الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين والملأ الاعلى الى يوم الدين. اما بعد - 00:00:00

اخواني واحبابي في الله حينما جاء يعني احد اصحاب النبي صلى الله عليه وسلم باخيه. ليبايع النبي صلى الله عليه وسلم بعد فتح مكة. يا رسول الله هذا اخي جاء يبايعك على الاسلام وعلى الهجرة في سبيل الله. هو مش واخد باله ان فيه فرص يا جماعة بتتقفل ان فيه ابواب ما بتفضلش - 00:00:24

مفتوحة للنهاية ان فيه فرص عارضة اللي بيلحق يقنصها هو ده اللي بيفوز بها. القناصين بس. فقال له رسول الله صلى الله عليه وسلم اما الاسلام فنقبله. واما الهجرة فقد مضت. ومضى اهلها بما فيها. خلاص هجرة ايه! كل سنة - 00:00:44

وانتم طيبين يا اخواني في الله. عشر ذي الحجة عدى منها تمانية واربعين ساعة. نحن الان في الليلة الثالثة من ليالي عشر ذي الحجة. عدى يومين واحنا في اليوم التالت خلاص في الليلة الثالثة من الليالي التي اقسم الله سبحانه وتعالى بها وعلى مشارف اليوم الثالث من اعظم ايام الدنيا عند الله - 00:01:04

وازكى ايام الدنيا عند الله سبحانه وتعالى. وصلتم لفين ؟ عملنا ايه ؟ وصلنا لفين يا جماعة اخواني واخواتي وصلنا لفين قلوبنا اتحركت في زكر ربنا ولا لسة ؟ دقنا طعم الذكر ولا لسة ؟ عشنا مع جلال الله في ملكوت الله ولا لسة ؟ بدأت - 00:01:24

تتهيأ قلبيا انك هتخرج من الايام دي مرتبط بعبادة الذكر ومش هتسيبها. اوعى تنشن على عبادة الايام العشر داهي. نشن على انك اخرج فائز بعبادة الذكر هو ده الهدف بتاعنا يا اخواني. في هذه الايام العشر باذن الله سبحانه وتعالى. الهدف بتاعنا المرة دي عالي جدا. والهدف - 00:01:44

بتاعنا المرة دي احنا بقى لنا سنين في التزامنا معزمنا لسة ما خرجش به. الهدف بتاعنا المرة دي بازن الله ان احنا نفوز بعبادة الذكر. ان احنا ندوق طعم عبادة الذكر فنستمر عليها ولا نتركها ابدا. عشان كده النهاردة هنتكلم عن ايه؟ هنتكلم عن العبادة اللي النبي عليه الصلاة والسلام فضل تلاتة وعشرين سنة - 00:02:04

لا يكل ولا يمل من دعوة الصحابة اليها. ومن تربية الصحابة عليها. لان النبي عليه الصلاة والسلام يعلم ان هذه العبادة لو جاءت في حياة انسان لو جاءت في حياة واحد او واحدة هتغير له حياته هتوصله بربنا سبحانه وتعالى. تخيلوا يا اخواني مش انا اللي قعدت دلوقتي على - 00:02:24

اكلمكم اللي قعد مسئول كبير محافظ لأ اعلى وزير اعلى بكتير. يعني ملك من الملوك هو اللي قاعد مكاني هنا كده وقال لكم يا شباب تمنوا يا شباب كل واحد يقول الطلب بتاعه. اي حد هيطلب اي طلب انفزه له. اهو اللي هيقعد على على الكرسي ده انتم عارفين مين هو ده العبادة اللي - 00:02:44

نتكلم عنها النهاردة عبادة الذكر. عبادة بتحل لك كل مشاكل حياتك. عبادة بتخليك انسان مؤمن بحق وحقيقي. عبادة بتحيي لك امرك بحق وحقيقي. عبادة هتخليك ملك من الملائكة ماشي على الارض. عبادة هترفعك عند الله رفعة. لا تتخيل - 00:03:04

ان انت كنت تصل اليها وهتسكن حب الله في قلبك بمقامات لم تتخيل انك انت ترتقي اليها. عبادة لو قعدنا نتكلم عنها مش هنقدر يا جماعة كفاية ان النبي عليه الصلاة والسلام دائما كان يقرنها بعبادة الجهاد. وكان يقارن بينها وبين عبادة الجهاد. فقال وخير لكم من ان تلقوا - 00:03:24

او عدوكم فتضربوا اعناقهم ويضربوا اعناقكم. عبادة الذكر. اسرار الذكر. اسرار الذكر. دوق طعم الذكر التربوية المكثفة اللي احنا بدأناها كل يوم العصر. كل يوم العصر هنا في ذكر الله سبحانه وتعالى واحنا بنتقابل من قيام الليل. بنتقابل من قبل الفجر بفضل ومنة الله - 00:03:44

اخوة بتتسحر مع بعض وبنفضل قاعدين لحد قبيل المغرب. هنا بدأنا هزه الدورة العصر. والنهارده قلنا يبقى زقة في عبادة الزكرى يا جماعة بازن الله ان احنا نفتكر الزكرى هيعمل لنا ايه في حياتنا. الزكرى هيعمل لك ايه في حياتك. الزكر هيعمل لك ايه في حياتك. ايا ما كانت مشكلتك. مشكلتك ايه - 00:04:04

حد هيقول انا ملتزم جديد. لسة صفر ما اعرفش حاجة. انا عايز ابدأ بداية قوية في علاقتي بربنا. وواحد هيقول انا والله ملتزم قديم وشغال في الدعوة. وشغال في طلب - 00:04:24

ده علم ولكن قلبي قاسي. انا عايز حاجة تلين لي قلبي. عايز احس ان انا عبد لله. واحدة هتقول انا حياتي كلها مشاكل. مشاكل مع بيتي. مشاكل مع جوزي مشاكل مع الدنيا كلها. انا عايزة حاجة تحل لي مشاكل حياتي. واحد هيقول انا الدنيا مقفلة في وشي. لا عارف اشتغل ولا راقي شغل ولا عارف اجوز - 00:04:34

احط ايدي في الخضرا تخرب. احط ايدي على الجرح يولع. اعمل ايه؟ الدنيا مقفلة في وشي. انا عايز حاجة ربنا يفتح لي بها ابواب فضل واحد رابع هيقول انا عندي اكتئاب نفسي. انا مكتئب. او انا عندي توتر. انا مضغوط نفسيا. انا عايز احس مرة ان انا سعيد - 00:04:54

انا عايز احس مرة ان انا انسان سعيد عايز احس بالسعادة نفسي احس بالسعادة. واحد تاني هيقول انا زنوبي كتير والدنيا ضلمة في وشي انا عايز اعمل حاجة احس انها زنوبي اتكفرت. ان انا زنوبي اتغفرت اعمل ايه عشان اكفر عن كل اللي عملته. واحدة تانية هتقول انا انا انا عارفة ان انا - 00:05:14

قدامي طريق طويل. ده لسة الموت والامه. ولسه القبر ولسه الصراط والميزان والقنطرة. والجنة والنار. اعمل ايه ؟ انا عايزة فائض حسنات احس ان انا بازن الله يغطي لي كل المراحل اللي جاية. اواجه كل الكربات اللي جاية دي بايه؟ عايزة فائض حسنات. واحد تاني هيقول انا حاسس ان انا تايه. كل ما اعمل - 00:05:34

الجدول عبادة يبوظ. كل ما اسمع درس عن اي حاجة من الفضائل واجي اعملها الاقي نفسي مش قادر. عزيمتي ضعيفة. عايز حاجة تقوي العزيمة. عايز حاجة تبث الطاقة جوايا وتشحن قلبي. عايز عبادة تشحن القلب فعلا. واحد تاني هيقول انا مشكلتي بقى كل ما اصلح البنطلون الجاكت - 00:05:54

وكل ما اصلح الجاكتة البنطلون يضرب. انا اجي اصلح العبادة العلم يبوز. اجي اصلح الدين الدراسة تبوز. اجي اصلح الشغل الدعوة تبوز. مش عارف اعمل ايه ؟ اجي اشوف بيتي واولادي حضور الدروس يبوز اعمل ايه ؟ كيف اجمع؟ اريد ان اجمع انا باقول لكل - 00:06:14

حل مشاكلكم في ذكر الله. حل مشاكلكم في ان تكونوا من الذاكرين الله كثيرا والذاكرات. ذكر الله. العبادة اللي بتوصلنا فبالله يا جماعة هنتكلم النهاردة والله يا اخواني. انا ما احسست بالعجز وانا اتكلم عن عبادة من العبادات. مثلما احس بالعجز - 00:06:34

انا اتحدث عن ذكر الله. لان انا مهما حصل انا مش قادر اتكلم عن الزكر بيعمل ايه في الحياة. لان يا جماعة الكلام اللي انا باقوله لكم ده يعني ممكن اكون فتحت كتب في السنة وفي التفسير وقبل ما اتكلم معكم. انما العاطفة اللي مسيطرة علي عاطفة واحد جرب. عاطفة - 00:06:54

