باحث

بعضهم قد افسدوها بالمعاصي والرذيلة السلام عليكم ورحمة الله وبركاته. الحمد لله رب العالمين. والصلاة والسلام على اشرف المرسلين سيدنا محمد وعلى اله وصحبه ومن تبعه باحسان الى يوم الدين اما بعد. اهلا وسهلا ومرحبا باخواني واخواتي واهلي واحبابي - 00:00:00ضَ

واسأل الله سبحانه وتعالى الذي جمعني واياكم في هذه الساعة المباركة على طاعته ان يجمعني واياكم في جنته ودار كرامته. مع النبيين والصديقين والشهداء والصالحين وحسن اولئك رفيقا. آآ بدأنا سلسلة جديدة سلسلة متعلقة باهم آآ مرحلة من مراحل حياتنا. آآ متعلقة بصراع كبير - 00:00:21ضَ

جدا بيننا وبين الشيطان. آآ يمكن خدنا المقدمة الاسبوع اللي فات. احاول افكركم بها سريعة جدا. آآ قلت لكم ان آآ الشيطان هو خلى العلاقة بيننا وبينه علاقة حرب واعلن بصراحة واضحة جدا جدا جدا ان علاقته علاقة حرب. وقلت لكم اللي يتدبر كده في الفاظ القرآن وفي الفاظ السنة هيجد بالفعل ان - 00:00:41ضَ

ربنا سبحانه وتعالى حذرنا وقال لنا هو اتخذكم يعني اتخذ العلاقة بينكم وبينه عداوة مش اكتر فما ينفعش ان انت تتخز علاقتك مع الشيطان علاقة اية وعلاقة محبة علاقة مودة انك تسمعه في اللي بيقول لك عليه. قلت لكم ربنا سبحانه وتعالى يقول آآ واجلب عليهم بخيلك ورجلك. قلت لكم دي - 00:01:01ضَ

في الفاظ حرب وقلت لكم ان النبي صلى الله عليه وسلم كان في صحيح مسلم من حديس جابر النبي صلى الله عليه وسلم كان يقول ان جبريل ان ابليس معذرة ان ابليس يضع عرشه على - 00:01:21ضَ

ويبعث سراياه. يبعث سراياه السارية دي سرية حرب. وقلت لكم برضو عند ابن حبان من حديس ابي سعيد ان النبي صلى الله عليه وسلم قال اذا اصبح ابليس بث جنوده بيبث الجنود جنود وسرايا وحرب يعني هي دي العلاقة بينا وبينه. وقلت لكم ان العلاقة بيننا وبين الشيطان - 00:01:31ضَ

علاقة عداوة قادمة جدا جدا جدا. آآ هذه العلاقة الشيطان بيجتهد فيها غاية الاجتهاد. انه دايما آآ يحقق الاهداف العامة بتاعته. الاهداف سواء الاهداف البعيدة يدعو حزبه ليكونوا من اصحاب السعير ان يخلي الانسان من اهل النار او الاهداف القريبة انه يجعل الحياة دي مليئة بالاحزان والهموم والغموم يسقط الانسان في - 00:01:50ضَ

ذنوب يسقط الانسان في المعاصي. وذكرت لكم امثلة كثيرة جدا في هذا الباب. وقلت لكم كمان ان هذه الحرب اه اه ابليس اه يبدأ هذه الحرب من اول لحظة احنا بننزل فيها للحياة ومش هيسيب الحرب دي او مش هيسيب الجولة دي من جولات آآ الحرب بينا وبينه الا والانسان بيموت حتى وهو بيموت الشيطان موجود - 00:02:10ضَ

عايز برضو يبعده عن ربنا سبحانه وتعالى. قلت لكم بدأت العلاقة بمجرد خروج الانسان من بطن امه. قال النبي صلى الله عليه وسلم كل بني ادم يطعن الشيطان في جنبيه اذا ولد. وقال النبي صلى الله عليه وسلم ما من ولولود الا وينزغ الشيطان فيه في جنبه آآ الا - 00:02:30ضَ

المكان من مريم وابنها. سبحان الله! هو بمجرد ما بتنزل في الدنيا بيعلن العلاقة بينك وبينه انه بيطعن في جنبك فعلشان كده يستهل المولود صارخا وقلت لكم هتظل هذه العلاقة علاقة الحرب دي قائمة الى ان يموت الانسان. مش هيسيبك الا بعد ما يكون تيقن تمام خلاص ان الروح خرجت وفارقت الجسد. وده - 00:02:49ضَ

اللي كان بيقوله النبي صلى الله عليه وسلم كما عند ابي داود من حديث ابي اليسر ان النبي صلى الله عليه وسلم كان يتعوذ فيقول في تعوذه صلى الله عليه وسلم واعوذ بك ان - 00:03:09ضَ

الشيطان عند الموت. يتخبطني الشيطان عند الموت. قلت لكم ان الشيطان مش هيسيب الانسان ولا يترك ابدا جولة من الجولات الا بعد ما الروح تخرج من الجسد. خرجت من الجسد - 00:03:19ضَ

حتى والانسان بيموت هيجي له ويبدأ ان هو آآ كما ذكر ذلك كثير من العلماء يظهر له يعني يأتي باتنين من الجن واحد في سورة ابي وحدة صوت امه ده يقول له مت على اليهودية ده يقول له متعة نصرانية وهي دي فتنة المحيا او فتنة الممات على قول لبعض اهل العلم بعضهم قال ان هي دي فتنة المحيا وبعضهم قال ان هي دي فتنة - 00:03:29ضَ

ارجع واقول ان العداوة شديدة جدا وقلت لكم ان الشيطان هيقعد لنا على كل طريق من طرق الخير او على كل طريق من طرق الشر. روايتين للنبي صلى الله عليه وسلم - 00:03:49ضَ

قال النبي صلى الله عليه وسلم ان الشيطان قعد لابن ادم بجميع اطرقه. قاعد له في طريق الاسلام وفي طريق الجهاد وفي طريق الهجرة. بل النبي صلى الله عليه وسلم قال ان الشيطان ليرصد ابن ادم ابن ادم - 00:04:00ضَ

عند كل شيء مش هيسيبك وهو واقف لك مستنيك. عند كل باب من ابواب الخير هتلاقيه واقف والنبي صلى الله عليه وسلم برضو قال لنا ان هو واقف على ابواب تانية ابواب دي ابواب الشر والعياذ بالله خط النبي صلى الله عليه وسلم خطا وجعل على يمينه وعلى يساره خطوطا - 00:04:10ضَ

هذا صراط الله وهذه آآ سبل على كل سبيل منها شيطان يدعو اليها. سبل كل دي آآ ده المعصية ده كزا ده كزا ده كزا على كل سبيل من السبل دي اللي هي بعيدة تماما عن الصراط المستقيم آآ عليها شيطان بيدعو اليها الفاحشة والعياز بالله شيطان - 00:04:26ضَ

على طريقها بيدعو اليها الربا. شيطان يدعو اليها. والعياذ بالله نظر الى النساء شيطان يدعو اليها. الخيانة والعياذ بالله. خيانة المرأة لزوجها. شيطان يدعو اليها وهكذا وهكذا واقف على كل واحدة من دول يزينها ويجملها ويحليها لناس علشان يدعوا الناس اليها. يدعو الناس اليها. ده - 00:04:46ضَ

قبل ما نخش على الجولة الاولى من جولات الصراع بيننا وبين الشيطان يخليني ااكد معكم على جزئيتين في غاية الاهمية انا كانسان عبارة عن قوتين القوة الاولانية آآ القوتين بينهم آآ يعني آآ علاقة عكسية. ازا علت احدهما قلت الاخرى - 00:05:06ضَ

تاني تاني تاني انا انا عبارة عن قوتين القوتين دول عكس بعض كل واحدة منهم في اتجاه كل اما هعلي واحدة التانية تضعف جدا جدا جدا. وهي دي العلاقة اللي ينبغي تكون بينا وبين الشيطان. القوة الاولانية هي القوة الايمانية. قوة الادب قوة الخلق قوة الدين قوة الطاعة قوة - 00:05:26ضَ

عبادة دي بنسميها القوة الايمانية. آآ آآ القوة التانية هي القوة الشيطانية آآ فواحش معاصي انترنت الكلام ده قوة شيطانية بتدعو كان دايما لاقصى الشمال. الشيطان دايما بيحاول بقدر المستطاع انه يقلل جدا القوة الايمانية علشان دي تعلو لان دي ازا ضعفت القوة الشيطانية تعلو بصورة كبيرة جدا - 00:05:46ضَ

علشان كده آآ القوة الشيطانية الحقيقية الظاهرة مش هتظهر للناس الا بعد انهيار القوى الايمانية. يعني ايه آآ آآ المسيح الدجال مش هيظهر كقوة شيطانية عظمى في الكون الا بعد انهيار القوى الايمانية الاخلاقية. عشان كده من علامات ظهور - 00:06:06ضَ

المسيح الدجال انتشار الربا انتشار الزنا انتشار الفواحش آآ انتشار المعاصي انتشار العقوق انتشار القتل انتشار كذا. دي كلها تؤدي الى او كانت نتيجة الى ان القوة الايمانية اللي هي بتودي الانسان على جهة اليمين انهارت تماما. فلما انهارت ظهرت القوة الشيطانية على حقيقتها في سورة المسيح الدجال - 00:06:24ضَ

علشان كده بقول ان كل ما هنعلي قوانا الايمانية قوى الشيطان تضعف. قوى الشيطان تبتعد عنا تماما. زي ما ذكرت لكم مثل آآ القوي او الاثر في الاسبوع الماضي ان الشيطان يعني لمس انسان دخل في جسد انسان فظل هذا الانسان يقرأ القرآن ويذكر الله ويزود قواه الايمانية - 00:06:42ضَ

بصورة كبيرة جدا جدا جدا. كانت النتيجة ان الشيطان خرج منه خرج وهو يقول دخلت فيه وانا مسل الجزور. وها انا اخرج الان وانا مسل العصفور. ليه؟ القوة الايمانية بتاعته - 00:07:02ضَ

