باحث

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد المرة اللي فاتت اتكلمنا آآ عن الايمان بالله سبحانه وتعالى. وكنا آآ - 00:00:00ضَ

آآ بنتكلم عن كيف نؤمن باسماء الله تعالى وصفاته؟ وكنا اتكلمنا في مقدمة عن اهمية الايمان بالاسماء والصفات. ثم تطرقن الى شيء من اثار الايمان بالاسماء والصفات في سلوك الانسان - 00:00:20ضَ

والمقصد الاساسي من تصحيح اليمان بالاسماء والصفات هو العمل هو ان تعرف ربك وان تعرف ما يليق به وما يستحقه وان تتفاعل مع هذه الاسماء. وان تتأثر بهذه الصفات. وان تتعبد - 00:00:40ضَ

بهذه الاسماء وان تدعو بها. هو ده اساس تصحيح الايمان بالاسماء والصفات. وليست القضية كما قلنا في انك انت مجرد تعرف عقيدة اهل هل السنة علشان تعرف البدعة وترد عليها وتنازر وتجادل؟ ده شيء مهم. والزب عن دين الله تعالى هذا مقصد اساسي - 00:01:01ضَ

لكن الاصل انك انت الاول بتصلح قلبك بهذه الامور. تصلح عملك بهذه العقيدة خلينا نبدأ من حيث انتهينا علشان الوقت ما ياخدناش واحنا قلنا المرة اللي فاتت جملة تختصر عقيدة اهل السنة - 00:01:23ضَ

الايمان بالاسماء والصفات فقلنا انهم اتفقوا على هذا هذا الكلام ان السلف كانوا يؤمنون. يؤمنون بكل ما اثبته الله لنفسه من الاسماء والصفات سواء هذا الاثبات كان في كلام الله. او في كلام الرسول عليه الصلاة والسلام. وينفون عن الله - 00:01:40ضَ

ما نفاه عن نفسه. سواء نفاه بنفسه سبحانه وتعالى. او نفاه عنه النبي عليه الصلاة والسلام هم في ذلك يسلكون مسلكا مهما انهم لا يحرفون الكلام عن معانيه ولا فضلا ان هم يعطلوا المعاني تماما. يقولوا لا لا ده ما فيش حاجة اسمها اسماء ما فيش حاجة اسمها صفات. فلا يحرفون الكلام عن - 00:02:04ضَ

ولا يلغون الاسم او يلغوا الصفة وده اللي سميناه التعطيل وفي نفس الوقت ازا اسبتوا ازا اسبتوا يثبتون الاسم والصفة من غير تشبيه ولا تمثيل يبقى هم وسط بين حرفوا وعطلوا - 00:02:33ضَ

وبين اللي اثبتوا شبهه ولزلك يقولون مختصر عقيدة اهل السنة اثبات بلا تشبيه وتنزيه بلا تعطيل. الكلمة دي قيمة جدا. لان ديت بتطلعك من المأزق كلها. بيقول لك اثبات بلا تشبيه - 00:02:56ضَ

وتنزيه بلا تعطيل. يعني بلا حاجة الى التعطيل لان في ناس اسبتوا وفي ناس عندهم غلو في الاسبات. وفي ناس عندها غلو في الايه؟ في التنزيه. يعني ايه تنزيه ان انا انزه ربنا عن النقص يعني ولا عيب. ففي ناس عندها غلو في الاسبات. والاتنين كانوا ايه؟ كانوا نتيجة لبعض. واللي بدأ هم الايه؟ هم اللي - 00:03:19ضَ

كان عندهم غلو في التنزيه دولا. احنا قلنا اللي عنده غلو في التنزيه كان عمل ايه؟ لما يسمع صفة معينة من صفات الله ان ربنا يضحك. ربنا يجيء ربنا له يد له عين له يدان له قدم - 00:03:43ضَ

فيأتي في باله على طول ايه يتشنج كده اول ما يسمع الحاجات ديت. فيعتقد ان هذا يتنافى مع مع ايه؟ مع كمال الله وجلال الله واضح؟ فيتشنج فيبتدي يقلق. يحس ان هو لو اثبت الصفة دي يبقى شبه ربنا بخلقه - 00:03:59ضَ

لو اثبت الصفة دي يبقى يلزم من زلك ان ربنا له جسم وبقى هو كده مجسم ومشبه ويخش في سكة ايه سكة يخاف منها. فلما يعوز ينزه ربنا يعمل ايه؟ يعطل الصفة. يقول لأ ما فيش هو ما لوش يد - 00:04:17ضَ

اليد دي عندهم مسلكين اما في ناس بيقولوا ما لوش يد وخلاص ومش بيجيب لها معنى تاني. واللي هو ده اللي اسمه الايه التعطيل عطلها خالص ولا حتى جاب لها معنى تاني لا هو بيقول لا ما فيش يد. والمسلك التاني اللي هو التحريف. اللي هو بيقول اليد بس هي - 00:04:36ضَ

مش معناها يد هي لها هي معنى مجازي وهي مجاز عن الايه؟ عن القدرة. زي ما اقول لك كده انا لي يد عليك. معناها القدرة فاما بيسلك مسلك التعطيل خالص او مسلك الايه؟ التحريف. كل ده وهو نيته الطيبة ايه - 00:04:54ضَ

ان هو بينزه ربنا عن مشابهة المخلوقين. لكن اهل السنة مش محتاجين عشان ننزه ان احنا ايه نعطل الصفة ديت. يبقى فاثبات بلا تشبيه وتنزيه بلا تعطيل. سهلة كده؟ وكل الكلام ده مختصر في اية واحدة اللي هي عمدة - 00:05:11ضَ

ايه؟ الكلام ليس كمثله شيء. ده اسمه ايه ده اسمه تنزيه. تنزيه ليس كمثله شيء وهو السميع البصير يبقى في نفس الوقت له اسبات بدون تمسيل. وفي نفس الوقت تنزيه من غير ايه؟ تعطيل. يعني هي تتشاف كده وتتشاف كده. هو الاول نزه نفسه سبحانه وتعالى - 00:05:31ضَ

نزه نفسه عن النقص نزه نفسه عن الشبيه. وبعد كده اثبت ان هو في نفس الوقت هو السميع البصير يبقى انت تفهمها كده. ما هو اللي بيتكلم احيانا بيسبت صفات وبينفي صفات. هيجيلنا في القواعد بعد كده. نقول له طب انت في بعض - 00:05:55ضَ

زي الاشاعرة مسلا يثبتون السمع والبصر. يقولوا ربنا سميع وبصير. لكن ينكروا المجيء والنزول والضحك والحاجات دي كلها بينكروها. نقول لهم يعني الذي اه اثبتم به الاولى تثبتون به الثانية. سميع البصير دي لو هي المشكلة عندكم في التشبيه فالسميع البصير برضو - 00:06:11ضَ

تشبيه ان ربنا خلق الانسان قال فجعلناه سميعا بصيرا. تمام؟ لو هي المشكلة في التشبيه يبقى ان في برضو السمع والبصر. لو انت قدرت تقول ان سمع وبصر من غير تشبيه يبقى برضو قل نفس الكلام في الايه؟ في الضحك والنزول والمجيء والايه؟ والارادة والحلم والحكمة وكل الحاجات ديت. تمام - 00:06:31ضَ

الخلاصة يعني ان ده مختصر طريقة اهل السنة في التعامل مع الاسبات والصفات. اسماء والصفات لا بيحرفوا المعنى ولا بيعطلوه ولا يشبهوه ولا يكيفوه يعني يجيب له كده ايه صورة في دماغه وخلاص. تمام؟ آآ دايما انا وانا بتكلم بقول تحريف صح - 00:06:51ضَ

لكن ممكن تلاقيها في الكتب اسمها تأويل. طب ليه احنا بنقول تحريف؟ بنركز على الكلمة دي. رغم ان الكلمتين ممكن اشرح لكم بهم. يعني ممكن انا بشرح بقول من غير تأويل صح؟ طب انا ليه دايما بركز على ايه وهو حتى في الكتاب هنا ركز على الكلمة دي ما قلش تأويل. قال من غير تحريف - 00:07:11ضَ

لعدة اسباب. السبب الاول ان الكلمة دي كلمة قرآنية. قال تعالى يحرفون الكلمة عن مواضعهم. يبقى دي الايه؟ الكلمة المناسبة السبب التاني ان كلمة تأويل كلمة مشتركة لها تحتمل معاني صح ومعاني غلط. فان كلمة تأويل تأتي بمعنى الايه؟ تفسير. انا لو قلت من غير تأويل واحد ممكن قعد يقول من غير تفسير. اه السلف ما - 00:07:31ضَ

ما تفسروش خدها كده وخلاص. يضحك دي يعني ايه ضدحة كاف. ما لهاش معنى. لأ. تأويل تأتي بمعنى التفسير. زي ما احنا فاهمين قال النبي عليه الصلاة والسلام قال عن ابن عباس قال اللهم فقهه في الدين وعلمه الايه؟ التأويل. هل التأويل هنا معناه التحريف - 00:07:56ضَ

لا طبعا انا بس هاتعلم التحريف اتعلم التفسير. وكلمة التأويل برضو بتأتي بمعنى ايه؟ تأتي بمعنى تاني كده مهم. تأتي بمعنى تأويل هو ما يؤول اليه الامر. يعني ما يصير اليه الامر. يعني الحق لما يتحول الامر الى حقيقة ده اسمه ايه؟ تأويل - 00:08:14ضَ