لقيت واحد شاف لما ذكر ربنا ربنا عمل له ايه ولما بعد عن ذكر ربنا خسر ايه ؟ فالعاطفة المسيطرة علي اوصف لكم ازاي ؟ يعني قضية لقيت واحد مسلا بيقوم الليل وبيدعي ربنا كل ليلة فشاف في اجابة الدعاء ايات باهرات. زي الاخوة كلهم اللي بيقوموا الليل معنا والاخوات اللي بيقوموا الليل معنا. فمهما - 00:07:14

اتكلم عن قيام الليل مش هيقدر يوصل اللي جواه. دا واحد قلبه في السما وبيحاول يوصف لك. عايزين نتكلم مع بعض عن عبادة الذكر يا اخواني. عن اعظم عبادة بربنا واسهل عبادة بتوصلك بربنا سبحانه وتعالى. يا ترى ذكر ربنا هيعمل ايه؟ تخيلوا معي كده يوم من الايام عادي جدا. النبي - 00:07:34

عليه الصلاة والسلام جالس بعد الفجر. فبيقول للصحابة من اصبح منكم اليوم صائما؟ هو النهاردة رمضان يا رسول الله؟ لأ النهاردة عاشورا لأ. هو النهاردة عشر ذي الحجة لأ امال ايه ما فيش اي حاجة. النهاردة يوم عادي خالص. خالص. ده اختبار في يوم عادي خالص. عارفين زي بالزبط كده ييجي دكتور مادة في يوم من ايام الاجازة - 00:07:54

ويلم الطلبة اللي المفروض هيدخلوا السنة الجاية. ويقول لهم من ذكر منكم اليوم درسا. من حضر منكم من اشترى منكم اليوم ورقا وقلاما. احنا احنا في يوم عادي ما احناش في يوم من ايام المواسم التعبدية. والنبي انهالت اسئلته على الصحابة. مين اللي صام النهاردة؟ ابو بكر انا. مين اللي - 00:08:14

تصدق النهاردة ابو بكر انا. مين اللي تبع جنازة النهارده ؟ ابو بكر انا. مين اللي اطعم مسكين النهاردة ؟ ابو النبي اسئلته بتنهمر. على الصحابة وابو بكر جاهز في كله. ليه يا جماعة؟ ايه اللي خلى ابو بكر الصديق يعمل كده؟ عاطفته تجاه الجنة. فكر الجنة يا اخواني. هي دي النقطة اللي الواحد لما - 00:08:34

يفسر ايه السبب في ضعف الزكر عندنا؟ لأ دي النقطة المحورية. ان احنا ما عندناش فكر الجنة. ان احنا ما عندناش اللهفة على دخول الجنة زي الصحابة عشان كده الصحابي كان في المعركة ايديه تتقطع ما عدا حتة جلدة هو اللي يفصل ايده عن جسمه. ويلقيها ويقول اسبقيني الى الجنة. هو عايش مع - 00:08:54

الجنة زي سيدنا عمار في اليمامة لما كانت اذنه اتقطعت من راسه. ما عدا حتة جلدة ماسكة فيها. وظل يصرخ في القوم امن الجنة تفر انت بتكلم عن ايه؟ بتكلم عن الجنة. طب ودنك هو ناسي ودنه اصلا. ليه؟ لان يعني حتى مش هو اللي قال ده. ده اللي قال ده صحابي من الصحابة شافه - 00:09:14

تذبذب وهو يصرخ في الناس امن الجنة تفرون. بيستحس الناس على الجهاد. فكر الجنة يا جماعة. يا ترى انت قضيت قد ايه من عمرك لحد الوقتي؟ نص عمرك يبقى المفروض تكون حصلت نص تمن الجنة. انت حصلت نص تمن الجنة؟ انت حصلت ربع تمن الجنة؟ احنا جايين الدنيا دي يا جماعة عشان نحصل تمن الجنة. يا اخوانا - 00:09:34

ما هو في الدراسة اتعلمنا لما الامتحان ييجي صعب. التصحيح بيبقى سهل. ولما الامتحان بيبقى سهل جدا جدا جدا. لا. هيبقى التصحيح حاسم. انت في امتحان الاخرة هم تلات اسئلة. من ربك؟ وما دينك؟ ومن نبيك؟ والتلات اسئلة متسربين. والاجابات النموزجية متسربة. والتلات اسئلة سهلين - 00:09:54

يبقى الامتحان خمسين الف سنة امتحان حاسم لكل انسان دخل هذا الامتحان مننا دخل هذه الدنيا واصابه آآ انصار مكلفا وصار له ملكان يكتبان عليه حسناته وسيئاته. يا جماعة الدنيا ديت عاملة زي بيت له بابين. باب بيدخل على الجنة - 00:10:14

دخل على النار. انت هتخرج من الدنيا ديت على اي باب من البابين دول يجب ان ننتبه الى هذه الحقيقة يا اخواني في الله. ذكر ربنا. اللي هيذكر ربنا مننا كتير. اللي هيقعد العشر تيام دول يذكر ربنا ليل نهار. وهيخرج من العشر تيام دول بنية يا رب مش هسيب زكرك. يا رب مش هتخلف - 00:10:34

عن ذكرك يا رب هاستصحب زكرك في الحياة. هياخد ايه يا جماعة؟ اولا حب الله الذكر وحب الله. تخيل كده انت لسة داخل الوقت درس وانت داخل قلنا لك ايه يا عم اهلا اهلا ده احنا كلنا كنا لسة في سيرتك تفرح قد ايه ؟ اهي كلمة احنا كنا في سيرتك - 00:10:54

تفرحك. عشان كده لو ابن سافر وسببه كل ما واحد يقابل الابن في الغربة يرجع لابوه. يقول له ابنك دايما في سيرتك. الاب هيفرح قد ايه طب تخيل الملايكة كل اتنين وخميس بيرفعوا تقارير الاعمال بتاعتك الى الله. والتقرير مكتوب فيه عبدك دايما في زكرك. زي - 00:11:14

دايما في سيرتك كده. عبدك دايما في زكرك. عبدك ما بيبطلش زكر لك. تخيل ربنا يحبك قد ايه. ربنا يقربك قد ايه. ربنا يرفعك قد ايه ربنا سبحانه وتعالى يختارك قد ايه؟ تخيلوا يا جماعة يعني آآ يعني انت عارف يعني ايه ربنا؟ لما تزكر ربنا ربنا - 00:11:34

يعني يباهي الملائكة ويقول لهم عبدي فلان يذكرني. تخيل كده! لو الوقت واحد قال لك ده المحافظ عامل اجتماع في المحافظة مع فريق العمل بتاعه او مع المستشارين بتوعه وقاعدين في سيرتك الوقتي وبيتكلموا عنك كلام كله خير. هتحس بالفخر قد ايه ؟ طب ما لك الموت - 00:11:54

مع الملأ الاعلى وحملة العرش الان في زكرك. تخيل بقى انت زكر ربنا ده بيرفعك قد ايه؟ بيقربك من ربنا قد ايه؟ النبي عليه الصلاة والسلام لما دخل على اصحابه فوجدهم يذكرون الله في المسجد فقال ما اجلسكم؟ قالوا جلسنا نذكر الله ونشكر الله على نعمة الاسلام فقال االله - 00:12:14

ما اجلسكم الا هذا! بالله عليكم ما قعدكوش الا ده! فالصحابة تعجبوا قالوا الله ما اجلسنا الا هذا. فقال النبي صلى الله عليه وسلم اما اني لم استحلفكم تهمة لكم ولكن جبريل اتاني. سيدنا جبريل نزل سبع سماوات عشان - 00:12:34

قاعدين يزكروا ربنا. يعني اللي قاعدين في المسجد يذكروا الله الايام ديت. يعني ممكن ملائكة من فوق سبع سماوات تتنزل عشانهم. ولكن جبريل اتاني فاخبرني امسك قلبك. يا اللي قاعدة تزكري الله طول اليوم النهارده. يا اللي قاعد تصلي على رسول الله طول اليوم النهارده - 00:12:54

يا اللي قاعد تسبح وتهلل طول اليوم. امسك قلبك ولكن جبريل اتاني. فاخبرني ان الله اهي بكم الملائكة. الله اكبر. انت لما بتتباهى بسوب بتتباهى باغلى سوب عندك. لما تتباهى بحاجة بتتباهى - 00:13:14

اقيم حاجة عندك. يعني انت اغلى حاجة عند ربنا. معنى ان ربنا يباهي بك الملائكة. ان انت غالية عند ربنا قد ايه ياه! هو الزكر بيخليك عند ربنا قوي هو الزكر بيرفعك عند ربنا اوي كده حب الله يا جماعة. حب الله. طب الحاجة التانية السعادة النفسية في زمن استرزق - 00:13:34

في زمن الاكتئاب والتوتر والقلق والضغط ومن اعجب ما يكون انك انت تلاقي يعني الضغوط النفسية اصابت الناس بحالة من التجاهم رهيبة في الزمن ده الكل عايز يعيش سعيد. طب اسمع بقى ما قعد قوم قال رسول الله قال رسول الله يا نهار - 00:13:54

