باحث

بسم الله الرحمن الرحيم. الحمد لله رب العالمين. والصلاة والسلام على سيدنا رسول الله وعلى اله وصحبه اجمعين. الحقيقة انا ربما اكون اليوم آآ اثقلت عليكم. لانه كزا مرة انا اتكلمت صحيح كلها كانت مرات سريعة. انما الحقيقة اللي - 00:00:00ضَ

حصل ان في بعض اخواني الفضلاء قالوا لي لأ احنا عايزين كلام تفصيلي فيه الحكاية بالكامل علشان نقدر نستوعب ايه الصورة بالظبط وانه ما ينفعش نرجئ ده لبكرة لابد ان تكون الصورة واضحة عندنا احنا مش فاهمين. شوفوا يا اخواني الوقتي اللي حصل - 00:00:20ضَ

انه علشان برضو تبقوا معي انا وانتم بالظبط اللي موجود في زهني موجود عندكم ما فيش حاجة انا في منفرد بمعرفتها وانتم ما تعرفوهاش اللي حصل انه اول ما بدأت هذه الشائعة تظهر وبعدين رحت انا لكي اقدم اوراقي في لجنة الانتخابات الرئاسية - 00:00:40ضَ

قلت لرئيس اللجنة انا عايز اقطع الشك باليقين فورا. يا اما تديني جواب دلوقتي اروح به الجوازات او تديني مندوب انت تبعته من عندك يروح الجوازات ويجيب بكرة شهادة اما ان والدتي عندها الجنسية الامريكية او لأ ونبقى تبين - 00:01:01ضَ

من الاول فرفض هذا. رفضه وانا اعلنت ده مرارا وتكرارا انه رفضه رفضا قاطعا علشان يسيبونا للوقت المزنوق ويوتروا البلد ويعملوا هذه المشكلة. طيب بعد كده لما بدأ يتبين ان في كلام عن الجنسية الامريكية - 00:01:21ضَ

حبيت اتكلم معه لقيته مش ناوي يا بت في الموضوع الا في الوقت الحرج. انا الذي بادرت وذهبت الى المحكمة والى القضاء واقدمت ورفعت قضية وقلت للقاضي ادي كل المستندات اللي عندي اللي تثبت ان امي مصرية ولم تكتسب الجنسية الامريكية - 00:01:41ضَ

بغير جدال وادي المستندات اللي بيقدموها الحكومة ضدي اللي بتزعم غير هذا. فهي محكمة ادي ما عندي عندهم احكمي مش انك تدي مش ان وزير الداخلية يدي شهادة لأ ان محتوى الشهادة ان فلان لم يسبق لها ان - 00:02:01ضَ

حصلت على الجنسية الامريكية. او انها حصلت على الجنسية الامريكية لو طلعت حصلت. اللي حصل ان احنا حضرنا تلات جلسات قدام المحكمة وترافع فيها المستشار محامي الحكومة اتنين مستشارين محامين عن الحكومة وانتهت الى صدور حكم قضائي الساعة حداشر - 00:02:21ضَ

الليل او عشرة ونص وشوية زي ما انتم شفتم بان فلانة لم يسبق لها ان حملت الجنسية الامريكية وانه يا وزير الداخلية ادي لها شهادة بكده. الحكم ده ما كانش صادر ضد وزير الداخلية زي ما بيضحكوا على الناس دلوقتي عشان يوهموه. لا يا فندم - 00:02:41ضَ

القضية دي مرفوعة على تلت جهات على وزير الداخلية وعلى وزير الخارجية وعلى لجنة الانتخابات الرئاسية ولزلك الحكم ده حجة عليهم التلاتة الداخلية والخارجية والانتخابات الرئاسية على التلاتة. اما حبوا انهم يقولوا - 00:03:01ضَ

واحنا هنلتف على حجية الحكم الحكم ده عملوا ايه؟ زعموا وده زعم غير حقيقي انه جا لهم مستند جديد بعد صدور الحكم. النهاردة لما رحت اللجنة شفت المستند الجديد اللي هم بيقولوا ان جا لنا بعد ما الحكم صدر. مع الاسف الشديد - 00:03:21ضَ

بل مع العار الشديد. بل مع المرارة الشديدة ان انا فوجئت طبقا لمزكرتهم الداخلية هم نفسهم وده لقاء كان حاضر فيه سبعة او تمانية اشخاص كلهم شهود بهذا انهم كاتبين ان هذا المستند جا لنا يوم سبعة ابريل - 00:03:41ضَ

الحكم طالع يوم حداشر سبعة ابريل عندهم هذا المستند. امال ايه اتناشر دي؟ طلبوا اعادة انه يرسل اليهم مرة تانية علشان يبقى عندهم تاريخ ارسال جديد بعد تاريخ الحكم. انما الحكم ولزلك لو ترجعوا الى الموقع الرسمي للجنة الانتخابات الرئاسية - 00:04:01ضَ

هتلاقي فاروق سلطان في بيانه اللي طالع يوم سبعة بيقول ايوة انا جا لي فعلا شهادة بتقول ان والدة حازم ابو اسماعيل آآ اكتسبت الجنسية الامريكية. سبعة ابريل بيتكلم عن الشهادة اللي بيزعموا الوقت انها ما جتلهمش غير يوم اتناشر. يقول لك معلش اصل - 00:04:25ضَ

يوم اتناشر ارسلت الينا لان احنا طلبنا انها تيجي لنا كاصل ونشوف الموضوع انما مشار اليها من سبعة ابريل. للدرجة دي حاجة جايزة بيعملها آآ ومع تقديري وعرفاني لكل المحامين جايز يعملها محامي ولا وكيل محامي تحت بير سلم انه يعمل حيلة زي كده انه - 00:04:42ضَ

يعيد يعمل صادر وارد جديد علشان يدعي ان الكلام جديد ويلتف على حجية حكم قضائي صادر ضد الجهات التلاتة. والنهارده وانا قاعد مع لجنة الانتخابات الرئاسية قلت لهم صراحة قال لي لأ ده دي ضد وزير الداخلية. قلت له لأ يا فندم انتم كلكم عارفين - 00:05:02ضَ

هو اللي بينكم المحكمة الدستورية او من مجلس الدولة او من محكمة النقض او من استئناف القاهرة. عارفين حجية الحكم مش لمنطوقه بس ولما يرتبط به ارتباطا لا يقبل الانفصال من الاسباب. واسباب الحكم قالت انه ثابت انها لم تحصل من قبل على الجنسية - 00:05:22ضَ

الامريكية وانه كافة السجلات الداخلية خالية من هذا. رحت بقى النهاردة طبعا انا رحت قبل كده لجنة الانتخابات الرئاسية من ساعتها تلات مرات وقدمت في كل مرة مذكرة ومفصلة وانا يا اخواني نشرت لكم المزكرات دي وبعضها - 00:05:42ضَ

