برنامج ايامنا الحلوة مع الدكتور حازم شومان حب وحياة وبهجرك للدين ستحيا تعشق ما قلبك اهواه. او ان الايام ستحلو وترى الدنيا السلام عليكم ورحمة الله وبركاته. الحمد لله وكفى - 00:00:00

وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله. لبيك يا وسعديك والخير كل الخير كل الخير كل الخير في يديك. والشر ليس اليك انا بك واليك - 00:00:29

تركت وتعاليت استغفرك واتوب اليك. اللهم لك الحمد كله ولك الملك كله. وبيدك الخير كله اليك يرجع الامر كله. الحمد لله عدد ما خلق. الحمد لله ملء ما خلق. الحمد لله عدد ما في السماوات وما - 00:00:49

في الارض الحمد لله عدد ما احصى كتابه والحمد لله على ما احصى كتابه والحمد لله عدد كل شيء الحمدلله ملء كل شيء. الحمدلله حمدا كثيرا طيبا مباركا فيه. غير مكفي ولا مكفور ولا مودع ولا - 00:01:09

استغنى عنه ربنا اللهم صل على الحبيب محمد وعلى ازواجه امهات المؤمنين وعلى ذريته وال بيته انك حميد مجيد اما بعد. اخواني واحبابي ونور عينينا في الله. اخواتنا الفاضلات الكريمات الطاهرات - 00:01:29

ربنا يحفظكم. ربنا يبارك فيكم. ربنا يسددكم. ربنا يفتح عليكم. ربنا يمدكم بمدد من عنده. انه ولي ذلك والقادر عليه. اما بعد داعا لليأس والاحباط. وداعا لليأس والاحباط. الناس دلوقتي كلها محبطة. الناس دلوقتي تمشي في الشارع تبص وشوش الناس. اللي واقفين في محطة ميكروباص - 00:01:44

الاكفهرار باين على الوشوش. الناس محبطة. الازكياء محبطين. لان هم مش قادرين يحققوا طموحاتهم ويقولوا لك طموحاتنا ضاعت واحلامنا ضاعت ومش عارفين نحقق طموحاتنا. الملتزمين محبطين تكلموا عن قيام الليل يقول لك اه والله قيام الليل جميل بس ده بتاع الصحابة. تكلمه عن ذكر الله يقول لك اه والله حلو - 00:02:04

جدا بس ده بتاع السلف بقى. تكلمه عن الصيام يقول لك ده رائع بس ده بتاع التابعين. الملتزمين محبطين. ما فيش حد يربينا. ما فيش حد يهتم بنا. ما فيش حد ياخد - 00:02:24

المذنبين محبطين نتوب من كل اللي عملناه ازاي ؟ ونتخلص من كل اللي عملناه ازاي ؟ ونتطهر من كل اللي عملناه ازاي ؟ التجار محبطين البلد واقفة والحال واقف ومش عارفين نعمل ايه. وابواب الرزق مقفولة. الناس الشباب اللي متخرج محبط قاعد على القهوة بقى له تسع سنين. ما هواش عارف يلاقي - 00:02:34

شغلانة طلبة الجامعة محبطين هنتخرج نروح فين وهنعمل ايه وهنعمل ايه بعد ما نتخرج ولو نجحنا الشهادة دي قيمتها ايه وهنتجوز منين وهنسكن فين وهناكل منين ؟ البنات محبطة ستاشر مليون عانس ومطلقة في المجتمع اللي احنا عايشين فيه. هنتجوز ده الجواز الوقتي بقى من الكرامات. المجتمع في - 00:02:54

حالة احباط يا جماعة. اكتر مرض الوقتي بيعاني منه المجتمع اللي احنا عايشين فيه. مرض الاحباط والعياذ بالله. مرض اليأس بقى مرض منتشر. بقيت حسوا في كلمات الناس وانا قاعد مع الشباب في الجامعة واتكلم معهم عن ربنا الاقي شاب جاي يقول لي احنا يائسين احنا محبطين احنا محطمين هنتخرج نروح فين - 00:03:14

وهنعمل ايه وقيمة الشهادة اللي احنا بنحصلها ايه سبحان الله العظيم. وداعا لليأس والاحباط. وداعا للاحباط واليأس يا اخواني في الله. طول ما ربنا وجود ربنا كبير. ربنا عظيم. ربنا قادر بس اه لو عرفنا ربنا. يا ريتني عرفتك من زمان. اهل الدنيا قالوها لبعض لما حد يعرف - 00:03:34

ادخل في علاقة تسعد قلبه وتغير حياته. وتغير الهم والكمد والغم اللي كان عايش فيه. يقول يا ريتني عرفتك من زمان. احنا عايزين نقول الكلمة دي نعرف ربنا يا اخواني في الله. معنا النهاردة شعارات من كتاب الله. معنا النهاردة شعارات من كلام الله. معنا النهاردة شعارات من الكتاب اللي نازل من فوق سبع سماوات عشان - 00:03:54

السعادة عشان يعرفنا اسباب السعادة في الدنيا وفي الاخرة. معنا شعارات نعرف بها طريق السعادة. نعرف بها الطريق للسعادة باذن الله سبحانه وتعالى الشعار الاولاني يأتي بها الله. يأتي بها الله يا اصحاب الاحلام. يا اصحاب الطموحات. يا اللي كان عندك امال واحلام - 00:04:14

ان احلامك بتتحطم. يا اللي كان عندك امال واحلام وطموحات. وحس ان عندك امكانيات بس الواقع مش مساعدك. او ما انتش قادرة توصلي للي انت عايزاه احباط مالي نفسيتك. والاحباط مالي نفسيتك بسبب انك مش قادر تحقق احلامك يا بني. انها ان تك مثقال حبة من خردل. الحلم اللي انت - 00:04:34

بتحلم به. الامل اللي انت بتتمنيه. فتكن في صخرة لو الامل بتاعك جوة قلب جبل او في السماوات لو الحلم اللي انت بتحلمي به على المريخ او في المشترى او في مجرة تانية غير مجرة التبانة او في الارض. لو اللي انت بتتمناه وبتحلم به ونفسك توصل له ونفسك تتقابل فيه. في - 00:04:54

غابة من الغابات الاستوائية ولا في قطب شمالي ولا جنوبي. يا بني انها ان تك مثقال حبة من خردل. نفسك في ايه؟ بتتمني ايه؟ فتكن في صخرة في السماوات او في الارض يعني لا يمكن يعني احلامك ضاعت يعني بمنطق البشر لا يمكن توصل. للي انت عايزه يعني بمنطق البشر انت - 00:05:14

ينفع توصلي للي انت عايزاه. انت سنك ينفع انك انت لسة تحصل احلامك. انت خلاص في وسط الواقع والضغوط والمشاكل. تقدري انك توصلي للي انت عايزاه انت بعد ما كسرت التلاتين لسة نقدر ان احنا نتكلم في الزواج من العريس المناسب اللي يسعدك. انت لسة بعد ما قربت من الاربعين نقدر نتكلم - 00:05:34

الاحلام والطموحات والافكار احنا لسة نقدر نتكلم في الكلام ده فتكن في صخرة او في السماوات او في الارض اسمع قلبك يأتي بها الله. يأتي بها الله. الله قادر. مش مش يحققها الله. يأتي بها الله. الله قادر - 00:05:54

انه يجيب احلامك لحد عندك. الله قادر انه يجيب امالك لحد عندك. الله قادر مرة من المرات وانا قاعد في المسجد ومهموم ومكتوت. عايز حاجات كتير وبفكر في حاجات كتير - 00:06:14