لذلك لما انتهت قصة يوسف قال لابوه ايه؟ قال هذا تأويل رؤياي من قبل. هنا تأويل مش معناه تفسير. والا فالتفسير هو عارفه من زمان لكن تأويل يعني ايه وقوع حصول حصلت الرؤية ده اسمه تأويل يعني تحولها الى واقع - 00:08:34ضَ

قوله تعالى هل ينظرون الا تأويله يوم ياتي تأويله يقول الذين نسوه من قبل قد جاءته رسل ربنا بالحق. يعني ياتي تأويل تفسيره؟ ما هو تفسيره معروف من زمان. تأويله تحريفه؟ لا. تأويله هنا يعني وقوعه. حصوله. تحول الايه؟ الكلام - 00:08:52ضَ

غيبي الى حقيقة مشاهدة. ده اسمه تأويل. فلما كانت كلمة تأويل ايه؟ تحتمل احتمالات كان الافضل واحنا بنعرف عقيدة السلف نقول ايه؟ تحريف من غير تحريف ولا تعطيل ولا تشبيه ولا تمسيل. عشان كلمة تأويل دي - 00:09:12ضَ

دخلنا ايه في كعبلة شوية آآ مسألة مهمة عشان دي بتلخبط كتير. قوله تعالى هو الذي انزل عليك الكتاب. منه ايات محكمات. هن ام الكتاب واوخر ايه؟ متشابهات فاما الذين في قلوبهم زيغ فيتبعون ما تشابه منه ابتغاء الفتنة وابتغاء تأويله. وما يعلم تأويله الا الله - 00:09:30ضَ

والراسخون في العلم يقولون امنا به. كل من عند ربنا وما يتذكر الا اولو الالباب. الاية دي مهمة جدا في قضية الاسماء والصفات لان اللي دايما القرآن القرآن فيه نوعين ملايات. ايات محكمة وايات متشابهة. يعني ايه ايات متشابهة هنا؟ محكمة يعني ما لهاش غير معنى واحد - 00:10:03ضَ

ده معنى كلمة ايه؟ محكم. محكم يعني ما لوش غير معنى واحد. ما ينفعش يحتمل احتمالين. زي مسلا فلأمه السدس. فلكل واحد منهما آآ الثلث مثلا. دي ما لهاش معنيين. دي اسمها اية ايه؟ محكمة. اية متشابهة يعني ايه؟ يعني تحتمل - 00:10:23ضَ

اكثر من معنى تحتمل ايه؟ اكثر من معنى. تمام؟ فدي تبقى اسمها محكمة ودي اسمها متشابهة طيب اللي في قلوبهم اهل السنة لما يحبوا يفهموا المتشابه بيعملوا ايه بيجيبوا المحكم - 00:10:43ضَ

ويزبطوا به المتشابه. يعني ايه متشابه ليه اكتر من معنى طب ايه اللي يضبط لي المتشابه ان انا ارجعه للمين؟ للمحكم. عندي حاجة سابتة وحاجة متغيرة. لو لزقت السابت في المتغير يحصل له ايه؟ يثبت. مش كده - 00:11:01ضَ

هم بيعملوا كده. بيجيبوا الاية اللي هي محكمة دي ويحطوها جنب تتحرك دي تروح تسبت. يبقى عارف معناها. فالمتشابه له ايه؟ له كزا وفي بينهم فيصل الفيصل ده فين؟ في المحكم. فيروح جايب الفيصل يحكم - 00:11:15ضَ

فيروح يطلع له الايه؟ المعنى الصح اللي انا عايزه. وينفي المعاني الايه؟ الباطلة. فلو جينا مسلا على على ايات الصفات ايات الصفات لها وجه تشابه. ان انت ممكن ييجي في بالك كزا حاجة. مش كده؟ ربنا يقول لك مسلا بل يداه مبسوطتان. يعني ممكن يجيب بالك يد - 00:11:34ضَ

يد البشر ولا كيد فلان ولا اللي في دماغي ولا ما لوش يد خالص ولا ولا ولا معناها القدرة ممكن ييجي في بالك ايه؟ احتمالات تمام؟ فتيجي على ايه الاية ايه؟ ليس كمثله شيء وهو السميع البصير. دي تظبط لك ديت. خلاص يبقى اه يبقى انا اثبت اليد واقول ليس - 00:11:55ضَ

في شاي هو السميع البصير. فربنا بيقول ان اللي في قلوبهم زيغ يتبعون ايه؟ ما تشابه منه. يعني ما يروحش للمحكم خالص وييجي ورا المتشابه بقى ويشغل دماغه هنا بس - 00:12:15ضَ

وما يجبش دماغه ناحية الايه؟ المحكم خالص. فدماغه ايه؟ تطيش. تضرب ابتغاء الفتنة وابتغاء ايه؟ تأويله. فدماغه بقى تتعب. وتروح هنا وتروح هنا. لزلك ابن عباس رضي الله عنه كان ازا تكلم في ايات - 00:12:27ضَ

صفات امام الناس ديت كان في ناس كده في زمانه ايه مش مريحين شوية. كان ازا تكلم في ايات الصفات بيلاقيهم يتغيروا كده يقلقوا فيروح ينكر عليهم يقول ما فرق هؤلاء؟ فرق يعني ايه اللي مخوفكم كده يعني؟ انتم قلقتوا ليه لما اتكلمتم في الصفات؟ ليه لما اقول يد ووجه بتقلقوا كده؟ قال ما - 00:12:43ضَ

هؤلاء يجدون رق عند محكمه ويهلكون عند متشابهه. يعني لما اتكلم في الايات المحكمة يبقوا زي الفل اجي اتكلم في المتشابه دوت في الايات الصفات والكلام ده يبتدي تخبطه ويقلقوا ويحسوا ان هم عاملين حاجة غلط. ايه المشكلة؟ طب ابن عباس كان بيعلمهم ايه في ايات الصفات؟ يقول امروها كما جاء - 00:13:01ضَ

بلا كيف هذا ورد عنه امروها كما جاءت بلا كيف بلا كيف ولا بلا معنى بلا كيف لكن المعنى مفهوم اللي هو كلام الامام مالك الاستواء معلوم والكيف مجهول. الايمان به واجب. السؤال عنه بدعة. تعالوا نركب الجملة تاني وتحطوا كلمة ورا كل - 00:13:25ضَ

في جملة. الاستواء معلوم معلوم المعنى والكيف مجهول دي سهلة دي. والايمان به واجب. والايمان بالايه بالصفة ديت يعني بالصفة دي على على ما يليق بالله. والسؤال عنه عن ايه - 00:13:49ضَ

عن الكيفية ولا المعنى؟ عن الكيفية. السؤال عن الكيفية بدعة. يبقى احنا كده بنختصر عقيدة اهل السنة في كلمة الامام مالك وقول ابن عباس امروها كما بلا كيف. فده اللي بيريح خلاص هي صفة وليس كمثله شيء - 00:14:08ضَ

انت اصلا ما تعرفش ربنا عامل ازاي يبقى عايز تعرف صفته عاملة ازاي؟ يعني منين؟ ازا كنت لا تعرف كيف هو سبحانه وتعالى. فكيف اقول لك كيف يضحك وكيف يتكلم وكيف ينزل وكيف يجيء؟ لكن الذي - 00:14:23ضَ

انا اعرفه ان الله تعالى له صفات الحسنى والاسماء الحسنى وله الكمال المطلق في كل شيء. فاذا اذا جاءت صفة فهي على ما يليق به بكماله وجماله. خلصت كده سهلة. اه زي الجنة زي ما احنا قلنا المرة اللي فاتت الجنة نفسها انت ما لا عين رأت ولا - 00:14:36ضَ

ولا خطر على قلبي. مشهد ده الجنة المخلوقة. فما بالك فما ظنكم برب العالمين؟ فاللي عايز اقوله ان اه قوله تعالى وما يعلم تأويله الا الله. والراسخون في العلم يقولون امنا به. هنا - 00:14:56ضَ

في طريقتين لقراية الاية ديت اما تقف على الله او تقف على الراسخون في العلم وما يعلم تأويله الا الله خلصت. والراسخون في العلم يقولون امنا به وممكن تقراها وما يعلم تأويله الا الله والراسخون في العلم - 00:15:12ضَ

لو وقفت على الله هيبقى الكلام له معنى. ولو وقفت على الراسخون في العلم هيبقى الكلام له معنى تاني. وما يعلم تأويله الا الله ايه هي الحاجة اللي ربنا يعلمها؟ وما فيش حد يعلمها - 00:15:32ضَ

اللي هي ليه الحقيقة اللي هي كيفية الصفة. الكيف بقى. حقيقة الصفة عاملة ازاي؟ كيفيتها مش مش معناها معناها لكن لو وصلنا يبقى هنا التمويل بمعنى الايه؟ التفسير. شفت بقى لما تفهم كلمة تأويل تفرق معك. فهنا تأويل لها معنيين حسب ما هتقف - 00:15:47ضَ

لو قلت وما يعلم تأويله الا الله مش هينفع تقول ده تفسير والا كتاب انزلناه اليك مبارك ليه؟ ليدبروا اياتي ما ينفعش في اية ما نعرفش تفسيرها. والا يبقى احنا بنتكلم في طلاسم. لا عارفين - 00:16:09ضَ

