاعره وقيمه وانفعالاته وغرائزه التي هي موجودة في كل عصر. والمرأة مرأة في كل عصر - 00:52:16ضَ

والرجل رجل في كل عصر تختلف بعض الفوارق تختلف البيئات تختلف الاشكال ولكن تبقى المعاني هي المعاني لذلك هذا الكلام يعني اظنه واضح جدا. فالتعامل مع الاوامر الانقياد والتعامل بتصديق الوعد والوعيد - 00:52:33ضَ

اخوانا الوعد والوعيد. قال ليك في جنة في جنة. في نار في نار. تكون متأكد. ما تكون شاك وتعظيم الامر والنهي قاليك الشتا مش فقط تاخده تعظم هذا الامر الذي امرك الله به - 00:52:54ضَ

وتعظم النهي الذي نهاك الله عنه يا اخوانا القرآن ده كلام الله. الله يقول لكم ولا تقربوا مال اليتيم الا بالتي هي احسن. الله يقول ليك ما تقربوا كلام وكلام يقول لك ما تقربه. يا ترى شنو تاني - 00:53:13ضَ

ولا تقتلوا النفس التي حرم الله الا بالحق ولا تقربوا الزنا انه كان فاحشة وساء سبيلا ويل للمطففين الذين اذا استاءوا على الناس يستوفون. الله ينهاك عن اشياء. انت ينبغي ان تراها انها من العظائم الكبيرة - 00:53:29ضَ

على تعظيم قائلها لا تنظر الى صغر المعصية ولكن انظر الى عظمة من عصيت طيب ثم تأسيس المعاملة على اليقين والانصاف ده كلام تقيل بالمناسبة تأسيس المعاملة على اليقين والانصاف طيب - 00:53:47ضَ

ابن القيم يفسر الكلام تأسيس معاملتك مع الله على اليقين والانصاف وتأسيس معاملتك مع الخلق على اليقين والانصاف تؤسس المعاملة مع الله على اليقين تقول والله يعني ابن القيم اورد - 00:54:08ضَ

ابيات شعر قال قال قائلهم اتبع طريق الاسلام تحوطا كيف قال زعم المنجد زعم المنجم والطبيب كلاهما زعموا لا تبعثوا الاجساد قلت اليكما المنجم والطبيب قالوا شنو الاجساد شنو؟ عاد قال لهم شنو اليكم؟ يعني شنو - 00:54:35ضَ

يقنعوك اقنعوك ولا شنو ان صح قولكما فلست بخاسر يعني كان فعلا ما في بحث انا ماني خسران او صح قولي فالخسار عليكما. ابن القيم بشكل كان انتم صح انا بدي نعوجة. وكان انا صح بتجيكم عوجة. قال ما في كلام. يقولوا انتم بتجيكم عوجة بتجيكم عوجة. وانا بتجيني عوجة بتجيني عوجة لان انا مؤمن - 00:55:02ضَ

فعد ابن القيم هذا شنو التردد والتعامل مع الله لا يكون بمثل هذا التشكك. يكون بشنو اليقين شوف شوف القرآن كيف دعم الذين كفروا الا يبعثون شوفوا الاية قال شنو - 00:55:30ضَ

قل بلى وربي لتبعثن الكلام ده كيف شوف الحليفة دي قال له والله بتدبحه. واحد يقول لك اها ما في قيامة. يقول له والله الله يقومك قوم. والله تقوم ما تقول له اسمع. قال ما قمنا. انا ما عندي عويضة. كمونة بعدين تحقق - 00:55:51ضَ

قول له كده هذا شنو هذا تردد وتشقق. لا تصح معاملة الله به. اما معاملة الله على الانصاب يا اخوانا كيف نوصف الله؟ اولا بالقيام بواجب العبودية الحقة لله والا والا ينازع ربنا صفات الوهيته وكماله. مع - 00:56:09ضَ

قال من انصاف الله الا يشقى السواه على نعمائه يا اخوانا ما الله بدي ما بقول الله اداني بقولوا شو الوزارة ادوني الوزارة شنو اول حاجة تتشكل الله بعدها شكر النفس - 00:56:34ضَ

لانه هذا شكل الوسائط. شكل الوسائط مطلوب بالمناسبة. قال عليه الصلاة والسلام من لا يشكر الناس لا يشكر الله. فهنا قال الا يشكر على نعمائه سواه وان لا انصاف الله والا يستعين والا يستعين بالنعم على معاصيه - 00:56:59ضَ

ولا يحمد على رزقه غيره. على رزقه غيره اول حاجة ضدك نعمة يبارز الله بشنو ها بالمعاصي والمعاصي اي معصية. ابن القيم يقول ما عصي الله الا بنعمه اللي عنده قروش - 00:57:18ضَ

