بسم الله الرحمن الرحيم السلام عليكم ورحمة الله وبركاته. معكم محمد شاهين التاعب من قناة الدعوة الاسلامية على اليوتيوب وفيديو جديد من سلسلة شرح كتاب اظهار الحق للعلامة محمد رحمة الله - 00:00:00

والله الكيراناوي الهندي. هذه المحاضرات لطلاب اكاديمية رسوخ للعقيدة وعلومها. التابعة لمركز العروة الوثقى للعلوم الشرعية. وما زال بنتكلم عن الاختلافات والتناقضات الموجودة في الكتاب المقدس وتحديدا الاختلافات الموجودة في العهد الجديد. وصلنا لغاية الاختلافات تلاتة - 00:00:15

وخمسة وسبعين. وهنا الشيخ بيقول ان في الباب الاول من انجيل مرقص والباب الرابع من انجيل متى والباب الاول من انجيل بحالنا. وجد ثلاثة اختلافات في كيفية اسلام الحواريين. طبعا المسيحيين ما بيستخدموش كلمة الحواريين. لكن بيقولوا تلاميذ - 00:00:35

المسيح تلاميز ورسل المسيح. وشرحنا قبل كده وقلنا ان في حاجة اسمها التلاميذ الاثنى عشر دول الاتناشر تلميز اللي مفروض المسيح اختارهم وهم اقرب ناس للمسيح. يبقى فيه التلاميز الاثنى عشر. وبعدين بشكل عام تلاميز المسيح ورسل المسيح يعني - 00:00:55

اللي عصر المسيح وسمعوا منه واتعلموا منه وهكذا. مصطلح رسل المسيح بيتقال الرسل على الاتناشر تلميز فلو قلنا الرسل بنقصد شخصيات اعمال الرسل سفر اعمال الرسل اللي اهمهم الاتناشر تلميز - 00:01:15

طبعا كان يهوذا مات وجابوا واحد مكان يهوذا علشان يفضل العدد اتناشر موجود. وفيه برضو رسل المسيح اللي هو فيه نص بيحكي ان ارسل سبعين او اتنين وسبعين واحد. حاجة كده لها رمزية بالترجمة السبعينية. فيبقى بالتالي هم بيستخدموا تلاميذ التلاميز - 00:01:35

التلاميذ الاثنى عشر الرسل رسل المسيح الاتناشر رسول السبعين رسول. المصطلحات دي بيستخدموها اكتر من كلمة الحوا هنا بيقصد بكيفية اسلام الحواريين ازاي المسيح خلاهم تلاميز له؟ الواقع ان كالعادة - 00:01:55

دي الايزائية اقرب لبعض وكأن انجيل يوحنا بيحكي قصة تانية خالص وكعادة ما بنلاقي من علماء المسيحيين في محاولة توفيق هذه الاختلافات اللي هي في حقيقتها ده بيحكي قصة وده بيحكي قصة - 00:02:15

هم بقى بيعملوا ايه؟ بيحكوا قصة جديدة خالص يدمجوا فيها القصتين. يعني القصة اللي هم هيحكوها علشان يبرروا بها الاختلاف انت مش هتقراها في اي انجيل من الاناجيل. فكانهم بيكتبوا انجيل جديد نتاج دمج الاحداث اللي موجودة في الاربع اناجين. وخل بالك - 00:02:31

القضية دي اتعملت من فجر التاريخ المسيحي. وواحد اسمه تاتيان السوري او تاتيانوس احد اباء القرن الثاني الميلادي. عمل حاجة اسمها دية السارون دية السارون كلمة معناها الرباعي فجمع احداث متى ومرؤوس ولوقا ويوحنا ودمجهم في بعض في انجيل - 00:02:51

واحد كبير وهو طبعا وجد اختلافات وتناقضات وحاجات زي كده هو حاول يوفق ما بينهم بشكل ما فخرج بانجيل جديد اللي هو الداتا السالون. وكان نتاج لذلك انه تم حرمة تتيانوس. رغم ان الكنيسة السورية اعتبرت الداتا السارون هو - 00:03:11

كتابها المقدس بدل الاربع انابيب. لكن هي النقطة اللي انا عايز ااكد عليها ان توفيقات النصارى قصة جديدة مش هتلاقيها في اي انجيل من الاناجيل. وليس ليس عليها دليل. انا برضو حابب اقول ملاحظة لان كثير من الاختلافات اللي عرضها الشيخ رحمة الله الهندي تحتاج الى مزيد من الشرح والايضاح على - 00:03:31

عشان المسيحي يقدر يفهم ليه ده اختلاف يؤدي الى التخطئة وبالتالي بكرر مرة تانية ان احنا نركز اكتر على الاختلافات تناقضات اللي اقر بها العلماء وهي كثيرة جدا. لكن بسبب انها كثيرة. فهم بيحاولوا يوفقوا على قد ما يقدروا. وانا شخصيا - 00:03:51

كمحاور اريد احكام الحجة احيانا بتنزل. يعني انت وفقتها بالشكل ده انا راضي. وغالبا مش هجيب سيرتها في الحوار والنقاشات والمناظرات وساكتفي زي ما قلت بالاختلافات اللي اعترف بها النصارى انها مشاكل نتيجة تحريف او ما لهاش حل او ايا كان - 00:04:11

هنا بيقول التلات اختلافات دول اولا متى ومورس يكتبان ان عيسى لقي بطرس واندراوس ويعقوب ويوحنا على بحر الجليل فدعاهم الى الاسلام فتبعوه. طبعا النصراني هيقول لك دعاهم فين الى الاسلام؟ هو يقصد يعني ايه؟ استسلموا لامري واتبعوني. هو ده المعنى. ويكتب - 00:04:31

يوحنا يوحنا بيختلف انه لقي غير يعقوب عند عبر الاردن. والثاني ان متى مرقص يقطبان انه ايه تفاصيل كثيرة يعني. لو بصينا سريعا على الموضوع هنلاقي ان القصة موجودة في متى الاصحاح الرابع بداية من العدد تمنتاشر. وفي مرقص واحد - 00:04:51

ستاشر وفلوكا خمسة واحد وفي بقى القصة في يوحنا واحد من اول خمسة وتلاتين لغاية اخر الاصحاح. وبأكد على فكرة ان لما تقرا القصة في انجيل يوحنا هتلاقي انها قصة مختلفة تماما. ولذلك اغلب العلماء بيعتبروا كده فعلا. يعني هم بيعتبروا ان واقعة انجيل يوحنا دي - 00:05:10

حصلت قبل الوقائع اللي مذكورة في متى مرقص ونوكا. وان دي حاجة ودي حاجة. ازاي بقى هم احرار؟ يعني هم زي ما قلت بيتعاملوا بطرق وليها علاقة بعلم النفس او حاجة تحسسك ان انت اللي غبي. انت اللي مش فاهم. انت ازاي ما قدرتش توفقها زي ما احنا موفقينها. ويليام ايد بيقول - 00:05:33

