باحث

الحمد لله واشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم اما بعد النهاردة بازن الله تعالى موعدنا مع الباب الخامس في الحدود وهو اه الكلام عن حد - 00:00:00ضَ

السرقة ومعنا الباب السادس هيبقى فيه التعزير. هنشوف يعني ايه التعزير لما نوصل اليه ان شاء الله. طيب اه حد السرقة لازم في الاول نعرف ايه هي السرقة لان انواع اخز المال مش كلها واحد. لكن الحد في السرقة. طب ايه هي السرقة - 00:00:20ضَ

بيقول لنا السرقة في اللغة الاخذ خفية. الاخز ايه؟ خفية. عشان كده الشيطان ايه؟ يسرق ان في الصلاة ياخد منك ايه؟ ثواب بياخد منك الخشوع. اي اخذ خفية بيتسمى ايه؟ سرقة. لكن شرعا اللي هي الحاجة اللي بيترتب عليها - 00:00:46ضَ

العقوبة هو اخذ مال الغير خفية ظلما من حرز مثله بشروط معينة على ما سيأتي باله ان شاء الله. طبعا اخذ مال الغير. لان الانسان اه قد تأخذ مال ثم يتبين بعد ذلك انه كان يظن مال نفسه. فيكون دي شبهة تمنع ليه؟ تمنع اقامة الحد مسلا. اختلط عليه مسلا اه - 00:01:06ضَ

الدرج ودرج غيره وبتاع. يعني لو سبت ان هو كان اخده بيزن ان هو ما له. فدي شبهة تدرأ عنه ليه؟ الحد. لكن هو خلاص يقينا ده كان مال الغير. دي نمرة واحد. خفية على سبيل الخفية. يعني ما خدوش علنا. ما خدوش قدامه. ما خدوش منه - 00:01:36ضَ

سرقوا منه كده شده من ايده وجري مسلا. لأ انما الموضوع تم خفية. من غير ما هو هو الراجل مش مدي خيانة خوانة زي ما بنقول كده. لو اخدوا من عنوة ولا خدوا منه وجري مسلا ولا خدوا قدامه خفيا. هو ما حدش حاسس به خالص - 00:01:56ضَ

ظلما ان ممكن انسان يأخذ مال الغير خفية بس ما يبقاش ظلم. مثلا اخذ حقه المرأة مسلا لما جوزها بخيل وهتاخد من فلوسه آآ علشان تصرف عليه نفسها وعلى ولادها - 00:02:15ضَ

النبي عليه الصلاة والسلام لما اشتكت هند من بخل ابي سفيان قال خذي ما يكفيك وولدك بالمعروف. فاكيد هي هتاخد من الدرج بتاعه او من جيبه خفية بس هنا مش زلم. لان دوت حقها المفروض ان هي ايه تاخده. فلو واحد قدر يوصل لحقه عند حد - 00:02:33ضَ

وخده ما يبقاش سارق. ده بتاع حقه وهو متأكد ده بتاعه. التاني بيجحده او اخده منه فهو قدر ان هو بطريقة ما ايه؟ يسترده. فدي سرقة بالصوم ما خدش ما ظلموش ان ده حقه اصلا فما فيش ظلم في حاجة زي كده. او ان الحاكم نفسه يأخذ مال الغير بس مش ظلم - 00:02:53ضَ

كان يكون عقوبة معينة او ان هو بيحجر عليه او بيسترد مال ايه لناس اه اه ديون او كده عليه ديون لناس ويجحدها فالحاكم اخد ماله بس ايه بس مش هيبقى في الحالة دي زلم. المهم ان انت بتاخد مال الغير مش مالك ولا في شبهة انه مالك - 00:03:13ضَ

آآ خفي مش علنا ظلما ما فيش لك وجه حق انك انت تاخده ولا فيه شبهة ان هو كان لك وجه حق ان هو يكون ايه ان يكون لك حق فيه زي ايه هند مع ابي سفيان رضي - 00:03:31ضَ

رضي الله عن الجميع. من حرز مثله. خد بالك كل كلمة ضابط. كل كلمة ضابط. من حرز مثله. يعني ايه من حرز؟ ايه الحرز ده؟ الحرز الحاجة بتتشال فيها. انا بشيل حاجتي في حاجة. الحاجة دي اسمها ايه؟ حرز - 00:03:47ضَ

حرز بتعمل حرز للموضوع ده بتحميه يعني بتحفظه. فالسرقة ما تتسماش سرقة الا لو كانت ايه؟ من حرز يعني ايه من حرز مثله؟ يعني لو واحد سرق فلوس من دولاب مسلا من خزنة ده اسمه - 00:04:04ضَ

حرز لكن لو فلوس كده كانت على الترابيزة وخدها ومشي حتى لو خوف يعني ما حدش حس به دي مش سرقة. مش السرقة اللي يترتب عليها الحد دي ما اسمي تاني هنقوله. مش هتبقى اسمها السرقة التي تستوجب الحد - 00:04:24ضَ

لان هي الفلوس ما كتش محفوظة. كانت قدام كان الواحد سايبها. حتى لو خدها خفية. يعني الناس مشيوا وبتاع ولقوا فلوس على الترابيزة في الخداسة كده راح ايه؟ حاططها في جيبه. دي - 00:04:40ضَ

فش سرقة مش هيقطع لو اتقبض عليه مش هيقطع ايده هيتعاقب بس مش هتقطع ايده لان دي مش السرقة الايه؟ اللي في الشرع. السرقة اللي في الشرع لازم تكون من - 00:04:50ضَ

حرز. يعني لو سرق فلوس يكون سرقها من دولاب من خزنة من درج مقفول عليه كده بتاع. لو سرق مثلا ماشية يسرقها من حظيرة. لكن لو لقاها في الشارع وصاحبها متغفل فراح خدها وجري دي مش سرقة. يبقى لها حاجة تانية. لكن سرقها من الحزيرة. ده - 00:05:00ضَ

حرز مثلي يعني ده كلمة حرز مثلي. ما هو اكيد البقرة تتحط في الدولاب. يعني ما فيش حاجة اسمها حرز وخلاص. حرز كل حاجة بحسب الحاجة ديت حرز الاموال دواليبه الادراج خزن. حرز البقر والماشية حظيرة والساعة مستودع ومخزن اي حاجة - 00:05:20ضَ

حرز مسل الاقمشة الدواليب والادراج وكده. حرز مثلا آآ نقولوا ايه مسلا؟ يعني هو عموما ايه حسب المسروق كل مسروق له ايه؟ له نوع من ايه؟ من الحرز المعين اللي بيتحط فيه. فلو ثبت ان السارق ده اخد - 00:05:40ضَ

من الحرز اللي معتاد الحاجة دي تتحط ايه؟ فيه يبقى هي دي السرقة المقصودة شرعا. طيب طبعا بشروط معينة عايز يقول ايه الشروط؟ شروط اللي هي القدر بقى. سرق ايه؟ هنشوف بعد كده ان ما فيش حد او ما فيش قطع فيما هو دون ربع دينار. يعني لو سرق حاجة بسيطة مش اتقطع - 00:06:01ضَ

طيب طبعا كل ده بنقول اي شرط من دول حصل فيه خلل الفكرة ان احنا مش هنقطع الايد لكن هنعاقبه برضه. بس عقوبة مش قطع يد هتبقى تعزير بقى زي ما هي دي في التعزير اللي جاي ده. التعزير هي عقوبة غير مقدرة شرعا. بلاش تقدير معين. انما الحاكم - 00:06:21ضَ

ان بيرى الانسب ويعمله. تبقى قد ايه ما لهاش تقدير معين حسب ما يرى الحاكم. فمن الحاجات اللي فيها تعذير اي عملية اخز مال ما توفرتش فيها شروط السرقة هتبقى جريمة لكن ما فيهاش ايه؟ ما فيهاش قطع يد. ما فيهاش حد. انما فيها ايه؟ تعزير. يعني عقوبة اخرى بس غير - 00:06:41ضَ

النضارة اهي شرعا لما يراه الحاكم. مثال مسلا احنا قلنا السرقة عرفنا معناها. الغصب ايه هو الغصب؟ الغصب غير السرقة. الغصب اخز المال علانية قهرا. غصب انت قاعد كده رحت انا زقيتك وخدت الحاجة وجريت. ده اسمه ايه؟ غصب. الغصب ده جريمة. لكن ما فيهاش حد - 00:07:06ضَ

فيها عقوبة تانية بما يقدره الحاكم جلد حبس فلوس ياخد منه عقوبة مالية بما يراه يردعه ويكون فيه ادع لي يعني. تمام؟ فده مسال على صورة. طب ايه الفرق بين السرقة؟ ان دي ما كانتش خفية. انما كانت علانية. ديت - 00:07:31ضَ

مش من حرز انا واخدها من ايده. فديت اختلف في الغصب عن السرقة في ايه؟ ان هو ان هو ان هو ايه علانية مش خفية ان هو مش من حرز مسلا. طيب - 00:07:51ضَ

اه مثلا اه في في في مسلا الجحود ده نوع من الايه؟ ده نوع من اخذ المال. انك انت مسلا حد ساب عندك وديعة؟ وبعد كده جهزتها ما خدش منك حاجة. دي جريمة برضه. جحود جريمة. لكن ما فيهوش ايه؟ ما فيهوش حد. الا جحود العارية - 00:08:05ضَ

العارية اللي هي الايه؟ السلف يعني. يعني واحد بيستلف حاجة من الناس وبعد كده بينكرها. فديت تعتبر سرقة لان دي سبت فيها دليل ان المرأة المخزومية اللي النبي عليه الصلاة والسلام قطع ايديها كانت بتعمل كده - 00:08:31ضَ

