باحث

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهدي الله تعالى فلا مضل له. ومن يضلل فلا هادي له. واشهد ان لا اله الا الله وحده لا - 00:00:00ضَ

لا شريك له واشهد ان محمدا عبده ورسوله. اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم. وشر الامور محدثاتها. وكل محدثة - 00:00:26ضَ

من بدعة وكل بدعة ضلالة وكل ضلالة في النار. اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد. وبارك على محمد وعلى ال محمد - 00:00:46ضَ

كما باركت على ابراهيم وعلى ال ابراهيم في العالمين انك حميد مجيد فاليوم الثلاثاء السابع من شهر رمضان سنة الف واربعمائة وواحد وثلاثين من هجرة خير من الحصى نبينا محمد صلى الله عليه واله وسلم. والذي يوافق السابع عشر من شهر اغسطس سنة الفين وعشرة - 00:01:06ضَ

ونتابع فيه شرح هذه الخاطرة من كتاب صيد الخاطر لابن الجوزي. والذي اصطلحت على تسمية شرحي عليه دي مدرسة الحياة. وكان عنوان الحلقة نفثة مصدر. وهذه هي الحلقة الرابعة او الدرس الرابع - 00:01:36ضَ

من شرح هذه الخاطرة. قال ابن الجوزي رحمه الله تعالى قلت في مجلسي لو ان الجبال حملت ما حملت لعجزت. فلما عدت الى منزلي قالت لي النفس كيف قلت هذا؟ وربما اوهم الناس ان بك بلاء وانت في عافية في نفسك واهلك - 00:01:56ضَ

وهل الذي حملت الا التكليف الذي يحمله الخلق كلهم؟ فما وجه هذه الشكوى؟ فاجبتها اني لما عجزت عما حملت قلت هذه الكلمة لا على سبيل الشكوى ولكن للاسترواح وقد قال كثير من الصحابة والتابعين قبلي ليتنا لم نخلق وما ذاك الا لاثقال عجزوا عنها - 00:02:26ضَ

ثم من ظن ان التكاليف سهلة فما عرفها. اترى يظن الظان ان التكاليف غسل الاعضاء برطل من الماء او الوقوف في محراب لاداء ركعتين هيهات هذا اسهال التكليف وان التكليف هو الذي عجزت عنه الجبال. ومن جملته انني اذا رأيت القدر يجري - 00:02:56ضَ

بما لا يفهمه العقل الزمت العقل الاذعان للمقدر. فكان من اصعب التكليف وخصوصا فيما لا يعلم العقل معناه كايلام الاطفال وذبح الحيوان مع الاعتقاد بان المقدر لذلك والامر به ارحم الراحمين. فهذا مما يتحير العقل فيه. فيكون تكليفه التسليم وترك الاعتراض - 00:03:26ضَ

كم بين تكليف البدن وتكليف العقل؟ ولو شرحت هذا لطال. غير اني اعتذر عما قلته فاقول عن نفسي وما يلزمني حال غيري. اني رجل حبب الي العلم من زمن الطفولة فتشاغلت به - 00:03:56ضَ

ثم لم يحبب الي فن واحد منه. بل فنونه كلها. ثم لا تقتصر همتي على فن في فن على بعضه. بل اروم استقصاءه والزمان لا يسع والعمر اضيق والشوق يقوى - 00:04:16ضَ

والعجز يظهر فيبقى وقوف بعض المطلوبات حسرات. ثم ان العلم دلني على معرفة المعبودي وحثني على خدمته. ثم صاحت بي الادلة عليه اليه فوقفت بين يديه. فرأيته في نعته وعرفته بصفاته وعاينت بصيرتي من الطافه ما دعاني الى الهيمان في محبته - 00:04:36ضَ

وحركني الى التخلي لخدمته وصار يملكني امر كالوجد كلما ذكرته. فعادت خلوتي في خدمتي له احلى عندي من كل حلاوة. آآ يقول يعني ابن الجوزي كنا وصلنا امس الى رحلة حياته. وآآ ذكر شيء من جده واجتهاده - 00:05:06ضَ

ومن شغفه بطلب العلم. وهو الان يقول يعني غير اني اعتذر عما قلته. عن اي شيء قاله لما ايه؟ لما قال كلمته للاسترواح لو ان الجبال حملت ما حملت لعجزت. يقول اني اعتذر عن هذا. مش يعتذر بالمعنى - 00:05:36ضَ

يعني المتبادر الى الذهن. ولكن يبسط لماذا اشتكى. يعني مش لازم يخطئ حتى يعتذر يعني الاعتذار هنا ليس هو اللي هو ضد الخطأ. لأ ولكن الاعذار العذر هنا بمعنى الاعذار - 00:06:06ضَ

واذ قالت امة منهم لم تعظون قوما الله مهلكهم او معذبهم عذابا شديدا قالوا معذرة الى ربكم. يعني ايه معذرة الى ربكم؟ حتى اذا سألهم الله عز وجل يوم القيامة. لما رأيتم المنكر ولم - 00:06:25ضَ

تغيروا قالوا يا رب قلنا لكن لم يسمعوا وفي هذا درس للذين يقدمون اليأس في الموعظة على الامل يعني مثلا ممكن يكون في انسان آآ منهمك في معصية ما. وانت وعظته - 00:06:45ضَ

حتى مللت وانت تعلم سلفا انه لن يمتثل لوعظك. انت تعلم ماذا سلفا؟ ليه؟ لانك انت كررت الوعظ مرارا وتكرارا تقوم تمل بقى وتيأس وتزهق. لأ هنا الاية طبعا متعلقة ببني اسرائيل - 00:07:07ضَ

مسألة السمك والحيتان والكلام ده. الجماعة اللي شوي سمك وكلوه يوم السبت وكده. اصطادوا يوم السبت وكلوها عملوا ايه للجماعة اليهود دول؟ قال لك يعني نحفر بير كبير ونعمل ماسورة ما بين النهر - 00:07:29ضَ

والبير فيوم السمك يدخل من النهر على البير اللي هم عاملينه. الكلام ده يوم السبت. وبعدين يوم السبت فالدين عليه الماسورة عشان ما يرجعش تاني في النهر ها وكان يعني من فتنة الله عز وجل التي قدرها على هؤلاء ان هم يوم - 00:07:49ضَ

السبت يشوفوا السمك بيتلخبط على وش الماية. ها؟ يعني تأتيهم حيتانهم يوم سبتهم شرعا يعني ايه؟ يعني القرموط مطلع راسه مطلع لسانه كمان. وهم ممنوع ايه؟ يصطادوا يوم السبت. فيبقى نفسه. ويوم الحد ما - 00:08:12ضَ

ما تلاقوش بكرور واحد. راح فين السمك اللي كان مالي النهر؟ ما تعرفش راح فين. ويوم لا يسبتون لا تأتيهم لا يسبتون يعني ما يكونش يوم زاد. يبقى حد اتنين تلاتة اربعة ما يلاقوش ولا بكرور واحد. فيقوموا اخترعوا بقى القصة دي يقول لك ايه السمك هو اللي دخل بمحض - 00:08:32ضَ

في الماسورة وهو اللي راح البير اللي احنا عاملينه. قال انا ما اصطدتش ولا حاجة. لكن كل اللي انا هعمله يوم السبت ان انا هسد الماسورة عشان يرجع الارموط ما يلاقيش مكان يرجع فيصطاديهم الحد يقول لك كده احنا ما اصطدناش ايه يوم السبت فمتصوروا ان القصة كده ايه آآ تمام وما خالفوش ربنا سبحانه - 00:08:52ضَ