قل دخل يسوع سفينة سمعان بطرس لانه عرفه سابقا على شاطئ الاردن. اللي هي دي قصة تانية القصة اللي محكياها في يوحنا دي قصة تانية حصلت قبل القصة دي. طبعا احنا بنتكلم من غير اي علم ومن غير اي دليل. وخلي بالك يعني هي الفكرة زي ما قلت وما علش - 00:05:53

انا اسف ان انا بكرر ان القصة اللي هو بيحكيها دي مش موجودة في اي انجيل. يعني ايه؟ يعني المفروض لو انت فعلا بتقول ان القصة بتاعة انجيل يوحنا انه المسيح عرف سمعان بطرس اولا على شاطئ الاردن. يبقى نلاقي ان في انجيل يوحنا فيما بعد في ذكر القصة اللي - 00:06:13

وده في الاناجيل الايزائية لكن ده مش موجود. القصة اللي انت بتحكيها دي موجودة فين؟ انه عرف ده اولا. لأ. هو ما فيش اولا وثانيا في اي انجيل يا اما القصة دي يا اما القصة دي. وبعدين بيقول لك ويحتمل انه كان يرافقه احيانا ليستفيد منه معرفة لكنه الى - 00:06:33

ذلك الوقت لم يكن قد ترك كل شيء وتبعه. يعني هو يقصد الوصف ده اللي موجود في متى مره سلوكا ما كانش لسه حصل. طب وهو حصل امتى تف انجيل يوحنا هو مش موجود في انجيل يوحنا. بس تعليق اخير ان عبارة ويحتمل دي ما يحتمل اي حاجة ويحتمل اي حتة ويحتمل - 00:06:53

زي ما انا قادر افكر وقادر اتصور وقادر اتخيل. الله المستعان يعني لو المشاكل كلها هتتحل بيحتمل ويحتمل من غير قرينة او دليل يعني كل حاجة هتتحل. تفسير ويليام ماكدونالدز برضو بيتبنى نفس الرأي. كانت هذه في الواقع هي المرة الثانية التي فيها - 00:07:13

يدعو يسوع بطرس واندراوس طب فين في اي مكان ان في مرة اولى ومرة تانية ما فيش. احنا هنطلع بالقصة دي. قال لك ده فيه مرة دعاهما الخلاص ومرة يدعوهما للخدمة - 00:07:33

حدثت الاولى في اليهودية والثانية في الجليل ما هو؟ اصل يا جماعة ما اصل انجيل يوحنا فعلا بيحكي زروف تانية في مكان تاني وهكزا لكن واقع الواقع ان انت لما تيجي تقرا الاناجيل تجد ان اللي محكي في انجيل يوحنا ده اول مرة المسيح يقابل فيها التلاميذ. واللي محكي في باقي الاناجيل - 00:07:45

دي اول مرة المسيح يقابل فيها التلاميز. فما فيش فكرة ان فيه مرة وقلها مرة تانية. هي مرة اولى في الاناجيل كلها. لكن انت علشان القصة قصة مختلفة قوي مضطر تقول كده. هنا بيقول لك نفس الكلام كانوا قد انجذبوا الى يسوع. وبرضه بيقول لك لم تكن هي المرة الاولى التي قابل فيها - 00:08:05

بتوع هؤلاء رجال. خل بالك هنا القصة في انجيل لوقا والشيخ رحمة الله الهندي هنا بيقارن ما بين مرقص ومتى ويوحنا. ما جابش سيرة انجيل لوقا. في برضو تفاصيل رئيسية مختلفة في انجيل لوقا عن متى ومرقص - 00:08:25

فكأن هنا ديفيد كويزك بيرشح برضه فكرة ان القصة كمان فلوكا واضح انها دي لقاءات سابقة. هنا ده تفسير هلال امين بيقول حين نقارن التقرير الالهي في الاناجيل الثلاثة متى ومرؤوس لوقا. نلاحظ ان انجيلاي متى ومرقس - 00:08:41

يستخدمان تعبيرات متشابهة ولكننا نجد بعض الاختلاف في لوقا. وبعدين بيقول لك هو ليس اختلافا. آآ يعني القصة دي لكل واحد بيكتب التفاصيل اللي تهمه. ماشي. لكن المفروض لما نحط التفاصيل مع بعض ما نلاقيش خلاف. هنا الجملة الاخيرة اللي كتبها هلال - 00:09:01

امين هي طريقة تفكير المسيحيين. بيقول ومن واجبنا ان نأخز ما كتب في كل انجيل ونبحس بكل تواضع لكي نفهم ام غرض الروح القدس من رسم السورة في كل انجيل من الاناجيل. يعني ايه؟ انت اتعامل مع كل انجيل على انه هو الحق - 00:09:21

بغض النظر هو بيختلف مع الاناجيل التانية ولا لا؟ يوحنا راسم صورة ومتى راسم صورة ولوكا راسم صورة ومرقص راسم صورة ما قولش انت تطلع بصورة جديدة من خلال دمج الاربعة لأ انت اقرا كل انجيل لوحده وحاول تخرج منه بالفوايد اللي تقدر عليها هم النصارى - 00:09:40

بيعملوا كده. ما تقوليش بقى ده بيتناقض مع كزا. لأ هنا برضه ويليام ماكدونالد بيقول نفس الكلام الرب قد التقاهما قبلا وصارا له تلميذين. الله! بس يقول لك يعني ايه فيه فرق برضو ما بين الاتنين. هنري ايرون ساين - 00:10:00

برضو بيقول لك نفس الكلام. بس فيه فرق ما بين الدعوتين. الاختلاف اللي بعد كده الاختلاف رقم ستة وسبعين. قال لك لو قبلنا في انجيل متى وانجيل مرقص قصة ابنة الرئيس. وخل بالك فيه فرق ما بين القصة بتاعة قائد المأى - 00:10:17

الرئيس ده شخص وده شخص. المسيح عمل معجزة لحد قريب قائد المئة واظن عرضناه في فيديو سابق. وهنا واحد اسمه الرئيس الماء ده كان وثني والرئيس هنا ده شخص يهودي. وقال لك فيه اختلافات. طبعا الاختلافات هنا كثيرة وواضحة. لكن برضه يعني الواقع - 00:10:37

وانا بكررها بس يعني سامحوني على التكرار. كل واحد بيكتب حسب المعلومات اللي جات له. فده بيحكي بحسب المعلومات وده بيحكي بحسب المعلومات هتيجي تقارن الاتنين هتلاقي اختلاف. الاتنين ما يمشوش. لازم حد فيهم غلطان. لكن المسيحي زي ما قلت هيحاول يرسم بقى صورة جديدة - 00:10:57

من اجل التبريغ او هيكبر دماغه من الاختلاف. وهيتعامل كأنه مش موجود. وانت اللي متخلف عقليا عشان قادر تشوف الاختلاف. فهنا قال لما الراجل جه للمسيح بنته كانت ميتة بالفعل ماتت ولا كانت على وشك الموت - 00:11:17

