باحث

منزلة التوكل بسم الله الرحمن الرحيم. يتشرف ابو هاجر ان يقدم لكم هذه المادة. نتحدث بحول الله عز وجل اليوم عن منزلة من منازل الايمان. وهي منزلة من منازل اياك نعبد واياك نستعين. التي قرر العلماء ان - 00:00:00ضَ

انها جامعة لكل منازل الدين والتدين. حينما يقول العبد قارئا فاتحة الكتاب عابدا ربه في الصلاة اياك نعبد واياك نستعين وبهذه الاية جمع كل الايمان وكل الاسلام. ومن ذلك منزلة التوكل ومنزلة التوكل على الله عز وجل هي من ارفع منازل الايمان - 00:00:20ضَ

واعزها مطلبا. وذلك ان الانسان عموما مولع بالدنيا. مولع بحطامها الفاني يثق لذلك بما في يده قليل الثقة بما في يد ربه. فاما ثقته بما في يده لأنه محسوس هداكشي لي كيشوفو فيدو حاسبو محسوس. واما الذي في يد ربه فغيب. لا يستطيع الاطلاع عليه فهو غيب - 00:00:50ضَ

محسوس ولذلك كان الانسان هلوعا يحب الخير ويكره الشر لكن الخير عنده ما افاده في دنياه. والشر عنده ما ضره في دنياه. فهو اذا حيث يفقد الايمان بالله يكون بهذه الصفة هلوعا. ان الانسان خلق هلوعا وهلعه بالمعنى - 00:01:23ضَ

الذي ذكرنا ودواء الهلع التوكل دواء الهلع التوكل والتوكل ايمان لله عز وجل قائم على التفويض تفويض كل شيء له وحده دون سواه. وذلك بان يعتقد فقد الانسان ان الله قد خلق كل شيء - 00:01:53ضَ

وهو سبحانه وتعالى بما انه خلق فقد ضمن رزق كل مخلوق. ما خلق الله عز وجل شيئا عبثا ولا خلق شيئا ثم اهمله. بل خلق الخلق وقام عليه. ولذلك من اسمائه الحسنى الحي القيوم - 00:02:17ضَ

قام علي قام علي اي قام على حفظه ورزقه وتدبير امره كله. فهو قيوم جل وعلا والمؤمن مطالب باعتقاد ذلك ذهنا وتصورا وباعتقاده وجدانا. يعني الانسان المسلم مطلوب منه باش يفهم هاد المعنى ويعتقد بيه اي يامن بيه بالدهن ديالو وهو ان الله عز وجل خلق الخلق وقام عليه مقابل - 00:02:37ضَ

الكون ديالو سبحانه وتعالى هذا من حيث يعني العقل ديال بنادم خصو يتبنى على هاد المعنى ووجدانا يعني الإحساس ديال القلب وهو انه يشعر ان الله وكيل عنه في كل امره يشعر بهاد المعنى ويحس بيه - 00:03:07ضَ

فلا يخاف في ذلك ان يؤذى او ان يضام وقد شعر بان الوكالة لله الواحد القهار وفي ذلك ايات عجيبة شاملة جامعة مانعة. منها قوله عز وجل خالق كل شيء. في وصف ذاته سبحانه - 00:03:27ضَ

وتعالى وصفاته خالق كل شيء وهو على كل شيء وكيل. وكيل فهو اذا خلق كل شيء ثم قام عليه بالوكالة اي انه سبحانه وتعالى قايم بالارزاق ديال عباد وقايم بأمور كلشي يتعلق بما يحدث لأولئك العباد اي حاجة غاديا توقع للإنسان - 00:03:50ضَ

او وقعت او تقع فهي بإذن الله عز وجل وبأمره وبعلمه فهي وكالة شاملة. وهو على كل شيء وكيل فإذا عندنا جوج ديال المعاني هنا بمعنى قايم بذات الله ابدا يعني ديما ومعنى قد يقوم بنفس الإنسان ماشي ديما يمكن يكون عند بنادم يكون - 00:04:18ضَ

ميكونش عندو من هاد المعاني ديال التوكل جوج د المعاني المعنى اللول لي هو قائم بذات الله هو الصفة ديالو هو سبحانه وتعالى وكيل يعني ضامن ارزاق العباد او مسير الكون ديالو سبحانه وتعالى. وهو على كل شيء وكيل. تلك صفته سبحانه وتعالى - 00:04:44ضَ

