اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك نبيك محمد صلى الله عليه وسلم. في الاولين والاخرين وفي كل وقت وحين. اما بعد مش عايز قبل ما ابدأ اقول لكم انا سعيد قد ايه وحاسس بالشرف والفخر. ان ربنا آآ معدني وسطكم - 00:00:00

واحنا بنتدارس كتاب الله وبنتكلم عن ربنا في بيئة ايمان في بيت ربنا آآ انا فرحان بكم جدا وآآ كل واحد منكم اغلى عندي من مليون مليون جنيه والله يا جماعة. يعني شف بعدد اللي في المسجد كده وكل واحد مكانه مليون جنيه ولا هو والله العزيم آآ يعني آآ انتم اغلى من الدنيا واللي فيها - 00:00:20

اه يعني انتم غاليين غاليين عند ربنا غاليين عند رسول الله صلى الله عليه وسلم. غاليين في الاسلام يعني خليك غالي بجد بقى. خليك غالي اصدق الله بجد. بص لمستقبلك في الدين هتبقى ايه؟ هل انت يعني نفسك انك انت تبقى داعي الى الله بكرة؟ هل انت عايز ربنا يستعملك ولا لأ؟ عندك طموح - 00:00:40

في الدين ولا لأ ؟ آآ بعت لربنا ولا لأ ؟ انا عايز ابدأ الوقت اكلمكم عن اخطر امضا هتمضيها في حياتك. اخطر عقد هتمضي عليه في حياتك يعني حد منكم اتجوز يا رجالة يرفع ايده كده؟ اه هو انتم بترفعوكم وخلاص ولا يعني مش عارف حاسس ان السن مش سن جواز يعني بس - 00:01:00

مش هعديها لكم يعني. اذكروا باقول حاجة كله رافع ايده الحمد لله. طيب اه حد منكم جرب ساعة لما بيمضي عند المأزون امضي ده يا منبي خلصت. يعني مش الاشهار السوري اللي بيبقى في المسجد. اه لأ في امضة كده بتمضيها قبلها بيومين بتبقى دي اللي - 00:01:20

خلصانة حد جرب الاستخارة الركعتين اللي قبل الامضاء دي بيبقى فعلا قلبك آآ مهزوز جدا ساعتها طبعا بعد كده بتحب مراتك جدا بقى وخلاص شوف الدنيا ولكن ساعتها بتبقى لسة مش عارف ما هياش عارفها اوي. يعني ففي امضاءات كتير في حياتك بتبقى خطيرة فعلا. خطيرة آآ - 00:01:40

ترتب عليها نتايج كبيرة ولكن العقد اللي انا هقول لك عليه ده ده اخطر امضة في حياتك كلها. لان العقد ده بينك وبين ربنا. سبحانه وتعالى. والعقد ده ما فيش فيه لعب - 00:02:00

والعقد ده اخطر عقد هيترتب عليه نتايج في دنيتك واخرتك. انا بصراحة كنت بقرأ الاية ديت يعني صحيت من النوم كده وبصلي من آآ يومين بقرأ الاية الاية وقفتني ما عرفتش اعدي الاية. يعني انا كنت متخيل بقى ان انا اقرأ كتير وداخل بقى ناوي ان انا ايه اقرأ كم في الركعة الاولى - 00:02:10

وكمل في الركعة التانية والله يا جماعة معرفة الاية ركعة اولى وركعة تانية. وخلصت الركعة التانية في الاية وركعت. آآ اه الجملة شدتني جدا اه ان الله اشترى من ايه السلعة اللي ربنا بيشتريها دي! يعني ان الله اشترى ايه! ما ربنا بيملك كل حاجة - 00:02:30

حاجة يعني انا بنزل اشتري ليه ؟ انا عندي يعني انا محتاج انما ان الله اشترى هو ربنا محتاج حاجة سبحانه وتعالى يعني ربنا بيملك كل شيء عن ربنا هو المالك وهو اللي بيشتري هنا سبحانه وتعالى. ان الله اشترى من المؤمنين. يعني خد بالك مش اي حاجة لها قيمة عند ربنا - 00:02:50

مؤمن دي لازم تكون شرط يعني النفس والمال بالنسبة لانسان مؤمن ما لهاش قيمة. يبقى عشان ربنا يرضى يشتريها منك لازم يكون فيه شرط جوة قلبك لازم يكون في ايمان صادق. ان الله اشترى من المؤمنين انفسهم واموالهم. بان لهم الجنة. وانا باقرأ الجملة كده انا باقرأها - 00:03:10

ايه بعديها بقى عشان السطر التاني فجأة حسيت ان انا وقفت فقعدت اكررها كده حاسس ان انا مش قادر استوعب ايه ده هتمضي ولا مش هتمضي هتمضي انت عارف انت بتمضي على ايه؟ انت بتمضي على ان نفسك بعتها للدعوة الى الله الى ان تموت. ما هو ان الله اشترى باية ايه؟ يقاتلون في سبيل الله - 00:03:30

ما هو الشراء مش اشتراه مش ان الله اشترى روح اقعد في الجامع. آآ انا اشتريتك رح بقى اقعد في بيتك. لأ انا اشتريتك انزل بقى جاهد في سبيل الله. انزل انصر - 00:03:50

فين ربنا؟ عارف يعني ايه اشترى من المؤمنين انفسهم واموالهم؟ انت لو مضيت على العقد ده لو مضيت على الاية دي يبقى انت كل حياتك بقت ملك للدعوة الى ان تموت. انت بقيت ملكية للدعوة بس. وربنا قال النفس قبل المال. يعني انا ما انساش آآ يعني حد - 00:04:00

من شيوخ التبليغ في مصر يعني فكانوا بيبنوا مجمع كبير فبقول له طيب ما تاخده ناس كتير عايزة تتبرع قال لي لا لا لا انا لا يمكن اخد مليم في - 00:04:20

المجمع ده الا من حد بيخرج في سبيل الله. مع التبليغ والدعوة. قلت له ليه؟ قال لي يجي لي بنفسه ولما بقى معي بنفسه بقى كل ما له بتاعي ما عدش تبرع وغير تبرع. فهو ييجي ولما يبقى هو ملك الدعوة بقى كل امواله ملك الدعوة. فان الله اشترى - 00:04:30

من المؤمنين انفسهم واموالهم. يعني انت بتمضي الوقتي على ان نفسك النفس دي يا جماعة النفس دي محل طموح. انت بتنام بالليل تغمض عينك تقعد ساعة تحلم احلم بانك اتجوزت اجمل واحدة في الدنيا. تحلم انك انت بقيت غني جدا. تحلم انك بقيت راجل اعمال وبتعقد صفقات قوية جدا. تحلم انك انت بتسافر في العالم وآآ الدنيا كلها - 00:04:50

مفتوح قدامك تحلم انك بقيت عزيم تحلم هو ايه اللي شغال هنا؟ اللي شغال هنا نفسيتك. احلام اليقظة بتكشف لك نفسيتك نفسها في الدنيا قد ايه وهتموت على شهواتها ورغباتها قد ايه. بتكشف لك ده. فاول حاجة ربنا اشتراها نفسك. يعني يا رب يعني حتى رغباتك بقت في الدعوة - 00:05:10

الله! يعني ربنا اشترى منك افراحك واحزانك. اشترى منك مشاعرك. ان مشاعرك النفسية. ورغباتك النفسية. ربنا اشترى انك طموحك ربنا اشترى منك اهدافك. ربنا اشترى منك نيتك. ان الله اشترى من المؤمنين انفسهم. يعني انا لا لا انا مش هقول لك - 00:05:30

اولا انا اشتريت وقتك واشتريت فلوسك. واشتريت مواهبك. لا لا لا تعال. نفسك الاول. محل الرغبة اللي جواك الاول. زاتك كيانك اهل دواياك خططك للمستقبل طموحاتك كل ده تبيعه للدعوة الى الله - 00:05:50

ان انت بقيت بتاع دعوة ربنا تمضي انك بقيت ملك لدعوة ربنا تمضي انك هتسخر كل امكانيات نفسك في ده ربنا تمضي انك هتعيش في السبيل ده وتموت فيه واموالهم. اموالهم ما لي اي ما هو لي. ايه ما لك؟ ما لك مش فلوس - 00:06:10

ده وهبك ده دي حاجة من مالك. آآ امكانياتك مركزك لو انت اتعينت في جامعة. لو انت اتعينت في مركز. لو انت اه ربنا مكنك في مكان وبقيت انت كل ده مالك؟ كل ده المال بتاعك واموالهم وكل ما تملك وكل امكانياتك وكل - 00:06:30

وهبك وافكارك وابداعك ولسانك الجميل ده. اللي ما شاء الله بتعرف بتعرف به تدهن الهواء دوكو. وبتعرف تقنع اي حد باي قضية وشخصيتك الكارزمية وحب الناس لك. والكرسي اللي ربنا اداه لك والفلوس وتجارتك ومركزك وسلطتك - 00:06:50

اشتروا منك كل حاجة. ربنا ما سابلكش حاجة. قال طب انا قبلها كنت ايه؟ كنت قبلها عبد برده. الله! يعني انا كنت قبلها عبد؟ اه كنت عبده غصب عنك. بعدها لقيت عبد بمزاجك - 00:07:10

وقبلها كنت عبد متمرد. بعدها بقيت عبد مسخر كل امكانياته عشان دعوة سيده. عشان دين سيده حاجة شرف يا جماعة تمضي. مين يمضي على العقد ده؟ مين يمضي ان هو وكل ما يملك هو وولاده هو - 00:07:20

ثنيته بقى ملك للدعوة الى الله. ان الله اشترى. الله! بس مش من اي حد يعني. طب يا رب انا بقيت ملك للدعوة. لا تعال انت مؤمن ولا ما انتش مؤمن - 00:07:40

الله! يعني كمان في شروط في شروط طرف انت بتاخد ايه؟ بان لهم الجنة. انت عارف انت هتاخد ايه؟ انت عارف انت آآ الليلة الايمانية اللي فاتت كنا بنتكلم عن اغلى - 00:07:50

