السلام عليكم ورحمة الله وبركاته. اخواني واخواتي في الله. كل عام وانتم بخير. ربنا يبارك فيكم وربنا يحفظكم. الله اكبر. الله اكبر دي الكلمة اللي احنا عشنا فيها يعني معها في موسم عشر ذي الحجة اللي فات. عشنا مع كلمة الله اكبر ان ربنا اكبر من كل شيء. الواحد حس يا جماعة ان ما دام الله اكبر - 00:00:36

يبقى لازم الصالحين يبقوا كبار. لازم نبقى كبار في علاقتنا بربنا. في معاملتنا بربنا في ايماننا. عشان كده هنبدأ سلسلة جديدة بعد سلسلة الشباب والصيف اللي عشنا فيها مع الشباب ومشاكل الشباب. هنبدأ سلسلة تانية خالص يا جماعة. هنعيش مع الكبار سلسلة للكبار فقط. للي عايزين يبقوا كبار في علاقتهم بربنا - 00:00:57

اللي عايزين يتربوا للي عايزين يوصلوا لربنا سبحانه وتعالى. للي عايزين يقربوا من ربنا سبحانه وتعالى. عشان كده يا اخواني في الله هنبدأ سلسلة القرآن احسن القصص. احسن قصص لان اللي قصها علينا ربنا سبحانه وتعالى. ربنا اصطفى اعظم الصالحين في التاريخ. ونقل لنا قصص - 00:01:17

بتاعتهم عشان ربنا سبحانه وتعالى يعرفنا ازاي نوصل له. يعني السلسلة دي للي عايز يبقى بطل. للي عايزة تبقى بطلة. للي عايز يوصل لربنا. للي عايزة تكبر في طريق ربنا سبحانه وتعالى طيب عايز عايزين نعرف هنبدأ بانهي قصة من القصص اول قصة هنبدأ بها يا اخواننا ان شاء الله بازن الله. قصة توبة لان لازم البداية تبقى - 00:01:37

عشان ربنا يفتح علينا. سبحانه وتعالى. هنبدأ بقصة توبة كعب بن مالك. كعب بن مالك هو احنا اتكلمنا قبل كده في توبة كعب بس درس وعز سريع لأ المرة دي مش كده. قصة كعب يا جماعة المرة دي بازن الله هنقف مع كلمة كلمة فيها. رغم ان قصة توبة كعب حوالي خمس او ست صفحات فلسكاب كبيرة. طب هنقف مع - 00:01:57

كلمة ليه؟ اول حاجة لان القصة بتاعة توبة كعب وعلى الثلاثة الذين خلفوا ربنا زكرها في القرآن. لولا انها قصة عظيمة ما كتش ربنا ذكرها في القرآن وخلدت اول حاجة لان القصة دي امل. امل لكل واحد عصى ربنا. لكل واحدة وقعت في معصية. ان ما فيش زنب ما لوش مخرج. ان اي زنب مهما كان - 00:02:17

كان له مخرج. الحاجة التانية دي قصة صدمة. يعني ايه صدمة؟ ان التوبة بتاعة كعب قصة توبته بتقول لنا ان الدين مش صلاة وصوم بس والسلام عاقب سيدنا كعب. عقاب رهيب. عشان تخلف عن نصر الدين ربنا مرة في غزوة تبوك. يبقى الدين مش دقن ونقاب وبس - 00:02:37

الدين يا اخوانا نصرة دين ربنا دي خط احمر. الحاجة التالتة اللي انا عايز ابدأ بالقصة عشانها بازن الله. ان القصة دي قصة صدمة كهربائية. يعني ايه ؟ يعني القصة دي - 00:02:57

خافي بتقول لك خاف. بتقول لك انت ممكن تقع من زنب انت عمرك ما تخيلت ان هو ممكن يوقع واحد زيك. او واحدة مسلا بالايمان اللي عندك خافوا من كل ذنب وخافوا من كل فتنة. يا اللي نفسك تتوب. القصة دي بتقول لك ازاي الانسان بيقع؟ وليه وازاي الانسان يقوم؟ وايه وازاي ربنا يقبل التوبة - 00:03:07

وازاي تعرف ان ربنا قبل توبتك؟ القصة دي يا جماعة انا بعتبرها ماجستير ودكتوراة في اسباب الوقوع واسباب السبات. انا باعتبرها فعلا زي ما ناخد الوقت بازن الله ماجستير ودكتوراة في ازاي الانسان بيقع لان سيدنا كعب يعني علي رضي الله عنه فعلا حاجة القصة بطريقة ابداعية وحكى كل تفاصيلها - 00:03:27

بحيس ان احنا نعرف ليه وقع وليه قام؟ وليه رجع؟ فاحنا عايزين نركز مع بعض. لان احنا محتاجين القصة دي جدا جدا جدا يلا نبدأ يلا ننطلق في القصة الاولى في سلسلة احسن القصص بازن الله قصة توبة كعب بن مالك وعلى الثلاثة الذين خلفوا. هنبدأ بقصة ايه - 00:03:48

توبة كعب. توبة مين ؟ كعب. كعب ده صحابي. هو الصحابة بيعصوا ربنا عشان يتوبوا! هي دي مشكلتنا يا جماعة. معظم الملتزمين والملتزمات عندهم احباط عشان النزرة المسالية للالتزام لانهم متصورين ان الالتزام معناها ان الانسان ما يعصيش. ان الانسان ما يقعش. ادي صحابي من اصحاب النبي عليه الصلاة والسلام وعصى. والقصة قصة - 00:04:08

من هزه المعصية يبقى ازا يا اخواني في الله النزرة المسالية للدين ان الدين معناه ان الانسان ما يقعش هو اللي معيشنا في احباط. الفرق بين الطائع والعاصي مش ان الطاعة ما بيعصيش ، ان الطائع لما بيعصي بيقوم ويتوب. فهو ده الطائع. هو ده التواب لله سبحانه وتعالى. فالنزرة المسالية - 00:04:28

هي للطريق ان الانسان عشان يوصل بقى في الطريق الديني لازم بقى ما يضيعش قيام الليل ولا ليلة. ولازم ما يقعش منه ورد ولا يوم. ولازم جلسة الضحى ما تضيعش. لأ - 00:04:48

لازم يبقى عندنا نزرة واقعية مش نزرة مسالية في طريق الوصول. النزرة المسالية هي سبب الاحباط. قصة توبة كعب كعب. كعب ابن مالك ده كعب بن مالك يا جماعة بسبب بيتين شعر قالهم قبيلة كاملة اسلمت. قبيلة دوس كلها اسلمت مش بسبب جهد كعب في الدعوة - 00:04:58

بسبب فنان اسلامي سيدنا كعب ابن مالك الشاعر كتب ميتين شعر اسلموا بسببه بيقول قضينا من تهامة كل وتر وخيب قرأ ثم اغمدنا السيوف جاهدنا وكافحنا وبعد كده عيننا السيوف بقى تخاطبنا السيوف يا دوس بتكلمنا ولو نطقت لقالت قوافل - 00:05:18

دوسا او ثقيفا. السيوف بتاعتنا بتقول لنا لو طلعت مش هتسيبكم يا اهل دوس. بسبب ميتين الشعر دول دوسة رعبوا ودخلوا في الاسلام يعني ممكن انسان يأثر بسبب موهبة فنية ربنا اداها له زي ما الداعية بيأثر بسبب شغله في الدعوة. يعني تخيلوا يا جماعة كعب دهوه يقع في - 00:05:38

يعني سيدنا كعب بعد كل اللي عمله يقع عشان كده انا عايز ابدأ بهزه القصة العظيمة. تعالوا نقرا كلمة كلمة من الكلمات اللي سيدنا كعب قالها وهو بيحكي في قصة توبته. قال كعب رضي الله عنه لم اتخلف عن رسول الله صلى الله عليه وسلم في غزوة غزاها قط الا في غزوة تبوك - 00:05:58

انا عايزك تقف مع اول كلمة لم اتخلف. يعني سيدنا كعب خمس صفحات فلوس كان بيحكي قصة تخلفه عن غزوة. واول كلمة انا ما اتخلفتش لم اتخلف. انا حاسس من الكلمة دي ان في جرح عمق اوي جوة قلب سيدنا كعب. مش قادر يسامح نفسه او مش قادر - 00:06:18

الندم يروح من قلبه على انه في يوم من الايام تخلف. فعارف اللي هو جواه جرح من حاجة. فاقول كلمة بيقولها ؟ لأ. انا ما اتخلفتش. لم اتخلف ياه الكلمة دي انت تقدري تقوليها - 00:06:38

انت تقدر تقولها في حد مننا يا جماعة مش يقدر يقولها عن نصرة دين ربنا في النوازل يقدر يقول عن صلاة الجماعة يقدر يقولها عن صلاة الفجر لم اتخلف انا عمري ما سبت - 00:06:51

عمري ما تخليت عن نصرة الدين في مرة من المرات. كلمة جامدة اوي عميقة اوي. مين فينا يقدر يقول الكلمة دي؟ لم اتخلف عن رسول الله صلى صلى الله عليه وسلم في غزوة غزاها قط. رحت في احد قدام تلات الاف مشرك. رحت في خيبر قصاد المستوطنات اليهودية. رحت في الاحزاب قصاد عشر - 00:07:01

مشرك من غطفان وقريش وصناديد العرب. انا انا وقفت مع النبي في حنين قصاد اتناشر الف مشرك. بيرمونا بالسهام. انا انا ما سبتش النبي عمري ما سبت النبي عليه الصلاة والسلام الا حاسس في كلمة الا ديت بالالم والندم قلب سيدنا كعب - 00:07:21

بينزف بالالم والندم. الا ياه! لو كانت اتشالت الا من السي في بتاع سيدنا كعب. كان قابل ربنا بفرح شكله ايه الا في غزوة تبوك. المشكلة ان تبوك ده يا جماعة طلعت اخر غزوة الم رهيب. اخر غزوة يعني ما جاش بعدها غزوة يعوض حتى فيها. الا - 00:07:41