هادي قايمة بالله تعالى هادا معنى قائم بذات الله ان الله عز وجل خلق الخلق ومقابل الخلق ديالو تا شي حاجة ما فالتها وحتى شي حاجة ما شاردة والتايهة بعيد عن السيطرة ديالو سبحانه وتعالى والمقابلة ديالو فهو يرزق الدواب ويرزق من في الأرض - 00:05:04ضَ

فمن في السماء ويدير كل شيء وهو على كل شيء وكيل. هادي حقيقة من حقائق العقيدة الاسلامية. اما المعنى لاخر اللي هو يمكن يكون قائم بالنفس ديال بنادم ويمكن لا هو مدى الاحساس ديالنا حنا بهادشي واش مآمنين بهادشي اي ان - 00:05:24ضَ

الله عز وجل على كل شيء وكيل ولا لا؟ هذا السؤال لول ثانيا الا مآمنين به وحنا مسلمين مآمنين به شحال الدرجة ديال الإيمان ديالك بهاد كتختالف الدرجات فوقاش كنعرفو هادشي لما بنادم كيوقع في الامتحان والتجربة - 00:05:44ضَ

ملي الإنسان كيوصل لا قدر الله لواحد الدرجة يسامح فالدين ديالو وفبعض الأمور ديال حقوق الله عز وجل من اجل اش من اجل ان فلان كيتوهملو انه رزقو بيدو خايف يقطع ليه الرزق - 00:06:01ضَ

هذه درجة ضعيفة جدا من التوكل. وهذا اللي قصدنا بالمعنى القائم بالنفس من التوكل. بالنفس البشرية. كيمكن يكون كيمكن ميكونش اصلا وهو الكفر فخطرة. ويلا كاين كيمكن يكون ضعيف كيمكن يكون متوسط كيمكن يكون قوي او قوي بزاف - 00:06:17ضَ

بزاف وبين كل درجة واختها درجات ومراتب شتى ملي الإنسان كيكون ثابت على دينو ومايعطيش الدنية فدينو واخا كيبان لو بأنه فلان يمكن يأترلو على الرزق ديالو فالظاهر ما كيخافش ويثبت على ذلك. فذلك دال على حسن توكله - 00:06:37ضَ

ولذلك قلنا كاين جوج د المعاني التوكل اللي هو قائم بذات الله هذا صفة من صفات الله دائم ابدا ما كيتغيرش وتوكل لي هو قائم بالنفس ديال بنادم. هذا كيتغير حسب درجة الإيمان ديال الإنسان - 00:07:02ضَ

والكلام ديالنا على هاد المعنى الذي يتغير الله سبحانه وتعالى الذي اعلمنا بالقرآن انه ضمن الارزاق للعباد وانه سبحانه وتعالى الذي ينفع والذي يضر النافع الضار سبحانه وتعالى وثبت ذلك ايضا ليس في القرآن وحسب بل في احاديث كثيرة. صحيحة السند الى النبي عليه الصلاة والسلام - 00:07:20ضَ

وبها ربا. رسول الله صلى الله عليه وسلم هذه الامة ومن اشهرها حديث التوكل لو توكلتم على الله حق توكله لرزقكم كما يرزق الطير تغدوا خماصا وتروح بطانا لو ان الناس يتوكلو على الله عز وجل حق التوكل. الرزق ديالهم غادي يجيهم بالشكل اللي كيعطيه ربي للطير - 00:07:51ضَ

كتخرج من الأعشاش ديالها الصباح بكري وتمشي تغامر وكيرزقها ربي عز وجل وتروح فالعشية شبعانة كتمشي الصباح فجيعانة تغدو الغدو والخروج ديال الصباح خماصا يعني الكرش ديالها خاوية. الحنصلة ديالها. الحواصل ديالها خاوية من الطعام. وكترجع ممتلئة وتغدو وتروح بطانا - 00:08:18ضَ

كتولي معمرة وهاد المثال ديال النبي صلى الله عليه وسلم عجيب جدا فيه من الفوائد الفائدة اللولة انه رزق الطير هو من اعجب الرزق ماشي بحال رزق بنادم مختلف عليه كيف مختالف عليه بنادم كيكون محدد في غالب الاحيان - 00:08:43ضَ

