بسم الله الرحمن الرحيم. الحمد لله رب العالمين والصلاة والسلام على نبينا محمد وعلى اله وصحبه ومن اتبع هداه الى يوم الدين اللهم انا نسألك علما نافعا ورزقا طيبا وعملا متقبلا - 00:00:00

اللهم انا نسألك ايمانا لا يرتد ونعيما لا ينفد ومرافقة محمد صلى الله عليه وسلم في اعلى جنات الخلد اللهم انصر اخواننا المجاهدين في غزة اللهم انصر اخوانا المستضعفين في كل مكان. اللهم تقبل شهداءهم واشف مرضاهم - 00:00:16

وداو جرحاهم اللهم امدهم بمدد من عندك اللهم قادر الكفرة الذين يصدون عن سبيلك ويكذبون رسلك ويقاتلون اوليائك اله الحق اللهم احصهم عدده واقتلهم بدده ولا تبق منهم احدا اللهم انا - 00:00:34

اللهم انا نجعلك في نحورهم ونعوذ بك اللهم من شرورهم امين امين الله سبحانه وتعالى ان يتقبل منكم وان يجعلنا واياكم من الذين يستمعون القول يتبعون احسنها. كنا توقفنا في الكلام عن اسم الله المجيب - 00:00:55

وهو المجيب يقول وهو المجيب يقول من يدعو اجبه انا المجيب لكل من ناداني وهو المجيب لدعوة المضطر اذ يدعوه في سر وفي اعلانه. امن يجيب المضطر اذا دعاه ويكشف السوء - 00:01:16

المجيب سبحانه وتعالى هو الذي يجيب المضطر اذا دعاه ويغيث الملهوف اذا ناداه وهو الذي يقابل الدعاء والسؤال بالقبول والعطاء كنا زكرنا يعني انواع الاجابة في اجابة عامة واجابة خاصة - 00:01:35

وآآ كنا قلنا ان في معنى مهم ان كتير مننا ممكن يسأل سؤال يقول والله طيب انا مؤمن ان الله سبحانه وتعالى هو المجيب وان اي انسان بيدعو ربه سبحانه وتعالى فالله سبحانه وتعالى يسمع دعاءه - 00:01:55

ويجيبه النبي عليه الصلاة والسلام قال انكم تدعون قريبا مجيبا يسمع دعائكم ويستجيب هنا ممكن حد يسأل سؤال يقول طيب انا في اوقات كتير دعيت ربنا سبحانه وتعالى بدعوات كان عندي مشاكل وكان عندي ابتلاءات - 00:02:12

وممكن ادعي وما اشوفش اجابة او حتى يحصل العكس يعني انا اجتهد في الدعاء اطلب من ربنا سبحانه وتعالى طلب معين او دعاء او دفع بلاء ويحصل العكس الامر يشتد - 00:02:32

المعنى ده آآ ابن الجوزي رحمه الله تكلم في في كتابه في صيد الخاطر وانا اقرأ لكم يعني نص كلام الجوزي رحمه الله ونعلق عليه وذكره في في موطنين من الكتاب على حد علمي يعني - 00:02:51

يعني بصيغة ايه مختلفة يعني كلام مختلف قال رحمه الله في اسباب يعني تخلف اجابة الدعاء قال رحمه الله رأيت من البلاء ان المؤمن يدعو فلا يجاب رأيت من البلاء العجاب ان المؤمن يدعو - 00:03:07

فلا يجاب ويكرر الدعاء وتطول المدة ولا يرى اثرا للاجابة يقول ان ده بلاء عجيب جدا بلاء شديد صعب ان المؤمن هو مؤمن يدعو فلا يجاب وتطول المدة ان يكرر الدعاء - 00:03:29

وتطول المدة ولا يرى اثرا للاجابة قال رحمه الله قال فينبغي له ان يعلم ان هذا من البلاء الذي يحتاج الى الصبر وما يعرض للنفس من الوسواس في تأخير الجواب مرض يحتاج الى طب - 00:03:54

