ايها الاخوة اريد ان اصل من قطع واريد ان اوضح ما كنا عليه من قبل آآ نحن تكلمنا نحن نتكلم عن اخراج الناس من الظلمات الى النور فقلنا ان اول عنصر - 00:00:00ضَ

قابله الناس اللي هم اهل الجاهلية وخرجوا به من الظلمات الى النور. كانوا امبارح في جاهلية صبح الصبح ما هو اول ما ما عاينوه من الاسلام فقلنا كانت شخصية النبي صلى الله عليه وسلم - 00:00:34ضَ

قبل ان يتكلم قبل ان ينطق قبل ان يوجه دعوته قبل ان يربي امته قبل ان يزكي الناس قبل ان يتوجه اليهم بشيء كانت الفكرة انهم نظروا من هذا الذي يتكلم؟ فاذا به محمد بن عبدالله صلى الله عليه وسلم - 00:00:53ضَ

هذا الذي قدر الله اعده لمدة اربعين سنة كاملة سابقة. اربعين سنة يجهز ويعمق حبه في قلوب الناس ويعلقون به ويقتنعون به ويعجبون به حتى فاذا ارسله الله تبارك وتعالى اليهم كان قد اعده اعدادا في قلوبهم ان يصدق والا يكذب وان - 00:01:12ضَ

يؤتمن والا يخون وان تقبل دعوته والا ترفض. وان يعلم انه الحق المبين وانه لم يتسلل اليه من ضلالة وذكرت لكم ايها الاخوة اية في منتهى الاهمية في منتهى الجوهرية في منتهى العمق. الله تبارك وتعالى وهو يقول للناس كيف اخرجهم من - 00:01:42ضَ

ظلمات الى النور قال لهم كانه يقول سبحانه وتعالى انا لم ارسل لم انزل اليكم القرآن ليكون هو الذي يخرجكم من الظلمات الى النور القرآن وحده لن يفعل هذا وانما - 00:02:10ضَ

هناك وساطة وساطة بين ايات الله. وانا اقولها مرة ثانية وثالثة ورابعة وساطة واؤكدها وليس سبق لسان وساطة بين القرآن الذي انزله الله تبارك وتعالى وان كان في يد كل الناس وكل الناس يستطيعون ان يفهموه - 00:02:28ضَ

ان يدرسوه وان يتدبروه ويزاكروه انما هناك من انزل اليه هذا القرآن وهذا المنهج ليتولى هو ان اخرج به الناس من الظلمات الى النور او ان يخرج الله به الناس من الظلمات الى النور. يقول تعالى وقد عرضت عليكم الايات - 00:02:50ضَ

يقول الله تبارك وتعالى كتاب انزلناه اليك يا رسول الله يا محمد هذا الكتاب وان كنا انزلناه للناس ليكون هدى لهم وليكون مخرجا من الضلالة انما انت بصفتك مطبق للمنهج ومربي ومرشد لهم فانه كتاب انزلناه اليك لتخرجه - 00:03:12ضَ

الناس من الظلمات الى النور فانت تخرج الناس من الظلمات الى النور باذن ربهم الى صراط العزيز الحميد اقرأوا هذه الاية في اول سورة ابراهيم. كتاب انزلناه اليك لتتولى عن طريقه وبه وباستعماله - 00:03:42ضَ

لتخرج الناس من الظلمات الى النور باذن ربهم الى صراط العزيز الحميد هذه هي منهجية الاسلام اذا ايها الاخوة ما قلناه في لقاءنا السابق ان النبي صلى الله تعالى عليه وسلم كان هو الذي اخرج الناس من الظلمات الى النور بطريقته بسنته - 00:04:06ضَ

باسلوبه بامكاناته بما هداه الله به ولذلك من حق كل مسلم ان يقول الله هو كان ممكن الناس برغم وجود القرآن وبرغم ان الدين دين الله وبرغم ان المنهج منهج الله - 00:04:31ضَ

وبرغم انه الحق المبين وبرغم انه النور المبين. وبرغم كذا وكذا. ممكن كانوا لا يخرجون من الظلمات الى النور لولا النبي اقول ايوة. نعم بلا شك. ليه؟ هقول لكم بقى لانه هذه الفكرة ايها الاخوة في منتهى الاهمية - 00:04:55ضَ

ونحن نعي ديننا الاسلام امامة اماء العلماء يا اخواني ائمة ليه بيسموهم امام؟ لانه قائد امة. قائد امة يرشدها الى القرآن والى السنة والى الفلاح. احنا مش بنقول كلام زي كلام واحد مثقف ولا مفكر ولا وانما نحن نتولى امامة الناس امامة الناس - 00:05:15ضَ

بالقرآن يعني نقول لهم تعالوا امشوا بالشكل الفلاني. هذه هي الصورة. طيب فكرة يا اخوة انه صحيح الناس اسلموا. صحيح ابو بكر اسلم صحيح زيد ابن حارثة اسلم صحيح علي ابن ابي طالب اسلم. صحيح ابو عبيدة اسلم. صحيح صحيح - 00:05:43ضَ

انما هؤلاء الناس كانت نفوسا عسرة صعبة صعبة انت عارف العرب كان عندهم نوع من الشمم والاباء يقولوا احنا الرضيع اللي عندنا احسن من من ائمة القبائل الاخرى ومن قادتها. الراجل الكبير شيخ القبيلة - 00:06:02ضَ

احنا الطفل الصغير الرضيع يقول اذا بلغ الرضيع لنا فطاما تخر له الجبابر ساجدين فهم مش مستعدين انهم يعطوا من انفسهم الطاعة والتبعية ها تبعية مش مستعد يبقى تابع وانما هو يرى انه متبوع وانه يجب ان يكون عالي القدر. وان من من وراءه - 00:06:24ضَ

ومن حوله هم التابعون له. مش انا اللي تابع لهم. هم اللي تابعين لي. فلو ان طريقة النبي صلى الله عليه وسلم لم تكن ديرة بان تلين هؤلاء الناس ما كانوش هيستجيبوا - 00:06:49ضَ

وانا هقول لكم بعض الامور اللي تعرفكم انه لو لو لم يكن احفزوا انه لو لم يكن النبي عليه الصلاة والسلام له هذه الطريقة وهذا الاسلوب ما كان هؤلاء الناس قد اسلموا ولا استجابوا ولا امنوا - 00:07:04ضَ

الرسول عليه الصلاة والسلام يقول لعائشة وقبلها يقول للمسلمين يقول لهم اني استطيع ان احدثكم بحديث ها فتكذبونني معقول ا وان احدثكم بحديث فتصدقونني وما من حديث ما من كلام - 00:07:23ضَ

كان لا يفهمه بعض السامعين الا كان لبعضهم فتنة لما الرسول عليه الصلاة والسلام يقول انا ممكن اكلمكم بكلام تكذبوني وتقولوا علي كذاب. وهذه رواية اخرى تقولون استطيع احدثكم بحديث فتقولون كذاب - 00:07:52ضَ

وهو يكلم الصحابة ده بيكلم صحابة الرسول الصحابة بيقول لهم انتم ممكن تقولوا عني كذاب اذا لم اراعي طريقتي في بلاغكم بل انه في واقعة من الوقائع النبي عليه الصلاة والسلام يقول لعمر بن الخطاب يقول له فاكر يا عمر - 00:08:14ضَ

اتذكر انك في موقف كذا طلبت مني ان اقتل فلان قلت لي ده لازم يقتل انا لو قتلته يومئذ لو قتلته يومئذ اخذا يعني بمشورتك هذه لارعبت له انوفا. كان فيه ناس شالت السيوف واستلتها ورفعتها وتحرك المجتمع ضدي - 00:08:36ضَ

لارعدت له الوفاء لو امرتهم الان بقتله لقتلوه الله معنى هذا انه في زمن من السنة مسلا اللي قبل اللي فاتت لو انا قلت ان عبدالله بن ابي بن السلول الذي شتم النبي عليه الصلاة والسلام وقال سمن كلبك - 00:09:06ضَ

يأكلك وقال ليخرجن الاعز منها الاذل وكان منافقا وارجف في المدينة وكانت كارثة وارتكب جريمة خيانة عظمى عبدالله بن ابي بن السلول لو قتلته من سنة ونص كان المجتمع كله اللي اسلمه - 00:09:28ضَ

ممكن ينقلب ضدي وانا رسول الله ثم لو فعلت ذلك الان بعد سنة ونص فانني استطيع ان اقول هذا فهم يتحركون لقتله طاعة للنبي عليه الصلاة والسلام. يبقى ايه اللي انا عملته في نفوس المسلمين في هذه - 00:09:46ضَ

سنة ونص كيف استطعت ان احركهم ولذلك الدعوة بمجرد القرآن كان ممكن ترفض الدعوة بمجرد الحق المبين حتى عن طريق الرسول عليه الصلاة والسلام كان ممكن ترفض بل القرآن قال ذلك - 00:10:05ضَ

قال مش ده دين ربنا اليس هذا دين الله؟ اليس هذا دين الله؟ اليس هذا هو الحق المبين؟ اليس اليس مش كده؟ وده القرآن ولا يأتيه الباطل من بين يديه - 00:10:23ضَ