الوجهة ديالو يعني عارف فين غادي خدام غدا الصباح ولا مخدامش دابا راك عارف على العموم معرفة عامة كيمكن يتغير في الامر ما يتغير ولكن نتا عندك واحد الطمأنينة سابقة انك خدام غدا او مخدامش عرف اش كاين معرفة عامة ماشي عل التفصيل - 00:09:00ضَ

وعارف فين غادي تمشي غادي تخدم في الموضوع الفلاني اذا كنت خدام مع فلان او في الإدارة الفلانية او في الحانوت الفلاني او في اي مكان ما. وعارف طبيب العمل اللي غادي تخدم وعندك تقدير معين للثمن ديال داك العمل واحد العدد كبير ديال المعلومات كيمهدها ربي عز - 00:09:19ضَ

الانسان تتعلق برزقه. الطير كيخرج ما كيكونشاي عارف بالضبط فين غادي. وما عارفشاي فين خدام ولا شحال غادي يلقى الرزق كل نهار ورزقو لا يدري شيئا تغدو خماصا خاوية الطير كتمشي الصباح خاوية خاوية بجميع المعاني - 00:09:39ضَ

الحوصلة ديالها خاوية كركور ديالو خاوي وخاوي ايضا من هاد المعلومات لي عندك نتا هو معندوش واحد النوع ديال المغامرة غريبة عند الطير كيمكن تكون عند الانسان ولكن الطير تلك طبيعته - 00:09:59ضَ

والإنسان عادة كيبدا يخطط وينضم الخدمة ديالو اللي جاية وهذا المعنى ديالو ان الإنسان واخا عندك المعلومات راه ما عندك والو هذا المال كنوصلو حتى في نهاية المطاف كنتقادو مع الطير فتلك المعلومات التي عندك ليست ضمانا للرزق ولكن الضامن - 00:10:17ضَ

ديال الرزق هو الله الذي رزقك. وهاديك المعلومات كيعطيها لك باش تونس بها. وما تبقاش نفسيا مضطرب. وانت ايها العبد لو توكلت على الله حق توكله يعطيك من الطمأنينة والضمان لي عطى للطير ومعطاهلكش نتا ايها الانسان والذي يشبه - 00:10:37ضَ

حقا هو بنادم اللي يعني صابح الصباح ما عندو فراسو والو مما سياكل ويطعم ويرزق تا كيجيه الرزق من الجهة اللي ما طايحالوش على البال من حيث لا يحتسب ومن يتق الله يجعل له مخرجا ويرزقه من حيث لا يحتسب. اجعله في مقام الطير المومن التقي ربي كيديرلو بحال - 00:10:57ضَ

الطير يرزقه من حيث لا يحتسب والطير ترزق من حيث لا تحتسب الطير راه ماشي موجد على المكان الفلاني وحاسب شحال من حبة ديال الزرع او شحال من غادي يلقى من الطعام من هذا النوع او ذاك. ما عندو حتى خبر على داكشي. الفائدة الثانية - 00:11:20ضَ

امن الطير حينما يخرج لا يدري هل يرجع الى بيته؟ ام لا يرجع يمكن ياكلو ديب او اي وحش او يصطاده صائد من بني ادم معرض لمخاطر شتى ملي يخرج الصباح كيمكن يرجع - 00:11:37ضَ

العش يمكن ما يرجعش او مرارا كيرجع الحمام او الحمامة ما كترجعش او العكس فالله عز وجل وكالته على الطير وكالة رزق ووكالة حفظ. فالانسان لما كيفوض الأرزاق لله كيكون محفوظ بحفظ الله شحال من واحد عندو واحد اليقين فنفسو ومعندوش غرام ديال - 00:11:54ضَ

ماشي غير اليقين ديال الظن في الله. وحاسب كيخرج لمال هو بالنسبة ليه مضمون. كيرجع فنعش. ميتا الى واحد الغلط كبير عند الإنسان بنو اسرائيل لما قالوا غني بني اسرائيل - 00:12:21ضَ

هامان قارون عفوا قارون قالوا ليه واحسن كما احسن الله اليك طلبوا منو باش يدير الاحسان كما احسن الله اليك يعني ان هذا الرزق انما هو من عند الله قالهم انما اوتيته على - 00:12:38ضَ

