باحث

نبي الله حبك في الحنايا كما المزني صبا صبا تعانقه السرائر وهي عطشا ان الحمد لله تعالى نحمده ونستعين به ونستغفره. ونعوذ بالله تعالى من شرور انفسنا وسيئات اعمالنا من يهده الله فلا مضل له ومن يضلل فلا هادي له. اشهد ان لا اله الا الله وحده - 00:00:00ضَ

لا شريك له واشهد ان محمدا عبده ورسوله صلى الله عليه واله وسلم. اللهم صل على محمد وازواجه حريته وال بيته كما صليت على ال ابراهيم انك حميد مجيد. وبارك على محمد وازواجه - 00:00:40ضَ

وال بيته كما باركت على ال ابراهيم انك حميد مجيد. اما بعد فان اصدق الحديث كلام الله تعالى الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل - 00:01:00ضَ

ضلالة في النار. ثم اما بعد فهذا مجلس آآ من مجالس سيرة النبي صلى الله عليه واله وسلم. وهو ايها الاخوة كما تعلمون مفتتح بهذا التفتيش. على ما وقر في قلوبنا من الشوق له والايمان به وتفديته صلى الله عليه واله وسلم. صحيح - 00:01:20ضَ

فما هي اخبار الشوق للنبي عليه الصلاة والسلام ايها الاخوة. وهذا كما قلت واقول انه من اصول الايمان. اصل من اصول الايمان ان يحب المرء رسول الله صلى الله عليه وسلم وان يفديه بنفسه. فان هذا هو مجمل الايمان به. مخطط الايمان به - 00:01:50ضَ

صلى الله عليه واله وسلم. والحق ايها الاخوة انني كما تعودنا سويا اه معي اثر من اثار المشتاقين المحبين الصادقين. من اسلافنا لنرجع الى هذه العتيدة التليدة تلك التي كانت الامة بها تتزن. اذا ما لحت الفتن - 00:02:20ضَ

ووقعت المحن. ففي غزات احد كانت فيها بطولات عدة في تفتية الصحابة لرسول الله صلى الله عليه وسلم بانفسهم. حتى كان بعضهم يدعو الله عز وجل مبتهلا كطلحة بن عبيد الله رضي الله عنه. وهذا امر فهمته ايضا مؤخرا. كنا نحفظ انه رضي الله عنه - 00:02:50ضَ

كان يقول طأطأ رأسك يا رسول الله نحري دون نحرك. مش كده؟ في غزوة احد. لما اثخن رسول الله بجراحه واراد المشركون ان يجهزوا عليه فوقف رضي الله عنه واخذ ينضح بالنبل عنه صلى الله عليه واله وسلم حتى - 00:03:20ضَ

وقع سهم في يده فشلت. في قوله نحري دون نحرك كنا نفهم ان نحري دون نحرك يعني انا اقول انا اموت فداء لك. لو خيرت بين ان تخدش انت وان اقتل انا يبقى اقتل انا - 00:03:40ضَ

انما قريبا وقفت على كلام لبعض اهل العلم يقولون نحن دون نحرك اي يدعو الله عز وجل ان يجعل نحره دون نحره. عليه الصلاة والسلام. يعني بيقول يا رب اموت. اموت انا وافديه. فكأنه جمع الفعل والايه - 00:04:00ضَ

الفعل والدعاء ففي الحقيقة غزوة احد كانت هزيمة وهي وان كانت هزيمة الا ان الامة كانت تتألق. حتى في هزائمها وفي بعض مطباتها وسقطاتها ووهودها. لكن هذا المثال مثال عجيب جدا ايها الاخوة وما اكثر ما ترى من - 00:04:20ضَ

في اصحاب النبي عليه الصلاة والسلام. وهذا صحابي فهذا صحابي لا يحفظ اسمه كثير منا. وهو وعمارة ابن يزيد ابن السكن. رضي الله عنه. في غزوة احد تعلمون ان النبي عليه الصلاة والسلام اسخن - 00:04:40ضَ

الجراح قريش اه علمت انه لو قتل رسول الله رجع ابناء العم. واستقامت تلك التي كانت قد اعوجت القنوات ورجعت المياه الى مجاريها. فكانوا يقصدون رسول الله صلى الله عليه وسلم قصدا. كانوا يقصدونه قصدا - 00:05:00ضَ

فأسخن جدا كسرت رباعيته وشج وجهه وآآ وكان في رأسه جرح كاد الا يندمل حتى جاءت فاطمة رضي الله عنها بحصير فاحرقته وجعلته في هذا الجرح. زي ما احنا بنكبس ببن كده. جابت حصير وخلته السومات كده - 00:05:20ضَ

حتى هدأ الدم الدافئ منه عليه الصلاة والسلام. في هذه في هذه بين هذه الجراحات بالكاد صعد النبي الى جبل احد. وجلس عليه مطمئنا فاذا بالمشركين يريدون الاجهاز عليه ايضا - 00:05:40ضَ

فخرجت بعض البطولات كان من اغربها ان لم يكن قد كان هذا الموقف هو الاغرب مطلقا هو موقف في عمارة ابن يزيد ابن السكن رضي الله عنه فان عمارة رضي الله عنه قام امام سرية كاملة من المشركين واخذ ينضحهم بالنبل ويضربهم بسيفه - 00:06:00ضَ

حتى يحوشهم عن النبي عليه الصلاة والسلام. فاخذ يدفع فيهم ويدفع فيهم وهم يدفعونه حتى ثار المسلمون في وجوههم بعض المسلمون بعض المسلمين يعني خد باله ان فيه ايه راحوا اتجهوا نحو نحو هزه المعركة فساروا في وجوههم حتى دفعوهم وردوهم - 00:06:20ضَ

فسقط عمارة رضي الله عنه على الارض من شدة ما لاقى من جراح كان كان يحتمل عشان ما يسبش السغر ده عشان ما يرجعش ورا ، لكن ضرب بجراحات كسيرة جدا زي بالزبط سيدنا طلحة، رضي الله عنه، وكانت رجليه مصابة اصابة بالغة. فلما رأى رسول الله لا يستطيع - 00:06:40ضَ

ان يقوم بنفسه قال رأيت رسول الله بدا بدا يعني مش قادر يمشي لوحده عليه الصلاة والسلام من شدة ما ناله من من الجراحة قال فدخلت تحت ابطه واعتمدت على رجلي وتحاملت حتى لا يرى رسول الله ان في رجلي شيء فيستحيي - 00:07:00ضَ

يلاقي رجليا فيها حاجة يقوم قايل لي لأ خلاص سيبني بقى عشان انت مجروح. مع انه كان جرحه شديد جدا. فاكرمه الله عز وجل بهذه الكرامة. قال فما ان دخلت تحت ابطه - 00:07:20ضَ

صلى الله عليه وسلم وحملته حتى وجدت قدمي عادت صحيحة. كأن ما فيهاش جروح ومشي عليها كويس جدا. لكن موقف عمارة بقى حصل ايه؟ ان عمارة سقطت والنبي صلى الله عليه وسلم تعبان مرهق جدا فقاعد مش قادر يقوم. لما وجد هجوم هؤلاء قال من يشتري من يشترينا اليوم - 00:07:30ضَ

بنفسه شف العبارة دي مين يشتريني النهاردة بروحه فسار بعض المسلمين كان عمارة منهم سقط عمارة رضي الله على الارض فلما رآه رسول الله مدرجا في دمه ما قدرش يقوم له. الرواية ما بتقولش كده بس احنا عارفين ان النبي صلى الله عليه وسلم دور على جليبيب - 00:07:50ضَ

بنفسه مش كده؟ فانا عارف خلقه بقى عليه الصلاة والسلام الدامس العظيم الشريف. فما رضيهم مش قادر يقوم له من شدة ما وجد. فقال اتوني عمارة اسحبوه جروها هتوه عندي هنا. فلما سحبوه اليه وقع على ساق على قدم رسول الله صلى الله عليه وسلم - 00:08:10ضَ

انا عايزك تتصور كده النبي صلى الله عليه وسلم قاعد مش راضي يقوم فكأنه فارد رجله فسيدنا عمارة جروه والمسلمين وهم كمان مجروحين اللي بيجروه فمش قادرين. لكن ما من امر رسول الله بد - 00:08:30ضَ

لما يقول كلمة تبقى هي الكلمة. فاتوا به حتى جاءوا الى قدم رسول الله صلى الله عليه وسلم. فوضع عمارة وجهه على قدم رسول الله صلى الله عليه وسلم ثم سكن فلفظ انفاسه. شفت الحتة دي - 00:08:40ضَ

فيا على الرأي الزهبي ولهفاياه من وسادة يتوسدها المرء مثل وسادة عمر ابن يزيد. مش كده؟ توست قدم رسول الله صلى الله عليه وسلم. وشوفوا يا اخوانا كأن حتى سكرة الموت هدأت - 00:09:00ضَ

كأني به قد هدأ واطمئن. او المحطة راسه على رجل النبي عليه الصلاة والسلام. فاستسلم للموت وهنيئا بالموت وانا في الحالات مش كده ولا ايه؟ الشوق ايها الاخوة الحب الصادق له عليه الصلاة والسلام انما هو رفعة الامة. ما شاء الله - 00:09:20ضَ

انما هو رفعة لهذه الامة. هذه الامة ابدا لا تهزم وابدا لا ترجع القهقرة. وابدا لا تغلب اذا كان كانت تلك المعاني عندها هذه المعاني الايمانية ونستخرج من الكتب ما نقوم به كمثال - 00:09:40ضَ

على وجه الارض. مثال بالامس كان عندنا آآ درس لا زال يشبهني. كنا بنتكلم في القضاء والقدر انا هقبلها بس بعد الدرس. كنا بنتكلم في القضاء والقدر وانتم عارفين القضاء والقدر له - 00:10:00ضَ

كان اربعة ان الله علم كل شيء وكتب كل شيء وخلق كل شيء وشاء كل شيء. مش كده افطر فاحنا بنتكلم في الكتابة بالامس. كتب الله مقادير الخلائق. قال الله عز وجل اول ما خلق الله كان الله ولم يكن - 00:10:20ضَ