فضرب قلوب بعضهم ببعض كما هو معروف في القصة. القرية دي جماعة بياكلوا السمك وجماعة ما بياكلوش. الجماعة اللي بيشوي ريحة السمك بتطلع لما تشويه ريحة السمك بتطلع. فالجماعة هيموتوا عشان ياكلوا سمك. قارنوا السمك - 00:09:12ضَ

قرنوا اكل السماء. قرنوا يعني ايه؟ يعني هيتجننوا عشان يبقوا سماء. فيلاقي جاره ريحة الشواء السمك طالعة من عنده فقال له انت بتعمل ايه؟ قال له احنا ما اصطادناش يوم السبت ولا حاجة. احنا كل اللي عملناه لقينا السمك في البيارة يوم الحد. قمنا صايدينه. قال له لأ انتم كده هتودونا في داهية - 00:09:32ضَ

فالجماعة اللي هم ايه قالوا معذرة الى ربكم قالوا لأ احنا كده هنتاخد ايه بذنبكم فقاموا قاسمين القرية نصين بجدارة الجماعة اللي بياكلوا سمك في الناحية دي. والجماعة اللي تبرأوا قاموا رايحين الناحية التانية - 00:09:50ضَ

ومعلمين بوابتين بوابة الجماعة السماكين دول وجوابا لايه وجوابا للتانيين. كان كل يوم يفتحوا البوابة وقابلوا بعض برة وما فيش مشاكل وبتاع. في يوم من الايام البوابة بتاعة الجماعة اللي بياكلوا سمك دي ما اتفتحتش. والتانيين فتحوا بوابتهم - 00:10:08ضَ

خارجين ماشيين بتاع قالوا ان الجماعة ما فتحوش البوابة ايه اللي حصل؟ كسروا البوابة وايه ده؟ هم جميعا ايه؟ قردة من سخاف الله عز وجل ايه؟ قردة. هنا بقى في سياق القصة دي كلها ذكرت الاية - 00:10:28ضَ

انقسموا تلات فرق. فرقة تأكل السمك وفرقة غسلت ايديها من كسرة الوعظ. وفرقة لا زالت فالفرقة اللي هي بلت قالت للذين لم يملوا وعمالين يقولوا له يا ابني ما تاكلش سمك. يا ابني كده مخالفة لربنا. يا ابني كده قالوا لهم بقى. لما تعظون قوما الله مهلكهم - 00:10:46ضَ

او معذبهم عذابا شديدا. ريح دماغك. وريح نفسك. ما زهقتش من كتر ما بتقول له حرام حرام حرام فرد عليهم هؤلاء المفلحون وقالوا معذرة الى ربكم. حتى اذا سألنا الله عز وجل لما رأيتم المنكر ولم تنكروه - 00:11:11ضَ

يقول يا ربي وعظنا ولكن فتح القلوب ليس بايدينا. يبقى انت كده عملت اللي عليك. الحاجة التانية من الاستمرار في الموعظة من باب الاعذار انك لا تدري متى يفتح القلب. لان مالك لان مالكه - 00:11:30ضَ

هو رب العالمين وهو الذي يفتح الايه؟ يفتح قلوب الناس معه مفاتيح القلوب. فانت ممكن الولد تفضل مرارا وتكرارا او الناس عموما ولا يستجيبوا لك. وفجأة ينفتح القلب ما تعرفش فتح ازاي وليه - 00:11:50ضَ

ممكن ينفتح بكلمة هايفة جدا. لا تخطر لك على بال. انا اعرف واحد التزم حمل دعوة كاملة في البلد. شال الدعوة السلفية على كتافه سنين طويلة. ولا زال حتى الان يعني - 00:12:10ضَ

انت عارف قلبه اتفتح ليه ؟ راح مرة يزور باباه يزور بعض المشايخ في اول التزامه. فالشيخ ده حط ايده على كتفه بس كده. وهو خارج من المسجد قال له انا جاي لك من المكان الفلاني ومش عارف ايه وبتاع قام واخده ايه تحت باطه كده - 00:12:30ضَ

يتساهل معه لحد ما خرجوا من المسجد وضعت اليد على الكتف دي هي اللي فتحت قلبه للدعوة ووقف فيها لحد النهاردة. ربنا يعني سبحانه وتعالى يزيده. واسأل الله ان يثبتنا واياكم - 00:12:50ضَ

في تخطر لحد على باله ان ممكن دي تفتح قلب انسان ابدا انفتح قلبه الموعظة وانا يمكن قلت الحكاية اللي هقولها دي اكثر من مرة لكن انت عارف آآ بتجربتي في الوعظ بلاقي اوجه - 00:13:03ضَ

لا تغادر المجلس. لازم الاقيها قدامي في كل درس على مدار خمستاشر سنة مسلا. وانا من ان ممكن اجيب الدليل الواحد واستخدمه في اكثر من مرة. من استخدامه في اكثر من معنى. اللي مش واخد باله بيتهيأ لي ان انا بكرر الموضوع لا - 00:13:23ضَ

ما قرروش الدليل يسع عشرين معنا مثلا. قمت واخد منه المرة دي المعنى الفلاني. وبكرة اخد منه المعنى العلاني. والسنة الجاية اخد منه المعنى التاني لكن دليل واحد فبيبقوا في وجوه معينة انا بشوفها على طول. الاقي واحد من الجماعة - 00:13:43ضَ

اليوم اه قاعدين قدامي على طول معنى معين انا بكرره كتير وانا شايفه كويس وعارف انه يقول لي والله يا اخي كلمة جميلة جدا. ايه قلت كزا وكزا وكزا يا ابني انا الكلمة دي دابت من كتر ما انا عمال احك فيها ورايح جاي ورايح جاي. هو انت لسة فاكر - 00:14:03ضَ

ايوة لسة فاكر. قلبه اتفتح النهاردة بس امبارح واول امبارح والسنة اللي فاتت والسنة اللي قبلها كان جاي عنده مشاكل وعنده مش عارف ايه والكلام ده. فانا باتكلم وهو سرحان يطوف في اودية - 00:14:23ضَ

المرة دي ركز معي بس سنة واحدة فهم المعنى اللي انا عايزه. برغم انه سمعه ايه مرارا وتكرارا. عشان كده مسائل الوعظ غير المسائل العلمية. المسائل العلمية ممكن ما يكررهاش. لكن وسائل الوعظ دائما اكررها. اولا للعلة التي ذكرتها - 00:14:36ضَ

لجدة الجماهير. انا ما اعرفش المسجد النهاردة مين اللي جاي لاول مرة. في ناس اكيد لسة اول مرة ييجوا ابن تيمية النهاردة. مسلا في مرة آآ يعني واحد يسمع الصيت وبتاع ييجي يتفرج. ما هو الناس يقول لك تعال شف الراجل اللي بيطلع في التليفزيون قاعد - 00:14:56ضَ

الجامع دهوت تعالوا نتفرجوا عليه. ها؟ فيه ناس كده يعني آآ واحد مرة وانا بدي درس في المصطلح الحديث آآ جام البحيرة كان قاعد في وسط المسجد كده. انا كنت عادتي يوم الاتنين. اقول مرة مصطلح ومرة سيد الخاطر. فكل مرة - 00:15:16ضَ

ان اليوم الاتنين الجاي هقول كزا علشان اللي ما لوش في المصطلح ما يجيش. اقول يا جماعة الاتنين القادم انا هشرح مصطلح الحديس. عشان الجماعة احنا جايين للفرجة ايه ؟ ما يجيش عشان ما ما يعكرش على طلبة العلم. انا عايز ادخل دوغري على الاصل بالاقي ناس من العوام مش فاهمين ولا كلمة اقعد الف وادور واجيب - 00:15:36ضَ

