باحث

بسم الله الرحمن الرحيم. الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه اجمعين اما بعد فهذه هي المحاضرة الثانية والثمانون في سلسلة وثائق لغة البصائر. وهي بعنوان - 00:00:14ضَ

الاولى في الاعراب الاولى في الاعراض دي مهمة جدا ليه لان في قاعدتين القاعدة الاولانية بتقول ان العطف اولى. اولى من ايه؟ من المعية. يعني الواو الواو هتكون حرف عطف. وما تكونش للمعية ازا امكن العطف فالعطف اولى. والقاعدة التانية بتقول الاستئناف. الاستئناف - 00:00:34ضَ

اللي هو الابتداء. يعني ابتداء ابتداء جملة جديدة. اللي هو بيسموه الفصل اللي خدناه في الفصل والوصل في البلاغة التناظرية. الابتداء اولى. اولى من ايه؟ اولى من التوكيد. يعني اذا - 00:00:59ضَ

ما امكن الابتداء فالابتداء اولى من التوكيد. يعني اذا ظهر التوكيد واذا ظهر التوكيد الاحسن انك تقول الابتدائي. ازاي الكلام ده؟ ما احنا عايزين نشوف التفاصيل شكلها ايه. تعال نشوف التفاصيل. الاية تقول اعوذ بالله من الشيطان الرجيم. بسم الله الرحمن الرحيم - 00:01:19ضَ

الذين ظلموا وازواجهم وما كانوا يعبدون. سورة الصافات الاية اتنين وعشرين. الواو هنا حرف عطف ازواجهم ديت جت منصوبة. اه. فهي هل هي منصوبة بالعطف ولا منصوبة بالمعية؟ يعني هل هي بمعنى - 00:01:39ضَ

اه بمعنى مع يبقى ازواجهم مفعول معه خد بالك انا قلت بمعنى بمعنى يعني ما تقولش ان هي تساوي معها واللي بعدها مضاف اليه. لا لا لا لا بمعنى بمعنى مع واللي بعديها مفعول مع - 00:01:59ضَ

منصوب ولا معطوفة معطوفة اه معطوفة على ايه؟ قال لك اه احشروا الذين ادي مفعول به اهو مفعول به او في محل يعني نصب مفعول به. الذين اسم سوء المبني على الفتح في محل نصب. مفعول به؟ يبقى وازواجهم - 00:02:15ضَ

معطوفة عليه بالعطف. قال لك العطف لا. العطف. العطف اولى. ليه؟ ليه؟ لان ان الواو اصلها للعطف. اصل العمل بتاع الواو انها حرف عطف فلما يكون المعنى ماشي ومتسق يبقى العطف اولى من المعية - 00:02:35ضَ

اية اخرى تقول اعوذ بالله من الشيطان الرجيم. بسم الله الرحمن الرحيم. وذرني والمكذبين اولي النعمة ومهلهم قليلا. سورة المزمل الاية حداشر وذر يعني اتركني دوت مفعول به. يعني ضمير بارز متصل مبني على السكون. فيه محل فيه محل نصب - 00:03:00ضَ

مفعول به. والمكذبين قال لك الواو ديت عطف ولا معية معية يعني مع المكذبين وخد بالك هكتب لك بمعنى بمعنى مع يعني ما تحطليش مع وتقول للمكذبين مضاف اليه لا لا لا لا لا لا لا خد بالك ان مع ديت مش حرف جر. ولكن مع هنا ظرف ظرف مكان. واللي بعديها مضاف اليه - 00:03:20ضَ

مع دايما بتتعرض ظرف مكان واللي بعديها مضاف مضاف اليه. بس انا قلته هنا بمعنى بمعنى. يبقى اذا اللي بعديها مش مضاف اليه هنا في هذا السياق قال لك لأ. وزرني وزر المكذبين. ديت العطف اولى من المعية. الكلام ده مهم اوي اوي اوي اوي اوي. لان - 00:03:48ضَ

الاصل في الواو انها للعطف. يبقى دايما اقدر اقول لك ان الاعراب الاعراب على الاصل اولى. هو ده الكلام. هو ده الكلام وهي دي القاعدة اللي المفروض تعتمد بدل ما تقول للاولى في الاعراب لأ الاولى في الاعراب الاعراب على الاصل اولى او ممكن نقول ايه؟ الاولى في الاعراب على - 00:04:12ضَ

الاصل على الاصل يعني على اصل عمل. عمل الحرف او الاسم حسب الايه؟ الزروف. في حاجة في اللغة اسمها التكرار التكرار. الاية تقول اعوذ بالله من الشيطان الرجيم. بسم الله الرحمن الرحيم. اعدكم اعدكم انكم اذا متم وكنتم ترابا - 00:04:38ضَ

وعظاما انكم مخرجون. سورة المؤمنون الاية خمسة وتلاتين. لاحظ ايعدكم انكم اذا متم وكنتم انكم مخرجون هنا تكرار تكرار. لطول الكلام لطول الكلام او لطول الفصل. بس انا مش عايز اقول طول الفصل ليه ؟ لان الفصل والوصل دوت بند تاني خالص في الايه ؟ في علم البلاغة - 00:05:01ضَ

اه طال الكلام فاتكررت انكم اعدكم انكم اذا متم وكنتم ترابا وعظاما انكم مخرجون والتركيبة ديت تيجي ازاي؟ الاصل الاصل اعدكم. انكم مخرجون اذا كنتم ترابا وعظاما. الله طب ما هو استنى - 00:05:29ضَ

طب ما هو ايعدكم انكم مخرجون! دا دي دي جملة تامة اهي ان واسمها وخبرها هنا في آآ اسلوب شرط فين جواب الشرط؟ جواب الشرط؟ قال لك اه اذا كنتم ترابا وعظاما فانكم مخرجون. وداهوت محذوف دل - 00:05:55ضَ