الزكر قال رسول الله يا سيسي يا سيسي ماشي. قال رسول الله صلى الله عليه وسلم ما قعد قوم ما قعد قوم يذكرون الله تعالى الا حفتهم الملائكة وغشيتهم الرحمة ونزلت عليهم السكينة وذكرهم الله فيمن عنده. ونزلت عليهم ايه؟ السكينة. الله - 00:14:14

هي دي اللي نفسنا فيها. السكينة يا جماعة السعادة. مع الاطمئنان. مع الاستبشار. مع الاحساس بالتفاؤل والامل مع البهجة مع اليقين السكينة دي كمية مشاعر فرح وبهجة ويقين اجتمعت مع بعض بقت حاجة اسمها السكينة - 00:14:45

مش ده الحلم بتاعنا وما جلس مجموعة من الشباب في عربية متفيمة لواحد صاحبهم يشربون سجاير ملخمة ويسمعون اغاني اجنبية الا نزلت عليهم الكآبة. وحفتهم الشياطين. وسودت صحائفهم والعياذ بالله. يا حبيب - 00:15:05

القلوب انت حبيب انت انسي وانت مني قريب يا طبيبا بذكره يتداوى يا طبيبا بذكره يتداوى. كل ذي علة فنعم الطبيب. فنعم الطبيب يا الله اللي مجرد ذكر اسمه شفاء للامراض. شفاء للهموم. مجرد ذكر اسم الطبيب الله - 00:15:25

سبحانه وتعالى شفاء للهموم. طلعت شمس حبه في القلوب واستنارت فما تلاها غروب. حبيب القلوب الله سبحانه وتعالى الذكر من اسباب السعادة النفسية. الذكر من اسباب الكرامات يا جماعة. ودي حاجة يعني الناس تسأل. هو الرؤى قالت ليه؟ هي اجابة الدعاء قلت ليه - 00:15:55

يا ابني لان زكر ربنا قال لانك انت قاعد تزكر المخلوق وقاعد تتكلم على المخلوق. لو احنا عودة زكر الله الى الصف مرة اخرى لو والاخوة والاخوات رجعوا لذكر ربنا مرة تانية. حياتنا هتتملى كرامات. حديس بتاع سيدنا حنظلة لما قال نفق حنظلة وذهب الى النبي صلى الله عليه وسلم - 00:16:15

كلنا حافزين الحديس وحافظين ان النبي عليه الصلاة والسلام قال له لو انكم تدومون كما تكونون عندي لصفحاتكم الملائكة في الطرقات. الحديث ده له رواية صحيحة لو انكم يا حنظلة لو انكم تدومون كما تكونون عندي وعلى الذكر - 00:16:35

صفحتكم الملائكة في الطرقات. لو فضلتم على ذكر ربنا ليل نهار. الملايكة هتسلم عليكم في الشوارع. لصفحاتكم الملائكة في الطرقات دايما يا جماعة بدأت الذكر لو حد منكم لاحز مرتبطة بالملائكة. احنا الوقتي قلنا اللي بيزكره الله ربنا بيعمل معهم ايه؟ ها؟ يباهي بهم الملائكة - 00:16:55

والنبي قال لو تدومون على الذكر لصفحتكم ايه ؟ الملائكة والامام ابن القيم رحمه الله بيقول انك كلما شرعت في ذكر الله شرعت الملائكة في بناء ملكك في الجنة. فازا توقفت عن الزكر توقفت الملائكة عن البناء. يعني الزكر ده عبادة لها ارتباط بالملائكة - 00:17:15

عبادة ملائكية. لان الملائكة لا يستحسرون. يسبحون الليل والنهار لا يفطرون. الملايكة بيسبحوا ليل نهار بدون ما يتوانوا بدون ما يفطروا بدون ما الحماس القلبي بتاعهم يقل في زكر الله. سبحانه وتعالى. متخيل بقى! متخيل انت عبادة الذكر ممكن ترفعك - 00:17:35

ترك ملائكية ازاي ؟ عبادة الذكر من اسباب الكرامات والعطاءات والنفحات. الكلام ده يا جماعة مجرب. الكلام ده مجرب جرب كده تذكر ربنا. جرب كده انا يعني كلمتكم قبل كده في درس الاستغفار عن الاستغفار بنية تفريج الكربات والقصص الباهرة اللي بتحصل بعده. وكل - 00:17:55

لنا بالتأكيد جربناها. كلنا يعني يعني اسأل الله ان اكون يعني الا اكون ممن يقولون ولا يفعلون. كلنا جربناها وانا جربتها مع بعض اخواني من هنا في مجالس استغفار ورأينا ما يحدس من نفحات الله بعدها. وكثير من اخوانا واخواتنا يعني - 00:18:15

ارض تحدثوا عما اكرمهم الله به. يا جماعة ذكر ربنا ده روشتة مجربة. ده موضوع خلصان. انك انت لو داومت على ذكر الله. بس داومت على الروشتة كي نسبحك ايه ها كثيرة نذكرك ايه؟ كثيرة الذاكرين الله ايه؟ كثيرة والذاكرات الذكر جرعته كده - 00:18:35

جرعته انك تزكر ربنا كتير. وتزكر ربنا باستمرار. قال تعالى فاذكروني اذكركم. تخيل انت لو المحافز في سيرتك يبقى شكله كده عايز اعينك ايه ؟ موزف كبير مسلا في المحافزة. طب لو الوقتي يعني آآ رئيس الحكومة في سيرتك شكله عايز يجيبك وزير. طب لو رئيس - 00:18:55

في سيرتك آآ يبقى ازا لما طب ما لك الملك في سيرتك يبقى هيديك ايه؟ يبقى يحبوك ايه؟ يبقى هيعطيك ايه؟ عشان كده الذكر من اسباب الكرامات. لو انكم تدومون كما تكونون عندي. وعلى الذكر لصافحتكم الملائكة في الطرقات. يعني ذكر ربنا هو حل - 00:19:15

كل مشاكلك. انا عايزك تخرج النهاردة باليقينية المسلمة دي. ان حل الهموم اللي جواك. حل الكآبة اللي جواك. حل الدنيا اللي مقفلة ابوابها في وشك حل انك نفسك تحس انك موصول بربنا وفيه علامات معاملة بينك وبين ربنا. حل الترقي في العبادة هو الذكر. طب هنعمل ايه؟ ما انت مش هتقرر - 00:19:35

تسكن فهتزكر. ده سبحان الله العظيم يعني ربنا لا يجعلنا من المحرومين يا جماعة. فيه واحد ممكن يقول لواحد اوعى تجيب سيرته على لسانك. انا خايف. انا خايف لو احنا - 00:19:55

استهترنا بعبادة الذكر ان يتقال لك الكلمة دي. ما تجيبش اسم على لسانك. انا خايف انك تحرم من الذكر عقوبة بغفلتك عن الله. سبحانه وتعالى ربنا قال عن المنافقين ولا يذكرون الله الا قليلا. طب اومال اللي ما بيذكرش ربنا خالص؟ اومال اللي ما قعدش جلسة ذكر النهاردة اصلا؟ اومال اللي ما - 00:20:05

اصلا جلسة زكر النهاردة دي. يعني يعني المنافقين احسن منه؟ يعني منافقين زمان احسن منه. تلات ايات بيرعبوا قلوبنا يا جماعة. تلات ايات. الاية الاولانية ومن يعش عن ذكر الرحمن نقيض له شيطانا فهو له - 00:20:25

تخيل بقى شيطان جنبك هيعمل فيك ايه هيظبطك. تخيل شيطان بقى معك هيعمل فيك ايه هيسويك ربنا يحفظنا يا رب من الانس والجن الاية الثانية ومن يعرض عن ذكر ربه يسلكه عذابا صعد - 00:20:45

اه الاية الثالثة ومن اعرض عن ذكري فان له معيشة ضنكا. ونحشره يوم القيامة اعمى. يبقى اذا دي قضية خطيرة جدا. قضية المحرومين من الذكر. المحرومين من الذكر يعني يعني يا جماعة لما النبي عليه الصلاة والسلام - 00:21:05

المثل الذي يذكر ربه والذي لا يذكر ربه كالحي والميت. الميت ده متعفن ده ده قلبه متعفن بالشهوات. الميت ده ما يقدرش عن نفسه حاجة. ده ده اي فتنة ضعيفة تيجي له تجيبه لمس كتاف على طول. الميت ده ما بيجيش من وراه خير. ده ده ما بيجيش من وراه. لا في دين ولا في دنيا خير - 00:21:25

مثل وقال رسول الله صلى الله عليه وسلم مثل البيت الذي يذكر الله. ده المروات دي بقى الاسرة. انت ومراتك واولادك مثل البيت الذي يذكر الله والذي لا يذكر الله كمثل الحي والميت. الميت في قبره يا بيعذب يا بينعم. يبقى دول لو - 00:21:45