بخط اليد واحنا قاعدين بنكتبه بسرعة عشان نلحق الميعاد. نشرتها منزلة وازن ملأت النت. علشان اقول للناس ادي اوجه الدفاع عشان لو فيه حد عنده كلمة مش مزبوطة يعرف يقراها ويشوف احنا اللي صح ولا هم اللي صح. عشان يبقى اللي بيشوف فيصل. امبارح - 00:06:02ضَ

امبارح رحت وقدمت التزلم. واللي قابلتهم بعد ما شفت المستندات المقدمة دي قلت له عارف حضرتك المستندات المقدمة دي المقدمة دي كلها ما فيش منها ولا مستند واحد من الناحية القانونية موجود اصلا. وانا هاحكي لكم الوقتي ازاي ان شاء الله - 00:06:22ضَ

رحنا قدمنا التظلم والنهاردة رحنا علشان المناقشة الشفوية. النهاردة ده بقى هو المهم. دخلت على اللجنة من خمسة من مستشارين وعشان تبقوا عارفين يعني حجم الحديث مش ازاي عشان برضه انا عايزكم - 00:06:42ضَ

ومعي من الناحية الوجدانية ايه اللي حصل؟ اللي حصل ان انا اول ما دخلت قلت لهم انا مش عايز اتكلم في اقوالي ودفاعاتي انا عايز اسألكم الاول. هل انتم عندكم اي حاجة اخرى غير التلات اربع مستندات اللي انتم ذكرتوه - 00:07:02ضَ

في قرار استبعادي من الانتخابات فقال لي شف ادي الملف بالكامل وشف المستندات اللي فيه. فرد رئيس اللجنة بعد شوية وقال لي على كل حال انت شفت لغاية يوم اتناشر احنا ما جلناش حاجة بعد - 00:07:22ضَ

يوم اتناشر. قلت له كويس جدا. يبقى ازا ما فيش حاجة بعد يوم اتناشر وما فيش حاجة غير اللي موجودة في القرار. اللي موجود في القرار عبارة عن تلات مستندات انا لو سمحت لي اناقشك فيهم واحدة واحدة وبرضو اسألكم يعني يمكن انا مش واخد بالي. فين اول مستند اللي انت - 00:07:42ضَ

جايبه في اولا وبتقول لي شهادة رسمية صادرة من وزارة الخارجية الامريكية تفيد ان فلانة حاصلة على الجنسية الامريكية بدءا من تاريخ كزا قلت له هي دي هي دي الشهادة؟ هي دي حضرتك مش كده؟ قال لي اه. قلت له طيب شهادة صادرة من - 00:08:02ضَ

الخارجية الامريكية فين انها صادرة من وزارة الخارجية الامريكية؟ فين كلمة الخارجية الامريكية؟ شهادة خالية تماما وانا نشرت اه صورتها دلوقتي على النت تقدروا كل الناس يشوفوها وكل خلق الله يشوفوه. قلت له فين ان الشهادة طالعة مزعوم مدعاة انها طالعة من وزارة الخارجية - 00:08:27ضَ

الامريكية فين؟ ما فيش ولا كلمة واحدة اسمها الامريكية. ومع زلك يمكن احنا ما بنعرفش انجليزي ادي الترجمة العربي الرسمية من قلم الترجمة في العدل اللي انتم جايبينها ومختومة بختم النسر. ادي الترجمة. هل الترجمة موجود فيها كلمة الخارجية - 00:08:47ضَ

امريكية القنصلية الامريكية مش موجود لا في الاصل ولا في الترجمة الرسمية. من اين لك يا لجنة انك تعملي تطوير في النص. وتقولي صادرة من وزارة الخارجية الامريكية. جبتي منين كلمة الامريكية مش موجودة في المستند خالص. والمستند - 00:09:07ضَ

منشور لو سمحتم شوفوه. بتألفي بتبتكري بتطوري بتطلعي من عندك حاجة مش موجودة في النص وبعدين الحاجة التانية شهادة رسمية انتم كاتبين انها ممهورة بتوقيع وبختم. من فضل سيادتك يا سعادة المستشار ويا سادة المستشارين فين الختم؟ الشهادة دي وكانت طبعا لوحدها انا برضو افك الدبوس ده عشان يبقى - 00:09:27ضَ

بالزبط زي ما عملت هناك اعمل قدامكم بالزبط. مسكت الورقة قلت له الشهادة اهي فين الختم؟ لو سمحت من فضلك طلع لي الختم فين الختم ده في عليها ختم؟ لا ما فيش ختم. قلت له طيب فين الختم؟ قال لي هو المقصود يعني الختم البارز اللي هو اللوجو او اللي فوق انت عارف لما - 00:09:57ضَ

واحد يبقى مسلا عنده مكتبه ولا جريدة ولا اي حاجة بيكتب فوق مكتب فلان او حاجة ده معمول بالضغط البارز زي ما اي مطبعة هنا قلت له يا فندم وده اسمه ختم بالله؟ ده اسمه ختم ولا اسمه مطبعة؟ هي ده ده ختم - 00:10:20ضَ

ولا ده مطبعة؟ وبعدين هو ده انا اما ابقى قدام المحكمة الدستورية ومحكمة النقض ومجلس الدولة ومحكمة استئناف القاهرة اربعة اعضاء في اللجنة البادج ولا اللوجو البارز يسميه ختم. امال اسيب ايه لوكيل محامي صغير لما لما يوصفه في القرار الرسمي - 00:10:39ضَ

ان هو ختم وهو مش ختم خالص اهو اللوجو عبارة عن عن عن البادج فقط قلت له طب حضرتك سيبك بقى من البادج فيه ختم؟ قال لي لأ ما فيش ختم. قلت له طب والورقة اللي ما عليهاش اختام تبقى اسمها ورقة رسمية؟ شهادة رسمية صادرة - 00:10:59ضَ

ورقة خالية تماما من الاختام ومع زلك حضرتك بتقول لي ان عليها علامة مائية. عارفين علامة مائية زي الفلوس كده. زي العشرة جنيه والخمسة جنيه والمية جنيه والخمسين جنيه تحطها في النور تلاقي علامة - 00:11:15ضَ

هي العلامة المائية دي اللي هي بتبقى معمولة فضة وبتبقى باينة طيات الورق وتتحط والورق يتكبس عليها عشان تبقى علامة مائية تدل على ان الورقة قلت له يا فندم الورقة اهي قدام سيادتك في عليها علامة مائية ولا دي المطبعة لما بتيجي تتبع ورق عند مطبعة وتحطه في - 00:11:30ضَ

كده يقوم يبقى مكتوب عليه زي الورقة دي والله. الورقة دي اهي دي ورقة من مكنة التصوير في المكتب عندي. مكتوب عليها تحت اهي بعلامة مائية حازم صراحة ابو اسماعيل دي عبارة اهي من غير والله اهي سبحان الله ما كنتش واخد بالي. دي علامة مائية ولا مطبعة؟ دي بتعملها اي مطبعة لو - 00:11:50ضَ