جدا فبالتالي القوة الشيطانية قلت جدا جدا جدا. نخش درس النهاردة درس النهاردة هو عبارة عن الجولة الاولى بيننا وبين الشيطان. اعظم بتعلي لك ايمانك؟ بتعلي لك قواك الروحية؟ بتعليك قواك النورانية؟ بتعلي قواك آآ التعبدية بتقربك قوي من ربنا سبحانه وتعالى - 00:07:12ضَ

وبتقرب ربنا منك بصورة كبيرة جدا جدا جدا صلاتك. الصلاة دي هي اللي بتعطي للانسان قوة غير طبيعية. اول قوة قوة النور. قال النبي الصلاة نور. الصلاة دي قوة نور غير طبيعية بتدخل في قلب الانسان في بصيرة الانسان فيرى الحق من الباطل. علشان كده ربنا سبحانه وتعالى قال - 00:07:32ضَ

ان الصلاة تنهى عن الفحشاء والمنكر. بتوري لك بالفعل الفحشاء على حقيقتها فبتبعد عنها. توريك المنكر عنه. وبالتالي القوة الايمانية عندك جدا القوى النورانية اللي هتكون زاهرة في الدنيا وزاهرة في الاخرة اللي النبي صلى الله عليه وسلم قال في شأنها آآ خمس صلوات من حافظ عليهن كن له نور ونجاة - 00:07:52ضَ

هو برهان يوم القيامة. يبقى اذا آآ الصلاة دي هتعطيك قوة ايمانية غير طبيعية. القوة النورانية اللي النبي صلى الله عليه وسلم كان دايما بيأكد عليها الصلاة تديك قوة آآ آآ القوة دي بنسميها قوة مغفرة الذنوب. مغفرة الذنوب لما تنضف وتتزبط كده ما شاء الله بتنطلق انطلاق كبير جدا. في بعض الاشياء في العربية لو - 00:08:12ضَ

عليها في المكنة من جوة. المكنة بتاعة العربية لو جه عليها عفرة جه عليها تراب تلاقي العربية عمالة ايه تترجي كده بك وانت ماشي. لما توديها مسلا مشحمة وتتنضف من التراب والكلام ده تلاقي العربية ما شاء الله انطلقت معك انطلاق كبير جدا. القوة دي اللي هي موجودة في قلبك. قلبك طول ما هو عليه زنوب ومعاصي وسيئات هتلاقيك ماشي عمال تتخبط - 00:08:32ضَ

الحياة بتترجي كده زي العربية ولكن سبحان الله لما الذنوب دي تغفر ده بيديك طاقة وقوة انطلاق زي بالزبط العربية لما نضفت بدأت تنطلق انطلاق غير طبيعي الصلاة بتعمل كده في قلبك. قال النبي صلى الله عليه وسلم الصلوات خمس ورمضان الى والجمعة الى الجمعة ورمضان الى رمضان مكفرات لما بينهن. يبقى يبدأ القلب ينضف شوية. آآ النبي صلى الله عليه وسلم - 00:08:52ضَ

قال ارأيتم لو ان نهرا بباب احدكم يغتسل في كل يوم خمس مرات؟ هل يبقي ذلك من داره شيء؟ قالوا لا يا رسول الله قال فذلك مثل الصلوات الخمس. يبقى الصلاة عمالة تنضف - 00:09:13ضَ

النبي صلى الله عليه وسلم يقول اذا قام ابن ادم يصلي اتي بذنوبه كلها. فوضعت على على رأسه وعلى عاتقيه فكلما ركع وسجد تساقطت. ده بينضف القلب بيخلي قوة الانطلاق في طاعة ربنا سبحانه وتعالى انطلاق كبير جدا جدا جدا. الصلاة دي بتدي طاقة تانية. الطاقة دي هي طاقة القرب سواء قربك انت من ربنا او - 00:09:23ضَ

وربنا سبحانه وتعالى منك. النبي صلى الله عليه وسلم بيقول والانسان وهو ساجد والانسان وهو ساجد اقرب ما يكون العبد من ربه وهو ساجد. صلاتك في الليل في الليل اقرب ما يكون الرب من عبده في جوف الليل الاخر. يبقى الصلاة دي بتديك القوة دي بعد ذلك الصلاة بتديك قوة رابعة. ايه القوة الرابعة؟ القوة الرابعة دي - 00:09:43ضَ

بغض المعصية كره المعصية انك تبعد عن المعصية. الصلاة بتزبط لك حياتك. بتخليك تكره القوة الشيطانية. فبالتالي يبدأ آآ قلبك يقرب اكتر من ربنا سبحانه وتعالى لما ذكر للنبي صلى الله عليه وسلم رجل كان يقوم من الليل ويسرق فالنبي صلى الله عليه وسلم قال دعوه فستنهاه صلاته. الصلاة لما هتتمكن من قلبه اكتر - 00:10:03ضَ

تعلي ايمانه اكتر هتزود القوة الايمانية عنده اكتر فبالتالي هيبعد عن هذا الذنب. علشان كده كان النبي بيقول لنا في مسألة قيام الليل عليكم بقيام الليل. ليه يا رسول الله؟ قال - 00:10:23ضَ

فانه دأب الصالحين قبلكم. الشاهد من الحديث قال ومنهات عن الاثم. فالصلاة في زاتها بتنهاك عن الاثم. بتنهاك عن المعصية. بتنهاك عن اه انك تحب القوة الشيطانية بتكرهها بتبغضها بتبعد عنها - 00:10:33ضَ

فبالتالي القوة الايمانية عندك بتبدأ تعلى اكتر واكتر واكتر واكتر بعد ذلك سبحان الله القوة الروحية عندك بتزداد لان انت ما شاء الله قيادة القوى الايمانية عندك بسبب قرب الملايكة منك. والملايكة لما تقرب منك الشياطين بتبعد عنك. طب الملايكة بتقرب مني في الصلاة ازاي؟ ياه! قال النبي صلى الله عليه وسلم في الحديث - 00:10:47ضَ

اذ رواه علي رضي الله عنه ان العبد اذا قام يصلي اقترب منه الملك اقترب منه الملك الملك يبدأ يقرب منه. خدت بالك؟ فلا يخرج شيء من فيه الا وقع في في الملك. النبي صلى الله عليه وسلم قال في شأن العبد اذا قام يصلي فقال عند القيام من الركوع آآ آآ اللهم لك الحمد حمدا كثيرا طيبا مباركا - 00:11:07ضَ

هو كان فيه قال النبي صلى الله عليه وسلم لقد رأيت بضعا وثلاثين ملكا يبتدرونها ايهم يكتبها اولا. الملايكة بدأت تقرب منك. ده بيعلي ايمانك اوي. السكينة بتبدأ تتنزل الطمأنينة بتخش قلبك. القوة الايمانية عمالة تعلى. خدتها لك؟ كل شوية تعلى تعلى تعلى تعلى. النبي صلى الله عليه وسلم قال ان العبد اذا دخل في الصلاة في في دعاء الاستفتاح فقال اللهم - 00:11:27ضَ

لك الحمد حمدا كثيرا طيبا مباركا فيه. قال لقد رأيت بضع عشر ملكا يبتدرونها ايهم يكتبها اولا. يبقى الملايكة عمالة تقترب وملك والشيطان لا يجتمعان اني ابدا فانا في صلاتي الملايكة عمالة تزيد. ده اخد به فايدتين. الفايدة الاولى ابتعاد الشيطان عني. ولو لم يكن من الفوائد الا هذه الفائدة كفاية علينا - 00:11:47ضَ

ابتعد الشيطان عنا. الامر التاني ان في قوة اخرى ان نزول الملائكة معناه نزول سكينة. نزول رحمة نزول فده يرفع اكتر. ده يرفع اكتر بعد ذلك آآ في قوى اخرى تفتح الا وهي ان ابواب السماء بتفتح للعبد اذا قام يصلي ايه الدليل؟ قال النبي صلى الله عليه وسلم ان العبد اذا قام يصلي فقال الله - 00:12:07ضَ

الله اكبر كبيرا والحمد لله كثيرا وسبحان الله بكرة واصيلا. لما النبي صلى الله عليه وسلم سمع رجل يقول هذه الكلمات في الصلاة. قال النبي عجبت لها فتحت لها ابواب السماء - 00:12:27ضَ

فتحت ابواب السماء ده معناه ايه؟ ده معناه ان رحمتها تتنزل من الله عز وجل عليك. يبقى قوة ايمانية بدأت تعلو. ده معناه انك لو دعيت ربك تبارك وتعالى ربنا - 00:12:37ضَ

الدعاء ده معناه ان قوة ايمانية بدأت تعلو. كل هذه الامور تخلي دايما القوة الايمانية عندي تعلو وبالتالي لا يبكي الشيطان على شيء كبكائه عندما يرى الا كبكائي آآ عندما يرى ابن ادم بيسجد ليه؟ لانه عارف يقينا ان معنى السجود ان معنى انه يقرب اوي من ربنا سبحانه وتعالى ان القوة الايمانية عنده - 00:12:47ضَ

بتتضاعف بتتزايد ان انا كل ما اقوم اصلي ده معناه ان خلاص الصلاة عندي القوة الايمانية عندي بدأت تزيد جدا. وده معناه ان في علاقة عكسية ان القوة بتاعته هتبدأ تضعف جدا جدا جدا جدا. علشان كده النبي صلى الله عليه وسلم قال لنا كما في صحيح مسلم ان ابن ادم اذا قرأ السجدة - 00:13:07ضَ

اذا قرأ ابن ادم السجدة فسجد اعتزل الشيطان يبكي. يخرج يبكي يقول يا ويلي يا ويلي! ايه اللي حصل؟ ده القوة بتاعته ضعفت خالص خالص خالص لدرجة ان هو بيبكي - 00:13:27ضَ