الرجال ومش عارفين بيبوظ المعنى العلمي على الطلبة. يقولوا له ما احنا عارفين فطلبة العلم المفترض ان انا اعمل لهم درس هم قافل باب الجامع. عشان ما فيش حد يدخل لان لو دخل واحد من العوام عايز يفهم برضه. فمش فاهم ولا كلمة فايه يطلع - 00:15:56ضَ

سيء الظن واما يقول العالم دول ما يفهموش يتكلموا ازاي كده. فواحد من اخواننا دول اللي هم ما بيحضروش خالص. وآآ نفسه ييجي يصلي. فجاء حظه اني كنت بشرح مصطلح. خدت النص ساعة الاولاني والراجل هيفرقع. عمال اتكلم والمهم كان واتكلم في الشزوز - 00:16:11ضَ

وبدي انزل على الشذوذ وغطسان بقى في معمر وسفيان ابن عيينة وخولف وخلف وتوبع وتابع وشغال في الموضوع ده الراجل ما طقش قام واقف على حيله. قال لي يا عم الشيخ ده بقى لك نص ساعة من شوية ولا كلمة. فانا مش عارف انا انت بتقول ايه بالزبط. فقلت - 00:16:31ضَ

دكتور طيب يعني اديني بس مهلة خمس دقايق وهتفهم اللي اقوله. وقمت قالب. قلبت بقى على ايه؟ على سفيان ابن عيينة كنت ايامها بتكلم في سفيان وكنت واخد اه سفيان ومعمر كنموذجين للشذوذ في احاديث الزهري. وانت قالبها دردشة - 00:16:51ضَ

لاول مرة يحضر. فعلشان ما لا يسوء ظنه. خلاص لازم انت عارف الراجل ده ما فوتش ولا درس مسطرة كل ما ادي درس مصطلح الاقيه والاقيه جاي يسلم علي. خلاص حفظت شكله يعني. كنت انا ما اعرفش اسمه لكن حفظت شكله - 00:17:11ضَ

لا المصطلح جميل وحلو وبتاع وانت مضطر انك انت تعمل كده علشان الناس. فالمهم جدة الجماهير بتخليك تقول الكلام مرة او اتنين او تلاتة تجيب حكاية وتكرر حكاية او كده. فالحكاية اللي انا هحكيها دي طبعا انتم انتم نسيتم الموضوع. مش كده - 00:17:31ضَ

الحكاية الحكاية دي انا حكيتها قبل كده. ولكن جاء ايه؟ موعدها فانا هاقولها تاني. برضو الاحتمال ان يا اما قلبك انفتح لاول مرة تسمعها واحد جديد لسة ما سمعهاش قبل كده. كنا زمان في اول التسعينيات بنعمل آآ آآ - 00:17:51ضَ

اسابيع بنسميها الاسابيع العلمية او كانت مشهورة باسم الاسابيع الثقافية. وهي الصحيح يبقى الاسوء العلمي عشان كده في وكل واحد مننا كان بياخد ايه؟ يوم. الشيخ فلان ياخد يوم والشيخ فلان ياخد يوم. وكانت ادارة المسجد بتحدد موضوعا معينا. نتكلم - 00:18:11ضَ

الخشوع مسلا يبقى كله يتكلم عن الخشوع عشان نسبت الفكرة. اتكلم عن المرأة نتكلم عن الرياء نتكلم عن اخلاص اي حاجة زي كده. فكان هذا الاسبوع يتعلق بالمرأة المسلمة. كل ما يخص المرأة المسلمة من احكام ومن اداب ومن اه طاعة للزوج ومن اختيار الزوج - 00:18:31ضَ

الى اخر هذا الكلام. فكان فيه بعض المشايخ بيدي محاضرة وبعدين احد الشيوخ برضه الكبار حجم الوزن تقيل يعني. كان برضه حاضر المحاضرة وتطوع كان تلقى الاسئلة من الجماعة الحضور ويعطيها للشيخ اللي بيحاضر يعني. وكان ينتقي ما يخص موضوع المحاضرة. مش اي اه سؤال - 00:18:51ضَ

هو بيفرز الورق فلقى ايه من ضمن الورق كده رقعة تقول انا راقصة واريد ان اتوب آآ المسجد ده كان في شارع الهرم. فشيء طبيعي يبقى ايه؟ الرقاصة موجودة يعني. واخد بالك ازاي؟ طبعا شارع الهرم - 00:19:21ضَ

غير دلوقتي يعني الحمد لله بقى يعني مليان مساجد والكلام ده لكن شارع الهرم علم من زمان على الغواني والغوازي والجماعة دول الشيخ المسألة فيها تهريج بايه؟ والمهم قالت له انا على باب المسجد. فقام سايب الايه؟ المكان وهو طالع من باب المسجد وجد بنت حوالي سنها - 00:19:41ضَ

سنة او عشرين سنة واقفة قدام المسجد. فقال لها انت اللي بعتي الورقة الفلانية؟ قالت له ايوا انا بعتها. طيب ادي تليفوني كلميني عشرة بالليل احكي لي حكايتك. ورجع وكمل لك درس والكلام ده. هو حكى لي بعد كده لما قال لي على الطرفة - 00:20:01ضَ

يبقى واحدة باعتة لي ورقاصة وجاية الجامع وبتاع. المهم قصة المرأة البنت دي العشرين سنة ان ابوها طلق امها الام تزوجت والاب ايه؟ تزوج. زوج الام قال ما اربيش عيال غيري - 00:20:21ضَ

الاب مراته قالت له عيالك ما يجوش. طب هم كانوا تلات بنات. دي اكبرهم اكبرهن. البنت اللي هي بعتت الورق دي. وفي بنت اصغر منها بسنتين وبنت اصغر منها في - 00:20:41ضَ

يعني البنت دي خمستاشر اخر اصغر من خمستاشر ستاشر سنة. طيب ايه اللي جابك الجامع كنت رايح ارقص وكت على الضفة الاخرى من الشارع. فقبال مسجد الرحمة اللي هو كان فيه - 00:20:51ضَ

فندق فندق اوروبا ده فهي معدية اول الجامع وعطشانة جدا وعايزة تشرب المهم ملقى دقيق شوية قلل كده متعلقين على استاند آآ حديد قدام الجامع. فعدت الشارع كله مرات بتشرب ماية فسمعت كلمة من المحاضر فبتشرب مية - 00:21:11ضَ

كتبت الورقة في الحال. عزبت ان تتوب في الحال. طيب يعني دي واحدة راحت ارقص. ازاي يعني قلبها اتفتح يعني. وهي بتشرب ماية وهتواصل بقى عشان تاخد الوصلة بتاعتها. ازاي بقى اتفتح - 00:21:41ضَ

وكيف فتح؟ وما هي الكلمة التي سمعتها حتى انفتح القلب لها؟ ما تعرفش قصة. طب انت بترقصي ليه يا بنتي؟ قالت وانا اكل منين؟ ما هو انا رحت اشتغل في البيوت بقوا العيال اللي في البيت يعاكسوني وفاكرين لقمة سائغة طالما شغالة - 00:21:59ضَ

يبقى لقمة سائغة كده عرضها سهل وبتاع والكلام ده. تترك بيت وتدخل على بيت وتدخل بيته وتروح على بيت وزهقانة هربانة. ففي لحزة ضعف شديد جدا وما فيش فلوس وعايزين ناكل والكلام ده. واحدة قالت لها بصي بقى انا هوديكي مكان الفلوس هتتحدف عليك يا حاتم. تعالي - 00:22:19ضَ