قال لك ده اول اختلاف. وهنا الشيخ بيقول سلم المحققون من المتأخرين الاختلاف المعنوي ها هنا. يعني فيه اختلاف حقيقي في المعنى. ده معنى الاختلاف المعنوي عند الشيخ رحمة الله الهندي. فبعضهم رجحه الاول وبعضهم الثاني يعني. واحد منهم صح والتاني غلط - 00:11:37

واستدل البعض بهذا ان مت ليس بكاتب للانجيل والا لما كتب مجملا ولوقا موافق لمرقص في بيان القصة يعني في ملمح كده في انجيل متى هنشوفه بعد شوية قال لك يبقى ده دليل ان متى التلميذ مش هو كاتب انجيل متى كان - 00:11:57

المفروض التلميذ يكتب بشكل فيه استفاضة اكتر. وبعدين الشيخ بيقول ان علماء المسيحية اختلفوا في موت الابنة هل هي بالفعل كانت ميتة ولا لا؟ فيبقى بالتالي هل دي بالفعل معجزة احياء ميت ولا لأ؟ النصارى عندهم فكرة - 00:12:17

ان في معجزات اعظم من معجزات وانا اتكلمت عن الموضوع ده كتير قبل كده ان الواقع ما فيش معجزة اعظم من معجزة. كل المعجزات بالنسبة للبشر معجزات يعني لا يستطيع البشر العاديين ان يأتوا بمثلها الا لو الله عز وجل اعطاهم القدرة وسمح لهم بكده - 00:12:37

سواء بقى هو احيا ميت ولا اكثر طعام ولا الماية نبعد يعني اشكال المعجزات المختلفة درجة انها معجزة بالنسبة بالنسبة للبشر واحد لكن النصارى لأ عندهم فكرة بقى ان احياء الميت ده هي التوب في المعجزات ما فيش اعلى من كده يتعمل. فقال لك يعني هل هي - 00:12:57

كانت ميتة ولا كان مغمى عليها فعلى اساس الخلاف ممكن دي ما تبقاش معجزة احياء ميت. القصة موجودة في انجيل متى تسعة تمنتاشر رئيس قد جاء في مرقص خمسة اتنين وعشرين بيحكي تفاصيل. واحد من رؤساء المجمع اسمه يارس - 00:13:17

فكأنه يعني ده حجم القصة في انجيل متى. حجم القصة في انجيل مرقص اطول. مين اللي كان المفروض يكتب باستفاضة اكتر قال لك المفروض لو متى كان هو تلميز للمسيح كان المفروض هو اللي يكتب باستفاضة اكتر. ما كانش يكتب الموضوع بشكل مختزل ومختصر - 00:13:36

وفي انجيل لوقا في عندك تفاصيل اكتر. فكأن متى مختصر ومرقص ولوقا اللي هم مش شهود عيان حسب اغلب النصارى هم اللي كتبوا تفاصيل اكتر طب جابوها منين؟ المهم هنا قال لك ان ابنتي الان ماتت - 00:13:56

يعني فيما معناه والكلام واضح على فكرة المشكلة مع المسيحيين ان هم بيستغبونا الكلام في فرق واضح في المعنى اللي هو الاختلاف المعنوي اللي قال عنه الشيخ ومع ذلك النصارى بيتعاملوا كأن ما فيش فرق في المعنى. كأن احنا ما بنفهمش اللغة - 00:14:14

ان ابنتي الان ماتت يعني انا كنت جمبها ماتت انا جيت لك على طول اول ما ماتت. فانا عايز منك ايه؟ تعال ضع يدك عليها فتحيا. شف الكلام هي ميتة وانا عارف انها ميتة. فانا عايز منك تحييها. كويس - 00:14:31

طب بص بقى على انجيل مرقص. بغض النظر عن التفاصيل. ابنتي الصغيرة على اخر نسمة. ليتك تأتي وتضع يدك عليها لتشفى فتحيا. اصل هي هتموت. اشفيها عشان تعيش. فرق الكلام واضح والطلب واضح - 00:14:51

كويس في انجيل لوقا بيحكي برضه تفاصيل كانت في حال الموت قال لك واحد من دار قائلا له قد ماتت ابنتك. لا تتعب المعلم. هنا آآ القصة صياغتها مختلفة في لوقا - 00:15:11

يعني ما جابلكش هو طلب منه ايه ؟ هو بيحكي لك كده وقع عند قدمي يسوع طلب اليه ان يدخل بيته وبعدين ففيم هو منطلق المسيح هي في حالة موت البنت في حالة موت بتموت - 00:15:27

فهم رايحين يلحقوها شبه القصة في انجيل مرقص. لكن هنا ايه تفصيلة كده في النص ان هم في الطريق واحد جه رئيس قال له قد ماتت ابنتك لا تطع بالمعلم. فكرة ان يسوع معلم من معلمين اليهود. طيب المسيح قال له ما تقلقش وما فيش مشكلة - 00:15:43

وفيه تفاصيل يعني. لكن زي ما قلت ابرز خلاف لما الراجل جه يطلب من المسيح. كانت فعلا ماتت ولا لسة ؟ متى بيقول كان فعلا ماتت فهو بيطلب من المسيح انه يحييها. في مرقص لوقا ما كانتش لسه ماتت على وشك الموت. فهو طالب منه - 00:16:03

انه يشفيها. نبص على شوية اقوال. هنري اير ون سايد قال لك قد ماتت الان. اي كانت مريضة جدا حتى لانه ادرك انها كانت عند حافة الموت. بيستغبانا. يعني امثال هؤلاء بيتعاملوا مع القراء على انهم اغبيا. قد - 00:16:23

ماتت الان بمعنى هي لسة ميتة لسة ميتة حالا. انا جيت لك يا يسوع بنتي لسة ميتة حالا. بنتي ماتت دلوقتي. تعال بنتي ماتت تعال احييها معناها دي مريضة جدا لو انت ما جتلهاش هتموت - 00:16:43

طب يا حبيبي ما هو فيه انجيل تاني بيقول ان بنتي هتموت تعال اشفيها. ازاي تخلي الاتنين نفس المعنى؟ هو فعلا كأن هؤلاء المفسرين عاوزينك تحس ان انت غبي. وبيتعاملوا بحيس تبتدي تشك في زكاءك ومعرفتك باللغة - 00:17:01

قد ماتت الان اي كانت مريضة جدا حتى انه ادرك انها ايه ده! تفسير بنيامين بن كارتون وتبين من مقابلة ما جاء هنا مع ما يقابله في مرقص ولوقا ان ابنته كانت على اخر نسمة. سم جاء واحد والمسيح ذاهب معه واخبره انها قد - 00:17:21

ماتت فلا داعي لان يتعب المعلم بعد. طبعا فكرة ان في واحد جا له فقال له خلي بالك دي ماتت خلاص فما تتعبوش. بغض النظر ما ما تتعبوش يعني قلة ايمان او تفصيلة ما كانتش لسه ماتت - 00:17:41