ولا من خلفه مش كده؟ اه طيب ايه رأيكم ان لو لم تكن طريقة الرسول كان كل ده ما ينفعش. فيه اية بتقول كده؟ نعم. يقول الله تعالى ولو كنت فظا غليظ القلب لانفضوا - 00:10:38ضَ

اتفضت الحكاية لانفضوا من حولك يبقى لو لم يكن النبي عليه الصلاة والسلام له طريقة في معاملة الناس وفي سياستهم ولذلك كلمة سياسة الناس وردت في الحديث كانت بنو اسرائيل تسوسهم انبياؤهم بتسايسهم - 00:10:54ضَ

بيسيسوهم وعلى فكرة بقى لتعلموا قبل ان استرسل مع الاية التي تقول ولو كنت فظا غليظ القلب لانفضوا من حولك اقول لكم هو احنا نسينا ما فعله الذين اتبعوا موسى مع موسى - 00:11:16ضَ

طب ما هو الذين اتبعوا موسى عليه السلام رأوا ايات بينات رأوا البحر يتحول الى ارض يابسة يمشوا عليها امة كاملة تمشي عليها ثم يعود بحرا من جديد فيغرق فرعون. في اية - 00:11:33ضَ

روحوا اقفوا قدام البحر واتفرجوا عليه وشوفوا كده لو انت شايف بحر بهذه الصورة وتحول الى ارض ورأيت جموع الناس تسير عليه بمجرد اشارة ولا خبطة عصاية من موسى اية بينة - 00:11:51ضَ

من الذين تابعوا موسى رأوا ان هذه العصا تتحول الى ثعبان مبين ويسعى ويلتقط ويأكل ويلتقم ثم يعود العصر ومع ذلك عاملوا موسى معاملة عشان تعرفوا ان الطريقة قالوا اجعل لنا الها كما لهم الهة - 00:12:08ضَ

قالوا له مش رايحين معك اذهب انت وربك فقاتلا. انا ها هنا قاعدون. يا ناس قالوا يا اخواننا يا جماعة مش كده انما اذهب انت وربك فقاتلا انا ها هنا قاعدون - 00:12:32ضَ

الله! يبقى مش بمجرد ان موسى نبي ورسوله وان التوراة كتاب الله وانهم رأوا اية ومعجزة بالارض وبالثعبان اصبحوا مستجيبين للحق كان ممكن يا اخواني العرب الجزيرة العربية يبقوا بنفس الطريقة ينزل عليهم القرآن - 00:12:48ضَ

يرسل اليهم الرسول عليه الصلاة والسلام وبرغم هذا برغم هذا لا يستجيبون ولا يخرجون من من الظلمات الى النور وتبقى النفوس المتأبية. تقول له اعمل كزا يقول لك انا انت ما لكش عندي غير اني امنت بالله - 00:13:09ضَ

ولذلك ايها الاخوة هذا الكلام هو الذي جعل طريقة النبي عليه الصلاة والسلام تلملم الامة يقول لهم النبي عليه الصلاة والسلام كلاما فيجمعهم عليه. ويستجيبون له ولذلك كانت الاية ولو كنت فظا غليظ القلب لانفضوا - 00:13:30ضَ

من حولك فطريقة النبي هي التي جمعت الامة. طيب ايضا حدث امر خطير جدا ان هؤلاء الصحابة قبل ان يتعرضوا لبركة النبي عليه الصلاة والسلام. وعلى فكرة في الواقعة التي ذكرتها لكم سيدنا عمر لما ربنا لما الرسول عليه الصلاة والسلام قال له - 00:13:52ضَ

قال اعلم ان بركة رسول الله صلى الله عليه وسلم اعظم من بركتي بركة الرسول في اسلوبه وسنته وطريقته الناس دول يا اخوة وصل الامر الى انهم عشان تعرفوا عملوا ايه في الرسول. الصحابة قبل ان قبل ان يخرجوا من الظلمات الى النور - 00:14:21ضَ

تجمعوا حول النبي عليه الصلاة والسلام وفضلوا يزنقوه ويزحمونه حتى الجأوه الى الحائط. دخلوه في الحيطة ادخلوه في الحائط يطلبون منه اشياء يطلبوه يقولوا له هات وفي واقعة اخرى الرسول عليه الصلاة والسلام جاءه رجل - 00:14:46ضَ

فالرسول اعطاه قال له اتفضل خد فلوس فالرجل لما اخذها اعتبرها قليلة فقال له ما انصفتني وما اجملت وما انصفت فقام الصحابة الى الرجل ليقتلوه ايه ده! تقول ذلك لرسول الله صلى الله عليه وسلم - 00:15:11ضَ

الرسول عليه الصلاة والسلام قال لهم استنوا واوقفهم واخذ الرجل وادخله في البيت علشان الناس وظل يعطيه ويعطيه حتى فرح الرجل فقال له طيب انت اغضبت اصحابي فان استطعت ان تقول لهم كلمة فالرجل خرج - 00:15:37ضَ

واثنى على النبي عليه الصلاة والسلام مع ان هي الحكاية فلوس اثنى عليه وقال يعني لقد انصفني وكذا. فخرج النبي عليه الصلاة والسلام وقال لهم كلمة انا استخدمها الان لتعرفوا كيف كان صبر - 00:15:56ضَ

النبي واسلوبه هو الذي ها شد الناس من الظلمات الى النور. قال لو تركته لكم لقتلتموه ولدخل النار ولكنه الان رضي وان شاء الله يدخل الجنة انما لو تركته لكم لقتلتموه ودخل النار. وبعدين قال لهم انما مثلي ومثلكم - 00:16:11ضَ

الحديث مشهور عشان كده عايز ندت منه بقرة بقرة حررت جريت ومش راضية تيجي. فصار الناس يطلبونها الحق يا جدع امسك يا جدع فترى تراخهم الناقة ترى تسمع صراخهم وترى اشكالهم فتزداد - 00:16:36ضَ

فرارا ونفورا فجاء صاحب البقرة او صاحب الناقة وقال لهم دعوا لي بقرة دي بهيمتي انا عارفها بس قالوا له خلاص انت حر فاتى بالوعاء الذي يقدم لها فيه الطعام اللي هي حفظاه ومعتداه - 00:16:59ضَ

واصدر لها صفيرا تعرف انه اشارة الطعام بيصفر لها صفارة لطيفة كده عشان تيجي فلما رأت ذلك جاءت عليها وحنى عليها ووضع ادي الفكرة ان طريقة النبي عليه الصلاة والسلام وانا لا اقصد انا هقول لكم ايه هي طريقة النبي عليه الصلاة والسلام؟ انا لا اقصد مجرد - 00:17:20ضَ

الرفق والعطف والحنان والعفو والصفح والتسامح آآ معروفة المعاني دي. انما انا باكلمك ان طريقة لانه في وقائع اخرى كانت طريقته في منتهى القوة. واحد ييجي يقول له يعني المرأة دي من قبيلة بني مخزوم يا رسول الله - 00:17:46ضَ

هي سرقت وانت عايز تقطع ايديها وانت عارف ان قبيلة بني مخزوم دي القبيلة اللي كان منها ابو جهل والقبيلة اللي منها الناس دي القبيلة المنافسة او لعائلة المنافسة لعائلتك يا رسول الله - 00:18:05ضَ

فلو قطعت يد واحدة منهم يبقى كانك بتنكل بواحدة من العيلة المنافسة وفي نفس الوقت المسألة هتزيد ومن اشراف مكة وو هه فماذا قال النبي عليه الصلاة والسلام طريقته يومئذ كانت طريقة قاطعة - 00:18:21ضَ

قال اتشفع في حد من حدود الله يا اسامة وانا باسف وباستغفر الله لهذا اللفظ ولكني استخدمه دائما لاوضح وفضح اسامة فضحه دعا الناس جميعا وصعد على المنبر وقال ايها الناس - 00:18:39ضَ

طب انا اسامة غلط وهو صغير وهو حب رسول الله وابن حب رسول الله وكان هو اسمه اسامة ابن زيد لكن قبل تحريم التبني كان اسمه اسامة ابن زيد ابن محمد يعني مش اسامة ابن زيد ابن حارثة كان اسامة ابن يعني - 00:18:58ضَ

انه حفيد الرسول عليه الصلاة والسلام ولكن الرسول يصعد المنبر ويقول انا مش لو مش لو المرأة المخزومية سرقت ولا لو ابن ابني بعرف الجاهلية اسامة ابن زيد شفع ده لو فاطمة بنتي من صلبي سرقت لقطعت يدها - 00:19:15ضَ

فحسم الامور فانا عايز اقول لك عشان انا مش عايز الناس تتصور انني احدثهم عن طريقة النبي يعني العفو والصفح والسماح فقط وانما اكلمك ان طريقة النبي هي التي لملمت الامة واقامت عوجهها واستقامت الامة بها واخذها ساق - 00:19:37ضَ

واخرجها من الظلمات الى النور خطوة خطوة حتى خرجت الى النور المبين ولذلك ايها الاخوة انا عندما انظر في هذه الوقائع واراها واستوعبها. اقول طيب تعالوا نشوف ما دام لازم طريقة - 00:19:57ضَ