بكاء غير طبيعي. ليه؟ لانه شافك قواك الايمانية عليت قوي بالصلاة. فبالتالي هو بيبكي هذا البكاء الشديد. ليه؟ لانه عارف يقينا ان اكتر حاجة ضهره الصلاة اكتر حاجة هتقسم ضهره الصلاة. اكتر حاجة هتبعدك عنه الصلاة. علشان كده دايما بنجد الانسان كل اما هو محافظ على صلاته في جماعة محافظ على صلاته في المسجد - 00:13:37ضَ

والاخوات محافظين على صلاتهم على الصلاة في وقتها. ومحافزين كمان على النوافل ومحافزين كمان على قيام الليل والوتر والتهجد. ومحافزين كمان على الضحى وغيرها من النوافل ما شاء الله ليس للشيطان على هؤلاء سبيل. علشان كده بقول يا ريت نعلم من اولادنا البداية الصلاة. نحافظ جدا جدا جدا على اولادنا - 00:13:59ضَ

الحفاز ده مش هيكون ابدا الا عن طريق الصلاة. فانا عايز اقول كل اما انا هعلي جدا ايمانيتي في الصلاة كل ما هحافظ على الصلاة اكتر ده معناه ان القوة الايمانية بتاعتي بتعلو ده معناه ان الشيطان بيبعد عني تماما والعكس والعكس صحيح - 00:14:19ضَ

زي ما تقول كل علاقة عكسية. كل اما انا اكون مفرط في الصلاة ده معناه ان الشيطان هيتمكن مني اكتر واكتر واكتر. شوفوا النبي صلى الله عليه وسلم ماذا يقول؟ ليتركوا هي ايه علاقة - 00:14:32ضَ

عكسية. شفت انت لما صليت ايه اللي حصل؟ شف الجانب التاني انت لما هتترك الصلاة ايه اللي هيحصل؟ لما هتفرطي في الصلاة ايه اللي هيحصل؟ لما يكون شوية اتأخري الصلاة شوفي ايه اللي هيحصل - 00:14:42ضَ

قال النبي صلى الله عليه وسلم ما من ثلاثة حديث عند احمد وابي داود والنسائي وابن حبان حديث ابي الدرداء ما من ثلاثة في قرية ولا بدو لا يؤذن للصلاة ولا يقام فيهم فيهم الا قد استحوذ عليهم الشيطان. بيتك انت وزوجتك واولادك - 00:14:52ضَ

لا تصلون لا انت بتصلي ولا زوجتك بتصلي وهي بتقوم مع ولادك بالصلاة اللي حصل ما تجيش بعد كده تقول لي ابني عمل في خلاص هو ابنك استحوذ عليه الشيطان انت - 00:15:10ضَ

عليك الشيطان. مراتك استحوذ عليها الشيطان. فلا هي راضية عنك ولن ترضى عنها. ولا اولادكم راضين عنكم. وحياتكم هتبقى بجحيم. ليه؟ خلاص. النبي يقول عليهم الشيطان. استحوذ عليهم الشيطان. ما من ثلاثة في قرية ولا بدو لا تقام فيهم الصلاة ولا يؤذن الا استحوذ عليهم الشيطان - 00:15:20ضَ

الامر اخطر من كده. الامر اخطر من كده. النبي صلى الله عليه وسلم قال لنا ان المسألة مش هتبقى مسألة ان هو يستحوز عليك يتمكن منك. لا ده هيسخر بك وخلاص - 00:15:40ضَ

يعني والعياذ بالله انا اسف آآ هيتخذك حمام يتبول فيك. ده كلام النبي صلى الله عليه وسلم. النبي صلى الله عليه وسلم يقول حديس عند البخاري من حديث مسعود ذكر للنبي صلى الله عليه وسلم رجل آآ نام ما زال نائما حتى اصبح - 00:15:50ضَ

فضل نايم لحد ما الصبح طلع لا صلى فجر ولا صلى قيام ولا عمل اي حاجة. خلاص؟ فقال النبي صلى الله عليه وسلم ذلك رجل بال الشيطان في اذنه. اتخذ - 00:16:06ضَ

انسان كنيف اتخذ الانسان كنيف. الشيطان اتخذ الانسان كنيف. يتبول فيه. يتبول فيه. لما رجعت لاقوال العلماء لحديث يعني ايه؟ يعني ايه بال الشيطان في اذنه. قال القاضي هو على حقيقته. الحديس ده على حقيقته. والشيطان تبول في اذن هذا الانسان. اجتهد. في يعني شف هو يعني حتى - 00:16:16ضَ

العلماء اللي قالوا ان الامر ده مش على حقيقته ده للاستعارة ده كلام استعارة قالوا سخر منه واستخف به واحتقره واستعلى عليه سخر منه يعني آآ احلاهما مر يعني يعني آآ يعني سبحان الله! سبحان الله! وقال بعض اهل العلم ده ده كناية عما يلقي الشيطان في اذن الانسان - 00:16:36ضَ

آآ نام شوية نام شوية ها نام نام كمان نام نام نام نام نام سبحان الله! لحد ما الانسان ينام وفجأة تلاقي سبحان الله كل حاجة راحت. ضاعت الصلاة وبالتالي خلاص تمكن - 00:16:56ضَ

الشيطان من هذا الانسان. فكان ابن مسعود رضي الله عنه يقول معلقا على هذا الحديث كفى آآ كفى آآ آآ كفى امرئ اه من الشر ان يبول الشيطان في اذنه. يكفينا من الشر ان الشيطان بل في اذننا. ده دليل ان ابن مسعود رضي الله عنه كان يذهب ان الحديث على حقيقته على حقيقته. ان يكفينا من - 00:17:06ضَ

ان الشيطان والعياذ بالله تبول في اذاننا. فطبعا مسألة خطيرة جدا جدا جدا لازم ناخد بالنا منها. يبقى اذا الصلاة هي الجولة الاولى بينا وبينه. هو هيجتهد غاية انه يديك القاضي ينيمك. الله! طب انا هنجو ازاي ؟ ما انت مش هتنجو غير لما تعرف هو هيعمل ايه معك - 00:17:26ضَ

والشيطان له يعني كم حيلة كده علشان يضيع عليك الصلاة؟ تعالوا كده سريعا آآ نشوفهم حيلة حيلة بحيس ان شاء الله نجتهد غاية الاجتهاد. الحيلة الاولى ودي الجولة الاولى بينا وبين الشيطان. الجولة دي انت هتحس بها النهاردة. الجولة الاولى بينا وبين الشيطان هي الصلاة. خلاص هي دي بقينا دخلنا دلوقتي حلبة الصراع. احنا دلوقتي دا حلبة الصراع بينا - 00:17:43ضَ

الشيطان. الجولة الاولى احنا عندنا حداشر جولة. الجولة الاولى دخل فيها معنا فهو من البداية هيقول لك انا مش عايزك تصلي انا عايزك تنام. عايزك تنام فهيجي لك النهاردة وانت نايم بالليل آآ المنبه يضرب على الساعة اتنين آآ انت المفروض تقوم تصلي قيام ليل. يقول لك نام شوية يا عم ريح شوية لسة الساعة اتنين ده الفجر - 00:18:06ضَ

صعبة عليه ساعتين. نام لك ساعة بس. نام لك ساعة. نام لك ساعة. سبحان الله! اه دي الجولة الاولانية. قال لك الكلام ده وانت اصله تعبان طول النهار. اصل انت كزا. اصل انت كزا - 00:18:26ضَ

وفعلا انت صدقت ونمت. تفاجئ ان تبص في الساعة بعد كده. الساعة بقت سبعة الصبح. الساعة لا الساعة تمانية. وانت شغلك المفروض تمانية. تقوم بسرعة تلبس تجري وتجري ضاعت الصلاة حتى ما فكرتش انك تصلي. اصل انت خايف من ميعاد الشغل. يا الله! يا الله! الجولة الاولى النبي يقول لنا فيها خدوا بالكم الشيطان هيجي لكم قلوبكم - 00:18:36ضَ

قال النبي صلى الله عليه وسلم يعقد الشيطان على قافية احدكم ثلاث عقد عليك ليوم طويل. يا عم لسه بدري. ريح شوية. خد بالك انت كل يوم بتحس بالكلام ده. وخدي بالك برضو انت كل يوم بتحسي الكلام ده. آآ بس ما انتيش واخدة بالك ان اللي عمال - 00:18:56ضَ

يتكلم في ودانك ده هو الشيطان فيه ناس ما شاء الله لا قوة الا بالله قالت خلاص والله زي ما الجولة اللي الدرس اللي فات ما شاء الله ناس برضه قالوا لي احنا برضو يعني حصل موقف - 00:19:13ضَ

كده فقلنا ان ده الشيطان والله العزيم لازم آآ هنعدي نعمل الخير اللي احنا كنا عايزين نعمله ما شاء الله. انت النهاردة بس تتكلم يقول لك عليه كلام طويل. يا عم لسة بدري لسه بدري الفجر لسه عليه بدري - 00:19:23ضَ

نص ساعة. ده بين الاذان والقاب ده بيقعدوا نص ساعة بالاذان والاقامة. ريح لك كل ربع ساعة وانزل عشان تعرف انت نازل كده تبقى مركز وتعرف تصلي كويس انها تنزل دلوقتي وانت شايف قدامك لا ركز - 00:19:33ضَ

راحت الصلاة. يبقى الجولة الاولى هو النهاردة هيعملها معك. الجولة الاولى هو هيعملها معك. عايز يديك القاضية القاضية دي عليك ليل طويل. انت تقول له ايه والله العزيم لهدبحك النهاردة. طب هتدبحه ازاي ؟ اذبحه انك والله آآ عليه طويل ان شاء الله الليل الطويل ده انا هذكر فيه ربنا وهستغفر وهقرأ قرآن وهصلي وادعي. ما شاء الله - 00:19:43ضَ

ايه المشكلة؟ علي يوم طويل. انا هقوم. ادبح الشيطان النهاردة. ادبحيه النهاردة. انا عايز النهاردة ان شاء الله. الجولة الاولى آآ انتم تكسبوها. خد بالك ان اللي عمال اتكلم في ودانك دا شيطان عدو لك اوعى تسمع كلامه - 00:20:03ضَ