بالتوبة طبعا تاب وربنا تاب عليه. واسبت هزا في القرآن وزكاه في القرآن رضي الله عنه وارضاه. غزوة تبوك حاجة صعبة. انك ماشي مستمر طول عمرك وتقوم جاي في النص. حاجة مؤلمة اوي اوي اوي. الاستمرار شرف. اللي هيقدر يكمل للنهاية من غير ما يقع. ده شرف كبير اوي. لو كان كعب قال لم اتخلف عن رسول الله - 00:08:01

في غزوة غزاقت بس وقال ان انا استمريت وعمري ما وقعت كانت بقت جملة تانية. طب يعني سيدنا كعب عمره ما تخلف وجه في تبوك اللي كل ناس خرجت فيها. اللي كل الجزيرة العربية خرجت فيها ويقوم متخلف. اللي عمر ما اللي فيه ناس عمرها ما جاهدت مع النبي عليه الصلاة والسلام. وجت في تبوك وجهدك - 00:08:21

يقوم ييجي في دي يقع الكلام ده يعلمنا تلات حاجات يا جماعة. الحاجة الاولانية ما تطمنش. سيدنا كعب اللي اتجرح سبعتاشر جرح في غزوة احد وسبت. سيدنا كعب اللي استحمل المجاعة مع النبي عليه الصلاة والسلام في فتح مستوطنات خيبر. وثبت سيدنا كعب رضي الله عنه اللي بايع النبي في بيعة العقبة. المكان اللي - 00:08:41

قضية شالت الوقتي سبعة مليون مليون متر مكعب صخري عشان يبان مكان بيعة العقبة. اللي في مكان رمي الجمرات سيدنا كعب سيدنا كعب ييجي بعد كده يأصل ربنا ما تطمنش اوعى تعتمد على التاريخ بتاعك وان انت كنت وعملت وعملت اوعى - 00:09:01

ادي كعب ابن مالك وفي الاخر وقع اوعى تطمن. الرسالة التانية ما تتكبرش يعني ايه ما تتكبرش ؟ يعني يا اخواننا يعني تتوقع كده ان الغزوات دي كلها مع النبي عليه الصلاة والسلام. لو جه يقع. هيقع بسبب ايه ؟ سيدنا كعب بيقول طابت الثمار والظلال. السمار البلح كان على النخل كده شكله حلو - 00:09:21

كعب ابن مالك اللي عمل كل البطولات الجبارة دي في الاخر بسبب شوية سمار على الشجر يتخلف عن رسول الله صلى الله عليه وسلم. يعني انا عايز اقول لكم يا جماعة - 00:09:41

اوعى اه الاخ فلان يقع بسبب بنت. فلانة الاخت الطاهرة العفيفة الداعية الى الله تقع بسبب فتنة شاب ولا فتنة مش عارف صورة وحشة دخلت على اليوتيوب لقت مقطع مش عارف هو ممكن انسان عالي يقع بسبب حاجة صغيرة اهو ده الدين يا جماعة. ما تتكبرش - 00:09:51

خاف من كل الفتن خافي على دينك. احزر من كل الفتن. ممكن انسان شايف نفسه عالي ويقع بسبب حاجة. حدش يتخيل ان هو ممكن يقع منها اعترف بضعفك احزري من لحزات ضعفك. ومن ان انت لك مداخل ممكن الشيطان يجيبك منها. الحاجة التالتة - 00:10:11

ما تحبطش يعني ايه ما تحبطش. مهما اذنبت يعني يعني اللي احسن منك اذنب وقام وتاب. يبقى لما تقعي قومي وتوبي. اوعى تحبط مهما وقعت في زنب من الزنوب فبيقول انا ما تخلفتش الا في غزوة تبوك. غير اني تخلفت في غزوة بدر. انا عايزكم تركزوا في كلام كعب ابن مالك. لان كل كلمة بيقولها فيها - 00:10:30

عمق شديد جدا الا في غزوة بدر. ليه؟ ولم يعاتب احدا تخلف عنها. اصل النبي عليه الصلاة والسلام عملها اختيارية. ما قالش لحد يطلع او ما يطلعش. اللي عايز يجي ييجي واللي عايز يقعد يقعد لم يعاتب احدا تخلف عنها. يبقى عايز اقول لكم يا جماعة اشمعنى تبوك وبدر؟ يبقى دول الغزوتين اللي فاتوا سيدنا كعب بن مالك تبوك وبدر اشمعنى - 00:10:50

الاتنين دول وراح في خيبر وراح في احد وراح في الخندق وراح اشمعنى تبوك وبدر يعني لازم نفكر يا اخواننا لازم تعرفوا الانسان لما بيقع بيقع ليه اصل زي ما قال النبي اصلا ما قالش لحد اطلع وما تطلعش. فما كانش فيه الزام. ما كانش حد ممكن يفوت عليه في البيت او حد يقول له لازم تخرج. وتبوك زي ما هيقول - 00:11:10

اه بيقول ولا يجمع المسلمين كتاب حافز. ما فيش كتاب بيسجل مين خرج ومين خرجش. ما كانش فيه الزام ما كانش فيه تشجيع يبقى دي مشكلة. مشكلة الاخ اللي لو ما حدش فات عليه مش هينزل يروح الدرس. اللي لو ما فيش واحدة اصرت عليها مش هتنزل تحضر تحفيظ القرآن - 00:11:30

مشكلة الاخ والاخت اللي مصمم على ان لازم يبقى فيه تشجيع. اللي مصممة ان لازم يبقى فيه الزام ولو ما فيش الزام مش هتنطلق. يبقى يا اخوانا دي نتعلم منها - 00:11:50

الارادة الزاتية لازم يكون عندك زاتية. افرض ما فيش حد زكرك تضيع. دينك يروح. افرض ما فيش حد صحاك الفجر. افرض ما فيش حد قال لك تعال الدرس افرض ما فيش حد قال لك تعال ننزل الجولة. افرض ما فيش حد قال لك تعال نحضر درس العلم بتاع الفقه ولا العقيدة ولا التفسير؟ افرض يبقى انت تضيع يبقى الارادة الزاتية - 00:12:00

لازم يكون عندك ارادة زاتية يبقى دي قضية خطيرة جدا. الغزوتين اللي سيدنا كعب وقع فيهم هم الغزوتين اللي ما كانش فيهم الزام رضي الله عنه وارضاه ولم يعاتب احدا تخلف عنها. النبي عليه الصلاة والسلام ما عاتبش يعني ايه ما عاتبش؟ يعني هو النبي بيعاتب الصحابي اللي تخلف؟ ايوا يا جماعة كلمة خطيرة جدا. فيه اخوة - 00:12:20

لما بيجي يتجوز يروح ينقي اخت مسلا او بنت ويتجوزها وما يقولناش. وبعد كده يا جماعة باعزمكم على فرحي. يا ابني انت وسطنا. لازم تستشيرنا لما تيجي تتجوز. لازم لما تيجي تشتغل لازم تستشيرنا لما تيجي تختار كلية. لان قراراتك الدنيوية بتأسر علينا كلنا. احنا لنا حق فيك. احنا لنا حق نعاتبك - 00:12:40

ما فيش حاجة اسمها وقت ما تحب تغيب تغيب وقت ما تحب تيجي تيجي. احنا لنا حق نخاف عليك. احنا اقرب ناس لبعض في الدنيا لازم تعرف كده. ان يعني - 00:13:00

سبحان الله العزيم لازم تعرف يعني ايه ولم يعاتب. لنا حق نعاتب بعض. انما خرج رسول الله صلى الله عليه وسلم يريد عرى قريش. حتى جمع الله بينه وبين عدوه - 00:13:10

وربنا نصر النبي عليه الصلاة والسلام في بدر. طيب سيدنا كعب بقى بدأ يتكلم على ان بيقول ولقد شهدت مع رسول الله صلى الله عليه وسلم ليلة العقبة. بيقول انا تخلفت صحيح عن - 00:13:20

ولكن انا كنت في بيعة العقبة مع النبي عليه الصلاة والسلام. هو كعب بيحكي لمين ؟ للتابعين. مش للصحابة. للتابعين. طب كعب بيعمل ايه ؟ كعب بيقول لهم انا مش وحش يا جماعة. انا انا - 00:13:30

انا جاهدت انا عملت حاجات مع النبي عليه الصلاة والسلام. هو ده اللي بنسميه ايه ؟ ضغط المجتمع. الوقت الشاب بيخاف يلتزم احسن الشلة بتاعته تتريق عليه. بعد ما يلتزم. فضغط - 00:13:40

المجتمع بيدفع الناس لعدم الالتزام. زمان كان ضغط المجتمع بيدفع الناس للالتزام. يعني ايه برضه؟ يعني سيدنا كعب حاسس ان كل التابعين وكل اللي باقي من الصحابة بالنسبة لهم التخلف عن الغزوة دي كارثة. دي بالنسبة لهم دي مصيبة. فسيدنا كعب بيفهمهم. انا مش تخلفت في كل حاجة - 00:13:50

ده هي مرة ضغط الواقع. يعني زمان كنا بنتكلم عن توبة شاب عادي. شاب عادي بيلبس عادي. بيتكلم مع البنات عادي. الوقتي احنا عايزين نتكلم عن اخ عادي. قصة اخ عادي من النوع العادي اللي ما بيصليش الفجر كل يوم بيروح عليه عادي. واللي لما بيدخل على الفيس ويتابع الاخبار يتفرج على الكاسيات العاريات اللي بيدوا الاخبار - 00:14:10

ويسمع الاغاني عادي. وهي منتقبة بس لارج عادي. وماشية متكحلة والعباية مطرزة وديقة. عادي ممكن حد يكلمها على الفيس على الخاص والعام عادي. قضية يا جماعة. قضية ان الوقت ما فيش ضغط واقع ناحية الالتزام. لان الالتزام الوقتي افراد مش - 00:14:30

