باحث

بسم الله الحمد لله والصلاة والسلام على رسول الله وعلى آله وصحبه ومن والاه. واشهد ان لا اله الا الله وحده لا شريك له. واشهد ان محمد عبده ورسوله اللهم صلي على سيدنا محمد النبي وازواجه امهات المؤمنين وذرياته وال بيته. كما صليت على ال ابراهيم انك حميد مجيد - 00:00:00ضَ

اما بعد آآ المجلس العاشر من هذه السلسلة المباركة قباسات نور. الحقيقة المجلس ده اه ما كنتش عارف اسميه ايه يعني هو الناس اللي بتعمل الاعلان بقى هم اللي سموه يعني ايه مؤمن كافر. ايه الحاجات الحركات بتاعتكم دي - 00:00:22ضَ

فالحقيقة انا ما كانش فيه اسم يعني في دماغي فحكيت لهم يعني احنا عايزين نتكلم عن ايه فسموه كده. الحقيقة النهاردة عاوزين نعقد مقارنة آآ بين مشهدين. مشهد اتكلمنا عنه بالتفصيل الدرس اللي فات - 00:00:42ضَ

وهو اه مشهد ايات النور. الله نور السماوات والارض الكلام ده اتكلمنا عنه المرة اللي فاتت ومشهد ذكره الله عز وجل بعد هذه الاية. طبعا الاية دي هم ايتين يعني في بيوت اذن الله ان ترفع ويذكر فيها اسمه. يسبح له فيها - 00:00:58ضَ

والاصال رجال لا تلهيهم تجارة ولا بيع عن ذكر الله واقام الصلاة. وايتاء الزكاة يخافون يوما تتقلب فيه القلوب والابصار ثم ذكر الله عز وجل مثالين مثالين لاعمال الكفار والحقيقة المثالين دول - 00:01:17ضَ

برضه محتاجين نقف معهم لان فيهم اه صورة عجيبة صورة بالصاد. يعني صورة المثل عجيبة انتم فاكرين لما قعدنا نتكلم عن صورة المثل الذي ضرب للنور ساعة لما قلنا لكم اه مثلا ضوء الشمس اقوى ولا الضوء اللي ذكر؟ طب ليه ما قالش الشمس - 00:01:40ضَ

فاكرين قعدنا نقول صورة المثل مهم ان احنا نتأمل كل كلمة موجودة خصوصا في المثال بتاع المرة اللي فاتت لما قلنا لكم تكرار الكلمات فاكرين يعني الزجاجة تتكرر مرتين والمصباح يتكرر مرتين. وكأن في معنى ان ركزوا في الزجاجة ايه هي الزجاجة وايه هو المصباح - 00:01:58ضَ

فاكرين الكلام ده كذلك المسألين اللي ضربهم لربنا سبحانه وتعالى لاعمال الكفار في غاية العجب فقال الله عز وجل والذين كفروا اعمالهم كسراب بقيعة يحسبه الظمآن ماء حتى اذا جاءه لم يجده شيئا - 00:02:19ضَ

ووجد الله عنده فوفاه حسابه. والله سريع الحساب. ده اول مثال او كظلمات في بحر لجي يغشاه موج من فوقه موج من فوقه سحاب ظلمات بعضها فوق بعض اذا اخرج يده - 00:02:37ضَ

لم يكد يراه ومن لم يجعل الله له نورا فما له من نور وده تاني مسال والحقيقة المثالين دول في غاية العجب. وعائزين بقى نعقد مقارنة بين مثال النور. او ان شئت فقل مثال للمؤمن ومثال للكافر - 00:02:54ضَ

واول حاجة ناخد بالنا منها كده في المسالين يا جماعة هو الحالة النفسية اللي هيكون صاحب المثال واقع فيها يعني تخيلوا تخيلوا المشهد الاول ده اللي احنا اتكلمنا عنه المرة اللي فاتت بالتفصيل - 00:03:10ضَ

اولا انت قاعد في بيت في بيوت انتم عارفين يا جماعة كلمة البيت دي ال البيت يعني من من البيتوتة. البيتوتة انك لما تنام بالليل كده دي دي بيسموها البيتوتة. خلاص - 00:03:29ضَ

فهذا لا يكون الا فيه نوع طمأنينة. الانسان ما يعرفش ينام ويرتاح في النوم الا لو هو مطمن مرتاح خلاص اول حاجة انت في بيت بداية كده. انت في بيت - 00:03:43ضَ

وبعدين تخيل بقى المشهد ده. انت في بيت وفي ضوء في هذه يخرج من هذا المصباح اللي في الزجاجة اللي في المشكاة فمضيء المكان وبعدين ما انتاش لوحدك. ذكر الله عز وجل رجال لا تلهيهم فانت تخيل المشهد. انك قاعد في بيت من بيوت الله عز وجل - 00:03:57ضَ

فيه هذا الضوء وحولك ناس تأنس بهم ويأنسون بك ده مشهد ولما تعيش المشهد ده تشعر بتلك الطمأنينة. خصوصا بقى ايه الاعمال اللي بتحصل حواليك ايه الاعمال؟ ربنا قال ايه - 00:04:19ضَ

في بيوت اذن الله ان ترفع ويذكر فيها اسمه يسبح له فيها بالغدو والاصال. انت قاعد في مكان سامع تسبيح سامع صلاة سامع ذكر سامع قرآن حواليك ناس رجال لا تلهيهم تجارة ولا بيع عن ذكر الله - 00:04:38ضَ

مش قاعد لوحدك المكان مضيء اضاءة لاهية قوية جدا تزعج ولا هي خافتة جدا فلا تكاد تبصر شيئا هو ده الحالة النفسية بتاعة الصورة الاولى الصورتين التانيين بقى اول صورة اول صورة قال الله عز وجل والذين كفروا اعمالهم كسراب بقيعة. يعني ايه سراب بقيعة الاول يا جماعة؟ القيعة يعني القاع. الارض المستوية - 00:04:57ضَ

المنخفضة المستوية عارفين لما تيجوا في احنا احنا كنا اتكلمنا عن ده قبل كده. عارفين لما تيجوا في الصيف في شدة الحر في الصحراء ممكن بعيد تحس ان فيه ميه - 00:05:28ضَ

تيجي تقرب ما تلاقيش الماية. طب ايه هو ايه ليه شفت مية لما الهوا اللي بيبقى قريب من الارض بيبقى سخن خلاص وبعدين والهوا اللي فوقيه ابرد وهكذا طبقات يعني كل طبقة اقرب للارض هي اسخن لان الارض الرمل سخن. طيب هو الهواء السخن - 00:05:42ضَ

اقل ولا اكبر من الهواء البارد ايه رأيكم؟ اقل كثافة الهواء كل ما يسخن الهواء الكثافة تقل. ماشي فيبتدي الهوا اللي سخن اللي هو تحت ده عاوز يعمل ايه يطلع فوق مش كده - 00:06:00ضَ

والطبق اللي فوقه عايز يطلع فوقيها وهكذا لان كل طبقة اسخن من فيبتدي يعمل كأن في تحركات كأن في امواج كأني وعشان كده قالوا السراب ده آآ عارفين سرب الحمام او سرب الطيور متحرك - 00:06:17ضَ

فقالوا السراب اتسمى كده علشان يظهر فيه الحركة ماشي وبعض الناس في بعض الاماكن لما بياخدوهم سفاري يجيبوهم كده ويطلعوهم كده ويقولوا لهم بصوا بحر اهو وفعلا الناس اللي واقفين مع الراجل ده يفتكروه بحر فعلا. وهو لا بحر ولا حاجة - 00:06:32ضَ

هو بس الحرارة عملت الحركة اللي احنا هو ده السراب هو ده السراب فاول حاجة هنا اتفاجئنا يا جماعة آآ اول حاجة ان المسالين اللي معنا هتجد ان ربنا لما ضرب المثل ضرب المثل بواحد واقف لوحده - 00:06:51ضَ

عيشوا يا جماعة النفسية دي. عيشوا عشان نعرف بقى يعني احنا دلوقتي هنرجع نقول في الاخر الدرس اللي عاوزين نطلع به النهاردة ايه فكرة ان الانسان كلما اقترب من الرب سبحانه وتعالى ومن دين الله عز وجل ازاي هعيش في طمأنينة - 00:07:11ضَ

ويكون في امان في الاخرة فعاوزين نطلع من الامثلة دي كده نفهم لان يا جماعة لو كان المقصود فقط فكرة ان الاعمال خانتهم احوج ما يكونون اليها والاعمال دي كانت على ضلال ولا - 00:07:26ضَ

ولا كذا؟ ما كانش له لازمة بقى المثل ده كله يعني لو فكرة المسال الساني مسلا ان هو فكرة الظلام واذا اخرج يده لم يكد يراها ما هو ده ممكن يحصل في اوضة. مش كده؟ يعني اوضة ضلمة لو اذا اخرج يده لم يكد يراها. لو هي الموضوع بس مسألة - 00:07:38ضَ

عاوزين نوصف زلام يعني لكن ربنا سبحانه وتعالى ما عملش كده. الله عز وجل ضرب مثلين في غاية العجب لكن اول حاجة اتفاجئنا ان المثلين لما ربنا ضربهم تكلم فيهم او او فيهما في المثلين يعني - 00:07:53ضَ