يبقى لما اقول ما يعلم تأويله الا الله. ايه الحاجة اللي ما يعلمهاش الا الله؟ مش التفسير. انما الحقيقة الكيفية. فهنا تأويل تفسر على المعنى اللي احنا قلناه ايه؟ التأويل هو حقيقة الشيء. ما يؤول اليه الشيء. طب لو قلت - 00:16:26ضَ

ويعلم تأويله الا الله والراسخون في العلم. يبقى هنا معناه ايه؟ التفسير اللي هو المعنى. احنا عندنا معنى وكيفية. ربنا يعلم المعنى والكيفية وكلنا نعرف ايه؟ المعنى بس. سهلة كده؟ تمام. تعال نكمل بقى - 00:16:44ضَ

بيقول عندنا شوية اصول هنأصلها واحنا ماشيين في باب الاسماء والصفات. والاصل الاول تنزيه الله تعالى ان يشبه شيء من صفاته. شيء من صفات المخلوقين وده اتكلمنا فيه الاصل الساني الايمان بما سمى ووصف الله به نفسه وبما سماه ووصفه به رسوله صلى الله عليه وسلم على الوجه - 00:17:02ضَ

بجلال الله وعظمته وطبعا ذلك يتضمن كل كمال وينتفي عنه كل نقص. فصفة الله واسمه لا فيها نقص اي وجه من الوجوه. بل هي لها الكمال من كل الوجوه. من كل الايه - 00:17:22ضَ

الوجوه. الاصل الثالث قطع الطمع عن ادراك حقيقة كيفية صفات الله تعالى لان ادراك المخلوق لذلك مستحيل مستحيل. تمام؟ بيقول بقى الادلة اللي ادلة الايه؟ الاصول التلاتة. هتلاقي الكلام بقى سهل ان احنا ايه؟ قلنا الكلام ده كتير. بيقول ادلة - 00:17:39ضَ

القصر الاول. وهو ادلة تنزيه الرب عن مشابهة المخلوقين. اول دليل ليس كمثله شيء وهو السميع البصير. تمام؟ بيقول هو مقتضى الاية في المماثلة بين الخالق والمخلوق من كل وجه. مع اثبات السمع والبصر لله عز وجل - 00:18:02ضَ

وفي هذه الاشارة الى ان ما يثبت لله من السمع والبصر ليس كما يثبت للمخلوقين من هاتين الصفتين مع كثرة من يتصف بهما من المخلوقين وما يقال في السمع والبصر يقال في غيرهما من الصفات. جميل - 00:18:20ضَ

واقرأوا قول الله تعالى قد سمع الله قول التي تجادلك في زوجها وتشتكي الى الله والله يسمع تحاوركما. شف بقى لما نقول سامع ربنا غير سمع البشر؟ السيدة عائشة لما اتكلمت في الاية دي قالت سبحان - 00:18:35ضَ

من وسع سمعه الاصوات. بتقول سمعي غير سمعنا لقد جاءت المجادلة الى النبي عليه الصلاة والسلام تكلمه وانا في ناحية البيت ما اسمع والله تعالى قد سمع صوتها من فوق سبع سماوات. انا مش شوية كلام يجي لي وشوية يقع مني. وربنا سمع كلامها كله. فعايزة تقول سمع غير سمع - 00:18:53ضَ

اسبتت سمع لنفسها واسبتت سمعي لله. ونفت تماما ان يكون هناك علاقة بين الايه؟ بين السامعين ومن الادلة ايضا قوله تعالى فلا تضربوا لله الامثال. فقال الامام الطبري لا تمثلوا لله الامثال. ولا تشبهوا - 00:19:16ضَ

له الاشباه فانه لا مثل له ولا شبه وقوله تعالى هل تعلم له سم يا؟ لا لا نعلم له سميا. قال ابن عباس هل تعلم للرب مثلا او شبيها؟ ومن الادلة - 00:19:34ضَ

تعالى ولم يكن له كفوا احد. والكفؤ هو المكافئ. المثيل الند يعني ليس له شبيه ولا عدل. طيب ده الفصل الاول ان هو ما ينفعش يبقى فيه شبيه. الاصل التاني هو الايه؟ الايمان. بما جاء. في الكتاب والسنة من اسماء الله وصفاته - 00:19:48ضَ

طبعا هيجيب امسلة يعني على ما ورد في الكتاب والسنة اسماء وصفاته الا ما جابش كله هو بيجيب امسلة. يعني ايه اؤمن؟ اؤمن بايه يعني؟ عايز يقول يعني ايه اديني عينة كده افهم - 00:20:08ضَ

يعني تؤمن بقوله تعالى الله لا اله الا هو الحي فتثبت له الحياة. القيوم تثبت انه له قيومية صفة قائمة به قائم بنفسه قائم على مصالح عباده لا تأخذه سنة ولا نوم فتنفي ما نفاه. تنفي ان تأخذه السنة. تنفي انه ينام سبحانه وتعالى. له ما في السماوات وما في - 00:20:18ضَ

ارض فتثبت له الملك. من ذا الذي يشفع عنده الا باذنه. فتثبت له التصرف التام. يعلم ما بين ايديهم وما خلفهم فتثبت العلم. ولا يحيطون بشيء من علمه الا ما شاء وسع كرسي السماوات والارض ولا يؤده حفظهما فتنفي عنه التعب وتنفي عنه الايه العجز وتنفي عنه اللغوب - 00:20:42ضَ

قال علي فتسبت له العلو العظيم تسبت له العظمة. بهذه الطريقة تتعامل مع الاسماء والصفات. قال تعالى هو الاول والاخر والظاهر والباطن وهو بكل شيء عليم. تثبت انه الاول فليس قبله شيء. تثبت في نفسك انه الاخر فليس بعده شيء. تثبت انه الظاهر فليس فوقه شيء - 00:21:02ضَ

وتثبت في نفس الوقت انه الباطن فليس احد اقرب الى خلقه منه. سبحانه وتعالى. فهو قريب مع علوه هو الظاهر يعني العالي والباطن يعني القريب. قريب. مش السافل مسلا النازل يعني. انما اللي هو العالي والقريب في نفس الوقت - 00:21:22ضَ

هو اقرب الى الى الانسان من حبل الايه؟ من حبل الوريد. وفي نفس الوقت هو مستو على العرش سبحانه وتعالى. فهو الظاهر والباطن وبالتالي هو بكل شيء عليم سبحانه وتعالى - 00:21:44ضَ

كذلك قوله تعالى هو الله الذي لا اله الا هو عالم الغيب والشهادة هو الرحمن الرحيم. هو الله الذي لا اله الا هو الملك القدوس السلام المؤمن المهيمن العزيز الجبار المتكبر سبحان الله عما يشركون - 00:21:58ضَ

قال هو الله الخالق البارئ المصور له الاسماء الحسنى. يسبح له ما في السماوات والارض وهو العزيز الحكيم. ومن السنة قول النبي عليه الصلاة والسلام كان النبي اذا قال كان رسول الله صلى الله عليه وسلم يأمرنا اذا اخذنا مضجعنا ان نقول اللهم رب السماوات - 00:22:17ضَ

رب الارض ورب العرش العظيم. ربنا ورب كل شيء فالق الحب والنوى منزل التوراة والانجيل والفرقان. اعوذ بك من شر كل دابة انت اخذ بناصيتها. اللهم انت الاول فليس قبلك شيء - 00:22:37ضَ

وانت الاخر فليس بعدك شيء وانت الظاهر فليس فوقك شيء. وانت الباطن فليس دونك شيء. اقض عنا الدين واغننا يقول هذه يعني نصوص كثيرة جدا لكن هذه الطريقة ناتج التعامل مع الاسم تفهم معناه تثبته لا تشبهه لا تحرفه لا تعطله - 00:22:54ضَ

بيقول اصل التالت وهو قطع الطمع عن ادراك كيفية صفات الله سبحانه وتعالى دل على ذلك قوله تعالى يعلم ما بين ايديهم وما خلفهم ولا يحيطون به علما. يعني لا يمكن ان يحاط بالله - 00:23:14ضَ

علما فهو يعلم لكن لا يحاط به علما. يعني لا يمكن ان تعرف كل شيء. فانت تعرف اسماؤه. هذا انت تعرف يعلم الله دلوقتي. انت تعرف صفاته لكن ان تحيط - 00:23:31ضَ

به لا انا مسلا اه ده اسمه قلم. وانا محيط به انا شايفه متخيله ووصفه جايبه من اوله لاخره. وعارف ان اسمه قلم. ونلاقي المثل الاعلى. فالله تعالى له الاسماء الحسنى. فانت قد تعرف اسمه - 00:23:47ضَ

قد تعرف صفته. لكن ان تحيط به علما هذا محال. فلا يمكن ان تدرك كيفية ولا يمكن ان تعرف كيف هو سبحانه وتعالى. ومن الادلة لقوله تعالى لا تدركه الابصار وهو يدرك الابصار وهو اللطيف الخبير - 00:24:03ضَ

هذا يدل على كمال عظمته. وانه اكبر من كل شيء. وانه لكمال عظمته لا يدرك بحيث يحاط به فان الادراك قدر زائد على الرؤية. فالرب يرى في الاخرة ولا يدرك - 00:24:23ضَ