لابد من طريقة يستخدمها النبي لاخراج الناس من الظلمات الى النور تعالوا نشوف القرآن قال له ايه الله تعالى لما ارسل النبي عليه الصلاة والسلام اعطاه قواعد محددة قال له في قواعد محددة - 00:20:21ضَ

تبتدي تمشي عليها مع الناس دول مثلا اول اية يقول الله تبارك وتعالى فيها واخفض جناحك لمن اتبعك من المؤمنين اخفض جناحك لمن اتبعك اخفض جناحك يعني خليك لين لهم - 00:20:42ضَ

اهل معهم وتواضع لهم. طب هو الرسول عليه الصلاة والسلام كان متكبرا عليهم؟ حاشاه ذلك انها الرسول عليه الصلاة والسلام لم يكن مشغولا الناس قبل الاسلام كان قد يختلي في الغار الليالي ذوات العدد - 00:21:08ضَ

هو مش فاضي للناس انما الان قال له اخفض جناحك لمن اتبعك من المؤمنين قال له فاعف عنهم. ما هو الاية بتقول كده لو كنت ولو كنت فظا غليظ القلب لانفضوا من حولك - 00:21:32ضَ

فاعف عنهم قاعدة اعفو عنهم لما يغلطوا سامحهم واستغفر لهم وهذا شعور قلبي اللهم اغفر لهم اللهم ارحمهم وشاورهم في الامر هذا اسلوب سياسي فاعف عنهم واستغفر لهم وشاورهم في الامر - 00:21:50ضَ

يقول الله تبارك وتعالى له واصبر نفسك وعلى فكرة الاية دي بالذات كلما ذكرها الدعاء وانا منهم يذكرون لها جانبا واحدا اللي هو اصبر نفسك معهم يبقى عشان تنتفع انت بالمؤمنين. ده ده اصبر نفسك اني - 00:22:11ضَ

وانا لما عندما يقول الله تبارك وتعالى وامر اهلك بالصلاة واصطبر عليها اصطبر عليها فالصبر على المؤمنين ومعهم لمدة طويلة ولذلك النبي عليه الصلاة والسلام بهذه القواعد اعف عنهم واستغفر لهم شاورهم في الامر اصبر نفسك معهم. آآ آآ - 00:22:33ضَ

اخفض جناحك لمن اتبعك من المؤمنين كذا كذا بهذه الطريقة ولذلك انا طبعا يا اخوة انا عايز انبهكم انا لا اتكلم بالتفصيل انا فقط انبهكم واقول لكم ان الله عز وجل - 00:22:59ضَ

قد انزل الى رسوله صلى الله عليه وسلم طريقة يمشي بها في امته وفي الناس لينجح معهم في لملمتهم وتجميعهم ليقودهم قم من الظلمات الى النور الطريقة دي ندرسها تفصيلا - 00:23:15ضَ

انما انا لازم اعرف المبدأ انه صلى الله عليه وسلم كلف باسلوب معين ان يفعله. ولذلك اه ده دي نقطة مهمة جدا شخصية الرسول عليه الصلاة والسلام شخصيته في حد ذاتها - 00:23:34ضَ

محور ومهمة جدا في الخروج من الظلمات الى النور. ولذلك هي في حد ذاتها جاءت معجزة من المعجزات ايه؟ تاني كده احسن ده كلام مهم. معجزة اه شخص النبي كان معجزة - 00:23:53ضَ

شخص رسول الله صلى الله عليه وسلم كان معجزة في ذاته ايه المعجزة فيه يعني اللي هي اخلاقه تقصد؟ لا ما اقصدش اخلاقه فقط وانما شخصه كان معجزة حتى في خاصة نفسه. يعني مثلا - 00:24:13ضَ

يعني انا انا عايزكم تتذوقوا معنى المعجزة يعني ايه معجزة زي عصاية سيدنا موسى زي احياء الموتى لسيدنا عيسى زي يعني معجزة معجزة العصمة انه لا يخطئ ابدا لا ينطق الا بحق. لا ينطق عن الهوى لا لا يجري - 00:24:36ضَ

الرسول عليه الصلاة والسلام كان احيانا يكون غضبان. فقالوا له يا رسول الله انت احيانا بتكون غضبان واحنا بنكتب اللي بتقوله. نبقى ننتقي حالة من الحالات. قال اكتبوا عني في الرضا والغضب فوالله ما انطق الا حقا - 00:24:58ضَ

الله تعالى عصمه من ان تكون عنده اخطاء ولذلك كان ملتزما بالوحي غاية الالتزام لا ينطق عن الهوى. يعني انا فاكر حديث الرسول عليه الصلاة والسلام الذي يقول فيه ثلاثة اقسم عليهن - 00:25:14ضَ

تلات حاجات احلف انهم هيحصلوا. ثلاثة اقسم عليهن. وحلف طبعا مش مش يعني مش دور الكلام النهاردة في هذا فمش عايزة والرابعة وده شيء قال ثلاثة اقسم عليهن تلاتة والرابعة - 00:25:31ضَ

شوف الدقة حلفت عليها الا اثم كان ممكن يقول اربع حاجات احلف عليها انما هو قال لأ انا احلف على تلاتة والرابعة علشان اكون دقيق ارجو ان حلفت عليها الا اثم - 00:25:49ضَ

ما ستر الله عبدا في الدنيا الا ستره يوم القيامة دقة لانه لا كانت معجزة شخصية النبي عليه الصلاة والسلام انه يعني زي واقعة ركانة التي يرونها وكان كان مصارعا لا يصرعه احد - 00:26:09ضَ

النبي عليه الصلاة والسلام دخل له مصارعة. وكان قال له يعني انت اه يعني اه قد علمت يا محمد اني والله ما صارعت احدا الا صرعته. قال له طب ايه رأيك لو اصارعك او يعني قبل منه - 00:26:33ضَ

وان يصارعه فصارعه المرة بعد المرة بعد المرة حتى الصفات الجسدية للرسول عليه الصلاة والسلام من من من الصفات الجسدية العادية والجبين حتى عرق النبي عليه الصلاة والسلام حتى غيره يعني كان الاعجاز في شخص النبي صلى الله عليه وسلم متعلقا بالوحي متعلقا - 00:26:48ضَ

بالنطق متعلقا اسلوبه في كل شيء لدرجة ها لقد كان لكم في رسول الله اسوة حسنة انت ماشي على الخطوات بالضبط الكلام ده معناه ايه يا اخوة الكلام ده معناه - 00:27:14ضَ

ان دور الرسول عليه الصلاة والسلام دور النبي عليه الصلاة والسلام كان انه وراجع بقى معي مطبق للمنهج وعلى فكرة اي منهج بدون نموزج التطبيق يبقى خبطة عشواء يبقى شيء لن يؤدي الى نتيجة - 00:27:34ضَ

انما الله انزل المنهج في القرآن وجع وانزل معه وارسل معه شخصا لا يخطئ ابدا لا ينطق ابدا الا بحق والا بوحي ولا ينطق عن الهوى وكل تصرفاته تصرفات مطابقة للمنهج كأنه يقول هذا هو المنهج وهذا هو النموذج الكامل الذي لا استثناء - 00:27:54ضَ

بقى فيه للتطبيق لكن ليس فقط هذا ليس فقط نموذج التطبيق وانما ايضا انه مربي ومدرب ومعلم فالنهاردة لما بتيجي الجماعة اللي بيشتغلوا في في التمسيل يبقى ممثل كبير ويقف المخرج يقول له ستوب - 00:28:21ضَ

انا عايزك تبقى سخن شوية تبقى عندك حرارة شوية قول بقى كلاكيت تاني مرة طب تالت مرة رابع مرة المرة دي يقول له لأ ده دي تتقال بهدوء ده دي اللفتة بالطريقة الفلانية دي مش ماشية مع الكاميرا - 00:28:47ضَ

في في كرة القدم ومعلش انا وان كان انما انا مبسوط كده يعني انا اريد ان اعطيكم الامثلة بهذه الصورة موجودة انا عايز افهم هو انا يا اخواننا هل تتصورون ان من الدعوة الصحيحة - 00:29:05ضَ

ان الانسان يتكلم على الناس بلغة تعلو على افهامهم لتكون انما لازم يفهموا الناس الله تعالى يقول وما ارسلنا من آآ من من آآ من رسول الا بلسان قومه ليبين لهم. امال مسمينه التبيان ليه - 00:29:21ضَ

البيان الشافي الكافي الكامل مدرب الكورة يدربه على التسديد يقول له لأ اعمل بالطريقة الفلانية سوي كزا ويقول له شوط تاني ومرة تانية ومرة تالتة ومرة رابعة. طب ايه حاول تدخل كده اخرج كده اديها له وخدها منه يعني يحاول ان بيعمل بيسموها جمل تكتيكية - 00:29:39ضَ

النبي عليه الصلاة والسلام وطبعا المثل فارق بس انا باقرب للناس ترى الام وهي تعلم بنتها اللي رايحة تتجوز تعلمها الطبيخ ازا كان في يعني ناس لسة بيعملوا كده وبيقولوا بقوا بيشتروا جاهز دلوقتي - 00:30:01ضَ