بصيغة المفرد في حين المثل الاول لما تتأملوا تجد ان فجأة بيظهر لك رجال لا تليهم تجارة ولا بيع عن ذكر الله معك مما يشعرك بهذه الطمأنينة بهذه الراحة. المسال التاني المسال الاول بقى - 00:08:14ضَ

اللي هو التاني في الترتيب والاول للكفار ربنا يبدأه بصيغة الجمع والذين كفروا اهو جمع اهو مش كده فجأة فجأة والذين كفروا اعمالهم كسراب بقيعة يحسبه الظامئون ماء كده فجأة يتحول الكلام عن واحد - 00:08:32ضَ

يحسبه الظمآن ما اعيش النفسية دي بقى واحد لوحده في صحراء هو ده المسل اللي معنا واحد لوحده في صحراء وظمآن ظمآن يعني ايه؟ يعني معه ميه بس بخلان بها شايلها على جنب ولا خلاص؟ نفد الماء وما عهوش حاجة - 00:08:51ضَ

نفذ الماء وبعدين فجأة لقى ميه بعيد. يحسبه الظمآن ماء فقعد يمد عشان يوصل للمية دي ووصل للمية حصل له حاجتين مش حاجة واحدة ركزوا اول حاجة اكتشف الخسارة الكبيرة اللي هو كان فيها ان ما لقاش ايه ؟ ما لقهاش مية - 00:09:11ضَ

بس كده يا ريت تخيلوا بقى الحالة دي واحد في صحرا وبعدين بص لقى مية جري للمية ما لقهاش مية ولقى غريم غريم يعني ايه؟ واحد كان هو مداينه بحاجة - 00:09:38ضَ

يعني واحد مداينه بحاجة او واحد له عنده حاجة له عنده فلوس له عنده تار له عنده اي حاجة. لا واقف عند الايه اللي هو رايحه يعني مش بس ما فيش ماية - 00:09:51ضَ

لأ ده خلاص يعني هو ما فيش ماية ده زن الهلاك وجد غريمه خلاص ده هلاك محقق. مش كده صورة مرعبة. اولا صورة مقلقة يعني فيها قلق وفيها يعني انت لو تخيلت المشهد ده زمان - 00:10:03ضَ

حصل لي كده حاجة زمان كنت في حديث النبي عليه الصلاة والسلام بيذكر آآ مثلا في حديث بيقول ان لله اشد فرحا بتوبة عبده حديث بيتهيأ لي معروف من رجل - 00:10:19ضَ

كان معه راحلته عليها طعامه وشرابه وبعدين النبي عليه الصلاة والسلام قصة طويلة المهم نايم في الصحراء قام ما لقاش الراحلة اللي هو فالنبي عليه الصلاة والسلام بيقول صلوا على النبي - 00:10:36ضَ

انا عمال اتلكك اني اقول اسم النبي عليه الصلاة والسلام عشان نصلي على النبي. النهاردة الجمعة فبيقول انه ابتدى يطلب الراحلة في كل مكان ما لقهاش الكلمة اللي بعديها بقى كانت بالنسبة لي عجيبة وكنت بضرب كف على كف منها. قال - 00:10:50ضَ

فقال الرجل ارجع الى المكان الذي كنت فيه فانام لاموت فكنت كل ما اقرأ الكلمة دي اتعجب يعني اقول اي حد في مكانه مش لاقي الراحلة طب ما امشي. يعني ما ايه ارجع انام عشان اموت يعني ما ما خلاص يا ترى امشي بقى يمكن ايه تعطر في حد تعطر في حاجة يمكن - 00:11:08ضَ

الحقيقة يا جماعة آآ لغاية ما حصل بقى معنا انا شخصيا موقف ان انا تهت في صحراء ما كناش بقى يعني كنا في سفاري وفي الصحرا طالعين في الصحرا وتعطل بي البتاع اللي معي ده - 00:11:30ضَ

وكلهم مشيوا وفضلت لوحدي وحينها فعلا انت بتشعر هذا اني انا يعني انت بتبص يمين وشمال وورا وقدام ما بتلاقيش حاجة ما فيش اي علم لشيء كلها رمال صفراء كده. ما فيش اي معلم يخليك تمشي في في اتجاه - 00:11:43ضَ

حينها انا وقفت فعلا ولغاية ما الدنيا ليلت انا واقف مش عارف اعمل ايه وفهمت معنى الحديس ده فعلا ان هو اللي في الصحرا ده اللي في وسط الصحرا خلوا بالكم يا جماعة هم المثالين مرعبين - 00:12:02ضَ

فعلا اللي في وسط الصحرا ده ده في شدة الحيرة في شدة الحيرة والراجل اللي بيجري على السراب ده يعني واحد ما هواش بقى خريج في الصحراء ولا ماهر ولا يعرف الطرق ولا - 00:12:18ضَ

لأ ده واحد مش عارف اي حاجة لدرجة انه ظن السراب ماء فهو في شدة الحاجة اولا في شدة الاضطراب يعني وجل القلب واضطراب القلب عجيب وبعدين لوحده يعني ربنا سبحانه وتعالى في المشهد ما بيذكرش حد معه - 00:12:31ضَ

فجأة يحسبه الظمآن فجأة بقى لوحده كده. واحد لوحده واقف ظمآن عاوز مية في شدة الحاجة في شدة في وبعدين يروح ما يلاقيش الماية ويلاقي غريمه واقف عند الماية كمان. تعال بقى انا لقيتك. تعال لي. يعني ازا كان في ظن هلاك لأ بقى - 00:12:52ضَ

هلاك محقق انتهت انتهى الامر هذا هو المثال الاول. هنفهم هو مضروب لايه دلوقتي بس الصورة دي نفهمها بالصاد مش بالسين. الصورة المثالية دي نفهمها ونعيش نفسياتها يبقى سراب بقيعة يحسبه الظمآن ماء حتى اذا جاءه لم يجده شيئا ووجد الله عنده - 00:13:10ضَ

توفاه حسابه والله سريع الحساب الصورة الثانية مرعبة جدا او كظلمات في بحر لجي يغشاه موج من فوقه موج من فوقه سحاب ظلمات بعضها فوق بعض. اذا اخرج يده لم يكد يراها - 00:13:37ضَ

ايه الصورة دي الاول يا جماعة عاوزين نفهم بقى شوية حاجات كده في الاية. بحر لجي يا نيلو الدي ما هو ما هو يعني الاية ما جتش كده ما جتش ايه ما جتش في بحر يغشاه موج. ربنا قال في بحر لجي. فلازم نفهم يعني ايه؟ وايه - 00:14:03ضَ

الكلمة دي هنا لجة البحر يا جماعة هو المكان الذي لا ترى منه ارضا ولا جبلا عارفين المكان لما تبقى في وسط البحر زي المثال بتاع الصحراء اللي قلته لكم من شوية كده يمين شمال وراء قدام مش شايف حاجة - 00:14:23ضَ

ماية مش الشط اهو قريب لا لا لا ده انت مش شايف لا ارض ده تعريف اللجة. ولا جبل. انتم عارفين لان الجبل بيبان من مسافة ابعد. يعني انت ممكن ما تشوفش ارض - 00:14:44ضَ

لكن شف الجبل لأ ده انت مكانه شايف فيه حاجة خالص من كل الجهات بحر فعيش النفسية دي بقى انت دلوقتي في مكان وخلي بالكم في المكان ده يعني ايه يعني في قارب بعضهم قال كده - 00:14:56ضَ

لكن الموضوع قال لأ. الاية مش كده. الاية انه في القاع قال او كظلمات في بحر لجي انت جوة البحر ولذلك بعض المفسرين هنا ابتدى يتكلم على فكرة ان قاع البحر العزيم ده بيكون اشد الاماكن ظلاما. يعني هو بيتكلم فكرة ان المسال اللي احنا بنضربه ده بنضربه لواحد في قاع البحر - 00:15:10ضَ

وعيش برضو نفسية الراجل اللي في قاع البحر ده اللي عمال خلاص يعني ده عامل ازاي ده! حالته عاملة ازاي وبعدين هل في امل في النجاة بقى يبقى زلمات في بحر لجي - 00:15:36ضَ

ظلمة وتخيل الظلمة دي ظلمة حالكة من فوقه موج آآ او كظلمة في بحر لجي آآ يغشاه موج من فوقه موجة. الطبيعي يا جماعة في الموج انه بيبقى فوق بعضه ولا وراء بعضه - 00:15:51ضَ

اه فكأن المدمن سرعة هذا الموج يركب بعضه بعضا الموج فوق الموج الموج فوق الموج المشهد احنا هنفهم الموج ده بيرمز لايه بس المشهد يعني عيشوا عيشوا الراجل ده شكله ايه اللي في الحالة دي - 00:16:07ضَ

هو في بحر لجي لا شايف ارض ولا جبل ولا اي حاجة يمين شمال ورا قدام وفي الظلام وبعدين الموج عمال مش مش ورا بعضه ده راكب على بعض يغشاه موج - 00:16:31ضَ

