باحث

الحمد لله واشهد ان لا اله الا الله وحده لا شريك له اشهد ان محمدا عبده ورسوله صلى الله عليه وسلم. اما بعد آآ فنحن بازن الله تعالى مع الدرس السابع من دروس العقيدة - 00:00:00ضَ

مدارسة عقيدة اهل السنة والجماعة من كتاب اصول الايمان هذا الكتاب الطيب الميسر والمرة الماضية كنا تكلمنا في مسألة خطيرة مسألة هامة. وهي مسألة القبور وما حولها من مسائل. مثل مسألة ماذا يفعل عند القبور؟ وما هو - 00:00:20ضَ

عند زيارة القبور وما هو الممنوع عند زيارة القبور؟ وحكم بناء المساجد على القبور وحكم الصلاة الى القبر وحكم الصلاة في مسجد به قبر وكانت هي مسائل هامة. بل هي تكاد تكون من اخطر مسائل العقيدة. لان عامة الشرك انما وقع بسبب - 00:00:40ضَ

هذا الغلو وهذا هذه المخالفة الصريحة للنبي عليه الصلاة والسلام. ثم انتقلنا الى مسألة اخرى. مسألة مهمة للغاية وهي مسألة التوسل التوسل لا شك ان مسألة القبور والتوسل هما من اخطر مسائل العقيدة خاصة - 00:01:00ضَ

في موضوع صرف العبادة لغير الله تعالى. دول من اكبر بابين بيقع فيهم الشرك. التوسل وشرك القبور قلنا التوسل معناه جاي من كلمة الوسيلة والوسيلة هي القربة القربى فالتوسل هو التقرب - 00:01:18ضَ

فلما نقول ان انسان ينبغي ان يطلب الوسيلة الى الله نقصد بزلك ان يطلب القرب الى الله وليس المقصود بالوسيلة الواسطة. فلا يوجد واسطة بين الله وبين عباده يا ايها الذين امنوا - 00:01:38ضَ

اتقوا الله وابتغوا اليه الوسيلة. وجاهدوا في سبيله لعلكم تفلحون. فالمقصود اتغوا اليه الوسيلة يعني القربى. ما يقربكم منه سبحانه وتعالى. وقال جل في علاه ان اولئك الذين يدعون يبتغون الى ربهم الوسيلة. ويرجون رحمته ويخافون - 00:01:55ضَ

عذابا. يعني هؤلاء الذين يدعوهم هؤلاء الجهال من الملائكة من المقبورين من الاولياء من الانبياء هم انفسهم يبتغون الى ربهم القربى. هم افقر ما يكون وهم فقراء الى الله كما انتم فقراء الى الله. فلماذا يلجأ الفقير الى الفقير؟ لماذا لا يلجأ الى الغني مباشرة؟ ما الحاجة؟ ان تجعل - 00:02:15ضَ

بينك وبين الله واسطة واذا سألك عبادي عني فاني قريب. قريب اجيب دعوة الداعي اذا دعان وهذه الاية من الايات الجميلة التي لم يذكر فيها عادة القرآن في اجابة الناس. لما مثلا قال يسألونك عن الاهلة - 00:02:39ضَ

قل هي مواقيت للناس والحج. يسألونك عن الخمر والميسر قل فيهما اثم كبير. يسألونك ماذا ينفقون؟ قل ما انفقتم. لما جاء قوله تعالى يسألونك واذا سألك عبادي عني لم يقل قل انما قال فاني قريب. حتى في الاجابة لم - 00:02:59ضَ

اجعل واسطة بينه وبين العباد. ليبين ان هذا الامر خصوصا ينبغي انك يعني لا تحتاج فيه الى واسطة. حتى الاجابة نفسها توضح لك ما فيش واسطة. حتى النبي عليه الصلاة والسلام قل لهم اني قريب. لكن اجاب بنفسه جل وعلا ليقرب لهم حتى المعنى. فاني قريب اجيب دعوة الداعي اذا دعان - 00:03:19ضَ

يبقى الانسان لا يحتاج لكي يتقرب الى الله الى واسطة ولا الى احد بينه وبين الله. فنحن لسنا كالنصارى ولسنا يعني كهؤلاء الجهال نحتاج الى قص اعتراف مثلا او نحتاج الى الى رجل دين يكون بيننا وبين الله لا انما نحن - 00:03:39ضَ

من رجال الدين نعم ولكن لا لا نجعلهم واسطة بيننا وبين الله ولا حتى الانبياء ولا حتى الانبياء. قال تعالى وما محمد الا قد خلت من قبله الرسل افان مات او قتل انقلبتم على اعقابكم ماذا تصنع انت اذا مات النبي عليه الصلاة والسلام - 00:03:59ضَ

واضح؟ بعض من يتوسل ايه؟ بالنبي عليه الصلاة والسلام يقول قال الله تعالى ولو انهم اذ ظلموا انفسهم جاؤوك استغفروا الله واستغفر لهم الرسول لوجدوا الله ايه؟ توابا رحيما. فيستدلون بهذه الاية على التوسل بالنبي عليه الصلاة والسلام. نقول هذا من جهلكم - 00:04:20ضَ

لان الاية فيها دليل عليكم وليس لكم لان الاية قالت ولو انهم اذ ظلموا انفسهم ايه جاؤوك ولو كان التوسل بالنبي عليه الصلاة والسلام يعني بجاهه وبحقه فقط بدون بدون ان ان يكون يبقى ما لهاش معنى قوله تعالى جاؤوك جاؤوك - 00:04:40ضَ

هذا الامر يحتاج ان هو يكون حي. والمقصود هنا جاؤوك فطلبوا منك ان تستغفر لهم. وهذا جائز كما قلنا اه في التوسل المشروع. فاستغفروا الله قال واستغفر لهم الرسول لوجدوا مين؟ لوجدوا الله توابا رحيما. بعد ما مات النبي عليه الصلاة والسلام لم يفعل احد من الصحابة هذا الامر. الشاهد - 00:04:57ضَ

ان التوسل على انواع. هناك توسل مشروع وهناك توسل ممنوع. يعني انا دلوقتي عايز اقرب لربنا اتقرب اليه خاصة في قضية الدعاء. دي مسألة من اهم مسائل القربى. ان دي اللي بيقع فيها دايما الايه؟ العك يعني. مسألة ازاي اقرب لربنا؟ انا - 00:05:17ضَ

عايز مسلا اقترب الى الله. احنا عندنا قلنا فيه توسل بمعناه العام. وفيه التوسل في موضوع الدعاء بالزات. التوسل بالمعنى العام هو كل ما اقربك الى الله كل ما يقربك الى الله حيدخل فيه كل الطاعات وترك كل المحرمات كل ده اسمه توسل - 00:05:36ضَ

ان انا بصلي ليه؟ عشان اقرب لربنا واسجد واقترب. انا بصوم ليه؟ انا بغض بصري ليه؟ انا ما باكلش حرام ليه؟ كل ده له هدف واحد. ان انت تقترب من - 00:05:55ضَ

من الله سبحانه وتعالى. فكل فعل الطاعات هو وسيلة. كل ترك المحرمات هو وسيلة. اي حاجة بتعملها ربنا بيحبها هي فلزلك الوسيلة اللي هي القربى من الله في وسيلة واجبة. الوسيلة الواجبة يعني التوسل الواجب هو كل الواجبات وترك كل - 00:06:05ضَ

كل المحرمات. ده يجب على كل انسان ان يتوسل الى الله بهذا الشيء. بفعل الواجبات وترك الايه؟ المحرمات. هناك توسل مستحب وهو فعل المستحبات وترك الايه؟ المكروهات يبقى لنا المسألة الخاصة ديت اللي هي التوسل في الدعاء بقى. في الدعاء. قلنا التوسل في الدعاء له تلات انواع مشروعة وتلات انواع ممنوعة - 00:06:25ضَ

التلات انواع المشروعة قلنا الاولانية ان تجعل في دعائك في مقدمة الدعاء مقدمة من الاسماء والصفات انك انت بين يدي الدعاء ثناء على الله جل وعلا لا تعجل في الدعاء. انت اذا دخلت على ملك او دخلت على رجل عظيم فانك لا تبدأه بالسؤال مباشرة. انما تقدم بين يدي زلك مقدمة من - 00:06:49ضَ

