باحث

السلام عليكم ورحمة الله وبركاته اعوذ بالله السميع العليم من الشيطان الرجيم. بسم الله الرحمن الرحيم الحمد لله رب العالمين. والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين الى بعده - 00:00:00ضَ

اليوم باذن الله تبارك وتعالى نكمل ما بدأناه من شرح منزلة التوبة من كتاب الامام المربي الفاضل الامام ابن القيم رحمه الله احنا اتكلمنا في المنزلة الاولى عن اليقظة وان هذه المنزلة هي محض فضل من الله سبحانه وتعالى على عباده - 00:00:30ضَ

ان ربنا سبحانه وتعالى يرسل لك رسائل يومية حتى يفيق الانسان من عقدة الغافلين بدي نعمة من اعظم النعم اللي ربنا سبحانه وتعالى ممكن يعطيها للانسان انه يبعت لك الرسالة - 00:00:55ضَ

اللي تخرجك تماما من ظلمة الغفلة الى نور اليقظة فاذا تيقظ الانسان اراد هذا العبد ان يلجأ الى ربه وان يرجع الى اليه. سبحانه وتعالى وقلنا هينتقي الانسان بعد ما بعد ما نزلت اليقظة الى مقام التوبة - 00:01:12ضَ

وقلت لكم قبل كده ان التوبة كما قال ابن القيم رحمه الله ان هي اول مقام من مقامات السالكين الى الله سبحانه وتعالى. طب احنا مش قلنا ان كان في قبل التوبة يقظة - 00:01:34ضَ

ليه خلى ابن القيم اول مقام التوبة مش اليقظة فاكرين قلت لكم لان اليقظة ده شيء من عند الله سبحانه وتعالى انما التوبة هي اول تحرك للعبد في طريقه الى الله سبحانه وتعالى - 00:01:48ضَ

واتكلمت معكم ان مقام التوبة جامع لثلاثة امور. كما قال الامام الغزالي رحمه الله. جامع لمقام ها التوبة جامعة ثلاثة امور واحد علم اتنين حال تلاتة الحمد لله يهديكم ويصلح بلدكم - 00:02:06ضَ

واتكلمت معكم ان العلم هنا كتير كتير واتكلمت معكم على مسألة العلم وقلت لكم ان العلم معناه ان يعلم الانسان قبح ما فعل وان ما فعله هذا اي الذنب هو سبب لحرمان العبد من كل خير يحبه هذا الانسان - 00:02:30ضَ

وسبب لكل شر يتعوذ منه الانسان كذلك ايضا قلت لكم في مقام العلم لازم الانسان منا يعلم كيف سيتعامل مع نفسه وشيطانه من بعد الذنب؟ او من بعد التوبة دي الشيطان لن يكل ولن يمل بعد توبة الانسان انه يفسد عليه هذه التوبة. هيفسد عليك توبتك. ليه - 00:02:53ضَ

لان الشيطان لن يدعك ابدا. تبطل عليه عمل سنين. هو تعب معك في سنين طويلة. يوقعك في معاصي ويبعدك عن طاعة ما كان هذا الشيطان ينام علشان يبعدك عن ربنا سبحانه وتعالى - 00:03:22ضَ

فبمجرد ما الانسان بيقول انا خدت قرار اني اتوب انت بتفسد عليه عمل سنين فقلت لكم هيلجأ معنا لطرق كثيرة جدا. والنفس بطبيعتها ان هي بتميل دايما للراحة. هتتعامل معك بطريقة معينة - 00:03:38ضَ

فقلنا ان لازم الانسان علشان يتوب لازم يكون الانسان منا يقينا يعلم كيف سيتعامل مع ما يلقيه الشيطان وما تلقيه النفس من امور تمنعنا عن اكمال التوبة او تمام التوبة - 00:03:56ضَ

اليوم باذن الله تبارك وتعالى اختم معكم الجزئية دي ده امر مهم جدا وهي ان ان التائب حتى تكمل له التوبة عليه ان ينظر اربع نظرات انا بحاول دايما الخص الدرس في نقاط كده علشان ما تتنساش - 00:04:12ضَ

يا اخوانا علشان ان شاء الله يعني تكمل توبته لابد عليه ان تكون له اربع نظرات مهمة النظرة الاولى نظرة لربه وخالقه سبحانه وتعالى واما الثانية نظرة لمحل الجناية وهي النفس - 00:04:44ضَ

واما النظرة الثالثة فهي نظرة للامر بالمعصية. وهو الشيطان واما الرابعة فهي نظرة للمآل ما قال العبد اذا لم يتب اربع مباريات اخوانا في غاية الاهمية لازم تكون قدام عنينا - 00:05:07ضَ

النظرة الاولى نظرة العبد منا لربه سبحانه وتعالى قال ابن القيم رحمه الله وهي ان يعرف العبد منا بره سبحانه وتعالى في ستره عليه حال ارتكاب المعصية ولو شاء ربنا تبارك وتعالى لفضحه بين خلقه - 00:05:29ضَ

ولكن مع كمال بره ستره وما فضحه نظرتك لربك انك تنظر الى بره وانت تعصيه هو قادر سبحانه وتعالى ان يرفع عنك الستر وتفضح على رؤوس الاشهاد ويتكلم بمعصيتك القريب والبعيد - 00:06:04ضَ

القوس والداني ولكنه سبحانه وتعالى لانه البر سترك سترك ومشاهدة العبد لهذا المقام من البر والاحسان يذهل عن ذكر الخطيئة فيبقى مع الله سبحانه وتعالى وذلك انفع للعبد لما الانسان منا بينظر الى بر الله عز وجل - 00:06:32ضَ

في ستره عليه اصبح قلب العبد ها هنا معلق بربه تبارك وتعالى فينسى الانسان منا هذا الذنب ودائي للعبد منا بيكون محتاجه في بداية سلوكه لمقام التوبة انك لازم تنسى الذنب - 00:07:15ضَ

اشغل نفسك الان بربك ببره سبحانه وتعالى يوم سترك ومنها اي من النظر الى الله سبحانه شهود حلمه سبحانه وتعالى عليك بعد البر اللي معناه انه يسترك. انظر الى حلمه سبحانه وتعالى عليك - 00:07:38ضَ

في امهالك يوم ركبت الخطيئة ولو شاء سبحانه وتعالى لعجل لك العقوبة ولكنه الحليم الذي لا يعجل فيحدث لك ذلك معرفة الرب باسمه الحليم وهذا يثمر حب الله في قلب العبد - 00:08:05ضَ

ده يثمر ها حب الله في قلبك المقام ده معناه ان الله سبحانه وتعالى قال من يعمل سوءا يجزى به اللي هيعمل ذنب سيجازى عليه ولكن من حلمه سبحانه وتعالى انه ما عاجلك بالمعصية. ما عاجلك بالعقوبة بعد المعصية. ولكن امهلك - 00:08:36ضَ

باركك الله سبحانه وتعالى. ادى لك فرصة انك ترجع ادى لك فرصة انك تتوب. ادى لك فرصة انك تراجع نفسك وفي فترة الامهال دي يرسل الله لك الايات حتى يردك اليه. ده من حلمه سبحانه وتعالى في هذه الفرصة - 00:09:03ضَ

يرسل الله تبارك وتعالى لك الرسائل اللي تهز قلبك. بعد الذنب مباشرة ما عجل الله لك العقاب. ولا عجل قال الله سبحانه وتعالى باخذه ابدا بل ترك الله لك فترة. في الفترة دي اعز الناس الى قلبك يموت. في - 00:09:25ضَ

الفترة دي تشاهد حادث اليم على الطريق وانت راجع او وانت مسافر. في الفترة دي تروح تزور انسان مريض كان كنت بتظن ان المرض بسيط وتفاجئ ان شاب تلاتة وعشرين سنة ولا اربعة وعشرين سنة مبتلى بقنصر وخلاص هو في نهاية حياته - 00:09:45ضَ

ييسر الله لك في فترة الامهال الايات. اللي يردك بها. فمن حلمه انه ما عجل العقوبة. ومن حلمه انه الآيات ومن حلمك انه يوقف في طريقك من يأخذ بيديك اليه - 00:10:05ضَ