شيء ما كانش فيه حاجة خالص. كان الله ولم يكن شيء. لا العرش بقى ولا السماوات ولا الارض ولا ما بينهما ما فيش حاجة خالص خالص خالص. الاول بلا ابتداء سبحانه وبحمده ليس الاول فليس قبله شيء. كما قال عليه الصلاة والسلام - 00:10:50ضَ

فخلق الله القلم ثم قال للقلم اكتب. وده معنى ايضا لاح مؤخرا. مش خد بالكم يا اخوانا قال الله مش الحديس ده صحيح؟ في الصحيحين ده. حديس عمران بن حصين. قال الله - 00:11:10ضَ

او للقلم اكتب. فايه اللي حصل؟ قال القلم وما اكتب يا رب؟ قال اكتب مقادير الخلائق الى يوم القيامة فالقلم عمل ايه يا اخوة؟ كتب. الله! هو فيه قلم بيكتب لوحده! انتم معي ولا آآ ولا ايه - 00:11:30ضَ

ولا انا اتأخرت هو انا شوف انا هقول لك على حاجة قبل ما عشان ما نبقاش زعلانين من بعض يعني. انا كنت واصل على ساعة الصفر يعني انتم مسلمين كده كنتم هتبصوا وراك تلاقيني. انما انا في الحقيقة طول عمري كده لا باحفظ اسماء شوارع الا في النادر - 00:11:50ضَ

في حتتنا. اعرف الشارع وما اعرفش اسمه. ولا اعرف الطرق ولا احفظها جيدا. وآآ وهو طريق واحد تعلمني كده اخش منه لو غيرته اتوب. فانا بخش من الصينية اللي عندكم برة دي. لقيت ونش واقف برة سادد واقف في الشارع سده - 00:12:10ضَ

صح؟ اقول لهم قل لهم الونش سده وما فيش دخلة ولا حاجة. طب انا اخش منين؟ ما هيش حافز الا هو ده فقمت آآ ماشي بقى لحد ما وصلت التوحيد والنور ودخلت عارفين الدخلة اللي هناك دي خالص؟ لحد ما شبرا ولفيت - 00:12:30ضَ

ها؟ يعني كان هو ده اللي اخرني فده زنبكم كان لازم حد يقول لي ان الشارع مقفول وتخش منين والكلام ده القصد ايها هو مين اللي بيتكلم في السر هنا؟ كنت عايز انا اتفسح - 00:12:50ضَ

فبقول لك انا عايزك تاخد بالك ان عندنا كنوز في كتب اسمها كتب العقيدة كنوز بس الكنوز دي ليه؟ لان احنا قاعدين نحفز ونقول بس. ما عدتش تفرغ لها من رأسك شيء. ولا من مشاعر - 00:13:10ضَ

قلبك شيء عشان تنضح على جوارحك وتشتغل. قال الله للقلم اكتب. راح القلم كاتب لوحده. انتم واخدين بالكم يا اخوانا القلم كتب لوحده لما تربط ده كده اللي وقع في نفسي قول النبي عليه الصلاة والسلام - 00:13:30ضَ

في ايام المهدي وتخرج الارض بركتها. حتى يأكل الفئام من الناس رمانة واحدة. رمانة رمانة. يقعد عشرة خمستاشر عشرين نفر ياكلوها. الرمانة. ولما يخلصوا اكل يجيبوا القشر القشرة بتاعتها نص القشرة دي يروحوا رافعينها على على على عمود ويعملوها دول ليرة شمسية. هي الرمانة دي قد ايه؟ تخرج لكن خد بالك من - 00:13:50ضَ

بقى البركة دلوقتي موضوع ان ايه؟ قال الالم اكتب راح القلم كتب وقال للارض اخرجي بركتك راحت الارض. خرجت له الله يعني احنا يعني احنا على هزه العقيدة ما يتقالناش احنا احنا في ازمة اقتصادية. صح ولا لأ؟ يتقال لنا احنا كده - 00:14:20ضَ

على هزه العقيدة اخرجت الارض بركتها؟ لأ ما يتقالناش احنا كده ، ده انت بس تبقى عبد لله تقوم تلاقي الارض اخرها الارض هتخرج لوحدها مش كده ولا لأ؟ هتخرج الارض تحط فيها بجنيه تخرج لك بمية جنيه. مش حطيت فيها بزرة رمانة قد كده - 00:14:40ضَ

خرجت لك رمانة قد الجامع. قال عبدالله ابن الامام احمد وجدت في جراب ابي بعد ان توفي حبة حنطة. حنطة اللي هو ايه ؟ قمحاية حتة قمحا. حبة حنطة حبة قمحاية حباية - 00:15:00ضَ

شف خد بالك مكتوب عليها هذا ما كانت تخرجه الارض زمن البركة. يبقى الحباية دي قد ايه عشان اكتب علي انا كل الكلام ده. دي برتقاناية مسلا بطيخة! الحباية! هذا ما كانت تخرجه الارض زمن البركة - 00:15:20ضَ

من كان قلبه معلق بالله لا يشك. سخر الله ولزلك يا اخوة ابدا ما كانش اصحاب النبي عليه الصلاة والسلام يمشوا كده في في القضايا المادية فقط. المعادلات الارضية لأ. كان عنده معادلة غيبية لازم تبقى فيه معادلة في السماء - 00:15:40ضَ

مش كله في الارض كده ابدا. عشان كده لما لما نزل عقبة بن عامر رضي الله عنه في منزل وقيل له هذا ليس بمنزل هل هذا هو المنزل؟ ده هو ده منزل حمم للاعداء واستراتيجي. قالوا له ما هو في الحقيقة فعلا كده بس انت مش هتعرف تقعد في الارض دي - 00:16:00ضَ

قال لما؟ قيل له ملئت بالحيات والعقارب والاهوال. وحوش وشباع وارض غابة قام عقبة بن عمرو رضي الله عنه راح متوضي وقام على حتة عالية تصور قام على مكان عالي كده ونده على الاسود والنمور والسحالي - 00:16:20ضَ

والتعابين وقال ايته وقال ايتها الحشرات والهوام والسباع انا جند رسول الله صلى الله عليه وسلم. وانما جئنا فليرفع راية الله عز وجل. فان كنتم ستفعلون نتركها لكم والا اتركوها لنا. اللي بيروي القصة - 00:16:40ضَ

ويقول والله لقد رأيت كل ام تخرج حاملة لولدها. الاسد شايل ابنه فوق دماغه والحية شايلة ابنها فوق دماغها والعقربة شايلة هل تصدقون زلك؟ ده تاريخ مكتوب منقول لنا بالاسانيد. المعادلة لازم تخرج من هذا ايها الاخوة - 00:17:00ضَ

في الحقيقة ده امر كان يعني آآ مش هو ده اللي انا كنت عاوز اقوله. انما قال الله للقلم اكتب فراح القلم كاتب لوحده وما تنساش ان الالم كتب لوحده والارض طلعت البركة. علشان يبقى قلبك ساكن ما تتهددش. لما - 00:17:20ضَ

صوموا يا اخوة في رمضان بنعلم مقدار قول النبي عليه الصلاة والسلام او في شعبان. بنعلم مقدار قول النبي عليه الصلاة والسلام لما واصل اصحابه فقال لا تواصلوا فقالوا انك تواصل يا رسول الله. قال اني لست كهيئتكم اني ابيت عند ربي - 00:17:40ضَ

يطعمني ويسقيني. يعني ابيت عند ربي فاطعم من هناك. واسقى من هناك. مش كده ابيت عند ربي فيطعمني ويسقيني. هذا الطعام جعله يستغني عن الطعام اللي هو بتاعنا احنا ده. فالله عز - 00:18:00ضَ

قدير على ان يسكت الناس شبعا دون ان يأكل احد شيئا صح؟ ولا انت ولا انت برضو لا زلت شاكك؟ حتى انك شاكك يبقى هتفضل المعادلة مش في صفك لان هو فعلا الحالة مش في صفك. الحقيقة. جزاك الله خيرا. وعليكم السلام ورحمة الله وبركاته. انما هذا ينبغي ان يرتكن عليه - 00:18:20ضَ

اليقين اول ما خلق الله القلم فقال له اكتب فكتب. قال وما اكتب؟ قال اكتب مقادير الخلائق الى يوم القيامة خد بالك بقى كتب القلم فين؟ مقادير الخلائق دي فين؟ مكتوبة فين؟ في نوح المحفوظ مش كده - 00:18:40ضَ

اللوح المحفوظ ده لوح مكتوب فيه مقادير كل شيء. مش انت بس البشر بس ولا آآ اه ده الانس والجن والحيوان والنبات والجماد وكل كل حاجة مكتوب فيها. قال ابن عباس ان رفعك يدك الى خدك - 00:19:00ضَ

يعني ايه بقدر؟ يعني مكتوب. الساعة الفلانية هترفع ايدك كده فلان هيرفع ايده ويعمل كده. هيقعد دقيقتين تلاتة وينزلها تاني وبعدين فهمت راجع حطها تاني انت واخد بالك من الحكاية دي. كل ده مكتوب لازم تؤمن بكده. كله مكتوب بالتفصيل. بالتفصيل - 00:19:20ضَ

اليوم الفلاني من من ايام الشتاء ستمطر السماء. حتمطر السماء كزا نقطة. ده علمها عند ربي في كتاب لا يضل ربي ولا ينسى. وعنده مفاتح الغيب لا يعلمها الا هو. ويعلم ما في - 00:19:40ضَ

في البر تفصيلا يعني والبحر تفصيلا. وما تسقط من ورقة الا يعلمها الامر ده لازم لازم توقن علي عشان ما تخافش من حد وما تخافش من الزروف. كله مكتوب كله مكتوب بقول لك لما لما - 00:20:00ضَ

لما بنقول مكتوب ديت بفتكر كلمة عمر المختار رحمه الله لما دخل على المجرم جرادسياني وقال له هاموتك موتة الناس كلها تتحاكى عنها وراح باصص له وشه حمار خضار آآ اترعب. طب معلش يا باشا ما حصلش الكلام ده. عمل ايه؟ قال فهز كتفه وقال مكتوب - 00:20:20ضَ