والجماعة اللي بيسمعوا كلهم مساطيل. شاربين خمر وبتاع والكلام ده فهي طموحة ممكن واحد يطلع المحفظة يقوم حاططها على راسك ولا حاجة او حطيتها لك في هدومك ولا بتاع انت وحزك تلاقي في ماسك ارنب ولا تعلب ولا ارنب ازن دلوقتي بكام بمليون احنا كان ايامنا - 00:22:39ضَ

الاستيك اللي مش عارف الف والارنب عشر تلاف. والله يا اخوانا عارفين الا هتلاقي الدنيا هتغرقك فلوس وفعلا راحت المركز ده وخدت فلوسه وتمام التمام خدت شقة تمليك وبتاع وجابت لبس ولبست اخواتها والكلام ده - 00:22:59ضَ

فقالت احنا عايزين يعني لو حد بس يبص لنا ويتزوج تزوجنا كلنا مش واحد يتجوزهم كلهم يعني. لكن يعني تجيب تلت آآ مسلا اخوة ولا تلت مسلمين يتجوزوهم يوم التلاتة يعني. ونلبس حجابنا ونقعد في البيت والكلام ده. طيب - 00:23:19ضَ

انا لما انتقل من هذا المشهد الى مشهد المسجد مسجد النساء في المسجد ده. النساء زاحمين بعض. مش لاقيين مكان ودي جايبة تسجيل وكله شوية وترجع وتقدم وتريك ومش عارف ايه والكلام ده. طب اللي عمال تقول تريك وتريك والكلام ده تستفاد من حاجة من المحاضرة - 00:23:39ضَ

ممكن ما تكونش استفادت ولا كلمة. طب هي جاية من قبل المحاضرة بقد ايه؟ بساعتين. وقاعدة في الصف الاول وقاعدة جنب الميكروفون عشان تقعد ايه؟ تسجل وترجع وتأخر وتعمل الكلام ده. طب الانسانة التي لم تعقد المحاضرة لها - 00:23:59ضَ

وكانت رايحة ترقص وماشية في الشارع استفادت من المحاضرة. طب اللي جايبة التسجيل وقاعدة لي من ساعتين قبل المحاضرة. ما استفدتش ولا كلمة ايه الفرق بينهم الاتنين؟ ان الله سبحانه وتعالى فتح قلب هذه المرأة لمقتضى كلمة واحدة. وسم اخت - 00:24:16ضَ

خلق القلب على هذه الكلمة. فاثرت فيها وغيرت مجرى حياتها. التانية بقى اللي معه التسجيل والكلام ده جاية ايه وبعدين ممكن يبقى دماغها في كل واجب وتقول ما هو الشريط معي. وهسمعه لما ارجع البيت ولما ترجع البيت الواد ده بيصرخ الواد ده - 00:24:37ضَ

وزير الشباب والرياضة عايز ياكل فمشغلة التسجيل في المطبخ وبتطبخ والكلام ده هو مش واخدة بالها من الكلام وبالتالي لم تستفد من الايه؟ من المحاضرة. فانا عايز اقول ان القلب هذا من يعني آآ له اسرار عجيبة. ولا يملكه الا الله. صاحبه لا يملكه - 00:24:57ضَ

برغم ان قوام حياتك به لكنك ايه؟ لا تملكه. وساعات يبهدلك. ويزلك. وده الناس عليك. القلب اهو اللي هم بيعتبروا مضخة ده بقول لك يبهدلك ويزلك ويمرمط بكرامتك الارض ليه؟ ممكن تبغض انسانا بغضا شديدا الى درجة عايز تقتله - 00:25:17ضَ

نقوم نقول لك يا اخي طب زنب الراجل ده؟ هو يا اخي عمل في كزا او مسلا لعب لي حواجبه او مش عارف ايه. طب يا اخي دي حاجة تغير قلبك ولا الكلام ده؟ تقول لي انا كرهت - 00:25:47ضَ

طيب ما كراهيتك له تؤذيك. لان هو اقوى منك ومعه سلطان عنك ومش عارف ايه والكلام دوت. تلاقي نفسك داخل فيه كده هو يمسكك يعصرك ها مع ان انت عارف سلفا انه هيبهدلك. ومع زلك مش قادر تمسك قلبك ودخلت عليه - 00:25:57ضَ

او انك ممكن تقلب على الصورة التانية. واحد مسلا ابتلي بعشق امرأة. خلاص تبص تلاقي ماشي وراه زي الدلدول. هي ماشية كده وماشية وراها ايه؟ منين تروح تروحه منين؟ واخد بالك؟ وتبص تلاقي اول ما يشوف يا ابني احترم نفسك انت من اسرة محترمة وكويس وبتاع. بدل ما تتدير - 00:26:18ضَ

قلمين على وشك في الشارع والكلام ده كله يقول لك ضرب الحبيب زي اكل الزبيب. انا لو ضربتني بالشبشب اللي في رجليها ده شرف لي وتاجر على رأسي. والتراب اللي - 00:26:38ضَ

تمشي عليه اكحل به عنيا ومش يا ابني تكحل ايه الله! ها وتبص تلاقي الدنيا ماشية معه سداح مداح والكلام ده ايه اللي بيحصل ده؟ وليه تبهدل الاسرة كلها ومش عارف ايه يقول لك ما قلبي عامل ايه وطلعت المشا بقى الحب اعمى ها فهذا القلب اللي انت لا - 00:26:48ضَ

يعني تكره انسانا حتى تهلك في كراهيته او تحبه حتى تهلك في حبه وانت مش قادر تعمل القلب للحي اطلاقا. عشان كده النبي عليه الصلاة والسلام كان يشير الى هذه الاية الاية الباهرة. اللي هي مسألة القلب دي. كان يقول اللهم يا مقلب - 00:27:08ضَ

القلوب ثبت قلبي على دينك. اللهم يا مصرف القلوب صرف ايه؟ قلبي على طاعتك. وكان من جملة حلفه عليه الصلاة والسلام الذي كان يكثر منه كان يقول لا ومقلب القلوب. لا ومقلب القلوب. فانا عايز اقول انه - 00:27:28ضَ

سنة انفتاح القلب من انغلاق القلب والكلام ده دي مسألة ايه؟ دي مسألة لا يملكها الا الله سبحانه وتعالى. لما تيجي اتعظ بني ادم لا تمل اطلاقا من وعظه ومن تكرار الكلام لانه في الوقت الذي مللت انت فيه انفتح قلبك - 00:27:48ضَ

وانت لا تدري فليه تمل فهؤلاء المفلحون لما لامهم اخوانهم الذين يأسوا سريعا ها لما تعظون قوما الله مهلكهم او معذبهم عذابا شديدا ومعذرة الى ربكم. احنا نقول يا رب انكرنا عليهم ولكنهم ايه؟ ولكنهم استمروا في اه يعني العصيان. فهو - 00:28:08ضَ

جوزي لما بيقول ايه لما بيقول غير اني اعتذر عما قلته. مش انه اخطأ فاعتذر بالطريقة بالمعنى الدارج اللي عندنا ولكن ايه اعذارا اي ابين لماذا انا قلت هذا؟ فيقول اقول - 00:28:31ضَ

عن نفسي وما يلزمني حال غيري. انا بتكلم عن نفسي بس. انما غيري قد يكون له منظومة اخرى مختلفة. ممكن يكون من النوع اللي بيكتب لكن انا ما قدرتش اكتم في واحد صبور او يحول مظاهر ما يراه الناس الى - 00:28:51ضَ