الالقاب ومن اللعن الثناء والمديح. حتى يكون آآ يعني سؤالك اقرب اليه. لك لو دخلت على طول تقول له عايز كزا يقول لك اطلع برة كده فالله سبحانه وتعالى يعني يحب عبده اذا اذا اذا سأله ان يقدم بين يدي زلك ثناء. يكون هذا اقرب الى اجابة الايه؟ اجابة الدعاء - 00:07:13ضَ

وهذا ورد كثير عن النبي عليه الصلاة والسلام وكلمنا عنه في المرة الماضية باستفاضة. الوسيلة الثانية المسموح بها او او المطلوبة هي ان يتوسل الانسان بالعمل الصالح يعني بين يدي الدعاء يقدم عملا صالحا. مش يعمله لأ يحكيه. يقوله يعني. عمل صالح بينه وبين الله - 00:07:33ضَ

ويزن ان العمل دوت يعني من ارجى اعماله عند الله سبحانه وتعالى. خاصة الاعمال الخفية دي بالزات لازم يكون عندك عدة من الاعمال الخفية. ان هي دي ارجى اعمالك عند الله سبحانه وتعالى. الاعمال التي لا يعرفها احد - 00:07:54ضَ

الاعمال التي يعني ما كان هناك دافع انك تعملها الا وجه الله سبحانه وتعالى لذلك تجد مثلا بلال رضي الله عنه وارضاه لما دخل النبي عليه الصلاة والسلام الجنة في - 00:08:11ضَ

الشهيرة نزل الى الى قال لبلال قال يا بلال اخبرني عن ارجى عمل عملته في الاسلام فاني سمعت دف نعليك بين يدي في الجنة. يعني انا سمعت دفن عليك قدامي في الجنة. طبعا - 00:08:27ضَ

زي ما هو مش معنى كده ان افضل منه قطعا ولكن هذا مقام المؤذن بين يدي الامام دائما. ان المؤذن يكون دائما امام الامام مقام بلال مقام المؤذن بين يدي الرسول عليه الصلاة والسلام. فلما كان هذا حاله في الدنيا كان مؤذنا كان مقامه في الاخرة ان يتقدم النبي - 00:08:47ضَ

عليه الصلاة والسلام يعني او تكون خطواته يسمعها النبي امامه في الجنة. المهم قال له ايه هو العمل بقى الجامد قوي اللي انت عملته عشان توصل للمنزلة دي؟ طبعا اي واحد - 00:09:07ضَ

واحد فينا لو قلنا له ما هو ارجى عمل لبلال؟ حق واحد فينا يقول الاذان واحد هيقول التعذيب الرهيب اللي حصل له في مكة ده والقصة الشهيرة بتاعة التعزيب والصخرة ويحرقوا جلده ومش عارف ايه. عندك الف حاجة تقولها. كلها مشهورة. لكن بلال لا يزكر الازان ولا يزكر التعزيب. ولا يزكر - 00:09:17ضَ

مكة ولا يذكر الابتلاءات ما يذكر اي شيء من هذا انما قال ما احدثت في ليل او نهار الا توضأت لهذا الحدث وما توضأت في ليل او نهار الا صليت بعد هذا الوضوء ركعتين. هو ده ارجى عمل عند بلال بلال. بلال ده ارجى عمل عنده؟ ليه - 00:09:37ضَ

طب ما قالش ليه الازان؟ ما قالش ليه للتعزيب في مكة. لعله شاف ان الحاجات دي كانت قدام الناس. دي كل الناس عارفاها ويمكن يخش لي الشيطان فيها. لكن دي حاجة بعملها بيني وبين ربنا ما حدش يعرف عنها حاجة خالص. احدث بخش اتوضأ. بتوضأ واصلي ركعتين. ولا حد حاسس بي - 00:09:59ضَ

ولا حد عارف انا بعمل ايه. رغم ان تقول ده عمل بسيط جدا. وعمل ساهل. واي حد ممكن يعمله. لكن بلال شايف ان ده اخلص عمل بينه وبين الله فانا عايزك لما تيجي نتكلم في التوسل ما تاخدهوش مسألة عقدية وخلاص اللي هو ايه؟ توسل مشروع واحد اتنين تلاتة التوسل ممنوع اتنين تلاتة حافز من ايه وما بتعملش حاجة - 00:10:17ضَ

انت لازم يترتب على زلك عمل. انت لو اتزنقت. لو احتجت اتوسل بعمل عندك ايه تتوسل به حاجة مميزة. مش حاجة كل الناس بتعملها. حاجة كده خاصة كده بينك وبين الله. لا يعرفها احد. شيء مميز جدا. لذلك النبي عليه الصلاة والسلام - 00:10:37ضَ

مسلا لما زكر السبعة الزين يزلهم الله قال ورجل زكر الله ايه؟ خاليا ففاضت عيناه. قال رجل دعته امرأة زات مال وجمال فقال اني اخاف الله اه حاجات هي ما لهاش داعي يعني. يعني ايه اللي يخليك تبكي وانت خالي يعني؟ الا الخوف من الله؟ ايه اللي يخلي امرأة تدعوك وهي ذات منصب وجمال ومش هتفضحك ولا احد هيشوفك - 00:10:54ضَ

ايه اللي يخليك تسيبها؟ الا ان يكون العمل ده عمل فعلا عظيم. فعلا عملته لله. لزلك التلاتة اللي توسلوا في قصة اصحاب الايه؟ اصحاب الغار. زكروا كلها اعمال تقريبا لا يعلم احد. واحد ابوه وامه نايمين. نايمين اصلا هو عياله صغيرين ولا حد شايف ولا حاجة. يقف طول الليل ماسك اللبن عشان رجع متأخر شوية - 00:11:14ضَ

هي مفروض يشربوا قبل ما يناموا. فوائد رجعت متأخر شوية ناموا. فرجع ماسك اللبن قاعد طول الليل ماسك اللبن. عياله يعيطوا ومش عايز يديهم. ولا هو يشرب. لا ابويا يشربوا الاول لغاية ما صحيوا لوحدهم. ما صحاهمش شربهم الاول بعد كده شرب اولاده. هو ده العمل اللي بيتوسل به في الغار. وفعلا الصخرة انزاحت - 00:11:34ضَ

واحد تاني كان حيزني ببنت عمه وخلاص قعد قعد معها زي ما بيقعد الراجل مع مراته فلما جت اللحظة دي قالت اتق الله. ولا تفض الخاتم الا بحق. قال فقمت عنها. وهي احب الناس الي. الراجل التالت واحد جاله اجير - 00:11:54ضَ

دا له آآ اشتغل عنده نسي ياخد فلوسه ومشي. بعد سنين رجع له قال له عايز فلوسي. قال له شايف كل اللي انت شايفه قدامك دا الاغنام والحاجات دي؟ قال له دي فلوس. قال له انت - 00:12:10ضَ

قال له لأ انا شلتها لك وشغلتها لك وهي بقت كده. سبحان الله يا اخي! ففعلا خدها ومشي ايه اللي يخليه يعمل كده! طب ما هو ممكن يدي له فلوس وخلاص - 00:12:20ضَ

ما هي دي الاعمال اللي احنا عايزين نستعد بها للازمات. انت بيجي لك ازمة مادية. بيجي لك ازمة في بيتك. بيجي لك ازمة في اولادك. بيجي لك مشكلة في الشغل عايز تدعي ربنا تخلي الدعاء ده قوي جدا. هتتوسل بالاسماء والصفات. وبعد كده هتقول يا رب ان كان هذا العمل - 00:12:30ضَ

كذا وكذا خالصا لوجهك. فافرج عني ما انا فيه. فافرج عني ما انا فيه. يبقى التوسل بالعمل الصالح مشروع. مشروع ربنا امنا بما انزلت واتبعنا الرسول فاكتبن مع الشاهدين. التوسل الاخير اللي قلنا عليه هو التوسل بدعاء الرجل الصالح. وهذا توسل يخلي الدعاء ارجى ان انت تأتي - 00:12:50ضَ

الى رجل صالح وتخليه هو يدعي لك خليه هو يدعي لك. وهذا مشروع في قول ابناء يعقوب لابيهم يا ابانا استغفر لنا ذنوبنا انا كنا خاطئين. وكان رجل يأتي للنبي عليه الصلاة والسلام - 00:13:10ضَ

فلم يسأله ان يستغفر له. وده اشياء ايه؟ والادلة على ذلك كثيرة ومشهورة. لكن يفضل ان يكون هذا الدعاء في امور الاخرة هذا هو الاولى. الاولى ان يكون هذا الدعاء في امور الاخرة. وليس من الاولى ان تنشغل عندما تلقى رجل - 00:13:23ضَ