ما كتش بتسرق كانت بتستلف من الناس حاجات وكانت تنكرها. تقول ما خدش منكم حاجة. فلما ثبت عليها كده النبي عليه الصلاة والسلام قطع ايه؟ ايديها. الناس اشتكت طبعا طب تقول لي ايه الفرق انت قلت لنا لو واحد - 00:08:51ضَ

اديته وديعة مجحدها دي جريمة بس ما فيهاش ايه؟ حد. وديعة انا اديتها لك خد دي شلها عندك امانة. وقلت لي ماشي. جيت بعد كده قلت ما خدش منك حاجة. لو سبتت الجريمة ديت هتعاقب بس مش هتتقطع ايدك. لكن لو انت قلت لي سلفني حاجة. وبعد كده انت جحدتها - 00:09:08ضَ

فيها قطع يد دي بقى. ايه الفرق بين الاتنين؟ الفرق بين الاتنين ان الاولانية انا اللي اديتك لمصلحتي انا انا عندي جزء من الخطأ ان انا اديتك عشان كده قالوا ايه؟ ما خان امين قط لكن - 00:09:28ضَ

ائتمن من ليس بأمين ما خان امين قط في سعاد امين يخون. انما انت غلطان انك انت حطيت فلوسك عند واحد مش ايه؟ مش امين. فعشان كده لما كان في جزء من اللوم عليك - 00:09:49ضَ

اتخففت العقوبة عن الايه؟ عن الجاني نفسه وكمان علشان الناس ما تخافش تاخد ودائع. افرض انا خدت منك وديع ونسيتها فعلا. قلت لك ما ما خدتش منك حاجة. فقعد يخاف ينسى يلبس - 00:10:02ضَ

كريمة اتقطع ايده فيقول لك لا مش هاخد من حد حاجة. فعشان الشريعة برضه تسهل الناس تقبل الودايع ما خلتش في جحود الوديعة نفسه ايه حد اقصى حاجة يبقى اخوها بس مش حد - 00:10:16ضَ

لكن السلف موضوع تاني انت اللي بتستلف مني واتكيت علي وضغطت علي يعني وبالليل بالسياسة كده لغاية ما خدت مني الحاجة لمصلحة نفسك انت وبعد كده تكحدها كمان يبقى ديت هتختلف هيبقى فيها ايه؟ حد. وعلشان الناس اه ما ترفضش الايه؟ ان هي تسلف. لما يعرفوا ان العقوبة شديدة جدا على اللي - 00:10:29ضَ

واحد حاجة سلف هسلف عادي وانا مطمن الشريعة بتحميني الموضوع ده هتجيب لي حقي بقوة. واللي استلف هيخاف ما يرجعش. لان عارف ان الشريعة السلف بالزات هتقطع ايدك لو انت انكرت اللي استلفته. آآ فديت ايه صورة صورة من الايه؟ الصورتين اهم جحود. ده - 00:10:52ضَ

الاولانية اسمها جحود الوديعة. ده ما فيهوش حد فيه تعزير. التانية اسمها الجحود العارية اللي هي السلف ده فيه عقوبة لان الدليل سبت فيه بتاع المرأة الايه المخزونية دوت. وزي ما قلنا في حاجة اسمها الغصب. الغصب ان انا ايه واخد ايه؟ قهر. وفيه حاجة اسمها ايه؟ اه النهب. النهب ان انا - 00:11:12ضَ

الغصب ان انا خدته قهر ايه الفرق بين العزم والنعم؟ الغصب ان انا خدت منك قهر كانت في ايدك ان انا شديتها وزقيتك ده اسمه ايه؟ النهب انا ما قهرتكش هي كانت موجودة وكل الناس شايفة. رحت انا خدتها وجريت. ده اسمه ايه؟ نهم - 00:11:32ضَ

اللي هو قدام الناس كلها خدت حاجة وجريت. بس انا ما ضربتش حد ولا ازيت حد ولا قهرت حد. هي الحقيقة كانت متاحة اصلا. فده اسمه ايه؟ اسمه نهب. خدت كده واجري - 00:11:52ضَ

فيعني دي صور مختلفة كلها شكلها ايه؟ اخذ مال. لكن آآ حصل في الصور التانية اللي هي غير السرقة. ان في شرط ما توفرش. طب تقول لي طب اشمعنى يعني؟ يعني ممكن احيانا يكون غصب اسوأ من السرقة ده في زنك انت - 00:12:02ضَ

لا لكن لو ركزت هتجد ان اسوأهم على الاطلاق السرقة. ليه؟ اولا لان هي فيها خيانة جامدة جدا اللي هي اتاخدت خفية وفيها ان هي اتاخدت من حرز يعني هو انا عملت اقصى درجات الحماية وبرضو انت خدت. طب اعمل ايه تاني؟ عشان احمي نفسي. يبقى الشريعة - 00:12:19ضَ

دخل علشان تحميني. لان انا عملت اللي علي انا جبت اخري خبيت الحاجة وحطيتها في حرزها. فانت دخلت وخفية وفتحت الحرز وخدته. طب انا اعمل ايه تاني؟ يعني انت واصل اقصى درجات - 00:12:46ضَ

عدم اللوم هل ما فيش اي عتاب عليك. يبقى ازا الجاني لازم هيشيل الشيلة كلها هتبقى العقوبة عليه اقصى عقوبة. لان المجني عليه ما عندوش شبهة تقصير حد. مال وخباه وفي حرز. اعمل له اعمل ايه تاني طيب - 00:13:02ضَ

ازاي احمي فلوسي اكتر من كده فبالتالي لو حد جه سرق بقى على الوضع ده لازم الشريعة تروح مع اقضاه اقصى عقوبة ممكنة ان بكده انت ايه كده انت الناس تخاف بقى. يعني كمان انا مش هطمن على فلوسي. حتى لو في حرز - 00:13:20ضَ

يبقى لازم الشريعة تدي عقوبة قاسية جدا. او قوية يعني. آآ والا فالعقوبات رحمة زي ما احنا قلنا. لكن العقوبة قوية علشان الجاني نفسه وصل لاقصى درجات الخيانة انت عارف المال حتى لو غصب اديك انت كان قدامي فقدام عنينا يعني يمكن انا قصرت شوية نطلع الحاجة قاعد قدام الناس كده فرجهم عليه - 00:13:36ضَ

ماسك موبايلي ومستهتر. سبته ومشيت ورجعت. حاطط فلوس كتيرة في قدام الناس. يعني ممكن تبقى انت ايه؟ نقول لك يعني انت يعني ما تخلي بالك يا اخي على حاجتك يعني. ما تمسكها كويس. ما تحطها في جيبك. تحطها في شنطة. يعني ممكن يبقى في شيء من الايه؟ من التقصير عندك يعني - 00:14:01ضَ

وكمان تبقى هي مغرية ما هي حاجة قدامي يعني ما واحد سارق وحاجة قدامه هياخدها لكن انا مخبيها يعني اصلا ما فيش دافع انك انت تاخدها. ده انت ما شفتهاش الا لما وصلت لها. انت داخل ما تعرفش ان في حاجة - 00:14:19ضَ

يعني ازا انت محقق اقصى درجات الاجرام. وبالتالي الشريعة زلك اما تتصورها ان انت خفية وحرز كمان. يبقى دوت يدل ان قال ايه ان دي اسوأ جريمة فيهم. وان كان شكل ممكن واحد حاجة زي الغصب شكلها وحش او قهرتني وزقتني وبتاع. مش اوحش من السرقة ابدا. ان هي على الاقل دي على - 00:14:32ضَ

وقدام الناس ويمكن انا قصرت شوية وقاعد انا بوري الناس وماسك مش عارف ايه ولا الاخت ماسكة الدهب في ايديها ولا حاطة مش عارف ايه فواحد شد منها ذهب وجريناه قدام الناس كلها والحال زي الناس تعبانة وبتاع وممكن واحد يخش يسرق وخلاص هيشد السلسلة من رقبتك ويجري - 00:14:52ضَ

فلازم انت على الاقل كنت تعمل احتياطك انت ماشي في منطقة مش امان ما تمشيش بالسلاسل باينة. ما تمشيش بالاساور باينة غلطانة. هنقول لك عندك جزء من الغلط. يبقى انا ايه الشريعة فرقت بين ان ان الجريمة كلها يشيلها السارق بدون اي - 00:15:12ضَ

تقصير من المسروق وبين المسروق كان ده يمكن حتة تقصير فخففت دي عن الايه؟ عن السارق شوية. وطبعا زي ما قلنا جريمة السرقة هي ابشع جريمة فيهم. ان هي اشتملت على اقصى درجات الخيانة - 00:15:29ضَ

وخرقت اقصى درجات الامان. فلم يبق للمسروق شيء الا ان الشريعة تبتدي تتعامل بنفسها بقى عشان تحميه. انا ما عنديش حاجة تانية اعملها المرة الجاية هعمل ايه؟ هعمل نفس الحاجة. هحط في نفس الحرز. مين هيحميني بقى؟ هي تيجي الشاسيه في الشريعة ييجي يقول لك ما تقلقش احنا هنحميك. هنقطع ايد اللي يعمل معك كده. وبالتالي الناس - 00:15:46ضَ

يعني ممكن ناس تنهب وما تسرقش. يعني ايه؟ يبتدي حتى السرقة دي على الاقل الناس لما تعمل اللي عليها ما تخافش تبقى شغلانة خدت بالك من الفكرة؟ تمام. يبقى آآ بعد كده بيقول لنا حكم السرقة بقى. السرقة حرام طبعا - 00:16:06ضَ

انه اعتداء على حقوق الاخرين واخز اموالهم بالباطل. وقد دل على تحريمها الكتاب والسنة والاجماع. طبعا في اجماع على حرمة السرقة. والكتاب طبعا والسارق والسارقة ايديهما جزاء بما كسبا نكالا من الله والله عزيز حكيم. فمن تاب من بعد ظلمه واصلح هذا وصف للسرقة بانها ايه - 00:16:25ضَ