احلام في الدعوة واحلام في العبادة واحلام في امور دنيوية واحلام احلام كتير والكلام ده يتحقق امتى والكلام ده يتحصل امتى وانا مهموم قدام المصحف فبفتح المصحف كده اقرأ فيه كلام الله عشان الواحد قلبه يطمئن ويهدأ. لقيت قدامي قول الله عسى الله ان يأتيني بهم جميعا - 00:06:26

هو ده الامل يا جماعة في ربنا. عسى الله يكون لصاحب احلام. يا كل صاحب الطموحات. يا كل صاحب افكار. يا كل صاحب مبادئ ورسالة نفسك انك تحققها وتعيش عشانها. عسى الله ان يأتينا بهم جميعا. عسى الله انه يحقق كل احلامك. عسى الله انه يحقق كل - 00:06:46

ما لك؟ عسى الله ان يبلغك مما يرضيك اماله يأتي بها الله في سورة في سورة لقمان سورة لقمان يا اخواني دي معجزة يا جماعة. زيها زي باقي سور القرآن. ولكن سورة لقمان بتكلمك عن الله كلام يزلزل قلبك. بتكلمه - 00:07:06

عن اله صفاته بلا حدود. ان فاتكن في صخرة او في السماوات او في الارض يأتي بها الله. علم بلا حدود واحاطة وبلا حدود صورة لقمان بتقول لك اولم اولم ترى اولم تروا ان الله الم تروا ان الله سخر لكم ما في السماوات - 00:07:22

وما في الارض واسبغ عليكم نعمه غرقكم ظاهرة وباطنة. كرم بلا حدود. ود بلا حدود بلا حدود سورة لقمان بتقول لك ما خلقكم ولا بعثكم يا ستة مليار. يا سبعة مليار يا ميت مليار. ما خلقكم ولا بعثكم الا كنفس واحدة - 00:07:42

الا كنفس واحدة يا رب. نفس واحدة. واحد يقول لك المليار عمارة دول انا بالنسبة لي ما ياخدوش مجهود كانهم عمارة واحدة. ولله المثل الاعلى ما خلقكم ولبعثكم الا كنفس واحدة قدرة بلا حدود. ربنا يقول لك ولو ان ما في الارض في سورة لقمان برضه سورة لقمان دي يا جماعة اللي قلبه يعيش - 00:08:04

فعلا يعرف ليه جت بعدها سورة السجدة. سورة السجدة المفروض اللي يعرف صفات الله كده بلا حدود يسجد. قلبه يسجد. ربنا سبحانه وتعالى في سورة يقول ولو ان ما في الارض من شجرة اقلام. يا رب معقولة كل اشجار الارض. والبحر يمده من بعده سبعة - 00:08:24

قل لي يا رب محيطات الارض بقت حبر والحبر تعبى في الاقلام والاقلام كتبت ايات ربنا ومعجزات ربنا وقدرة ربنا وعلم ربنا ما نفدت كلمات الله يعني ايه عظمة بلا حدود. الله سبحانه وتعالى عشان كده بعد لقمان سورة السجدة تتجافى - 00:08:44

فجنوبهم عن المضاجع اللي دخل في قلبه معاني لقمان ما عدش عارف ينام. ما عدش عارف يطول في النوم تتجافى جنوبهم. مش عايز مش طايق. نافر السرير تتجافى جنوبهم عن المضاجع. يدعون ربهم خوفا وطمعا منجذب الى الله. عارفين الانجذاب يا جماعة؟ انجذاب - 00:09:04

الى الرب ان الانسان قلبه خلاص ما عادش قادر يصبر عن الله. سبحانه وتعالى. اللي يعيش مع معاني سورة لقمان يفهم سورة السجدة يعرف خلاص بقى. يعرف الموضوع ماشي ازاي. يأتي بها الله. يأتي بها الله. اوعى تيأس. اوعي تحبطي. اوعى تقولي ان احلامك ضاعت. او احلامك مش - 00:09:24

اتحقق مهما كان احلامك مهما كانت امانيكي مهما كان رغباتك مما يرضي الله. رقم اتنين عشان نضبط الفهم بتاعنا. رقم اتنين الشعار تاني من اسباب السعادة لولا ان من الله علينا لخسف بنا. يعني ايه يا جماعة؟ الناس لما شافت قارون - 00:09:44

خارج في زينته والمليارات بتاعته قالوا يا ليت لنا مثل ما اوتي قارون. لما شافوا القصر بتاعه مخسوف به قالوا يا نهار ابيض! ده احنا لو كنا خدنا الفلوس الاحلام بتاعة امبارح ، كان نفسنا نبقى زي قارون، كان نفسنا نلبس زيه ، وكان نفسنا نعيش الدنيا زيه. كان نفسنا يبقى عندنا اموال، وشهواته، كان نفسنا - 00:10:04

زي ما قارون عاشها. ده احنا لو كان ربنا حقق لنا احلامنا بتاعة امبارح. وخدنا اللي خدوا قارون كنا طغينا زي ما طغى وكان اتخسف بنا زيه الحمد لله يا رب انك منعتنا حاجات من الدنيا كنا بنتمناها. ولو كنا خدناها كان ضيعت دنيتنا واخرتنا الحمد لله يا رب - 00:10:24

الحمد لله يا رب ان احنا كان لنا احلام بنبكي عشان نفسنا فيها. ويدعو الانسان بالشر دعاءه بالخير. شوفوا الانسان وهو رافع ايده بيدعي بالخير. يا رب مسلا ارزقني الجنة - 00:10:43

يا رب يا رب يا رب ويبكي وينهمر ويمرغ جبهته في التراب. الانسان يا جماعة بيدعو بالشر احيانا كانه بيدعو بالخير. قاعد يطلب يا رب اتجوز فلانة مسلا او يا رب عايز فلوس مسلا معينة يا رب يا رب وقاعد يدعي ويبكي ويتوسل ويتضرع ويتذلل - 00:10:56

ولو ربنا استجاب له الدعوة دي هتهلك له دنيته واخرته. عشان كده يا جماعة يأتي بها الله احلامنا اللي ربنا يعلم انها خير احلامنا اللي ربنا يعلم ان هي فعلا هتسعدنا. انما يا جماعة لولا ان من الله علينا لخسف بنا. الاحلام اللي بتدمر. في احلام بتضيع - 00:11:16

عشان كده كان المنع للناس دي من الدنيا عين العطاء. وحمدوا ربنا لما شافوا قارون بيتخسف فيه. انا بتخيل يوم القيامة يا اخواني. بتخيل اللي جه وهو في الدنيا كان زعلان ومش قادر وتعبان. لما يشوف يا جماعة اللي استغلوا صحتهم في معصية ربنا وهم بيترموا في جهنم. انا مش متخيل - 00:11:36

هيفرحوا قد ايه على المرض اللي كان في الدنيا. انا مش متخيل انسان كان عنده ابتلاءات انسان كان فقير. لما ييجي يوم القيامة يلاقي واحد غبي بسبب فلوسه اللي عصى بها ربنا بيترمى في جهنم. هيفرح على نعمة الفقر قد ايه يوم القيامة. انا مش متخيل يا جماعة اللي ابتلي ده لما ييجي يلاقي - 00:11:56

خوفي من الابتلاء ده بسبب معافاته منه ممكن يكون طغى. واحد طفل اتولد مشلول وعنده مشاكل صحية خطيرة جدا. واحد غني تبناه صرف عليه مبالغ طائلة سفره برة. عالجوا الطفل كبر بقى سليم. لما بقى شاب كبر ايام السفر للعراق - 00:12:16

العراق مع المصريين اللي سافروا لم يترك هناك كبيرة ولا موبقة ولا زنا ولا فحشاء الا وقع فيها. الطفل ده كان مصلحته ان جوارحه ديت تبقى مريضة ولا يعصي الله بها ولا لما خد الصحة عصى ربنا بها يعني عايز اقول ايه ؟ ما تعرفيش الخير فين ؟ ما تعرفش الخير فين. الرضا يا اخواني - 00:12:36