ده مكتوب انت مش هتعمل حاجة الا اللي مكتوبة لو مش مكتوب مش هتعملها لو انت سوقت علي اهل الارض جميعا صح ولا لأ لازم توقن يا غلام اني اعلمك كلمات. اه طب هو لو قال له يا غلام كلمه على طول ما انا اكيد هتعلم لكن خد بالك زي ما قال كده - 00:20:40ضَ

عليه الصلاة والسلام يا معاز والله اني لاحبك. فانا هاقول لك كلام غالي. تلفت نظرك له اكثر. كله مكتوب ايها الاخوة ومش ده برضه موضع اللي انا بحكي عشانه وان كانت احاديث التوحيد لها شجون. نسأل الله عز وجل ان يمتعنا واياكم بتوحيده - 00:21:00ضَ

وان يعرفنا واياكم على كلمة توحيده. قال له اكتب قال وما اكتب؟ قال اكتب مقادير الخلائق الى يوم القيامة كتبها فين في اللوح المحفوظ؟ فلا تسأل بقى اللوح ده قد ايه؟ قد ايه؟ ده كبير جدا ده - 00:21:20ضَ

مكتوب فيه مقادير كل الناس كل الخلق مش هقول لك من لدن ادم ده مكتوب فيه المقادير من ايام ما كنش فيه الا القلم واللوح. كان الله ولم يكن شيء ثم خلق القلم وقال اكتب. مش كده؟ ما كانش فيه حاجة خالص. فالقلم ده مكتوب في تفاصيل العرش وبناءه. وهيئته. وتفاصيل الملايكة اللي - 00:21:40ضَ

مش هيلاقوا خلق الملائكة وخلق السماوات. ده مكتوب في كل حاجة. فتصور ده يبقى قد ايه واللي اعجب من كده متشال فين هو فين ده انهي مكان يسعى وده متشال فين؟ ما يعلم ملك ربك ما لك بقى آآ ما لك بقى الملك بقى - 00:22:00ضَ

بجد مش الملك المستعار ملك الملوك سبحانه وبحمده. كتبه في هزا اللوح. اللوح ده ايه بقى اللوح ده قال ابن عباس من ياقوتة. اطرافها من نور. وهو ده اللي انا بقى بقول لك على - 00:22:20ضَ

اللي لفت نظري وشدهني من ليلة الجمعة. من ساعة يوم الخميس بالليل لحد الجمعة لحد دلوقتي كده والواحد ايه لا زال دماغه معه لوح يعني يعني مسلا هو طبعا مش كده اللوح بس ايه مسلا نتصور لوح لوح كده من - 00:22:40ضَ

ياقوتة من ياقوتة اطراف اللوح منورة. متصور يبقى شكله جميل ازاي؟ ده اللوح. فاللي طرق في دماغي ايها الاخوة مقامات ثلاثة. المقام الاول ان الله لما اراد ان يكتب مقادير خلائقه كتب في ايه؟ في ياقوتة - 00:23:00ضَ

كتب في ياقوتة تعرف بقى اسم الله الجميل تعرف اسم الله النظيف؟ تعرف اسم الله القدوس؟ الطاهر يعني؟ شف لما اراد انه يكتب كتب في ايه كنت بقول للاخوة امبارح اني واحنا بنقرأ في مزكرات اللواء محمد نجيب وحبوا يشيلوا الملك فاروق بقى خلاص تلاتة وعشرين يوليو - 00:23:30ضَ

راحوا يقولوا له اتنازل عن العرش راح محمد نجيب واخد الورقة كتبها السمهوري ودخل عليه قال للملك فاروق خد الورقة دين آآ يعني آآ امضي عليها التنازل عن العرش. كان في بينه وبينه حوار مش قضيتنا الحوار ده. المهم يعني ان فاروق كان مضطربا للغاية لدرجة ان هو لما استبدلها بورقة اخرى وكتب له كلام - 00:24:00ضَ

من كده بيقول لك من كتر اضطرابه ومضي تحت وفوق. ما كانش متوقع فاروق ان حد يقول له انزل متكبر قوي قوي وحاجة. المهم يعني انه لما ادى له الورقة في الاول - 00:24:20ضَ

محمد نجيب عارف عمل ايه فاروق؟ عارف عمل ايه؟ بص في الورقة كده وقراها قال له انا هتنازل حاضر. بس اكتبها في الكلام صف احسن من كده. اكتبوا بلغة اعلى من كده. وقال له حطه على ورقة احسن من ده. ما تدينيش ورقة اكتبه على ورقة آآ - 00:24:30ضَ

اللي هي بيسموها كم كم جرام دي ولا تقلها؟ تقلها قد ايه؟ الورقة بتوع الاخوة بتوع الورق بقى الشيخ محمد صلاح مش عارف فين ما جاش بتاع الورق الورق قال له عايز ورقة تقيلة هات لي ورقة محترمة نكتب عليها. ورجع محمد نجيب فعلا وجاب له ورقة تانية عشان يمضي عليها. انتم متصورين يا اخواننا - 00:24:50ضَ

وطبعا ده ما فيش ده ما فيش مسال ولا حاجة ده انا بقول لك بس شف بتوع الدنيا. نزاهة. النزاهة دي تسوى عندنا لما عن ربنا بقى لان الكلام عن ربنا توقيفي. ما اعرفش اتكلم كلام من دماغي. اقول ايه؟ اقول النزيف. ان الله نظيف - 00:25:10ضَ

يحب النظافة وجميل يحب الجمال. اللي لفت نظري في اللوح اني شفت ربنا الجميل النزيف القدوس لما انه يكتب كتب فيلم في ياقوتة. ما توحد يا عم. امال ايه يا اخوي بص لي ليه كده النهاردة - 00:25:30ضَ

في ياقوتة شفت شفت العظمة؟ ده مقام. المقام التاني انا كنت قاعد خطر في بالي دوت وانا قاعد عايز اقرا الورد يعني فقدام المصحف فلما انتهيت من هزا المقام قلت طب ما الياقوت انا طبعا انبهرت بالياقوتة قاعد متصور - 00:25:50ضَ

ياقوتة كده بيضا قوي وبتلمع قوي وحاجة اعزم من الرخام الهندي اللي هو بيقول لك احسن رخام ده حاجة عظيمة جدا ما تتصورش واطرافها منورة ياقوتة فقلت طب ما احنا عندنا عندنا اثر من الياقوتة ده عندنا في بيوتنا الياقوتة دي مكتوب فيها افعال الله - 00:26:10ضَ

توفي كلام الله. افعال الله عز وجل القدر. فلان هيموته وفلان حاحيه وفلان مش كده ومكتوب فيها كلام الله اللي هو القرآن. لما دخل لما لقي رجل الوليد ابن عبادة ابن - 00:26:30ضَ

قال له قال له ما ما اوصاك ابوك قبل ان تموت قبل ان يموت اللي هو سيدنا عبادة ابن الصامت رضي الله عنهما فقال قال لي يا بني اتق الله ولا تموتن الا بعد ان تؤمن بالقدر. اوعى تموت وانت مش مؤمن بالقدر ابدا - 00:26:50ضَ

اتعلم ان ما اصابك لم يكن ليخطئك وما اخطأك لم يكن ليصيبك ليصيبك فان لم تؤمن بذلك دخلت النار فقال الوليد بن عبادة انه مكتوب عند الله عز وجل في اللوح قبل ان يخلق السماوات والارض - 00:27:10ضَ

تبت يدا ابي لهب وتب. تصور ولسه لا فيه ابو لهب. ولا ابو جهل ولا ده انت بتأوي الى ركن شديد شديد. فعجب من المؤمن اللي قلبه يرتجف الى احداس ويخاف وانكمش على نفسه والحاجات اللي احنا بنشوفها دي. حد يؤمن حد يعرف ان سيده ده. هذا هو سيده ومولاه. وهو من يدفع عنه - 00:27:30ضَ

وهو من خلقه وهو من تكفل برزقه وحياته واماتته. وهو من يشفيه عند مرضه. حد يبقى له هذا الولي ويخاف من حد تاني ويعمل حساب حد تاني ويخاف حتى من الزروف ده ينفع كده - 00:28:00ضَ

فمن جملة ما كتب في اللوح كلام الله اللي هو ايه؟ القرآن. فبصيت للمصحف الله! ده احنا عندنا اثر من الياقوتة الياقوتة اللي عجباني قوي دي عاجباني قوي الياقوتة دي يا اخوة والله عاجباكم ولا لأ والله والله بجد بالله عليكم مش حاسس كده ان انت حاسس - 00:28:20ضَ

حاجة جمال ياقوتة اتكتبت مقاديرنا في ياقوتة ايها الاخوة. ازا احنا عندنا اسر من فقلت امال ايه الحال مع المصحف بقى؟ ايه اخبار المصحف عندنا؟ انت بتحط المصحف على انهي رف؟ انا انا قلت لروحي كده. المصحف - 00:28:40ضَ

مصحف قطع كبير كده بقرأ فيه فلقيته الجلدة بتاعته كنت عملتها وبعدين اتقطعت تاني اللزق فك. وحطه قدامي قلت حتى عيب عليك يبقى عندك اثر من الياقوتة ومقطوع؟ الجلدة مفكوكة؟ انهي حامل بتحط عليه المصحف؟ انهي رف - 00:29:00ضَ

المصحف نسخته ايه ؟ بيقعد عندك قد ايه المصحف؟ لحد ما تغيره. امبارح زكرته ان شيخنا الشيخ يعقوب حفظه الله ما رأيته اخرج مصحفا الا جديدا. ابدا لو ضرب مسال هو دايما كده تلاقي عدة الجلابية فيها المصحف. فيروح خارج المصحف لو حب - 00:29:20ضَ

نقول مسلا آآ المصحف كتابه لاي حاجة بيخرج عشان المصحف يخرج لك نسخة جديدة. فده خطر ببالي وانا بقول الاهتمام بالمصحف وكده فكان بعض الناس اللي هم لاصقين جدا بالشيخ قاعد في الدرس امبارح. فقال للشيخ لا يزيد في المصحف - 00:29:40ضَ