لو عم حسنين البقال عايز يعمل الورق بتاعه مكتوب عليه دي ما اسمهاش علامة مائية. تيجي لجنة مكونة من رئيس المحكمة الدستورية ومحكمة نقض محكمة ومجلس الدولة واه وتسمي اللي بتعمله المطبعة تسميه هنا ختم وهنا علامة مائية للدرجة دي. للدرجة دي علشان - 00:12:10ضَ

يدعي انه مستند رسمي قلت له هل هي علامة مائية؟ قال لي ايوة دي بتعملها المطابع طبعا معروف. قلت له ده رزمة الورق كلها كل رزمة الورق بحالها عبارة عن رزم كده تسحب اي ورقة وضربت له المثل ده - 00:12:30ضَ

قلت له لو واحد سحب الورقة وزوجته بتمليه في التليفون هات لي اتنين كيلو سبانخ واتنين كيلو خيار واتنين كيلو كزا هيكتب على الورقة دي القائمة دي وهي ورقة عليها اللي بيسموها اللي هو بالمطبعة ده. ومع زلك سيادتك بتقول ان هي كمان ورقة موقعة من فضلك فين التوقيع - 00:12:45ضَ

الورقة خالية تماما من التوقيع. تماما من التوقيع. وليس هناك حاجة تقول انها ان في توقيع ابدا ابدا وعلى فكرة طبقا للقانون المصري وطبقا للقانون الامريكي التوقيع لازم له شروط لازم يكون مقروء - 00:13:05ضَ

ويدل على اسم صاحبه عشان اعرف آآ اقول ده توقيع مين ويدل على صفته ويدل على وزيفته والا ما يبقاش قش موجود عنده اي شيء يدل على هذا فما ينفعش. عندك ورقة هاتها لي. جيت انا النهاردة نعم - 00:13:26ضَ

اه اه تمام. الصور من نفس الكلام ما يجراش حاجة لأ عادي عادي. فالفكرة انه الورقة قلت له هل في عليها اي توقيع؟ التوقيع لازم يكون مقروء لازم يدل على وظيفة صاحبه على صفة صاحبه والا يبقى توقيع - 00:13:46ضَ

اطل في حكم المحكمة الدستورية ومحكمة النقض ومجلس الدولة واستئناف القاهرة اللي انا قاعد قدامهم. احكامهم بتقول كده. وقلت لهم الكلام ده قدامهم الكلام اللي بقوله لكم دلوقتي انا بحكي لكم اللي انا قلته لهم ساعتها. فقال لي هم يمكن يقصدوا دي - 00:14:06ضَ

دي حاجة كده عاملة والله ما انا عارف دي ايه مانجة دي ولا ولا نجمة ولا يعني حاجة كده. قلت له ده واحد بيعلم الورقة شف سيادتك يا فندم المكان - 00:14:26ضَ

اهو ما اعرفش واضح الكلام ده كده ولا المكان اهو اللي المفروض الواحد المختص يوقع تحته. تسيب المكان اللي يوقع تحته وتروح اخر الصفحة الناحية دي تعمل علامة كده تقول لي ده توقيع. وهو غير مقروء ومش معروف اسم صاحبه. ولا صفة - 00:14:36ضَ

ولا وظيفته وتقول لي هو ده التوقيع وده مش توقيع دي علامة واحد بيعلم الورقة. وبعدين يوقع بعيد قوي الناحية دي. وكمان سايب المسافة دي كلها بين نهاية الكلام وبين ده قلت له دي ورقة اعطيت على بياض وملئ عليها هذا الكلام وليس هذا بتوقيع اصلا. ولو كان توقيعا فانه باطل - 00:14:56ضَ

طبقا لاحكامكم انتم اسمع بقى كده يا يا اصحاب السعادة المستشارين. اذا الورقة الوحيدة هي دي الورقة الوحيدة يا اخواني اللي بيسموها شهادة رسمية هي صادرة عن الحكومة الامريكية تثبت ان فلانة اكتسبت الجنسية الامريكية. قلت له اذا هزه ورقة غير - 00:15:18ضَ

موقعة غير مختومة غير ثابتة الشخص اللي وقع اسمه ايه اساسا ما فيش عليها كلمة الحكومة الامريكية ولا القنصلية الامريكية ولا الخارجية الامريكية. ما فيش عليها بادج يقول حتى البادج البارز - 00:15:41ضَ

اللي هو بيقول عليه ده ما علهوش كتابة. ما يقولكش ده طالعة منين. يعني مسلا البادج نعرف ان هو منين ده عبارة عن علامة النسر كده زي اي علامة النسر اللي بيستعملوها الامريكان في اي - 00:16:01ضَ

في حتة علامة نسر دي موجودة حتى في الشركات العادية. وما فيش عليها الا دي وزارة الخارجية ولا الداخلية ولا ده ايه ولا حاجة خالص. قلت له من اين انا بقى ما ليش دعوة بكل ده. انا بسأل سؤال واحد بس عن اللجنة - 00:16:11ضَ

من اين للجنة بهذا المستوى القضائي الرفيع انها تاخد من ده الاوصاف ده انها شهادة رسمية مختومة متوقعة وصادرة عن الحكومة الامريكية كل ده جبتوه منين وهو لا وجود له هنا؟ هي دي الورقة اللي بتقصي بها واحد مرشح - 00:16:26ضَ

رئاسة دولة بورقة كده مبعوتة انت مش عارف مين اللي بعتها اطلاقا هو ده هو ده اللي انت عايز الشعب المصري كله يبقى واقف في الشوارع مطمئن ان انت يوم ما طلعته كده طلعته مزبوط وغير كده تقول له اصل الورقة دي جت لي مرة تانية يوم اتناشر علشان هي عندك من يوم سبعة - 00:16:46ضَ

تخترق بها حجية حكم قضائي البنيان القانوني المصري. القائم على حجية الاحكام. تخترقه بان الورقة دي الو ابعتها لي تاني بكرة عشان يبقى بعد الحكم يبقى طمأنينة ايه ازا الاحكام القضائية مخترقة بهذه الصورة فادي اول مستند انا وريته لكم ونشرته وعلشان وبعدين بالمناسبة - 00:17:06ضَ

دي انا لقيت تحت مكتوب عليه دبلوماتك نوت. دبلوماتك نوت دي يعني بلوك نوت يعني ورقة كده من اللي هي بتتحط في مسلا في المؤتمرات الدبلوماسية انا لما اروح اقول له لو سمحت اديني ورقة يديها لي كده انما ما فيش فيها اي شيء وبالله اكتر من كده قلت له لهم ساعتها انا مش باقول لكم - 00:17:29ضَ

دلوقتي حاجة جديدة انا بقول لك اللي قلته له. قلت له وبعدين بعد ازن حضرتك فيه في الدنيا ورقة من حكومة لحكومة بتطلع بالطريقة دي ولا بيبقى على وشها كده يتدبس ورقة ويسموها كفر ليتر. خطاب كده يا حكومة مصر مرسل اليك الشهادة اللي انت طلبتيها من - 00:17:49ضَ