المعنى الاخر حتى لا يكشف نفسه. واللي بيعمل به اهل الورع. اهل الورع. مسلا آآ ايوب السختياني كان اذا ذكر النبي صلى الله عليه وسلم يبكي حتى آآ يشفق الجمع عليه - 00:29:11ضَ

تمام؟ فكان في مرة من المرات ذكر النبي صلى الله عليه وسلم وهو مش عايز يبين لان دي حتة متعلقة به بالمحبة والكلام ده وعايز يداريها يعني فكان يقول سبحان الله ما اشد الزكام! ها؟ لان الزكام تبص تلاقي مناخير الواحد ايه - 00:29:31ضَ

بتسيل الجيوب الانفية بتنتفش فيه وما يمكن ما يعرفش ياخد ايه؟ ما يعرفش ياخد نفسه يعني من مناخيره والكلام ده بسبب ايه؟ بسبب زي مسلا واحد عنده زكام راح للدكتور الصيدلي بيقول له عندك آآ حبوب للزكام قال له موجود - 00:29:51ضَ

ها؟ ما هم الاتنين زي بعض. هم الاتنين مزكمين يعني. ها؟ فتبص تلاقي ايه الجيوب الانفية وعمال ايه ينزل بقى المخاط مش عارفين نقول سبحان الله الزكام النهاردة شديد اوي. طب ليه بيقول شديد اوي ؟ لانه مش عايز يبين انه بيبكي. تمام؟ وكان بعض - 00:30:11ضَ

العلماء ومنهم الاوزاعي كان يعني آآ لما يصلي كان كثير البكاء. وهو ساجد بيبكي تقوم امه تدخل عليه وتحسس مكان سجوده فتجده رطبا. رطبا يعني ايه دموع ايه؟ يعني ملية المكان. كان لما الاوزان - 00:30:31ضَ

كان يكتحل. ليه؟ لان كثرة البكاء بتسبب زبولا في آآ الجفون فالزبور ده ممكن اي واحد يقول لك انت ما لك دبلان كده وعينيك دبلانة ومش عارف ايه فعشان حد ما يسألوش ها يقوم يكتحل فالاكتحال ده بيشد الايه - 00:30:51ضَ

بيبين العين ببهاء. مش يقول له عين الدبلة ليه؟ يقول والله اكل بكيت من خشية الله امبارح ها؟ والكلام ده طب انت ايه اللي خلاك تظهرها بينة وبتاع في ناس كدب يعني اللي هم الجماعة اللي هم كانوا يخافون على ورعهم ان يظهروا كذا فكانوا يحولوا الايه؟ الوجهة. فابن الجوزي بيقول اه في ناس - 00:31:11ضَ

زي ايه؟ ممكن ما يقولوش الكلمة اللي انا بقولها دي. لكن انا اضطررت ان انا اقولها قلبي مفعم بالاسف وقمت قايلها. فانا اقول ما يلزمني انا ولكن لا يلزمني حال غيري ممن حال كحالي ولكن قد يكون ايه؟ اشد يعني قدرة على كتمان آآ ما بهم يعني - 00:31:31ضَ

فبدأ يشرح اه حالته اه المرضية. الحالة المرضية اللي معزباه دي وده مرض من نوع خاص. مرض اسمه الهمة العالية. وهذا مرض اذا اصاب صاحبه سببه العذاب الاليم. فعلا ليه كل ما ينام - 00:31:51ضَ

النفس اللوامة شغالة. تقول له انت نايم لحد امتى؟ بكرة تنام. قم اشتغل اذا كان من العباد يتجافى جنبه عن مضجعه فيقوم. ازا كان طالب علم يقوم يقوم عشان يحصل. مسلا اذا كان رجل - 00:32:16ضَ

اخيرا بيحل مشاكل الناس يتذكر ان في مشاكل مش ما كانش قادر يروح لها واعتزر عنها يقوم يقوم يعني عالي الهمة مبتلى بالنفس اللوامة التي تلومه على كل شيء يفعله. اللي - 00:32:40ضَ

الانسان امام النفس اللوامة ودي مسألة الحقيقة مهمة. عايز اوضحها الناس امام النفس اللوامة اصناف في صنف اذا لامته النفس يرتقي. وفي واحد اذا لمته النفس يخسف به الارض. فلازم تعرف انت من اي جنس. ليه؟ لان النفس اللوامة اذا - 00:32:57ضَ

لونها على صاحبها المذنب رجعته لورا ودخلته في مرحلة اليأس. يعني مسلا اذنب كثيرا وعايز يتوب تقوم تقول له تتوب؟ طب واللي انت عملته؟ ده انت عملت كزا وعملت كزا وعملت كزا وعملت كزا ودي فيها حد ودي فيها رجم ودي فيها - 00:33:27ضَ

فرض على القذال القفا يعني ودي فيها شنق ودي فيها مش عارف ايه انت هتتوب من ايه ولا ايه ولا ايه ولا ايه ها يقوم يقول انا خلاص لا مني انا رايح النار رايح النار اشتغل بقى وخد حقك في الدنيا. فيبتدي ايه؟ يسرع في المنكرات ويزود في المسائل على اساس انه ايه؟ ما فيش فايدة - 00:33:52ضَ

وزلك العلماء قالوا من علل التوبة الالتفات الى الذنب. ده علة من علل التوبة. انك انت تلتفت للخلف وتقول اه انا عملت كزا وعملت كزا وعملت كزا لأ اللي يلتفت الى الذنب مين؟ وما يبقاش علة عنده؟ صاحب الهمة القوية والايمان العالي. لان كل ما يلتفت الى الذنب يقول - 00:34:12ضَ

اه الزنب ده انا لابد ان احدث له طاعات. يبتدي يشتغل في الطاعات لحد ما يصل الى سقف القدرة. اخر طاقته فيوم الرجاء يدخل له. يعمل تبريد لحرارة الخوف ما هو الخوف صوت مزعج - 00:34:36ضَ

والرجاء يبرده. لولا الرجاء لكفر الناس كنا كلنا كفرنا لولا الرجاء في رحمة الله سبحانه وتعالى. زي ما في حديث ابي هريرة في القوم الذين جلسة كورونا الله عز وجل. والله عز وجل يسأل الملائكة وهو اعلم بعباده - 00:35:00ضَ

اه ما الذي يرجون؟ قالوا يرجون الجنة. قال هل رأوها قالوا لا ما رأوه والله ما رأوها. قال كيف لو رأوها؟ ده انت بتشتغل وانت بتصور الجنة بس. انت عاملها في خيالك. اومال - 00:35:24ضَ

بعينيك. لا يمكن ابدا لو رأيت الجنة بعينيك ان تنحرف قدمك ابدا عن الصراط قال كيف لو رأوها؟ فقالوا لو رأوها لكانوا اشد لها طلبا طيب مما يتعوذون؟ يتعوذون من النار. هل رأوها؟ قالوا لا والله ما رأوها. قال كيف لو رأوها؟ قالوا قالوا لو رأوها - 00:35:44ضَ

كان واشد منها فرارا اعظم هربا. انا لما الانسان بقى اللي هو الجيد اللي التمو الالتفات الى الذنب ليس علة بالنسبة له. ده بقى يشتغل لحد ما يصل الى سقف القدرة في العمل. ويظن - 00:36:10ضَ

كده انه ايه انه استريح وانه عمل اعمال عزيمة يوم الخوف داخل له. يقول له هو انت مبسوط من عملك يعني؟ ومتصور ان عمله ممكن يقبل ابدا ممكن هذا العمل كله يرد عليك عدلا من الله - 00:36:30ضَ