انما انما الام وهي بتحط لها الطبيخ تقول لها لأ استني ما ينفعش تحطي دلوقتي ده استني لما يحصل كزا مش عارف ايه يتقدح وايه كزا يعني ايه الدربة في الكورة وفي التمثيل وفي الطبيخ وفي وفي في الامثلة التحتانية في المجتمع ده هي التي - 00:30:16ضَ

اخرجوا بهذه الصورة المحامي يجي له محامي تحت التمرين في مكتبه يقول له خد اكتب المزكرة دي وبعدين يقول له لأ شايف انت عملت ايه هنا؟ ده دي تحطها دي قبل دي ودي بعد دي ودي لازم تحط لها حكمين تلاتة ودي تشيل من - 00:30:38ضَ

هنا ودي في الاستثناء الفلاني فكان النبي صلى الله عليه وسلم هو صحيح انا قلت لكم انه المطبق النموذجي والمثل الكامل لكن هو ايضا الذي يشرف على تطبيق اصحابه ويشرف على اسلوب اصحابه. يقول له ابو بكر - 00:30:55ضَ

يقول له اوعى يا ابا بكر تكون زعقت لهم اياك يا ابا بكر ان تكون قد اغضبتهم. فيقولوا لا والله يا رسول الله ما اغضبتهم يمشي النبي عليه الصلاة والسلام ليلا - 00:31:16ضَ

صبحي قابلهم يقول له يا عمر انا كنت اسمعك بالامس في قيام الليل كان صوتك مرتفعا جهوريا فاخفض صوتك هونا ما. ويا ابا بكر ارفع صوتك هونا ما الله ده ماشي يسمع صوت ابو بكر وهو بيصلي عالي ولا مرتفع في قيام الليل وصوت عمر وهو يصلي مرتفع ولا منخفض في قيام الليل ويقول له ده - 00:31:30ضَ

ارفع شوية ارفع ده ولا الاستاز حمدي السيد المخرج بتاع البرنامج يقول له ارفع شوية ونزل شوية واعمل هات اذا اذا ايها الاخوة اعملوا معروف خلوا بالكم انا مش بسليكم. انا عايزك تعرف ان النبي عليه الصلاة والسلام كان لدرجة - 00:31:55ضَ

انه في يوم من الايام دخل لقى واحد لابس عمة زي اللي بنلبسها كده ولكن ملفوفة ملخبطة مش مزبوطة. قال له تعال وفك شال العمة ونقضها وعممه النبي عليه الصلاة والسلام وقال له هكذا فاعتم - 00:32:14ضَ

اكانت طريقة النبي صلى الله عليه وسلم انه الذي يباشر بنفسه بنفسه حتى بيده صلى الله عليه وسلم توجيه اصحابه لدرجة ان الولد شاب شاب صغير زي النهاردة الشباب اللي ممكن تشوفهم ماشيين في الطرقات في الشوارع تبص - 00:32:34ضَ

تلاقي شاب مسلا سنه سبعتاشر تمنتاشر سنة في في غاية فتوته. ورأى فتاة تسير في الطريق متبرجة من اسوأ ما يكون تبرجا والتبرج يجعلها جميلة مزدانا. النبي عليه الصلاة والسلام لم يقل له غض بصرك ده بيده صلى الله عليه وسلم يدفع - 00:32:55ضَ

خد الغلام كان اسمه الفضل. ولد صغير كده شاب بسبعتاشر اصغر كمان يدفع خده بيده ليصرفه عن ان ينظر الى الفتاة ويأتي ولد تاني يحاول ان يأكل من الطعام قبل ان يقول بسم الله. فالرسول عليه الصلاة والسلام يمد يده ويمسك يد الغلام - 00:33:17ضَ

يقول اراد الشيطان ان يستحل طعامكم بهذا بهذا الولد انه ياكل من غير ما يقول بسم الله فالشيطان يخش على على العزومة كلها عندي اربعين خمسين راجل قاعدين وجت عندي آآ ولد عايز ياكل فيقول له طب خد يا حبيبي دي. عارف اللقمة دي اللي بتديها له علشان - 00:33:39ضَ

قبل ما يبدأ الاكل هذه اللقمة البسيطة الشيطان يستحل بها الطعام كله ولذلك النبي عليه الصلاة والسلام قال له يا غلام سم الله وكل بيمينك وكل مما يليك وامسك يده ليمنعه ان يأكل - 00:34:00ضَ

اذا النبي عليه الصلاة والسلام كان يشرف على تطبيق المنهج للصحابة وكان هو النموذج الكامل له فيه فرق كبير انا عندي في كرة القدم اللي قاعدين ندي امسلة بها عندي لاعب هو النموزج اللاعب احسن لاعب في العالم - 00:34:19ضَ

لكن المدرب حاجة تانية ده عايز دراسات تدريب لاعب غير المدرب عندي في المدرسة التلميز المثالي اللي بيطلع الاول ده شيء والمدرس الذي يعلم التلاميز شيء اخر انما في دين الله عز وجل - 00:34:38ضَ

المطبق للمنهج هو النموذج الكامل لتطبيقه ايضا. انما النهاردة تيجي على مدرب كرة قدم تقول له اجري بقى مش ساعة ونص في الملعب اجري عشر دقايق يمكن ما يعرفش خلاص لا يستطيع. انما - 00:34:56ضَ

ولذلك ايها الاخوة ولكي انتقل الى فكرة التالية تعالوا نرى ماذا فعل رسول الله صلى الله عليه وسلم ستجدون انه اول شيء عمله انه لم يختص نفسه بشيء عن المسلمين ابدا. لم يتميز عنه - 00:35:13ضَ

مش ربنا قال له اخفض جناحك للمؤمنين وقال له اخفض جناحك لمن اتبعك من المؤمنين ايتين في القرآن ورده. اخفض جناحك للمؤمنين اخفض جناح لمن اتبعك من المؤمنين. بعض المفسرين يقول وهذا ما احبه - 00:35:36ضَ

ان المؤمنين متبعون للرسول كلهم فايه ايه ايه لازمة من اتبعك فدلت على المصاحبة انه الذين كانوا معك في صحبتك من اتبعك من المؤمنين اخفض جناحك مائلهم ولذلك تشوف الوقائع المشهورة اللي بيتكلموا فيها الدعاة - 00:35:52ضَ

يقول لك ان الرسول عليه الصلاة والسلام في غزوة الاحزاب المسلمين كانوا بيحفروا الخندق علشان الكفار ما يعرفوش يعدوا ويدخلون الى المدينة كان الرسول عليه الصلاة والسلام يعمل ايه؟ يجيب افة مقطف - 00:36:18ضَ

عارفين القفة والمقطف يملاها التراب ويحطها ويشيل التراب. كان النبي صلى الله عليه وسلم صلى الله عليه وسلم صاحب القدر الرفيع الجليل الكبير الذي يعني ترى انك تحمله من على الارض - 00:36:35ضَ

يعني تسيبه يمشي على الارض ازاي؟ ده رسول الله اكرم من مشى على الارض واكرم خلق الله على الله لكن انا اشتغل احفر كده وبلال ولا ولا صهيب ولا علي ولا حد من ال البيت ولا غيره يحفر وييجي - 00:36:55ضَ

الرسول عليه الصلاة والسلام يلم التراب في القفة ويشيلها على على كتفه صلى الله عليه وسلم عشان يبعد التراب لانه لما التراب بيطلع من الحفر ما هو هيشغل ممكن ينزل تاني بيبعدوه بعيد - 00:37:13ضَ

حتى انهم قالوا فكان الغبار على رأس النبي صلى الله عليه وسلم وعلى وجهه وعلى لحيته حتى انك لا اترى منها سواد سواد اللحية لا ترى من الغبار الرسول عليه الصلاة والسلام كانت لحيته سوداء. لم تبيض عند الموت ابيضت شعرات كانوا بيعدوها. شعر تلاتة ولا اربعة ولا سبعة كده يعني - 00:37:26ضَ

بالعدد صغير جدا اقصى ما قيل فيها تلاتة او اربعة او سبعة وبعضهم قال حداشر شعرة حداشر شعرة في الشعر الكثيف كانت لحيته سوداء وغزوة الاحزاب كانت قبل وفاته قبل هذا الشيب - 00:37:50ضَ

قبل وفاته بخمس سنوات صلى الله عليه وسلم فكانت لحيته سوداء لكن كان غبار لدرجة انه فده شكل الرسول عليه الصلاة والسلام. لما كانوا مسافرين ويريدون ان يذبحوا معزة عنزة خروف شاة - 00:38:07ضَ

عبحبوا يقسموا العمل الحقيقة انه تقسيم العمل واحد هيدبحها بسم الله الله اكبر ذبح خلاص هاخد دقيقة دقيقتين مش اكتر من كده قهى والتالت قال علي شيها يشويها الرسول عليه الصلاة والسلام يختاره انه يمشي يلم زي ما بيقولوا حجره كده ويحط - 00:38:24ضَ