فواحد جا له وقال له خلاص هي ماتت. طبعا برضو فيه تفاصيل في القصة متعلقة بلما المسيح وصل قال لهم ايه والكلام ده كله. لان في جه المتى بيقول لما وصلوا قال لهم تنحوا فان الصبي لم تمت لكنها نائمة. فضحكوا عليه. ليه ضحكوا عليه؟ عشان - 00:17:55

هي ماتت طب ليه المسيح قال كده؟ بغض النظر ليه قال كده؟ طب هي هي دي النقطة اللي خلت بعض العلماء يقولوا طب هي فعلا كانت ماتت ولا لا المسيح نفسه قال لم تبت لكنها نائمة. ييجي واحد يقول لك ما هو النوم ده موت. المهم يعني ان الجملة دي ادت الى بعض الخلاف - 00:18:15

برضو هنا لما الراجل قال له البنت ماتت خلاص راح المسيح قال له ما تخافش ولا تقلق ماتت ايه يعني ماتت هو ده المعنى برضو نفس الكلام لم تمت الصبية لكنها نائمة فضحكوا علي. في انجيل لوقا جا له واحد قال له قد ماتت لا تتعب - 00:18:35

معلم ونفس الكلام برضه قد ماتت لا تؤتى بالمعلم في انجيل مرقص. لا تبكوا لم تمت لكنها نائمة. وطبعا في تفاصيل فرجعت روحها وقامت في الحال فامر ان تعطى لتأكل فبهت والدها ومش عارف مين. يعني بسبب كلام المسيح ده هو ده اللي ادى الى خلاف. وبعدين - 00:18:54

في تناقض اصلا ما بين متى وباقي الاناجيل هي ماتت لما الراجل جه يطلب من المسيح المعجزة ولا ما كانتش لسه ماتت. هنا ويليام ادي في التفسير بتاعه بيقول زاد مرقص على ذلك ان اسمه يارس وانه رئيس مجمع اي انه احد شيوخ اليهود الذين يقومون بالامور الدينية في كفر - 00:19:13

المرحوم ما علينا. دي تفصيلة زيادة. هنا فيه نقطة ان النص بيقول سجد له. لو جيت تشوف هنا هيقول لك اذا قد جاء فسجد له قائلا. وبعدين هنا خر عند قدميه. وبعدين هنا فوقع عند قدمي يسوع. طبعا فيه فرق - 00:19:33

ما بين وقع عند قدميه ممكن تتصورها بمعنى آآ مش سجود نزل على ركبته ومسك في رجليه وبيترجاه ايا كان طبعا احنا عملنا فيديو عن السجود في الكتاب المقدس وهل السجود للمسيح معناه اعتراف بالوهيته والكلام ده كله. هنا تجد نوعين من - 00:19:53

فسريه لي. ده كلام مين ؟ وليام ادي. سجد له اي طرح نفسه على الارض قدامه. ولا يدل ذلك ضرورة على ان انه قصد بما فعل ان يعبده. بل يبين انه احترم المسيح جدا. وده كلام الناس العاقلين بالادلة والبراهين - 00:20:13

والنصوص وكله زي ما عرضنا في الفيديو بتاع السجود في الكتاب المقدس. ديفيد كويزك بقى وديفيد كوزك ده دايما بيحب ينقل من الناس يعني لكن ما علينا. قال لك بيفسر برضه ان الرئيس ده قد جاء فسجد له. لاحز ان هذا الرجل قد سجد ليسوع. ما تعديهاش كده بالساهل - 00:20:33

وان يسوع قد قبل هذا السجود. الله! ما قالوش ايه الكفر اللي انت بتعمله ده! الذي كان ليعتبر تجديفا لو لم يكن يسوع هو نفسه الله. طبعا ده كذب. اقل ما يقال ان الجملة دي ان واحد ييجي يسجد لواحد ده يعتبر تجديف لو لم يكن - 00:20:53

الشخص اللي انا بسجد له هو الله مش هقول اكتر من انك تراجع الفيديو يعني الفيديو بتاع السجود في الكتاب المقدس تجد ان كل الناس بتسجد لبعضها وبتسجد لكل حاجة وبتسجد في اي حتة في - 00:21:13

اي حتة وانواع سجود قد كده كتير. لكن هو يعني الله اقول ايه بس؟ الله المستعان. الاختلاف اللي بعد كده رقم سبعة وسبعين اختلاف مشهور جدا جدا لانه واضح جدا جدا. واضح وبين اللي هو اثبات قصاده نفي - 00:21:26

فازاي تجمع ما بين ان النص ده بيثبت والنص ده نفس القصة ونفس التفاصيل ونفس الواقعة ونفس كل حاجة بس قصة فيها نفي وقصة فيها اثبات. الاخ محمود داوود بيحب التناقض دا جدا. وكرره كتير جدا وحاور به كتير جدا. المتعلق بموضوع العصا. تعالوا - 00:21:46

ونشوف ايه القصة. في متى عشرة سبعة المسيح بيقول لهم جمع تلاميزه يعني وقال لهم يروحوا يكرزوا ويشفوا ويعملوا معجزات وكزا. هنا شف النص رقم تسعة وعشرة بيقول ايه؟ انتم رايحين تعملوا حاجة. لا تقتنوا ذهبا ولا فضة ولا نحاس - 00:22:06

في مناطقكم الشنطة ما تشيلوش فيها حاجة. ولا مزودا للطريق ولا ثوبين ولا احذية ولا اعصى لان الفاعل مستحق طعامه. انتم رايحين هتعملوا حاجة كان المسيح في انجيل متى بيقول لهم ما تاخدوش معكم اي حاجة - 00:22:26

حاجة ولا عصا تحديدا العصاية دي ما تاخدوش معكم عصاية. في انجيل لوقا نفس القصة تسعة واحد ولوقا بيوافق متى قال لك وارسلهم ليكرزوا بملكوت الله ويشفوا المرضى وقال لهم لا تحملوا شيئا للطريق. لا عصى ولا مزود - 00:22:46

ولا خبزا ولا فضة ولا يكون للواحد ثوبان. اللي هو فيما معناه فيما معناه. كده انت بهدومك وامش. ما تاخدش معك اي حاجة ويمكن بحسب كلام انجيل متى ولا احذية. ولا ما تاخدش معك اي حاجة. ما تاخدش معك اي حاجة. واضح الكلام. وهنا فكرة ولا - 00:23:06

ثوبين معناها ان الهدمة اللي عليك وما تاخدش معك غيرها. ما تاخدش غيارات في انجيل مرقص نفس القصة وبيقول واوصاهم ان لا يحملوا شيئا للطريق غير عصا قط المسيح في متى ولوكا قال لك ولا حتى عصاية. هنا الحاجة الوحيدة المسموح بها العصاية - 00:23:26

