السلام عليكم ورحمة الله وبركاته الحمد لله والصلاة والسلام على رسول الله رب اشرح لي صدري ويسر لي امري واحلل عقدة مني يفقه قوله قال رسول الله صلى الله عليه وسلم - 00:00:00

ما اجتمع قوم في بيت من بيوت الله يتلون كتاب الله ويتدارسونه فيما بينهم الا نزلت عليهم السكينة غشيتهم الرحمة هبتهم الملائكة ذكرهم الله فيما عنده. وقال صلى الله عليه وسلم - 00:00:14

ما اجتمع قوم يذكرون الله الا ونادى مناد من السماء ان قوموا مغفورا لكم قد بدلت سيئاتكم حسنات وقال رسول الله صلى الله عليه وسلم من سلك طريقا يلتمس فيه علما سهل الله له به طريقا الى الجنة - 00:00:28

اللهم لك الحمد ربنا يا رب يستخرج منا ما يرضيه اللهم اخرج منا ما يرضيك طيب آآ كنا في المجلس الاول وفي المجلس التاني بدأنا نتكلم عن اعداد من بيت النبوة - 00:00:46

اتكلمنا في المجلس الاول عن آآ فكرة المقدمة للدروس بتاعتنا المجلس التاني اتكلمنا عن اساس البيت المسلم عن اه هدف من الزواج واتكلمنا عن وفاء النبي عليه الصلاة والسلام لخديجة رضي الله عنها - 00:01:01

مجلس النهاردة ان شاء الله هنكمل اه هنختار مواقف من سيرة النبي عليه الصلاة والسلام مواقف في آآ تعامل النبي عليه الصلاة والسلام مع النساء ونحاول ان احنا بازن الله نستخرج منها بعض الاداب - 00:01:18

بازن الله تنور بيوتنا كما قال ربنا تبارك وتعالى لقد كان لكم في رسول الله اسوة حسنة لمن كان يرجو الله واليوم الاخر وذكر الله كثيرا قد كان لكم في رسول الله اسوة حسنة - 00:01:34

فاحنا نقتدي بالنبي عليه الصلاة والسلام احنا امرنا بالاقتداء بالنبي عليه الصلاة والسلام كل ما الانسان كان يلتمس بيتتبع طريق النبي عليه الصلاة والسلام في التعامل مع اهله في بيته. كل ما البيت ده هينور يعني - 00:01:50

كل لما انت هتحاول ان انت تطبق سنة من سنن النبي عليه الصلاة والسلام في بيتك كل ما هتلاقي اثر ده كل ما هتلاقي بركة ده في بيتك مهما كان الامر ده آآ صغير - 00:02:05

دي وجهة نزرك يعني الهدف من ان احنا من كلامنا النهاردة اول هدف ان احنا نحب النبي عليه الصلاة والسلام يعني كل ما الانسان هيسمع عن الجوانب دي في في - 00:02:16

ايات النبي عليه الصلاة والسلام في تعامل النبي عليه الصلاة والسلام مع نسائه كل ما كل ما الانسان هيتعلق بالنبي عليه الصلاة والسلام اكتر كل ما انت هتحب النبي عليه الصلاة والسلام اكتر وده من من اعظم الاهداف - 00:02:27

في السلسلة بتاعتنا لان حب النبي عليه الصلاة والسلام من كما قال في حديث انس المرء مع من احب قال صلى الله عليه وسلم المرء مع من احب فقال انس رضي الله عنه فما فرحت بشيء بعد فرحي بالاسلام - 00:02:44

آآ فرحي بقول النبي صلى الله عليه وسلم المرء مع من احب فربنا يرزقنا محبة النبي عليه الصلاة والسلام ويحشرنا في زمرته صلى الله عليه وسلم اللهم امين اه هنبدأ نختار كده مواقف كده يعني من سيرة النبي عليه الصلاة والسلام يعني مثلا كان النبي عليه الصلاة والسلام دايما حريص ان هو - 00:03:00

آآ يجلس في آآ اجلس مع نسائه يتكلم معهن صلى الله عليه وسلم وده على عكس كتير من من واقع الشباب دلوقتي. يعني احنا بنعاني من مشكلة ان الشباب دلوقتي بقى العلاقته بالتواجد في البيت علاقة ضعيفة جدا يعني - 00:03:22

هو بيجي البيت بالنسبة له زي الاوكاندا. يعني هو بيقعد هي طول اليوم في الشغل وبعدين بالليل مقضيها بيخرج مع بابه يقعد على القهوة يلعب بلاي ستيشن اه يعني بيخرج لكن الوقت اللي بيقضيه في البيت وقته قليل جدا - 00:03:41

وما بيطيقش القعدة في البيت والنبي عليه الصلاة والسلام ما كنش ده هديه. النبي عليه الصلاة والسلام كان كان بيطوف على نسائه يسلم عليهن يدعوا اهلهن صلى الله عليه وسلم وكان - 00:03:58

يجلس يتحدث مع عائشة رضي الله عنها وغيرها من من النبي عليه الصلاة والسلام كما روى ابن عباس رضي الله عنه قال كان رسول الله صلى الله عليه وسلم اذا صلى الصبح - 00:04:10

يعني النبي عليه الصلاة والسلام كان بيصلي الصبح وبعدين يجلس. جلس في مصلاه وجلس الناس حوله حتى تطلع الشمس ثم دخل على نسائه امرأة امرأة يسلم عليهن ويدعو لهن فاذا كان يوم احداهن جلس عنده يعني كان يوميا النبي عليه الصلاة والسلام بعد صلاة الفجر - 00:04:23

بعد الشروق يعدي على على بيت بيت على حجرة حجرة يسلم على على ازواجه صلى الله عليه وسلم ويدعي لها وده من من من الحاجات المفقودة ان الانسان دلوقتي الراجل - 00:04:43

يعني انت امتى اخر مرة سمعت واحد بيدعي لمراته يعني واحد كده داخل يسلم على مراته ويقول لها اخبارك ايه؟ وعاملة ايه؟ ربنا يصلح حالك ربنا يهديكي ربنا يجعلك من اهل الجنة ربنا يرضى عنك. يعني امتى اخر مرة - 00:04:57

سمعت آآ واحد بيدعي لمراته النبي عليه الصلاة والسلام كان يوميا كان يدعو يسلم عليهن ويدعوا لهن. فاذا كان يوم احداهن جلس عنده لكن فترة الصبح مع انشغال النبي عليه الصلاة والسلام ومع تعدد - 00:05:11

اه امهات المؤمنين تسعة تسعة بيوت النبي عليه الصلاة والسلام بيمر على بيت بيت على امرأة امرأة يسلم عليهن ويدعوا لهن صلى الله عليه وسلم وبعد العصر كان في آآ - 00:05:29

لفة تانية يعني عن عائشة رضي الله عنها قال مسلم عن عائشة رضي الله عنها قالت كان رسول الله صلى الله عليه وسلم اذا انصرف من العصر دخل على نسائه فيدنو من احداهن - 00:05:42

يعني النبي عليه الصلاة والسلام كان بعد صلاة العصر كان برضو بيعدي على على على ازواجه صلى الله عليه وسلم فيدنو من احداهن يعني النبي عليه الصلاة والسلام يسلم عليها ويباشر من غير - 00:05:56

اه من غير جماع شوف شوف ابن حجر بقى بيعلق على الحدثين دول بيقول ايه بيقول الذي كان يقع في اول النهار سلام ودعاء محض يعني كان بيدخل يسلم ويدعي لها صلى الله عليه وسلم ويمشي - 00:06:10

والذي في اخره في اخر النهار معه جلوس. يعني كان بيسلم ويدعي لها وبعدين يقعد يتكلم معه شوية واستئناث ومحادثة ده كان هدي النبي عليه الصلاة والسلام قارن ده وبين احوالنا دلوقتي واحنا - 00:06:23

بنبقى زاهدين في القعاد في البيت وحتى الشباب الراجل وهو في البيت بيبقى كأنه مش موجود يعني هو هو موجود في البيت بالجسد بس لكن آآ مشغول بيلعب في الموبايل بيتفرج على التليفزيون. عايز يخرج زهقان من القعدة في البيت - 00:06:38

حتى وهو موجود ما فيش اي اهتمام لزوجته ولا للاولاد وده ما كانش من هدي النبي عليه الصلاة والسلام النبي عليه الصلاة والسلام كان بيتحدث مع اهله في البيت. زي ما هيجي معنا ان شاء الله في الاحاديس - 00:06:56

قالت عائشة رضي الله عنها وكان قل يوم الا وهو يطوف علينا جميعا صلى الله عليه وسلم يعني كان انت متخيل يعني ايه؟ النبي عليه الصلاة والسلام يكون متجوز تسعة - 00:07:07

في نفس الوقت والسيدة عائشة بتقول قل يوم الا وهو يطوف علينا جميعا يعني ما فيش يعني قليل جدا اللي هو كان بيعدي على كل واحدة من ازواجه صلى الله عليه وسلم فيدنو من كل امرأة من غير مسيس من غير جماع يعني حتى يبلغ الاله التي هو اا يومها فيبيت عندها - 00:07:18