علم عندي هاديك الصنعة الصنعة ديالي والخبرة ديالي في جمع المال وفي التجارة وفي كذا هذا معندوش ولا قليل كاين التوكل بل قلنا في البداية لي معندوش ولا قليل من التوكل عندو صفر ديال التوكل فمعنى دلك الكفر المسلم عندو انما - 00:12:55ضَ

اسوء الأحوال كيكون ضعيف هو كاين كل واحد كيقول لا اله الا الله محمد رسول الله را عندو شي بركة ديال التوكل. غير ديك البركة لأنها قليلة مع الأسف فهو مسلم لا شك في ذلك اما اللي ما كيعتاقدش فخطرة بأن الله هو الرزاق لا يكون الا كافرا كما كان قارون - 00:13:15ضَ

المسلم اذا مطالب بتنمية هذا المعنى بما انه كيكون قليل وكيمكن يكبر ما معنى التوغل اذا؟ التوكل هو كتبقى تنمي هاد المعنى ديال الإعتقاد بأن الله هو ضامن الأرزاق. كتبدا هاد المعنى تكبرو فنفسك - 00:13:35ضَ

فيه بالايات وتسقيه بالاحاديث وتسقيه بالعظات فينمو كما تنمو الشجرة في الارض كيعطي الثمار ديالو. والثمار ديالو هي لرزقكم كما يرزق الطير. كتبدا تشوف الرزق ديال مولانا كيجيك من حيث لا تحتسب - 00:13:55ضَ

فالانسان اذا يفوض الى الله كل شيء. والفائدة الثالثة من هذا المعنى العجيب. ان الطير حينما اتروح بطانا معمرة كتروح باش طعم الفراخ ديالها كما هو معلوم فهي تشارك بنيها في رزقها وتغامر من اجل ذلك وكذلك الانسان المؤمن مافيهشاي الانانية - 00:14:14ضَ

كياكل لنفسو وسبحان الله للطير اخلاق عجيبة في هذا الأمر كما هو في الدجاج وفي الطيور جميعا ان الطير كياكل ويوكل معاه غيرو وهو من معاني التوكل بنادم اللي ما كيبغيش يوكل معاه غيرو ما معناه كيخاف يتسالالو فيه الهلع والجفا هذا نقص فالتوكل لأنه كيسحابلو بأن الخزينة - 00:14:41ضَ

ديال ربي ما عامراش فيها غير شوية. اعطي ربي غادي يعطيك ويزيدك ولذلك في الحديث اللهم اعطي منفقا خلفا واعط ممسكا تلفا من دعاء الملكين ما من يوم يطلع ما من يوم يوم كينزلو جوج د الملائكة من السماء كيناديو اللهم اعط منفقا خلف الله يخلف على اللي نفق والله يتلف - 00:15:05ضَ

لي مسك معطاش كيدعيو عليه بالتلف والعياذ بالله. نسأل الله العافية والتلف يحصل له فعلا ايلا ما تلف المال في عينيه يعني المال بدات وما تلف كيتلف الفائدة ديالو في الدنيا وفي الاخرة هو نيت نفسو لا يستفيد منه في الدنيا ما فائدة المال في الدنيا؟ المال في الدنيا فائدة دنيوي فائدة اخرى - 00:15:32ضَ

فائدة الدنيا كيعطيك الراحة ترتاح. وفائدة الآخرة الجنة. نعم المال الصالح للعبد الصالح. اما فائدة الآخرة فباينة بالنسبة بالنسبة للانسان الذي لا توكل له بالمرة انه ما عندو فائدة في المال ديالو في الاخرة كيفاش ما عندوش الفائدة ديالو في الدنيا؟ قلنا المال الفائدة ديالو هي الراحة - 00:15:57ضَ

ما عندوش الراحة. شحال من واحد خزائن ثقيلة من المال. غرام ديال الراحة ما عندوش. عايش في شقاء في عذاب شديد والعياذ بالله. باش شكون اللي معذبو؟ معذبو المال ديالو اذن لا فائدة لا في الدنيا ولا في الآخرة والعياذ بالله. شقاء الدنيا وشقاء الاخرة - 00:16:17ضَ

ولذلك من فوائد التوكل ان الرزق اللي كيجي من جيهتو فيه هاد جوج ديال الفوائد فائدة الدنيا كتستافد نتا ويستافد غيرك المشاركة الإحسان وفائدة الأخرة وهي الأجر العجيب لأن الله سبحانه وتعالى كيعطي الأجر عل المال ديال الدنيا فالآخرة كيعطيه من جوج جهات من جهة كسبه ومن جهة - 00:16:38ضَ