من حلمه سبحانه وتعالى ان المفترض بعد الذنب مباشرة اي انسان يا اخوانا والله لو كان الاب او الام اللي هم ارحم الخلق بالابناء الابن لما بيغلط بيتضرب وبيتعاقب بص النهاردة على اي بيت من بيوتنا - 00:10:23ضَ

وخلي الابن في يوم من الايام ماسك طبق والطبق وقع اتكسر. شف رد فعل الام. الام لو عندها شوية حلم ابسط حاجة تقول له ربنا يلعنك الام لو عندها شوية حلم هياخد الولد قلمين تلاتة وخلاص. فلازم بتكون فيه عقوبة ودي معاملة الخلق - 00:10:46ضَ

دي معاملة الخلق. انما معاملة الخالق سبحانه وتعالى بحلمه انه ما عجل لك العقوبة. ادي واحدة التانية وفي فترة ما بعد الذنب يرسل لك الايات اللي تهز قلبك ووجدانك. وكل يوم كده - 00:11:07ضَ

كل يوم كده. كل يوم يرسل لك اية. سبحان الله! انت نايم على معصية. نمت على معصية. واول ما صحيت تفتح التليفون بتاعك على الفيس آآ آآ انتقل الى رحمة الله فلان. انتقل الى رحمة الله فلانة آآ انا لله وانا راجعون فلانة ماتت. مش عارف تلاقي كمية ناس بتموت - 00:11:26ضَ

انت مش واخد بالك ان دي رسالة من ربنا لك انت مش واخد بالك ان دي عبارة عن صدمة ربنا سبحانه وتعالى بيصدم بها قلبك لتعود اليه. انت مش واخد بالك؟ بل سبحانك - 00:11:46ضَ

وانت عمال تقلب تلاقي سبحان الله! من يرسله الله اليك ليذكرك بكلمة ليأخذ بقلبك الى الله تفتح بقى الواتس تلاقي سبحان الله حد باعت لك رسالة هي بتمس الحال اللي انت عليه - 00:12:00ضَ

انت مش واخد بالك ان اشمعنى الرسالة دي تيجي لك في الوقت ده بالذات وفي اللحظة دي بالذات وبعد الذنب بالذات يبدو هذا من حلم الله عز وجل بك من حلم الله عز وجل انه ارسل اليك من يأخذ بيديك اليه - 00:12:20ضَ

انا لن انسى ابدا مشهد من مشاهد حلم الله عز وجل وانا اتفز في الصديق كنت بتكلم في دورة من الدورات عن ذنوب المعاصي او معاصي السر. او ذنوب الخلوات - 00:12:40ضَ

وشوية يدخل كده حد يدخل خلايا الحمام في المسجد وهو طالع على باب المسجد كنت انا بذكر موقف معين وانا لن انسى ابدا نظرة هذا الانسان وهو واقف على باب ورا خالص بتاع المسجد. وهو واقف عمال يبص على الدرس - 00:13:01ضَ

وعمال يسمع الكلام كلمة كلمة وانا مستشعر ان ربنا اجرى على لساني كلام وهو رايح يمس قلب هذا الانسان ويفضل واقف لحد نهاية الدرس. حتى ما قعدش واقف من بعيد كده وهو راكن على الباب كدهو وعينه عليك - 00:13:21ضَ

اعين عليك وبعد الدرس ييجي يسلم علي ويبوسني ويعيط انا مستغرب هو فيه ايه يقول لي يا شيخ انا سواق تاكس انا سواق تاكس يقول لي يا شيخ انا الان كنت برتكب الفاحشة قبل ما ادخل المسجد - 00:13:43ضَ

وداخل المسجد اتطهر واطلع بدل ما كان ربنا سبحانه وتعالى ينزل علي عقوبة لما فعلت وانا خارج من الحمام بتاع المسجد الاقيك بتتكلم كلام جاي لي انا الكلام ده موجه لي انا - 00:14:04ضَ

فانا بستشعر ان ربنا بعتك لي وهذا من حلم الله به ده ده يا اخوانا المناطق الحلم هو الحلم بقى هنا ان ربنا رآك على ذنب فما عجل لك العقوبة. بل كان بك حليما - 00:14:25ضَ

ان ربنا سبحانه وتعالى ارسل لك اية تأخذ بيديك اليه. وبعد كده يرسل الله تبارك وتعالى لك من يأخذ بيديك اليه شاب من الشباب دكتور طالع مؤتمر في امريكا وهو كويس هو انسان كويس. ولكن بقى لكثرة الفتن والدنيا هناك دخل خمارة. شرب خمر وفعل فواحش - 00:14:44ضَ

موبقات وهو طالع يرسل الله له اية علشان يأخذ بقلبه اليه مرة تانية ده من حلم الله سبحانه وتعالى هذه النظرة يا اخوانا منة لربنا سبحانه وتعالى ان يوم ما احنا عملنا المعصية كان بنا حليما - 00:15:12ضَ

يورثنا ان تمتلئ القلوب بحب الله سبحانه وتعالى بل والحياء منه انك تستحي من الله. وده هيجي لنا في مقام الحياء حاجة اسمها حياء الجناية انك بعد اما عملت الذنب ورأيت ستر الله عليك - 00:15:36ضَ

والايات اللي ربنا بعتها لك ان الانسان منا يرى ذنوبه الى الله عز وجل صاعدة وخير الله تبارك وتعالى اليه نازل فيستشعر العبد منا جنايته. فيورث يورث العبد في هذا الوقت مقام اسمه حياء الجناية - 00:16:01ضَ

انك تتكسف اوي انك فعلت الامر ده انت عندك الصبح امتحان صعب جدا وبالليل عملت معصية رايح الصبح الامتحان وانت مستشعر انك لن توفق بسبب جرمك بسبب الذنب اللي انا عملته بالليل - 00:16:25ضَ

فتروح الصبح تفتح الكتاب كده تبص على مكانين تلاتة تخش الامتحان اللي انت راجعته قبل ما تخش لقيته في الامتحان ساعتها الانسان منا والله يا اخوانا لا يملك الا انه يحط وشه في الارض ويقول سبحانك ما احلمك - 00:16:43ضَ

سبحانك ما احلمك! ان انا اعصيك وانت بتحسن الي ودي من اعظم سور حلم الله عز وجل عليك ان يتعاهدك الله تبارك وتعالى بعد ذنبك باحسانك حتى ترجع اليه وهذا ما فعله ادم عليه الصلاة والسلام يوم عصى الله عز وجل. واكل من الشجرة ففر بين اشجار الجنة - 00:17:01ضَ

وقال الله عز وجل يا ادم افرارا مني يا ادم؟ قال لا يا ربي وعزتك بل حياء منك. مكسوف حياء منك فمن حلمي انه ما عجل المعصية ما عجل العقوبة - 00:17:30ضَ

ومن حلمه انه ارسل الايات ومن حلمي انه اوقف في طريقك من يأخذ بيديك اليك ومن حلمه لك من بعد الذنب علشان ترجع ده يورث العبد حب الله عز وجل - 00:17:47ضَ

وهذا من انفع الاشياء للتائب بعد توبته انه يستشعر مدى حلم الله عز وجل عليه الامر التالت قال ابن القيم قال ومنها معرفة العبد بكرم ربه عز وجل معرفة العبد بكرم الله عز وجل. في قبول العذر منه اذا اعتذر اليه - 00:18:06ضَ

فانه يغفر لك بمجرد ان تقول ربي اني اسأت ويعفو عنك بمجرد ان تقول ربي اغفر لي اي كرم هذا اي كرم اي انسان في الدنيا انت اخطأت في يوم من الايام في حقه - 00:18:37ضَ

لما بتيجي تصالحه تلاقيه بيقول لك ايه طب معلش سبني يومين اهدى شوية من جهتك عشان اللي انت عملته كان كبير صح والله لو الام او الاب الا الله الا الله - 00:19:04ضَ

من كرمه سبحانه وتعالى اذا اعترفت بذنبك ايا كان الذنب يا اخوانا ايا كان هذا الذنب مهما كان الجرم ومهما كانت المعصية بمجرد ان تقول ربي اعترف بذنبي فيقول الله قبلت منك. انا قبلت منك. بمجرد ان تقول ربي اسأت. فيقول الله عز وجل عبدي وانا قبلت - 00:19:21ضَ