على ختمة واحدة بس. يجيب المصحف يختم ختمة ويهبه لحد من الاخوة. خده لك ويجيب مصحف تاني. فلا ترى المصحف الا بشوكه. ما زال جديدا. المصحف ايها الاخوة يعني آآ يعني انا عايز استفيد من الكتابة دي واحنا بندرس - 00:30:00ضَ

العقيدة ان انا عايز اعمل لي رف للمصحف رف مغلق كده بقزاز حاجة للمصحف يعني المصحف يبقى حاجة تانية غير الكتب. يعني ما تحطش المصحف بند مع يعني يبقى الكتب مرصوصة والمصحف مرصوص. ده ده احنا عايزين نعمل حاجة صندوق كده صغير ونعمله كده استر وندهنه لكيه مغسول - 00:30:20ضَ

حاجة زي اوض النوم الفاخرة وتقوم حاطط فيها المصحف ومصاحف البيت. ودايما تغير تاخد المصحف توديه المكتبة بتاعة المتبعة. هم يتصرفوا فيه يا اما تهبوا لحد الاخوة دايما يبقى عندك مصحف جديد ورائع ثم لن ينتهي المرء مع المصحف الى هذا لكن ده عنوان صح؟ انما - 00:30:40ضَ

كده اخبار المصحف والقراءة والايات والوقوف مع الايات والتفسير والاهتمام بكلام ربنا. المقام السالس اللي احنا داخلين بقى عليه في بكرة بكرة الليلة الكبيرة. ولا لأه؟ بكرة ليلة ليلة النصف من شعبان. بكرة - 00:31:00ضَ

الليلة اللي جاية دي ليلة ليلة رحمة. يطلع الله عز وجل فيها على الناس كل الناس يطلع الله عليهم فيرجئ الكافرين يرجئ يعني ايه؟ يؤخر الكافرين. يؤخرهم خد بالك من الاسر ده مش بيقول يعزب الكافرين ده بيقول ايه يرجى الكافرين طب آآ عندكم مهلة توبوا وارجعوا ووحدوني خلاص - 00:31:20ضَ

ويغفر ويرحم للمؤمنين. ليلة رحمة عزيمة بشرطين. بس ما فيش حاجة. تترحم بشرطين بس اتنين بس. ما فيش تاني اكتر من كده. الا تحمل في قلبك غشا لتوحيد الله عز وجل. يبقى - 00:31:50ضَ

قلبك كله عند الله. متوكل على الله. تخشى من الله. تحب الله. التوحيد يبقى قلبك صافي من غش التوحيد. ما فيش في التوحيد حاجة الشرط التاني ما تخاصمش حد. يعني انت محتاج ان انت تطلع من درس النهاردة ده وتقوم واخد بعضك وتروح رايح بقى وتعمل - 00:32:10ضَ

زيارات وتعمل مكالمات تخلص الدور ده قبل بكرة قبل الليلة قبل المغرب على اساس تخش المغرب وما عندكش خصومة مع حد. بس فلان وانا مش ابص في وشه خلاص ما تطيقشي وقابل ربنا بسيئاتك. شف بقى اخبارك ايه؟ عايز ايه؟ انما انا ممكن اكلمه وخلاص يبقى - 00:32:30ضَ

كسرنا الحاجز اللي بيني وبينه وما بقاش اسمي مشاحن ولا مخاصم صح ولا لأ؟ طهرت نفسي تجاه الناس وطهرت نفسي في التوحيد يطلع الله عز وجل ازا كانت ليلة النصف من شعبان فيغفر لجميع المؤمنين الا لمشرك او مشاحن. لو حد عنده - 00:32:50ضَ

او حد عنده ازا دي ليلة رحمة عزيمة جدا فنحتاج ان احنا نبشر بها نبشر فيها من الياقوتة برضه من الياقوتة. المقام السالس اللي خطر لي ان ربنا سبحانه وتعالى لما اراد ان يكتب قصتي - 00:33:10ضَ

قصة حياتي حياتي قصتي بمقاديري هتولد ازاي واطلع كل ده مكتوب. لما اراد ان يكتب حياتي سبحانه وبحمده كتبها في اوتى. امبارح كنت بقول للاخوة رئيس المخابرات بتاع زمان كان ايام عبدالناصر كان اسمه صلاح نصر. كان راجل جامد قوي يعني كان آآ مفتري كبير. فالراجل ده كان له سطوة كده انه كان يروح - 00:33:30ضَ

كاتب لو جاب ورقة من الارض ورقة من الارض ويروح كاتب لك بها خد يصرف لحامله ميت الف جنيه. تروح تصرفه ما يقدرش يفتح بقه اللي من سطوة الرجل وهيبته وبطشه وما بيرحمش. ليه بيكتب في ورقة من الارض؟ ما هو شعور حيكتب لحد من الكبار انما بيكتب - 00:34:00ضَ

لانه ايه؟ لان امرك ما يهموش يعني خد ورقة خد. خلاص قضي المصلحة لحامله. مش كده؟ اي ورقة قدامي انما امتى يعمل ساب الورقة ولا انتم ولا ايه ولا انتم مش معي والله بجد انتم معي؟ امتى الواحد لما يكتب ورقة ويهندمها ونزبطها - 00:34:20ضَ

لما يكون مهتم باللي قدامه. لما يكون عاوز لك الخير. فالخاطر ده لاح لي مقام ايضا من هزه الياقوتة الجليلة انه ان ربنا لما اراد انه يكتب مقاديرنا كتبها في ياقوتة فتظن ذلك يبطش بك. ده كتبها في - 00:34:40ضَ

تفكر انه سيعجل عليك العزاب؟ تفكر انه يريد ان يسكنك جهنم؟ ده لما كتب مقاديرك يا راجل كتبها لك في ياقوتة. حاجة عظيمة جدا. رحمة الله عز في هذا المقام ايها الاخوة تتجلى رحمته هذه ليالي الطمع. هذه الليالي من هنا بقى وانت داخل لحد ما تعدي العيد - 00:35:00ضَ

وعليك خير ليالي الطمع الطمع في رحمة الله عز وجل. نسأل الله عز وجل الا يفض مجلسنا الا وقد غفر لنا جميعا وتاب علينا جميعا. لا زلنا مع السيرة ايها الاخوة وآآ عدة شهر - 00:35:30ضَ

لاخواننا في مسجد بلال حب النبي عليه الصلاة والسلام. تخش شهر رمضان وانت بتحب النبي عليه الصلاة والسلام واحنا الوقت اه زهب منا فخلينا ناخد لنا كده حاجتين من شمائله عليه الصلاة والسلام. قال ابن القيم وقفنا عند ايه؟ كان صلى الله عليه - 00:35:50ضَ

وسلم يعود المريض. ويشهد الجنازة اجيب الدعوة ويمشي مع مع الارملة والمسكين والضعيف في حوائجهم. وسمع مديح الشعر. بيقول ابن القيم كان يعود المريض عليه الصلاة والسلام ويشهد الجنازة. لازم تؤمن - 00:36:10ضَ

ان ما فيش اي منهج صح ولا يوصل الا الاسلام. انت مؤمن بده ولا عندك شك؟ حد حاسس ان ممكن حاجة تاني توصل ما فيش حاجة تاني توصل ابدا. ما فيش اي حاجة تاني صح الا الاسلام. بس - 00:36:40ضَ

قل لي طب ما هو التوراة والانجيل وحي برضو من عند الله دي تحرفوا بقى هتلاقي فيهم صح وغلط. يعني لما كانوا بيحبوا الاحبار والرهبان يمشوا حاجة يروح ممشي لك ايه - 00:37:00ضَ

يغيرها لك في في الكتاب. فعشان كده النبي صلى الله عليه وسلم قال ازا سمعتم اهل الكتاب فلا تصدقوهم ولا تكزبوهم. انما في في حكاياتهم لا نقبله يمشي على اصولنا وفي حكاياتهم ما يخالف اصولنا نقول له احنا ما ما يلزمناش. فالقصد يعني ان النهج القائم وحده الان - 00:37:10ضَ

الصحيح بس هو هذا الاسلام. تعرف لما تقرأ العمل الميداني مش ده بيسموه العمل الميداني؟ تلاقي النهاردة هو ده اللي بيتعجب منه الليبراليون والعلمانيون والجماعة اللي هم ما مارسوش آآ اللي هم عنده منهج - 00:37:30ضَ

فصل الدين عن الحياة. اللي هو اصل اصل العلمانية كده فصل الدين عن الحياة. كلها عن الحياة مش عن الكرة الارضية كلها. ما حدش يقول ديني خالص هو ده اصل اصل العلمانية. فالقصد يعني وان بقى ورو داروه هو كده اصله. يطلع واحد بقى وهو مش عارف ما يدين به دي مسألة تخصه. لكن هو ده اصل هو - 00:37:50ضَ

ده اصل لهذا النهج. فالقصد ان دول لما يتعجبوا منك لما يبص يلاقي ان الناس بتحبك. والناس ولك عند الناس قبول وليه عند الناس فهو التعليل بتاعه يقول لك ايه؟ اصل انت عندك عمل ميداني صح؟ بيقولوا كده انتم اشتغلتم مع ناس كتير وقابلتوا ناس كتير ومشيتوا مع - 00:38:10ضَ

ناس كتير وساعدتوا من ناس كتير هو مفكر ان ده برنامج سياسي. انما ده برنامج سياسي ده الجيل. قال رسول الله صلى الله عليه وسلم لما رجع من آآ من الغار خائفا ترتعد فرائسه شاف جبريل شاف جبريل على صورته فرجع الى - 00:38:30ضَ

قد يبقى لدى السروني زملوني فدسرته وزملته ما قالتلوش حاجة. فلما زهب عنه الروع عليه الصلاة والسلام قال ايه؟ قال خديجة قد حدس كزا وكزا سم قال لقد خشيت على نفسي. الصراحة انا انا شفت منزر النهاردة - 00:38:50ضَ