كما يعلم ولا يحاط بعلمه. خد بالك بقى الاية دي جه بعض المبتدعة جه بعض المبتدعة زي المعتزلة قالوا ان ربنا لا يرى لا في دنيا ولا في الاخرة. معتزلة دول مشاكلهم كتير قوي. ابراهيم عيسى مطلعهم بقى في الايه؟ في الفيلم الجديد بتاعه وقعد يهزر في المعتزلة وعايز يعدي - 00:24:39ضَ

يجعل الاسم ده يروج على الناس وهم اصحاب منهج خطير للغاية. منهج يعني ايه؟ يعني يقدم العقول المريضة على النصوص الصحيحة لان العقل الصحيح اصلا لا يتعارض مع النص لكن هم عقول مريضة. من مصائبهم. هم طبعا علشان تعرف المعتزلة في الاسماء والصفات المعتزلة لا يسبتون لله اي صفة - 00:25:04ضَ

اصلا يثبتون بعض الاسماء فقط وينفون باقي الاسماء وما فيش حاجة اسمها عندهم لهو صفة فالله تعالى عندهم سميع لكن لا سمع له بصير لكن لا بصر له. كلام مصايب. يعني في كل باب من ابواب الايمان هقول لك المعتز دول بيعتقدوا ايه. عشان بعد اخر الكتاب تعرف يعني ايه المعتزلة دول كارثة - 00:25:26ضَ

ان منهجهم يروج على المسلمين او ان هو يزين للناس ان المعتزلة دول عادي يعني وابراهيم عيسى يحاول ان هو يجمل صورة المعتزلة. المعتزلة يقولون ان الله لا يرى ولا في الاخرة - 00:25:48ضَ

رغم الاحاديس الصحيحة المتواترة التي اثبتت الرؤيا لا هم بينفوا كل دوت. ليه؟ لان ده عندهم ما جاش بالعقل العقل لا يستوعبه. فبالتالي لازم ينفيه. هم من بجاحتهم بيستدلوا بالاية ديت. لا تدركه الابصار. هو يدرك الابصار. والحقيقة ان الاية دي حجة عليهم - 00:26:01ضَ

مش ليهم لان الادراك زي ما هو بقى هنا هو قال لنا كلمة هنا جامدة جدا. قال والادراك هو قدر زائد على الايه؟ على الرؤية فلا يقل شيء ان هو لا يدرك الا ازا كان اصلا ايه - 00:26:23ضَ

يرى مش كده؟ انا دلوقتي بقول آآ ان ربنا لا يدرك يعني لا يحاط به علما انا يبقى انا لازم اسبت الاول ان هو ايه يرى علشان اقول ان هو يدرك ولا ما يدركش لكن هو لا يرى اصلا يبقى ما لوش لازمة ان انا اقول يدرك او ما يدركش مش كده - 00:26:38ضَ

واضحة يا اخوانا؟ انا دلوقتي بقول ربنا لا يدرك يعني ما تقدرش اذا نظرت اليه تحيط به يبقى انا اصلا اسبت الايه؟ الرؤية. تمام؟ لكن انا لو بقول ان هو ان هو اصلا لا يرى يبقى الكلام ده ما لوش معنى. اقول هل يقول عن شيء لا يدرك لا - 00:26:55ضَ

ترى انه لا يدرك ما لوش لازمة. اقول لا يرى وخلاص. يبقى كده نفيت الرؤية من ابتداء. لكن لما انا اقول ان هو لا يدرك يبقى انا اسبت ان هو اصلا ايه - 00:27:12ضَ

يرى لكن لا يدرك يعني لا احيط به علما. فهذه الايات تثبت الرؤيا مش تنفيها. فضلا بقى عن حاجات تانية تسبت الرؤية. وجوه يومئذ ناضرة الى ربها ناظرة انه عن ربهم يومئذ لمحجوبون. يبقى التانيين بيعملوا ايه؟ بينظروا اليه على الارائك ينظرون. قال النبي عليه الصلاة والسلام - 00:27:22ضَ

انكم سترون ربكم ليس بينكم وبينه حجاب. قال النبي عليه الصلاة والسلام هل تضمون في رؤية القمر ليلة البدر؟ وهكذا وصف لهم رؤية الله سبحانه وتعالى. المهم يعني هو عايز يقول هنا يعني ان جاب الدليل ده على الايه؟ على مسألة ان ربنا لا يدرك صفاته ولا يحاط به علما حتى ازا رآه الناس يوم القيامة - 00:27:43ضَ

سيما فايضا لا يدركونه. يعني مش هتشوف يوم القيامة تروح تدركه لأ. حتى لما تراه يوم القيامة بازن الله تعالى لن تدركه سبحانه وتعالى. لانه لا يحاط به علما لكن في الدنيا - 00:28:03ضَ

لا يوجد رؤية لله سبحانه وتعالى قال الله لموسى عليه السلام هو من هو؟ قال لن تراني. لن تراني. ولكن انظر الى الجبل فان استقر مكانه فسوف تراني. فلما تجلى ربه الجبل جعله دكا. قال النبي عليه الصلاة والسلام - 00:28:15ضَ

انكم لن تروا ربكم حتى تموتوا. او كما قال عليه الصلاة والسلام. الله تعالى لا يرى في الدنيا ولكن يرى في الاخرة. بيقول لنا البحس التاني بقى ها امثلة تطبيقية لاثبات الاسماء والصفات في ضوء الكتاب والسنة. هيجيب شوية اسماء وشوية صفات يقول لنا ازاي ان احنا بنتعامل معهم - 00:28:27ضَ

فبدأ بالاسم الاول. قال الحي القيوم. طيب انا باؤمن بان الله تعالى من اسماء الحي القيوم. احنا قلنا قبل كده يعني ايه الاسم والصفة؟ الاسم هو الاسم. الصفة هي الايه الصفة دي كل اسم دل على ايه؟ دل على صفة. فالحي دل على ان له ايه؟ حياء - 00:28:50ضَ

الكلام ده تحصيل حاصل قلت لك لأه لان الاسم في في في المخلوقين لا يلزم ان يدل على ايه على صفة مش كده؟ كما قلنا من قبل ان قد تكون امرأة اسمها جميلة وليست بجميلة. ان شخص اسمه كريم وهو ايه؟ بخيل. شخص اسمه - 00:29:10ضَ

وخالد وهو يموت. فممكن يكون فيه اسم ما لوش ايه ؟ ما لوش صفة. لكن في حق الله ما فيش حاجة اسمها اسم ما لوش صفة. فيسمى حي وهو له حياة - 00:29:27ضَ

يسمى قيوم وهو قائم على عباده بالفعل. وقد يكون هناك صفة ليس لها اسم زي ينزل ربنا الى السماء الدنيا في الثلث الاخير من الليل هذه صفة ليس لها اسم ما اسموش ربنا ما اسموش النازل. يضحك ربنا لرجلين يقتل احدهما الاخر ويدخلان الجنة - 00:29:38ضَ

دي صفة بس ما لهاش اسم ما اسموش الضاحك سبحانه وتعالى. ودي هيجي هنقول يتسمى ايه وما يتسماش ايه دي؟ هنقولها. بس انا كل اسم لازم يدل على ايه؟ على صفة - 00:29:58ضَ

بس مش لازم كل صفة تدل على اسم. فهو اسم الحي وله حياة. قيوم له قيومية وده ثبت في القرآن في عدة مواضع. منها الله لا اله الا هو الحي - 00:30:08ضَ

القيوم. وقول النبي عليه الصلاة والسلام من سمع رجلا يقول اللهم اني اسألك بان لك الحمد لا اله الا انت بديع السماوات والارض يا ذا الجلال والاكرام يا حي يا قيوم - 00:30:18ضَ

قال لقد سأل الله باسمه الاعظم الذي اذا دعي به اجاب. واذا سئل به اعطى. تمام؟ بيقول بعد كده اسم الله الحميد نؤمن به سبحانه وتعالى قوله تعالى واعلموا ان الله غني حميد - 00:30:28ضَ

وقول النبي عليه الصلاة والسلام في التشهد انك حميد مجيد كذلك نؤمن باسم الرحمن الرحيم دل على ذلك قوله تعالى الحمد لله رب العالمين الرحمن الرحيم. والنبي عليه الصلاة والسلام في صلح الحديبية امر ان يكتب في اول الصحيفة - 00:30:46ضَ

بسم الله الرحمن الرحيم. والرحمن هو الذي وسعت رحمته كل شيء الرحمة العامة فشملت المؤمن والكافر والبر والفاجر. وهي رحمة في الدنيا بانه سبحانه وتعالى يرزقهم. يطعمهم يسقيهم يعني اه يذكرهم يرسل اليهم الرسل ينزل عليهم الكتب - 00:31:05ضَ

يذكرهم بنفسه سبحانه وتعالى في آلائه كل الحاجات دي اسمها رحمة. فمن اهتدى منهم ووفق ومات على زلك نال اثر اسم الله الرحيم. لان الله تعالى بين ان الرحيم دي - 00:31:30ضَ

خاصة شوية. قال تعالى وكان بالمؤمنين رحيما لكن النبي عليه الصلاة والسلام قال رحمن الدنيا والاخرة ورحيمهما. فالله سبحانه وتعالى يرحم جميع الخلائق الرحمة العامة لكن له رحمة خاصة هذه الرحمة الخاصة تختص بايه؟ بالمؤمنين. فالرحمن هو الذي له الرحمة العامة. له الرحمة العامة. والرحيم هو الذي - 00:31:46ضَ