صالح ان تجعله يدعو لك في امور الدنيا. انما هذه فرصة فلا تضيعها. فاطلب منه ان يدعو لك في امور الاخرة. هذا والافضل والاولى واذا طلب الانسان من رجل صالح الدعاء في امور الدنيا لا بأس ليس بحرام ولكن ترك الافضل. هذا بيسموه دون الاولى. ليه - 00:13:43ضَ

لان النبي عليه الصلاة والسلام لما جاءته المرأة قالت اني اصرع واني اتكشف. فادعوا الله لي. قال ان شئت دعوت الله وان شئت صبرت ولك الجنة. اذا اه هي بتطلب دلوقتي امر ايه؟ دنيوي ولا اخروي؟ دنيوي. هي بيجي لها صرع - 00:14:03ضَ

صرع امر دنيوي عادي هخف منه. واضح؟ فبيقول لها طيب لو عايز ادعي لك الموضوع ده ما فيش مشكلة. بس الافضل انك انت ما ادعي لكيش وتصبري ولك الجنة. قالت اصبر ولي الجنة ولكن ادعو الله لي الا اتكشف. فدعا لها. طب اشمعنى المرة التانية ما خيرهاش؟ لان التانية دي كانت - 00:14:23ضَ

دعاء في امر ايه؟ امر اخروي. ان هي بتتكشف. والتكشف ده مش امر دنيوي. التكشف ده يعني حرام. هي اه معزورة ان بيجلها صرع. لكن لكن ده امر قوي يترتب عليه ثواب وعقاب وكده. فلم يتردد عليه الصلاة والسلام في علاه ان لكن خيرها لما قالت له ايه؟ لما قالت له الصرع. لكن لما قالت له على التكشف - 00:14:43ضَ

ما خيرهاش ادعى لها على طول. لزلك لما عكاشة رضي الله عنه قام للنبي عليه الصلاة والسلام في حديس الايه؟ التوكل قال ادعوا الله لي ان اكون منهم السبعين الف - 00:15:03ضَ

ادخلوا الجنة بغير حساب. قال قال انت منهم فهذه نوع دعوة من النبي عليه الصلاة والسلام لعكاشة. فطلب عكاشة من النبي عليه الصلاة والسلام يدعو له فلم يخيره عليه الصلاة والسلام. واضح؟ اذا الانسان اذا طلب من رجل صالح فليكن الافضل - 00:15:13ضَ

نطلب منه في امور اخروية. ادعي لي اخش الجنة. ادعي لي ربنا يهديني للصلاة. او يطلب منه امر دنيوي. هو يريد به الجنة يريد به الجنة مسلا ادع لي اتزوج زوجة صالحة تعيني على ديني. هذا امر ليس دنيوي. لكن ادعي لي اتجوز وخلاص يبقى ده دنيوي. لكن انا اذا كان عنده - 00:15:33ضَ

في الامر الدنيوي دوت نية تخدم الاخرة فلا بأس يعني. وزي ما قلنا مش مش غلط. اطلب اي دعاء من اي رجل صالح احنا بنعلمكم الايه الافضل ايه؟ الافضل بس ولكن طلب الامور الدنيوية لا بأس بها لا بأس بها. ليه بنقول ان الامور الدينوية دون الاولى؟ لان الامور الدنيوية دائما يا اخواني - 00:15:51ضَ

تحتمل وجهين تحتمل وجه الشر وجه خير. ويدعي لي اتجوز فلانة مسلا. طب ايش عرفك فلانة ديت خير ولا شر لك؟ مش كده؟ ادعي لي اجيب العربية ما يدريك انت ممكن تدعي على نفسك وانت لا تشعر. فلان الامور الدنيوية تحتمل ايه؟ تحتمل وجهين. فكان الافضل الانسان يركز على الحاجات اللي هي لا - 00:16:11ضَ

الا وجه واحد ادع لي اصلي يعني ما تنفعش تبقى شر مش كده؟ ادعي لي اخش الجنة ما لهاش احتمالات تانية. فلزلك التركيز على الدعاء في امور الاخرة افضل تمام التوسل ممنوع تلات انواع اما اخطر انواع هو التوسل بدعاء - 00:16:31ضَ

المقبورين ودعاء الجن ودعاء الانبياء انك تدعوهم هم نفسهم. هم نفسهم ان تسألهم هم. تقول اشفيني يا سيدي فلان قفزني يا سيدي فلان مدد يا سيدي فلان فكلمة مدد هي دعاء. لان كلمة مدد هي طلب الايه؟ الاعانة. المدد هو العون. فكلمة - 00:16:50ضَ

المدد كلمة للناس بتستهتر بها ديت هذه طلب طلب هذا دعاء اسمه دعاء مدد يا سيدي فلان ده يعني انقذني ساعدني ابعت لي يا سيدي فلان فهذا شرك اكبر اكبر الشرك ده اكبر. طبعا احنا قلنا لكم قبل كده ان مش معنى ان انا بقول الشرك اكبر ان - 00:17:10ضَ

ان كل واحد يعمله يبقى ايه؟ كافر. فاكرين؟ قلنا مش لازم ان الفعل يبقى كفر. ان كل فاعل يبقى ايه؟ كافر. ليه؟ لان ان في اعزار تمنع من التكفير منها الجهل. واحد قاعد ايه؟ يغني اغنية محمد منير مسلا مدد مدد مدد مدد يا رسول الله. وقعد يدندن ولا فاهم اي حاجة - 00:17:30ضَ

مش عارف ان الكلمة اللي بيقولها دي شرك اكبر وهو لا يشعر. تفهمه يقول لك لا خلاص انا فهمت. لكن مش هينفع ان انا اكفره مجرد ما غنى اغنية محمد منير - 00:17:54ضَ

ولا كفر محمد منير نفسه. لان الزن ان الناس دي بيبقوا ايه؟ جهال. يعني لم يتعلموا العقيدة ولم يفهموا ما ما يجوز لله وما لا يجوز في حق الله سبحانه - 00:18:04ضَ

وتعالى. لايك فممكن يكون الشخص اخطأ. واحد وهو بيهزر مع بيهزر كده مش واخد باله. آآ حصل مدد آآ يا مهاب مش قصده حاجة. هو كيد جات كده معه اخطأ من ايه؟ من من شدة الفرح مسلا او ايه خدته الجلالة كده فراح قال كلمة. وبعد كده قال انا ما كانش - 00:18:14ضَ

قصدي ممكن يبقى اخطأ ممكن يبقى ناسي نسى الحكم فبيقولوا هو ناسي الحكم خالص على الناس قاعدين يتكلموا فراح هو لهلط كده بالكلام ما خدش باله ان هو قال كلمة شركية. ودي حيجي لنا بالتفصيل بعد كده اللي هي اعزار التكفير. بس انا عايز اقول لك ان مش معنى ان انا اقول على حاجة كفر - 00:18:34ضَ

لكل واحد يعملها لازم يكون ايه؟ كافر. ممكن يكون الشخص اللي بيعملها عنده عزر. عنده تأويل في واحد افتى له فتوى تانية. قال له لا مدد دي على فكرة ما فيهاش حاجة - 00:18:54ضَ

اه جاهل اه ناسي عيل صغير عيل صغير بيقول مدد هقول عليه كافر اصلا الصغير ليس عليه ليس عليه يعني شيء يعني ليس عليه تكليف رفع القلم عن ثلاث عن النائم واحد وهو نايم. قعد وهو تحت البنج وقاعد صوفي كانت تحت البنج قاعد - 00:19:04ضَ

مدى بنعمل فيه ايه يعني كفروة في البنج. ما هو الراجل مش حاسس بيقول ايه. فممكن النوم يمنع مسل البنج. في ناس تحت البنج فعلا قد تقول كلام كفر هي هو ده اللي جه معك. هو مش كده. بس هو يمكن بيحلم بحاجة ولا شاف حاجة ولا بتاع. فقعد يقول كلام ايه مش كويس. فده ما ياخدش اي احكام خالص - 00:19:24ضَ

النائم حتى يستيقظ عن الصبي حتى يحتلم عن الايه؟ عن المجنون حتى يفيق. فالمجنون برضو ليس ايه؟ ليس عليه كفر ليس له اجر وليس له وزر. ولزلك المجنون مهما عمل ما ياخدش لا شيء. لزلك من الخطأ مسلا دخل واحد مجنون المسجد يقول لك اهو ايه؟ مجنون ياخد له شوية حسنات - 00:19:44ضَ

