باحث

اللهم لك الحمد كله ولك الملك كله. وبيدك الخير كله واليك كله. لبيك يا ربنا وسعديك. لبيك يا ترى ربنا وسعديك لبيك يا ربنا وسعديك والخير كل الخير في يديك. والشر ليس اليك انا بك واليك - 00:00:00ضَ

تباركت وتعاليت استغفرك واتوب اليك. اللهم صلي على الحبيب محمد وعلى ازواجه وامهات المؤمنين. وعلى بنات وال بيتي انك حميد اخواني واحبابي في الله ونحن في شهر من الاشهر الحرم. يعني ايه الاشهر الحرم يا جماعة؟ يا جماعة. يعني لو ما فيش بعد رجب - 00:00:26ضَ

رمضان او شعبان ورمضان برضو رجب له قيمته وله فضله. لو ما فيش بعد رجب وشعبان رمضان برضو رجب وشعبان موسم. عبادة رجب شهر من الاشهر الحرم يعني ايه؟ يعني الاعمال الصالحة تضاعف فيه. يعني الاعمال السيئة بتتضاعف فيه. يا ترى كل واحد فينا وصل قد ايه لحد دلوقتي - 00:00:46ضَ

ناس خدمت نصف المصحف لحد دلوقتي ولا لا؟ فينا ناس محتاجة ولا مش محتاجة؟ عائزين نتكلم يا اخواننا ولكن الاول انا مش شائف ولا واحد معه البطاقة البطايق فين يا رجالة؟ فين البطايق؟ لا كل واحد يطلع المصحف بسرعة وناس يجيبوا لنا مصاحف بقى يوزعوا المصاحف على الابرة ولا - 00:01:06ضَ

عشان انا واقف مع ايات من كتاب الله النهاردة باذن الله سبحانه وتعالى يلا يا رجالة ها ما فيش وقت احنا في سورة ايه؟ يلا يا جماعة كل واحد يفتح المصحف بتاعه كده وكل اخت تلسق المصحف بتاعها. كل واحد يمسك المصحف ويفتحه على ايات الله. خلاص - 00:01:26ضَ

بصوا يا اخواني خلاص اخواتنا كل واحد وكل واحدة معه المصحف بتاعه. ها انا عايزك تمسك المصحف بتاعك كده وانت ماسك المصحف تستشعر ده مش كتاب يا جماعة ده حبل بينك وبين الله. يا اخوانا ده الكتاب اللي هيقابلك وانت خارج من تحت التراب. يوم القيامة ويقول لك انا صاحبك القرآن. كل - 00:01:56ضَ

اية من الايات اللي احنا هنتكلم عنها دلوقتي بازن الله سبحانه وتعالى انك تفهمها وتعيشها بدرجة في الجنة. يا اخوانا ده الكتاب الوحيد الوحيد اللي حرف فيه بعشر حسنات. ده الكتاب الوحيد اللي هيستناك وانت طالع من تحت التراب. انا عايزك تمسك المصحف بفرح عايزك تمسكي المصحف باعتزاز وبفرح - 00:02:16ضَ

في الحقيقة اخونا الكريم بيقول عايزين نتكلم في سورة التوبة. الايات اللي هنتكلم فيها الوقت ده يا جماعة. لو ما عشنهاش وما اتربناش على معانيها. مش اطلع مننا الرجالة اللي هتنفز سورة التوبة قبل سورة الانفال والتوبة. قبل سور الجهاد في سبيل الله. قبل سور التضحية بالدم في سبيل الله - 00:02:36ضَ

في سورة الانعام والاعراف. احنا هنتكلم عن ايات من سورة الانعام. الحقيقة ايات انا عمري ما باشبع من شرحها. وعمري ما في حياتي وحسيت ان انا اتكلمت فيها. وحسيت ان انا قلت اللي انا نفسي اقوله فيها. انا حاسس ان الايات اللي هاقولها الليلة دي يا اخواني ما ينفعش انها تتشرح في - 00:02:56ضَ

ما ينفعش انها تتشرح في درس صدقا والله يا جماعة انا مش يعني انا بقول ان يعني بقول لنفسي كده وانا جاي بقول انا هقول لهم الاد ان شاء الله في ليلة في درس - 00:03:16ضَ

انما انا نيتي ان شاء الله بازن الله في الفترة القادمة لما نفتح مدرسة تربوية بقى. ويبقى فيه مواد تربوية. قلت الايات ده انا هاشرحها على خمس ست مرات على الاقل - 00:03:26ضَ

على الاقل على خمس ست مرات لان كل مشهد من المشاهد اللي هنقف معها دلوقتي. محتاجة وقفة طويلة عشان كده كل مرة اجي اتكلم في هذه الايات في اي مكان من الاماكن احس كده ان انا ايه هو انا قلت ايه ؟ هو انا وصلت ايه ؟ ايات عميقة جدا. ايات مليانة معاني مهولة، - 00:03:36ضَ

انا بالنسبة لي يمكن من اكتر تلات اربع مواضع في القرآن غيرت حياتي. واسرت في فكري وحياتي. يمكن من اكتر الايات اللي الواحد قرأها طول حياته في كتاب الله او صلى بها او قام بها. اخواني في الله الايات اللي هنتكلم عنها دلوقتي انا بعتزر لنفسي ولاخواني ان مش هنتكلم عنها غير - 00:03:56ضَ

في هذه الفترة القليلة ما بين المغرب والعشاء ولكن يعني للاسف الشديد الايات مكتنزه بالمعاني ومحتاجة انك تركز معي كويس جدا وتركزي معي كويس جدا عشان نقدر نعيش مع اكبر قدر من المعاني في هذه الايات الى ان يأذن الله - 00:04:16ضَ

وناخدها بقى ايه واحدة واحدة كده زي زمان كده لما الواحد كان يروح في اماكن التدبر الخلوي ويتعلم من هزه الايات المجاهدة تربية ويتعلم من هذه الايات المعاني اللي يجب ان يتأسس عليها اي انسان عايز يوصل لربنا ولكن كان الموضوع ده بياخد شهور - 00:04:36ضَ

احنا هناخده في حوالي نص ساعة او ساعة الا ربع. ركزوا معي يا جماعة افتحوا معي صفحة مية سبعة وتلاتين. سورة الانعام. صفحة مية سبعة وتلاتين قول الله سبحانه وتعالى فلما جن عليه الليل رأى. مش فلما جن عليه الليل عمي مش - 00:04:56ضَ

اما الزلم لفه من كل ناحية ما عدش شايف حاجة. ده رأى في عمق الظلام النور جه يا جماعة. في قمة الضلمة النور جه. في قمة ازمة في قمة احساسك ان انت مش عارفة توصلي لربنا. في قمة احساسك ان انت مش عارف تعمل ايه. مش عارف ترضي ربنا ازاي. مش عارف توصل - 00:05:16ضَ

ازاي ؟ في اللحزة اللي انت لسة واقف فيها على باب ربنا. لسة واقف فيها على الباب. بس خلاص من جوة هتنهار. من كتر احساسك انك ما انتش مش عارف تعمل ايه؟ ترضي ربنا ازاي؟ النور يجي في قلبك ازاي؟ في قمة الظلام بيتخلق النور. اوعى تفتكر ان رأى ديت فلما جن عليه - 00:05:36ضَ

ايه لا يرأى. اوعى تفتكر ان هو بص بعينيه كده بس فشاف. ما هو كل يوم كان بيبص لنفس الكوكب. ما هو كل يوم كان بيبص لنفس القمر. ما هو - 00:05:56ضَ

كل يوم كان بيبص لنفس الشمس. اشمعنى النهاردة لما بص للكوكب والشمس والقمر؟ قال وجهت وجهي للذي فطر السماوات. اشمعنى النهاردة يا جماعة؟ اشمعنى انوار توحيد الوجه على الله؟ تخلقك من النظر للشمس والقمر والكوكب - 00:06:06ضَ

رغم ان سيدنا ابراهيم كل يوم كان بيبص لهم. اشمعنى النهاردة يا جماعة؟ ده اللي احنا هنفسره الليلة. اشمعنى النهاردة يا جماعة؟ اشمعنى واحد ممكن يقعد في الدرس الليلة او في اي درس من الدروس ويخرج منه ويقول لك انا هاغير حياتي. وواحد يقعد ويطلع يقول انا ما استفدتش حاجة - 00:06:26ضَ

اشمعنى يا جماعة؟ اشمعنى واحد ممكن يقرا نفس الاية؟ حياته كلها تتغير. وواحد يقرا نفس الاية وهو برضو بيقوم الليل او بيصلي ويخرج منها عادي اشمعنى يا جماعة؟ نفس الشمس اللي سيدنا ابراهيم بص لها هي الشمس اللي طول النهار طالعة علينا النهاردة. نفس الامر - 00:06:46ضَ

اللي سيدنا ابراهيم بص له هو نفس القمر اللي انت لو خرجت برة الجامعة وبصيت في السما هتلاقيه في السما. نفس الكوكب اللي سيدنا ابراهيم بص له السما مليانة كواكب ومليانة نجوم. اشمعنى يا اخوانا؟ اشمعنى في الوقت ده؟ سيدنا ابراهيم وصل لتوحيد الوجه على الله - 00:07:06ضَ

وصل لمقام وجهت وجهي وجهي. وجهي اللي فيه سمعي. وجهي اللي فيه بصري. وجهي اللي فيه حواسي. انا كلي حواسي بقت لك انت لوحدك يا رب. انا وحدت سمعي مش هسمع غير عنك. انا وجهت بصري لك انت. مش هبص غير للي يوصلني لك. انا - 00:07:26ضَ

وجهت كل حواسي وبقى وجهة حياتي هو انت يا رب! اشمعنى النهاردة ؟ عشان كده بعد الربع بتاع وكذلك نري ابراهيم ملكوت السماوات بعد الربع اللي ربنا ذكر فيه ان سيدنا ابراهيم بص للكوكب وبص للشمس وبص للقمر انا عايزك تقلب معي بس صفحتين - 00:07:46ضَ