تقول يا رب اسأت يقول لك قبلت انا قبلت الاعتراف ده تقول يا رب انا يعني اذنبت فيقول الله عز وجل وانا عليك تبت وانا عليك تبت بل من اعظم الكرم من اعظم الكرم. منه سبحانه وتعالى ان يوفقك للتوبة فتتوب فيتوب عليك - 00:19:50ضَ

في كرم اعظم من كده اخوانا في كرم اعظم من كده قال الله سبحانه في شأن من تخلف عن امره وفي شأن من خالف امر رسوله. وفي شأن من عصى بكبيرة من اعظم الكبائر يوم ان فروا من الزحف - 00:20:15ضَ

وعلى الثلاثة الذين خلفوا حتى اذا ضاقت عليهم الارض بما رحبت وضاقت عليهم انفسهم ظنوا ان ملجأ من الله الا اليه ثم تاب عليهم ليتوبوا. هو تاب عليهم اولا. اي كرم هذا - 00:20:35ضَ

ومين اللي يتعامل معنا كده مين اللي يتعامل معنا كده تاب الله عليهم فيسر لهم الاسباب. ثم يتوب الله عز وجل عليهم قال ومنها ان يشهد العبد فضل الله عليه في مغفرته. فان مغفرته فضل - 00:20:55ضَ

وعفوه فضل سبحانه وتعالى. فمهما كان الذنب وان تعدد ومهما كان الذنب وان ومهما كان الذنب وان عظم فان مغفرة الله وسعت كل شيء فان مغفرة الله وسعت كل شيء - 00:21:20ضَ

ايه ده! لازم التائب يبقى عينه على افعال الله معه لازم التائب اذا رجع الى الله سبحانه وتعالى لازم ينزل في هذا المقام ان يشوف كيف يتعامل ربنا تبارك وتعالى معه - 00:21:46ضَ

ازاي ربنا بيتعامل معه بل قال ابن القيم رحمه الله وده يا اخوانا بقى اللي فعلا والله يعجز لسان العبد انه يتكلم به اصلا قالت ومنها وهو السر الاعظم كلام ابن القيم بيقول ومنها وهو السر الاعظم - 00:22:05ضَ

الذي لا تقتحمه العبارة ولا تجسر عليه الاشارة. ولا ينادي عليه منادي الايمان على رؤوس الاشهاد. بل تشهده قلوب خواص العباد اللي جاي ده ما يتحسش. اللي جاي ده ما يتوصفش - 00:22:28ضَ

اللي جاي ده لا يستطيع لسان العبد انه يعبر عنه اللي جاي ده هو عبارة يعني كل يعني اللي الانسان يستطيع انه يشهده هو انه يشهد ده ولا يشهده الا - 00:22:48ضَ

القلوب الخواص من عباد الله عز وجل وهي فرح الله عز وجل بك اذا رجعت اليه انه يفرح يوم ما بترجع ده السر الاعظم في رؤيتك لتعامل الله عز وجل معك - 00:23:02ضَ

السر ده يا اخواننا ان ربنا سبحانه وتعالى اكثر ما يفرحه سبحانه وتعالى ان يعود عبده اليه اكتر حاجة تفرح رب باباك قال رسول الله صلى الله عليه وسلم لله افرح بتوبة العبد - 00:23:23ضَ

من احدكم كان على راحلته في ارض الفلاء فانفلتت منه وعليها طعامه وشرابه فايس منها فاتى شجرة فاضجع في ظلها قد ايس من راحلته ينتظر الموت فبينما هو كذلك اذ هو بها قائمة عنده - 00:23:45ضَ

فاخذ بخطامها فقال من شدة الفرح اللهم انت عبدي وانا ربك اخطأ من شدة الفرح اخطأ من شدة الفرح. فيه فرحة بعد دي يعني في فرحة بعد ان ربنا نجاني الموت في فرحة بعد كده. ليس هناك شيء اعظم فرحة للانسان من هذه الفرحة - 00:24:08ضَ

النبي بيقول ان فرح الله مش زي فرح العبد ده ولكن الله افرح من هذا الفرح ربنا يفرح برجوعك اليه هل علمتم اخواني الكرام مع من نتعامل هل علمتم اخواني الكرام احنا بنتعامل مع مين - 00:24:32ضَ

هذا هو الرب الالهي اللي انت لما بترجع له بيتعامل معك بهذه الصورة فالنظرة الاولى اخواني الكرام هي نظرة العبد منا الى ربه سبحانه وتعالى واما النظرة الثانية نظر العبد الى محل الجناية - 00:24:53ضَ

ومصدرها وهي النفس الامارة بالسوء ان الانسان منا ينظر بقى بعد كده الى نفسه بعد ما ينظر الى تعامل الله عز وجل معه ينظر الانسان منا الى الى نفسه فيعرف انها جاهلة ظالمة - 00:25:13ضَ

يعرف ان نفسه دي جاهلة وظالمة والظلم لا يصدر الا عنها ومنها فيوجب ذلك للعبد احنا قلنا يا اخواننا ان نظرتي لافعال الله عز وجل تورثني امرين الامر الاول انسى ذنبي بقى - 00:25:33ضَ

الامر الثاني يورثني ذلك حب الله عز وجل اني احب ربنا سبحانه وتعالى اما نظرتي لنفسي لما بنظر بقى لنفسي ده يورثني يا اخواننا اشياء لي ارباب السلوك ليه اهل العلم لعلماء التربية قالوا لنا بعد نظرتك لربك وتعامل الله معك تنظر الى نفسك قال لان ذلك - 00:25:52ضَ

يوجب لك بذل الجهد في العلم النافع الذي يخرجها من وصف الجهل. والعمل الصالح الذي يخرجها من وصف الظلم نفس الانسان لها وصفين ها جهل وايه؟ وظلم. اخوانا ركزوا معي. نفس الانسان لها وصفين. ايه وايه؟ ها؟ جهل وظلم - 00:26:16ضَ

انا لما اعرف ان نفسي جاهلة ظالمة. اسعى الى العلم النافع علشان ارفع عنها وصف الايه؟ الجهل. واسعى الى الصالح اللي يرفع عنها وصف الايه؟ وصف الظلم واما النظرة الثالثة - 00:26:37ضَ

فهي نظرة العبد الى الامر بالمعصية نظرة الانسان منا لمن امره بالمعصية المزين له فعلها. الحاض له عليها وهو شيطانه الموكل به فانا لما اشوف الشيطان الخبيث اللي دفعني للمعصية دفعا - 00:26:56ضَ

وازاي الشيطان ده بعدني عن ربنا وازاي الشيطان ده حال بيني وبين ربه عز وجل هذا يثمر لي في قلبي ان اتخذه عدوا ان انا اتخذ الشيطان ده عدو. ولقد قال لنا ربنا عز وجل في محكم تنزيله بسم الله الرحمن الرحيم - 00:27:22ضَ

افتتخذونه وذريته اولياء من دوني وهم لكم عدو هو خلاص نصب راية العداوة هو نصب راية العداوة. هو بيعاديك. انت تواليه. وكيف تواليه من دون الله سبحانه وتعالى قال سيفيده النظر اليه اتخاذه عدوا - 00:27:46ضَ

مع الاحتراز منه والتحفظ واليقظة والانتباه لما يريده هذا العدو من الانسان. بدأت خلاص افهم واعرف بعد اما عرفتك خطوات الشيطان معي اللي خدناها الدرسين اللي فاتوا ابدأ بقى اكون متيقن لما يريده هذا الشيطان مني - 00:28:14ضَ

النظرة الرابعة فهي نظرة الى المآل نظرة الانسان منا للمآل. للي جاي بكرة اذا لم اتب لو ما تبتش الوضع هيكون ايه نظرة الانسان منا للمآل يوم القيامة. اذا ما تبتش واضح هيكون ايه - 00:28:33ضَ

ندرة الانسان منا للعقاب اللي ربنا سبحانه وتعالى اعده في الاخرة لمن عصاه نزرة الانسان منا ليوم الحساب. يوم ان يقف الانسان منا بين يدي الله عز وجل. ويقول الله عز وجل لملائكته اعرضوا - 00:28:54ضَ