الامريكية فانا ببعت لك اهو الكلام ده وبعدين تقلبي كده تلاقي الشهادة. فيه في الدنيا قولوا لي انتم فيه في الدنيا حكومة بتبعت لحكومة تانية شهادة مفردة بدون الكفر ليتر. فقلت للسادة المستشارين. اللجنة اللي بتتخز قرار باقصاء مرشح لرئاسة دولة - 00:18:09ضَ

بناء على على الورقة دي. قلت لهم فين الكفر ليتر؟ فين الجواب اللي بيقول ان احنا ليه بقى كفر ليتر هنا ده اللي هو الورقة يعني اللي في الوش انا اسف طبعا. الورقة دي قيمتها ايه؟ لازمتها ايه؟ لازمتها انها تبقى ورقة مخطوبة - 00:18:29ضَ

ختم الحكومة الامريكية وختم السفارة الامريكية لازمتها ان هي تاخد صدر وارد نقدر نطلق نطلع عليه انما دي ما فيهاش ولا صادر ولا وارد ولا امضى ولا وظيفة ولا جهة ولا حاجة ابدا - 00:18:49ضَ

وقلت لهم اكتر من كده. وانا وانا باقول الكلام ده كنت محرج. وقلت لهم انا محرج وانا باقوله. قلت لهم انا معي في العربية ازا ما يعني شفتم ان ده مش مجاوزة انا معي نفس الورق ده في العربية هو هو - 00:19:03ضَ

رحت امبارح بالليل لقيت واحد شاب مستني قدام المكان اللي انا رايحه. معه ملف مليان بالاوراق جايب لي ورق بالزبط نفس الورق ده بالزبط واللي انا لسة هاشرحه بيقول فيه ان السيد المستشار فلان الفلاني احد المشاهير في لجنة الانتخابات - 00:19:23ضَ

الرئاسية يعني انه يحمل الجنسية الاسرائيلية. وهو طبعا ما بيحملش الجنسية الاسرائيلية لكن حابب هو عامله له بنفس الطريقة كده ورق كده مكتوب بالالة الكاتبة وما عليهوش توقيع لحد وعمل عليه علامة المنجة - 00:19:43ضَ

دي ولا الكمترى في الجنب دي كده اللي هي التعليم كده وخلاص ونفس الكلام ودبلوماتك نوت وكل حاجة وكل شيء وبارزة من فوق واخر جمال قلت له تأذن لي اجيبه؟ سلمه لحضرتك انا بس مستحي. حدث هزا. فانا عايز اقول لكم ادي اول مستند بيستندوا عليه - 00:20:03ضَ

فاضية حاجة فاضية وعلى فكرة علشان اي حد يتكلم معكم بقى اعلاميين مستشارين محامين اي مخلوق عايز يتكلم بكده انا ممكن اجيب له ملف ان هو بالجنسية اللي هو عايزها. ما لان ده اصلا ما فيش تزوير. ده ما فيش توقيع مسلا متزور. يعني انا مش هزور حاجة. مش محتاجة تزوير - 00:20:25ضَ

وانا بعتقد ان هم عملوا كده والاكتر من كده. وده المستند رقم اتنين. شيء عجيب مفاجأة برضو انكشف التحركات اللي بيقول ان نوال عبدالعزيز نور دخلت في يوم كزا وخرجت يوم كزا ومعها جواز امريكي وكزا وكزا - 00:20:45ضَ

كشف التحركات بتاع وزارة الداخلية شفتم هناك وازا بي افاجأ بانه كشف لا التوقيع عليه بالمرة. وغير مختوم بختم الداخلية ولا اي ختم بالمرة. ومرة تانية قلت لهم يا سادتي المستشارين هو ده الكشف اللي انتم بتعتمدوا عليه ما فيش عليه ولا توقيع ولا ختم ولا اي حاجة ده ورق ممكن اعمله في الكمبيوتر - 00:21:06ضَ

بتاع مكتبي هاقول لواحد اعمل لي كشف كده حاجة يعمله. اي ورق اللي يعطي له وصف الرسمية ايه؟ انه يبقى عليه توقيع او امضاء او ختم. ما فيش. وقدام ورق عبارة عن هواء وتأتي - 00:21:36ضَ

في لجنة الانتخابات الرئاسية عايزة تعتبره هو ده السند اللي تقصي به مرشحي رئاسة الدولة قلت له يا اخي ما تفضحوني يا اخي. طلعوني حطوا لي زي ما بيقولوا العوام حاجة تخرم عيني كده - 00:21:51ضَ

انما تيجي النهاردة تقدم لي ده طيب المستند التالت. يبقى اول تاني مستند لا توقيع ولا ختم. هوا هوا المستند التالت التالت والرابع مرة واحدة علشان حاضر. المستند التالت والرابع مرة واحدة - 00:22:05ضَ

لان هم شيء واحد تقريبا. المستند التالت والرابع اللي الحكومة اللي لجنة الانتخابات الرئاسية اللي مستشارين الكبار بيستدلوا به عشان يطلعوا واحد برة الانتخابات الرئاسية ويشيلوه من كشف المرشحين. مع الاسف ومع - 00:22:24ضَ

والله العزيم ومع المرارة عبارة عن وانا نشرت عبارة عن صور ضوئية بالمكنة صور ضوئية سألتهم في اي مخلوق قانوني في مصر اي واحد في مصر عارف ان الصورة الضوئية قيمتها القانونية انه ازا انا انكرتها وجحدتها وقلت انها مش صحيحة. قيمتها ايه يا محكمة يا - 00:22:44ضَ

سوريا ويا مجلس دولة ويا نقض ويا استئناف القاهرة في كل احكامكم. قيمتها انها زيرو صفر لا لا تعتبر موجودة كما اطلاقا. طب يا فندم سيادتك جبت لي الصورة دي يوم التلات مسلا اللي فات وانا يوم الاربع قدمت لحضرتك مزكرة قلت فيها ان انا باقول - 00:23:15ضَ

واجحدها وغير صحيحة وسلمتها وحضرتك مضت لي بالاستلام على الصورة دي. انا الصور انا مش معترف بها وانكرتها وجحدتها وبقول ما لهاش اصله متفبركة ازاي بعد ما صارت زيرو طبقا للقانون لجنة عليا بهذه الصورة تضعها في على بندين على ان هي مستند علشان - 00:23:35ضَ

اقصي ولزلك بعد ما خلصت شرح قلت له بقى انت حضرتك بتقول لي بناء على الاسباب الاتية اولا زيرو ثانيا زيرو ثالثا زيرو رابعا زيرو بناء عليه قررنا ابعاده ده انت كده بتقول لي على صور ضوئية انت اللي بتقول في احكامك ان هي زيرو. ومع زلك اتفرجتوا انتم على الصورة الضوئية ازاي مطموسة - 00:23:58ضَ