معي صفحتين صفحتين بصوا للربع اللي بعده. اللي ربنا بيقول فيه ان الله فالق الحب والنوى. بص في الاية رقم ستة وتسعين هتلاقي ربنا بيقول والشمس والقمر حسبانا. نفس الشمس والقمر اللي الربع اللي فات كان بيتكلم عن تدبر - 00:08:06ضَ

ابراهيم فيهم. بص في اية سبعة وتسعين وهو الذي جعل لكم النجوم. نفس النجوم اللي سيدنا ابراهيم كان بيتدبر فيها ربع اللي قبله كأن ربنا لما جاب لك قصة انقلاب انسان. قصة انقلاب حياة انسان بسبب التدبر في الكون. قصة انقلاب حياة - 00:08:26ضَ

انسان بسبب معرفة الله الربع اللي بعده ربنا قال لك نفس الشمس اهي قدامك كل يوم. الشمس ما اطفتش والقمر ما راحش نفس النجوم والكواكب قدامك اهي كل يوم. يلا ابدأ. يلا انطلقي. يلا. نفس الفرصة اللي كانت قدام ابراهيم - 00:08:46ضَ

اللي بقى بسببها خليل الرحمن لسة مفتوحة قدامكم كلكم يا جماعة. ولكن مين اللي هينطلق عشان يقتدي بامام الانبياء؟ سيدنا ابراهيم عليه السلام عايزين نرجع تاني للاية اربعة وسبعين في قول الله واذ قال ابراهيم لابيه ازر اتتخذ - 00:09:06ضَ

من الهة. خدوا بالكم يا اخوانا. الايات دي في سورة الانعام. الانعام والاعراف جم قبل التوبة والانفال. خدوا بالكم يا جماعة. الانفال والتوبة عن الجهاد في سبيل الله وعن رجالة القتال اللي مش طب ليه ييجي صور مكية بتتكلم عن معرفة الله قبل السور - 00:09:26ضَ

المدنية اللي بتتكلم عن انك تقدم دمك لله. كل القرآن هتلاقوه بالمنزر ده. بصوا في سورة الاحزاب اللي بتتكلم عن القتال. كل السور اللي قبلها مكية وكل السور اللي بعدها مكية. تتكلم عن ربنا والعبادة. بصوا لسورة النور اللي بتتكلم عن شريعة الله. المدنية - 00:09:46ضَ

هتلاقوا كل السور اللي قبلها مكية وكل السور اللي بعدها مكية. بصوا لسورة محمد والفتح والحجرات. سور القتال في لله هتلاقوا كل السور اللي قبلها مكية وكل السور اللي بعدها مكية. ليه؟ ليه يا اخوانا سورة التوبة والانفال اللي بتتكلم عن - 00:10:06ضَ

القتال في سبيل الله ييجي قبلها الانعام والاعراف اللي بيتكلموا عن ربنا وعن العبادة وعن العقيدة ليه؟ اللي مش هيتربى صح يا اخوانا مش هيقدر ينزل الواقع وينصر دين ربنا. خدوا بالكم من المعنى ده كويس جدا. اللي مش هيتبنى صح. اللي مش هيتربى - 00:10:26ضَ

هو صح مش هيقدر يعمل حاجة. ركز معي بقى. وركزي معي. قبل ما ننزل تاني في البحر بتاع الايات. لازم نقف مع الوقفة دي. يا اخوان امة يا اخوانا اللي مش هيعيش مع معاني الانعام والاعراف مش هيقدر يعمل بطولات الانفال والتوبة. اللي مش هيتربى على - 00:10:46ضَ

صفة ربنا لو انت ما اتربتش هنا. لو انت ما اتربتيش في بيئة الايمان. لو انت ما اتربتش في رجب وشعبان ورمضان على العبادة مش هتقدر تخرج من رمضان بطل. مش هتقدر تخرج من رمضان. تقدر تغير في الواقع. سبحان الله العظيم! كنت بقرأ في سورة الكهف. لقيت - 00:11:06ضَ

ربنا سبحانه وتعالى بيقول فأووا الى الكهف واصحاب الكهف قرروا ان هم يدخلوا بيئة الايمان بتاعتهم. قرروا ان هم يدخلوا الكهف يا رجالة قرروا ان هم يدخلوا الكهف زي الكهف اللي احنا فيه الوقت ده. زي بيئة الايمان اللي احنا فيها دلوقتي دي. باقرأ الايات. فلقيت في نفس الصفحة ربنا - 00:11:26ضَ

بيقول فابعثوا احدكم بورقكم هذه الى المدينة. قلت ايه؟ ابعثوا ابعثوا. البعث خرج من الكهف يا جماعة البعس الواقع الميت اللي برة. اخيرا رجالة البعث الرجالة اللي ربنا هيبعث الواقع بهم. الرجالة اللي ربنا هيقوم الواقع - 00:11:46ضَ

فيهم هيخرجوا من بيئة الايمان. بيخرجوا من الكهف. يعني عايز اقول لك ايه. عايز اقول لك ان من غير تربية مش هيخرج رجالة. والمؤمن قال ربنا بيقول وجاء من اقصى المدينة رجل يسعى. اقصى المدينة بيعمل ايه؟ بيتربى. بيتربى بيتزكى. الراجل ده لما نزل - 00:12:06ضَ

في الواقع عمل بطولة ربنا خلدها في القرآن ليوم القيامة. هو دي التربية. ثمرة اللي نزل الواقع بعد ما اتربى. انما اللي نزل الواقع من غير ما يتربى زي اللي اسلموا مع النبي عليه الصلاة والسلام في مكة في فتح مكة. فالنبي خدهم وراح بهم يقاتل في حنين - 00:12:26ضَ

هم دول اللي قالوا اجعل لنا زات انواط يا رسول الله. هم دول اللي طلعوا يجروا من المعركة وكنا هنتهزم بسببهم. في حنين لولا ان ثبت نبي الله عليه الصلاة والسلام والصحابة هم دول اللي جروا ليه؟ لانه نزل الواقع من غير ما يتربى. نزل الواقع من غير ما يتضلع من القرآن. نزل - 00:12:46ضَ

الواقع من غير ما يعيش معاني الانعام والاعراف. فلما نزل واقع الانفال والتوبة ما قدرش انه يعمل حاجة. عايز اقول لك وعايز اقول لك انك دورك في الواقع لنصرة الدين على قد ما هتتربى هنا صح. دورك في الواقع لانك انت تربي رجالة. دورك في الواقع - 00:13:06ضَ

بتشتغلي في الدعوة. دورك في الواقع ان لما تيجي ازمة من ازمات الدين تقف مع الدين على قد ما هتتربى صح. عشان كده عايزين نهتم قوي الحاجات اللي احنا بنسمعها دلوقتي يا اخواني عايزين نركز جدا مع هزه الايات لان على قد ما هتتربى على هزه المعاني على قد ما على قد ما تكون - 00:13:26ضَ

كل حاجة في حياتك هتتغير بعد كده. يعني في الحقيقة اخواني في الله ان آآ يعني آآ آآ القصة اللي احنا بنتكلم فيها ديت قصة انقلاب. انسان تحول الى خليل الرحمن. ليه؟ بسبب معرفة الله. انقلاب في الحياة بسبب ايه؟ معرفة الله. واحد هيقول لي طب ما انا عارف ربنا لا - 00:13:46ضَ

احنا مش عارفين ربنا المعرفة اللي تغير حياتنا. انت ما انتاش عارف ربنا المعرفة اللي تغير حياتك زي اي واحد. قرأ القرآن فحس ان صدره انتعش كده. وحس سنة ايمان وزاد كده يقول لك ايوة كده هي دي القراية. يا ابني انت متهيأ لك. يا ابني انت عامل زي اللي واقف ساند ضهره على سور جنينة من برة مش - 00:14:06ضَ

من جوة العطور بتاعة ازهار الجنينة واصلة له الحي لحد برة. فهو متهيأ له ان جوة الجنينة. انما حقيقة العطور اللي جوة حاجة التانية فرع من الجنينة ماتت لبرة فقام منزل عليه تفاحة مسلا فهو بياكلها متهيأ له انه بياكل وهو جوة الجنينة. هو مش عارف - 00:14:26ضَ

الحمار اللي جوة شكلها ايه ؟ يا اخوانا القصة دي بتعلمنا لو معرفة ربنا دخلت في قلبك. لو معرفة ربنا دخلت في قلبك لو فعلا عرفنا من هو الله. حياتنا هتتقلب ازاي ؟ حياتنا هيتغير فيها كل حاجة ازاي ؟ الموضوع الليلة جدة يا جماعة - 00:14:46ضَ

واحنا داخلين على رمضان بازن الله سبحانه وتعالى. وفات عشر تيام من رجب وما عدش غير خمسين يوم على يعني اطول موسم للتغيير في السنة كلها عشان كده عايزين نعلي الكلام بتاعنا وعايزين نركز الوقتي على معاني التربية اللي في الايات. هنتكلم عن ايه ؟ الحقيقة ان انا يعني - 00:15:06ضَ

ايه دي الايات بتاعة سيدنا ابراهيم في سورة الانعام وفي كل مكان في القرآن مليانة فوايد كتير اوي. فلقيت ان فيه مشاهد اساسية عشان نلم دماغنا انا عن مشاهد اساسية. المشهد الاول في الايات وده اكتر مشهد يوقفنا الوقتي في الايات. مشهد المجاهدة. مشهد المجاهدة - 00:15:26ضَ

بطولية اللي سيدنا ابراهيم جاهدها. ووصل لما وصل اليه بسبب هذه المجاهدة. بازن الله. المشهد التاني مشهد ام يعني ايه الهم؟ في همدوح وهم مذموم. هقول لك دلوقتي يعني ايه مشهد الهم. المشهد التالت. مشهد الطموح يا - 00:15:46ضَ

شباب مشهد الطموح يا جماعة. مصيبة التوقف. الاخ يدرس كتاب ويقف عليه. الاخت تحضر لها شهر شهرين دروسه تقف على كده. الاخ مصيبة التوقف مشهد الطموح يا اخوانا. مشهد ان سيدنا ابراهيم ما كانش بيقنع باي مستوى يوصل له - 00:16:06ضَ