في التاريخ وقلنا ان اي كمبوند تتفرج عليه لما كلمتكم عن الكلب اللي حب الكلبة في اعلان الكمباوند حد كان في الليلة اليونانية اللي فاتت يرفع ايده كده اه والله العزيم بصوا يرفع ايده تاني يرفع ايده لله الايمانية تاني. يا جماعة انا عايز اقول لكم يا جماعة قلت لكم اللي بيكمل قليل والله. يعني دي ليلة ايمانية ودي - 00:08:00

ودي المسجد مليان فيها ودي المسجد مليان فيها. ونسبة تمانين في المية اختلاف في الحضور. مين اللي بيكمل؟ مين اللي بعد رمضان؟ لسه هنفضل دول قاعدين مع بعض. مين اللي بيواصل؟ انا لما التزمت من حوالي تلاتين سنة كان عدد الملتزمين لا تتخيلوه. يعني سبعين - 00:08:20

مسلا عدد الملتزمين الوقتي. كانت الدنيا كلها متدينة. معظم الدنيا متدينة. اللي مستمرين على الالتزام من يومها لحد دلوقتي هم اللي بقوا دعاة بس كل الباقي راحوا. راحوا فين والله ما اعرف. اختفوا فين ؟ والله ما اعرف. اختفوا امتى ؟ والله ما حسيت بحد منهم. انا بعد تلاتين سنة بس لو - 00:08:40

كده ايه ده! ده ما فيش غير دكتور عبدالرحمن الصاوي والدكتور غير رمضان اللي هو موضوع اصلا. كنت بقول لواحد يا ابني كمل. كمل مهما كان التمن. اللي بيكمل بيبقى داعي - 00:09:00

اللي بيستمر في الطريق ده ربنا بيستعمله بازن الله سبحانه وتعالى. فمين اللي بيكمل؟ فالمرة اللي فاتت كنت باكلمكم عن اغلى كومباوند في التاريخ. لما قلت لكم قناة الكمبوندات يحسسك بقى ان كل حاجة هنا جايب لك بقى فيلا ما حصلتش ودوبلكس ما حصلش والكلبة بتاعتك هتحب الكلب بتاعها جارك ولا جارتك ولا - 00:09:10

اي حاجة والدنيا هتبقى ايه هتبقى احلام ويقول لك بقى كومباوند الاحلام وعامل لك سوبر ماركت وعامل لك نادي وعامل لك مساحة وفي الاخر طبعا الكلام ده تسعة وتسعين في المية منه بيبقى نصب يعني - 00:09:30

يعني ادري لما بيبقى بحق وحقيقي. فتخيل بقى اعلامكم داوند بيكلمك عن التراب اللي انت هتمشي عليه. انت هتمشي على التراب احجار كريمة. التراب بيبخ مسك وعنبر فيهما عينان نضاختان اي بالمسك والعنبر. كل حاجة بتبخ برفانات في الجنة الكمبوند بيكلمك على - 00:09:40

اللي اتبنى منه المبادئ طوب من دهب. الله! امال الدهب اللي انت لابسه اللي زوجتك لابساه في الجنة! عيار كم بقى! ازا كان التوب نفسه دهب وازا كان ساقي الشجر دهب - 00:10:00

بقول لك انت متخيل يعني سبحان الله العزيم لما ربنا بيقول بشر الزين امنوا وعملوا الصالحات لان لهم جنات. آآ فربنا بيركب جنة فيها فاكهة وفيها اصول. على فكرة انت بتدخل الجنة آآ ما فيش ولا حاجة فيها هتعرفها الا لما عرفها لهم الا لما ربنا يعرفها لك. انت متخيل - 00:10:10

الجنة فيها قصور بس انت متخيل ان القصور اللي في اللي في الجبل دي انت ما انتش عارف شكلها اصلا. النبي لما شاف اسره في الجنة ما عرفش ان ده قصر اصلا عليه الصلاة والسلام. يعني في - 00:10:30

في بعض الاحاديس النبي عليه الصلاة والسلام بيوصف ان واحد بيدخل الجنة يشوف خادم من خدمه يحسبه ربنا ويسجد له. حديس ثابت عن النبي عليه الصلاة والسلام. يحسبه ربنا انت متخيل ان ما فيش حاجة شبه الحاجة. هو التشابه في الاسماء بس. يعني دي فاكهة ودي فاكهة انما لا علاقة لا بالوان ولا باشكال. ولا بطعوم ولا اي - 00:10:40

ده بيت وده بيت انما هو الاسم بس. دي خيمة ودي خيمة. ده قصر وده قصر. وده شجرة وده شجرة. ده الحان وده الحان. دي الوان ودي الوان ولكن لا علاقة. دي - 00:11:00

نساء ودين ولكن لا علاقة على الاطلاق. بان لهم الجنة. ربنا يديك اغلى حاجة في الوجود. الا ان سلعة الله غالية. ربنا الاية دي نازلة امتى يا اخوانا؟ الاية دي اول اية نزلت في سورة الاية دي لا مش اول اية. دي تاني اية نازلة في سورة التوبة. اول - 00:11:10

نزلت في سورة التوبة اللي هي الاية اللي نزلت بعد موت آآ آآ ابو طالب وما كان استغفار ابراهيم لابيه الا عن موعده. دي نازلة في عام الحزن. دي اول اية نازلة في سورة - 00:11:30

بعد ما مات ابو طالب. فلما تبين له انه ايه؟ عدو لله تبرأ منه. يعني ايه تبين له انه عدو لله؟ لما مات آآ ابو ابراهيم على الكفر. يعني ما تبينلوش يعني ايه؟ فلما تبين له انه عدو لله تبرأ منه. يعني شافه بقى كافر قوي وبيدافع عن الكفر وبيدعو - 00:11:40

او الى الكفر فشاف المعلومة لا لا لا لا لم يتبين له انه عدو الا الا بموته على الكفر. يعني انت ما تعرفش انت ما تعرفش مين اللي حلو ومين - 00:12:00

الوحش كان واحد آآ آآ هشام حضر درس لحد من الدعاء كده فاتأسر جدا هو شاب اعلامي بقى وهو شغال في القاهرة. فهل انا انا عايز اتوب بس انا مش ممكن - 00:12:10

يمكن البنت اللي اعرفها تسيب متهوب ده ما بتسبنيش ده بتطاردني. فواحد قال له طب ما تجيبها الدرس. قال له تجيب مين يا عم انت بتتكلم في ايه؟ دي بتوع - 00:12:20

ولا بتاع ربنا ولا لهم في القصة دي؟ قال له بس هات الدرس. جابها الدرس للمرة اللي بعدها تابت وانتقبت وسابته حبيبي انت ما تعرفش فلما تبين له انه عدو لنبي الموت تبرأ بان خلاص مات على الكفر - 00:12:30

ربنا ينزل الاية دي للنبي بعد موت ابو طالب. بيقول له لأ ده عدو لله. ده اكتر واحد شاف صيامك وقيامك. واكتر واحد نيمك في سريره وشاف في الدعوة وصدقك ودعاءك وبكاءك طول الليل. ده ده ابعد واحد عن الدين اصلا. والعياذ بالله لانه اكتر واحد شاف حقيقتك وصدقك طول عمر - 00:12:50

عمرك وبعد كده كافر بك ومات كافر بك. والعياذ بالله نسأل الله حسن الخاتمة. الاية التانية اللي نازلة في سورة التوبة ان الله اشترى من المؤمنين انفسهم واموالهم. بان لهم الجنة - 00:13:10

نزلت بعد بيعة العقبة التانية بعد بيعة الرجال. لما رضوا ان هم يضيعوا النبي عليه الصلاة والسلام فالانصار قالوا له يا رسول الله احنا هنبيع كل حاجة في حياتنا. احنا عشان الدعوة - 00:13:20

احنا هنبايعك هنحط ايدنا في ايدك وهننصر الاسلام وهنسخر امكانياتنا في المدينة واموالنا وولادنا وزوجاتنا للدعوة الى الله اسرة دين الله بس ايه اللي لنا بقى؟ هتدينا ايه في الاخر؟ عارفين انتم بنو عامر لما قالوا له النبي عليه الصلاة والسلام قبلهم ارأيت ان تبعناك على امر - 00:13:30

ثم اظهرك الله ايكون لنا الامر من بعدك؟ احنا هنبقى رقم اتنين خد بالك محمد ابن عبدالله بن عمر رقم اتنين يعني لو انت مت احنا الخلفاء واخد بالك فالنبي عليه الصلاة والسلام قال الجنة ما فيهوش اي حاجة تانية. انت جاي عشان الجنة بس. فقالوا له انهدف نحورنا للعرب دونك - 00:13:50

ثم يأخذها من بعدك غيرنا. انت بتقول ايه؟ ها هنوقف في وش الدنيا كلها عشان الدين ونصبة الاسلام ونشر الاسلام. وبعد كده في الاخر اي حد غيرنا ياخدها ما رضوش يسلموا. يا نبقى رقم اتنين يا لأ يا يبقى لي موقع ولي كلمة والنفس بقى لما تزل البني ادمين. النفس والعياز بالله - 00:14:10

فالانصار سألوا نفس السؤال احنا هناخد ايه ؟ فالنبي عليه الصلاة والسلام قال لهم الجنة ما لكوش اي حاجة تانية. طب وهم ما خدوش حاجة تانية ؟ خدوه كتير اوي. خدوا - 00:14:30

الدنيا وخدوا خلافة الله في الارض وخدوا ملك البلاد وخدوا غنائم ما لهاش حصر. خدوا كل حاجة ما فيش نعيم في الدنيا ربنا ما ادهلهمش نوم الجنة ليه؟ ما ينفعش تبقى داخل الطريق انت عايز حاجة تانية. لازم قلبك ومشاعرك كلها تبقى عايشة مع ان تمن قعدتك دلوقتي هو الجنة - 00:14:40