صلى الله عليه وسلم في الشرح بيعلق بيقول بيقول وانما كان يفعل ذلك تأنيث تأنيسا لهن وتطيبا لقلوبهن حتى ينفصلوا عنهن الى التي هو في يومها ويتركها طيبة القلب يعني النبي عليه الصلاة والسلام كان مثلا تكون في ليلة عائشة رضي الله عنها - 00:07:40

فيمر على السيدة حفصة يسلم عليها ويدعي لها ويقرب منها وبعدين لما يخرج ويذهب لعائشة رضي الله عنها تبقى السيدة حفصة مع ان ده مش يومها لكن هي بقت نفسها طيبة ان النبي عليه الصلاة والسلام ما كنش بيبعد عنها. مش الراجل اللي - 00:08:01

يسيب البيت بالاسبوع وبالشهر ومسافر مع اصحابه ومش في دماغه وبعيد عن اهله وزوجته بتبقى محتاجاه النبي عليه الصلاة والسلام ما كنش كده فمين مين هذه السلوك المذموم ان الانسان آآ يبقى حاله اغلب حاله ان هو دايما بيسهر برة البيت ان هو دايما بيقعد آآ - 00:08:20

يعني آآ في اهمال لحق زوجته ومضيع وقت آآ برة البيت كتير ما بيديش وقت في البيت ما بيقعدش مع زوجته ما بيقعدش يتكلم معها الاخلاق دي مذمومة. النبي عليه الصلاة والسلام ما كانش كده - 00:08:43

وكان زي ما كنا بنقول النبي عليه الصلاة والسلام كان يتحدث مع زوجته صلى الله عليه وسلم عن عائشة رضي الله عنها قالت كان صلى الله عليه وسلم اذا صلى كان يصلي ركعتين النافلة قبل الفجر قبل الصبح - 00:08:56

فان كنت مستيقظة حدثني والا اضطجع حتى يؤذن بالصلاة يعني النبي عليه الصلاة والسلام كان يصلي مثلا يخلص قيام ليل يصلي صلاة النافلة قبل الفجر فالسيدة عائشة بتقول لو انا صاحية - 00:09:10

النبي عليه الصلاة والسلام رغم ان هو تعبان ومنشغل بالعبادة وبيصلي طول الليل صلى الله عليه وسلم لكن لما خلص صلاة ولقاها صاحية ويتكلم معها قالت فان كنت مستيقظة حدثني - 00:09:24

وده الرجالة اللي بتسمعني ما تفتكرش ان ده امر يعني انت يا عم ايه يعني في ايه يعني لما انا اقعد اتكلم معها واتكلم معها في ايه؟ لا مرأة في بيتها الزوجة بتبقى محتاجة الكلام ده - 00:09:38

محتاجة ان هي تشعر بالاهتمام. ده مصدر شعورها بالاهتمام ان جوزها يديها وقت ان هو يسمعها ان هو يتكلم معها فعائشة رضي الله عنها بتحكي عن النبي عليه الصلاة والسلام بتحكي ده ان هو كان يتحدث معي. لو خلص صلاة - 00:09:53

وكان حتى في السفر كان في عهد النبي عليه الصلاة والسلام في السفر كان ياخد آآ يقرع بين نسائه صلى الله عليه وسلم يعمل قرعة مين اللي تطلع معه في السفر - 00:10:08

وعن عائشة رضي الله عنها ان النبي صلى الله عليه وسلم كان اذا خرج اقرع بين نسائه فصارت القرعة لعائشة وحفصة في سفر خرجت معه السيدة عائشة والسيدة حفصة رضي الله - 00:10:18

اه عنهما وكان النبي صلى الله عليه وسلم اذا كان بالليل سار مع عائشة يتحدث يعني النبي عليه الصلاة والسلام في وقت الليل خلاص احنا في في سفر وييجي وقت الليل النبي عليه الصلاة والسلام يتمشى - 00:10:32

يتمشى مع السيدة عائشة رضي الله عنها يتكلم معها. سارة مع عائشة يتحدث. الحديث فيه قصة لعل ان شاء الله نبقى نتكلم فيها بازن الله في في في مجلس من المجاز - 00:10:46

حتى حتى يا شباب حتى يا شباب النبي عليه الصلاة والسلام في اليوم اللي كان فيه بيتزوج يعني دواجة جديدة حتى في ليلة بنائه صلى الله عليه وسلم بزوجة جديدة لم يترك النبي عليه الصلاة والسلام هذا الهدي - 00:10:55

ان هو يتلطف مع اهله يتحدث معهن يعني يدعو لهن النبي عليه الصلاة والسلام كان حتى في اليوم ده اللي هو يعني خلاص يعني النبي عليه الصلاة والسلام بيتجوز جوازة جديدة حتى في اليوم ده كان بيراعي مشاعر - 00:11:09

اه اه باقي النساء عن انس رضي الله عنه قال بني على النبي صلى الله عليه وسلم آآ بزينة بنت جحش بخبز ولحم. يعني سيدنا انس بيحكي عن الوليمة بتاعة ايه؟ السيدة زينب رضي الله عنها لما تزوجها النبي صلى الله عليه وسلم - 00:11:23

قال فارسلت على الطعام داعيا. يعني سيدنا انس النبي عليه الصلاة والسلام بعته ان هو يدعو الناس يكلم الناس ويدعوهم علشان آآ الوليمة قال فيجئ قوم فيأكلون ويخرجون ثم يجيء قوم فيأكلون ويخرجون ثم قال فدعوت حتى ما اجد احدا ادعو يعني خلاص - 00:11:42

اصل الناس كلها كلت فقلت يا نبي الله ما اجد احدا ادعوه وقال النبي صلى الله عليه وسلم ارفعوا طعامكم فخرج النبي صلى الله عليه وسلم فانطلق الى حجرة عائشة رضي الله عنها - 00:12:01

النبي عليه الصلاة والسلام النهاردة ليلة آآ الزواج سيدة آآ السيدة زينب بنت جحش النبي عليه الصلاة والسلام انطلق على حجرة عائشة رضي الله عنها وقال السلام عليكم اهل البيت ورحمة الله - 00:12:15

دخل يسلم على السيدة عائشة رضي الله عنها فقالت وعليك السلام ورحمة الله كيف وجدت اهلك بارك الله لك اه اه الحديس ده عجيب. يعني النبي عليه الصلاة والسلام يعني السيدة عائشة - 00:12:30

اه اه في في في يوم زواج النبي عليه الصلاة والسلام ده ان دل يدل على زي ما ابن حجر علق على الحديس ده يدل على على كمال عقل السيدة عائشة وازواج النبي عليه الصلاة والسلام - 00:12:43

ان ان ده في موطن ان هو تشتد الغيرة في يا ريتها في الوقت ده تبقى شديدة يعني ولكن النبي عليه الصلاة والسلام لما دخل وسلم عليها تطيرا لخاطر السيدة عائشة قالت وعليك السلام ورحمة الله كيف وجدت اهلك بارك الله لك - 00:12:58

بارك الله لك قال فتقر يعني فتتبع حجر نسائه كلهن يقول لهن كما يقول لعائشة ويقلن له كما قالت عائشة يعني تخيل بقى واحدة دلوقتي جوزها لسه متجوز عليها وبعدين ايه يعني ايه رايح يسلم عليها يوم يوم ايه ليلة البناء بتاعته ليلة دخلته. راح يسلم عليها - 00:13:16

يمكن لما يدخل يبقى هي اصلا مجهزة له ايه مجهزة له مسلا بلطجية ولا حاجة ولا جايبة سكينة ولا حاجة ايه مش هتقول له بارك الله لك هتخلص عليه على طول - 00:13:40

قال النبي عليه الصلاة والسلام مر على على على البيوت كلها قال فتتبع حجر نسائه كلهن يقول لهن كما يقول لعائشة يعني سلم السلام عليكم اهل البيت ورحمة الله ويقلن له كما قالت عائشة. وعليك السلام ورحمة الله كيف وجدت اهلك يا رسول الله؟ بارك الله لك. بارك الله لك - 00:13:52

قال فشوف النبي عليه الصلاة والسلام الحديس ده نستفيد منه ايه؟ ان النبي عليه الصلاة والسلام كان ازاي بيراعي مشاعر ازواجه صلى الله عليه وسلم كان حتى في في مراعاة المشاعر دي فحتى في وقت الحيض - 00:14:13

يعني المرأة في وقت الحيض بتكون ممكن آآ عندها اضطرابات نفسية ممكن تبقى نفسيتها تعبانة شوية. تشعر بالام متضايقة عندها تقلب في مزاجها فممكن الراجل ما يبقاش فاهم ده فهي بتبقى محتاجة معاملة خاصة في الوقت ده - 00:14:30

وكان كان عادة اليهود ان كان في وقت الحيض كان بيهجروا اصلا المرأة يعني كان بيعتبروا ان المرأة شيء الوقت ده شيء حاجة مش مش طاهرة حاجة مش كويسة فبيبعد عنها ويسيب لها البيت وما ياكلش معها وما يشربش معها - 00:14:47