عدالي والله اللي عنده عربية ركب فيها البنات الدوم الله. هل عنده صحة وعافية الفنانين بيغنوا ديل في الحفلات اصواتنا الجميلة جابوها من وين شوف يعصى الله باسمه بنعمائه الدش - 00:57:38ضَ

والفضائيات الاشياء اللي بتجيبها الله الناس نعم انعم الله عز وجل على عباده. يعصوا بها ربنا وللاسف الشديد هذا من عدم احسان المعاملة والتأدب مع الله. ان يعصى الله وان يحارب بنعمائه سبحانه - 00:58:06ضَ

وهذا حاصل اليوم ولا ما حاصل ان يحارب الله بنعمائه اعوذ بالله وهذا كفيل نسأل الله السلامة والعافية. ابن سعود وجد يمسك العود يغني من المسجد بعد صلاة العشاء ولقى زازان شنو - 00:58:21ضَ

ماسك العود يغني وقف استمع اليه قام جاء وقف عليهم زان ومعه المجموعة قال له ابن مسعود لما شاف ابن مسعود خلعوا طبعا. يا اخوانا تخيل الصحابي في زمن التابعين. عنده من التبجيل والوقار. حتى الناس سفهاء - 00:58:43ضَ

فامسكوا العود فقال له اي بنية يا له من صوت جميل لو كان بالقرآن كسر زان العود في مكانه وصار عالما من العلماء. ولزم ابن مسعود وصار راوي علمه للناس - 00:59:02ضَ

كلامنا كثير. السلف دين ربنا اداهم اخلاص. قال له والله صوتك سمح لكن كان يكون في القرآن. كسر العود طواله وبقي يجي القرآن الواحد يديهم محاضرة كاملة يقول لك لسه ما اقتنعت يا مولانا - 00:59:20ضَ

عشان نمنعك الغنا حرام ولا ما حرام نسأل الله السلامة والعافية هذا قلنا الانصاف اه في حق الله تعالى. طيب الانصاف في حق العبيد ان يعاملهم بمثل ما يحب ان يعاملوه - 00:59:33ضَ

ده الانصاف يا اخوان اذا الناس عملوه كيف كيف تحب ان يعاملك الناس؟ تحب ان يعاملوك بالاحترام والوقار وعدم الاذى. عامل الناس انصافا هذا الاعتصام شنو؟ بالله المقام الاول منه. المقام الثاني في الاعتصام - 00:59:53ضَ

هو الحديث عن الحوض يقول اسبال الخلق على الخلق اسبالك الخلق على شنو الخلق بمعنى ابن القيم يشرح الكلام يقول من الاعتصام بالله تزكية النفس وتزكية النفس تفيد في ان صاحبها يتسع قلبه للاخرين - 01:00:14ضَ

ان يكون كريم وطيب ويكف الاذى ويحتمله لانه زكى نفسه. كأن ابن القيم يريد ان يقول لا يعامل الناس معاملة كريمة الا من زكى نفسه في استقامة وعلى بينه وبين الله - 01:00:43ضَ

وهذا الكلام يا اخواننا صحيح ولا ما صحيح صحيح بمعنى الزول بيعامل الناس كويس متين لما نكون بنخاف من الله الدرجة الناس يقول لك انا ما بخاف الله شنو يعني حرمة اما اللي بيخاف الرضاع ما تخاف منه. ممكن تأمنوا على اي شيء ما بياكلك ما بياكلك - 01:01:02ضَ

خشية وبرجع لك حقك خشية ولا يسيء اليك خشية. ولو اسأت اليه تحمله الخشية على الاصطبار وعلى احتمال الاذى وعدم رد السوء بالسوء ان الدين يعلمه ذلك عرفته؟ يعني ابن القيم من لطيف فهمه يرى ان معاملة الخلق لا تستقيم الا بعد معاملة الخالق - 01:01:23ضَ

عشان كده قال اتق الله حيثما كنت واتبع السيئة الحسنة تمحها وخالق الناس بخلق حسن من من اتقى الله عامل الناس معاملة طيبة ليه؟ لانه يعامل الناس ديانة يعني يحسن الى الناس ديانة وهذا - 01:01:45ضَ

ادوم الوفاء وادوم في الصبر ثم قال رفض العلائق عزما ان يعزف على رفض شنو كلام ابن القيم رحمه الله العلائق نوعان. علائق في الظاهر وعلائق في الباطن. العلائق التي ينبغي ان تقطعها - 01:02:03ضَ

في علاء في شنو اما علائق الظاهر فلا بأس سئل الامام احمد قالوا له ايكون الرجل زاهدا ومعه الف دينار قال نعم متى؟ قال شريطة الا يفرح اذا زادت ولا يحزن اذا نقصت - 01:02:25ضَ