خشيت من اشفقت منه على نفسي. طبعا خشيت على نفسي فيها اتناشر قول لاهل العلم. الازهر فيها خشيت على نفسي تبعة الدعوة ان انا دلوقتي امرت اني ابلغ الناس عن ربنا لو قصرت لو قصرت هتعزب ولو تقول علينا بعض الاقاويل لاخزتم - 00:39:10ضَ

منه باليمين ثم لقطعنا منه الوتير. اللي اللي يلعب في الدين هيدبح. وليس من عصى الملك على بساطي كمن عصاه بعيدا عن عينه. كما يقول ابن رجب في امسلة الدنيا لو واحد دخل على سلطان وقال له كلمتين في وشه كده - 00:39:30ضَ

يبقى هينزل به البطش بخلاف الايه؟ اللي بعيد فليس اهل الله في غلطتهم زي اللي ايه؟ الجاهل اللي بعيد. غلطتك انت آآ قال ابن المبارك في الزهد يسأل العالم يسأل الناس مرة والعالم سبع مرات. تحقيق - 00:39:50ضَ

لانك انت عارف بخلاف الجاهلية. الشاهد ايها الاخوة ان السيدة خديجة ارادت ان تطمئن قلبه عليه الصلاة والسلام. فقالت له ايه بقى احتجت عليه بهذا العمل الميداني. العمل اللي بين الناس خدمة الناس والوقوف في حوائجهم. قالت كلا والله لا - 00:40:10ضَ

الله ابدا. ليه لا يخزيك الله ابدا؟ مش عشان انا بحبك زوجتك لا. مش كده بس يعني. ده في شواهد بتقول ان انت حاجة تانية خالص انك لتصل الرحم. شف صلة الرحم. وتحمل الكل وتقري الضيف وتكسب المعدوم. وتعين على - 00:40:30ضَ

نوائب الحق. العلماء بيقولوا كلمة تعين على نوائب الحق دي كلمة شاملة في الفضل كله. فضلت تعدد من فصائله عليه الصلاة والسلام لحد ما عرفتش تقولي تاني قامت قالت له كلمة - 00:40:50ضَ

زي ما انا اقول لك انت كلك كرم. مش عارف اعبر عن كرمك. هذا هو العمل العمل اللي في الشارع اللي هو دي مش مش لغرض اخر. ولو الناس شمت مننا ان بنعمل كده لغرض اخر هيبقى ايه؟ هيلفظك. اصل - 00:41:00ضَ

ما حدش بيحب حد ياخد مين بيبقى بتشتغل عشان مصلحتك. هتلاقيه لفزك. انما هو الدين. فكان يعود المريض. والمريض ايها الاخوة بيبقى مكسور عشان كده تجد الله عز وجل اقرب ما يكون من المريض. كما في الحديث عبدي مرضت فلم - 00:41:20ضَ

قال كيف تمرض وانت رب العالمين؟ قال مرض عبدي فلان فلم تعده ولو كنت عدته لوجدتني عنده الاتنين التانيين بقى الصدقة واللي ما قلوش لوجدتني. قال لوجدت زلك عندي. انما في المريض بس قال له ايه؟ لو - 00:41:40ضَ

وجدتني عنده زلك لان المريض يشتم الموت ويتصوره. فانكسرت نفسه وانخذلت وضعفت وعلم ان لقاء الله عز ات فان فانشرح صدره. فكان في حالة ايمانية خلت بقى اقرب الى الله عز وجل فصارت له معية خاصة. وآآ - 00:42:00ضَ

اه زيارة المشافي ايها الاخوة كما كان يقول بعض مشايخنا كما نحض على زيارة القبور نحضك على زيارة المشايخ مستشفيات يعني. مش بيقولوا في المسال الصحة تاج. على رؤوس سحاء لا يراه الا المرضى. الكلام ده كلام زم للصحيح مش مدح فيه. ولا هو مسال بيمشي - 00:42:20ضَ

ده المسال ده زم للصحيح انك صحيح يا اللي مش عيان غلط كبير انك تنسى معي. وتنسى العطب وتنسى البلاء. فعايز عايز تعرف ما انعم الله عز وجل به عليك. رح لاهل البلاء وشفهم. فزيارة المشافي لما تشوف بقى واحد آآ نسأل الله عز وجل ان - 00:42:50ضَ

وشافي مرضى المسلمين. تلاقي انسان مش قادر يقف على حيله علشان آآ آآ يدخل الخلاء. واحد السكر كل ما يعلى ما يقعدش خمس دقايق على بعضه يخش الحمام ويطلع يخش الحمام تاني ويطلع يخش الحمام تاني ويطلع ومش عارف يتكلم الا اما يشرب بق ما هو مش عايز يشرب مية عشان يخش الحمام بس الحقيقة ريقه ناشف - 00:43:10ضَ

فمن لانه اعتصرت المياه اللي في جسمه كلها يروح شارب مية لما يشرب مية لما يصبر على المياه تلاقي ريقه ناشف وهو بيكلمك تبص تلاقي مش عارف يتكلم بوقه مر وبيطقطق - 00:43:30ضَ

كده لسانه آآ بيخبط فمش عارف يتكلم من المرارة ومن عدم البيان. يقوم شارب ماية يروح داخل الحمام. لا تهنأوا له نومة ولا يهنأ له مجلس طالما ان السكر عازل. شف اللي دخل وفوجئ لقى عنده كزا وتشوف اللي دخل ولقى عنده كزا وتشوف اللي دخل لما تنظر الى - 00:43:40ضَ

هؤلاء تعرف مدى نعمة الله عز وجل عليك لا تنفك عن حمد الله. انت نفسك طالع من المستشفى؟ تقعد لك بقى شهر ولا حاجة هذا كل ما تتصور الحال اللهم لك الحمد يا رب ان عافيتني مما مما ابتلي به غيري. فعيادة المرضى شيء عظيم جدا لا سيما - 00:44:00ضَ

اه ان عندهم من المعية الخاصة والرحمات ما ليس عند غيرهم. ويشهد الجنازة. الجنازة بيبقى الواحد شف بقى كلمة يشهد الجنازة دي وخد بالك من الحكم ده. يشهد الجنازة وهو عليه الصلاة والسلام قال لك ما تتقلش على اهل الميت. يبقى بيشهد الجنازة - 00:44:20ضَ

غسل وتكفين ونشيل ونروح نشوف الترب وندفن ولما نرجع ما تتاقلش علي بقى. لا اتقل علي في عزا شفني في الشارع ما شفتنيش خلاص ابقى عزيني ساعة ما تشوفني. ما فيش اجتماع للعزاء. عزيني عند المقابر عزيني واحنا في السكة. راجعين. ما اتقلش عليه في طعام وشراب انك تروح - 00:44:40ضَ

اقعد عشان يأكلك ويشربك وتبيت عنده. الله! امال ايه يشهد الجنازة؟ تحديدا. اصل الحقيقة انا مش محتاج حد معي الا في الحتة دي تحديدا الموت مصيبة ومفاجئ وتلاقي الواحد ما بين لوعتين لوعة تدبير امر الميت ولوعة فقده - 00:45:00ضَ

ان من هنا ورايح انا خلاص مش هشوف ابويا تاني. انتهى. فتفاجأ تلاقي ان آآ صاحب الميت ملتاع. فيحتاج بقى لحد يساعده. عايزين ايه كفى انا اجيب لك يلاقي واحد داخل عليه خد بالكفن اهو. وانا جبت لك تصريح وجايب لك - 00:45:20ضَ

دكتور في ايدي وواحد آآ حفر الترب راح زود الحفرة عشان بيحفروا على الوش وواحد مش عارف واخد بالك؟ هيأ الدنيا واتنين يغسلوا ان ما كانش يحسن الغسل او يساعدوه لو كان هيغسل بايده. ده قاعد قدام آآ زويه بيغسله بايده - 00:45:40ضَ

بعد ما تنتهي الجنازة ويدفن الميت سبني بقى لتصوراتي الخاصة اني اعاين ان انا اشوف انا واقف فين كنا مع بعض اخوانا وابوه توفي توفي وفاة عجيبة. راح يصلح غسالة لواحد كان بيصلح غسالات في رمسيس - 00:46:00ضَ

دخل المسجد الكبير ده بتاع رمسيس اللي هو الاولني ده. مسجد الفتح. دخل المسجد صلى العشاء جه بيصلي سنة العشاء سلم عن يمينه لأ ده سجد فمات. لقوه طالت سجدته حركوه وجدوه - 00:46:20ضَ

وجدوه خد مات. وهو كان في وسطينا يعني آآ عم فلان. بس هو ده اللي احنا عارفينه عنه. انما لا يعلم مقادير الخلق الى خالقهم سبحانه وتعالى. فالمهم الاخ جه وجمعنا وكان شاب صغير. ووقف في الجنازة لحد ما خلصنا ودفنا والده بعد - 00:46:40ضَ

اسبوع بسلم عليه بقى وقعدنا وانت وانا قاعد بكلمه كلام عادي عام جدا انفجر بالبكاء. ما لك؟ هو فيه حاجة حصلت انا ابويا مات. فتصورت فقد ابي. الحالة دي محتاجة ان هو - 00:47:00ضَ

ايه اللي خلاه اعيط بعد اسبوع انه كان مكتوم في الاول بعد ما دفن قاعد معه مع اهل بيته والضيوف فلا زلت انا مضطر اقف معك ومضطر آآ ابتسم لك - 00:47:20ضَ

مضطر اتفضل ومضطر اخدمك فما قدرش يعيش الموضوع دوت في اوله واوله بيشفي. لما احس ان انا قعدت كده خلاص هيأت نفسي ان انا كده مش مش هشوف ابويا تاني. مش هشوف والدتي تاني. مش هشوف آآ اختي تاني مش فاهم؟ خلاص تهيأت لزلك تهدا المسألة وتبقى فيها شيء. فلزلك - 00:47:30ضَ

كان يشهد الجنازة لدرجة انه كان بيخرج لها من المسجد. في الاعتكاف عليه الصلاة والسلام. يخرج يخرج للمريض فيعوده دون ان يدخل عليه ازا كان معتكفا عليه الصلاة والسلام واذا كان في المعتكفا في المسجد يشهد الجنازة فيصلي عليها ثم تشيع - 00:47:50ضَ

