باحث

ورحمة الله وبركاته. اهلا بحضراتكم في المقطع رقم سبعمية خمسة وسبعين من مقاطع حظر التجول والحلقة السابعة عشر من حلقات تدبر سورة ال عمران. ارجو من حضراتكم تجيبوا المصاحف عايزك دايما وانت بتقرا القرآن كده عينك على الكلام المستور يعني اللي في السطور - 00:00:00ضَ

بس عقلك بيفكر في اللي بين السطور كمان الكلام ده يا جماعة بيربي فينا قيم معينة حاول تفكر دايما هي ايه؟ ايه ايه اللي النص بيربيه فيك دلوقتي انت مسلا لما بتحكي قصة لابنك عن التعلب المكار اللي ضحك على الحيوانات اللي في الغابة وخلاهم يحبسوا الاسد اللي كان بيحكمهم في قفص لما - 00:00:26ضَ

الاسد اتحبس استفرد بالحيوانات التعلب لوحده. وما لقوش حد يحميهم. فانت بتحكي القصة عشان تنمي في ابنك قيمة معينة انه مسلا ما يثقش في اي حد غريب آآ الثقة لازم نعطيها بحساب لازم نتأكد من صدق مسلا الشخص قبل ما نثق فيه. كده يعني انت بتربي قيمة معينة - 00:00:51ضَ

القصة نفس الكلام. قصص القرآن الكريم ليس للتسلية لكن لتنمية قيم معينة في القارئ المتدبر دلوقتي احنا مسلا اقتربنا من ربع سورة ال عمران. وزي ما انتم شايفين الربع الاول فيه تركيز شديد على قيمة الدعاء - 00:01:11ضَ

والالحاح على الله في الدعاء فلازم تركز في ده. ماذا فعل الدعاء مع ام مريم التي كانت لا تنجب فانجبت ماذا فعل الدعاء مع زكريا وزوجته اللي ما كانوش بينجبوا فانجبوا - 00:01:31ضَ

والدعاء دليل على ايه؟ على التوكل على الله وعلى الثقة في قدرة الله فتجد الناس دي كانت بتدعو عشرات السنين فالدعاء كقيمة هو اكبر من مجرد انتزار لتحقيق امنيات ودي علاقة بين الانسان وبين الله. تجد السورة في اولها بتركز على العلاقة اللي بين الانسان وبين الله - 00:01:47ضَ

اعوذ بالله السميع العليم من الشيطان الرجيم ان الله لا يخفى عليه شيء في الارض ولا في السماء هو الذي يصوركم في الارحام كيف يشاء. لا اله الا هو العزيز الحكيم. علاقة بين الاسلام وبين ربه - 00:02:15ضَ

لا يخفى عليه شيء في الارض ولا في السماء. هو اللي يصوركم اللي ادى لك صورتك اللي شكلك اللي صممك في الارحام في ارحام كلكم كيف يشاء بالطريقة التي شاءها - 00:02:37ضَ

هو العزيز الحكيم. علاقة بين الانسان وبين الله. ثم نتعلم في الاية سبعة الدعاء من الراسخين في العلم ما تجد ربنا بيعلمنا الدعاء والراسخون في العلم يقولون امنا به كل من عند ربنا - 00:02:50ضَ

وما يذكر الا اولو الالباب ربنا، لا تزغ قلوبنا بعد اذ هديتنا، وهب لنا من لدنك رحمة. انك انت الوهاب. ربنا بيعلمك انك تدعوه انك انه يحافظ لك على شوية الهداية اللي عندك - 00:03:07ضَ

يعني انت مش بس دعيتم اهدنا الصراط المستقيم. طب وهداك ادعي ربنا انه يحافز على الهداية اللي عندك. ربنا لا تزغ قلوبنا بعد اذ هديتنا يعني بعد ما ربنا يهديك تدعو ان الهداية تفضل موجودة انه يثبتك - 00:03:25ضَ

ربنا انك جامع الناس ليوم لا ريب فيه ان الله لا يخلف الميعاد ايضا من المهم جدا في التدبر انك قبل ما تكمل دلوقتي احنا هنكمل بقى قراءة السورة قبل ما تكمل قراءة سورة ما تبدأش من مطرح ما انت وقفت امبارح. الحقيقة لازم تبص على اللي فات - 00:03:42ضَ

نشوف الموضوعات الرئيسية اللي في الصورة اللي كانت بتعالجها وبعد كده تكمل قراءة شفنا في الحلقة اللي فاتت الملائكة وهي بتبشر مريم بانها ستحمل وستلد السيد المسيح معي كده الاية خمسة واربعين - 00:04:02ضَ