وعلى عبدي ما كان يصنع في الدنيا قال الله سبحانه وتعالى بسم الله الرحمن الرحيم يومئذ تعرضون لا تخفى منكم خفية. يعرض عليكم كل شيء يعرض عليكم كل شيء. كل شيء يتعرض عليك - 00:29:11ضَ

اما ان وجهك يسعد ويسر في اليوم ده. يوم ما الملايكة تبدأ تقول يا رب حسنة طاعة حسنة طاعة. وانه والعياذ بالله يسود دي الونش يوم تبيض وجوه وتسود وجوه - 00:29:32ضَ

نظرة العبد منا للمآل ان على حسب هذا العرض بيكون الحساب اما الحساب اليسير ان يقول الله عز وجل لعبدي اذا قال حسنة قال الله قبلت. واذا قال العبد السيئة قال الله غفرت. ادخل الجنة - 00:29:46ضَ

عصير فلا يتجاوز الله يومئذ عن معصية. ما فيش اليوم ده تجاوز. نظرة العبد منا الى وهو ماشي على الصراط. اما ان يمر القبور الكرام واما ان يهوي الى جهنم. والعياذ بالله - 00:30:05ضَ

نظرة الانسان منا يوم الحساب لهذا المال يوم الميزان وانا واقف كده يا اخوانا الميزان اذا رأته الملائكة قالت الملائكة اليك اي رب لمن يزن هذا ده الكفة الواحدة تشيل السماوات والارض. مين ده اللي ميزانه هيرجح بالحسنات يا رب - 00:30:26ضَ

فيقول الله عز وجل من شئت من عبادي فتخر الملائكة ساجدة وتقول سبحانك يا رب ما عبدناك حق عبادتك. تنظر في هذا اليوم اللي دعوى الانبياء فيه واحدة. يا رب سلم سلم. نفسي نفسي. اذهبوا الى غيري - 00:30:46ضَ

نظرة الانسان في هذا اليوم اللي اذن يقول لست لها انا اكلت من الشجرة في ذنب واحد. ادم عليه الصلاة والسلام خايف من ذنبه في واحد وابراهيم خايف من تلات كذبات كلها كانت في جنب الله. نظرة الانسان منا للمآل في هذا اليوم - 00:31:04ضَ

نظرة الانسان منا لمآله في هذا اليوم. هل سيكون من الملاحمين والعياذ بالله ام يكون من المعذبين؟ نظرة الانسان انه يكون في جنة عرضها السماوات والارض مع النبيين والصديقين والشهداء والصالحين. اوفياء تلظا - 00:31:25ضَ

الانسان منا في هذا اليوم في خوفه ورعبه من اهواله. واما في امنه وامانه من هذه الاهوال. نظرة الانسان من في جنة يتنعم فيها بكل اصناف النعيم او في نار يعذب فيها بكل اصناف العذاب. بجنة كل لحظة - 00:31:45ضَ

قد تمر فيها على الانسان يتضاعف فيها نعيمه او في عذاب في كل لحظة يمر فيه تمر فيها على الانسان تضاعف فيها عذابه قال الله سبحانه وتعالى وهذه كما قال اهل العلم هي اشد اية في كتاب الله عز وجل - 00:32:05ضَ

اصعب اية في القرآن. قال تعالى بسم الله الرحمن الرحيم فذوقوا فلن نزيدكم الا عذابا لي اصعب اية اي انسان منا يا اخوانا مبتلى. انما يهون عليه بلاؤه اذا علم ان كل يوم بيعدي عليه - 00:32:26ضَ

البلاء بيهون شوية الانسان اللي منا مريض ايه اللي بيهون المرض ان هو نزلة البرد دي كلها اسبوعين والدنيا هتعدي فكل يوم بيعدي الانسان منا بيفرح انه عدى علشان ده بيعجل بالشفاء. انما مشكلة اهل النار ان كل يوم بيعدي عليهم هم يعلموا علم اليقين. ان عذاب - 00:32:46ضَ

اللي بعده اشد من اليوم اللي قبله اليوم اللي جاي بكرة عذاب اضعاف اضعاف من اللي شافه اهل النار النهاردة فذوقوا فلن نزيدكم الا عذابا اما ان يكون الانسان في هذه الجنة منعم مكرم - 00:33:08ضَ

ان اصحاب الجنة اليوم في شغل فاكهون هم وازواجهم في ظلال على الارائك متكئون اما ان يكون بحالك وان والعياذ بالله الحال الاخر اللي ربنا سبحانه وتعالى وصفه وقال ربنا تبارك وتعالى - 00:33:29ضَ

هذان خصمان اختصموا في ربهم هذان خصمان اختصموا في ربهم الذين كفروا قطعت لهم ثياب من نار يصب من فوق رؤوسهم الحميد يصهر به ما في بطونهم والجلوس. ولهم كلما ارادوا ان - 00:34:00ضَ

يخرجوا منها من غم اعيدوا فيها وذوقوا عذابا هل استشعرت في يوم من الايام قول الله يصب من فوق رؤوسهم الحميم واحد في النار اوتي بالماء الشديد الحرارة ويصب من فوق رأسه. فيصهر ما في بطنه والجلود الماية دي - 00:34:54ضَ

سهرة كل شيء داخلي وخارجي ولهم مقامع من حديد فجمع الله في هذه الاية الالام البدنية كلها داخلية وخارجية وهل تدبرت قول الله عز وجل كلما ارادوا ان يخرجوا منها من غم - 00:35:29ضَ

فعلمت ان ربنا جمع على اهل النار نوعين من العذاب العذاب البدني والعذاب النفسي هل تذكرت مقام اهل المعصية يوم القيامة وقد اخذ بهم الحر امرا شديدا والواحد منهم بيتمنى شربة ماء. وهو واقف في قعر جهنم يصرخ. يتمنى شربة ماء يستغيث - 00:35:50ضَ

عايز اشرب شوية مية تأملت في يوم من الايام قول الله تبارك وتعالى وان يستغيثوا يغاثوا كالمهل يشوي وجوه بئس الشراب. ولو في يوم من الايام خد الماية علشان يشرب - 00:36:18ضَ

من حرها بمجرد بس ما يقرب الاناء اللي فيه الماية لوجهه يسقط لحم وجهه لحم الوجه سقط الرؤساء والامراء والوزراء والمحافظين الفسدة. الظلمة. اللي بيقتلوا وبيظلموا وبيسرقوا. هم فين من - 00:36:52ضَ

هم فين من الاهات دي الشباب اللي تكبر على الله بكبائر وعظائم الذنوب. هم فين من الايات دي نظرة العبد منا للمآل انك تبص بكرة وضعك ايه انك تبص وضعك ايه - 00:37:14ضَ

يوم نحشر المتقين الى الرحمن وفدا ونسوق المجرمين الى جهنم وردا. نظرة العبد منا للمآل نظرة العبد منا للمآل تدفعك لامرين مهمين نظرتك دايما للمآل الطيب يدفعك لاعداد العمل الصالح اللي تنال به هذا المقام - 00:37:37ضَ

ونظرة الانسان منا لما اعده الله لاهل النار من عذاب يدفع العبد منا الى البعد عن الاسباب المؤدية لهذا العذاب وهل بعد هذا من فضل؟ انك تاخد باسباب الجنة من طاعة. وتبعد عن اسباب النار معصية. هل بعد كده من - 00:38:01ضَ

الفضل فلابد للتائب من اربع نظرات. النظرة الاولى لربه وخالقه ومولاه. وده يثند امرين نسيان العبد معصيته وانشغاله بعمل الله او فعل الله معه فيورثه حب الله نظرة العبد منك لنفسه في علم انها جاهلة ظالمة ده يورث العبد امرين. يسعى الى العلم النافع - 00:38:21ضَ

في احوال النفس في رفع عنها مسمى الجهل ويسعى الى العمل الصالح الذي يرفع عنها مسمى الظلم ونظرة العبد ان الى الشيطان الامر بالمعصية. فهذا يثمر للعبد اتخاذ هذا الشيطان عدو. النظرة الاخيرة نظرة المآل - 00:38:49ضَ