الرحمة الخاصة. الحليم هو الذي لا يعجل بالعقوبة. نؤمن بان الله حليم له حلم سبحانه وتعالى. طيب اؤمن بهذه الصفة عن الرحمن الرحيم الحليم والحاجات ديت اهل البدع لا يسبتوها. يقول لا الرحم دي مش معناها اللي انت فاهمه. الرحيم معناه الذي يريد ان - 00:32:09ضَ

تثيب العباد. يعني اديهم ثواب يعني هو ما فيش حاجة اسمها يغضب يغضب دي اسمها يغضب بس هي مش معناها يغضب. معناها يريد ان يعاقب وما فيش حليم. حليم مش معناه الحلم - 00:32:32ضَ

ويقعد بقى يجيب ايه معنا؟ طب هو ليه عمل كده؟ نرجع تاني نقول؟ لان هو اول ما جت الرحيم دي جه في باله ايه الرحيم يعني ايه بيصعب عليه وبيرق وبيبكي وبيتألم ويضعف ويبقى عايز ياخد موقف ويرجع فيه - 00:32:47ضَ

دق كده ويرجع في كلامه عارف انت ايه؟ والحليم يعني مش قادر ياخد قرار يعني بيصبر يعني ضعيف يبتدي دماغه تروح في الايه؟ هو وقع فين الاول التشبيه مش كده؟ انت ايه اللي جاب في دماغك الحاجات دي؟ ليه جبت في دماغك الحاجات دي؟ يقول ان الرحمة تستلزم ما ان قال لك تستلزم - 00:33:05ضَ

الحلم ده يستلزم كزا. مين قال لك يستلزم؟ يستلزم ده في البشر. يستلزم في البشر. لكن لا يستلزم في حق الله شيء مش كده؟ لا استلزم في حق الله كل اللوازم الغريبة اللي انت بتقولها ديت. فاحنا نسبت له الرحمة الكاملة. الرحمة التي ليس فيها ضعف - 00:33:28ضَ

ولا فيها تردد ولا فيها يعني آآ نسبت له الغضب الذي ليس فيه عصبية زي ما بيقولوا كده ولا غليان دماء ولا قرارات متسرعة فالغضب يليق بكماله جل وعلا. غضب مع حكمة - 00:33:46ضَ

حلم مع قوة هذه الطريقة بل ان الكمال ان تثبت له الرحمة التي ليس فيها نقص ثم هناك قاعدة مهمة كل كمال القاعدة دي مهمة جدا. كل كمال في المخلوقين الله اولى به - 00:34:00ضَ

الله اولى به. وهذا دل عليه قوله تعالى وله المثل الاعلى في السماوات والارض يقول لك معناه ان كل شيء كل كمال الله له الله اولى بهذا الكمال. له المثل الاعلى فيه - 00:34:19ضَ

فنحن في الانسان ايهما اكمل؟ الذي عنده رحمة والذي ليس عنده رحمة الذي عنده رحمة طبعا اكمل. يبقى من باب اولى ان احنا ننسب الرحمة دي لله جل وعلا لكن اكمل ما هي على على حال المخلوق - 00:34:37ضَ

وليست كصفة المخلوق. كذلك الحلم الذي عنده حلم اكمل من الذي ليس عنده حلم فاللي بيقول ربنا ليس بحليم جعله اقل شأنا من المخلوق فضلا اللي بيقول بقى اللي هو ليس بسميع وليس ببصير جعله اشبه بالجماد - 00:34:52ضَ

ده ربنا سبحانه وتعالى لما اراد ان ينكر على العبد والعجل قال اولم يروا انه لا يكلمهم ولا يهديهم سبيلا يعني ازا بيقول ده ما يستاهلش يتعبد. ليه؟ ده ما بيتكلمش - 00:35:08ضَ

ده ما بيهديش حد. رح انت تقول على ربنا ما بيتكلمش او ما بيسمعش وما بيبصرش وما بيضحكش وما بينزلش يبقى انت بتنفي عنه الحاجة اللي هي كانت حجة له هو سبحانه وتعالى ان العجل ما يستحقش الايه؟ العبادة. يبقى اثبات الكمالات لله - 00:35:22ضَ

هذا من لوازم الوهيته. لان من لوازم الالوهية بالعكس اللي انت عكس اللي مبتدع بيقوله هو بيقول من لوازم الحليم ان هو كزا لأ بنقول بالعكس ده من لوازم انه اله انه حليم وانه رحيم. لان هذا كمال. وهو - 00:35:39ضَ

اولى بكل كمال. لا تشبه تسترح ما تشبهش تستريح خالص. انت هتشبه هتخش في سكة تانية فدايما على طول كل ما دار في بالك فالله اعلى من زلك. تمام؟ بيقولوا من صفاته جل وعلا القدرة - 00:35:56ضَ

دل على ذلك قوله تعالى ان الله على كل شيء قدير. بس هنا ده هو هنا على فكرة طلع من الاسماء ودخل في الايه؟ في الصفات. بيقول من صفات الله - 00:36:17ضَ

العينة من الاسماء. وبعد كده بيقول لنا حاجة من الايه؟ الصفات. بيقول لنا من صفات القدرة القدرة. بعد كده قال كلمة مهمة دلوقتي. قال وهي صفة ذاتية. لله تعالى ثابتة بالكتاب والسنة. ومع - 00:36:27ضَ

عنازاتية يعني ملازمة لزات الله لا تنفك عنه ابدا ان نقلة صغيرة. يعني ايه صفة زاتية؟ هو فيه صفة تانية غير زاتية نقول ان الصفات صفات ربنا على نوعين. حاجة اسمها صفة زاتية. وحاجة اسمها صفة فعلية. يعني ايه برضه - 00:36:44ضَ

الصفة الزاتية دي هي اللي لا تنفك عن الله يعني هي ملازمة لي دائما الحياة هل يمكن ان تنفك عن الله؟ لا يمكن. يعني ينفع يكون ميت احيانا لا العلم ينفع يكون عالم احيانا - 00:37:09ضَ

هي صفة ايه؟ زاتية ملازمة يعني زي زاته الصفة دي زي زاته كده. كما ان زاته لا تبيد لا تفنى لا لا تعدم كزلك الصفة دي ما ينفعش يحصل فيها حاجة - 00:37:26ضَ

ما ينفعش تزهب عنه سبحانه وتعالى. ما ينفعش يبقى في لحزة غير متصف بها القيومية مثلا السمع البصر هذه الاشياء ايه؟ صفات زاتية فيه سبحانه وتعالى. طب يعني ايه صفة فعلية بقى - 00:37:38ضَ

الفاعلية دي متعلقة بالمشيئة. يقول لك الصفة التي تتعلق بالمشيئة. ان شاء فعلها وان شاء لم يفعله. يعني لا يلزم ان يفعلها على الدوام ممكن يفعلها ممكن ما يفعلهاش. زي ايه؟ زي الغضب - 00:37:53ضَ

الله تعالى يغضب ازا شاء ولا يغضب ازا شاء. يعني ما يلزمش ان هو يبقى غضبان على طول قطعا. يعني ده شيء بديهي. الرضا يرضى عمن شاء وقتما شاء الضحك النزول. النبي عليه الصلاة قال ينزل ربنا الى السماء الدنيا فين؟ في الثلث الاخير من الليل. اذا هو لا ينزل على الدوام. يبقى النزول الضحك - 00:38:05ضَ

الرضا الغضب. هذه الاشياء افعلها متى شاء سبحانه وتعالى فهي فيه صفات متعلقة بالمشيئة بنسميها صفات ايه؟ فعلية وفي صفات لا تنفك عنه جل وعلا دي اسمها صفات ايه؟ زاتية. وده بيفيدك بقى بيفيدك في الفهم شوية حاجات كده شبهات. بمعنى مثال مسلا - 00:38:27ضَ

الله قدير. هل القدرة ديت صفة زات ولا فعل زات ما ينفعش في قدير ازا شاء. يبقى عاجز معناها عاجز ازا شاء بقى. تمام؟ كزلك الحياة صفة زات ولا فعل؟ صفات زات. لو جاءك - 00:38:47ضَ

احد مثلا المجادلين المجادلين. وجدلك في الله جل وعلا. قال اليس الله على كل شيء قدير يقول بلى وهو على كل شيء قدير. فيقول هل يقدر ان يخلق مثله ايه رأيك؟ كعبلك كده صح؟ - 00:39:02ضَ

لكن انت لو فاهم صفات الزات والفعل دي ايه؟ ترد عليه بسهولة جدا. ما هو انت لو قلت ما يقدرش يبقى نفيت الايه؟ القدرة. لو قلت يقدر يبقى اسبت مثيل له مخلوق. نقول الاجابة هذا السؤال خاطئ - 00:39:22ضَ

هذا السؤال سفسطة ليس لها معنى هزا السؤال غير صحيح بالمرة فليس له اجابة لا نعم ولا لا. لانك انت بتكلمني في صفة ايه زات ما ينفعش في صفة زات تعلقها على المشيئة. ما ينفعش اقول يعني كون ربنا غير مخلوق. هل ده زات ولا فعل - 00:39:38ضَ

