باحث

بسم الله الرحمن الرحيم. الحمد لله رب العالمين واشهد ان لا اله الا الله وحده لا شريك له واشهد ان سيدنا محمدا عبد الله ورسوله صلى الله عليه وسلم ايها الاخوة السلام عليكم ورحمة الله وبركاته - 00:00:00ضَ

طبعا الاحداث الجارية تهدد بمنتهى الخطورة. وانتم تعلمون ذلك وتدركونه والحقيقة انه بسبب هذا فان معظم الرسائل التي تأتي او التي اتت الي عبر الاسبوع الماضي كلها تتحدث حول درجة يعني - 00:00:18ضَ

آآ حول درجة المخاطر الموجودة في آآ الساحة حاليا وما يقال من امور. آآ فيه اي اشكالية ولا حاجة نعم. فنسأل الله عز وجل التيسير يعني الصوت كويس اخواني تنذر بمنتهى الخطورة لانه في حقيقة الامر - 00:00:45ضَ

الكلام يدور حول اشكالية انه هل يا ترى الصح ان احنا ننتظر ويطول الانتظار لغاية ما يحصل الامر الطبيعي اللي هو ان احنا نضع الاساس ثم نبني عليه البناء اللي هي مسألة الدستور اولا ولا الانتخابات اولا - 00:01:11ضَ

طبعا الحديث لما بيدور من الوجهة المنطقية من وجهة الكلام المنطقي يقوم يقول لك ان الدستور هو الاساس وبالتالي الشيء الطبيعي انك تضع الاساس ثم تضع عليه البناء الحقيقة ان المنطق ده مغلوط - 00:01:32ضَ

اولا لانك لست امام فراغ حاليا. انت مش بتبني بناء من اول وجديد انت امام بناء قائم وانت تريد ان تصلح البناء القائم بان تضع له اساسا قويا فانا ما اقدرش اعتبر ان انا في حالة فراغ كاملة انا ببني بلد ما فيهاش لا قوانين ولا دستور ولا شعب ولا نزم وبالتالي لازم اضع - 00:01:52ضَ

قبل ما ابني البناء وانما المسألة مختلفة. انه الوضع القائم فيه بناء قائم ومطلوب ان احنا نصلح الاساس بتاعه بان احنا نشيل الاساس اللي مش نافع ونجيب اساس جديد. ولزلك هو مش اساس خالص. هو عبارة عن عقد جديد. يعني انا وانت - 00:02:18ضَ

وكنا شركاء في مسألة وانا ظلمتك او انت ظلمتني فاحنا بنضع قواعد جديدة للتعامل نؤسس عليها علاقتنا القادمة. احنا مش بنؤسس وجودنا احنا بنؤسس علاقتنا وبالتالي الدستور بيضع اساس مختلف - 00:02:39ضَ

عن الاساس اللي كان موجود لعلاقات مستمرة قبل كده وبعد كده. يعني ايه الكلام ده؟ يعني كان فيه حاكم ومحكوم وفيه سلطات للدولة وبتحكمهم علاقة. العلاقة دي اسمها الدستور حصلت احداث خمسة وعشرين يناير - 00:03:00ضَ

وكشفت او يعني مش كشفت واجهت اللخبطة والفساد والزلم اللي كان موجودة فقلنا لأ يبقى احنا لازم نضع علاقة من نوع جديد بين هذه المؤسسات وبعضها وبين الحاكم والمحكوم وذلك بان نضع دستورا جديدا - 00:03:21ضَ

ما اقدرش انا اعتبر ان ما فيش شعب وما فيش بشر وما فيش ناس عندي اشكاليتين هنا. اولا هتجد الناس كلهم اللي بيقولوا الدستور اولا كلهم من نوع واحد. اللي هو نوع الناس الشيك - 00:03:42ضَ

الاكاديميين المحترمين اللطاف الزراف الحلوين اللي بيتكلم منطق بحت قاعد في اوضة مكيفة امام تليفزيون امام اضاءة بيكتب في غرفته بينشر في صحيفته وهو في النهاية بيفكر التفكير المحض ده غير الشخص اللي ايده في النار - 00:04:01ضَ

غير الشخص اللي في الشارع اللي بيقول انه ما من مرة في التاريخ الانساني حصل فيها ان الحكم العسكري الانتقالي كان موجود وتركت له الفرصة ليطول وجوده الا وحصلت مشكلات - 00:04:26ضَ

مين يقول ان انا اعيد وضع علاقات الدولة وانا تحت ظل حكم عسكري لا املك بالنسبة له اي محاسبة وانا ذكرت من قبل واديكم شفتم اول امبارح بس. او ربما امبارح - 00:04:43ضَ

انهم آآ الحكومة الحالية والحكومة الحالية حلوة ولا وحشة انما آآ يعني الحقيقة لازم شوية يعني آآ الحاكم لابد ان يكون قويا يعني ما انما على كل حال. وضعوا ميزانية الدولة للسنة الجديدة. ميزانية الدولة - 00:05:01ضَ

الدولة هتصرف ايه وهتكسب منين وهتوزع ازاي ودخولها منين ومصروفاتها منين الميزانية دي كانت في الاحوال العادية بتعرض على الشعب على نواب الشعب وبرغم كل الفساد اللي كان موجود في البلد بالكامل - 00:05:20ضَ

انما كان في اعضاء في مجلس الشعب بيناقشوا الميزانية ويطلعوا فيها مصائب خفية. خفية انما دلوقتي نزل الخبر انه صدق السيد المشير محمد حسين طنطاوي على الميزانية. يا دي المصيبة - 00:05:36ضَ

يعني معنى كده انه ميزانية مصر اللي هتتصرف ولها موارد في سنة كاملة لخمسة وتمانين مليون رهن بتوقيع شخص واحد ان شاء الله يكون ملاك من السما اللي هو محمد حسين طنطاوي يمضي عليها كده لو هو ملاك من السما حتى ده شخص واحد - 00:05:52ضَ

لا الشعب راقبها ولا نواب ناقشوها ولا شيء استعرضه ولا حد له اي سلطة انت الان امام حالة من السلطة المطلقة. افرض بقى انه غلط في بند من الميزانية الناس ينزلوا ميدان التحرير مليونية لمناقشة الميزانية - 00:06:11ضَ

ننزل ميدان التحرير لشيل السطر رقم تمنتاشر من الصفحة مية خمسة وعشرين من الميزانية ما ينفعش لزلك احنا امام حالة الضرورة لازم زي ما قلت لكم اللي عايزين يرتدوا الى مسألة انه نضع الدستور اولا دول الجماعة المغرقين - 00:06:29ضَ

المنطقية وكأن ايدينا في المية الباردة وكأن ما فيش مخاطر من استمرار الحكم العسكري وامتداد الفترة الانتقالية سبع تمن شهور زيادة ولا سنة زيادة وكأن ما فيش ايضا مخاطر من مسألة انه - 00:06:50ضَ

اه يعني انه دولة بلا سلطات. النهاردة لما ييجي وزير افرض وزير سرق مليون جنيه. حد النهاردة يقدر يحاسبه؟ لا في نواب ولا في حتى محاكمة الوزراء ولا محاكمة الرئيس ولا محاكمة بناء على طلب من تلت نواب المجلس ما فيش مجلس شعب ما فيش برلمان - 00:07:05ضَ