اختلاف واضح جدا. هنا بيقول لك ولا عصاه هنا قال لك لا يحملوا شيئا للطريق غير عصا فقط. كل العلماء عارفين ان ده تناقض ظاهر وواضح وبين نفي واثبات هم بقى يطلعوا بتفسير اصل لوقا بيقول ينفع ياخد معه عصاية او بالاحرى ما تاخدش معك غير عصاية. ما التولوكة واضحين بانه - 00:23:53

ولا حتى عصاية ولا حتى عصاية انا متخيل يعني لو انا من تلاميز المسيح والمسيح انا سمعت منه في متى عشرة سبعة ولا عصى يعني من الحاجات اللي اللي بيعددها ولا عصى - 00:24:16

حتى لو انا كنت شايل معي عصاية كنت هرميها. يعني لو انا شخص متعود امشي بعصاية والمسيح قال ولا عصا هرميه مش هاخدها. طب في انجيل مرقص؟ لا يحمل شيئا للطريق غير عصى فقط. يبقى لو انا معتاد امشي بعصاية يبقى انا مسموم - 00:24:33

كحلية ان انا ما دام هو جاب سيرتها تحديدا جاب سيرتها تحديدا. لو انا متعود اشيل معي عصاية هاخدها معي مسموح بها ولو انا شخص مش مش بمشي بعصاية هبقى عارف ان ممكن اخد معي عصاية لو انا محتاجها. لو انا معتاد اني ما استعملهاش مش هاخدها معي لان انا - 00:24:53

كده كده ما بستعملهاش انت فاهم الفرق ما بين الاتنين؟ انا انا شايف ان المعنى الاول بتاع مادة ولوقا ان حتى لو انت معتاد انك تمشي بعصاية انا بقول لك رح اكرز وما تاخدش معك - 00:25:13

ولا حتى عصاية. كويس. وليام ماكدونالدز. هنا بيقول كلام في غاية الاهمية. كان المبدأ المتعارف عليه عندهم ان الفاعل مستحق طعامه لذلك لم يكن لازما لهم. فيه فرق ما بين مش لازم تاخده وما بين ما تاخدوش. هو بيلوي - 00:25:28

عشان تحاول تفهم النص بمعنى ما يأديش لمشكلة. لكن هو النص ما بيقولش كده. النص بيقول ما تاخدوش ما تاخدوش ما تاخدوش ما تاخدوش. والنص فلوقة يعني في غاية الوضوح لا تحملوا شيئا للطريق. لا عصا. زي ما قلت والله انا لو سمعت - 00:25:48

الكلام ده من المسيح وكنت ماسك عصاية في ايدي ومتعود امشي بها كنت رميتها. هنا بيقول لك وربما كان المقصود عصا اضافية فهو لهم باخذ العصي اذا كانت عندهم من قبل. مين قال؟ ازا هو بيقول ما تاخدوش حاجة ولا حتى عصا ولا عصى. في مرقص خلى الموضوع لأ - 00:26:08

آآ غير عصا فقط ديفيد كوزيك بيقتبس من باركلي بيقول كان يتحدث بكلمات كانت مألوفة جدا لليهودي يخبرنا التلمود له لا احد يذهب الى جبل الهيكل بعصا او احذية. كده انت تفهم ان المسيح كان بيعلم تعليم - 00:26:28

مألوف لليهود ما ينفعش تاخد معك عصاية. حتى لو انت متعود تمشي بعصاية. ما ينفعش تاخد معك عصاية. ويليام ادي هنا قال لك لما المسيح قال ولا عصى ولا احذية ولا ثوبين قال لك ليس المقصود منعوهم من اخذ حذاء او عصا بل منعوهم من اخذ - 00:26:50

باكثر من حذاء وعصب. قال لها طب ازا هو قال لك ولا ثوبين. ليه ما قالش بالمثنى؟ قال لك يعني بمنتهى البساطة فلا تناقض. ولا تناقض ولا التناقض. هلال امين بيقول نرى بعض التغييرات فيما ذكر عن العصا في الاناجيل. نقرأ في متى ولوقا ان الرب يمنعهم من تجهيز - 00:27:10

كيس عصا بينما في مرقص صرح الرب لهم بحمل عصا. قال لك بقى ده معناه عدم تجهيز عصا اضافية. هنا قال لك لان المنع ينصب على عدم تجهيز شيء لرحلتهم. لأ. بل يذهبون كما هم في العادة. لأ. في ضوء الكلام عن التلمود ان دي - 00:27:30

احلى لا احد يذهب الى جبل الهيكل بعصا هو المسيح يقصد كده. الرحلة دي ما يتاخدش فيها حاجة. ولا عصا ولا مزود ولا خبز ولا هو ده المعنى لوقا موضح الدنيا دي. لا تحملوا شيئا لا تحملوا شيئا للطريق. طب انا ماشي شاي العصاية ومعي في الطريق - 00:27:49

المسيح بيقول لك لا تحملوا شيئا للطريق. لا عصا ولا مزود ويليام ادي بيقول لك اللي الذي له عصا فليأخذها والذي ليس له لا يشغل وقت وانا يعني لو مش متعود اخد عصاية هروح اشتري لي عصاية مخصوص. الله المستعان. هنا برضه ديفيد كوزيك كان معلمه اليهود يمنعون دخول الهيكل ان - 00:28:09

تحمل عصا او كيسا من النقود او تلبس نعالا. فهنا ده برضو بيفسر اه يبقى كلام المسيح لما قال في متى ولا احذية يعني اروح حافي ولا عصا ما اشيلش عصاية. لكن مرقص بيقول لأ خد معك عصاية. ما تاخدش معك حاجة غير عصاية فقط - 00:28:29

طبعا بسبب شهرة هذا التناقض تكاد لا تجد اي تفسير الا هيحاول يحل الموضوع. الاختلاف اللي بعد كده رقم تمانية وسبعين بيتكلم عن اللقاء اللي حصل ما بين يسوع المسيح ويوحنا المعمدان. وبيقول القصة موجودة في انجيل ما تليها تفاصيل. وفي انجيل يوحنا - 00:28:49

في تفاصيل. هنا الشيخ بيأكد على نقطة هو يوحنا المعمدان كان يعرفه ولا ما يعرفوش كان يعرفه قبل المعمودية ولا ما كانش يعرفه؟ قال لك في الباب الحادي عشر من انجيل متى انه لما سمع يحيى اعمال المسيح؟ قال له وانت هو الاتي - 00:29:09

ننتظر اخر يعني ده لا كان يعرفه قبليها ولا حتى بعديها لا اله الا الله. نشوف القصة فيها ايه. الاختلاف رقم تمانية وسبعين. القصة في انجيل متى. الاصلاح التالت من اول تلتاشر. وبعدين - 00:29:27

في مرقص واحد من اول تسعة ونوقة تلاتة واحد وعشرين. وبعدين في القصة المختلفة الجديدة لنوفي في يوحنا واحد من اول اربعة وعشرين والتفاصيل كثيرة كثيرة. بكرر مرة تانية ان الشيخ رحمة الله الهندي يعني رحيم جدا بالنصارى - 00:29:42