تمن حفزك للقرآن هو الجنة. تمن جهدك في شعبان عشان ترفع الصحيفة الى الله الطاهرة والجنة. تمن جهدك في رمضان واعتكاف العشر الاواخر الجنة تمن سعيك انك تروح عمرة في العشر الاواخر من رمضان. تصرف فيها اللي وراك اللي قدامك هو الجنة. تمن تمن مجاهدتك في التربية وطلب العلم - 00:15:00

والمعاهد التربوية هو الجنة. تمن انك تتكلم عن ربنا في كل مكان. وتدعو الى الله في كل مكان. هو الجنة. انا مش عايز غير الجنة يا رب. الجنة. هي دي اللي - 00:15:20

هي مشاعرك ساعتها ربنا يديك دي جنة الدنيا والاخرة. ان الله اشترى من المؤمنين انفسهم واموالهم بان لهم الجنة. الله اكبر لا نقيل ولا نستقيل كلمة الانصار خلاص احنا موافقين لا نقيل ولا نستقيل لا لا هنقبل لا هنبيع سيبها ولا هنقبل انك في يوم من الايام تسيبنا - 00:15:30

احنا خلاص احنا موافقين على هزا ومضى الانصار. وربنا نزل الاية دي عشان يقول لكل مؤمن بعدها. هتمضي ولا مش هتمضي؟ يعني ايه هتنزل عمرك للدعوة الى الله؟ هيبقى كل احلامك انك بكرة ربنا يستعملك على صغر من سور الدعوة ولا لأ ؟ الطموح من اعظم - 00:15:50

اسباب السبات من اعزم اسباب السبات على الالتزام ان يبقى لك هدف من ورا الالتزام. ان مش مجرد التزمت وخلاص. معزم اللي بينتكسوا اما تيجي تتكلم لا ما كنش له اي هدف. هو التزم انما هو ما كانش عنده طموح ان ربنا يستعمله في الدعوة. اللي ربنا اللي ربنا ادى له الطموح ده الطموح ده بيسبته - 00:16:10

تخليه يستحمل حاجات كتير جدا لانه عنده هدف. يا رب انا عايز يا رب تستعملني في يوم من الايام. انا ما فيش احنا واحنا طلبة في الكلية كان الواحد بيفكر كده انا لو ربنا - 00:16:30

ما استعملنيش في الدعوة انا ما فيش قيمة لحياتي اصلا. يروح اللي يروح ويجي اللي ييجي. يعني كان واحد استاز عندنا في الكلية واحد صاحبي وهو برضو بقى من الدعاء اللي هم في - 00:16:40

فكان بيقول لي ان استاذ فلان ده الدكتور فلان ده كان بيحب بنت في الجامعة. قال لي على فكرة ده اكيد من الاول ما اتجوزش. قلت له ما تجوزش ليه؟ قال لي كان بيحب بنت في دفعته واتجوزت واحد غيري - 00:16:50

فقرر ان هو ايه ما عدش فساعتها اللي جه في قلبي ساعتها قلت هو ده الصدق. هو ده نفس احساس اللي عايز ربنا يستعمله في الدعوة فلو الدعوة ما جتش ما فيش ايما للدنيا. جا لي مليون جنيه. ولا هتساوي شلة. بقيت رئيس ولا لها لازمة اصلا. انت يا عيني - 00:17:00

انت يا ابني لو لم يستعملك الله في الدعوة فما قيمة الحياة؟ ولا تساوي اي حاجة زي ما النبي عليه الصلاة والسلام قال لربنا ولا ينفع ذا الجد منك الجد يعني ايه - 00:17:20

انت منك اي بدلا عنك. لا ينفع ذا الجد ذا الجد اي صاحب المال. وصاحب المركز وصاحب السلطة وصاحب الحظ اللي ربنا ادى له حظ كبير قوي في الدنيا. لا ينفع - 00:17:30

اذا الجد اي صاحب الاموال العظيمة والحظ العظيم من الدنيا والجمال واتجوز ملكة جمال العلم. وسكن في ارقى حتة لا ينفع. صاحب كل ده منك اي بدلا عنك الجد. يعني ما فيش حاجة بدلك يا رب. ما فيش حاجة هتعوض انك انت تبقى في حياتي يا رب - 00:17:40

ما فيش بديل عن ربنا. الوحيد اللي ما فيش بديل عنه في الحياة هو ربنا. عشان كده الانسان اللي يعرف كده فعلا يتلهف على باب الله. ثم الله اشترى من - 00:18:00

مؤمنين يبقى خد بالك بقى انا انا انا بعت ربنا يرضى يشتري ولا لأ ؟ قال لها طب ما ربنا يشتري من مين ؟ اداك كده شرط وبعد كده فصله في الاية اللي بعدها من - 00:18:10

ربنا في الاية اللي بعدها بيقول التائبون العابدون الحامدون. دي بقى الشروط بتاعة البيعة. يعني مش اي مؤمن كده مش اي حد كده آآ عايز تنجح في البيع دي عايز تتقبل في الباعة دي ما انت هتاخد الجنة. هتاخد جنة الدنيا والاخرة. انت هتبقى من رجالة ربنا في الارض - 00:18:20

انت هتتعامل يوم القيامة معاملة ملكية. تحيتهم يوم يلقون سلام. يوم القيامة ان ستلقى الله لقاء خاص دون باقي البشر لانك عشت لان كل الناس عاشوا عشان ولادهم وده عايش عشان مراته وده عاش عشان مركزه وده عاش عشان فلوسه وده عشان وانت عشت عشان الله - 00:18:40

كل الناس كان هدفها في الكلام ان يعلو زكرها عند الناس وانت كنت بتتكلم عشان يعلو مقام الله. في قلوب الناس انت كنت عايش عشانه. انت بتتعامل في يوم معاملة تانية غير البشر كلهم. وبتتعامل في الجنة معاملة تانية. زي ما ربنا بعد مؤمن قال ياسين بعد اربعة دعاة ميدانيين ضحوا بحياتهم عشان - 00:19:00

الدعوة في سورة ياسين اذ جاءها المرسلون تلاتة. سيدنا عيسى ارسل تلاتة يدعو الى الله في بلد ان تقي. يعني الله اعلم يعني على حسب قول المفسرين ابن البلد يعني. وجاء من اقصى المدينة رجل يسعد حبيب النجار. اربعة دعاة ميدانيين نزلوا بلد. قعدوا يشتغلوا فيها. ففيه اتنين منهم - 00:19:20

بيقعدوا يكلموا الناس عن الدين ده اللي هو از ارسلنا اليهم اسنين. بعد كده ربنا قال فعززنا ايه؟ بسالس. سالس دي بكرة. سالس دي نكرة للتعظيم. وفي قراءة عشوية فعززنا اي غلبنا وظهرنا. يعني التالت ده بالزات. ده كان ده علم على الناس كلها. حتى اللي ما اتبعوش - 00:19:40

القابوا الحجة. طب والتالت ده كان مين؟ التالت ده بيقول لك كان بطرس. بطرس اللي هو سمعان. اللي هو آآ اللي هو يعادل ابو بكر الصديق عندنا يعادل ابو بكر الصديق عندنا في الاسلام. ده اكبر تلميز لسيدنا عيسى. وبعض المفسرين قالوا ان ده مزكور في سورة ال عمران. لانه من اراد - 00:20:00

سيدنا عيسى من الاقارب بتوع سيدنا عيسى والسيدة مريم. فقالوا ان ده من ال عمران اصلا. فقالوا ان اسمه يتضمن يعني يعني آآ يعني هزا الرجل يعني ده كان اكبر تلميز عند سيدنا عيسى عليه الصلاة والسلام. فقال لك ده اول ما نزل بقى يشتغل في الدعوة ما عملش زي الباقيين. ما نزلش قام لامي من الناس وقعدوا يتكلموا مع ربنا. امال عمل ايه - 00:20:20

قال لك بدأ يصاحب الناس الاول. وبدأ يتعرف على الناس وبدأ يدخل في دم الناس. داعية ميداني بقى. ها؟ له اصحاب يدعون. الاول صاحبهم وبعد كده دعاهم فلما جه يكلم الناس بقى قبول الناس له غير قبول الناس للي قبله. وحبيب النجار نزل عمل جولة خد الجنة بجولة واحدة. واحدة حبيبي - 00:20:40

اللي قيل ادخل الجنة قال يا ليت قومي يعلمون. ما عملش في الدعوة في حياته غير جولة واحدة. الجولة دي دخل بها الفردوس الاعلى وخلد في القرآن به. الجولة ده ايه بقى - 00:21:00

ليه؟ هي جولة بس كان جاهز لما جت. انت جاهز للاستعمال؟ لو ربنا استعملك الوقتي انت جاهز؟ القصة مش الاستعمال الاستعمال هيجي لك فرصه كتير بس انت جاهز انت مش جاهز؟ انت مبني ولا مش مبني؟ انت صادق ولا مش صادق؟ انت قلبك ملحوف على ان ربنا يستعملك ولا لأ ؟ انت بتتبنى وبتتأسس وبتحفظ - 00:21:10

قرآن ولا لا؟ موضوع موضوع حكميات يا جماعة الموضوع سنن. الموضوع واضح وبسيط ما فيش فيه ما فيش فيه لف ودوران يا جماعة انت في فرصة يا تلحق تقنصها يا ما تقنصهاش. فربنا بعد ما اتكلم عن الاربع دعاة الميدانيين دول ربنا قال ايه؟ في صحية الجنة بقى ان اصحاب الجنة بس نفس السورة - 00:21:30

في شغل فاكه هو كان مشغول في الدعوة في الدنيا. النهاردة بقى مشغول في الايه؟ بقى مشغول في النعيم. هم وازواجهم ما كانش عنده وقت. ما كانش عنده وقت انه - 00:21:50