ازا انا عندي وزير سلطاته لا حدود لها. وعندي مجلس عسكري سلطاته لا حدود لها. والشيء الوحيد المطروح ان الناس ينزلوا مليونية وانتم شايفين كيف يتم التفريق بين الناس؟ تفريق بينهم - 00:07:27ضَ

في في عشان ما يقدروش ينزلوا مليونيات عشان ما يخبطوش في بعض ورأيتم انه فيه مستشارين في القضاء ياخدوهم يحيلوهم للمحاكمة للقضاء العسكري. وفي مزيعة في التليفزيون لمجرد انها انتقدت انتقدت واحد من الضباط - 00:07:43ضَ

الجيش ودوها احالوها للنيابة العسكرية مش ممكن تقعد تكلمني منطقيا واحنا هاديين اوي كده وانا عندي طريق هينقطع علي انقطاع تام وتبقى عملية قطع طريق ومش هعرف اوصل لزلك انا دائما كررت لو سمحتم - 00:08:05ضَ

اقروا اي كتاب يعجبكم فيه مزكرات ثوار اتنين وخمسين سنة تلاتة وعشرين يوليو اتنين وخمسين التي جرت على البلاد والعباد الوبال وضيعت غطاسة البلد ستين سنة انما آآ اقرأوا اي كتاب فيها عشان تشوفوا ان نفس المناقشة بين الناس اللطاف الزراف المحترمين الشيك اللي هو لأ - 00:08:23ضَ

او الصح والغلط والدستور اولا وبين ادراك الفرصة اللحظة التي تعتبر لحظة فارقة في تاريخ الاوطان. دي ما تتسابش وهناك فارق كبير بين انا في الحالتين اريد ان اضع دستورا ممتازا - 00:08:45ضَ

الفرق هل اضعه وانا تحت مظلة الحكم العسكري والحكم المطلق والحكم الذي ليس هناك من يراقبه والحكم في صورة فعلا ولا انا اشتغل احط الدستور تحت مظلة حكم نيابي خايف من الشعب لان الشعب - 00:09:06ضَ

هو اللي منتخبه افرض انه منتخب فيه قصور افرض انه فيه غلط افرض انه مش مثالي افرض انه مش مية في المية. لكن في النهاية انا بقارن بين الحكم مش محتاجني مطلقا - 00:09:26ضَ

ولا انا لي عليه سلطة مطلقا وسلطاته مطلقة ويقدر يعمل كل حاجة ويجري اعداد الدستور تحت سلطانه هو اللي يختار الهيئة التأسيسية ولا يشوف لها طريقة وبين حكم انا لي عليه سلطان مين يقول - 00:09:41ضَ

انه سبني تحت حكم من لا سلطان لي عليه بيقول لك لأ ما هو احتشاد الناس في الشوارع والميادين ده مخلي المجلس العسكري كويس اصلا واحتشادهم هيخليه يمشي كويس مش ممكن تتصوروا واحنا مش شايفين الحالة مش شايفين ان الناس كانت تتمنى انها تنزل الى ميدان التحرير مسلا الجمعة اللي هي - 00:09:57ضَ

من يومين علشان حصل كزا وكزا وخافت من الخلاف الذي هو الذي يدب بينها فقالت لا بلاش بنخاف سلم مش هنعرف ننزل احنا متفرقين احنا لازم نفرق بين الجماعة المتأنقين اللي يعني بيقعد يزبط كرفتته وجاكتته ويتكلم ويبحث ويشوف وبين الناحية العملية - 00:10:23ضَ

عايزين شعب يستقر على انه يمتلك حدوده ييجي بقى لما تيجي تقول لهم الكلام ده يقوم يطرح فكرة تانية جميلة جدا برضو شكلها في منتهى الشياكة يقول لك ما هو الاحزاب مش جاهزة - 00:10:47ضَ

طيب وانتم ادوا الاحزاب فرصة. والاحزاب ما خدتش فرصتها ومش معقول يبقى الاحزاب ما خدتش فرصة طيب يا حبيبي الكلام ده هايل جدا. لكن هو انا باعالج وطن انا بحط له شروطه ومواصفاته ولا انا باعالج وطن في اللحزة الحالية بمواصفاته حاليا - 00:11:05ضَ

وانا بعالج وطن في الخيال ولا بعالج وطن في الواقع؟ ظروف البلد دلوقتي ان ما فيهاش احزاب قوية معقولة عطل بلد وشعب وخمسة وتمانين مليون انتظارا لان تتقوى الاحزاب انا عندي حزب التجمع مسلا - 00:11:30ضَ

نشأ سنة ستة وسبعين او سبعة وسبعين. يعني معنى كده فات عليه خمسة وتلاتين سنة في صعوبات بس بقى له خمسة وتلاتين سنة حزب الوفد بعد نشأ في برضو سبعة وسبعين وبعدين تجمد شوية ورجع تاني في اربعة وتمانين يعني لأ نقدر نقول ان حوالي - 00:11:49ضَ

تلاتين او سبعة وعشرين سنة في صعوبات لكن عنده مقرات وصحف وآآ نواب حزب الجبهة نشأ بقى له كزا حزب الناصري نشأ يعني الاحزاب مرت بوقت لها صحف سنين طويلة صحف لها مقرات لها كوادر لها لها - 00:12:10ضَ

كونها مش جاهزة ما اقدرش اعطل وطن بزيه زي ما بيقولوا. بكامله انتظارا لما الاحزاب تجهز هو يقوم يرد علي ويقول لي ايه ؟ انت ازا بتفاضل بين مصلحة وطن وبين مصلحة احزاب او افراد آآ في الاحزاب دول صحيح - 00:12:30ضَ

القوية مصلحة للوطن كلية كما يقولون. انما في الاخر انت بتشوف بلد هتضيع عشان انت مستني خمس ست احزاب ما اشتغلتش وبعدين يقول لك مسلا الاخوان المسلمين هم الوحيدين اللي جاهزين. هو الاخوان المسلمين كانوا جاهزين يعني لانهم كانوا على الحجر. كانوا - 00:12:49ضَ

اترك لهم صحف يصدروها كان لهم مقرات كانوا بيتاخدوا يتحبسوا ويضربوا وتؤخذ اموالهم وتصادر فاذا هم مش دول كانوا اسوأ حالا اسوأ محاصرة اسوأ خضوعا او يعني وقوعا تحت الطغيان - 00:13:11ضَ

من الاحزاب يقول لك لأ بس لو كان لهم وسائل خاصة. ايه الوسائل الخاصة؟ كانوا بيعملوا ايه؟ كانوا بيحضروا عفاريت يعني وسائل خاصة بيعملوا ايه يعني وسائل خاصة كان بيروح للشيخ يفتح المندل مش شيخ طبعا انما يروح لواحد يفتح المندل ويقول له اثر لي على الجيران يحبوني - 00:13:31ضَ

وسائل خاصة انه بيتصل مع الناس يعني وسائل خاصة انه بيفتح بيته يعمل كوباية شاي وشوية كيك ويقعدوا مع الناس يتكلموا معهم. طب ما كنتم تشتغلوا كده ما دي السياسة - 00:13:49ضَ

هي السياسة ان تكون عاجزا عاجزا عاجزا عاجزا. ولما تلاقيني انا عامل في بيتي كوباية شاي ووداعي اتنين تلاتة وقاعد اتكلم معهم. يبقى هي دي اسمها وسائل خاصة. ما تشتغل وسائل خاصة. مش انت راجل وطني ونزلت - 00:14:00ضَ