طيب بيكلم سيدنا كعب بيقول كان من خبره بدأ يحكي القصة بقى. ركزوا بقى في كلام سيدنا كعب لانه كلام اغلى من الدهب. بيقول كان من خبري اني لم اكن قاطعا - 00:14:50

اقوى ولا ايسر حين تخلفت عنه. بيقول انا عمري ما كنت في حالة من القوة وفي حالة من اليسر في الظروف الدنيوية زي اليوم اللي انا اتخلفت عن النبي عليه الصلاة والسلام. ياه! تلاقوا على العربيات مكتوب كده وعلى التكاتك! التقدير خسرنا كتير - 00:15:00

الكلمة دي غلط. الكلمة الصح التبرير خسرنا كتير. التبرير ان كل واحد بيبرر لنفسه. عشان كده ايه الفرق بينا وبين الصحابة؟ شوفوا بيقول ايه بيقول لهم انا كنت في احسن حالاتي يوم ما تخلفت. مش بيبرر لنفسه. واحد صادق ليه؟ دايما اللي عايز يصلح بيبقى صادق. الصحابة كانوا صادقين - 00:15:20

يدخل واحد على النبي عليه الصلاة والسلام. يقول له يا رسول الله ائذن لي في الزنا. ائذن لي في الزنا يا رسول الله. الله! هو بيعمل ايه؟ هو مش قضية انه عايز يزني؟ قضية انه صادق. انا يا رسول الله - 00:15:40

هو الاحساس ده جوايا. اعمل ايه؟ اعالجه ازاي؟ شف نافق حنظلة يقف في نص الشارع ويبكي. قال لها هو عنده احساس صادق بيعترف من اللي جواه مش بيترسم. الانسان اللي صادق وبيعبر عن اللي جواه عن مشاكله ده انسان قضيته نزر الله له. مش نزر الناس له. قضيته انه يوصل لربنا سبحانه وتعالى - 00:15:50

فبيقول انا انا انا انا ما كنش لي اي عزر. والله ما اجتمعت عندي قبله راحلتان قط. كنت عندي جملين من اللي بيشيلوا الاحمال. انا ما كنتش عندي مشكلة ولم يكن رسول الله صلى الله عليه وسلم يريد غزوة الا وراء بغيرها. النبي عليه الصلاة والسلام عمره ما كان بيقول ابدا هو رايح فين. المرة دي بقى حتى كانت تلك الغزوة. النبي قال للناس - 00:16:10

كلها احنا طالعين نقاتل الروم في تبوك. ليه؟ لان زي ما كعب بيقول غزاها رسول الله صلى الله عليه وسلم في حر شديد. كانت الدنيا حر نار. واستقبل سفرا بعيدا سبع. عز الصيف وسفر بعيد - 00:16:31

ربعمية وخمسين كيلو رايح. وسبعمية وخمسين كيلو راجع. ومفازا. المفازة الصحراء المهلكة اللي الداخل مفقود والخارج مولود. طب ايها العرب ما فاز ليه؟ تيمنا ان ان شاء الله هينجوا. لو دخلوا فهيفوزوا بالنجالة ودخلوا فيها. فمش اي صحراء صحراء مرعبة اي حد بيهلك فيها - 00:16:48

رايحين نقاتل القوة الاولى العظمى في العالم. وذلك حين طابت الثمار والظلال وخلاص وقت قطاف المحصول يا رسول الله لو استنيت شهر واحد عليه الصلاة والسلام كان كل الصحابة كانوا المحصول وخلاص وطلعنا ومعنا فلوس كتير ، طب الفلوس اللي هنصرف منها طول السنة المحصول هو اللي بيعمله الكعب ده اسمه ايه يا جماعة - 00:17:08

اسمه تصعيد الطاعة. اسمه ان المهمة صعبة. في فضل طب عمل ايه في كزا ؟ طب وكزا طب الحر. طب لو انا الحر استحملته. طب الطريق. طب هنعمل ايه في الصحراء المهلكة اللي ما فيش فيها ماية دي! طب وطب كل ده عدينا! هنروح للروم نقاتلهم ازاي! طب والسمار اللي على الشجر اللي بيعمله كعب ده اسمه تصعيب المهمة - 00:17:28

ان الانسان يقعد يصعب على نفسه الطاعة. الحل في في ان ان كعب كان يطلع ايه؟ فلا اقتحم العقبة. انه ما يفكرش. ما يحسبهاش في حاجات لو انت حسبتها فيها مش هتقدر. مش هتقدر انك انت الاقتحام هو القاء النفس بلا روية من غير ما تفكر. زي قرار الالتزام بالنسبة لشاب مسلا - 00:17:48

متعلق بالمعصية. لو قعد يحسبها طب اعمل ايه؟ طب واسيب يا ابني ارم نفسك في كنف الله سبحانه وتعالى. ما تترددش يبقى حلها انه كان ياخد قرار ياخد قرار التأخر في اخد القرار بيأخر قد ايه هنشوف الوقتي بيأخر قد ايه - 00:18:08

بيقول انا الوقتي هامتحنكم امتحان دلوقتي يا جماعة الوقتي دقيقتين بالزبط ان شاء الله وهامتحنكم كلكم امتحان. ايه هو؟ هاقول لكم خرجوا لي من قصة كعب اللي انا حكيتها دي اسباب الوقوع. اعملوا لي ماجستير ودكتوراة في الحاجات اللي بتوقع اي انسان. حاجة خطيرة زي ما نشوف الوقتي. بيقول والمسلمون مع رسول الله صلى الله عليه وسلم - 00:18:26

كثير المسلمين كتير اوي كنت مدي معاد خمسة من اخواني يعني اللي بيشتغلوا في الدعوة وكده كنت مديهم معاد معين فما جاش منهم غير واحد في الميعاد ده كنا هنعمل حاجة في الدعوة يعني. فافتكرت كلمة والمسلمون يومئذ كثير. احيانا الواحد لما بيحس ان له بدائل كتير بيريح - 00:18:46

خلاص بقى الدين مش محتاجني. المسلمين كتير زي مسلا عشرين اخ نازلين جولة وانا هنزل اعمل ايه زيادة يعني! ما خلاص اللي نازلين كتير. انت مش نازل لانك لانك اه الدين محتاجك. انت نازل لان انت اللي محتاج الدين. انت نازل لانها جنة ونار. اوعى تفكر بالطريقة دي. كان فيه تلاتة مرسلين وحبيب النجار - 00:19:06

صمم انه ينزل ويشتغل في الدعوة. طب فيه تلاتة مرسلين. فيه شيوخ كبار في البلد انت لازم تشتغل برضو. فبيقول والمسلمون مع رسول الله صلى الله عليه وسلم كثير. مصيبة - 00:19:26

انك انت تحس انك مش هتشتغل للدين غير لان الدين محتاجك. انت محتاجك. ده جنة ونار. ولا يجمعهم كتاب حافظ. دي مشكلة بقى. انك تحس ان ما حدش واخد باله منك - 00:19:36

بالزات لو انت من النوع اللي ما يتشكش فيك. مين اللي هيتخيل ان كعب ابن مالك قاعد دلوقتي بيشرب ماية باردة وبيشرب عصير وقاعد مع زوجته. بيتكلموا وبيضحكوا والنبي النبي عليه الصلاة والسلام في صحراء تبوك. مين اللي هيتخيل ده ؟ ما حدش يتخيل. ففي واحد بيعيش على السمعة. يعني ما حدش يتخيل ان انا بافكر في الموضوع الفلاني. او ان انا وقعت في المعصية الفلانية - 00:19:46

طب وربنا وربنا وفي ناس لازم تشجيع لازم الزام. فبيقول ما فيش كتاب حافز. فما من رجل يريد ان يتغيب الا ظن ان سيخفى ايه الا ظن ان سيخفى له. قضية خطيرة اوي يا جماعة. قضية ان ان يعني سيدنا كعب بيوصف بالتفاصيل دي ليه؟ عشان يقول لنا خدوا بالكم يا جماعة - 00:20:06

ايه اللي وقعني عشان تاخدوا بالكم ازاي ما توقعوش بعد كده رضي الله عنه وارضاه. كانت غزوة صعبة اوي يا اخواننا. عشان كده ربنا سماها ساعة العسرة العسرة ديت زي مسلا ولادة متعسرة. الدنيا مقفلة. الواد مش مش عارف ينزل. زي بالزبط كده هزا يوم عسر. يوم القيامة الدنيا مقفلة ما فيش متنهرب - 00:20:26

ما فيش مكان الواحد يهرب له يبقى غزوة العسرة الحر رهيب. الطريق رهيب. العدو رهيب. الحاجة كان فيها الفقر رهيب. يعني لدرجة ان يعني في سبعة من البكائين اللي هم راحوا للنبي يبكوا ما فيش فلوس. يركبوا ويجيبوا ظهر يركبوا عليه مع النبي عليه الصلاة والسلام. السبعة دول عرفوا يجيبوا بعير واحد - 00:20:46

بس بعيد. كانوا كل واحد منهم بيمشي ستة كيلو ويركب كيلو. يعني تخيلوا كده لو قلت لكم تعالوا نسافر من مصر لاسكندرية هتمشي ستة كيلو على رجليك وهتركب كيلو تمشي ستة كيلو وتركب كيلو. ازاي! ده طب ما بالك بقى من المدينة لتبوك! حاجة رهيبة وجهد جبار! فعلا يا اخوانا يعني الصحابة يعني تعبوا جدا - 00:21:09

عشان يوصلوا للي وصلوا له دي. فكعب ابن مالك بيقول ايه؟ فطفقته اخده. هو لسه بيوصف بقى ايه؟ آآ نفسيته وخواطره قبل الغزوة. ما هو طفيقته اخده كل يوم اخرج - 00:21:29