هو يعيش اللحظات الحلوة دي مع زوجته. في الجنة هم ازواجهم في ظلال. زلال عارفين القعدات الرومانسية؟ عارفين الشباب بقى الشباب اللي متكحرت قوي لما فبقى يكتب كتابه كده ويعمل قعدة كده في مطاعم غريبة كده وتلاقي وتلاقي المطعم في صحراء وياخدوك بعربية - 00:22:00

مش عارفين الكلام ده؟ عارفين المطعم اللي بيدور المطعم كله بيدور وانت قاعد فيه ومش عارف الترابيزة المهم في حاجات غريبة كده يا جماعة يعني يعني في واحد يقول لك انا رايح - 00:22:20

لخطيبتي وبلف لفة الهدية بس كلفته حواليها الف جنيه. ده اللفة مش الهدية نفسها يعني. ففي ناس فنانة كده انه يعيش لحزات حلوة. مع شريكة سيادته ايه مع مراته معه في ناس فنانة انها تعيش لحزات حلوة. اللي اتشغل في الدعوة في احيان كتير بيبقى ما عندوش وقت للحزات دي. ما عندوش وقت فعلا وهو - 00:22:30

هو كل تفكيره عشان الدعوة فاول حاجة هم ازواجهم. في ظلال الله شف بقى الجو بال. الرومانسي الريب على الارائك متكئون الاريكة اللي هي كوشة الفرح في اللغة. يعني ده عريس كل يوم. ده في فرح كل يوم. لان هو ياما فرح الناس بالدعوة الى الله. لان حياة الناس - 00:22:50

في الضنك وشقاء واكتئاب وهي بعيدة عن ربنا. اما عرف الناس ربنا وعرف الناس العبادة والدعاء. الناس عاشت سعيدة بسببه. في ظلال الارائك متكئون لهم فيها فاكهة ولهم ما يدعون احلامك. احلم انت بس. اتخيل كده تلاقي الخيال واقع قدامك - 00:23:10

ليه؟ لانك كنت بتحقق احلام الدين في الارض. يا ابني انت غير. يا ابني اللي عاش عشان الدعوة الى الله ده حاجة غير كل البشر. اللي عاش عشان دين دينا ورسالة ربنا وان تكون كلمة الله هي العليا ده انسان بيتعامل في الجنة ويوم القيامة وفي القبر معاملة غير الدنيا كلها - 00:23:30

سلام قولا من رب رحيم. سلام قولا ده ده بيتكلم مع ربنا مباشرة. ده مش من خلال ملايكة بيبعت ربنا بيرسل له السلام من خلال ملك ده بيتكلم عن ربنا مباشرة. يعني بيرفع ارفع السماعة كده واقوم مكلم رئيس رئيس دولة ولا ملك من الملوك. ايوة يا يا فلان اعمل لي كزا نجاة انت - 00:23:50

بتتكلم مع مين يا عم! انت بتتكلم بجد! اه والله. بجد ازاي بقى! لانه اتكلم عن ربنا طول حياته. لانه عاش حياته يتكلم عن الله. ويصل قلوب الخلق بالله سبحانه وتعالى. فدا ربنا بيعامله معاملة تانية. بصوا يا اخواني احنا واخدين فرصة بسيطة في الدنيا دي. يا تلحقها يا ما تلحقهاش. يا تدركها - 00:24:10

لا ما تدركهاش انت انت واخد فرصة بسيطة في الدنيا وشوية وهتنزل تحت التراب عملت ايه في الدنيا بتاعتك بقى؟ ايه اللي انت عملته في هزه الدنيا؟ عارفين اللي سافر - 00:24:30

العقد عمل وبعد كده قعد بقى النهاردة يروح ماتش وبكرة يلعب وبعده يعمل انت بتعمل ايه؟ آآ ففي الاخر لما يرجع فمراته تقول له فين الفلوس يا عم اللي هنسد بقى ديون - 00:24:40

يقول لها ما عييش. يا راجل ده انت بقى لك عشر سنين في الكويت. ابنه يقول له فين يا بابا الفلوس اللي هتجيب بها بيت وتبني عشان يبقى لها شقة اتجوز فيها؟ قال له يا ابني ما عييش والله. يا ابني والمصحف - 00:24:50

عبد الله راجع مديون نقول له مديون ايه يا راجل انت حرام عليك. ده انت بقى لك عشر سنين ملطمنا في غربتك في الكويت. بيته تقول له فين الفلوس يا بابا اللي هتجهز بها؟ خطيبي هيسيبني يا بابا - 00:25:00

اهو اتفضح قدامه ويقول لها يا بنتي والمصحف ما معنا الليم يا بنت ولا حيلتي حاجة. تقول له حرام عليك يا راجل! حرام عليك عشر سنين غربة في الكويت وجاي معكش ولا - 00:25:10

ده يبقى احساسك! امال انت كنت بتعمل ايه! ده انا كنت بلعب في الكويت. يا راجل! ده احساس واحد نزل تحت التراب! وفين الصحف بقى! وفين حسنات حسنات ايه! ده انا كنت غافل. ده انا كنت فين الصيام والقيام؟ انت خدت اربعين خمسين سنة بعد البلوغ تعمل فيهم اعمال صالحة. نازل مديون - 00:25:20

انزل بزنوب نازل بكبائر. انت كنت بتعمل ايه ؟ انتم عارفين لما خلقت الجن والانس الا ليعبدون. انتم بتعملوا ايه ؟ هو انا جايبكم هنا عشان انا جايبكم هنا عشان تسيبوا كل حاجة وتنشغلوا في فيما خلق من اجلكم اللي انا كده كده ضامنه لكم اصلا وتسيبوا ما خلقتكم من اجل - 00:25:40

فبتبقى صدمات انت عندك ربنا اداك عمر استسمرو صح بقى. ما تسيبش حد يغفلك ما تسيبش حد يضيع لك عمرك. وربنا نجيب المواسم اللي احنا فيها دي شعبان ورمضان عشان نستيقظ يا اخواننا. ان الله اشترى من المؤمنين المؤمنين دول يا رباه صفاتهم ايه؟ التائبون - 00:26:00

العابدون الحامدون تائب يعني فيه زنب وبيستغفر. حامد يعني فيه نعمة وبيشكر ما بينهم عابد. يبقى ابوء لك بنعمتك علي بالحامد وابوء بزنبي ده التائب. يبقى واحد ما بين الخوف والرجاء ما بيحب ربنا وخايف من ربنا. شايف زنوبه وشايف نعم ربنا عليه - 00:26:20

وما بينهم عابد. يبقى رؤيته لزنوبه ولنعم ربنا عليه ادت انه يجتهد في العبادة. السائحون السياحة دي التدبر في الخلق. والسياحة دي الصيام لانها سياحة النفس. والسياحة دي طلب العلم. الراكعون الساجدون انسان مجتهد في الصلاة. عنده علاقة مع ربنا. وربنا ما قالش المصلون. قالوا - 00:26:40

لانه له حال مع الله في الركوع وله حال مع الله في السجود. الركوع ده فعظموا فيه الرب. عايش مع الثناء على الله. عايش مع ابداع كابداع الله في السماوات والارض. السجود عايش مع فقره الى الله. عايش مع احتياجه الى الله. وعلو الله فده حال قلبه - 00:27:00

انتحال قلبك في ركوع غير حال قلبك في السجود؟ انت مودك في الركوع غير مودك في السجود؟ الراكعون ساجد ربنا ما قالش المصلون لان الصلاة دي كل حتة في الصلاة لها لها جو نفسي وقلبي غير التاني. الامرون بالمعروف والناهون عن المنكر. والحافظون لحدود الله ده انسان - 00:27:20

مشغول بالدين. انسان ما ما فيش واحد هيضحي بروحه كده فجأة يا جماعة. واحد يقول لك ايه لو جه جاهد؟ اه ده انا بامارة ايه ؟ هو اللي مش شغال في الدعوة وبيبعها - 00:27:40

عشان دعوة ربنا ده لما يجي جهاد في سبيل الله هيدخل ده يهرب. لان هو هربان دلوقتي من الدعوة. فانت لازم من الوقت الامرون بالمعروف والنهون عن المنكر والحافظون لحدود الله ما يسبش حدود ربنا تتكسر. انسان مشغول بالدعوة وبشر المؤمنين. المؤمنين دول مين؟ اللي كانوا في الاول ان الله يشترى من المؤمنين - 00:27:50

يبقى يبقى بشرهم ايه؟ ان الله قبلهم. ان الله سيقبلهم ان انت مقبول عند الله. ان انت لو مضيت بما قبل منك المضاعفين يعني مسلا لما بتيجي تعمل تأشيرة للسعودية مسلا عشان تعمل عمرة ولا حج فيقول لك هات لي ورقة كزا وورقة كزا وصدق لي الورقة دي من الخارجية - 00:28:10

اكتب لي الورقة دي مش عارف منين واعمل لي ايه وتقوم رايح مقدمها بقى في التساهيل اللي هي بتاعة اللي بتروح للسفارة السعودية وتقعد بقى حاطط ايدك على قلبك يا رب يا رب التأشيرة تيجي يا رب - 00:28:30

يا رب يا رب عايز اعمل عمرة يا رب عايز اعمل حج فانت مش معنى انك مضيت وقدمت الورق ان حضرتك اتقبلت ده لسة انا عايز حد بقى يبشرني ان انا اتقبلت وابشر المؤمنين - 00:28:40

يبقى لو دي صفاتك ربنا اشترى. ربنا اشترى بس هل انت بعت؟ هل انت فعلا تقدر تنزل عمرك لدعوة ربنا؟ ولا انت شايف ان ده كتير على ربنا. ولا شايف ان ده كتير على الاسلام؟ ولا آآ لأ كفاية على ربنا كده. كفاية على ربنا - 00:28:50

الصلاة اللي بصليها كفاية على ربنا يعني في رمضان ابقى اقرأ القرآن شوية ايه اللي في قلبك تجاه ربنا؟ حاسس بايه؟ تقدر تنزل عمرك وتبقى كلك لله سبحانه وتعالى ولا انت قلبك مش جايبك على دي؟ مش جايبك على انك انت تعمل كده. اية بتحطك قدام نفسك بجد - 00:29:10