موسى بعضها مطموسة او بعضها غير مقروء وبعضها زي ما انتم شفتم كده فيه طمس طمس آآ متعمد يعني شف دي شوفوا البلوك الاسود ده شايف ده شايف ده وانا نزلته واضح - 00:24:22ضَ

يعني الصورة نفسها جرى فيها جرى فيها تلاعبات واحنا مرقمين كمان الاماكن دي. طب انا اطمئن ازاي ازا كنت بتقول لي انت الصورة دي صورة وجرى فيها تلاعبات وليس شف بقى اسمع كده ليس عليها اي توقيع منسوب لنوال دي اصلا. يعني ما فيش عليها توقيع منسوب لنواة - 00:24:38ضَ

اساسا يا نهار ابيض! صورة ضوئية لمستند اصله ما عليهوش توقيع. طب دي ايه؟ يقول لك ده ايه؟ طالبة تصوت في الانتخابات الامريكية طب فين توقيعها؟ اللي انت بتدعيه اللي انت بتزعمه اللي انا اللي انت بتقوله فبركة ما فيش توقيع لها. وكمان مصورها صورة - 00:25:01ضَ

مصورها صورة ولاعب في في البيانات المتعددة ما اعرفش ايه اللي بيخفيه الحقيقة انا ما اعرفش هو يقصد باخفاء ايه بده هي دي والكلام ده بقوله لجنة وهم قاعدين قدام المستشارين الخمسة اهلا وسهلا واصحاب مكانة ما بتكلمش انا في كده. انما يعني انا اللي قاعد قدامهم يعني موجود كده فبقول لهم اهو - 00:25:21ضَ

اقول له فين انت يا حضرتك يا اصحاب المكان المستدلين بصورة اللعب فيها صريح واضح هم مش منكرينه. وما عليهاش توقيع لحد وتقول لي اهو دليل انها طالبة تصوت في الانتخابات الامريكية. فين توقيعها؟ فين الطلب؟ وصورة ضوئية وانا بانكرها. ودي - 00:25:41ضَ

الصورة التانية اللي جابها لي اخونا الكريم اهي. الصورة التانية دي جايب لي صورة اه اهيت قدامي. الصورة دي ماذا استطيع ان اقرأ منها انا نزلتها على النت واديكم شفتوها. حد عارف يقرا منها حاجة - 00:26:01ضَ

وبعدين جايب لي صورة يقول لي صورة طبعا ما عندهمش هم قال لي احنا مع الاسف ما عندناش في لجنة الرئاسة مكنة تصوير ملون فهندي لك ابيض واسود. طب متشكرين اوي. ايه الفرق بين التصوير ملون ومكنة تصوير ابيض واسود في القانون؟ هل القانون قال ان في فرق الاتنين - 00:26:17ضَ

صورة ضوئية واحدة اتاخدت بمكنة يمين والتاني مكنة شمال صورة ضوئية. ازاي تعتمد على صورة ضوئية وانا جحدتها وكل القضاة مستشارين قاعدين عارفين ان كوني انكرت قيمتها تصبح صفر. وبعدين في الاخر قلت لهم يا جماعة انا قدمت لكم مستندات في - 00:26:37ضَ

محكمة وانتم شفتوها المستندات اللي تقطع قطعيا بان والدتي ظلت لغاية اخر لحظة لغاية الفين وتسعة مصرية الفين وتسعة هي متوفاة في يناير الفين وعشرة. عليها رحمة الله ورضوانه يا رب العالمين. فقلت لهم انا قدمتها قطعيا ومع زلك - 00:26:57ضَ

قلت لكم قدموا لي حاجة عليها خطها. بصمتها فيديو لها اي حاجة اللي بيخش الطيارة بيدخل بيكتب كارت بيسجلوا كده باسمه ورقم الجواز ونوع جنسيته. قلت لهم ما تجيبوا لي الكلام ده. ازا كنت انا جبت لكم ان هي مسافرة من امريكا - 00:27:17ضَ

كاهو بالجواز المصري وبتزكرة تزكرة شارياها كمصرية. انت هات لي بقى هنا بخط ايديها. انما تسيب كل ما واطلب منك مستند بخط ايديها او فيديو لها زي القسم اليمين او آآ توقيع بايديها او بصمات او اي حاجة. خلاص امريكا - 00:27:37ضَ

انت مش عارفة تجيب حاجة من ده وجايبه لي الكلام ده اللي مطموس والمنغبش واللي ما عليهوش توقيعات واللي ما عليهوش اختام خلاص هو ده اللي بتوصي به وبعدين كلمتهم بعد كده الحقيقة في جانب الاختصاص. دي نقطة مهمة جدا. قلت له دلوقتي المرشح ده - 00:27:57ضَ

لازم يجيب لك شهادة بان هو مسلا ادى الخدمة العسكرية. ينفع انا اجيب لك شهادة باني اديت الخدمة العسكرية. تقول لي والله انا هلغي انا وزير الدفاع ده هيرميه على جنب وانا اقرر انا من عندي كلجنة انتخابات رئاسية ان انت اديت الخدمة العسكرية ولا لأ؟ ولا انت بتعتمد على - 00:28:17ضَ

القرار ذي الصفة ذي الصفة. بتعتمد على قرار المختص وهل ممكن اجي اقول لك والله لازم سني يكون في تاريخ الانتخاب اربعين سنة انا اهو مولود مسلا سنة اتنين وسبعين مسلا على سبيل المثال - 00:28:37ضَ

اتنين وسبعين معلش. المولود سنة اتنين وسبعين فيبقى من اتنين وسبعين لالفين واتناشر اربعين سنة. تقول لي لا والله اللجنة هي اللي هتسننك مش هناخد بمصلحة الاحوال المدنية ولا انت بتعتمد على قرار صاحب الصفة؟ على قرار الجهة المختصة - 00:28:55ضَ

فكذلك الجهة المختصة باعطاء قرار بعدم سبق الحصول على الجنسية ادت لك شهادة بعدم سبق الحصول على الجنسية خلاص والمحكمة اصدرت حكم بعدم سبق الحصول على الجنسية. تقول والله انا هنحي الجهات صاحبة الصفة وهاتخز انا قرار انشئه - 00:29:15ضَ

بانشاء جنسية لهذه المواطنة المصرية من عند نفسي قلت له اقصى شيء لو جا لك شهادة انك تبعتها لصاحب الصفة تقول له طب انا جا لي الشهادة دي بعد حكم ما رأيك فيه؟ هو اللي يصدر مش انت تقول والله انا مكان الجهة الطبية وجهة وزارة الدفاع والداخلية انا - 00:29:35ضَ

وقلتها لهم نصا اغتصب اختصاصات الدولة كلها. طيب ولكن احنا دلوقتي لما بيجي لنا شهادة مسلا الفيش والتشبيه اللي هي صحيفة الحالة الجنائية بتقول ان فلان ما عليهوش احكام واجبة التنفيز بنستعلم برضو يمكن السابقة الاولى ما نزلتش. قلت له اشكرك شكرا - 00:29:58ضَ