ميدان التحرير وبتقول ان انت كنت عايز تقلب البلد علشان الزلم موجود. طب انا دعوتك لايسر من هذا. لان انت عندك مقر زي ما قررت زي القصور وصحف سيارة انك بس تشتغل - 00:14:17ضَ

فازا كنت مارست وفشلت ومارس غيرك بحدود ضيقة وناجحة ما تجيش تقول لي النهاردة هو اللي جاهز ومع ذلك هذا الكلام ايضا غير صحيح. ليه لانه احنا النهاردة الحقيقة لما تيجي تشوف - 00:14:32ضَ

ودي نقطة مهمة جدا يا اخواني مهمة جدا ومع زلك قبل ما ادخل فيها هقول لك هم بيردوا علينا يقولوا ايه؟ يقول لك لا ما هو انت اصل انت خلي بالك انت بتتكلم عن الاحزاب القديمة الاحزاب اللي اتضح انها بايزة ومش نافعة وما لقت الحكم - 00:14:51ضَ

وطول عمرها كانت عبارة عن ديكور علشان يكمل حسني مبارك ونظامه ويعني انت عارف وانا عارف وناس بتوع مصالح ومش نافعين وملتويين وكلهم ولو نملك نحاكمهم ونوديهم في داهية الخيانة العظمى دا دول اللي كانوا بيتفقوا مع مباحث امن الدولة واحنا بنسميهم احزاب امن الدولة يردوا بهذه الردود. انما احنا نقصد ايه - 00:15:07ضَ

هو بقى بيقول نقصد الاحزاب الاخرى الجديدة اللي هي احزاب شباب الثورة اللي من حقها تنشأ وتاخد وقتها وفرصتها وتعمل شغل والناس يؤيدوها والله يا اخي كلام لطيف اوي كلام جميل جدا. لكن زي ما بقول لك برضو نفس الرد - 00:15:31ضَ

هو انت بتقول لي على البلد انها تكون بالشكل الفلاني عشان احل لها مشكلتها؟ ولا انا بحل مشكلتها دلوقتي؟ انا دلوقتي لقيت العمارة انا ساكن فيها لا قدر الله بتقع - 00:15:52ضَ

قالوا لي اجري يلا بسرعة لان العمارة بتقع اقول لهم لأ استنى لما البس البدلة والكرافتة واحط برفانات واحط وانزل وانا يعني في حالة آآ لياقة كاملة ولا انا انسان ينقذ نفسه من الهدد من الهدم من من الوقوع تحت الانهدام البنيان - 00:16:05ضَ

فانا مش بلاش مش رايقين احنا قوي ان احنا بنحل زروف بلد متخيلة في زهننا. انتظر حتى نضع الدستور وتقوم الاحزاب وتأخذ فرصتها وتنجح في دعم شعبيتها وتتنافس افكارها ثم بعد ذلك - 00:16:28ضَ

نقيم انتخابات ده انت يا بيه انت مش بتتكلم عن الواقع بقى انت راجل قاعد خد حاجة كده وقاعد يتخيل بيها تخيلات ان شاء الله ربنا توفق وتحل وتحصل علما بان معظم هذه الاتجاهات والله لو اشتغلت عشرين تلاتين اربعين سنة ولا هتجيب حاجة - 00:16:48ضَ

لانه قبولهم دول خايفين ينزلوا ينزلوا بين الناس. بيتكلموا لغاية دلوقتي من وراء الجدر ومن وراء الستارة ومن وراء التليفزيون خايفين ينزلوا في الشوارع خايفين يروحوا للناس خايفين يعقدوا ندوة في على قهوة على مقهى يعني على مش مهم هو مش عارف - 00:17:09ضَ

يتقابل مع الناس انت عايز ده النوع ينزل وتدي له مسلا سنة يكون الدنيا فيها خربت خربت والكلام ده انا قلته من حداشر فبراير وليس اليوم ولكن سبحان الله يعني آآ نصحته ولكن اهو ده اللي حصل - 00:17:28ضَ

الحاصل لاخواني ان ما ينفعش طيب ايه الحل بقى؟ اسمع بقى الحل دلوقتي انا عندي كنت اتمنى ان يبقى عندي احزاب قوية عشان اقدر اعمل انتخابات تمثل الشعب طيب ما عنديش ان احزاب قوية - 00:17:50ضَ

اقوم هعمل ايه بقى؟ الصح بقى الكلام بقى المحترم اللي يراعي الناحية العملية ان انا مش هاعول على الاحزاب خالص ولا اعول على الاخوان المسلمين. ولا اعول على الاتجاه السلفي ولا ما ليش دعوة بالكلام ده كله - 00:18:08ضَ

انا بقى نقلت نفسي تماما اني اعول على حاجة تانية. على الشعب المصري على الناس على البشر هو للدرجة دي احنا ساحبين الثقة من الخمسة وتمانين مليون كلهم ولا من الاربعين وخمسة واربعين اللي هيدوا اصوات في الانتخابات مليون - 00:18:26ضَ

للدرجة دي دول ما بيفهموش للدرجة دي ما فيش سقة ان خمسة واربعين مليون مصري بكاملهم ما يعرفوش يختاروا للدرجة دي الراجل اللي بيطلع في التليفزيون في القناة اللي جنبنا الشاشة اللي جنبنا لما اتقلب. هو ده - 00:18:44ضَ

اللي عنده القدرة على الوصاية انه لما يقول حاجة يبقى بيحمي الخمسة واربعين مليون. وبقية الخمسة واربعين مليون دول ما لهمش لازمة احنا لازم نعول بدل ما بنعول على المرشح نعول على الناخب. وازن دي فكرة بسيطة جدا - 00:19:02ضَ

المرشح هو الاحزاب الاحزاب مش موجودة ومش جاهزة. طب متشكرين قوي معلش بقى خلاص مش هينفع ننتزركم لان البلد هتضيع احنا هنعول بدلا منكم على الناخب الناخبين خمسة واربعين مليون اللي بيعرفوا يختاروا - 00:19:20ضَ

واحنا عندنا تليفزيونات هنفضل نوعي الناس وعندنا جرايد ده انا بتكلم عن الاتجاه الحر الاتجاه العام الاتجاه الحكومي لاتجاه اللي بيسموه بقى فصائل الحركات مؤسسات احزاب قوة وطنية يقول اسماء اصل المصطلحات ما فيهاش مشكلة. كل واحد يسمي نفسه اللي هو عايزه. مش مهم ينطبق على - 00:19:37ضَ

صح ولا لا؟ وينطبق على الحقيقة ولا لا انما في الاخر الناس دول عندهم تليفزيونات اكتر واحنا عندنا تليفزيونات احنا عندنا تليفزيون تتكلم في العلم الشرعي للناس الشرعيين. بس انما التليفزيونات العامة اللي واخدة رخصة عامة دي معهم كلها - 00:20:01ضَ

كنت معهم تليفزيونات معهم صحف وليس للاسلاميين صحف معه ولا الاخوان لهم صحف ولا حد له صحف ولا ولا تليفزيونات ولا شيء. ومعهم امكانات ومعهم ومعهم ومعهم اتفضلوا وعوا اشتغلوا مع الخمسة واربعين مليون - 00:20:22ضَ

اقنعوهم انما لو انت عايز تقول لي ان الخمسة واربعين مليون مصري كلهم ما لهمش لازمة الا لما السيد فلان الفلاني يعمل الحزب بتاعه ويقوم الحزب لازم الاول وانا ما فيش مشكلة اقول لكم بالاسماء - 00:20:39ضَ