فالنبي عليه الصلاة والسلام اراد ان هو يبين لنا ان هو يخالف الهدي ده قال حديس السيدة عائشة بتروي قالت عائشة رضي الله عنها ان النبي صلى الله عليه وسلم كان يتكئ يتكئ في حجري وانا حائض - 00:15:05

ثم يقرأ القرآن عليه الصلاة والسلام كان يتكئ في حجر عائشة يضع رأسه صلى الله عليه وسلم في حجر عائشة رضي الله عنها وهي حائض وهو يقرأ القرآن صلى الله عليه وسلم - 00:15:21

يعني اللمسات دي من النبي عليه الصلاة والسلام دليل حب اه صلى الله عليه وسلم ان فيه عدم الانفة من الحائض اه خلافا لليهود اللي كانوا بيبعدوا عن المرأة الحائض وما ياكلش معها وما يشربش معها ويطلعها برة البيت. كأنها شيء مش مش طاهر. خلاف هدي النبي - 00:15:32

عليه الصلاة والسلام اه وفي في حديث اه السيدة عائشة قالت كنت ارجل رأس رسول الله صلى الله عليه وسلم وانا حائض. يعني النبي عليه الصلاة والسلام كان يسيب للسيدة - 00:15:54

عائشة آآ رأسه كانت ترجل يعني كانت تسرح له شعره صلى الله عليه وسلم وهي حائط وربما صلى الله عليه وسلم كان ينام على فقدها صلى الله عليه وسلم. كل دي يا جماعة ان انت بتشوف المعاملات دي - 00:16:05

عليه الصلاة والسلام وهو بيتعامل المعاملة دي مع السيدة عائشة. ينام في حجرها وهو يقرأ القرآن آآ هي بتسرح له شعره. آآ رضي الله عنها صلى الله عليه وسلم آآ نايم على على فخذها. يعني في حديث حديث التيمم آآ حديث في البخاري ومسلم عن عائشة زوج النبي - 00:16:22

صلى الله عليه وسلم وقالت خرجنا مع رسول الله صلى الله عليه وسلم في بعض اسفاره حتى اذا كنا بالبيداء او بذات الجيش انقطع عقد لي فاقام رسول الله صلى الله عليه وسلم على التماسه. يعني النبي عليه الصلاة والسلام وقف الجيش كله علشان العقد بتاع السيدة عائشة ضاع - 00:16:42

الحكاية ممكن ايه يعني اي اي راجل في موقف زي ده هيقول لها خلاص يعني ايه التفاهة دي عقدة هبقى اجيب لك غيره وخلاص ومشي الموضوع النبي عليه الصلاة والسلام يستمر بالجيش. ولكن النبي عليه الصلاة والسلام وقف الجيش وحبس الناس علشان يدوروا على العقد اللي ضايع بتاع السيدة عائشة - 00:17:03

رضي الله عنه. قال فقالت فاقام رسول الله صلى الله عليه وسلم على التماسه واقام الناس معه وليسوا على ماء. يعني مش بس كمان ده قاعدين في مكان فيه مية ولا ده مكان اصلا ما فيش فيه مية. وليسوا علماء. فاتى الناس الى ابي بكر. يعني الناس مش عارفين يتكلموا مع النبي عليه الصلاة والسلام - 00:17:23

فراحوا لسيدنا ابو بكر فقالوا الا ترى ما صنعت عائشة؟ اقامت برسول الله صلى الله عليه وسلم والناس وليسوا علماء وليس معهم ماء. يعني رايحين يشتكوا لسيدنا ابو بكر شوف بنتك عملت ايه يعني اقامت برسول الله وحبست الناس وما فيش مية والناس ما عهاش ماية - 00:17:43

فجاء ابو بكر رضي الله عنه. الشاهد بقى ورسول الله صلى الله عليه وسلم واضع رأسه على فخذه. قد نام. يعني النبي عليه الصلاة والسلام نايم وحاطط راسه على آآ فقد السيدة عائشة رضي الله عنها. فقال ابو بكر رضي الله عنه حبست حبست رسول الله حبستي رسول الله - 00:18:00

الله صلى الله عليه وسلم والناس وليسوا علماء وليس معهم ماء. فقالت عائشة فعاتبني ابو بكر وقال ما شاء الله ان يقول. وجعل عنني بيده في خاصرتي. يعني في خاصرتي. يعني سيدنا ابو بكر ايه بيخبطها وهي بيخبطها خبط جامد وبعدين هي عايزة تتحرك بس - 00:18:20

خايفة ان هي تحرك نفسها فالنبي عليه الصلاة والسلام يصحى. فهي بتقول ايه؟ فلا يمنعني من التحرك الا مكان رسول الله صلى الله عليه وسلم على فخذه فقام رسول الله صلى الله عليه وسلم حين اصبح على غير ماء فانزل الله اية التيمم فتيمموا. نزلت اية التيمم فقال اسيد بن حضير - 00:18:40

الصحابي قال ما هي باول بركتكم يا ال ابي بكر؟ قالت فبعثنا البعير الذي كنت عليه فاصبنا العقد تحته. وكمان ايه؟ لقينا العقد بتاعنا الشاهد النبي عليه الصلاة والسلام كان كان له معاملة آآ خاصة مع اهله - 00:19:00

آآ تشوف من الاحاديس دي تعرف آآ ان انت تحب النبي عليه الصلاة والسلام قوي. ان انت تشوف قد ايه النبي عليه الصلاة والسلام كان لطيف مع اهله. ان احنا نتعلم ده ان - 00:19:17

ان ده يبقى موجود في بيوتنا ان زي ما كان النبي عليه الصلاة والسلام بيعمل ان انت تعمل ده. ان انت تطبق ده في بيتك وشف حتى حتى في سنن يعني النبي عليه الصلاة والسلام كان كان يغتسل مع مع نسائه صلى الله عليه وسلم عائشة رضي الله عنها - 00:19:27

قالت كنت اغتسل انا ورسول الله صلى الله عليه وسلم من اناء واحد يبادرني وابادره حتى يقول دعي لي واقول انا دع لي. يعني آآ النبي عليه الصلاة والسلام في في في حالة من الايه يعني آآ - 00:19:44

اه جو اه لطيف في البيت كده. النبي عليه الصلاة والسلام يمرح مع السيدة عائشة رضي الله عنها. واه يبادرني الى الماء. يعني ايه؟ بيقول لها سيبيني انا اخد المية - 00:20:00

ويسبق بايده صلى الله عليه وسلم علشان ياخد المية من الاناء قبل ما هي تاخد. يقول دع لي واقول دع لي. فلما يبقى السنن دي موجودة في عندنا بهدي النبي عليه الصلاة والسلام بيوتنا تنور - 00:20:10

اه ونبعد عن الجفاء اللي موجود في البيوت والمشاكل اللي موجودة في بيوتنا شف حتى في حتى في وانت بتنادي على على اسم زوجتك النبي عليه الصلاة والسلام كان بياخد باله من من الحاجات دي - 00:20:24

اللي هو يختار اسم جميل هي تحبه. يكنس السيدة عائشة. وينادي عليها باسم جميل. يقول يا عائش عن عائشة رضي الله عنها قالت قال رسول الله صلى الله عليه وسلم يا عائش هذا جبريل يقرئك السلام - 00:20:39

يا عائش هذا جبريل يقرئك السلام. فقالت وعليه السلام ورحمة الله وبركاته مش اللي بيتريق على زوجته وبيسخر منها ويطلع عليها اسماء. وعن عائشة رضي الله عنها قالت اه دخلت الحبشة المسجد يلعبون في المسجد يعني - 00:20:55

الحبشة آآ في يوم من الايام كان زي بيعملوا زي ايه؟ زي استعراض كده فيها لا بيلعبون بالرماح في المسجد. فقال النبي صلى الله عليه وسلم يا حميراء يا حميراء اتحبين ان تنظري اليهم؟ قلت نعم - 00:21:10

اتحبين ان تنزري اليهم؟ قلت نعم. يعني النبي عليه الصلاة والسلام بيقول لها يا حميراء يعني يعني زي ايه؟ اللي هي اللي هي بيضاء كده وآآ وفيها ايه؟ حمرة كأن النبي عليه الصلاة والسلام دايما وهو بينادي على زوجته بينادي عليها باحسن الفاظ - 00:21:27

فلو الانسان يتعلم الادب ده حتى حتى النبي عليه الصلاة والسلام كان آآ في يوم من الايام آآ رجل فارسي جار للنبي عليه الصلاة والسلام كان بيدعوه لطاعة. حيث انس رضي الله عنه بيحكي بيقول ان جارا لرسول الله صلى الله عليه وسلم فارسيا كان طيب المرق - 00:21:42

كان بيعمل كده ايه آآ اكل حلو كده فصنع لرسول الله صلى الله عليه وسلم ثم جاءه يدعوه فعمل اكل للنبي عليه الصلاة والسلام وراح للنبي عليه الصلاة والسلام بيعزم ويجي ياكل عنده. فقال وهذه يعني النبي عليه الصلاة والسلام الراجل ده بيعزمه. فالسيدة عائشة جنب النبي عليه الصلاة والسلام. فقال وهذه - 00:22:05