صبح لكي اتجهز معهم عشان اشتري بقى الحاجة بتاعتي والسيف فارجع ولم اقض شيئا. انا مش عارف ليه؟ حاولت ان انا انزل وبقيت تنزل وارجع ما عملتش حاجة. طب انا ما عملتش. فاقول في نفسي انا قادر على ذلك ان شئت. ادي مدخل خطير. التسويف. انا اقدر انزل جولات - 00:21:39

لو عايز انا اقدر ادخل على اليوتيوب وما اقعش في اي معصية ولا ابص على المقاطع الوحشة. انا قادر على ذلك ان شئت انا اقدر احفز قرآن لما انا اقدر اقوم - 00:21:59

الا لما احب انا لو عايزيني اختم انا اقدر اطلب العلم انا قادر على زلك ان شئت. التسويف انك مش راضي تواجه نفسك. مش راضي تعمل انتفاضة ايمانية وتاخد قرار وتعزمي على نفسك انك لازم تقف معها. ولازم تاخدي قرار ولازم تبدأ حالا. فالانسان عايز يسوي في البداية وعايز يسوي في القرار العملي - 00:22:09

قادر على ذلك ان شئت جمعوا معي انا قلت لكم لحد دلوقتي يجي خمس او ست اسباب لان سيدنا كعب يقع في الاخر فلم يزل يتمادى بي حتى اشتد بالناس الجد. خلاص ده لسة يوم والنبي عليه الصلاة والسلام يدي اشارة البدء والناس تنطلق - 00:22:29

كنت اتجهز بعده بيوم او يومين. يعني زمان مش راكبين صواريخ. يعني يوم يومين هيكون النبي عليه الصلاة والسلام لسة هركب الفرس واجري. هلحقهم في ساعتين ثم فرجعت فغدوت بعد ان فصلوا لاتجهز. النبي خلاص طلع. قمت تاني يوم قلت لأ يلا بقى لازم اجهز بقى وخد نفسك بالعزم يا كعب. نزلت فرجعت - 00:22:47

ولم اقضي شيئا. الله! تاني محاولة ما نجحتش. الله! بيقول ثم غدوت سم رجعت. تالت محاولة. تلات محاولات لحد دلوقتي فلم يزل بي حتى اسرعوا وتفارق الغزو. كلمة طفارت الغزو دي يعني ايه؟ راحت خلاص. اتفرط خلاص - 00:23:07

واحد عارف ولادك هربت مني يعني التفارت. فرطت مني بقى خلاص. تفارت الغزو. راحت بقى عشرة خمستاشر يوم وانتهت. اهو هو ده السبب. اخطر سبب الاحباط. انك انت توصل لمرحلة خلاص ما عدش ينفع. راحت خلاص. من اخطر اسباب الوقوع الاحباط. ان الانسان - 00:23:28

ان ما عدش فيه وقت زي ما هناخد الوقتي ان مهما اتأخرت قم هتلحق بازن الله سبحانه وتعالى وهممت ان ارتحل فادركهم رابع محاولة غير ناجحة من سيدنا كعب ان بعد ما خلاص بقى راحت وقال خلاص فات خمستاشر عشرين يوم ما عادش ينفع فبيقول له رجعت تاني - 00:23:48

ايه ؟ طب ادركم وليتني فعلت. يا ريتني شوفوا الندم! يا ليتني فعلت في الدنيا هنتوب. انما يا ليتني فعلت في الاخرة. هل ازاي؟ اربع مرات يحاول انه يجهز وما ينفعش. هو ايه يا جماعة؟ في ايه - 00:24:05

هو سيدنا كعب كان عايز ولا مش عاوز؟ كان عاوز. هو سيدنا كعب كان ناوي ولا مش ناوي؟ كان ناوي. هو سيدنا كعب كان فعلا صادق ولا مش صادق؟ كان صادق. امال - 00:24:21

الكارثة دي حصلت لايه ؟ امال تخلف ليه ؟ امال ما قدرش ليه ؟ اهو ده بقى. ماجستير ودكتوراة في اسباب الوقوع. هنطلعها الوقتي بازن الله سبحانه وتعالى من قصة سيدنا كعب. ليه سيدنا كعب وقع؟ ده دي تكتبيها بماية الدهب كده طول عمرك. وتفضل حاططها قدامك وتفضل معتبر بها - 00:24:31

ها عدوا معي ها سامعكم بقلبي يا جماعة. اول سبب من اسباب وقوع سيدنا كعب ايه ؟ ايوة التسويف. صح. التسويف انا قادر على ذلك ان شئت ان هو ادى فرصة لنفسه. يا اخوانا آآ النفس دي عاملة زي ايه؟ عارفين اللي بيحب واحدة وهي مش حباه. فاول ما تقول له طب انا موافقة اجوزك يا عم انزل - 00:24:53

في الزبون ومضيه انزل هات المأزون تعال بسرعة. اول ما نفسك تطاوعك على العمل الصعب خد قرار وابدأ فورا الزمها. انما سيدنا كعب ادى فرصة لنفسه انها تبدأ تهرب طب شف السمار. طب الطريق طويل. طيب طيب لحد ما الحل كان ايه ؟ اخد قرار. الحل انتفاضة ايمانية. الحل انه كان يقف مع نفسه - 00:25:13

قرار صح تاخده يرفعك السما. وقرار ما قدرتش تاخده ينزلك الارض زي ما هنشوف الوقتي. الحل كان انه ينتفض ويقف ويلزم نفسه وما ويبدأ فورا يبقى التسويف الحذر من النفس. ان نفسك هتبدأ تسحبك مش هتواجهك هتاخدك واحدة واحدة - 00:25:33

ما تلاقي نفسك ما عدتش قادر. طيب السبب التاني السبب التاني الاحباط. لما قال حتى طفارة الغزو راحت خلاص ضاعت. السبب التاني الاحباط وهتحبط قدامك فرصة انك ترجع. طيب السبب التالت. السبب التالت يا جماعة - 00:25:53

الاستكانة للماضي. ان فيه ناس حاسة انها عملت حاجات قوية في الدين. فبيبدأ بقى يريح. عارفين عشان كده فيه ملتزمين كتير يقولوا انا بعد رمضان باقع عليه. انا بعد عشر ذي الحجة - 00:26:08

اعمل معصية كبيرة ليه ؟ انا بارجع من العمرة المفروض انطلق لقدام اقع ليه ؟ لانك ريحت. لانك ارتكنت على العمل اللي انت عملته. عشان كده يا اخواننا معلومة يعني - 00:26:18

يعني لازم ناخد بالنا منها. الالتزام عامل زي الانسان بيشيخ وبيهرب وبيشيب. يعني تلاقيه ملتزم او ملتزمة بقى له عشرين سنة ولسه بنقابها ولسه بالتزامه في صلاة الجماعة بس هو شاب. يعني ايه شاب؟ جدد شباب التزامك. جدد شباب التزامك بعمرة. تروح كده وتنام على البلاط في الحرم كده وتستحمل يا رب اللهم - 00:26:28

يا ارحم الراحمين وافتح لنا ابواب الحرمين يا رب. اللهم امين يا رب. جدد شبابك. جدد شبابك بركعتين قبل الفجر تصرخ لربنا وتدعي وتتضرع التضرع ده بيجدد شباب اليقين في قلبك. جدد شبابك بسفرية لشيخ من الشيوخ. تروح تحضر له درس وتسافر. جدد شبابك خليك - 00:26:48

شباب جدد شبابك بجولة جددي شبابك بجولة تنزلي تكلمي البنات المتبرجة في الشارع. جدد شبابك. جدد شباب التزامك ودينك واوعى جوة الدين. طيب من اسباب وقوع كعب ايه؟ ان هو الزن ان مش هتشتغل للدين الا لو الدين محتاجك. انت محتاج - 00:27:08

انه قال والمسلمون يومئذ كثير من اسباب وقوع سيدنا كعب ايه ؟ آآ حتة الشخصية اللي محتاجة الزام عشان تتحرك. انا مش بقول لسيدنا كعب كده انا بستفيد علينا احنا - 00:27:28

الشخصية اللي لو ما فيش تشجيع ما تتحركش. لو ما فيش صاحبك الجزاب اللي شخصيته قوية. لو مش ما قالكش تعال ما انتش نازل. لأ لازم يكون عندك ارادة زاتية يبقى ده من اسباب الوقوع. طيب من اسباب الوقوع ايه تاني - 00:27:38

ها انك انت ايه تاني ؟ من اسباب الوقوع يا جماعة انك تحس ان ما فيش رقابة عليك. وانك انت اللي حواليك محسنين الظن بك ما فيش حد حاسس بك. تقوم ايه بقى خلاص - 00:27:54

اظن انها هتعدي وهتخفى. طب على البشر! طب ربنا سبحانه وتعالى! يبقى ازا ليه سيدنا كعب وقع بيقول بقى فلم يقدر لي زلك. ربنا ما قدرش. طبعا الكلمة دي بعض العلماء علق عليها ان القدر لا يحتج به في المعصية. القدر يحتج به في ان حصل مصيبة - 00:28:04

فربنا يعافينا. حصل ابتلاء انما معصية ما بتحتاجش معصية. عشان كده لما واحد راح لسيدنا عمر الصحراوي فسيدنا عمر مسكه. فسيدنا عمر جاي يقطع ايده قال له انما خرجت بقدر الله. سيدنا عمر قال له وسأقطع يدك بقدر الله. ما فيش حاجة اسمها انك تحتج بالقدر في المعصية. اه ان يعني يعني تتوب لربنا. يعني - 00:28:21

فقال لك القدر يحتج به في المصائب وليس في المعائب. كلمة ابن تيمية رحمه الله. فكنت اذا خرجت في الناس بيتكلم بقى خلاص راحت بقى. خلاص يعني سيدنا كعبة رسميا دلوقتي خلاص راحت الغزو منه. الواحد بيبقى حيز يا جماعة في في القصة وهو بيقراها. عايز يمد ايده ويقول له ابوس ايدك - 00:28:41

