باحث

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم آآ المرة الماضية آآ كان الدرس الثاني في كتاب البيوع واتكلمنا عن البيوع المنهي عنها - 00:00:00ضَ

والمرابحة والتقسيط. النهاردة عندنا الباب الثاني في الربا. طبعا الربا هو من البيوع المنهي عنها لكنه خاص ببلاد مستقل. ليه؟ لان هو باب واسع مسائله كتير. وانواعه كتير. فكان افراده يعني بباب مستقل - 00:00:20ضَ

فبيقول الباب الساني في الربا تعريف الربا الربا هو الزيادة شيء يربو يعني يزيد. وما اتيتم من ربا ليربوا في اموال الناس فلا احب عند الله. زلك تسمى المكان العادي يسمى ربوة. اللي هي عالية يعني. ففي شيء زيادة. شرعا هو زيادة - 00:00:40ضَ

احد البدلين المتجانسين يعني اللي هم من جنس واحد من غير ان يقابل هذه الزيادة عوض. هنفهم بقى ليه الكلمة دي؟ الكلمة دي صعبة في الاول. ثم نيجي نتكلم في الربا تفهم يعني ايه هم البدلين المتجانسين دول - 00:01:10ضَ

يعني ايه شيء؟ يعني متجانسين يعني من جنس واحد تمر بتمر اه زهب بزهب فضة بفضة فدول بيسموهم ايه؟ من جنس ايه؟ من جنس واحد فلو حصل زيادة على احد الطرفين بدلت مسلا كيلو ده باتنين كيلو دهب. من غير ما ادفع تمن الكيلو الزائد دوت من غير ما يكون فيه عوض - 00:01:30ضَ

عن الزيادة ديت بقى ده اسمه ايه؟ ربا. فزيادة في احد البدلين المتجانسين. زي ما قلنا مسلا ده بدعة. كيلو ده باتنين كيلو دهب. وهو ده خلاص البيعة خلصت كده بس كيلو زيادة ده طب ليه سعر لوحده؟ ما لوش حاجة هو الكيلو باتنين وخلاص. فده معنى زيادة احد البدلين المتجانسين من غير ان يقابل - 00:01:50ضَ

الزيادة ايه؟ عوض. يعني انا الكيلو الزيادة ده ما دام ما ادفعلوش حاجة ما تدفعلوش فلوس زي ده. ما ادفعش قصاده مسلا مبلغ فضة او مال او دولار او دينار او او او هي كده هو ده الدهب بالدهب. فكده ازا فيه بدل وبدل تاني دهب ودهب بدلين. والاتنين متجانسين - 00:02:10ضَ

من جنس واحد وفيه زيادة في احد الطرفين. والزيادة دي ما فيش قصادها الناحية التانية ايه؟ حاجة. يبقى ده هو ده الايه؟ الربا. يعني ايه؟ تعريف مبدئي ولما نخش في التفاصيل هتبقى الموضوع اسهل بكتير. بيقول حكم الربا طبعا محرم في كتاب الله تعالى. قال الله جل شأنه - 00:02:30ضَ

واحل الله البيع وحرم الربا. وقال الله عز وجل يا ايها الذين امنوا اتقوا الله وذروا ما بقي من الربا ان كنتم مؤمنين وتوعد الله سبحانه وتعالى المتعامل بالربا باشد الوعيد. فقال تعالى الذين - 00:02:50ضَ

يقولون الربا لا يقومون الا كما يقوم الذي يتخبطه الشيطان من المس. يعني يقومون من قبورهم يوم القيامة لهم هيئة اه يعرفها اهل الموقف يكونون زي اللي عنده صرع. يتخبطون كما يتخبطه كالذي يتخبط - 00:03:10ضَ

الشيطان من الايه؟ من المس. يقوم كهيئة المشروع قيل ان هو كان دي هيئته في الدنيا. لان هو كان مصروع على المال. وقيل لانه رأى هول قلنا ما اعد الله لاكل الربا. تعلمون انتم الحديث درهم ربا عند الله اشد من ستة - 00:03:30ضَ

ثلاثين زانية. اشد من ستة وثلاثين زانية. درهم ربا يأكله الرجل عند الله اشد عند الله من ست وثلاث نسينا زانية. وقال النبي صلى الله عليه وسلم الربا ثلاثة وسبعون بابا. ثلاثة وسبعين باب من الربا - 00:03:50ضَ

ادناها او ايسرها مثل ان ينكح الرجل امه. ايسرها يعني ده اقل اقل باب في ابواب الربا عند الله عقوبته مثل ان ينكح الرجل امه. تخيل انت بقى لو شفت رجل يعني تزوج امه ما رأيك - 00:04:10ضَ

هذا شيء بغيض. ينبغي ان يكون بغضك للربا مثل هذا الايه؟ البغض تماما واشد. لان ده ايسر باب من ابواب الربا. وهنشوف دلوقتي ليه يعني ممكن واحد يستغرب حاجة زي كده. يقول ليه الربا اشد من الزنا مسلا؟ رغم ان الزنا فاحشة ضخمة جدا يعني. وقد يكون آآ مستقبحة في النفوس اكتر - 00:04:30ضَ

من الربا. وليه ادنى باب من ابواب الربا؟ مثل ان ينكح الرجل امه. فقد يتعجب الانسان شريعة اتعاملت بهذه الايه القوة مع الربا يمكن اكتر من الزنا. النبي عليه الصلاة والسلام اخبر ان السبع الموبقات اكل الربا مسلا - 00:04:50ضَ

ولعن النبي عليه الصلاة والسلام في الربا كله بقى لعن اكل الربا وموكله وكاتبه وشاهديه وقال هم سواء يعني هم سواء في الايه؟ هم سواء في الاثم. طيب ليه بقى كل دوت؟ ده موضوع ايه؟ موضوع هنفهمه لما نفهم خطورة - 00:05:10ضَ

خطورة الربا قال النبي عليه الصلاة والسلام اجتمع اجتنبوا السبع الموبقات. الشرك بالله والسحر وقتل النفس التي حرم الله الا بالحق واكل الربا واكل مال اليتيم والتولي يوم الزحف وقذف المحصنات المؤمنات - 00:05:30ضَ

الغافلات. طيب خلينا نمشي مع الكتاب ونفهم بقى ليه الربا؟ اسوأ من الزنا قال المسألة الثانية الحكمة في تحريم البن. هي الحكمة دي هتفهمنا بس برضو انا آآ هنشوف خلينا نقرا اللي كاتبه وبعد كده انا ازود ليه - 00:06:00ضَ

كلام تاني يقول التعامل بالربا او مشكلة يحمل على حب الذات. التكالب على جمع الاموال وتحصيلها من غير الطرق المشروعة. وتحريم رحمة بالعباد. فان فيه اخذا لاموال الاخرين بغير عوض ملجأ مال ما فيش فيه ما فيش عوض في النص ما فيش سلعة ما فيش مبادلة ما فيش تجارة. اذ المراب يأكل - 00:06:20ضَ

اموال الناس دون ان يستفيدوا شيئا في مقابله. اداك فلوس قال لك هترجعها لي بزيادة. طب انت خطرت بفلوسك انت تاجرت معه انت نزلت بمجهودك ولا شيء فيشعر المقترض دوت ان هو بيدفع فلوس مقابل لا شيء. انت لم تبذل اي شيء ولا حتى مخاطرة. انك انت لا يحتمل الامر عندك الايه - 00:06:50ضَ

خسارة مكسب فقط. فحتى ما بتخاطرش بفلوسك عشان تاخد مقابل الايه؟ المخاطرة ديت. بل فلوسك مضمونة. كما انه الى التضخم الامواج. وزيادتها وزيادتها على حساب سلب اموال الفقراء. ويعود المرابي - 00:07:10ضَ

الكسل والخمول والابتعاد عن الاشتغال بالمكاسب المباحة النافعة. طبعا وهنا هنا ايه؟ كما بيقول كما ان في قطعا للمعروف بين الناس. وسدا لباب القرض الحسن. وتحكم طبقة من المرابين باموال الامة - 00:07:30ضَ

اقتصاد البلاد وهو معصية عظيمة لله تعالى وهو وان زاد مال المرابي فان الله تعالى يمحق بركته ولا يبارك فيه قال الله تعالى يمحق الله الربا ويربي الصدقات. وقال تعالى وما اتيتم من ربا ليربوا في اموال الناس فلا يربوا - 00:07:50ضَ

وما اتيتم من زكاة تريدون وجه الله فاولئك هم المضعفون. اللي يحصل لهم مضاعفات وبركة بسبب الايه؟ الصدقة والايه وادي العشاق. طيب هو هنا قال كل حاجة على فكرتك فكرة. بس بكلمات مجملة ممكن ما تفهمكش برضو ايه خطورة الربا. فخليني اه - 00:08:10ضَ

واحنا بنقول ان الربا في اختصار هو زيادة احد البدنين. يعني بدل جد جنب قصاده بدل زيه بزيادة وخلاص. بدون ان يكون فيه شيء ولا عوض ولا سلعة ولا بيع ولا شراء ولا استثمار ولا شيء. طب ايه الخطورة في كده يعني؟ يقول لك ما هو ناس يقول لك طب ما ايه المشكلة؟ وانا اديته برضه - 00:08:30ضَ

لوسي هو الراجل اشتغل بها وانا ساعدته. وقلت له مقابل ان انا ساعدتك ترجع لي فلوس ايه؟ بزيادة. ايه المشكلة بقى في كده؟ في ناس شايفة ان دي مقابل الايه؟ المساعدة اللي انا ساعدتها له ديت. وايه المشكلة هو استفاد وانا استفدت؟ هو استفاد واشتغل. وانا استفدت وفلوسي زادت. ايه المشكلة بقى - 00:08:50ضَ