افتتخذونه وذريته اولياء من دون يهلكوا عدو؟ اوعى تصدقه اوعى تسمع كلامه. لا ليل طويل ولا حاجة ده لسه على الفجر ربع ساعة قم صل ربنا يصلح حالك. عايزك النهاردة تحرق - 00:20:17ضَ

دمه عايزك النهاردة تقوم تصلي ركعتين وانت تقومي تصلي ركعتين ان شاء الله بحيس يعني نستشعر كده. هو كان عمال يقول لنا عليك لوم طويل طب اقعد بقى عيط هنا كده وولول - 00:20:27ضَ

زي ما انت كنت بتقول يا ويلي يا ويلي امر ابن ادم بالسجود فسجد فله الجنة. وامرت بالسجود فلم اسجد فلي النار. يبقى اول جولة بينا وبينه النهاردة في الصلاة في الجولة الكبيرة - 00:20:37ضَ

اللي هي جولة صلاة هيقول لك واحد عليك ليل طويل. عليك ليل طويل. اتنين آآ خلاص انت الحمد لله كسبت الجولة الاولانية ودخلت الجولة الاولانية ومنتصر بفضل الله انت قمت بتصلي. انت متوقع ان هو يسيبك ما تنساش ان انا قلت لك الدرس اللي فات - 00:20:47ضَ

ان هو عنده همة غير عادية. عنده همة غير عادية. النبي صلى الله عليه وسلم قال اذا نودي للصلاة ذهب الشيطان الى الروحاء حتى لا يسمع الاذان. الروحاء قلت لكم على بعد - 00:21:04ضَ

ستة وتلاتين ميل من المدينة كما في صحيح مسلم ويرجع تاني بعد ما الاذان يخلص. ويفضل قاعد معك شوية كده يوسوس لك اتأخر شوية قل مش عارف ايه زي ما نعرف دلوقتي ويرجع تاني يروح. فخد - 00:21:14ضَ

بالك من الكلام ده ان هو عنده همة عالية اوي مش هيسيبك. فمش معنى ان هو خسر الجولة الاولانية وانت على السرير لما كان عمال يقول لك عليه لو طويلا ان هو خسر جولة ان هو خلاص يستسلم. هو مش هيستسلم ابدا - 00:21:24ضَ

ابدا. مش هيستسلم ابدا. فانا عايز اقول هو هيفضل معنا جولة ورا جولة. الجولة التانية هيجي لك على طول وانت بدأت الصلاة الله اكبر انت بدأت الصلاة في المسجد. بدأت الصلاة في بيتك مسلا قيام الليل او حاجة. آآ يقول لك خد بالك - 00:21:34ضَ

آآ انت شايف السجادة بتاعتك دي شايف الخط ده طالع منين وده جاي منين انت واقف في المسجد الله اكبر ما شفتش الساعة الجديدة اللي جابوها في المسجد تبص على الساعة - 00:21:52ضَ

ما شفتش مش عارف ايه بصوا على كزا بصوا على كزا بصوا على كزا هيفضل يخليك ايه تلتفت يمين وشمال خدت بالك ويلبخك بالساعة هنا ويلبخك بالصورة الجميلة اللي على الجدار - 00:22:02ضَ

السجادة بتاعتك رايحة في الخط ده رايح فين وده جاي منين وده رايح فين او يلبخك انت واقف كده فعمال تبص على على القميص بتاعك المقلم والمربعات والخطوط والدواير اهل بخك يبخني بايه - 00:22:12ضَ

تاني جولة هيقول لك اكثر من الالتفات. بصوا فوق تحت. خليك بقى ايه عامل زي التعلب كده تبص يمين وتبص شمال منين الكلام ده ؟ الجولة التانية نخش مع الشيطان قال النبي صلى الله عليه وسلم حديس في الصحيحين من حديس آآ والحديس معذرة آآ في صحيح البخاري من حديث عائشة ان النبي - 00:22:25ضَ

النبي صلى الله عليه وسلم سئل عن الالتفات. سئل النبي عن الالتفات فقال اختلاس يختلسه الشيطان من صلاة العبد هو زي ما قلت لك انت عندك هتاخد قوة كبيرة جدا من الصلاة. انت قمت تصلي هو مش هيسيبك. هو خلاص طالما انت قمت في الصلاة هو كان في البداية عايزك ما تاخدش اي حاجة من القوة - 00:22:43ضَ

ولكن انت دخلت فيحاول بقدر المستطاع بدل ما كنت هتاخد قدر كبير لا انت هتاخد قدر صغير فهيعمل ايه؟ اتنين الجولة التانية للالتفات بص يمين وبص شمال. طب آآ ابص يمين وابص شمال - 00:23:03ضَ

ليه؟ ده اختلاس في الخشوع. لان انت النهاردة داخل في الصلاة خاشع. بدأت تبص فوق بدأت تبص مش عارف ايه. بدأت تيجي كده. يبقى ده اختلاس من الخشوع كما قال سلبي - 00:23:13ضَ

الخشوع كما قال بعض اهل العلم بعضهم قال سلب من كمال الصلاة. لان انا لما ابص على الساعة لما ابص على اللوحة لما ابص على النور لما ابص على الامام - 00:23:23ضَ

كل ده كل ده هيخلي الزين ينشغل والعبد لا يكتب له من الصلاة الا ما عقل منها وما تدبر وما فهم. تلاتة او اسمع الحديس ده وعشان اقول لك هو ليه جاي لك بالزات في الالتفات؟ قال النبي صلى الله عليه وسلم ان العبد اذا قام يصلي اقبل الله عليه بوجهه يناجيه - 00:23:33ضَ

ما لم يلتفت عايز يضيع عليك الخير ده. ربنا يقبل عليك بوجهه اقبال يليق بذاته وجلاله سبحانه وتعالى. اقبل على الله اقبل الله على عبده يناجيه ما لم يلتفت. بدأ يلتفت انصرف الله عنه. يبقى هو عايز يخرجك من الخير ده. عايز يخرجك من الخير ده. ليه؟ علشان تبص هنا وتبص هنا وتبص هنا. اصل النبي قال - 00:23:54ضَ

ان العبد اذا قام فصلى ركعتين لا يحدث فيهما نفسه غفر له ما تقدم من ذنبه. عايز يسرق دي منك. يسرق الاجر ده منك. لانه غفر له ما تقدم من ذنبه دي هتخلي - 00:24:14ضَ

الطاقة الايمانية عندك علت لا واساءها منك. فيقول لك بص هنا بص هنا. طيب انا اتغلب على الشيطان في النقطة دي بايه؟ عينك موضع سجودك ما تحركهاش خالص ازاي؟ النبي صلى الله عليه وسلم يقول كما في حديس عائشة كان النبي صلى الله عليه وسلم اذا صلى طأطأ رأسه مش طأطأ يعني فرقعها لا طأطأ يعني ايه؟ رمى - 00:24:24ضَ

في موضع سجودك كده اهو حط الدقن دية كده والعين في موطن السجود. في موطن السجود. وحديث بلال دخل النبي الكعبة فصلى فيها ركعتين. لم يجاوز فيهما بصره موضع سجوده. عنيف موضع السجود - 00:24:44ضَ

طب ينفع اغمض يا شيخ؟ ينفع غمض؟ والله كثير من العلماء على الكراهة وابن القيم بيقول الخشوع هو روح الصلاة. واذا كان هذا الخشوع لا يتم الا بتغميض فلا شيء في ذلك ذكر ذلك في كتابه زاد المعاد. فنقول ماشي على قول ابن القيم ماشي ممكن تغمض عينيك بس ده ابتداء وبعد كده عود نفسك انك تخشع من غير - 00:25:00ضَ

غمض عينيك. يبقى الجولة التانية اوعى تخسرها هيقول لك آآ بص فوق بص تحت انزل لا لا لا خلاص انا عيني تحت موضع السجود كما كان النبي صلى الله عليه وسلم - 00:25:20ضَ

يصنع الجولة التالتة. الجولة التالتة بينا وبين الشيطان عنده لعبة خطيرة جدا. اللعبة دي اه دايما بيلعبها مع كتير جدا من الناس اكتر الاسئلة او معظم الاسئلة او كتير جدا من الاسئلة دايما بتجيلي عندي في المسجد او بتجيلي في التليفون يا شيخ انا ببقى اصلي الله اكبر بصلي وحاسس ان في اعزكم الله في ريح خرج - 00:25:30ضَ

حاسس ان انا اقول لك خد بالك خد بالك استنى استنى استنى استنى. ده شيطان. شيطان! آآ وايه علاقة الشيطان بخروج الريح من الانسان؟ خد بالك ما هي دي الجولة التالتة اللي احنا هنخش فيها مع الشيطان في في - 00:25:50ضَ

هو مش قادر يخلي آآ عينيك تلتفت للساعة او تلتفت مش عارف ايه هو مش عارف كده خالص. ولا عينيك تلتفت في القميص اللي قدامك زي ماركة ايه الراجل تصلي قدامك ولا البنطلون ده ماركة ايه ده ماركة مش عارف ما قدرش يعمل معك كده. هييأس ما انا قلت لك ده هميته عالية جدا. طب هيعمل ايه؟ هيجي لك بقى في لعبة خطيرة جدا - 00:26:01ضَ

باب تالت من ابواب الشيطان وده ودي الجولة التالتة ان احنا نخش فيها. ايه قصة الجولة التالتة؟ قصة الجولة التالتة ان الشيطان هييجي عند اجزاء معينة في جسمك ويبدأ يطعن فيها - 00:26:21ضَ

فلما يبدأ يطعن فيها كده انت تحس اه ده في في ريح خرج. لا خد بالك ده الشيطان يا حبيبي خد بالك ده الشيطان شقي للنبي صلى الله عليه وسلم هذا الامر. الصحابة اشتكوا للنبي. الرجل يجد الشيء في بطنه حس ان فيه جوة في بطنه كده في زي ما احنا بنقول اللي عندنا في مصر كده في زغورة في بطنه يعني. هو حاسس ان هو - 00:26:31ضَ