واما السنة فقول النبي عليه الصلاة والسلام لعن الله السارق يسرق البيضة فتقطع يده ويسرق الحبل فتقطع يده. غير ذلك من الاحاديث في تحريم السرقة والتنفيذ منها. اما قول النبي عليه الصلاة والسلام يسرق البيضة فتقطع يده ويسرق الايه؟ الحبل فتقطع يده. فقيل فيه اقوال لان طبعا البيضة - 00:16:45ضَ

اقل من ربع دينار كمان شوية ان ما فيش حاجة اسمها قطع في اقل من ربع دينار لو حاجة سرق حاجة بسيطة هنعاقبه بس مش هنقطع ايده طب ازاي بقى يسرق البيض فايه؟ تقطع يده. قيل فيها قولين. قول الاشهر يعني ايه؟ الاقرب والله اعلم ان المقصود ان انه يسرق البيضة - 00:17:11ضَ

ثم يعتاد السرقة ويبتدي يتدرج في السرقة الى ان يسرق ما يستحق به قطع اليد. كان النبي عليه الصلاة والسلام بيحزر من ايه؟ الانسان يتدرج ويستسهل المعاصي الصغيرة فتروح المعصير جاي من المعصية لغاية ما يسرق حاجة تتقطع فيها ايه؟ ايده. يبقى دي ايه؟ ده المعنى الاول. وبرضه نفس الحبل يسرق حبله وبعد كده يسرق الايه - 00:17:31ضَ

ما هو اكبر من الحمل؟ قيل قول تاني ان البيضة هنا المقصود بها بيضة المقاتل الخوزة يعني بتاعة المقاتل ودي غالية دي اصلا داخلة معنا في في عدة الايه؟ عدت آآ الحد بتاع السرقة. وقيل الحبل اللي هو الحبل الضخم يعني زي حبل السفينة - 00:17:54ضَ

والله تعالى اعلم يعني فيعني ده معنيين. المهم ان هو الفكرة ان هو المهم سرق او هيسرق حاجة تستوي. لكن هو عمره ما هيتقطع ايده في سرقة بيضة. ولا حبل صغير طبعا - 00:18:13ضَ

قول النبي عليه الصلاة والسلام لا يسرق السارق حين يسرق وهو ايه؟ مؤمن. دل على ان السرقة ظلم. ان دماءكم واموالكم حرام عليكم يبقى ازا المال الاصل ان انا مال غيري حرام علي - 00:18:26ضَ

ما هو الحد؟ يجب على السارق قطع اليد؟ رجلا كان او امرأة سواء خلاص. لقول الله تعالى والسارق والسارقة فاقطعوا ايديهما جزاء بما كسبا نكالا من الله. والله عزيز حكيم - 00:18:43ضَ

ولحديث عائشة رضي الله عنها قالت كان رسول الله صلى الله عليه وسلم يقطع في ربع دينار فصاعدا. يعني ايه ربع دينار بقى؟ الدينار يساوي كم؟ الدينار يساوي اربعة جرام وربع دهب. عيار اربعة وعشرين - 00:19:01ضَ

اربعة جرام وربع دهب عيار اربعة وعشرين. يعني ازا ربع دينار حوالي جرام دهب. حوالي جرام دهب دلوقتي الجرام الواحد وعشرين بكام؟ سبعمية مسلا. يعني نقوله مسلا الف جنيه. مسلا يعني - 00:19:16ضَ

الف جنيه فصاعدا في زمنا دوت. فلو كانت السرقة في حدود الالف جنيه هتقطع اقل من زلك يعني مش هتقطع ايه؟ اليد ولحديث عائشة رضي الله عنها ايضا قالت ان قريشا اهمهم شأن المرأة المخزومية. كانت مخزومية يعني من بني مخزوم. ودول ناس لهم وجاهة - 00:19:35ضَ

طرف فيه في العرب يعني. فالست كانت يعني شريفة بس كانت عندها طبع وحش اوي. مع انها غنية يعني. تاخد من الناس تستلف وتقول لهم ما شفش ما خدش منكم - 00:19:55ضَ

في ناس كده تحس يعني ناس غريبة فهو غني ما عندوش مشكلة. بس هو عنده حتة البخل حتة الاستحواذ حتة الجحود ديت ما تعرفش هي كان فيها الطبع دوت. التي سرقت. هي ما سرقتش. هي في الحقيقة كانت بتستلف وتكحت. فعشان كده قلنا ان السلف مع الجحود داخل معنا في الايه؟ في الصرخة. الدليل ده اللي - 00:20:05ضَ

شفع فيها اسامة بن زيد طبعا لما الناس لقوا اسامة اقرب واحد للنبي عليه الصلاة والسلام بيحبه اوي وبتاع فقالوا له يعني وكده وما كانوش يعرفوا ان ده حرام. فراح اسامة زيد شافع في المرة المخزومية فغضب النبي عليه الصلاة والسلام قال يا اسامة اتشفع في حد من حدود - 00:20:25ضَ

يا اسامة يعني ويم الله لو ان فاطمة بنت محمد صرخت لقطعت يدها. فده لزلك على ان القطع هو الايه؟ عقوبة الايه؟ السارق قال انما اهلك من كان قبلكم انه اذا سرق فيهم الشريف تركوه. واذا سرق فيهم الضعيف اقاموا عليه الحد. وبعد كده - 00:20:45ضَ

امر بتلك المرأة التي سرقت فقطعت يدها. واجمع المسلمون على تحريم السرقة وعلى وجوب قطع يد السارق في الجملة في الجملة. طيب اه نكمل طيب بيقول لنا الحكمة من اقامة حد السارقة. خلاص احنا فهمنا احترم الاسلام المال واحترم حق الفرد في الامتلاك. وحرم الاعتداء على هزا الحق بسرقة او - 00:21:05ضَ

او غش او خيانة او رشوة او غير زلك من وجوه اكل اموال الناس بالباطل. ولما كان السارق عضوا فاسدا في المجتمع. اذ لو وترك لسرى شره وعم خطره وضرره. شرع الاسلام بتر هزا العضو الفاسد عقابا لهزه اليد. على - 00:21:34ضَ

ظلمها وعدوانها وردعا لغيره عن اقتراف مثل هذه الجريمة وصيانة لاموال الناس وحقوقهم. طبعا في السرقة بالزات بيبقى فيه ردع عنيف جدا للمجتمع لان السارق تقطع يده فكل الناس بتشوف الموضوع دوت فيحصل ردع شديد جدا للناس تخيل انت طب شفت ايد واحد بس اتقطع خلاص عمرك هتفكر - 00:21:55ضَ

حياتك انك انت ايه تسرق ابدا. واخد بالك؟ لزلك النبي عليه الصلاة والسلام قطع ايد واحدة بس. فكله كله كله ارتدع رغم ان السرقة كانت في العرب يعني مش مش ما كانوش كويسين في الموضوع دوت يعني. لكن ده رادع كان رادع شديد جدا. طلع الايمان بالله طبعا اللي هو اصلا رضعهم من الايه؟ من البداية - 00:22:18ضَ

لكن هنا آآ بيقول ان عوقبت اليد دي على ظلمها. من الحاجات اللي ممكن انسان آآ يستثيرها او يفكر فيها ان الايد بتتقطع في ربع ايه؟ ربع دينار بس. ربع دينار بس - 00:22:38ضَ

رغم ان الايد نفسها لو واحد قطع لك ايدك ليه تساوي كام في الدية نص الليلة. انت لك ايدين اتنين بس. فايد بنص الايد الواحدة لو واحد قطع لك ايدك قصادها نص - 00:22:54ضَ

والدية اصلا كانت بتقدير عمر الف دينار صح؟ يبقى نص الدقيقة كام؟ خمسمية دينار يبقى الايد في الدية تساوي خمسميت دينار. رغم زلك لو سرقت ربع دينار تتقطع. ودي من الحاجات اللي ايه؟ اللي ممكن الشيطان يعل لك شبهة فيها. لزلك - 00:23:14ضَ

آآ الشبهة ديت استسارها يعني تنسب الى آآ ابي العلاء المعري قيل ان هو اللي اسار الايه؟ اسار الشبهة ديت. ابو العلاء المعري لما راح بغداد اسار الشهرة دي وكان راجل فاسد يعني - 00:23:45ضَ

وقال كلمة كلمة يعني كفرية يعني. طيب فكان بيقول يد بخمس مئين عزجد وديت. خمس مئين يعني خمسمية. عزجد يعني دينار يد بخمس مئين عسجد وديت ما بالها قطعت في ربع دينار؟ تناقض ما لنا الا السكوت عليه - 00:24:03ضَ

ونعوذ بالله مولانا من النار. فبيقول ده تناقض في الشريعة. ازاي يبقى الايد ديتها خمسميت دينار وهي نفسها لو سرقت ربع دينار ايه تتقطع. شبهة. والملاحنة على فكرة يمسكوا ديت لغاية دلوقتي الشوربة دي موجودة عند الملاحدة. بيعتبروا - 00:24:31ضَ

دي من الحاجات اللي بتطعن في الاسلام ودي كده جبهة ابو العلاء المعلم تاني يد بخمس مئين عزجد هديت. يعني وديت دفعت ديتها خمسميت دينار. ما بالها تقطع في ربع دينار. تناقض - 00:24:51ضَ

ما لنا الا السكوت عليه ونستعيذ بالله مولانا من النار. يا واد يا مؤمن. هو اصلا بيقول تناقض ده كفر وضلال. المهم بقى سمع العلماء في زمانه الايه؟ الكلام دوت - 00:25:07ضَ

ردوا عليه طبعا ما سكتلوش. منهم عبدالوهاب المالكي. الامام عبدالوهاب المالكي فقال له كلمة بص دمره خالص لما كانت امينة كانت ثمينة. فلما خانت هانت بس شكرا قصف جبهة مع السلامة ابو العلاء المعلمي. لما كانت امينة - 00:25:19ضَ