ودي تسمر للعبد امرين فعل الطاعة والبعد عن المعصية ولا يكمل للعبد النزول في مقام التوبة الا بعد هذه النظرات الاربعة. فاذا حسنت هذه نظرات بالنسبة للانسان صحت توبته اذا الاربع نظرات دول يا اخواننا كملوا عند اي انسان منا وعمل بمقتضاها في هذه في هذا الوقت يا اخواني وفي هذه اللحظة تكمن - 00:39:09ضَ

التوبة وكيف يعلم الانسان ان توبته مقبولة ازاي اعرف ان انا فعلا بعد النظرات دي والعمل بمقتضى هذه النظرات؟ اعلم ان التوبة بتاعتي مقبولة خذوها مني علامات. مش مني من شيخنا ابن القيم رحمه الله - 00:39:39ضَ

قال فلتوبة المقبولة على مات. تعالوا نشوفها مع بعض ويبقى يا اخوانا ده الميزان اللي احنا دايما نوزن به انفسنا. واحد ان يكون بعد التوبة خيرا مما كان قبلها اول علامة - 00:39:59ضَ

انه كان زمان مقصر في صلاة الجماعة يا اخوانا دلوقتي بقى حريص عليها جدا كان زمان يا اخواننا حريص على فعل المعصية دلوقتي خلاص بقى من ابعد الناس عنها ان حالك يصبح بعد التوبة افضل بكثير من حالك قبل - 00:40:18ضَ

التوبة فاذا وجدت ذلك من نفسك فابشر عبد الله لان الله قد قبل منك هذه التوبة. العلامة الثانية الا يزال الخوف مصاحبا له لا يأمن هذا العبد من مكر الله طرفة عين - 00:40:36ضَ

فخوفه مستمر الى ان يسمع قول الله عز وجل الا تخافوا ولا تحزنوا وابشروا بالجنة من اعظم علامات ان تبتك صادقة مقبولة ان يفضل الخوف في قلبك الشيطان ممكن في بعض الاوقات ممكن يخليك تتوب - 00:40:55ضَ

فانت تبت انا الحمد لله بقيت كويس. فده يدفعك انك تقع في معصية تانية انما التوبة الصحيحة المقبولة اللي صاحبها يفضل الخوف موجود في قلبه. كل اما يفتكر الذنب يتوب ويرجع ويستغفر وينيب - 00:41:18ضَ

ارجع الى الله ويجدد توبته من جديد فلا يزال حال هذا التائب كل يوم بيجدد التوبة. كل يوم بيجدد التوبة. لان ما زال الخوف جوة قلبه. لا ينقطع هذا الخوف الا يوم ان يكشف الله تبارك وتعالى عنه الحجب. فيرى الملائكة نزلت من السماء - 00:41:34ضَ

ابشره فتقول الا تخافوا ولا تحزنوا وايه؟ وابشروا بالجنة التي كنتم توعدون نرفع الاذان ونكمل شوية. بسم الله والحمد لله والصلاة والسلام على رسول الله صلى الله عليه وسلم وبعد - 00:41:57ضَ

العلامة الاولى من العلامات اللي تدل ان ربنا سبحانه وتعالى قبل من العبد هذه التوبة اول حاجة انه يصبح حال الانسان افضل بكتير جدا مما كان قبلها. الامر الثاني ان لا يزال هذا الخوف ملازم للانسان ولا ينقطع هذا الخوف - 00:42:14ضَ

الا يوم ان تبشره الملائكة عند موته الا خوف عليكم ولا انتم تحزنون. وبقول الله ابشروا بالجنة التي كنتم توعدون. الامر التالت ومن علامتها انخلاع القلب وتقطعه ندما وخوفا على عظيم جناياته - 00:42:29ضَ

من اعظم علامات التوبة تقطع الانسان منا على كل لحظة مرت عليه لم يذكر فيها ربنا ان قلب الانسان من جوة يتقطع على كل لحظة في يوم من الايام عدت عليه - 00:42:54ضَ

لم يطع فيها ربهم قلب الانسان منا على كل لحظة مرت عليه وهو على معصية وهو يعلم ان الله ناظر اليه الان وهذا هو قول الله عز وجل لا يزال بنيانهم الذي بنوا ريبة في قلوبهم الا ان - 00:43:12ضَ

تقطع قلوبهم. قال سفيان بن عيينة تتقطع ندما يتقطع ندما يعني هؤلاء الذين اتخذوا مسجدا ضرارا مسجد الضرار ده ربنا لن يعفو عنهم وعما فعلوه الا في اليوم اللي فيه ربنا تبارك وتعالى تقطع قلوب هؤلاء ندما على ما فعلوا - 00:43:34ضَ

الندم اللي يكون موجود في قلب الانسان قال ابن القيم وهذه هي حقيقة التوبة التوبة يا اخواننا حقيقتها كده ندم الانسان على كل لحظة مرت علي وهو بعيد عن الله سبحانه وتعالى - 00:43:59ضَ

قال بانه يتقطع قلبه حسرة على ما فرط منه وخوفا من سوء عاقبته ثم قال فمن لم يتقطع قلبه في الدنيا على ما فرط حسرة وخوفا وقطع قلبه في الاخرة اذا حقت الحقائق - 00:44:22ضَ

وعاين الثواب المطيعين وعقاب عظيم التقطع في الدنيا اهون انك في الدنيا قلبك يتقطع على اللي انت عملته اهون بكتير يوم القيامة استغاثة اهل النار باهل الجنة وندائهم عليهم ان افيضوا علينا من الماء - 00:44:43ضَ

او مما رزقكم الله هنا قلوبهم بتتقطع ان هم في يوم من الايام ما كانوش معهم في قول الله عز وجل ينادونهم الم نكن معكم هنا القلوب بتتقطع ان القلوب يا اخوانا بتتقطع - 00:45:10ضَ

احنا كنا في يوم من الايام ساكنين معكم في نفس العمارة احنا كنا في يوم من الايام معكم في الكلية. احنا كنا في يوم من الايام معكم في الشارع احنا كنا في يوم من الايام الصحاب ولكن للاسف ده دخل الجنة - 00:45:30ضَ

وده دخل النار قال الله سبحانه وتعالى فاقبل بعضهم على بعض يتساءلون قال قائل منهم اني كان لي قرين يقول ائنك لمن المصدقين فاذا متنا وكنا ترابا وعظاما ائنا ها؟ لا مدينون؟ ائنا لمدينون - 00:45:46ضَ

قال هل انتم مطلعون؟ فاطلع فرآه في سواء الجحيم قال تالله ان كدت لترضين. ولولا نعمة ربي لكنت من المحضرين شف تخيل كان لي واحد صاحبي على معصية كل يوم بيغويه بيزقني على معصية فانا بعدت عنه. دخل الجنة وهو في - 00:46:13ضَ

عمال يدور هو راح فين؟ صاحبي ده اللي كان معي راح فين تبين ان هو يسأل هو هو فين هل انتم مطلعون فبيبصوا في قلب النار؟ فرآه فين؟ ها؟ في سواء الجحيم - 00:46:37ضَ

الحمد لله ان انا في يوم من الايام ما سمعتش كلامك الحمد لله اني ما قطعتكش وتخيل فرحة هذا الرجل في الجنة وتخيل حسرة هذا الاخر في النار قال ومن علاماتها - 00:46:52ضَ

كسرة خاصة تحصل للقلب لا يشبهها شيء التائب ده بعد توبته يا اخوانا تلاقي عنده في قلبه كده انكسار لا يشبه اي انكسار ممكن الانسان ينكسر في يوم من الايام عشان سقط. يتكسر في يوم من الايام علشان ما عهوش فلوس - 00:47:13ضَ

انما الكسرة اللي بتنزل في قلب العبد بعد التوبة كسرة لا يشبهها شيء والله لا تحصد بجوع ولا تحصل بحب هي كسرة تامة بين يدي الرب احاطت بالمذنب من كل جهاد - 00:47:37ضَ

القطف بين يدي ربه خاشعا ذليلا القطر بين يدي ربه خاشعا ذليلا فوالله ما اعظمها من كسرة وما انفعها للعبد وهي من اعظم العبادات للرب فلله ما احلى قول العبد في هذا الانكسار - 00:48:01ضَ