جزيلا على هذه الملاحظة. انت لان المستند اللي قدامك خالي ولكنه لا يعني السابقة الاولى فانت جبت السابقة فانت عايز تستكمله بشيء المستند ده ما يدلش عليه. المستند الاولاني ده ما يدلش عليه فبتجيب حاجة تانية - 00:30:18ضَ

عشان الدلالة تكمل. انما انت هنا ما عندكش حاجة تانية انت عندك لغاية تاريخ امبارح يوم حداشر حكم قضائي بانها لم تحمل الجنسية الاخرى ودي صاحبة الصفة. انت هنا مش بتستكمل انت بتقول لي لما جت لي صحيفة الحالة الجنائية فاضية انا بعت لهم اقول لهم طب والسابقة الاولى. طب ما انا عايز - 00:30:38ضَ

منك كده. لما جات لك شهادة الجنسية ابعت لهم قل لهم طب والشهادة دي اثرها ايه ؟ مش انت اللي تتخز القرار من عند نفسك؟ مش عارف واضحة النقطة دي ولا لأ ؟ يعني هو في صحيح - 00:30:58ضَ

الحالة الجنائية جات له صحيفة ما فيهاش جرايم. لكن هو عارف ان صحيفة الحالة الجنائية يمكن ما ينزلش فيها السابقة الاولى. فراح باعت لهم مرة تانية قال لهم قولوا لي اخبار الراجل ده عنده سابقة اولى ما نزلتش في الصحيفة ولا لأ - 00:31:08ضَ

هو بقى بيستدل بكده احد اعضاء اللجنة المستشارين الكبار يقول لي دي زي دي. انا برضو عندي الجنسية وعندي ورقة جديدة. قلت له بس انت في الورقة اولانية دي لما لقيت عندك نقطة ناقصة بعت لهم بعت للجهة صاحبة الاختصاص تقول لها طب وافيني بالسبقة الاولى. انما - 00:31:24ضَ

هنا انت ما بعتش للجهة صاحبة الاختصاص انت اغتصبت سلطتها وطلعت القرار من عند نفسك. فسكت لانه المثل هو اللي ايلوا ومع زلك هو هنا مختلف عن هنا. هنا لما لقى المستند قدامه ناقص بعت لجهة الاختصاص وهنا لما لقاه ناقص اغتصب الاختصاص وقام - 00:31:44ضَ

نفسه. دي اللجنة اللي النهاردة بتاخد هذا القرار واللي بتقول لشعب مصر انا هشيل احد المرشحين يطلع اوحش واحد في المرشحين. ويطلع قال لهم شعبية انما دي كرامة شعب. ان انا هشيل واحد من المرشحين - 00:32:04ضَ

اغتصابا لسلطة الجهة اللي تقرر الجنسية واخد انا القرار بنفسي وخرقا لقواء لبنيان الاثبات في القانون المصري. ومصادمة لحجية الحكم القضائي. عايزين ايه اكتر من كده هاعمل ايه ؟ انا رحت الوقتي الى لما لقيت المسألة رحت للقضاء. قلت له يا قضاء احكم لي فحكم لي - 00:32:20ضَ

فخرجنا الى اللجنة فاللجنة حكم القضاء وابتكرت هيعمل نعمل ايه اكتر من كده. وبمستندات اديكم شفتم حقيقتها. ولزلك انا بعد ما خلصت ده كله قلت له بعد ما خلصنا بقى الشرح التفصيلي ده كله. قلت له وبعدين انا عايز اقول لحضرتك حاجة. هو في كل - 00:32:46ضَ

لاحكام اساتزة قوانين الجنسية اسمه القانون الدولي الخاص اسمه العلمي كده. قوانين الجنسية استاز الجنسية في الجامعات. بيسمي الشهادة اللي جاية من امريكا ولا اسرائيل دي ايه لان ما كانش حد غلب. اما اسرائيل تشوف كشف بالتلاتة وعشرين مرشح قدامها. تقول والله انا مش عاجبني ده وده. تعال يا فلان اعمل له - 00:33:10ضَ

انهم اسرائيليين وبعتهم. القانون بيقول ايه؟ الاستاز الدكتور فلان الاستاز الدكتور مسلا فؤاد عبدالمنعم رياض اللي هو استاز الاساتزة في القانون الدوري الخاص وكان قاضي دولي ولا مسلا الدكتور عادل عفيفي اللي كان رئيس مصلحة الجوازات والدكتوراة بتاعته في اثبات الجنسية ولا الدكتور - 00:33:30ضَ

فلان وقلت له بالنص وكاتب في المذكرات ده بيقول ايه في كتابه وده بيقول ايه وده بيقول ايه وده بالتفصيل. قلت له كلهم بيقولوا حاجة واحدة بيقولوا ان مش دولة ترسل خطاب. سلام عليكم. اه الست دي واخدة جنسية. قلت له دي واقعة من طرفين. طرف هي - 00:33:50ضَ

وطرف هي المواطن اللي الدولة بتقول ان انا اديت له جنسيتي. طرفين واقعة التجنس واقعة من طرفين قرار الدولة الاجنبية فيها مش قرار مطلق. قرار الدولة الاجنبية فيها انها بتدعي على مواطن انه اكتسب منها الجنسية الاجنبية - 00:34:10ضَ

فبتيجي الدولة تعمل ايه في الحالة دي؟ تقول ده اكتسب الجنسية وهو يقول لأ يا فندم يا سعادة رئيس المحكمة الدستورية والنقض والمجلس الدولة الحكم القانوني هنا عن واقعة فيها طرفين طرف منها يدعيها والطرف التاني ينفي - 00:34:32ضَ

فيها ما هو الحكم القانوني لهذا؟ فقال لي الحكم القانوني لهذا هو انها تخضع لقواعد الاثبات. قلت له طيب وهل هل اخضعتم هذا النزاع بين ما تدعيه امريكا حتى لو كانت مدعياه مع ان ما فيش ورقة ما فيش ولا ورقة امريكا بتدعي فيها هذا - 00:34:52ضَ

هل وبين ابن الست المتوفاة اللي هو اصبح صاحب المصلحة واصبح هو الخلف الخاص واصبح هو من تلقى عنه الحق هل اديتوا له فرصة انه ده يثبت وده ينفي عشان يبان بعد تحقيق الاثبات؟ ولا انتم اعتبرتوها حتما لازما - 00:35:12ضَ

وقدرا نازلا من غير ما نمكنه من الاثبات. وسألتهم والحقيقة كانت الكلام كله عبارة عن عن مسائلات يعني. قلت له هل فيه في قانون ان في واقعة تصبح ثابتة قبل ما يجري اثباتها طبقا لطرائق الاثبات القانونية في حاجة كده في اي مخلوق في الدنيا قال كده في اي حاجة - 00:35:32ضَ

حد قال كده؟ في في اي كتاب ذكر هزا؟ في اي حكم محكمة زكر هزا؟ فازا ما انفردت لجنة الانتخابات الرئاسية وحدها من دون خلق الله جميعا. ان طرف يدعي الواقعة وطرف ينفيها تروح هي معتبراها ثابتة. وابقى ولا انه - 00:35:52ضَ