كل ما يوصل لمستوى عايز اللي بعده. عايز اللي بعده ما بيقفش ابدا. ليه؟ هنعرف الوقتي ليه؟ المشهد الرابع مشهد الذاتي يعني ايه مشهد الذاتية؟ يعني ايه؟ يعني ان سيدنا ابراهيم كان في الموقف ده لوحده ما كانش معه زوجة صالحة متجوزة - 00:16:26ضَ

ما كانش لسه فيه ما كانش معه طلبة يساعدوه. ما كانش معه صحبة صالحة. سيدنا ابراهيم عمل ايه في الايات دي؟ المشهد الخامس مشهد في الدعوة يعني ايه مشهد الدعوة؟ هنتكلم دلوقتي عن اول جولة في حياة سيدنا ابراهيم. اول جولة سيدنا ابراهيم عملها في الواقع - 00:16:46ضَ

وعمل الجولة دي امتى؟ وعمل فيها ايه؟ وجاب القوة الرهيبة دي منين؟ وهل لو سيدنا ابراهيم ما كانش تدبر في الكون وما كانش وقف الوقفة البطولية الجهادية بتاعته دي كان قدر يواجه الواقعة بالقوة دي. الاية اربعة وسبعين سيدنا ابراهيم بيقول لابوه - 00:17:06ضَ

تتخذوا اصناما الهة بس كده. انما في الاية تمانين سيدنا ابراهيم لامم الدنيا كلها حواليه. وواقف في وش الدنيا كلها وبيجهر بكلمة الحق في وش الدنيا كلها. وبيقول لهم كيف اخاف لو الدنيا كلها وقفت في وشي انا مش هاخاف. في اية اربعة - 00:17:26ضَ

اسماعيل اشتغل في الدعوة يا جماعة. وفي اية تمانين اشتغل في الدعوة. ولكن شتان ما بين البطولة بتاعة اية تمانين وما بين الدعوة بتاعة اية اربعة وسبعين. الفرق ما بين الاتنين ايه ؟ الفرق ما بين الاتنين الفترة اللي سيدنا ابراهيم تدبر فيها في الكون - 00:17:46ضَ

شكرا لسيدنا ابراهيم جاهد فيها من اجل الوصول الى الله. يبقى اذا المعنى اللي قلناه في الاول كل ساعة هتقضيها في المجاهدة عشان قلبك ساعة ما هتنزل الواقع هتعرف هي فرقت معك قد ايه. كل ليلة هتقوميها. كل خاتمة هتختمها. كل جلسة ضحى هتقعد - 00:18:06ضَ

خدها كل درس هتحضريه. كل عمل ايماني هتعمله. كل اية هتجاهد فيها وتفضل ترددها. كل درس علمي هتحضره طريق يوم ما تنزل الواقع وتشتغل في الدعوة هتعرف هيفرق معك قد ايه. زي الفرق اللي فرقته معه اللي فرق مع سيدنا - 00:18:26ضَ

لما وقف من اجل التدبر في الكون واحد هيقول هو سيدنا ابراهيم كان بيتدبر في الكون ولا في قول ان هو كان واقف بيدعو قومه انا مختار القول بتاع امام المفسرين الامام الطبري وبتاع حامل لواء العلم يوم القيامة سيدنا معاذ ابن جبل وبتاع كثير من المفسرين - 00:18:46ضَ

ان سيدنا ابراهيم كان متدبرا كان يجاهد من اجل التدبر. كان يجاهد من اجل الوصول الى جلال الله وعظمة الله من كون الله سبحانه وتعالى الحقيقة لسة فيه مشاهد تاني يا جماعة فيه مشهد النقلات. يعني ايه مشهد النقلات؟ هنتكلم الوقتي - 00:19:06ضَ

فلما رأى القمر بازغا قال هذا ربي فلما افلا قال لان لم يأتني ربي لاكونن من القوم الضالين. ده ما ينفعش. القمر ده ما ينفعش. يعني ايه النقلات؟ يعني كل ما هتبص على سيدنا ابراهيم من اية لاية هتلاقيه نقل نقلة. سيدنا ابراهيم كان - 00:19:26ضَ

كلها نقلات يا جماعة. فيه اخ بيطلع روحك عشان ينقل نقلة. فيه اخ بيطلع روحك عشان يطبق السنة. فيه اخت طلع عنين الداعيات الى الله والدعاء الى الله. عشان تقدر تقوم ليل. فيه اخ مرهق معنت. لكل اللي بيحاول - 00:19:46ضَ

يوجهه لكل اللي بيحاول انه يربيه. لكل اللي بيحاول انه يوعظه. في اخ مرهق على ما ينقل نقلة في دينه. على ما يسيب المعصية اللي غرس فيها. على ما يقتنع بفكر العبادة. على ما قلبه يعتنق فكر الاستعداد لرمضان. على ما يبدأ يسبت ورد عبادة - 00:20:06ضَ

على على على على ما يقبل الصحبة الصالحة اللي حواليه. على ما يبدأ يطلب علم بيطلع روح اللي بيربيه. بيطلع عينين اللي بيوجهه انما فيه انسان بينقل يا جماعة بكل سهولة. هنتكلم عن مشهد النقلة وهنتكلم عن مشهد الانوار. الانوار المهولة اللي ربنا نزلها - 00:20:26ضَ

على قلب سيدنا ابراهيم يعني الحقيقة الايات مشاهد كتير اوي انا ما اعرفش هنقدر نتكلم عن ايه من هزه الايات؟ هنقدر نقف مع ايه من هزه الايات ما اعرفش ولكن الطلب اللي انا بطلبكم بطلبه منكم يا اخواني الايات دي كافية لتغيير حياة اي انسان هيفهمها. الايات دي - 00:20:46ضَ

الايات اللي ربنا بيوصف لك فيها بداية سيدنا ابراهيم. البداية بتاعته. يعني دايما لما يقول لك مسلا النجم الفلاني فلما يكلمك عن الفارست دايز بتاعة النجم الفلاني. الكل يركز. يا ترى فلان دا بدايته كانت ايه؟ يا ترى ايه العمل اللي عمله في الاول - 00:21:06ضَ

انزار الدنيا ليه ؟ يا ترى ده وهو صغير كان ايه ؟ يا ترى دايما الناس يا جماعة دايما لو جبنا مسلا شيخ من المشايخ الكبار او عالم بالعلماء الشيخ الالباني الله يرحمه وقلنا هنعمل حوار معه يكلمنا عن ايامه الاولى. كان بيطلب علم ازاي؟ ازاي صدره انشرح للعلم؟ ايه البداية - 00:21:26ضَ

يقينا كل بطولة وراها بداية قوية جدا. ربنا جايب لنا بداية سيدنا ابراهيم الفارس تنايس. الايام الاولى الايام الاولى وسيدنا ابراهيم لسة يا جماعة لسة ما بقاش خليل الرحمن قدام الدنيا. سيدنا ابراهيم لسة ما بناش - 00:21:46ضَ

الكعبة. سيدنا ابراهيم لسة ما لفش الدنيا. سيدنا ابراهيم لسة عايز يوصل لربنا. عشان كده باقول لكم الايات دي غيرت حياتي ليه لان الايات دي قدوة لنا. قدوة لنا ليه؟ ربنا بيقول لك البداية اهي. عايز تبدأ صح شف البداية الصح. شكلها ايه؟ شف اللي عايز - 00:22:06ضَ

يوصل لربنا بيبدأ بداية شكلها ايه ؟ هنتعلم البداية السليمة في العلاقة مع الله. هنتعلم ضربة البدء في التربية من الايات اللي احنا بنتكلم فيها هنتكلم الاول عن مشهد المجاهدة. ايه مشهد المجاهدة ده؟ ركز معي الاول من اول اية اربعة وسبعين كده - 00:22:26ضَ

قال ابراهيم لابيه ازر واذ لما تسمع كلمة از في كلمة في قصة من قصص الانبياء او الصالحين اعرف ان دي اعظم مشاهد في الصالحين. لما ربنا يقول لك اذ انتبذت من اهلها. اذ جاءها المرسلون. لما تسمع كلمة اذ دي اعرف ان المشهد اللي جاي ده - 00:22:46ضَ

ان بالزبط كده واحد عاش سيدنا ابراهيم عاش مسلا حوالي مية وخمسين سنة عليه السلام لما ربنا لما الايات تلتقط لك عدة مشاهد من المية وخمسين سنة وتجيبها لك معناها ان دي اعظم مشاهد في المية وخمسين سنة. لما السيدة مريم تعيش المدة اللي عاشتها - 00:23:06ضَ

والايات تلتقط مشهدين معينين. اعرف ان دول اعظم مشهدين في حياتك. يمكن ده المشهد اللي ربنا رضا عن ده فيه يمكن ده المشهد اللي ربنا اصطفى ده او اختاره فيه. يا ترى اعظم مشهد في حياتك ايه؟ يا ترى اللحظة اللي ربنا رضى عنك فيها كانت امتى؟ وجت ولا - 00:23:26ضَ

يا ترى اللحظة او العمل اللي ربنا هيختارك بسببه جه ولا لأ؟ يا ترى العمل اللي هيدخلك الجنة عملتيه ولا لأ يا ترى لو احنا قلنا اذ وحبينا نتكلم عنك او عنك هنلاقي اعمال نقولها ولا لأ. لما نسمع كلمة اذ اعظم مشاهد في حياتك - 00:23:46ضَ

هزه الشخصية اللي ربنا بيتكلم عنها. يا اخوانا ربنا بعت مية اربعة وعشرين الف نبي ورسول. وكل نبي ورسول منهم له صحابة وصحابة صحابة وسلف. انا عايز اقول لكم ان لما ربنا يتكلم القدر اللي اتكلمه في القرآن عن بطولات الصالحين. معناه ان ربنا اختار من ملايين المشاهد - 00:24:06ضَ

بطولية الايمانية في الحياة اختار مشاهد معينة. عشان كده لما تشوف المشاهد دي ركز كويس اوي لان دي اعظم مشاهد البطولية ايمانية اتعملت في الحياة. واذ قال ابراهيم لابيه ازر اتتخذ اصناما الهة! انتم مجانين! قلة - 00:24:26ضَ