امسك في نقطة بعينها مع ان احنا لو قارنا القصص ببعض هنلاقي عدد الاختلافات اكتر من كده بكتير والتفاصيل اللي عليها وتناقضات اكتر من كده بكتير. الله المستعان. هنا في متى فيه نقطة عجيبة. في متى تلاتة تلاتاشر يسوع راح ليوحنا - 00:30:03

المعمدان ليعتمد منه. يوحنا منعه قال له انا محتاج ان اعتمد منك. يعني انت اللي جاي لي ده انا اللي المفروض اجي لك تعمدني. طبعا ولم يعمد احدا لكن ما علينا. قال له معلش عديها المرة دي وعمدني. فلما اعتمد يسوع موضوع المعمودية ده قصة المعمودية ما بين الاناجيل - 00:30:23

برضو فيها خلاف كبير. صعد للوقت من الماء خرج من المية وبعدين روح الله نزلت على هيئة جسمها مسل حمامة وصوت من السماوات هذا هو ابن الحبيب الذي به سراد. لو انت قارنت - 00:30:43

في الجزء بتاع المعمودية دي الحمامة نزلت على كتف المسيح امتى ؟ وهو في الماية ولا بعد ما خرج ولا امتى ؟ والصوت من السماوات قال ايه بيكلم الناس ولا بيكلم المسيح؟ لان دي تفرق كتير جدا - 00:30:57

في تفسير بنيامين بن كارتون بيقول لنلاحظ الفرق بينما جاء في انجيل متى وما جاء في انجيل يوحنا يعني يوحنا مختلف كتير خالص فان مت لا يذكر شهادة يوحنا المعمدان للمسيح كحمل الله وابن الله. بغض النزر يعني القصة برضه في انجيل يوحنا في تفاصيل وفي نصوص متحرفة - 00:31:12

قصة كبيرة قوي بس مش موضوعنا. قال لك يوحنا انا لم اكن اعرفه لكن الذي ارسلني لاعمد بالماء ذاك قال لي كزا كزا. وانا وشهدت ان هذا هو ابن الله. اما في متى فنرى ان يوحنا عرفه يوحنا عرفه قبل حلول الروح القدس عليه - 00:31:33

كلام انجيل يوحنا وبالمناسبة لو انت مش عارف يعني كاتب انجيلي يوحنا مش هو يوحنا المعمدان خالص. يوحنا المعمدان هو يحيى ابن زكريا كاتب انجيلي يوحنا مفروض هو تلميذ المسيح اللي اسمه يوحنا. فاسم يوحنا او يحيى ده كان منتشر. من بعد ما سيدنا زكريا سمى ابنه يحيى او يوحنا. القصة في - 00:31:53

يوحنا واضحة. يوحنا المعمدان بيقول وانا لم اكن اعرفه. طبعا النصارى بقى هو ما كانش يعرفه خالص ما يعرفش ده مين خالص ولا يقصد ما كانش يعرف انه هو ده يسوع المسيح - 00:32:13

في متى نرى ان يوحنا عرفه. المهم ان هو عارفه وخلي بالك بقى. لو انت عايز تعرف شف تفاسير النصارى في جملة ان يوحنا المعمدان قال له انا محتاج ان اعتمد منك. النصارى بيقولوا ده عارفه وعرفه وعارفه. وعارف هو مين. وانه بلا خطية - 00:32:31

وانه مش محتاج لمعمودية يوحنا المعمدان بتاعة مغفرة الخطايا. ويوحنا عارف انه مش محتاج فحتة هو يعرفه يعرفه كويس قوي في انجيل متى لكن لكن في انجيل يوحنا قال لك انا لم اكن اعرفه - 00:32:52

فان النصارى بيلعبوا في حتة هو ما كانش يعرفوا مطلقا كده ولا يقصد ما كانش يعرف ان هو ده اللي هيعمد الروح هنا بيقول لك ايه؟ يوجد فرق بينهما. ولكن ليست هناك مضادة او اختلاف. يعني هقول ايه بس؟ قال لك يوحنا - 00:33:10

قد عرف المسيح من قبل. وهو قال انا لم اكن اعرفه. بس عادي احنا هنكزب يوحنا المعمدان زي ما كزبناه قبل كده. لما قال انا لست ايه ولكن ليس في صفته كالمسيح او كابن الله. بل كالانسان البار. طب كالانسان البار هيقول له انا محتاج اتعمد منك - 00:33:30

وبعدين هتعمدني ازاي؟ يعني يوحنا بيقول ليسوع انا محتاج اتعمد منك. هو يسوع بيعمد بالمية؟ طيب. في انجيل مرقص وفي انجيل لوقا برضو فيه تفاصيل وهو صاعد من الماء والصوت قال له انت ابني الحبيب الذي بيسدد. فالصوت بيكلم يسوع. فلوقة - 00:33:50

خرج من المية يعني اعتمد يسوع ايضا خلاص ما المعمودية خلصت واذ كان يصلي انفتحت السماء. وبرضو انت ابن الحبيب. مش هذا هو ابن الحبيب الذي بيسلد. الصوت للمسيح طب هو المسيح محتاج يسمع انت ابني الحبيب؟ ولا الناس محتاجة تعرف هذا هو ابن الحبيب؟ في فرق جوهري. وطبعا في - 00:34:10

تحريف كبير موجود في انجيل لوقا هنا انت ابني انا اليوم ولدتك وشرحت الموضوع ده بالتفصيل في الفيديو بتاع معضلة ولادة الابن من الان يوحنا بقى بيحكي تفاصيل كتير مختلفة - 00:34:36

انا زكرت الخلاف في موضوع المعمودية الصوت بيقول ايه والصوت بيقول لمين والصوت اتقال امتى وزكرت في انجيل لوقا ان في خلاف موجود في مصادر مختلفة ان بدل عبارة انت ابني الحبيب بك سررت انت ابني انا اليوم ولدتك. وده الشكل اللي موجود في مخطوطة بيزا من القرن الخامس - 00:34:49

مخطوطة مهمة جدا جدا في يوحنا بقى ما فيش صوت ولا فيه حاجة. القصة مختلفة. الغريب اللي انا كنت اقصده في انجيل متى ان بالرغم من انه قال له انت جاي تعتمد - 00:35:15

مني وانا محتاج ان انا اعتمد منك بنلاقي ان يوحنا المعمدان بعد شوية بيقول له انت هو الاتي ام ننتظر اخر. الله! انت في ايه! انت عارفني ولا مش عارفني ولا - 00:35:26

ايه النظام؟ والشيخ هنا بيحكي قصة قال لك يعني هو حاول انه يزيل الاشكال والتوجيه المذكور ضعيف لا يرتفع منه الاختلاف بين عبارتي متى عبارتي متى اللي هو آآ انا محتاج وبعدين في الاخر بيقول له اانت هو الاتي ام ننتظر اخر؟ في اختلاف بعد - 00:35:36