هذه نظرة ايه؟ نظرة قصيرة جدا. ان الانسان لازم يبص للربا بروية كده ويشوف يفترض جميع الاحتمالات. عشان يعرف ازاي الربا يقول في النهاية الى ايه؟ الى كارسة ضخمة جدا. طيب الاول خلينا نبص لها من ايه؟ نظرة نظرة نظرة احتمالات. احتمالات رياضية. عندنا - 00:09:10ضَ

دلوقتي مرابي بيعطي شخص مال يطلب منه ان يشتغل به خلاص ويرجعهوله ايه؟ بزيادة او بيضع فلوسه في بنك هي نفس الطريقة على فكرة. او يقترض من بنك. هي هي انت لما بتحط فلوسك في بنك ربوي انت بتقرض البنك. وهو بيعدك ان هو يرد - 00:09:30ضَ

قلت لك يا بيه بزيادة او انك انت العكس بتقترض من البنك والبنك بيعدك ان انت بتوعد البنك هترد له ايه؟ بزيادة. في الحالتين ده او من الربا سواء اللي بيودع او اللي بيقترض. تعالى نتخيل ان احنا دلوقتي واحد بيحط فلوسه في مكان او في ايد شخص هو البنك - 00:09:50ضَ

خلت الصورة عاملة ازاي؟ خلى المقرض ما بيشوفش ليه؟ المقترض. زمان كان المقرض والمقترض بيتعاملوا مع قصاد بعض بايه؟ مباشرة. انت فعايز فلوسك تيجي لشخص غني فبيقول لك خد واديني ايه؟ واديني الزيادة مسلا كزا وخلاص. البنك بقى هو الوسيط في الموضوع ده. ده بيخفي الناس دي عن الناس ديت - 00:10:10ضَ

يعني اللي بيضع ماله في البنك ما بيشوفش اللي بياخد المال من الناحية التانية. طبعا البنك زود المصيبة. لان البنك بيعد المقرض اللي هو بيحط فلوسه ان هو يرجع له مسلا مسلا عشرة في المية. يبقى دي الفايدة كويس. لكن هو في نفس الوقت لما بيجي يقرض بقى البنك بياخد كام؟ تلاتين في المية. تلاتين في المية - 00:10:30ضَ

فوساطة البنك بس خدت العملية تسوء تلات اضعاف. يعني لو كان حتى لو قلنا هي حرام برضو لو كان الاوائل مقترض دوت مع المقرض مباشرة كان هيدي له نسبة كان هيدي له فايدة كم؟ عشرة في المية او خمستاشر هيبقى مبسوط. كان لما البنك دخل في النص بقى المقترض لازم - 00:10:50ضَ

البنك بزيادة تلاتين في المية. البنك ياخد عشرين في المية في جيبه. ويرجع للايه؟ ويرجع لك انت العشرة في المية بتاعتك ديت. جميل. تقول لي بردو ايه المشكلة؟ هو استفاد - 00:11:10ضَ

انا استفدت. احنا برضو خلينا الاول نفكر نظرية الاحتمالات العادية. نظرية الاحتمالات ان انا بحط فلوسي اه بقرض سواء مباشرة او عن طريق البنك يعني آآ بقرض ولا يوجد عندي احتمال للخسارة ابدا. دايما بكسب. دايما بكسب. فلو حصل مية عملية - 00:11:20ضَ

ميت عملية انا بالمية عملية لازم ايه؟ اكسب. طيب المقترض عنده احتمال ان هو يكسب وان هو ايه؟ يخسر. فانا عايزك تخيل كده الفلوس بتروح وتيجي الفلوس مرة راحت للمقترض ومرة راحت للمقرض. وبعد كده مرة راحت ما راحتش المقترض وفي نفس - 00:11:40ضَ

المرة دي راحت للايه؟ للمقرض. التالتة راحت للاتنين. الرابعة راحت للمقرض بس ما راحتش للمقترض. بعد فترة طويلة الفلوس هتروح فين هتروح كلها لمين؟ للمقرض. لان هو دايما بياخد. والتاني احيانا ياخد واحيانا ايه؟ ما ياخدش - 00:12:00ضَ

فلو مشينا بالتدريج كده هيحصل تضخم في المال ناحية الايه؟ المقرن. المال هنإيه؟ هيؤول في النهاية للمين؟ للمقرض لان هو الحقيقة واحد من نظرية احتمالات واحد مرة يصيبه مرة يخيب مرة ياخد ومرة يخسر. والتاني كل مرة ايه؟ ياخد - 00:12:20ضَ

ففي الحقيقة بعد فترة الفلوس هتروح تدريجيا لمين؟ للمقرض. وهتنسحب تدريجيا من مقترض. فراحت للي مش محتاج واتاخدت من مين؟ من اصلا هو محتاجها. ادي اول ايه؟ انا اديني اديك تصور. طيب عايزك تتخيل ايه؟ خلينا نخش بالتفاصيل. احنا دلوقتي نتصور ايه؟ انت حطيت فلوسك في بنك - 00:12:40ضَ

البنك والبنك ده اقرب ايه؟ اقرب شخص. بقيت انت خلاص هتاخد فلوسك بزيادة وانت كده كده مش مشارك المختلط ده في حاجة. انت بترابي خلاص دلوقتي. والبنك اليورابي والمقترض بيرابي. وهيرجع بزيادة. طيب تعالى نتصور كده انا اقترضت دلوقتي من البنك - 00:13:00ضَ

مليون جنيه مسلا. اولا طبعا القيراط دوت او الربا بيخلي زي ما قال هنا بيعود المقترض المقرض الخمول. والكسل انا زمان وانا صغير كنت بفكر اقول انا ومعي مليون جنيه اقعد في البيت. حطهم في اي بنك هيجيبوه لي في السنة مسلا مية الف جنيه. هصرف عشر تلاف جنيه كل شهر خلاص - 00:13:20ضَ

نقعد في البيت وهما زي ما هما ده تفكير واحد عادي جدا تفكير بسيط كنت انا طفل ساعتها فبقول لو معايا مليون جنيه اشتغل ليه تخيل بقى اللي معاه عشرين - 00:13:40ضَ

وتلاتين واربعين وخمسين مليون يعمل يخاطر ليه اصلا ازا كان يحط لو حط مليون واحد ممكن يعيش بيه طول حياته فده بيخلي صاحب المال ما بيشغلش فلوسه ولو شغلها يعني ايه؟ بيشغل جزء من ماله. لكن بيظل الجزء الكبير من ماله حاطه فين؟ في ابنوك بقى سواء بنوك بره بنوك جوه بنوك في بلاد عربية بنوك في بلاد - 00:13:50ضَ

الاجنبية تلاقي الفلوس مبعترة في البنوك وخلاص. لكن هو شغل الدين من فلوسه تلاقي في الاخر رقم ايه؟ رقم بسيط. طيب. خلينا نكمل اولا تهمتين دلوقتي صورة ان صاحب المال ما بيشغلش ايه؟ ما بيشتغلش فلوسه. او بيشغل حاجة بسيطة من فلوسه. وما بيخاطبش. وما بيحطش - 00:14:10ضَ

الفلوس بتجيب الفلوس وخلاص. فهو ما فيش اي مخاطرة كده مبدئيا كنا بقول ان اصحاب الاموال مش بيشغلوا فلوسهم. كده الاقتصاد ادمر ده مبدئيا ده الاقتصاد اتدمر. بتقول لي طب ما هو فيه ناس تانيين هياخدوا الفلوس بقى ويشغلوها. طب ما هو لما التاني خد الفلوس شغلها. عندي كزا مشكلة. المشكلة - 00:14:30ضَ

ان هو مطالب ان هو لما يرجع البنك يرجع بزيادة كم؟ تلاتين في المية. طيب اوعى دلوقتي عايز ارجع زيادة تلاتين في المية. بالتالي السلعة هو دلوقتي اقترض عشان يبني مصنع مسلا وعمل مصنع خلاص. كان هيبيع كيس الرز بسبعة جنيه. ده تمن مفترض. فهو لازم يبيعه - 00:14:50ضَ

بعشرة جنيه. طب التلاتة جنيه دول ليه؟ علشان القرض. لان هو بيرجع السبعة بيرجعها عشرة. فلازم ياخد التلاتة جنيه هياخدهم من مين؟ هياخدهم من حضرتك. وهياخدهم من مين؟ مش هيدفعهم من جيبي. فبدل ما كيلو الرز للشعب كله كله بقى بسبعة جنيه - 00:15:10ضَ

بقت كم؟ بعشرة جنيه. ليه مقابل ايه؟ ولا حاجة. لو كان الاولاني صاحب المال شارك شارك المقترض اصلا كان هينزل لك الرز بكام ؟ بسبعة جنيه. بقى فيه شعب كامل بيدفع تلاتة جنيه زيادة في كيلو رز بلا سبب. بسبب ان فيه مصنع او مسلا - 00:15:30ضَ

مصنع مكرونة ومصنع اي شيء يعني بيتصنع. بقى فيه زيادة ايه؟ بقى فيه زيادة تلاتة جنيه على ايه؟ على الهواء كده. بسبب القرض بس. تمام؟ طيب صاحب المال دوت زي ما قلنا ان الناس بقت بتدفع ايه؟ بتدفع بزيادة. فطبعا لما الناس تدفع بزيادة هي نفسها برضو كل واحد عنده عنده - 00:15:50ضَ