هيقول لو انت مريت بالبلاء ده ان انت بترفع ايدك وتدعي وانت مؤمن ومش شايف اثر للاجابة ابن الجوزي بيقول فينبغي له ان يعلم ان هذا من البلاء الذي يحتاج الى الصبر - 00:04:20

وما يعرض للنفس من الوسواس في تأخير الجواب مرض يحتاج الى طب يعني ايه يعني يقول ان ده بلاء شديد. يحتاج الى صبر والوساوس اللي بتعرض للنفس في تأخير الجواب - 00:04:41

زي ما حيذكر دلوقتي سوء الظن بالله قال ده مرض يحتاج الى طب محتاج علاج. ده مرض قلبي قصير محتاج يتعالج قال رحمه الله ولقد عرض لي شيء من هذا الجنس - 00:05:01

فانه نزلت بي نازلة. يعني حصل لي مشكلة شبه اللي انا باحكي عنها دي فانه نزلت بي نازلة مصيبة فدعوت وبالغت فلم ارى الاجابة فاخذ ابليس يجول في حلبات كيده. ويا ابن الجوزي بيتكلم عن نفسه - 00:05:19

بيقول انا حصل لي مشكلة وفضلت ادعي دعوت وبالغت فلم ارى الاجابة فاخذ ابليس يجول في حلبات كيده. بدأ بقى الشيطان يدخل لي بقى ايه مداخل. وهنا نفهم ان من اعظم - 00:05:40

اهداف الشيطان ان يجعل العبد يظن بربه ظن سوء يعني هو هدفه يخليك ان انت تسيء الظن في ربنا سبحانه وتعالى ابن الجوزي وقال له قال فتارة يقول الكرم واسع - 00:05:58

والبخل معدوم فما فائدة تأخير الجواب برضو يعني ايه وهو داخل برضه العالم يعني يقول له الكرم واسع والبخل معدوم يعني يقول له يقول له مش ربنا كريم والبخل معدوم يعني البخل - 00:06:20

معدوم يعني ممنوع في حق الله. يستحيل في حق الله وربنا سبحانه وتعالى هو الغني الكريم بيقول له الكرم واسع والبخل معدوم فما فائدة تأخير الجواب؟ طيب ازا كان ربنا كريم - 00:06:38

ليه بقى مش راضي يدي لك؟ فما فائدة تأخير الجواب الشيطان خبيث قال فقلت له اخسأ يا لعين فما احتاج الى تقاض ولا ارضاك وكيلا قال له هو انا وكلتك يعني عشان اه تدافع عني قدام ربنا سبحانه وتعالى - 00:06:54

انا وكلتك عشان تكون بيني وبين ربنا سبحانه وتعالى. قلت له اخسأ يا لعين. فما احتاج الى تقاض ولا ارضاك وكيلا ثم عدت الى نفسي فبدأ بقى ايه؟ ابن الجوزي هو خايف - 00:07:18

ان ان نفسه لتسكن لوساوس الشيطان قال ثم عدت الى نفسي فقلت اياكي ومساكنة وسوسته اياكي تسمعي ايه كلام الشيطان وسوسة الشيطان فانه لو لم يكن في تأخير الجواب الا ان يبلوك المقدر - 00:07:33

في محاربة العدو لكفى في الحكمة يا سلام كلام عالي جدا فهم عالي جدا سبحان الله ابن جوزي رحمه الله يقول بيقول لنا يقول لنفسه يعني ما تسمعيش كلام الشيطان - 00:07:59

بيقول لها لو ما فيش حكمة لو ما فيش حكمة من تأخير الاجابة الا ان ربنا سبحانه وتعالى يبتليك بهذه الوسوسة ان الشيطان يجي لك ويوسوس لك ويقول لك هو يعني ربنا مش عايز يدي لك ليه - 00:08:17

وربنا لا يريد ان هو يعطيك زي ما الشيطان جه لادم عليه السلام قال ما نهاكما ربكما عن هذه الشجرة الا ان تكونا ملكين او تكونا من الخالدين وقاسمهما اني لك ما لمن الناصحين - 00:08:35