فيبتعد تاني يرتعش يعني وخاف وبتاع فيقوم يقول طب خلاص لأ لازم اعمل شوية اعمال كمان ها عشان ربنا يغفر لي. فيبتدي يجد في الايه؟ في العمل مرة اخرى. اول ما يصل الى سقف القدرة لانه خلاص كده عمل اللي عليه والخوف داخل له - 00:36:47ضَ

بيقول له انت فاكر نفسك عملت حاجة؟ ولا عملت كذا؟ الا تذكر النبي صلى الله عليه وسلم؟ الذي غفر الله له ما تقدم من ذنبه وما تأخر. كيف كانت تتورم قدمها - 00:37:04ضَ

الوقوف انت هل شكرت النعمة الفلانية والعلانية والمش عارف ايه والكلام دهوت غيرك مشلول وغيرك عيان وغيرك مش في المستشفى ما بيخرجش وغيرك مش عارف ايه فقير وانت معكم ها فيقوم الخوف يخليه يرتقي. لا يزال هذا يتقلب بين الخوف والرجاء - 00:37:14ضَ

حتى يصل الى الله عز وجل في قمة عمله. ده ما بنخافش عليه. وهذا ليس هو المعني بكلام الالتفات الى الذنب علة من علل التوبة. انما ده علة عند مين؟ عند من اذا حاسب نفسه يأس - 00:37:34ضَ

عشان كده وانت يعني آآ تتعرض لبعض الناس لازم توازن ما بين الكفتين ما تديش الرجاء وتفتحه على مصراعيه. زي الوزارة ما بتأمر الخطباء يقول له الناس حياتها كرب والناس مش لاقية تاكل فلما تيجي تقول لهم الشجاع الاقرع - 00:37:54ضَ

اقرع ايه اللي انت جايبه لي للناس اللي مش لاقيين ياكلوا. تقوم تحط تزيد في الطين بلة ها طب واحد مش لاقي ياكل وحالته كرب في الدنيا كله ان شاء الله لما تموت الشجاع الاقوى هيستناك. يعني لا دنيا ولا اخرة. افتحوها للناس شوية. ان الله غفور رحيم. فعايزين يبثوا مذهب - 00:38:19ضَ

الارجاء في الناس مش لازم كل الارجاء اللي هو الارجاء لأ الارجاء الوعظي نتحدث عن جهة واحدة فقط. ان الله غفور رحيم. بس. طب هو انت شايف الناس يعني سايبين الدنيا ومطلقينها - 00:38:39ضَ

بالتلاتة كده علشان تحاول ترجعهم للدنيا ده هم غطسنين فيها فانا عايز اطلعه. هاطلعه بايه اللي غلطان في الدنيا ده؟ ما اعرفش الا بصوت الخوف تخويف. اقول له لو فضلت على هذا الحال انت هتروحه جهنم - 00:38:58ضَ

انت كده بتعرض نفسك لعذاب الله يقوم يفوق شوية. لكن واحد غلطان في الدنيا اغطسه كمان ومش كده بس وبدي له تأشيرة مرور. طالما ان انت صابر على العمل ويجيب لك الحديث الايه الباطل. ان من الذنوب ذنوبا لا تكفره الصلاة ولا الصيام ولا مش - 00:39:15ضَ

ولكنه كثر السعي على المعاش وده ما هو ده حديس موجود وانت يمكن اه سمعتوه من الخطباء والكلام ده باطل هذا الحديث سعي للمعاش والكلام ده لأ احنا بقى بنوازن لابد ان اعتقد ان في هذا المسجد الذي انا اتكلم فيه الان ناس - 00:39:33ضَ

الالتفات الى الذنب علة عندهم. والالتفات الى الذنب عند بعضهم يجعله ايه؟ من المجدين في العمل يبقى انا اوزن دي واوزن دي. ما اعتقدش ان كل اللي في المسجد صنف واحد وانا باكلمهم ترغيبا على طول او ترهيبا على طول - 00:39:53ضَ

ابن الجوزي عنده بقى المرض ده. وانا بقول مرض يعني استعارة. ليه؟ لانه انه يمرضه فعلا لما يكون مش فاهم مسألة يعي في ناس كده من اهل العلم في تراجمه - 00:40:13ضَ

وشيخ الاسلام ابن تيمية كان يصيبه الكرب اذا عرضت له مسألة ولم يصل فيها لحل فكان اللي بيعمله ايه ؟ يقول كما يذكر عنه ابن القيم رحمه الله يقول كان يذهب الى الخلوات - 00:40:34ضَ

اللي الخراباوي الخراباية ويمرغ خديه في التراب. ويقول يا معلم ابراهيم علمني يعني عنده استغاثة بالله سبحانه وتعالى وشيخ الاسلام كان يقول ربما عرضت لي المسألة. فاستغفر الله الف مرة حتى يفتح لي - 00:40:51ضَ

ليه؟ لانه كان غواصا على المعاني ابن القيم اخد لحسة من ابن تيمية. لكن جملها باسلوبه العذب الجميل. لكن ما من آآ موضوع في الغالب طبعا لازم يكون ابن القيم انفرد بفتوحات يعني. لا سيما - 00:41:16ضَ

بما فيما يتعلق بالنفس والافاق واسماء الله الحسنى والكلام ده كان مفتوحا عليه فيه فتحا عظيما. لكن ما من بحث قرأته الاسلام ابن القيم الا وجدت شيخ الاسلام ابن تيمية سبقه الي. بس ابن تيمية ايه يحطوا الاصول يطلع - 00:41:39ضَ

العواميد والسقف والكلام ده وابن تيمية وابن القيم يقفل بقى ويعمل محارة وينعم النقاشة ويعمل الكلام ده فتدخل قل تجد الايه الحاجة على ابهى منظر بالاسلوب بتاعه. فالشيخ الاسلام كان كثيرا ما يقول هذا. كان يقول ومما يكثر ان يقول - 00:41:59ضَ

المكدي وابن المكدي وكذاك كان ابي وجدي. انا المقدم وابن المكات دي يعني انا شغال اجري اجير عند الله انا شغال اجير وابويا كان كده وجدي كان كده يعني انا لو حبيت اترجمها بالاسلوب الواضح يعني كأنما قال انا عريق النسب في - 00:42:24ضَ

عبودية انا عبد وكذلك ابي كان عبدا وكذلك جدي يعني عايز يقول انني ورست العبودية ادي معنى كلمة الايه ؟ كلمة الاجير وابن الجوزي هنا بيستخدم كلمة الخدمة. ها واستخدمها هنا اكتر من مرة - 00:42:54ضَ

اه في يعني في خدمة الله عز وجل طبعا هذه اللفظة احنا الصواب ان نقول للعبادة. ما نقولش الخدمة الخدمة خادم ومخدوم والكلام ده لكن هو ايه يعني يعني كان يستطيب لفظ الخدمة اللي هو انه ايه؟ كان اجيرا يعمل اجيرا. والاجير ينتظر اجره - 00:43:17ضَ

فشيخ الاسلام وغيره من من اهل العلم. رضي الله عنه جميعا. واسأل الله ان يحشرنا في زمرتهم كانوا على هذا الايه؟ كانوا على هذا النحو. ازا ما وصلش للفايدة يحصل له كرب نفسي. مش لازم المرض يكون مرض عضوي. بس المرض النفسي يجيب مرض عضوي. لان ابن القيم يقول من جملة ما يقول - 00:43:37ضَ

ان الفرح يوجب زيادة قوة الاعضاء. والحزن يوجب ضد ذلك واحنا كلنا عارفين القصة دي ونجربها انا وانت ما فيش حد تقريبا آآ من البني ادمين الا وهو كده لما بيجي لك احباط ايه اللي بيحصل لك؟ تجرجر في ركبك. وتقوم حاسس انك - 00:44:04ضَ