يعني مش سيدنا كعب انا بتكلم علينا. انا دلوقتي كل التعليقات يا جماعة علينا. احسن تفتكروا ان انا بتكلم عن سيدنا كعب الصحابي العظيم. انا باخد الحاجات وبتكلم بلغتنا احنا على نقص - 00:29:01

ونحن مشاكلنا. انما سيدنا كعب مربي عظيم وصحابي عظيم الوقت حاسس كده ايه لما بيشوف اخ مسلا هيقع يعني عايز تقول له ابوس ايدك. انت مش عارف التمن اللي هتدفعه لو انت ما تجهزتش - 00:29:11

لو انت ما خدتش نفسك بالعزم ونزلت ولكن مين اللي بيدرك يا جماعة؟ يعني فيه ناس يعني لازم يدفع التمن عشان بعد كده يتحصن ضد هذه المعصية بيقول لك فكنت اذا خرجت في الناس بعد خروج النبي صلى الله عليه وسلم خلاص النبي بقى راح. فطفت فيهم سيدنا كعب كان يخرج يقعد يلف في الشوارع. يخرج يلف - 00:29:25

احزنني اني لا ارى الا رجلا مغموصا عليه في النفاق. سيدنا كعب قعد يلف يدور يشوف حد من متخيل مسلا انه يشوف ابو بكر مسلا او يشوف عمر يعني ما هو مستني ان يشوف حد كويس يقول اهو واحد كويس وما خرجش. واحد وقع زيي. فيقول لك ما لاقيش غير ناس مخبوصين في النفاق - 00:29:45

مشهورين في المدينة كلها ان دول ائمة النفاق. ايه ده يا جماعة؟ يعني ممكن قرار واحد ما يتاخدش. ممكن حاجة واحدة غلط تنزل الانسان للدرجة دي بعد ما انت داعية وبتكلم الناس وبتنزل جولات تلاقي نفسك قاعد على القهوة مع شباب بيشربوا مخدرات وقاعد وسطهم وتلاقي اصحابك القدام عاملين - 00:30:05

في الشارع تبص لهم كده انا كنت مع دول انا ايه اللي جابني مع دول انا وقعت للدرجة ديت. طبعا سيدنا كعب بيبص لهم ويتزكر قول الله وازا النفوس زوجت انا ممكن احشر مع الناس - 00:30:25

دي كلمة النبي عليه الصلاة والسلام ينام الرجل النوم اي يغفل الغفلة. شوية كده طب بعد الامتحانات ابقى فوق ان شاء الله ينام الرجل النوم فتقبض الامانة من قلبه. يصحى من الغفلة يلاقي نفسه خلاص. ايمان امبارح ما عدش جواه. عزمت امبارح ما عدتش عنده. حماس امبارح ما عدش - 00:30:55

موجود يلاقي نفسه اتغير خلاص. ما عدش هو بتاع امبارح حاسب احسن تتغير من جوة. حاسب اوعي تغفلي اوعي تنامي. قرار واحد مش صح او قرار واحد صح. سيدنا كعب ما خدوش شوفوا نزل لفين. وهنشوف في اخر القصة بازن الله. سيدنا كعب بقى لما تاب طلع لفين! يعني زنبي - 00:31:15

ضيعك وتوبة ترفعك. سيدنا كعب بيقول ما شفش غير واحد مغموس في النفاق او رجل ممن عذر الله من الضعفاء. واحد رجله مقطوعة. واحد اعمى او حد مسنده يعني انا يا ربي انا انا ايه اللي قعدني ايه اللي وصلني للي انا فيه ده الوقت يا ربي ولم يزكرني رسول الله صلى الله عليه وسلم حتى بلغ تبوك. الكعبة طبعا ايه - 00:31:35

لما رجع الصحابة قعد يسأل بقى لما ربنا تاب عليه وكلموه مرة تانية بدأ يسأل هو النبي سأل عني طب اسأل امتى؟ طب قال ايه؟ فقال النبي عليه الصلاة والسلام وهو جالس في القوم - 00:31:55

انت ابوك فحت ما النبي وصل بقى خالص قاعد كده فبيقول للصحابة ما فعل كعب؟ هو كعب بن مالك فين ؟ النبي وصل تلاتين الف واحد. فاكر كعب؟ تلاتين الف صحابي فاكر صحابي حريصون عليكم. يا سلام على حنانك يا رسول الله! عليه الصلاة والسلام، معلم الدنيا كلها الحنان عليه - 00:32:05

والسلام فقال رجل من بني سلمة يا رسول الله حبسه برضاه ونظره في عطفيه. البردان اللي هو اللبس الشيك اللي هو لابسه والنظر في اطفي الناحيتين يعني اللبس الجميل اللي هو لابسه والوانه. يا رسول الله يعني كعب بن مالك مطرف يا رسول الله. كعب بن ما لك مش بتاع غزوة تبوك - 00:32:25

المواقف الصعبة دي يا رسول الله فيه ناس عايزة دين مكيف. فيه ناس مش هتستحمل انها تضحي عشان الدين في الحر والبهدلة. فيه ناس يا اما مهمة سهلة. ايه ده! اوعى لما تنطلق تبص للي ما انطلقش زيك باحتقار. يعني كعب بن مالك يعني كعب بن مالك فعلا في الدين اقوى - 00:32:47

من الصحابي اللي اللي انتقده ده هو يعني ممكن الاخ اللي واقع دلوقتي او الاخت اللي واقعة دلوقتي دي دي احسن منك اصلا. فعلا حقيقة يعني وممكن تبقى بعد كده احسن منك وتتوب وتبقى احسن مني - 00:33:07

يا جماعة لما حد ينطلق ما يفرمش اللي واقع ما يبصش باحتقار للي واقف. يرحمه. رفقا بالعصاة شوية رفقا انسان في فترة فتوره. مش تعرف بقى ان اخوك في فتور تفضل بقى تايه آآ عامل زي اللي بيعمل محشي. قاعد تنخور في نفسيته. لا يا اخوانا الموضوع مش كده - 00:33:17

فقال معاذ بن جبل طبعا ده امام العلماء رضي الله عنه وارضاه. بئس ما قلت. الله! انك تدافع عن اخوك. ان احنا ندافع عن بعض. ان احنا نسند بعض اقعد في ضهر بعض نبقى سند لبعض. ان الشيطان ينزغ بينكم. يعني ايه ينزغ؟ النزغ ده الطعن السريع. واحد قام غتت واحد بمطوة بركه في الارض. الشيطان بيطعن - 00:33:37

فينا جوة بعض الشيطان يجي لك. يقعد يقول لك شوفي فلانة دي ده بتكرهك. شفت قالت كلمة ايه؟ اوعي تصدقي. شفتوا فلان ده! ده اصلا مش بيحبك ده. الشيطان قاعد - 00:33:57

ينزغ مضارع مستمر الشيطان ما بيبطلش يوقع بينا. فالحل ان احنا ان احنا نفضل برضو مستمرين على الطاعة. عشان كده ربنا قال قبلها قل لعبادي يقولوا التي هي احسن. الكلام اللي يسبت حسن النية يقوله مضارع مستمر. الشيطان شغال في هدمنا عند بعض. احنا نفضل مستمرين ان احنا نأكد لبعض حسن نيتنا. تجاه بعض - 00:34:07

بئس ما قلت اوعى يا عم لما تنطلق تحتقر اللي واقف. يا اخوانا الرحمة الرحمة بالناس والله يا رسول الله عليه الصلاة والسلام ما علمنا عليه الا خيرا فسكت رسول الله صلى الله عليه وسلم. النبي سكت يعني ايه هتبان هتبان. والنبي برضه رايحين - 00:34:27

لو قال كلمة صعبة في كعب يعني ممكن نفسية كعب تدمر مدى الحياة. فالنبي يعني عارف ان المربي يعني وطبعا ده النبي بقى كمان عليه الصلاة والسلام بيبقى كلامه يعني - 00:34:43

كبير في صدر الايه؟ الطالب. قال كعب بن ما لك ها فبينما هم كذلك. والنبي صلى الله عليه وسلم قاعد اذا برجل يأتي واحد جاي بيجري والنبي حصلت ابوك. فقال النبي صلى الله عليه وسلم كن ابا خيثما. كن ابا خيثمة. ده يا رسول الله انت وصلت تبوك خلاص يا رسول الله ده انت بقى لك سبعمية وخمسين كيلو - 00:34:53

ابو خيزرة مين يا رسول الله؟ لا يمكن حد يكون بني ادم من المدينة جاي الطريق ده لوحده يا رسول الله ابو خيسمة فين ؟ هو في ده الطريق ده تلاتين الف صحابي ايدهم في ايد - 00:35:13

مرعوبين ان هم يخطوه مع بعض. واحد هيقطعه لوحده اتأخر عنك وياخد قرار فجأة. اني لازم الحق النبي يقوم رامي نفسه. فلا اقتحم العقبة ويجري لا يمكن يا رسول الله ده بالتأكيد واحد من قبيلة جنب تبوك ولا حاجة. فاذا به ابو خيثمة. سيدنا كعبة يا جماعة اشمعنى ابو خيسمة اللي حكى قصته - 00:35:23

هو بيحكي قصة توبته هو. يعني اشمعنى ابو خيصمة ده تلاتين الف واحد نقى منه هو ابو خيصمة ليه؟ لان ابو خيصمة عمل الحاجة اللي كعب كان يتمنى انه يعملها - 00:35:43

ابو خيسام عمل زي كعبة بالزبط. اتأخر خالص في الغزوة. لحد ما فات فات عشر تيام خمستاشر يوم عشرين يوم اتأخر خلاص حتى طفارة الغزو كعب لما لقى الموضوع راح قال خلاص راحت. ابو خيسمة انتفض. راجع بيته مرة كده بعد عشرة خمستاشر يوم لقى مراته بقى - 00:35:54