كانت سمينة قطع لك ايدك قطع لك ايدك ايدك كانت كويسة ايد نضيفة. ايد ايد التقية تساوي لما خانت هانت بقت بربع دينار عشان هي خانت وجه يعني عالم تاني رد عليه بنفس القافية بتاعته - 00:25:46ضَ

فقال له يد بخمس ميم عزجد وديت لكنها قطعت في ربع دينار حماية الدم اغلاها وارخصها خيانة المال فانظر حكمة الباري قال يد قال له نفس البيت بالظبط يعني. يد بخمس مئة عزجد وديت لكنها هي نفسها قطعت في ربع دينار - 00:26:05ضَ

حماية الدم اغلاها وارخصها خيانة المال. فانظر حكمة الباري. يعني هذه حكمة من الله سبحانه وتعالى احنا علشان احميك انت من ايدك تتقطع غليتها وعشان احمي فلوس الناس رخصت ايدك - 00:26:32ضَ

وارخصها خيانة المال. ما هي اللي خانت. وانا عايز احمي المال. احمي المال فهخلي على الفلوس القليلة تتقطع ايد. لكن عشان ما حدش يقطع ايدك انت هخلي لك ايه؟ ايدك. فقال له ياد بخمس مين عزجد هديت لكنها قطعت في ربع دينار. حماية الدم اغلاها - 00:26:51ضَ

وارخصها خيانة المال. فانزر حكمة الباري فده يعني ايه ما تخليش حاجة شبه زي ديت ايه تعرض لك ابدا. انما هذا من كمال الشريعة. ومن محاسن الايه؟ الشريعة. بيقول المسألة اللي بعد كده شروط - 00:27:11ضَ

وجوب حد السرقة يشترط بقى حد السرقة اللي احنا قلناها بقى سهلة. ان يكون اخز المال خفية. فان لم يكن كزلك فلا قطع. فالمنتهي على وجه الغلب النهب والمغتصب اللي اغتصب والمختطف خطف حاجة وجري والخائن لا قطع عليهم - 00:27:27ضَ

الخاين لا قطع عليه. اللي هو خان يعني زي ايه؟ واحد خد وديعة وجحدها. ده ايه؟ خان لقول النبي عليه الصلاة والسلام ليس على خائن ولا منتهب. ولا مختلس قطع. لكن عليهم عقوبة بس مش قطع. تبقى دون الايه - 00:27:49ضَ

اتفضل. بعد كده بيقول ان يكون السارق مكلفا بالغا عاقلا طبعا فلا خطأ لا صغير ولا مجنون لانهم رفعنا من التكليف لكن يؤدب الصغير ازا سرق. وطبعا يضمن المال كله. يضمن المال من مال المجنون. ويضمن المال من ولي الايه؟ الصبي - 00:28:07ضَ

او مال الصبي لو كان عنده ايه؟ مال ان يكون السارق مختارا فلا قطع على مكره. لانه معزور. رفع نمات الخطأ والنسيان وما استقيموا عليه. ان يكون عالما بالتحريم. ولو افترضنا فرضا واحدا - 00:28:24ضَ

ما حدش يعرف ان السارقة حرام. لو سبت زلك فعلا مش هتخطئ يعني. طبعا يكون عالما بتحريم السرقة. مش عالم بالايه؟ بالحد. لكن لو عارف السارق حرام بس ما كانش يعرف ان فيه حد ده بجهل ما ايه ما يمنعش اقامة الحد عليه. يكفي ان هو كان تعرف السارق حرام. كونك بقى ما تعرفش ان فيه خطأ دي مش - 00:28:37ضَ

ايه مش فالجهل المعتبر هو الجهل بالحكم وليس بعاقبة الحكم. الجهل بالحكم مش الجانب عاقبة الايه الحكم. ان يكون المسروق مالا محترما يعني ايه محترم ابن ناس يعني لابس بدلة لأ يعني محترم الشريعة كلمة محترم في الشريعة اللي هو ليه قيمة يعني لان في اموال - 00:28:57ضَ

لكن هي ما لهاش قيمة في الشارع زي الخمر زي الات الله و المعازف ده مال في عرف الناس مال بس مال لم تحترمه الشريعة لم تجعل له قيمة فلو ان انسان سرق خمر مش هتقطع يده - 00:29:17ضَ

ممكن الحكم هيشوف هيحلها ازاي حاجة زي كده لكن على الاقل مش هتاخد عيادة. لكن ده مال غير ايه؟ غير محترم. واحد سارق خنزير هيتصرف مسلا الات لهو ومعازف مسلا مش هتقطع يدك. ممكن يعاقبه على عموم السرقة. لكن مش هيقطع ايده اكيد. وكزلك مكان مال - 00:29:30ضَ

لكن غير محترم ما للكافل حربي الكفار دخلوا ديار المسلمين وبيقاتلوهم محاربين. فالناس سرقنا فلوسهم طبعا ما فيهاش اصلا ايه اي حاجة بل ممكن ما فيهاش عقوبة اصلا يعني لان اصلا الكافر الحربي اصلا حلال الدم والمال. انت ممكن تقتله. ما بالك بماله؟ ما له حلال ودمه حلال - 00:29:49ضَ

هنفرق بين المسألة الاولانية والتانية. المسألة الاولانية هو هو يعني انت بتسرق واحد مسلم عادي وعايش بس هي حاجات حاجته حرام نفسها شاير خمرة آآ الات طرب فدي لو اتسرقت ما فيهاش قطع يد - 00:30:10ضَ

كان ممكن الحاكم عشان حرمة المسلمين عموما ممكن يعاقبك مسلا ولا حاجة لكن لو كافر حربي طبعا ما فيهاش اي حاجة خالص. ده نوع من الجهاد انك تسرق ماله انك انت تقتله. ده هيبقى جهاد في الحالة ديت. ما فيش حرمة للمال ده خالص طبعا - 00:30:26ضَ

ان يبلغ الشيء المسروق نصابا اللي هو ايه؟ ربع دينار زهب فصاعدا او ثلاثة دراهم فضة او ما يقابل احدهما النقود الاخرى حوالي دلوقتي يعني الف جنيه في حدود الالف جنيه. فلا قطع في اقل من زلك لقول النبي عليه الصلاة والسلام لا تقطع يد السارق الا في ربع دينار فصاعدا - 00:30:43ضَ

ان يكون المال المسروق من حرز لثرين وهو المكان الزي يحفز فيه المال في العادة. وهو يختلف باختلاف الاموال والبلدان برضه الاعراف بتختلف على فكرة. حساب العرف يعرف تختلف في حفز الايه؟ في حفز الاموال. فديت آآ زي ما قلنا مسلا حرز الاموال الخزن - 00:31:03ضَ

اه الايه الدواليب الكلام دوت واخد بالك اه ممكن يكون عرف جديد مسلا الشنطة اللي بباسورد مسلا تعتبر حرز شايل مسلا كيسة فيها فلوس دي مش هتبقى ايه؟ مش هتبقى حرز. رغم ان حاجة هي نفسها بس دلوقتي السامسونايت مسلا تعتبر حرز لان ديت فيها - 00:31:27ضَ

نوع من الاحتياط انا عملت اللي علي شنطة سامسونسونايت وانزار وباسوورد عامل ايه اكتر من كده يعني يمكن الواحد شايل في هاند باك كده وخلاص دي مش هتبقى ايه؟ ممكن ما تبقاش حرز دي او كيسة حاطط فيها فلوس او حاجة قيمة مش هتبقى حرز. فممكن - 00:31:51ضَ

الاعراف تختلف يعني. واخد بالك؟ آآ حرز مسلا فواكه اللي هو الايه؟ المستودعات اللي بتتحط فيها. يعني حرز البهائم الحظائر وهكزا يعني. ويرجع فيه العرف. فان سرق من غير حرز. كان يكون الباب مفتوح. اصلا هم فاتحين الدنيا واي حد داخل اي حد طالع - 00:32:08ضَ

او حرز مهتوكا خزنة مفتوحة اصلا متسابة كده والمكتب مفتوح فدوت مش هيبقى ايه فلا قطع عليه بيقول ان تنتفي الشبهة عن السارق. ممكن يكون عمل كل ده بس فيه شبهة. زي ايه - 00:32:32ضَ

زي مسلا ان هو كان بيزن ان له حق في المال زي ما بيقول لنا مسال فلا قطع على من سرق من مال ابيه وكزلك من سرق من مال ابنه. اب يسرق ابنه او الابن يسرق ابوه. دي ما فيهاش خطأ. ان كل واحد فيهم عنده شبهة ان انا لي حق في الايه المال دوت وانا فقير - 00:32:50ضَ

محتاج هو المفروض يصرف علي والاب يقول انا برضو غلبان وابن غني المفروض يصرف علي فواحد فيهم سرق التاني فعنده شبهة ان هو كان بيزن ان المال ده ايه هو - 00:33:10ضَ

له حق فيه. فلا لان نفقة كل منهما تجب في مال اخر. ولا يقطع الشريك بالسرقة من مال له فيه شرك. احنا كنا شركا في شراكة فانا سرقت من فلوسك - 00:33:20ضَ

بس فيه شبهة ان القاضي يقول يمكن كان بيزن ان المال ده هو له حق فيه على اعتبار ان هم ايه شركا فما يقطعوش في الحالة ديت كان ممكن يعاقبه طبعا لكن مش هيقدر عشان في شبهة ان هو احتمال كان بيفتكر المال ده هو بتاعه او له حق فيه او طالما احنا شركاء خلاص ناخد اي حاجة كل واحد ياخد اي حاجة من عند اي - 00:33:35ضَ