شحال من واحد كيبان لو باللي راه الأجر عندك غير في الإنفاق عندك حتى في الجميع الأجر ان كنت منفقا لما تصرف المال في الوجوه الشرعية ديالو في بنيك واهليك والفقراء ومن يستحقه ربي - 00:17:07ضَ

الأجر ديال انك نفقت والأجر ديال انك خدمت ماشي غير نفقت تؤجر مرتين على الكسب وعلى الانفاق. وكل ذلك من فوائد التوكل ومطلوب من المؤمن ان يعتقد بان الله عز وجل لا ينفاد رزقه لا ينفد رزقه لانه رب السماء - 00:17:23ضَ

السماوات ولا ربما بينهما رب السماوات والارض لا اله الا هو فاتخذه وكيلا وهذا امر اتخاذ الرحمان وكيلا. الوكيل بالمعنى اللي كنستعملوه حنا في الدارجة. شكون الوكيل ديالك؟ كينوب عليك. كينوب عليك في البيع وينوب عليك في الشرا - 00:17:46ضَ

وينوب عليك في المحكمة وينوب عليك فكلشي كتختار الوكيل اللي يكون وكيلك قوي وعندو الحجة وعندو اللسان وعندو الجاه باش كيضمن لك الحقوق ديالك وما ياكلوكش الناس فإذا كان رب الكون هو وكيلك شيء عجيب جدا فاتخذه وكيلا - 00:18:06ضَ

في التوكل نتا كتنوب عليك مولاك لي خلقك باش يجيب لك رزقك ويحمي لك رزقك ويبارك لك في رزقك ويحفظك بعد ذلك وقبل ذلك من كل مكروه. وكالة واي وكالة - 00:18:26ضَ

عجيب وتوكل على الله وكفى بالله وكيلا وكفى بالله وكيلا. الا كان الله وكيلك باراكا عليك. باراكا عليك ما تزيد حد وكفى كافيك. ويشيط عليك الخير ديالو. الوكالة ديال بنادم ناقصة. بنادم كتشوفو في المحاكم لا قدر الله كيدير الوكيل اللول يعني المحامي - 00:18:43ضَ

كيزيد التاني يزيد التالت لأن الوكالة البشرية ناقصة الوكالة الربانية كاملة. وكفى بالله وكيلا ديك الساعة را بغا يكون الخصم ديالك الجن والإنس كاملين تهنا لأن رب الجن والإنس هو وكيلك انئذ - 00:19:09ضَ

وهذا من المعاني الربانية التي يجب على المؤمن ان يتفطن اليها ويحرص عليها ويسعى الى تنميتها في وجدانه وفي قلبه ومن فوائد ذلك ايضا ان الانسان يستريح يستارح الإنسان واحد الراحة عجيبة. ملي كدير اللي عليك ودير جهدك - 00:19:31ضَ

فما وصلك من الرزق تؤمن بأنه القدر الذي قدر لك لا يزيد ولا ينقص وما تشعرش بالأسى والأسى ولا تمدن عينيك الى ما متعنا به ازواجا منهم زهرة الحياة الدنيا لنفتنهم فيه - 00:19:53ضَ

سبحان الله العظيم الإنسان الى ناقص التوكل ديالو دار ديالو عيانة كيدوز على شي دار مزيانة كيبقى فيه الحال السيارة ديالو قديمة كيدوز على سيارة جديدة كيبقى فيه الحال ديما معقد بسبب نقص التوكل - 00:20:13ضَ

حينما تتسبب بالاسباب الشرعية لي عليك شرعا درتو ما قصرت وتوكلت على الله وجا داكشي لي جا كتقول الحمد لله هادشي اللي دار الله عز وجل واللي دارو راه ما غاديش يزيد وما غاديش ينقص وما عندك فيه الا الخير ما عندك فيه الا الخير كنعرفو واحد - 00:20:27ضَ

نعرفو معرفة جيدة كانت عندو اموال طائلة من املاك الفلاحة والتجارة جوج د الأنواع ديال الأملاك املاك الفلاحة واملاك التجارة او كنضاربو الله الخمور او الفساد عمر طويل وهو في تلك الحالة حتى انفق كل شيء في الخوا وزار كثيرا من البلاد الدنيا - 00:20:47ضَ