من فوقه موج. طيب يبقى امل ان القمر هينور النجوم من فوقه ساحات فكأن السحاب قد غطى على نور السماء ولذلك قال الله عز وجل ظلمات بعضها فوق بعض اذا اخرج يده لم يكد يراها. اقرب شيء لك - 00:16:47ضَ

تطلع ايدك كده مش شايفها هو اصلا يا جماعة فكرة الظلام الدامس ده الحالك ده فكرة لوحدها مرعبة اصلا ان ما فيش اي ضوء عارف انت لو في حتة زي كده بس وسمعت خبطة - 00:17:17ضَ

تقعد بقى دماغك تودي وتجيب. تخيل انت في البحر اللي اوصفه كده فنفسيتك عاملة ازاي ومرة اخرى نفاجئ ان الكلام هنا بصيغة المفرد. ما حدش معك اذا اخرج يده لم يكد يراها. احنا بنتكلم عن واحد - 00:17:32ضَ

يعني انت واحد لوحده في هذه الايه؟ الاجواء نرجع تاني بقى بسرعة خلاص عشنا النفسية دي. ارجع بقى قارن بين النفسيتين. النفسيتين واحد قاعد في بيت مضيء لا هي الاضاءة المزعجة ولا الاضاءة الخافتة التي آآ يعني يعني لا تضيء يعني اضاءة كافية وبعدين معه ناس - 00:17:56ضَ

والجو مشحون بهذا الايه آآ هذه الشحنات الايمانية. ذكر وتسبيح وقرآن وصلاة وبين هذين المسائل المثالين هي دي القصة يا جماعة. اول قصة فكرة ان انت معك ناس وهم والكافر ده لوحده - 00:18:25ضَ

هو الحقيقة الكافر ده لوحده امتى ده هيحصل؟ هيحصل في الاخرة والله عز وجل بين ذلك الاخلاء يومئذ بعضهم لبعض عدو الا المتقين ففكرة انك في هذا اليوم المزعج المقلق يوم القيامة - 00:18:46ضَ

الخلة هذه الخلة موجودة بقدر الاخلاء يومئذ بعضهم لبعض عدو الا المتقين وبعدين هتحشر يعني اهل الايمان واهل التقوى يحشروا مع بعض كده. ويأتون على الله عز وجل بوصف عجيب. قال الله عز وجل ايه؟ يوم نحشر الايه - 00:19:06ضَ

ايه؟ يوم ايه مش سامع في اخر مريم. ايه؟ اه يوم عاشوراء المتقين الى الرحمن وفدا ونسوق المجرمين الى جهنم ويريدون مش كده يعني ايه وفد ده مش بس مع بعض لأ - 00:19:27ضَ

راكبين مش هيمشوا نحشر المتقين الى الرحمن وفدا وفد طبعا كلمة وفد واضح فيها الايه الجماعة وراكبين كمان. قال هيبقوا راكبين نجب جمال خلاص آآ صفاتها ايه بقى ولا هيئتها ايه المهم ده هيحصل - 00:19:50ضَ

قاله ربي سبحانه وتعالى طب التانيين هيبقوا بيعملوا ايه؟ بيلعن بعضهم بعضا ربنا اللي ذكر ده مش كده؟ ويتبرأ بعضهم من بعض ولقد جئتمونا فرادى كل واحد لوحده وهذا الخطاب للكافرين كما خلقناكم اول مرة - 00:20:09ضَ

وما نرى معكم شفعاءكم الذين زعمتم انهم فيكم شركاء لقد تقطع بينكم كده ولا بينكم ولا الاتنين الاتنين. لقد تقطع بينكم قراءة حفص يعني اللي كلنا عارفينها. يعني اللي قد تقطع ما بينكم من الود والقرابة والصلة. لقد تقطع بينكم يعني وصلكم - 00:20:30ضَ

والذي كان بينكم في الدنيا ففكرة فكرة ان في المثال الاول انت معك ناس بتسبح وناس والمسال التاني فجأة الكافر ده لوحده ظمآن لوحده اخرج يده لوحده ده حاصل يا جماعة هيحصل يوم القيامة - 00:20:51ضَ

هيحصل فلتكثر من هذه الخلة النافعة يبقى انت في الدنيا شلة الانس مش نفعاك في الاخرة حاجة مش نافعاك وهتتبرأوا من بعض هتتبرأوا من بعض هكذا قال الله عز وجل - 00:21:08ضَ

الناس اللي بتبعدك عن الصلاة الناس اللي بتبعدك عن حجابك. الناس اللي بتجرأك على محارم الله عز وجل على شرب على سكر على زنا على مصاحبة على على اي حاجة - 00:21:32ضَ

على اي حاجة خلة غير نافعة وستتبرأ منها يوم القيامة. يعني مش انت يعني ان شاء الله يعني ما يكونش حد في المجلس ده كده. يعني يلعن بعضهم بعضا يوم القيامة - 00:21:45ضَ

فلتكثر من هذه الصحبة بقى اللي هي مين ؟ اللي اتكلمنا عنها المرة اللي فاتت. رجال لا تلهيهم تجارة ولا بيع عن ذكر الله. ناس لا بتبيع ولا بتشتري وقاعدة في المساجد مش كده - 00:22:00ضَ

ما هو لا تلهيهم تجارة ولا بيع عن ذكر الله يبقى سايبين التجارات وسايبين الدنيا وقاعدين في في بيوت ربنا قلنا ده قيل لكن الجمهور الجمهور على ان هؤلاء اناس يتجرون. دي ناس بتتاجر - 00:22:14ضَ

ناس تجار انتم عارفين يا جماعة التجارة التجارة آآ من اكتر الحاجات اللي يتعلق بها القلب يعني يعني اكتر من الوظيفة ليه لان الوظيفة انت خلاص انت مرتبك سابت في الاخر. يعني انت آآ ماشي حتى لو فيه مسلا بونص ولا بتاع هيروح بس انت لك مرتبك اللي في اخر الشهر بتاخده - 00:22:30ضَ

فالدنيا اكثر امانا. التاجر مش كده التاجر بالزات لو بيتاجر في راس ماله هو هو فاهم كويس جدا ان اللحظة بتفرق ازاي مش كده؟ يعني اللحظة بتفرق في الصفقة الكلمة بتفرق - 00:22:57ضَ

وعلشان كده قلنا لكم المرة اللي فاتت مين اللي بيكون احرص على اتمام الصفقة البايع ولا المشتري؟ البائع. ليه؟ لان هي دي الصفقة هي دي الصفقة مش كده وعشان كده هنا قال ايه؟ رجال لا تلهيهم تجارة - 00:23:13ضَ

ولا الله! ما هي التجارة بيع وشراء. التجارة لو جيت تعرف التجارة هي بيع وشراء ليه ربنا قال بعد تجارة بيع؟ ما هو خلاص ما هو قلنا لان البائع دايما احرص على اتمام الصفقة من المشتري - 00:23:27ضَ

انا ليه اقول الكلام ده علشان لما ده بيحصل لهؤلاء الرجال اذا كانوا تجارا فلو كان طالب بقى واحد في السانوية لأ من باب اولى لا تلهيك مزاكرتك عن زكر الله - 00:23:43ضَ

اقام الصلاة وايتاء الزكاة واحد في وظيفة في شركة في مصنع في آآ محل في اي حاجة واحدة في بيتها رجال لا تلهيهم تجارة ولا بيع عن ذكر الله واقام الصلاة وايتاء الزكاة - 00:23:55ضَ

هي دي الفئة اللي بندور عليها يعني ايه بندور عليها؟ يعني اولا عاوزين نكون احنا منها عاوزين نكون منها عاوزين نكون ناس مجرد ما تسمع حي على الصلاة حي على الفلاح - 00:24:11ضَ

تترك كل شيء. بعض السلف روي عنه انه كان بيعمل حدادا يقعد بقى يدق على الحديد فروى عنه ان هو كان ربما رفع الايه؟ المطرقة اللي اللي بيطرق بها دي. فسمع النداء - 00:24:25ضَ

فافلتها من يده يعني رفع كده المطرقة عشان هيايه هيدب على الحديد. الله اكبر يسيبها يعني ما يرجعش ايده يحطها مبالغة في الايه؟ في المسارعة الى آآ الاجابة اجابة النداء الله اكبر يروح راميها كده ايه - 00:24:38ضَ

لو هتعملوا ده بس ركزوا ما يكونش فيه اي حاجة وراكم ولا بتاع لا تلهيهم تجارة ولا بيع عن ذكر الله. لا عمل ولا تجارة ولا اي ولا اي شيء. قلنا لكم فيه درجة اعلى من دي اللي هي ايه - 00:24:58ضَ

المرة اللي فاتت ايوة ما هو لو مش عارفين يبقى ما عملناش يا جماعة احنا جايين يعني ايه ابو هريرة رضي الله عنه. كان واحد يجي يقعد يسأله عن احاديث احاديث. وابو هريرة من المكثرين - 00:25:12ضَ

عندنا كم واحد من المكسرين؟ كم واحد رقم حد يعرف وندي له مين قال سبعة احسنت. كنت لسه هقول له ندي له هدية بس خلاص انت قلت لك هدية خلاص. مبشرين يعني رووا احاديث آآ احاديث كثيرة عن النبي صلى الله عليه وسلم - 00:25:26ضَ