في حد مش مشكلة يعني ففيه شبهة. وكزلك كل من له استحقاق في المال اخذ منه فلا خطأ عليه. لكن يؤدب ويرد نأخز طبعا. مسل زلك برضو من سرق في مجاعة. زي ما قلنا سيدنا عمر رضي الله عنه آآ كان لا يقيم الحد في ايام - 00:33:55ضَ

ان غالب الزن اللي بيسرق كان بيسرق عشان ايه؟ ياكل. فلو غلب على زن الايه القاضي ان اللي سرق سكن عشان ياكل فعلا وكان هيموت لو ما سرقش. فدي شبهة تمنع من ايه - 00:34:15ضَ

اقامة الايه؟ الحد. طيب بيقول كيف تثبت السرقة تزبط السرقة عند الحاكم. طبعا احنا كل ده كلامنا ان هي تسبت عند الحاج والا هو ما حدش هيقطع الا الحاكم الحدود لا يقيمها الا الحاكم - 00:34:25ضَ

ما فيش حاجة اسمها حد يقيمه ايه؟ الا لو سيد وعبد موضوع تاني. بس انا بتكلم عموما يعني ما حدش بيقيم الحدود الا القاضي الحاكم بس آآ اما بشهادة عدلين او اقرار السارق. سرقت. او في اتنين شهود شهدوا عليه فتثبت عليه الايه؟ الجريمة. عدلين فقط. العموم - 00:34:42ضَ

قوله تعالى واستشهدوا شهيدين من رجالكم. يعني عموما المعاملات المادية يكفي فيها في الشهادة ايه؟ رجلين. فالرجلين طالما نوع من المعاملة المادية فبرضو هنجيب ايه؟ رجلين طبعا وعندنا اصل تاني ان النساء لا تشهد في الحدود - 00:35:02ضَ

السرقة الزنا الكلام ده لا تشهد فيه النساء. صيانة لهن ولقلة ضبطهن في الامور اللي هي الفظيعة ديت. لكن عشان كده الشريعة في المعاملة المادية اللي هي مجرد بيع وشراء خلت اثنين نساء وايه؟ وراجل - 00:35:24ضَ

ان تضل احداهما فتذكر احداهما هي الاخرى. فهي المرأة ضبطها اضعف من ضبط الرجل. فبالك لو اصلا الموضوع فيه حاجة فظيعة زي سرقة ولا زنا ولا قتل ولا حاجة لا ده ممكن - 00:35:39ضَ

ممكن تقول موضوع تاني خالص يعني. فطبعا هي صيانة لها من باب حرص على ان الشهادة ما تكونش فيها خلل. وهي هتقول وهي فاكرة ان نفسها صديقة بس الانفعال ساعتها والتوتر اللي حصل لها ممكن يخليها ايه؟ تقول تشوف حاجة تانية او توصف وصف بزيادة او ناقص او او او. فيكون ضبطها طبعا في - 00:35:49ضَ

هيكون اضعف بكتير من ضبطها حتى في العوامل المادية العادية. ازا كان الشارع في العوامل المادية العادية قالت اتنين نساء قصاد راجل واحد. لا يبقى في في الجرايم ما فيش خالص بقى - 00:36:09ضَ

بلاش نسقف الجرايم مع الصيانة لهن ان هم يتعرضن لرؤية الجرائم كالقتل والزنا والسرقة وهزه الاشياء. فلا نساء تمام؟ ان يطالب طبعا الاقرار طبعا سيد الادلة. ان يطالب المسروق منه بماله - 00:36:19ضَ

يعني اللي بيقيم الدعوة مين؟ المسروق. هو المسروق يطالب اصلا باقامة الدعوة. يعني لو ما فيش المسروق اصلا ما طالبش خلاص ما فيش اه ما فيش ايه؟ ما فيش قضية لان المال يباح بالبزل والاباح لان كونه ما طلبش يبقى ده شبهة عند القاضي. يعني لو جه اتنين شهود قالوا احنا شفنا واحد سرق - 00:36:35ضَ

طب هو الراجل اشتكى؟ اللي اتسرق ما جاليش ليه؟ شبهة عنده ان هو راضي. يمكن قال لك قريبي وخد فلوس خلاص ما المهم امراتي سرقتني خلاص هنعمل ايه؟ ابني خد فلوس خلاص مش هروح للقاضي يعني عشان يعني ايه؟ يعني القاضي هيبقى عنده شبهة الرضا - 00:36:55ضَ

ان هو اباح له كده او هو قايل له خد ما هو التانيين الشهود ما كانش يعرفوا. فكان الشكل سرقة بس هو قايل له رح بقى في الحتة الفلانية والباسوورد كذا وبتاع فطالما المسروق نفسه ما راحش اقام دعوة ما فيش قضية حتى لو فيه شهود. فلازم المسروق هو اللي يطالب باقامة الحد - 00:37:15ضَ

لان المال يباح بالبزر والاباحة فيحتمل اباحة صاحبه له. او اذنه بدخول حرزي او غير زلك مما يسقط الحد. طيب يقول لنا بقى الشفاعة بقى في حد السرقة. وهبة المسروق للسارق. الشفاعة في حد السارقة لا تجوز شفاعة ولا في غير من حدود. ازا - 00:37:35ضَ

ان واصل الامر امام قبل ما يوصل الامام ممكن. عشان كده الراجل لما سرق وراح للنبي عليه الصلاة والسلام مسك الراجل وداه للنبي عليه الصلاة والسلام وخلاص هيقيم عليه الحد - 00:37:55ضَ

فالراجل لقى ان ايده هتتقطع. فقال آآ يا رسول الله يعني اتقطع اتقطع في ثلاثين درهم؟ قال انا ابيعه انا خلاص متنازل فقال هلا قبل ان تأتيني به؟ هلا قبل ان تأتيني بها انت مش كنت تقول بدري - 00:38:05ضَ

يبقى ديت آآ مسألة ايه الشفاعة. هبة المصروف للسابق يجوز هبة الشيء المسروق للسارق. وعفو المسروق منه عنه قبل رفع الامر للايه؟ للحاكم اما ازا وصل اليه فلا. لحديس صفوان بن امية السارق الزي اخز رداءه من تحت رأسه. فلما رفع الامر الى النبي عليه الصلاة - 00:38:24ضَ

سلام. امر بقطعه. قال صفوان عبدالعزيز قلت لكم اني اعفو اتجاوز. وفي رواية قال يا رسول الله هو له. يعني لما لقى الموضوع فيه قال له انا خلاص خلاص انا هديه له خلاص مش عايزه - 00:38:51ضَ

قال هلا قبل ان تأتيني به. المسألة الرابعة كيفية القطع بقى يقطع منين؟ من كلمة اليد في الشريعة اما تطلق تحتمل تحتمل اليد من الى غاية المرفق هنا زي الوضوء كده. وتحتمل اليد لغاية الكوع. الكوع - 00:39:01ضَ

مم مش المرفق ها؟ المرفق اللي هو انت بنوصل له دوت في في الصلاة اللي بنوصل له في الصلاة اسمه الايه؟ المال في الوضوء هو ده اسمه الايه مرفق مش الكوع. وده اسم خاطئ. الكوع هو الاخر الكف. ناحية اسمها الكوع وناحية اسمها الكرسوع - 00:39:21ضَ

الكوع والكرسوع. لان العضمتين عضمة من اليمين وعضمة ايه؟ عضمة الطرف ده وعضمة الطرف ده الكوع والكرسان. فيه عضمة اسمها الكوع اللي هي ناحيتك وعضمة اسمها الايه؟ المهم يعني احنا بنقطع فين؟ نقطع الى الكوع - 00:39:41ضَ

طيب جبنا منين الخطأ الى الكوع؟ من السنة والسنة تبين ما اجمل في القرآن. ربنا قال اقطعوا ايديهما. لو ما اتقطعتش الايد ولا مرة في عهد النبي عليه الصلاة والسلام كان يحصل عندنا مشكلة - 00:40:01ضَ

ما كناش هنعرف الايد قطع منين. يا طعم الكوع ولا قطع من المرفق ولا اقطع منين بالزبط؟ بتبقى لكن السنة بينت وده يدل على احتياجنا الشديد للسنة لان لولا السنة نضل في فهم امور في القرآن. فمن اين نقطع اليد ازا لم تأتي السنة؟ ممكن ان احملها على اية الوضوء ونبتدي - 00:40:16ضَ

ايه طعم الايه؟ نقطع من المرفق لزلك ربنا سبحانه وتعالى في اية الوضوء قال وايديكم الى المرافق. عشان الموضوع ينتهي. ما حدش يفهم حاجة تانية. ايدك الى مرافق لكن لما قال في السارقة ما قالش قال اقطعوا لي هو ما قلش الى ايه؟ فطبعا يحصل لبس لو السنة ما جاتش. فده يدل على ان السنة لا - 00:40:36ضَ

يستغنى لا يستغنى بالقرآن عن عن السنة وان احنا احتجنا للسنة كاحتياجنا الى القرآن الا واني اوتيت القرآن ومثله معه الا اما حرم رسول الله كما حرم الله عليه الصلاة والسلام. عشان كده بيقول لنا ازا توفرت بقى الشروط السابقة دي وجب القطع. تقطع يد السارق اليمنى - 00:40:58ضَ

اول حنبدأ انهي ايد؟ اليمنى دي دايما بتعتدي يعني. من مفصل الكف اللي هو الكوع. مفصل الكف بعد القطع تحسم يد السائق. تحسم نزيف. فبيقول هنا بكيها بالنار او غمسها في زيت مغلي او غير ذلك من الوسائل. التي توقف نزيف الدم. طبعا - 00:41:18ضَ

لو في وسائل حديسة تخنق جزيرة دم بغير الكي والماء المغلي فهو اولى. ليه؟ لان هو عقوبته اصلا هي القطع يعني مش عايزين مش مش مطلوب ايلامه اكسر من زلك - 00:41:42ضَ