جنازة دونه عليه الصلاة والسلام. ويجيب الدعوة. عندنا بقى آآ عقيقة عندنا وليمة عندنا زواج عندنا بتاع. بيبقى من جملة فرحة الانسان اللي يلاقي اخوانه اخوانه حواليه في دعوته. والكريم آآ والكريم يحب ان تغتنم - 00:48:10ضَ

دعوة دعوته. يعني آآ لو انا كريم ودعوتك على الطعام احب انك تيجي وتاكل. اكلك عشان كده العلماء يقولوا ازا دعيت فكل اكلك ما بينليش ان انت آآ آآ ممكن يبقى فيه تقصير او فيه شيء. والا لو مستحي تاكل في البيت. اكلة - 00:48:30ضَ

بسيطة. قال محمد ابن سيرين كان اذا دعي الى طعام الى املاك حد ولا وليمة حد ولا حاجة فكان يأكل اكلته يسيرا فسئل في ذلك فقال لا احمل على الناس جوعتي. يعني ما اروحش ميت من الجوع واقوم داخل دخلة بتحرج بتكسف - 00:48:50ضَ

فكان ياكل له لقمة ولا حاجة لكن على كل صاحب المائدة كريم. ويمشي مع الارملة والمسكين والضعيف في حوائجهم. اللي خلى حكيم ابن حزام فاكرين الكلمة دي انا زكرتها بين يدي درس الشيخ اسامة الله يحفزه لو حد من الاخوة كان حاضر ان حكيم ابن حزام اسلم ازاي - 00:49:10ضَ

العدي ابن حاتم اسلم ازاي ؟ لف الدنيا بيهرب من النبي عليه الصلاة والسلام لحد ما النبي جابه. عليه الصلاة والسلام. جه للنبي عليه الصلاة والسلام فلما قال له خلاص انا انا جيت لك وعايز اسمع بقى عن الاسلام. وكان الرجل نصرانيا. فحكيم ابن عدي ابن حاتم بيقول فدار ببالي ان - 00:49:30ضَ

محمدا اما ان يكون ملكا او نبيا. ما حدش بالطاعة الا الاتنين دول. يا اما الطعنة عشان الدين لان له في النفوس قداسة يا اما تطعني عشان انا ملك متمكن منك. فعدي ابن حاتم قال يا ترى انا عايز اشوفه هو ايه - 00:49:50ضَ

على فكرة التوجس ده كان توجس ناس كتير من العرب. لانهم ما كانوش يعرفوا الانبياء. انما يعرفوا الملوك. وشايفين ان طاعة النبي زي الملوك كبار، يعني احنا في وسطينا ابو جهل وابو لهب والجماعة دولت ما بيطيعوش الطاعة الكبيرة دي لكن لما شافوا النبي عليه الصلاة والسلام قالوا ده فكرنا بالطاعة بتاعة - 00:50:10ضَ

يسرى وقيصر والنجاشي. الطاعات اللي هي بقى حاجة آآ يعني ما فيش حد يقول له لأ دي اعلى من كده كمان. ولزلك لما فدخل زيد الخيل مسلا زيد الخيل الصحابي ابن مهلهل الزي سماه النبي صلى الله عليه وسلم زيد الخير زيد الخيل لما - 00:50:30ضَ

دخل على النبي عليه الصلاة والسلام دخل معه الاوضة فقدم له رسول الله صلى الله عليه وسلم وسادة فدفعها الى رسول الله صلى الله عليه وسلم فدفعها النبي اليه وجلس على الارض. دي كانت عادته. راح زايد الخيل قال ايه؟ قال فلما جلس على الارض علمت انه ليس بملك. لان الملوك ما تقعدش على الارض لا. لما - 00:50:50ضَ

طه دخل عليه آآ عبدالمطلب هابه. فقال اطلعه يقعد جنبي على السرير بتاعي العرش. قال لأ ما قعدوش جنبي طب انزل اقعد معه انا على الارض احسن لي. انما ما يقعدش ما طلعوش آآ جنبي. فلا نزل ولا اطلعه جنبه. كلمه دوغري كده. واخدين بالكم - 00:51:10ضَ

فعدي بن حاتم لما جاء اول مشهد شافه بص لقى امرأة واقفة في الطريق معها ابنها يتيم ارملة وقالت يا رسول الله لحاجة فقال ما حاجتك يا ام فلان؟ معلش يا عدي استنى شوية كده وقام دخل على على المرأة وقعد - 00:51:30ضَ

يكلمها ويناقشها وتقول له وده رسول الله عليه الصلاة والسلام. تصور؟ النبي نفسه عليه الصلاة والسلام واقف يكلمها ويناقشها حتى طال قيامه فقال علي فلما رأيت ذلك علمت انه ليس بملك. الملوك ما تقفش كده. ثم دخلت معه الى بيته - 00:51:50ضَ

فقدم لي وسادة فدفعتها اليه فدفعها الي فجلست عليها وجلس هو على الارض فعلمت انه ليس بملك. عليه الصلاة والسلام. فمشيه مع الارملة والمسكين زي ما قلت لك كده آآ لما لما - 00:52:10ضَ

ان احنا لا نريد منكم جزاء ولا شكورا. دي اية برضو عجيبة جدا محتاجة بحس والله. لا نريد منكم جزاء يعني ما ادكش حاجة تديني جنيه ولا تديني مقابلها؟ حاجة. ولا شكورا يعني حتى لدرجة اني مش عايزك تقول لي شكرا - 00:52:30ضَ

شف كيف يرغب المرء فيما عند الله كله. مش عايز منك حاجة خالص كأني بالمؤمنين بيدي للفقير كده عينه ما ليش انت مش في دماغي خالص. قال ابن القيم رحمه الله في قول النبي عليه الصلاة والسلام لله افرح بتوبة عبده من احدكم - 00:52:50ضَ

على راحلته بارض فلاة. الحديس فقال طب ربنا بيفرح ليه؟ ربنا بيفرح جدا جدا لما واحد فينا يتوب اللهم انا نشهدك انا قد تبنا اليك فلا تفض مجلسنا الا وقد تبت علينا. يفرح جدا سبحانه وتعالى ان ان عبده بيتوب - 00:53:10ضَ

طب بيفرح ليه؟ هو ربنا سبحانه وتعالى يريد منك حاجة؟ طب انت ممكن تعمل حاجة؟ ده انت ومقدراتك وهمتك وعزيمتك واللي في ايدك وكله ملك صح ولا لأ؟ انا نحن نرث الارض ومن عليها والينا يرجعون - 00:53:30ضَ

ترجع تعرف انك ملكي. من جملة ملكي. مش ما فيش حاجة لك بتاعتك في الحقيقة طب بيفرح ليه؟ اما ابن القيم ضرب المسال ده. قال فان الكريم اذا ما جاد على فقير - 00:53:50ضَ

انشغلوا الفقير بما جاد الكريم به عليه. فاذا لاحت منه الى وجه الكريم نظرة علم ان الكريم عطائه له افرح منه بالعطية. يعني ايه الكلام الملعبك ده حازم يعني الكلام ده ايه يا اخواننا؟ يعني لما الكريم لما بيعطي لحد عطية بيفرح - 00:54:10ضَ

اوي انه ادى له لو بقى الراجل اللي بياخد ده لما لقى عشرة جنيه في ايده ولا عشرين جنيه ولا حاجة فرح بها جدا فرح. لا سيما نسأل الله عز - 00:54:50ضَ

عز وجل ان يغني فقرائنا وان يكون لفقرائنا. في الحقيقة بس انا طولت عليكم النهاردة مش عايزين نفرع تاني عن اللي احنا بنقوله بس بصراحة بيني وبينكم يعني احنا بقينا ناسيين الفقرا خالص. صح ولا لأ؟ ما بقاش في دماغك خالص الفقير نقول لك - 00:55:00ضَ

الناس مصالحها واقفة. العالم مش عارفة تنزل تفرش الفرشة بتاعتها عشان يبيع لمونتين ويروح ياكل ويشرب. العالم بتاكل تراب وما حدش سائل. والامة التي لا ينتصف من غنيها لفقيرها ولا من قويها لضعيفها امة ليست مقدسة. ليست طاهرة امة دنسة. امة في مرمى عذاب الله - 00:55:20ضَ

عز وجل. نسأل الله عز وجل ان ينجينا واياكم. الفقراء ايها الاخوة فلما بتدي للفقير وهو بياخد والله العزيم امرأة عميا وشهدت ذلك بعيني. امرأة عمي على الاقل كانت باينة لنا كده انها عمياء. فالاخ راح حاطط ايده في جيبه راح مطلع عشرة جنيه. وراح حاططها لها في ايديها. عشرة جنيه - 00:55:50ضَ

بين اللي طبعا هي بتحط لها جنيه حاجات حديد بقى جنيه وربع ونص جنيه وحاجات زي كده. فلما لقت ورقة وورقة ناشفة كده بايديها والمرأة عميا التفتت انا شايفها مغمضة عينيها يعني التفتت للاخ كده ربنا يخلف عليك ربنا يكرمك ربنا - 00:56:10ضَ

لو شفتها وهي دي عشرة جنيه. يعني لو لو لو جبت العيال شيبسي مرتين في اليوم هتجيبهم هتجيبه بعشرة جنيه. الشيبسي بتاعك في نفقتك في في اللي ربنا موسع عليك به انما دي العشرة جنيه اكل وشرب فطار وغدا وعشرة. العشرة جنيه دي - 00:56:30ضَ

نسأل الله عز وجل ان يحنن القلوب على الفقراء. وان يقينا شر قساة القلوب. وقسوة القلب فالقصد ايها الاخوة كان النبي صلى الله عليه وسلم يمشي مع الارملة والمسكين والضعيف في حوائجهم. حتى يقضي لهم حاجتهم صلى الله عليه واله وسلم. وسمع مديح الشعر. اسمع بقى - 00:56:50ضَ