متزوقة له وفارشة له البيت واكل سخن وماية ساقعة. فوقف برة البيت كده ارتجع في قلبه وقلبه اترعش. انا في هذا رسول الله صلى الله عليه وسلم في الضح والريح في الشمس والريح والبهدلة. فمراته قالت له طب ادخل بس ادخل قال لها والله لا ادخل. والله ما انا داخل - 00:36:14

الفرق بين كعب وبين ابو خيسمة هي كلمة لا والله لادخل. كعب قال انا قادر على زلك ان شئت. انا ممكن ادخل واريح شوية واقوم الحق النبي. اللي هينزل مش هيرجع ابو خيزمة قال والله لادخل. هات يلا الجهاز بتاعي. حضري لي شنطة السفر بتاعتي والزات بتاع الاكل بتاعي - 00:36:34

وانطلق وطار عشان كده كعب قلبه اتفرم من الالم وهو بيتكلم عن ابو خيسمة بالزات ليه؟ ابو خيسمة ما قالش راحت عشان كده ابو خيصمة يعني زهول يا جماعة انا مزهول من ابو خيسمة. مزهول. يعني سلسلة الاسطورة بتاعة اه فجر الجمعة انا عايز اعمل فيها درس عن ابو خيسمة. عشان الموقف ده بس - 00:36:54

سحر سبعمية وخمسين كيلو طريق مرعب. وقال هاقطعه لوحدي. مش هاتراجع. طب ازاي! فاتت خلاص ما فيش حاجة اسمها فاتت. لو مت في الطريق. طب ازاي؟ طب يعني واحد عدى عليه شهر لوحده كان شهر كم؟ الطريق لتبوك شهر. شهر بيجري لوحده. بيبات لوحده - 00:37:14

عايش لوحده لو عطش طب ده الصحابة هم تلاتين الف حصل معطشة مجاعة في الاكل وحصل انتهاء للمية كانوا هيموتوا فيها. وحصل الريح مهلكة. طب ده عمل ايه لوحده ده ؟ ربنا معك. ربنا معك لو انت عايز توصل له. هذا صراط علي مستقم علي. اللي عايز يوصل لي مش هسيبه - 00:37:34

ده ربنا سبحانه وتعالى يا جماعة عشان كده سيدنا كعب كان متأسر قوي بابو خيسمة الفرق بين ابو خيسيمة وكعب ايه ؟ ان كعب احبط ابو خيسامة ما احبطش قام وحاول ان كعب قال انا قادر على - 00:37:54

ان شئت. طب ادخل وابقى جاهز. ابو خيسمة قال والله لا ادخل. هو ده الفارق الكبير ما بين الاتنين ويجرى مخيمه في بطولة نادرة في التاريخ يعني ما اعتقدش ان فيه حد في تاريخ البشرية قدر يعمل كده سبعمية وخمسين كيلو للنبي. طب اقول لكم حاجة يا جماعة. الغزوة دي حصل فيها الاشد من ابو خيسمة كامل. ازاي؟ ابو زر. ابو - 00:38:08

الحمار بتاعه كان حمار اه حمار سيت. حمار مية اربعة وعشرين او مية تمانية وعشرين. حمار يمشي شوية ويبرك شوية. يمشي فالصرصور سبقه والدنيا كلها فهو قاعد مش عارف يعمل ايه يعني طب طب اعمل ايه الحمار خلاص برك في الطريق العربية عطلت عمل ايه ساب الحمار وشال شنطة - 00:38:28

بتاعته على كتفه وطلع يجري. الف وخمسميت كيلو على رجليه. ايه ده! طب ازاي! طب هيجري في الصحراء ده على رجليه ازاي! حاجات اغرب من يا جماعة اسطورة حاجة اغرب من الخيال والله ولكن وايدهم بروح من روح معنوية جبارة خلتهم يعملوا بطولات ما حدش يتخيلها - 00:38:48

لان الايمان كان بيتفجر في قلوبهم لان دول متربين على القرآن. لان دول جيل كان بيسلم قلبه تلات اربع ساعات كل ليلة لكتاب ربنا. فكتاب ربنا شحنهم بروح معنوية جبارة خلاتهم تعملوا حاجات ما كانش حد يتخيل ان هو يقدر يعملها - 00:39:08

قال كعب بن مالك فلما بلغني انه توجه قافلا حضرني همي. بيقول يا جماعة عايز اقول لفز بس عبقري يعني شوفوا يوصف لك وهو بيحاول ينزل السوق يتجهز ويرجع اربع محاولات. بيجيب لك تفاصيل التفاصيل ليه؟ يجيب لك كل اسباب وقوعه. كل جملة في - 00:39:24

الجون بيقصد بها سبب من اسباب وقوعه. ليه ؟ الوقتي بقى رجوع النبي عليه الصلاة والسلام هيوصفه على تلات مراحل. وهيوصف لك نفسيته اول ما عرف ان النبي بدأ يرجع - 00:39:48

كده نفسيته اول ما عرف ان النبي على مشارف المدينة. وبعد كده نفسيته اول ما النبي جه وقعد في المسجد. هو بيفصل مربي عشان كأنه بيقول للامة اوعوا حد يقع في اللي انا وقعت فيه. انا بينها لكم عشان تعرفوا بالظبط الشيطان دخل له منين. عشان تعرفوا بالظبط انا وقعت ليه. وانا ربنا نجاني بعد كده - 00:39:58

ده مربي يا جماعة رضي الله عنه وارضاه. يقول لك الرسول عليه الصلاة والسلام بقى توجه قافلا. يعني بدأ النبي يرجع بقى يعني كلها مسلا عشرين يوم ولا حاجة والنبي ييجي. حضرات - 00:40:18

وطفقت اتذكر الكذب. اقول له ايه ؟ ما هو فيه حل غير ان انا اكدب. طب اكدب اقول له ايه ؟ اقول له يا رسول الله انا كنت قاعد عشان - 00:40:28

رسول الله اليتامى والضعفاء اكلهم واشربهم يا رسول الله. ده انا كنت بحمي ضهركم في المدينة. انا يا رسول الله كنت قاعد احسن حد ييجي مع المدينة آآ من المنافقين ولا حاجة ابقى انا - 00:40:38

والله في ضهركم طب اكدب اقول له ايه؟ طب اعمل ايه؟ واقول بمازا ساخرج من سخطه غدا هقول له ايه الكلمة دي احنا عايزين نعيشها مع الله. يعني شوفوا كعب بيقول ايه مع النبي عليه الصلاة والسلام؟ هاقول لسيدنا محمد ايه؟ عليه الصلاة والسلام. طب انت - 00:40:48

هتقول له ايه يوم القيامة؟ لما يعرف ان ان الامة كانت في هزه المآسي وانت كل قضيتك نفسك. وانت كل قضيتك دنيتك ومصلحتك هتقول النبي عليه الصلاة والسلام ايه ؟ في الاثر ان فيه ناس - 00:41:08

من الخجل من رسول الله صلى الله عليه وسلم يوم القيامة بيسقط لحم وشهم. اومال لما تقف بين ايدين ربنا في العرض على الله هتقول له ايه؟ هتقولي لربنا بنا ايه سبحانه وتعالى. بماذا ساخرج من سخطه غدا؟ واستعنت على ذلك بكل ذي رأي من اهلي. اقول له ايه؟ طب انت رأيك الحجة - 00:41:21

ايه؟ فلما قيل ان رسول الله صلى الله عليه وسلم قد اظل قادما. اه النبي خلاص على مشارف المدينة دي مرحلة تانية بقى. متوقعة بقى سيدنا كعب بقى النبي خلاص على الباب. التوقع بتاعنا بقى ان ساعتها خلاص لازم اكدب ما فيش حل. زاح عني الباطل. وعرفت اني لن - 00:41:41

اخرج من غضبه بشيء ابدا فيه كذب فاجمعت صدقه. فاجمعت صدقه. يعني ايه؟ انهي الصراع اللي جواك. عايشة في ليه انهي الصراع الرهيب اللي جواك ما بين اطلب علم ولا لأ؟ اعمل ايه؟ اشتغل في الدعوة ولا لأ؟ احفظ قرآن ولا لأ - 00:42:01

قرار حجاب امهات المؤمنين ولا لأ ؟ انهي الصراع اللي جواك. ما تقعدش عايش مزبزب الزبزبة والتردد هيضيعوك وهيضيعوكي جمعت صدقا. طب سيدنا كعب ليه؟ اول ما عرف ان النبي داخل راح عنه الباطل ولا انا هصدق. المرب يا جماعة اول ما المربى بتاعه عليه الصلاة والسلام عرف انه قرب منه - 00:42:23

كأن النور رجع تاني. قيمة ان انت يبقى لك مربي. قيمة ان يبقى لك حد بيربيك. حد خايف على دينك. حد بيراعي دينك. المربي ده حاجة جبارة في حياة الاخ والاخت. بيبقى بالنسبة لهم اول بس ما يقرب منهم كده او يفتكروا اسمه. كأن الايمان اتبس في قلوبهم تاني. المربي راجع فالنور - 00:42:43

رجع واصبح رسول الله صلى الله عليه وسلم قادما. اه خلاص النبي جه بقى. فالنبي عليه الصلاة والسلام يعني راح المسجد الاول يصلي فيه ركعتين. وجه بقى وقعد بيستنى بقى اللي مخلفين ييجوا يقولوا له هم خلفوا ليه؟ طب ليه النبي كان بيبدأ في المسجد في السفر؟ عشان الارتباط ببيئة الايمان؟ لازم يبقى جوة قلوبنا اكتر من الارتباط - 00:43:03

اه ببيوتنا النبي كان بيراعي بيته وحق بيته. انما النبي عليه الصلاة والسلام بيعلمنا ان ارتباطنا بالبيئة بتاعة الايمان لازم يبقى اعلى حاجة في الدنيا. فرجع الاول على بيئة الايمان. مشاعر ايمانية عالية - 00:43:23