اليه دل عليه المذكور. كلام مهم اوي اوي اوي اوي. جواب الشرط محذوف دل عليه دال عليه المذكور وطبعا حطينا فانكم علشان جملة جوا بالشرط اسمية يبقى تقترن بالفاء. يبقى فيه حاجة اسمها التكرار. التكرار لطول الكلام. جميل جدا جدا جدا - 00:06:14ضَ

التكرار ده ده توكيت. ده توكيد. نوع من انواع التوكيد. توكيد بالتكرار. توكيد لفظي. توكيد لفظي. صح. هنا بتكرار الايه؟ الحرف الن. ده الحرف والاسم كمان اسم ان. جميل. تعال نشوف الاية بقى اللي فوق اللي بدأنا بها المحاضرة ومكة - 00:06:38ضَ

ما اتكلمناش عنها. الاية تقول اعوذ بالله من الشيطان الرجيم. بسم الله الرحمن الرحيم. اذ قال يوسف لابيه يا ابتي اني رأيت احد عشر كوكبا والشمس والقمر رأيتهم لي ساجدين. سورة يوسف الاية اربعة. احنا عندنا هنا الواو - 00:06:58ضَ

احد عشر كوكبا والشمس والقمر. انا هاعتبر الشمس والقمر دولت حاجة واحدة. هم كلمتين معطوفين بالواو برضو بس انا عاوز العطف هنا. فقال لك الله! طب ما هو آآ هنا هل الواو ده هيت عطف - 00:07:15ضَ

لو كانت عطف يبقى بالزيادة. يعني معناها رأيت احد عشر كوكبا زائد الشمس والقمر يطلع المجموع تطاشة. ده العطف. وهو ده الصح لان العطف اولى. لان الاصل الاصل في الواو انها - 00:07:30ضَ

يبقى هو ده الكلام آآ في الكتب بقى يقول لك لا لا لا ده العطف كان آآ ذكر الخاص بعد العام يعني احد عشر كوكبا والشمس والقمر. يقول لك لا لا لا ده ذكر الخاص بعد الخاص بعد العام ازاي يعني؟ قال لك اه آآ الكواكب دي كتيرة. وبعدين دوت - 00:07:50ضَ

امن والشمس والقمر دوت خاص يا حبيبي الشمس دهيت ليست كوكب الشمس نجم. نجم مضيء مضيء فما ينفعش الكلام دهوت مش خاص دوت ولا عام. قال لك لا لا لا ما هو فيه حاجة اسمها التغليب. التغليب يعني ايه؟ يعني القرآن يقول يا ايها الذين امنوا - 00:08:11ضَ

ايها الذين امنوا بالمذكر ويدخل تحتيها المؤنث آآ من باب التغليب ان المذكر هو الغالب والمؤنث فرع عليه يعني انت بتحاول بس ايه تمشيها وخلاص بينما العطف اولى. اذ قال يوسف لابيه يا ابتي اني رأيت احد عشر كوكبا مع الشمس والقمر. طب افرض قالت - 00:08:31ضَ

مع الشمس والقمر بمعنى بمعنى مع الشمس مع الشمس والقمر هيطلع برضو الناتج تلتاشر احد عشر كوكبا مع الشمس والقمر يطلع برضه الناتج تلاتاشر. ولكن اعراب المعية المعية هيبقى ضعيف ليه - 00:08:55ضَ

لان الاولى هو العطف. يبقى الفكرة في فكرة الاعراب مش في فكرة المعنى. تعال هنا هوت اني رأيت احد عشر كوكبا والشمس والقمر رأيتهم لي ساجدين. بالمقارنة او بالتناظر ايعدكم انكم اذا متم وكنت انكم الله الله الله ده فيه تكرار لطول الكلام صح تكرار لطول - 00:09:15ضَ

هل معنى زلك ان انا اعتبر دواء التوكيد؟ لأ مش توكيد هيبقى استئناف. انا يهمني بقى في الاستئناف حاجة مهمة قوي قال لك الاستئناف هنا بمعنى وكأنه هناك سؤال كيف رأيتهم؟ فيبقى الاجابة رأيت - 00:09:42ضَ

ساجدين يبقى الاستئناف الاستئناف. يساوي الاستفهام. الكلام ده مهم قوي قوي تبقى فاهم العملية ماشية ازاي وبدل ما تقول لي سكرار لطول الكلام ويبقى دوت توكيد لدهوت لا لا لا التوكيد دهوت مش هو الاولى ولكن الاستئذان - 00:10:07ضَ

والاولى ويبقى الاستئناف بمعنى الاستفهام في هذه الاية. فمهم قوي انك لما تيجي تعرض تبقى عارف ايه الاولى الاول في الاعراب؟ وايه اللي اقل منه في مرتبة الاعراب. ولذلك دايما يقول لك ايه وهذا ضعيف في اللغة. وهذا ضعيف في اللغة - 00:10:37ضَ

هو بيني وبينك ما بيقولوش ضعيف في اللغة. ولكن بيقولوا ضعيف في القياس. طبعا لو قلت لغير المتخصصين في القياس انا بوزت الدنيا ولكن خليها وهذا ضعيف في اللغة اللي هو ان يكون آآ تقول عليها توكيد بينما الاستئناف هو الاولى - 00:10:57ضَ

والضعيف برضه انك تقول عليها المعية بينما العطف هو الاولى. تحيا مصر ونستكمل في المحاضرة التالية باذن الله. شكر الله لكم والسلام عليكم ورحمة الله وبركاته - 00:11:16ضَ