يقول له ربنا لا يريد لك الخير فلو جالك الشيطان وانت دفعت الوسوسة دي وتحارب هذا العدو ابن الجوزي بيقول فانه لو لم يكن في تأخير الاجابة الا ان يبلوك المقدر. يعني ربنا سبحانه وتعالى في محاربة العدو - 00:08:53

ان ربنا يختبرك يبتليك بوسوسة الشيطان دي وانت ايه تدفعها وتنتصر عليه قال لك فى الحكمة لكفى في الحكمة ان انت يجيلك الشيطان يوسوس لك وانت تدفع الوسوسة دي وتاخد حسنات - 00:09:17

فبعدين يعني نفسه قالت له ايه؟ قالت فسلني عن تأخير الاجابة في مثل هذه النازلة. قالت له طيب يعني ايه طب قل لي اي حاجة كده يعني اتصبر بها وقلت - 00:09:33

قد ثبت بالبرهان ان الله مالك وللمالك التصرف بالمنع والعطاء فلا وجه للاعتراض عليه يعني بيقولها مبدئيا ثبت البرهان ان الله سبحانه وتعالى هو المالك ولله ملك السماوات والارض والله على كل شيء قدير - 00:09:49

هو المالك سبحانه وتعالى قل اللهم ما لك الملك تؤتي الملك من تشاء وتنزيع الملك ممن تشاء وتعز من تشاء وتذل من تشاء بيدك الخير انك على كل شيء قدير - 00:10:16

وثبت ان الله سبحانه وتعالى مالك وللمالك التصرف المنع والعطاء فلا وجه للاعتراض عليه يعني انت راجل مسلا عندك عربية تملك هذه السيارة عندك شقة عندك موبايل والله انا اتصرف في العربية بتاعتي دي زي ما انا عايز - 00:10:30

عايز اديها لواحد هدية عايز اركنها عايز ابيعها عايز اقطعها واسيبها متقطعة كده في الشارع. انا زي ما انا اللي انا عايزه اعمله يعني انا مالك ولي التصرف بالمنع والعطاء - 00:10:55

الله سبحانه وتعالى هو المالك على الحقيقة وله المنع بالمنع له سبحانه وتعالى له الحق المنع والعطاء يعني لو ربنا سبحانه وتعالى اعطى فلان او منع فلان لا وجه للاعتراض عليه - 00:11:15

لا يسأل عما يفعل وهم يسألون سبحانه وتعالى هو المالك. يعني لما ربنا سبحانه وتعالى يعطي الانسان تفضل منه سبحانه وتعالى احنا مشكلتنا ايه مشكلتنا ان احنا نشعر بنوع كده استحقاق - 00:11:34

اللي هو انا عملت العبادة يلا بقى ايه اديني بقى انا صليت اهو فين بقى الشغل والفلوس والنجاح انا لبست الحجاب اهو فين فين الرزق بقى؟ فين فين العريس؟ العريس ما جاش ليه - 00:11:54

هو يشعر بنوع ايه؟ استحقاق. انا عملت حاجة فيلا ايه المفروض ان ربنا يديني فلما ييجي يدعي والاجابة تتأخر يشعر بنوع من ايه من الحزن كده وخيبة الامل وسوء الظن يقول يعني يعني ليه يعني ربنا ما ادانيش ليه - 00:12:10

اشمعنى ربنا ادى فلان وما ادانيش ليه؟ لان هو جواه حتة ايه ان انا استحق ان انا اخد والمفروض ربنا يديني ابن الجوزي رجع كده خطوة وراه قال لك بس. سانية واحدة - 00:12:31

ربنا سبحانه وتعالى هو المالك والمالك له الحق المنع والعطاء فلا وجه الاعتراض عليه. يعني لو ربنا سبحانه وتعالى اعطاك تفضل ومنة وكرم من الله مش علشان انا استحق لأ عشان هو كريم سبحانه وتعالى - 00:12:49