يعني لازم حزب النور وحزب الحرية والعدالة وحزب فضيلة وحزب المصريين الاحرار وحزب عدل وحزب الكرامة لازم هم دول لو ما قاموش واشتغلوا ومكنوا لو ما قاموش واشتغلوا ومكنوا يبقى الشعب المصري مش هيفهم حاجة والخمسة واربعين دول كلهم عندهم تخلف عقلي خمسة واربعين مليون ما بيفهموش - 00:20:54ضَ

الا لو قامت الاحزاب ابني على شيء ليس ما اقدرش انتظره. ما اقدرش انتزر. واحد مرض الان مرض دلوقتي في حالة خطرة الان بيقول والله ده انا ابني في ستة طب فاضل له شهرين وهيمتحن استناه لما يتخرج ويبقى دكتور ويعالجني - 00:21:22ضَ

الولد لسه ما اتخرجش وانت هتموت. رح لدكتور. وبعدين لما ربنا يكرمه ويتخرج يا اخي يبقى يقعد تحت رجليك يجر اباه انما تقول لي انا هعطل البلد كلها بالكامل واعرضها لمخاطر الحكم العسكري وللمخاطر التشتيت والتمزيق والتفريق - 00:21:41ضَ

من الفصائل وتلويه سمعة الفصائل وكل وامريكا هي امريكا يا اخواني. امريكا بصفتها الدولة العظمى في العالم انتم متصورين ان امريكا لما وقع الحراك القائم دلوقتي ده امريكا راحت روحت البيت نامت وقالت يا نهار ابيض ده الشعب المصري كسب خلاص والسورة تمكنت وبقت الحكم في ايد الناس - 00:22:02ضَ

ولا عندها بدل البديل مليون بديل لازم تتصرف هل حد يقول لي ان احنا نضع خطط نضع نفسنا تحت ذات الحكم العسكري اللي هو كان موجود قبل كده يا رب يطلعوا ملايكة - 00:22:27ضَ

يطلعوا احسن ناس في الدنيا. انما هم اللي كانوا موجودين التلاتين سنة اللي فاتوا العشرين سنة اللي فاتوا والعشر سنين اللي فاتوا. والان خدوا موقف كما يزعمون والله اعلم بحقيقة الامور انه - 00:22:42ضَ

عايزين نبقى كويسين. طب ماشي بس انا ما قدرش اتصور ان يبقى عندي محور حكم عسكري مطلق السلطات مع امريكا التي لها مصالح مع ما يحدث من تفتيت الشعب ومن احالة الناس للنيابات ومن غيره واقعد انا مطمئن لأ انا عايز بقى الحكم العسكري سنة وسنتين يجرى ايه لغاية لما اخلص الكلام - 00:22:57ضَ

الكلام ده كله مش ممكن وبعدين يتعللوا احيانا ودي نقطة جديدة ببعض النفقات. يقول لك بس واحنا نصرف كم على انتخابات كزا وكام على انتخابات كزا يا اخي الكريم انت تريد ان تملك الشعب ارادة. اولا اللي بيحصل دلوقتي انا كنت ضده من اول لحزة. يعني مش انا - 00:23:17ضَ

مصير هذا لأ انا كان رأيي في شهر فبراير غير كده خالص وذكرت هذا مرارا وانا الوحيد في مصر كلها الذي ذكرته ان الانتخابات البرلمانية اللي هي مجلس الشعب والانتخابات الرئاسية الاتنين ممكن يجروا في يوم واحد. احنا مش لازم ايه الاول وايه الاخر - 00:23:39ضَ

ما فيش حد يقول كده مش لازم. امريكا بتحصل انتخابات رئيس الدولة مع البرلمان تجري في يوم واحد. واحيانا مع التجديد النصفي معمول بهذا في امريكا بطاقة مسلا لونها برتقالي وبطاقة لونها فزدقي ده آآ دي بطاقة البرلمان ودي بطاقة الرئيس في يوم واحد - 00:24:01ضَ

فانا قلت ساعتها قلت والله احنا نعطي ستة اشهر ستة اشهر لتفاعل الشعب بس تخلي الست شهور دول بقرار من اول لحزة. الاحزاب متاحة. الصحف متاحة. الجمعيات متاحة. الاعمال السياسية والمدنية متاحة. اشتغلوا ايها الشعب وست اشهر كلموا الخمسة واربعين مليون المحترمين اللي ممكن تبني عليهم - 00:24:22ضَ

انت اكلمه وانا اكلمه انما النهاردة الاحزاب مش قادرة تنزل في الشوارع الاحزاب الوليدة اللي بتقولوا عليها احزاب شعبية بتعمل مؤتمراتها في قاعات مغلقة مش عارفة تقابل الناس وتقول لي ان هم دول اللي ادي لهم فرصة ست شهور عشان يبقوا اغلبية في البلد! مش ممكن - 00:24:50ضَ

ده شيء غير طبيعي. شيء يعني ما عشان كده بقول لك اللي بيرى هذا الرأي هم الناس الناس الشيك. الناس المتأنقة. اللي بيقعد يقول لا والله ان كذا وثم كذا. وبعده كذا وانتظروا عندما يحدث كذا وتحس الكلام جميل ومنطقي. بس ما ينفعش - 00:25:10ضَ

الراجل هيموت لازم يروح للدكتور عربيتك في الجراج خد تاكسي عندك انما لازم يروح للطبيب الان والا يموت وتقول تقول له ازاي فلان الفلاني بقدره العزيم يركب تاكسي وهو عنده عربية موديل كزا اخر - 00:25:29ضَ

يا حبيبي الراجل هيموت لزلك نحن لا نستطيع مطلقا ان نعول على خلاص انا زي ما قلت لكم كنا نتمنى ان تكون هناك احزاب قوية آآ لكن ما فيش خلاص يبقى انا بترك جانب - 00:25:47ضَ

المرشح واخد جانب الناخب. اثق في الشعب. هعمل له توعية واتكلم معه والشعب ده مش هبل ولا هطل. ولا متخلفين عقليا. وانا يا اخواني والله يشهد الله العلي الكبير تجربتي الشخصية - 00:26:08ضَ

ومن الصغر انا لا انسى هزا في سن اربعتاشر خمستاشر سنة كنت لسة صغير وبعدين اشوف كده ناس واقل من كده ربما تلتاشر سنة او اتناشر سنة كمان كنت اشوف ناس - 00:26:22ضَ

ايه ده! هو ده اللي هينتخب آآ يعني طبعا والدي كان هو المرشح في البرلمان ساعتها هو ده اللي هينتخب ده راجل غلبان اوي ده راجل ما يعني ما ادراكاته محدودة اوي - 00:26:36ضَ

ده ده ما فيش خالص وده كمان وده وده. طب كبراء الناس برضو نفس الكلام وبعدين واحد في مرة بقول له طب اكتب لي النمرة وانا ابقى اتصل بك وهو راجل من من قيادات البلد قال لي انا ما باعرفش اقرا ولا اكتب - 00:26:53ضَ

استغربت جدا الراجل الشيك اللي لابس لبس في منتهى الفخامة ده وسيد الناس والناس موسعة له الطريق وكده ما بيعرفش يقرا ويكتب فقال لي اكتب انت انا ما باعرفش اكتب - 00:27:11ضَ

قلت ده اللي هيختار ولكن صدقوني والله يا اخواني بعد فترة لما تقعد مع النوعيات دي اللي انت متصور انها ما بتفهمش وعشان كده انا بقول الفرق بينا وبين الناس اللي احنا مختلفين معهم دول - 00:27:24ضَ