مختلف بقى في عددها وكده. المهم ابو هريرة من المكثرين عنده احاديث كتير. ليه عنده اشمعن ابو هريرة عنده احاديث كثيرة؟ اه بقية الصحابة كان لم يتجروا ده كذا وده كذا ابو هريرة هو قاعد للنبي عليه الصلاة والسلام - 00:25:45ضَ

فاخذ عنه علما كثيرا. المهم فكان واحد ييجي يقعد يسأله في الاحاديث. قل لي حديث قل لي حديث. فابو هريرة مرة قال له ايه اتعمل بكل ما تسمع فقال لا. قال فلم تكثر فلم تكثر من حجج الله عليك - 00:25:59ضَ

ده معناه ايه؟ معناه انك ما تسمعش ولا معناه انك تعمل؟ عشان بس الناس بتفهم برضو يقول لك يقول لك ابقى قم امشي بقى من الدرس. لا هو مش كده. ابو هريرة بيربيه بيقول له - 00:26:14ضَ

اتعلم بس ايه اعمل فاعمل ولو بالعشر كالزكات تخرج بنور العلم من ظلماته تعمل بالعشر يعني من كل اربعين حديث بقد ايه هو الزكاء عشري الاول ولا الزكاء قد ايه ؟ صحصحوا كده عاوزين آآ في زكاة معينة عشر مش مهم هي ايه دلوقتي ماشي؟ فهو قال فاعمل ولو بالعشر كالزكاة تخرج بنور العلم - 00:26:24ضَ

من ظلماتي هفاجئكم دلوقتي وهتفهموا ليه بقى اقل رقم صحيح لو قلنا آآ الزكاة الاول آآ فاعمل ولو بالعشر. وبعضهم قال يا ايه يا اهل الحديث ادوا زكاة الحديس. لو قلنا بقى ربع العشر الزكاة طبعا المعروفة او ربع العشر مش كده - 00:26:47ضَ

ادوا زكاة الحديس. فلو هنطلع ربع العشر يبقى انت عاوز تعمل بكم حديث من كل كم يعني؟ اقل رقم صحيح واحد منين من الاربعين في حد فاهم حاجة يا جماعة ازيك يا ربع عشري دي مفهومة؟ - 00:27:09ضَ

اقل رقم صحيح يخرج لك آآ كم آآ يبقى نجيب كم حديث عشان نطلع من منها رقم صحيح. اقل رقم صحيح الواحد عشان نطلع ربع العشر من رقم صحيح محتاج كم حديث؟ عشان كده دي واحدة من الحاجات خلت العلماء يصنفوا الاربعينيات - 00:27:25ضَ

حد فهم حاجة؟ عارفين الاربعين النووية مشهورة اشمعنى رقم اربعين؟ اتقال فيه حاجات يعني فيه حكم في دي. اصل مش بس نقول ان هو يا جماعة اللي قال في اربعين ها - 00:27:48ضَ

احنا عندنا علماء تانيين الفوا اربعينيات مش بس هي الاربعين النووية كتب لها القبول والانتشار بس ماشي اشمعنى رقم اربعين من الحاجات اللي اتقالت فيها انه اقل رقم له ربع عشر صحيح. فكأن النووي بيقول لك ايه خد اربعين حديث اعمل ولو بحديث - 00:28:01ضَ

تكون قد اديت زكاة الاربعين فهمتم دي ايه اللي جاب بقى الكلام ده كله ان انا قلت لكم المرة اللي فاتت في درجة اعلى من درجة انك تسمع الله اكبر تروح المسجد - 00:28:24ضَ

فقلت لكم ما انتم لو مش فاكرين النهاردة قلت لو مش فاكرين يبقى ما حدش عمل بها اللي هي ايه بقى الدرجة دي ؟ ان الاداب ما يقدمش غير وانت في المسجد - 00:28:37ضَ

المؤذن ما يقولش الله اكبر غير وانت جوة بيت ربنا سبحانه وتعالى وبعدين قلنا في درجة اعلى انك ايه؟ انك على طول في المسجد ما بتخرجش غير للايه للضرورة فاكرين؟ اقول لكم اه الناس تيجي تجرك تعال عندك جامعة تعال عندك شغل - 00:28:47ضَ

مش سايب الجامعة لأ بروح الشغل بس انا باتلكك انا بتلكك اني اشوف فين بيت ربنا في الحتة دي عشان اروحه اقعد فيه ساعة ما قلت لكم ايه مودي ابنك التمرين فاكرين - 00:29:04ضَ

وديتوا التمرين وانت في مسجد النادي في بيت ربنا. ليه؟ ما هي النور هناك النور هناك برة ظلام ظلام المشكلة بقى ان احنا مش بنشوف النور والظلام. برة ظلام برة تبرج - 00:29:15ضَ

برة سفور برة غيبة وبرة نميمة برة بيت ربنا ظلام اجري على النور في الجامعة السكشن اتلغى في المسجد انا في المسجد لا بقى في البوفيه ولا في الكافيتريا ولا في الجنينة ولا ترنيب ولا حد هنا في الهندسة - 00:29:35ضَ

في اللعبة الرسمية الهندسة مش كده؟ ترنيم. هنا فين؟ في المسجد في بيت ربنا على طول طب في البريك في المسجد ده ما فيش صلاة في المسجد انا في المسجد. انا في المسجد - 00:29:57ضَ

يبقى ده اول حاجة اول فكرة اول فكرة عاوزين نخرج بها من من مقارنة الصور ان احنا نكسر من هذه السلة المؤمنة اللي هتنفعنا يوم القيامة. ولها شفاعة تنفعك يوم القيامة - 00:30:15ضَ

اللي هي دي صفاتهم بقى لا تليم تجارة ولا بيع عن ذكر الله وايه واقام الصلاة وايتاء الزكاة. يخافون يوما تتقلب فيه القلوب والابصار. دول احوالهم هتبقى ايه؟ هيبقوا قاعدين بيكلموك في الكورة - 00:30:30ضَ

وقاعدين بيكلموك في البنات وقاعدين بيكلموك في الشرب والضرب قاعدين ولا قاعدين بيتكلموا في ايه اكيد اكيد مش دي حوادثهم ولا في التجارة ولا في الشهادات الدنيوية. يعني معنى كده عاطلين هم هم بيعملوا ده. بيعملوه بس بينووا فيه الخير. لكن مش دي حياتهم - 00:30:41ضَ

هم فاهمين كويس جدا ان هم ما اتخلقوش عشان كده فكأنهم وهم بيعملوا الحاجات دي هم بيعملوها مضطرين اه هنعملها وهناخد الشهادة وازا ازا الدنيا محتاجة ان احنا نعلى في الشهادة شوية علشان معاني اه معينة لن نحصلها الا بهذا هنعمل دهلكة - 00:31:02ضَ

لكن قلوبنا مش هنا قلوبنا مش كل حياتنا بقى بنتكلم عن الماجستير اللي باخده والدكتوراة اللي خدتها والصفقة اللي خلصت والفلوس اللي عملتها والعربية اللي اشترتها والبيت اللي جبته ايه ده - 00:31:20ضَ

ايه ده قلنا لكم المرة اللي فاتت فيه ناس يعني ابت الا انها تسحب الدنيا معها وتجيبها جوة الجامع كمان يعني تلاتة وعشرين ساعة برة الجامع ما وراناش غير الدنيا الساعة اللي بنقعدها في الجامع عمالين يسكروا لي على الفيسبوك وعمالين نشات على الواتساب وعمالين نتكلم في في المزاكرة وفي - 00:31:35ضَ

صفقات وفي وفي التاسك اللي عليك في الشركة وفي ايه يا عم في ايه يا عم ايه ده طب فين ربنا؟ فين الاخرة فين الاخرة؟ يبقى اول حاجة عاوزين نوجد هذه الفئة يا شباب - 00:31:54ضَ

ازاي نوجدها اول حاجة انك حضرتك تكون واحد منهم حضرتك تكون وحضرتك تكوني واحد منهم من هؤلاء ونقيس انفسنا على هذه الصفات هل انا مما يلهيني شيء عن ذكر الله عن اقام الصلاة عن ايتاء الزكاة - 00:32:15ضَ

وبعدين نروح ندور بقى على الفئة دي عشان نكون معهم خلاص واصبر نفسك مع الذين يدعون ربهم بالغداة والعشي يريدون وجهه ولا تعدو عيناك عنهم تريد زينة الحياة الدنيا. واتكلمنا في ايادي كتير قبل كده - 00:32:37ضَ

يبقى دي اول حاجة في مقارنة الامسلة. المعنى التاني الحقيقة اللي عاوزين برضو نتأمله وهو فكرة احنا اتكلمنا عن معنى الايه؟ انه ده لوحده وده معه ناس وكده. الفكرة التانية اللي برضه قلناها في نص الكلام الحيرة والاضطراب اللي موجودة هنا وحاضرة بقوة - 00:32:56ضَ

وضيق الصدر اللي حاضر يعني هذا الظمآن واللي فوجئ ان ده لا سراب ومش بس كده لأ ده كمان وجد غريمه عنده. حالته عاملة ازاي انا بس عاوز اقول حاجة يعني اصوات الاطفال آآ انا بنحبها كلنا بنحبها جدا مش انا بس عادي جدا الطفل يعيط ويعمل اللي هو عاوزه - 00:33:20ضَ