فجاء المنافقون فطفقوا يعتذرون اليه ويحلفون له. والله العزيم يا رسول الله. انا كنت مراتي ميت بتموت وانا يا رسول الله كت فئران وجالي بر بر بري وكنت ماشي على ايدي كدهو وانا يا رسول الله والنبي عليه الصلاة والسلام بايعهم واستغفر لهم ماشي خلاص ما فيش فيهم فايدة النبي عليه الصلاة والسلام - 00:43:35

بقى له تلاتة وعشرين سنة قاعد يوعس. خلاص بقى دول فالنبي خلاص ماشي. ماشي. يعني انت كان مراتك بتموت طب ماشي. ربنا يغفر لك يا رب. وانت كنت بتموت انت كمان - 00:43:55

الله يغفر لك لا لا لا يا حرام خلاص. وانت يعني انا بتكلم بطريقتنا احنا طبعا يا جماعة. فالكعب بيقول وكانوا بضعة وثمانين رجلا ياه! الله اكبر شوفوا النجاح التربوي بتاع النبي عليه الصلاة والسلام. النبي كل اللي تخلف عنه بضعة وتمانين جيش طالوت كانوا سبعين الف. اول ما قابلوا النهر اللي - 00:44:05

عمر سبعين الف الا تلتميت واحد هم اللي كملوا. النبي عليه الصلاة والسلام اللي وقع منه بس. حوالي خمسة وتمانين واحد بس. اللي وقع منه من تلاتين الف بني ادم حوالي خمسة وتمانين واحد. يا اخوانا نجاح تربوي جبار. عمر ما حد قدر يعمل هزا النجاح التربوي لان - 00:44:25

ما كانش بيربي افراد. النبي عليه الصلاة والسلام كان بيربي مجتمعات. فكان المجتمع بيطلع صالح بيربي الاخ ومراته وولاده. احنا بنربي افراد. فبيطلع ضعيف النبي عليه الصلاة والسلام خلاص بايعهم - 00:44:45

فجئت كعب بقى جايب اللحزة الفاصلة بقى. دخلت على النبي عليه الصلاة والسلام فلما سلمت عليه انا عايزك بس تركز في مدى التفاصيل اللي سيدنا كعب بيقولها ده بيركز وش النبي كان شكله ايه؟ نوع ابتسامته ايه؟ قال ايه؟ سيدنا كعب مركز في تفاصيل - 00:44:59

بصورة جبارة تدل انه سيدنا كعب خايف على دينه جدا. ومركز مع دينه جدا. دينه ده هو حياته فلما سلمت عليه دخلت كده قلت له السلام عليك يا رسول الله. تبسم - 00:45:13

تبسم المغضب. يعني فيه تبسم ساخر. فيه تبسم الضاحك. فيه تبسم لأ تبسم الموضوع بص لي كده ايه ؟ ابتسم حنان النبي عليه الصلاة والسلام ثم قال تعالى فجئت امشي حتى جلست بين يديه فقال لي ما قلفك - 00:45:26

اه بدأ النبي بقى يتكلم كلام جد. الم تكن قد ابتعت ظهرك يا كعب ما خلفك يا اخوانا في رواية تانية ان النبي عليه الصلاة والسلام اعرض عنها. ما رضاش يرد عليه. ما رضاش يبص له. فقال يا رسول الله لما تعرض عني؟ والله ما نفقت ولا بدلت ولا ارتبت - 00:45:42

النبي عليه الصلاة والسلام قال له فما خلفك؟ الم تكن قد ابتعت ظهرك؟ النبي عارف تفاصيل واحد واحد من اصحابه. انت كنت اشتريت الدابة خلاص. اتخلفت ليه اتأخرت ليه فما خلفك؟ ياه عش اللحزة دي ان النبي بيقولها لك يوم القيامة - 00:45:59

عيشوا اللحزة دي من الرسول صلى الله عليه وسلم لو قالها لك انت. سيدنا كعب تخلف مرة. كل اللي هيحصل ده حصل فيه بسبب انه تخلف مرة. انت تخلفت كم مرة؟ انت كم - 00:46:16

نازلة من نوازل الاسلام حصلت وانت تخلفت عنها. لما جابوا متين اخت سورية والشيعة في سوريا اغتصبوهم عملوا حفل اغتصاب جماعي. ما النبي لما يقول لك انت مش شفت لما جابوا ام وبنتها في سوريا وقالوا للام هنغتصبك هنغتصب بنتك! ما خلفك! لما شفت الفلانتين الوقتي - 00:46:26

الطباديب الحمرا في الشوارع. وحفلات الفلانتين والمنكرات. والشباب مش عارف عايز حد يدله. ما خلفك. لما شفت الامة والمداب وغزة والظلم ما خلفك. يا كعب ما خلفك فما خلفك؟ الم تكن قد ابتلعت ظهرك؟ قلت بلى - 00:46:46

بدأ كعب بقى يتكلم اني والله انا عايزك تركز كم مرة قال والله كم مرة قال كلمة الله؟ قال كلمة والله اني والله لقد علمت لئن حدثتك بحديث ان ترضى به عني. ليوشكن الله ان يسخطك علي. يا رسول الله انا ممكن اكدب. لقد اوتيت جدلا. ياه! بيقولوا يا رسول الله - 00:47:06

جدل. انا اعرف احور المسائل. انا اعرف اقلب الباطل حق والحق باطل يا رسول الله. لقد اوتيت جدلا. اوعي اوعي تحولي مواهبك لآلة تعصي ربنا بها. اوعى تحول المواهب اللي ربنا اداها لك لحاجة - 00:47:30

تضحك بها على الناس وانت فاكر انك انت ممكن تخدع بها ربنا سبحانه وتعالى. الفرق بين المنافق والمؤمن ان المنافق بيدور على نجاة اللحزة هو عايز ينجو الوقت اهو. المؤمن بينور بيدور على نجاة مصيره. فهو مش قضيته انجو الوقتي. بيقول يا رسول الله انا ممكن اكدب. انا باعرف. بس انا رسول الله لو - 00:47:46

سخطت انت علي بسبب اني تخلفت عن الغزوة. عارف ان النبي هيغضب. لو تأخر عن نصرة الدين. يبقى انت متأخر ليه؟ تقابل النبي غضبان يوم القيامة ازاي الصلاة والسلام. لو عاوز تبقى معه عليه الصلاة والسلام. فبيقول له ولو غضبتك ربنا ان شاء الله هيرضيك عني. اني لارجو عفو الله - 00:48:06

لا والله ما كان لي من عذر. والله ما كنت قد اقوى ولا ايسر مني حين تخلفت عنك. انا حاسس ان كعب رمى القنبلة واللي يحصل يحصل. انا حاسس ان كعب كان هيجي له انهار نفسه وهو بيكلم النبي عليه الصلاة والسلام. الالم والندم بيفرمه قلبه - 00:48:26

بتصرخ فيه. هتقول لي النبي الكلام ده ازاي! هو مصمم! انا انا اعترف. لازم اعترف لرسول الله. لازم اقول له لازم الصدق بتاع كعب كان سبب النجا بتاعه. انا حاسس ان هو بيقول لا والله فجأة الحوار الصيغة بتاعة كعب بدأت تقوى. وكأنه بيدوس على نفسيته. وكأنه بيقاوم - 00:48:46

جبارة جوة نفسيته. ده والله يا رسول الله ما كان لي عزر. انا كنت في قمة اليسر يا رسول الله. انا يا جماعة انا بقرأ الحديس كنت متوقع ان كعبي يقول في الاخر - 00:49:06

ولكن ويقوم قايل عذر ما فيش تبرير هو عايز يصدق. لانه عايز يوصل لرسول الله صلى الله عليه وسلم. فقال رسول الله صلى الله عليه وسلم. اما هذا فقد صدق. الست الخمسة وتمانين اللي قبله كدابين منافقين. دا قال الصدق - 00:49:16

فقم قم يا كعب. حتى يقضي الله فيك عندك الكلمة دي المرة دي يا جماعة عندك كلمة انا قلت لكم الحديس ده انا شايفه من اخطر الاحاديس لكل ملتزم وملتزمة. اللي بتعرفنا ان الاحباط مش هيجيب حاجة. احباطك - 00:49:35

ضيعك وخلاص. ابو خيسمة قام بعدل. يقول لك بعد الهنا بسنة ولاحق. بيسبت لنا ان اوعي تفتكري ان فيه حاجة راحت. اوعي تفتكري ان فيه حاجة ضاعت. اوعى تفتكر ان لسة فيه طلب علم ولا دعوة ولا توبة ولا قومة ولا تربية. راح وقتها كل حاجة لسة قدامك. لسة قدامك كل حاجة - 00:49:54

القصة دي يا جماعة انا حاسس ان فوايدها جبارة في ماجستير ودكتوراة في اسباب الوقوع التسويف عدم اخز النفس بالقرار والانتفاضة الايمانية تسيب نفسك تسحبك واحدة واحدة لحد ما تلاقي نفسك خلاص ما عدتش عارف ترجع. الارتكان على الماضي. جدد شباب التزامك شوية وخليك دايما عندك لياقة ايمانية - 00:50:14

اوعى تقول انا طلعت كزا غزوة خلاص ما اي غزوة سهلة اطلعها بعد كده هي الكلمة دي اللي ضيعها سيدنا كعب في الموضوع ده. لما قال انا ياما طلعت غزوات ايه يعني الغزوة دي يعني - 00:50:34

للاسف الشديد وقع لما استسهل وفي نفس الوقت ما تستصعبش الطريق. لو قعدت تبص لصعوبة الطريق عمرك ما هتطلع ولا هتمشي فيه. طب الحل الحل ما تفكريش. ما تحسبهاش فلا اقتحم العقبة. اقتحم رمى نفسه بلا تفكير. ده ده لغة مش آآ وعظة. ده اللغة بتقول - 00:50:44