زات يعني ينفع مسلا يبقى مخلوق احيانا؟ لأ انما هي في زاته غير مخلوقة جل في علاه فما ينفعش تقول لي يخلق مثله. كلمة يخلق مثله الاتنين دول ما يركبوش على بعض. فهذا سؤال خاطئ لانك انت بتسألني عن صفة زات. انت ممكن تقول لي يغضب ازا شاء كزا. لكن تسألني عن صفة الزات تقول لي ينفع - 00:40:01ضَ

ما تبقاش صفة زات اقول لك هي صفة الزات ما يتسألش فيها ينفع وما ينفعش او ازا شاء او ما شائش ما ينفعش يتسأل عن صفة زات بمشيئة فالمشيئة مع صفات الزات ما تركبش. فسؤالك ربط صفة زات بايه - 00:40:22ضَ

بمشيئة فيبقى السؤال ايه؟ غلط. لو جيت للنصارى قلت لهم يا ربنا يموت ازاي يوم الخميس ويقوم يوم الحد يعني يقول لك هو وهو على كل شيء قدير. اه يعني يقدر يموت ولا ما يقدرش - 00:40:39ضَ

نقول له السؤال ده ايه؟ غلط. ما يقولوش اجابة. ما ينفعش اقول لك ما يقدرش ما يموتش. برضو الاجابة دي غلط. ان انا قلت ما يقدرش. يعني انا برضو نفيت قدرة. ولو قلت يقدر يموت نفيت الحياة. فانا ما بين ان انا انفي القدرة او انفي الايه؟ الحياة. والاتنين صفات ايه؟ زات - 00:40:56ضَ

هتطلع من النور هتخش في ايه؟ في تحضيرة وما عملتش حاجة. فالحل ان السؤال غلط. لانك انت ما ينفعش تسألني عن صفة زات ينفع وما ينفعش. دي صفة ما ينفعش تقول لي ربنا ينفع يموت - 00:41:16ضَ

ما ينفعش لان صفة الزات لا تتعلق بالايه؟ بالمشيئة. ما ينفعش يبقى ميت ازا شاء. عاجز ازا شاء مريض ازا شاء مخلوق اذا شاء كل ده غلط. ما يجيش واحد يكعبلك بالاسئلة ليه؟ اللي هي هلاوس من من خرافات الفلاسفة - 00:41:29ضَ

المنطقيين ديت فدي صفة زات. بعد كده بيقول لنا الحياة. الحياة صفة ايه؟ زات. وهي مشتقة من اسمه الحي. العلم صفة ايه؟ زات. طبعا وثابتة بالكتاب والسنة. قال تعالى ولا يحيطون بشيء من علمه. وقول النبي عليه الصلاة والسلام اللهم اني استخيرك بعلمك. تمام؟ الارادة بقى - 00:41:49ضَ

زات ولا فعل تفتكر صفة فعل الارادة انما امره اذا اذا اراد شيئا. اذا هو يمكن لا يريد قد يريد احيانا ولا يريد احيانا يبقى هي صفة فعل لان هي مش مرتبطة بس هو مش فالله سبحانه وتعالى كما جاء في الايه؟ في في الاية انما امره اذا اراد اذا اراد. قال تعالى فمن يرد الله ان يهديه يشرح - 00:42:10ضَ

ومن يريد ان يضله ويجعل صدره ضيقا حرجا. قال النبي عليه الصلاة والسلام ازا اراد الله بقوم عذابا اصاب العذاب من كان فيهم ثم بعثوا على اعمالهم. يبقى ازا صفة الارادة صفة فعلية وليست صفة زاتية - 00:42:38ضَ

العلو العلوم بقى تتوقع صفة زات ولا فعل زاد طبعا طبعا صفة زاد لان العلو ده صفة لازمة لله سبحانه وتعالى لا يليق به الا زلك. فهو العلي وهو الاعلى سبحانه وتعالى - 00:42:54ضَ

تمام؟ فالله تعالى قال سبح اسم ربك الاعلى هو دائما شأنه في العلو سبحانه وتعالى. اللخبطة بقى. طب الاستواء على العرش صفات زات ولا فعل صفة فعل تقول لي مش انت لسه قايل سوء العلو صفة زات - 00:43:12ضَ

عارف لو فكرت كده يبقى انت وقعت في ايه وقعت في التشبيه لانك انت عندك انه قبل ان يستوي على العرش كان ادنى مما لما استوى على العرش يبقى انت على طول وقعت في الايه؟ زي ما انا كده اقعد تحت الكرسي واطلع فوق الكرسي - 00:43:35ضَ

لو جات في بالك كده يبقى انتم كده ايه يلا كلكم بقى مبتدأين اطلعوا برة المسجد يلا اوعى تفكر كده هو دائما في العلو سبحانه وتعالى معنى استوى على عرشه استوى يعني علا وارتفع على العرش. والكيف مجهول ها؟ ما تنساش ما تسرحش وبعد كده تقول لي الله - 00:43:54ضَ

انت لسه قايل العلو صفوت زات؟ طب ازاي تقول لي بقى الاستواء صفة ايه؟ فعل. يبقى قبل الاستواء كان فين؟ اول ما تقول كان فين دي؟ يبقى انت كده على طول على البدع على طول - 00:44:15ضَ

لان اللي نفى الاستواء اصلا بدأ بالموضوع ده. قال لك ان الاستواء يلزم منه الجهة والله منزه عن الجهة ويلزم منه التحيز. والله منزه عن التحيز. ويلزم انه في مكان ثم انتقل الى مكان فصار المكان الاول خاليا منه - 00:44:25ضَ

وقبل الاستواء كان المكان الثاني خاليا منه هوب ما فيش استواء. كل اللوازم دي باطلة نقول الاستواء لا يلزم منه لا جهة ولا تحيز ولا انتقال من مكان الى مكان ولا خلو مكان وامتلاء مكان ليس كمثله كل - 00:44:45ضَ

بتتصور لنفسك انت لما انا بروح حتة بتبقى الاولانية فاضية. لما انا ابقى في الناحية دي ما ابقاش في الناحية دي. ده انت مع نفسك. ازا كان ربنا قال سبحانه وتعالى وما قدر الله حق قدره والارض جميعا قبضته يوم القيامة والسماوات مطوية بيمينه. اي تحيز انت بتتكلم في ايه؟ ده - 00:45:04ضَ

الموضوع لا يمكن تخيله اصلا فاستواؤه لا ينافي قبل الاستواء كان في العلو ايضا سبحانه وتعالى وبعد الاستواء ايضا في العلوم. كيف استوى؟ لا ندري كيف استوى. هو كما قال الرحمن على العرش استوى. يعني علا وارتفع فوق العرش - 00:45:23ضَ

لم يكن قبله يعني لم يكن عنده علو قبلها. فالعلو صفة زات ملازمة له على الدوام. اما استوائه صفة ايه؟ فعل ليه؟ لان هو ربنا اللي باين كده باين ان هو لم يكن مستويا - 00:45:41ضَ

قال سبحانه وتعالى اه اه هو الذي خلق سبع قال هو الذي خلق لكم ما في الارض جميعا ثم استوى ثم استوى. يبقى هو قبل ذلك لم يكن مستوى العرش. اذا اللي عمله دوت اكيد صفات فعل ان هو اللي هي فعلها سبحانه وتعالى. فاستوائه على العرش - 00:45:55ضَ

فعل من افعاله جل وعلا في زلك هي صفة فعل. لكن العلوم والصفة زات صفة زات واضح ما تلغبطش بقى اوعى تقع في الايه؟ في التشبيه ده الكلام بقى بيقول الكلام الكلام ده بقى بالزات عند اهل العلم ركز فيه شوية. الكلام - 00:46:15ضَ

الظاهر ان هو صفة ايه؟ فعل ان ربنا يتكلم بما شاء وقتما شاء. لكن العلماء بيقولوا واصفة فعل من ناحية وصفة زات من ناحية. يعني ايه؟ يعني بيقولوا ربنا هل الكلام ده صفة طرأت عليه - 00:46:39ضَ

ولا هو كان متكلما سبحانه وتعالى؟ كان متكلما. يعني الصفة دي زاتية معه من الاول وهو الاول سبحانه وتعالى فصفة الكلام كانت صفة ملازمة له اما الكلام نفسه فعل الكلام فيصدر منه متى شاء. تمام - 00:46:56ضَ

مفهومة ديت يعني ممكن انا ولله مسل اعلى واحد بيتكلم بس ما يلزم انا متكلم مسلا علاء متكلم بس ممكن ممكن ما تكلمش مش كده؟ بس هل ده معنى ان انا ما عنديش صفة الكلام - 00:47:17ضَ

لا عندي صفة الكلام بس انا مش بتكلم دلوقتي. وممكن اتكلم. واللي هي المسألة الاعلى. فصفة الكلام كاصل الصفة زاتية لكن افراد احاد الكلام صفة فعل تاني اصل الصفة اصل الصفة - 00:47:29ضَ

زاتية يعني صفة الكلام ما طرأتش والا فيبقى يبقى ايه خلقت فيه طبعا عياذا بالله لا يحصل ذلك. فهو ما زال لزلك العلماء يقولون ما زال متكلما اتكلم متى يشاء؟ يعني ايه ما زال متكلما يعني الصفة دي ملازمة له - 00:47:47ضَ

وهي اولية كاوليته سبحانه وتعالى. وفي نفس الوقت الكلام نفسه كافراد الكلام احاد الكلام يتكلم بما شاء كيف شاء فتكلم بالقرآن وقت ما شاء سبحانه وتعالى وكان يتكلم به حسب الايه؟ الاحوال والاحداث. وكان يوحي لجبريل وقت ما شاء - 00:48:06ضَ