انهم لا يثقون في هذه في الناس لكن لما تقعد ونحن نثق باذن الله تعالى فيهم لما تيجي تقعد مع الناس دول تقعد تتكلم معه تلاقيه واعي واعي غير طبيعي - 00:27:40ضَ

وعي انا ضد الامية طبعا بس الامية مش بس قراءة وكتابة. الامية قد تكون امية الادراك الادراك ولزلك جايز تلاقي واحد عامل ولا فلاح ولا غلبان ولا كناش ولا يقرأ ولا يكتب ولا يعرف اي شيء في الدنيا. واعي اكتر من واحد طالب في الجامعة ما يعرفش حاجة. احيانا بيحدث - 00:27:56ضَ

دي امية ودي امية بس دول نوعين من الامية هي في الحالتين امية لكن على نوعين عشان كده بقول لحضراتكم الناس دول اللي انا بحكي لكم وانا صغير كنت بشوفهم هم دول اللي هيختاروا الراجل العزيم ده. هم دول اللي هيقولوا على الراجل العزيم ده - 00:28:19ضَ

ايوة او لا ولكني ادركت آآ مش بس في هذه الدايرة في دواير متعددة. يعني انا لا انسى الدائرة المجاورة لنا مباشرة انه كان فيها عملاق داخل الانتخابات لكن احنا بالثقافة العالية بتاعتنا العظيمة شايفينه - 00:28:37ضَ

ما ينفعش وازا بهذا العملاق يسقط وخصمه ياخد اكتر من اتنين وسبعين في المية في الانتخابات وينجح ده ما كنش حد يتصور ان هو ينجح لكن الناس فاهمة صح. الناس مدركة - 00:28:56ضَ

واللي نجح باتنين وسبعين في المية المرة دي ممكن ينجح المرة دي والمرة الجاية وبعدين في المرة التالتة يكسل شوية يسقطوه. شعب واعي لزلك احنا لازم نعرف ان اللي طالع في البرنامج اللي جنبي واللي جنبي واللي جنبي واللي جنبي وانا كمان احنا مش اوصياء على الخمسة واربعين مليون - 00:29:13ضَ

فاذا ما تغيب وجود الاحزاب فعلينا ان نعتمد على وجود الشعب ولا الشعب كمان مش موجود مش ممكن انما ان ننتظر وصدقوني سيكون عارا ان احنا نرجع نغطس ستين سنة مرة تانية. يغطس الناس ستين سنة مرة اخرى - 00:29:33ضَ

انما تعالى بقى الى نقطة مهمة جدا وعلى فكرة يومئذ سنذكر بالاسماء. والله وانا من الان ساذكر بالاسماء انا باعمل الاحصاء من الان. وهناك من يسجل هذه المواقف من الان ويسجل التنبيهات التي نبهنا اليها من الان علشان ما تذهبش مندثرة. سنقول بالاسماء - 00:29:54ضَ

ان هؤلاء الناس اللي هم عندهم حسن ظن وطيبين وانيقين وشيك ومنطقيين وحلوين وبيفكروا حلو هم الذين قالوا ذلك ونبهناهم بوصفنا ايدينا في الناس ايدينا ولزلك ده الفرق الفرق بين - 00:30:19ضَ

بين اللي في الشوارع في في وسط الناس وبين اللي قاعد بيمارس عمل فوقي عمل علوي عمل انه يكتب ويفلسف ويفكر يكتب ويفلسف ويفكر ويقضي على يعني يعني كانه بقلمه يقول هذا صح وهذا خطأ يصدر - 00:30:37ضَ

احكاما على الناس والفرق بين الناس اللي في الشوارع ولزلك لما جه يقول لي ايه لاستفتاء اللي حصل ده في اخطاء حصلت ادت الى ان الناس تقول نعم لكن لو لو مشي مزبوط كان هيبقى حاجة تانية ومش معقول - 00:30:57ضَ

نتايج الاستفتاء تبقى مصادرة على الرأي بقى واحنا نقدر نقول طب ايه رأيك نعمل استفتاء تاني؟ مع ان انا ضد ده مليون في المية. انما اذا اردت ان تعرف من انت؟ اتفضل اعمل استفتاء تاني ايذاء - 00:31:17ضَ

ابيت اعمل استفتاء تاني لتعرف ان شعب مصر لا يطيق هؤلاء الذين يلعبون في قدره في مقاديره تعالوا اتفضلوا اعملوا استفتاء تاني علشان تشوفوا هل هي المنطقية المفرطة والعملية الحجج المفرطة ولا هو الواقع اللي يفرض نفسه هيضيع البلد - 00:31:33ضَ

انما اذا ابيت ان تلتزم بالقانون وبنتائج الاستفتاء من قبل ومصمم تخالف الدستور ومقاساة مصمم تخالف القانون ومصمم تخالف الديموقراطية التي تدعو اليها ومصمم تخالف كل ده. وممتنع تعمل استفتاء تاني كمان. علشان ما يبانش ان انت ليس لك ارضية في - 00:32:01ضَ

وكل اللي انت مصمم عليه فقط ان تكون انت صاحب صاحب القرار صاحب الوصاية على الناس فوالله متأسفين جدا لا يمكن ان يكون هذا مقبولا وانا اخواني لا اعفي من المسؤولية ابدا - 00:32:23ضَ

القيادات القيادات القيادات مش قيادات الحكومة الحكومة الحالية تطلع حلوة تطلع وحشة رئيس الوزراء الحي يطلع حلو يطلع وحش. انما في الاخر الانسان يحتاج الى حاكم قوي مش حاكم يبقى مش عارف يعمل ايه بين اللي بيضغطوا عليه يمين وشمال. ما ينفعش - 00:32:43ضَ

ما ينفعش مصر مش حمل شخص او احد لا يستطيع ان ان يحكم الامور انه يبقى متصورها تصور صح ويسمع شورى الناس ويسمع ارائهم ثم يكون وقافا وحاسما في الامور بحيث تسير في مصلحة الناس - 00:33:09ضَ

انما المسألة اللي احنا مش عارفين دي العملية اللي مايعة تطلع مزاهرة هنا تقوم مغيرة القرار يحصل آآ حالة من النيابة العسكرية تروح مرجعة تاني ده ده مش شغلي ده - 00:33:30ضَ

فانا النهاردة بقول اهو بمنتهى الوضوح انه ازا كان ولا بد ان احنا بنتعامل مع الواقع كما هو لازم نعرف ان علينا ان نقطع دور واضحا في المسائل تماما. ايها الاخوة - 00:33:42ضَ

هناك ايضا المسألة الحقيقة لابد ان تطرح ولابد ان تكون واضحة في اذهان الناس هو احنا يا ترى لما هنختار اختيارات دلوقتي لو اتعملت بيقول لك الدستور اولا ولا الانتخابات اولا - 00:34:01ضَ

هل احنا بنختار اختيارا ابديا ولا ده اختيار ايضا موقوت اسمه اربع سنين بتجيب واحد بيقعد اربع سنين ايه رأيك نتفق على ان الاربع سنين الاولى دي هي مرحلة انتقالية في حد ذاتها - 00:34:18ضَ

هي مرحلة انتقالية يتعمل فيها الدستور. مرحلة انتقالية تجود فيها المؤسسات بس تحت سلطان برلمان اختاره الناس ويخاف من الناس لانه سيرجع اليهم في انتخابات تالية. فهيحاسبوه كويس بيقول لك ايه بقى في الرد على كده؟ كلمة خطيرة بقى. عايز اقف عندها لانها - 00:34:34ضَ