اذ قالت الملائكة يا مريم ان الله يبشرك بكلمة منه اسمه المسيح عيسى ابن مريم وجيها في الدنيا والاخرة ومن المقربين ويكلم الناس في المهد وكهلا ومن الصالحين قالت ربي انا يكون لي ولد ولم يمسسني بشر - 00:04:20ضَ

قال كذلك اله يخلق ما يشاء اذا قضى امرا فانما يقول له كن فيكون نكمل بقى القصة ونبدأ من الاية تمانية واربعين تدبر ايات حلقة الليلة. كمل معي بقى ويعلمه الكتاب والحكمة والتوراة والانجيل - 00:04:52ضَ

ويعلمه واو عطف. بتعطف على ايه؟ بتعطف على الاية ستة واربعين ويكلم الناس في المهد وكهلا ومن الصالحين ويعطف عليها ويعلمه الكتاب والحكمة والتوراة والانجيل سؤال ما قيمة ذكر الكتاب - 00:05:20ضَ

طالما الانجيل مذكور دي معناها ويعلمه الكتاب الكتاب بتاع سيدنا عيسى الانجيل والحكمة وقلنا الحكمة اللي هي الحكمة اللي ربنا بيوديها للانبياء اللي بتتمثل في السنة مسلا السنة النبوية الكلمات الشفهية بتاعة سيدنا موسى اللي بعد كده تطورت باسماء المشنة والتلمود وكده - 00:05:40ضَ

اه الكتاب المفروض ده الانجيل الواد التوراة والانجيل هيزكر ليه مرتين الانجيل مرة باسم الانجيل ومرة باسم الكتاب هل مسلا عشان هو كتاب سيدنا عيسى فسمي الكتاب هنا مسلا؟ لأ - 00:06:05ضَ

خلي بالك بقى هناك تفسير الاقوى والاقوى ان الكتاب هنا معناه الكتابة مهارة الكتابة ويعلمه الكتابة. يعني آآ مهارة الكتابة والقراءة. الكتاب لو واحد اتعلم الكتابة اتعلم القراءة ويعلمه الكتاب - 00:06:17ضَ

والحكمة. الحكمة مش العلم الحكمة هي استخدام العلم فيما ينفع يعني في ناس عندها علم لكن تستخدم العلم في الحاق الضرر بالناس. او تستخدم العلم في منافقة الحكام انما الحكمة هي استخدام العلم فيما فيه مصالح الناس - 00:06:40ضَ

بعد ما ربنا علمه مهارة القراءة والكتابة وعلمه الحكمة علموا التوراة والانجيل ويعلمه الكتاب والحكمة والتوراة والانجيل ازا علموا ايات الوحي. التوراة والانجيل وده دليل ان الانسان بدون حكمة ممكن يسيء استخدام - 00:07:03ضَ

ايات الوحي زي حكام السلاطين والشيوخ اللي بيفتوا بالحيل مسلا فيه شيوخ محتالين. عندهم علم على فكرة مسلا الزكاة بتستحق بعد ما يحول الحول يعني بعد ما يمر اتناشر شهر على الفلوس في حسابك - 00:07:24ضَ

واحد عنده علم بالموضوع ده يقوم يعلمك حيلة تحتال بها على الشرع ويفتي بها انك قبل الحول ما يحل بيوم واحد كل فلوسك لزوجتك ييجي اليوم التاني اللي هو يوم ما يحول الحول - 00:07:44ضَ

ما معكش ولا مليم. كل الفلوس دي بتاعة زوجتك انت وهبتها لها امبارح اصبح ما فيش عليك زكاة اليوم اللي بعده زوجتك توهب لك الفلوس وترجعها لك. تاني يوم تقول لك مش عايزاه اتفضل خدها - 00:08:05ضَ

كاملة يرجع بقى من اول وجديد العداد يعد عليك سنة تانية عشان لما يحول الحول تبقى تطلع الزكاة تعمل كده تاني. ده لان العالم ده مع عنده علم على فكرة ده علم - 00:08:18ضَ

ما عندوش حكمة لو عنده حكمة كان عرف ان ما حدش هيقدر يضحك على ربنا وان اللي بيعمله ده هيوديه هو والراجل وزوجته هم كلهم هيروحوا في داهية وهيتشووا في نار جهنم مع قارون - 00:08:30ضَ

اللي فلوسه وديته النار فلوسك هتوديك النار لو سمعت كلام المحتالين. لزلك لابد ان الحكمة انما الانسان يعلم وما عندوش اخلاق وما عندوش حكمة يستخدم العلم في الضرر ويعلمه طب هو فيه ضرر روحك بقى طبعا الضرر الحق بالفقراء. اللي ما طلع لهمش حقهم في الزكاة - 00:08:46ضَ