شاي جبل على كتافك وتلاقي حركتك تقيلة ها ومش عارف تنام وبتتقلب وممكن يجي لك مغص طب لما بتفرح وتجيب حاجة تفرحك وتحس انك طاير في السما من ناحية. قوة الاعضاء انما هي تابعة لعطاء القلب - 00:44:33ضَ

القلب النهاردة مكسور ما يديش قوة للجارحة. القلب فرحان يدي قوة للجارح حتى لو كان مكسح حقيقة. رجليه مقطوعة على السرير ودي ورجليه مقطوعين. وانا قلت لكم قبل كده قصة ابي القلابة الرقاشي ابي ابي قلابة آآ عبدالله بن زيد الجرمي - 00:44:53ضَ

ده كان ايديه مقطعة ورجليه مقطعة. وكان سمعه تقيل وما فيش فيه غير لسان. وانا مش هحكي الحكاية كلها واللي عايز يقرأها على الحقيقة يروح للجزء الخامس من كتاب الثقات لابن حبان. افتتح ابن حبان هذا الكتاب - 00:45:13ضَ

ابي قلابة الجرمي صاحب انس بن ما لك. ده كان ايديه ايديه مقطعة ورجليه مقطعة والكلام ده. آآ اله ابن بيوضيه فجأة الابن اختفى. فمعدي واحد رايح الرباط فلقى واحد كده بالهيئة دي. قال له انت ايه؟ ومين - 00:45:33ضَ

الا انا قال له انا عبدالله بن زيد وعايزك تخدمني خدمة انا كان لي ابن كان بيوضيني وبيأكلني والكلام ده وفقدته منذ ثلاثة ايام فممكن تدور لي عليه. قال له والله لا اجد يعني آآ يعني احدا اخدمه مثلك. وراح يدور على الولد واذا به يلاقي هيكل - 00:45:53ضَ

على بعد مسافة كده. فاعرف ان الهيكل العظمي ده هيكل انسان وجاء الايه؟ الاسد او الديب او البتاع وكل الولد ده وفضل الهيكل العظمي بتاعه. قال فوقفت محتار اعمل ايه؟ اقول له ايه؟ اقول له ابنك الفرنساوي سابعه؟ طب باي وجه هرجع للراجل دهوت؟ والكلام - 00:46:13ضَ

واقول قعدت دور السكة افكر اقول له ايه لما ارجع انام؟ فخطر على بالي ايه؟ ايوب عليه السلام. قال كويس نفتتح المسالم ايوب عليه السلام فراح قال له السلام عليكم قال له الست صاحبي؟ قال بلى. فقبل ما يجاوبه قال له ايه - 00:46:33ضَ

ما تقول في نبي الله ايوب وما تقول في صبره؟ الم يبتليه الله سبحانه وتعالى حتى افتقر؟ قال له ايه؟ ان الناس الويل ابتلاه لحد ما والدود كان فيهم؟ قال له ايوا. قال له قل لي انت عمال تطول علي وتقول لي قل لي ما هو الموضوع؟ قال له ابنك كله سبع وحاجات زي كده - 00:46:53ضَ

فاول ما كده اتخض جدا ومات. جت له سكتة. مات. تمام الشاهد اللي انا اللي عداني اقوله اللي هو معدي كده وشاف الهيئة دي فسمعه بيقول ايه؟ بيقول الحمد لله - 00:47:19ضَ

الذي فضلني على كثير ممن خلق تفضيلا. الله! فضلك ايه! ده لا دين ولا رجلين والكلام ده. وانا فتوة اهوت ورايح الرباط وبتاع ده احسن منك على كده. قال والله لاسألن عن هذه الكلمة قالها ازاي دي؟ فقال يا عبد الله هو انت ايه اللي معك اصلا عشان تحمد عليه؟ لا دين ولا رجلين ولا بتاع - 00:47:39ضَ

وتقول فضلني على كثير مما خلق تفضيلا فقال له والله لو امر الله الجبال فدمرته والبحار فاغرقتني ما ساوى هذا اللسان الذاكر. يبقى هو ايه؟ الفضل اللي هو يشعر ان ربنا فضله على كثير من الناس ان ايه - 00:47:59ضَ

هذا اللسان يتحرك بذكر الله سبحانه وتعالى. ده الشاهد اللي انا كان المفروض ايه اللي خلاني اجيب اجيب القصة فانا عايز اقول انه القلب هو الذي يعطي العطاء للجارحة مبتلى او انا مبتلى فلان مبتلى. ازا كان القلب راضيا لا يضرك ما فاتك من الجوارح. ايد مقطوعة رجل - 00:48:19ضَ

مقطوعة عين مفقوعة اي حاجة ما تفرقش عندك. طالما القلب ده سليم. لان هو القلب ده الذي يعطي العطاء. وهو آآ صندوق الاسرار ومستودع الاخلاص في البدن وفيه العقل العقل في القلب - 00:48:49ضَ

وليس في الدماغ خلافا لبعض اهل العلم العقل في القلب هنا واخد بالك ازاي؟ اللي عشان كده النبي صلى الله عليه وسلم لما اتكلم عن الخوارج قال يقرؤون القرآن لا يجاوز حناجرهم - 00:49:07ضَ

يخرجون من الدين كما يخرج سهو من الربيع. لا يجاوز حناجرهم. القلب هنا مش هنا. اللسان يتحرك لكن هنا صدر ده واقفة هنا اهو. ما توصلش لايه؟ للقلب. وقال الله عز وجل انها لا تعمى الابصار. ولكن تعمى القلوب التي في - 00:49:21ضَ

ولا الدماغ؟ او القلوب التي في الصدور. تمام؟ فده دل على ان العقل في القلب في الصدر مش في الدماغ يعني ولا الكلام ده. فانا عايز اقول يبقى القلب ده - 00:49:41ضَ

طالما انه سليم وكويس يبقى لا يضرك ما فاتك منه. فاهل العلم اصحاب الهمة العين يتعذبون. ابن الجوز بقى كان عذابه عذابا خاصا عزاب طمع. ليه بقى؟ بيقول لك اني رجل حبب الي العلم من زمن الطفولة فتشاغلت به. من زمن الطفولة - 00:50:01ضَ

لان عمته ودته لمين؟ لابن ناصر. وبدأ يطوف على الفقهاء من ذلك الزمان لم يعرف ما يعرفه الاطفال من اللعب والكلام ده بالزات احنا عيالنا النهاردة. يبقى الاب راجل كويس جدا يقول لك انا عايز ابني يبقى عالم - 00:50:27ضَ

ويقوم جايب له الكمبيوتر وجايب له شوية العاب سيديهات ويلعب على الكمبيوتر. ده يوصل امتى ده ده يتعلم ايه ده؟ اللي انت جايب لي الكمبيوتر هذا المخلوق العجيب الجديد اللي هو خطف قلوب الكبار قبل الصغار - 00:50:47ضَ

انت عايز ابنك يطلع عالم احجز عنه كل هذه الملهيات. ليه؟ لانها تشتت عزم القلب لا سيما بعد النت. النت بقى لما تدخل تنسى نفسك الادان يدن والميكروفون في ودنك مش على مش على المبنى - 00:51:06ضَ

وانت مش واخد بالك المادة ليه؟ تدخل على الاف المواقع وتلاقي مواد آآ مثيرة والكلام ده ومواد عجيبة وتفضل سرحان والكلام ده. ده بشره كما او كما قال الاعمش. من لم يطلب العلم من زمن الطفولة فاختم على قفاه لن يفلح - 00:51:26ضَ