يعني دي تيجي تاكل معي لعائشة رضي الله عنها. فقال لا. يعني كأن الرجل كان عنده يعني ايه؟ الاكل كان على القد فاه يعني هو قال له الاكل مش هيكفي يعني الاكل يا دوب يكفي النبي عليه الصلاة والسلام. فقال لا. فقال رسول الله صلى الله عليه وسلم لا - 00:22:26

يعني ما دام السيدة عائشة مش هتيجي معي مدام عائشة مش هتيجي معي خلاص انا مش هروح. ايه هو ايه كان كاره صلى الله عليه وسلم ان هو لان هو ياكل اكلة حلوة وزوجته ما تاكلش معها - 00:22:43

ان هو يطعم زوجته من الحاجة الجميلة اللي هو بياكلها فالراجل عمل اكل في تاني مرة وراح للنبي عليه الصلاة والسلام قال فذهب يدعوه الى طعام فقال رسول الله صلى الله عليه وسلم وهذه - 00:22:56

لعائشة فقال الرجل لا. فقال رسول الله صلى الله عليه وسلم له. ثم عاد يدعوه في المرة الثالثة. فقال رسول الله صلى الله عليه وسلم وهذه فقال الرجل نعم. قال فقام قال انس يعني فقاما يتدافعان حتى اتيا منزله - 00:23:10

فقام يتدافعان حتى اتي منزله. يعني كل واحد ايه ماشيين كده بيتساقوا على آآ الذهاب لبيت الرجل آآ وده ده يظهر ادب النبي عليه الصلاة والسلام ولطف النبي عليه الصلاة والسلام. ان انت لو انت في مكان كويس خرجت في خروجة كويسة بتاكل اكلة حلوة - 00:23:29

وانت برة هات لزوجتك اكل. يعني زي ما انت اكلة آآ ربنا موسع عليك واكلت اكلة حلوة برة حاول تاخد لزوجتك اكل وانت مروح. ان انت آآ آآ هتروح مكان كويس وهتتبسط فيه ممكن تاخد زوجتك فيه خدها معك خليها تستمتع معك. يعني ما تفكرش يعني النبي عليه الصلاة والسلام كان ممكن يروح ياكل. لكن النبي عليه الصلاة - 00:23:49

كان حريص ان هو اه اه ان هو زوجته هي كمان تستمتع وان هي كمان اه تاكل الاكلة الحلوة دي وكان كان النبي عليه الصلاة والسلام بيخاف على اهل بيته. بيغير على على اهل بيته صلى الله عليه وسلم - 00:24:09

والخوف والحرص والغيرة ده احنا محتاجين ده. يعني الرجالة محتاجين تتعلم الادب ده من النبي عليه الصلاة والسلام النبي عليه الصلاة والسلام حديس صفية رضي الله عنها لما جاءت للنبي عليه الصلاة والسلام وهو في المسجد في المعتكف - 00:24:26

فهي بتحكي بتقول كان رسول الله صلى الله عليه وسلم معتكفا فاتيته ازوره ليلا. فحدثته ثم قمت فانقلبت. آآ فكنا بنقول يا شباب النبي عليه الصلاة والسلام كان كان صلى الله عليه وسلم يغار على اهله - 00:24:42

كان بيخاف على على اهله صلى الله عليه وسلم كان بيغير على اهله. وفي حديث صفية لما قالت هي بتحكي القصة بتقول كان رسول الله صلى الله عليه وسلم معتكفا - 00:24:57

اذا فاتيته ازوره ليلا. فحدثته ثم قمت فانقلبته. فقام معي ليقلبني. يعني آآ النبي عليه الصلاة والسلام هي جت تتكلم معه في المعتكف رغم ان هو معتكف والمعتكف ما يخرجش المعتكف الا لضرورة الا ان النبي عليه الصلاة والسلام خاف ان هي تمشي لوحدها فخرج علشان يوصلها - 00:25:07

وده ده مهم ان احنا نتعلم ده. ان انت ما تسيبش زوجتك لو في مشوار انت قادر ان انت توصلها قادر ان انت تعملها خدمة قادر ان انت تجيب لها حاجة اعمل ده - 00:25:27

ما تسيبهاش تنزل لوحدها تختلط لوحدها بالرجالة تتعامل لوحدها. حاول قدر المستطاع ان انت آآ توصلها ان انت تحميها. ان انت تأمن خوفها ان انت لو هي محتاجة حاجة ان انت تبقى بتغير عليها. يعني اه مش مشكلة ان هي تنزل تقضي حاجة تقضي مشوار لو انت تأمن عليها ده. اه اه - 00:25:39

آآ لكن ما يبقاش ده الاصل. يعني تبقى انت حريص دايما ان انت خايف على زوجتك. ان لو في مشوار طب استني اما اوصلك. آآ الحاجات دي بيبقى لها اثر طيب في نفس المرأة. تحس ان هي ان انت مش راميها. ان انت مهتم بها ان انت بتخاف عليها. آآ ما بتعاملهاش بحالة من الاهمال. لا ده انا - 00:25:59

والله انا ممكن اقطع وقت من وقتي واوصلك لو انت عندك مشوار فده من الاداب اللي النبي عليه الصلاة والسلام كان بيعملها. فالسيدة صفية رضي الله عنها بتحكي بتقول النبي عليه الصلاة والسلام قام معها - 00:26:19

عشان يوصلها قالت آآ فمر رجلان من الانصار في اتنين صحابة جايين فشافوا النبي عليه الصلاة والسلام ماشي وجنبه واحدة فلما رأيا النبي صلى الله عليه وسلم اسرعه. فقال رسول الله صلى الله عليه وسلم على رسلكما. انها صفية. على - 00:26:33

انها صافية. فقال سبحان الله يا رسول الله. يعني احنا يعني هنشك فيك يا رسول الله؟ فقال صلى الله عليه وسلم ان الشيطان يجري ابن ادم مجرى الدم واني خشيت ان يقذف في قلوبكما سوءا او قال شيئا - 00:26:53

فعايزين نتعلم الادب ده من النبي عليه الصلاة والسلام ومن الاداب المهمة اللي للاسف بيوت كتير بقت اه في في امس الحاجة ليها هو ان السيدة عائشة روت عن النبي عليه الصلاة والسلام - 00:27:11

آآ كما قالت ما ضرب رسول الله صلى الله عليه وسلم شيئا قط بيده. ولا امرأة ولا خادما الا ان يجاهد في سبيل الله وما نيل منه شيء قط فينتقم من صاحبه. الا ان ينتهك شيء من محارم الله فينتقم لله عز وجل. صلى الله عليه - 00:27:25

يوصل. السيدة عائشة بتحكي بتقول النبي عليه الصلاة والسلام ما ضرب شيئا قط بيده ولا امرأة ولا خادما الا ان يجاهد في سبيل الله الامام النووي بيعلق على حديس بيقول ايه؟ فيه ان ضرب الزوجة والخادم والدابة وان كان مباحا للادب. يعني ان كان ربنا اباح ده بالضوابط - 00:27:45

قال فتركه افضل لان النبي عليه الصلاة والسلام ما عملش ده في في في الحديث في السنن في سنن ابي داوود عن قياس ابن عبدالله ابن ابي ذباب قال قال رسول الله صلى الله عليه وسلم لا تضربوا اماء الله. لا تضربوا اماء الله. فجاء عمر رضي الله عنه الى النبي - 00:28:05

صلى الله عليه وسلم فقال يا رسول الله ذئرن النساء على ازواجهن. يعني لما النبي عليه الصلاة والسلام نهى عن ضرب آآ خلاص بقى ايه لما الست اطمنت ان ما فيش ضرب فزائرنا يعني ايه تحولوا زي الاسود كده. فسيدنا عمر جه - 00:28:26

اشتكي للنبي عليه الصلاة والسلام فقال يا رسول الله زئرن النساء على ازواجهن. فرخص في ضربهن فرخص النبي صلى الله عليه وسلم في ضربهم. للتأديب فاطاف بال رسول الله صلى الله عليه وسلم نساء كثير يشكون ازواجهن. فطبعا ايه بعد ما كان الضرب ممنوع - 00:28:46

وبعدين رجع النبي عليه الصلاة والسلام رخص فيه. فلما لما الرجالة كانت الفترة اللي فاتت ما بتضربش فرجعت ايه؟ كله بقى ايه خد حقه من الفترة اللي فاتت ايه اللي حصل؟ فطاف بال رسول الله صلى الله عليه وسلم نساء كثير يشكون ازواجهم - 00:29:06

جايين ايه اتضربوا ضرب وجايين ايه بيقطافوا على آآ على ازواج النبي عليه الصلاة والسلام كل واحدة بتشتكي ايه؟ آآ زوجها ان هو ضربها. فقال النبي صلى الله عليه وسلم لقد طاف بال محمد نساء كثير يشكون ازواجهن ليس اولئك بخياركم - 00:29:24