هياخد حسنات ولا حاجة. هو ليس عليه تكليف لم ياخد حسنات ولا سيئات. فما فيش معنى انك انت تدخله تكركب لنا المسجد بواحد مجنون. هو اصلا ليس عليه تكليف ولا سيؤجر حتى ان صلى لانه لا يعقل من الصلاة شيئا. ازا كان انت لو سرحت في الصلاة ينقص اجرك. ما بالك لو كنت مجنون لا تفهم حتى معنى الصلاة. يبقى اللي عايزين نقوله يعني - 00:20:04ضَ

ان احنا مسألة التكفير دي هتجيلنا بقى بالراحة لان دي من اخطر المسائل اللي هي يعني عمت في هذا الزمان سرعة التكفير التساهل في التكفير ويترتب على التكفير بقى استحلال الدماء والاموال والمصايب كلها. تمام؟ فبالتالي ان احنا نفهم نفهم قضية التكفير ديت ايه - 00:20:24ضَ

الضابط بتاعها هل ما فيش تكفير خالص؟ لا في تكفير. هل نكفر اي حد؟ لا مش اي حد. لا فيه ضوابط. حنتعلم بعد كده الضوابط دي. ومين اللي يضع الضوابط دي ومين اللي يحكم ان الضوابط دي موجودة. مش اي حد ده لازم العلماء هم اللي يتكلموا في الموضوع دوت. مش انت اللي تقول لا ده ده مش جاهل. لا ده - 00:20:44ضَ

مش ناسي لا لا لا انت لسة بتتعلم. انما يفعل زلك اهل العلم الذين يفهمون. ازاي يحققوا المناط دوت او ينزلوا ازاي الاحكام دي على الواقع معين. فالمهم ان التوسل ممنوع الاول هو ان يدعو الانسان المقبور النبي الجن ملائكة - 00:21:04ضَ

قلنا ده شرك اكبر مخرج من الملة. ازا فعله الانسان وليس له اي عزر فهو كافر كفر اكبر. نعم. النمرة اتنين في التوسل قال ممنوع التوسل بالدعاء او بفعل القربات عند قبور الصالحين - 00:21:23ضَ

عند قبور الصالحين وعند الاضرحة. ولكن هو مش بيصرف العبادة للمقبور. لا. انما هو بيتعبد لله فقط يعني هو كان هيدعي في بيته. قال لك نروح ندعي جنب قبر سيدي فلان احسن - 00:21:43ضَ

راح هناك عشان يقول الدعاء هناك احسن. هي دي الوسيلة بتاعته. عشان نقول الوسيلة هي تقريب الدعاء. هو عايز يخلي الدعاء اقرب الى الله. راح عمل ايه؟ ساب المكان اللي هو فيه - 00:21:59ضَ

راح عند الضريح او عند القبر ودعا ربنا هناك. ودعا ربنا. او قال لك اروح اقرا قرآن هناك افضل. او اروح اصلي هناك افضل. تمام هذا الفعل بدعة. ليه ما قلناش ان هو شرك اكبر؟ لانه ما صرفش العبادة لغير الله في الحقيقة - 00:22:09ضَ

اللي ما اتصرفش اي عبادة لغير الله. هو بيعبد ربنا بالفعل ولم يصرف عبادة لغير الله. طب ليه قلنا ان دوت شرك بدعة او المسمى الادق ان احنا هنقول ده شرك اصغر - 00:22:27ضَ

هو ايه تعريف الشرك الاصغر يا اخواني وكل باب قد يوصل الى الشرك الايه؟ الاكبر. اي باب ممكن لما يتطور يوصل بك للشرك الاكبر بنسميه شرك ايه اصغر. طيب انا النهاردة بدعي ربنا عند قبر فلان دوت. فحصل ان ربنا استجاب لي بعض الدعوات. الشيطان هيزين لي ايه؟ هيزين لي - 00:22:40ضَ

المقبور نفسه يقول لك شفت بركات سيدك فلان وشفت وشفت وشفت يمكن بعد كده اروح بقى ادردش معه شوية المرة اللي بعديها قبل ما ادعي واحكي معه شوية وبعد كده هدعيه هو وبعد كده مش هحتاج اروح لأ ده انا هدعيه في البيت ما هو بيسمع كل حاجة وبيشوف كل حاجة وده سيدنا ده معدي - 00:23:05ضَ

وده الطالب الغالب ومش هتعرف تهرب منه والموضوع يخش معك في شرك اكبر. يبقى انا لما اعمل العبادات عند طبعا الشيطان هيزينها لك. هيخلي لك العبادة حلوة اوي عند المكان دوت. وهيسيب لك الروحانيات على الاخر - 00:23:25ضَ

هو يحاول يعكر عليك اي عمل في السنة. زلك تجد ممكن البعض يقول لك ايه آآ ما بلاقيش قلبي في الصلاة. ما هو فيه منازعة فيه شيطان يحاربك. انت عايز تلتزم كده بالساهل؟ انت عايز بعد العمر ده كله تسيبه كده بالساهل؟ ده مش هيسيبك. ده هيتنطط لك. يقول لك - 00:23:39ضَ

انا ما كنتش بوسوس قبل ما التزم كنت بتوضى عادي كنت بصلي عادي اول ما التزمت واسوس في الوضوء واسوس في الصلاة واسوس في وفي الغسل وبتوضى ميت مرة مع اني ما كنتش كده مش عارف - 00:23:58ضَ

الالتزام ده هو السبب ولا ايه ؟ ايوة ما هو انت اصلا كنت متوضى غلط. يعني هو ما كانش عنده مشكلة يوسوس لك في الوضوء وضوءك ما كانش مقبول تقريبا. والصلاة بتاعتك كانت يعني نقر - 00:24:10ضَ

ليس لها فائدة وليس لها معنى فما كانش بيوسوس لك يعني. انت كنت بتصلي وكنت في نفس الوقت بتزني وبتشرب خمر فآآ يعني هو شايف ان الصلاة مش مش بتفيدك في حاجة فمش هيعطلك يعني. بل - 00:24:20ضَ

على العكس هو يسيبك تصلي احسن تفوق ما انت لو سبت الصلاة كمان يمكن تفوق. فيخدعك يقول لك انت خلي بالك انت انت بتصلي يعني. انت احسن من غيرك. اه انت بتزني وبتشرب وبتاع. بس انت بتصلي - 00:24:33ضَ

لو جالك على الصلاة كمان يمكن تتوب بقى من كل مرة واحدة. لكن هو لازم يسيب لك حتة كده. وحتة مش هتفيدك قوي. لان الصلاة دي لو كانت تمام كانت ناهيك عن الايه؟ عن المنكر. مش كده - 00:24:47ضَ

ان الصلاة تنهى عن الفحشاء والمنكر. فالشيطان برضو يعني فقيه. بيعرف يسيب لك ايه وياخد ايه؟ ما يحاولش يوصل قوي لدرجة انك تفوق منه. هو ياخد وانت ما تحسش. طول ما انت مش حاسس ياخد. اول ما تحس يسيب. عشان يفضل ايه؟ يطول. يسيب شوية. ما هو هياخد بعد كده. بس مش هياخد منك الا وانت مش - 00:24:57ضَ

حاسس ياخد ياخد ياخد وانت لسة بتزن انك انت الحمد لله ان احنا احنا ما بنعملش حاجة غلط وخلاص تقريبا ما فاضلش حاجة صح بتعملها يعني. لكن لما انت التزمت بقى وبطلت - 00:25:17ضَ

كل حاجة وبقت صلاتك فيها تركيز وبقت بتأثر على عبادتك وبتأثر على اخلاقك مش هيسيبك. هيطلع لك في الصلاة. لا طب انا هروح التزمت بس اروح اصلي عند القبور هيسيبك على الاخر ويخلي الروحانيات تشتي عليك. وتجد بعض يقول لك انا بص انا بصلي في مسجد ما بحسش بحاجة - 00:25:27ضَ

اروح بقى للحضرة دي بص ما اقولكش روحانيات ايه؟ ده هناك بتحس بخشوع غير عادي. نقول هذا من تلبيس ابليس. هذا كخشوع من يسمعون الغناء والموسيقى ويرقصون ويطربون وتجد واحد فيهم يعني فعلا يتوه مع الموسيقى والغناء. هذا من من فعل ابليس. يخليك تتوه - 00:25:47ضَ