طب لو منع ما ينفعش اروح اقول له ايه انت ما ادتنيش ليه انت اصلا العطاء ده ايه العطاء ده مش حاجة حق مكتسب لك. ده تفضل من ربنا سبحانه وتعالى - 00:13:10

ده ده كده ايه طبعا يعني ده ايه يخلي الانسان هو مستسلم تمام للاستسلام ولا يمن على ربه سبحانه وتعالى بالعبادة انت غاية غاية بس املك ان ربنا سبحانه وتعالى يقبل العبادة بتاعتك - 00:13:23

ربنا يعفو عنك ويتجاوز عنك ويغفر لك وان انت تدخل الجنة وتنجو من النار انما الشعور بالاستحقاقية كده والمفروض كان ربنا يعمل لي والمفروض كان ربنا يديني لأ لأ ده ده ايه - 00:13:45

انت انسى الفكرة دي تماما ماشي فدا المعنى الاول. قال والثاني انه قد ثبتت حكمته بالادلة القاطعة وربما رأيت الشيء مصلحة والحكمة لا تقتضي وقد يخفى وجه الحكمة فيما يفعله الطبيب من اشياء تؤذي في الظاهر - 00:13:58

يقصد بها المصلحة فلعل هذا من ذاك يقول طيب هو المالك سبحانه وتعالى وهو الحكيم العليم قد ثبتت حكمته بالادلة القاطعة انت عندك شك في حكمة الله سبحانه وتعالى قال تعالى واذ قال ربك للملائكة - 00:14:25

اني جاعل في الارض خليفة. قالوا اتجعل فيها من لا من يفسد فيها ويسفك الدماء ونحن نسبح بحمدك ونقدس لك قال اني اعلم ما لا تعلمون وبعدين بعدها الملائكة قالوا قالوا سبحانك لا علم لنا الا ما علمتنا انك انت العليم الحكيم. يعني انت ثبت - 00:14:47

انت مؤمن بده ان ربنا سبحانه وتعالى هو العليم الحكيم لا اعلم منه ولا احكم منه سبحانه وتعالى وربما رأيت يعني يا نفسي رأيت الشيء مصلحة انت نفسك في حاجة معينة وانت شايف - 00:15:12

ان ليه لأ ليه ربنا ما يدنيش الحاجة دي؟ انا شايف ان هي مصلحة انا شايف ان هي خير انا شايف ان هي حلوة انت شايفة النفس كده شايفة ان الحاجة دي ايه - 00:15:30

كويس يقول فربما رأيت الشيء مصلحة والحكمة لا تقتضي حكمة لا تقصدي يعني ربنا سبحانه وتعالى بسبب علمه ورحمته وحكمته يرى ان الشيء ده الشيء ده غير نافع لك مضر - 00:15:43

وان الحكمة ان ربنا سبحانه وتعالى لا يعطيك وبعدين ضرب لك مثال انت تفهمه وقد يخفى وجه الحكمة فيما يفعله الطبيب من اشياء تؤذي في الظاهر يقصد بها المصلحة ممكن ام - 00:16:07

مشفقة على ولدها. وبعدين الدكتور قال لازم رجله تتقطع الولد عنده مشكلة ولو ما قطعناش رجله دلوقتي المشكلة دي ممكن يعني تسري في جميع البدن عنده هرغرينا مسلا ولا حاجة ولازم لازم دلوقتي نتدخل تدخل جراحي - 00:16:23

هو ده في ظاهر الامر هو بيعمل ايه؟ هيقطع له رجله امه تقول له لأه حرام عليك تقطع رجل الولد ليه هو الطبيب يفعل اشياء قد تؤذي في الظاهر لكن - 00:16:44

يقصد بها المصلحة فلعل هذا من ذاك. يعني ممكن ربنا سبحانه وتعالى يبتلي انسان ببلاء بمرض هذا بلاء في ظاهره شر وانا جسمي واجعني وتعبان واللي بياخد علاج ولا جرعات - 00:17:04

الكيماوي نسأل الله العافية اسأل الله سبحانه وتعالى ان يشفي اه كل مريض مسلم هو الالم والتعب ده ممكن يقول طب فين بقى يعني الخير في كده؟ الالم اللي انا بتألمه الالم الشديد ده - 00:17:21