ما الحل؟ ما خلاش شي قهرة اللي ما مشى لها الا الحل. ما مشالوشاي فافقره الله فقرا باش يتعشى سبحان الله العظيم وسبحان الله لما ولى فقير صلح حاله انقطع - 00:21:12ضَ

عن كل الفساد وانواعه واستقام امره وتاب توبة نصوحا واللي تشوفو تشوف فيه ولي من اولياء الله الصالحين مايطيح لكش فبالك ان هادا كانت الصورة ديالو قبل ذلك كصورة الشيطان وهو الآن ولي من اولياء الرحمان نحسبه كذلك - 00:21:27ضَ

ولا نزكي على الله احدا شوف سبحان الله العظيم كيبدا يقول كان عندي وكاين عندي كنقولو حمد الله ان الله تعالى شفاك شفاك بالفقر هذا الدوا ديالو الفقر والمرض ديالو الغنى - 00:21:47ضَ

ولذلك شحال من زيتونة حسن من عشرة كيلو لحم زيتونة وحدة احسن من عشرة كيلو لحم تأكلها على حلاوة الإيمان طاحت الوجدان فذلك خير الدنيا وخير الآخرة وليس لك من ما لك الا ما اهلكت - 00:22:02ضَ

عدد ديال الناس يملكون من المال الشيء الكثير ولكن شحال هو يدخل بطنو منو؟ شحال هو يلبس منو؟ ما يكفي بنادم ما يكفي بنادم صافي انتهى ولكن الجشع يعني الطمع اللي فايت القياس هو اللي كيهلك الإنسان وسببه قلة التوكل - 00:22:21ضَ

الانسان حينما يعتقد العقيدة التي ذكرت ان الله هو الرزاق. ذو القوة المتين واعمال على اكتساب هذا المعنى في قلبه. فانه يجد كل ما ذكرت من فوائد في التوكل وبعد ذلك وهذا من الفوائد ايضا ينشاط للعبادة - 00:22:41ضَ

يلقى واحد الاقبال على العبادة عجيب اليوم صلاة الظهر ونحن في رمضان صليت في الجامع ديال البزازين ديال باب الجديد هداك الجامع لي تما باب الجديد اول رمضان ادن كنت تما اذن ومشيت نصلي - 00:23:03ضَ

غير اذن يعني ما تعطلتش ما لقيتش المكان في الزنقة في الزنقة ما لقيتش الموضع ماشي في الجامع في الزنقة ما لقيتش الموضع قلت نسيت اليوم راه رمضان لأن كان النهار اللول - 00:23:21ضَ

اذا نظام رمضان خصك تمشي بكري باش تشد البلاصة في الجامع اليوم صليت الظهر تما اذن وانا باقي بعيد على الجامع ووصلت للجامع لقيت النص فيه خاوي اش كاين؟ قرب العيد تما التجار تا واحد ما خلا الحانوت - 00:23:33ضَ

ديالو على الأذان باش يبيع ويشري العيد قلة التوكل والله الذي لا اله الا هو لن يبيع ذلك اليوم الا ما قدر له. ما يزيد شي خرقة وحدة ولا كيلو واحد ديال الزبيب ولا - 00:23:48ضَ

ما يزيدوش ولا غرام بسبب التأخير ديالو على المسجد الا ما نقص ما يزيد ومن يتق الله يجعل له مخرجا ويرزقه من حيث لا يحتسب التوكل قليل النص في الجامع النص ديال البشر ولا بالأحرى يمكن يكون ثلث - 00:24:04ضَ

لانه النص ديال الجامع هو اللي كاين والنص خاوي واللي على برا ما كاينش اللي صلاو فالزناقي من قبل ما كاينين ناقصين اللي صلاو فالزنقة وناقص النصف الجامع ابقى النص - 00:24:24ضَ

قلة الإحساس الدائم بأن الرزق من عند الله ما كيآمن الا بالحاجة اللي شدها بيدو. هذا واحد الخطأ كبير. ولذلك قلت كل واحد وباش كيعالجو الله سبحانه وتعالى. كل واحد والدوا ديالو - 00:24:37ضَ