ويعلمه الكتاب والحكمة والتوراة والانجيل كمل معي بقى تسعة واربعين ورسولا الى بني اسرائيل اني قد جئتكم باية من ربكم اني اخلق لكم من الطين كهيئة الطير فانفخ فيه فيكون طيرا باذن الله - 00:09:09ضَ

وابرئ الاكمه والابرص واحيي الموتى باذن الله. وانبئكم بما تأكلون وما تدخرون في بيوتكم ان في ذلك لاية لكم ان كنتم مؤمنين ربنا ارسل السيد المسيح رسولا الى بني اسرائيل - 00:09:38ضَ

ورسولا الى بني اسرائيل بدليل انه ما كانش رسول للعالمين كلهم معظم الرسل على فكرة ارسلوا لكل رسول لقومه بس قليل من الرسل اللي ارسل للعالم كله والسلام للعالمين. سيدنا ابراهيم للعالم في وقته. نوح اللي في وقته - 00:10:07ضَ

يقال موسى ايضا لموسى دعا المصريين آآ سليمان بتاع اهل اليمن دعا سبأ لكن المعظم كان بيبقى مرسل لقومه ورسولا الى بني اسرائيل بالتحديد. وده على فكرة بيؤيدوا عبارات موجودة في الانجيل الموجود حاليا في ايد النصارى - 00:10:28ضَ

السيد المسيح بيقول انما بعثت لخراف بني اسرائيل الضالة وده يؤيدها ورسولا الى بني اسرائيل. يعني هو مش كل حاجة موجودة يعني محرفة لأ اشكاؤنا القرآن مهيمن على الكتب الايه؟ السابقة. ما يتوافق مع القرآن نقبله - 00:10:51ضَ

ما لا يتوافق مع القرآن يبقى خلاص طيب الرسول عنده رسالة يبلغها ورسولا الى بني اسرائيل. ايه بقى الرسالة اللي هيبلغها؟ اسمعوا بقى اني قد جئتكم باية من ربكم اني اخلق لكم من الطين كهيئة الطير فانفخ فيه فيكون طيرا باذن الله - 00:11:12ضَ

وابرئ الاكمه والابرص واحيي الموتى باذن الله. دي كل دي الرسالة اللي ببلاها لبني اسرائيل وانبئكم بما تأكلون وما تدخرون في بيوتكم ان في ذلك لاية لكم ان كنتم مؤمنين - 00:11:37ضَ

اية. اية هنا يعني معجزة والمعجزة لازم تبقى من جنس ما يتقن الناس في الزمان ده. وفي المكان ده يعني مسلا سيدنا موسى معجزته كانت عصا تتحول الى ثعبان ويد يدخلها تحت باطه تخرج بيضاء. يدخلها تاني تخرج عادي. بدون - 00:11:52ضَ

مرض ده لان الفراعنة في الوقت بتاعهم كان هناك براعة في علم السحر فلو كانت اتحداهم في مجال اخر كان ممكن يقولوا انت بتتحدانا في مجال احنا لا نتقنه يبقى مش بالتأكيد ده فيه اعجاز. ما يمكن لو انت رحت اتحديت الناس في الهند في المجال ده. كانوا يعرفوا يردوا عليك مسلا. فلابد ان يكون من ضمن التحديات - 00:12:12ضَ

والايات والمعجزات يكون في مجال بيبرع فيه الناس في البلد دي وفي المكان ده المسيح عليه الصلاة والسلام جه في زمان الناس برعت فيه في الطب يعني المسألة الطب دي هي الموضة ايامها - 00:12:36ضَ

فالمسيح عمل لهم عدة معجزات من انواع مختلفة منهم نوع طبي عشان يعجزهم. ما هي المعجزة هي عمل خارق يعجز الخصوم. الخصوم يكونوا عايزين عايزين يبطلوا المعجزة فما يعرفوش تعالوا بقى نشوف بقى ايه المعجزات اللي عملها - 00:12:55ضَ

اول حاجة اني اخلق لكم من الطين كهيئة الطير فانفخ فيه فيكون طيرا باذن الله. وفي قراءة طائرا باذن الله هو حد ممكن يخلق غير الله؟ ايوة. الخلق في اللغة يعني التكوين في اي واحد بيكون شيء هو خلقه - 00:13:16ضَ

لكن الله سبحانه وتعالى هو احسن الخالقين. وردت مرتين في القرآن الكريم. مرة في سورة المؤمنون ومرة في سورة الصافات. اتفضل فتبارك الله احسن الخالقين. في سورة المؤمنين المؤمنون وفي الصافات اتدعون بعلا وتذرون احسن الخالقين - 00:13:36ضَ