ميت يبقى بيت كانه في عزاب قبر. يبقى بيت في عزاب ومشاكل وهموم. البيوت اللي ما فيهاش زكر. هي البيوت اللي بييجي دايما منها المشاكل. هي البيوت. العلاج التحاليل والاشعة والقصص اللي حصلت في الاخر بيحاسب المستشفى وهو خارج الفين جنيه. ولسه عليه الالفين جنيه بتوع العجل برضو. يعني مش مش دافع الفين جنيه - 00:22:05

يعني ما تبخلش بوقتك على ربنا. ما تبخلش بحياتك كلها على ربنا سبحانه وتعالى. ادي لربنا كل ما تستطيع ان تضحي فيه من اجل ان تبرهن على حبك لله. وكفى بحديث النبي صلى الله عليه وسلم ما من ساعة تمر بابن ادم لا يذكر - 00:22:25

الله تعالى فيها الا حسر عليها يوم القيامة. هتندم وهتعض على ايديك على كل ساعة مرت عليك في الدنيا ما زكرتش ربنا فيها. الذكر والحفظ يا جماعة. اثر الذكر في الحفظ من الشياطين. لما الواحد بيقرأ حديث النبي عليه الصلاة والسلام. والرا - 00:22:45

رجل خارج من بيته فبيقول اللهم اني اعوذ بك ان اضل او اضل او ازل او زال. فالشيطان بيقول لصاحبه يعني ما بالك برجل كفي ووقي وهدي فبقول سبحان الله! يعني انت كل مرة خارج من بيتك مستنيك اتنين شياطين! مستنيينك يطلعوا عينيك! اللي حماك منهم الذكر - 00:23:05

وانت داخل بيتك وبتقول بسم الله ولجنا وبسم الله خرجنا. الشيطان بيقول لي الشلة بتاعة الجروب بتاعته لا مبيت لكم ولا عشاء ده انت كان مستنيك شلة شياطين يولعوا لك البيت حريقة بينك وبين اهلك. واللي انقزك هو الذكر عند الجماع. الشيطان لا يقربك اذا - 00:23:25

طلق يا نهار ابيض! ده انت فيه شيطان مستنيك بس انك تأتي زوجتك. وعند الجماع بقى يعني يعني ممكن يشاركك في ولدك والعياذ بالله ما لهاش ولا لما تيجي تقول اية الكرسي قبل ما تنام. الشيطان لا يقربك. الله! ده كان فيه شيطان مستنيك ساعة النوم. ده كان فيه شيطان مستنيك عند النوم يوترك - 00:23:45

يقلقك يخليك ما تعرفش تنام. يخليك ما تعرفش تصحى بعد ما تنام لصلاة فجر ولا لقيام ليل يعني يا جماعة الشياطين مستنيانا اربعة وعشرين ساعة. ولا ينجينا منها الا ذكر الله. عشان كده الذكر سبب النجاة. مين اللي نجى موسى - 00:24:05

من فرعون الا قول الله ولا تنيا في ذكري. مين اللي نجى يونس من بطن الحوت؟ الا قول الله فلولا انه كان من المسبحين ذكر ربنا سر نجاتك في حياتك. زكر ربنا ده حصن. انت طول ما انت جواه ما فيش سوء عارف يقرب منك. ازاي؟ ما احناش منتبهين لقيمة - 00:24:25

الذكر الذكر ده عبادة بتحيي لك عمرك. مش هتقدر تصلي طول اليوم ولا تصوم كل يوم انما تقدر تذكر ربنا ليل نهار لسانك يا يدخلك الجنة يا يدخلك النار. اسهل حاجة في حياتك انك تحرك لسانك. ما بتحركوش في طاعة ربنا ليه ؟ اسهل حركة في الجسم حركة اللسان - 00:24:45

ليه ما بتحركوش في طاعة ربنا؟ هي سهلة على لسانك بس تقيلة على قلبك. اعترف. هو زكر ربنا تقيل على قلبك؟ هو انت قلبك مشغول بالدنيا عارف تذكر ربنا سبحانه وتعالى عشان كده زكر ربنا بيعالج مشكلة من اخطر المشاكل عند الملتزمين والملتزمات. عارفين ايه - 00:25:05

قيمة ضعف العزيمة يقول لك ما فيش قادر. انا عايز اتوب. انا عايز التزم. انا عايز اخلص من المعصية الفلانية. مش قادر. مش قادرة. انا عايز البس حجاب امهاتي المؤمنين مش قادرة. انا انا عايز اقوم الليل مش قادر. انا عايز اصوم اتنين وخميس ما ناش قادر. اوعى تفتكر انك ما انتاش قادر بدنيا. ده كلام وهمي - 00:25:25

انت مش قادر قلبيا العجز عندك في القلب مش في الجوارح. مش قادر قضية العزيمة. لما النبي عليه الصلاة والسلام جا له الرجل فقال يا رسول الله ان شرائع الاسلام قد كثرت علي. يا رسول الله مش عارف اعمل ايه؟ اطلب علم ولا اشتغل في الدعوة ولا اجاهد؟ ولا ابر زوجتي ولا اربي عيالي ولا اقوم الليل - 00:25:45

حلو ولا اصوم النهار ولا اتعبد لله تحصيل رزقي ولا اشتغل في الدعوة اعمل ايه يا رسول الله؟ شرائع الدين قد كثرت علي فقال قال النبي صلى الله عليه وسلم لا يزال لسانك رطبا بذكر الله. كان زمان بافهم انا الحديس ده ان معناها سيبك من كل ده وركز في الزكر - 00:26:05

انما يا جماعة لما الواحد يعني بفضل الله يعني بدأ يفهم شوية هزا الحديس. لأ يا جماعة دا انت ربنا بيقول وانا معه حين ايه يذكرني فالذكر سبب المعية. فحينما تستديم على ذكر الله تخرج من حولك وقوتك الى حول الله وقوته. ربنا - 00:26:25

تاج. فلما ربنا بيتولاك هتقدر تجمع ما بين المتعارضات. هتقدر تعمل حاجات اللي يسمعها يقول طب ازاي ؟ بالله بحول الله كقوله سبحانه وتعالى. عشان كده لما السيدة فاطمة اشتكت للنبي صلى الله عليه وسلم من سوء او صعوبة مهام البيت عليها. فالنبي عليه الصلاة والسلام قال لها - 00:26:45

سبحي الله ثلاثا وثلاثين اذا اويت الى فراشك. واحمدي الله ثلاثا وثلاثين وكبري الله اربعا وثلاثين. سبحان الله تلاتة وتلاتين مرة الحمد تلاتة وتلاتين مرة. الله اكبر اربعة وتلاتين مرة. فذلك خير لكما من خادم. ابن تيمية بيعلق بيقول ان من نام على التسليم - 00:27:05

اوتي قوة واوتي عزيمة. ان الانسان اللي يتعود ينام على التسبيح بيلاقي نفسه تاني يوم يقدر على ما لم كن يقدر عليه قبل هذا ان انت تجاهد نفسك لدرجة انك توصل انك تنام وانت بتذكر ربنا. مرة يعني اخت من اخواتنا يعني قالت لي كده قالت لي - 00:27:25

يعني هي مش يعني هي واحدة قريبتي يعني مش آآ قريبني انا بافضل استغفر ربنا لحد ما اروح في النوم. كل يوم كده افضل استغفر سفر لحد ما الاقي نفسي - 00:27:45

صحيت بس خلاص انام وانا بستغفر ربنا. تعرف انك انت تعمل كده. تعرف انك انت تفضل تستغفر ربنا لحد ما تنام. تفضل تسبح ربنا. لحد ما تنام. عشان الكلمة الخطيرة بتاعة ابن تيمية رحمه الله لما كان يقعد جلسة الضحى من الفجر لحد الساعة عشرة الصبح ولا حاجة. ثم يلتفت الى الامام ابن القيم ويقول - 00:27:55

له هذه غدوتي. ده ديت الايه؟ حبوب الطاقة اللي انا باخدها. فان لم اتغدها سقطت قوتي ما اقدرش من غير جلسة الذكر الاربع ساعات دول اللي انتم بيتهيأ لكم ان انا عطلت وقتي فيهم. ده دول اشتريت عمري - 00:28:15

فيهم الناس فاكرة ان لما اقعد جلسة زكر هاخد من وقت مزاكرتي وانا طالب. هاخد من وقت شغلي. يا ابني ده انت بتشتري عمرك انت تلات تربع عمرك ضايع بسبب التيه والشتات. وبسبب ساعتين النوم الزيادة. وبسبب الخنقة والنفسية - 00:28:35

التعبانة المقفولة وانا اتقفلت. يا ابني انت تلت تربع عمرك ضايع في ما فيش. انت بتستنقذ عمرك باوراد الذكر بتاعتك انت بتستنقزي حاجة. ده الورد ده يعني سبحان الله العظيم. والله يا اخواني ما نقص وقت من عبادة. الواحد ايام ما كان طالب - 00:28:55

كان بيجاهد نفسه في الاول هيقعد جلسة الضحى. طب وبعدين ؟ طب ما الساعة ديت ممكن تروح من آآ من مزاكرتي. طب اقوم الليل طب وبعدين ؟ لحد ما الواحد يعني بفضله - 00:29:15