وعسى ان تكرهوا شيئا وهو خير لكم. وهو احسن اختيار لكم. وهو احسن بديل لكم. وهو الخير وهو كله من اوله لاخره خير. ممكن بس نصبر شوية وبعد كده نشوف الفرج قد ايه. رقم تلاتة امن يجيب المضطر اذا - 00:12:56

يا ربي الواحد وهو ماشي في الشارع دلوقتي بيحس يعني ايه المضطرين يا جماعة. يا جماعة احنا الوقتي الكربات اللي فيها الشعب واللي فيها المجتمع امن يجيب المضطر المضطر ده اللي ما عدش عنده ولا سبب ينجو به. المضطر ده اللي ما يقدرش يفضل في الابتلاء ده ما ينفعش حياته اللي مش هتمشي. لو الابتلاء ده فضل. المضطر ده - 00:13:16

انقطعت به كل السبل. المضطر ده للابتلاء فوق مش قادر يستحمله. تعبان مرهق. منهك ام من يجيب المضطر اللي انقطعت به الاسباب تخيل بقى لما خلاص كل حاجة راحت شف ربنا بيقول لك ايه وهو الذي هو وهو الذي ينزل الغائب - 00:13:40

من بعد ما قنطوا وينشر رحمته. يبسطها وتفرش في الارض كلها وتلاقي الدنيا كلها. من الايات يا يا جماعة اللي بتقلب كيان الواحد آآ فتصبح الارض مخضرة. ربنا بيقول لك انزل من السماء ماء ها فتصبح الارض مخضرة تصبح. يعني - 00:14:00

بيت نار صحة خضار. بيت صحرا صحة خضر فتصبح هي نامت وهي سودا نامت وهي مضلمة. نمت والدنيا كروهات. صحيت لقيتها بمبي. فتصبح الارض مخضرة. ان ربنا قادر انه يبدل اي وضع. ربنا قادر انه يغير اي وضع - 00:14:22

الثقة في الله انك تحط في بطنك شادر بطيخ امن يجيب المضطر اذا دعاه سبحان الله يا اخواني كنت بقرأ في التواصين وسورة العنكبوت وبعضهم سورة الروم الطواسين اللي هي الشعراء والنمل والقصص - 00:14:42

حسيت ان الطواسين والعنكبوت بتتكلم عن المواقف المدلهمة في طريق الناس الصالحين. المواقف اللي الناس بتسميها المواقف السوداء لما تسود بقى. لما خلاص سورة الشعراء انا لمدركون. خلاص فرعون جاي يدبح الناس كلها. لان لم تنتهي يا نوح لتكونن من المرجومين - 00:14:57

هنقطعك هندبحك هنرجمك صورة الشعراء ييجي بعدها سورة النمل. سورة النمل وكان في المدينة تسعة رهط يفسدون في الارض ولا قالوا تقاسموا بالله لنبيتنه واهله ثم لنقولن لوليه ما شهدنا مهلك اله اللي احنا شفناها ايام حصار القصر وايام - 00:15:17

ايام المؤامرة عشان قتل ايام الانقلاب على التيار الاسلامي في مصر ايام ما كان فيه مؤامرات احنا عشنا الموقف ده يا جماعة عشناه لسة من شهور البلد ايامها كانت مولعة ازاي! وشفنا الدنيا كانت مولعة ازاي! وارهقت اعصاب الصالحين. ارهاق لم نرى في حياتنا مثل - 00:15:37

وكان في المدينة تسعة رهط يفسدون في الارض. قاعدين يخططوا يدمروا الحق ازاي؟ يدمروا اهل الحق ازاي بعد كده سورة القصص سبحان الله! واصبح فؤاد ام موسى فارغا. خلاص لما الابتلاء يبقى البني ادم ما عدش فاكر حاجة. تسبته في - 00:15:57

تلاقي اللي هو فيه التقطاه ال فرعون. ابنها ضنها بقى في ايد ال فرعون. انتم متخيلين قلبها بقى شكله ايه؟ سورة القصص تكلمك ان الملأ يأتمرون بك ليقتلوك فاخرج. الحق يا موسى انجو بنفسك يا موسى. سبحان الله العظيم! المواقف الرهيبة! سورة العنكبوت تيجي بعد التواصين تقول لك - 00:16:14

من كان يرجو لقاء الله فان اجل الله لات. فيه صحابة من كتر الازمات اللي مرت بها الدعوة. اتمنوا الموت. خافوا على نفسهم من الفتنة في فتمنوا الموت بعد الصور الرهيبة دي. بعد الصور اللي جايبة الواقع الرهيب ده. بعد الصور اللي جايبة الواقع اللي فيه واقع قارون خرج على قومه في - 00:16:34

في زينته زي الوقت النص مليون موقع اباحي. والفساد والدنيا اللي اتزينت بكل لون وشكل خلاص الدعوة وقفت. ما حدش عايز يلتزم. الشباب مش عايز يتوب البنات مش عايزة ترجع. المواقف السوداء في تاريخ الدعوة تقوم جاية سورة الروم. سورة الروم الف لام ميم غلبت الروم - 00:16:54

في ادنى الارض وهم من بعد غلبهم سيغلبون قدرة الله على قلب اي وضع للوضع المعاكس. قدرة الله على تبديل اي وضع. سورة الروم جاية بتقول لك شرب ايه اللي ربنا ما يقدرش يزيله؟ هم ايه اللي ربنا ما يقدرش يفرجه؟ كربة ايه اللي ربنا ما يقدرش يكشفها؟ بلاء ايه اللي ربنا ما يقدرش يرفعه الله - 00:17:13

الله اكبر. سورة الروم يا جماعة الروم دي زي امريكا الوقتي القوة العظمى. سورة الروم ربنا بيقول ما فيش قوة عظمى في الحياة غير الله. سورة الروم سورة من هو القوة العظمى في الحياة. الله يبقى بعد المشاكل والمواقف الصعبة بتاعة التواصين والعنكبوت تيجي سورة الروم تقول للمؤمنين ابشروا - 00:17:33

ابشروا ابشروا املوا ما يسركم. فبشر عباد تقول ان القوة العظمى في الحياة هي الله. لو انت مع القوة العظمى في الحياة لو انت مع القوة العظمى في الحياة انت مع الله. مع القوة التي لا لا امريكا هتطلع وتنزل. الروم طلعت ونزلت كل القوات - 00:17:53

تطلع وتنزل لا من قوة الله ما بتنزلش ابدا. انت مع القوة الثابتة التي لا تنزل ولا تتأثر. انت الله قادر انه يبدل اي كرب. يبدل اي وضع غير اي كرب ام من يجيب المضطر اذا دعاه اذا دعاه يا اخواني لما يرفع له ايده ويقول يا رب - 00:18:13

ويمرغ جبهته في الارض في السجود وهو بيقول يا رب ان ربي لسميع الدعاء. ولقد نادانا نوح فلنعم المجيبون واحد يقول طب ده نوح. يا ابني قل يا رب يا بني ادعي ربنا سبحانه وتعالى وده الشعار الرابع النهاردة بقى - 00:18:33

فاذكروني اذكركم او الا بذكر الله تطمئن القلوب الا بذكر الله كنت بقرأ امبارح في اسم الله المؤمن. قال لك مصدر الامن والامان في الحياة كلها. اللي ما فيش امن ولا امان في الحياة الا بالله المؤمن - 00:18:53