ولذلك يرى ابن القيم ان اذهب الناس الصحابة ليه كانت الدنيا في ايديهم ولكن الاخرة في قلوبهم وهذا قمة الزهد الصحيح يا اخوانا الزهد ما قال لك تخلي الدنيا لكن الزهد ان تجعل الدنيا في شنو - 01:02:47ضَ

اما الذي لا دنيا له في يدي ليس بزاهد لانه لم يتعرض لاختبار زهد كيف الكلام ده ايوة الكنيسة قال لك عائلة شنو ها باللبن ولما ما قديت قال شنو - 01:03:05ضَ

ها عفوا قالت هو يقول واحد تلقاه مفلس يقول لك انا زاهد كده خد القروش تجي بعدين الفلس مع زهدكم ها اسمه فخري ده. انت فقير وليس زاهد انت يعني فرق بين الفقر وبين شنو - 01:03:23ضَ

هل يندم من الفقر الزهد هل اي زول فقران زاهد يعني اذا خلنا نشوفك اما الزهد الحقيقي كما قال يعني سفيان الثوري رحمه الله انه الزهد المال مع الزهد مع المال. اذا زيد في ماله شكر وهذا زهد - 01:03:46ضَ

واذا منع شكر وصبر وهذا زود مسدود مقام من المقامات الرفيعة طيب يا اخوانا ناقش ابن القيم مسألة مهمة في السلوك والتربية. متى يكون ترك العلائق الظاهرة محمودا يا اخواننا من العلائق الباطنة دي ما تتعلق بها لا دنيا لا ولد لا لا مرأة كل كفن في شنو؟ في ايدك وجوارحك لكن ما يكون في قلبك لا يتمكنوا من قلبك قلبك - 01:04:10ضَ

ملك لربك فقط. فاياك ان تجعل فيه غيره قلبك ده حق الله عشان كذا قال ابن ابن تيمية في التحفة العراقية في الاعمال القلبية ومحبة الله اصل وكل محبة بعد ذلك تبع فانت تحب الانبياء لانهم انبياء من - 01:04:39ضَ

انبياء الله اذا انت تحب الله انت تحب الاولياء الان هم اولياء من اولياء من اولياء الله الامر كله راجع الى من راجع الى الله طيب يكون ذلك محمودا في موضعين - 01:05:00ضَ

اما ان يخاف منها ضررا على دينه مسكتها العلائق دي في ايدك بتجيب له ضرر على دينك تخليها. او ان تقودك ان تفوت منك مصلحة الراجح او في تركها مصلحة راجحة - 01:05:18ضَ

عندها يمكن ان تتوب شنو العلائق شنو العلائق الظاهرة اما العلائق الباطنة تترك ابتداء فلا يتعلق قلبك الا بمن ليه؟ يا اخوانا ممكن يدوني تكون في ايدك لكن ما تخليها في قلبك. ليه - 01:05:36ضَ

لانه القلب حساس انا في الشهوة قلت لك شنو قلت لك الشهوة كان اصابت القلب من الصعب الرجوع شنو رجوع اسلوب رجوع صاحبها حتى ابن القيم رحمه الله تأملوا معي هذا الكلام والله ابن القيم ده - 01:05:49ضَ

والله ربنا يرحمه يا اخي الناس اللي خدموا الدين باخلاص ونسبا. ابن القيم رحمه الله يقول عذاب الزناة في عالم البرزخ في تنور النور يعني شنو واسع في اسفله وضيق في اعلاه - 01:06:07ضَ

تؤجج عليهم النيران فاذا اصابهم حرها صعدوا الى اعلى ثم بعد ذلك ينزلون صار وهكذا يتزبزبون قال وهكذا الزاني في تنور الشهوة كلما اراد ان يخرج الى اعلى بفضاءات التوبة - 01:06:27ضَ

رجع ثانية الى اصل تنور الشهوة فحال العذاب في الاخرة يناسب حال قلبه في الدنيا التذبذب اللي بيحصل في للزناة داخل التنور هو نفسه التذبذب الذي يحصل لقلبه. يتمنى ان يخرج منا. يقرر وما يقدر. تاني يرجع. تاني يقرر - 01:06:56ضَ

يحزن ويبكي ويقول تاني انا ما بعمل وتاني يرجع. حتى قال ابن القيم انك لتجد بعض الناس من كثرة ادمانه الزنا يتمتع بالزنا من يأتيه في في كل عام مرة. اكثر منه هو لانه بالادمان فقد المتعة. ولكن بالرغم من ذلك لا يستطيع ان - 01:07:15ضَ

يخرج من ضيق التنور الى فضاءات التوبة لانه ما زال في تنور الشهوة عياذا بالله. والمقارنة بمقارنة ما له؟ مقارنة لطيفة جدا طيب ختم ابن القيم منزلة الاعتصام ونختم بمنزلة الاعتصام ومنزلتنا القادمة هي منزلة الفرار الى الله - 01:07:34ضَ