وعنده شغلانة هيغلي فيها عشان برضو ايه الصنايعي هيغلي مصنعيته والموزف هيرتشي هتخش بقى في دوامة الايه الجرايم دي كلها علشان نقدر ندفع احنا كل ده بندفع لمين؟ بندفع للي قاعد في البيت نايم. وما بيعملش حاجة. اللي حط فلوسه في البنك وما لوش دعوة بالدنيا دي خالص. وهو مش شايف - 00:16:10ضَ

كل الصورة دي هو مش شايفها. البنك حاجز بينه وبين رؤية الايه؟ كل دوت. في شعب بيتطحن بسبب ايه؟ بسبب الملايين اللي هو حطها عشان تجيب له ملايين زيها والبنك في الوسط هو بايه؟ هو اللي بينفز الجريمة ديت. ويضمن له ان هو يجيب له فلوسه. طب لو صاحبنا ده خسر؟ لو خسر طبعا - 00:16:30ضَ

هيتسحب منه مسلا الحاجات اللي هو كان راهنها او الضمانات او او او واحد خرب بيته هيتسجن وكده. طبعا لما يتخرب بيته ويتسجن ويحصل فيه كده هيبقى نقي على مين؟ هيبقى نقي مع الاغنياء عموما. ان هو حاسس ان هو هم السبب في الايه؟ في اللي هم فيه. فالربا بيؤدي الى ضياع الالفة. والمودة في المجتمع. انا - 00:16:50ضَ

دلوقتي لما اشوف ان ان الدنيا ماشية كده الاقراض هو هو اللي عامل كده. بالتالي لو الغني ازداد غنى انا هحقد عليه ان غناه ده مش بيقعد علي بفايدة. لكن لو هو بيشاركني لو اتغنى انا اتغنيت معه - 00:17:10ضَ

ولو انا افتأرت كان هو لازم بالضرورة ايه؟ هيفتأر. فبالتالي يحصل ما بينا مودة ورحمة والفة. انا خايف عليه. وهو خايف علي لكن الربا بيخلي المجتمع عبارة عن اسياد وعبيد. سيد لا هم له الا جمع المال. عبيد بيشتغلوا عشان يخدموا الايه؟ السيد - 00:17:30ضَ

والبنك في النص الاتنين مش شايفين بعض. فبيتحول المجتمع لمجتمع قاسي جدا. ناس بتاكل المال فقط وناس بتموت علشان تشتغل صاحب المال دوت اللي هو المفترض المفترض في الشراكة دوت يتعرض لمخاطرة كبيرة. نايم تماما ما بيعملش اي حاجة بيصيف في مارينا وبيلعب بوني - 00:17:50ضَ

وبيلعب بلياردو وبتاع وفيه واحد تاني بيموت شغل اربعة وعشرين ساعة علشان بس يقدر يسدد الايه الدين اللي عليه ويعيش مستور وياكل ويشرب بس. فتخيل انت المجتمع لما يشوف واحد بيشتغل شغلانتين في اليوم بيشتغل اربعة وعشرين ساعة مش من حقه ياخد اجازة - 00:18:10ضَ

مش من حقه يعيا. مش من حقه يروح يصيف. مش من حقه يستريح يوم. مش من حق ابنه يطلبه بمصاريف زيادة في واحد تاني قاعد على البحر بيشرب عصير وبيصيف ونازل في البسين وما فيش اي مخاطر عنده ولا اي احتمال لليه للخسارة - 00:18:30ضَ

ده يبص لده ازاي يعني؟ وده يبص لده ازاي؟ طبعا الغني اصلا مش شايف الفقيد ما فرقش معه. لكن الفقير حاقد على الغني. لذلك تجد في مجتمعنا فيه حقد بين الطبقات - 00:18:50ضَ

ان هو مع الوقت زي ما قلت لكم اول كلامي مع الوقت بيكتشف الفقير ان هو ازداد فقر. بيكتشف ان الغني زاد ايه؟ زاد غنى المحتاج نزل. واللي مش محتاج طلع. فيحصل فجوة بين في المجتمع بقى. عشان كده يقول لك ايه؟ المال بايه - 00:19:00ضَ

ينحصر في فئة معينة من الشعب. فعلا يا دايما مع مرور الوقت مع الربا تلاقي المال بيروح لفئة محددة من الشعب. فلوسها تزيد تزيد تزيد تزيد لغاية بتسمع الناس معهم ارقام مهولة جدا. يقول لك فلان ده معه ميزانية دولة. وفلان ده لو صرف فلوسه يأكل نص العالم. ايه ده! هو فيه كده! كان ما كانش فيه كده في التاريخ - 00:19:20ضَ

ان في واحد يملك مسلا يملك مسلا بلايين الجنيهات مسلا يملك ارقام مهولة يعني انسان ميتخيلهاش ميزانيات دول مع شخص واحد هذا شيء عجيب. وفي نفس الوقت يقول لك ان اغلب سكان الارض عايشين تحت خط الفقر. طب خط الفقر ده مع الربا بيتحسن ولا بيزيد - 00:19:40ضَ

بيزيد لو شفت خط الفقر كان في كم مثلا مليار واحد او مليون واحد تحت خط الفقر فتجد ان هم بيزيدوا مع مرور الوقت. وفي نفس الوقت انت بتسمع ان الارقام بتاعة - 00:20:00ضَ

ثروات الاغنياء بتزيد. هو دي نتيجة الايه؟ الربا. ان ثروات الاغنياء بتزيد وفقر الفقراء ايه؟ يزيد. ان احنا قلنا واحد بيكسب على طول. واحد بيكسب ويخسر. فبيؤدي الى بقى ايه؟ الحقد. طيب. دلوقتي الشخص الحقودي ده اللي بيخسر مرة وبيكسب مرة اللي هو ما يقدرش ياخد اجازة اللي هو شغال وبيتطحن - 00:20:10ضَ

لو اتزنق بقى في فلوس هيضطر يعمل ايه؟ هيضطر يعمل جريمة. هيضطر يسرق. هيسرق الغني. خد بالك الغني مش عارف ان هو في الاخر هيتضرر من ايه؟ من الربا دوت. لان لما ييجي الفقير ده يسرق هيسرق الغني نفسه. هيسرق بنته. هيسبت ابنه. هيسرق عربيته - 00:20:30ضَ

لان هو هو حاقد عليه لكن انت لو مش شاركني انا هخاف على فلوسك زي ما اخاف على فلوسي. لان انت لما فلوسك بتزيد انا بزيد لما انت تقل انا ايه اللي ان احنا في مركب - 00:20:50ضَ

واحدة. لكن انا مش شايفك انا انا شغال في في فالوكة وانت راكب يخت. انا فالوكتي مخرومة واحتمال تغرق. وانت طاير. فبالتالي وانا خبرني وبنادي عليك ولا انت هنا. تعال بقى نكمل. صاحبنا ده طبعا مطحون. ومأجر عشان واخد مقرض - 00:21:00ضَ

عشان يجيب تاكسي ولا واخد قرض عشان يفتح آآ مصلحة هنا ولا واخد جارد عشان يجيب شوية بضاعة يقف بها. مطحون. يدوبك كل اللي سابه بيسدد به قرض وياكل ويشرب. يجي يفكر هتجوز ازاي؟ مش عارف يحسبها. مش عارف يحسبها. ما هي هو لو كان شاركه الراجل دوت كان مكسبه - 00:21:20ضَ

ويغطيه اكله وشربه ويحوش. لكن لما بقى دخل الفايدة بقى بياكل ويشرب والتحويشة دي بتكمل الايه؟ يدوبك بتسد الايه؟ القرض. فصاحبنا بيعدي عليه سنين وسنين ما اتجوزش هيعمل ايه؟ هيزني. عرفت ليه بقى الربا اشد من الزنا؟ لان الربا من - 00:21:40ضَ

اكبر اسباب الزنا. ان لو الشباب كان له فلوس ميسرة ولو حد يساعدهم يتجوز ما كنش هيزني. لكن لما فلوس حصل فيها كده وحصل الضغط على الفقير للدرجة دي تسبب في حالات الايه؟ الزنا. فكان درهم ربا اشد عند الله من ستة وتلاتين زانية. لان الربا هو سبب الزنا - 00:22:00ضَ

بل من اكبر اسباب الزنا. عشان كده الربا هو حرب عامة على المجتمع. خدت بالك؟ كم واحد دلوقتي بيتطحن علشان الغني دوت ياخد فلوسه؟ الشعب كله الشعب كله بيشتغل. الشعب كله بيموت. علشان الاسعار غالية. عشان في تضخم. علشان وفي الاخر كل الفلوس دي بتروح لايه؟ ما بتقعدش عليهم هم بفايدة. يعني - 00:22:20ضَ

ده التلاتة جنيه اللي دفعتهم الزيادة دول عدوا علي بفايدة ما فيش فايدة عدت علي لا الاكل زيادة ولا شرب زيادة ولا الرعاية الصحية هي راحت في جيب شخص بس. انتهى الموضوع - 00:22:40ضَ

عايز تجيب بعض الاشخاص سواء البنك او العميل اللي هو بيقرض الايه؟ البنك دوت. طيب ايه اللي بيحصل المنزر ده؟ المنزر دوت حرب على المجتمع كله المرابي بيحارب كل الناس بس حرب غير معلنة ومن غير سلاح. المرابي بيمص دم الناس كلها - 00:22:50ضَ

عشان كده النبي عليه الصلاة والسلام لما شاف المرابي في البرزخ شافه عامل ازاي؟ شافه يسبح في بحر من النبي عليه الصلاة والسلام قال رأيت رجلا يسبح في بحر من الدماء. وعلى على الشاطئ رجل معه حجر. فالراجل يسمح ناحية الشاطف اذا - 00:23:10ضَ