احنا عاوزين بقى ايه عشان الستات عندهم كده شوية طباع ايه اللي عاوزين حد يصغر لحد ولا عاوزين حد يتأفف ولا ماشي؟ آآ انا مبسوط ماشي؟ فسيبوا الاطفال تعيط براحتها - 00:33:44ضَ

وما يبوس طيب فآآ فانت عيش بقى نفسية الراجل ده اللي هو وصل ما لقاش لا مية وكمان لقى الغريم موجود اللي هياخده بمصايبه اللي عملها حالته عاملة ازاي واضطراب قلبه ووجل قلبه وكذلك صاحبنا التاني ده اللي في البحر - 00:33:57ضَ

الحقيقة يا جماعة ربنا سبحانه وتعالى ضرب مثالا اخر في القرآن برضو عجيب. لان ربنا سبحانه وتعالى كأنه حصر حصر الامكنة الثلاثة اللي ممكن تشوفها في الدنيا احنا عندنا ايه بر وبحر وجو - 00:34:24ضَ

مش كده فعندك مسال للبر سراب ومسال للبحر ظلمات كظلمات في بحر لجي يغشاه موج. ومسل الجو ربنا ضربه في القرآن برضو. قال فمن يرد الله ان يهديه يشرح صدره للاسلام. ومن يرد ان يضله - 00:34:40ضَ

يجعل صدره ضيقا حرجا كانما يصعد في السماء طبعا بعض المحدثين قالوا ايه؟ آآ اكتشفنا ان لما بتيجي تطلع لفوق الاكسجين بيقل ففعلا صدرك عشان كده في الطيارة ما تقدرش تقعد غير وايه فيه اكسجين بيضخ جوة الطيارة - 00:34:57ضَ

ليه الاكسجين بيقل؟ في الجو كلما صعدت الى اعلى يعني قالوا كده يعني اوي الضغط او وقع المهم يعني ايه وفعلا قالوا الضغط برضه ممكن يحصل له مش عارف سدرك يحصل فيه ايه والكلام اللي ايه بتاع العلم ده - 00:35:20ضَ

الفكرة بقى هنا انه يجعل صدره ضيقا عارفين يعني ايه حرج يا جماعة حرج الحرج ده قالوا اشد الضيق وقالوا ان الحرج جمع حرج يعني قالوا الكلمة دي جمع اصلا. حرج جمع حرج زي شجر وشجرة - 00:35:32ضَ

نفس الوزن اهي شجرة جمعها شجر وحرج جمعها حرج فهمتوا دي؟ طب يعني ايه حرج بقى؟ ما هو جمع حرج ايه الحرجة؟ الحرجة دي عند العرب شجرة التف حولها الاشجار لدرجة ان ما حدش - 00:35:52ضَ

يقدر يوصل للشجرة دي. لا لا بني ادم ولا دابة بترعى ولا حيوان وحشي حتى شجرة من كتر التفاف الشجر حواليها ما فيش منفز توصل للشجرة من ايه منه خلاص؟ كذلك قلب الكافر والمنافق - 00:36:10ضَ

ما فيش منفز للخير قال يجعل صدره ضيقا حرجا كأنما يصعد في السماء شايفين يا يا جماعة الحالة اللي فيها الكفار؟ وفي المقابل حالة الطمأنينة والراحة اللي فيها المؤمن. في المثال الذي ضربه الله عز وجل - 00:36:32ضَ

وده موجود في الدنيا ده موجود في الدنيا فكرة اللذة بالقرب من الله عز وجل. يا جماعة انا عاوز اقول لكم بس معنى كده اشرنا اليه المرة اللي فاتت لما قلنا المشكاة هي القلب - 00:36:51ضَ

اه عفوا المشكاة هي طمنوا الناس على بقى عشان آآ ها المشكلة ايه لأه في يعني اسقطناها على ايه المشكاة بتمثل ايه فيك؟ البدن البدن مش كده؟ وقلنا المشكلة دي هتشيل منها المصباح ضلمت. فاكرين - 00:37:05ضَ

فاكرين الكلام ده ؟ وقلنا لكم بقى الناس اللي بتهتم بالبدن اهتماما زائدا. والكلام فاكرين ده ؟ طيب اقول لكم بقى معنى شوية يعني ايه فلسفي كده وهو ان ما يصلح الروح - 00:37:24ضَ

هتلاقيه غالبا ما يصلح الروح هتلاقيه غالبا ضد شهوة البدن اللي انت اللي احنا بنتكلم عليه ده يعني اتفق اي حد بيتكلم في فكرة الايه الارتقاء الروحي وحتى لو مش مسلم - 00:37:40ضَ

اتفقوا على ان ده بيحصل بتقليل الطعام وبيحصل بتقليل النوم وبيحصل بتقليل الكلام. يسموه بقى زي ما يعني في الثقافات المختلفة يسموها زي ما يسموها يعني احنا عندنا في الاسلام هنسمي صوم - 00:37:56ضَ

ده اللي هو تقليل الايه الطعام مش كده؟ وهنسمي تقليل الكلام الايه؟ العزلة انك مش عاوزين خلطة كتير مع الناس وكلام وحواديت. اعتزل بنفسك وايه وكن مع ربك وكزا. ده تقليل الكلام مش كده - 00:38:12ضَ

وبعدين آآ وتقليل النوم اللي هو السهر في في الطاعة طبعا احنا عندنا في الدين اللي هو قيام الليل. ماشي؟ انك تقلل نومك يعني هتلاقي انت عمال تعمل ايه دلوقتي في البدن - 00:38:33ضَ

معك نينو مش كده؟ معكنن بدنك ده طيب انا ليه بقول الكلام ده اللي بيدي لبدنه كل اللي هو عاوزه يعني بيرتاح بيتبسط يعني يعني واحد مشي ورا شهوة بدنه دي لغاية اخرها. جاب اخر اللي ما يتجابش - 00:38:46ضَ

احنا يا جماعة مرض العصر بلا منازع ده مش كلام ده كلام الاطباء الاكتئاب ماشي؟ بلا منازع خلاص هو ده مصنف كده هو مرضه العصر سواء بقى انت مكتئب وبتروح دكتور او مكتئب ومش عارف انك مكتئب فما بتروحش بس عندك نسبة اكتئاب - 00:39:07ضَ

طيب ليه مع ان احنا واصلين لمرحلة من الرفاهيات ما كانش يحلم بها اجدادنا يا جماعة انا هقول لكم حديس واحد قاله النبي عليه الصلاة والسلام عشان تفهموا احنا فين - 00:39:26ضَ

النبي عليه الصلاة والسلام مر كان في شوية ميه باردين باردين دول يعني مش جايين من التلاجة ها؟ باردين دول يعني بيلفوا خيش حوالين الايه؟ القلة ولا الزير فيعني بتبرد شوية. في صحراء الايه - 00:39:41ضَ

الحجاز يعني اللي انتم عارفينها شوية مية باردة وشوية تمر قال صلى الله عليه وسلم والذي نفسي بيده ان هذا لهو النعيم الذي تسألون عنه يوم القيامة. يشير الى قول الله عز وجل ثم لتسألن يوم - 00:39:54ضَ

حينئذ عن النعيم اهو ده حديس يفهمنا احنا فين من الرفاهية انتم عارفين دلوقتي الحديس ده ايه يا جماعة بداية الحديث ده ان النبي عليه الصلاة والسلام خرج من بيته وصلوا على النبي. علشان مش لاقي حاجة ياكلها - 00:40:14ضَ

فخرج يدور على حاجة ياكلها فلما خرج لقى اتنين في وشه برضه خارجين يدوروا على حاجة ياكلوها مين ؟ ابو بكر وعمر متخيلين يا جماعة طب تعالوا بقى نشوف ايه حاجة ناكلها كده. راحوا ابو الهيثم من تيهان صحابي جليل - 00:40:34ضَ

عمل بقى اللي انا بقول لكم عليه. جاب لهم تمر ومية. بس النبي عليه الصلاة عليه الصلاة والسلام كل صلوا على النبي وشرب الماية وراح قال بقى الكلمتين اللي احنا قلناهم دول والذي نفسي بيده ان ان هذا لهو النعيم الذي - 00:40:51ضَ

يسألون عنه يوم القيامة انت بتفتح باب التلاجة بتلاقي كم صنف وتروح رازع الباب ومتنرفز. انا قلت لازم يبقى في مربة المش عارف الكريز. في مربة فراولة ومربة طينة وابقى مربة - 00:41:07ضَ

انا معرفش مين مربي الكريد ولا لأ يعني بس يعني بتخيل ان في لأ لأ احنا احنا في حتة بعيد قوي في الرفاهية احنا مش احنا اللي في المسجد احنا المجتمع يعني الكوكب اللي احنا عايشين فيه احنا في فترة رفاهية عالية جدا. طب ليه اكتئاب - 00:41:23ضَ