قل له ايوة انت مش واخد بالك ان ممكن ربنا سبحانه وتعالى قدر عليك البلاء ده حكمة ولرحمة انت لا تعلمها ان انت عندك زنوب كتير وربنا سبحانه وتعالى اراد ان انت - 00:17:37

ان انت آآ يعني تتنظف وتتطهر من الذنوب دي ربنا اراد ان انت تكون في درجة عالية في الجنة والعمل بتاعك ضعيف سيبتليك بانواع البلايا ويعينك على الصبر علشان تبلغ ايه الرتبة دي والدرجة دي - 00:17:51

وقال وقد يخفى وجه الحكمة فيما يفعله الطبيب من اشياء تؤذي في الظاهر يقصد بها المصلحة. فلعل هذا من ذاك يعني من الاخر انت تسلم لربنا سبحانه وتعالى وتجتهد في الدعاء لان كل دعوة انت هتدعيها - 00:18:16

هي مش هتضيع ربنا سبحانه وتعالى يعطيك النبي عليه الصلاة والسلام قال ما من مسلم يدعو بدعوة ليس فيها اثم ولا قطيعة رحم الا اعطاه الله بها احدى ثلاث ما من مسلم يدعو بدعوة ليس فيها اثم - 00:18:34

ولا قطيعة رحم الا اعطاه الله بها احدى ثلاث. اما ان تعجل له دعوته يعني انت طلبت يا رب ارزقني الحج يا رب ارزقني ولد صالح يا رب ارزقني زوجة صالحة. يا رب ارزقني عمل - 00:18:54

يا رب اعني على حفظ القرآن. يا رب يسر لي شيخ اتعلم آآ منه العلم فانت دعوت بدعوة وربنا سبحانه وتعالى يعجل لك دعوتك انت طلبت الدعوة دي تيجي لك زي ما هي - 00:19:14

وده القسم الاول وانت لو كل واحد مننا دلوقتي فتحنا المجال لكل واحد يحكي يقول اه والله انا يوم عرفة ده عيت بدعوة وسبحان الله ما جاش عرفة السنة اللي بعدها - 00:19:31

الا وربنا سبحانه وتعالى قد استجاب دعوتي انا كان عندي مرض ودعيت وربنا شفاني. كان عندي ذنب معين ودعيت وربنا سبحانه وتعالى اعانني على نفسي مش لاقي صحبة وربنا يسر لي - 00:19:45

ما كنتش عارف احفظ قرآن وربنا سبحانه وتعالى اعانني. الحمد لله ماشي في الحفظ كنت بادعي باقول يا رب آآ اجعلني من اهل القرآن واعني على الحفظ. فالحمد لله ربنا استجاب - 00:20:00

فكل واحد مننا عنده دلوقتي لو فتحت معه الكلام قصص مع المجيب سبحانه وتعالى ده النوع الاول قال واما ان يدخرها له في الاخرة طيب دي هتعرفها ازاي بقى تعرفها ازاي؟ مش هتعرفها - 00:20:12

اما تروح بقى يوم القيامة ان شاء الله في الاخر اهو هتشوف اه ايه ده الدعوة اللي انا دعيتها وكنت بقول هو ربنا ما استجابش دعوتي ليه نشوف بقى ثواب - 00:20:33

هذه الدعوة في الاخرة يدخرها له يعني الدعوة بتاعته دي تدخر في الاخرة وانا انا متصور ان اي انسان مننا لو شايف النعيم والعطاء وهذه الدعوة جزاء الدعوة المدخرة في الاخرة - 00:20:48

هيقول ايه بيقول يعني لو كان ربنا سبحانه وتعالى ما استجابش لي ولا دعوة يبقى كله آخذ كل الثواب هنا والجزاء هنا صح ولا غلط ده النوع التاني ان انت ممكن تدعي بدعوات ومش شايف اجابة خالص - 00:21:09