في حد زاتها فكرة مستقلة يقول لك لأ انت هتجيب لي ديكتاتور جديد يعني ايه ديكتاتور جديد يعني ان حسني مبارك كان ديكتاتورا بالنزام السابق وانا مش عايزة ارجع للنزام السابق فمش هينفع اختار - 00:34:56ضَ

رئيس وبرلمان طبقا على نفس الدستور اللي فات لانه يعمل ديكتاتور جديد يا سلام يا سلام اولا الذي صنع الديكتاتور السابق في حقيقة الامر ليس الدستور الذي صنع الديكتاتور السابق - 00:35:14ضَ

مخالفة احكام الدستور بالقوة مش اعمال مجلس شعب حقيقة وانتخابات حقيقة وحصانات حقيقة وجهاز مركزي لمحاسبات حقيقة وكسب غير مشروع حقيقة ونيابة اموال عامة حقيقة وصحافة ممكنة حقيقة ما كانش ده يبقى ديكتاتور - 00:35:35ضَ

لان الدستور ما يخليهوش ديكتاتور يبقى معنى كده ان انا محتاج قوانين مش دستور قانون لحصانات القضاء قانون لحصانات جهاز المحاسبات قانون لحصانة دي قوانين يقدر يطلعها المجلس العسكري لو كان صادقا - 00:36:01ضَ

باعلان دستوري منه بمشروع قانون بقانون يعني قرار بقانون ويقدر يطلعها مجلس الشعب فيصبح الدستور الموجود هو الدستور كل حسني مبارك انت ما فيش عليك رقابة. لأ ده كان بيخلي مجلس الشعب والشورى والجهاز المحاسبات وفيه قانون لمحاكمة رئيس الجمهورية او فيه نص على ذلك - 00:36:20ضَ

كمان الفكرة انه كان لا يطبق او قوانين لم تصدر. اصدروا القوانين يلا واشتغلوا انما تيجي لغاية النهاردة بعد كل ده انت اللي معطل الاحزاب لانه لازم ما فيش حزب يطلع الا لو كانوا من الاغنياء اللي معهم ملايين عشان يقدر - 00:36:40ضَ

ينشئ حزب وانت اللي معطل الصحف وانت اللي معطل الجمعيات وانت اللي مش مطلع قانون بحصانات القضاة وانت اللي مش مطلع قانون بحصانات المحكمة الدستورية وانت اللي مش مطلع الانتخابات وانت اللي مش مطلع قانون حصانات الانتخاب او ضمانات الانتخاب - 00:36:56ضَ

وكفالة نزاهته وانت اللي مش وانت وانت. وبعدين تقول لي انا مش مطلعه واستنى لما الحالات دي تطلع. ما هو انت الذي بترتكب هذه الجريمة. انت الذي تؤخر عشان كده احنا بنقول بمنتهى الوضوح هم يحجزون شيئا ثم يحتجون بان الحاجات دي مش موجودة. ما انتم اللي مخلينها مش موجودة - 00:37:15ضَ

نزلها. مين يقول ان حزب العمل مجمد من ساعتها لغاية دلوقتي ويستطيع بقرار انه يفك تجميده؟ مين يقول ان حزب الكرامة ممنوع لغاية دلوقتي وهو ناصري لو اسلامي ولا يمت للاسلام بصلة ومع ذلك اهو يعني كمنهج سياسي يعني ومع زلك مجمد لغاية دلوقتي يعني عايز اقول لك انا كان ممكن - 00:37:35ضَ

انما انت اللي حاجز بايدك وبعدين بتتحجج تقول معلش اصل الحاجات دي مش موجودة. طب ما تخليها موجودة لذلك تبينت النية. عشان كده بقول لحضراتكم الدستور الموجود لما هييجي رئيس ما الدستور ده ما يخليهوش ديكتاتور - 00:37:55ضَ

ايوة له صلاحيات وايوة له سلطات لا شك انها لازم تتشال. لانها عار وجريمة زي انه مسلا يبقى من حقه حل مجلس الشعب في حالة كزا من حقه كزا وحتى كانت قبل كده بناء على استفتاء شاله حكاية الاستفتاء مسلا لو يعني ايه يعني معلش - 00:38:12ضَ

بسرعة كده ان مجلس الشعب لو اتخانق مع الحكومة يقوم يحصل بينهم خناقة كده في مجلس الشعب. انه صاحب السقة لأ طب مش صاحب السقة مش عارف ايه في الاخر رئيس الجمهورية من حقه في هذه الحالة انه يحل مجلس الشعب. طبعا ده - 00:38:32ضَ

مش ممكن لكن الحالة دي في الوضع الثوري اللي احنا فيه ناس هيثوروا عليه. فورا ولزلك انا بقول ان الدستور القائم لم يصنع ديكتاتور لان الدستور بيصنع ديكتاتور لأ لان مخالفة الدستور - 00:38:46ضَ

هي التي صنعت ديكتاتور بقى فيه مجلس شعبي مزور مش حقيقي. فالحقيقة ان ما فيش مجلس شعب حط بقى قانون ضمانات الانتخاب بس كده وازبطه مزبوط جدا. خلي الناخب يوقع عشان تبقى جرايم تزوير. فعلا تثبت - 00:39:04ضَ

التوقيع مش مطابق بس واعمل قانون تزوير فورا يبقى مجلس الشعب حقيقي بس فالدستور يبقى فيه رئاسة وحكومة وفيه برلمان يراقب ادي حصانات لجهاز المحاسبات. ادي حصانات للقضاة. ادي ادي. وياللا وادي قوانين مش محتاج شيء. وبعدين - 00:39:20ضَ

الذي سينتخب كبرلمان مكلف فورا يبدأ في مسألة اعداد الدستور. يقول لك طب ما انت ما قلتليش شف بقى شوف يقول لك انت ما قلتليش البرلمان هيختار الهيئة التأسيسية اللي هتحط الدستور ازاي - 00:39:40ضَ

وانا اقول لك ليه التعديل الدستوري بيقول ان شعب مصر هيختار ممثليه انت واصي على شعب مصر وبعدين ممثلي شعب مصر هيختاروا المية واحد بتوع الهيئة التأسيسية. انت واصي كمان على ممثلي شعب مصر. تقوم تقول لي ولا شعب مصر ولا ممثلي شعب مصر. قل لي الاول هيختاروا - 00:39:58ضَ

ازاي واشترط ان انا اكون فيهم ويبقوا توافقيين ولازم يبقى فيهم كزا غصب عن عينين هزا الشعب وغصب عن عينين الناس ومش هسمح انهم يختاروا قبل ما ما تقول لي - 00:40:24ضَ

ولزلك ما اشبه هذا والله بقطاع الطريق اللي واقف يقول لك بص بقى ولا تقول لي شعب مصر ولا تقول لي استفتاء ولا تقول لي انتخابات ولا ممثلين الشعب ولا الهيئة التنفيذية قل لي انا فين الاول؟ هبقى موجود ولا - 00:40:37ضَ

انت مش موجود في هلخ فيها زي ما بيقولوا العوام ازا كنت موجود همشي لك الامور. نعمل صيغة كده توافقية تقر لي باللي انا عايزه. وانا اقر لك باللي انت عايزه ونوصل كده لتوافق - 00:40:54ضَ