آآ فيه الحطب يمشي بين الكثبان في الصحراء يلاقي الحطبة دي ياخدها يحطها والحطبة دي اه لأ دي رخوة. ما ينفعش يتولع عليها يرميها ويظل يجمع حطبة حطبة وبعد ما يلف بين الكثبان الرملية وبين التلال يرجع للصحابة يقول لهم اتفضلوا - 00:38:54ضَ

الحطب اهو وهو رسول الله هو لم يتميز عنهم كان يأتي الرجل من الخارج. الراجل اللي هو آآ اي واحد ما هواش مسلم وما يعرفوش. يقول ايكم ام محمد. مين فيكم؟ مين محمد - 00:39:14ضَ

يا سلام ايكم محمد بقى لو واحد دخل الحتة اللي انا قاعد فيها دلوقتي ده ما يعرفش الشيخ فين اللي بيتكلم كل انسان انما هو ويدفع اصحابه بين يديه ولا يطلب شيئا لنفسه ابدا - 00:39:31ضَ

ولا لعائلته. والله يا اخوة كل ما افتكر ان الرسول عليه الصلاة والسلام لما جاءه الموت يقوم يجي له اه واحد بيقول اه اه مين يا سيدي العباس ابن عبدالمطلب - 00:39:49ضَ

وهو عم الرسول عليه الصلاة والسلام يقول لواحد من اهل بيت النبي يقول له ادخل يا اخي على الرسول عليه الصلاة والسلام ده في مرض الموت اسأله اسأله بس مجرد سؤال في من يكون هذا الامر مين اللي هيبقى امير المؤمنين بعده؟ مين اللي هيبقى الخليفة بعده - 00:40:09ضَ

فمن شدة ما يعرفونه من ان الرسول عليه الصلاة والسلام لا يحابي عائلته رد عليه هذا الرجل وقال له لو طلبتها منه او لو فتحت الموضوع فمنعناها فقال كله الا اهل بيتي ما حدش ياخد منها لن يعطيناها الناس ابدا - 00:40:28ضَ

الله! يعني وصل لدرجة انك مش انه لا محاباة ومع ذلك لتعلموا يا اخوة الى اي درجة كان يمكن ان تفقد الامة كيانها والا تخرج من الظلمات الى النور لولا طريقة الرسول عليه الصلاة والسلام - 00:40:49ضَ

الصحابة دول قبل ما هم بالنسبة لنا الان صحابة ممتازين لانهم استكملوا التربية انما هم لما بدأوا بدأوا من تحت والرسول عليه الصلاة والسلام يرفعهم ويربيهم في واحد منهم قال للرسول عليه الصلاة والسلام هذه قسمة القسمة اللي انت قسمتها دي هذه قسمة ما اريد بها وجه الله - 00:41:08ضَ

دي قسمة ظلم مش مراد بها وجه الله. يقول لمحمد لرسول الله هذا صلى الله عليه وسلم وواحد تاني قال له انت بتحكم بمرور المية من ارضي الى الزراعة بتاعة فلان - 00:41:32ضَ

لانه ابن خالك اان كان ابن عمك اان كان ابن خالك عشان قريبك يا محمد وهو رسول الله وهذا مسلم لو ان النبي عليه الصلاة والسلام لم يكن معالجا لقومه - 00:41:47ضَ

عارف بقى علشان برضو تعرف الفرق عشان ما بقولكش انا العفو والصفح في الواقعة الاولى الرسول عليه الصلاة والسلام هان ولان وعفى وصفح وعلم وغفر في الواقعة التانية قال سيمر الماء ولو من فوق ظهرك حسم الامر - 00:42:03ضَ

هنا حتى لا يتعلم الانسان الاعوجاج وهنا حتى لا يعاقب انسان بخطأ فردي لزلك احنا لازم نتعلم كتير لازم تقعدوا كتير لازم نتعلم ايه فقه اسلوب الرسول عليه الصلاة والسلام - 00:42:24ضَ

يعني ليه عمل كده هنا وليه عمل كده هنا؟ انا بقى دلوقتي يعني وانا بتكلم مسلا في لقاء زي ده اشرح كل ده؟ لا ما فيش وقت. ده الكلام ده نفصله في مواقع او في مقامات كثيرة. نقول للناس بقى كيف كان يفعل - 00:42:41ضَ

قل لي ماذا كان يفعل كيف كان يتصرف واظن الاخوة الذين كانوا معنا في شهر رمضان قبل الماضي في السلسلة التي كنا نتناولها في المساجد كنا نتكلم عن مواقف فقه مواقف النبي - 00:42:58ضَ

فقه مواقف النبي واظنها مسجلة لكن مش مش موجودة طبعا في ايدي الناس انما يعني فقه مواقف النبي عليه الصلاة والسلام ما فقه مواقفه؟ كان بيعمل كده ليه؟ يقوم نتعلم طريقة الرسول عليه الصلاة والسلام تفصيلا - 00:43:16ضَ

ها ها ها ماذا كان يفعل انما خلاصة الامر انه لو ترك المسلمين ده يا راجل بعد فتح مكة الانصار اجتمعوا الانصار وخصوصا من من الخزرج اجتمعوا في بيت واحد منهم وقالوا ايوة يا عم طبعا انا استغفر الله بس انا عايز اقرب لكم المعنى - 00:43:34ضَ

لازم افهمكم بالطريقة الدارجة يا اخوة اللي تفهموا على فكرة انتم لو تلاحزوا تلاقوني اتكلم باللغة العربية ثم احيانا ابسط الموضوع جدا لدرجة آآ لكن انا عايز اوصل معنى انا عايز الناس تفهم - 00:43:59ضَ

الاسلام فقه يا اخوة لا يقوم بهذا الامر الا من فقهه. دين الله لا يقوم به انسان يتأثر به. لا هي تقوم به انسان يفقهه يفهمه يستوعبه لتكونوا ائمة انما نقعد اثر فيكم تأثير تأثير تأثير دون ان نفقه لا يمكن ان يبلغ احد درجة الامامة - 00:44:13ضَ

في الدين ودي ضرورة امامة في الدين مش يعني يا عم الشيخ قاعد على المنبر ولا يعني واحد لابس عمة الامام في الدين ان افهم الاسلام. لذلك اقول دائما ان ان الدعوة التأثيرية - 00:44:42ضَ

التي تهز المشاعر مهمة جدا ولكنها مكملة لخلق الفقه يعني الاول تخلق فقه الانسان لدينه حتى اذا اثرت فيه وعلمته تحرك نحو ما يفهم مش تحرك نحو ما يجهل فكان النبي عليه الصلاة والسلام يأخذ الناس درجة درجة بهذه الصورة - 00:44:57ضَ

ويقودهم ويسوقهم لكي وهكذا. ايها الاخوة طيب خلوني اقول لكم اه طرف من اسلوب النبي عليه الصلاة والسلام الرسول صلى الله عليه وسلم كان عندما يدعو الى الله وعندما يوجه اصحابه - 00:45:23ضَ

كما قلت لكم ممكن انسان وانا الحقيقة عجبني واحد قصة قصة قال ابو سفيان جعل ينظر الى النبي عليه الصلاة والسلام بعد ان اسلم ابو سفيان وتحدثه نفسه وهو ينظر اليه هكذا ويقول - 00:46:00ضَ

ده انا فضلت اقاتلك تمن سنين وانا قائد عسكري لا يشق لي غبار وانت غلبتني بم غلبتني غلبتني بايه ففي الشوط الثالث مرة واتنين وتلاتة وقف النبي صلى الله عليه وسلم عليه - 00:46:19ضَ

وهو لم يسمع وانما اوحى الله اليه وقال غلبتك بالله ما فيش عبقرية انا مش بالف ما عنديش طريقة وانما الله سبحانه وتعالى الله سبحانه وتعالى لذلك يا اخواني كان النبي صلى الله عليه وسلم مع اصحابه في غاية الرقة. لدرجة سيدنا عمر بن الخطاب - 00:46:43ضَ

يدخل على بنات بيغنوا. بنات صغيرين كده بيغنوا في يوم العيد والاغاني الطيبة التي كلامها طيب وليس فيها خنا ولا فجور وامن الفتنة وبعدم وجود الرجال ولا كذا او يعني بعدم وجود الرجال انا مش عايز ادخل بقى - 00:47:10ضَ

تفاصيل انما لانه ورد في احاديث انما بامن الفتنة بصفة عامة فدخل النبي عليه الصلاة والسلام عليهن وهما بيغنوا في بيته في بيت عائشة ففضلوا يغنوا رسول الله داخل وهم فضلوا يغنوا - 00:47:31ضَ

شوية ودخل عمر ابن الخطاب عن الرسول عليه الصلاة والسلام يزوره يوم العيد فراحت البنت ماسكة الدف وحطاه آآ وقاعدة عليه خبته وقعدت عليه فضحك النبي صلى الله عليه وسلم - 00:47:50ضَ

وقال يا عمر يعني حكى له القصة اللي حصلت فسيدنا عمر نظر الى الباب قال يا عدوات انفسكن اتهبنني انتم بتخافوا مني ولا تهبنا رسول الله صلى الله عليه وسلم - 00:48:09ضَ