المنزل قادم منزر شنو الفرار الى الله. طيب ختم الكلام بشنو ابن القيم بالحديث عن مسألة شائكة وامن ان وفق لتفكيك تعقيد هذه المسألة الشائكة وهي مسألة الفناء ومسألة الفناء - 01:07:55ضَ

صاحب المنازل قال شنو؟ الهروي. شهود الحق تفريدة شهود الحق شنو فريدة يعني ان يفنى في الله ما معنى كلامه ناقش ابن القيم هذا المعنى هل يصح الثناء اولا يقرب ابن القيم مسائل - 01:08:20ضَ

خلي بالك ما عشان عشان اخواننا هذه المسألة شائكة قد تحتاج الى شنو يقول رحمه الله اولا ليس في كلام الله ولا كلام رسوله ولا كلام الصحابة المتقدمين حديث عن الفناء والاصطلاح - 01:08:41ضَ

والوجدي والوجود وهكذا انما هو حديث محدث وانما هي من العبارات الدخيلة وليس في الاسلام كذلك اولا طيب اذا اطلقت ذي القاعدة الثانية. هذه العبارة ينظر في المراد منها المراسل - 01:08:59ضَ

منها يعني ما المقصود بشنو بالفناء ما المقصود بالفناء قص ابن القيم الفناء الى ثلاثة اقسام. فناء ثناء ارادتي وفناء مريد وفناء مراد ثناء الارادة ودي اقل درجة عند ابن القيم. انه ارادتك - 01:09:22ضَ

اذا اصطدمت مع ارادة مولاك ان تفنى ارادتك فلا يكون لها معنى تاكل حاجة والله ما قدرت تاكلها الكعبة شنو ها تخليها مش تخليها بجسدك دخلناها باشنو بارادة تنصرف عنا ارادتك نهائيا. تشوف شو اللي منعك منه الله وضعك يا عبد الحق - 01:09:48ضَ

لان ربنا قال ولا تقربوا الفواحش ما ظهر منها وما شنو وما بطل ففناء الارادة ان تفنى ارادتك امام ارادة محبوبك فلا ترى لنفسك ارادة الفناء في شنو فناء مريت - 01:10:09ضَ

المريب. طيب المريد ان يفنى المريد عن عن النظر الى ما سوى الله. اي ناس من البشر ما يعيدون. ابن القيم يعتبر انه كونه ما يعاين لرقبته نفسه اقل من انه ما - 01:10:28ضَ

لان من قدر على زمام نفسه قدر ان يصرف نفسه عن النظر الى شنو فكأنه في فناء اعتبروا الناس ده كله ما في شيء تخض قدام العالم ده كله صفر وتعمل شغلك مع الله. ده اسمه فناء شنو - 01:10:43ضَ

المريد. اما الفناء في المغاة في الله ده الباطل. يعني انه البني ادم المخلوق يبقى الله ويخش في الله وهذا كفر بواح وضلال صريح. لا بد من التفريق بين الربوبية وبين العبودية. العبد عبد والرب شنو - 01:10:59ضَ

طب لكن القول العبد رب والرب عبد انا ليت شعري من المكلف هذا اكثر الكفر واضل الضلال اذ انه جعل كسر الحواجز بين الخالق بين شنو المخلوق فجعل فجعل المخلوق شنو - 01:11:16ضَ

خالقة ذاكر وده اخوانا من عدل السلف اذا اراد قال بالفناء فناء الارادة فلا يرى لنفسه ارادة امام ارادة الله. فتطمحن ارادته وتبقى ارادة الله. فلا يرى الا سواها فيعمل - 01:11:37ضَ

بمقتضاها كان هذا فناء محبوبا. واما اذا قصد بالفناء الفناء في ذات الله. وفناء العبد في الرب هذا كفر وضلال. وبعد الافضل عدم استعمال هذه في شنو هذه الالفاظ المحدثة واستعمال الالفاظ الشرعية اللي هو من اراد الاخرة وسعى لها سعيها وهو مؤمن فاولئك كان سعيهم شنو - 01:11:54ضَ

مشكورة افرأيت من اتخذ الهه هواه افانت تكون عليه وكيلا ان تفنى ارادتك بدل ما تقول تفنى الارادة وتتحدث عن مصطلحات موهمة الافضل عدد استعمال هذه شنو؟ هذه المصطلحات نكون بذلك بحمد الله - 01:12:17ضَ

توفيقي قد انتهينا من منزلة الاعتصام بالله تعالى اسأل الله تعالى ان يوفق ويتقبل وبارك الله فيكم. والسلام عليكم ورحمة الله وبركاته - 01:12:36ضَ