كذا لكن هذا ليس هو الخشوع المرضي عند الله سبحانه وتعالى. هذا سكر اشبه بالايه؟ بالسكر. لكن السكر يشبه يشبه الخشوع يشبه الخشوع في بعض الايه المظاهر يعني. لكن اللي عايز اقوله ان الانسان لا ينخدع. ان الشيطان لو شافك التزمت التزام فيه باب شرك زي التزام الصوفية والتزام - 00:26:07ضَ

بتوع القبور دولا هيسيبك طبعا. لان هو انت كده عملت معه واجب جامد جدا. هو كان اخره معك شوية معاصي. انت دلوقتي دخلت في الايه؟ في الشركيات. ده انت سكتك سالكة - 00:26:27ضَ

دواء عشان يوصل الزنا ده لشركة كانت مشكلة كبيرة. صح؟ لكن انت دخلت على قبور على طول يعني الموضوع قرب معه ان انت تدعي تدعي بقى الميت ده ويخلص منك - 00:26:37ضَ

وخلاص. تمام؟ فهو عايز الشركة ومش فارقة معها تزني تشرب. انا عنده استعداد انك انت تكون بتصوم وتصلي وبتحج بيت ربنا كل سنة. بس بتقول مدد يا سيدي بس شكرا هو مش عايز اكتر من كده. دي توفر عليه سكة طويلة قوي. كان هيقعد بقى عايز يجيب الشهوات من اولها لاخرها عشان يوصلك لدي. لكن انت - 00:26:47ضَ

نطة كبيرة اوي المهم يعني ان الانسان آآ يفهم التوسل ممنوع التاني دوت وهو التوسل بعمل الصالحات عند قبور الصالحين هل ده كفر اكبر؟ لا انما هو شرك اصغر لان هو ممكن يؤدي بعد بعض الوقت الى شرك اكبر. فلذلك العبادات تفعل - 00:27:07ضَ

في اي مكان ايه الفرق بين انك انت تقرا قرآن عند القبر او في بيتك؟ حتى لو عايز تهديه للمقبور على قول من يجوز ذلك؟ ايه الفرق مش لازم تروح تقرا عنده - 00:27:28ضَ

اعرف بيتك واهديه السواب ده لو انت عايز تهديه له. تمام؟ ايه الفرق من انك انت يعني تدعي ربنا عند القبر او في بيتك؟ سواء يبقى ايه اللي يخليك تتمشور - 00:27:40ضَ

وتروح هناك تمام؟ فيبقى ديت هم اه بالظبط. يبقى دوت نوع التوصل بفعل القربات عند التوسل التالت ده بقى منهم بقى. احنا قلنا الشرك الاكبر الشرك الاصغر اللي جاي ده ايه؟ هنتكلم فيه. وهو التوسل - 00:27:50ضَ

تجاه الانبياء او جاه الصالحين. يعني ايه التوسل ده؟ التوسل ان انا وانا بدعي اقول يا رب بجاه النبي اعمل لي في كزا او يا رب بجاه فلان اعمل لي كذا. بحق فلان. اعمل لي كذا. بحق النبي - 00:28:10ضَ

اعمل لي كذا هذا التوسل ما حكمه؟ ذكر ان حكمه هو من البدع المحدثة يعني حرمه اعلن دوت بدعة بدعة. لان الله سبحانه وتعالى قال وان ليس للانسان الا ما سعى. وقال االله اذن لكم ام على الله - 00:28:30ضَ

يفترون قال ولان جاه الصالحين ومكانتهم انما تنفع تنفعهم هم ولا تنفع غيرهم. هو ده راجل صالح هننتفع بايه ليس الانسان الا ما سعى. يبقى ناخد صلاحك ليه ان تفعل ايه؟ صلاحك نفعك انت. لكن تنفعني انا ليه؟ ما تنفعنيش لان انا ما كنش لي دور - 00:28:50ضَ

في هزا الصلاح تمام ما كانش لي دور في هزا الصلاح. بيقول ولم يكن هزا التوسل معروفا عند الصحابة. ولم يكونوا يفعلون زلك وقد نص على المنع منه وتحريمه غير واحد من اهل العلم. ثم قال قال ابو حنف رحمه الله ذكر ان يقول الداعي - 00:29:10ضَ

اسألك بحق فلان او لاوليائك ورسلك او بحق البيت الحرام والمشعر الحرام. طيب تمام خلينا نمشي وراء الكتاب وهو ده الراجح يعني اللي مذكور في الكتاب هو الراجح. لكن انا في اخر الباب ساذكر لكم آآ شيء من التفصيل - 00:29:30ضَ

من باب الامانة العلمية. لكن الراجح هو فعلا ما زكره هنا ان هذا الامر لا يجوز. لا يجوز ان يتوسل بجاه النبي عليه الصلاة والسلام او بجاه احد الصالحين. هو هيقول هنا شوية شبهات وبعد كده في الاخر هقول لكم اضافة كده صغيرة. بيقول شبهات والرد عليها في قضية التوسل اه - 00:29:50ضَ

فيها ديت. بيقول اورد المعارضون في القضية دي شبهات. الشبهات دي بتدور حوالين احاديس ضعيفة او احاديث صحيحة اتفهمت غلط. حاجة من الاتنين الشبهة حاجة من الاتنين. يا اما احاديس ضعيفة اصلا بيستدلوا بها. او احاديس صحيحة لكن اتفهمت ايه - 00:30:10ضَ

غلط فهيبدأ لنا بشوية احاديس موضوعة كده مشهورة هي دي الناس ايه؟ بتستعملها في الموضوع دوت. بيقول اول حديث حديث توسلوا بجاهي فان جاهي عند الله عظيم. قال ده الحديس ده باطل ولا يوجد في اي كتب من كتب - 00:30:30ضَ

حديث وهو لم يرويه احد من العلماء. ده اول حاجة يبقى ده مش موجود خالص. الحديس التاني اذا اعيتكم الامور فعليكم باهل القبور. مية مية. ياللا بنا. لكن هزا حديس باطل. موضوع ليس له اصل في الدين. حديس باطل - 00:30:50ضَ

ونحن لا نتعبد بالاحاديس الباطلة. يقول هو حديث مكذوب مفترى على النبي عليه الصلاة والسلام. اذا اعيتكم الامور فعليه باهل القبور. نعم. الحديث التالت بيقول لو احسن احدكم ظنه بحجر لنفع - 00:31:10ضَ

بيقول حديس باطل مناقض لدين الاسلام وضعه بعض المشركين. دايما الحديس الموضوعة بيضعها واحد عشان يسترزق يعني في حاجة مسلا مزنوق فيها يروح حاطط لها حديس. يلا بنا. هتشتغل مع ايه؟ كويس. تمام؟ ما القصة المشهورة بتاعة الايه؟ الراجل اللي ايه كان عايز يبيع بلح - 00:31:30ضَ

حديس على العربية. كان جنبه بتاع سمك شغال زي الفل. هو بتاع بلح ما بيبعش حاجة. فقال قال رسول الله صلى الله عليه وسلم من اكل سمكا فليبلح. اي حاجة - 00:31:50ضَ

يلا بنا. فاشتغل زي الفل. حديس يلا. وكله بقى يجيب سمك يروح معدي عليه ايه؟ يجيب بلح اه. من اكل سمك كيف المهم اشتغل يعني جاب بس يعني من كذب علي متعمدا فلا يتبوا مقعده من النار يا فرحتي بالبلح بتاع - 00:32:00ضَ

فايه كان دايما الوضاعين بيكون لهم اغراض. فتجد ان الشيعة وضعوا احاديس كتير جدا علشان يقيدوا مزهبهم. ما هيقيدوا بايه؟ ما فيش حاجة بتقيد مزهبهم فعندهم كمية احاديث موضوعة ما اتشافتش قبل كده. هو الدين كله موضوع عندهم. وممكن بقى واحد كان عايز يوجب مع مع الدولة الاموية - 00:32:20ضَ

بيروح حاطط حديس مع الدولة العباسية. يعني ايه؟ هتجد فيه اغراض. فده المشركين وبتوع القبور بيحبوا قوي الايه الجو دوت. فتجد ان اغلبهم هم اللي حاطين القصة دي حديث ده بقى الحديس ده مشهور للاسف وبيتقال على المنابر لما اقترف ادم الخطيئة قال يا رب - 00:32:40ضَ

اسألك بحق محمد لما غفرت لي. فقال يا ادم وكيف عرفت محمدا ولم اخلقه؟ قال يا ربي لما خلقتني ونفخت في من روحك رفعت رأسي فرأيت على قوائم العرش مكتوبا لا اله الا الله محمد رسول الله - 00:33:00ضَ