اذا ذكره الشيخ رقم تسعة وسبعين وبس يعني اتمنى ان الناس ما تزعلش مني. هنا هو ذاكر نص في انجيل يوحنا المسيح بيقول ان كنت اشهد لنفسي فشهادتي ليست حقا. وفي نص تاني برضه من انجيل يوحنا ان كنت اشهد لنفسي فشهادتي حق - 00:35:56

ظاهر الاختلاف انه انت شهادتك حق ولا شهادتك مش حق بغض النزر عن رأيي في الموضوع وهل ده اختلاف حقيقي ولا تناقض فعلا ولا ايه النظام؟ انا بقول مرة تانية ابعد عن الاختلافات اللي - 00:36:15

وممكن المسيحي يشد ويكذب فيها. يحصل فيها شد وجذب. يحصل فيها اخد ورد. خليك اكتر في التناقضات الا على الاقل العلماء اعترفوا ان ده اختلاف ظاهري ان ده تناقض ظاهري. اه فيه مشكلة وهنحاول بقى نحلها ولا ما نحلهاش. الاختلاف رقم - 00:36:29

تمانين. برضو القضية دي فيها تفصيل وهي من الحاجات اللي ممكن بسبب ان فيها تفاصيل تقنية. ممكن المسيحي ما يقتنعش في الاخر يعني على سبيل المثال في ناس كتير بيقولوا لي انت يا محمد هتيجي مسلا تكلم مسيحي عامي تقول له مخطوطات ونسخ وترجمات - 00:36:49

هيفتح بوقه كده اهه مش فاهم حاجة. ففي النهاية بما انه مش فاهم حاجة لم تقام عليه الحجة. انت بتكلمه بحاجة هو مش مستوعبها ومش مدركها ومش فاهمها. فيبقى ابعد عن النوع ده من الحوار - 00:37:09

وخاطبوا الناس على قدر عقولهم ونخاطب الناس على قدر افهامهم. هنا في قصة لامرأة استغاثت بالمسيح لاجل الشفاء بنتها. انجيل متى بيقول دي كانت كنعانية. انجيل مرقص بيقول دي كانت يونانية في نيقية - 00:37:24

صورية هي المرأة دي جنس امها ايه كان يعني المرأة دي ايه بالزبط طبعا النصارى لهم تأويل ان هي ينفع تكون كل دول مع بعض. طب هل فعلا ينفع تكون كل دول مع بعض؟ المسألة فيها صعوبة تاريخية - 00:37:44

قية وجغرافية طب ليه كل ده؟ ليه؟ على كل حال القصة موجودة في متى خمستاشر واحد وعشرين وفي مرقص سبعة اربعة وعشرين. متى بيقول ان المرأة دي واذا امرأة كنعانية طيب قالت له ارحمني يا سيد يا ابن داود. كنعاني هي هنا المقصد من الكلام ان - 00:38:01

دي مش امرأة يهودية. ده المقصد ده خلاصة القصة. والمسيح اتعامل معها بطريقة عجيبة جدا. عمالة تزن عليه. ارحمني يا سيد يا ابن داود ابنتي مجنونة جدا فلم يجبها بكلمة. مش بس كده. تلاميذ الرحماء - 00:38:23

طلبوا اليه قائلين اصرفها لانها تصيح وراءنا. يعني انت كانه يعني يا تشفيها يا تقول لها تمشي من هنا. وجعت لنا دماغنا جابت لنا صداع فالمسيح قال لم ارسل الا الى خراف بيت اسرائيل الضالة يعني انت مش من بني اسرائيل ما لكيش عندي حاجة رغم ان احنا - 00:38:41

احنا قرينا قبل كده قصة شفاء مش عارف ابنه ولا بنت ولا قريب قائد المرأة ما ده وثن. بس ما علينا. جه عند الكنعانية دي وقال لها لا لم الا الى خراب بيت اسرائيل الضال. فاتت وسجدت له قائلا. يا سيد اعني راح مزود الكلام. انا مش لسة قايل لك لم - 00:39:01

ارسل الا الى خراب بيت اسرائيل الضالة راح قال لها جملة في غاية الصعوبة. ليس حسنا ان يؤخذ خبز البنين ويطرح للكلاب. لان المعجزات دي مش لكم. انتم بالنسبة لبني اسرائيل كلاب. وليس حسنا ان - 00:39:21

وخذ خبز البنين ويطرح للكلاب. كلام والله قاسي. قاسي جدا حينئذ راحت هي ردت عليه بمنتهى الذل محتاجة وحتى لو انت هتهيني انا انا محتاجة والحوجة دي يعني الله المستعان. فقالت نعم يا سيد. انت معك حق. احنا كلاب - 00:39:41

والكلاب ايضا تأكل من الفتات الذي يسقط من مائدة اربابها. تأصيل للعنصرية اليهودية. بني اسرائيل دول هم السادة الارباب واحنا مجرد كلاب. لما الاسياد يقعدوا ياكلوا ويقع منهم فتات الكلاب بقى يجروا ياكلوا هذا الفتات. والكلاب ايضا تأكل من الفتات الذي يسقط من مائدة اربابها. حينئذ اجاب يسوع وقال لها يا امرأة - 00:40:04

ايمانك ان المسيح كان بيختبرها قصة فيها تفاصيل صعبة. والنصارى ما بيحبوش القصة دي. لانها بتبين جانب من شخصية المسيح غير فكرة بقى الله محبة ومات عشانا والكلام ده كله. مرقص بيحكي نفس القصة لكن بيقول ان المرأة دي امرأة اممية اممية وثنية - 00:40:33

لكن هي الكلمة في الاصل يونانية. فيمكن هي ينفع تبقى كنعانية ويونانية في نفس الوقت هي دي القصة. ده ده تناقض هي ينفع تبقى الكنعانية ويونانية في نفس الوقت ما ينفعش - 00:40:53

هو ده التناقض. هنا هم حرفوا الترجمة علشان كانت امرأة اممية يعني وثنية يعني ليست يهودية. فتمشي كنعانية او يونانية او بتنجانية او غيرها. وفي جنسها في نيقية سورية. طيب ما علينا. طبعا يعني - 00:41:08

في تأويلات عند النصارى. هنا برضو في خلاف في تفاصيل القصة دع البنين اولا يشبعون. لانه ليس حسنا ان يؤخذ خبز البنين ويطرح كلاب قال لها ماشي احنا كلاب كلاب. لاجل هذه الكلمة روحي هتلاقي بنتك اتشفت - 00:41:25

ويليام ادي بيقول هي كنعانية سميت كذلك لان السكان الفينيقية كانوا اولاد كنعان حفيد نوح ولم يطردهم بنو اسرائيل من ارضهم مش عارف مين وسماها مرقص اممية هي مش اممية هي يونانية لانها وثنية وفينيقية سورية لانها مش عارف مين هو - 00:41:40

يعني قال لك كل ده يمشي. لو جينا نبص على الترجمات المختلفة المرقو السبعة الستة وعشرين هل هي اممية ولا يونانية في في نزب في الموضوع. نزب. الترجمة العربية المشتركة بتقول وكانت المرأة غير يهودي. لا والله. سبحان الله! هنا كانت المرأة - 00:42:00