اسم الله اللي يأمنك. اللي يعيشك في امان. اللي يعيشك امن. اللي ما انتاش خايف من بكرة ما انتش من اسباب الشقاء في الحياة يحسبون كل صيحة عليهم. الناس اللي مرعوبة من كل حاجة وخايفة من كل حاجة وخايفة من بكرة وخايفة من المرض وخايفة من مضاعفات السكر والضغط - 00:19:14

وخايفة من السرطان وخايفة من الدنيا وخايفة الوزيفة تروح وخايفة وخايفة من كل حاجة وخايفة على كل حاجة يحسبون كل صيحة كل حاجة هتبقى مصيبة. لو شف قلكوعة في ايده احسن تبقى سرطان. لو جا له شوية مغص احسن تبقى كارسة جوة في جسمي. لو حصل اي ازمة اه هتسود - 00:19:34

والفلوس هتضيع وهفتقر وهقع وهانهار يحسبون كل صيحة عليهم. لانه مش عارف ربنا لانه من جوة فاضي. من جوة قلبه مش ممتلئ بمعرفة الملك بمعرفة الله العلي الاعلى سبحانه وتعالى. الا بذكر الله تطمئن القلوب. تعالوا بقى يا جماعة تعالوا بقى اقفلوا الورق وغمضي عينيك - 00:19:54

وانسي كل اللي وراك ، واقفل المحمول بتاعك ، وتعالوا نقول يعني ايه الا بذكر الله. تعالوا يا اخواني نحط لوحة اسماء الحسنى قدام عنينا. ونقف قدامها كده وننسى بعض. انسى خالص. انت الوقتي بتسمع لمين وانت وراك ايه وفي ايه؟ انسوا خالص يا - 00:20:17

لوحة الاسماء الحسنى يا اخواني قدامنا وتعالوا نشوف من هو الله. تعالوا عشان نقول يا ريتني عرفتك من زمان يا هوب يا ريتني عرفت كرمك ورأفتك ورحمتك وودك وجمالك يا رب. تعالوا شوفوا كده اسم الله الجميل - 00:20:37

مين لما تشوف سيدنا يوسف خارج على النسوة في سورة يوسف فيقول لك ايه ؟ يقول لك فلما رأيناه اكبرنا وقطعنا ايديهن من كتر جماله قطعوا ايديهم السكينة يا ربي ازا كان هذا جمال مخلوق فما جمال وجه الله؟ امال جمال وجه الله - 00:20:57

اللي النبي عليه الصلاة والسلام قال كلمة كده ناس كتير بتعدي عليها. يقول لك حجابه النور. لو كشفه لاحرقت سبحاته ما انتهى اليه بصره سبحات. لما تشوف وش خارق الجمال تقول سبحان الخلاق! سبحات وجه يعني جمال - 00:21:17

وجه الله ده ايه يا جماعة؟ يا اخوانا ده واهل الجنة جوة الجنة تستنير سماء الجنة. فالناس تقول ايه في شمس طلعت ولا ايه؟ فيقولون هنا هذه حورية ضحكت في وجه زوجها. اذا كان هذا نور وجهي مخلوق فما نور وجه الله. اسم الله الجميل - 00:21:37

الله الرؤوف يا جماعة. اللي عندهم مشاكل وانا استاهل ان ربنا يقف معي. ونستاهل ان ربنا ياخدني في كنفه. وانا استاهل ان ربنا يفرج كربونة لو رفعت ايده قلت يا رب يا عم انت بتقول ولقد نادانا نوح. فلنعم المجيبون لانه نوح القوام الصوام الداعي الى الله. انما احنا العصاة - 00:21:59

اهو احنا بقى اللي جا لنا اسم الله الرؤوف يا جماعة. الواحد لما بيكون في قرض كده وحس ان ما فيش عمل صالح يتوسل الى الله به. يقول يا رؤوف يا رحيم يا رؤوف - 00:22:19

يقول اشمعنى الرؤوف؟ الرؤوف ده درجات الرأفة بيدوها للطالب الساقط. اللي يستاهل يسقط بس يقول لك رأفة بعددناه. انا يا رب استاهل ان انا ابتلى. لا اله الا الا انت سبحانك. انت عظيم اني كنت من الظالمين. انا استاهل اللي انا فيه يا رب. انا استاهل الابتلاء. انا استاهل الضنك. انا استاهل بس انت الرؤوف - 00:22:32

ارأف بحالنا يا رب ارؤف بكروباتنا يا رب. ارأف بنا يا رب. فرج كرباتنا يا رب. بلغنا مما يرضيك املنا يا رب الرؤوف لو حسيتي بمعنى الرؤوف مش هتستصعبي اي طلب من ربنا. لان ربنا ما بيديكيش على قدر طاعتك وربنا بيديك على قدر رأفتك - 00:22:52

على قدر رحمته على قدر كرمه. يا سلام يا جماعة! يا سلام! يا جماعة! الا بذكر الله! تطمئن القلوب توتر والاكتئاب والخنقة والضيق والزعل والنفسنة الا بذكر الله. زكر الله ديت سيوف بتدبح الابتلاء في الحياة - 00:23:14

تعالوا نتكلم في اي اسم من اسماء ربنا. تعالوا نبص في لوحة الاسماء الحسنى. اللي انت بعد الحلقة تقومي كده وتبصي فيها وتسبحي ربنا عليها. وتنادي فيه ربنا بالاسماء اللي فيها القريب. يا سلام! مين اقرب لك منه؟ مين اقرب لك منه يا جماعة؟ مرض ايه اللي كلمة يا رب ما تقدرش - 00:23:34

تشفيه. ابتلاء ايه اللي كلمة يا رب ما تقدرش تكشفه. كربة ايه اللي كلمة يا رب ما تقدرش تزيلها. يا رب القريب انت لما بتقولي يا رب بتكلمي القريب. يعني انت مش بتطلبي طلب الغريب من الغريب. انت بتطلبي من القريب. القريب يا جماعة لما بشوف - 00:23:54

ادعية الانبياء في القرآن الواحد بيقول ايه ده! ايه العشم ده ايه الاحساس بحنان ربنا ده ؟ يقول اصلح لي في ذريتي. مش اصلح في ذريتي اصلح لي عشان خاطري يا رب - 00:24:14

عشان يا رب لاجلي يا رب لاجلك عبد حاسس بحنان مولاه يا جماعة. حاسس انه بيكلم القريب مش بيكلم حد غريب مش واحد آآ يعني سائل ولقى واحد ماشي في الشارع شكله لابس هدوم كويسة ونازل من عربية فخمة. فقال الراجل ده شكله معه فلوس فقال له لو سمحت اديني حاجة لله - 00:24:26

واحد غريب بيطلب من واحد غريب ده انت بتطلب من الحمام. ده انت بتطلبي من القريب. مين اول واحد بتجري عليه ساعة ما تفرح؟ مين اول واحد بتجري عليه ما تزعلي مين اقرب حد لقلبك ساعات اتخيل كده وانا قاعد انا باحب مين ؟ اه الاخ فلان وفلان وفلان باحبهم قوي يا سلام لو جه من الوقت - 00:24:46

تبقى مبسوط. وكمان باحب مين ؟ اه طبعا انا بحب كمان الشيخ فلان والشيخ فلان والشيخ فلان نور عينيا. لو اشوفهم الوقت ابقى مبسوط. وكمان طب لو كل حبايبي دول جم الوقتي قعدوا معي في الاوضة ابقى مقتنس. طب انا الوقتي - 00:25:06

وربنا اللي معي. لو القريب المجيب الودود الرحمن الوهاب. لو ربنا هو اللي معي ما ائتنش بالله. ما ائتنش بالخالق عن المخلوق يا جماعة. القريب القريب اسم بيخلي فيه علاقة خاصة بينك وبين ربنا. اسم بيخلي ربنا اقرب حد لك في حياتك. لما تقع في مشكلة هتشتكي لمين اشتكي - 00:25:20