كلم الله موسى مش كده؟ وكلم الله موسى ايه؟ تكليما. عشان ما حدش يقول لا ده الكلام دي الشجرة اللي اتكلمت. لا ربنا اكدها بالايه؟ اكدها بالمؤكد دوت. وكلم الله موسى ايه؟ تكليما كلام حقيقي. كلام بجد كلام كلام زي ما انت فاهم. مش الشجرة اللي اتكلمت - 00:48:27ضَ

لا هو سمع الصوت عند الشجرة لكن الله هو الذي تكلم لزلك ما يدل على ان الكلام صوت فعل قال ولما جاء موسى لميقاتنا وايه؟ وكلمه ربه. يبقى الكلام صفة ايه؟ فعل - 00:48:50ضَ

الوجه الوجه طبعا صفة ايه؟ زات مفهومة جدا. صفة زات خبرية ثابتة لله عز وجل بالكتاب والسنة قال تعالى وما تنفقوا من خير فلانفسكم وما تنفقون الا ابتغاء وجه الله. قال تعالى ويبقى وجه - 00:49:06ضَ

ربك ذو الجلال والاكرام قال تعالى قل هو القادر على ان يبعث عليكم عذابا من فوقكم. فقال النبي عليه الصلاة والسلام اعوذ بوجهك قال الله تعالى او من تحت ارجلكم. فقال النبي عليه الصلاة والسلام اعوذ بوجهك. قال او يلبسكم شيعا؟ قال هذا ايسر. هذا ايسر - 00:49:29ضَ

قد يقول القائل من نزليات الوجه ليس الوجه المقصود به الوجه المفهوم. انما الوجه المقصود به الجهة والناحية وقد يكون عنده دليل من بعض الايات كقوله تعالى اينما تولوا فثم ايه؟ وجه الله. فثم وجه الله قد تحتمل ان هنا الوجه معناها الجهة يعني - 00:49:51ضَ

انتم تستقبلون الله هكذا مهما توجهت في اي واجهة فالله تعالى يقبل منك يعني. ازا كنت عاجز يعني او لا تعلم القبلة مثلا لكن نرد عليهم بعدة ردود. الرد الاول ان هناك - 00:50:16ضَ

احاديث وايات لا تحتمل الا المعنى دوت لقول النبي عليه الصلاة والسلام مسلا حجابه النور لو كشفه لاحرقت صبحات وجهه ما انتهى اليه بصره من خلقه الوجه هنا ما تحتملش معنى الايه؟ الجهة خالص. انما وجه باين هي ان هي صفة. ثمان مسألة مهمة جدا في كل الايه؟ الصفات. ان لا ان ما فيش حد - 00:50:31ضَ

لما انا احب اقول مجاز مسلا ما ينفعش اقول مجاز عنك بصفة الا والصفة دي اصلا موجودة عندك تاني لما انا احب اقول عنك مجاز مسلا هقول محمد له يد علي. عايز اقول ان هو له ايه؟ نعمة نعمة علي. طب لو محمد اصلا ما لوش صفة اليد. ينفع اقول الكلمة دي؟ يبقى ما لهاش معنى - 00:50:57ضَ

ان كلمة يد بتتقال للي اصلا له ايه؟ يد. مش كده؟ انا بقول انت الراجل ده له يد علي. اليد علي يبقى الكائن ده اصلا هو اصلا من صفاته الايه؟ اليد تمام؟ ما ينفعش اقول ان اما اقول ايه؟ ما اقولكش مسلا ايه او مسلا هقول لك انت في عيني الاتنين - 00:51:22ضَ

ينفع لو انا مخلوق ما ليش عينين. ينفع اقول الكلمتين دول؟ هقول اي حاجة تانية مش هقول لك انت في عيني الاتنين هتقول لي انت ما لكش عينين اصلا. يعني حتى لما بستعمل الموضوع ده - 00:51:43ضَ

مثل قوله تعالى واصنع الفلك باعيننا. دي فاهمة مفهوم جدا الاعيون معناها ايه؟ برعايتنا يجي واحد يقول اهو معنى قاعدين هنا برعايتنا يبقى ننين في صفة الايه؟ العين. نقول له لأ ما هي العين سابتة اصلا في ايه؟ في احاديس تانية منها قول النبي عليه الصلاة والسلام ان ربكم ليس - 00:51:53ضَ

باعور عن الدجال صح؟ لما قال عن الدجال ان ربكم ليس باعور. معنى زلك ان ربنا ليه؟ عين مش كده؟ لا هو ما عندوش عين مش سليمة بالرغم ان باعيننا دي معناها الرعاية بس مش معنى ان هي جت في موطن - 00:52:13ضَ

بمعنى العناية ان هي مش موجودة بل على العكس لما جت في موطن ربنا عبر عن الرعاية بالعين دل ان هو عنده ايه؟ عين لان اللي ما عندوش عين مش هيقول لك لما يحب يقول لك انت انا برعاك هيقول لك انت في ايه؟ في عينيا مش كده؟ يبقى اسبات اصلا حتى اللي بيقول لو قلت - 00:52:30ضَ

بالمجاز وبالتأويل هو حجة عليكم برضو حد مش فاهمها طيب يبقى الوجه سبت. اليدان بقى اليدان بقى الكلام فيها حلو. بيقول اليدان هي صفة ذاتية. طبعا خبرية ثابتة بالكتاب والسنة - 00:52:50ضَ

يقول تعالى بل يداه مبسوطتان ينفق كيف يشاء. قوله تعالى قال يا ابليس ما منعك ان تسجد لما خلقت بيدي وقول النبي عليه الصلاة والسلام ان الله يبسط يده بالليل ليتوب مسيء النهار ويبسط يده بالنهار ليتوب مسيء الليل حتى تطلع الشمس من مغربها. دي بقى ايه؟ ما لهاش حل بقى. ليه؟ لان اللي - 00:53:08ضَ

هيفسر اليد بمعنى خد بالك هو ليه جاب الايتين دول بالزات؟ هل مصنف ده زكي جدا؟ جاب الايتين دول بالزات لان الايتين دول زكرت فيهم واليد موسى ودوت يضرب التأويل على طول. ليه؟ لان انا مسلا لو قلنا لو واحد جه قال لك اليد معناهاش اليد معناها القدرة. هنقول له طب ليه ربنا يقول - 00:53:28ضَ

يداه مبسوطتان. هتقولها ازاي؟ هتقول بل قدرتاه هو القدرة بتسنى في واحد عنده قدرتين ولا هي قدرة واحدة؟ قدرة واحدة. فما لهوش معنى ان القدرة تسنى او النعمة سنة يا نعمة يا قدرة. لكن - 00:53:52ضَ

هترد علي ازاي؟ ولزلك حتى التاني قال لما خلقت ايه؟ بيدي. اتنين مش بيدي ولا بايدينا بيدي يدي تمام؟ فدي بقدرتي ما تجيش مش كده؟ فبالتالي تأويل اليد بالقدرة مردود عليه بالتسنية. ان ربنا زكر اليد مسناة في القرآن. ولا - 00:54:09ضَ

لا يمكن انتم اول او ان هي تحمل على المجاز وهي في حالة الايه؟ تثنية. انت ممكن لو هي جاية بافراد ماشي. جاية بالجمع ازاي بقى اعيننا؟ تيجي معك زي ما ربنا قال سبحانه وتعالى او لم يروا انا خلقنا لهم مما عملت ايه؟ ايدينا. هنا معنى ايدينا ايه؟ قدرتنا - 00:54:35ضَ

ان ربنا ما خلقش الاشياء دي بايده فعلا. انما ربنا زكر النبي عليه الصلاة والسلام ان الله خلق اشياء معينة بيديه. خلق ادم بيديه وخلق الايه؟ جنات عدن بيديه. واشياء خلقها بيديه سبحانه وتعالى. حتى الحديس ده حجة لنا. ليه؟ لان النبي عليه الصلاة والسلام زكر ان اشياء - 00:54:56ضَ

خلق ربنا بيديه وذكر اربع اشياء بس. طب هي اليد لو بمعنى القدرة؟ يبقى ايه الميزة في الحاجات ديت؟ ايه ميزة ادم ازا كانت اليد بمعنى قدرة يبقى تميز بايه؟ ان ربنا خلقه بقدرته - 00:55:15ضَ

لما هو خلق كل الناس بالقدرة يبقى ايه الخصيصة بتاعة ادم؟ لما لما ياتي الناس الى ادم يوم القيامة يقولون انت ادم انت ابو البشر خلقك الله بيديه واسجد لك الملائكة. طب ايه الميزة فيه؟ ايه الميزة اللي انت قلتها يعني؟ لما تقول لي اليد بمعنى ليه؟ القدرة يبقى لازم اليد تكون معنى اليد فعلا. يبقى لما ربنا يقول - 00:55:31ضَ

او لم يروا ان آآ انا خلقنا لهم مما عملت ايدينا ممكن تقول لي ايدينا هنا معناها ايه؟ القدرة لان هو زكر كل ليه الخلق؟ لزلك لما لما زكر في ادم ما - 00:55:54ضَ