قال ان المعادلة مش هنا خالص انت المعادلة ما انت روحك فين احنا قلنا يا جماعة هو الرأسمالية عاوزاك على طول بتجري ورا الايه وراء البدن علشان يبيعوا والناس اللي منكم بتدرس آآ تسويق فاهمة ده كويس. ازاي بيدرسوا نفسيات المستهلكين - 00:41:40ضَ

بيدرسوا ده علشان نعرف ندخل للمستهلك منين ونعرف نحدد نمط شخصيته ايه عشان نعرف هو في الاخر احنا عاوزينك في دايرة الايه الشراء هتلاقي نفسك ايه بقى مثلا يعني مين مين في اللي قاعدين مسلا ما يعرفش ان الوجبات السريعة دي مضرة وهتبهدلك مين كله يعرف مش كده - 00:42:04ضَ

فتلاقي عمالين يسيبوك انك تروح تشتريها وبعد ما تشتريها يقوم يجي لك امراض تقوم رايح تشتري ادوية للامراض مثلا وتدخل في ايه في سايكل كده ما بتنتهيش مع ان من الاول خالص لو شلت الحاجة اللي في الاول دي انت هترتاح - 00:42:24ضَ

لكن هم مش هيرتاحوا فده حصل كلما اقتربت من الله عز وجل حصلت تلك الطمأنينة التي اخبر عنها من ذاقها لان احنا يا جماعة احنا احنا بقى كلنا كده. عارفين اللي هو واقف في النص فلو منه - 00:42:46ضَ

يعني ايه انغمس في الشهوات بقى لاخرها ولا منه احس بلذة الايه القرب وكذا وكذا. طبعا كتير من الناس اللي بتتوب في الاول بيحس بده وبيحس بانشراح صدر عجيب لكن قليلا ما يذهب هذا. وده له اسبابه بس مش وقت الدرس ده دلوقتي - 00:43:05ضَ

انما العشف ده مدة طويلة بيحكوا لنا عن ده. يعني شيخ الاسلام ابن تيمية يحكي لنا عن ده يقول ايه؟ ماذا يصنع اعدائي بي؟ انا جنتي. يا جماعة شيخ الاسلام ده انا في رأيي يعني يعني انا رأيي متواضع. ابن تيمية عظمته - 00:43:25ضَ

الحقيقية او يعني من او من اجل جوانب عزمة ابن تيمية صلابته النفسية عجيبة صلابته النفسية. على فكرة ده له تعلق باللي احنا بنحكيه بس هو يعني قدرا يعني آآ جه على ذهني كده. وانا كل ما اقرأ عن ابن تيمية او لابن تيمية - 00:43:42ضَ

انبهر بالحتة دي في ابن تيمية يعني هديكم امسلة عشان تفهموا يعني ايه صلابة نفسية لابن تيمية ابن تيمية واحد من الد خصومه آآ مين كان واحد مالكي يعني هفتكرلكو اسمه دلوقتي - 00:44:05ضَ

بيتكلم عن ابن تيمية بيقول ما رأيت مثله بيقول احنا اثرنا عليه الدولة يعني احنا رحنا ابتدينا نشي به عند السلطان وكده عشان ياخده ويحبسه ويسجنه. وابن تيمية دخل السجن كتير - 00:44:24ضَ

في حياتي من كده من وشاية نسعى عليه فلما قدر عفا عنا عجيب ابن ابن القيم بيحكي بيقول ايه على ابن تيمية ده واحد كان من الد خصومه مات. ابن تيمية - 00:44:41ضَ

فابن القيم دخل بينعي لي فكأنه اظهر نوع ايه يعني فرح بيموت هذا الخصم لابن تيمية فنهره ابن تيمية ابن القيم تلميزه نهره ابن تيمية وخرج مسرعا الى بيت اهله اللي مات - 00:45:00ضَ

واعطاهم عطاء وقال انا لكم مكانه اكنه ما ماتش انا موجود. لو عزت اي حاجة تعالوا لي مطالبة نفسية كده يعني يعني عجيب عجيب ابن القيم بيقول ايه؟ بيحكي عن ابن تيمية بيقول انه لما كانت تضيق بنا الاحوال - 00:45:25ضَ

وآآ نسيء الظنون نعمل ايه؟ نروح له فما ان ننظر في وجهه حتى يذهب عنا كل ذلك ليه بقى؟ كانت كلام لابن القيم بيحكي عن ابن تيمية كانت نظرة النعيم تلوح على وجهه - 00:45:46ضَ

ركزوا بقى في الكلمتين الجايين. على ما كان فيه من ضيق العيش وخلاف الرفاهية. شفتوا لفظ الرفاهية ده على ما كان فيه من ضيق العيش وخلاف الرفاهية ومع ذلك نظرة النعيم تلوح على وجهه - 00:46:06ضَ

قلت لكم مرة ان بعض اه اصحاب ابن تيمية يقول انه كان يتمنى ان اصحابه يكونوا له كابن تيمية لخصومه انتم فاهمين يا جماعة الجملة دي واحد بيقول انا اتمنى اصحابي - 00:46:26ضَ

يبقوا لي يعاملوني زي ما ابن تيمية بيعامل خصومه من كتر ما كان بيعاملهم بالانصاف والعدل بل والفضل مين يعمل دي؟ ده واحد عنده صلابة نفسية قوية جدا كان عجيب - 00:46:44ضَ

ليه بقى ؟ من اللي بنقوله ده ؟ هو ذاق ذلك كان بيقول ايه ماذا يصنع اعدائي بيه يعني هما يعملوا لي ايه في الاخر يعني انا جنتي وبستاني في صدري - 00:47:04ضَ

ان حبسوني بحبس خلوة. يعني لو حطوني في السجن انا اختليت بربي. يا سلام! انا عاوز ايه تاني يعني وان فولي فنفي سياحة. وان قتلوني فقتلي شهادة هيعملوا ايه في يعني؟ ولا حاجة - 00:47:17ضَ

انا وده الشاهد يا جماعة. انا جنتي وبستاني في صدري فالكلام ده الناس حسته؟ اه الناس حسته وكان بعضهم يقول لو يعلم الملوك وابناء الملوك ما نحن فيه لجالدون عليه بالسيوف - 00:47:32ضَ

لو عرف الملوك وابناء الملوك اللي احنا فيه من السعادة والطمأنينة وانشراح الصدر وراحة البال لجالدونا عليها بالسيوف. كانوا جم قتلونا عشان ياخدوها مننا حسوا بايه دول ابن الجوزي له كلام جميل جدا وكنت يمكن نزلته على القناة يعني ممكن دلوقتي اقول معناه مش حافظه - 00:47:54ضَ

انه كان يقول ابن الجوزي انه بتمر بالقلب او بالنفس اوقات لو كان معي معروف واه آآ وبشر لرأيتهما زحمة من كتر من معروف معروف الكرخي وبشر الحافي اتنين من اقطاب العارفين - 00:48:15ضَ

يعني دلوقتي كأني بقول لك مسلا آآ حد انت بتعظمه جدا مسلا من الشيوخ مسلا جاي لك في البيت يقعد معك ابن الجوزي بيقول لو اتقال لي تعال اقعد مع بشر ومعروف - 00:48:40ضَ

لرأيتهما زحمة مش عاوز لا بشر ولا معروف ليه من الشعور الذي ينتابه من الانس بالله. وانشراح الصدر لهذا الامر. مش عاوز حد يكتفي بربه سبحانه وتعالى فده موجود. موجود والناس بتحس به. ويمكن يعني - 00:48:52ضَ

لو لو سبت الوقت اللي الناس تتكلم الشباب هيقولوا اه والله ده انا اول ما تبت انا كنت بحس احاسيس كده نفسي ترجع تاني. وده كتير بنسمعه موجود يا جماعة - 00:49:15ضَ

الحالة دي موجودة والعكس برضه قلنا لكم مرفقة الامام الرازي قال ايه؟ الامام الرازي كان اماما من ائمة الكلام ماشي والفلسفة وهذه فازاي في اخر ايامه آآ قال قال شعر يعني قال ايه؟ نهاية اقدام العقول اقالوا - 00:49:29ضَ

واكثر هو غايته كده او كده سعي العالمين ضلاله وارواحنا في وحشة من جسومنا شوفوا شوفوا اللفظ وارواحنا في وحشة من جسومنا وحاصل دنيانا اذى ووبال لما اهتم شوية بالايه؟ بعلم الكلام اهتمام زائد فادخله في مداخل - 00:49:48ضَ

ما كاتش يعني ما كان ما كانش ينبغي انه يدخلها وقال بقى كلام كتير في الحتة دي فده حاصل عشان كده زي ما بقول لكم كده هتلاقي عادي يعني ممكن واحد في مجتمع سواء هنا او في الغرب او في اي حتة. يعني كنا اقول زمان يعني من عشرين نقول ايه؟ في الغرب. احنا دلوقتي بقى عادي هنا. يعني بيعمل كل حاجة - 00:50:13ضَ

ما فيش حاجة ما بيعملهاش يعني كل حاجة آآ كشهوة يعني ممكن يتمناها انسان هو بيعملها وفي الاخر مات منتحر وفي الاخر في مصحة بيتعالج من الاكتئاب وفي الاخر حابس نفسه في الاوضة بنشوف ده يا جماعة ولا ما بنشوفش؟ بنسمع عنه ولا ما بنسمعش؟ طب ليه؟ يعني يعمل ايه تاني طيب؟ لأ هو ماشي غلط اصلا. هو ماشي غلط - 00:50:30ضَ