تمكنك من طرائق الاثبات وهي ثابتة غصب عن عينيكم يا شعب مصر كله. يبقى دي حاجة لم يسبقهم بها احد من الاولين ولا من الاخرين. ادي الكلام اللي اتقال ولزلك يا اخواني اليوم انا خارج من اللجنة اشعر تماما وانا بقولها بوضوح ان دي عملية تدليس من اكبر - 00:36:12ضَ

اكبر ما يمكن وعبارة عن هدم لبنيان الاثبات القانوني المصري بالكامل. وانا بقول الكلام ده وهيسمعني اساتذة قانون يا ريت يتكلموا وينطقوا. ما فيش ولا واحد له رأي مختلف عن ده. ما فيش ولا واحد بيقول الصورة الضوئية ازا جحدناها تفضل موجودة. ما فيش حد يقول لك لأ - 00:36:32ضَ

بقى ما فيش. وبعدين بعد كده قلت لهم ومع زلك طبقا للمادة عشرة من قانون الاثبات. افرض الورقة عليها توقيع وختم وكل حاجة هو ده اللي القانون بيسميه المحررات الرسمية. ده لا ينطبق عليه ولابد ان يخضع ايضا لطرائق الاثبات. فسكتوا عند النقطة دي ما - 00:36:53ضَ

يخش يتكلم ولا يقول ده واقع ده مسلم. فانا خارج النهاردة من اللجنة وزي ما قلت لهم اخر الكلمة اللي انا قلتها لهم فيها. قلت لهم انا النهاردة سامي لا شيء ما فيش حاجة انا مش شايف حاجة. كل المستندات اللي بقولها لهم ده في وشهم علشان يبقى يعني لو في انا بقول له دي - 00:37:15ضَ

قلت له دي عملية استهتار بالغة انا شايف لا شيء ده لا يأتي الا بخرق البنيان القانوني المصري بخرق حجية الاحكام القضائية بخرق توصيف المستندات بل انها حالة تزوير واسمعوا ما ياتي مش تزوير بس بذكر الاوصاف الغير واردة. طلع رئيس اللجنة المستشار فاروق سلطان - 00:37:35ضَ

طلع يوم السبت اللي هو اول امبارح يوم اربعتاشر وقال ان النهاردة والمستشار حاتم بجاتو قال النهاردة نطلع القرار بشأن حازم ابو اسماعيل وازا بهم اول ما طلعت انا وقلت بقى انه المدى الزمني انتهى بمساء يوم تلتاشر وخلاص انقضى الوقت اللي ممكن يطلعوا فيه القرار. اقروا - 00:38:01ضَ

واهي صور القرارات كلها نازلة على النت. تلاقي كل المرشحين نازلة يوم اربعتاشر. القرار بتاعهم فوق كده مؤرخ اربعتاشر. وراحوا ساحبين القرار بتاعي هنا وراحوا كاتبينها بتاريخ تلتاشر. بعد ما اعلن حاتم بجاتو وفاروق سلطان لاتنين انه يوم السبت - 00:38:25ضَ

اربعتاشر هيصدر. لأ انا بقى مش ده ده مش طبيعي اللي بيجرى ده ده مش انا مش امام اجراءات قانونية بهذه الصورة لأ مش ممكن يا اخوانا. عشان انا اللي تمكنت من الحصول عليه. سواء بطريقة مباشرة او غير مباشرة. نشرته لكم عشان يبقى خلق الله حكم بيني وبين هؤلاء الناس - 00:38:45ضَ

واللي مش متمكن انا ها انا ذا انا بتحدى ثم بتحدى ثم بتحدى اللجنة انها تنشر مزكرات المرفوعة اليها من الامانة العامة في اللجنة. ده ده احسن دفاع لي اللي طالعة من جواهم. بس يا رب ما تتغيرش. كان في تمانية النهاردة شاهدين عليها. وان - 00:39:05ضَ

ان شاء الله مش هيغيروها ناس كويسين مش هيغيروها بازن الله. اعمل ايه اكتر؟ اقول ايه اكتر من كده في الحالة اللي احنا مفاجئين بها شيء فاضح وانا اقسم لكم بالله يا اخواني لو عندي منفز قد كده منفز قد كده لو - 00:39:25ضَ

لو لو ثقب ابرة يمكني من اللجوء الى القضاء الان كنت بازن الله استطيع استصدر من القضاء حكم قضائي هذه اللجنة لان الحاصل ده دي فضيحة حتى من ناحية القواعد القانونية. كون بقى انك في الاخر تستبعدني باهدار كافة القواعد القانونية - 00:39:45ضَ

المنزومة والاختصاص وحجية احكام القضائية وبيانات الاوراق والصادر والوارد وكل حاجة والله انا ما ليش مصلحة ولكن انا ذا قد قلت لاصحاب المصلحة واتفضلوا ردوا علي في هذا الكلام. انما انا لم يعد عندي شيء اكتر من كده اقوله. انا النهاردة اثقلت عليكم كتير - 00:40:10ضَ

جدا. بس انا عايز اقول لكم حاجة. اتناشر اخبار على بعض الجرايد. اه اه ده انا نسيت اقول لكم شيء مهم جدا حصل النهاردة في اللجنة. وفي كويس اني افتكرته بمناسبة الاخبار اللي نشرت على الجرايد الان دي. انا اليوم - 00:40:30ضَ

قلت لهم انا حتى هالجأ للمادة اربعتاشر اسبات. اللي بتقول ان اقصى حاجة لو فيه ورق مسند الى امي ان انا احلف بالله ايه العزيم ان هذا الكلام انا لا اعرفه ولا لي علاقة به ولا شفته ولا كزا وها انا ذا وحلفت له - 00:40:50ضَ

اقسم بالله العظيم في وجود المستشارين الخمسة وامين اللجنة والحاضرين الاخرين على هذا قلت لهم عشان يبقى بالحلف ده سقطت حجية الورق العرفي حتى. يعني حتى لو فيه ورق عرفي مش ورق رسمي مش محررات رسمية محررات عرفية تبقى - 00:41:10ضَ

سقطت كمان بكده. حلفت انما النهارده ينشروا لي تاني يقول لك مش عارف يمثل قدام ايه ويحلف بالله. حلفنا تلات مرات لغاية النهاردة. ولن ولن استجيب لمثل هذا الهراء وان كان جزى الله خيرا اصحاب الفضيلة والفضل والمكانة كذابوا انهم طلبوا هذا. لان دي كانت تبقى نقيصة - 00:41:31ضَ

كبيرة يقول لي اهوت آآ مش عارف تهرب فلان من ايه وكده الكلام ده وكذبوه الان على النت الحمد لله رب العالمين طلع مكذب. لكن انا في المحكمة يوم الثلاثاء وفي المحكمة يوم الاربعاء انا ما حلفتش علشان يلزمني الحلف انا مش هحلف. انما انا حلفت لان المادة اربعتاشر اثبات بتسقط - 00:41:51ضَ