هو ما قالش كده. البوليسية وكانت المرأة وثنية. برضو هو ما قالش كده. ترجمة الحياة اللي سبحان الله مش دايما بتطلع هي الصح هو انت على اساس ايه هتقول ده صح وده غلط. هنرجع دلوقتي لليوناني عربي بين السطور. هنشوف النص اليوناني بيقول ايه؟ هنا وكانت المرأة يونانية من - 00:42:20

الاصل سوري في نيابي. دي الترجمة الاصح. ده كتاب العهد الجديد ترجمة بين السطور يوناني عربي. هنا لو بصينا على النص اليوناني بيقول ايه وكانت المرأة يونانية يونانية سورية فينيقية بالاصل - 00:42:41

اصولها يعني اصولها سورية الفينيقية هي امرأة يونانية. فيبقى زي ما قلت هو ما بيقولش انها وثنية. هو بيقول انها يونانية اصلها سوريا الفينيقية. ويليام اديد بيقول الكلام ده اممية لأ. وهي في الاصل الينيس ايونانية. النص - 00:43:01

في اليوناني بيقول هي يونانية. هنا بقى هو بيدعي ان ده اي حد مش يهودي بيتقال انه يوناني. كلام فاضي. ايه الدليل على اخر اختلاف هنعرضه النهاردة الاختلاف رقم واحد وتمانين. قال لك لو هنقارن ما بين مرقص ومتى معجزة من معجزات المسيح مرقص - 00:43:21

تقول كان في واحد كالعادة في طرف بيذكر رقم بسيط متى لازم يبالغ متى لازم يزود العدد ويكبر الرقم. واحد بالنسبة للمسيح ايه؟ واحد بالنسبة له مش كفاية. مرقص قال لك ان المسيح ابرأ واحدا كان اصم وابكم - 00:43:41

بالغ مت فجعل هذا الواحد جما غفيرا. وهذه المبالغة كما بالغه الانجيل الرابع دي قصة تانية بنشوفها بعد شوية. فهنا النص موجود في مرقص سبعة من واحد وتلاتين. بيحكي التفاصيل ويقول لك ايه. وجاؤوا - 00:44:01

اليه باصم اعقد. كويس. طلبوا اليه ان يضع يده عليه ومش عارف مين وعمل معجزة. في متى بقى لا فجاء اليه جموع كثيرة معهم عرج وعومي وخرس وشل واخرون هيصة حتى تعجب - 00:44:21

بالجموع وقعدوا يقولوا الكلام ده. بص هنا وبهتوا الى الغاية قائلين انه عمل كل شيء حسنا. جعل الصم يسمعه الخلسة تكلموا. طبعا برضه مرقص بيذكر بالتفصيل. تفاصيل القصة. الخلاف الجوهري ان الجموع جاءوا للمسيح - 00:44:41

طمن اعقد. لكن هنا الجموع معهم عرج وعمي وكزا وكزا. تفسير هلال امين بيقول ايه؟ تبعته الجموع واحضرت معه هذا الاصم الاعقد ومعه اخرون فشفاهم جميعا. طبعا معهم اخرون ده في ضوء قصة متى. ما انت لازم تقول كده. انت لو ما قريتش متى مش هتقول كده. يعني - 00:45:01

لو انت ما قريتش متى مش هتقول ان كان معه ناس تانيين شفاهم. هنا قال لك ولم يزكر مرقص نشاط الرب في هذا الاقليم بصورة مختصرة وكما فعل البشير مات. هنا هو يقصد ايه؟ ان مرقص بدل ما يعمل زي متة يتكلم باختصار بس يقول والله دي كانت حالات - 00:45:23

كتيرة لأ مرقص عمل ايه دي كانت حالة واحدة ويحكيها بالتفصيل. فاهم الفرق؟ متى مش هيحكي تفاصيل بس هبالغ لك في الموضوع واقول لك دول كانوا كتير قوي مرقص لا. هو كان واحد بس بقى هحكي لك التفاصيل كلها. ويليام ادي بيقول قال متى ان - 00:45:43

المسيح صنع معجزات كثيرة في تلك الكورة. واقتصر مرقص على ذكر واحدة منها. هو طبعا انت لو قريت مش هتفهم انه عمل معجزات كثيرة. هو راح جابوا له واحد شفاه. لكن في متى هتفهم لأ ده عمل معجزات كثيرة. هنا الشيخ - 00:46:03

بقى في الاخر بيعلق على موضوع المبالغة ده قال لك متى بيبالغ كما بالغه الانجيل الرابع في اخر انجيله اللي هو كاتب انجيلي يوحنا في اخر الانجيل راح قايل ايه؟ واشياء اخر كثيرة صنعها يسوع. ان كتبت واحدة واحدة فلست اظن ان العالم نفسه - 00:46:23

يسع الكتب المكتوبة. يا راجل صل على النبي. انتم كل تراثكم كل تراث النصارى في الثلاثة قرون الاولى ما يكملوش صف في المكتبة. كل تراث النصارى في الثلاثة قرون الاولى. صف في المكتبة. فهو الشيخ يعني بيقول لك هم - 00:46:43

بيبالغوا بيبالغوا ظننا انه تسعى هذه الكتب زاوية البيت الصغير جدا. مجموعة كتب على جنب كده في زاوية. لكنه المسيحيين ذوو الالهام او ذو الهام فيقولون ما يشاؤون بالالهام. فمن يقدر ان يتكلم؟ انت يعني تقدر - 00:47:03

كمسيحي يعني هو الشيخ يقصد كده. انت كمسيحي تقدر تغلط كاتب انجيلي يوحنا تقول له ايه المبالغة اللي انت بتقولها دي ؟ انا ساكتفي بهذا القدر في هذا الفيديو وفي فيديو قادم باذن الله عز وجل نكمل من الاختلاف رقم اتنين وتمانين. واسف جدا على الاطالة لكن طبيعة الاختلافات اللي ذكرها الشيخ - 00:47:23

من العهد الجديد فيها تفاصيل اكتر ونافعة بشكل كبير في الحوار الاسلامي المسيحي علشان كده استفدت اكتر في الموضوع لو حاز هذا الفيديو على اعجابك فلا تنسى ان تضغط على زر اعجبني ولا تنسى ان تقوم بمشاركة الفيديو مع اصدقائك المهتمين بهذا الموضوع ولو كنت قادرا على دعم ورعاية - 00:47:43

مستوى القناة لو انت شايف ان هذا المحتوى يستحق الدعم والرعاية فقم بزيارة صفحتنا على بتريون او بيبال او حتى قم بالانتساب للقناة ستجد اللينكات كلها تحت في وصف الفيديو. الى ان نلتقي في فيديو اخر قريبا جدا باذن الله عز وجل لا تنسوني من صالح دعائكم. والسلام عليكم ورحمة الله وبركاته - 00:48:03

- 00:48:23