انت بدن وروح بدن واروح وقلنا لكم بقى الفلسفة بقى اللي هو ايه؟ انك تسرف في رفاهية البدن انت بتضر بالروح بتضر بالروح خلاص الامام الشافعي كان بيقول ايه الامام الشافعي - 00:50:54ضَ

دي ابيات جميلة جدا بيقول سهري لتنقيح العلوم الذ لي من وصل غنية وطيب عناق يعني عشان انا بتكلم عليه دلوقتي اللذة اللي بيحس بها اهل الايمان فاكر الشافعي يقول ايه؟ اسهر انقح العلوم وكذا طبعا الامام الشافعي امام جبار. يعني حاجة كده عقلية - 00:51:14ضَ

جبارة في في تاريخنا يعني عقلية يفخر بها احمد ابن حنبل عشان بس تفهموا يعني ايه الامام الشافعي يعني ماشي احمد ابن حنبل وكان قريبا من المشفى ايه في السن يعني ممكن تقول قرين له ممكن تقول كده - 00:51:37ضَ

وبعدين ييجي الامام الشافعي فاحمد ابن حنبل يسيب مجالس الشيوخ الكبيرة ويجي يحضر للشافعي وطبعا ده عندهم ازاي تعمل كده؟ عن حنبل محدث وفقيه وكذا فيسيب مجالس الحديث اللي بياخد فيها الحديث بسند عالي. عشان تفهموا اللي انا هقوله ده لازم يفهم حاجة - 00:51:53ضَ

لما اقتربت من النبي صلى الله عليه وسلم في السند كان شرفا لك يعني مثلا الف بيروي عن باء وباء بيروي عن جيم وجيم بيروي عن دال ودال دا عن الصحابي عن النبي صلى الله عليه وسلم - 00:52:12ضَ

خلاص فكده الف بينه وبين النبي اربعة. عليه الصلاة والسلام. باء وجيم ودال والصحابي مش كده؟ باء بينه وبين النبي كم؟ عليه الصلاة والسلام؟ تلاتة فنقول النداء ده في هذه السلسلة اشرف من الف. قد يكون الف ده اعلم واشرف وانما في السلسلة دي. لانه اقرب لمن - 00:52:26ضَ

للنبي عليه الصلاة والسلام. فاهمين طيب تخيلوا كده احنا قاعدين اهو في مجلس وانا بروي احاديث فبيني وبين النبي عليه الصلاة والسلام تلاتة مسلا فواحد غايب من المجلس ده فانا مش هعيد له بقى المجلس تاني. يقوم يجي يقول لواحد من اللي قاعدين ارو لي انت الاحاديس - 00:52:48ضَ

كده نزل درجة مش كده ؟ لانه بدال ما كان بيرويها عني. وبينه وبين النبي اربعة صلى الله عليه وسلم بقى يرويها عن واحد تحت فما بينه وبين النبي ايه - 00:53:07ضَ

خمسة فكان المحدثون زمان ممكن يسافروا علشان ياخدوا الحديث عالي لان ده شرف يا جماعة العلم زمان كان حاجة تانية غير اللي احنا مش بقى نايم على ضهرك وجوجل وايه المكتبة الشاملة ما كانش فيه الكلام ده خالص - 00:53:15ضَ

وكانوا علماء كانوا علماء يسافر يا جماعة ده ده موجود في الكتب. ممكن يسافر عشان حديث واحد يسافر يعني ايه يسافر مش يسافر يعني يطلع سوبر جيت ولا اوبر ولا اندرايف من تحت البيت - 00:53:34ضَ

يعني ايه يسافر زمان يعني عيشوا بقى نفسية اللي بيسافر زمان ده عشان ياخد حديس واحد عالي خلاص؟ فاحمد ابن حنبل جه الشافعي ساب مجلس التحديث اصلا وراح قعد قعد للشافعي. فقالوا له يعني تسيب الحديس وتروح تقعد يعني هذا الشاب الصغير - 00:53:52ضَ

قال احمد شوف بقى فقه الامام احمد قال ان فاتنا الحديث عاليا اخذناه نازلا. صحيح هقل درجة لكن هناخده وان فاتنا عقل هذا الغلام لن ندركه ابدا فهمتم؟ فالشافعي كان كان فذا. الشافعي يا جماعة حط علم من اوله لاخره كده. يعني ايه؟ علم راح مصنفه كده من اوله يعني - 00:54:13ضَ

وبعدين بقى كل اللي جم بعديه ابتدوا ياخدوا من كلام الشافعي ويزودوا عليه وينقصوا العلم ايه ها حد يعرف اصول الفقه اصول الفقه الشافعي حطه من اوله لاخره ودي حاجة برضو كبيرة يعني اللي فاهم يعني وضع العلوم فدي حاجة كبيرة يعني احنا ما نعرفش علم حد حاطه من اوله لاخره غير علمين - 00:54:41ضَ

اصول الفقه وايه والعروض وصول اصول الفقه والعروض دول العلمين اللي جه واحد كده راح حاطط العلم جابوا من هنا لهنا خلصت ماشي؟ مين اللي حط العروض ده حد يعرف؟ طب ده واجب. ها؟ احسنت. الخليل - 00:55:03ضَ

احنا ايه اللي جابنا الشافعي؟ اه الشافعي بقى كان بيقول ايه؟ سهري لتنقيح العلوم الذ لي من وصل غنية وطيب عناقي ماشي يعني للشباب دماغهم هو لأ يعني ايه يعني يعني يقول لك ايه خد مسلا انا ولا زوجة ولا كذا وعانق هيقول لك لا لا - 00:55:29ضَ

سهروا سهروا لتنقيح العلوم الذ. الذ لي من وصل غنية وطيب عناقى وصبير اقلامي على صفحاتها احلى من الدكاء والعشاق والذ من نقر الفتاة لدفها. نقري لالقي الرمل عن اوراقي - 00:55:49ضَ

وابيت سهران الدجى وتبيته نوما وتبغي بعد ذلك بعد ذاك لحاقه هنا بقى هي القضية البيت الاخير ده الشافعي لذته في ايه زي واحدة وكان جوزها متجوزها لوحدها كان عالي وحد يجيب لي مين هو؟ كان عالم يعني كبير فايه وكان التعدد زمان كان موجود. يعني فكانوا ايه ويعني ايه؟ يقولوا لها يا بختك ومتجوز لك لوحدك فتقول لهم ايه - 00:56:08ضَ

هذه الكتب اشد علي من ثلاث ضرائر مكتبته دي آآ يعني يعني يروح يتجوز بس يبعد عن الكتب. ليه؟ هو دي لذته لذته متعته بهذه الكتب اشد علي من ثلاث ضرائب - 00:56:37ضَ

مش عارف مين سفيان ولا حد يشوف مين اللي قالت كده يعني مرات مين يعني فالشافعي شوفوا يا جماعة لزته والمتعة اللي بيحس بيها متعة اشد بكتير واكبر بكتير من متع اهل الدنيا - 00:56:58ضَ

فين الاشكال؟ اخر بيت وابيت سهران الدجى وتبيته نوما وتبغي بعد ذاك لحاقه سبب اللحاق في العلم او لحاقه حتى في تحصيل هذه اللذة. ما هو اللذة يا جماعة دي اللذة دي ما بتجيش كده يعني ايه مش انا نايم النهاردة آآ دماغي كلها في الشهوة - 00:57:13ضَ

هصحى الصبح الاقي نفسي عاوز علم وعاوز دين وعاوز لأ لأ الا ان يفتح الله عز وجل. يعني انا لا اتألى على الله. اه ممكن يحصل ممكن. انسان ينصلح حاله في لحظة - 00:57:29ضَ

انما الاصل فين؟ في كتاب الله عز وجل. والذين جاهدوا فينا لنهدينهم هذا هو الاصل والذين جاهدوا فينا لنهدينهم سبلنا. وان الله لمع المحسنين. فالاصل انك لازم تجاهد شوية. لازم تبقى راجل من الاخر كده - 00:57:41ضَ

راجل رجال لا تلهيهم تجارة لازم تبقى راجل الراجل بتعمل ايه؟ بتجاهد في الله تجاهد نفسك تجاهد شهوتك مش اول ما تشوف الزوحليقة تتزحلق تركب على طول لازم تجاهد فاذا جاهدت ابشر - 00:58:00ضَ

ابشر والذين جاهدوا فينا لنهدينهم وفي الحديث من اتاني يمشي اتيته هرولة اذا تقرب الي عبدي شبرا تقربت منه اه ذراعا من تقرب مني شبرا تقربت منه ذراعا من تقرب مني ذراعا تقربت منه باعا. ومن اتاني يمشي اتيته هرولة - 00:58:23ضَ

فابشر يبقى ده المعنى التاني اللي عاوزين نخرج به الطمأنينة والسكينة اللي هنشعر بها في الدنيا لكن محتاجين مجاهدة في الاول محتاجين مجاهدة. اول ما هتنفتح لك هذه الطاقات وهذه الابواب - 00:58:42ضَ