ولذلك قلت المؤمن المتوكل كيفرح بالحاجة لي عطاهالو الله يجد بها لذة وراحة قليلة كيفرح بها يفرح بها. جميع الأحوال هو فرحان بداكشي لي عطاه الله عز وجل وكيعرف بأنه ما عندو الخير الا فداكشي اللي عطاه الله. اللي عطاه القليل يعرف بلي راه الخير ما عندو الا فداك القليل. والكثير ما عندو - 00:24:52ضَ

الخير واللي عطاه الكثير راه ابتلاء ايضا يمكن يكون عندو فيه الخير يمكن اذا كسبو من جهة ديال الخير نوى فيه الخير ما عندو فيه الا الخير. نعم المال الصالح للعبد الصالح. ويلا نيتو ناقصة فيه راه اختبار امتحان - 00:25:17ضَ

ونبلوكم بالشر والخير فتنة. تا الخير كيمتحنا الله به. والمتوكل يجد امنا الأمان فجميع الأحوال عندو الأمان فالقليل او عندو الأمان فالكثير ما عندوش مشكل لأنه اخذه من باب التوكل ملي امشى دق الباب - 00:25:37ضَ

ديال سيدي ربي باش يسترزق باب الله دقو من باب التوكل. جا القليل كينفعو. جا الكتير كينفعو. ما يخافش. جميع الأحوال ولذلك كان خير الرزق المتوكل فيه على الله هذا خير رزق وهو رزق الطير - 00:25:57ضَ

لرزقكم كما يرزق الطير تغدو خماصا وتروح بطانا مرتاح ما عندها فيه الا الخير من هنا اذ كان المؤمن حينما يدخل باب الرزق متوسلا ومتسببا يكون له ذلك سببا من اسباب معرفة الله. وهذا المعنى لي بغينا نختمو به وهو اهم ثمرة - 00:26:16ضَ

في التوكل كيكون سبب من اسباب المعرفة بالله كتعرف الله سبحانه وتعالى بالتوكل لما كتكون هاد العلاقة بينك وبين الرب عز وجل هي علاقة التوكل. اش معنى انت هداك؟ معنت هداك راه حوار كتكلم مع ربي وهو كيجاوبك - 00:26:41ضَ

حوار تتقولو ويقولك وكتحس بالتواصل راكم متصلين ومتفاهمين وهذا ينتج عنه معرفة بالله واحد ولله المثل الأعلى ولا مشاحة في المثل جالس حداك واخا جالس حداك ما نعرف شحال من عام ما عمرك ما تكلمت معه ما تعرفو ما يعرفك لما كتبدا - 00:27:00ضَ

معاملة بينك وبينو كتعطيه ويعطيك تكلمو ويكلمك تخاطبو ويخاطبك كتعرف عليه مزيان وملي كتعرف عليه مزيان كتستافد منو ولله المثل الاعلى قلت ولا مشاحة في المسألة كاين المومن بربي كيقول لا اله الا الله محمد رسول الله ولا يسعى الى التعرف على الله - 00:27:20ضَ

هذا ما كيستافدش من الله عز وجل. لا يستفيد وكاين المسلم المومن الذي يشهد ان لا اله الا الله وان محمدا رسول الله ويسعى الى التعرف الى الله تعرف الى - 00:27:40ضَ

والله في الرخاء. يعرفك في الشدة. كاين التبادل ديال الحوار وديال المعاملة. كما كتعاملو سبحانه كيعاملك التوكل من اهم ابواب المعاملة المعاملة مع الله التوكل من اهم الأبواب ديالها نتا كتوكل وهو كيعطيك وكتجرب وجرب وربي - 00:27:54ضَ

تلقاه سبحانه وتعالى فكل مرة واذا سألك عبادي عني فإني قريب اجيب دعوة الداعي اذا دعان استجيبوا لي واليوم بي لعلهم يرشدون. امن يجيب المضطر اذا دعاه ويكشف السوء سبحانه وتعالى. فهو اذا - 00:28:14ضَ

عند ظن عبده به كما في الحديث القدسي انا عند ظن عبدي بي على حساب نيتك وعلى حساب الاقبال ديالك على الله يقبل عليك عليك الله. انت رددت تردد الرب في الاقبال عليك. كما يليق بجلال وجهه وعظيم سلطانه. وان - 00:28:34ضَ