انتم بتعملوه ده! فيه شاب بيمشي في الشارع يا جماعة! لما يشوف المتبرجات لما يشوف اللوحات اللي معلق عليها صور التبرج! لما يشوف الفساد يبقى هيموت عليه. انا شايف اغراء مبين. انا شايف اغراء مبين. انما سيدنا - 00:24:46ضَ

بيقول اني اراك وقومك فيه ضلال مبين. انك انت تشوف صح. انك ما تتفتنش بالواقع. سيدنا ابراهيم كان ممكن يبص الواقع اللي حواليه ويقول لك انا عايز اجاهد نفسي لا ده سيدنا ابراهيم بص للواقع على انه واقع مجانين اللي - 00:25:06ضَ

بيعملوه ده جنون. ليه؟ اني اراك وقومك في ضلال مبين. انك انت ما تشوفش التبرج اغراء. انك انت ما تشوفيش الفتن اغراء انك انت تشوف المعصية على قبحها الحقيقي. وكذلك نري ابراهيم. انا عايزك تركز في كلمة اني - 00:25:26ضَ

ايه اراك وكذلك نري. فلما جن عليه الليل رأى فلما رأى الشمس امس فلما رأى القمر فلما رأى انا عايزك تركز على كلمة رأى دي. رأى دي يعني ربنا وراها يا جماعة. ان - 00:25:46ضَ

ربنا يوريك انك انت تخرج الليلة تبص في السما ربنا يوريك السما. انت كل مرة كنت بتنظر لها بعينيك انما ان ربنا يبقى بصرك الذي تبصر به. ان ربنا يأذى انك انك تشوف الجلالة اللي فيها. الافتقار يا جماعة. انه - 00:26:06ضَ

ربنا يفتح على سمعك وعلى بصرك وعلى قلبك فتشوف فتشوف احيانا الواحد يتدبر في سورة يحس ان هو قلبه هيتخلع تعدي الايام ييجي يبص لها يحس ان هو مش شايف حاجة فيها. يقول سبحان الله! في يوم من الايام ربنا كان موري لواحد. شف الرؤية اتسحبت من - 00:26:26ضَ

ليه؟ وكذلك نري اي كما اريناه الباطل باطلا. اني اراك وقومك في ضلال مبين. كما اريناه الباطل باطلا سنريه الحق حقا. هنوري ابراهيم. ربنا هيوري ابراهيم الحقيقة. ربنا هيوري ابراهيم الطريق السليم - 00:26:46ضَ

حاسس انك تايه ؟ حاسة انك انت حيرانة. حاسس انك انت مشتت يا جماعة. اللي هيعرف ربنا الشتات هينتهي من حياته وكذلك نري ابراهيم ملكوت السماوات والارض. الله اكبر. الكلمة نفسها اتحرك - 00:27:06ضَ

قلبك ملكوت السماوات والارض. هو ايه الملكوت اللي حوالينا في السما والارض ده؟ فكرت انك انت تبص فيه قبل كده؟ فكرت انك تقف وتتدبر وتفكر قبل كده. ربنا لما اراد انه يوصل ابراهيم لليقين. وصله لليقين من عبادة التدبر في خلق الله. التدبر - 00:27:26ضَ

في خلق الله هي العبادة اللي ربنا اهل بها الانبياء. لما ربنا اراد انه يأهل ابراهيم التدبر هو اللي خلى النبي نبي يا جماعة من العبادات الخطيرة اللي احنا مقصرين فيها اوي. من العبادات اللي تقلب حياة اي انسان هيركز فيها عبادة التدبر في خلق - 00:27:46ضَ

زي ما النبي عليه الصلاة والسلام قال ويل لمن قرأها ولم يتفكر فيها. القضية مش انك انت قريت الايات. القضية مش انك بصيت للسما والشمس والقمر مين اللي فكر يا جماعة؟ مين اللي فكر السيدة ام سلمة تقول وكان رسول الله صلى الله عليه وسلم كلما - 00:28:06ضَ

خرج من بيتي نظر الى السماء. النبي على طول كان بيبص في السما. الصحابة نفسهم لاحظوها. قالوا وكان كثيرا ما انظروا للسماء. سيدنا ابن عباس مات مرة عند ام المؤمنين ميمونة يراقب قيام النبي عليه الصلاة والسلام. قال لك النبي لما استيقز لقيام الليل نزر الى السماء - 00:28:26ضَ

ثم قرأ ان في خلق السماوات والارض. النبي عليه الصلاة والسلام بينشط نفسه لقيام الليل بالتدبر في خلق الله. السيدة عائشة بيقولوا لها ايه اعجب حاجة شفتيها من النبي عليه الصلاة والسلام. اعجب حاجة شفتها ايه ؟ موقف بطولي في القتال في سبيل الله. ولا موقف بطولي في الدعوة الى الله - 00:28:46ضَ

ولا اعجب حاجة قالت لهم اعجب حاجة الليلة اللي نزل فيها قول الله ان في خلق السماوات والارض ارض واختلاف الليل والنهار. لايات لاولي الالباب حين يذكرون الله قياما وقعودا وعلى جنوبهم ويتفكرون في خلق السماء - 00:29:06ضَ

والارض ويتفكرون في خلق السماوات والارض. ربنا ما خلقت هذا باطلا. سبحانك! فقنا عذاب النار. قالت لهم الليلة اللي النبي عليه الصلاة والسلام نزل الايات دي عليه فيها. النبي فيه وقف يصلي وسابني بعد ما جلدي مس جلده سابني سابني في اكتر لحزة ممكن يعني الزوج اللي بيحب زوجته - 00:29:36ضَ

ويبقى عايز يبقى جنب زوجته فيها. سبني وقف يصلي قعد يعيط. لحد ما لحيته اتبلت. وبعد كده سدره اتبل. وبعد كده الدموع بدأت للارض وقعد يركع ويعيط ويسجد ويعيط. عليه الصلاة والسلام. بعد كده نام. الدقايق اللي كان بينام - 00:30:06ضَ

قبل الفجر نام نام قعد يعيط وهو نايم. سيدنا بلال جاي يصحيه لقى النبي مش نايم لقى النبي عينيه مغمضة نازلة من عينيه. عليه الصلاة والسلام. قال له ما يبكيك يا رسول الله؟ مش صحاه. قال له انزلت علي الليلة ايات - 00:30:26ضَ

ويل ويل ويل ايها الملتزمين والملتزمات لمن قرأها لمن قرأها لمن قرأها ولم يتفكر فيها. يا يا ويله اللي هيقرا الايات من غير ما يفكر ويعيش معها. يا ويله اللي هيبص في السما والارض وما - 00:30:46ضَ

يا ويله اللي الشمس مش هتوصله لربنا. يا ويله اللي النجوم والمجرات والارض والعشرين نوع كائن حي اللي على وجه الارض مش هيوصله لربنا. يا ويله اللي هيبص في المراية بدل ما يفكر في اعجاز ربنا في خلقه - 00:31:16ضَ

يقعد يفكر في شكله ويفكر فيه هو وسيم ولا لأ ولا يا ويله ويل لمن قرأها ولم يتفكر فيها لما ربنا اراد انه يوصل ابراهيم لليقين دخله من باب التدبر في خلق الله. وكذلك نري ابراهيم - 00:31:38ضَ

ملكوت السماوات والارض. وليكون من الموقنين. الله اكبر. عرفتم تقولوا ايه يا جماعة؟ عرفتم ليه الشباب شاكك في ربنا؟ عرفتم ليه الشباب صدورهم مليانة شكوك في وجود الله؟ والعياذ بالله. عرفتم - 00:31:58ضَ

ليه ؟ كل شوية تقابل واحد ولا يجي لي واحد ده انا لي قريب دخل على النت ودخل على مواقع الملحدين وبقى عنده شبهات عرفتوا ليه يا جماعة؟ ليه ما فيش وليكون من الموقنين؟ لان ما حدش بيبص يا اخواننا ما حدش بيفكر يا جماعة - 00:32:18ضَ

ما حدش بيتدبر لا انسى مرة وانا في سنة تانية كلية وقلت انا عايز اوصل لايمان حقيقي يعني مش ايمان كده لان الواحد طلع مسلم اوي اوي اوي. فدخلت معرض كتاب لقيت كتب لاكبر دار شيوعية بتوزع كتب الالحاد في العالم - 00:32:38ضَ

فلقيت كتاب كده اسمه البيولوجي كالكلوك. كتاب الساعة البيولوجية بالانجليزي. فقلت اجيب الكتاب بصراحة ما اكدبش عليكم. انا كنت بدفع الفلوس وايدي بترتعش. وكنت بمسك الكتاب وايدي بترتعش. ليه؟ خايف. ايماني ضعيف. احسن يقولوا لي شبهة - 00:32:58ضَ

على قلبي ولا حاجة. فتحت الكتاب يا جماعة ما انساش والله العزيم اول صفحة اذكر اول صفحة وقمت قافل الكتاب وقعدت اضحك. اه يا شوية مجانين. هو ده اللي انتم بتضلوا العالم به. اول سؤال في الكتاب. كان اول فصل فيه - 00:33:18ضَ

قالوا سؤال حير الاطباء. لو دخل ميكروب محتاج يتكبر الاف المرات تحت الميكروسكوب. عشان يتشاف لو دخل في دم الام جهاز المناعة كله بيتقلب. جهاز المناعة بيعمل حرب مهولة عليك - 00:33:38ضَ

في حين ان الجنين بيوصل لتلاتة اربعة خمسة ستة كيلو. هو والحاجات اللي حواليه هو بطن الام وده جسم غريب عنها. جيناته غير جيناتها. وجهاز المناعة ما بيحاربوش. وما فيش خلية - 00:33:58ضَ

ساعة واحدة بتعمل له حاجة ده جهاز المناعة بيقعد يحميه. ليه ده حصل؟ قلت اه يا شوية مجانين هيكون ليه؟ هيكون ليه؟ الميكروب اللي جهاز المناعة كله اتقلب عشانه. ها مين اللي قلب جاز المناعة ليه؟ والجنين ده مين اللي حماه؟ مين اللي حفزه؟ مين اللي رعاه غير - 00:34:18ضَ