انت بنفسك مش هتبقى حابب ترجع خلاص اللذة اللي حسيتها مش عاوز تفقدها يبقى اول حاجة فكرة الايه ؟ يلا حد بقى يقول لنا بقى ولا بلاش نرجع اه نرجع زي زمان. هنختم خلاص الدرس - 00:59:01ضَ

حد يقول لنا حاجة توافر فيها آآ تلات شروط. سمعها باذنه ومست قلبه وهينبني عليه هطلع هعمل واحد اتنين تلاتة. مش لازم يقول واحد اتنين تلاتة يعني بس يقول اه دي اسرت في - 00:59:20ضَ

يلا مين كلمة كلمة ممكن كلمة اصلا مش في صلب الدرس بس هي كلمة سمعها وقال اه والله دي اه ازاي كده؟ في حاجة ولا ها اسعى ورا الروح تمام احسنت. يعني مش هتيجي لك هي يعني انت لازم تسعى تقصد كده - 00:59:36ضَ

اه جميل اتفضل. هو بيقول انك تسعى ورا لذة الروح. يعني انت مش هتفضل قاعد مكانك. خليني بقى يعني اجود عليه شوية. مش هتفضل قاعد مكانك بنفس بنفس افعالك بنفس حالك - 00:59:58ضَ

ومستني لذة الروح تشعر بها لأ مش هيحصل وعرفنا الفلسفة بقى اللي هي حتة الايه ان اللي هيصلح دي غالبا هيبقى بيعكنن بدنك. غالبا هنيجي نقول لك صم اسهر. بطل كلام بطل خلطة - 01:00:12ضَ

هي دي الحاجات اللي بتسمو بها الروح فتلاقي كل دي من ملذات البدن فانت عاوز تبقى بتعمل كل ده وحاسس بايه بلذة الروح. طب ازاي ازاي لأ اسعى يا عبد - 01:00:29ضَ

صح؟ مش كده؟ ماشي. قل من عائز يقول هنا جميل جميل بيقول يعني من الحاجات اللي يعني مست قلبه وهيعمل بها الزم نفسه انه ما يخرجش من المسجد الا اضطرارا. يعني ايه؟ يبقى دي حالتنا يا جماعة كده. تفضل قاعد لغاية ما الراجل ييجي ايه يقفل الباب ويلا لازم - 01:00:46ضَ

تخرج تقوم ايه مش هتخرج برضو. قلت له طب معلش سبني شوية. طب يعني كده. يعني ماشي اه ليه؟ علشان تبقى واحد من السبعة الذين يظلهم الله في ظله يوم لا ظل الا ظله. رجل قلبه - 01:01:09ضَ

معلق بالمساجد رجل قلبه معلق في المساجد. روايتين. ايه تاني؟ اخر حد اهلا اهلا منور اتفضل طب يتاهوا بقى ماشي مشيها تبيته. ماشي نوما وتبغي بعد ذاك لحاقي ايه بقى - 01:01:25ضَ

ايوة يعني هو بيقول للبيت الاخير للامام الشافعي يعني على قدر الايه البذل يكون التحصيل ان شاء الله ناخد واحد كمان في حد الناحية دي ؟ ايوة كده اتفضل اخر حاجة بقى - 01:01:50ضَ

الفرق الكبير اللي هو احسنت احسنت معنى جميل جدا وله شاهد في الاية هو بيقول ايه يا جماعة؟ بيقول ان الفرق الكبير ده هو الايمان والكفر هو الايمان والكفر هنا في يا جماعة في ترتيب الاية وهنختم بها ان شاء الله. الترتيب برده عجيب. قال الله عز وجل والذين كفروا اعمالهم كسراب بقيع - 01:02:09ضَ

الترتيب الطبيعي للجملة واعمال الذين كفروا كسراب بقيادات ترتيب الجملة اعمال الذين كفروا كسراب بقيع. ده الترتيب الطبيعي للجملة. يعني لو قلت لك قل لي جملة بترتيبها الطبيعي هتقول كده. اعمال الذين كفروا - 01:02:53ضَ

ابن بقيعة والى اخر الجملة. ربنا ما قلش كده ربنا قدم الذين كفروا. قال والذين كفروا اعمالهم اتى بضمير يعود عليهم طيب ليه؟ ما هو اعمال الذين كفروا كسراب بقيعة - 01:03:09ضَ

لا الذين كفروا اعمال لهم. الهاء دي عايدة على مين؟ على الذين كفروا طب ليه كل ده علشان المعنى اللي قاله علشان ينبهنا على معنى ان ما وقعوا فيه انما وقعوا فيه بكفرهم - 01:03:24ضَ

هذا الاضطراب هذه الحيرة آآ هذا الوجل الذي في القلوب هذا الضيق الحاصل بسبب الايه الكفر. خلاص؟ طبعا احنا يعني خدناكم كده في دوكة ما قولنالكوش المسلين دول يعني ايه اصلا مش كده يعني؟ يعني ايه سراب ويعني ايه ظلام يعني المثلين دول يا جماعة مثالين على التنويع ولا على - 01:03:42ضَ

ولا يعني كل مسل في حالة من الاحوال بسرعة كده يعني كنا المفروض ندي مساحة للموضوع ده بس خلاص. في دقيقة واحدة هقول لكم فرق مهم بعض العلماء قال ان المثال الاول بتاع السراب ده في الاخرة ومسال الظلمات في الدنيا. ازاي - 01:04:04ضَ

انه السراب انت بتبقى فاكره حاجة امتى بتكتشف انه مش حاجة؟ لما توصل له؟ مش كده فيبقى ده مثال لاعمال الكفار في الاخرة. هم هيجوا يوم القيامة وفاكرين ان اعمالهم دي نافعة وهتنفعهم يوم القيامة يفاجئوا انه لأ مش هتنفعكم - 01:04:20ضَ

مش كده؟ طب ربنا قال ده في القرآن؟ اه قالوا في القرآن في سورة بتقرأها كل جمعة. سورة الكهف مش كده؟ ماذا قال الله عز وجل؟ قل هل ننبئكم بالاخسرين اعمالا؟ ها؟ الذين ضل بس ولا ايه - 01:04:43ضَ

الذين ظل سعيهم في الحياة الدنيا وهم يحسبون انهم يحسنون صنعا هم فاكرين ان بيعملوا حاجة ييجوا يوم القيامة لولا ما كانوش بيعملوا حاجة لم يجده شيئا. في الاية التانية وبرضو بتقرأ بتقرأ كل جمعة في الصلاة - 01:04:56ضَ

هل اتاك حديث الغاشية وجوه يومئذ خاشعة عاملة ناصبة في الدنيا تصلى نارا حامية يوم القيامة فهمتوا عاملة ناصبة تصلى نارا حامية على احد وجوه التفسير فده موجود ماشي؟ وقدمنا الى ما عملوا من عمل يبقى عمل ولا ما عملوش - 01:05:16ضَ

عملوا فجعلناه هباء منثورا طب احنا نخاف من ايه؟ اولا نخاف من الكفر. تاني حاجة ونختم بها. نخاف من محبطات الاعمال اوعى تفتكر نفسك بقى انك خلاص انا مسلم. فكل الاعمال اللي بعملها اجي يوم القيامة الاقيها. افرض كنت برائي - 01:05:45ضَ

واحد رأى في عمله يريد غير الله يريد الله وغيره معه فتلاقي انت تحسب انك احسنت صنعا فتأتي يوم القيامة وتجد الرب عز وجل يقول انا اغنى الشركاء عن الشرك - 01:06:06ضَ

من ده حديث قدسي فعلا. من عمل عملا اشرك فيه معي غيري تركته وشركه يقال له يوم القيامة في حديث اخر اذهب للذي اشركت فانظر هل تجد عنده شيئا؟ روح بقى للناس - 01:06:25ضَ

اللي كنت مستني بعد ما تخلص الصلاة في رمضان ييجوا يقولوا لك يا عم ده انت احلى صوت ده انا باجي لك آآ بركب مش عارف منين روح للناس اللي كنت بتستنى عشان ياخدوا معك السيلفي وينزلوا الصورة على - 01:06:43ضَ

روح للناس اللي كانوا يفسحوا لك في المجلس عشان يعدوك عشان انت الشيخ فلان ولا الاخت فلانة اللي بتقرئنا ولا الاخت علانة اللي بتدينا الدرس وهي دي الحاجات اللي بتنشطك عشان تعمل ده - 01:06:56ضَ

اذهب اليه. رح بقى قل لهم واول من صاع بهم النار ثلاثة ايه قال له في كافيك قال له ايه كذبت تعلمت ليقال عالم قرأت القرآن ليقال قارئ وقد قيل - 01:07:10ضَ

مش خلاص خدت حظك في الدنيا؟ مش اتقال لك العام الفلاني والشيخ الفلاني والقارئ الفلاني وقد قيل اذهبوا به الى النار اقول قولي هذا واستغفر الله العظيم لي ولكم. سبحانك اللهم وبحمدك. اشهد ان لا اله الا انت. نستغفرك ونتوب اليك. والسلام عليكم ورحمة الله وبركاته - 01:07:27ضَ

- 01:07:47ضَ