اللهم اني اسألك بعزك وذلي الا رحمتني واسألك بقوتك وضعفي الا رحمتني واسألك بغناك عني وفقري اليك الا رحمتني هذه ناصية الخاطئة بين يديك عبيدك سواي كثير وليس لي سيد سواك - 00:48:32ضَ

ربي ومولاي وخالقي لا منجى ولا ملجأ منك الا اليك ربي اسألك مسألة المساكين وابتهل اليك ابتهالا خاضع الذليل ادعوك ان تغفر لي. عارف اللحظة اللي فيها بقى خلاص انت - 00:49:04ضَ

بين ايدين ربنا. ولا تملك قدميك مرة واحدة انت سجدت بين ايدين ربنا. وانت بتتوسل اليه ان يغفر لك يوم ما ربنا سبحانه وتعالى يعطيك هذا الامر اعلم ان ربنا سبحانه وتعالى قد قبلك وقبل منك هذه التوبة - 00:49:26ضَ

لانه لا يوفق لهذا الانكسار الا سعيد لا يوفق لهذا الانكسار الا سعيد اختم بالحديث ده يا اخواننا وانا يمكن ذكرته لكم قبل كده ولكن الحديث ده بيدلل لنا معنى الانكسار ده - 00:49:46ضَ

وعظيم فضل الانكسار ده بين ايدين ربنا مر رجل ممن كان قبلكم قد اسرف على نفسه اصرف على نفسك كبائر وذنوب من هنا لبكرة فمر على جمجمة ماشي في الصحرا لقى جمجمة مرمية في الطريق - 00:50:04ضَ

ده ده مصيري وده مآلي وده حالي في يوم من الايام هنا حان وقت الانكسار بقى انكسر عارف لما في يوم من الايام حد يموت ويدخلوك جوة القبر معه علشان تدفن. فانت بتدفن كده - 00:50:25ضَ

جسد واحد متحلل كل شوية تبص كده فتترعب. فتطلع اول حاجة تعملها تدور على مسجد فتخش المسجد انت تقوم ساجد لله سبحانه وتعالى وتقول يا رب قبل نزول اي عقاب واي معصية انا راجع - 00:50:43ضَ

عارف لما تقول يا رب انا ازنبت كتير واخطأت كتير سامحني وتقول انا رأيت اليوم مشهد لا ازال اعمل له عارف الانكسار اللي حصل ده فانكسر الرجل فخر لله ساجدا وقال اللهم انت انت - 00:51:00ضَ

انت الرب العواد بالمغفرة. وانا العبد العواد بالذنب. الانكسار هنا انكسار في القلب. انكسار ارض الجوارح انكسار في الجسد. الجسد ما قدرش يملك نفسه خر لله ساجدا. يا رب يا رب - 00:51:20ضَ

يا رب انا خد بايديا يا رب هذا الانكسار ليس له اخواني الكرام الا اجر واحد عند الله عز وجل اوحى الله الى نبي هذا الزمان قل لهذا العبد ان الله يقول انا الرب. العواد بالمغفرة وانت العبد العواد بالذنب غفرت - 00:51:39ضَ

غفرت لك الكسرة اللي بتكون موجودة في قلب التائب الايصال ده دليل على ان الله عز وجل قد قبل منك هذه التوبة اسأل الله سبحانه وتعالى ان يتوب علينا جميعا وان يوفقنا بفضله وكرمه الى ما يحب ويرضاه. حاول اشوف اسئلتكم النهاردة اسئلة سبحان الله - 00:52:03ضَ

كلها يعني حاجات مبشرة جدا يعني ما شاء الله اه ام من امهاتنا بتقول بالله عليك كلمة لابنتي الحمد لله لاول مرة بتلبس الحجاب اليومي وهي جالسة معنا الان في درس العلم - 00:52:29ضَ

اقول لها يا بنتي والله ابشري اقول لابنتنا اللي لاول مرة بتلبس الحجاب انا مش هاقول لها الا كلمة واحدة بس علماءنا علمونا اذا اردت ان تعرف عند الله مقامك - 00:52:48ضَ

فانظر اين اقامك. يا بنتي ربنا اقامك في بيته واقامت في درس علمي واقامك انك لبستي حجاب امهات المؤمنين اي فضل بعد هذا اللي عايز يعرف فعلا ربنا بيحبه ولا لأ السؤال الدائم المستمر. اعرف منين ربنا بيحبني ولا لأ. اذا وفقنا الله لطاعته - 00:53:02ضَ

فهذه علامة حب الله لعبده فان الله عز وجل اذا احب عبدا وفقه الله عز وجل لرضاه وفقه الله عز وجل لطاعته التانية الحمد لله في واحدة معنا يا شيخ انتقبت يعني ارجو ان انت تبارك لها كنوع من انواع التشجيع. اي تشجيع تشجيع مين؟ تشجيع ده هي - 00:53:26ضَ

تشجعنا. ده كلامها ده ده انتم كلامكم ده ده اللي بيشجعنا. ده انتم كلامكم ده ان الناس بترجع لربنا. ده اللي بيثبتنا على الطريق اختنا اللي انتقبت او بنتنا اللي لبست حجاب ده اللي بيخلينا نكمل على الطريق - 00:53:50ضَ

يعني ده اللي بيخلينا فعلا بنرتبط بربنا اكتر ونشوف ازاي ربنا بيكرم هؤلاء يا اخوانا طاعتكم في حد ذاتها ثبات لغيركم والله العظيم انا في شاب بيقول لي انا ما التزمت. الا بمنظر البنات اللي طالعين عندك من المسجد. لما بلاقي عشرات البنات طالعين من المسجد - 00:54:06ضَ

سنوي واعدادي وجامعة ونساء كبار وهم طالعين انا التزمت بالمنزر ده انا قلت لنفسي اختشي على دمك بقى البنات بقوا شوفوا عاملين ازاي انت والله يا اخوانا هو قاعد معنا الان - 00:54:28ضَ

بيقول ايه انا التزمت فدول اللي بيسبتونا على الطريق دول اللي بيسبتونا على الطريق. ده احنا مش عايزين نشجع البنات دول ولا نشجع الكلام اللي جاي اصحاب الاوراق اللي جاية كمان. لا يا اخوان انتم اللي بتشجعونا - 00:54:43ضَ

انتم بركتنا. انا عايز اقول لبنتنا اللبس الحجاب النهاردة واختنا اللبس نقاب. انتم النهاردة ارتقيتم عند ربنا درجة. بالله عليكم لا تنسونا النهاردة في دعائكم كلنا بالله عليكم انتم خلاص طلعتوا درجة. ما تنسوناش بقى بالدعاء كده. ما تنسوناش كده - 00:54:57ضَ

يعني اللهم لك الحمد الحمد لله ده فضل عظيم ان احنا كل يوم بنلاقي بفضل الله الشباب بيرجع وبنات بفضل الله بترجع هذا فضل الله سبحانه اللهم لك الحمد سؤال بيقول انا كنت افعل معاصي كتيرة - 00:55:17ضَ

وبين عشية وضحاها لقيت نفسي في مسجد التوحيد. ازاي مش عارفة! ازاي مش عارف منذ عشر سنوات اراد الله بي خيرا اي والله يا اخوانا هو ده الحلم ده انموزج عملي لنظرة العبد لحلم الله عليه - 00:55:37ضَ

المفترض لما في اي تعاون مع غير الله انت لو شغال في شركة وصاحب الشركة كل يوم شايفك بتغلط وما بتجيش وما بتحضرش ومقصر في عملك هيقول لك مع السلامة - 00:55:56ضَ

ولكن تعامى الله هو بيقول انا افعل معاصي كثيرة. وبين عشية وضحاها لقى نفسه هو ده اللي بقوله لكم يا اخواننا ان ربنا يوفقك لطاعته ربنا يبود بايديك ويدلك على الطريق - 00:56:10ضَ

وما عجلش لك العقاب ده اخر العقاب وخد بايديك اليه هو ده الحلم. عايز اقول لك باختصار الورقة دي معناها ايه؟ هذا هو حلم الله عز وجل بمن عصاه فما بالكم باكرام الله عز وجل لمن اطاعه - 00:56:26ضَ