عشان كده في ضابط في المسألة احنا عايزين دلوقتي هي الشريعة بتعاقبه بقطع يده وان يشعر بالم قطع اليد. ايلامه مقصود ان هو دي عقوبة السؤال مسلا كزا سؤال. السؤال الاول ينفع اخد بنج قبل ما يقطع ايده؟ لا يجوز - 00:41:55ضَ

لان ايلامه مقصود. حصول الالم له. عشان كده احنا قلنا مش ضروري نؤلمه بقى بايه؟ بالزيت المغلي والنار والكلام دوت. طب لو فيه وسيلة حديثة توقف النزيف بدون الم هي اولى - 00:42:11ضَ

لان احنا مش مقصود نؤلمه تاني بالكي او بالزيت المغلي. زمان ما كانش فيه غير كده طب ينفع بقى ما اقلموش خالص وناخد بنج من الاول؟ لأ. احنا مقصود ايلامه بقطع اليد. كي يرتدع هو. ولكي يرى الناس الالم بيتأثر الناس بالالم. لكن العملية - 00:42:24ضَ

كده كانك بتقطع حاجة ما هي حاجة مش حاسة ما حدش هيتألم واذا شهدت طائفة من المؤمنين الامر دوت مش هيسمعوا صراخ ومش هيسمعوا توسلاته مش هيحصل الايه؟ الردع اللي هيحصل للناس كلها لما تشوف مشهد زي دوت - 00:42:42ضَ

فما ينفعش ياخد بنج مسلا من الاول. لكن ينفع ندي له بعد كده بنج عشان نوقف الايه؟ النزيف والكلام ده. خلاص الردع خلص. الحاجة التانية ينفع يعمل عملية يرجع ايده - 00:42:56ضَ

ندي له يعني لو خد فرصة ندي له ايده ويروح يرجعها تاني لا يجوز لا يجوز ذلك. لان المقصود ان هي تكون مقطوعة. علشان الناس تشوف كده. لو كل واحدة ايده اتسرقت قطعت فراح عمل عملية بسرعة وخد ايده وراح رجعها تاني. هتفقده - 00:43:08ضَ

وبالمعنى الايه؟ الحكم هيفقد معناه. يبقى كده ما هي ترجع سليمة وخلاص. اسرق بقى زي ما انت عايز. فلا نمكنه من اعادة يده يلاقي نفسه بايه؟ بعملية. لان ان اليد تكون غير موجودة. وان الناس ترى زلك هذا من مقاصد الشريعة. عشان يحصل الردع ولا حدش هيرتدع - 00:43:23ضَ

عمرنا ما هنشوف ايد مقطوعة سهل جدا كل واحد قطع ايده ياخدها بسرعة يعمل عملية ويرجعها. فديت الفكرة. عشان كده قلنا في موضوع الزيت المغلي والنار مش لازم بقى. لان ده مش من مقاصد الشريعة ان احنا نأزيه تاني - 00:43:42ضَ

او نقلبه تاني بالايه؟ بالكي او كده ونشوه له جزء تاني من ايده بالايه؟ بالنار. فلو فيه وسائل حديسة تمنع الموضوع ده بدون الم كويس. قال حتى لو خد بنج - 00:43:55ضَ

في الحتة دي بيقول بعد كده تجعل جرح يندمل حتى يتعرض المقطوع للتلف والهلاك. طيب ان عاد السارق الى السرقة ثانية قطعت رجله اليسرى طب ليه بتقطع رجله اليسرى مش اليوم ده؟ علشان يقدر يتعامل. انا دلوقتي لو اتقطعت ايه آآ رجلي - 00:44:05ضَ

شمال رجلي الشمال حسنت بايه؟ بايدي الشمال. يعني انا مكانها هجيب عكاز مسلا وازق بايدي الشمال هخليها ايدي ورجلي. العكاز هيبقى لكن لو اتقطعت ايد شمال مع رجل شمال او ايد مع رجل اليمين عمرك هتعرف تمشي. هتقع دايما - 00:44:27ضَ

انت لا معك رجل ولا معك ايد تمسك بها عكاز مكان الرجل الشريعة ما تعملش في حد كده. ما تقطعلوش ناحية ناحية واحدة. اقطعوا ايديهما بايه؟ من خلاف. اقطع ايدي اليمين وبعد كده الرجل الايه؟ الرجل الشمال - 00:44:49ضَ

عشان يقدر يتعامل. احنا مش عايزين نوقف حياته. احنا بنرضعه وبنعاقبه بنرضع المجتمع. لكن عايزينه يكمل. يقدر يمشي يقدر يروح. يقدر يشوف حاجة تانية يشتغلها يقدر يعيش حياته يعني بس هو ده اللي حصل هو اللي عمل في نفسه كده. فاتقطع الايد اليمين اه الايد اليمين مش حط ايزيه في يعني خلاص هيعيش عادي. لما نيجي نقطع تاني مش هنقطع - 00:45:05ضَ

ايده الشمال طب ايه اللي ما قطعهاش ايده الشمال ليه؟ انت هتوقف عضو كامل بياكل ازاي ؟ يشرب ازاي ؟ يمسك الحاجات ازاي ؟ الشريعة مش هدفها كده. طب اقطعوا رجله للاتنين ما هو برضه ده هتوقفه خالص. ولا تقطع له يمين مع يمين - 00:45:25ضَ

انت كده وقفته تماما برضه انت فاهم ايه الفلسفة؟ انت بتقطع ايد واحدة ورجل واحدة. ولو ايد يمين تبقى الرجل ايه؟ شمال. عشان كده بيقول لك لو سرق المرة التالتة في التلات عشر حاجة بقى - 00:45:40ضَ

يعاقب بس نهزر القاضي بقى يجلده ويحبسه ياخد منه فلوس زائدة بتاع لكن ما يقطعش حاجة خلاص. يعني كده فاضل له مرة كمان وحياته هتقف خد بالك عشان كده هو قال لنا ان عاد الى السرقة ثانية قطعت رجله اليسرى. حتى لما نقطع الرجل اليسرى اتقطع منين بقى - 00:45:56ضَ

خد بالك احنا عندنا في الرجل حاجتين. في الكعب وفي العاقب ايه هو الكعب الكعب اللي هو القرقوشة القروشتين دول. دول اسمهم الكعب. مش اللي تحت ده اللي هو اللي هو بطن الرجل من وراء دوت اسمه الكعب غلط. ده ما اسمهوش الكعب. ده - 00:46:15ضَ

العقب. لكن الكعب هو القرقوشتين دولا. هم دول الايه؟ الكعب لكن تحت اسمه الايه؟ العاقب. طيب احنا هنقطع منين؟ من الكعب ولا العقب احنا انت استنتج كده. احنا عايزينه يمشي واخد بالك - 00:46:39ضَ

العقب احنا نقطع له وش رجله وهنسيب له العقد كمان. هتسيب له العقب؟ والكعب عشان لو انت شلت بالعقب هيبقى عنده تفاوت في رجله هيمشي ازاي تفاوت كبير انت شلت الرجل من الايه؟ من من الايه؟ من اسمها ايه - 00:47:03ضَ

لو شلنا الرجل من الايه؟ من الكعب هيحصل ايه؟ هتبقى رجل اطول من ايه؟ رجل بكتير كمان. مش هيعرف يمشي. فاحنا عايزين نحافظ على طول رجله كمان خلي طول رجله زي ما هو. فانا مش هاخد الرجل كلها ولا هاخدها من من الكعب ولا هشيل العقبة. انا هقطع زي ما كده ايه؟ وش رجله - 00:47:30ضَ

واسيب له ليه؟ العاقب وطبعا اسيب له الكعبة. علشان يقدر يمشي. والا هيمشي ازاي؟ فهي برضو ده بيدي لك رؤية اه لازم عقوبة وفي نفس الوقت احنا مش عايزين نوقف حياته نحولها لجحيم. والا بعقوبة ترتب عليها عقوبات - 00:47:50ضَ

فهمت الحتة دي؟ سهلة يعني. تمام بيقول لنا ازا اشترت جماعة في سرقة لو مسلا ناس دخلوا سرقة حاجة ايه الحكم بقى؟ الحكم ان احنا نقسم المسروق ده عليهم بالتساوي - 00:48:10ضَ

فلو نصيب الواحد طلع اكتر من ربع دينار هتتقطع ايديهم كلهم. لو نصيب الواحد اقل ربع دينار مش هتتقطع ايد ولا واحد فيهم كأن العقوبة هتتقسم عليهم كلهم. واخد بالك - 00:48:39ضَ

يعني هم اربعة مسلا او خمسة سرقوا دينار يبقى ما فيش واحد ولا واحد فيهم ايه اتقطع ايده. لكن خمسة سروة دينارين يبقى كلهم اتقطع ايه؟ ايديهم. خدت بالك طيب لو ان السارق تاب وحسنت توبته ثم بعد ذلك علم امره - 00:48:58ضَ

لا يقام عليه الحد ان ربنا قال كده الا الذين تابوا من قبل ان تقدروا عليهم. فاعلموا ان الله غفور رحيم. يعني ايه تاب؟ يعني فعلا صلح حاله والناس كلها بتشهد له بالصلاح وان هو بقى كويس والسيرة دي كانت زمان وعدت عليها ايام وليالي يعني - 00:49:19ضَ

فدي جريمة بتسقط زي عندنا كده بيقول لك تسقط بالتقادم. احنا مش التقادم ده لو تاب بس قريب كمان. وفعلا كل الناس تشهد له انه تاب. بعد كده الحاكم تمكن منه ولقى ان هو كل - 00:49:39ضَ

هل تشهد له بالتوبة؟ مش هيعمل له حاجة خلاص بس هيلزمه انه يرجع ليه ؟ مسروق رد المسروق ده سابت معي في كل الحالات. يعني رد المسروق ده اساسي طبعا. نقول الحد بس ، هل الحاكم هيقيم عليه الحد؟ لو ثبت عند - 00:49:49ضَ