الله سبحانه وتعالى بدأ يفهم ان كل ساعة بتديها لربنا في الزكر. بتاخد اضعاف اضعافها بركة في عمرك وسداد وتوفيق. وقضاء وتيسير لامورك. يبقى الذكر والعزيمة. فان لم اتغدها سقطت قوتي. انا - 00:29:25

بسرعة يا جماعة لان انا الوقتي يعني معنا ورقة جديدة ان شاء الله بازن الله معنا ورقة يعني يعني احنا آآ آآ ورقة الاذكار ورقة الاذكار كان بفضل ومنة الله سبحانه وتعالى احنا النهاردة آآ بنحاول نعمل حملة زق في الزكر شوية. لان العشر تيام دول بتوع الزكر. فاحنا عاملين ورقة رحلة المليون - 00:29:45

رحلة المليون ديت اللي هي ازاي تبقى ملياردير بقى ملط ملياردير بذكر الله سبحانه وتعالى. الورقة ديت ها فيها افضل ازكار التسبيح افضل ازكار الحمد ده افضل ازكار الاستغفار. افضل ازكار التهليل وهكزا. اعظم الازكار بالثواب بتاعها. ولكن احنا مخلصين الكتابة - 00:30:05

ساعتها والتنسيق بتاعها ربنا يجزي الاخوة كل خير. يعني وسطهم اتقطم النهاردة. ربنا يجزيهم كل خير. قبل المغرب. فالاخ دلوقتي بيجري عشان بسرعة يصور هزه الورقة عليكم جميعا بازن الله سبحانه وتعالى. فاحنا الوقتي هنتكلم عن الورقة وهنكمل الدرس بتاعنا ومنتزرين انك بعد ما تركز في الورقة وتفهمها وتفهمي شرحك - 00:30:25

معي الورقة تتوزع عليكم. يعني انا مش هاقول لك صور وانشر. بص يا عم طبق. طبق وبعد كده ابقى عرف الناس. الاول الورقة دي انت لازم تطبقها انت الاول. الورقة دي محاولة يا جماعة ان احنا نساعد بعض ونتعاون على البر والتقوى. ان الايام دي تبقى ايام زكر متصل بازن الله. سبحان - 00:30:45

وتعالى بحيس ان احنا لو عشنا مع الزكر ونجحنا الايام ديت هنقدر ننطلق في الزكر بعد كده بازن الله يعني آآ آآ يعني انا الوقتي بمهد بس للورقة انا كنت دلوقتي بتكلم عن اسر الذكر في ايه؟ اسر الذكر في ايه؟ في اخر حاجة اسر الذكر في ايه؟ في العزيمة. اسر الزكر في العزيمة - 00:31:05

انتهى اسر الذكر في ايه؟ في الحفز من الشياطين. ومعها اسر الزكر ايه؟ في النجاة من المهالك. واسر الزكر في فتح ربنا عليك. ابن تيمية كان ساغلق عليه مسألة استغفر الله الف مرة. يقول فيفتح الله علي. يعني الزكر ده من اسباب فتح الله. وتكلمني عن اسر - 00:31:25

زكر في الكرامات والعطاءات فاذكروني اذكركم. لصافحتكم الملائكة في الطرقات. واتكلمنا عن اثر الذكر في السعادة النفسية. نزل عليهم السكينة. ها واتكلمنا عن اثر الذكر في حب الله. يباهي بك الملائكة. يباهي بك الملائكة سبحانه وتعالى - 00:31:45

واتكلمنا عن اسر الزكر في الحسنات والسيئات. قال رسول الله صلى الله عليه وسلم سبق المفردون. لما لقى جبل جمدان فقال للصحابة سيروا هذا سبق المفردون. يعني من المفردون؟ قال الذاكرون الله كثيرا والذاكرات. وفي رواية الذين اهتروا بذكر الله. يعني - 00:32:05

ايه يا اخوانا؟ المفرد ده المتفرد. الانسان المتميز. يقول لك الجوهرة الفريدة اللي مميزة عن غيرها من الجواهر. عارفين اللي بيطلع الاول على فصل المتفوقين الاول على الاوائل المتفرد الذي افرد الله بالوجهة. المتفرد ده اللي سابق الدنيا كلها. ده مين؟ الذاكرين - 00:32:25

الله كثيرا والذاكرات. الذاكرون الله كثيرا والذاكرات. يبقى سبقه ازاي؟ سبقه في الاخرة. ما تعطلوش في الحشر. ولا اتعطلوا في الميزان ولا اتعطلوا في الصراط. ولا اتعطلوا في القنطرة. وصلوا للجنة قبل غيرهم. وسبقوا في الدنيا. بقوا سابقين في القيام والصيام والدعوة ليه؟ لان - 00:32:45

ربنا فتح عليهم. لان ربنا فتح لهم ابواب فضله ورحمته. لان ربنا حللهم مشاكل رزقهم. فما عطلتهمش مشاكل الرزق ولا مشاكل الاسرة لان ربنا شرح لهم صدورهم فانطلقوا بحماس. لان ربنا اداهم عزيمة فاستطاعوا الجمع ما بين العبادات. سبق المفردون - 00:33:05

يا جماعة الذاكرون الله كثيرا والذاكرات ان شاء الله بازن الله ادان العشاء يدن طبعا في حاجات للاسف الشديد انا حزين ان انا مش قادر ان انا اقولها زي الا انبئكم بخير اعمالكم ها الا انبئكم بخير اعمالكم يعني ايه خير اعمالكم؟ يعني - 00:33:25

اكتر عمل هيجي لك في حياتك من وراه خير. اكتر عمل هيجي لك في دنيتك وقلبك وايمانك وبيتك وزريتك ورزقك ودينك ومقامك عند الله واخرتك بسببه خير هو الذكر. الا انبئكم - 00:33:45

خير اعمالكم وازكاها عند مليككم وارفعها في درجاتكم وخير لكم من انفاق الورق من انفاق الذهب والورق الدهب والفضة وخير لكم من ان تلقوا عدوكم. فتضربوا اعناقهم ويضربوا اعناقكم. ذكر الله سبحانه وتعالى - 00:34:05

ان شاء الله بازن الله نشرح الورقة ما بين الاذان والاقامة. وتركزوا معي جدا جدا جدا في شرحها. عشان دي هتبقى منهج العمل بتاعنا الايام الجاية. ان شاء الله بازن الله - 00:34:25

عالم النسخ بتاعتها تيجي. بسم الله والصلاة والسلام على رسول الله. ركزوا معي بقى يا اخواني. لان بازن الله سبحانه وتعالى يعني ايه آآ بحيس ان لما الورقة تبقى معكم ان شاء الله كل واحد منكم وكل واحدة منكم آآ يعني يبقى استوعب الموضوع كويس. افضل ازكار التسبيح. افضل ازكار التسبيح. آآ - 00:34:35

آآ اول حاجة سبحان الله النبي صلى الله عليه وسلم يقول ايعجز احدكم ان يكسب كل يوم الف حسنة او يحط عنه الف خطيئة الموضوع بسيط جدا. يعني تعالوا معي يا جماعة كده نجرب يعني آآ آآ تقول سبحان الله ميت مرة. حد يعرف يجربها لنا كده؟ مين يجربها هنا ويعد الوقت - 00:34:55

جرب كده وعيد دلوقتي وقل لنا الوقت قد ايه. عشان نكتشف بس يا جماعة الموضوع بسيط قد ايه. في رواية يكسب الف حسنة ويحط عنه الف خطيئة فيقول سبحان الله مئة مرة. يعني سبحان الله ميت مرة. طب لو زودنا على كلمة سبحان الله وبحمده. زودنا بس كلمة وبحمده ديت تبقى ايه؟ تبقى - 00:35:15

قلتها مائة مرة تغفر لك ذنوبك وان كانت مثل زبد البحر. يبقى دي الصيغة التانية بعد صيغة سبحان الله صيغة سبحان الله وبحمده تغفر لك ذنوبك وان كانت مثل زبد البحر. بعض الصور على النت جايبة زبد البحر ده شكله ايه؟ يعني جايبة في بعض البحار الزبد ده بيبقى متراكم - 00:35:35

وضخم جدا لدرجة ايه ؟ تغفر لك ذنوبك مهما كانت. طيب الحديس بقى بتاع آآ آآ سيدنا نوح حديس صحيح عن النبي صلى الله عليه وسلم هي صلاة كل شيء وبها يرزق كل شيء. يبقى الشاب اللي عنده مشاكل في الرزق سبحان الله وبحمده تحلها له. طيب لو قلتها مية مرة - 00:35:55

الصبح وميت مرة بالليل بقى مش ميت مرة بس ميت مرة بس يبقى تغفر لك ذنوبك وان كانت مسل زبد البحر. انما مية الصبح ومية بالليل لا يأتي في احد يوم القيامة بافضل مما جئت به وبافضل مما جئت به الا من قال مثلك او زاد - 00:36:15