طلب من الشاطئ القمه الرجل الحجر في فمه فعاد مرة اخرى في بحر من الدماء. لان هو في الحقيقة كان بيعمل كده المربي. كان بياكل بيمص دم الناس. هو بيسبح في بحر من دماء هو لا يدري. لا يدري كم يعاني الناس بسبب الربا دوت. تخيل بقى شيل بقى الربا شيل البنك وشيل الربا وشيل كل الفوايد - 00:23:30ضَ

وخلي الراجل ده يتعامل مع ده. اعكس بقى كل اللي انا قلته لك ده. الراجل دوت لما الغني ياخد اجازة حيدي له هو ايه؟ اجازة. لما يعيا هيراعيه لما يحتاج هيقف جنبه. مش هيضطر يسدد له مبلغ كبير. هو احنا كده كده شركاء. لما انا اخسر هو هيخسر. الفلوس هتفضل يحصل توازن في المجتمع - 00:23:50ضَ

فلوس عمرها ما تروح له هو لوحده. ما بيني وما بينه. ما بيني وما بينه. ما بيني وما بينه. انا اخاف عليه واحبه. انا اتجوز بسهولة واشتغل بسهولة. الشعب ما يلاقيش اسعار زيادة - 00:24:10ضَ

كان ما يلاقيش تضخم ما يلاقيش فلوس بتدفع ومش عارف بيدفع ليه زيادة ليه الاسعار بتزيد بالجنون دوت؟ تخيل مدى الراحة اللي يعيش فيها الناس لو شيلنا الربا ده؟ مدى السعادة ومدى - 00:24:20ضَ

او مدى الود ومدى الحب. زلك الربا حاجة ضخمة جدا. يعني انا باقول لكم كده بس كلام سطحي. لكن لو تعمقت اكتر حاجة ضخمة جدا. هو سبب قد يكون من اسباب مخدرات اسباب الجرائم اسباب السرقة اسباب القتل. هو سبب اكبر انواع اكبر الجرائم لان هو سبب اساسي للفقر. والفقر هو سبب جميع - 00:24:30ضَ

جميع الجرائم. خدت بالك من كلمتين بقى اللي قالهم بسرعة دول طيب خلينا نكمل. بيقول المسألة التالتة انواع عدلة. اول نوع من ده يسموه ربا الفضل والربا التاني اللي هو ربا النسيئة. ربا النسيئة ده اللي هو سائل اللي هو واحد ايه؟ خد فلوس وهاتها بعدين بزيادة. ده النسيئة كلمة ناسيها - 00:24:50ضَ

يعني ايه؟ يعني تأخير نسيئة يعني ايه؟ تأخير. فدي سهلة هنقولها بعد كده لما تيجي هتبقى سهلة. بس انا بخلصك من واحدة عشان الصعبة هي الفضل هندسية ان انا بدي واحد فلوس وعلى اجل مقابل الاجل دوت بطلب منه ايه؟ زيادة. اللي هو القرض اللي احنا عارفينه - 00:25:10ضَ

الفضل شبهه يعني. بس هنا الايه؟ الزيادة وقتي بقى. وقتي. هنشوفها دلوقتي. خلاص خلينا نشوف ايه هو ربا الفضل؟ برضو النسيئة قلنا معناها التأخير. طب الفضل يعني ايه؟ الفضل يعني الزيادة. فضل يعني ايه؟ الزيادة. طيب بيقول هو الزيادة في احد البدنين - 00:25:30ضَ

الربويين المتفقين جنسا. مثاله ان يشتري شخص من اخر الف صاع قمح بالف ومتين صاع قمح ويتقابض المتعاقدان العوضيين العوضين في مجلس الايه العقد. فهزه الزيادة وهي مئتي صاع من القمح لا مقابل لها - 00:25:50ضَ

وانما لها فضل. حرمت الشريعة ربا الفضل في ستة اشياء. الدهب الفضة البر. القمح يعني الشعير تمر الملح. فازا بيع واحد من هزه الاشياء الستة بجنسه حرمت الزيادة والتفاضل بينهم لحديث ابي سعيد الخدري ان الرسول عليه الصلاة والسلام قال الذهب بالذهب والفضة بالفضة والبر بالبر والشعير بالشعير والتمر - 00:26:10ضَ

التمر والملح من ملح. مثلا بمثل يدا بيد فمن زاد او استزاد فقد اربى. الاخذ والمعطي سواء. ويقاس على هذه الاشياء ما شاركها في العلة. واحدة واحدة بقى. ايه الكلام دوت؟ عندنا النبي عليه الصلاة والسلام قال قال ست حاجات. قال الدهب بالدهب - 00:26:40ضَ

الفضة بالفضة. وبعد كده الدولا الايه؟ دولا الحاجات اللي هي السمانية يعني. الاسمان يعني. سيبك سيبك من دول ده دخل فيه في حاجات في اربع حاجات تانيين. قال البر بالبر الشعير بالشعير. التمر بالتمر الملح بالملح. قال مسلا بمثل يدا بيد - 00:27:00ضَ

النبي عليه الصلاة والسلام بيقول ان الاصناف ديت لما تيجي تتعامل بها لازم تكون مثلا بمثل يدا بيد. يعني شرط ان انا ابيع دهب بده ان لازم يكون الاتنين مسلا بالمثل. كيلو دهب بكيلو دهب. حتى لو دهب رديء ودهب جيد. تقول لي طب ازاي - 00:27:20ضَ

اقول لك في حل بيع الدهب الرديء لوحده وبيع الدهب الجيد لوحده وبعد كده اشتري بالفلوس بقى اللي انت عايزه. لكن تبدل دهب بدهب ما ينفعش. طالما دهب بدهب حتى لو قديم وجديد رديء وجيد. لميع ومش عارف ايه. لازم يكون مثلا بمثله - 00:27:40ضَ

يعني لازم الصفقة تخلص في مجلس التعاقد. ما ينفعش حتى لو كان مثلا بمثل ما ينفعش كيلو دهب. بكيلو دهب بكرة. لا كيلو دهب دلوقتي بكيلو دهب دلوقتي. فلازم شرطين المثلية والتقابض في مجلس العقد. خد بالك الشرطين دول عشان هنقول - 00:28:00ضَ

كتير المثلية والتقابض في مجلس العقد. فلو كان الحاجة ديت باختها دهب دهب فضة فضة بر شعير وشعير ملح ملح تمر تمر يبقى لازم يكون مثلا بمثل نفس الكيلة نفس الوزن نفس الحاجة - 00:28:20ضَ

زائد ان يكون التقاعد فين؟ في نفس مجلس الايه؟ التعاقد. طيب ده الايه؟ ده الافتراض الاولاني. احنا بس قبل ما نكمل هنقول برضو احنا هو ايه السبب يعني؟ السبب ان الاشياء دي عليها قوام حياة الناس. حياة الناس تقوم على هزه الاشياء - 00:28:40ضَ

للاشياء دي ممكن تقسمها نصين. الدهب والفضة دول لوحدهم. والاربع اصناف التانيين دول لوحدهم. الدهب والفضة دي هنقول ان دول الاثمان فالعلة فيهم الثمنية. يعني ايه الاثمان يعني اللي بيتقاس عليها كل حاجة. يعني انا دلوقتي لما اقول لك آآ كيلو الطماطم بكم؟ تقول لي باتنين جنيه. ينفع اقول لك الاتنين جنيه بكام - 00:29:00ضَ

هو ده اللي نرجع له في الاخر. ما فيش بعديه هو ده الثمن. الثمن ده لو هو نفسه اتحول لسلعة تبقى مصيبة سودا. لان هو اللي بيضبط كل الايه؟ كل حاجة تحتيه - 00:29:30ضَ

وما ينفعش يتلعب فيه. تاني؟ انا دلوقتي بقول ان ان كل السلع بتتقاس بايه؟ بتتقاس بايه جنيه او بالدهب او بالفضة او بالدولار. فلازم الحاجة اللي كلنا بنرجع لها دي ما ينفعش حد يلعب فيها - 00:29:50ضَ

فلازم التعامل معه يكون بحزر. فلو احنا خليناها هي نفسها سلعة تتباع وتتشرى. في مسلا جنيه دهب شكله حلو يجيب اتنين جنيه دهب شكله مش حلو. عارف الموضوع ده ممكن بعد فترة يعمل ايه؟ ممكن يدمر الاسعار كلها. الاسعار بتبدأ - 00:30:10ضَ

تطلع وتنزل بايه بسرعة كبيرة جدا. مما يؤسر على حياة الناس. لان الدهب هيفقد قيمته. لان هو نفسه بقى ايه؟ بقى سلعة ما بقاش هو القيمة المطلقة اللي احنا كلنا بنرجع لها. هو نفسه بقى العوبة. فيبدأ سعر ده بيطلع - 00:30:30ضَ

انزل حسب العرض والطلب بقى. ما هو خلاص بقى سلعة. ويطلع وينزل زي ما انت كده النهاردة تلاقي الطماطم بتلاتة جنيه. ممكن تلاقي بخمسة جنيه. بعده تلاقيها باتنين جنيه. بعد كده سبعة جنيه. الله - 00:30:50ضَ

ينفع تخيل انت الدهب يبقى كده كل يوم تلاقيه بسعر مرة النهاردة بتلتمية بكرة بستمية بعده بتسعمية. النهاردة بمية. الله! تخيل حياة الناس بتستقيم ازاي تبقى كارسة صح؟ لزلك التعامل مع الاشياء اللي هي دي هي دي القيمة اللي احنا اللي احنا اصلا بنرجع لها كلنا لازم الكلام فيها يبقى ايه؟ مسلا بمثل - 00:31:00ضَ