الحاكم ان هو من صالح حاله وتاب قبل ما يتمكن منه خلاص يبقى هو ايه؟ او قبل او مسلا هرب وبعد كده نصالح لو على ما تمكنا منه كان فعلا بقى كويس - 00:50:02ضَ

وفي كل الحدود كده على فكرة. خلاص الحاكم مش هيقيم عليه ليه؟ مش هيقيم عليه لحد. لو جمع الايه؟ السارق بقى مش بقى المشترك هيقول بقى لو سرق مع التهديد - 00:50:12ضَ

بالاسلحة هنا ده مش هيبقى سرقة بقى خلاص. هتخش في موضوع تاني اسمه الايه؟ الحرابة. دي هتيجي بقى المرة الايه؟ القادمة بازن الله تعالى. حد الحرامة ده هيبقى فيه بقى ايه - 00:50:26ضَ

كلام تاني لان هنا في تهديد تهديد تخويف انت كل مرة بتسرق ما كنتش انا خايف على نفسي. لكن لو جمعت به ان انت بتسرقني وبتخوفني يبقى احنا طلعنا برة السرقة خالص. ما بنتكلمش في سرقة ولا تغتصب ولا نهب ولا اختلاس ولا خيانة. دي بقت حرام - 00:50:38ضَ

ده موضوع تاني بقى لسه طيب الباب السادس ده بسرعة تعذير خلاص انتم فهمتم ايه التعزير هو عقوبة غير مقدرة في الشرع يقدرها الحاكم هي ما فيش حد مش لازم يعملها ممكن يعفو عنها. طيب تعال نقول فروقات كده انت اقعد تفكر معي في الفرق بين الحد والتعزير قبل ما نتكلم - 00:50:57ضَ

الحد اول حاجة ايه؟ مقدر شرعا له مقدار. الشريعة هي اللي قالته. يعني ايه شرعا؟ يعني ربنا اللي قاله التعزير غير مقدر شرعا. طيب. مين اللي بيقدره؟ القاضي الحاكم يقدره على حسب ما يراه رادع. طيب - 00:51:17ضَ

الحد يستوي فيه جميع الناس الشريف والوضيع كله بيأتي التعزير الحاكم قد يغير حسب الناس يعني الشخص مسلا معروف عنه ان هو انسان كويس بس دي اول مرة يعمل كده. ممكن الحكم ما يعرفوش خالص - 00:51:31ضَ

النبي عليه الصلاة والسلام قال اقيلوا زوي الهيئات عثرته زوي الهيئات حصلت يعني شخص معروف بصالحه مرة واقعة كويس عكس الناس العجل واقعي هاتوا السكينة لأ ان العكس عندنا الشخص الشريف اللي هو معروف عنه الخير دايما لو زل زلة كأنه ما عملش حاجة - 00:51:52ضَ

سبحان الله! احنا عندنا لو شيخ وقع ولا ولا عالم زل ولا كذب مرة ولا غلط مرة ولا اوف بيحصل زفة كبيرة. صح؟ لكن الشريعة يقول لك لأ ده لو الحاكم مسك حاجات زي دوت ممكن يسيبه اصلا - 00:52:17ضَ

ممكن يعاتبه بس ممكن يؤنبه ممكن يعني يحبسه يومين. حاجة بسيطة. بس مش هيعمل فيه زي واحد قد عرف عنه الجريمة. فممكن يفرق بين الناس حسب حسب حالهم. حسب ما يراه لان الشريف تكفيه لايه؟ تكفيه الكلمة. عشان كده قال - 00:52:32ضَ

اقفل ايه؟ قال لك العبد يقرع بالعصا والحر تكفيه الاشارة. العبد يقرع بالعصا والحر تكفيه له الاشارة. كل ما الانسان كان اشرف كل ما كان تقليل العقوبة عليه ارض عليه - 00:52:51ضَ

نعرف كده انت لو جبت واحد شريف قلت له انا انا مش هعمل معك حاجة. دي اشد عليه انك انت تقعد ان انت سامحته لان هو شريف اعرف قيمة الايه؟ قيمة العفو - 00:53:06ضَ

كان غير مجرم عفيت عنه انت بتجرأه. التاني ده هيظل يستحي طول حياته. لان هو رجل شريف. فالممكن الحاكم يفرق في تطبيق التعذير ده حسب هيئات الناس وحسب ايه؟ اقدارهم وكده والفاعل هيفرق معه. وكل ده ما فيهوش هواء - 00:53:24ضَ

انما هو بينزر للمصلحة ما يرضع اللي امامه ممكن لا يرضع اللي امامه العفو ممكن التأنيب توبيخ يمكن جلدة باستك فيه جلدة واحدة بس مش هتحتاج اكتر من كده ممكن يتحبس يوم لا في واحد تاني هيدي له هيدي له عشر جلدات هيحبسه - 00:53:42ضَ

هياخد نص فلوسه حسب ما يرى. ممكن يقتله. ممكن واحد يقتله تعزير زي ما قلنا في تاجر مخدرات مسلا تاجر مخدرات هو ما شربهاش استاجر مخدرات ده ايه حكمه تعزير؟ بس ممكن الحاكم يقتله - 00:53:58ضَ

يا تاجر مخدرات مش بيشرب مخدرات اه مفسد بيعتبر مفسد. ممكن طبعا ممكن نحملها على الحرابة وممكن يبقى نوع من التعزير. جاسوس مسلا جاسوس الحاكم ممكن يقتله على طول فازا التعزير - 00:54:15ضَ

ما لوش حدود التعزير ممكن يبقى من من اول التوبيخ الى القتل من اول التوبيخ الى الايه؟ الى القتل طيب الحدود تدرأ بالشبهات التعزير لا يدرى بالشبهات يعني لو في شبهة كده ممكن الحاكم برضو يعاقب - 00:54:30ضَ

لان تعزير اهون من ايه؟ من حد يعني. كان حد لما كان في حاجة صعبة جلده قطر وكده. فممكن اي شبهة تفوت يعني. لكن في الايه في التعزيرات الامام يعني ايه يراعي الناس بقى شوية - 00:54:57ضَ

ويقيم الحد يجيني التعزير رغم وجود ايه بس في الحال لو في شبهة هيقلل الايه هيقلل العقوبة شوية بس ممكن يقيمها برضو. بس هيقللها. لو حس بشبهة. لكن في الحد ما فيش يقلل. يا يعمل يا يلغي. فلو ما فيش هو بيلغي - 00:55:11ضَ

لكن في التعزير لو فيه شبهة يقلل بس بيوصل يعني. تجوز الشفاعة في التعزير ولا تجوز الشفاعة في الحد. يعني لو واحد عنده تعزير رصد نهج وراحوا اتمسكوا من عند الحاكم وخلاص هيحكم عليه بسجن ولا فلوس ولا بتاع فجه ناس شافعوا يجوز بقى الشفاعة في الحالة دي - 00:55:27ضَ

يبقى يجوز الشفاعة في التعزير ولا يجوز الشفاعة في الايه؟ شفت الفروق؟ يبقى الحد مقدر التعزير غير مقدر الحد آآ الحدود تضرب الشبهات قد يقام او يخفف مع التعزير يخفف بالشبهة. لكن ممكن ما يلغاش ممكن يلغى. الحد يستوي فيه جميع الناس التعزيب - 00:55:50ضَ

يتفاوت اختلاف الفاعل الحد ليس فيه شفاعة. تعزير فيه ايه؟ فيه شفاعة بيقول لنا بقى خلاص التعزير طبعا آآ اصطلاحا هو التأديب في كل معصية لا حد فيه ولا كفارة - 00:56:10ضَ

حكم التعزير واجب في كل معصية لا حد فيها ولا كفارة من الشارع. ولو المعصية فيها كفارة خلاص. طعام ستين مسكين خلاص مش هيعاقبوه مسلا. واطعم ستين من فعل من فعل محارم الترك العباد ازا رآه الامام ازا رآه الامام يعني مش شاف ازا لو شايف ان هو ده مناسب يعني. لحديس ابي - 00:56:26ضَ

رضي الله عنه ان النبي صلى الله عليه وسلم قال لا يجلد فوق عشر جلدات الا في حد من حدود الله. طبعا هنا مش معنى كده التعزير لا يتجاوز العشر جلدات. خد بالك فيه فرق بين التعزير اللي غرضه التأديب بس - 00:56:46ضَ

والتعزير اللي هو بسبب فعل محرم او ترك واجب. كان ممكن الامام يؤدب حد زي ما سيدنا عمر مسلا كان ممكن يضرب الناس على ان هم مش متعلمين فقه البيوع - 00:57:05ضَ

اضربهم بالعصاية في في الاسواق ده تعزير بس تأديب هو ما عملوش حاجة غلط بس هو بيقدمهم على حاجة المفروض يعملوها لكن لو ان في جريمة حصلت هنا ممكن يزيد عن ايه؟ على عشر ايه؟ جلدات. فازا كان التعزير زي ايه التأديب؟ زي الزوج والزوجة - 00:57:18ضَ

زي الاب والابن فلو كان اللي بيحصل ده تأديب ما ينفعش يضرب اكتر من عشر ضربات اما لو كان عقوبة على فعل محرم او ترك واجب. فيجوز الزيادة على الايه؟ على عشر اصوات - 00:57:38ضَ

وكان عمر رضي الله عنه يعزر ويؤدب بالنفي وحلق الرأس وغير زلك. والتعزير راجع الى الامام او نائبه. افعلوا ازا رأى المصلحة في فعله اتركوا ازا اقتضت المصلحة تركه. ازا ممكن يترك التعزير تماما. الحكمة طبعا صيانة المجتمع من الفوضى والفساد ودفع الظلم وردع العصاة والهدم. انواع المعاصي توجب التعزير - 00:58:00ضَ