قريب يعني ايه فلان قريب مني حاسس بي بيقدر الامي وامالي. لما باشتكي له ما بيعرضش عني ويعمل انه ما ما سمعنيش لما باقول له انا تعبان بيقدر همومي ومشاكلي قريب. قريب مني ربنا القريب. اقرب قريب - 00:25:46

قومي قولي له يا رب. قم قل له يا رب. قومي ارمي كل شكواك على بابه. سبحان الله العظيم. احد اخواني كل الوقت لما راح العمرة وناس كتير محملاه بادعية قالوا رحت وانا بطوف قلت يا رب جئتك من بلاد بعيدة معي طلبات كثيرة - 00:26:06

لخلق من خلقك يا رب هرميها على بابك يا رب وهي في ايديك. انا هرجع والطلبات بقت عند ربنا سبحانه وتعالى القريب يا جماعة يا سلام على اسم الله الولي. شوفي اسم الله الولي منور ازاي. مع كل اسماء الله الحسنى المنورة. شوفي اسم الله الولي وهو - 00:26:26

منور القلب وبينور الدنيا وبينور قلوب الملايكة وبينور قلوب حملة العرش وبينور فطرة الانبياء والصالحين والصديقين شهداء شوفوا اسم الله الولي وهو نور. نور كشاف نازل من السماوات ينور لنا طريقنا الى الله. ويخلينا نحس بالامل - 00:26:46

يا جماعة الامل يا جماعة. الامل يا جماعة. الامل اللي الواحد عاد بيكلم الناس وقاعد وسط الناس. الناس عادت خلاص خلاص يا جماعة بها الله. يا جماعة فاذكروني اذكركم. يا جماعة الا بذكر الله تطمئن القلوب. يا جماعة ربنا العظيم - 00:27:06

الكريم تعالوا اسم الله الولي الولي الولي ده يعني لما طفل في المدرسة بيحصل له مشكلة يقولوا له هات ولي امرك ولي امره اللي اختار له المدرسة. ولي امره اللي بيرتب له حياته. ولي امر - 00:27:26

للطفل نايم وهو قاعد يرتب هأكله ايه؟ واشربه ايه؟ ولبسه ايه؟ واوديه مدرسة ايه؟ واجيب له محفظ قرآن احسن محفظ مين؟ وابسطه ازاي بورسعيده ازاي؟ واوجهه ازاي؟ وافهمه ازاي؟ واعلمه ازاي؟ واكبره ازاي؟ تخيل ان لك رب يعمل لك كده - 00:27:39

تخيل احنا يا جماعة احنا عاملين زي بطليموس عايزين نشيل الكرة الارضية على دماغنا. يا ابني ارمي الكرة الارضية من على دماغك وارمي نفسك على بابه وقل له يا رب - 00:27:59

يا رب اجأر الى الله يا رب. امن يجيب المضطر اذا دعاه. ادع ربنا فاني قريب فليستجيبوا لي اجيب دعوة الداع اذا دعان. بس هو يرفع ايده ويقول يا رب. يا جماعة قلوبنا لسة ما اتحركتش - 00:28:10

لسة مش حاسين اسم الله الولي يعني العناية الالهية اسم الله الولي يعني الراعي لحياتك. اسم الله الولي يعني المرشد لحياتك. اللي بيرتب لك اللي بيديك خط في حياتك. اللي بيرتب لك مستقبلك بعد عشر سنين وانت قاعد دلوقتي ما انتاش عارف هتعمل ايه. اللي بيرتب لك هتاكلي ايه بكرة وانت قاعدة دلوقتي ما انتيش عارفة - 00:28:30

انت ما بتفكريش في خمس دقايق قدام الولي الولي الولي اقرب حد لك في الدنيا. الولي اسم الله الوكيل. اسم الله الوكيل وداعا للهموم. وداعا للغموم. يا رب طهر قلوبنا يا رب. يا رب اصلح قلوبنا يا رب. يا رب اشف - 00:28:54

من هموم الدنيا يا رب. يا رب لا تجعل في قلوبنا اياك. ولا تجعل همنا الا رضاك. ولا تعلق قلوبنا الا بك ولا تجعل فيها توكلا الا عليك. الوكيل يا جماعة انت بتختاري محامي كبير شاطر نشيط تروحي تدي له القضية ومع السلامة تنامي في بيتك - 00:29:11

انت مطمنة انه هيعمل احسن مما تتصوري. يعني اسم الوكيل وداعا للهموم والغموم. ربنا بيقول فاتخذه وكيلا. اتخذوا ربنا وكيلك. وانا بقرأ قول الله رب المشرق والمغرب. لا اله الا هو فاتخذه وكيلا. شف المشرق والمغرب الوقتي. كم واحد بيشفى الوقت يا جماعة - 00:29:31

واحنا قاعدين حالا كم واحدة دلوقتي بيجي لها عريس بعد ما يئست. كم واحد الوقتي بيرزق وظيفة ولا مال بعد ما احبط؟ كم واحد ان الله يضحك من يأس عباده وقرب فرجه. حديس عن النبي عليه الصلاة والسلام ان الله يضحك من يأس عباده وقرب فرجه رب المشرك - 00:29:51

والمغرب دلوقتي واحنا قاعدين كم واحد في المشرق والمغرب بيشفى؟ كم واحد بيهدى؟ كم واحد دلوقتي بينطق لا اله الا الله محمد رسول الله وبينقذ كم واحد بيرفع كم واحد بيعزي كم واحد بيمد؟ كم واحد بيفهم؟ كم واحد بيرزق؟ كم واحد بيشفى؟ كم واحد بيفرج كرب وكم واحد - 00:30:14

كم واحد بيفتح عليه؟ لا اله الا هو ما حدش بيعمل كده غيره. فاتخذه وكيلا. اللي عمل كل ده لاهل السماوات والارض اللي عمل كل ده للمشرق والمغرب ما يقدرش يعمل لك كده. فاتخذه وكيلا من اسباب السعادة في الحياة. من اسباب السعادة - 00:30:34

اسم الله الرؤوف. يا سلام! درجات الرأفة! نزرة يا رب! نزرة يا رب! نزرة رحمة يا رب تغير حياتنا كلها. اسم الله الوكيل اتخذ وكيلا اسم الله القريب فاني قريب. ان ربي قريب مجيب. ان ربي سميع قريب. انه - 00:30:54

سميع قريب. اسم الله الوهاب يا جماعة. الوهاب. مرة كان واحد بيقول ده فلان تاجر قاعد حاطط جنبه شوالين فلوس كنت مع واحد يعني عايز يبيع عربيته. ايه اللي بيجي له بالعربية القديمة يقوم مطلع من الوشولة فلوس ويديها له. انا كنت طفل صغير وقتها - 00:31:14

حتى تخيل كده مين ده اللي معه اشولة فلوس واللي يجي له بالعربية يقوم مطلع له كزا كبشة مديهم له على قد تمن عربيته ويمشي ومعه شولة فلوس مهما جه عربيات بقى. قلت ده - 00:31:31

مين ده ؟ الراجل ده غني اوي كده ليه ؟ سبحان الله العظيم. الوهاب يا جماعة. لو قلت لك فيه واحد معه شولة فلوس اللي بيجي له يطلب يقف على بابه يدي له رزمتين تلاتة. تلات اربع - 00:31:41

ما بيديش اقل من كده. تشتاق انك تقف على بابه قد ايه ؟ اسم الله الوهاب بيشوقنا نقف عند الله. اسم الله الوهاب بيشوقنا ان احنا نرفع ايدينا لله. ربنا يا جماعة لما بيدي بيدي. يا اخوانا ربنا هو فيه واحد غني. هو انت تروح لرئيس جمهورية هيديك خمسين قرش في ايدك! يا جماعة - 00:31:51