مش طبيعي ايه اللي حصل؟ ده ده شيطان. شيطان شوكي للنبي صلى الله عليه وسلم. الرجل يجد شيئا في بطنه ويصلي. قال لا يخرج حتى يسمع صوتا او يجد ريحا. طب - 00:26:49ضَ

ايه علاقة ده بالشيطان؟ شف بقى الاحاديث الجميلة اللي النبي قالها لنا علشان يقول لنا خدوا بالكم ده في جولة تالتة مهمة اوي هيبدأ يلاعبكم بها علشان تخرجوا من الصلاة - 00:26:59ضَ

اقل قدر ممكن من الطاقة. النبي صلى الله عليه وسلم حديث عند احمد وابن حبان حديس ابي سعيد قال النبي صلى الله عليه وسلم اذا اتى الشيطان احدكم في الصلاة فقال له احدثت - 00:27:09ضَ

فليقل له كذبت الله ده اكن اللي رمى في وداني. خد بالك. خرج منك ريح. يا كداب ايه يا كداب! دا دي جولة تالتة انت داخل فيها معي! كداب! كما قال النبي فليقل له كذبت! كذبت! شف بقى! طيب هو قال لك وسوس - 00:27:22ضَ

انك بص انت خرج منك ريحة وسوسة انت قلت له كتبت ماشي اصبر علي. طيب شف هيعمل ايه. روى احمد في مسنده باسناد قوي كما يقول الشيخ شعيب رحمه الله. شف هيعمل ايه؟ هو جه في البداية قال لك انت خرج انت احدست - 00:27:41ضَ

انت تقولوا كداب هيعمل ايه؟ قال النبي صلى الله عليه وسلم يأتي الشيطان احدكم في الصلاة فيأخذ شعرة من دبره فيمدها فيرى انه وقد احدس يجي على شعره يشدها كده فانت تحس ان انت احدثت - 00:27:58ضَ

وقال النبي صلى الله عليه وسلم فلا يخرج اوعى تخرج هذا شيطان فلا يخرج حتى يسمع صوتا او يجد ريحا. طيب هو انت آآ عرفت خلاص قصة الشعرة طب شف النبي صلى الله عليه وسلم ماذا يقول كما روى الطبراني والبزار باسناد صحيح كما قال الشيخ الالباني رحمه الله من حديس ابن عباس يأتي الشيطان احدكم قصة الشعر من - 00:28:12ضَ

يأتي الشيطان احدكم فينقر عند عجانه. عجانه دي الجزء اللي هو ما بين القبل والدبر. الجزء ده ييجي الشيطان يفضل يطعن فيه كده يطعن اطعن يصعد يصعد ليه؟ فانت تحس ان فيه ريح خرج منك. قال النبي صلى الله عليه وسلم فلا ينصرف حتى يسمع صوتا او يجري ريح. العب غيرها يا حبيبي. قصة الشعرة وقصة - 00:28:32ضَ

الطعن وقصة انك تقول لي احداس خلاص يا حبيبي العب غيرها. عرفنا ان ده شيطان هاستعيذ بالله ولا اخذ من الصلاة حتى يتقن ان فعلا فيه حاجة طب هيجي يعمل ايه؟ هيتقرب منك قوي ويتودد بك قوي - 00:28:52ضَ

والله ده نص كلام النبي. مش بالنص يعني. ولكن هو ده معنى كلام النبي. انا بقول المعنى وهقول النص النص فيه لغة عربية فصحى شوية ممكن ما نفهمهاش. هفهمها لكم دلوقتي. هيقرب منك قوي - 00:29:07ضَ

ويطبطب عليك ويمسح على ضهرك كده ويقول لك يا حبيبي ويا روح قلبي انت احدست خد بالك. اخرج من الصلاة بس دي الجولة التالتة. لازم يخرجك لازم يقلل الطاقة الايمانية جواك. شف النبي صلى الله عليه وسلم ماذا يقول. والحديث رواه احمد بسند قوي - 00:29:17ضَ

من حديث ابي هريرة ان النبي صلى الله عليه وسلم قال ان احدكم اذا كان في الصلاة جاء الشيطان فابس فابس به كما يبس الرجل دابة يقرب منك قوي زي ما انت بتقرب من دابتك الدابة بتاعتك وتمسح كده على ضهرها وتقرب منها وخلاص بقى لحد ما تهديها خالص وبعد كده تركب عليها - 00:29:33ضَ

بعد كده تتحرك بك. قال النبي صلى الله عليه وسلم فاذا سكن فاذا سكن له طعن بين اليتيه اسمع ماذا يقول الانسان ليفتنه عن صلاته ليفتنه عن صلاته. فقال صلى الله عليه وسلم فاذا وجد احدكم هذا - 00:29:53ضَ

فلا يخرج من صلاته حتى يسمع صوتا او يجد ريحا. يا الله! ايه التفكير ده بيفكر ازاي؟ ما انا قلت لك هو عايز يخرجك خلاص انت دخلت خلاص ما عدش فيه بد بقى خلاص. انت دخلت يعني هتاخد قدر من الايمان عالي جدا قواك الايمانية هتعلو فبالتالي - 00:30:11ضَ

ويحاول بقدونس ايه يقلل بقدر المستطاع. يقلل خالص بقدر المستطاع. بحيس تخرج باقل قدر ممكن من الحسنات. الجولة الرابعة العب غيرها يا حبيبي خلاص انا مش اخوك العب غيرها كده انا هسيب ده انا وراك وراك مش هسيبك هعمل ايه؟ يلا ابدأ يا حبيبي الفاتحة بتاعتك. الله اكبر. انت هتقرأ الفاتحة. التحيات لله - 00:30:27ضَ

تحيات لله ايه علاقة التحيات بلال فتحة ده هي دي الجولة الرابعة الجولة الرابعة هيعمل فيها ايه ؟ الجولة الرابعة هيجي لك هو فيه واحد متخصص لكده. متخصص للجولة دي - 00:30:52ضَ

الجو الرابعة دي هيجي لك ومش هيخليك تعرف تركز في اي حاجة من قراءتك لا تعرف تجيب اول الاية ولا اخر الاية مرة واحد تلاقيك نفسك وقفت هو انا بقرأ في ايه؟ يا جماعة ده انا بدأت اصلا كنت بقرأ دلوقتي في ياسين. ايه اللي دخلني فاطر؟ انا كنت بقرأ في البقرة ايه اللي دخلني في الاعراف؟ هو ايه اللي بيحصل بالزبط؟ ايه اللي بيحصل بالزبط؟ يلبس عليك - 00:31:04ضَ

وسبحان الله يخلي اللي وراك كمان يلبس عليك القراءة اكتر. يعني مرة آآ كنت باصلي في مسجد والامام بيقول اذ قال موسى لقومه فهي الاية اذ قال موسى لقومه. هو قال واذ قال موسى لقومه. فهو لبس عليه القراءة. سبحان الله! على ما بدأ يفوق ويعرف ان هو اخطأ كان وراه واحد - 00:31:22ضَ

برضو الشيطان تلاعب به قام لما جه يرده مش يقول له اذ قال موسى لقومه. قام قايل له ايه؟ اذ قال على طول يا عم الشيخ من غير واو. خلى الناس كلها وقعت في الارض. سبحان الله - 00:31:41ضَ

في شيطان متخصص في الجولة الرابعة. الجولة الرابعة انه يلبس عليك القراءة. يخلي القراءة كلها تخش عليك يمين وشمال ويضيع عليك آآ سواب القرآن. شف النبي صلى عليه وسلم آآ ماذا يقول؟ آآ كما روى الامام مسلم في الصحيح من حديث عثمان بن ابي العاص قال يا رسول الله ان الشيطان قد حال بيني وبين صلاتي واقرأ - 00:31:51ضَ

يلبسها علي. فقال النبي صلى الله عليه وسلم ذلك شيطان يقال له خنزب يقال له خنزب وعند احمد في مسنده من حديس ابي روح رضي الله عنه قال صلى بنا رسول الله صلى الله عليه وسلم صلاة فقرأ فيها - 00:32:11ضَ

فيها فروم فلبس عليه بعضها. النبي صلى الله عليه وسلم آآ اتلبس عليه في بعض القراءة. نسى اية او اتنين وقراه ايه اتلبس على النبي صلى الله عليه وسلم فيها - 00:32:29ضَ

قال النبي صلى الله عليه وسلم انما لبس علينا الشيطان القراءة. اللي لبس علينا القراءة النهاردة هو الشيطان. هييجي يفضل بقى ايه؟ يلبس عليك القراءة بحيس ما تبقاش عارف انت بتقرأ ايه ولو بتقرأ في سورة تلاقيك تدخلك في صورة تانية او لغبطك في القراءة او مخليك مش مركز في الصورة. ده كله ليه؟ علشان - 00:32:39ضَ

ده يضيع اجر القراءة ويضيع بعض القوى الايمانية اللي انت كنت هتحصلها آآ في الصلاة. علشان كده النبي صلى الله عليه وسلم قال لعثمان بن ابي العاص لما قال له ده ده شيطان - 00:32:59ضَ

يقال له خزب متخصص في الجولة دي. متخصص في الجولة الرابعة. متخصص في ايه متخصص انه يلبس عليك القراء. فالنبي قال له قال له هتعمل ايه بعد ما اعرفه؟ خد بالك ان ده شيطان. قال له فاذا وجد فاذا احسسته ازا حسيت ان خنزة بده - 00:33:09ضَ

جه وقعد بقى يلبس عليك القراءة فتعوذ بالله منه واتفل على يسارك ثلاثا واتفل على يسارك سلاسة. قل اعوذ بالله من الشيطان الرجيم على يسارك ثلاثا. ولما تيجي تقرأ كمان في البداية حاول دايما قبل ما تقرأ انك تستعيذ بالله من الشيطان الرجيم. كان النبي صلى الله عليه وسلم اذا دخل في الصلاة فبدأ القراءة قال - 00:33:24ضَ