ترك الواجبات مع القدرة على اديها كقضاء الديون واداء الامانات واموال اليتامى فان هزه الامور ومثلها يعاقب عليها يعاقب طب علي من ترك اداءها حتى يؤديها. يعني ممكن الحاكم يجيب واحد بيماطل وعارف ان هو بيماطل في اداء الديون يحبسه. لغاية ما يدفع - 00:58:20ضَ

او يضرب لغاية ما يدفع. زي ما هو يشوف الليل يجيب معه يعني. بس هو عارف ان هو بيماطل. قال النبي عليه الصلاة والسلام مطل الغني ظلم. وقال عليه الصلاة والسلام - 00:58:39ضَ

اي الواجد يحل عرضه وعقوبته يعني ايه يحل عرضه؟ اشتمه بقى سبله وبتاع مش فكرة في كده يحل عرضه ان انا اروح اشتكيه باقول فلان ظالم وظلمني وسرقني واخد فلوسي. انا كده بقول في نقائص بس حلال ان انا اعمل كده ان هو فعلا عمل معي كده - 00:58:49ضَ

مش ان انا اشتمه بقى شتايم قزرة او كده لأ يحل عرضه وعقوبته بقى. وعقوباته ان الحاكم يعاقبه في بدنه او في ماله فعل المحرمات زي مسلا ده طبعا في الدولة بقى الفاضلة بقى اللي تتمناها يعني كأن يختلي رجل بامرأة اجنبية خلوة غير شرعية - 00:59:09ضَ

حاكم لو سبت عنده زلك بيجيب ويعاقبه او يباشرها في غير الفرج. مش مش زنا بس لمسها مسلا تلاقيها لمس محرم قبلها. ممكن يعاقبه وهنا عندنا دليل في الشريعة يدل على ايه؟ على ان التعزير راجع لنزر الامام لان احنا عارفين ان رجل جاء للنبي عليه الصلاة والسلام قال يا رسول الله قبلت امرأة - 00:59:28ضَ

قبلت امرأة هو جاي تائب واضح الظاهر ان هو جاي تائب وندمان النبي عليه الصلاة والسلام سكت راح صلى وبعد كده رجع له وكان نزل عليه قول الله تعالى ان الحسنات ايه؟ يذهبن السيئات. فقال آآ فقال ازهب - 00:59:49ضَ

قال عليه قوله تعالى ايه؟ ان الحسنات يذهبن. قال يا رسول الله هل لي خاصة ام للناس عامة؟ قال بل للناس عمة. وسابه. رغم ان القبلة القبلة دي المفترض يعزر عليها. بس النبي عليه الصلاة والسلام شافه ان هو راجل مش معروف عنه كده وراجل فاضل واول مرة تحصل منه. فايه اقاله عليه الصلاة والسلام. ما عملوش - 01:00:08ضَ

خالص. لكن هي فيها عقوبة. او يقبلها او يمازحها. وكأتيان المرأة المرأة. المرأة تأتي المرأة دي مش زنا. بس هي طبعا يعاقب عليها الايه القاضي. بس مش مش هيبقى ايه؟ مش هيبقى حد يعني. ففي هذا وامثال التعزيب اذ لم يرد فيه عقوبة - 01:00:28ضَ

شرعية محددة طبعا زي اي جريمة سرقة فقدت شرط من الشروط اللي ايه؟ اللي قلناها. هيبقى فيها تعزير. مقدار التعزير بقى بيقول لم يقدر الشارع حدا معينا في عقوبة التعزير وانما المرجع في زلك لاجتهاد الامام الحاكم لما يراه مناسبا الفاعل حتى ان بعض العلماء يرى ان تعذير قداسة القتل ازا اقتضت المصلحة - 01:00:49ضَ

كقتل الجاسوس المسلم والمفرق لجماعة المسلمين اللي بينشر الفتن ويوقع بين الناس ويحاول يهيج الناس ويحاول يسقط الحاكم العادل مسلا ممكن حاكم يقتله. دوت بيفسد الدولة تماما وغيرهما مما لا يندفع شرهم الا بالقتل - 01:01:12ضَ

ليه ليه؟ لان حاط بن ابي بلتعة لما ارسل رسالة الى اهل مكة مع المرأة يخبرهم بموعد مقدم النبي عليه الصلاة والسلام لفتح مكة. سيدنا عمر لما عرف كده وان الموضوع - 01:01:31ضَ

اعرف قال رسول الله دعني اضرب عنق هزا المنافق وقال الرسول صلى الله عليه وسلم لا يا عمر انه رجل شهد بدرا ولعل الله قد اطلع على اهل بدر قال اعملوا ما شئت وقد غفرت لكم فعفى عنه. فده فيه دليل على امرين. اولا هو النبي عليه الصلاة - 01:01:41ضَ

ما انكرش على عمر ان هو قال هقطع راسه دل على اقراره ان ينفع الجاسوس اتقطع راسه. بس هو قال له لأ بلاش دوت مش بلاش القطع. بلاش ده. وان الراجل ده شوية بدر واحنا هنقيله. لان الراجل ده يعني ما شفناش منه حاجة غير دي. وشهوده بدر - 01:01:56ضَ

خلينا ايه؟ نتجاوز خالص عن اللي حصل دوت. فتجاوز عن الجاسوسية مقابل بدر. ده موضوع كبير طبعا. ده كبير وده كبير بس الاتنين شالوا بعض تمام؟ لكن هو ما انكرش على عمر ان هو قال له ما قالوش لا ما فيش حاجة اسمها قتل جاسوس. وقال له لأ بس ده مش هنقتله. فده اللي ان فيه عقوبة ممكن توصل للايه؟ للقتل. يعني التعزيب - 01:02:17ضَ

ممكن يوصل للقتل فهي راجعة عشان كده قلت لك حديس عشر اصوات دوت فيما يتعلق بالتأديب بس. لو حاجة تأديب مش عقوبة معينة على ايه جريمة معينة حصلت المسألة الرابعة بقى انواع العقوبات التعزيرية. يمكن ان تصنف العقوبات التعزيرية حسب متعلقاتها على النحو التالي. ما يتعلق بالابدان ممكن ممكن يعاقب - 01:02:38ضَ

يعني التعزير في ايه؟ ممكن يكون في البدن يجلده يقتله دي عقوبة متعلقة بالبدن ممكن يعاقبه في ماله واحد مسلا ايه اتلف حاجة هياخد منه زيها او اغلى منها. هو بيعاقبه. مش هترجعي ده انت هناخد منك وبزيادة. علشان ما تعملش - 01:03:00ضَ

كده تاني والغرم وممكن يتلف له حاجة عنده غلط واحد عنده اصنام واحد عنده خمرة واحد عنده الات آآ معازف ممكن يروح يكسر له كل دوت. ده نوع من العقوبة - 01:03:17ضَ

ضيع له فلوسه. ما هوش هيدي له مقابلها حاجة. انت اشتريت حاجة حرام هنضيعها لك. مش هنديك فلوس قصادها فدوت يجوز. ما هو مركب منهما؟ ممكن حاجة مركبة. كجلد السارق من غير حرز مع اضعاف الغرمة عليه. يعني الحاكم يقضي - 01:03:29ضَ

يتجلد ويدفع يعني مسلا ايه سرق بقى مسلا غصب لكن ما سرقش غصب فيجلده مسلا مسلا اه عشرين جلدة ويدفعوا ضعف تمن ضعف الفلوس اللي سرقها نوع من ايه عقوبة؟ ده جمع بين البدن والايه؟ والمال. عشان كده قضى النبي عليه الصلاة والسلام على من سرق من الثمر المعلق قبل ان يؤويه الجنين بالحد - 01:03:45ضَ

غرمه مرتين. يعني سرق سرق التمر قبل ما يحطوه في الطيف في الجنين اللي هو يعني فقضى عليه ان هو يتجلد ويدفع ضعف تمن الايه الحاجة اللي ايه اللي سرقها - 01:04:11ضَ

ما يتعلق بتقييد الارادة كالحبس والنفي ممكن يحبسه ممكن ينفي حسب ما يرى. بيقول بقى اقل حاجة ما يتعلق بالمعنويات كايلام النفوس توبيخ والزجر نعمل ايه؟ زي ما النبي عليه الصلاة والسلام مسلا عاقب كعب بن مالك - 01:04:27ضَ

على تخلفه عن غزوة تبوك وهلال ابن امية مروان الربيعة. طبعا ما بكلمهمش بس. اه كان خمسين يوم بس عموما هو ما استعملش معهم لا عقوبة بدنية. ولا عقوبة مالية - 01:04:44ضَ

هو مجرد ما كلمهمش. وده كان عشان تشوف شوية واحد شريف زي كعب بن مالك. قد ايه اتأسرت فيه العقوبة ديت؟ يعني لو كان قتل وكان اسهل بالنسبة له لكن دي حولت كعب مالك خالص - 01:04:54ضَ

واسرت في تأسير رهيب جدا على التلاتة اتأسروا تأسير رهيب. وبقوا ائمة بعد كده في التوبة وفي الصدق وغير زلك. عشان تعرف ان هي راجعة لنزر الايه؟ نظر الامام. رغم - 01:05:07ضَ

وما عملتش حاجة من المنافقين. ما هو ده غير ده النبي عليه الصلاة والسلام كان ينوع في العقوبة حسب الايه؟ حسب الشخص يقعد يتجلد فقعد يتضرب وقاعد يكلمهوش بس وقاعد يبص له كده وقعد يسيبه - 01:05:17ضَ

راجعة للحكمة الامام ومش داخل فيها اي نوع من انواع الايه الهواء. هنكتفي بقى بالقدر دوت. اقول قولي هذا واستغفر الله لكم. سبحانك اللهم وبحمدك - 01:05:30ضَ