اخر السطرين دول عشان ننتهي وسمع ما شف كلام ابن القيم الكلام الراسخ راسخ قوي الكلام ده. بيقول وسمع مديح الشعر واثاب عليه يعني دخل حد قال له في الشعر فاعطاه عطية. زي مسلا كعب لما ايه عفا عنه اخبرت ان رسول الله او عن - 00:57:20ضَ

والوعد عند رسول الله مأمول. قال له عفوت عنك. خلاص. حد دخل فقال الشعر فاعطاه فلوس اداله حاجة عليه الصلاة والسلام قال سمع مديح الشعر واثاب عليه. ولكن ما قيل فيه من المديح فهو جزء يسير جدا من محامده - 00:57:40ضَ

واثاب على الحق واما مدح غيره من الناس فاكثر ما يكون بالكذب فلذلك امر ان في وجوه المداحين التراب. النبي عليه الصلاة والسلام في الحديث قال ايه؟ احصوا في وجوه المداحين التراب. لان المداح بيدحك علي وبيغرني - 00:58:00ضَ

يجي يقابلك ازيك وازاي فضيلتك وازي حضرتك انت في منك ده انت نادر الوجود ده انت عقلك تخطيط للامة مش للبلد بس للامة كلها الكرة الارضية كلها. ده انت لو شخبطت بالالم دي خريطة الطريق. في الايام القادمة ان شاء الله تعالى - 00:58:20ضَ

فالتاني راح قاعد فكر ان هو ان هو بقى عشان كده النبي عليه الصلاة والسلام خشي عليك لاحسنت لحسن تغترش. عشان كده برضه معلش دي شرقت بها نفسي. عايز عايز اقول لنا حاجة. عايز اقول لنا اقول لنا حاجة - 00:58:40ضَ

لان احنا من ايام يناير لحد النهاردة وانت قاعد تقول ايه؟ انا قوة ضاربة على الارض انا كتير انا مش كده؟ بتحس ان انت واحصوا من هو موجود الكلام ده قد ينفع في موضع وفي مواضع وفي الوضع مش هينفع. انا قلت لك المرة اللي فاتت - 00:59:00ضَ

في الدرس اللي فات دهو ان كان المسلمين قاعدين يقطعوا في الروم يوم اليرموك وانتصرنا عليهم كانت هزيمة ساحقة المسلمين بيدبوا في الروم وابو سفيان بيقول ايه؟ يا نصر الله يختار. ابو سفيان ابن حرب قاعد رافع راسه للسماء ايه؟ والناس بتضرب في بعض والرؤوس بتطير والدم على الارض زي وابو سفيان - 00:59:20ضَ

بص في السما وقاعد يزعق يا نصر الله اقترب يا نصر الله اقترب يا نصر الله مش كده ولا لأ؟ لاحسن آآ لو انت زنيت ويوم حنين الانشاء بتاع الاية دي مزهل صح؟ عارف الانشاء - 00:59:40ضَ

انشاء الكلام انه يبدأ لك كلام كده الانشاء ده مزهل يخطف ويوم حنين از اعجبتكم كثرتكم لم تغني عنكم شيء. يوم حنين نزلنا في الوادي في عماية الصبح. كانوا مخططين لنا خطة كده راحوا مطلعين الابل في وش المسلمين. ورد اخوهم بالحجارة - 01:00:00ضَ

بقيت انت بتضرب بالحجارة والجمل بيدوس عليك المسلمين مش عارفين في ايه طلعوا يجروا. بجري عشان اتعدل عشان اشوف بيتضرب منين. كله اتفض لما كله اتفض اتبقى مع النبي مية او اقل. من اتناشر الف. اتناشر الف. ما تعرفش تجمعهم العرب ابدا - 01:00:20ضَ

تروحش تجمع عشر تلاف حتى. العرب بمفردها يعني. اتناشر الف انسان كان شيء مزهل. كله جري واتبقى مع النبي صلى الله عليه وسلم بتاع ميت واحد بس او اقل. من ال بيته والصق الصحابة به. ابو بكر وعمر وعثمان وعلي والزبير ومصعب. ماشي - 01:00:40ضَ

بس كده. بيقولوا فما رجعنا حتى وجدنا الاسرى مكتفين عند رسول الله صلى الله عليه وسلم. ده احنا كزبنا وانتصرنا وخدنا وفراغنا كمان كلبشناهم كلهم. فراغنا من كلبشتهم. يبقى النصر بالاتناشر الف. لازم تقف - 01:01:00ضَ

مؤمن بكده. وان كان ده في موضع اخر سيدنا ابو دجانة طلع راح مطلع من جيبه الملاءة الحمراء. وراح رابط بها دماغه راح كان كان قوي جسمه جامد راح مطلع عضلاته كده ومشي بين الصفين المشركين واقفين صف كده والمسلمين واقفين راح هو مشي في النص كده مشي يخطر بسيفه ماشي يطوح السيف - 01:01:20ضَ

كده ويخطر به وعضلاته مفتولة وباينة وظاهرة. فنظر النبي صلى الله عليه وسلم وقال تلك مشية يمقتها الله الا في هزا الموضع فلازم تحرر مش كده ولا لأ؟ حاول تحرر الموضوع ده لاحسن آآ لاحسن بوادر السوء - 01:01:40ضَ

حبال. النصر معقود في السماء. الشاهد ايها الاخوة ان النبي عليه الصلاة والسلام كان يمدح. المدح ابن القيم وبيمدح ويقبل يقوم طالع لي واحد يقول لي طب ما هو النبي مدح ما انا اتمدح انا راخر. اقول لك لأ. ده النبي لما مدح مدحوه ببعض خصائله. هو هو احنا - 01:02:00ضَ

انتم فاكرين يا اخوة اول الدروس اللي اتكلمنا فيها عن وصف النبي عليه الصلاة والسلام؟ حد هنا يبقى قديم معنا فاكر الدروس دي؟ اول الدروس دي قلت قلت لك لا انا حاحيط بتفصيل وصف رسول الله صلى الله عليه وسلم. مش - 01:02:20ضَ

بده. لان الحقيقة اللي رووا الكلام ده هم انفسهم اجملوا في بعض المواضع. قال كلام مجمل ما عرفش يحيط. بوصفه على والسلام. فقال كلام مجمل ما يقدرش ما يقدرش يفصل الوصف. ما يقدرش يفصل الوصف. عشان كده اي بني ادم مدح النبي - 01:02:40ضَ

جه المدح قد النبي؟ لا ابدا ده ولا ولا عشر المعشار. من طيب خصائله وعظيم شمائله ومبادئ كرامته عليه الصلاة والسلام. انما لما مدحني انا وانت بقى ده هو اصل المدح بيطلع فوق دماغي - 01:03:00ضَ

غلطوه. اول ما يبدأ يمدح. عارف ليه؟ لان لا انا ولا انتم عارفين احنا ايه ولا رايحين فين. مش جلس طول الليل سموني المحب ويقول ما اسمي عندك يا علام الغيوب؟ يا ترى انا اسمي عندك منافق ولا ايه بالزبط؟ فلو انت ما نعرفش احنا ايه لكن محمد عارف قدره. عليه الصلاة والسلام - 01:03:20ضَ

ليه؟ لان ربنا سبحانه وتعالى بين لنا قدره. فلزلك قال عليه الصلاة والسلام والتفصيل ده بتاع ابن القيم جميل الصراحة. جميل جدا في الحقيقة انما يخرج من عالم راسخ. عشان كده قال عليه الصلاة والسلام احثوا في وجوه المداحين التراب. وانت لما تلاقي حوالين منك ناس بيمدحوك على طول اعرف انك انت - 01:03:40ضَ

ضايع. عارف تفرح امتى ؟ لما تلاقي ناس بتنتقدك وتقول لك الغلط فين. صحيح بيبقى له مدائح لكن اكسر عمل يقول لك لا خد بالك من الحتة دي. خد بالك من الكلمة دي. انت اللي عايزك تتبسط وتفرح. لان هزا الرجل يسعى الى كمالك. حتى لو هو بيكرهك. بيسعى - 01:04:00ضَ

كمالك والحق ما نطقت به ما شهدت به الاعداء. حتى لو عدوك. بيعرفني نقاط ضعفي عشان استدركها. انما اللي بيمدح بيخدرني بيخدرني عن الواقع زي ما بقول لك كده. انت زي الفل وماشي تمام وحاجة تمام ومش عارف ايه انت مفكر ان انت آآ ولزلك في الحقيقة مش هتقدر بعد - 01:04:20ضَ

تستدرك تستدرك ما فات منك. ثم نكمل ان شاء الله عز وجل ما بقي آآ من الكلام عن شمائله عليه الصلاة والسلام وبعض ما كان في حياته في اللقاء القادم ايها الاخوة لا تفوتكم الليلة القادمة. مش هتفوتك ازاي؟ انك تصلي الليلة دي. تقدم - 01:04:40ضَ

بين يدي العمل صح ولا لا؟ الليلة دي تشتغل والصبح تبقى صايم. تلتاشر واربعتاشر وخمستاشر مش ليلة النصف يعني. تلتاشر واربعتاشر وخمستاشر وصيامهم آآ لان ده من السنة. وتفضل طول النهار محضر لليلة بالليل تستغفر وتتوب الى الله وزي ما قلنا لك نصالح بقى اللي متخاصمين معهم. حضر - 01:05:00ضَ

لو اذن للمغرب وانت على حالة حلوة انسى. قفزت القنطرة وقد غفر الله عز وجل لك. هذه ليلة رحمة. نسأل الله عز وجل ان يرحمنا واياكم ايها الاخوة. احنا كان آآ يعني عهدنا ان مش عاوزين اسئلة علشان الوقت اضيق من كده لكن السؤالين دول يبقوا بسرعة - 01:05:20ضَ

ارجو ان الاخوة ما نقفش كتير بعد بعد الصلاة رجاء بعد بعد الدرس عليكم السلام ورحمة الله وبركاته بيقول واحدة امرأة لها علاقة براجل اخر امرأة متزوجة لها علاقة برجل اخر. نسأل الله عز وجل ان يقينا واياكم بئس وبؤس الخيانة. الراجل الاخر ده امها - 01:05:40ضَ