قالوا له ايوة نعم رسول الله ارق والطف واجمل واكمل ولذلك كان النبي صلى الله عليه وسلم يعني حتى اللي يلاقيه انت عارف بقى الذي لا يقترب منه هو يقربه - 00:48:27ضَ

كان في شاب فقير جدا وقصير فقير جدا وقصير جدا وضعيف جدا واسود جدا و غلبان قوي ومغترب وضعيف في كل انواع الضعف اللي في الدنيا. فكان يشعر بانه يعني مكسوف من المجتمع - 00:48:46ضَ

فلكي يجرأه النبي عليه الصلاة والسلام لكي يجرأه جاءه من خلفه كما يروون جاءه من خلفه ووضع يديه هكذا كانوا بيكتفوا وبيضحك معه ويقول ها من يشتري العبد كانوا زمان قطاع الطرق واحد ماشي وضعيف كده يقوموا عاملين له كده وقبضين عليه ويروحوا يبيعوه في السوق - 00:49:09ضَ

فالراجل الولد بص كده فوجد رسول الله هو الذي يفعل ذلك معه. رسول الله رسول الله تخيل لو لو فعل ذلك معي انا رسول الله صلى الله عليه وسلم لو فعله مع واحد حتى من علية القوم وجا كده يحتضره بهذه الصورة كيف يشعر فما يعمل - 00:49:35ضَ

من يشتري العبد فالولد لقى مش مش قادر يعني يستوعب روعة الموقف اللي هو فيه فقال يا رسول الله اذا والله تجدني كاسدا. ما حدش يشتريني. ده انا رخيص اوي - 00:49:57ضَ

ففك النبي صلى الله عليه وسلم يده وقال ولكنك عند الله ربيح انت سلعة كسبانة قوي عند الله غالية قوي سلعة ولكنك عند الله ربيح شايف قبل الواقعة وبعد الواقعة تتخيل الراجل ده - 00:50:15ضَ

دخل جاي ازاي انضم انضمت عاطفته ازاي ويأتي واحد في مجلس فيجلس عن يمين الرسول عليه الصلاة والسلام واحد قريب منه كل ما ييجي واحد يقول له تعال اقعد هنا اقعد هنا اقعد هنا لحد ما الفرشة خلصت - 00:50:37ضَ

المكان المفروش السجادة خلصت فجاء رجل فخلع له النبي صلى الله عليه وسلم عباءته رداءه والقاه له وقال له خد اقعد على ده فالرسول عليه الصلاة والسلام لما عمل كده الراجل لقى نفسه - 00:50:56ضَ

الجاكيت العباية الرداء بتاع الرسول عليه الصلاة والسلام بيترمي لي عشان افرشه واقعد عليه فضمه وقبله وقال خذها يا رسول الله اكرمك الله كما اكرمتني بل والله يا اخوة حتى اللي كان يخاف ولا يرتجف ولا يتهز من الرسول عليه الصلاة والسلام - 00:51:16ضَ

يعني جه واحد مرة اترعش بين ايديه يرتعد قاعد يترعش بين ايديه انا امام الرسول عليه الصلاة والسلام فاخذني الوقار والهيبة والجلال شوف الرسول يعمل ايه مش فرصة بقى ده واحد اهو بيحترمني لأ قال له يا اخا الاسلام هون عليك - 00:51:39ضَ

انما انا ابن امرأة كانت تأكل القديد في مكة لها معنى مع القديد اللي هو اللحم لما يشققوه كده ويبخروا الماية اللي فيه عشان يقدروا يحفزوها الفقير ما كانش عندهم تلاجات فكانوا يعملوا كده - 00:52:02ضَ

شوفوا اللحمة علشان تستحمل وما تفسدش فيقولوا انما يعني انا ابن امرأة كانت فقيرة في مكة مش انا لست جبارا من جبابرة الارض ولا ملك هون عليك ويبتدي ململم هؤلاء الناس ويقربهم منه - 00:52:18ضَ

ويشعرهم يقول له اقرأ القرآن يقول له يا رسول الله اقرأ عليك القرآن وقد انزل عليك انت يقول احب ان اسمعه من غيري يعني باختصار لا اريد ان ويكلم الصحابة بصورة يقول مثلا لسعد - 00:52:38ضَ

آآ لسعد بن ابي وقاص يقول فداك ابي وامي رسول الله صلى الله عليه وسلم يقول بايه فداك ابي وامي. يقول لسعد ابن ابي وقاص ويشوف عمر ابن الخطاب مسافر يقول له لا تنسنا يا اخي من صالح دعائك - 00:52:54ضَ

سيدنا عمر فار سعادة بهذه الكلم. لا تنسانا يا اخي من صالح دعائك يا سبحان الله ولذلك ايها الاخوة باختصار كان النبي صلى الله عليه وسلم يعني يعني يقرب من بعد - 00:53:14ضَ

ويلملم من اقصي حتى الطفل الصغير الولد الصغير ده يقول له العصفورة بتاعتك عملت ايه يا حبيبي يا عمير ما فعل النغير؟ معروفة قصة يقول له ها اخبار القطة ايه - 00:53:33ضَ

ابو هريرة يقول له يا ابا هر ما هو هريرة والهر والهر القطة فيقول له يا ابا هريرة يا ابا هر النبي صلى الله عليه وسلم كان يتبسط حتى الى الاطفال - 00:53:50ضَ

بهذه الصورة اظن الكلام ده ها يعني انا ليه والله يا اخوة لو تركت نفسي لنفسي انا احب اتكلم في الحاجات دي بس حب في القصص التي تؤنس النفس والتي تجمعها وكنا نتكلم بعد صلاة الفجر زمنا طويلا في هذه الامور التي ترقق القلوب - 00:54:07ضَ

وتؤنس الارواح وتشعر الناس بالحب والتواصل مع دين الله ومع النبي عليه الصلاة والسلام ولازم تعملوا كده ولكني الان في هذا المقام لابد ان امر عليها مرورا لمجرد ان اقول لكم - 00:54:30ضَ

انني اعود افيق مرة اخرى وتفيقون معي نحن نتكلم عن ان طريقة النبي صلى الله عليه وسلم كانت جمع امته كان يغفر لهم. يعني واحد تبول في المسجد مثلا مسألة لو احنا نقتله - 00:54:45ضَ

لولا بركة الرسول عليه الصلاة والسلام واننا تعلمنا كنا نقوم نقتله. وفعلا قام الصحابة اليه ليقتلوه ليقعوا به ليضربوه يا سيدي فقال دعوه سيبوه فتركوه حتى اكمل لا حول ولا قوة الا بالله العلي العظيم. ثم - 00:55:02ضَ

علمه وعلمهم وعالج المسألة حتى الذي اخطأ في رسول الله صلى الله عليه وسلم انتم فاهمين انهم كانوا بيعاملوا الرسول عليه الصلاة والسلام معاملة التوقير من الاول كده لأ ده كان فيه ناس يروحوا له كده - 00:55:22ضَ

عند البيت يا محمد تعالى انزل عايزينك ايه ده ايه ده فينزل القرآن لان الرسول عليه الصلاة والسلام كان يستحي يعني انتم عارفين الاية ان ذلكم كان يؤذي النبي فيستحيي منكم - 00:55:39ضَ

كيف طريقة التعامل فيستحيي منكم مش راضي يقول لكم لأ كانوا بيعملوا ايه يخشوا البيت عنده وياكلوا مسلا فرصة بقى احنا في بيت النبي عليه الصلاة والسلام داعينا على الغدا صلينا الضهر ورحنا يقعدوا بقى معه لغاية بالليل فرصة انا مش همشي ده انا كل يوم بخش بيت النبي - 00:56:02ضَ

الرسول فينزل القرآن بكل واقعة من دي الرسول يستحي ان يقول والقرآن ينزل. اولا لا تنادوا الرسول من وراء الحجرات. ان الذين ينادونك من وراء الحجرات اكثرهم لا يعقلون. ولو انهم صبروا حتى تخرج اليهم - 00:56:25ضَ

لكان خيرا لهم نمرة اتنين اذا دعيتم الى طعام عند النبي عليه الصلاة والسلام في بيته الى غداء فنمرة واحد لا تدخلوا مبكرا وتنتظروا حتى ينضج الطعام غير ناظرين اله. فادخلوا بس غير ناظرين اله. يعني ادخلوا بعد ما يستوي الاكل وقت الاكل - 00:56:43ضَ

خشوا تاكلوا فاذا طعمتم فانتشروا. يحدد لهم يدخلوا امتى ويخرجوا امتى انما هو صلى الله عليه وسلم كان يا الف مرحبا ويدخل ويخرج ويدخل ويخرج والواقعة مروية في ليلة عرسه صلى الله عليه وسلم. وهم قاعدين عنده قاعدين يتكلموا ويضحكوا ومبسوطين وهو يدخل - 00:57:11ضَ

يدخل ويخرج ويروح وهم قاعدين مش راضيين يمشوا ويقولوا له يا محمد فينزل القرآن لا تجعلوا دعاء النبي بينكم كدعاء بعضكم بعضا ويتكلموا عنده يقوموا ويقول له لا يا اخي كزا ويزعق وياخد فيقول له لأ مش كده - 00:57:30ضَ