يعني الراجل اللي يضرب زوجته ويهينها ده ده انسان سيء. ليس اولئك بخياركم اللي يضرب زوجته بدون سبب ويضربها ضرب مبرح ويهينها ده انسان سيء انسان ظالم. قال الطيبي رحمه الله ليس اولئك اي الرجال الذين يضربون نسائهم ضربا مبرحا اي مطلقا بخياركم - 00:29:43

يعني بل خياركم خياركم بل خياركم من لا لا يضرب النساء ويتحمل عنهن او يؤدبهن. يعني افضل افضل رجل مش اللي بيضرب اللي يتحمل زوجته ويصبر عليها ويؤدبها ولا يلجأ للضرب لان النبي عليه الصلاة والسلام - 00:30:06

ده وان كان ربنا سبحانه وتعالى اباح ده ورخص في ده بالضوابط بتاعته. ان شاء الله في انصحكم في حلقة للدكتور اياد قنيبي. يتكلم فيها عن عن بمسألة الضرب يعني بشيء من التوسع - 00:30:26

ان شاء الله نبعت لكم اللينك بتاعها علشان ايه الناس يعني الموضع هنا مش موضع تفصيل في المسألة آآ علشان الناس اللي ايه ممكن يبقى عندها ايه؟ شبهات ولا حاجة في الموضوع يعني. آآ قال في الشرح في شرح الحديس قال فيه من الفقه ان ضربا - 00:30:40

نساء في منع حقوق النكاح مباح الا انه يضرب ضربا غير مبرح ووجه ترتب السنة على الكتاب في الضرب يحتمل ان نهي النبي صلى الله عليه وسلم عن ضربهن قبل نزول الاية. ثم لما زئرن النساء - 00:30:58

اه اذن في ضربهن ونزل القرآن موافقا له اللي هي في في قول الله تبارك وتعالى آآ واللاتي تخافون نشوزهن فعظوهن واهجروهن في المضاجع واضربوهن وفسر الضرب الضرب غير مبرح. قال ثم لما بالغوا في الضرب اخبر صلى الله عليه وسلم ان الضرب وان كان مباحا على شكاس - 00:31:13

اخلاقهن يعني على سوء خلق النساء. فالتحمل والصبر على سوء اخلاقهن وترك الضرب افضل واجمل ان الرجل يصبر ولا يلجأ للضرب وان هو يكون دايما اصلا من البداية يا شباب يعني من النصايح اللي ان شاء الله - 00:31:37

آآ انسان ينتفع بها ان كل ما كان الانسان زوجته بازن الله انسانة طيبة وانسانة سوية وهو بيحسن عشرتها وبيعاملها معاملة حلوة بيكرمها لو لو هو اتعود ان هو يعاملها معاملة طيبة ومعاملة جميلة ويكلمها احسن كلام وياخد باله منها ويراعيها - 00:31:56

هيكفي في تأديب المرأة لو اخطأت لو زوجها عايز يأدبها هيكفي مجرد ان هو بس ايه يظهر ان هو زعلان منها يعني المرأة السوية اللي بتحب زوجها الانسانة المحترمة الانسانة الدينة اللي بتراعي حق زوجها واللي بتخاف من ربنا سبحانه وتعالى يعني لو كان الانسان ده كريم - 00:32:16

استحالة يصل معها للضرب. يعني دي يا شباب حالات استثنائية مش ده الاصل النبي عليه الصلاة والسلام ما عملش ده يعني الاصل الاصل الاصول اللي في البيت وعاشروهن بالمعروف. الاصل ان ان انت بتعاملها احسن معاملة. الاصل ان انت تكرم زوجتك - 00:32:36

اصل ان انت تكون لطيف يعني كل الاحاديث اللي فاتت ده الاصل. الاستثناء ان المرأة تبقى يعني في في سيئة الخلق. يعني واحدة مش بس هيئة الخلق يعني هو انسان طيب انسان محترم وبيعاملها معاملة كويسة. لكن هي بتتطاول عليه - 00:32:54

فبعدين يدخل في ترتيب الاية يكلمها يقول لها يا فلانة ما ينفعش كده. وانت كده آآ بتدمري حياتنا انت كده بتفسدي البيت وانا حقي عليك كزا وربنا بيقول كزا ربنا قال فعظوهن. فطبعا الموعظة بالنسبة لها آآ هي امرأة سيئة الخلق عنيدة آآ طبعها حاد لسانها طويل. مش - 00:33:12

مؤدبة. فالمرأة الناشز دي اللي هي الحال الخاصة دي. فبعد لما كلمها ونصحها ومش عارف ايه النصيحة ما جابتش نتيجة. نقل الخطوة التانية اللي هو وبيهجرها هجر في المضاجع كل ده ليه - 00:33:35

كل ده نيته الاصلاح. يعني هو بيكلمها عشان يصلح من حالها. ويصلح البيت. وبعدين الهجر في المضاجع للتأديب ان هو اه يبتعد عنها الهجر الجماعي يبتعد عن مسألة الجماع. فهي ايه المفروض ان حاجة زي دي - 00:33:48

لو هي امرأة سوية المفروض ان هي حاجة زي دي ترجعها تخلي آآ ان هي تراجع نفسها تحس ان هي اخطأت. طيب هي بعد كل ده مستمرة في الاساءة وسوء الادب وبتتطاول عن على زوجها - 00:34:05

ربنا سبحانه وتعالى هنا قال ان ده ادب من الاداب هي تؤدب به. ولكن الضرب ده بالضوابط بتاعته. وتكون نيته نية الرجل ده هو بيعمل ده للاصلاح يعني النبي عليه الصلاة والسلام في في حديث عائشة رضي الله عنها لما ولعل ان شاء الله الحديث يبقى يجي معنا لما النبي عليه الصلاة والسلام دخل عليها البيت آآ دخل - 00:34:21

قال رويدا رويدا وبعدين آآ قصة طويلة النبي عليه الصلاة والسلام خرج رويدا رويدا وبعدين راح عند البقيع والسيدة عائشة خرجت وراه وبعدين لما رجعت رجعت البيت وهي شكت ان النبي عليه الصلاة والسلام كان ذهب لبعض نسائه. فلما النبي عليه الصلاة والسلام رجع ولقاها بتنهج - 00:34:43

قال ما لك يا عائش؟ حشر بي؟ فقالت لا شيء. فالنبي عليه الصلاة والسلام قال لها لا تخبريني او لا يخبرني اللطيف الخبير فحكيت له قصة فقال آآ النبي صلى الله عليه وسلم اذا فانت السواد الذي كان امامي. قالت فلهذني في صدري لهذة اوجعتني - 00:35:01

النبي عليه الصلاة والسلام خلطها لكن هنا ليه؟ للتأديب. علشان ما ينفعش ان انت تسيء الظن بالنبي عليه الصلاة والسلام. لان سوء الظن بالنبي عليه الصلاة والسلام مصيبة فالنبي عليه الصلاة والسلام لما عمل ده عمله للتأديب. مش واحد بيهين زوجته بيضربها على وشها. وده اصلا حرام. وبيشتمها وبيضربها - 00:35:20

ضرب جامد كانه بيتخانق مع واحد صاحبه لأ ده مش ده مش ده المقصود. مش ده الضرب الاسلامي بيتكلم عنه ولو اتفرجتوا على الحلقة بازن الله هيبقى فيها تفصيل اكتر وممكن ان شاء الله ابعت لكم حاجة في الموضوع ده. لكن هنا الاحاديث دي بتشير ان الصبر - 00:35:40

سوء اخلاق المرأة في بعض الاحيان ده افضل وده اجمل وده الاكمل في الرجل قالت العرب لا يكرمهن الا كريم ولا يهينهن الا لئيم فعن ابي هريرة رضي الله عنه قال قال رسول الله صلى الله عليه وسلم استوصوا بالنساء فان المرأة خلقت من ضلع وان اعوج شيء في - 00:35:57

طلعي اعلاه فان ذهبت تقيمه كسرته وان تركته لم يزل اعوج فاستوصوا بالنساء. ابن حجر بيقول ايه بقى؟ بيقول ان معنى ان اعوج ان اعوج آآ شيء في الضلع اعلاه كأنه بيتكلم عن ايه؟ اشارة للسان. يعني - 00:36:22

اعلى شيء معوج في المرأة لسانها. يعني انت لما تقعد تفكر كده هي البنت تملك ايه؟ الزوجة تملك ايه؟ هي ما عندهاش اي حاجة. يعني مين الاقوى جسمانيا الا لو انت متجوز واحدة مسلا بطلة كمال اجسام ولا حاجة. مين مين اللي اقوى لا شك ان الرجل اقوى. يعني لو دخلوا لبعض واحد - 00:36:43

ضد واحد كده مين اللي مين اللي يضربها تاني هو اللي هيضربها. فهو اقوى منها. وهو اللي معه العصمة وهي عنده في البيت قال النبي عليه الصلاة والسلام فانهن نعوان عندكم اي اسيرات الا ان هي تطلب مسلا خلع او كده. فهي هي في البيت ما عندهاش اي حاجة من - 00:37:03