وبتخليك تفكر في حقيقتك قدام نفسك بجد. زي ما ربنا سبحانه وتعالى يقول الف لام ميم احسب الناس ان يتركوا ان يقولوا منا وهم لا يفتنون انت فاكر ان انت انت عايز تاخد دكتوراة من غير امتحانات ازاي يا ابني انت دماغك وصلتك لكده ازاي؟ انت مش هتاخد شهادة دكتوراة انت هتاخد آآ - 00:29:30

فردوس اعلى من غير امتحانات! عارفين الراجل اللي جه يبايع النبي عليه الصلاة والسلام؟ فقال ابايعك على الاسلام. الا على الجهاد والصدقة فالنبي عليه الصلاة والسلام قال شايل ايده. قال له لا جهاد ولا صدقة. فبما تدخل الجنة؟ انت انت بتفكر ازاي؟ لا عايز اضحي بنفسي - 00:29:50

ولا عايز اضحي بمالي. ان الله اشترى من المؤمنين ايه؟ انفسهم واموالهم. فقال له بص انا هبايعك على كل حاجة الا ان انا اضحي بنفسي وضحي المالي قال له لا جهاد ولا صدقة فبما تدخل الجنة؟ واحد تاني جه يبايع النبي قال له انا مش هقدر اصلي الفروض الخمسة والحديس - 00:30:10

عن النبي عليه الصلاة والسلام قال له انا هصلي فرضين بس. النبي عليه الصلاة والسلام عمل معه ايه؟ عمل معه ايه؟ قبل. النبي صلى الله عليه وسلم قبل منه. الراجل طبعا واحد - 00:30:30

يقول لك اه يبقى كافر والعياز بالله ويروح يترمي في جهنم ولا ركعتين ولا اما جه صلى الخمسة. يعني اما جه خلاص ربنا يشرح صدره الاول بقى يقول لك ايه - 00:30:40

اتنين بس انما انما اللي جه قال للنبي عليه الصلاة والسلام لا هابيع نفسي ولا هابيع مالي النبي عليه الصلاة والسلام قال له فبما تدخل الجنة؟ ما فيش دين من غير تضحية. انت - 00:30:50

قيمتك عند ربنا على قد انت هتضحي عشان ربنا بايه؟ انت انت ربنا الصدق في ان ربنا غالي عندك على قد انت بترضاه عنده هتضحي عشان ربنا بايه الف لام ميم احسب الناس ان يتركوا ان يقولوا امنا وهم لا يفتنون! مش عايز امتحانات خالص! مش عايز تضحي بحاجة! مش عايز تقدم حاجة! ولقد فتنا الذين من - 00:31:00

قبلهم فليعلمن الله الذين صدقوا وليعلمن الكاذبين. طب هو ربنا مش عارف يعني؟ يعني ربنا هيعلم الصادق ويعلم لا اللهم لا يعلق كلمة فلا يعلمن على علمه بخبيئتك. وانما يعلقها على عملك. خد بالك من المعنى الجبار دهو. يعني - 00:31:20

ربنا يعلم الصادق من الكازب. ولكن ربنا ما بيقولش لده انت صادق وانت كازب الا لما بيقيم الحجة عليك. الا لما بيزهر حقيقتك قدام نفسك عشان كده في قراءة وان كانت آآ يعني فليعلمن الله الذي صدقوا ولا يعلمن الكاذبين. ليعلمن - 00:31:40

يعني هرتب لك امتحانات هتخليك انت قدام نفسك كده واضح. انت صادق ولا كاذب؟ فمن ضمن الامتحانات دي الاية دي ان الله اشتريت تبيع هتقول لربنا ايه؟ ان الله اشترى من المؤمنين انفسهم واموالهم بان لهم الجنة. يقاتلون في سبيل الله - 00:32:00

مضارع مستمر. يعني خلاص بقى انت مش انت بعت. انت عندك زبزب ليه؟ مش انت بعت. انت يوم حلو ويوم وحش ليه؟ مش انت بعت. انت يوم ضلمة النور ليه ؟ مش انت بعت؟ انت ما انتاش منطلق في الطريق ليه ؟ انت ليه مزبزب ؟ مش انت بعت. مش انت فلما فصلت لوط مش انت خدت - 00:32:20

قرار فاصل يقاتلون مستمرين زي قول الله لا يستأذنك الذين يؤمنون. مؤمنون مضارع مستمر اللي مهتم بقلبه وشغال على على ايمانه ما ما عندوش اعزار ساعة ما الدين بيحتاجه. ما بيهربش ما بيخلعش. آآ راجل كل ما الدين يحتاجه. ده مين؟ اللي - 00:32:40

تم بايمانه مستمر في الاهتمام بايمانه. يبقى انت لازم تستمر يقاتلون في سبيل الله. فيقتلون ويقتلون. وفي قراءة تانية فيقتل قتلون ويقتلون. القراءة دي لها معاني تحفة والقراءة دي لها معاني تحفة. فيقتلون ويقتلون. قال لك يعني ايه - 00:33:00

فيقتلون ويقتلون. قال لك يعني لما بيدخل معركة واخواني يتقتلوا هو برضه ما بيضعفش. مهما اتهزم وما بيضعفش. يدخل برضو ويتقاتل ما هو داخل اصلا عشان الجنة. فلو لقى الدين راجع والمرض وداخل فيقتلون ويقتلون. والبعض قال لك - 00:33:20

ان هو داخل هو عايز الشهادة في سبيل الله. هو داخل عايز يموت اصلا. هو داخل نيته ان هو يموت اصلا. بقى معاني جميلة. اختلاف القراءة بس تجيب معاني فيقتلون ويقتلون يبقى هو داخل جواي الى ده فين؟ انا عايز اموت عشان ادخل الجنة. وفي نفس الوقت انا عايز الاسلام ينتصر. انا عايز الاسلام ينتصر - 00:33:40

وعايز ابقى عملت حاجة عشان الاسلام. هو يا اخواننا ايات الجهاد في في القرآن ايات الجهاد الغرب خايفين منها قوي خايفين منها ليه يقول لك ده يعني حاجات صعبة جدا ان يبقى عنده الروح المعنوية دي. ان يبقى عنده الاستعداد للتضحية من اجل دينه. هناك يقول لك لا ده انا الجيوش - 00:34:00

بتعد ناس فالاسلام حول كل مسلم لصاحب رسالة حول كل مسلم لصاحب قضية يقاتلون في سبيل الله عشان طريق ربنا يتسفلت ويتنهد والناس تقدر توصل لربنا. فيقتلون ويقتلون. وعدا علي حقا. يا جماعة - 00:34:20

انت ممكن تسمع كلامي الوقتي؟ ممكن تعتبره كلام بيسخنك على الدعوة؟ تسخن او ما تسخنش على الدعوة. انما اللي فعلا بيضحي بحياته للدعوة محتاج قوي الكلام ده. محتاج قوي وعدا علي. علي ده علي ان تفيدني وعد تاني علي. لما اقول لك علي. الموضوع ده علي. علي علي ان انا خلاص انا - 00:34:40

ان الموضوع ده شايله. فانا بقول لك وعدا. وبعد كده عليه. وبعد كده حقا هيحصل هيحصل. ها؟ ده كلام حق من الله. كل التأكيد اللي بيضحي فعلا هو عايز يبقى مطمن اوي. لانك انت شايف الناس كلها الناس يعني باصة لك وفي - 00:35:00

الباقة اللي في قلبها والله اعلم بهم. عارفين لما ربنا اتكلم عن اصحاب الكهف قال بعدها ايه؟ بعد ما اتكلم عن اصحاب الكهف عاشوا وماتوا. وعاشوا في صخر في كهف وماتوا في كهف - 00:35:20

وماتوا جعانين ولا اتجوزوا ولا خلفوا. وسابوا اهاليهم فبالنسبة لاي واحد يبص لهم كده يقول لك يا عيني ضيعوا نفسك العيال دي ضيعت نفسها. فربنا بعد قصة اصحاب الكهف قال ايه؟ ان الذين امنوا وعملوا الصالحات ان - 00:35:30

الرضيع اجر من احسن عملا. انا ما بضيعش اللي بيمشي في طريقي. الله! استغفر الله العزيم! تصدق! ده كانت جت في دماغ بعض الناس. في ناس كده مثالان المتدين ده ضاع شبابه. ان البنت اللي لبست نقاب دي ولا لبست شبابك يا بنتي كنت البسي واتبسطي. والناس كلها تبص لك واتكلمي وعايشة حياتك يا بنتي - 00:35:50

شبابك يا عم انت معقد نفسك كده وشبابك الجميل ده بدل ما تجري وتتفسح وتكلم بنات وتعيش حياتك. قاعد تطلب لي علم وقعد تحفظ لي قرآن وقاعد تتبنى وقاعد تصلي له - 00:36:10

فربنا بيقول لك انا ما بضيعش اللي بيمشي في طريقي. ما بضيعوش. اوعى تزن انك بتضيع شبابك. ده التاني هو اللي بيضيع عمره. التاني هو اللي هيبكي دم لما هينزل تحت التراب او لما يشوف سواب التاني يوم القيامة. فربنا بيقول وعدا عليه حقا. هنعمه في الجنة. في التوراة والانجيل - 00:36:20

القرآن في جميع الكتب السماوية. ومن اوفى بعهده من الله. شوفوا كل دي مؤكدات. آآ كان المتوقع هنا ربنا يقول ومن اوفى بايه الله ومن اوفى بوعده بوعده ما شاء الله الشيخ حازم ايوة صح صح يا رجالة ربنا بيقول في الاية وعدا في الجملة اللي قبلها وعدا - 00:36:40