وربنا سبحانه وتعالى يدخر لك الاجابة في الاخرة عطاء قال واما ان يصرف عنه من السوء مثلها واما ان يصرف عنهم من السوء مثلها. يعني انت قاعد بتدعي بدعوة معينة - 00:21:27

ومش شايف اجابة كان في بلاء وعقوبة هتنزل عليك كان في مصيبة هتنزل خلاص واحد كان هيعمل آآ حادث او يعني اصيبوا يعني تلف في ما له او كان هيبتلى ببلاء معين بمرض ايا كان - 00:21:48

لكن لما دعا ربنا سبحانه وتعالى دفع عنه هذا البلاء وصرف عنه هذا الشر والسوء بسبب دعائه فالدعاء كان سبب في صرف ايه ؟ صرف السوء وهو برضو مش واخد باله - 00:22:08

في الثلاث حالات تلات حالات الانسان يربح قالوا يا رسول الله اذا نكثر طيب ما دام الموضوع جميل كده طب ما نكتر بقى في الدعاء هو فيه مشكلة لو احنا دعينا كتير قوي - 00:22:27

يعني لو انا في اليوم دعيت لي ميت دعوة لو دعيت الف دعوة في اليوم فيه مشكلة اذا نكثر الى ان انت لو اكثرت على انسان دي المسألة كل شوية تطلب منه طلب كل يوم تطلب منه عشرين طلب - 00:22:45

يقول لك يا عم زهقتني هو ما فيش غيري انت رجل من الاغنياء وبيجي لك فقير كل يوم يطلب منك عشرين طلب تعمل معه ايه يعني يعني ممكن ما تتحملوش يوم واحد - 00:23:00

ما بالك ان هو يجيلك كل يوم الصحابة قالوا يا رسول الله طب ندعي كتير اذا نكثر قال الله اكثر الله اكثر يعني الله اكثر اجابة من دعائكم يعني انت تطلب وربنا يعطيك - 00:23:18

على قدره سبحانه وتعالى اكتر من اللي انت سألته انت كان نفسك في ايه؟ دعوة وتسأل يا رب ارزقني مثلا كده. فتجي لك احسن من اللي انت طلبتها انا ما طلبتش كل ده - 00:23:38

هو كريم سبحانه وتعالى هو كريم لو لو رجل كريم مضياف ولله المثل الاعلى. رجل كريم وانت ايه رحت قلت له والله انا جعان انا مسافر عابر سبيل مسلا وجعان - 00:23:53

انت في دماغك ان ايه يعني اي اكل هات لي يا اخي شوية تمر وخبز اي حاجة هو الكريم مش هيتعامل كده هو اه ممكن ان هو يأكلك. بس ممكن يأكلك حاجة بسيطة - 00:24:10

ويبقى اسمه موكلك مين يجيبك بقى لأ تعالى اعمل لك بقى اجود انواع الطعام والشراب هو الكريم سبحانه وتعالى انت بتطلب طلب على على قدرك. وهو يعطيك سبحانه وتعالى على قدره. الغني الكريم - 00:24:27

قالوا طيب نكتر قال الله اكثر وقيل معناه فضل الله اكثر اي ما يعطيه من فضله وسعة كرمه اكثر مما يعطيكم. في مقابلة دعائكم وقيل الله اغلب في الكثرة فلا تعجزونه في الاستكثار - 00:24:47

فان خزائنه لا تنفد وعطاياه لا تفنى يعني لو كل الناس كل الناس كل واحد بيدعي كل يوم بميت الف دعوة خزائنه لا تنفد سبحانه وتعالى وعطاياه لا تنفد لا تفنى - 00:25:08

هو الغني لو اعطى كل انسان لو ان اولكم واخركم وانسكم وجنكم قاموا في صعيد واحد فسألوني فاعطيت كل انسان مسألته ما نقص ذلك مما عندي الا كما ينقص المخيط - 00:25:30

اذا ادخل البحر قال وقيل الله اكثر ثوابا وعطاء مما في نفوسكم فاكثروا ما شئتم فانه تعالى يقابل ادعيتكم بما هو اكثر منها واجل فعلى كل حال انت تعمل ايه - 00:25:48