الاساليب القوة غير لسانها. يعني هي عندها بس اللسان. هي ايه بتلسع. بتلسع دي بقى. تتكلم اه آآ اخوكم دكتور احمد العربي قاعد معي اهو وبيقول لي بتلسع به. فايه آآ هي ما فيهاش غير لسان. فهي بيقول ايه - 00:37:23

ايه النبي عليه الصلاة والسلام يقول استوصوا بالنساء فان المرأة خلقت من ضلع وان اعوج شيء في الضلع اعلى. فابن حجر يقول ان دي اشارة لللسان. فممكن تطلع منها فلتة تكلم كلمة مش عارف ما تاخدش على كلامها. يعني ما ينفعش الراجل يتعامل يتعامل آآ ان زي ما كنا بنقول ان هي الكلمة - 00:37:43

كلمة واحدة بواحدة اللي هو بيعاملها انت ازاي قلت كزا ولا تعالي ويعمل لها قعدة وانت تقصدي ايه بالكلام؟ مش هينفع يعني لازم يبقى فيه نوع من التغافل انيا ممكن يفلت منها كلام ممكن هي متبقاش مش عارفة تعبر مش عايزة تقول حاجة وتقوم قايلة حاجة تانية ممكن تبقى منفعلة جدا فيطلع منها كلام هي عايزة - 00:38:03

قل له مثلا ان انت مش مهتم بي فتشتمه مثلا يعني ايه؟ يعني ممكن تعمل ده؟ يعني هي عائزة تقول له ان انت انت بتهملني وانت مش مهتم بي وانت مش حاسس بي - 00:38:23

فتقوم مسلا شتماه تقول له انت حمار مسلا. آآ هي هي عايزة تعبر عن حاجة. عايز تعبر عن حاجة لكن زي ما ربنا سبحانه وتعالى قال اومن ينشأ في الحلية وهو في - 00:38:33

صومي غير مبين عن المرأة ان هي ممكن يفلت منها كلام. فالشاهد ان ايه؟ الشاهد يا شباب ان ان الراجل يبقى آآ ربنا سبحانه وتعالى ادى لك القوامة مش علشان ان انت تستقوى عليها ولا ان انت تشوف نفسك عليها ولا ان انت ولا شنباتي دي جايبها هنا ليه؟ ولا ان انت تهينها - 00:38:43

قيدها عقاب شديد وتحبسها ومش عارف ايه وبتاع لأ. القوامة دي عشان انت ربنا سبحانه وتعالى قال وللرجال عليهن درجة. الرجال قوامون على النساء ان انت تحتويها ان انت تصبر عليها. ان انت لو فلتت منها فلتة زي ما هيجي معنا في احاديس النبي عليه الصلاة والسلام. آآ تصبر - 00:39:03

وتغفر وتتجاوز ما فيش مشكلة. الا لو انت شايف ان الامر آآ لأ ان الامر فيه آآ ان هي ما بتحترمكش وانه وصل الاهانة وان في دي تعدي لأ ده انت هنا محتاج تقف وقفة لكن انا بتكلم في المرأة الطيبة الطبيعية الانسانة المحترمة اللي فلتت منها فلتة - 00:39:21

يعني ايه خلاص؟ عدي فالنبي عليه الصلاة والسلام بيقول ايه؟ وان اعوج شيء في الضلع اعلاه فان ذهبت تقيمه كسرته. يعني لو انت عايزها تستقيم معك مية في المية ما - 00:39:40

غلطة وتتكلم معك كده كلامها موزون زي زيها زي اي معلم كده انت قاعد بتتكلم معه مش هيحصل ده هي هي لها طبيعة مختلفة عنك. فلو انت عايزها تستقيم تبقى ماشية كده ما تغلطش غلطة تعمل كل اللي عليها مزبوط. مم مش هتلاقي ده. هتكسرها - 00:39:53

لو عايز لسانها يبقى مستقيم على طول ما تغلطش غلطة ما تفرطش في حاجة مش هينفع. الكسر المرأة هنا معناه الطلاق في رواية وكسرها طلاقها وان تركت لم يزل اعوج. فاستوصوا بالنساء. يعني انت انت مش معناها برضو ان انت تتركها على عوج. لأ انت تقوم العوج ده. بان انت - 00:40:11

انت تصبر عليه بان انت تأدب بان انت تنصح بان انت تغفر يعني انت مش هتسيبها برضو ايه على عوج لكن هتقوم العوج لكن مش ازا تستقيم لازم تستمتع بها وهي فيها سنة كده - 00:40:33

كما قال النبي صلى الله عليه وسلم ان المرأة خلقت من ضلع وانك ان ترد اقامة الضلع تكسرها فدارها تعش بها فدارية يعني لازم لابد من شوية مطاراة ان انت ايه سايس امورك. يعني انت عدي كبر دماغك ما ينفعش تقف لها على الواحدة. ان انت تبقى انت - 00:40:48

يعني يعني يا شباب ما ينفعش البيوت يبقى فيها اتنين رجالة وما ينفعش البيوت يبقى فيها اتنين ستات. يعني ما ينفعش ان انت متوقع ان زوجتك تبقى اه اه يعني اه بتوزن كل كلمة بتقولها - 00:41:09

قاعدة بتفكر في في انت يقول لها لأ انت فاهمة يعني انت الكلام بتاعك المآل بتاع مقال ايه يا عم هي ما بتفكرش في المقال هي حاجة قالت حاجة حاسة بها - 00:41:24

مشاعرها فبتخرج الكلام اللي جواها. فان انت تتعامل معها ان هي آآ يعني آآ في في ممكن العاطفة بتاعتها اغلب عليها في الكلام وان هي لأ ده بتوزن كل كلمة بتقولها لأ طبيعة المرأة مختلفة عن طبيعة الرجل هي حاجة وانت حاجة فمش هينفع اتنين رجالة - 00:41:34

او مش هينفع ان ان المرأة تتحول لرجل. ان هي بقى ايه آآ في نوع من الندية ولا انت تقول لي ليه وترد عليه كلمة بكلمة انت ازاي لأ انا انا المفروض هو انت ابوك آآ وانا الخدامة اللي ابوك جابها لك وترد عليه ويبقى فيه سوء ادب ويبقى فيه تطاول مش هينفع اتنين رجالة مع بعض في البيت. وفي نفس الوقت - 00:41:54

مش هينفع اتنين ستات في البيت يعني مش هينفع الراجل خلاص يقعد يشرشح قدام مراته هي تقول له انت يا اللي فيك واللي فيك وهو قاعد قدامها يقعد ايه يرد - 00:42:14

رد عليها هو كمان لأ مش هينفع يعني لازم الراجل في بعض النقاشات ما تنزلش لها علشان اولا تحفظ هيبتك. وثانيا علشان زوجتك تحترمك. لان الراجل اللي دايما بيزعق على طول ودايما - 00:42:24

ودايما مش عارف ايه وبتاع بيسقط من عين زوجته. وبعدين هيبته مع الوقت بتنزل يعني كل ما اتعود ان هو يشتم وان هو يغلط وان هو يضربها وان هو مش عارف ايه مع الوقت هي خلاص ايه جتتها هتنحف. فهتتعود على ده. فما عدش فارق معها. فهو اصلا هي - 00:42:42

ما عادش بتحترمه فممكن يشتمها تقوم هي شاتماها يضربها تقوم ضرباه كده يعني خلاص ليه ما هو خلاص هو هو اللي عمل ده لكن لما راجل يصبر عليها ويعفو ويتجاوز - 00:42:58

قل لها طيب انا مش هرد عليك دلوقتي لما تهدي ان شاء الله نتكلم. طيب يا بنت الناس آآ انا انا مش هينفع ارد على الكلام اللي انت قلتيه ده. ويعمل ايه آآ مواقف يبان ان هو راجل - 00:43:09

يبان ان هو عنده حلم يبان ان هو عنده عقل يبان ان هو عنده حكمة يوزن الكلام. لكن يبقى مستخف يبقى خفيف اي موقف مراته تستفزه يقوم ينفعل ويعمل ومش عارف ايه وبتاع ما ينفعش كده - 00:43:20

آآ فقال فدارهة عشبه. وقال صلى الله عليه وسلم في حجة الوداع الا واستوصوا بالنساء خيرا. فانما هن عوان يعني اسيرات عندكم يعني دي دي اسيرة عندك يعني انت تستوصي بها تتقي الله في المسكينة دي. النبي عليه الصلاة والسلام يحرج حق الضعيفين اليتيم والمرأة - 00:43:32

وقال صلى الله عليه وسلم آآ في حديث ابي هريرة قال لا يفرك مؤمن مؤمنة. ان كره منها خلق رضي منها اخر يعني هي ايه احيانا انت تيجي مسلا تلاقي واحد بيحكي مسلا عن مشكلة مسلا زوجته قاعد بيكلم وعملت وفيها - 00:43:53

هي انسانة ومش محترمة وما بتحترمنيش ولسانها طويل وعندها ندية ومش عارف بتعمل كزا ويحسسك ان ايه هو بيتكلم عن واحدة آآ آآ شيطانة يعني مش بني ادمة طبيعية مجنونة - 00:44:14