في حقه. فربنا بقى يقول بعدها ومن اوفى بي عهده. كان المتوقع بوعده. ها؟ انما هنا اللفظ اتغير. ده ربنا بيقول لك انت لك ولك علي عهد. الاتنين عارفين اه الرسول عليه الصلاة والسلام لما بيقول في سيد الاستغفار وانا على عهدك - 00:37:00

ووعدك ما استطعت. انا على عهدك يا رب انا في عهد بيني وبينك ان انا انصر دينك. ان انا اقيم على طاعتك. وفي وعد مني لك يا رب. انا وعد - 00:37:20

حتى يا رب لو فرجت كربي ان انا هابقى صادق وشاكر. ووعدتك يا رب انك لو انعمت علي هاستغل هاستسمر نعمك في طاعة الله. ووعدتك يا رب انا انا في بينك بيني - 00:37:30

عقد ووعد. عشان كده ربنا سبحانه وتعالى يقول ومنهم من عاهد الله. لان اتانا من فضله لنصدقن ولنكونن من في الصالحين فلن ومنهم من ايه عاهد. فلما اتاهم من فضله بخلوا به وتولوا وهم معرضون. فاعقبهم - 00:37:40

فقم في قلوبهم الى يوم يلقون بما اخلفوا الله ما وعدوه. يبقى من عاهدوا في الاخر ما وعدوه. يبقى دي ناس بينها وبين ربنا يعني ده واحد ما كانش واحد عادي. ده كان واحد متدين. وعد ربنا بان هو هيقبل على الله في حياته. لو ربنا فتح عليه. وعاهد ربنا - 00:38:00

على انه راجل من رجالة نصرة الاسلام ده واحد بينه وبين ربنا عهد ووعد. ده مش ملتزم عادي. ده واحد كان على طريق الصلاح والاصلاح وبعد كده لان اتانا من فضله لا نصح - 00:38:20

اه انا وربنا وسع علي بقى وفتح علي في الدنيا انا هسخر الدنيا عشان الدين اصلا انا مش عايز الدنيا لنفسي. لنتصدقن ولنكونن من الصالحين النونات المسقلة كلها بقى فلما اتاهم من فضله قال الله الله اكبر. واحد بيقول لي انا كنت مش عارف ايه وايام الكلية كنت ايه فربنا اداله مركز كبير - 00:38:30

مركز كبير اوي بيقول لي بعد المركز ده ما فيش عهد بينه وبين ربنا ما نكسوش. ما فيش وعد بينه وبين ما خدوش ما فيش حاجة والعياز بالله ما عملهاش. بعد ما ربنا سبحانه وتعالى ادى له كل اللي كان نفسه - 00:38:50

واضعاف اضعافه. انا وانا باسمع انا افتكرت الاية. فلما اتاهم من فضله بخلوا به وتولوا التولي هو الذهاب الى ما هو اولى. اولوياته اتغيرت. كان الاول انا عايز احفظ قرآن. عايز اصلح قلبي. رمضان الاستعداد لرمضان. رفع الاعمال في شعبان - 00:39:10

اما الاولاد اتغيرت يا عم رمضان بينهوش رمضان مين ورانا مصالح. والاولويات لما اتغيرت دخلوا يعني اولوياته في الفلوس اتغيرت. وهم معرضون اولوياته في الوقت اتغيرت. يعني لا عاد عنده فلوس للدين ولا وقت للدين. ومن غير لا فلوس ولا وقت انت عايز ايه؟ هتوصل - 00:39:30

فاعقبهم يعني ده في ديل ده على طول. اول ما نكس واولوياته اتغيرت فاعقبهم نفاقا. في العقوبة لما بتنزل بتنزل على القلب. والقلب لما بيتغير هتجيبه تاني ازاي؟ هترجعها تاني ازاي؟ غيرت اتجاه مؤشر الراديو. طب - 00:39:50

كنت بتسمع قرآن كريم بقيت بتسمع حاجة تانية تانية خالص. هتجيبها منين تاني ازاي؟ الا ان يشاء الله سبحانه وتعالى. فعاقبهم نفاقا في قلوبهم الى يوم يلقون الى يوم ايه؟ يلقون زي ما ربنا قال على الدعاء الى الله تحيتهم يوم ايه؟ يلقونك ان ربنا بيقول للمنكر - 00:40:10

صافي كل اللي ما رضاش ينصر الدين واتشغل بدنيته هتقابلني. وبيقول للداعية اللي ضحى بحياته عشان ربنا هتقابلني. فده يوم يلقون وده يوم يلقونه. بس الفارق بينهم هيبقى شكله ايه؟ فاعقبهم نفاقا في قلوبهم الى يوم يلقون بما اخلفوا - 00:40:30

الله ما وعدوه وبما كانوا يكذبون. يبقى عهد ووعد ضيعه. هنا بقى ربنا بيقول لك انا وعد علي وعقد علي اني هديك الجنة وعد وعهد بقى فانت بينك وبين ربنا وعود كتير ووعود وعهود كتير. منك لربنا ومن ربنا لك. ومن اوفى بعهده من الله - 00:40:50

هتعرف حد اصدق من ربنا؟ تعرف حد اكسر صدقا من ربنا؟ ما فيش حد اصدق من ربنا سبحانه وتعالى مزفزف ليه مع الله سبحانه وتعالى. انا لو واحد غني لو يعني جربت قبل كده واحد غني يحتاج سلف. كل الناس نفسها تسلفه - 00:41:10

كل الناس ليه ويا عم انا عايز اوصل اوصله باي طريقة هو الراجل ده محتاج وهيرد هيرد ويعني ومعرفة الناس كنوز يا اخي وربنا لما حد بيشتغل عند ربنا. ده اللي بيشتغل في شركة على ما واحد صاحبي بيقول لي انا اشتغلت. شركة شل للبترول. شركة كزا. واحد تاني يقول لي انا اشتغلت في ده انا اشتغلت في جوجل. واحد بيقول لك اللي بيشتغل مع - 00:41:30

حناس عظماء بيبقى حزب فخر من هنا لبعد بكرة. امال اللي شغال مع رب الكون؟ اللي بيشتغل في ديوانية ملك من الملوك اه بيبقى حاسس ان هو الناس كلها نفسها تقرب منه. امال اللي شغال مع رب العرش العظيم. سبحانه وتعالى. ده ايه العزة والفخار اللي له فيها؟ عشان كده دايما كل - 00:41:50

بقابلكم اقول لكم ايه انا حاسس بفخر وشرف وانا وانا بتكلم عن ربنا لو وزع على الدرس ده هو فاض. ليه؟ يا ابني انا هو فيه شرف اكتر من ان ربنا يشغلنا معه؟ سبحانه وتعالى وان ربنا يستعملنا. اللهم استعملنا ولا تستبدل بنا. اللهم استعملنا ولا تستبدل بنا. اللهم استعملنا - 00:42:10

ولا تستبدل بنا. ومن اوفى بعهده من الله فاستبشروا. البشرى الاستبشار ان البشرة تتغير. ان العضلات بتاعة الفرحة والضحك كده تقوم فرحان باين على وشك. اللي فرحان بجد باين على وشه. واللي زعلان بجد باين على وشه - 00:42:30

ابشروا لازم اللي يشوفكم يحس انكم فرحانين. فرحانين من كتر ما انتم مصدقين بالخير اللي جاي لكم من ربنا سبحانه وتعالى دنيا واخرة فاستبشروا ببيعكم الذي بعتم ولا الذي بايعتم به. اهو برضو زي العهد والوعد. فيه لفظ هنا اتغير - 00:42:50

ببيعكم الزي ضيعتم ايه الفرق بين البيع والمبايعات؟ البيع انا راجل بتاع موبايلات فانت جيت تقول لي الموبايل ده بكام؟ الموبايل ده بعشر تلاف جنيه. خد عشر تلاف شوية جنيه وهاتوا. ها هات العشر تلاف جنيه. خد الموبايل. ده بيع. اومال المبايعات؟ المبايعة دي اديت كل اللي عندي وتديني - 00:43:10

كل اللي عندك عشان كده لما حاكم بيحكم في الاسلام الشعب بيعمل له ايه؟ يبايعه. عشان كده آآ ان الذين ايه؟ يبايعون فانما يبايعون الله. يعني ايه يبايع؟ يعني انا يا رب هديك كل اللي عندي. زي ما ما انت يعني ايه بتبايع حاكم؟ انا هاديك - 00:43:30

اخلاصي وهديك طاقتي وهابقى في ضهرك. وانت هتديني كل جهدك ان انت تنغنغني وتنغنغ الشعب بتاعك. فالشعب بيبايع اضحك على هزا بنبايع بعض. طب ربنا يعني ايه انا ابايع الله؟ انا يا رب هديك نفسي ومالي. هديك عمري وحياتي. انا هادي لدعوتك كل ما املك. وانت يا رب - 00:43:50

بقى تديني كل النعيم الزي تعطيه للصالحين. اه فهي دي فاستبشروا انتم مش عارفين انتم مضيتوا على عقد شكله ايه انت لو عرفتم زي تخيل واحد آآ بيحسبوها حفل توقيع. لما واحد كاتب مسلا بيمضي مع آآ دار نشر كبيرة على مسلا الكتاب بتاع - 00:44:10

مسلا بربع مليون جنيه يتصور وهو بيمضي العقد كده وينزل الصورة بقى في الصفحة بتاعته فرحان. او واحد مسلا خد ارض من الحكومة في الساحل الشمالي وهتبقى قرية هيكسب له منها تلات اربعة مليار جنيه. فبيعمل حفلة ويعزم رجال الاعمال انا انا مضيت عقد هكسب من وراه مليارات - 00:44:30

بيبقى فرحان والفرح في وشه وخبطة عمر. فربنا بيقول لك انت عارف العقد اللي انت مضيت عليه ده. انت عارف انت بناء عليه انت رحت فين فاستبشروا ببيعكم انك انت بعت نفسك وبعت مالك الزي بايعتم به. لانك ما انتاش عارف انت هتاخد ايه. وذلك هو الفوز العظيم - 00:44:50