كده يعني في حاجات مش هتيجي غير كده. الحديس ده بيقول لك هو الانسان ممكن يقع ليه؟ والمرة الجاية يا جماعة ناخد بقى هو الانسان بيسبت ليه؟ هو الانسان ممكن يصبر ليه ؟ سيدنا محمد قال لسيدنا كعب ده صداق قم حتى يقضي الله فيك. قام سيدنا كعب رضي الله عنه ولا احد - 00:51:04

حد يتخيل ده سيدنا كعب كان في اللحزة دي متخيل. ولا حد من المسلمين كان في اللحزة دي متخيل؟ اللي النبي عليه الصلاة والسلام هيعمله معك عبد. قام سيدنا كعب - 00:51:24

وهو لا يتصور ولا يتوقع. اللي هيحصل من النبي عليه الصلاة والسلام المرة الجاية. مش متوقع الصدمات المتوالية اللي هياخدها صدمة بعد صدمة المرة الجاية النبي ما كانش بالصدمات اللي هيعملها لسيدنا كعب بيربي كعب بس. ده كان بيربي الامة كلها ان يعني ايه دين. يعني ايه خط احمر زي الصلاة - 00:51:36

نصرة دين ربنا. يعني ان الدين مش لعبة. يعني ايه الا ديني. يعني ايه ان الدين من الصلاة والصوم ودقن ونقاب وخلاص. يعني ان اللي مش هينصر دين ربنا ده لا ينتمي انتماء حقيقي كامل لهذا الدين. النبي عليه الصلاة والسلام هيربي كعب وهيربي الامة كلها. عشان كده قلت لكم في الاول - 00:51:56

ده صدمة يا جماعة صدمة! هو ده الدين! ايوة هو ده الدين! هو ده الدين! الدين هو الجدية! الدين هو التضحية! الدين هو الفدائية! كعب ابن مالك تمانين يوم كان بينام جنب زوجته وكان بينام في بيته والصحابة في الريح والشمس والبهدلة. انما الصحابة مش هم اللي كانوا متعزبين. ربنا سمى الغزوة كلها ساعة العسر - 00:52:16

ساعة هي اول ساعة وبعد كده خلاص. ما فاقوش غير وهم راجعين. راحت وعدت الحمد لله. انما اللي عاش تمانين يوم في عزاب هو شعب ومرعوب كل ما بيسمع ان النبي بيقرب وضميره بيعزبه وبيلف في الشوارع يشوف اوعوا تفتكروا ان اللي متعذب هو اللي بيقوم الليل ونفسه ينام بس بيقوم الليل - 00:52:36

المتعزب اللي نايم وضميره معزبه. ان ما لك الملك متنزل وهو ما بيقومش الليل. اللي متعزب هو اللي نايم. مش اللي قايم مش اللي شغال ما عدت آآ آآ قام سيدنا كعب ولا يتخيل ما سيفعله معه رسول الله صلى الله عليه وسلم انا عايزك انا - 00:52:56

عايزك تسمع الدرس ده تاني. يا جماعة انا ما خلتش الدرس ده وعزي. انا كان ممكن المرة دي اقوم ماسك الدرس واطلع منه فوايد معينة. واخلص الدرس كله في مرة. يا اخوانا الدرس ده قصة توبة كعب دي ماجستير ودكتوراة في اصول الوصول الى الله. في فن التوبة. في - 00:53:16

ازاي لا انتكس؟ ازاي ما نقعش؟ حصانة ده تبع فقه التحصين. عشان كده انا اثرت ان انا اقراه كلمة كلمة. وبازن الله المرة الجاية هاكمل لكم الباقي كلمة كلمة عايزكم تقروه وتكتبوا الفوايد الاساسية منه والورقة دي تبقى عندك تراجعيها كل شوية عشان نوصل لربنا سلسلة احسن القصص - 00:53:36

منة الله سبحانه وتعالى زي ما قلت لكم دي سلسلة للكبار فقط. دي سلسلة للناس اللي عايزة تكبر. للناس اللي عايزة تتربى. عود على بدر. يلا يا اخواني. يلا يا اخواتي. يلا - 00:53:56

على ايام زمان يلا نرجع لهمة زمان. يلا نرجع لحماس زمان. يلا نرجع تاني عايزين نتربى بالقرآن. عايزين نتربى يا رب عايزين نوصل لك عايزين نشتغل في دينك عايزين نكبر. عايزين قلوبنا تتملى معاني عالية. يلا يا اخوانا بقى. ننتفض الانتفاضة اللي كانت الحل عشان سيدنا كعب بن مات - 00:54:06

ننتفض وناخد قرار ونتعلم ان قرار واحد ممكن يبقى نقلة في حياتنا لفوق وعدم اخد قرار هيوقعنا وهيضيعنا يلا نتعلم من هزه القصة عبر وفوايد ربنا يبارك فيكم وربنا يحفزكم. انا عايز حاجة بقى يا شباب بازن الله سبحانه وتعالى. انا عايز حاجة منك ومنك. انا عايز يا جماعة نفتح بوست كده بعد الحلقة. كل واحد منكم يكتب - 00:54:26

واستفاد منها ايه انا عايز اسمعكم. اكسبريسيور سيلف. عبري عن نفسك. انا عايز احس ان فيه معي ناس فاهمة يا جماعة. انا يعني يعني انا في فضفضة حسيت بفضل الله ان انا معي ناس - 00:54:49

متفاعلة. اللهم لك الحمد. وان بفضل ومنة الله السفينة فيها ناس كتير متفاعلة. انا عايز احس بقى ان انا معي ناس فاهمة. ان انا معي ناس ناضجة. ان انا معي ناس مرتبطة بالقرآن - 00:55:01

ها احنا في اخر الدرس الجاي ان شاء الله او في اخر القصة هنشرح الايات اللي نزلت. عايز احس ان انا معي ناس فعلا بتتعب وعايزة تتربى وعايزة توصل عشان كده احنا نفتح بوست ان شاء الله بازن الله لتعليقاتكم على القصة الجزء اللي فات واللي كمان بيزاكر وبيتدبر في الجزء الجاي. عيشوا معه يا جماعة - 00:55:11

ادوني التعليقات بتاعتكم ان شاء الله بازن الله. عشان اعرف مين اللي معي جد؟ مين اللي معي ناضج؟ مين اللي معي فضل ومنة الله؟ واصل لمستوى عالي. لو سمحتم يا اخواني ده - 00:55:31

طلب انا بطلبه منكم كل واحد عاش مع معاني في القصة يكتب اهم فوايد وقف معه فيها ويكتب اسمه طبعا او تكتب اسمها ان شاء الله بازن الله. بحيس ان احنا نفضل متواصلين مع - 00:55:41

وبعد كده ونقدر نبني مع بعض بازن الله سبحانه وتعالى. ربنا يبارك فيكم وربنا يسددكم. وربنا اه يعني يحفز علينا الصحبة الجميلة ديت اني احبكم في الله. والله يا جماعة ان شاء الله بازن الله قريبا هاعمل معكم اجتماع. بس مباشر لا عشان فضفضة ولا عشان حاجة. عشان نقعد نتناقش ايه افكاركم في الدعوة. طيب ايه تقترحوا - 00:55:51

بتعمل ايه على الصفحة؟ طب انتم ممكن تساعدوا في ايه؟ طب يعني انا نفسي يا اخوانا نبقى بجد فريق. انا نفسي اوصل لكم احساس جوايا اتمنى ان انتم تحسوا بي فيه - 00:56:11

نفسي ان لحد ما نموت بازن الله سبحانه وتعالى ما نسيبش بعض. ونفضل على طريق الدعوة وعلى طريق الدين وعلى طريق السبات. ربنا يجبرنا ببعض ويثبتنا ببعض الطريق صعب. ولكن ربنا معنا بازن الله. اللهم تب علينا توبة ترضى بها عنا. اللهم تب علينا توبة ترضيك. اللهم تب علينا توبة نصوحة - 00:56:21

تب علينا توبة لا نرد على اعقابنا بعدها ابدا اللهم انا نستغفرك من كل ذنب عصيناك به. ونستغفرك من كل صلاة ضيعناها. ونستغفرك من كل امر فعلناه نظنه حلال وهو عندك - 00:56:41

يا حرام ونستغفرك من كل خطوة الى حرام مشيناها. ومن كل كلمة حرام نطقناها. اللهم انا نستغفرك من كل ذنب تبنى اليك منه ثم عدنا فيه. يا من تبسط يدك بالليل ليتوب مسيء النهار. تب علينا يا ربنا من ذنوب الليل والنهار - 00:56:56

اللهم طهر مصر والدول الاسلامية من كل الذنوب والمعاصي. اللهم طهرها يا ربنا من الربا والزنا. اللهم طهرها من التبرج السفور اللهم طهرها من العلمانية ومن كل شرع يخالف شرعك. اللهم طهرها من الخمور والمخدرات. اللهم طهرها من الرشوة - 00:57:16

الحرام يا رب اللهم استعملنا ولا تستبدل بنا. اللهم استعملنا ولا تستبدل بنا. اللهم استعملنا ولا تستبدل بنا اللهم لا تتولى عنا. اللهم يا مقلب القلوب ثبت قلوبنا على دينك. اللهم يا مصرف القلوب صرف قلوبنا على طاعتك. اللهم - 00:57:36

ان القرآن اللهم ارشدنا بالقرآن. اللهم اجعل القرآن العظيم ربيع قلوبنا ونور صدورنا. وجلاء احزاننا وذهاب همومنا برحمتك يا ارحم الراحمين. سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا - 00:57:56

حبيبي انت رحماني. انا ان تبت مناني وان اذنبت رجالي ان ادبرتنا داني وان اقبلت ادناني وان احببت والاني - 00:58:17