فعلمت انك لم تضف الى اسمك الا احب الخلق اليك. فقال غفرت لك ولولا محمد ما خلقتك الناس بقى على تحت يلا يلا عارف انت فيها يا اما بيقعدوا يقولوها بطريقة ايه بتخلي الناس تسخن قوي بقى خلوا الناس تحب النبي قوي بس ما ينفعش انت - 00:33:20ضَ

خلي الناس تحب النبي في حديس ايه؟ موضوع. ما هو لما هو يقعد كده وبعد كده يطلع يلاقي حديس موضوع مش هيصدقك بعد كده في اي حاجة. ولولا محمد ما خلقتك. ليه يعني - 00:33:40ضَ

ليه كل ده؟ هذا غلو. هذا غلو شديد في النبي عليه الصلاة والسلام. نعم هو افضل من ادم بلا شك. وهو من المنزلة العالية عند الله سبحانه وتعالى. ولكن الله لم يخلق ادم من اجل محمد عليه الصلاة والسلام. وما خلقت الجن والانس الا ليعبدون. انما خلقه لحكمة. قالت اتجعل فيها من يأمن ايه - 00:33:50ضَ

من يفسد في يسفك الدماء ونحن نسبح بحمدك فنصرك؟ لم يقل ان هذا لاجل محمد. قال اني اعلم ما لا تعلمون. يعني انا اعلم لماذا خلقت هذا الصنف الادمي انما يخلقه ليعبدوا الاناث برغبتهم. انتم ايها الملائكة تعبدونني رغما عنكم. الشاهد يعني ايه الحديس ده باطل. الحديس ده باطل - 00:34:10ضَ

ومن احاديث بقى فيها غلو النبي عليه الصلاة والسلام ان النبي عليه الصلاة والسلام مسلا مخلوق من نور يعني دلوقتي لو هو الحديس ده اتفهم منه ان التوسل بجاه النبي - 00:34:30ضَ

عليه الصلاة والسلام. ايه اللي يخليه ينتقل الى التوسل بالعباس؟ طب ما هو جه النبي مش هيفرق ميت او ايه؟ او حي. فايه اللي يخليه يقول نتوسل بعمي نبيك طب ما كان يتوسل بالنبي برضه عادي يعني. صح؟ يبقى كونه انتقل للعباس يبقى ده دل ان التوسل ده مات بموت النبي عليه - 00:34:40ضَ

الصلاة والسلام. ثم ان العباس لما كان بيقولوا له كده كان بيعمل ايه؟ كان بيقوم ايه؟ يدعي. لو كان نتوسل اليك يا عم العباس كان عباس وهو قاعد في مكانه خلصت. لكن كان العباس - 00:35:00ضَ

الاستاز بيقوم يدعي فعلا. فازا المعنى هنا ان كنا نتوسل الى امريكا يعني بدعاء نبيك وان الان نتوسل بعم نبيك يعني بدعاء عم نبيك. والا فلو كان التوسل بالجاه لما كان هناك فرق بين حياة النبي عليه الصلاة والسلام - 00:35:10ضَ

وبين مماته. تمام ولم يثبت عن الصحابة انهم توسلوا بجاه النبي عليه الصلاة والسلام بعد موته ولا بجاه احد. ولا بجاه احد بعد النبي عليه الصلاة والسلام. فالحديس دوت ليس فيه دليل على جواز التوسل. وعلى جواز التوسل. الحديس بقى اللي هو اللي جاي بقى الحديس ده مهم جدا. حديس - 00:35:26ضَ

عثمان ابن حنيف حديس عسمان ابن حنيف ان رجلا ضرير البصر. ده حديس صحيح. اتى النبي عليه الصلاة والسلام. فقال ادعوا الله ان فقال ان شئت دعوت وان شئت صبرت فهو خير لك. نفس الكلام اللي قاله ايه المرأة التي كانت تصرع. وزي ما قلنا ده لان بيتكلم في امر دنيوي. فخير - 00:35:49ضَ

قال له الافضل تصبر لكن عايز ادعي لك عادي يجوز. فقال فادعو لا انا مش قادر اصبر معلش ادعي ربنا عشان مش قادر اصبر على يعني العمى دوت فامره ان يتوضأ فيحسن وضوءه ويدعو بهذا الدعاء. قال له قل رح اتوضأ وقل. اللهم اني اسألك واتوجه اليك بنبيك - 00:36:12ضَ

محمد نبي الرحمة اني توجهت بك الى ربي في حاجتي هذه لتقضى. اللهم فشفعه في. اللهم فشفعه في تمام هنا الحديس برضو ظاهره جواز التوسل بالنبي عليه الصلاة والسلام. لكن نفس الكلام هو نفس القضية. الرد عليه سياق الحديث نفسه - 00:36:32ضَ

هو الراجل الضرير ده جه للنبي عليه الصلاة والسلام قال له ايه الاول؟ قال ادعو الله ان يعافيني راح النبي قال له ايه؟ ان شئت صبرت وان شئت ايه؟ دعوت لك. قال فادعو. مش كده ولا ايه - 00:36:57ضَ

فقال له رح قل الكلمتين دول. يعني هو دلوقتي قال له هادعي لك وقال له ادعي الو رح قل دولا. يبقى ازا الكلام ده مقصوده ايه؟ اللهم اني توجهت اليك اللهم اني اسألك واتوجه اليك بنبيك يعني بايه؟ بدعاء نبيك برضه مش بجاه نبيك - 00:37:09ضَ

بدعاء نبيك يا محمد يعني هو بيقول يا رب استجب دعاء النبي في ولزلك قال اللهم شفعه في شفعوا من الشفع. الشفع يعني ايه؟ حاجة فرد تبقى ايه؟ لما يبقوا اتنين يبقوا شفعي - 00:37:26ضَ

فهو بيدعي ربنا يقبل دعاء النبي عليه الصلاة والسلام. والنبي عليه الصلاة والسلام بيدعي له. فكده كانت شفاعة بقى. الاتنين ايه؟ الاتنين شغالين مع بعض. فالسياق الحديس اللي ياخد الجزء ده بس هيفتكر ان ده توسل بالجهل. لكن الحقيقة هو ليس توسل بالجاه انما توسل بدعاء برضه النبي عليه الصلاة والسلام. والا لو كانت - 00:37:42ضَ

بس الوجع ما كانش الراجل ده جه اصلا للنبي عليه الصلاة والسلام ولا احتاج يتمشور المشورة ديت انما كان في بيتهم. قال الكلمتين دول او خلصت مش كده؟ لكن جا له قال له ادعي لي وقال له لو - 00:38:02ضَ

ادعي لك ادعي لك. قال له لأ ادعي لي. قال له طب قل الكلمتين دول. طب ما كان يقول له بص بقى مش حدعي لك وقل الكلمتين دول مش كده؟ لأ هو قال له هدعي لك وقل الكلمتين دول - 00:38:12ضَ

يبقى معناه التوسل اليك بنبيك يعني بدعاء نبيك. فده زاهر جدا في الحديس. تمام طيب الحتة اللي قلت لكم هقولها لكم للامانة العلمية. الحديس ده حديس عثمان بن حنيف. عثمان بن حنيف - 00:38:22ضَ

عثمان بن حنيف صحابي تمام؟ فيه رواية تانية في الحديس ده رواية تانية في الحديس ده لها مقدمة قبل الايه؟ قبل القصة ديت المقدمة دي ان عثمان بن حنيف ده جاءه رجل في زمن عثمان بن عفان - 00:38:44ضَ

فقال عثمان ابن حيف قال للرجل مالك شافه مهموم؟ قال له مش عارف اقابل عثمان ابن عفان. كل ما احاول ادخل له مش عارف في زحمة وفيه ناس مش نفسي اقابله عايز اقابله. فقال - 00:39:05ضَ

عثمان بن حنيف لرجل افعل ما امرك به توضأ وضوءك للصلاة ثم قل وزكر له هزا الدعاء. اللهم اني اسألك واتوجه اليك بنبيك محمد نبي الرحمن. اني توجهت بك الى - 00:39:18ضَ

ربي في حاجتي هذه لتقضى. اللهم فشفعه في وشفعني فيه. قال ثم اذهب الى عثمان فستقضى حاجتك فتوضأ رجل وقال هذا الدعاء ثم دخل على عثمان فقضيت حاجته ده دليل قوي جدا - 00:39:34ضَ