اعوذ بالله من الشيطان الرجيم من همزه ونفخه ونفثه. وربنا سبحانه وتعالى امرك في القرآن انك اذا قرأت القرآن فاستعذ لو قرأت القرآن استعذ على طول بالله من الشيطان الرجيم علشان خد بالك انك الشيطان ما يلبسش عليك القراءات. وبخاصة وبخاصة الناس اللي هي بقى ايه؟ آآ اللي هي بتقف في الصلاة صم بقى - 00:33:44ضَ

عمي الله اكبر وتلاقيه واقف كده عامل زي الصنم لا بؤه بيتحرك ولا السانوي بيتحرك ولا اي حاجة بتتحرك هو واقف كده وخلاص لا لا لأ اوعى تعمل كده اوعى تعمل كده - 00:34:04ضَ

لو بتصلي الصلاة حاول دايما انك تعلي صوتك شوية اوي بالقرآن. ليه؟ لان القلب بين اللسان والودان. القلب بين اللسان دهو والودن دي هو هنا كده. آآ لسانها بيقرأ والودان بتسمع هتلاقي القلب على طول شغال وحاضر معك. علشان كده كان سيدنا عمر رضي الله عنه لما النبي قال له انت بتقرأ القرآن بصوت عالي شوية ليه؟ فقال له يا رسول الله - 00:34:14ضَ

الشيطان وفي رواية آآ ابعد آآ الشيطان. يبقى اذا انا عايزك كده اهو يعني اول ما تيجي تقرأ كده تاخد بالك ان اللي هيلبس عليك القراءة هو الشيطان فحاول بقى دايما تستعذ بالله علشان تنجو من هذه - 00:34:34ضَ

الجزئية هيسيبك؟ لا مش هيسيبك طبعا انت قرأت ما شاء الله وزي الفل والاخت رطلت كده بصوت جميل ما شاء الله. ربنا يا رب يحفظها ونجد في الجولة الرابعة نيجت من الشيطان في الجولة الرابعة هيسيبك ؟ لأ طبعا. هيسيبك ؟ لأ طبعا مش هيسيبنا. هو يفضل ورانا. هو بيقول لك هي جولات. الجولة خمسة. الجولة الخامسة ممكن - 00:34:47ضَ

بتقول ايه؟ الجولة الخامسة كلنا بنقع فيها. بس خد بالك ان ده شيطان هو جاي عايز يقلل قدر الصلاة. فهيعمل لك اضطراب هيعمل لك هزة كده. هو كل اللي عايز يعمله يديك خبطة كده الخبطة دي - 00:35:10ضَ

في وشك تدوخ. فلو دخت يبقى سهل جدا يديك الخبطة التانية ينيمك. فانا عايزك ما تدوخش عايزك تبقى مركز وعايزك تبقى فايق علشان تعرف ان هي جولات. واعظم جولة عندنا - 00:35:22ضَ

ده هي دي اصل الايمان خد بالك انتبه! انتبه! انتبه! انتبه! ربنا يحفزك ويحفزه! آآ هيعمل ايه الله اكبر هو حضرتك صليتوا ركعتين ولا تلات ركعات اه صحيح هو انا صليت اتنين ولا تلاتة - 00:35:32ضَ

لا لا لا هو انا صليت تلاتة ولا اربعة هو ده الصليب اصلا؟ طبعا انا سجدت سجدة ولا اتنين؟ انا انا بعمل ايه؟ الله الله اه ده دي جولة خمسة من جولات الشيطان هيعمل ايه؟ هيجي لحضرتك كده - 00:35:50ضَ

نيجي لحضرتك ويبدأ بقى ايه يلعب في دماغك. انت صليت انا صليت ركعة. انت صليت واحد ولا اتنين؟ لا لا يا حبيبي هي واحدة بس هي واحدة بس. الوحدة دي اللي انا قلت فيها في الركعة - 00:36:03ضَ

بصورة كزا وكزا ودي الركعة التانية. لا لا انت صليت تلاتة. لا يا حبيبي انا صليت اتنين بس. انا جهرت في الاتنين. انا لسة ما قصرتش بحاجة خالص بفضل الله. دا واحد قاعد مركز - 00:36:13ضَ

وعارف ان فيه شيطان هيجي يلعب له في دماغه في الحتة دي. طب آآ يعني اعمل ايه؟ خليك مركز خليك مركز. بس مركز بتدبرك وتفكرك في معاني الصلاة مش زي صاحبنا التاني اللي كان مركز داخل الصلاة مع الامام. الامام في في الركعة التالتة قعد للتشهد. قعد يتشهد والناس يقولوا سبحان الله وناس - 00:36:23ضَ

سبحان الله وناس ساكتين. فقال لها هي دي الرابعة فخلص في الرابعة. السلام عليكم ورحمة الله. والسلام عليكم ورحمة الله. المسجد اختلف. ناس تقول تلاتة وناس تقول اربعة. ناس تقول تلاتة وناس تقول ده يخصم ان دي تلاتة وده يقسم ان دي - 00:36:43ضَ

لحد ما جه واحد بقى كان مركز مركز تركيز ما بعده التركيز في الصلاة. واحد جاي من اخر الصف قال والله يا جماعة انت يا فضيلة الشيخ ما صليتش الا تلاتة. قال له ما شاء الله وانت متأكد - 00:36:53ضَ

كده ليه؟ ايه التركيز العالي قوي في الصالة ده؟ قال له والله يا اصل فضيلة الشيخ انا عندي اربع محلات عملت حسابات تلاتة لسه الرابع في الركعة اللي حضرتك ما صلتهاش. ما شاء الله. احنا مش عايزين التركيز ده. احنا عايزين - 00:37:03ضَ

التركيز التاني بتاع الصلاة. التركيز انا عارف الركعة الاولانية عملت فيها ايه؟ والركعة التانية عملت فيها ايه؟ والركعة التالتة عملت فيها ايه؟ ورابعة انا عملت فيها ايه؟ هو دا التركيز اللي احنا عايزينه - 00:37:13ضَ

فالجولة الخامسة معنا النهاردة مع الشيطان خد بالك هيعمل ايه هيجي لك ويبدأ بقى يشككك في عدد الركعات. يشككك في عدد الركعات. قال رسول الله صلى الله عليه وسلم حديس في الصحيحين. ان اه قال صلى الله عليه وسلم - 00:37:23ضَ

ان احدكم اذا قام يصلي جاء الشيطان. الله شفتم النبي اتكلم على كل جزئية من جزئيات هيعمل معنا ايه؟ بس للاسف مين اللي كان هيجمع لنا التجميعة دي؟ يا رب كده يتقبل منا هذه الدروس يا رب يتقبلها منا - 00:37:37ضَ

اه ان ان احدكم اذا قام يصلي جاء الشيطان فلبس على الانسان منكم صلاته حتى لا يدري كم صلى حتى حتى لا يدري كم صلى او ركعتين صلى ام ثلاث. تلاتة ولا اربعة صلى الركعة ولا اتنين. مش عارف - 00:37:51ضَ

فهنا ايه اللي يحصل؟ هنا لازم تكون مركز قوي. لازم تكون عارف انت عملت ايه وسويت ايه. علشان خد بالك ان دي جولة هو مستنيك فيها. هو مستنيك عند الجولة الخامسة. انت بفضل الله عديت من ده - 00:38:09ضَ

كله بس خد بالك هو في الجولة الخامسة واقف لك ومستنيك ومنتظرك تماما. خد بالك وانتبه. طيب انا فعلا لو هو قدر فعلا انه انه شككني فعلا. يعني انا الحمد لله كنت مركز على طول. وبعدي من الجولة دي. بس انا النهاردة في صلاة العشاء فعلا فعلا انا نسيت. اعمل ايه - 00:38:19ضَ

انا خلاص خلاص احنا هنعمل حاجة وهنجيب مناخيره الارض. نجيب مناخيره الارض الزايدة احنا مش عارفين الصلاة كم دلوقتي. قال النبي ما هو النبي اللي قال لك هو هيعمل معك ايه؟ قال لك برضو انت هتعمل معه ايه - 00:38:38ضَ

بحيس النبي صلى الله عليه وسلم هو اللي بيقول لك اسمع كلامي بس. لو سمعت كلامي صدقني هنجيب الشيطان الارض نعمل ايه يا رسول الله؟ فقال النبي صلى الله عليه وسلم فاذا جاء احدكم فاذا جاء احدكم يعمل ايه؟ فليتحرى. اتحرى شوية. اتأكد كده - 00:38:48ضَ

فضل شاكك فاذا لم يتبين فليبني على الاقل. يشوف اتنين ولا تلاتة لأ هم اتنين. طب تعيط على اربعة؟ لأ تلاتة. ابدأ على الاقل. طب وبعد كده قال النبي صلى الله عليه وسلم فاذا انهى صلاته فليسجد سجدتين بهما يرغم انف الشيطان. آآ الرغام والتراب. هتجيب انف - 00:39:06ضَ

في الارض. السجدتين دول ترغيما لانف الشيطان. يبقى حبيبي انت كنت مستنيني لا مش حبيبي. عدو انت كنت مستنيني في الجولة الخامسة. طب والله العظيم ده انا اجيب مناخيرك الارض. عشان بعد - 00:39:26ضَ

ما تجيش تقول لي انت صليت ركعتين ولا تلاتة. يا سلام يا سلام! هات مناخيره الارض. بس مش عايز تجيب مناخيره الارض. انا عايزك تبقى فاهم وواعي وعارف انت بتصلي ازاي. صليت اتنين ولا تلاتة. ماشي كده؟ دي الجولة الخامسة. الجولة الساتة. عديت من - 00:39:36ضَ

الذي بفضل الله انت واعي كويس اوي. واعي كويس جدا. انت صليت كم ركعة؟ هيستناك في الجولة الساتة. الجولة الساتة بينك وبينه الله اكبر انت صايم النهاردة ليه النهاردة كان خمستاشر - 00:39:50ضَ

هي طاولة طبخة ايه النهاردة طبخة لحمة ولا فراخ لا لا لا لا صح صح هي طبقة فراخ لان امبارح انا اجيب لها فرخة وهي قالت لي انا هعمل النهاردة فراخ - 00:40:06ضَ