فربنا هو احسن الخالقين. ليه لأنه يخلق ويرزق ولانه يخلق او يخلق على غير مثال سابق. اي حد خلق حاجة وبيخلقها على مثال سابق او لانه بيخلقها ربنا بيخلق من العدم - 00:13:59ضَ

اللي عاوز يتحدى الله في الخلق ما يروحش يجيب تراب وطين من بتاع ربنا ويخلق به. لأ رح هات الطين بتاعك انت. وهات الايه التراب بتاعك انت. ابدأ من الصفر - 00:14:21ضَ

ربنا يخلق من العدم وبعد ما يخلق يرزق من خلق يرزق ويحيي ويطعم ويشفي فربنا هو احسن الخالقين وخير الرازقين. انت ما اللي بيقبضك مرتبك رزقك بطريقة ما ادى لك فلوس رزقك - 00:14:35ضَ

واحد شاف واحد في الشارع ما عهوش فلوس راح مدي له فلوس رزقه اه خلاص. لكن ما خلقوش ربنا هو الذي يخلق ويرزق في نفس الوقت وهو احسن الخالقين وخير الرازقين - 00:14:57ضَ

يبقى اول حاجة اني اخلق لكم من الطين كهيئة الطير فيكون طيرا اني اخلق لكم من الطين كهيئة الطير فانفخ فيه فيكون طيرا باذن الله تاني معجزة المعجزة الطبية اهي - 00:15:10ضَ

وابرئ الاكمه والابرص باذن الله. الاكمه هو المولود اعمى مولود اعمى لم يرى ولا سانية في حياته والابرص هو المصاب بمرض جلدي يجعل الجلد فيه بقع بيضا. فيه فرق بين البهاق وبين البرازيل. البهاق بيبقى خارجي. البرص بيبقى آآ داخلي - 00:15:30ضَ

الى اليوم البرص لم يجدوا له شفاء. يعني ما فيش دواء يشفي من البرص تماما يعني تالت معجزة احياء الموتى واحيي الموتى باذن الله السيد المسيح عليه الصلاة والسلام احيا اكثر من شخص على سبيل المعجزة - 00:15:54ضَ

كان منهم بنت ماتت كلمها فقامت من من الموت وقال واحيي الموتى باذن الله علشان اللي هيتحججوا بالمعجزة دي ويدعوا انه اله اهو احيا الموتى وخلق لا يكون له كلمة باذن الله باذن الله لابطال - 00:16:15ضَ

آآ العذر ما فيش عذر ان حد يدعي ان المسيح كان الها. هو بيقول باذن الله. بدون اذن الله ما كانش هيقدر يعمل اي شيء رابع معجزة هنا الاخبار بالغيب - 00:16:35ضَ

وانبئكم بما تأكلون وما تدخرون في بيوتكم. ايه قيمة ما تدخرون في بيوتكم ما كفاية وانبئكم بما تأكلون. لأ مش كفاية. انا بدخل البيت وانا عند وانا برة الباب. بعرف انهم بياكلوا كفتة جوة. ليه؟ ما هو علشان ما الريحة - 00:16:50ضَ

يمكن اشمم ريحة ريحة الطبيخ ريحة ما بعرف طابخين ايه. انما الاعجاز بقى انك تخبر الناس ايه اللي جوة التلاجة ومتى يدخرون في بيوتكم؟ الله! باقول لك انت عندك كزا كيلو رز او مكرونة محطوطين في المخزن جوة. اهو ده الاعجاز بقى - 00:17:09ضَ

كزا كيلو شعير تمر حاجات ما لهاش ريحة هذا اخبار بالغيب. ما حدش يقدر عليه الا الله الا الله. فهي دي المعجزات اللي عملها السيد المسيح. خلونا نتوقف هنا الليلة. وانك نكمل غدا باذن الله - 00:17:30ضَ

اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم - 00:17:47ضَ

اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعل - 00:18:04ضَ

لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا لك وسعينا كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب همومنا وغمومنا ومغفرة ذنوبنا - 00:18:31ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف فيه - 00:18:59ضَ

بكتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:19:17ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم وكن مع اخواننا في تركستان الشرقية وفي الشام وفي كشميرا وفي سريلانكا وفي الهند - 00:19:34ضَ

وانصر كل من نصرهم يا رب واخذل من خذلهم وطهر المسجد الاقصى من الدنس. فانهم لا يعجزونك واكتب لنا يا ربنا ختم القرآن فيك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك - 00:19:55ضَ

وتعاهدت على نصرة شريعتك. فوثق اللهم رابطتها. وادم ودها واهدها سبلها. واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة - 00:20:16ضَ

في سبيلك انك نعم المولى ونعم النصير. وصلي اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله وبركاته. ونراكم غدا باذن الله في نفس هذا الموعد - 00:20:36ضَ