للي هيقول ان التوسل بالايه؟ بالجاه اننا ما فيش دعاء. النبي عليه الصلاة والسلام ايه؟ مات. وهو هنا بيقول بنبيك بقى مش زي العباس بنبيك يبقى دي مش هتحتمل الا الايه - 00:39:53ضَ

اللي الجاه بس ما تنفعش يبقى دواء التوسل بالايه؟ بالدعاء. لان النبي مات احنا في زمن عثمان دلوقتي. مش كده؟ طيب الدليل دوت طالما هو دليل قوي كده ليه بنقوله كده في المسألة؟ لان الزيادة دي في الحديس - 00:40:06ضَ

ضعيفة ضعيفة على الراجح. يعني ايه ضعيفة على الراجح؟ يعني تصحيح الحديس ده فيه خلاف بين اهل العلم. الجزئية دي في الحديس اللي انا قلته لكم الحديس التاني ده صحيح. لكن الجزئية الزيادة دي اللي كانت في الحديس بتاعة عثمان مع الراجل ده فيها خلاف بين اهل العلم. البعض صححها والبعض ايه - 00:40:20ضَ

ضاعفها اللي ضعفها كده ما عندوش ولا دليل على جواز التوسل بالايه؟ بالنبي عليه الصلاة والسلام فضلا عن الصالحين. فهيقول ان التوسل بالصالحين وبالنبي عليه الصلاة والسلام اللي صححها هيبقى له حجة فعلا. وما تقدرش ترد على الحجة ديت - 00:40:42ضَ

وهيقول ان يجوز التوسل بجاه النبي عليه الصلاة والسلام. وممكن البعض يزود ويقول بجواز التوسل بالصالحين كمان لزلك بنقول المسألة دي بالزات فيها خلاف فعلا بين اهل العلم مش زي الحاجتين اللي فاتوا. قلت لكم التوسل تلات انواع هي درجات. واحدة كانت شرك اكبر - 00:41:01ضَ

تانية شركة ايه اصغر التالتة بدعة على الراجح لكن فيها خلاف بين اهل العلم. يعني في اهل العلم بيقول يجوز. العز بن عبدالسلام يقول يجوز التوسل بالنبي عليه الصلاة والسلام صريحة. الامام الشوكاني رحمه الله يجوز التوسل بالنبي عليه الصلاة والسلام - 00:41:22ضَ

الصالحين انك تنفع تقول يا رب بحق فلان افعل لي كذا. بسبب الزيادة دي في الحديس. الزيادة دي صححها الامام آآ الطبراني. لزلك اللي خد بالتصحيح دوت هيبقى له حجة. اللي ما خدش بالصحيحة دوت هو ده الراجح ان هي ضعيفة في الحقيقة. وشيخ الاسلام ابن تيمية ضعف الرواية ديت وبالتالي لم يعني يوافق اجازة - 00:41:44ضَ

التوسل بالنبي عليه الصلاة والسلام. احنا بنقول الذي اعتقد وادين به لله ان هذه الرواية ضعيفة. وان التوسل بجاه النبي عليه الصلاة والسلام وبجاه الصالحين بدعة انا الراجح لكن ايه الفرق من انا بقول المسألة فيها خلاف والمسألة ما فيهاش خلاف. تفرق في حاجة واحدة بس. تفرق في تعاملي مع المخالف - 00:42:05ضَ

يعني لو انا شفت واحد بيتوسل بجاه النبي عليه الصلاة والسلام. وبيقلد عالم في الموضوع دوت هاشتد عليه اوي في الانكار ولا يعني هيبقى الموضوع ايه؟ اخده آآ فيلين شوية هيبقى في الهادي بقى ما المسألة فيها ايه؟ فيها خلاف. هو واخد - 00:42:25ضَ

القول ده خلاص هقول له بس على فكرة الحديس ده ضعيف. لا انا واخد نوع صحيح. خلاص يا عم انت ايه؟ انت وشأنك يعني. ما فيش مشكلة. مش هشد بقى على ايه على المخالف - 00:42:41ضَ

غير اللي بيقول مدد غير اللي بيروح يدعي ربنا عند القبر ده هيشد عليه لان ده مسألة ما فيهاش خلاف. لكن لو لقيت واحد بيتوسل بجاه فلان او بجاه النبي عليه الصلاة والسلام انا عارف ان كلامه ده واخده من - 00:42:51ضَ

علماء العز بن عبدالسلام الشوكاني وغيرهم من الائمة بل وقول عند الامام احمد يبقى انا ايه مش هشد قوي. انما مسائل الخلاف فيها التبيين. يعني واحد في صلاة الجماعة بيحط ايده على صدره قاعد يحط ايده على بطنه. واحد قال له لا ده كده غلط - 00:43:03ضَ

قال له لا ده الامام مالك قال كده قال له طب يعني ايه؟ هيبقى الكلام في ايه؟ بسيط. مش هشد عليك. لو انا لقيتك فعلا متمسك برأيك وبتقلد امام معتبر هسيبك خلاص - 00:43:18ضَ

الخلاف ليس فيها انكار انما فيها التبيين. انا بحاول اقنعك بمزهبي. ما اقتنعتش. هقول لك ما فيش مشكلة. انت واحنا ما فيش ايه؟ هنا الخلاف رحمة زي ما بيقولوا يعني. تمام؟ آآ فلزلك انا بنقل لكم الكلام ده للامانة العلمية. لكن اللي احنا المفترض نعمله ان احنا يعني ايه نبتعد خروجا - 00:43:28ضَ

من الخلاف خروجا من الوقوع في البدعة عن الايه؟ عن القضية ديت. طيب ايه رأيكم نحولها لحاجة سهلة؟ هنزود كلمة واحدة تتحول الى شيء متفق عليه. بدل ما تقول اللهم اني اسألك بنبيك - 00:43:48ضَ

قل الكلمة دي حط عليها اللهم اني اسألك بحبي لنبيك. خلصت كده. كده ما حدش يقدر يقول لك تلت التلاتة كام. لانك انت بتتوسل بايه هنا دلوقتي ايه لأ عايز كلمة ادق بعمل صالح. صح احسنت. دي ادق شوية. هو ده توسل صحيح لان ده توسل بايه؟ بعمل - 00:44:03ضَ

صالح زي ربنا امنا بما انزلت واتبعنا ليه الرسول فاكتبنا. فبدل ما تقول اللهم اني اسألك بنبيك اللهم اني اسألك بحبي لنبيك. بدل ما تقول اللهم اني اسألك بفلان. اللهم اني اسألك بحبي لفلان. لان حب الصالحين برضو ايه؟ عبادة. فانت حولتها من مسألة فيها خلاف الى مسألة - 00:44:25ضَ

لا ما فيهاش ايه؟ خلاف بكلمة واحدة بس. فاخرج من الموضوع دوت بالكلمة ديت. دايما اسأل ربنا بحبك للنبي عليه الصلاة والسلام. يبقى انا كده خلصت لكم الايه؟ التوسل المشروع - 00:44:41ضَ

والتوسل الممنوع. بيقول المطلب السابع الغلو الغلو. بيقول تعريف الغلو هو المجاوزة الحد. بان يزيد في حمد الشيء او زمه على ما يستحق. وفي الشرع هو مجاوزة حدود ما شرع الله لعباده سواء في العقيدة او في العبادة. ما حكم الغلو؟ حرام. لما جاء في النصوص - 00:44:51ضَ

من النهي عنه والتحذير منه وبيان سوء عواقب الغلو على اهله في العاجل ولكن قال تعالى لاهل الكتاب يا اهل الكتاب لا تغلوا في دينكم. ولا تقولوا على الله الا الحق. انما المسيح عيسى - 00:45:11ضَ

ابن مريم رسول الله وكلمته القاها الى مريم وروح منه. فامنوا بالله ورسله ولا تقولوا ثلاثة انتهوا خيرا لكم. انما الله اله واحد سبحانه وان يكون له ولد له ما في السماوات وما في الارض وكفى بالله وكيلا. لن يستنكف المسيح ان يكون عبدا لله - 00:45:29ضَ

ولا الملائكة المقربون لزلك بعض الايه النصارى بييجي على المسلمين الغلابة مش فاهمين حاجة يقول لهم ده القرآن بيسبت الوهية المسيح. تقول له ازاي؟ يقول لك عندكم سورة النساء وكلمته القاها الى مريم وروح منه. ايه رأيك بقى؟ ادي القرآن بيدل على الوهية المسيح - 00:45:51ضَ