وبقول لها مش عارف آآ حبيبتي اوديكي فين؟ راحت هابه في ومزعقة في فايه تحس كده ان هو بيحكي هو في حاجة غلط فالنبي عليه الصلاة والسلام بيعلمنا ان انت تبقى متوازن ان انت يبقى عندك انصاف. لا يفرك يعني لا يبغض. مؤمن مؤمنة. ان كره منها خلقا - 00:44:29

رضي منها اخر يعني هي مسلا فيها طبع ما انت مش في الجنة يعني هي ممكن يبقى فيها طبع بالنسبة لك مش كويس انت مش حابب الطبع ده. لكن خليك انسان منصف. يعني انت فكر اوزنها بالحسنات والسيئات. لا هي فيها والله مميزات كتير. يعني كان الامام - 00:44:48

ناوي بيعلق على الحديس ده بيقول ايه؟ اي لا ينبغي ان آآ اي ينبغي الا يبغضها. لانه ان وجد فيها خلقا يكره آآ يكره وجد فيها خلقا مرضيا بان تكون مثلا شرسة الخلق. يعني ايه شرسة؟ يعني وراه كده ايه شديدة يعني. لكنها دينة. او - 00:45:07

وجميلة او عفيفة او رفيقة بها او نحو ذلك. يعني ممكن يبقى فيها طبع مسلا ان هي بتنفعل مسلا شوية او اه عصبية شوية لكن عندها مميزات تانية كتير ان هي مؤدبة ان هي حية ان هي جميلة ان هي بتعمل لك اكل حلو ان هي بتهتم بك لكن في حاجات معينة لما بتنفعل فيها طبع سيء - 00:45:27

فالاصل ان الانسان خلاص انت تتعامل توزنها بحسنات وسيئات. لا يفرك مؤمن مؤمنة ان كره منها خلقا رضي منها اخر والنبي عليه الصلاة والسلام يا شباب كان كان دايما بيراعي مشاعر زوجته - 00:45:47

ودي من الحاجات اللي احنا يعني مفتقدينها في بيوتنا. يعني ممكن واحد يبقى عارف ان مراته زعلانة وان هو مزعلها وبعدين يتجاهلها تماما وينزل ويسيب البيت ويخرج مع اصحابه ويسافر ويقفل تليفونه ويتكلمه وهو عارف ان هي زعلانة - 00:46:02

ويتجاهلها تماما وده ده من سوء العشرة. ده من سوق العشرة النبي عليه الصلاة والسلام كان مركز مع السيدة عائشة امتى هي مبسوطة وايه امتى هي راضية امتى هي مش ممكن واحد يبقى قاعد في البيت وهو عارف ان مراته متضايقة. في حاجة هو عملها وهي متضايقة - 00:46:21

وهي قاعدة تعمل له اشارات ان هي يعني ايه تقوم مسلا ايه آآ مبوزة فهو نفض كأنه مش شايف حاجة. فبعدين شوية تقوم ايه بتحط له الاكل فتقوم رازعة الطبق مسلا - 00:46:41

هي عايزة تقول له ايه؟ عايزة تقول له انا متضايقة يعني عايز تقول له خد بالك انت انت مدايقني صالحني قل لي اي حاجة. فتقعد تنكشه كده تسأله سؤال مسلا يعني ايه السؤال - 00:46:54

يعني برضو ممكن الراجل يبقى قاعد ايه يقع في فخ هي بتسأل السؤال بيبقى السؤال ده وراه حاجة تانية. فهو يرد يا عيني فيقع على طول في المشكلة في شر - 00:47:04

في شر اعماله. فالشاهد ان المفروض ان هو يبقى منتبه لده في واحد بيبقى فاهم ومطنش وفي واحد اصلا هو مش مش مركز. يعني هو مش مركز مراته مبسوطة ومراته متضايقة هو مش في دماغه مش فارق معه. لكن في واحد شايفه ومطنش - 00:47:14

النبي عليه الصلاة والسلام يا شباب ما كانش كده. النبي عليه الصلاة والسلام كان يقول لعائشة رضي الله عنها اني لاعلم اذا كنت عني راضية وازا كنت علي غضبة ده ده النبي عليه الصلاة والسلام مركز - 00:47:29

عارف هيقول لها انا عارف وشف العلامة اللي النبي عليه الصلاة والسلام بيعرف بها يقول لها انا عارف انت امتى بتبقي راضية عني وامتى تبقي غضبانة والنبي عليه الصلاة والسلام اصلا يقول الكلام ده للسيدة عائشة ده في حد زاته يعني انت محتاج تتأمل في ده - 00:47:43

آآ يعني هو هو غضب غضب النبي عليه الصلاة والسلام او غضب غضب النبي على السيدة عائشة او مين مين اللي غضبه يضر مين يعني هو لو غاضب عليها هي هيبقى هتبقى في مشكلة - 00:48:00

فالنبي عليه الصلاة والسلام يتلطف معها يقول لها انا عارف انت امتى بتبقي راضية عني وامتى بتبقي غضبانة؟ فقالت فقلت من اين تعرف ذلك؟ فقال ام اما آآ اما اذا كنت عني راضية فانك تقولين لا ورب محمد - 00:48:15

النبي عليه الصلاة والسلام مركز في الموقف المعين لما بتبقي راضية عني بتقولي لا ورب محمد. ولما بتبقي غضبانة واذا كنت علي غاضبة قلت لا ورب ابراهيم. وبعد كل اللي احنا بنقوله ده يعني شف لطف النبي عليه الصلاة والسلام في التعامل مع النساء - 00:48:31

ومع السيدة عائشة خصوصا بعد كل المعاملة دي بعد كل المعاملة دي وممكن السيدة عائشة تغضب على النبي عليه الصلاة والسلام هو ده يعني ايه؟ سبحان الله! فالسيدة عائشة تقول له - 00:48:51

قالت يعني اقرت الكلام قالت اجل يا رسول الله. اجل والله يا رسول الله مهجر ما اهجر الا اسمك ما اهجر الا اسمك. يعني ايوة لأ انا ما اقدرش حتى يعني ايه ده دليل ان حتى وفي حالة الغيرة وهي غيرانة عليه على النبي عليه الصلاة والسلام من شيء - 00:49:07

الحب تقول لأ انا حتى في ده وانا غيرانة وانا غضبانة وانا مضايقة ما اهجر الا اسمك. ما اقدرش حتى ايه يعني ده اخري. ده اخري في الهجر قال يقول لك في شرح النووي قال لا اهجر الا اسمك فدل على ان قلبها وحبها كما كان. وانما الغيرة - 00:49:25

في النساء لفرط المحبة ومش بس كده النبي عليه الصلاة والسلام لو لقاها لو لقى زوجة من زوجاته مسلا آآ حزينة آآ او ويعني زعلانة مسلا كان بيطيب بخاطرها وده من ده من الامور المهمة حتى وان كان الامر تافه. يعني ان كان الامر في ظاهر الامر لك. هي ممكن تكون حاجة هي حاسة بها انت مش حاسس بها. انت شايف ان هي حاجة تافهة - 00:49:45

لأ هي بالنسبة لها مش حاجة تافهة. فما ينفعش ان انت تتعامل مع الامور اللي زوجتك شايفاها. هي بتحكي لك موقف او هي حصل معها موقف انت ترد عليها تقول لها ايه التفاهة دي؟ على فكرة - 00:50:12

الرد ده رد سيء يعني ده رد يدل ان انت آآ هي اولا ممكن تكون بتحكي لك حاجة علشان هي آآ بتستأنس بك وهي عارفة الموضوع تافه بس هي بتفتح اي مجال للكلام علشان شايفة ان انت مشغول عنها ان انت مش مهتم بها. فبتفتح مجال للكلام معك. فما ينفعش ان انت ترد آآ - 00:50:22

يعني ايه تفصلها؟ تقول لها ايه التفاهة اللي انت بتتكلمي فيها دي؟ يا عم طب ما تتكلم معها هو انت محسسني ان انت يعني قاعد بتخطط لمشاريع الوطن العربي. ما انت يا عم ما تتكلم معها في - 00:50:42

التفاهة ايه المشكلة يعني؟ يعني هي فتحت معك موضوع بالنسبة لك مش مش مش امر مهم. اتكلم معها فالنبي عليه الصلاة والسلام كان بيطيب خاطرها في حديس انس رضي الله عنه قال بلغ صفية ان حفصة قالت بنت يهودي - 00:50:52

السيدة حفصة بنت عمر رضي الله عنها قالت على السيدة صفية بنت حي بن اخطب حية بن اخطب يهودي. فالسيدة صفية قالت ايه وقالت عنها ده ايه ده انت بنت - 00:51:08

يهودي السيدة صوفيا بكت الستات مع بعض يعني دي شتمت دي والتانية بتعيط. النبي عليه الصلاة والسلام قال فدخل عليها النبي صلى الله عليه وسلم وهي تبكي. فقال ما يبكيك - 00:51:18

فقالت قالت لي حفصة اني بنت يهودي فقال النبي صلى الله عليه وسلم ما قالهمش بقى ايه بقول لكم ايه ما توجعوش دماغي بالحوارات بتاعتكم دي وانا مش لا لا قال - 00:51:31