قال رحمه الله والثالث انه قد يكون قد يكون قد يكون التأخير مصلحة والاستعجال مضرة يعني ربنا سبحانه وتعالى هيعطيك الحاجة اللي انت بتطلبها دي لكن لو جات لك دلوقتي - 00:26:12

فيها ضرر فيها ضرر استعجال مضرة ان انت تدعي هو ربنا سبحانه وتعالى يربيك على الصبر وعلى ملازمة الباب ان انت تقف ببابي سبحانه وتعالى وعلى صورة معينة من صور العبودية - 00:26:34

يعني مثلا انسان مسلا ربنا ابتلاه بمرض معين وهذا البلاء يربي العبد على صورة معينة من صور العبودية يستخرج منه معاني الرضا والصبر وحسن الظن بالله واليقين هو كل شوية طول ما البلاء - 00:26:55

بيطول زي قصة سيدنا كعب بن مالك واحد خمسين ليلة كل شوية بيتعلم اكثر بيتربى اكتر بينضج اكتر في معاملة الله سبحانه وتعالى فلو انا في تاني يوم تالت يوم مستعجل يا رب - 00:27:19

طب الاجابة ما جاتش البلاء لم يرفع. المرض ما اترفعش الداء اللي انا فيه ده ما اتشلش. المشكلة والمصيبة ما اترفعتش استعجل يزعل يترك الدعاء قد يكون قد يكون التأخير مصلحة - 00:27:38

وربنا هيكشف عنك البلاء بس. شوية ليه؟ عشان انت في حاجة انت محتاج ان انت تخرج بها. تتربى عليها والتأخير فيه مصلحة والاستعجال مضرة انت بقى مستعجل ثم قال تعالى - 00:28:00

ويدعو الانسان بالشر دعاءه بالخير. وكان الانسان ايه وكان الانسان عجولا يلا انا خلصت دعيت اهو فين بقى فهنا بيقول وقد قال النبي صلى الله عليه وسلم لا يزال العبد في خير - 00:28:16

ما لم يستعجل يقول دعوت فلم يستجب لي في رواية قال قال صلى الله عليه وسلم لا يزال يستجاب العبد ما لم يدعو باثم او قطيعة رحم ما لم يستعجل. فقالوا يا رسول الله - 00:28:42

ما الاستعجال قال يقول قد دعوت وقد دعوت فلم ارى يستجيب لي بيقول انا دعيت كتير. تيجي تقول له يا اخي ده يقول لك يا عم انا دعيت كتير دعوت ودعوت - 00:29:04

فلم ارى يستجيب لي. واضح كده ان ربنا سبحانه وتعالى مش مش هيستجيب لي هيعمل ايه يفضل يكمل ويلح في الدعاء قال فيستحسروا عند ذلك استحسن يعني ايه؟ ييأس ينقطع - 00:29:19

انقطع عن الدعاء ويدع الدعاء ييأس قل قد دعوت ربي فلم يستجب لي فالاستعجال اللي هيحمل انسان على سوء الظن بالله سبحانه وتعالى وترك الدعاء هذا من اعظم موانع الاجابة - 00:29:36

انت بتدعي وبعدين سلم بقى لحكمة ربنا سبحانه وتعالى رفع عنك البلاء دلوقتي يبقى هو ده الحكمة البلاء اتأخر يبقى هي دي ايه ده الخير ودي المصلحة ثم ذكر بقى ايه الرابع - 00:30:02

والخامس والسادس الى اخره وان شاء الله لعل ان احنا ان شاء الله نكمل آآ يعني التعليق على كلام ابن الجوزي رحمه الله. ويعني نكمل ما تبقى معنا آآ في المجلس القادم بازن الله - 00:30:22

حتى لا نطيل عليكم هذا وصلى الله على نبينا محمد وعلى اله وصحبه والحمد لله رب العالمين. وجزاكم الله خيرا. بارك الله فيكم - 00:30:37