تلاقي المسلم يا عيني اتكعبل بقى الله الله الله الله ده الكلام كبير ما احنا مش فاهمين دينا. هو بس لو راجع كلمتين ورا او كلمتين قدام هيفهم كل حاجة. هو اصلا اول اية ايه - 00:46:14ضَ

يا اهل الكتاب لا تغلوا في دينكم ولا تقولوا على الله الا الحق. انما المسيح عيسى ابن مريم رسول الله وكلمته ما هو قال لك من اول وكلمته بقى وكده ولا تقولوا ايه؟ ثلاثة انتهوا خيرا لكم. طب كمل الاية - 00:46:24ضَ

عامل زي ايه ؟ قال لك آآ آآ قال لك ما ينفعش تقولوا على النصارى كفار. ليه يا عم الحاج؟ ربنا بيقول لكم دينكم ولي دين. فباول السورة ايه؟ قل يا - 00:46:40ضَ

الكافرون حضرتك السورة اسمها الكافرون اصلا يعني يعني في ناس كده بتاخد ايه؟ ويل للمصلين. عارف انت الجو ده؟ فلازم نفهم دينا صح. المهم يعني عن ابن عباس ان النبي عليه الصلاة والسلام قال اياكم والغلو فانما هلك من كان قبلكم بالغلو في الدين. صح؟ وهل هلك النصارى - 00:46:50ضَ

يهود الا بالغلو في الدين. بالغلو في الدين. قال عليه الصلاة والسلام هلك المتنطعون وعن عمر رضي الله عنه قال عليه الصلاة والسلام لا تطروني كما اطرت النصارى ابن مريم - 00:47:10ضَ

انما انا عبد فقولوا عبد الله ورسوله عليه الصلاة والسلام. فالمراد ان الانسان لا ينبغي ان يبالغ في مدح النبي عليه الصلاة والسلام حتى لا يقع فيما وقعت فيه النصارى. من اعتقاد صفات الرب فيه - 00:47:23ضَ

بانه يجيب الداعي او انه يدبر الامر. او انه يعني يجلب النفع او يدفع الضر. كما يعتقد النصارى في المسيح. النصارى الموضوع اتطور معهم لدرجة اعتقدوا ان ان الله هو المسيح ابن مريم. كما يعتقد الارسوزوكس في بلادنا هذه. النصارى في بلدنا اللي هم الغالبية هنا بيعتقدوا ان الله هو هو المسيح ابن مريم - 00:47:39ضَ

مش سالس سلاسة ولا ابن الله لأ ده كان هو المسيح ابن مريم يعني عليه من الله ما يستحقون. لزلك قصائد المديح في النبي عليه الصلاة والسلام ينبغي ان يشدد عليها. لان كثير منها يقع في غلو شديد للغاية. شديد للغاية. وبيبقى الناس مش فاهمة وبتقعد تدندن ويلا - 00:47:59ضَ

ومش فاهمين هما بيقولوا ايه. وهذا الكلام لو سمعه النبي عليه الصلاة والسلام يعني لاستنكر هذا الكلام للغاية. كلام شنيع لا لا يمكن ان يقبله احد يؤمن بالله وبرسوله عليه الصلاة والسلام. وهذا موجود في اشياء حتى مشهورة. زي مسلا - 00:48:19ضَ

آآ البوردة المشهورة اللي هي دايما بايه بتنشد في مولد النبي عليه الصلاة والسلام او في رأس السنة او في اسراء والمعراج وغير زلك فيها كلام لا لا يحتمل. مثلا من ذلك قوله في البردة قال آآ مالي من الوذ به سواك - 00:48:37ضَ

عند حصول الحادث العممي ما لي من الوذ به سواك؟ يقصد النبي عليه الصلاة والسلام عند حصول الحادث العممي. وفي آآ بيت من الابيات قال ومن جودك الدنيا وضارتها يعني الاخرة ومن علومك - 00:48:57ضَ

علم اللوح والقلم من علوم النبي عليه الصلاة والسلام علم اللوح والقلم علم اللوح المحفوز. ازا النبي عليه الصلاة والسلام يعرف كل شيء ما كان وما سيكون. اعرف علم الله سبحانه وتعالى - 00:49:19ضَ

هل هذا يجوز؟ يقول ومن جودك الدنيا وضرتها الدرة بتاعة الدنيا اللي هي ليه؟ الاخرة يعني. يعني من جود النبي عليه الصلاة والسلام الدنيا والاخرة اه صحيح هو قل اني لا املك لكم ضرا ولا رشدا. قل اني لن يجيرني من الله احد. ولن اجد من دوني ملتحما - 00:49:33ضَ

وبعد كده هو يقول له ومن علومك علم اللوح والقلم؟ فاي قصيدة فيها مدح للنبي عليه الصلاة والسلام اقراها كويس قبل ما تقولها. اقراها كويس جدا. او اعرضها على احد علشان الايه؟ حتى البتاع - 00:49:52ضَ

صورة قمر سيدنا النبي قمر دي مليانة ايه؟ مليانة حاجات غريبة مليانة حاجات صعبة جدا يعني هي مطلعها ما فيهوش مشكلة بس لما تتوغل في الكلمات بقى بتلاقي حاجات يعني صعبة يعني. حاجات انا مش حافزها طبعا لكن انا بعد المراجعة لا فيها كلام - 00:50:02ضَ

مخالف تماما لما يحبه النبي عليه الصلاة والسلام. فالمبالغة في مدح النبي عليه الصلاة والسلام الخطر يعني شديد خطر شديد. لانه قد يؤدي الى ما وقعت فيه النصارى من عبادة المسيح عليه السلام. وهذا وقع يعني يقع في هذه الامة - 00:50:17ضَ

تقع في هذه الامة ان المبالغة فيه عليه الصلاة والسلام ادت الى وقوع طوائف كبيرة جدا من المسلمين في الدعاء له والنذر له وغير ذلك من العبادات التي لا يرضاها رسول الله صلى الله عليه وسلم. آآ الشاهد يعني ان كل دوت كل الامور ديت كان النبي عليه الصلاة والسلام حريص فيها على تجريد التوحيد - 00:50:34ضَ

تجريد التوحيد وحماية جناب التوحيد. لان النبي عليه الصلاة والسلام يعني علم ما فعلته الامم. واين كانت سقطتها؟ ومن اين اوتت ومن اين يعني وقع لها الشرك؟ فحذرنا عليه الصلاة والسلام من كل هذا لان الغلو هو السبب. وهل وقع الشرك في قوم نوح - 00:50:54ضَ

الا بسبب الغلو. واول شرك وقع في الارض في عهد نوح. قال ابن عباس كان بين ادم وبين نوح الف عام على التوحيد. يعني كانت الارض من ادم الى نوح ما فيش واحد اشرك بالله - 00:51:14ضَ

ما فيش واحد كان يشرك بالله جل وعلا. الف سنة تخيل الف سنة ما كنش فيه مشرك على ظهر الارض انما اول ما وقع الشرك في قوم نوح. لما مات يغوث ويعوق ونسرى وهؤلاء الصالحين. قال ابن عباس هؤلاء كانوا اناس صالحين فعلا - 00:51:27ضَ

ما كانوش اه دراويش ولا لا لا ده كان ناس صالحين بجد وماتوا في قوم نوح فاوحى الشيطان اليهم ان انصبوا لهم تماثيل تفتكرون بها بعد كده هلك هزا الجيل جالهم الجيل اللي بعديه آآ طب الناس دي كانوا بيدعوا ربنا هنا بعد كده اوحى لهم ان ايه الناس كانوا بيتعبدوا هنا فراح - 00:51:43ضَ

عبده هنا. بعد كده عشرات السنين عدت. الشيطان جه قال لهم ان اباؤكم اجدادكم كانوا يطلبون من هؤلاء لانهم يقربونهم الى الله زلفى فعبدوهم فكان اول شرك يقع على ظهر الارض بسبب الغلو وعبادة الله عند القبور وده اللي هيجي لنا بقى المرة الجاية في الباب القادم هو الشرك - 00:52:03ضَ

كيف وقع الشرك؟ كيف بدأ؟ ما هي انواع الشرك؟ ان شاء الله نكمل يوم الاثنين القادم. اقول قولي هذا واستغفر الله لي ولكم. سبحانك اللهم ربنا وبحمدك. اشهد ان لا اله الا انت. استغفرك واتوب اليك - 00:52:23ضَ