ازا كان ده كرم ربنا باللي بيعصيه فما بالكم بكرم ربنا بمن اطاعه حضرتك بتقول ان ربنا بيفرح برجوعنا بعد الذنب والاسبوع اللي فات حضرتك قلت ان الكذب الحالف آآ الحلف الكاذب - 00:56:45ضَ

ليس له توبة او كفارة لأ انا قلت انا قلت ليس له كفارة بمعنى اطعام عشر مساكين او كسوتهم او تحرير رقبة فمن لم يجد فصلين ثلاثة ايام اللي يحلف على يمين كاذب اللي هو اليمين الغاموس ليس له كفارة اللي هي كفارة اطعام المساكين - 00:57:11ضَ

انما فيه التوبة وقلت ساعتها ان التوبة انما تكون برد المظالم الى اهلها وصلت يا اخوانا ادعوا لي ربنا يجمعني بزوجي على خير وما نتطلقش يعني اسأل الله سبحانه وتعالى ان يقدر لكم الخير وان يجمع بينكما على خير. واسأل الله سبحانه وتعالى ان يصرف عنكم شياطين الانس والجن. امين يا رب العالمين - 00:57:29ضَ

هل عدم موازنة الزوجة على الصلاة والناس تتفرج على الافلام والمسلسلات سبب ان زوجها يطلقها قال الله سبحانه وتعالى كذلك كنتم من قبل فمن الله عليكم انا بقول للزوج صاحب الورقة - 00:57:59ضَ

كذلك كنتم من قبل فمن الله عليكم. احنا كلنا كنا كده كلنا كنا بعيد عن ربنا سبحانه وتعالى كلنا كان عندنا تقصير وكلنا كان عندنا زنوب وكلنا كان عندنا معاصي - 00:58:14ضَ

لو كل واحد النهاردة بعد ما ربنا سبحانه وتعالى شرح صدره للالتزام. وشرح صدره للطاعة والعبادة. هيبدأ يعامل الناس ان هم يعني هو فوق وهم واحد اه زوجته بقى يطلقها وصاحبه يبعد عنه هتكون النتيجة احنا ما عدناش هنعرف حد - 00:58:29ضَ

لا انا باقول للزوج ده احسن الى امرأتك وذكرها وانصحها وعلمها وربيها وادبها اربطها بربنا سبحانه وتعالى هاتها معك المسجد اه سمعها شريطي تقرب به من ربنا سبحانه وتعالى. واصبر عليها حتى وان كانت على معصية. اصبر عليها ان تبينك وبينها ميساق - 00:58:45ضَ

اصبر عليها وخد بايديها لا تكل ولا تمل. افضل صابر عليها لحد اخر لحظة. افضل صابر عليها وخد بايديها لطاعة ربنا وتعالى. لا تكل ولا تمل ابدا ادع لها في في جوف الليل وانت بتصلي قيام ليل ادع لها وانت ساجد ما تعديش يوم من الايام بتصلي فيه في جماعة الا وانت بتدعو لها في سجودك - 00:59:08ضَ

ادع لها كتير ان ربنا يأخذ بقلبها الى طاعته وانا على يقين انك لو اجتهدت في كده مع بذل آآ الاسباب ان شاء الله باذن الله يعني ان شاء الله اسأل الله سبحانه وتعالى ان يصلحها لك - 00:59:32ضَ

انا كنت مرتبطة بولد والحمد لله التزمنا وعرفنا انه حرام فسبنا بعض. الله اكبر. الحمد لله الحمد لله بس في بعض الاوقات بفكر فيه هل ده حرام علي؟ لها يعني ماشية بطريقين. يعني اجابتي ماشية بطريقين - 00:59:45ضَ

الصليب الاول ان التفكير ده ازا كان لا يترتب عليه فعل او قول فانت لا تحاسبين عليه انت لا تحاسبي عليه. ازا كان ده شيء بيدور جوة النفس. شيء بيدور جوة النفس. وانت لا بتتكلمي ولا بتفعلي. التفكير ده ما بيدفعكيش - 01:00:11ضَ

انك تروحي مسلا تشوفيه او تروحي تكلميه. طالما ان التفكير ده في النفس وبعد كده آآ انت بتقاوميه آآ ولا يخرج في صورة قول او عمل انت لا تحاسبين عليه - 01:00:32ضَ

داء القول البسيط اللي انا عايز اوصله للاخت دي انما القول التاني من جهة بقى علماء التربية ابن القيم رحمه الله كان بيقول في كتابه الماتع الرائع الداء والدواء وفي كتابه ايضا طريق الهجرتين - 01:00:46ضَ

كان بيقول ان الخواطر هي بذر الشيطان في قلوب العبد ان الشيطان بيجي لك يا بنتي في وقت من الاوقات يرمي في قلبك كده وقت ما كنتم واقفين مش عارف فين وكان بيقول لك ايه - 01:01:05ضَ

هي دي ابن القيم بيقول هي عبارة عن بذرة. لا يزال الشيطان يتعاهدها بالسقيا والرعي والكلام ده وكل يوم يفكرك ويذكرك يعني يفكرك بمواقف معينة بكلمات معينة تعدي من مكان معين انتم كنتم فيه مع بعض فيفكرك بالمكان اللي انتم كنتم واقفين فيه مع بعض - 01:01:21ضَ

لحد ما البذرة الصغيرة دي في يوم من الايام تبقى ايه شجرة كبيرة جدا. الشجرة الكبيرة جدا دي هتدفعك دفعا يا بنتي ان انت تتكلمي او تفعلي شيء غلط وكان ابن القيم بيقول ان ان بحر الخواطر ان الخواطر دي بحر لا ساحل له - 01:01:41ضَ

اللي في يوم من الايام نزل من البر كده في قلب بحر الخواطر وقال اعدي الناحية التانية لن يصل يا بنتي انا نصيحتي لك نصيحتي لك وان كنت لا تجازين يعني ربنا لا يجازيك بسيئة عن هذا التفكير طالما انه ما خرجش في قول او عمل الا انا خايف عليك ان بكثرة هذا التفكير يدفعك دفعة - 01:02:03ضَ

كل حاجة غلط انا نصيحتي لك نصيحتي لك ان تعرفي يقينا ان البذرة الاولى دي من الشيطان نصيحتي ليكي كل اما الشيطان يجي يذكرك اربطي التذكير بطاعة. يعني الشيطان في يوم من الايام ذكرني به. طب خلاص انا بكرة الصيام - 01:02:26ضَ

ذكرني به. طب النهاردة هاقرأ خمس اجزاء من القرآن ازكرك به. طب بازن الله انا هتصدق بميت جنيه لو قارنتي دايما ان كل ما يفكرك بطاعة او عبادة لن يدخل ابدا الشيطان اليك من هذا الباب. هيقفل بقى الباب ده ويخش لك بقى من باب تاني خالص - 01:02:48ضَ

فانت اقطعي التفكير. اكثري من ذكر الله سبحانه وتعالى وحصني نفسك كتير من الشيطان واوعي في يوم من الايام تمشي مع الخواطر الكتيرة علشان ما يبقاش في يوم من الايام توصلنا الخواطر دي لحاجة غلط - 01:03:06ضَ

سوري الشيخ مصطفى العدوي عن كتاب مدارس السالكين فقال ان هذا الكتاب فيه بعض الامور الصوفية الخاطئة المخالفة للمنهج يعني. نريد التوضيح اه هو في بعض الاشياء الخاطئة وابن القيم رحمه الله كان بيوضح ايه الصح وايه الغلط - 01:03:21ضَ

اه اه وبفضل الله انا ما بشرحش الكتاب كله ولكن انا بأخذ من الكتاب ما نستفيد به او ما ننتفع به. انا مش واخد الكتاب من اوله لاخره. لا انا باخد بعض المقامات ببعض الكلمات - 01:03:37ضَ

اللي تنفعنا في طريقنا الى ربنا تبارك وتعالى وفي مختصر للكتاب هو الافضل ان شاء الله حد باعت لي ورقة بيقول للبنات اتحجبت. طب مش محتاجين عرسان ربنا يهديك. ربنا يهديك. ما هو ده اللي قاعد بقى ايه مستني يعني - 01:03:49ضَ