ربنا سبحانه وتعالى حسيت ان الناس دي ما عندهاش حاجة. حسيت ان الناس دي فعلا ما عندهاش اي حاجة. كان فيه كتاب تاني اشتريته برضه معه. كان اسمه علم سلوك الحيوانات والحشرات والطيور. افتكر والكاتب بتاعه كان شيوعي - 00:34:38ضَ

افتكر انه كان قاعد يتكلم عن حفلة الزفاف كان فصل من الفصول. حفلة الزفاف بتاعة جواز معلش يا جماعة يعني صرصار من صرصار والله العزيم قعد يتجوز والله يا جماعة. يعني واحد مرعب. بيتكلم عن حفلة جواز الصراصير - 00:34:58ضَ

والصراصير لما بتيجي تحضر والرقصة اللي بتحصل في الحفلة. انا انا بقى مخي هيطير يا جماعة. الناس دي قول الله الذي اعطى كل شيء خلقه ثم هدى. الناس دي ما سمعتش قول الله وما من دابة في الارض. ولا طائر يطير - 00:35:18ضَ

لا يحيي الا امم امثالكم. الناس دي ما بتشوفش الناس دي ما بتفهمش. سبحان الله العظيم. وكذلك نهي ابراهيم السماوات والارض اللي هيتدبر هيحصل ايه وليكون من الموقنين. هيوصل لليقين الراسخ - 00:35:38ضَ

الجازم بوجود الله وعظمة الله وقدرة الله وهيؤخذ بقلبه الى الله. سيدنا ابراهيم يا جماعة ودي النقطة الحرجة بقى اللي احنا وصلنا لها. سيدنا ابراهيم يا جماعة حس بحاجة جواه. حس ان الناس دي كلها ضايعة - 00:35:58ضَ

ابراهيم شاف نور ان الناس دي ضايعة. وشاف نور ان الكون ده عظيم. سيدنا ابراهيم في جواه عمل ايه ؟ فلما جن عليه الليل رأى كوكبا، عمل ايه ؟ الناس ركز معي. ساب الناس وفضل ماشي. ماشي. ماشي. لحد ما راح في مكان كله ضلمة - 00:36:18ضَ

لحد ما لفوا الظلام من كل ناحية جنة عليه. يعني لفه الظلام كما يلف الرحم الجنين يعني بقى كل اللي حواليه ضلمة ، ما فيش معه مخلوق ووقف ما خدش معه اي حاجة. ما رجعش البيت بتاعه - 00:36:48ضَ

سيدنا ابراهيم فضل واقف في المكان ده. بص للكوكب لحد ما طلع وغاب. بعد كده ما رضاش يروح. بص للقمر لحد غاب القمر بيغيب يا جماعة على جلسة الضحى نهاية جلسة الضحى. ما رضاش يروح ولا ياكل ولا يشرب. بص للشمس لحد ما غاب - 00:37:08ضَ

والايات ما بتقولكش ان سيدنا ابراهيم بدأ هنا. ده سيدنا ابراهيم الله اعلم وهو بادئ من امتى ؟ ولكن الايات بتقول لك انه قعد اربعة وعشرين ساعة لرضيا ياكل ولا راضي يشرب ولا راضي ينام موقف حياته موقف حياته - 00:37:28ضَ

على الوصول الى الله. فلما جن عليه الليل لما الزلام لفه من كل ناحية. سيدنا ابراهيم لما ربنا ادى له نور وقف سيدنا ابراهيم في الف واحد ممكن في الكرة الارضية وقتها - 00:37:48ضَ

بص للاصنام كده وقال ايه شوية المجانين اللي قاعدين يعبدوا اوثان دي! وبعد كده مراته نادت له ولا مراته قالت له تعال اما نتفسح ولا ولا ولا جا له تجارة ولا جا له شغلانة ولا جا له فسحة فقام سايب ده. اوعى لما ربنا يديك نور - 00:38:08ضَ

ما تقفش عشانه. سيدنا ابراهيم لما ربنا ادى له النور وقف عشان النور يرسخ ويزيد. كم مرة ربنا اداك في قلبك نور انك بتحب القرآن وضيعته واتشغلت عنه. كم مرة خرجت من رمضان هتموتي عشان قيام الليل؟ واتشغلت - 00:38:28ضَ

عن قيام الليل وراح النور. كم مرة ربنا اداك نور وانت ضيعته؟ كم مرة ربنا اداك نور وانت ما رضيتش تقف عشانه؟ سبحان الله عظيم يا جماعة. كم مرة ضيعنا انوار ربنا اداها لنا؟ سيدنا ابراهيم لما ربنا ادى له النور يعني انت دلوقتي ممكن تكون قاعد هتتجنن عشان رمضان - 00:38:48ضَ

انا عايز استعد في رجب وشعبان. ده نور ربنا اداه لك. اوعى تنشغل عنه بحاجة. اوعي تتشغلي عن النور اللي ربنا اداه لك بحاجة. ساعات الواحد يبص في القرآن كده ايه ده! هو الواحد آآ الواحد ازاي مفرط في القرآن وما هوش عايش معه على طول! ده نور - 00:39:08ضَ

او ما اتبعتوش انك انت وقفت عشانه هيروح منك وهيضيع منك. فلما جن عليه عليه عليه لوحده سيدنا ابراهيم ما كنش معه حد يا جماعة. وده مشهد الذاتية. ولكن صمم انه يكافح عشان يوصل لربنا سبحانه وتعالى - 00:39:28ضَ

ما كانش فيه حد معه ولكن مصمم انه يكافح. جن عليه الليل. يعني ما كانش حد معه. ده مشهد الهم يا اخوانا بصوا يا شباب فيه واحد الدين ما هوش قضية من قضايا حياته. قضيته الدنيا اللبس. وفيه واحد الدين عنده قضية من ضمن القضايا. يعني - 00:39:48ضَ

انه يبقى في الدنيا ناجح وفي الدين ناجح. وفي واحد الدين عنده القضية الاولى في حياته. وفي واحد الدين عنده القضية الوحيدة في حياته. ده سيدنا ابراهيم. الدين قضيته الاولى والوحيدة في حياته. قضية الهم يا جماعة. انتم عارفين - 00:40:08ضَ

عارفين ليه نفس الشمس اللي سيدنا ابراهيم بص فيها انت لما بصيت فيها ما وصلتش لوجهت وجهي عارف ليه؟ لانه كان بيبص بهم هم الوصول الى الله. اقرأ القرآن بهم الوصول الى الله. وشف هتخرج منه بايه. اسمع درس بهم الوصول الى الله - 00:40:28ضَ

وشف هتخرج منه بايه. تدبر في الخلق بهم الوصول الى الله. وشف هتوصل ايه. القضية قضية ان الفتح على قدر الهم يا جماعة الفاتحة على قدر الهم. سيدنا ابراهيم قصر همه على مراد الله. وكسر همه على الوصول الى الله - 00:40:48ضَ

يعني سبحان الله العظيم الايات ربنا بيقول لك فلما جن عليه الليل رأى لما الظلام شد قوي النور جه رأى لما المجاهدة زادت اوي الفتح جه ماذا لو غابت المجاهدة. اهم معنى الواحد بيتكلم في الايات دي عشانه الليلة. لو ما رضيتوش انكم تجاهدوم عشان رمضان. لو ما رضاناش - 00:41:08ضَ

احنا نروح الليلة نمسك المصحف ونقاتل في الصلاة عشان الايات دي تدخل في قلوبنا. شف الحديث المرعب عن النبي عليه الصلاة والسلام حديس ضياع الايمان. ازاي الايمان بيضيع؟ ازاي الملتزمين بينتكسوا؟ ازاي الملتزمات بيضيعم وبيدوبوا - 00:41:38ضَ

حديس حزيفة رضي الله عنه حدثنا رسول الله صلى الله عليه وسلم عن الامانة انها تنزل في جذر بالرجال بيقول لك تنزل الامانة في جذر قلوب الرجال. ثم علموا من القرآن ثم علموا من السنة - 00:41:58ضَ

ثم حدثنا رسول الله صلى الله عليه وسلم عن رفعها. ازاي الدين بيترفع من القلب؟ فقال النبي صلى الله عليه وسلم ينام الرجل النوم. ينام الاخ النوم. تنام الاخت النومة - 00:42:18ضَ

يا اللي ليلك نهارك نايم. يا اللي نمت لحد الوقتي ميت مرة. ينام الرجل النوم فتقبض قل امانة من قلبه فيظل اثرها مثل الوقت. ثم ينام النوم فتقبض اي الامانة من قلبه. فيظل اثرها مثل المجل. كجمر - 00:42:38ضَ

دحرشته على رجلك فنفض فتراه منتبرا وليس فيه شيء. فهمتم؟ ولا ما فهمتوش المعنى؟ النبي بيقول لك ازاي الدين بيتسحب من القلب. بيقول لك ازاي يبقى عندك دين وفجأة تلاقي دينك راح. وليس فيه شيء. ملتزم شكله من - 00:43:08ضَ

مرة ملتزم منتقبة شكلها من برة منتقبة وليس فيه شيء من جوة فارغ. بيقول لك ينام الرجل النوم يعني يغفل طفلة. يعني الاخ ينتكس. يعني الاخ يتشغل عن الدين بتاعه شوية. فتقبض الامانة من قلبه. وهو في الفضل - 00:43:37ضَ

اللي لعب فيها دي تترفع الدين من قلبه. فيظل اثرها مثل الوقت الوقت اللي هو ايه؟ لما البلحة بتبدأ وهي نية نقطة فيها تستوي نقطة واحدة. يقول لك ده ايه؟ ده ده الوقت النقطة دي دلوقتي يعني ايه؟ يعني القلب يبقى - 00:43:57ضَ

ما عدش فيه غير نقطة خير واحدة. نقطة خير هي اللي فاضلة. ثم ينام النوم بدل ما يكافح عشان الدين يرجع بدل ما تكافح حزين الايمان يرجع لقلبها تاني. بدل ما يحاول انه ينقز الايمان قبل ما يضيع الايمان. قبل ما - 00:44:17ضَ