دول ما بيدوش كده يا جماعة. ولله المثل الاعلى ربنا لما بيدي بيدي وهبنا لداودا سليمان لما بيدي بيدي. انا اعطيناك الكوثر الله المعطي. الله المعطي صفة الله المعطي ديت. تشوقك لنظرة يا رب. يا رب نزرة يا رب - 00:32:11

ذكر رحمة ربك عبده زكريا. ربنا اول اية في مريم تاني اية في بيقول لك نزرة رحمة من ربنا عملت ايه في حياة زكريا ذكر رحمة ربك عبده وزكريا. نظرة يا رب. نزرة يا رب لما سيدنا زكريا دخل على السيدة مريم وجد عندها رزق الشتاء في الصيف والصيف في الشتاء - 00:32:29

والعلم والباب يا مريم انى لك هذا؟ سيدنا زكريا النبي واقف ما ادهوش منين يا مريم؟ كل ده منين؟ اذا اعطى ادهش حتى الانبياء يندهشوا من عطاء الله ربنا لما بيدي بيدي. اسم الله الوهابي يشوقك لنظرة من الله. له نظرة حنان من الله. نظرة - 00:32:49

عطف من الله. اسم الله الوهابي يشوقك انك تقفي على بابه. يا جماعة اللي بيروح له بيدي له. يا جماعة اللي بيروح له بيغرقه كرم. يا جماعة يا جماعة غذوا السير اليه. يا جماعة اقفوا على بابه. يا بخته اللي هيقف على بابه في التلت الاخير - 00:33:09

يا بخته اللي هيقف على بابه في اي وقت. اربعة وعشرين ساعة. ما فيش ما بيتقفلش الباب يا جماعة. ما بيتقفلش حتى وان كان في اوقات اجابة دعاء كل الاوقات اجابة دعاء ولكن الاوقات دي بقى ايه؟ يعني فيها ايه؟ يعني عطاءات اكتر وفتاحات اكتر ولكن في كل وقت قل يا رب قل يا رب الله - 00:33:27

سبحانه وتعالى الا بذكر الله تطمئن القلوب يا سلام! من شعارات السعادة في الحياة. من شعارات السعادة. اللهم اسعد قلوبنا يا رب. اللهم املأ قلوبنا بالفرح بك يا رب. اللهم املأ قلوبنا - 00:33:47

رضا بك وعنك يا رب. يا رب اللهم اهد قلوبنا يا رب. اللهم اهدنا لنورك يا نور السماوات والارض يا رب. يا رب ربنا الرؤوف ربنا الجميل. وربك الغني ذو الرحمة. يا سلام! الله اكبر! وربك الغني - 00:34:02

رحمة في سورة الانعام الغني وذو الرحمة. ما هو ممكن غني بس يديك ليه ؟ وربك الغني ذو الرحمة يا جماعة. يا اخواني يعني ايه ؟ يعني انا لو ابويا في جيبي - 00:34:22

انا مش همشي مدايق من حاجة ولا قلقان من حاجة ده ابويا اللي بيحبني. طب شف غنى ربنا لو قعدت اجيب لكم ثروة الولد ابن طلال ولا ثروة بيل جيتس ولا ثروة اي حد من - 00:34:34

اللي على وجه الارض. لو قعدت اجيب لكم سروته واحسبها لكم. هتقولوا ايه ده! كل ده عنده. يا جماعة ايه ده في خزاين ربنا يا جماعة! يا عبادي يا عبادي يا عبادي نداء من فوق سبع سماوات - 00:34:44

لو ان اولكم واخركم وانساكم وجنكم قاموا في صعيد واحد فسألوني فاعطيت كل واحد منهم مسألته ما نقص ذلك من ملكي ما نقص ذلك من ملكي الا كما ينقص المخيط اذا ادخل اليم. دخل - 00:35:00

كده ولا دخل ابرة في المحيط الاطلنطي طلعت بايه يا رب يا رب ايه الغنى ده يا رب! الغني ذو الرحمة. يا جماعة ايه الزهد اللي في الله ده ايه زهدنا اللي في الله ده احد السلف وهو قاعد يذكر الله. جه واحد عايز اسألك سؤال قال له اذكر الله اقعد جنبي خليك جنبي انا باحب الناس. واحب الناس تبقى معي واحب ان انا اساعد الناس - 00:35:28

في نفس الوقت انا بذكر الله. اقعد اذكر ربنا جنبي الوقت انا بدعي ربنا. اقعد ادعي ربنا جنبي فقام جاي واحد بعد شوية قعد يسأله قال له اذكر الله في الاخر قام وهو يضرب كفا بكف - 00:35:50

ويقول كل الناس زاهدون فيك يا رب الناس زاهدة في ربنا زهقت الناس عشان كده يوم القيامة يا جماعة الناس هتجدى. الناس هيبدع الناس هتزهل. ايه يا رب العظمة دي زي بعد الصلاة كده - 00:36:02

النبي عليه الصلاة والسلام علمنا بعد الفريضة ان احنا نقرا اية الكرسي. فاذكارنا بعد الصلاة الكرسي اللي بتتكلم عن الحي القيوم العلي العظيم. اللي له ما في السماوات وما في الارض. اللي لا يؤوده حفز السماوات والارض. كأن النبي بيقول لك بعد ما تصلي افتكر بقى - 00:36:18

الكرسي انت كنت واقف بين ايدين مين ؟ عشان تندم ان كان قدامك فرصة انك تحقق كل امالك في الصلاة ديت بس انت اللي خرجت منها يا جماعة يا اخوانا عايزين نشد حيلنا شوية في علاقتنا بربنا. عايزين نشد عزائمنا شوية في علاقتنا بربنا سبحانه وتعالى. عايزين نغز السير في علاقتنا - 00:36:34

بالله وربك الغني ذو الرحمة. يا سلام! يا سلام على غنى ربنا! يا سلام على اسم الله الغني! يشوقك لعطاء الله. يا جماعة اسم الله الغني. يشوقك للدعاء. تخيلوا واحد عنده قرية سياحية. ايه؟ قرية سياحية. لو حبك يديك ايه؟ هيديني شاليه مسلا؟ يعني - 00:36:53

يعني لو انت ابنه بقى ولا حبيبه اوي يعني واحد عنده طب لو واحد عنده قارة قارة قارة يعني ده هيديك ايه ده يديك بلد ده لو حبك طب لو واحد عنده مجرة مجرة طب ربنا اللي عنده الكون كله يا جماعة؟ ربنا يدينا ايه يا اخوانا؟ ربنا عشان كده في تلات ادعية - 00:37:13

النبي عليه الصلاة والسلام دعاهم لربنا التلات ادعية بيزهلوا القلب. لو فكرت فيهم. الدعاء الاول اللهم اني اسألك من الخير كله سبحان الملك! وانا في العمرة اللي فاتت بطوف حوالين الكعبة! فبقول اللهم اني اسألك من الخير كله. عاجله واجله. ما علمت منه وما لم انا ماشي - 00:37:33

انا بدعي وانا بضحك انا قاعد اتخيل مين اللي يطلب منه الدعاء ده غير الله؟ الدعاء المزهل ده لو طلب من كل ملوك الارض هيضحكوا يا عم انت انت هو مين اللي يطلب ده - 00:37:54

ده يا جماعة لا تطلب الا من الله دي عطاءات لا تطلب الا من الله سبحانه وتعالى. يعني سبحان الله العظيم آآ آآ لو ان اولكم واخركم وانسكم وجنكم قاموا - 00:38:05