ايه ده! ايه ده اسمع كده للنبي بيقول لك ايه خد بالك الجولة الساتة بيعمل فيها ايه؟ الحديس في الصحيحين من حديث ابي هريرة ان النبي صلى الله عليه وسلم ان احدكم اذا قام في الصلاة - 00:40:16ضَ

اقبل الشيطان بين المرء ونفسه يقول له اذكر كذا اذكر كذا لم لم يكن يذكر كل حاجة انت كنت ناسيها قبل الصلاة دخلت الصلاة الله اكبر جاب لك شريط حياتك كله من اوله لاخره - 00:40:27ضَ

جاب لك شيل حياتك قل اذكر كذا اذكر كذا فاكر كزا فاكر فلان عمل ايه؟ فاكر فلان فاكر سنين فاكر عين فاكر صبر فاكر الله الله ايه اللي بيحصل ده؟ اه ما هو كده - 00:40:44ضَ

هو الشيطان كده. هيجي لك في الجولة السابعة احنا في الست اول السابعة ستة ولا سبعة؟ نمت طيب في الجولة الساتة الجولة الساتة بيقول ان الشيطان النبي صلى الله عليه وسلم بيقول لنا فيها هيجي لك ويبدأ يفكرك بحاجات انت ما كنتش في كده خالص - 00:40:54ضَ

طب هنا اعمل ايه؟ طب هو بيفكرني بالحاجات دي ليه؟ شف النبي صلى الله عليه وسلم ماذا يقول ان العبد اذا توضأ فاحسن وضوء ثم قام يصلي ركعتين لا يحدث فيهما نفسه. اسمع من لفظ النبي لا يحدث فيهما نفس - 00:41:10ضَ

الا غفر له ما تقدم من ذنبه. يعني ايه؟ طب هو في حد اصلا على وجه الارض اصلا ما بيتجلهوش وسوسة في الصلاة لأ خد بالك خد بالك ان في فرق كبير قوي - 00:41:24ضَ

فرق كبير اوي اوي اوي اني اقول لك ان لا فعلا ممكن واحد يقوم يصلي ولا يحدث نفسه. فيه بس في فرق كبير قوي بين يحدث نفسه ونفسه تحدثه فرق كبير بين الاتنين. النبي لما قال لك قال لك رحمة بك لان عارف ان اي حد هيتوسوس له لا يحدث نفسه مش العكس. فهمنا يعني ايه لا يحدس نفسه او نفسه تحدسه - 00:41:37ضَ

الله اكبر انا بدأت الصلاة. نفسي قالت لي هي زوجتك طابخة ايه النهاردة؟ انا رديت على نفسي فقلت ده طابخة كزا وعاملة كزا وعاملة مش عارف ايه وعاملة اه اه - 00:41:59ضَ

النبي قال لك ان ما فيش انسان على وجه الارض الا ونفسه هيتحدسه في الصلاة بس انت ما تحدسهاش. هي طبخة ايه النهاردة؟ اعوذ بالله من الشيطان الرجيم. بسم الله الرحمن الرحيم. وتكمل صلاتك. ده هي زمان الاكل اتحرق على البوتاجاز - 00:42:10ضَ

بسرعة اجري اقفلي البوتاجاز الحمد لله رب العالمين. الرحمن هيجي الشيطان يفكرك بحاجات انت ما كنتيش فاكراها. خدي بالك خدي بالك من ده. خدي بالك. طب هنا اعمل ايه؟ استعيذي بالله ثلاثا - 00:42:24ضَ

استعيزي بالله واتفلي على يسارك ثلاثا ان شاء الله ربنا يبعد هذا الشيطان عنك طيب الجو رقم سبعة الجولة رقم سبعة جولة بتحصل من الشيطان في صوت الجماعة بالذات وانت نازل تصلي جماعة - 00:42:37ضَ

كل ده الصلوات اللي ممكن تكون في البيت او صلاتك في المسجد بس في صلاة الجماعة في جولتين مهمين اوي. الجولة السابعة بتقول ان الشيطان قبل صلاة الجماعة هيجي لك - 00:42:56ضَ

ويفضل يقول لك بص هو فيه ربع ساعة بين الاذان والاقامة اتصل على عمتك من باب صلة الرحم بسرعة وهتنزل بسرعة في خمس دقايق تنزل تصلي لك الركعتين سنة وهتبقى مزاجك ازاي بفضل الله. تلحق تكبيرة الاحرام والكلام ده. تتصل على عمتك انت فين ده - 00:43:07ضَ

دور عليك خير يا عمتي ده انا محتاجة منك كزا وكزا وكزا وكزا. وانا مش عارف عايزة كزا وعايزة كزا. طب دي نجيب بقى من الحتة الفلانية ودي نجيبها من الحتة الفلانية. طب يا عمتي حضرتك عايزة حاجة؟ اه الحمد لله مع السلامة - 00:43:25ضَ

حبيبي مع السلامة حبيبي. عايزين نشوفك مع السلامة. سلام عليكم. تقفل السماعة آآ تبص في ايديك كده ياه ده انت كنت نازل تصلي الضهر لا العصر هيأدن ايه اللي هيحصل؟ اللي هيحصل ان هو هيجي لك بين الاذان والاقامة يفضل يقعدك في البيت - 00:43:35ضَ

يقول لك على اعمل كزا سوي كزا. بص هو دقيقتين كده على النت. ارفع حديس بس على ارفع حديس على الصفحة بتاعتك. علشان عشرات ومئات من الناس يشوفوا الحديس ويبقى - 00:43:51ضَ

ده انت يا دوبك على ما تنزل تصلي وتيجي بعد ما ترفع الحديس يكون فيه مئات من الناس عملوا لك مش عارف كومنتات ومش عارف ايه وحاجات من كده تطلع تخش تلاقي في مشكلة على النت تفضل تظبط فيها وتعمل فيها وتعمل مش عارف ايه وتظبط ايه وتعمل ايه وتسوي ايه. تيجي تبص تلاقي ايه الصلاة عدت تلاقي الراجل بيقيم على ما تنزل بسرعة تيجي تدور على الشبشب - 00:44:01ضَ

اعزك الله تدورا على الحزاء بتاعك ما انتاش لاقيه. ما انتاش لاقيه. تدور يمين وتدور شمال على ما تلاقيه وتنزل بسرعة تتكعبل تقع على وشك على السلم على ما تقوم وتزبط نفسك وتطلع جري على المسجد تلاقيهم خلاص - 00:44:19ضَ

صلاة الجماعة او تلحقه في اخر ركعة دي جت منين؟ شف النبي صلى الله عليه وسلم ماذا يقول قال النبي صلى الله عليه وسلم ان الشيطان اذا سمع النداء اذا سمع الاذان ذهب حتى يكون بروحه. قلت لكم ده ستة وتلاتين ميل. خلاص ما عدش فيه اذان. الاذان الراجل خلص. عاد فاول - 00:44:29ضَ

عاد فوس وسيد اصبر شوية انتزر انت ليه تتوضأ قبل الاذان؟ الوضوء مش هياخد دقيقتين بعد الاذان اه انتزر دقيقتين بس دقيقتين بس اه على ما تقوم اه يخلص ادان على ما تقوم تتوضى وبعد كده تيجي تدور على القميص بتاعك ما انتاش لاقي قميص مكوي - 00:44:44ضَ

فتبدأ تكوي القميص بتاعك على مش عارف تعمل ايه. تلاقي نفسك نازل متأخر. قال رسول الله صلى الله عليه وسلم وهو ده اللي الشيطان عايزه. ولا يزال اقوام يتأخرون عن - 00:45:04ضَ

في الاول حتى يؤخرهم الله. في رواية صحيحة حتى يؤخرهم الله في النار عرفت الجولة السامعة من الشيطان وعايز منك ايه ؟ يا عم اقعد شوية يا عم. يا عم اقعد. اعمل اتصال اعمل كزا ، اعمل سوي كزا - 00:45:14ضَ

انزل اشتري للبت كزا وتعال بسرعة طب استنى شوية هكوي القميص قبل الصلاة طب ليه ما هو في وقت من الاذان والاقامة يفضل يبطأ يبطأ يبطأ يبطأ حضرتك آآ قومي بسرعة - 00:45:29ضَ

اغلي اللبن الاولاد هيشربوا لبن. عايزين يشربوا لبن. طب انا هغليه؟ طب انا هغليه قبل الصلاة؟ طب دقيقتين كده تنشغلي. تيجي تولعي النار قبل الصلاة. آآ ساعة الاذان على منمار تغلى على ما اللبن يغلي تجيب اللبن وتعملي الاولاد وتبدأي توزعي الاولاد واشرب يا ولد واشرب يا بنت واشرب مش عارف ايه انا هصلي اهو هصلي اهو تبص تلاقي - 00:45:39ضَ

بعد ما انت كنت منتزرة صلاة الضهر. يبقى هو عايز يعمل ايه؟ يأخر يأخر يأخر يأخر يأخر يأخر الناس. خدوا بالكم من دون لان ده جولة من اخطر الجولات للشيطان العلا - 00:45:59ضَ

انا ربنا يصلي قبل الاذان اصلا فيه وقت خلاص قم اتوضأ وصل وانزل انزل رح الجامع. خد آآ سواب انك تنزل المسجد بدري وتقعد تعتكف شوية لحد الاذان وبعد كده توضد الاذان في المسجد ما شاء الله لا قوة الا بالله. انا خايف عليك انك تدخل في هذا الحديس ولا يزال اقوام يتأخرون حتى يؤخرهم الله والعياذ بالله في النار. في النار والعياذ بالله. اوعى - 00:46:09ضَ

آآ الجولة دي الجولة تقيلة عليك تخلي الشيطان دايما يتقلها عليك. حيس والعياذ بالله بعد كده تلاقي نفسك يعني نسأل الله السلامة الجولة التامنة. الجولة التامنة هتعمل ايه؟ آآ الجولة التامنة الشيطان بعد ما الناس كلها بقى خلاص راحت المسجد - 00:46:29ضَ