ليه؟ عشان ما يحصلش تلاعب في قيمتها. عشان تظل قيمتها سابتة. عشان تزل حياة الناس مستقرة. فعشان كده الدهب حد يقول لي طب ازاي صديق وجيد. ما هو ده لمصلحة اكبر. وهي المحافظة على قيمة الايه؟ الدهب نفسه ما يتغيرش. كذلك الفضة. هيتقال نفس الكلام دوت في كل ما هو - 00:31:20ضَ

دولار جنيه. لو ابدل جنيهات بجنيهات. حتى جنيهات قديمة بجنيهات جديدة. ما ينفعش يبقى فيه زيادة. فكة بمجمد. ما ينفعش يبقى فيه زيادة زي ما بعض الناس بيعمل. يقول لك ايه خد تسعين جنيه فكة وهات مية جنيه. مجمد ده انا مدي لك فكة. هذا حرام هذا ربا. ده يؤدي الى تلاعب بالعملة. تلاعب - 00:31:40ضَ

العمر يأسر على سعر السوق ويأسر على حياة الناس. فلازم العملة تظل لها وقارها. لازم تظل تعامل معاملة خاصة. فازا دهن بدهب يبقى زيه بالزبط عشان ما يحصلش تلاعب في ليه في سعر العملة ديت. ان الهزة الخفيفة فيها تعمل هزة كبيرة فين؟ تحت. زي الايه الحلوين - 00:32:00ضَ

انت ماسك بايدك كده ساعة ساعة يد. فوق فوق انت ماسك كده مسكة ايه؟ بسيطة. وتحت فيه ساعة مدلدلة كده. اي حركة بسيطة عندك فوق بتعمل حركة الكبيرة اهي حركة كبيرة تحت في الساعة. الحركة البسيطة فوق دي زي ما انت ايه ده احنا لما بنطلع فوق بنوصل اخر حاجة للجنيه او للدوران او للفضة او للدهب - 00:32:20ضَ

لو حد عمل كده في الايه؟ في الحاجة دي يحصل تحت ايه في جميع الاسعار؟ يحصل كده. حياة الناس لا تستقيم. فلذلك لازم رعاية الاثمان دي ان هي كل محافظة عليه استقرار. ده بيسموه استقرار السوء. ده بيفرق كتير. انا كمستسمر هخاف لو اسعار بتتفاوت بالدرجة دي هخاف طبعا. مش هشتغل - 00:32:40ضَ

وده يؤدي لتدمير المجتمع. فلذلك العبث في الاسمان خطر. فلزلك النبي عليه الصلاة والسلام قال طب طب تقول لي طب مثل مسل طب ليه يدا بيد؟ يدا بيد لان الاسماء - 00:33:00ضَ

تغييرها الطفيف بيفرق كتير. النهاردة لو سعر الدهب زاد قرشين او جنيه مسلا يفرق مع الناس ياما. فممكن انت بكرة خدت مني النهاردة كيلو دهب. تيجي بكرة زاد جنيه تقول لي لا. ونختلف بقى - 00:33:10ضَ

السعر القديم ولا السعر الجديد؟ غير الطماطم لو انا الطماطم غليت ولا مش هيحصل حاجة يعني. مش هنختلف على سعر امبارح ولا النهاردة؟ لكن الدهب لا سعر امبارح غير النهاردة - 00:33:30ضَ

وتفرق معنا كتير بتفرق مع الدنيا كلها. فلزلك التأخير ممكن يحصل لو حصل فرق بسيط بتفرق كتير مع الناس فمش هيرضوا كملوا البيعة. ده دهب. لزلك لازم يكون في نفس الايه؟ المجلس. ما ينفعش بكرة. ما ينفعش كمان شوية. الحاجات دي ايه؟ الحاجات دي بميزان - 00:33:40ضَ

فالحاجتين الاولانيين اللي هم الدهب والفضة دي هنسميها الايه؟ الثمانية. العلة فيها الايه؟ ثمانية. هيقاس عليها ما كان بنفس العلة دولار جنيه دينار اي حاجة تدخل الناس بتعامل فيها على ان ديت الايه؟ دي التمن خلاص. سيب دولا بقى على جنب. تعال - 00:34:00ضَ

نخش في الاربعة التانيين اللي هم البر والشعير والقمح والايه؟ والملح. ايه الحاجات دي بقى؟ بص هي برضه هتبقى في مشكلة في موضوع العلة دوت. هو ايه الجامعة ما بينهم. لان احنا دلوقتي قسنا دلوقتي على الدهب والفضة حاجات. قسناهم على اساس ايه؟ علة. في حاجة في الشرع اسمها القياس - 00:34:20ضَ

انا بقيس حاجة على حاجة. بس قبل ما اقيس لازم اعرف العلة اللي جمعت العلة اللي في الحاجة ديت. عشان اعرف اقيس عليها. انا بقول دلوقتي انا ما بحبش اه احمد. ليه ما بتحبش احمد؟ ما احبوش مسلا علشان ما بيضحكش؟ هو - 00:34:40ضَ

مسلا ابيض وشعره اصفر مسلا. فدخل واحد تاني ابيض وشعره اصفر وما بيضحكش. هل اتوقع ان انا احبه؟ تقول لي ليه ابيض وشعره اصفر. هقول لك بس برضه ايه برضه ما بيضحكش. العلة اللي موجودة في الاولاني موجودة في التاني. اما ان شعره اصفر وعينيه خضراء دي ما كتش - 00:35:00ضَ

الا اللي من اجله حبيته او كرهته. ما بتجبليش نفس الصورة وبرضه ما بيضحكش وتقول لي احبه. مش هحبه برضه لان نفس العلة ايه موجودة فيه. واخد بالك فهي الفكرة ايه هي العلة اللي جمعت الحاجتين علشان نعرف نقيس؟ اعرف احط نفسي الحكم ده على التانية. احنا قلنا العلة في الدهب والفضة اللي هي - 00:35:20ضَ

اللي بيتعامل بيها الايه؟ الناس في الوقت دوت كان نزل في الوقت ده بيتعملوا بالدهب والفضة. هيتعاس عليها كل حاجة بيتعامل بها الناس في اي زمن من الازمان بقى سواء دولار دينار اي حاجة - 00:35:40ضَ

طب ايه هي العلة الجامعة للاربع حاجات التانيين بقى دول؟ دي بقى في اخلاق دي مشكلة بقى. بعض الناس قالوا الاربعة التانيين دول مطعومات. العلة الجامعة بينها ان هي ايه - 00:35:50ضَ

طعام سوائل ايه؟ ودي كان طعام الناس في الوقت دوت القمح الشعير الملح. او تقول لي هو ايه اللي دخل الملح في موضوع الملح لا يصلح الطعام الا به. فاعتبر من الطعام. لان الملء الطعام لا يصلح الا بايه؟ بالملأ - 00:36:00ضَ

لو ما فيش ملح الاكل ما ايه ما تقبلوش. فلإنه لا ينصلح به الا الطعام. فاعتبر زي ايه؟ زيه زي الطعام. دي دي حاجة لازمة. اي طعام لازم ملح اعتبروه زيي. فالناس قالوا دي مطعومات. الشيفهي مسلا قال ان دي العلة ان هي مطعومة. عارف لو خلينا العلة ان هي مطعومة هيبقى القياس واسع - 00:36:20ضَ

اوي كل حاجة بتتاكل بتخش معي. هيخش معي الفواكه كلها والخضروات الخضروات كلها هيخش معي كل حاجة بتتاكل. فده هيخلي القياس واسع قوي. في ناس قالت لأ العلة ان الحاجات ديت مكيلة او - 00:36:40ضَ

هنا ان في حاجات بتتباع بالكلى زي التمر بيتباع بالكلى وفي حاجات بالوزن فقالوا كل حاجة مكينة وموزونة هتخش معانا كده الموضوع ده شوية. لان في حاجات ما بتتباعش لا بالكيلو ولا بالوزن. زي مسلا ايه؟ زي البطيخ مسلا. بتتباع بالواحدة. مش بيتباع - 00:37:00ضَ

ولا بالوزن. بيتباع بالواحدة. فمش هيخش اي حاجة بتتباع بالمتر بالزراعة مش هتخش معي. فده ايه؟ قياس خلي الموضوع اضيق شوية. فيه ناس بقى خلوا خياس احلى من كل دوت. قالوا لا مش العلة ان هو بيتاكل او ان هو بيتوزن ويتكال - 00:37:20ضَ

الا ان هو قوت للناس. يعني ايه الفرق بين طعام وقود؟ طعام يعني بيتاكل وخلاص. قوت يعني الناس تعيش عليه. الناس بتعيش عليه. ايه الفرق بين المانجة والرز؟ المانجة بتتاكل بس ما حدش بيعيش عليها. الرز - 00:37:40ضَ

في ممكن ناس تعيش عليه سنين تاكل رز بس. فده ناس بتعيش عليه. قوت الناس بتعيش عليه الاربع حاجات دول البر تمر قمح الملح دي حاجات الناس عايشة عليها. طب النبي عليه الصلاة والسلام ليه ما قالش بقى؟ ليه ما قالش فواكه - 00:38:00ضَ

ايران ان كان في فواكه في زمان كان في عنب وكان فيه ما قالهاش ليه ؟ لان واضح ان العلة هنا مش مجرد الطعام. العلة هنا ان هي قوت. زي ما قلت لكم قوت يعني زي الرز - 00:38:20ضَ

زي الفول زي الحياة الناس قوام حياتها عليها. بتعيش على الحاجة ديت. يعني لازم يبقى موجودة وممكن يستغنى عن الحاجات التانية بس دي لا ما استغناش عنا ابدا. فده القوت. لزلك الايه؟ في بعض العلماء زي الامام مالك قال ان العلة الاقتياد ان هي حاجات قوت للناس. اصل ده - 00:38:30ضَ