ايه ده يا جماعة؟ سبحان الله وبحمده ميت مرة بل النبي صلى الله عليه وسلم روي عنه انها احب الى الله من جبل ذهب تنفقه في سبيل الله. احب الى الله يبقى الزكر ممكن يرفعك للدرجة ديت. ده ده سبحان الله وبحمده. فيه عندك بقى سبحان الله العظيم وبحمده. حد - 00:36:35

يقدر يقول لي دي بايه ؟ ها نخلة في الجنة. الساق بتاعتها دهب. يعني كل الذهب بتاع الستات اللي تحت وستات المنصورة كلهم لو مش هيجيب لك ساق نخلة في الجنة. دهب الارض الكرة الارضية كلها. ما يجيب لكش نخلة واحدة في الجنة. انت سبحان الله العظيم وبحمده تجيب نخلة في الجنة - 00:36:55

من التعبيرات اللي الواحد تألم لما سمعها. يعني زمان كلمة الامام ابن الجوزي رحمه الله فيا مضيع الساعات كم كم ان ضيعت من نخلات فيا مضيع الساعات كم ضيعت من نخلات؟ فعلا الزكر عبادة بتعرفك قيمة كل دقيقة في حياتك. انك انت في الدقيقة ما خلصت - 00:37:15

لسه ستة واربعين سانية. يبقى الميت مرة سبحان الله في ستة واربعين سانية. بالف حسنة ويحط عنك الف سيئة. يا بلاش والله يا جماعة. بس انت مش مجري شوية انا لما عملتها جابت دقيقة وربع يعني كل واحد بقى والايه يعني الذكر اللي هو سبحان الله وبحمده ده الصيغة اللي بعد كده عدد خلقه - 00:37:35

ورضا نفسه وزنة عرشه ومداد كلماته. فاكر مرة واحنا طلبة حضرنا لشيخنا الشيخ محمد يعقوب فبيقول سبحان الله وبحمده بعدد خلقه ورضا نفسه وزنة عرشه ومداد كلماته. سهلة جدا يا جماعة. تلات مرات ما ياخدوش منك خمس دقايق. فانا الكلمة خبطت - 00:37:56

في وداني خمس دقايق يا شيخ ده احنا بنفرم في خمس سواني خمس دقايق ايه ؟ فمرة قاعد مع اخ من اخواني وهو الان من الدعاء الى الله كان معه في الدفعة دي فبيقول لي انا - 00:38:16

الشيخ محمد قال كلمة قطعت قلبي. فبقول له ايه ؟ لقيته خد باله برضو من نفس الكلمة. خمس دقايق. يعني فعلا يبقى يا جماعة احنا فعلا ما بنعش زكر عشان كده ما بتدوقش طعام الزكر. عشان كده ما بنرتبطش بالزكر. عشان كده الدنيا بتشغلنا عنه بعد ما عملناه. انما لو عشت الزكر وانت بتقوله - 00:38:26

هتحس سبحان الله وبحمده عدد خلقه. تزكر بقى اعداد النمل واعداد النحل. واعداد الطيور المهاجرة في الصور والفيديوهات اللي بتيجي. واعداد الملائكة في السماوات السابعة واعداد البشر من ايام ادم لحد. تخيل واعداد البكتيريا واعداد الفيروسات تخيل انت كده عدد خلقه ورضا نفسه - 00:38:46

وزنة عرشه ومداد كلماته. الكلام ده يتحفظ يا جماعة. طيب لسة في التسبيح. سبحان الله! والحمدلله ولا اله الا الا الله والله اكبر الله اكبر الكلمات الاربع. الكلمات الاربع دي فيها حوالي خمسة وعشرين حديس صحيح. في الاربع كلمات دول. منهم - 00:39:06

حديس في صحيح مسلم احب الكلام الى الله. يعني الامر متعلق بحب الله. وحديس تاني خير مما طلعت عليه الشمس. يعني لو كفتين كفة مش عارفين ايه اللي فيها. والكفة التانية حطينا فيها خمس تبراج من على المشاية. مطباتش. طب جبنا كمان تلاتين اربعين عربية بنت لو كريزل - 00:39:26

شوية عربيات مجكور والعربيات مطباتش. طب كبنا كمان سبع تلاف تمن تلاف فدان مطباتش. طب الفدانين دخلت مباني مطبات طب جبنا كمان كل الارصدة اللي في بنوك مصر والعالم ما طبقتش نفتح الكفة التانية نشوف فيها ايه نلاقي فيها سبحان الله والحمد لله - 00:39:46

لا اله الا الله والله اكبر. مش عايزين نوزع الورقة الوقتي. نوزع الورق لما نخلص. ان شاء الله اه نوزع لما نخلص بقى. ان شاء الله. يا شباب الشباب صغير واخواتنا برضه الورق اللي وصل لاخواتنا ما حدش يوزع الورق الا لما نخلص بازن الله سبحانه وتعالى. عشان ما حدش يتشغل بالورقة عن التركيز في - 00:40:06

يعني بعد كده ان شاء الله كله هيستلم الورقة. يعني بالزات بالنسبة للاخوات اول ما بيلاقوا ورقة هجوم ما بيستنوش لما الورقة تيجي لهم. بيحصل مقتلة تحت فيعني اخواتنا ايه سبحان الله والحمد لله. كل كلمة بشجرة في الجنة. تخيل سبحان الله بشجرة كريز في الجنة. الحمد لله بشجرة تفاح في الجنة - 00:40:26

لا اله الا الله بشجرة مانجة في الجنة. انتم لسة جعانين طبعا يعني. يعني يقينا يعني القصة اللي حصلت الجريمة اللي حصلت فوق دي ايه؟ ما كفتناش ان شاء الله - 00:40:46

هنروح الوقت ونعوض الرجالة بازن الله سبحانه وتعالى. الشجرة سيدنا ابراهيم لما قابل سيدنا محمد في السماء السابعة في المعراج. تخيلوا هيقول له كلمة هيقابله في مرة مش هيقابله تاني الا يوم القيامة. قال له اخبرهم اقرئ امتك مني السلام. عليك السلام يا خليل الله. واخبرهم ان الجنة طيبة - 00:40:56

طيبة التربة عزبة الماء. وانها قيعان زي الاراضي كده. انت بقى كل واحد يغرس في في الحتة الارض بتاعته. اللي عايز اللي هو عايزه انت اللي بتشكل الجنينة بتاعتك من الوقتي. واخبرهم انها قيعان وان غراسها شف بقى الجنينة بتاعتك انت عايز تغرس فيها ايه. سبحان الله والحمد لله - 00:41:16

ولا اله الا الله والله اكبر. يبقى اللي اجتهد في الزكر ييجي يوم القيامة يلاقي الجناين بتاعته في الجنة مليانة شجر فواكه. طب واللي ما اجتهدش في الزكر؟ هيلاقيها مليانة - 00:41:36

فواكه هو جزاء من جنس العمل بقى على قد اجتهادك. بل هذه الكلمات كما ثبت عن النبي صلى الله عليه وسلم افضل مما طلعت عليه الشمس من الاحاديس العجيبة انها تصعد الى العرش هذه الكلمات الاربع بصوتك. لها دوي فتذكر بها عند الله - 00:41:46

متخيل ان يتسجل لك صوتك وانت قاعد تزكر ربنا ويرتفع عند الملأ الاعلى وتذكر في الملأ الاعلى ده ده صوت فلان صوته وقاعد يسبح في جلسة الضحى النهاردة. ايه ده! ده صوت فلان وبيقوم الليل بالكلمات الاربع النهاردة. افضل ازكار التسبيح - 00:42:06

النوع التاني افضل ازكار الحمد. احنا عايزين ننوع يا جماعة عشان نحس بجمال الزكر وبلذة هزه العبادة. ننوه افضل ازكار الحمد احنا جبنا زكرين الزكر الاولاني لما واحد قاله النبي عليه الصلاة والسلام قال اربعة وتلاتين ملك ابتدروه. ايهم يكتبها اولا؟ اللي هي - 00:42:26

الحمد لله حمدا كثيرا طيبا مباركا فيه. بس تعرف تقعد تقولها ساعات الواحد يقول ايه؟ طب انا انا بستريح اوي لما بقول احمدك واشكر فضلك العزيم يا رب. يا عم قل كده. قل لو قلبك مفتوح لصيغة بينك وبين نفسك قل. يعني الواحد يحب كده انه يقعد ويقول - 00:42:46

محمد عليه الصلاة والسلام عليه الصلاة والسلام. رغم ان النصف التاني من التحيات هو اولى صيغة في السلام على النبي صلى الله عليه وسلم. والصلاة عليه عليه الصلاة والسلام. ولكن سب الموضوع لقلبك - 00:43:06

ازكر ربنا وبعد كده بقى الذكر الذي قال عنه النبي صلى الله عليه وسلم انه افضل من فكرك الله الليل مع النهار ها احفظوا معي. احفظوا معي. هاسمعه لكم اهو. الحمد لله عدد ما خلق. الحمد لله - 00:43:16