آآ والجو الايماني في المسجد حاجة غير طبيعية. حاجة غير طبيعية. والناس كلها منتظرة الصلاة ومنتزرة الاقامة والكل رافع ايديه عمال يدعو ربنا سبحانه وتعالى اقرأوا القرآن وصلوا السنة ودعوا وعملوا كل حاجة جميلة. ما شاء الله. ايه اللي بيحصل يا جماعة؟ اللي بيحصل ان خلاص آآ اقيمت الصلاة. آآ الراحة بصورة عند الروحاء ورجع. راح المكان بعيد ورجع - 00:46:46ضَ

عشان ما يسمعش الاقامة. لو مش عايز يسمع الاقامة. راح بعيد ورجع هيسيب الناس؟ لا طبعا مش هيسيب الناس هيعمل ايه؟ هيبدأ يخش بين الفراج بين الناس. اه تيجي تقول للراجل اه اطلع قدام شوية. نزل ايدك دي ما تعمليش كده. ايه يا جماعة في ايه؟ هو في ايه؟ وده اه يطلع شوية وده يرجع شوية يخبطوا دماغهم في - 00:47:06ضَ

ادخل الحيطة انا هاقف كده وتلاقي فيه يدخلك الصلاة وانت عايز الراجل اللي جنبك ده تاخده كده تخبطه وصيتين وتدي له بنيتين كده وتنيمه هو ازاي يطلعني قدام اوي رجعني ورا ويا سلام بقى الناس كلها تطلع قدام. وبعد كده ييجي واحد ابن حلال يقول لهم لا لا لا غلط ارجعوا وراه ويرجعوا وراه. وواحد تاني يقول لا اطلع قدام. لا واحد يرجع ورا. انت - 00:47:25ضَ

ما فيش حاجة. لأ انت اللي وتلاقي حرب في قلب المسجد ده كله ليه؟ علشان واحد يطلع قدام واحد عشان نساوي الصف النبي بيقول ايه؟ قال النبي صلى الله عليه وسلم الحديس عند ابن خزيمة والنسائي وابن حبان قال النبي صلى الله عليه وسلم رصوا صفوفكم وقاربوا بينها وحاذوا - 00:47:47ضَ

اعناق فوالزي نفسي بيده اني لارى الشيطان يدخل في خلل الصف يخش كده من اقدام الناس ويحرش بينهم ويدي ده كتف قانوني ويدي ده مش عارف ايه ويعمل الجولة التامنة بتقول كده. الجولة التامنة بتقول هيخشوا بكم عشان يحرش بكم. تخش انت وسط الصلاة وانت مش طايق اللي جنبك. انت داخل الصلاة ما بتفكرش الا في حاجة واحدة بس. انت هتقول - 00:48:04ضَ

قل له ايه الكلمتين يحرقوا دمه بعد الصلاة. علشان كده كان النبي صلى الله عليه وسلم بيقول ان الشيطان قد يأس ان يعبده المصلون. الشيطان يأس ان الراجل اللي بيصلي ده هيعبده - 00:48:24ضَ

ولكن رضي بالتحريش بينهم. يفضل يحرش بين المصلين. اطلع قدام ارجع ورا. عشان كده كان النبي بيقول نحل دي ازاي؟ قال النبي صلى الله عليه وسلم لينوا في ايدي اخوانكم - 00:48:34ضَ

قال لك اطلع شوية. اطلع وخليك رجل لين هين. قال لك ارجع ورا. يبقى ترجع ورا وكان النبي صلى الله عليه وسلم خمس دقايق وكان النبي صلى الله عليه وسلم يقول كما عند احمد وابي داود لا تذروا فرجاة بينكم آآ للشيطان. طيب الجولة التاسعة. الجولة التاسعة - 00:48:44ضَ

آآ نقولها بعد الصلاة نقول اخر حاجة بعد الصلاة. آآ وبعد كده ان شاء الله لعل ان شاء الله الدرس الجاي نكمل بعض الجولات ونخش في ايه؟ في الجولة التانية من جولات الشيطان في كثير من الفتن اللي بيسبب لنا - 00:49:03ضَ

الجولة الجولة التاسعة يبقى احنا نزلنا جولتين اتنين بس. الجولة التاسعة بعد الصلاة. بعد الصلاة يا جماعة ان احنا ممكن نحصل اجور وقوة ايمانية غير طبيعية. انتم عارفين احنا بعد الصلاة بنقول سبحان الله تلاتة وتلاتين الحمد لله تلاتة وتلاتين الله اكبر تلاتة وتلاتين. صح كده؟ اه. وبنقول في تمام ان لا اله الا الله - 00:49:18ضَ

وحده لا شريك له الى اخر الذكر. عارفين ده اجره ايه عارفين ده اجره ايه؟ اجره هيديك دفعة ايمانية غير طبيعية. النبي صلى الله عليه وسلم يقول ان العبد اذا سبح دبر كل صلاة ثلاثة وثلاثين وحمد ثلاثة وثلاثين وكبر ثلاثة وثلاثين - 00:49:38ضَ

في رواية اربعة وثلاثين آآ ثم قال في سبيل الله لا اله الا الله الى اخر الحديث. قال النبي صلى الله عليه وسلم فقال في تمامه لا اله الا الله وحده لا شريك له - 00:49:52ضَ

له الملك وله الحمد وهو على كل شيء قدير. الا غفرت له ذنوبه وان كانت مثل زبد البحر. مهما كانت زنوبك بعد ما قلت الاذكار ده هي ربنا يغفر لك. انت متوقع - 00:50:02ضَ

ان الشيطان ممكن يعدي حاجة زي دي ؟ لأ مش هيعديها طبعا. ولكن هيجي لك بعد الصلاة. هيجي لك بعد الصلاة. ويقول لك اطلع بسرعة ده انت نسيت حاجة في البيت اطلع بسرعة الحق - 00:50:12ضَ

اطلع بسرعة الشغل اطلع بسرعة. اطلعي بسرعة اقفلي النار. اطلعي بسرعة اعملي الاكل. اطلعي بسرعة اعملي كزا. يفضل يفكرك بحاجات كده لحد ما بسرعة تقومي جري وتسيبي ده شفتم حتى الصلاة انتهت. يعني الصلاة خلصت. مش هيسكت مش يا جماعة هو مش هيسيبنا. هو مش هيسيبنا. فلازم نكون فاهمين واعين. اسمعوا الحديس ده. يمكن - 00:50:22ضَ

بعضنا هيسمعنا لاول مرة نسمع كده. الحديث رواه ابن حبان وابو داوود في السنن من حديث عبدالله بن عمرو ان النبي صلى الله عليه وسلم قال خصلتان لا يحصيهما رجل الا - 00:50:42ضَ

دخل الجنة خدت بالك هتعملهم ما فيش حد هيداوم عليهم الا ويكون خلاص بقى رجل من اهل الجنة. قال النبي صلى الله عليه وسلم هما يسير ومن يعمل بهما قليل - 00:50:52ضَ

ياه! تدخل الجنة على طول وحاجات يسيرة! ده الجنة حفرت بالمكاره. لأ هم النبي يقول لك هم حاجات يسيرة جدا. ولكن اللي بيعمل وهم قليل جدا. ايه هم يا رسول الله - 00:51:06ضَ

قال يسبح الله دبر كل صلاة عشرا. ويحمده عشرا ويكبر عشرا. ده دليل ان ممكن اقول تلاتة وتلاتين وفي بعض اوقات اقول عشرة طيب هسبق عشر مرات واحمد عشر مرات واكبر عشر مرات. قال فذلك مائة وخمسون باللسان. يعني ايه مية وخمسين باللسان؟ ده هم تلاتين. ما هم تلاتين في خمس صلوات يعني مية وخمسين - 00:51:16ضَ

فذلك مائة وخمسون باللسان. طيب في الميزان اضرب في عشرة على طول. والف وخمسمائة في الميزان. الف وخمسمائة في الميزان. طب والتانية؟ الخصلة التانية؟ قال النبي واذا اوى الى فراشه لما تيجي تنام سبح وحمد وكبر مئة - 00:51:36ضَ

سبح وحمد وكبر تلاتة وتلاتين تلاتة وتلاتين اربعة وتلاتين فتلك مائة باللسان والف في الميزان. قال فقالوا يا رسول الله كيف لا يحصيها؟ كيف لا نحصيها؟ طب ما هي يسيرة كده كيف نحصي؟ معلش دقيقة واحدة بعد اذنكم. دقيقة واحدة بعد اذنكم - 00:51:52ضَ

فقالوا يا رسول الله كيف لا نحصيها؟ فقال النبي صلى الله عليه وسلم يأتي الشيطان احدكم وهو في الصلاة حتى يقول اذكر كذا اذكر كذا اذكر كذا حتى ينفلت ولعل - 00:52:06ضَ

انه لا يفعل ويأتيه عند مضجعه فلا يزال ينومه ده لفظ النبي صلى الله عليه وسلم ينومه حتى ينام. حتى ينام. يبقى اذا هيجي لك ويقول لك ما تسبحش بعد - 00:52:16ضَ

لان دي حاجة تدخلك الجنة. حاجة بها يغفر لك الذنوب. فهيجي لك حتى الصلاة مش هيون. انا قلت لك همته عالية قوي. فلازم تكون واعي كده. اقعد بعد الصلاة سبح ربنا - 00:52:26ضَ

واحمد عشان تحصل هذا الاجر العظيم. يا ترى الجولة التانية مع الشيطان هتكون ايه؟ ده بازن الله نعرفه الدرس الجاي. اسأل الله سبحانه وتعالى لي ولكم التوفيق والسداد. ويا يا ريت ان شاء الله نخش على الصفحة يا ريت يعلنوا الصفحة الان على على الشاشة على صفحة الفيسبوك بحيس ان شاء الله يكون فيه تواصل بينا وبين بعض وصلى الله على نبينا محمد وعلى اله وصحبه وسلم. والسلام عليكم - 00:52:36ضَ

ورحمة الله وبركاته رحلة العمر الطويلة منحة الله الجميلة بعضهم قد افسدوها - 00:52:56ضَ