ونعرف هنختار المية واحد ازاي؟ اول ما الاقي الكلام مزبوط افتح لك الطريق امشي يا عويس وسع كده للباشا خليه يمر انما غير كده انا قطاع طرق مش همشيه مش ممكن - 00:41:10ضَ

مش ممكن هذا المنطق يقبل يا اخواني مهما كان انسان قدراته العقلية مرتفعة ان يتكلم من هذا المنطق مطلقا امال ايه الصح بقى علشان الكلام الكتير اصله احيانا يأخذ يعني منا كل ما اخذ وانا الحقيقة يعني آآ عندي يعني يعني انا عايز اخلص لاني عندي ارتباط مع الاسف - 00:41:22ضَ

اه الحل الحقيقة اه الحل كالاتي ان شاء الله. اولا ان نفتح كافة منافذ الحريات فورا الان الان فورا واحنا اتأخرنا طبعا كتير صحف واحزاب وجمعيات وحريات وحركة ومؤتمرات تماما - 00:41:47ضَ

نمرة اتنين ان نزيل كافة ما يمنع الناس من آآ آآ من ابداء رأيها والتفاعل لان في بعض القوانين موجودة بتمنع هذا نمرة تلاتة ان نمارس عملية حوار مع الشعب المصري. مش حوار عبدالعزيز حجازي ويحيى الجمل. ده حوار - 00:42:25ضَ

انا هقول صراحة ده من احابيل مكر الليل والنهار. انا ده رأيي احنا فاضيين قاعدين يتناقشوا هات وادي واعمل وكزا والنخبة نناقش مع الشعب مع الناس لانه في الاخر انا هحكمها بشيء واحد مش بوثيقة تصدر عن مؤتمر حوار - 00:42:52ضَ

لأ بانتخابات انا اتناقش ودي نمرة تلاتة زي ما قلنا اتناقش مع الشعب المصري. يطلع الدكتور العزيم عبدالعزيز حجازي والدكتور العزيم يحيى الجمل والدكتور العظيم عصام شرف والدكتور العزيم آآ فلان ليبرالي الخطير فلان والصحفي القدير فلان يطلعوا على التليفزيونات ويتكلموا - 00:43:12ضَ

ويطلعوا رموز جماعة الاخوان ورموز السلفيين ويتكلموا. ويطلعوا اصحاب الاراء المتعددة ويتكلموا ويدي كل واحد مش حوار عايزين الحوار ماشي عايزين ربع ساعة يقول فيها ويتكلم ماشي. المهم في الاخر - 00:43:37ضَ

الشعب المصري ده مش مش شعب مغفل ولا اهطل ولا اهبل ولا مغيب ولا ما لوش قيمة. هو ده اللي في الاخر يقعد يسمع كده ويوزن ويراعي الاعتبارات المنطقية فين والاعتبارات العملية فين واعتبارات الخطورة فين واعتبارات ما يتربص بنا - 00:43:53ضَ

من امور ممكن تضيعنا فين واعتبارات الناس اللي عايزة يا عم تخلص بسرعة عشان تحكم هي البلد فين واعتبارات الناس اللي عاملين اتفاقات بينهم وبين بعض فين كل اللي بيتقال والتهم شعب مصري واتهم انت عايز تتهم الحزب الفلاني وهو يرد تتهم الجماعة الفلانية - 00:44:13ضَ

وهي ترد ويحدث امام الشعب كله خلاص وفي يوم من الايام تجرى الانتخابات بناء على هذا. هينزل واحد اسمه حسن وواحد اسمه علي وواحد اسمه مصطفى في الدايرة هتتلخص المسألة في انه الشعب ده - 00:44:33ضَ

هيبقى شايف حسن ده راجل كويس او وحش بناء عليه هيختاره. حسن ده اصبح اسمه نائب الشعب يا اخواني ازا كانت امريكا لغاية دلوقتي بتنتخب الرئيس بنظام المندوبين اللي هو على درجتين ان الشعب يختار المندوب بتاعه. والمندوب هو الذي يصوت للرئيس - 00:44:51ضَ

خلاص طيب بس فيه صح فيه غلط فيه مخاطر فيه مش عارف ايه طب ما قل للشعب انت بتقول لي انا انت بتقول لنفسك انت بتقول لي مؤتمر الحوار الوطني انت بتقول لدكاترة - 00:45:10ضَ

فترة الجامعة انت بتقول للقضاة والمحامين انت بتقول للاعلام قل للشعب قل للناس اللي هم اصحاب الحق وبعدين مكنهم ينتخبوا اذا انتخبوا هو ده قرار الشعب في الاخر مش دي اللي هم بيزايدوا علينا به بالديمقراطيات يا اخواني. لازم نضع هذا الكلام في حسباننا تماما. ولازم نعرف انه هذه - 00:45:20ضَ

المسألة هي الطريقة التي يصح تماما ان نسير فيها احنا الحقيقة هنا مش عايز انا اتجاوز يعني آآ حدود الكلام في آآ مسألة اقناع الشعبي واراء الناس واتخاذ قرار آآ سلامة الانتخابات - 00:45:42ضَ

سلامة الصحف وسلامة الاحزاب وغيره. انما انا عايز اقول انه بعض القوانين تمثل خطورة فزيعة جدا وانا هضرب لكم مثل عشان بس يبقى النهاردة احنا اوضحنا الصورة وضوحا كاملا لان انا الحقيقة بحب الطريقة الرائقة - 00:46:03ضَ

الواضحة الرائقة اللي هي توضح اللي ممكن تسميها انت الطريقة الرايقة. انما تبقى الامور واضحة يقول لك نعمل انتخابات بالقايمة ولا فردي؟ ويقعدوا يتناقشوا قايمة ولا فردي؟ ها ها قيمي ولا فردي؟ - 00:46:23ضَ

قايمة ولا فردي بتلاقي الاحزاب دي تقول قايمة ودي تقول فردي وده يقول طب تلت بالفردي وتلتين بالقايمة. لأ طب ما تخليها احسن تلتين بالفرد وتلت بالقايمة طب الكلام ده - 00:46:46ضَ

والله يا اخواني انا شخصيا يعني كشخص على الاقل الواحد ايده في في النار زي ما بيقولوا باستمرار انا مستغرب لوجد خلي خلي بقى عشان اريح نفسي واريح اللي بيسمعني واريح الناس كلها. خلي الانتخاب بالقايمة احسن - 00:46:59ضَ

افترض ان هو احسن. واكثر ترجمة لاقدار الاختيارات الناس ما بيهدرش اصوات واحسن للمعارضة واحسن للتمثيل النسبي وللاحزاب وكل حاجة انما يا ناس ده وطن بلد. فيه حد في الدنيا - 00:47:20ضَ

قبل اجراء الانتخابات بشهرين بس او بتلاتة بس. شف نفس نظام حسني مبارك. لسة موجود. اوعى حد يقول انه اتغير اوعى حد يقول انه اتغير هو اللي اتغير اسماء الاشخاص - 00:47:40ضَ

انما المسألة زي ما هي المسألة دي النمط نفسه كما هو بذات الصورة في حد في الدنيا ان يقول ان قبل الانتخابات بشهرين او تلاتة افضل ملخبط الناس زي ما كانوا بيعملوا. قايمة فردي فردي قيمة. اسمعوا يا اخوانا - 00:47:54ضَ