هيفرق معي في ايه؟ تحديدا ايه اللي هيفرق في ايه؟ في القياس. ما انا لما اغير العلة هيفرق معي الحاجات اللي هقيسها عليها. مش انا قلت لكم دلوقتي لو قلت طعام هيخش - 00:38:50ضَ

معي كل الخضروات وكل الايه؟ الفاكهة. لو قلت موزون ومكين هيطلع معي شوية خضروات وشوية فاكهة يطلعوا برة. لو قلت خد كل الخضار والفاكهة يطلع برة ان ما فيش حد بيعيش على خضار ولا حد بيعيش على ايه؟ على فاكهة. مش كده؟ فازا العلة نفسها هتطلع او هتدخن. معي حاجات دايرة القياس هتوسع - 00:39:00ضَ

او ايه او حتديق. فعشان كده بقول لكم ان العلة الاقرب للاقوال ان العلة ان دي اقوات. حط كلمة تانية اقوال تدخر. تدخر يعني ايه؟ يعني بتتشال ما بتبصش. يعني ممكن تتخزن يعني. هو دي في الحقيقة من معنى القود - 00:39:20ضَ

نفسه لان ما ينفعش يكون قوته ما بيتخزنش. لكن ممكن تحط العلة دي ان هو قوت ويدخر. يعني بيتشال. ولو انت فكرت في كاميرة خوتي وادخر دي هتعرف ليه ما ينفعش الربا في الحاجات دي بالزات؟ لان الحاجات دي لها قوة - 00:39:40ضَ

في المجتمع بمعنى ايه؟ بمعنى ان دية الحياة اللي الناس بتعيش عليها. فنفس فكرة السمانية ما ينفعش ايه؟ ما ينفعش نلعب بها. ما ينفعش نلعب بها. لان اللعب فيها يغلي اسعارها ايه؟ تتراوح بسرعة. وتزيد - 00:40:00ضَ

تنقص بسرعة وده يؤثر على ايه؟ على حياة الناس. ما ينفعش العب في سعر الرز. شف الناس لو لو الفاكهة غليت قلت ما يحسوش ما تفرقش معهم مانجة غليت وتفاح غلي ما تفرقش معي. لكن ايه اللي يسمع الرز؟ صح؟ سمع قوي لو الديدان نص جنيه الناس تقلق. حياتها ماشية - 00:40:20ضَ

يا بيه الفول لو زاد تبقى مشكلة كبيرة. فازا الحالات اللي بتؤسر على حياة الناس اللي هي القوت اللي احنا بنعيش عليه. خاصة ازا كان يدخر ليه؟ لان هو لو ما بيدخرش ما يقدرش البياع ايه؟ يخليه. لكن ايه الحاجة اللي يقدر يلعب فيها؟ وتأسر على الناس وتأزيهم - 00:40:40ضَ

لو يعرف يخزنه. لو يعرف يخزنه بقى معه قوة دلوقتي يقدر يتلاعب في حياة الناس. ياخد القوت بتاعهم ويخزنه ويغلي زي ما هو عايز لما تعوزوا بقى وتعالوا. لكن لو الحاجة بتبوظ هيضطر يطلعوا ايه؟ ويبيعها. فلزلك ايه الحاجة القوية قوي في كل الاكلات؟ الحاجة اللي هي الناس بتعتمد عليها - 00:41:00ضَ

وفي نفس الوقت بتتخزن. ولزلك السلعة دي بقت اشبه بالذهب والفضة يعني قصدي لها اثر على حياة الناس. فلذلك الشرع حرم التلاعب معها. ما تلعبش مع السلعة ديت. من بعد اللعب معه هيأدي لايه؟ لطفرة في اسعارها. بالزيادة وبالنقصان. مما يؤدي لاضطراب في حياة الناس. فتجد ان الحكمة ليه - 00:41:20ضَ

الله اعلم الحكمة العامة لربا الفضل هو المحافظة على استقرار حياة الايه؟ مجتمعنا. المحافزة على الاثمان المحافزة على استقرار السوق ما حدش يلعب في الفضة. ما حدش يلعب في الدهب. ما تلعبش في اقوات الناس. غير كده الضرر هيبقى طفيف. مش مشكلة بقى السوق يحتمل. العبوا بقى زي ما انتم عايزين في الايه؟ في - 00:41:50ضَ

في الخضار يعني الامر بسيط لكن ما تجيش على ايه؟ على عيش الناس. ما تجيش على الاسمان اللي هم بيتاجروا بها. فهمت الفكرة في السبع الست اصناف دول عشان كده هيتقاس على الدهب والفضة كل ما هو ثمن عند الناس دولار درهم دينار. وحيتقاس على البر والشعير والتمر والملح. كل ما هو - 00:42:10ضَ

قوت لا تستقيم حياة الناس الا به. زي الرز زي الفول. كان ممكن نخش اللوبيا نخش فاصوليا. يخش معنا الحاجات اللي الناس عايشة عليها. حسب مجتمع يعني. ممكن تلاقي في مجتمع يخش معك يعني حاجات تانية. بس حسب الايه؟ حسب المجتمع. فاكرين نفس العلة دي قلناها فين؟ قلناها في الزكاة - 00:42:30ضَ

كانت نفس الفكرة يعني ما كناش عائزين نطول. بس انا بس عائز اوصل لك فكرة الاصناف دي ايه العلة اللي فيها. طيب احنا قلنا عشان العلة ان احنا الحاجات دي ما تلعبش - 00:42:50ضَ

يبقى ازا لازم يكون التعامل فيها بحزر. لما اتعامل بر ببر تمر التمر الشهير بشعير يبقى لازم يكون فيه شرطين المثلية والتقابل في نفس مجلس العقد. طب ما تقول لي طيب لو انا بقى بعت بر القمح - 00:43:00ضَ

هنا هيسقط شرط. ايه هو الشرط؟ المثلية. المثلية طبعا. مش ممكن اشترط المثلية. لكن هيفضل شرط اللي هو التفاوض. انا عايزك بس قبل ما قبل ما اقول لك الحتة دي في الحتة دي مهمة. افصل لي الدهب والفضة عن الستة التانيين - 00:43:20ضَ

لان الدهب والفضة لهم علة والستة التانيين لهم ايه؟ علة تانية. فهتكتب هتحط الدهب والفضة دول في دايرة وتكتب العلة السمانية وهتحط الباقي في دايرة وتقول العلة انه قوت يدخر. مدخر خلاص - 00:43:40ضَ

وكل واحد من الاصناف دي هتسميه جنس. الفضة جنس الدهب جنس. بر جنس. يبقى انا عندي كل واحد كل واحد هنا اسمه ايه؟ اسمه جنس. وفي مجموعة كده العلة فيها الايه؟ السمانية. وفي مجموع العلة فيها النقود - 00:44:00ضَ

دخل سهلة كده؟ طيب لو انا عندي الا واحدة. يعني انا في نفس العيلة نفس الايه؟ نفس الدايرة. لو انا في نفس الدايرة بس لو انا في نفس الدايرة والجنس واحد - 00:44:20ضَ

عندي شرطين. لو انا في نفس الدايرة ونفس الجنس يبقى عندي ايه؟ شرطين. يبقى عندي دايرتين. دايرة اسمها الثمانية ودائرة ماسكة كداب جنس الدهب. لو انا في نفس الدايرة في نفس الايه؟ الجنس هيبقى عندي شرطين. لازم يبقى مسلا مسل لازم يبقى ايه؟ تقابط في مجلس العقد - 00:44:40ضَ

الاحتمال التاني انا في نفس الدايرة بس اختلف الجنس. بقى دهب بفضة او فضة بجنيه او جنيه بدولار هنا يشترط شرط واحد وهو ان هو يكون تقابل في مجلس العقد ولا يشترط الايه؟ المثلية. تعال نخش في الدايرة التانية. نفس الكلام - 00:45:00ضَ

انا في الدايرة بتاعة الايه؟ العلة ودخلت في الجنس هيبقى عندي شرطين بر قمح القمح شعير بشعير هيبقى يشترط شرطين انا في نفس الدايرة اللي هي دايرة علة القوت والادخار بس هلعب جنسين مع بعض يبقى بر بايه؟ بملح هنا هيبقى شرط واحد - 00:45:20ضَ

اللي هو الايه؟ التقابض ويسقط شرط ليه؟ المثلين. تعال بقى لو لعبنا الايه؟ الكورتين الكبار مع بعض. انما لعبة تانية خالص دي. علة علة مع علة تانية هنا ما فيش شروط. لان ده موضوع وده موضوع تاني خالص - 00:45:40ضَ

خالص ما لهمش دعوة ببعض. ما يزعلوش بعض في حاجة. ده علته السمانية وده علته القدوة الايه؟ والاندخار. فلو دهب لا يشترط التماثل طبعا ولا يشترط التقوض في مجلس العقد. سهلة كده؟ يبقى احنا عندنا الاول - 00:46:00ضَ

سبناهم كرتين كبار. هنقولوا كورة مكتوب فيها العلة السمانية علة واحدة. السمانية والدايرة التانية العلة اللي هو قوت ايه؟ متبع حطينا في الدايرة بتاعة العلة الزمنية دي الدهب والفضة والدولار والدينار. حطينا في اللي هي علتهم القوت المدخر البر والشعير والرز والايه - 00:46:20ضَ

والكلام دوت. وقعدنا نلعب بقى. كل بقى كل ما واحد جوة الدايرة سميناه جنس. جنس الدهب جنس الفضة. لو مع جنس مع نفس الجنس هيبقى فيه شرطين تقابل المثلية. لو جنس مع جنس تاني بس في نفس الدايرة دايرة - 00:46:40ضَ