بهذا الحلف قيمة الاثبات فورا فحلفت من اجل هذا التلات والاربع على مسمع من المستشارين السبعة اللي هم هيئة المحكمة والمحامين وجمهور القاعة. والنهاردة مرة تانية قدام اللجنة علشان ما حدش يقول لي فيهم والله ما انا - 00:42:11ضَ

ما كنتش موجود اه موجود في المحكمة. حلفت امامهم للمرة التانية علشان يبقى المادة اربعتاشر شرطها تحقق. مش عشان حاجة. يعني انا لا احلف انما انا حلفت لانه ده يؤدي الى اثر قانوني فحبيت اقول لهم ان لو انتم يعني جواكم ان لسه في حاجة قائمة - 00:42:29ضَ

ها انا ذا اسقطها امامكم. عشان كده يا اخواني نحن امام لا شيء. لا شيء وما اظن ان يصدر القرار الا بالغاء قرار الاستبعاد واذا لم يحدث هزا ساسلك اشد ما استطيع ان اسلكه لانه لا يمكن بحال من - 00:42:49ضَ

الاحوال انه بعد ان اقتربنا من ان يمكن الناس من حرياتهم ان يحصل ان والله ما احنا مكننكو وقعوا على ادباركم مرة تانية. وما كانش حد يغلب ولعلمكم اللجنة دي والله سبحان الله نفس نفس - 00:43:09ضَ

الاطقم اللي كانت موجودة قبل كده هي هي ما فيش حاجة اتغيرت. احنا ثورة ثورة لطيفة جدا الحقيقة. على كل حال تحبوا في شيء مش واضح تحبوا تضيفوا؟ يعني تحبوا نعم. طبعا دي برضو نقطة مهمة بس دي هنكشفها الناس هيروحوا يعملوها - 00:43:29ضَ

وفيها شغلانة دي رخرة هيغيروها. على كل حال. على كل حال حسبي الله ونعم الوكيل. اديني اقولها برضو ان انا عارف ان انا هقولها انا قلتها لكم في القعدة الخاصة. انما على كل حال. هقول لكم خلاص مش هقولها بس انا هقول النقطتين لاني قلتها لاخواني الان - 00:43:49ضَ

فبيقولوا لي آآ قولها للناس. في طريقتين خارج مصلحة الجوازات وطريقة داخل مصلحة الجوازات ازا كانت ازا كان في حد مسجل على انه حاصل على الجنسية الاجنبية بتثبت لدى جهات اخرى هي كده بتثبت. على - 00:44:09ضَ

كل حال انا عندي المستند. عندي المستند زي ما عملت المستندات. وعلى فكرة انا مش مشغول دلوقتي بما ينشر على الاعلام لاني ما عنديش وقت اقراه اشوفه انا ما بشوفش اعلام انا الان ادرك لان المدى زي ما انتم عارفين يقول لك في خلال اربعة وعشرين ساعة يعمل كزا في خلال تمانية وعشرين اعلان الحكم لازم في خلال ساعتين وبعدين توديه للجنة - 00:44:34ضَ

فاحنا بقى لنا النهاردة يجي سبع تمن تيام ما بنمش من الحركة الدائبة. لكن بعد كده هفضى بقى للاعلام وان شاء الله نفضلهم ونعرض عليهم ما يكون من امور والله المستعان. وان شاء الله ربنا يا ذا الجلال والاكرام ربنا كبير. انما على كل حال - 00:44:54ضَ

عندنا ادلة متعددة بعضها قدم في المحكمة بالفعل وان شاء الله ننشره برضه لكم يوم التلات اللي فات قدمناه ثم يوم الاربع قدمناه وبعضها ان شاء الله هننشره برضه وبعضها نتكلم في بعضها مختبئينه علشان عنصر التزوير - 00:45:14ضَ

اللي احنا وقعنا عليه والاخوة اللي عاتبوني على التلويح بمسألة الرشوة. نحن ما كنا نعرف ان في ده ده كلام اخبار جديدة جاءتنا احنا مش مش انا مش بقول لواحد انت انا شايل لك مسلا نقيصة وهطلعها دلوقتي عشان باهددك لأ دي حاجة ظهرت - 00:45:34ضَ

جات لنا امبارح الصبح او اول امبارح الصبح الايام بقى اختلطت علي امبارح او اول امبارح الصبح جيء لنا بها بصوا يا جماعة انا هقول لكم توكلنا على الله ومصلحة الجوازات بتخطر تلقائيا تلقائيا اول ما بيتسجل على الكمبيوتر - 00:45:54ضَ

بتاعها بتخطر تلقائيا بعض الجهات في الدولة بالذين دخلوا بجنسيات اخرى لاول مرة لان لهم معاملة خاصة ما دام اصبحت لهم جنسيات اخرى. فاحنا ذهبنا وكشفنا هل من ضمنهم اسم السيدة نوال عبدالعزيز - 00:46:12ضَ

عزيز نور في سنة الفين وستة او الفين وسبعة الفين وتمانية الفين وتسعة. وهي توفيت في يناير الفين وعشرة فلم نجد فقلت لهم يمكن سقطت قالوا لي لأ لانه لا يعاد كتابة الاسماء ونبلغ ده احنا بنبلغ بقاعدة البيانات زي ما هي - 00:46:32ضَ

وهذا الكلام معي منه صورة ضوئية الحقيقة بقية الكلام هيبقى مضر ازا ظهر الان لانه برضو يعني اخشى ان انما على كل حال هذا مما سيظهر. اما مستندات المصرية فهي مقدمة في المحكمة وبعضها مصور والبعض - 00:46:51ضَ

اخر قالوا لي بعض الاخوة انه ما نزلش سور ان شاء الله بازن الله تعالى هانزل صوره يا رب العالمين. انا طبعا ما اعرفش بكرة ده هيبقى شكله ايه انما مسلا بعد بكرة - 00:47:16ضَ

بعد ما شوفوا لا يمكن ان نقبل مطلقا انه تخترق كل هذه القواعد من اجل العبث الامة بكاملها. وبالله التوفيق والسلام عليكم ورحمة الله وبركاته فعلى كل حال اهو ده بقدر المستطاع اثقلنا عليكم بس اخواني وهم من اصحاب المكانة العالية واساتذة كبار وكل واحد في - 00:47:26ضَ

قالوا يعني قالوا لي زي ما انت بتحكي كده الناس نفسها تسمع الكلام ده عشان تبقى موجودة. هل ده واضح اللي قلناه ولا تحبوا نضيف اي شيء تاني على كل حال هذا هو ما عندي ومؤقتا. هو واضح ان احنا هنبات سوا الليلة دي. فربنا يبارك فيكم. وجزاكم الله خيرا. ونلتقي - 00:47:54ضَ

بعد قليل ان شاء الله والسلام عليكم ورحمة الله وبركاته - 00:48:14ضَ