ملء ما خلق. الحمدلله عدد ما في السماوات وما في الارض. الحمدلله عدد ما احصى كتابه والحمدلله على ما احصى كتابه والحمدلله عدد كل كل شيء والحمدلله ملئ كل شيء. ومثلهن سبحان الله خير من ذكرك الله الليل مع النهار. ها الحمد لله ايه - 00:43:36

عدد ما خلق الحمد لله ايه؟ ملء ما خلق. عارفين مين اللي اكتشف الذكر ده؟ واللي عرفه لنا كلنا. حد عارف مين؟ دكتور عبدالرحمن الصوت ربنا يحفزه. ربنا يبارك فيه. اول من سمعته منه كان هو. بعد كده الاخوة بقى عملت له ورق فضل ومني تلاوة تعلمناه. يعني من باب التحديس يعني بفضل - 00:44:06

علينا يعني. الحمد لله عدد ما في السماوات وما في الارض. الحمد لله عدده ما احصى كتابه والحمدلله على ما احصى كتابه والحمدلله عددا كل شيء والحمد الحمد لله ملأ كل شيء. انا عارف ان انتم نجباء ان شاء الله بازن الله. انا متأكد ان انتم كلكم حافظينها بس من باب الاخلاص بس مش عايزين تتكلموا ان شاء الله. يعني ده - 00:44:26

ازكار التهليل بقى لا اله الا الله. السكينة اللي بتدبح كل ما سوى الله من قلبك. عشان كده دي سر نجاة يعني الفرق بين الخلود في جهنم والخلود في الجنة يا جماعة. يعني اخطر كلمة في الوجود كله. اخطر كلمة في حياتك كلها. بل هي سر - 00:44:56

تجديد الايمان في القلب. يعني لو عايز وقاية ضد الفتور كلمة لا اله الا الله. بل افضل الذكر على الاطلاق. بل افضل ما قاله النبيون كلهم. طب اللي يقولها عشر مرات ياخد ايه ؟ حد عارف؟ كانك اعتقت اربع رقاب من ولد اسماعيل. طب اللي يقولها ميت مرة حد عارف - 00:45:16

انك اعتقت عشر رقاب واخذت ها مائة حسنة وحط عنك مائة سيئة ولا يأتي احد قط افضل منك منك الا من قال مثلك او زادت. يعني لا اله الا الله ديت وحده لا شريك له. له الملك وله الحمد وهو على كل شيء قدير. ذكر خطير جدا. وعلى فكرة في - 00:45:36

كتير يا جماعة في الزكر ده بعشر مرات وميت مرة وفيه يحيي ويميت وفيه من غير يحيي ويميت الموضوع عايز اجتهاد بقى. الحاجات اللي زي دي كانها مسابقات نبوية للمجتهدين. فيه واحد وقف على انه عرف انها مرة وفيه واحد جمع حديس عشرة. وفيه واحد جمع رواية المية وطبقها. وفي واحد جمع روايات الميات - 00:45:56

وطبق الصيغ المختلفة. دي مضامير مجاهدة. امال الناس تتميز في الجنة بناء على ايه؟ افضل ازكار الصلاة على محمد. صلى الله عليه وسلم عارفين افضل صيغة للصلاة على النبي صلى الله عليه وسلم هي ايه ؟ النص التاني من التحيات. اللهم صل على محمد وعلى اله محمد كما صليت على ابراهيم - 00:46:16

وعلى ال ابراهيم انك حميد مجيد. وبارك على محمد وعلى ال محمد كما باركت على ابراهيم وعلى ال ابراهيم انك ايه؟ حميد مجيد وفي كتاب صفة صلاة النبي صلى الله عليه وسلم للالباني الالباني زاكر صيغ كثيرة في الصلاة على النبي صلى الله عليه وسلم. فالموضوع اصلا ده من السنن اللي فيها تنوع. طيب ايه الثواب - 00:46:36

اقعد بقى لو صليت على النبي عليه الصلاة والسلام مرة واحدة. حد عارف يحصل ايه ؟ حد عارف ربنا يديك ايه ؟ عشر حسنات ها كفر عنك عشر سيئات وترفع عشر درجات وتاخد ويصلي الله عليك بها عشر مرات. ده في مرة مرة - 00:46:56

من الاحاديس الخطيرة لما النبي عليه الصلاة والسلام كان يوقظ الصحابة لقيام الليل. فكان يصرخ جاءت الراجفة تتبع الرادفة جاء الموت بما فيه. صحي سيدنا ابي بن كعب. فجاي يقابل النبي عليه السلام والنبي بيصحي الصحابة لقيام الليل. فقال له يا رسول الله اني رجل - 00:47:16

ها يعني يعني في رواية كثير الصلاة. او يعني يعني بيصلي بالليل. فيا رسول الله اجعل ثلث صلاتي لك. يعني بعض العلماء قال لك يعني اخلي تلت قيام الليل صلاة عليك. اه او اخلي تلت دعائي صلاة عليك. اخلي تلت قيام الليل صلاة عليك؟ فالنبي عليه الصلاة والسلام ايه - 00:47:36

حثه على انه يزيد اكتر. يعني وان زدت فهو خير يعني. فقال له اجعل نصف صلاتي لك جميل. بس لو تزوج. قال له يا رسول الله اجعل كل صلاتي لك - 00:47:56

اقوم الليل بالصلاة عليك يا حبيب الله. عليه الصلاة والسلام. قال اذا يغفر ذنبك وتكفى همك. يغفر ذنبك حلت مشاكل ايه ؟ الاخرة وتكفى همك، حلت مشاكل ايه ؟ الدنيا. يبقى الصلاة على النبي عليه الصلاة والسلام خلصت لك الموضوع. حد منكم جرب - 00:48:06

كده اسرار الصلاة على محمد عليه الصلاة والسلام ده ان شاء الله هتبقى لنا وقفة فيها في السلسلة بتاعة العصر اللي ربنا ازن يعني ان شاء الله اسرار الصلاة على حبيب الله - 00:48:26

محمد عليه الصلاة والسلام. حد منكم جرب يا جماعة ما يحدس لمن يدمن الصلاة على النبي صلى الله عليه وسلم. يعني احد اخوانا جا له واحد مريض قال له انا من - 00:48:36

ساعة ما ادمنت الصلاة على النبي لمضاعفات سكر ولا مضاعفات ضغط ولا كأني عيان ولا كأن عندي مرض اصلا. حد منكم جرب الصلاة على النبي النبي صلى الله عليه وسلم كرامتها ايه ؟ وعطاءتها ايه ؟ قال له اذا يغفر ذنبك وتكفى همك. عشان كده قال لك لما تكون في مشكلة جرب انك تقوم ليلة بالصلاة - 00:48:46

قال النبي صلى الله عليه وسلم بس انك تقوم ليلة بالصلاة عليه وانت قاعد تستشعر طبعا مواقف السيرة كلها عشان قلبك يتحرك مع الصلاة عليه. عليه الصلاة والسلام جرب تقوم ليلة بالصلاة على حبيب الله - 00:49:06

محمد صلى الله عليه وسلم بنية تفريج الكرب وتفريج الهم ولا انسى ابدا يوم ما كنت طالب ورحت لشيخنا الشيخ محمد يعقوب كنت ماكس عنده في المسجد قال لي هات النهاردة خمس تلاف مرة استغفار وخمس تلاف مرة صلاة على النبي صلى الله عليه وسلم - 00:49:16

ويعني ربنا بقى ما يسر الله لي من منهما بقى اتيت به. لما رجعت هنا لاحزت ان فيه حاجات غريبة بتحصل. لاحزت يا جماعة ان فيه تيسير عارف لما فيه فتح حتى من جواك يعني انت الطريق كان صعب. فيه حاجات بتيسر. يعني سبحان الله يا جماعة زكر ربنا ده دواء عجيب والله - 00:49:32

دهاء عجيب لكل الابواب المغلقة. النبي صلى الله عليه وسلم يقول ورأيت في الحديس الزي كان يعظمه ابن تيمية في سنده ما قال ولكن كان يعظمه شيخ الاسلام ابن تيمية - 00:49:52

ورأيت رجلا من امتي يزحف على الصراط ويحبو احيانا ويتعلق احيانا فجاءته صلاته عليه فاقامته على قدميه وانقذت. يعني الصلاة على النبي عليه الصلاة والسلام بتناجي من الصراط. طيب هتلاقوا في الورقة لو صليت عليه مرة عليه الصلاة والسلام. ولو صليت عشر مرات طبعا تدركها - 00:50:02

ولو صليت مائة مرة يغفر لك ذنبك كله. ولو اكثرت من الصلاة عليه دائما. جبنا الحديس بتاع ابي بن كعب رضي الله عنه طيب اعظم ازكار الاستغفار. حد عارف اعظم ازكار الاستغفار هي ايه ؟ سيد الاستغفار اللهم انت ايه ؟ ربي لا اله الا انت خلقتني وانا - 00:50:22