العلة هيبقى شرط واحد تقابط وهيسقط شرط الايه؟ المثلية يعني دهب مع فضة فضة مع جنيه. يعني انا لو ببدي العملة دلوقتي بدي الدولار بجنيه مشترتش المثلية طبعا بس يشترط ان احنا ايه في نفس ما ينفعش ادي لك النهاردة الف دولار تقول لي بكرة تجيب لي ليه؟ تجيب لي الفلوس ما ينفعش. ما ينفعش النهاردة اروح - 00:47:00ضَ

محل دهب اشتري يعجبني العقد اقول له طب اخد العقد واجيب لك الفلوس بكرة. ما ينفعش. ما ينفعش اشتري دهب بالتقسيط. لان لازم الايه تقابط بالكامل في مجلس العقد لا يجوز بيع الدهب بالايه؟ بالتقسيط. لان هنا يبقى ايه؟ هيبقى نفس العلة فلازم شرط الايه؟ التقابض في مجلس - 00:47:20ضَ

بيتباع كاش. ما ينفعش ايه؟ ما ينفعش للتقسيط. لكن لو بقى ده علة وده علة تانية خالص وبيلعبوا مع بعض. هنا ما فيش شروط. ده ببر فضة بقمح جنيه بتمر كل ده ما فيهوش شروط. ينفع تقسيط وينفع بكرة وينفع اجل وينفع عاجل ينفع اي حاجة - 00:47:40ضَ

لا مسلية ولا ايه؟ ولا تقوى. هو ده ربا الفضل. فهمنا ربا الفضل وايه؟ علل يعني بحاول اقرب لكم الصورة على قد ما نعمل. بس هو هنا هنا ايه انا قلت الكلام وهو قال كلام تاني قال علة الربا في هزه الاشياء الكيلو والوزن. انا قلت لكم ان في ناس قالوا ان هي دي العلبة. بس يعني انا بميل لان العلة مش الكيلو والوزن. هي - 00:48:00ضَ

ان هو ايه ان هو اكتر ان هو قوت يعني. قوت الا كيلو وزني هتدخل معه حاجات كتيرة على فكرة. القوت هي هتضيق الدايرة شوية. ان هو قوت مدخر يعني فيحرم التفاضل في كل ماكينة معظم. ربا الناسية ده بقى سهل بقى. اللي هو الزيادة مقابل التأخير. الزيادة مقابل الايه - 00:48:20ضَ

التأخير تأخير القبض. تقول لك والله اخر وهنزيد. تمام؟ سهلة ديت. فاليوم مثال شخص يبيع الف صاع من قمح بالف ومتين صنم القمح لمدة سنة. اول شيء بحط بدلها الف جنيه بالف ومتين هديهم لي كمان سنة. واخد بالك - 00:48:40ضَ

او حتى لو كان صورتها صورة بيع بس هو انا باع باع قمح قمح ما ينفعش قمح بقمح يتباع. لا بتفاضل ولا بتأخير اصلا. هو وقع هنا وقع في نوعين من الربا سبق التأخير والتفاضل. يعني باع قمح دلوقتي بقمح كمان سنة وبزيادة - 00:49:00ضَ

وقع في ربا فضل وربا نسيان. لكن احنا خلينا نحط الصورة السهلة. خد مية الف جنيه. هاتهم لي الف ومتين. بعد سنة. ده اسمه ربا ليه التحريم طبعا ده ايه؟ ده حرام وده اللي هو شبه ربا البنوك بالزبط. هو ربا البنوك هو دوت الايه؟ عشان كده بيقول وهذا الذي كان معروفا في - 00:49:20ضَ

اليوم هو الذي تتعامل به الملوك الربوية في هذا العصر. معلش يا شيخ ياسر انا الجزء الاولاني بتاع البلوك ده يعني لا ده لو عدته بقى طيب خلينا بعد الدرس نتمشى ماشي المسألة - 00:49:40ضَ

صور لبعض المسائل الربوية بيقول يتبين لنا من خلال تطبيق القاعدة الاتية وما اشتملت عليه معرفة ان كانت المسألة من مسائل الربا او هي من الصور المباحة وهذه القاعدة هي اذا بيع ربوي ده بقى هنا الكلام بيقولوه الكلام اللي انا قلته لكم. بيع الروي بجنسي. يعني ايه الربوي بجنسي؟ اللي هو احنا في الدايرة الكبيرة - 00:50:00ضَ

الدايرة الصغيرة ده بدهب. الربوي بجنسي. احنا قلنا الجنس ده. ايه الشرط؟ التقابض تساوي. سهلة دي اما اذا بعراب بورب من غير جنسه فيشترط فيه شرط واحد وهو التقابض اما التساوي فلازم شرط. بغير جنسي هنا ممكن - 00:50:20ضَ

تكتب كتابة حتة من غير جنس والعلة واحدة. والعلة واحدة اللي هي الدايرة الكبيرة اللي قلنا لازم يبقى جوة الدايرة الكبيرة هي بشرط واحد واذا بيع الربوي بغير ربوي جاز التفاضل والتفرق قبل الخط او ممكن تقول وازا بيع - 00:50:40ضَ

الربوي بغير جنسي مع اختلاف العلة. اللي هو الدايرتين مع بعض بقى. هنا ما فيش شروط خالص. جهاز الفضل والتفرق قبل القبض. بيقول له فيما يلي بعض السور احكامها باع مائة جرام دهب بمائة جرام من الدهب. بعد شهر هذا محرم - 00:51:00ضَ

لانهم لن يتقابلا في المجلس. تاني تاني صورة اشترى كيلو جرام شعير بكيلو جرام بر. جاز اختلاف الجنس لكن بشرط الايه؟ التقابض. بقى خمسين كيلو جرام بر بشاة جاز مطلقا. بعد البيع بر - 00:51:20ضَ

لمعزة ايه المشكلة يعني؟ اعملوا اي حاجة لا تقابل ولا ايه؟ ولا مسلية ولا حاجة. باع مائة دولار بمئة وعشر دولارات. لا يجوز. اقترض الف دولار على ان يعيدا بعد شهر او اكثر بالف ومتين دولار لا يجوز. باع مائة درهم من الفضة بعشر جنيهات دهب يدفعها بعد سنة. لا يجوز ان دول في - 00:51:40ضَ

نفس الدايرة يبقى فيه شرط اللي هو التخابط. اذ لابد من التقابض يدا بيد. لا يجوز بيع وشراء اسهم البنوك الربوية لانها من باب بيع النقد بالنقد بغير تساوي فلا تخوض. بيقول الباب الثالث في القرض ناخده بسرعة. المسألة الاولى ما هو القرض؟ خد بالك وخلى القرض باب ايه؟ مستقل. لان القرض - 00:52:00ضَ

ينقد كل اللي احنا قلناه دوت. ان القرض هو شيء بجنسه مع النسيئة وعدم التقابض. لكل الجيران اتهدم. انا دلوقتي هاخد منك كيلو دهب سلف. هرجعه لك كمان سنة كيلو دهب. بس كمان سنة. هنا في شرط وقع اللي هو شرط الايه؟ شرط التقابض في مجلس العقد - 00:52:20ضَ

بس انت لازم تفصل اصلا لان القرض عقد مستقل تماما. ما لوش دعوة بالكلام ده. لان القرض ليس بيع. مش بيع اصلا عشان نحط عليه شروط البيع. كل اللي فات ده اسمها شروط البيع. شروط البيع الايه؟ الاصناف الربوية. لكن ده قرض. القرض عقد. الشارع جعله عقد مستقل - 00:52:50ضَ

لان الحاجة اليه داعية. ولان ايه؟ لانه عقد في الرفق بين المؤمنين. وحياتهم يعني تحتاج الى الايه؟ الى الى الاقتراب فالشرع جعل الاقتراض حالة استسنائية. يقصد بها الرحمة بين المؤمنين. لان هي لا يقصد بها التكسب اصلا - 00:53:10ضَ

آآ فاليول القرض فعشان كده بنقول لك عقد القرض عقد مستقل هو عقد ارفاق ورحمة بين المؤمنين. دفع مال لمن ينتفع ويرد وهو مشروع ويدل عليه عموم الايات القرآنية والاحاديث الدالة على فضل المعاونة وقضاء حاجة المسلم وتفريج كربته سد فاقته واجمع المسلمون على - 00:53:30ضَ

جوازي. اه النبي عليه الصلاة والسلام استسلف او استلف من رجل بكرا. بكر يعني جمل صغير كده يعني. فقدمت عليه بالصدقة فامر ابو رافع ان يقضي الرجل بكره فرجع اليه ابو رفع فقال لم اجد الا خيارا رباعيا. رباعيا يعني يعني جمل عنده ست سنين وماشي - 00:53:50ضَ

سبعة انا اكبر من اللي هو خده. انا ما لقتش غير واحد كبير. فقال اعطه ان خيار الناس احسنهم قضاء. خد بالك ان النبي عليه الصلاة والسلام رد بزيادة. طب دي - 00:54:10ضَ

دي فيها مشكلة هنشوف بقى دلوقتي. ومن الادلة على فضل الاقراض قال عليه الصلاة والسلام ما من مسلم يقرض مسلما قرضا مرتين الا كان كصدقتها مرة. يعني انا لو سلفت - 00:54:20ضَ

مسلا الف جنيه. وبعد كده بعد فترة سلفتك الف جنيه نفس الالف رجعتها لي سلفتها لك تاني. فكأني اتصدقت بكام؟ بالف جنيه. يبقى ازا القرض مرة كأنك تصدقت بنص ايه؟ نص القرض دوت حتى لو رجع لك كامل. ما بالك لو ما رجعلكش يبقى الاجر اكبر بكتير. طب لو اه سامحته - 00:54:30ضَ