عزمت عزم الرب في الاقبال عليك. انا عند ظن عبدي بي اللي دفعتها واللي عطيتها تلقاها. وبالشكل باش عملت مولاك كيعاملك فتجد في ذلك معرفة بالله وكتعرف اوصاف الله سبحانه وتعالى الكاملة واسماؤه الحسنى النورانية - 00:28:54ضَ

كتعرفها ماشي غير بالدين هانتا حفظتها وفهمتها لا كتعرفها بعد ذلك بالمعاملة كتلمسها ودقها وتجد لذلك طمأنينة كطمأنينة موسى سيدنا موسى عليه الصلاة والسلام وعلى نبينا افضل الصلاة والسلام. ملي جاتو الرسالة خاف - 00:29:14ضَ

خاف ولهم علي ذنب فأخاف ان يقتلوه خافوا فلما رآها تهتز كأنها جان ولى مدبرا ولم يعقم خاف فاوجس في نفسه خيفة موسى. ملي شاف الحبال والعصي ديال السحرة تحولت وحناشي. خافوا - 00:29:35ضَ

جلس في نفسه خيفة موسى. ولكن كل مرة ربي كيهدنو فلولا وفالتانية وفالتالتة تحصل المقام المطلق ديال اليقين وايقن بما اعطاه الله من ايات حصلو يقين كانت خاتمة هاد اليقين لما العصا تحولت الى ثعبان بإذن الله واكلت كل خزعبلات السحرة - 00:29:58ضَ

فإذا هي تلقف ما يفيكم كلشي داك الكدوب ديالهم سرطاتو بعد ذلك فكر فرعون باش يتبع سيدنا موسى ويقاتلو هو والجيش ديالو من بني اسرائيل يجمع فرعون الجيوش المجيشة من الفراعنة والمصريين وتبعوا سيدنا موسى وكان سيدنا موسى عطاه ربي الامر باش يخرج بالليل سريا مع بني اسرائيل - 00:30:27ضَ

صبح عليهم الوقت بنو اسرائيل وصلوا لواد ديال النيل والنيل واد اشبه ما يكون بالبحر ولذلك سماه الله في القرآن بحر ويم وصلوا للواد الكبير وتلفتو وما كيشوفو فرعون راه بالجيش ديالو جايب ما بقى بينهم وبينو والو شحال قدهم ديال الوقت باش - 00:30:52ضَ

قطعوا هاديك المياه فداك الواد شحال من فلايك وما عندهم والو اش قالوا؟ قالوا انا لمدركون حصلنا الخليفة على الله مشينا انا لمدركون موسى كان عندو اليقين قالهم كلا ان معي ربي سيهدين الحل غيجي دابا مزال - 00:31:13ضَ

مازال ما عارفوش لرزقكم كما يرزق الطير ما عارف والو ولكن عندو يقين بأنه سيكون كلا ان معي رب سيهدين هادي قمة اليقين لي كيعطيهالك التوكل مباقيش شي حاجة تقول راه تسد الباب مكاينش تسد الباب - 00:31:33ضَ

باب ربي عمرو ميتسد عليك ما دمت متوكلا وعطاه ربي الحل اللي كتعرفوه وهو انه امره بضرب البحر بالعصا فالفلقة تحل البحر كل فرق منو كالطود العظيم بحال واحد الجبل كبير وخرج لو واحد الطريق طريقا يابسا ناشفة - 00:31:53ضَ

داز فيها موسى والاتباع ديالو من بني اسرائيل ولما هبط فيها فرعون ربي يجمع الما ديالو وغرقهم الى يوم القيامة توكل يجعل على معرفة بالله سيدنا موسى ولى متعرف على مولاه عارف كلا ان معي ربي سيهدين عارف معرفة حينما - 00:32:16ضَ

تحصل هذا المعنى وتحصل قمته تكون انئذ من العارفين. اللهم اجعلنا واياكم من العارفين بالله. اللهم ارنا الحق حقا وارزقنا وارنا الباطل باطلا وارزقنا اجتنابه. واجعلنا لك من الشاكرين. وصلي اللهم وبارك على سيدنا ولينا والاخرين. سيدنا محمد وعلى اله وصحبه وسلم تسليما - 00:32:36ضَ

سبحان ربك رب العزة عما يصفون وسلام على المرسلين والحمد لله رب العالمين واحمل الزاد وانوار اليقين باب زيتون واحمل السما وانوار اليقين - 00:32:56ضَ