هو ده اللي فايز. ما فيش حد تاني فايز. اللي عرف يجيب عمارة مش فايز. اللي عارف يجيب آآ خمسين مليون جنيه مش فايز. اللي عارف يعمل الفايز هو الزي استعمله الله في الدعوة اليه. وذلك اسم اشارة للبعيد لان ده دول الناس اللي طلعوا فوق هو هو ده - 00:45:10

ما فيش غيره سوق قصر. يعني ما تعتقدش ان فيه حاجة تانية في الدنيا اسمها فوز. الفوز الحقيقي في الحياة هو ان يستعملك الله في الدعوة اليه ذلك هو الفوز العظيم. عاقبه ذلك فهو بعدها ربنا سبحانه وتعالى في الاية اللي بعدها جاب شروط. اخواني واحبابي في الله - 00:45:30

اه اه ونحن في هزه الايام الفاصلة في حياتنا دايما شعبان ورمضان بيبقوا فاصلين قوي في حياتنا. وفاصلين في حياة اي طالب التربية وما فيش حد آآ اعرفه يعني كطالب تربية رمضان وشعبان دول بالنسبة له ما هماش مواسم استسنائية جدا. يا اما استسنائية - 00:45:50

انت دلوقتي شعبان ترفع فيه الاعمال الى رب العالمين. العلماء قالوا امتى ؟ تعرفوا ان بعض العلماء قالوا طيلة الشهر. يعني الرفع ده يحدث على طولة الشهر. يعني ايه يحدث - 00:46:10

فاطمة الشهر يعني الله اعلم انا ممكن عملي يرفع في يوم غير عملك يعني يعني انت لازم تبقى مستعد طول شوية النبي عليه الصلاة والسلام كان بيصوم طول الشهر طب ليه - 00:46:20

احب ان يرفع عمله وهو صائم عليه الصلاة والسلام. عشان الختم عشان انما الاعمال بالخواتيم. عشان يبقى اخر عمل افضل عمل في الصحيفة. لحب الله للصيام فانت دلوقتي المفروض انك مشغول بتزيين الصحيفة للقاء الله. ما فيش حدس في السنة اخطر من رفع اعمال السنة الى الله. سبحانه وتعالى - 00:46:30

ما فيش حدا سخطر خد بالك الصحيفة دي الصحيفة دي انت دلوقتي لو قعدت تفتكر الزنوب اللي انت عاملها السنة دي هتفتكر. انما اللي لازم توقن منه ان الزنوب اللي انت - 00:46:50

اخطر من الزنوب اللي انت افتكرتها. فيه زنوب كتير انت ناسيه احصاه الله ونسوه. عشان كده اللي بيمسك الصحيفة يوم القيامة بيفزع من ايه بيفزع اما بيفتكر كل ده انا انا كنت ناسيه. فانت الصحيفة لسه في ايدك. الصحيفة بعد شهر تترفع او بعد اسابيع - 00:47:00

رفع صحيفة لسة في ايدك. تستنى اما تيجي تعيط يوم القيامة ليه؟ طب ما هي في ايدك اهي وبقول لك صلحها. يعني ورقة الامتحان قبل ما تطلع النتيجة جابها لك دكتور في - 00:47:20

ما يعلق خد يا بني صحح اجاباتك. فانت مش قادر اصل يا ابني هتعيط لما النتيجة تزهر. وهتجري تعمل تزلمات آآ يوم القيامة ما فيش حد هيسمع لك تظلم. وهيفر المرء من اخيه وامه وابيه اللي جاي اللي بيجري يدور على حسنة بعد ما يشوف صحيفته كله بيهرب منه - 00:47:30

عارفين اللي قفل على والدته لحد ما ماتت اما جا لها كورونا! اتفزع جا له قلوب واللي رمى مراته من البلكونة ما جا لها كورونا! الناس طبعا اجرام يعني بس اقصد فزع كمان. يعني مجرم ومفزوع. فتخيل يوم القيامة بقى اللي بيجري على حسد ان ما فيش حد بيرحمه. فانت دلوقتي ورقة يجيب ورقة - 00:47:50

سيادتك اهي معك. هتيجي يوم القيامة تشوف هتزعل. طب ما تقعد تصلح فيها وتزين فيها. ولو عايز كمان هات قلم رصاص ومسطرة واقعد الصفحات يا باشا ده انت ممكن تخليها تحفة فنية. هي في ايدك اهي معك اهي. وتزود اجابات وافتح يا عم مراجع - 00:48:10

اول ما تعمل اللي انت عايزه. اهي قدامك اهو شهر صلح صلة رحمك صلح قيامك صلح صيامك. امسك المصحف واقرا بجد. بعدها جاي رمضان الفترة قلت لكم ان اخطر مكسبين تكسبوهم في الفترة دي حاجتين. الحاجة الاولانية طريقة قرايتك للقرآن. اني - 00:48:30

اخطر حاجة هتوصلك لربنا انك تقرأ القرآن بتركيز. هي دي الحاجة اللي غيرت لنا حياتنا. انك تقرأ القرآن بتركيز وبوقت كتير بقى. اقرا اقرا على قد ما تقرأ بسم ربك اقرأ وربك الاكرم. عارف اقرأ وربك الاكرم دي اقرا وتمتع بقى بانهار كرم الله عليك وعلى قلبك ونفسيتك وحياتك - 00:48:50

وكل حاجة في حياتك. اقرا لن تزداد بقراءتك الا كرما على كرم من الله. سبحانه وتعالى. والحاجة التانية اللي لازم تخرجوا بها الايام دهيت الشهرين دول تخرجوا بواقع. قلت لكم في الليلة الايمانية اللي فاتت ان حضرتك لما بتعدي تحت اي كوبري بتلاقي واد صغير كده ولا راجل نايم تحت - 00:49:10

الكوبري الموقف ده بيصعب عليك حضرتك في الدين زيك زيه بالزبط. انت في الدين زيك زي ما انت نايم تحت كوبري في في الدين. عشان كده جه لك اخر رمضان اقول لك مازا - 00:49:30

رمضان اه قيام وصيام الله اكبر وتروح ليلة واحد شوال ما بتوترش بركعة ليه؟ لانك رجعت تاني الشارع. رمضان كان واقع استسنائي مليان بيئة ايه واعتكاف وتراويح فلقيت ناس شجعتك فبقيت بطل. بعد رمضان رجعت تاني ما فيش واقع. الاوضتين والصلاة اللي انت قعدتهم في رمضان المأوى اللي انت اويت اليه في رمضان - 00:49:40

المساجد كلها بقت ايمان راحت. فرجعنا يا باشا لقديمه. رجعت لما قبل رمضان وقبل رمضان كنت تنام تحت كوبري. لا عندك محفظ قرآني ولا عندك صحبة همة ولا عندك بقية ايمان ولا عندك مربي ولا عندك معهد تربوي شغال فيه هترجع فين هترجع - 00:50:00

قعدت اغنيت تعيط وتقول يا ريت ما فيش خلاص لازم تخرج بواقع. شف الصالحين اللي حواليك دول كلهم ما تخرجش وايدك فوبيا. عشان كده بازن الله سبحانه وتعالى باشمهندس سعد علي بقى هاعمل لكم دورة استعداد لرمضان. آآ آآ دورة لاعدوا له. الدورة دي - 00:50:20

اقصدها حاجتين. انك انت هتاخد مودة هتشحنك على رمضان وهتساعدك عليه كويس جدا. بازن الله سبحانه وتعالى. والحاجة التانية واللي لا تقل عنها اهمية هتتعرف على الناس الصالحين. رمضان بيفضح الصالحين. بيطلعوا. فبيتعرفوا على بعض. فانت محتاج حد تتعرف عليه عشان - 00:50:40

يبقى لك مستقبل في الدين بقى. ده بيروح آآ عارف سكة في الدعوة وده عارف سكة في العلم. وده عارف سكة في حفز القرآن. وده ما شاء الله ربنا فاتح عليه في العبادة. وده - 00:51:00

اشتغل في الاعمال الخيرية وده بيطلع قوافل خيرية وهتلاقي نفسك يا ابني اتنغنغت يا ابني قل لي لست هاتفك اقل لك ما هو مستقبلك انت مصاحب مين مين اصحابك اللي موجودين الاخ آآ واحد صاحبي بيقول لي مش عارف علي يا علوكة واشرف ايه انت مساعد مين يا ابني؟ مساعد فلان - 00:51:10

اللي بيسفر لك كل ليلة تنزل تقعدوا تهقوا مع بعض في الشارع. وترجعوا يا بني مين اصحابك؟ اه الرقم ده رقم محفز قرآن والرقم ده صاحب باروح معه كل جمعة التدبر في خلقه - 00:51:30

والصاحب ده بنحفظ آآ بنطلب علم مع بعض والصاحب ده ده مربي بستشيره ده كده يا ابني يبقى انت لست تليفونك كده عليها ارقام آآ واحد رجل اعمال بجد رجل اعمال اخروية. انما يعني فقل لي لستة تهدفك اقل لك ما هو مستقبلك. فانا عايزك في شعبان ورمضان تصلح لستة تليفونك شوية - 00:51:40

حط ارقام نضيفة شوية اعرف ناس حلوة يا ابني. يعني يا ابني معرفة الناس كنوز. اعرف ناس تزقك لقدام في الدين. اعرفهم ازاي؟ حضرتك كنت زمان بتعرف ازاي تقف قدام سنتر الدروس؟ البنت اول ما تخرج تعاكسها تبص لك ولا تعبرك. اللي بعدها تقوم معاكسها - 00:52:00

تبص لك وتقول لك يا سم ولا اي حاجة. ما عرفش بقى على ايامنا غير على ايامكم يعني. سامعين ان على ايامكم بتقول لك بس لو ما كنتش تحلف مش عارفين. بعد كده اللي بعدها تقول مرة واحد صاحبه - 00:52:20