صعيد واحد فسألوني فاعطيت كل واحد منهم مسألته ما نقص ذلك من ملكي شيئا آآ اخواني واحبابي في الله واخواتنا الفاضلات في الله يعني احنا الوقتي بس آآ آآ هناخد دقيقة راحة بس مش هنفصل الحلقة. يعني عندنا مداخلة مع اخت فاضلة كريمة. الحاجة منى صلاح ربنا يحفزها يا رب. يعني انا آآ آآ يعني - 00:38:20

حط منها ان هي يعني تدخل في مداخلة في الحلقة معنا. الليلة رغم ان انا ما باحبش المداخلات خالص. ولكن عشان قلت لها يعني نبقى جنود في عمل الخير كل الناس اللي بيعملوا الخير يا جماعة نبقى جنود معهم. النهاردة يعني كنت باكلم يعني ابن شيخنا الفاضل الشيخ وحيد عبدالسلام بالي. اللي ما شاء الله مالي افريقيا دعوة الى الله. باقول له يا عم عايزين نبقى جنود - 00:38:40

مع والدك في الدعوة الى الله في المشاريع دي. حاجة منى صلاح معنا في مداخلة ربنا يحفظها يا رب. يعني يعني نستفيد منها ابواب خير ربنا يستعملها فينا السلام عليكم - 00:39:00

عليكم السلام ورحمة الله وبركاته. ازيك يا حاجة منى. سلام عليكم تكون بخير. ربنا يحفظك. الدنيا باصص من النور ومش عايزين احباط. الصراحة. لا اله الحمد لله. يعني ربنا سبحانه وتعالى - 00:39:11

عننا خير الجزاء يا رب يحفزك يا حاجة منى احنا عايزين نعرف كده يعني الحاجة منى جمعية منابر النور ربنا يجعلها كده يعني نور للدنيا كلها في اعمال الخير يا رب وصنائع المعروف. آآ يعني هل فيه مشاريع نقدر ان احنا نبقى جنود معكم فيها يا حاجة منى - 00:39:25

والله يا ابني الحمد لله احنا دلوقتي هنبني قطعة ارض في الشيخ زايد في الحي الاول آآ الف وتلتميت متر لزوي الاحتياجات الخاصة. ما شاء الله. آآ ندعو العلي القدير ان لو احنا ما بنيناهاش في خلال - 00:39:44

اربع شهور هتتشاهد مني الارض لاني التلات سنين هو من تلات سنين فهم يعني قالوا لي لو ما بنيتهاش لحد شهر تسعة هتتسحب منك. فطبعا كانت الزروف صعبة جدا. فيعني من خلال - 00:40:01

البرنامج بتاعك وبندعو اهل الخير كلهم ان يساعدونا في هزا العمل بازن الله وطبعا احنا داخلين على الشهر الكريم آآ شهر رمضان ان شاء الله ربنا يا رب قبل ما يعني ناخد ناخد الاجور كلها. ترفع الاعمال مم. وناخد كمان اجر رمضان - 00:40:17

هنعمل حوالي اتناشر الف شنطة للفقراء. والسنة دي يعني آآ يعني انا منتشرة الفقر اللي انا شفته يا ابني يعني آآ نفسي يعني آآ يعني شفت المجد آآ امجاد ان آآ سبحان الله واحدة فقيرة - 00:40:38

انا نفسي في كيلو عسل. انا والله بالرغم ان انا بشوف الحالات دي كل يوم. وما زلت بكاء لاني انا بشوفهم. على طول انا شفت مرة اتنين بيتخانقوا على الكرتونة بتاعة البطاطين - 00:40:58

ليه قاعد على الكرفون عايزة ايه من الكرتونة؟ قالت لي هنيم عليها الاولاد لا تتخيل نسبة الفقر بقت عاملة ازاي. فاحنا ناويين السنة دي ان الشنطة بازن الله هيبقى فيها يعني يعني مش هقول - 00:41:15

ان هنعمل خمسة رز واربعة سكر واتنين واتنين سمن وتلاتة زيت واتنين واربعة مكرونة وواحد فول واحد عدس وواحد تمر وواحد لوبيا وربع كيلو شاي واربعة سكر. يعني هنحط جبنة وهنحط حلاوة الفقر اللي احنا - 00:41:31

هنحاول بقدر الامكان وادعي لنا بس ومن خلال هزا البرنامج انا ياما خير قضي على يدك وربنا واحنا عايزين نعرف من حضرتك بس. الخير علي دينا. يا رب. ربنا يجعلك يا ابني كزلك بازن الله ويجعلك مسدد موفق ومبارك اينما - 00:41:51

كنت بازن الله يا ابني. الله يحفزك يا حاجة منى. طب عايزين نعرف نتواصل مع حضرتك ازاي. يعني عشان نوصل من خلال الرقم بتاعي. قولوه لنا اتفضلي حضرتك. هي صفر مائة صفر مية. صفر مية. ستين. ستين - 00:42:11

لأ ستين ستة زيرو. ستة صفر اه ستة صفر تمانية تمانين اربعين تمانية تمانين اربعين. اهو مكتوب على الشاشة اهو يا حاجة منى ما شاء الله الحمد لله ربنا يحفظك. الحاجة منى يا رب والقائمين عليها يا رب ان شاء الله. الله يحفظك يا حاجة منى ربنا يبارك فيك. يعني الحاجة منى صلاح يا اخواني بتفكرني - 00:42:28

ايام الاجتهاد في صنائع المعروف. واللهفة على اطعام الاسر الفقيرة وفرحة الواحد كده واحنا داخلين على الاسرة الفقيرة بزقة وسكر ورز وعدس فول وفراخ وفلوس يا اخواني سبحان الله العظيم! ايام جميلة قوي! والله العظيم يا اخواني! من اسباب السعادة في الحياة مش بنقول وداعا لليأس - 00:42:53

من اسباب السعادة في الحياة انك انت تعطي انك انت تدي انك تبقى عطاء. سورة الليل نزلت في ابو بكر الصديق الضيق لما طلع فلوسه عشان يعتق اخوانه فربنا قال ايه ؟ فاما من اعطى اول صفة في ابو بكر الصديق اعطى انه بقى - 00:43:13

رمز للعطاء يا جماعة ان احنا نعطي يا اخواني في الله. اللي قعد الوقتي في بيته ما فيش اكل كتير مسلا او ما فيش حاجة يتعشى بها نفسه فيها او كده بيبقى قاعد مكلوم وحزين - 00:43:33

اومال يا جماعة الفقراء يعملوا ايه؟ عايزين نبقى بلسم رحمة يا اخواني الراحمون يرحمهم الرحمن. لما نرحم من في الارض يرحمنا من في السماء يا اخوان ده من اسباب ان احنا نرحم بالله سبحانه وتعالى ان احنا نرحم الناس. عايزين نشتغل يا جماعة. عايزين نشتغل ادي مشروع رحمة وشنط رمضان بازن الله سبحانه وتعالى - 00:43:43

والحاجة التانية اللي هو الدار بتاعة زوي الاحتياجات الخاصة الجهد بتاع الغلابة دهمت. يعني ان احنا نساعدهم انهم يخطوا طريقهم في الحياة. تعبانين اللي مش قادرين يعيشوا حياتهم زيهم زيك وزيهم زيك. نمد لهم ايدينا نرحمهم يا جماعة رحمة. رحمة يا اخواني يعني زي الرقم اللي اتكتب قدامكم بازن الله - 00:44:03

وتعالى واللي فاته الرقم يجيب الحلقة من على موقع الطريق الى الله ويجيب الرقم صفر مية ستين تمانية تمانين اربعين يعني رقم جمعية منابر النور ربنا يحفزكم. كنا بنقول ايه ؟ كنا بنقول يا جماعة تلات ادعية الواحد يا جماعة قلبه بينبهر. ايه ايه اليقين اللي في قلب النبي عليه الصلاة والسلام وهو بيدعي ربنا - 00:44:23