ده الاجر اكبر بكتير جدا. عشان كده ربنا قال لنا ايه؟ قال وآآ فنظر الى سارة وان تصدقوا خير لكم ان كنتم تعلمون. ما حدش يعرف بقى اجر السن اللي بيعرفه دوت ايه؟ ازا كان لو انا اديتك الف جنيه ورجعتها لي في الوقت اللي احنا اتفقنا عليه يبقى كاني اتصادفت بكام؟ بخمسمية جنيه. متخيل - 00:54:50ضَ

ده رجعتها لي وفي الوقت. لو اخرت باخد اجر اكبر. لو اسقطت بقى عنك جزء ده هيروح الاجر اكبر بكتير. ولا بقى عفيت عنك خالص لا دي بقى حاجة ما تتحسبش. ما حدش يعرفها الا ربنا سبحانه وتعالى. المسألة التانية بيقول بقى هنا احكام بقى. لا يجوز للمسلم ان يقرض اخاه بشرط - 00:55:10ضَ

ان يقرضه بعد ذلك اذا رد عليه قرضا. لان المقرض اشترط نفعا وكل قرض جر منفعة فهو كان يسكنه داره مجانا او رخيصة او يعيره دابته او اي شيء اخر او غير ذلك من المنافع. فان جماعة من اصحاب النبي عليه الصلاة والسلام افتوا بما يدل على - 00:55:30ضَ

اجماع في اجماع انك خلي بالك كل قرض جر نافع فواربة ده مش حديس بس ديت آآ قاعدة مجمع عليها عند الفقهاء. اجماع الفقهاء على القاعدة ديت. عشان كده نفع القد مش ضروري يكون الف جامد الف ومية. ممكن انا - 00:55:50ضَ

يقول لك هسلفك الف جنيه بشرط تسلفني عربيتك. تقول لي ماشي. ديرما ان انا كده القرض جلب لي ايه؟ نفع. انا قلت لك بشرط تسيب لي فيلتك اللي في الساحل يومين كده اقعد فيها شوية. طب ما هي هي - 00:56:10ضَ

ما هي انا بؤجرها اصلا بكزا وكزا. بشرط ان شاء الله حتى قلت له بشرط توصلني بعربيتك تروحي. لا ما تطلبش منه اي حاجة خالص اوعى قلت له مش انا سلفتك؟ يلا بقى ما تقولوش حتى روحني بعربيتك. يعني تتورى عن زلك. تخشى ان يكون ده بردو من ايه؟ من النفع. هو عرض عليك اهلا وسهلا - 00:56:30ضَ

انا ما عرضتش عليك انت ما تطلبش اي حاجة. اه لزلك النبي عليه الصلاة والسلام نهى عن عن بيع وقرض. يعني ايه بيع وقرض؟ يعني انت تقرض واحد بشرط ان يشتري منك - 00:56:50ضَ

يعني واحد تاجر آآ اتنين تجار مسلا. فقال له انا عايز منك آآ قرض. قال له ماشي بس تبقى تشتري من من عندي بقى. قال له ماشي عنيا لك انت راجل - 00:57:00ضَ

طيب هشتري من عندك. فلما جه يشتم عنده غلى عليه شوية عشان هو كده كده قال له اشتري من عندي فغل عليه وهو مطمن. فكده هو انتفع بايه؟ بالزيادة ديت - 00:57:10ضَ

هيبقى برضو استفاد. فما ينفعش يشترط عليه اي شيء. حتى لو اشترط عليه انه تعال اشتر من محل عندي. عشان انا راجل طيب وسلفتك. ما تشترطش اي حاجة. ده عقد انت بترجو به الثواب فقط. ولا ايه خلينا نصبر على القرض الا الثواب. لان القرض هو مخاطرة بالمال في الحقيقة - 00:57:20ضَ

انت عارف لو الراجل ده قاصد ما تقدرش تعمل معه حاجة. القضية بقى ولا الكلام بتاع المحاكم ولا الكلام ده. وان كان ذو عسر فالنزر الى ميسرة. ما تقدرش تعمل له حاجة. لو فلس ما تقدرش تعمل له حاجة - 00:57:40ضَ

ولو حاولت لو حاولت تسجنه انت اللي تأثم. ان انت في الاصل العقد ده عقد رفق ورحمة. عامله انت عمل صالح زي واحد اللي بيأذن زي اللي بيصلي. يعني حاجة كده عبادة - 00:57:50ضَ

ما ينفعش انك انت تحولها معاملة بقى ايه قضية وارفع عليك قضية والكلام دوت الا لو كان مماطل معه ومش سدد ساعتها تروح تشتكي للقاضي وتثبت ان هو مماطل ويجيبوا لك حقك مش مشكلة بالحجر او بأي حاجة. او تأخذ عليه شيك مثلا عشان لو اضطريت تحتاجه في وقت - 00:58:00ضَ

لكنك انت تأذيه وهو معسر. او هو غير قادر يحرم عليك. لازم انك انت تنزره فنزرة الى ميسرة. والله بقى للابد فاذا هي مخاطرة بالمال. المخاطرة بالمال دي قصادها هي قصادها اجر كبير جدا جدا. انت لا تتخيله. فلزلك لابد نفهم ان عقد القرض عقد رفق كده - 00:58:20ضَ

عشان كده ما ينفعش الانسان يشترط عليه اي منفعة. لان هو بالفعل اخد منفعة ضخمة جدا. وهي من يسر على معسر يسر الله عليه في الدنيا والاخرة. من عن مسلم كربة من كرب الدنيا فرج الله عنه كربة من كرب يوم القيامة. انت خدت كتير قوي. خدت كتير. ان يكون المقرض جائز تصرف. بالغ - 00:58:40ضَ

عاقل رشيد. فدي مفهوم. ليس للمقرض ان يشترط زيادة في ماله الذي اقرضه. هنا لا نفع ولا زيادة بقى مادية دي مفهومة. ما يقولوش بقى رجع لي ان زلك من الربا فلا يجوز له اخزها بل يقتصر على المبلغ الذي دفعه المقترض اولا طب ما الباء النبي عليه الصلاة والسلام رجع الجمل بزيادة؟ اه يقول لك اهو بقى اذا رد - 00:59:00ضَ

على المقرض احسن مما اخز منه او اعطاه زيادة دون شرط او قصد صح زلك لانه تبرع من المقترض وحسن ويدل عليه حديس ابي رفع السابق. يعني انت صليت واحد الف جنيه من غير ما الشرح؟ قلت له الف جنيه تجيبها لي كمان شهر؟ قال لك ماشي. جالك جاب لك الف جنيه جاب لك هدية جزاك الله كل خير والله - 00:59:20ضَ

اهبل عادي. انت لا اشترطت ولا اتفقنا عليها. ممكن تقبل منه عادي. هو لوحده والله استلفت منه زي ما قال لك كده حصان صغير رجع لك حصان كبير. جزاك الله خيرا والله. احسن الناس احسنهم قضاء. النبي عليه الصلاة والسلام كان احسن الناس. احسن الناس قضاء. اللي يسلفه حاجة يرجعها له بزيادة. انا بقى عملت ده تبرع مني - 00:59:40ضَ

ده انت اشترطت ولا اتفقنا عليه ولا كان ضمني حتى. عشان كده حتى العلماء احتاطوا يقول لك لو الراجل ده دايما بيرجع بزيادة ارفض بعد كده ان كده هتتعود انت منه على الزيادة هتبتدي تقرضه وايه واحنا فاهمين ان انت ايه بترجع بزيادة انت راجل حلو انا هقرضك كل مرة. فلو - 01:00:00ضَ

قابلت مرة او مرتين بس اقف على كده. قل له انا اسف ما اقبلش ايه؟ عشان انت نفسك لما تقرده بعد كده تبقى نيتك ايه؟ سليمة. لان انت لو اتعودت ان هو بيزيد انت نفسك هتنتوي وانت بتديك - 01:00:20ضَ

كيلو النخيل الراجل ده بيرجع بايه؟ بزيادة. فاقبل مرة مرتين وبعد كده اقول لا انا اسف مش مش هقبل زيادة بعد كده. بس احتياطا يعني. ان يكون المقرض مالك لما يقرضه ولا يجوز ان يقرض ما لا يملك. طبيعي من المعاملات الربوية ما تقوم به البنوك في وقتنا الحاضر من عقد قروض بينها وبين ذوي الحاجات. فده - 01:00:30ضَ

مبالغ من المال نزير فائدة محددة تأخذها زيادة عن مبلغ القرض. اللي هو الايه ان انا بحط فلوسي في البنك. باخد زيادة. او يتفق البنك العكس مع المقترض اللي هو اللي بيقترض ده على قيمة القرض. يقول له والله نديك مية الف ترجع لنا مية وتلاتين. سم يدفع له البنك او بقى العكس يدي له - 01:00:50ضَ

يقول له هتاخد مني ميت الف؟ اه. هديك تمانين وترجع مية. يعني مش مش يدي له مية ويقول له رجعه مية وتلاتين مسلا. يقول له لا انت عايز كمية هندي لك تمانين وترجع مية. هي هي يعني. فبيقول هنا يدفع له البنك اقل من القيمة المتفق عليها. على ان يردها للمقترض كاملا. فمازا لم يطلب - 01:01:10ضَ

وبالمقترض من البنك مبلغ مائة الف فيعطي له البنك ثمانين الفا ويشترط عليه ان يردها مائة وهذا من الربا المحرم. نكتفي هذا القدر اقول قولي هذا واستغفر الله - 01:01:30ضَ