ها بس احنا احنا الختم ده محتاجينه بجد محتاجين نعمل خير. والختامة وادي له عليه على القذارة. طالما انه وشل لكن عايز يبقى طالب علم طالب علم له عدة مختلفة - 00:51:48ضَ

حتى اللي بيزاكر عن طريق الكمبيوتر. ده ما لن يفلح ويقول لك انا بدل ما اجيب كتب انا عندي الاسطوانة الالفية والصنع اللي فات تلت تلاف كتاب ولا عشر تلاف كتاب ما فيش حد بيزاكر على الكمبيوتر ابدا. العلم - 00:52:02ضَ

يعني طرق معلومة ما بتتغيرش. ممكن تستخدم كمبيوتر كفهنس بس. لكن في مطلع حياتك العلمية ما ينفعش بعد ما تطيب وتبقى خلاص وصلت وجربت الشغل واستطعمت الشغل والكلام ده. كل ده ممكن تستخدم الكمبيوتر؟ اه - 00:52:18ضَ

لكن في بدء الطلب ما فيش غير الكتاب. وتحرص على ان كل ملحوظة تكتبها على حاشية الكتاب. كل ملحوظة تهم تكتبها على حجاب الكتاب. حتلم بقى القصة دي بعد مسلا عشرين سنة خمسة وعشرين سنة تبص على الكتب بتاعتك تلاقيها ملك - 00:52:38ضَ

تعليقات لا يمكن اي بني ادم يجيبها ابدا في آآ مدة زمنية قصيرة حتى لو كان الكمبيوتر معه هو ابن الجوزي من زمن الطفولة ما يعرفش اللعب ولا يلعب الاطفال ولا يلعب كورة ولا يجري دم ولا الكلام ده. وبعدين - 00:52:58ضَ

حصل عنده بقى الطمع بقى. قال لم يحبب الي فن واحد بل فنونه كلها. عالم موسوع. وطبعا علماؤنا الموسوعيون كانوا كثيرين في الزمان الاول. اذا تكلم في الفقه قلت لا يحسن الا الفقه. وان تكلم العربية قلت له - 00:53:18ضَ

ونتكلم في الحديث قلت لا يحسن الا الحديث. تكلم في العروض قلت لا يحسن الا العروض. تكلم في الطب قلت لا يحسن الا الطب. كانوا كده كتير زمان وبعدين لما حصل بقى التقليد وآآ والامة جمدت وقلت فيها المواهب بسبب التقليد. للائمة - 00:53:38ضَ

الماضيين ولهذا الكلام بدأت الايه؟ بدأت دماغ بدأ العقل يقف. لا يبدع. وبقى في القرن كله تلاقي ان الواحد بعد الواحد. انما كان زمان في القرن التالت والرابع والكلام ده قبل ما نطلع للقرن الخامس لأ كان العلماء - 00:53:58ضَ

شيوعيون كانوا كثيرين جدا. يتكلمون في كل فن. فابن الجوزي عايز بقى يبقى ايه؟ الاول في كل حاجة. بيتكلم في الفقهي ما فيش حد زيه. يتكلم في اللغة شحال زايد؟ شحال زايد؟ فطمع في هذا - 00:54:18ضَ

ومش كده. ده مش عايز يبقى مشارك بس. يعني المفترض مسلا انا هنفترض رجل ساحسب على اهل الحديث لكن انا مشارك في الفقه. ما اناش الفقيه يعمل اللي هو لو انا وقفت للعالم يبرأوني. وانا مشارك في العربية ولا ولا - 00:54:32ضَ

انا الاول في العربية وانا الاول في الفقه ولا كذا لكن مشارك. عندي مشاركة تكلم الفقهاء اعرف بيقولوا ايه ومش عارف ايه واخد وارد معهم واناقش واناظر بس ما اناش الاول فيها. لكن لو جم عند الحديث عندي هبقى انا ايه؟ متميز - 00:54:52ضَ

فيبقى دول اللي كثروا في الزمان اللي في الازمنة المتأخرة يكون مبرزا في علم ومشاركا في ايه؟ في علوم الاخرى ابن الجوزي ما كانش عايز كده كائن عايز يبقى ايه؟ مجتهد مطلق في كل فن. وده مستحيل يعرف يجيبه. بالزات لواعظ - 00:55:09ضَ

الناس كلها بريحانة. اللي عنده مشكلة يعني يقول تاب على يدي اكثر من مائتي الف واسلم اكثر من عشرين الفا فتخيل بقى لما يتوب هو جاي يقول يا مولانا انا هتوب يا مولانا لأ بيحكي له بص يا مولانا انا هقول لك على تاريخي بس اختصر طيب حاضر - 00:55:31ضَ

اختصر دي كلها ساعتين وحملت وخليت وسويت وطربقت الدنيا على فلان ودفنت فلان على الحيا وعملت كزا وعملت كزا يا مولانا ايه اعمل ايه بقى في الحدوتة وبعدين ما بتكونش جلسة واحدة. ده المريض بيروح للدكتور يقول له خد الدواء ده تلات تشهر. وتعال لي وممكن نقول خده شهر وتعال لي يبقى ايه - 00:55:55ضَ

رايح جاي على الدكتور رايح جاي رايح جاي المزنب كذلك. العاصي بيروح للعالم ورايح جاي رايح جاي رايح جاي. كل مروحة وكل بتاخد وقت فلما يكون واحد زي ده تصدر للوعظ وبعدين بيتكلم في الوعظ باسلوب راقي جدا وزي الالفاظ اللي احنا قلناها. آآ المرة اللي فاتت دي. وبعدين في نفس - 00:56:15ضَ

منشغل بالكتب يكتب في اليوم اربع كراريس. تمام؟ ده هيتقن ايه؟ فهو من طمعه قال ثم لا تقتصر همتي في فن واحد على بعضه. طب خد حتة منه وخلاص واحمد ربنا. لأ مش عايز القصة دي. بل اروم استقصاءه - 00:56:37ضَ

وبعدين هو عارف العلل انه مش هيوصل للاستقصاء ابدا لو حتى عمر عمر نوح لم يصل الاستقصاء. هو نفسه بيقول والزمان لا يسع والعمر اضيق والشوق يقوى والعجز يظهر فيبقى وقوف بعض المطلوبات حسرات. طب الحسرة دي - 00:56:56ضَ

يترجمها لايه؟ لمرض. واحد محسود لا بيضحك ولا باستطعم حاجة ولا نفسه في حاجة وكل ما تشوفه تلاقيه دبلان كده وعمال ينعل الهم والكلام ده. اهي دي ليه؟ قال لك لسه ما وصلتش في الحديث الى الدرجة الفلانية ولا في الفقه الى الدرجة الفلانية - 00:57:19ضَ

وريني اول الكلام ده. فبيبقى عنده كما قلت مرضه علو الهمة. وآآ ان شاء الله غدا آآ غدا الاربع مش كده؟ الاربعاء ان شاء الله نتمم انا معكم ان شاء الله الى يوم الخميس. اهدي محاضرة يوم الخميس - 00:57:39ضَ

وبعدين هسافر ان شاء الله الى قطر لمدة تلت تيام فقط ونعاود بازن الله الكريم آآ يعني ان عشنا ساعات بيكون كده وهيطب ساكت دلوقتي اهو. ها؟ ونعود ان شاء الله شرح السيد القادر يوم الاثنين - 00:57:59ضَ

القادم باذن الله تعالى. اقول قولي هذا واستغفر الله. جمعة مش طبعا انا مسافر يوم الخميس بالليل - 00:58:19ضَ