الضحى تروح منه وما يزعلش. والفجر يروح منه وما يزعلش. وقيام الليل يروح منه وما يزعلش. ويبقى منزر على الفاضي. ثم نام النوم هيظل يلعب تاني في الدين ويغفل تاني وينشغل بالدنيا تاني. فتقبض الامانة من قلبه. فيظل اثرها - 00:44:37ضَ

المجل عارفين البربوءة البربوقة اللي بتطلع في الجلد بربوءة من جواها ما فيش حاجة. فالنبي بيقول لك زي جمرة دحرجت على رجلين واحد. فالجمرة بربأة رجليه. فنفض فتراه منتبرا. الرجلين اتنفخت. البرابيء اتنفخت - 00:44:57ضَ

ليس فيه شيء. يبقى منظر من برة وبس. طالع له دقن. نازل على وشها نقاب. ولكن ما فيش حقيقة جوانا ما فيش دين وليس فيه شيء. ماذا لو ضاعت المجاهدة؟ ماذا؟ لو ضاعت المجاهدة النبي عليه الصلاة والسلام جا له اسيد بن حضير - 00:45:17ضَ

قال له يا رسول الله انا كنت باخسر لي قيام ليل بسورة البقرة امبارح. وانا باصلي يا رسول الله والفرس بتاعي مربوط وابني يحيى نايم جنبه لقيت الفرس بدأ يهيج. النبي عليه الصلاة والسلام ها اقرأ ابن حضير. اوعى تكون وقفت. اوعى تكون بطلت. قال له يا رسول الله فسكت شوية لحد ما الفرس - 00:45:37ضَ

سكت وقمت راجع قاري تاني. فالفرس بدأ ييجي تاني. النبي عليه الصلاة والسلام قال له اقرأ ابن حزير. اقرأ ابن حزير. اوعى تكون وقفت اوعى تكون بطال قال له فخفت على يحيى فتركت القراءة يا رسول الله. النبي قال له اتدري ما هزا؟ انت عارف ايه اللي حصل ده - 00:45:57ضَ

ها قال له فنظرت في السماء فازا ظل وفيها امسال السرج سحابة كده فيها شوية ايه مصابيح النبي قال له انت عارف ده ايه ؟ انت عارف اللي انت ضيعته من ايديك ده ايه ؟ انت عارف الفتح اللي كان هييجي لو كملت ايه ؟ قال له - 00:46:17ضَ

تدري ما هذا؟ تلك الملائكة تنزلت لقرائتك ولو اكملت لاصبحت يراها ناس لا تستتر منهم. احيانا الاخ بيزهق والفتح لسة عليه لحزة احيانا الاخ بيفطر والفتح خلاص هيتنزل. النبي بيقول له اقرأ يا ابن حذيفة اوعى تكون وقفت. انما عرف انها الملايكة. النبي قال - 00:46:37ضَ

انت لو تعرف الفتوحات اللي مستنياك في الطريق مش هتقف. ولكن مين اللي يعرف ان الفاتحة على قدر المجاهدة يا جماعة؟ مين اللي يعرف كلام المشهد الاولاني مشهد المجاهدة. مشهد سيدنا ابراهيم. اول حاجة عملها سيدنا ابراهيم. انه وقف حياته لما النور جه - 00:47:07ضَ

وقف حياته فلما جن عليه الليل راح عشان يشوف هزا النور. تاني بطولة عملها سيدنا ابراهيم انه ما اتشغلش عن هزا النور اي شيء يعني ربنا بيقول لك في الايات فلما جن عليه الليل رأى كوكبا. الاية اللي بعدها فلما رأى القمر فورا الاية اللي - 00:47:27ضَ

فلما رأى الشمس فورا يعني سيدنا ابراهيم ما كانش يبص للكوكب ويستريح شوية. ما كانش يبص ما اتشغلش بحاجة. ما سابش اي حاجة تشغله ما سابش اي حاجة تضيع النور ده منه. الحاجة التالتة يا جماعة ودي النقطة الخطيرة جدا - 00:47:47ضَ

ان سيدنا ابراهيم ما وقفش عند مستوى معين. ان سيدنا ابراهيم ما قنعش بحاجة وصل لها. يعني كان ممكن سيدنا ابراهيم يدبر ويقول خلاص انا كده حسيت ان انا زي ما كلنا بيحصل لنا تروح جلسة تدبر في الخلق فتحس بشوية ايمانيات او تقرا شوية قرآن فتحس بشوية - 00:48:07ضَ

فخلاص فتسيب التدبر او تسيب التلاوة. سيدنا ابراهيم كمل. ما رضاش يقف يا جماعة. ده اللي احنا بنسميه. هم الزيادة زيادة او الطموح الايماني او مشهد الطموح الايماني عند سيدنا ابراهيم عليه السلام. مشهد انت عارف انت ليه بتقف انت عارف - 00:48:27ضَ

انت ليه ما بتكملش ؟ انت عارف انت ليه لما بتتعب شوية او تصلي شوية عارف انت ليه بتقف ؟ لانك انت ما عندكش طموح. ما انتش حدد هدفك ووجيتك في الدين. سيدنا ابراهيم لم يكن يتوقف عليه السلام. كل ما ربنا يدي له نور - 00:48:47ضَ

يفكر في النور اللي بعده. ويجاهد في النور اللي بعده. ده اللي احنا بنسميه هم الطموح او هم الزيادة في الدين. او هم عارفين سيدنا موسى لما بيقول واذ قال موسى لفتاه لا ابرح حتى ابلغ مجمع البحرين او امضي ايه او امضي ايه - 00:49:07ضَ

الحقبة فوق التمانين سنة. يعني حقب ديت وفيه ناس قالوا الحقب دي الاف السنين. سيدنا موسى عمره ما يعيش العمر ده سيدنا موسى كان عنده تمانين ستين سنة في الوقت ده اصلا. امال سيدنا موسى ايه ان طموح المؤمن اعلى من عمره ان طموح المؤمن اعلى من حياته. انك لو خدت - 00:49:27ضَ

الف سنة تعبد ربنا مش هتكفي انك انت تشبع من عبادة ربنا سبحانه وتعالى الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع - 00:49:47ضَ

الامر كله. اللهم صل على عبدك ونبيك محمد صلى الله عليه وسلم. في الاولين والاخرين والملأ الاعلى الى يوم الدين. اما بعد فلما جن عليه الليل رأى كوكبا قال هذا ربي ينفع الكوكب ده يبقى ربنا يعني يعني سيدنا ابراهيم ده يعني لا يمكن ده يبقى كده - 00:50:07ضَ

فلما افل قال لا احب الافلين. ده اول نور يا جماعة حصل من التدبر في خلق الله. نور خروج المخلوق من القلب لان كل المخلوقات بتقفل يا اخواننا. لا احب يعني ايه ؟ ما ينفعش يا ربي ما احبوش. يعني اول علاقة بين العبد وبين الله لازم تبقى حب الله. لازم - 00:50:27ضَ

تبقى حب ربنا سبحانه وتعالى. فلما رأى القمر بازغا قال هذا ربي. فلما افل قال لان لم يهدني ربي لاكونن من القوم الضالين نور تعلق القلب بالله. يبقى اول نور دخل القلب نور خروج المخلوق من القلب. تاني نور نور - 00:50:47ضَ

دخول التعلق بالله في القلب. وما دام الافتقار جه يبقى الفتح جاي. ما دام التوسل والتضرع الى الله جه. يبقى فتحي جاي عشان كده بعدها على طول فلما رأى الشمس بازغة قال هذا ربي هذا اكبر. فلما افلت قال يا - 00:51:07ضَ

اني بريء مما تشركون. اني وجهت وجهي للذي فطر السماوات والارض. يعني ايه قال يا قومي يا جماعة سيدنا ابراهيم دي فكرة النقلات بقى. فكرة ان سيدنا ابراهيم كان بيتدبر لنفسه في الكون. نقل نقلة وبقى نزل - 00:51:27ضَ

تكلم الناس عن ربنا ان انت حياتك تبقى نقلات. ساعات تلاقي واحد ملتزم ييجي ويفضل معنا كده زي ما هو ما بينقلش. المفروض ان انت انت عامل زي العربية بتنقل. يعني شوية انت جيت تسمع دروس. شوية بتنقل وتبدأ تحفز قرآن. شوية بتنقل وتبدأ تطلب علم. شوية بتنقل - 00:51:47ضَ

تبدأ تشتغل في الدعوة الى الله. شوية بتنقل وتقف على ثغر من الثغور. فيه ناس ما بتنقلش يا جماعة. سيدنا ابراهيم نقل في الدعوة الى الله لما نزل في الدعوة الى الله نزل نزلة بطولية وقف في وش قومه كلهم ولم يخاف. قلنا ليه يا جماعة؟ قلنا ليه؟ اللي اتربى غير اللي ما - 00:52:07ضَ

اللي خد فترة يعيش فيها مع قلبه ويتدبر فيها في الكون غير اللي ما اترباش. يا جماعة يا اخوانا يعني لما غلام الاخدود اتربى على ايد الراهب. لما نزل الواقع وقف في وش الدنيا كلها. ووقف في وش الملك - 00:52:27ضَ

وربنا غير الواقع كله على ايديه. ليه ؟ لانه اتربى قبل ما ينزل. لما خالد ابن الوليد اتربى على ايد النبي عليه الصلاة والسلام. قبل ما يقود في مؤتة مسك تسع سيوف اتكسروا في ايده وايده ما اتكسرتش. ليه ؟ لانه اتربى قبل ما ينزل. اللي اتربى غير اللي ما اترباش. عشان كده - 00:52:47ضَ

واحد من الصحابة بعد موت النبي عليه الصلاة والسلام بيقول ان كان رسول الله ايام ما النبي عليه الصلاة والسلام ايام ما المربي كان عايش ايام فكان لنا مربي ان كان رسول الله صلى الله عليه وسلم ليحدثنا عن الصدقة المربي بيكلم الطلبة عن عبادة من العبادات - 00:53:07ضَ