صرف على الله. حط فلوس كتير وجابوا الدواء وخلص الموضوع وبعدين امها خفت. امها ماتت اه طبعا هو ده هيبقى فلوسه ايه الخاين توفيت المرأة اتبقى شوية فلوس هل يجوز لاخوتها - 01:06:10ضَ

تقسيم هزا المال ام حرام؟ وفي الحقيقة انا انا مستعجب من السؤال ده. هو ده اللي يخصنا دلوقتي؟ حاجة بصراحة نسأل الله عز وجل ان يعافينا واياكم. قال النبي صلى الله عليه - 01:06:30ضَ

عليه وسلم مهر البغي حرام الفلوس اللي بتدفع للمرأة على البغاء حرام الراجل ده بيدفع مش عشان سواد عيون الام اللي ماتت رحمها الله وانما عشان ايه عشان الخيانة. نسأل الله عز وجل ان يعافينا واياكم. مش عارف احنا احنا في ليلة رضا ليه تبعتوا لنا سؤال وحش كده - 01:06:50ضَ

لا خليهم بقى المرة الجاية. فده من لا يجوز. المال ده ينفق ويتصدق به بنية رده لصاحبه. وان كنا نعرف صاحبه ترد عليه المال وبعد ما ترد عليه المال تموته - 01:07:20ضَ

هقول ايه بس؟ ما هو شوفوا يا اخواننا المعصية قزارة. فتلاقيها قاعدة والله النهاردة والله يا اخوة والله انا افتكرت دلوقتي بس النهاردة قاعد تصورت موضوع المعصية والقزارة والتوبة من القزارة فبقول لو انا الجلابية دي وسخة اعزكم الله يعني الجلابية دي مسلا جه فيها - 01:07:50ضَ

ولا جه فيها وساخة ولا حاجة وانا واقف قدام الناس يعني ناس وجهاء وباحترمهم وبوكرهم. لما اجي لما اجي اكلمه هاعمل ايه؟ والله والله العزيم انا النهاردة وقفت في الاوضة كده وبقيت اقول اعمل كده وتأسرت قلبيا جدا. لان فعلا بصراحة احنا كناس تائبين ما بنقمش بمقتضى التوبة بين يدي الله عز وجل - 01:08:10ضَ

التائب ده حاطط وشه في الارض. مستحي من اللي عمله. فتصور لو ان انا دراعي ده لو دراعي ده عليه عليه عليه شوية وساخة. تصور كده؟ تصور انت كده وانت واقف - 01:08:30ضَ

بتتكلم لو دراعك ده عليه شوية وساخة كده ولا حاجة. لو اصل احنا قانوننا ان الاخوة اللي هيقعد يقعد بعد الساعة اللي هيقعد يقعد واللي هيمشي ما يتكلمش جوة الجامع يتكلم برة. فانا باقول لك تصور معي بالله عليك المسال ده. لو ان ايديك فيها حاجة آآ قزرة - 01:08:40ضَ

حاجة قزرة لو شافها الانسان يشمئز منها ولا كده. وانا باكلم ناس وجهاء ومش قادر ان انا اشيلها. لان طبعا لو حبيت اعمل كده هاوسخ كمان ايدي التانية وتبقى مش مصيبة - 01:09:00ضَ

بكلم حد لما اجي اسلم عليه هعمل ايه؟ هتلاقيني اروح اهلا واداريها بايدي مش كده؟ وانا واقف بكلمه ايدي ورا ضهري ايوة انا فاهمك فاهم حضرتك ليه؟ عشان ما يبقى مش كده ولا لأ بالله عليك. واي انسان هيقول ايه الوساخة دي؟ حاسس انه بيتكلم علي. مش كده - 01:09:10ضَ

الزنوب قزر قازرات ولازم فطرتك تعرف كده شوفوا يا اخوة لو ما عرفتوش ان زنوبكم وساخة وان المعصية هترجع لها تاني. اللي تم المعصية كان ماشي مع واحدة ولا كان بيشرب حاجة وحاسس ان آآ ساعة ما تكلمه كده ولا يعدي كده على حد - 01:09:30ضَ

ولا حاجة يقول لك شوف العيال الشباب الفاسد اشربوا بانجو قليلات الادب. ده صنف بيبقى ما فيهوش ملوخية. ده ممكن يساغ في الاول. قيل لعمر ان قوما يمتنعون عن الفاحشة وهم يريدونها. قال اولئك - 01:09:50ضَ

قوم امتحن الله قلوبهم للتقوى. في الاول تبقى مرحلة جيدة لكن لازم تعمل ايه ؟ لازم تعلى لدرجة ان انت لما لما شم ريحة زي كده تضرع الى الله الزي نجاك من ان تكون مثله. وتبكي على حالتهم وتبكي على حالك قضية. ترى يا ربنا - 01:10:10ضَ

افتكرت ما انا كنت باشرب كده ، يا ترى هاقول لك ايه لما تقول لي بقى لما مش هيقول لك اقوم بين يدي الله عز وجل يقول لك اعطيتك رئة. تعال اوريك واحد كده - 01:10:30ضَ

كان عنده والعياز بالله تليف على الرئة. عندنا حالة كده شفتها عنده تليف على الرئة. عارف الحر ده؟ تبص تلاقيه بيسحب نفسه لما تيجي له الازمة من ثقب ابرة. وفاتح بوقه والله رأيته مرة فيعني ساخط - 01:10:40ضَ

اعصاب ممكن الواحد يبقى كده ولما الازمة راحت بيقول لك بسحب الهوا وما فيش هوا داخل. لان الرئة ناشفة عاملة زي الليفة الناشفة كده ان يعافينا واياكم ومرضى المسلمين. مش آآ واياه ما بتاخدش هوا. تعال انا جبت لك شفت الرئة دا كان بيعمل ازاي كان نفسه في حتة - 01:11:00ضَ

حتة رئة من اللي عندك. انا بقى اديت لك رئتين. تقوم تشرب فيها خمرة. مخدرات وما المخدرات دي خمرة؟ مش كده خمر تخامر العقل. طب هقول له ايه؟ ده يدور بخلدك. لذلك لا تجد التائب الا وله جفن - 01:11:20ضَ

تروح كما يقول ابن الجوزي دايما تلاقي جفنه كده كان الحسن البصري لا تراه اذا رأيته الا باكيا. حتى كأن النار لم الا له. كأن ما فيش حد قال له انت داخل النار الا انت. فالزنب قزر ايها الاخوة. نسأل الله عز وجل ان يعافنا فدي من - 01:11:40ضَ

ضعيف الزنوب دي بقى. طب ده ساب لنا فلوس هنعمل ايه؟ نروح نديها له وانا لما لما النهاردة يروح يديها له وشه في وشه كده انا هطيقه ازاي؟ وانت عملت العملة السودة دي - 01:12:00ضَ

واللي عملت دي زووها زووها الناس اللي حواليها الناس الناس الاشراف اللي شايفين ان ده دنس شرفي وعرضي معها ايه دي ؟ ما هي المعصية كده ورطة. اقرأوا قصة يوسف. عليه السلام سورة سيدنا يوسف. ولما الواحد ييجي في النهاية - 01:12:10ضَ

يلاقي الاخ الاكبر اللي قال لهم في الاول ما تموتوهوش طب ما تموتوهوش طب حطوه في بير ولا اي حاجة. مش كده؟ تلاقيه في الاخر قال لهم ايه؟ قال لهم انا مش - 01:12:30ضَ

كل ما اقرا الحتة دي ارجعوا الى ابيكم فلن ابرح الارض. احس انه قعد على الارض. لما اتاخد بنيامين قال لك انا هروح اقول لابويا ده انا عندي مصيبة فاتت ده انا ده يوسف رايح وهاقول له كمان بنيامين انا باحس انه وقع من طوله. رايح فين ؟ قال لهم مش مروح. انا - 01:12:40ضَ

مش هحط هنا اشعر بالورطة. كنت نفسي افسر سورة يوسف كنت هسميها كده الورطة القصة كلها بتدور حوالين معصية والمعصية ورطة. او جينا في النهاية بعد تمانين سنة مفكرين العملية خلصت لقينا ايه؟ كما - 01:13:00ضَ

ابن الجوزي رحمه الله فهزه اليد التي امتدت فالقته في البير ازلت حتى امتدت بالمعصية قائلة وتصدق عليه. شفت اللي شال ورماه في البير كده بمنتهى الاريحية. مع ان هم عليهم السلام بعض اهل العلم بيقولوا انبياء وكده يعني اقصد اقول بس عايز اقول - 01:13:20ضَ

المسال بس نشوف رميه في البير وانا مطمئن القلب. فضلت المعصية دي ماشية ماشية لحد ما خلته في النهاية قال له ايه ؟ قال له اديني لله وتصدق علينا. شفت - 01:13:40ضَ

كل المعصية فنسأل الله عز وجل ان يعافينا واياكم. نسأل الله عز وجل ان يعافينا واياكم والمسلمين عليكم السلام ورحمة الله وبركاته. اخ بيقول انا عندي زكاة مال وعايز اديها للناس بس عايز - 01:13:50ضَ

لهم ملابس وحاجات نافعة لان ممكن الفلوس دي يصرفوها في حاجات آآ مش آآ مش كويسة. في حاجات مش مش يعني يجيبوا حلويات وحاجات زي كده لأ لا يجوز لك. الاصل ان زكاة المال تخرج مال ثم يمكن الفقير منها. ما تروحش للفقير اقول له خد انا - 01:14:10ضَ

جايب لك ازا كانت المال جايب لك هدمتين اهو كسوة لك ولزوجتك ولعيالك ما لكش دعوة. ازا كانت المال تدي له مال في ايده ثم هو ينفق وان شاء لازم يتملك - 01:14:30ضَ

هزه الزكاة سم يكون هو صاحب الحق فيها. نسأل الله عز وجل ان يبلغنا واياكم ليلة النصف من شعبان. وان يجعلنا فيها من المغفور لهم وهو ارحم الراحمين وان يبارك لنا فيما بقي من شعبان وان يبلغنا رمضان انه القادر على الجليل والجلل. وصلى الله وسلم وبارك على سيدنا محمد. والحمد لله رب العالمين - 01:14:40ضَ