لا ترفعوا اصواتكم فوق صوت النبي ولا تجهروا له بالقول كبعض. يعني عايز اقول ان القرآن هو الذي تولى تهذيب الناس انما النبي عليه الصلاة والسلام كان يغفر لهم زلاتهم - 00:57:50ضَ

وكم من انسان ده الراجل قال له هذه قسمة ما اريد بها وجه الله فغفر له وعفا عنه وواحد تاني قال له اعدل يا محمد دي مش طريقة اللي انت شغال بها دي اعدل - 00:58:06ضَ

فقال ويحك! ويحك دي مش شتيمة! ويحك دي يا خبر ابيض ويحك من لم يعدل ان لم اعدل مين اللي كان يعدل ولما السيدة عائشة حدث بينها وبينه خلاف وحبوا يعرضوه على ابي بكر يقولوا السيدة عائشة فيما يروون - 00:58:20ضَ

يقول لها يا عائشة احكي انا ولا تحكي انت فتقول له احكي انت بس آآ بس قل الحقيقة قول الحقيقة ولكنه الله تعالى قال له فاعف عنهم واستغفر لهم وشاورهم في الامر - 00:58:40ضَ

ايها الاخوة هذا كان النبي صلى الله عليه وسلم ولا ويعني كنت احب ان اخذ وقتا اطول من هذا في هذا الامر ولكن اريد ان انتقل الى ان من مواصفات انا قلت لكم ان من مواصفات طريقة الرفق - 00:58:59ضَ

ومن مواصفات طريقته احقاق الحق لو ان فاطمة بنت محمد سرقت لقطعت يدها اتشفع في حد من حدود الله سيمر الماء ولو من فوق ظهرك. ودي لها مقاييس تدي لها مقاييس - 00:59:18ضَ

ومن طريقته ايضا النقطة التالتة عشان اقول لكم بس دي مجرد ملامح انا ما باشرحش طريقة الرسول كاملة. انا باعطي امثلة لتعلموا انه كانت هناك طريقة مليانة بركة بتطلع الناس من الظلمات الى النور - 00:59:33ضَ

فكان العنصر الثالث فيها انه يفجر الطاقة في اصحابه هو مش عامل واحد زي حالاتي كده يروح يخطب الجمعة يطلع الحمد لله واشهد ان لا اله الا الله اما بعد ايها المسلمون اقول قولي هذا واستغفر الله لي ولكم ويمشي - 00:59:48ضَ

عارفهم واحد واحد ويعرف كل انسان بطاقته فيقول له انت مجاهد خد انت سيف الله المسلول هذا السيف ساعطيه غدا لرجل بشرط او من يأخذ هذا السيف بحقه ايه حقه ان يقاتل به حتى ينقطع - 01:00:05ضَ

فجر طاقة. ييجي واحد يقول له رح تعلم اللغة السريانية يجي لانسان رأى رؤيا الاذان دعوة للصلاة ان احنا نقول الله اكبر الله اكبر الاذان. فيقول له يا رسول الله الاذان قال له بس حلو جدا - 01:00:26ضَ

اذهب بها الى بلال فانه اندى منك صوتا يا خبر! يعني حتى صوت اصحابه عارف مين اللي صوته حلو ومين اللي لأ مين اللي صوته جميل؟ طب بيسمعهم فين دول - 01:00:43ضَ

بيصلوا به يا ائمة بيسمعهم ازاي؟ انما يعرفوا مين صوته جميل. فيقول له اذهب الى بلال فانه اندى منك صوتا ويظل والنبي عليه الصلاة والسلام حتى في تقسيمه للامور يعطي لكل انسان بالقدر الذي يتقنه - 01:00:57ضَ

يعني محمد بن مسلمة الانصاري ده الراجل اللي تحول الى قائد المخابرات العسكرية في جيش المسلمين وقائد العمليات الخاصة وراجل بيشتغل له موهبة خاصة كيف عرفه النبي عليه الصلاة والسلام؟ ده من يثرب مش من مكة. يعني لو من مكة اللي قعد فيها الرسول عليه الصلاة والسلام تلاتة وخمسين سنة - 01:01:19ضَ

كنت اقول والله بقى له تلاتة وخمسين سنة عارف مواهبه. انما ده هاجر النبي عليه الصلاة والسلام الى المدينة فوجد فيها رجلا اسمه محمد ابن مسلمة امتى لحق يعرف موهبته علشان يعطي له المهمات الخاصة زي قتل كعب ابن الاشرف اللي حدثت بعملية - 01:01:41ضَ

عبارات كيف عرف النبي صلى الله عليه وسلم ولما الصحابة يسكتوا يقعد يقول لهم اشيروا علي ايها الناس اتكلموا قولوا رايحين في بدر يطلع واحد يشير عليه. في احد مشورة - 01:02:00ضَ

نخرج للناس ولا ولا نستناهم لما يدخلوا؟ في الاحزاب ييجي واحد يقول له ايه رأيك يا رسول الله نحفر خندق يفجر طاقات الناس لما يلاقي حد منزوي كده يعني كان المجتمع في في حفر الخندق ده بالذات - 01:02:17ضَ

قال المسافة دي هي ما كنش كده اعتباطا ده كانت متقسمة. بيقول المسافة دي يحفرها عيلة فلان وهذه المسافة عائلة فلان وهذه المسافة عائلة فلان وهذه المسافة قسم الخندق عائلات علشان كل واحد يعرف مسؤوليته - 01:02:32ضَ

فضل الناس البسطاء قعر المجتمع اللي بيتباعوا ويتشالوا واللي ما لهمش اللي مش من عيلة بلال بن رباح ده راجل عبد بيتباع ويتشرى كان جاي من الحبشة وما نعرفلوش وسلم ان الفارسي ده من الفرس وصهيب من الرومان نعرفهم منين دول - 01:02:57ضَ

فاذا بالنبي صلى الله عليه وسلم يأخذهم من قعر المجتمع ويرفعهم فوق خالص يقول بلال منا ال البيت صهيب منا ال البيت سلمان منا ال البيت ياخدهم من تحت من الشعور بانهم ولا هيحطهم مع ال بيت النبي مع قيادة المجتمع - 01:03:16ضَ

ما فيش اسلوب هايل ورائع فيشعر كله ولذلك عمار ابن ياسر عمار ابن ياسر اللي كانوا عمار ابن ياسر اللي كان من عيلة من العبيد في بناء المسجد مسجد الرسول عليه الصلاة والسلام كان الناس يحملون كل واحد يشيل حجر يروح يحطه في مكانه وهو بيبني المسجد وعمار ابن ياسر - 01:03:39ضَ

اذ يحمل حجرين حجرين حمم بدأت تظهر بقوة لان الرسول عليه الصلاة والسلام يفجر الهمم ويستخرجها ويقول ايكم يطيق ما فعلت امه عمارة؟ نسيبة بنت كعب مين يقدر يبقى زيها؟ كانت تفعل تدافع عني في احد بالطريقة الفلانية. ابو دجانة فجر طاقات الناس. لذلك يا اخوة وانا ساكتفي - 01:04:10ضَ

الحقيقة بهذا القدر عفو وصفح وتفجير طاقات واحقاق حق وتفقد في بيوت طريقة يا سلام كنت اتمنى اقعد اربع خمس لقاءات اتكلم عن طريقة النبي عليه الصلاة والسلام لكن كفاية كده - 01:04:38ضَ

كفاية ان انا اقول لكم ان النتيجة النهائية انه كانت له طريقة ما يمد يده بها الى الناس ويصلح لهم احوالهم حتى في اخلاقهم حتى فيما يفعلون من فساد دخل واحد مرة - 01:04:56ضَ

اه لابس قميص ولا جلابية ولا عباية القميص ها يأتوا صفرا من العرق والتراب مسودة طفراء سوداء من فالنبي عليه الصلاة والسلام قال ايكم يخبره مين اللي يقدر يقول له ان يغير هذا الثوب - 01:05:14ضَ

ثم يقولوا ازا كان في حد عايز يروح المسجد فليجعل للصلاة ثوبين غير ثوبي مهنته غير لبس الميكانيكي والسمكري بيخلي آآ لبس نضيف يلبسه عشان يروح يصلح يدخل واحد مش مسرح شعره كويس - 01:05:36ضَ

بس ومش دهنه كده وموضبه وحاطط عليه كريم وحاطط آآ عطور فاشار اليه ان اخرج. فخرج الرجل راح سرح شعره ووضب حاله وجه قال ذلك خير من ان يأتي احدهم - 01:05:55ضَ

كأن رأسه الشيطان لان رأسه الشيطان. مسألة دقة في المتابعة حتى في الرواية التي تتعلق بكذا وكذا يعني مش عايز ادخل في تفاصيل انما حسبي ان تعلموا انكم يعني ولا يتميز عليهم بالعكس والله يعني انا لما لما خرج لقى اتنين من الصحابة برة قال لهم - 01:06:11ضَ

آآ بالليل وقت متأخر نص الليل ماشيين في الشارع قال لهم انتم خارجين ليه؟ قالوا يا رسول الله اخرجنا الجوع جعانين ما عندناش اكل قال وانا والله ما اخرجني الا الجوع - 01:06:37ضَ