اللي هي الصدقة. فالطلب سخن فيقوم احدنا فيذهب الى الجبل فيحتطب. وثم يبيع الحطب بمد من تمر ثم يتصدق به. يعني ممكن صحابي مش لاقي ياكل يسمع المربي بيتكلم عن الصدقة - 00:53:27ضَ

يروح يحتطب عشان يجيب تمر يتصدق به. مش تمر ياكل منه. فالصحابي بيقول لك وان لاحدهم يوم لمئة الف مد. كان بيدور على جنيه يتصدق به. النهاردة معه ميت الف جنيه - 00:53:47ضَ

لا يجود منها بشيء. قصدي الصحابي ايه ؟ قصده ان لما المربي بيبقى موجود بيبقى فيه حماس تاني يا اخوانا لما بيغيب المربي بيغيب الحماس للدين. يبقى انت النبي عليه الصلاة والسلام قعد تلات سنين في دار الارقم مع حوالي عشرين صحابي. عارفين يعني ايه حوالي عشرين - 00:54:07ضَ

صحابي يعني اقل من ورشة. يعني يعني اصغر ورشة في المسجد مسلا ده العدد اللي كان بيقوم الليل مع النبي عليه الصلاة والسلام في دار الارقم استخرج منهم خلفاء العالم. خرج منهم الناس اللي فتحت العالم ليه؟ لان التربية بتخرج رجالة زي ما قلت لكم. الكهف - 00:54:27ضَ

خرج فابعثوا احدكم خرج البعث. خرج رجالة البعث في الواقع. عايزين نتربى الفترة الجاية دي يا اخواننا. عايزين نتربى عايزين نتربى عشان بعد رمضان لما ننزل الواقع ننزل صح. عايزين يا اخوانا نتضلع من القرآن الكريم. عايزين نتضلع من نور القرآن - 00:54:47ضَ

عايزين يا اخوانا المعاني بتاعة التدبر في الخلق دي تدخل في قلوبنا. عايزين سيدنا ابراهيم بص في القمر والشمس خرج بوجهت وجهي. انت امتى اخرج بهذا المقام وامتى قلبك هيبقى وجهته هي ربنا سبحانه وتعالى؟ امتى هيبقى عندك قصر للهم على مراد الله؟ امتى هيبقى عندك - 00:55:07ضَ

توحيد للعزم على الوصول الى الله. امتى هيبقى عندك توحيد الوجه على الله؟ امتى؟ يعني لا انسى مرة من المرات وانا طالب يعني يمكن الرؤية دي قلتها لبعض اخواني قبل كده. يعني وانا طالب شفت النبي عليه الصلاة والسلام واقف على ارض كده على مدخل ارض كده - 00:55:27ضَ

والارض يعني طريق رهيب. يعني لما بصيت في الارض ديت يعني منزر يفزع. لا يمكن حد يدخل الارض دي ويخرج منها سليم انت عارف لما تشوف طريق الاف الكيلو مترات جوة صحراء قاتلة موحشة. مين اللي يعرف يعدي الطريق ده من غير ما يموت! لا يمكن - 00:55:47ضَ

والنبي عليه الصلاة والسلام واقف على باب الطريق مانع ان اي حد يدخل ممنوع حد يعدي. فلقيت شاحنتين كبار جدا شاحنتين كده الشاحنات المقطورات الكبيرة قوي ديت شاحنة سيئة سيدنا ابراهيم وشاحنة سيئها سيدنا موسى عليهم السلام. فقاموا جايين واقفين - 00:56:07ضَ

فانا فاكر يعني بصيت كده للنبي عليه الصلاة والسلام في الرؤيا النبي مانع ان اي حد يعدي من الطريق ده. فانا باصص يعني النبي هيأذن لهم ولا ايه؟ فالنبي اذن لهم - 00:56:27ضَ

عدوا وفعلا الطريق ده لا يمكن حد هيعرف يعدي فيه من غير ما يهلك الا بازن الله حد معه شاحنة بالمنزر ده فيعني عايز افهم النبي عليه الصلاة والسلام اذن لهم ليه ؟ فالنبي قال كلمة كده لا اذكر بالظبط هي ايه ؟ بس يعني معناها يعني ايه ؟ آآ آآ يعني القضية مش الكلمة - 00:56:37ضَ

قدر ما القضية المعنى يا جماعة. عارفين الشاحنة دي ايه؟ دي القلب يا اخوانا. القلب القلب الشاحنة قلب اللي ممكن تنزل به الواقع مهما كان الواقع رهيب وتقدر تعدي به. القلب يا جماعة القلب الايات اللي شرحناها دي - 00:56:57ضَ

اربعة وعشرين ساعة من حياة سيدنا ابراهيم. يعني انت ممكن من الوقت العشاء لبكرة العشاء توصل لو وجهت وجهي اربعة وعشرين ساعة من حياة سيدنا ابراهيم. عارفين ده معناه ايه؟ معناه ان انت طريقك مش طويل. معناه ان المجاهدة بتجيب بتجيب الثمرة بسرعة. يا اخوانا - 00:57:17ضَ

القمة بنقلة. القومة بنقلة لواحد اتعلم من حياته كده. ان كل مرة هتقوم فيها لله. وعزيمة هتشحز فيها وهتقول انا لازم الاسبوع ده ابقى راجل. انا لازم الاسبوع ده اقاتل في علاقتي بالقرآن. انا لازم الاسبوع - 00:57:37ضَ

قاعدة اركز في تدبر القرآن. الاسبوع ده هينقلك نقلة في حياتك كلها. القمة بنقلة اربعة وعشرين ساعة نقلت سيدنا ابراهيم لمقام وجهت وجهي. اربعة وعشرين ساعة يا اخوانا. يعني طريقك مش هيطول. يعني مش - 00:57:57ضَ

هتتعب في طريق المجاهدة. يعني اسرع مما تتخيل لو جاهدت عشان توصل لربنا هتوصل لاعلى المقامات. انا كنت باكلمكم النهاردة ويمكن عارف ان فيه معاني من اللي انا باقولها يعني ممكن تبقى ايه يعني آآ آآ يعني عالية شوية على بعض اخوانا - 00:58:17ضَ

وبعض اخواتنا انما يا اخوانا هنعلى امتى بقى يا جماعة؟ هنطلع امتى يا اخواننا؟ المعاني المهولة بتاعة قصص الانبياء اللي اتزلزل القلب الحجر دي هنعيشها امتى قصر الهم على مراد الله هتعيشه امتى؟ قصر العزم وتوحيد العزم على الوصول الى الله هتعيشه امتى؟ القلب الشاحنة - 00:58:37ضَ

القلب اللي تنزل به الواقع الرهيب ده وتخوض به الواقع. ولا يتأثر هييجي امتى ؟ اليقين الصادق في الله هيملأ قلبك امتى ؟ التوحيد الوجهة على الله. امتى هتقول وجهت وجهت وجهي بكل ذرة في كيانك - 00:58:57ضَ

امتى المقامات؟ امتى هتشوف ؟ امتى ربنا هيوريك ؟ امتى وليكون من الموقنين هتيجي في حياتك؟ امتى لا احب هتتحقق في قلبك. لا احب الدنيا لان الدنيا كلها بتقفل وبتروح. امتى نور لان لم يهدني ربي لاكون - 00:59:17ضَ

ان من القوم الضالين هييجي عندك. انت هتقف بالليل تتوسل وتقول يا رب. انقزني يا رب. انت هتتعلم التضرع امتى هتتعلم التوسل والاستغاسة بالله؟ امتى هتتعلم الافتقار؟ امتى الانوار دي هتيجي في حياتك؟ امتى نور - 00:59:37ضَ

وكيف اخاف؟ نور فاي الفريقين احق بالامن؟ امتى الانوار دي هتيجي في حياتك؟ اخر تعليق باعلقه الطلبة اللي جايين النهاردة والطالبات اللي جايين النهاردة وهم عندهم امتحانات يا جماعة من ضمن الايات ربنا بيقول فاي الفريقين احق بالامن؟ الطالب - 00:59:57ضَ

اللي يعني بمناسبة تحفيظ القرآن لان فيه طلبة يعني وقفم في تحفيظ القرآن الفترة اللي فاتت. يا جماعة قلنا بلاش نوقف الدين كل ما يحصل مشكلة في الدنيا. يا جماعة فاي الفريقين احق بالامن؟ اللي زاكر - 01:00:17ضَ

وعصى ربنا احق بالامن ولا اللي زاكر ومسك في طاعة ربنا؟ يا ابني انت انت اللي مستقبلك مضمون عنه. والقضية يا اخوانا مش دركتين في امتحان. ولما تتخرج يا ابني هتتجوز مين؟ مين اللي هيختار لك - 01:00:37ضَ

طاقتك. ولما هتشتغل يا ابني مين اللي هيفتح لك ابواب الرزق؟ يا اخوانا الرزق مش درجتين في امتحان بس. يا جماعة عايزين نعامل ربنا معاملة صح. يا اخوانا عايزين نفضل ماسكين في حبل الله المتين. والا فانت الوقت عندك امتحانات وبكرة - 01:00:57ضَ

وبعده مشغول وبعده عندك ظروف وبعده واحد صاحبك عنده مش عارف ايه. لو كل ما حصل لك عارض سبت الدين عمرك ما توصل لحاجة. يا اخواني في الله يعني عايزين نركز يا جماعة في مسألة الامتحانات. عايزين نركز يا جماعة بالنسبة للطلبة اللي - 01:01:17ضَ

امتحانات يعني اذكرهم بقول الله سبحانه وتعالى اصلح لي بقول النبي صلى الله عليه وسلم اسف اصلح لي شأني كله. انت الوقتي تيجي زاكر تلاقي الدين راح منك. تيجي تتدين تلاقي المزاكرة راحت منك. يا ابني جربت انك انت تتوسل وتقول اصلح لي شأني كله. جربت انك تقول يا رب - 01:01:37ضَ

اب صلح لي مزاكرتي ونفسيتي وصحتي ودنيتي وديني وعبادتي ودعوتي. جربت ان انت تقول ده. جربت انك انت معنى خطير قوي لواحد حس به. كنت لسة باقول لواحد من اخواننا باقول له الواحد عاد بيفرح بالازمات. ليه ؟ لان الواحد لما بتيجي - 01:01:57ضَ