اخر انتخابات مجلس الشعب اجريت في عهد حسني مبارك كانت الفين وعشرة واللي قبلها الفين وخمسة لو سمحتم واحنا دلوقتي المفروض قبل اجراء الانتخابات مسلا باربع شهور او خمس شهور - 00:48:12ضَ

هاتوا الجرايد بتاعة الفين وعشرة ايام حسني مبارك والفين والفين وخمسة ايام حسني مبارك قبل الانتخابات بخمس شهور واقروها وموجودة على النت الحمد لله. هتلاقوا نفس النقاشات بنفس الوجوه ونفس الاشخاص. بنفس المنطق - 00:48:23ضَ

قايمة ولا فردي؟ تلت ولا تلتين؟ هاتوا الجرايد ويفضلوا ممخولين الناس ويقول لك بعد كده اخبار خاصة تخرج ان الاتجاهات تتجه نحو اجراء الانتخابات مثلا قائمة ومش عارف ايه ويقعد الناس يتكلموا وبعدين خلاص على حافة الانتخابات على حرف الانتخابات يحسموها. نفس الكلام - 00:48:41ضَ

اتجاهات لمجرد مخولة الناس لخبطة الناس ان ما فيش شيء مستقر. وبعدين يا ويلنا بقى لو طلع القانون فعلا بعد بعد ما هو قاعد يهز الناس عشان ما حدش يعرف ياخد قرار - 00:49:07ضَ

يا ويلنا بقى لو طلع القرار بانها بالقايمة دلوقتي. عارف يحصل ايه؟ اولا تتغير الارض اللي احنا واقفين عليها لانه هيغير الدواير لازم هيغير الدواير. انت حضرتك داخل في دايرة ايه؟ دايرة كزا لا خلاص ما بقتش هي دي الدايرة. ده انضم لها دايرة كزا ودايرة كزا - 00:49:23ضَ

يبقى الناخبين اللي انا اصلا عامل حسابي عليهم بقوا عبارة عن ربع الناخبين والحق ازاي في شهر ونص اروح للناخبين دول كلهم اه ما هو انا قاصد ان انا مخولك. انا كنت قاصد اوقعك انك تبقى مش عارف فين الارض اللي انت واقف عليها. هم دول ناخبيك ولا دول عشرين في المية منهم - 00:49:41ضَ

انت محتاج تمانين في المية تانيين لا تعرفهم. ولا تعلمهم. ده ده مكر الليل والنهار وبعدين غير كده هتخليها دايرة واحدة لأ هخليها قايمة نسبية ولا قايمة مطلقة القايمة دي معناها ان انا بدل ما انا باخد قراري بستخير ربنا واسأل اهلي وقرايبي واصحابي وحبايبي وانصاري وخصومي واشوف - 00:50:01ضَ

ولا لا معناها ان انا اروح لواحد اقول له ما تاخدني معك في القايمة بيقول لك لأ ما اقدرش اخدك في القايمة اقول له طب انا اخترت قايمة كزا ما تيجي انت معي وابتدي ادور على ناس هروح بقى فين اروح لمين بقى للاحرار بقى ولا التجمع؟ لا اروح للوفد الجبهة اروح - 00:50:25ضَ

بلاش المصريين الاحرار لأ لأ العدل بلشنا ها ويلفوا الوسط اللي مش عارف الحرية والعدالة وبعدين في الاخر كله قال له برة يقوم داخل في الفار دي والفردي محتاج يدخل في - 00:50:42ضَ

خمس اضعاف وده وده كلام ده؟ هو ده فيه في ده معناها ان انا بقطع البلد بتاعتي انا بغرقها بغطسها بخلي لا المرشح عارف اللي هيترشح فيها لغاية دلوقتي يجهلها. ولا عارف الناس اللي هينتخبوه مين هم. ولا عارف مين اللي هيتفق معهم عشان يعمل قايمة. تقول لي ان دي - 00:50:57ضَ

راشدة يا راجل لناس وطنيين. وانا عايز اخون حد ولا عايز اقول على حد مش وطني. ولا عايز برضو اقول على حد وطني. هو انا ما ليش دعوة. ما ليش دعوة - 00:51:17ضَ

وانا مش باقيم اشخاص. انا مش شغلتي اقعد اقيم. انما انا باكلمك هل في الدنيا كلها حد يفكر ان هو دي الطريقة اللي انا فيها على بلد وعلى وطن اغير الارض من تحت اقدام الناس. قبل الانتخابات واغير القانون واعمل طب ما تعمل كده دلوقتي او من شهرين تلاتة فاتوا عشان الناس - 00:51:27ضَ

مواقع اقدامها. انما تفضل مغميني ومغمي الناس ومعمي عليهم. ولسه بتعمي عليهم تقول لسة وسوف وسوف وسوف علشان توقع البلد هذا الكلام والله ارى وراءه ما اراه بوضوح ارى ولذلك انا اقولها بغاية الوضوح. اللحظات اللي احنا فيها دي لحظات فارقة في تاريخ - 00:51:50ضَ

اما ان ندرك امورنا ليكون البلد ملكا لاهلها. واما ان نفس الاحابيل والالاعيب والدياجير والامور اللي هي شغالة هي هياها. ايها الاخوة لقد رددت اليوم بقدر ما استطيع على كل شيء. الدستور اولا ولا الانتخابات اولا بالقايمة ولا بالفردي - 00:52:14ضَ

الدستور هيعمل ديكتاتور جديد كل شيء ازن يعني لم يبق شيء لم يبقى الا ان اسمع دوي اصواتكم انتم. ان اسمع حراككم انتم وانتم تدافعون عن هذا الوطن وعن هذا البلد وانتم لا تسمحون لمن يلعب باقداره - 00:52:35ضَ

بجلسة امام كاميرا بان يضيع وقته. ايها الاخوة لقد سعدت ودائما اسعد بلقائكم الكريم. وسامحوني ان كنت في هذه الايام تحت تأثير الاجهاد يعني يبدو علي كثير من الاجهاد لكن آآ يعني انتم على كل حال - 00:52:56ضَ

الاهل فضل واسأل الله عز وجل ان آآ تعذروني في هذا. واسأل الله ان نلتقي بكم دائما على خير. وكما ترون دائما كل ما اتيحت لنا الفرصة فاننا نسعد باللقاء وبالاستجابة لدعوة هذه النافذة. فيعني شكر الله لهم - 00:53:16ضَ

اسأل الله ان يجمعنا على الخير والهدى والبركة والرشاد يا رب العالمين. ولا آآ افلت اننا في شهر رجب حيث خشية القلوب توجه الى الله عز وجل حيث الصوم حيث الشهر الحرام حيث التهيؤ لاستقبال شعبان حيث التهيؤ لاستقبال رمضان - 00:53:36ضَ

حيث ذكر الله حيث الرجوع الى الله عز وجل حيث التأكد انك حيث يرضى الله عنك وانك لست قلبا ذئب يقف من ربه موقفا ضديا. اسأل الله عز وجل لي ولكم السداد والرشاد يا رب العالمين. واسأل الله لابائنا وامهاتنا - 00:53:56ضَ

المغفرة والرضوان. اسأل الله ان يهدي اباءنا وابناءنا واخواننا وازواجنا وان يهدينا وان يغفر لنا مغفرة عزما لا يغادر لنا بها ذنبا برحمتك وانت الجواد الكريم يا ارحم الراحمين يا رب العالمين. شكر الله لكم والسلام عليكم ورحمة الله - 00:54:16ضَ

الله وبركاته. والحمد لله رب العالمين - 00:54:36ضَ