والله الواحد وهو بيطوف حوالين الكعبة في العمرة اللي فاتت فضل ومنة الله انا باضحك وانا بادعي يعني انا باضحك فرحان بربنا فرحان ان لنا رب ينفع ان احنا نطلب منه الطلبات دي. ينفع ان احنا نقول له كده يا - 00:44:43

احنا يا جماعة زانقين نفسنا في جحر ضيق اوي. وسايبين الافق الواسع بتاع الاتصال بالله. الدعاء الاول. اللهم اني اسألك من الخير كله. كله عاجله واجله. كمان ما علمت منه وما لم اعلم - 00:44:58

واعوذ بك من الشر كله. عاجله واجله. ما علمت منه وما لم اعلم. طب الدعاء التاني اقوله لكم واحنا رافعين ايدينا برضه بنقول اللهم اني اسألك من كل خير خزائنه بيدك. الله اكبر - 00:45:17

اعوذ بك من كل شر خزائنه بيدك ايه ده يا اخواني ايه ده! ايه العزمة دي! ايه الدعاء التالت اللهم اني اسألك من كل ما سألك منه عبدك ونبيك محمد صلى الله عليه وسلم. كله كله - 00:45:37

الادعية في كلمة واحدة واعوذ بك من كل شر استعاذ بك منه عبدك ونبيك محمد. صلى الله عليه وسلم. الثقة في الله ربك الغني ذو الرحمة من شعارات السعادة في الحياة. اه والشعار اللي قبله اللي احنا قلناه بقى مع المداخلة بتاعة الحاج منى صلاح. فاما من اعطى العطاء - 00:45:58

العطاء العطاء العطاء من شعارات السعادة في الحياة اخواني في الله. شعارات السعادة في الحياة. قد جعل الله لكل شيء قدرا اللي بيضخم الدنيا فوق قدرها هيعيش تعيس اللي بيضخم الشهرة. اللي بيضخم نزر الناس فوق قدره. اللي بيضخم الثناء والذم بتاع الناس فوق قدره. ما هيعيش مخنوق. يا جماعة الدنيا دنيا والجنة جنة - 00:46:18

قد جعل الله لكل شيء قدرا. من شعارات السعادة في الحياة تلك امة قد خلت يا عم ما تقعدش تقطع نفسك على الماضي. واللي حصل واللي ما حصلش. والهم والغم وحزين على اللي حصل وحزين على اللي فات. وحزين على اللي خسرته. وحزين على يا عم - 00:46:42

تلك امة قد خلت. يا عم كبر يا عم كبر يا عم مع ربنا ما فيش حاجة بتضيع. والله يا جماعة من شعارات السعادة في الحياة. من الايات الرهيبة اللي تملى القلب امل. واتيناه اهل - 00:46:58

ومثلهم معهم. يا ابني ما فيش حاجة بتروح مع ربنا. يا بنتي ما فيش حاجة راحت مع ربنا. كبرت وما كبرت وما اشتغلتش انا ما اختنتش انا يا ابني ما فيش حاجة راحت خالص - 00:47:14

انت مع ربنا ما فيش حاجة راحت. يعني ما تزعلش على حاجة فاتت. لان ربنا قادر انه يجيب لك كل اللي فات ومثله معه. في لحظة واتيناه له ومثلهم معهم رحمة من عندنا وذكرى للعابدين. رحمة من عندنا وذكرى للعابدين - 00:47:31

نقفل على هنا بقى اخواني بازن الله مع كلمة ذكرى العابدين انا ما كنتش عايز اقفل دلوقتي لان الموضوع مليان مليان مليان شعارات سعادة مليان اسباب سعادة في ولكن يا جماعة كي نسبحك كثيرا ونذكرك كثيرا. السعادة يا جماعة في عبادة ربنا. السعادة يا اخواني في ذكر ربنا. السعادة يا جماعة في - 00:47:50

القرب من ربنا سبحانه وتعالى. يعني عشان كده انا بفكركم رقم واحد برمضان اللي باقي عليه خمس اسابيع. خمس اسابيع يا اخواني بازن الله سبحانه وتعالى وهندخل موسم العبادة العظيم. علاقتك بالقرآن شكلها ايه ؟ علاقتك بكلام الله شكلها ايه ؟ عشان كده بافكركم برضه بالعمرة اللي قبل - 00:48:10

اللي بازن الله طالعينها في العشر الاواخر من شعبان عمرة الاستعداد لرمضان. عمرة التربية اتنين العمرة اللي نحاول ننطلق فيها. الى الله بازن الله. نحاول بازن الله سبحانه وتعالى بقى قيام الليل من بدري صف اول في المسجد المدينة المنورة. ونطوف ونعبد ربنا سبحانه وتعالى في جو من الدعاة بازن الله سبحانه وتعالى - 00:48:30

يعني معنا ان شاء الله من الدعاء الشيخ احمد جلال. معنا دعاء بفضل ومنة الله سبحانه وتعالى ومربئين يعني اللهم لك الحمد تبقى فتح من ربنا علينا في دينا يا رب اللهم امين يا رب - 00:48:50

بفكركم اللي عايز يدرك يا جماعة لان يعني ايه يعني فضل ومنة الله اللهم لك الحمد يعني يعني حجز كثير بفضل ومنة الله سبحانه وتعالى بزكركم اللي عايز يدرك قبل ما الوقت يعدي يدخل على موقع الطريق الى الله ويدخل عليها عشان يدخل فيها بزكركم برمضان بزكركم بالقرآن يا جماعة. بزكركم بالقرآن يا - 00:49:00

اخواني النبي عليه الصلاة والسلام لما اتأخر عن القوم بيقول لهم اتأخر عليهم ليه ؟ قال لهم اني طرأ علي حزبي من القرآن. طرأ علي طوارئ القرآن ده عربية الاسعاف اللي بتيجي تنقذنا وتغيثنا لما قلوبنا بتبقى في حالة محتاجة اغاثة طوارئ. القرآن ده الحاجة اللي بتغيثنا - 00:49:20

انقذنا يا جماعة اني طرأ علي حزبي من القرآن كان لازم اقرأ القرآن. كان لازم اخلص ورد القرآن بتاع النهاردة قبل ما اخرج للناس. يا اخواني في الله القرآن الاتجاه لكتاب ربنا سبحانه وتعالى. وده ممكن يبقى الشعار الاخير - 00:49:40

ومن اعرض عن ذكري عن كلام الله عن القرآن فان له معيشة ضنكا. اللي عايز يعيش الضنك يعرض عن ذكر ربنا. اللي عايز يعيش الضنك يعرض عن كلمة يا رب ولم اكن بدعائك رب شقيا. لولا كلمة يا رب كنت عشت شقي في حياتي. ما كنتش عشت سعيد في حياتي. ربنا يحفظكم يا - 00:49:57

ربنا يبارك فيكم يا اخواتنا الفاضلات الكريمات. ربنا يسعدكم. ربنا يفرح قلوبكم به. ربنا يكرمكم في طاعته. ربنا اعنا على ذكره وشكره وحسن عبادته. اللهم املأ قلوبنا فرحا بك. اللهم اجعل القرآن العظيم ربيع قلوبنا. ونور ابصارنا وجلاء - 00:50:17

احزاننا وذهاب همومنا. اللهم انا نسألك من الخير كله. عاجله واجله. ما علمنا منه وما لم نعلم. ونعوذ من الشر كله عاجله واجله. ما علمنا منه ما لم نعلم يا رب. يا رب اجعل القرآن العظيم ربيع قلوبنا. ونور - 00:50:37

ابصارنا ونور صدورنا وجلاء احزاننا وذهاب همومنا انك ولي ذلك والقادر عليه سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خير - 00:50:57