اه النبي عليه الصلاة والسلام بيعلمها ترد تقول ايه؟ لو قالت لك تاني انت ايه؟ انت بنت يهودي قولي لها ايه؟ وانك لابنة نبي وان انك لنبي وانك لتحت نبي. ففيم تفخر عليك حفص - 00:51:42

يعني انت بنت نبي في الشرح قال اي هارون ابن عمران وان عمك لنبيي موسى ابن عمران. يعني آآ ابوك نبي وعمك نبي. وانت زوجة نبي محمد صلى الله عليه وسلم - 00:51:58

ففيم تفخر عليك حفصة؟ يعني حفصة بايه؟ بتفتخر عليك بايه؟ سم قال النبي صلى الله عليه وسلم لحفصة اتق الله يا حفصة يعني علم دي ترد ازاي وجبر بخاطرها وبعدين آآ آآ التانية قال لها اتقي الله يا حفصة. قدم التانية - 00:52:11

رضي الله آآ عن حفصة وعن صفية رضي الله عنهما عنهما وصلى الله وسلم على نبينا محمد. فكنا بنقول يا شباب النبي عليه الصلاة والسلام كان حتى لما نشوف اه لما يشوفها حزينة لما يشوفها مريضة ما كانش بيعدي ده كان يواسيها. عائشة رضي الله عنها قالت ان النبي صلى الله عليه وسلم دخل عليها - 00:52:28

آآ هي السيدة عائشة كانت مع النبي عليه الصلاة والسلام وهم رايحين آآ يحجوا. فالسيدة عائشة قبل ما يدخلوا على مكة قبل ان تدخل مكة حاضر. فكنا بنقول يا شباب ان النبي عليه الصلاة والسلام لما دخل على عائشة رضي الله عنها قبل الحج لما هي آآ آآ حاضت - 00:52:49

فقال النبي صلى الله عليه وسلم ما لك ان فزت؟ فقالت نعم. فقال صلى الله عليه وسلم ان هذا امر كتبه الله على بنات ادم فاقض ما يقضي الحاج غير الا تطوفي بالبيت. يعني بيهون علينا الامر بيقول لها يعني معلش ده ده امر ربنا سبحانه وتعالى قدره على بنات ادم فما فيش مشكلة - 00:53:09

لما خلصت المناسك العادية من غير الطواف بالبيت النبي عليه الصلاة والسلام امر اه اخوها ان هو ياخدها المسجد التنعيم اللي هو اصلا سمي مسجد عائشة رضي الله عنها علشان ايه تعمل تاخد ايه تطوف بالبيت وتقضي العمرة بتاعتها - 00:53:29

وكان صلى الله عليه وسلم يرقيها ويمسح بيده عليها اذا مرضت صلى الله عليه وسلم يعني انت لما والله تقعد تتأمل في الاداب دي يا اخي ايه ده شوف شوف المعاملة ان هي تبقى تعبانة مريضة يواسيها - 00:53:46

حتى في ابسط الامور يلاقيها تعبانة فالنبي عليه الصلاة والسلام يرقيها والحاجات دي فعلا مؤثرة جدا في نفوس في نفس الزوجة ان لما هي تبقى تعبانة بتشتكي وتحس ان انت مهتم بها. احيانا في بعض الرجالة هو مش عايز مراته تتعب - 00:54:05

يعني هو ايه انت ايه هتفضلي تعبانة كده يعني انت هتعملي ايه يعني؟ يعني ايه هتفضلي تعبانة كده؟ انت هتفضلي قاعدة لي كده مستموتة كده؟ يا عم هي تعبانة يعني هي ما - 00:54:21

هي تعبانة يعني هي مسلا تكون في وقت حملت بعد الحمل او هي جالها تعب ايا كان فهو مش عاجبه وعايزها دايما ايه تبقى في صحة وفي عافية طب هي تعبت ما انت بتتعب. فتلاقيه مش عايز مش قادر يستحملها وهي تعبانة - 00:54:31

آآ يقول لها لا يعني ايه انا مش عاجبني الوضع ده. انا عايزك تبقي بصحتك كده. ايوة هي تعمل ايه يعني؟ يعني انت عايزة تبقي صحتك هي كده هتبقى في صحتها. فالنبي عليه الصلاة - 00:54:51

السلام كان بيظهر الاهتمام وكان بيظهر العطف والحنان في الوقت ده. في الوقت حتى السيدة عائشة في حديث الافك آآ بتقول وكان يريبني في وجعي يعني هي كانت لما رجعت من بعض الاشاعات دي لما انتشرت ولما رجعت من سفر من - 00:55:01

قصة بني مصطلق او بني مصطلق لما رجعت كانت ايه؟ تعبت تعب شديد لمدة شهر. فهي بتقول انا ما فيش حاجة يعني ايه مقلقة غير ان انا النبي عليه الصلاة والسلام بيدخل علي لا اجد اللطف. يعني هو لما كنت ببقى تعبانة كان بيبقى لطيف جدا معي. كان بيهتم - 00:55:21

لكن لما كنت تعبانة المرة دي ما كنتش لاقية منه اللطف ده فده كان بالنسبة لي امر مريب ده يدل ان كان الطبيعي بتاع النبي عليه الصلاة والسلام في في وقت مرض السيدة عائشة ممكن بيبقى لطيف جدا معها - 00:55:41

كانت تقول كان يريبني في وجعي اني لا اجد اللطف من النبي عليه الصلاة والسلام وكان صلى الله عليه وسلم يرقيها عن عائشة رضي الله عنها ان النبي صلى الله عليه وسلم كان يعوذ بعض اهله ويمسح بيده - 00:55:55

ويقول اللهم رب الناس اذهب البأس اشفه وانت الشافي لا شفاء الا شفاؤك. شفاء لا يغادر لا يغادر سقما كان يعني حاول تتعلم الادب ده يعني ان انت لو لقيت زوجتك تعبانة في يوم ان انت ايه تحط ايدك عليها وترقيها - 00:56:09

آآ ده هيبقى له اثر طيب جدا في نفسها ومن الحاجات الجميلة من الاداب الجميلة ان انت تمسح دموع زوجتك لو لقيتها في يوم بتبكي ان انت تمسح آآ زي ما الست كانت - 00:56:26

بتتكلم عن زوجها في حديس ام زرع بتذم الرجل ده بتقول ايه؟ لا يولد الكف ليعلم البث. يعني ايه ما يجيش كده يطبطب علي كده يقول لي طب مالك طب زعلانة ليه طب ايه اللي مزعلك يمسح دموعي يقولي كلمة طيبة مفيش فالنبي عليه الصلاة والسلام لما السيدة صفية كانت في سفر وكان اا كان - 00:56:40

راكبة جمل والجمل ده كان جمل سريع وكده. فبعدين الجمل ده ايه حصل ايه؟ حصل له مشكلة صحية كده فايه تعب يعني برك يعني قالت عن صفية رضي الله عنها ان النبي صلى الله عليه وسلم حج بنسائه فلما كان في بعض الطريق نزل رجل فساق بهن فاسرع فقال النبي صلى الله عليه وسلم - 00:57:00

اما كذاك سوقك بالقوارير. يعني ايه؟ بيقول له ايه؟ واحدة واحدة بس عشان القوارير اللي معك. يعني شف التعبير يعني. يعني النساء يعني تعبير حتى القوارير ده ان هي حاجة القارورة حاجة ايه خلي بالك اتعامل معها ما تكسرهاش. يعني اتعامل معها برفق اتعامل معها زي الحاجة اللي انت - 00:57:19

كيف تتكسر زي الازازة اللي انت خايف تتكسر يعني ما تبقاش غشيم يعني. فبيقول ايه؟ كذاك كذاك سوقك بالقوارير يعني ايه؟ خليك ايه؟ واحدة واحدة. وانت ايه؟ وانت وانت مشيهم بالجمل يعني - 00:57:39

قال فبين هم يسيرون بركة بصفية بصفية بنت حيين جمالها. الجمل راح ايه؟ راح برك وكانت من احسنهن ظهرا. فبكت. طب هو الجبل برك هي بتعيط ليه؟ خلاص قعدت تعيط. فالنبي عليه الصلاة والسلام آآ لما عرف كده راح لها ولقاها بتعيط قالت آآ قالت صفية قال فجعل - 00:57:55

تحو دموعها بيده صلى الله عليه وسلم فجعل يمسح دموعها بيده صلى الله عليه وسلم عن ابي هريرة رضي الله عنه قال قال رسول الله صلى الله عليه وسلم اللهم اني احرج حق الضعيفين اليتيم والمرأة - 00:58:20

آآ ممكن آآ احنا معنا يعني حديسين تلاتة كده ممكن نكملهم كلنا نقف عند هنا خلاص طيب هنقف هنا هنقف هنا عشان آآ دكتور احمد بيقول لي كفاية كده عشان انا زهقت - 00:58:36

سبحانك اللهم وبحمدك اشهد ان لا اله الا انت استغفرك واتوب اليك والحمد لله رب العالمين - 00:58:51