قالش بايدينا قال بايه؟ بيدي. هي لو لو جت جمع ممكن يبقى معناه يمكن بتبقى ايه؟ تبقى تعبير عن القدرة. لكن لو جت مثنى ما لهاش غير المعنى الحقيقي بتاعها. يديا يديا - 00:56:04ضَ

واضحة دي ولا صعبة؟ ربنا خلق كل المخلوقات بيديه؟ لأ وخلق حاجات معينة بيننا ادم لكن خلق كل شيء بقدرته. فلما قالها ولم يروا انا خلقنا لهم مما عملت ايدينا - 00:56:18ضَ

فدي معناها بقدرتنا لكن ما قالش لما لما قالش عن ادم آآ قال آآ ان تسجد لما خلقت ايدينا قال خلقت نسبها النفس كمان بص التانية بتقول ايه قال اولم يرو انا خلقنا لهم مما ايه - 00:56:34ضَ

ما قالش عملت قال عملت ايدينا ما نسبهاش لنفسه نسبها للايه؟ للايدي. ان هي القدرة. لكننا قال خلقت بيدي يثبت ان دي حقيقة انا خلقت بيدي فعلا بيدي الحقيقتين. لكن التانية كانت بقدرتنا تمام. فما ينفعش يبقى - 00:56:52ضَ

ويبقى المعنى مجازي الكلام صعب اسأله السعودية من اقوى الردود في في في الموضوع دوت. طالما دي سبتت اسبت كله بقى. خلاص اللي هتقوله هنا قوله في غيره. ونقول ببساطة جدا - 00:57:15ضَ

قاعدة يدان اليد معلومة والكيف مجهول ولمن بها واجب. السؤال عنها بدعة. العينان نفس الكلام. قال فمن الكتاب قوله تعالى على عيني. ممكن برضو واحد يجادل في ديت قوله تعالى واصنع الفلك باعيننا ممكن يجادل في ديت. طب من السنة قول النبي عليه الصلاة والسلام ان الله لا يخفى عليكم ان الله ليس - 00:57:32ضَ

واشار بيده الى عينيه وقال النبي عليه الصلاة والسلام ان المسيح الدجال اعور العين اليمنى كأن عينيه عنبة طافية. دي ما لهاش حل. واشارة النبي عليه الصلاة والسلام هي العناية ليست تشبيها - 00:58:02ضَ

انما يريد ان يبين ان هي صفة حقيقية يعني وليس التشبيه. يبقى هنا هو بيقول زي ما قال ايه؟ لما لما قال انكم سترون ربكم كما ترون القمر ليلة البدر. هل هو بيشبه ربنا بالقمر ولا بيشبه الرؤيا بالرؤية؟ الرؤية بالرؤية وليس المرء بالمرء - 00:58:18ضَ

يشبه الرؤية بالرؤية وليس المرء بالمرء. فلما بيشير عينيه وبيعبر عن حقيقة الصفة. بيعبر ان الصفة صفة حقيقية وليست مثل العين ديت. مش بيشبه بس عايز يقول ان صفة حقيقية زي ما انتم فهمتم. عين عين زي ما انتم فاهمين عين ها؟ زي ما انتم فاهمين - 00:58:36ضَ

دي مش دي يعني. تمام؟ واشار الى عينيه عليه الصلاة والسلام. القدم صفة ثابتة ثابتة لله سبحانه وتعالى قال النبي عليه الصلاة والسلام في حديس تحاجج الجنة والنار فاما النار فلا تمتلئ - 00:58:56ضَ

حتى يضع الله تبارك وتعالى رجله فتقول قط قط قط فهنالك تمتلئ ويزوى بعضها الى بعض. وفي بعض الروايات فيضع قدمه عليها. يبقى ثبت له صفتين دلوقتي. الرجل والقدم ليس كمثله شيء هو السميع البصير. بل يمكن ان تقول ان له قدمين. لان ابن عباس رضي الله عنه لما - 00:59:10ضَ

قال عن الكرسي هو موضع قدمي الرب قدمي الرب. فاثبت ان لله قدمين وهذا لا يمكن ان يعلمه ابن عباس الا عن طريق النبي عليه الصلاة والسلام. مش كده؟ تمام - 00:59:36ضَ

فيقول اسماء الله وصفاته الواردة في الكتاب والسنة كثيرة لا تحصى وانما هذه امثلة. ويجب على المسلم اثباتها لله تبارك وتعالى على ما يليق بجلال وكماله كما اثبته الله لنفسه في كتابه - 00:59:50ضَ

واعلم نفسي من خلقي. واثبتها له رسوله صلى الله عليه وسلم في سنته وهو اعلم الخلق بربه واكملهم نصحا وافصحهم وابلغهم بيانا واتقاهم واخشاهم ده كلام قيم جدا على فكرة - 01:00:04ضَ

عجالة يعني. دايما بنقول اللي بينفي اللي يحرف او يعطل نقول انت يعني اتهمت الله سبحانه وتعالى بضعف البيان لانه بمعنى كلامك انه يكلم العباد بالالغاز يقول لهم كلام له ظاهر - 01:00:15ضَ

ولا يريد هذا الظاهر انما يريد معنى خفي تماما لا افهم الا الخواص وكل واحد بيفهم على مزاجه بقى ما انت اما تقول باطن يلا بنا بقى. كل واحد يفهمها زي ما هو عايز. لكن الباطن الزاهر ما لوش غير معنى ايه؟ واحد. تقول ان ربنا عيازا بالله - 01:00:32ضَ

اه لم يستطع ان يعبر عما يريد انما عبر لنا بتعبيرات وما ارادها فازا كان الانسان لو فعل كده لا يقال عنه بليغ ولا فصيح انما البلاغ والفصاحة انك انت توصل المعاني بالعبارات القوية البينة الواضحة التي تفهم الناس - 01:00:49ضَ

فانت تقول ذلك في الناس ان بيقول لك مش بليغ وما فهمناش منك حاجة. ثم تقول عن الله ان كلام الله ان انتم فاهمين كل الناس دي فاهمين كلامه غلط. احنا بس اللي ايه - 01:01:10ضَ

اللي فهمنا ربنا صح. يبقى انت تتهم الله اصلا بضعف البيان. انه لا لم يستطع ان يعبر عما يريد سبحانه وتعالى. والنبي عليه الصلاة والسلام ايضا لم يعبر عما حقيقة ما يريد - 01:01:20ضَ

لزلك نقول اانتم اعلم ام الله؟ يعني الله اعلم بنفسي ام انتم هو يقول له يد كيف تتجرأ ان تنفي زلك؟ هو يقول له وجه كيف تتجرأ تنفي زلك؟ هو يصف نفسه سبحانه وتعالى مش انت اللي تخترع له ولا انت تألف له - 01:01:32ضَ

انما انت عليك التسليم وعليك القبول وعليك الرضا بالله سبحانه وتعالى. ربا وان تنفي عنه كل شبيه وكل لا نظير. قال وليحزر من تعطيل الله من صفاته او تشبيهها بصفات المخلوقين. اللي بيعطل او بيشبه بيقع في نوعين الالحاد. قال تعالى ان الذين يلحدون في - 01:01:47ضَ

ايات الله لا يخفون علينا. ده الحاد في الايات يعني الحاد في الايات يعني صرف معناها عن المعنى الصحيح. فاللي بيحرف بيعطل الصفة اصلا بوز معنى الاية. ان هو بيقول الاية اللي هي بتقول كده مش معناها كده - 01:02:10ضَ

يبقى حرف الاية عن الايه؟ عن معناها. ايه ايه التاني الالحاد التاني؟ واقعة في نوعين من الالحاد؟ الالحاد التاني في القرآن قال ولله الاسماء الحسنى فادعوه بها وذروا الذين ملحدون في اسمائهم. يبقى عندنا الالحاد اتسكر مرتين في القرآن. الحاد في الايات الحاد في الاسماء والصفات. الالحاد - 01:02:26ضَ

معنى اللحظة اصلا في اللغة ايه؟ الالحاد والانحراف. عشان كده بنعمل لحد اما ندفن ميت بنعمل له لحد وبنحطه ايه؟ بنحطه جوة كده. فالالحاد هو الانحراف فالالحاد في القرآن اما الحاد في الايات - 01:02:46ضَ

او الحاد في اسماء الله فاللي بيحرف المعنى عن المعنى الصحيح واقعة في نوعين الالحاد مع بعض. لان هو بوز معنى الايه؟ الاية. فخلى ليه معنى تاني فالحت في الاية. وفي نفس الوقت نفى الصفة عن الله. فالحد في الايه؟ في الاسماء والصفات. فالمعطل والمؤول والمحرف والمشبه - 01:03:00ضَ

كل دول الحادوا في الايات والحدوا في الاسماء والصفات. واما اهل السنة فزي ما قلنا اثبات بلا تشبيه وتنزيه بلا تعطيل. في كلمة جميلة قوي ممكن مختصرة جدا اقرار وامرار - 01:03:21ضَ

اقرار وامرار اقرار المعنى وامرار الكيفية. اقرار وامرار. اقرار الكلمة على معناها وامرار الكيفية فلا تتفكر فيها على عشان ما تقعش في الايه؟ في الخلل اللي حصل من اهل البدع. يبقى كده النهاردة خلصنا ليه الجزء اللي علينا النهاردة؟ المرة الجاية نكمل في الاسماء والصفات. جزاكم الله خيرا والحمد لله - 01:03:38ضَ

رب العالمين - 01:04:01ضَ