معلوم ان التوراة انزلت على سيدنا موسى بعد هلاك فرعون تم توجيه قوله تبارك وتعالى ولقد اتينا موسى الكتاب وجعلنا معه اخاه هارون وزيرا. فقلنا اذهبا الى القوم الذين كذبوا باياتنا فدمرناهم - 01:04:13ضَ

لأ هو فيه فرق عندنا بين حاجتين ما بين ما اوحاه الله سبحانه وتعالى لموسى عليه الصلاة والسلام يوم ان خاطبه بالوادي المقدس خاطبه الله سبحانه وتعالى باوامر وبتكليفات وامره الله سبحانه وتعالى بالتوجه لموسى واخبره الله عفوا بالتوجه الى فرعون واخبره الله سبحانه وتعالى بما يقول لمن - 01:04:41ضَ

بما يقوله الفرعون فده كان وحي من الله سبحانه وتعالى نبي الله ايه؟ موسى ثم بعد ذلك لما خرج موسى عليه الصلاة والسلام من مصر. وهو على جبل على جبل الطور اوحى الله عز وجل اليه بالايه؟ بالتوراة. وصلت كده؟ فالوحي على موسى عليه الصلاة والسلام زي النبي ما نزلش كله مرة واحدة ولكن - 01:05:08ضَ

كان ايه كان مفرقا منجما ففي حاجات نزلت على موسى عليه الصلاة والسلام منذ اول يوم زي ما ربنا ذكر في اوائل سورة طه وفي حاجات نزلت بعد خروج موسى عليه الصلاة والسلام ودي بقى اللي هي التشريعات اللي هتكون مع بني اسرائيل - 01:05:30ضَ

من بعد آآ التمكين في الارض ما شاء الله النهاردة كلها جميلة ما شاء الله مكتب مدارس السالكين لابن القيم رحمه الله طيب ما حكم دخول المرأة الحائض للمسجد؟ مع العلم انها تبقى داخله لطالب العلم او تحفيظ قرآن او حفظ قرآن - 01:05:48ضَ

هو بالنسبة للمسألة دي الائمة الاربعة اه كما تعلمون على المنح الائمة الاربعة على تحريم دخول المرأة الحائض المسجد واستدلوا بذلك بحديث عائشة رضي الله عنها لما قال لها النبي صلى الله عليه وسلم ناوليني الخمرة من المسجد. فقالت اني حائض - 01:06:54ضَ

فكان هذا دليل واضح على انه كان من من المعلوم عند عائشة ان الحائض لا تدخل الايه؟ لا تدخل المسجد كذلك ايضا بقول الله سبحانه وتعالى في سورة المائدة ولا جنبا الا ايه؟ ها؟ عابدين. عابر سبيل حتى تغتسلوا. فاذا كان هذا في الجنب هو من باب اولى - 01:07:15ضَ

وبحديث وان كان في اسناده ضعف اني لا احل المسجد لحائض او جنب استدلوا كذلك ايضا بحديث النبي صلى الله عليه وسلم في في في في صلاة العيد وان يعتزلن المصلى - 01:07:33ضَ

الحيض هيخرجوا لصلاة العيد. بس ساعة الصلاة هيعتزلوا مصلى النساء. يبقوا في جنب كده بعيد عن مصلى النساء قالوا اذا كان ده اصلا في الخلاء او في المكان المعد لصلاة العيد. فهو من باب اولى في المسجد - 01:07:50ضَ

قال في ذلك ابن حزم رحمه الله وتابعوا بعض مشايخنا المعاصرين زي الشيخ العثيمين والشيخ ابن باز والشيخ مصطفى العدوي وقالوا لا بأس بدخول المرأة الحائض المسجد بص ديله على زلك ايضا بحديث عائشة - 01:08:05ضَ

ان النبي يأذن لها ان هي تخش الايه تخش المسجد تجيب له الخمرة. صح واستدلوا كذلك ايضا ان في حجة الوداع النبي صلى الله عليه وسلم لما حاضت السيدة عائشة قال لها افعلي كل شيء يفعله تفعله الحائض عفوا افعلي كل شيء افعله - 01:08:23ضَ

المحرم الا انك لا تطوفي بالبيت. ومما يجوز للمحرم المكث في المسجد وقالوا ان حديث اني لاحل المسجد لحائض او جنب. حديث ضعيف لا يثبت عن رسول الله صلى الله عليه وسلم - 01:08:39ضَ

واستدلوا كذلك ايضا بحديث المرأة السوداء التي كانت تنظف المسجد والمرأة دي كان لها خباء في اخر المسجد كانت قاعدة فيه ليل نهار كانت قاعدة فيه ايه ليل نهار وما كان النبي يأمرها ان هي اذا كانت حائط تخرج من المسجد. فدول القولين اللي وردوا في هذه المسألة - 01:08:53ضَ

اما عن رأيي انا من وجهة نظري انا والله اعلم انا دايما بالتزم بقول الائمة الاربعة وان كنت قبل ذلك افتي بجواز دخول المرأة الحائض او المسجد الالتزام بقولهم نجاة لينا ان شاء الله. اما اللي هياخد بقول ابن حزم ويعمل به فلا شيء في ذلك ان شاء الله - 01:09:13ضَ

ولكن لا تواعدوهن سر الا ان تقولوا قولا معروفا معناه ايه؟ معناها ان المرأة آآ التي طلقت طلاقا بائنا. مرأة طلقت طلاقا بائنا جوزها طلقها تلات طلقات وهي في فترة العدة - 01:09:33ضَ

لا بأس لو حد عايز يخطبها ان يكون آآ ان يكون كلامه معها في الخطبة آآ آآ كناية لا صراحة ان يكون كناية مش صريح لان هي طالما في فترة عدة لا يجوز ان هي تخطب الا بعد انتهاء العدة. الا في حالة واحدة المرأة التي طلقت طلاقا بائنا فلا بأس ان يكون هنا تعريض بالنية - 01:09:55ضَ

لتصريح سؤال لداعية معينة انا بستفيد منه بس المشكلة انه ممكن يكون في موسيقى اثناء الحلقة والله حاولي توطي الصوت بقدر المستطاع يعني نوطي الصوت بقدر المستطاع ازا وطينا الصوت بقدر المستطاع الصوت اللي في الخلفية بيهدا تماما فاستفيدي بالكلام وفي نفس الوقت متكونيش انت سمعتي الموسيقى - 01:10:19ضَ

ازا كانت الموسيقى عالية جدا وانت مش هتعرفي تسمعيني الا وفي موسيقى في ودانك. فتجنبي هذا السماع وربنا عز وجل رزقنا من الدعاء والعلماء الكثير باذن الله عز وجل استطعنا ان احنا نتغلب على مشكلة الموسيقى كان بها ما استطعناش احنا عندنا عشرات ومئات من الدعاة لنسمع لهم. لان الموسيقى باجماع المسلمين من - 01:10:49ضَ

رسول الله الى يومنا هذا حرام ما شذ عن هذا الاجماع الا عالم واحد ابن حزم اجمع المسلمون في مشارق الارض وفي مغاربها على حرمة الموسيقى واللي يدرس يا اخوانا فيكم كتب فقه دراسة متأنية من الاول للاخر هيجد ان هم في باب الشهادات باب الشهادة - 01:11:12ضَ

قالوا ازا كان اللي جاي يشهد ده مدمن لسماع الموسيقى فهو فاسق ترد اصلا شهادته ويجب اصلا كمان في باب الامر بالمعروف والنهي عن المنكر وفي باب الحسبة ان على المحتسب انه آآ يفسد هذه الالات بيع ما يتوصل به الى - 01:11:34ضَ

زي آلات الموسيقى. يا حرام النبي صلى الله عليه وسلم قال ليكونن في امتي اقوام يستحلون الحر والحرير والخمر والمعازف. هييجي الامة زمن تستحل فيه ده. والنبي صلى الله عليه وسلم يوم ما سمع واحد بيضرب مسمار. النبي عمل ايه؟ ها؟ حط اصبع اي في اذن - 01:11:50ضَ

حتى لا يسمح بالموسيقى. الموسيقى حرام مش معنى المصيبة معلش مختصر. جزاكم الله خيرا حياة العلماء وقرأ صنوف الكتب - 01:12:10ضَ