بروح يعاكس واحدة متلطشة بالقلم. فلقيته راجع لي كده كنا في سنة وزمان. باقول له ايه يا ابني! قال لي ضربتني بالقلم. فانت في الاخر في واحدة بتلقط. ايه المهم اتكلمتوا مع بعض. طيب لما لقطت عمل ايه؟ لستة تليفونها كلها اتنقلت لك في خمس دقايق بقت كل صاحباتها صاحباتك فبقيت انسان متنغنغ. انا عايز - 00:52:30

قفل صحبة صالحة. اتعرف على صحبة صالحة ازاي؟ هروح قدام سنتر دروس. بس فيه المتدينين. انت جيت سنتر دروس اهو. اهو ما انت حواليك نسوة من هنا كتير اهو يبقى لازم اروح المكان مش هاقعد في بيتي وهيجوا لي. ها يبقى رحت المكان. طيب تاني حاجة لو انت كنت رحت قدام سنتر - 00:52:50

وحطيت وشك في الارض كان واحدة عبرتك وانا قاعدة لازم تلاغي وتستحمل الكسفة بقى ما هو مش كل اللي هتلاغوه ما هيلاغوك يعني. اه لحد ما اهو انت كده بالزبط هتعمل ايه بعد الدرس؟ هتلاغي. ها؟ واحد وشه منور زي بشمهندس سعد. واحد ما شاء الله وشه سكينة كده زي شيخ - 00:53:10

اسلام واحد ما شاء الله يعني وقار كده زي الشيخ حازم سيف هتبدأ بطل يا اخي بقى واحد جميل كده زي الدكتور احمد موفق واحد حلو زي الدكتور ماجي تلاقي المسجد مليان والله خير. مليان واحد عسل كده زي الشيخ مالك. هتلاقي ناس جميلة وتاخد بايدك وتساعدك لاغي. آآ الدنيا بسيطة مش هتلاقي حد - 00:53:30

كده بقى. ان شاء الله بازن الله هتلاقي الدنيا جميلة وتبدأ تتعرف اتعرفت على واحد عرفك على عشرة وراه. ده احنا بكرة رايحين مقابر ده احنا بكرة رايحين تدبر. ده احنا - 00:53:50

بكرة رايحين للشيخ فلان ده احنا بكرة عندنا مش عارف ليلة ايمانية هتلاقي ايامك جميلة. ده احنا رايحين تحفيز قرآن ده احنا بنتعلم تجويد. هتلاقي حياة بتتغير لما واقعك يتغير آآ انا بعلن الوقتي عن الدورة الثانية للاستعداد لرمضان. السنة اللي فاتت عملنا دورة وكانت جميلة جدا. دورة - 00:54:00

ان شاء الله اللي هيدي فيها آآ تلاتة. اخوكم انا هادي فيها ان شاء الله شرح الاربعين الرمضانية. انا عامل متن كده اسمه الاربعين الرمضانية حديس عن رمضان وازاي نفهم نستسمر رمضان صح ونستعدله صح؟ حاجة مهمة جدا يعني بفضل ومنة الله. باشمهندس سعد علي هيدي رسالة رسالة - 00:54:20

اول تدبر اول تدبر دا ايه؟ في القرآن ان شاء الله. اول تدبر في القرآن يعني عن تدبر القرآن. يبقى هيدي رسالة في تدبر القرآن الكريم عشان ازاي نقرا القرآن صح. تمام؟ الشيخ عبدالسلام منصور ربنا يحفزه من مشايخنا هيدي شرح فقه الصيام. عشان تعرف تصوم عشان - 00:54:40

اعرف الصيام الصح شكله ايه؟ فقه بقى. ولما تطلب علم يا بختك انت بتتبنى طبعا من اعظم انواع التربية. ان شاء الله بازن الله الدورة هتبقى كل اسبوع هنتقابل مرتين - 00:55:00

سبت وتلات. الدورة كلها ست مرات. يعني تلات اسابيع. الساعة كم؟ دي بقى بشمهندس سعد بعد الدرس هنقولها لكم خلاص ان شاء الله بازن الله مش عايز اه اه درس شيخ اسلام والشيخ محمد هياخدوا اسماء اللي حابين ما انت قل لهم بقى ان شاء الله - 00:55:10

وبازن الله يعني شيخ اسلام وشيخ محمد مين؟ فين الشيخ محمد؟ اهو. انت يا شيخ محمد؟ يبقى الشيخ محمد وشيخ اسلام هياخدوا آآ الاسماء بتاعة اللي عايزين يشتركوا في الايه؟ في الدورة بازن الله سبحانه وتعالى. لان دي حاجات طبعا يعني المرة السادسة دي امتحان. دي امتحان لان احنا كل مرة بنعمل امتحان وبيبقى - 00:55:30

اسمها ايه في توزيع جوايز بقى وفي ايه تكريم للاوائل بازن الله. طبعا الدورات دي هي اللي بتبنيك. اللي عايز يتبنى يشترك في الحاجات دي. اللي مش عايز يشترك يا جماعة - 00:55:50

ما تزعلوش مني. اقول ولا تزعلوا؟ انتم بتحبوا الشتيمة يعني؟ اه ده بيلعب ده بيدلع. ده واحد جاي يتدلع. اه ما عدش فيه لعبة يا ابني الفتن برة هتلاقي مش هتلاقي نفسك. احنا دلوقتي قاعدين اهو بنتعب فضل ومنة الله وربنا يعلم عشان نعمل لكم واقع. عشان اعمل لك دورة تفهمك - 00:56:00

رمضان وتشحنك ليه واعمل لك بيت ايمان زي الدورة دي والشغل بتاعها في الست مرات اللي هتيجي تقدر تتعرف منه على الصالحين. اللي بيدخل الحاجات دي ويقولوا له مستقبل في الدين - 00:56:20

التاني التاني متفرج كالنازر الى ما ليس له زي ما النبي عليه الصلاة والسلام قال. كان ناظر الى ما ليس له. واحد متفرج يتفرج على محمد صلاح وهو بيجيب جون - 00:56:30

وقعد يسقف له هو زي ما هو ما حصلوش اي حاجة. اللي خد الملايين والمليارات محمد صلاح وروح. وهو قاعد متفرج. انت هتقعد متفرج. ده قاعد يتبنى وده قاعد بابا بكرة يبقى داعية الى الله بازن الله. وده قاعد يقرب من ربنا. وانت يا عيني جيت اتفرجت ومشيت. يعني مش ما اردهالكش. واحب لك حاجة احسن من كده - 00:56:40

ان شاء الله بازن الله. آآ آآ بازن الله سبحانه وتعالى انا عمري دلوقتي هانطلق مش عايز اي حد يسلم علي. فعلا والله مش عايز حد يسلم عليه. آآ ما هقول لك ليه؟ لان الوقت يا اخواننا انا مشغول بك. انا مشغول بمصلحتك والله العزيم. انا ممكن ابقى كل اللي باعمله - 00:57:00

فالدرس درس وبعد الدرس يلا يا جماعة بقى نتصور ويلا انا ما بحبش طبعا ايه التصوير وانتم عارفين الكلام كويس جدا يعني. آآ آآ انا انا ممكن بعد الدرس يلا نقف يلا نتكلم - 00:57:20

هنعمل انما دلوقتي انا مشغول عشانك انت يا ابني والله العزيم انا كل انشغالي ان يبقى لك انت مستقبل. ان يبقى في دورة تطلعك بعد كده هتيجي في رمضان هتلاقيك هتلاقينا مجهزين لك - 00:57:30

تانية بازن الله سبحانه وتعالى تخرج من رمضان تلاقينا مجهزين لك معهد بقى بازن الله سبحانه وتعالى تربوي وتعليمي تلاقي نفسك بعد سنتين بجد بتنطق بقيت مستواك تاني انما انا انا انا مش عايز احضرك. يعني دايما بقول لاخواني يا بخت من كان شيخ وراجل. يعني ايه شيخ وراجل؟ يعني ما بيديلوش - 00:57:40

ويسيبه مشحون ويسوقه ويمشي. وخلاص لأ انت عايز تتبنى تعال بقى اما نعمل الدورة دي. تعال اما نعمل التحفيز ده. تعال اما نعمل المعهد ده فاحنا مكملين معكم ان شاء الله عاملين لكم الدورة دي. ان شاء الله بعدها في رمضان هتلاقوه بازن الله سبحانه وتعالى دورة تانية في تدبر القرآن بازن الله سبحانه وتعالى. بعد رمضان هتلاقوا ان شاء الله بازن الله. معهد تاني - 00:58:00

بس انت راجل تمضي موافق عايز بجد تبقى حاجة في الدين فانا آآ يعني فعلا عايز مصلحتك ونفسي تبقى عارف مصلحتك. خافوا على مصلحتكم شوية يا جماعة. بصوا لمستقبلكم شوية يا جماعة. احنا في ايام فتن صعبة. واللي بيروح ما بيرجعش الا ان يشاء الله سبحانه وتعالى - 00:58:20

اتمنى ان احنا نفضل مع بعض كده والنهارده بازن الله سبحانه وتعالى ربنا اكرمنا ومن علينا بالدورة اللي بشمهندس سعد عاملينها لنا عاملها لنا بعد آآ ما امشي انتم مش صليتوا العشاء - 00:58:40

خلاص كلنا صلينا العشاء بفضل الله. آآ بعد ما انطلق عايزكم ان شاء الله كلكم تشتركوا في الدورة دي بازن الله. وعايز لما اجي في الدورة الاقيكم ان شاء الله بازن الله ونعاهد ربنا ان احنا بجد بجد بجد بنتمنى يا رب بازن الله وهي دورة بسيطة وسهلة جدا. بازن الله سبحانه وتعالى ونكمل مع بعض كده وربنا يستعملنا - 00:58:50

الدعوة الى الله مع بعض. تمام يا رجالة؟ سبحانك اللهم وبحمدك اشهد ان لا اله الا انت. استغفرك واتوب اليك - 00:59:10