يا سلام فيحسوا ان حتى في تلقي في المصايب اللي بتقع عليهم هو بيتحمل اكتر منهم حتى في الامر البسيط هو الرسول عليه الصلاة والسلام لما يخرج بالساعة اتناشر بالليل ولا واحدة بالليل ولا اتنين بعد نص الليل من شدة الجوع. ده رسول الله - 01:06:51ضَ

المفروض ياكل ويشرب عشان يعرف يدعو طب انا اروح فين لم يتميز عليهم حتى في هذا صلى الله عليه وسلم وانما كانوا حاسين انه معهم ايدهم في ايديه او ايده في ايديهم شغال معهم مش عنده مش في القصر الجمهوري ولا القصر الملكي ولا القصر الاميري وانما هو بين الناس - 01:07:13ضَ

يدهم بيده. اما ييجي مصائب من المصائب هو اكثر وهو صاحب النصيب الاوفر في التحمل. صلى الله عليه وسلم لدرجة انه في رحلة الطائف مثلا انتم شايفين ازاي اتضرب بالحجارة لحد ما الدم بقى ماشي سير سيور على جسمه والتصقت - 01:07:36ضَ

ملابس بجسده ما يلصقها الا لزوجة الدم صلى الله عليه وسلم وانكسرت اسنانه في احد وشقت وجنتاه بالحديد الخوذة يسموها المغفر شقت وجنتين النبي عليه الصلاة والسلام ولما قال كيف يفلح قوم فعلوا هذا بنبيهم نزل الوحي - 01:07:57ضَ

طب الناس عملوا كده مع النبي؟ الوحي تركهم مؤقتا ويكلم الرسول يقول له انت بتقول ايه؟ حتى هذه الكلمة لا تستطيع ان تقولها قال له ايه كيف يفلح قوم هو ما قالش لن يفلحوا قال كيف ازاي - 01:08:22ضَ

كيف سيخرجون الى الفلاح؟ قال الله له ليس لك من الامر شيء او يتوب عليهم او يعذبهم فانهم ظالمون. هم ظلمة فعلا ويستاهلوا. لكن انت ما لكش دعوة. انت داعية عليك البلاء - 01:08:40ضَ

يغو علينا الحساب سبحان الله هذه الطريقة هي التي جعلت الناس دول هم اللي يصبحوا والله يا اخوة كل ما افتكر ان العدو اللدود للاسلام العاصي ابن وائل العدو اللدود ابنه عمرو بن العاص المسلم الصحابي - 01:08:56ضَ

الوليد بن المغيرة العدو اللدود ابن خالد بن الوليد طيف الله المسلول مين يقول ابو جهل ابو جهل ابن عكرمة ابن ابي جهل الصحابي الجليل. اخرج الله من ارحامهم ببركة رسول الله صلى الله عليه وسلم ببركة رسول الله - 01:09:19ضَ

ببركته صلى الله عليه وسلم اخرج من هؤلاء من صناديد الكفر اخرج ائمة الايمان. احنا في مصر عمرو بن العاص ده الله لو رأيته يوم القيامة اقبل رأسه اقبل رأس عمرو واقول له جزاك الله خيرا - 01:09:40ضَ

جئت ومعك الصحابة والتابعون وجئت مصر ولولا هذا الله اعلم كيف كان سيصير امري بدل ما المجتمع كله مسلمين اجيال مسلمين كان ممكن يكون اي شيء وابوه العاص بن وائل - 01:09:58ضَ

الذي كان هذا الصنديد بركة النبي صلى الله عليه وسلم بركة فعله. عشان كده يا اخوة لما هقولكو بقى انتم مطلوب منكم ايه تجاه الرسول؟ انا مش همشي زي كل اللي بيتقال في كل - 01:10:16ضَ

برامج والحلقات واللي انا بقوله برضه وكله انا بتكلم انا اعمل ايه؟ انا يفضل بصري معلق عليه اقعد اتفرج عليه صلى الله عليه وسلم اقعد اتفرج عليه كده واشوف بيعمل ازاي وازاكر - 01:10:35ضَ

واتعلق بسنته ولا اتركه ابدا. لانه ده الطريقة التي اخرج الله بها الناس من الظلمات الى النور هي دي الطريقة الوحيدة مش هسيبها ولزلك الاسلام فضل يغرسها في قلوب الناس غرسا - 01:10:51ضَ

يروح واحد للرسول عليه الصلاة والسلام يقول له يا رسول الله انا بصلي فكم اجعل لك من صلاتي؟ ادعي لك قد ايه؟ يعني ادعي لك مسلا بكل سجود ولا في كل السجدات - 01:11:07ضَ

ادعي لك في دعائي بعد الصلاة. ادعي لك قد ايه الرسول عليه الصلاة والسلام قال له ما شئت اللي انت عايزه ما شئت قال له طب ادعي لك يعني مسلا - 01:11:20ضَ

اجعل لك من صلاتي ربعها قال ما شئت وان زدت فخير فالراجل قال ان زدت ازا انا زودت يبقى خير طب اجعل لك ثلثها قال ان شئت وان شئت او ان شئت آآ ما شئت وان زدت فخير - 01:11:35ضَ

قال نصفها قال ان شئت كما شئت وان زدت فخير قال له تلتينها ثلثي دعائي ادعي لنفسي والجنة وولادي والغفران الذنوب والرزق والنصر اجعل لك تلك اتصالات تلتنا تلتينها واخلي التلت ده قال له كما شئت وان زدت فخير. الله احنا نوصل فين؟ قال له طب تلات تربعها - 01:11:53ضَ

قال كما شئت وان زدت فخير واللي بيقول له كده مين ابي ابن كعب اقرأ الامة للقرآن اللي بيسأل الرسول عليه الصلاة والسلام في الواقعة اللي بحكيها دي ابي بن كعب وهو اقرأ الامة للقرآن اللي الرسول اللي ربنا رب العالمين امر - 01:12:27ضَ

النبي عليه الصلاة والسلام قال اقرأ على ابي فلما الرسول بلغ ابي بهذا فابي ساب الموضوع كله وقال له يا رسول الله ربنا طلب منك امرك قال لك تقرأ القرآن علي يعني معنى كده - 01:12:45ضَ

الله رب العالمين ذكرني لك باسمي. قال ابي ابن كعب قال نعم فبكى ابي رب العالمين يذكره باسمه فابي بيقول له يا رسول الله في واقعة تانية بقى ادعي لك قد ايه - 01:13:04ضَ

ادعي لك قد ايه يا رسول الله؟ تلت نص تلتين طب تلت تربع قال له ان شئت كما شئت وان زدت فخير. قال له اخليك اخلي لك الدعاء كله اجعل لك صلاتي كلها - 01:13:25ضَ

وما فيش بقى اكتر من كده قال له يا سلام رسول الله يقول صلى الله عليه وسلم قال اذا يكفى همك ويغفر ذنبك كل طلباتك مجابة كل اللي انت عايز ايه تخش الجنة في الاخرة - 01:13:41ضَ

عايز تشرب من الحوض عايز تنقذ من العذاب القبر عايز يثبت الله قدميك على الصراط عايز ايه عايز ايه في الدنيا؟ عايز رزق كتير؟ عايز عافية عايز بعد عن الفساد عايز ولادك ربنا يصلحهم عايز زوجتك ربنا يكرمها عايز ايه عايز صحتك - 01:14:02ضَ

اذا يكفى همه كل اللي انت عايزه الله ويغفر ذنبك. الله! يبقى معنى كده ان الله يريد ان يربط المسلم بالنبي لدرجة ان كل اللي انت عايزه غير كده مش مهم - 01:14:25ضَ

كل اللي انت عايزه يا مسلم هيجيلك اطمن زي ما انا اجي اقول لك ايه انت يا اخي مشغول ليه عن المسجد؟ تقول لي والله يا عم الحاج انا بشتغل الصبح واشتغل بالليل واعمل كده يعني بتاخد كم - 01:14:43ضَ

او باخد لي بتاع ستميت جنيه في شغلانة الصبح ومتين جنيه اخر النهار يعني تمنميت جنيه كده عشان اعرف آآ فاقوم اقول لك اسمع تاخد مني الف جنيه وتيجي معه يقول لك بس اللي انت عايزه - 01:14:59ضَ

يعني انت هتديني الفلوس واسيب الشغل كله وانا معك بقى اه فاراد الله تعالى ان يقول للناس اتركوا كل شيء وانظروا الى هذا النبي الاسوة مش موعظة يا اخوة مش تحريك نفسي انا مش بقول لكم كلام الوقتي عشان تتأثروا - 01:15:14ضَ

لو سمحتم ما تتأثروش انا بقول لكم الكلام ده عشان انت مكلف ان تتعلق بشخص النبي صلى الله عليه وسلم بطريقته بسنته باسلوبه بمنهجه. لانه ده اخرج الناس من الظلمات الى النور هي الطريقة دي هي التي اخذت الناس اخذا من الظلمات واعطتهم الى النور - 01:15:37ضَ

- 01:16:00ضَ