عبدك وانا على عهدك ووعدك ما استطعت اعوذ بك من شر ما صنعت. اهو انت بقى تعالى عند اعوذ بك من شر ما صنعت وتبت بقى. ما هي دي هو سيد الاستغفار ليه ؟ اعوذ بك من شر ما صنعت. يا رب انت عارف واحد بيتقصف بالطيارات وهو بيقول يا رب نجني منها. اهي الطيارات دي عاقبة الذنوب - 00:50:42

بتاعك وانت بتقول يا رب اعوذ بك من شر ما صنعت. هو يعني ايه الاستغفار اصلا؟ من المغفر. المغفر ده الغطاء اللي بيحمي الراس من ضربات السيوف في الحرب. يعني - 00:51:02

الاستغفار ده بالزبط زي واحد اتشاكل مع ميت بلطجي. الميت بلطجي بيجروا وراه بالسيوف عايزين يقطعوه. قام داخل المسجد وقافل عليه. طول ما الباب مقفول مش عارفين يدخلوا له. الباب ده اللي هو ايه؟ الاستغفار. الباب ده اللي هو الاستغفار. والبلطجية اللي هم ايه؟ زنوبك هتقطعك. والاستغفار ده المغفر - 00:51:12

بيحميك من ضربات السيوف بتاعتهم. تيجي عند اعوذ بك من شر ما صنعت. يا رب انقزني يا رب. انقزني من الاسر الدنيوي للمعاصي بتاعتي والله اقدر استحمله. انقزني من اسر معصية عند الموت وفي القبر ويوم القيامة. اعوذ بك من شر ما صنعت. تقولها بكل زرة في كيانك. ابوء لك بنعمتك - 00:51:32

علي وابوء بذنبي فاغفر لي فانه لا يغفر الذنوب الا انت. طبعا يعني زي ما قلت لكم يا جماعة ممكن تقول استغفر الله العظيم واتوب اليه يعني لو انت قلبك مستريح في الحد انك تقول الحمد لله او احمدك واشكر فضلك العظيم يا رب. ما ده حمد يا جماعة. زكر الله. لو انت في التسبيحة - 00:51:52

بتقول سبحانك! ما اعظمك! سبحانك سبحان الله! انطلق! انطلق! ولكن ديت اعظم صيغ وردت في السنة في اه اه يعني طبعا في كنوز اخرى موجودة معكم. المقصد يا اخواني في الله ان بفضل ومنة الله سبحانه وتعالى الفكرة بتاعتنا ايه؟ ايه الفكرة بقى يا - 00:52:12

الفكرة دلوقتي ان احنا في ايام الزكر. وان احنا الوقتي بنحاول نخلي الايام دي دورة تربوية مكثفة في معاني الزكر. ازاي ان احنا ندمن الزكر. قلت لكم ان هدفنا السنة دي ان احنا بنذكر ربنا في العشر كتدرب ان نعيش الحياة كلها مع ذكر الله - 00:52:32

سبحانه وتعالى فلا توجد سعادة ولا لزة ولا امان ولا عطاءات ولا نفحات مسل ما يعطيها الله سبحانه وتعالى للذاكرين الله كثيرا والذاكرات الورقة يتوزع عليكم الوقتي يا ريت بقى يا اخوانا واخواتنا اللي معهم الورقة يا ريت يبدأوا يوزعوها بقى على آآ الاخوة فوق والاخوات تحت بازن الله سبحانه وتعالى. الورقة دي - 00:52:52

هتبقى منهج لنا يا جماعة. مش عايز مش عايزكم تنسوا. الحاجة الاولانية. الجمعة الجاية ان شاء الله هيبقى ايه؟ يوم عرفات. هيبقى فيه في المسجد هنا ايه ؟ ان شاء الله فطار جماعي طبعا مفتوح طبعا. المرة الجاية فطار جماعي للاخوة والاخوات. بازن الله سبحانه وتعالى مفتوح. ده يوم عرفات بقى. يعني - 00:53:12

ايه يعني يعني يا بخته اللي معه فلوس ويفطر الناس في هزا اليوم والله. ها هيبقى ان شاء الله احنا هنيجي هنا من من قيام الليل ان شاء الله يوم عرفات. زي كل يوم احنا كل - 00:53:32

كل يوم بنيجي هنا من قبل الفجر وبنقعد لحد قبل المغرب. بازن الله سبحانه وتعالى. يعني كتشجيع على الطاعة وعلى العبادة. يوميا بدي سلسلة الفجر اللي هي السلسلة اصول الوصول الى الله من سورة الحج يوميا بشرح صفحة من سورة الحج. صفحة واحدة في ربع ساعة. بازن الله وبعد كده بنعمل حلقات لتلاوة وحفز - 00:53:42

هزه الصورة بحيس ان احنا نخرج في الاخر بصورة كاملة من القرآن فهمناها تلاناها حفزناها جودناها. كمان والتجويد بتاعها العصر بدي سلسلة اسرار الزكر اللي الدرس ده تابع لها. سلسلة اسرار الزكر بنتكلم عن معاني الزكر ونفحات الذكر - 00:54:02

الله سبحانه وتعالى واحدة واحدة مع بعض. ان شاء الله بازن الله. الجمعة الجاية زي ما احنا هنتقابل. طبعا هيبقى الدرس الاساسي هو العصر. الدرس الاساسي يعني درس المغرب هيبقى العصر بازن الله سبحانه وتعالى. وآآ بعد كده ان شاء الله بازن الله هنفطر مع بعض ويبقى الكلمة الختامية بتاعة مازا بعد العشر - 00:54:22

وبعد كده ان شاء الله الشباب اللي عايزين ينزلوا جولات من اجل ان يقوموا المعاصي بتاعة ليلة العيد ينزلوا. واللي عايزين ينطلقوا لبيوتهم ينطلقوا. بازن الله. اخوانا واخواتنا على شبكة الانترنت. اخوانا الاخواتنا على على على الغرفة الصوتية. ان شاء الله بازن الله في ورشة بعد الدرس. ورشة عامة بعد الدرس - 00:54:42

مع دكتور محمد الشيخ دكتور محمد الشيخ ورشة عامة هتبقى لمدة تلات تيام. النهاردة بعد الدرس وبكرة وبعده. بازن الله سبحانه وتعالى بعنوان مشاريع العشر. ورشة مع دكتور محمد الشيخ هيجيب كتاب مشاريع العشر للشيخ محمد يعقوب. وهيشرحه على النت على الغرفة الصوتية - 00:55:02

موقع الطريق الى الله تلات ايام ورا بعض. فانا بقول لاخوانا واخواتنا على النت ان دي هتبقى ورشة مفتوحة لمدة تلات تيام نتعلم ان احنا نمسك كتاب نخلصه. ونحفز بقى عشر ذي الحجة بيتعمل فيها ايه ونطبق بازن الله سبحانه وتعالى مع دكتور محمد الشيخ الورشة العامة هتبدأ بعد الدرس بازن الله. ارجو ان الاخوة يعني برضو - 00:55:22

عليها جولة على النت وبرضو يتواصوا بها وبرضه يركزوا فيها كويس جدا جدا جدا. لان ده مستقبل يعني جزاه الله خيرا ان هو هيقعد معنا تلات ايام على النت عشان يفهم الناس كلها ايه الاعمال الصالحة اللي تتعمل في عشر ذي الحجة باذن الله سبحانه وتعالى. ربنا يسددكم ويبارك فيكم يا اخواني. الورقة - 00:55:42

ادي هنعمل فيها ايه ؟ ها؟ الورقة ديت شغلتك بقى. شغلتك تقعد تقرا. عايز تقول سبحان الله وبحمده الف مرة قل قل بقى على قد ما تقدر ده افكار مطلقة بازن الله. عايز تقول على قد ما تقدر. قلها ليل نهار. بحيس ان احنا بعد عشر زي الحجة نخرج تتقال. طب هات لي نسخة - 00:56:02

نسخة بحيس ان احنا نخرج بعد عشر زي الحجة بازن الله مع اه اه الورقة دي تتقال على الاقل مرة يوميا جلسة الضحى او خلافها تبقى الازكار ديت ان شاء الله محفوظة اسمها رحلة المليون. كنوز لا تعوض من فضائل ونوايا الازكار. بادئة بالصلاة على النبي صلى الله عليه وسلم. والدواير اللي حواليها ديت الفضائل - 00:56:22

التهليل والتالتة والتانية التهليل والتالتة التهليل لا اله الا الله وحده لا شريك له. والرابعة الحمد والخامسة الاستغفار التسبيح يعني اللهم لك الحمد على نعمة ربنا وعلى منة الله سبحانه وتعالى. ربنا كريم والله يا جماعة. عايزين ان شاء الله الورقة دي تبقى معنا بقى حصن كده في هزه - 00:56:42

في الايام نسأل الله سبحانه وتعالى ان يفتح علينا جميعا وان يفتح علينا في ذكره ليلا ونهارا ويجعلنا من الذاكرين الله كثيرا والذاكرات انه ولي ذلك والقادر عليه. سبحانك اللهم وبحمدك اشهد ان لا اله الا انت. استغفرك واتوب اليك - 00:57:02

- 00:57:22