الازمة ويواجهها بالدعاء. لما الازمة بتروح بالدعاء بتفضل مالية قلبك بيقين طول حياتك. يعني انت ممكن ان تنجح بالمزاكرة بس. انما جرب كده لو انت كل ليلة اتوضيت وصليت ركعتين وقلت يا رب نجحني يا رب نجحني. نجاحك هيبقى - 01:02:17ضَ

رصيد ليقينك في قلبك طول حياتك. ليه؟ لانك اجتهدت في الدعاء. يا ابني واجه مشاكل حياتك بالدعاء. اوعى الامتحانات بالمزاكرة بس. اوعى مزاكرة ولازم الاجتهاد في الدعاء. وباذكر اخواني الطلبة بقول الله ما نفدت كلمات الله - 01:02:37ضَ

انت عشان تنجح لازم تايه. لازم تبزل مجهود معين. انما عشان ربنا ينجحك في حياتك. مش بس في الدراسة. ما ياما يعني زمايلنا كانوا في الكلية وكانوا يعني يعني واتعينوا في الجامعة وحضروا ماجستير ودكتوراة وسافروا برة وموتوا نفسهم - 01:02:57ضَ

وفتحوا عيادات ما فيش واحد خبط على باب عيلته. ما فيش واحد جا له يعني ما فيش حد اصلا جا له. بعد كل ده وممكن واحد تاني تلاقي سبحان الله العظيم ربنا فتح له رزق. يا اخوانا النجاح مش بس اسباب. يا اخوانا النجاح فيه حاجة كبيرة اوي - 01:03:17ضَ

اسمها علاقتك بربنا سبحانه وتعالى. اسمعي ان ربنا اذن ولا ما اذنش. يا اخوانا لازم نتعامل بنتعامل بفكر واسع في الحياة. ما نضيقش دماغنا عشان كده يعني يعني بفضل ومنة الله انا فرحان جدا ان فيه طلبة كتيرة اللهم لك الحمد رغم انها اي امتحانات الا وانهم حاضرين معنا. انما احنا عايزين - 01:03:37ضَ

نفتكر كويس جدا جدا جدا. يعني ان احنا نتعامل مع الامتحانات دي بيقين زي ما ربنا بيقول ما من دابة الا ايه هو اخذ بناصيتها. فاكر يوم امتحان النسا والولادة؟ هو انا قلت المادة اسمها ايه؟ انا كده مش هاعرف اكمل بقى. فاكر يوم - 01:03:57ضَ

امتحان وكان عندنا يعني مجموعة من الاطباء في هزا القسم والله يا اخواني يعني سمعتهم زمان بقى الكلام ده طبعا يعني هو طبعا يعني ايه الكلام ده كان زمان يعني مش دلوقتي سمعتهم تعادل سمعة يعني ايه حاجة رعب فيلم رعب. يعني لو عايز تجيب لطالب انهيار عصبي تقول له بس الدكتور فلان - 01:04:17ضَ

فلان او الدكتورة فلانة الفلانية. فانا فاكر حطونا في مدرج صغير قبل لجنة الشفوي كده مدبحة صغيرة كده وواخدينا زي الايه زي اللي هيتدبحوا اتنين اتنين كده فانا قاعد سبحان الله العظيم وكنت ليلة الامتحان قاعد ازاكر في كتاب آآ لمازا تأخر المسلمون؟ ماذا خسر - 01:04:37ضَ

اعلن بانحطاط المسلمين. المهم يعني فانا داخل كده ما هو اصل هو الموضوع بلا اسباب. يعني الامتحان ده كان بلا اسباب. ما فيش فيه اسباب اصلا. يعني ايه؟ عارفين اللي هو الدكتور اللي كان عندنا - 01:04:57ضَ

يوم آآ بعد ما تجاوب له كده وهو ماسك القلم كده يقوم عامل كده. فيقول لك القلم ده كتب ايه يا ابني؟ تقول له صفر. يقول لك امشي يا ابني انت خدت الدرجة بتاعتك خلاص. فاحنا كان عندنا ازلة - 01:05:07ضَ

حاجة صعبة جدا يعني. فانا قاعد في في البتاعة كده فالعيال انا خايف ادخل لفلان والتاني يقول انا خايف ادخل لفلان. فانا قلت لهم يا جماعة هو في فلان نصيته بايد مين ؟ قال لي ربنا. قلت له فلان ناصيته بايد مين ؟ قال لي ربنا. قلت له يا اخي نواصيهم بايد ربنا، انتم خايفين من المخلوق ازاي ؟ انشاء ربنا - 01:05:17ضَ

خذ بنواصيهم اليكم وان شاء ربنا اخز بنواصيهم عنكم هيخربوا بيتكم في اللجنة. يا ابني خل قلبك متعلق بربنا سبحانه وتعالى. سبحان الله يا اخواني من اسهل الامتحانات اللي دخلتها في حياتي والله العزيم. رغم انها كانت مجزرة من اسهل الامتحانات اللي دخلتها في حياتي. امتحان دخلته - 01:05:37ضَ

انت بتزاكر وكل حاجة ولكن فاي الفريقين احق بالامن يا جماعة؟ اللي داخل بالمزاكرة بس ولا اللي داخل مزاكر ومع ربنا سبحانه وتعالى اوعى تخسر علاقتك بربنا ايام الامتحانات. اوعي تخسري علاقتك بربنا سبحانه وتعالى ايام الامتحانات. يبقى - 01:05:57ضَ

الحاجة الاولى الاخوة والاخوات التحفيز مستمر للرجال في مسجد الصديق يوميا وللنساء في الجمعية الشرعية يوميا وعلى موقع الطريق الى الله مش عايزين ننقطع بسبب اي حاجة ولو بس تبقى مراجعة ولو نص صفحة في الاسبوع. ولكن الجهد لا يتوقف. الحاجة التانية يا اخواني الجدول - 01:06:17ضَ

توزع عليكم ده اللي هو المرحلة التانية من الخطة الخمسية للاستعداد لرمضان. قلنا ان زودنا المرة دي السنن الرواتب وزودنا المرة دي ربع حزب بدأ بقى نص حزب قراءة وزودنا المرة دي الصيام خدوا بالكم ان الاتنين والتلات والاربع تلتاشر واربعتاشر وخمستاشر. عشان كده في الورقة - 01:06:37ضَ

معكم هتلاقينا معلمين على تلتاشر واربعتاشر وخمستاشر. التلات الاتنين والتلات والاربع بازن الله. الجدول هنا عاملها ايوة. آآ آآ وزودنا هنا آآ آآ يعني بعض الواجبات العملية المقصد يا اخواني ان الورقة ديت ديت المرحلة التانية في الخطة الخمسية بازن الله المرحلة التالتة هتزيد حاجات - 01:06:57ضَ

اه هتزيد حاجات. الخمسة هتزيد حاجات فانا عايزكم تركزوا في يعني تطبيق هذا الكلام كحد ادنى باذن الله سبحانه وتعالى. اه اه اخوانا في نشر الهداية موجودين برة المسجد. للي عايز مسلا ورق رجب وشعبان او عايز ورق وعزي او عايزة ورق وعزي. اخوانا اه بتوع نشر الهداية - 01:07:17ضَ

موجودين قدام المسجد بعد صلاة العشاء للي عايز يشتري ورق دعوي عشان يوزعه بازن الله. الحاجة الاخرانية الحاجة النهائية دي حصالة عاملها جمعية الجواد الكريم ربنا يحفزهم دكتور محمد منير ربنا يبارك فيه وانا قاري اللوجو بتاع احلى شباب دكتور محمد الشيخ بقى عليها كمان - 01:07:37ضَ

يعني اه اه يعني ايه اه مشروع حصالة رمضان؟ ايه الحصالة دي؟ انتم الوقتي كل واحد منكم هياخد حصالة من دي. خلاص ممكن من خلال الورش مسلا ياخد حصالة من هزه الحصالات يستلمه. ويكتب اسمه عشان يبقى ايه معروف ان ده خد حصالة. الحصالة دي بقى كل ما يبقى في في جيبك - 01:07:57ضَ

جنيه ونص فضة اتنين جنيه فضة تحطهم فيها. وقبل رمضان هناخدها منك. بازن الله سبحانه وتعالى. الحصالة دي الفلوس اللي فيها هتروح لايه؟ مكتوب مكتوب عليها اهو من برة ستين في المية تفطير صايمين في رمضان. يعني باجر تفطير صايم في رمضان واربعين في المية لشنطة رمضان. يعني برضو تفطير صائمين - 01:08:17ضَ

مين في رمضان يبقى اذا هزه الحصالة لتفطير الصائمين في رمضان وكفالة الاسر الفقيرة واليتيمة في رمضان ان شاء الله بازن الله في الورش آآ آآ الحصالات متاحة مع باشمهندس احمد سلطان. الحصالات متاحة. اللي عايز حصالة. بعد الدرس ياخدها من الورشة ويكتب - 01:08:37ضَ

اكتب اسمه بازن الله سبحانه وتعالى وتخيلوا لو كلنا كده مسلا كل واحد وكل واحدة خدوا حصالة من ديت وملى فيها شوية فلوس حلوين كده تخيلوا احنا ان شاء الله هنشارك في كفالة الاسر الفقيرة بقد ايه. آآ آآ ربنا يسددكم يا اخواني. وربنا يحفزكم يا رب وربنا يبارك فيكم. اتمنى ان شاء الله بازن - 01:08:57ضَ

ان احنا نروح من هنا بقمة العزيمة على التركيز في علاقتنا بالقرآن الفترة الجاية. ركزوا في القرآن يا جماعة. عايزين الاسبوع ده يبقى اسبوع مجاهدة في القرآن المصاحف دي هتتوزع عليكم برضو من خلال الورش بازن الله سبحانه وتعالى اللي ياخد مصحف يبدأ به ختمة بازن - 01:09:17ضَ

سبحانك اللهم وبحمدك اشهد ان لا اله الا انت استغفرك واتوب اليك - 01:09:37ضَ