Baheth

واحلل عقدة من لساني يفقهوا قولي. السلام عليكم ورحمة الله وبركاته. اهلا بحضراتكم في الحلقة التاسعة والعشرون من حلقات سلسلة تدبر اسماء الله الحسنى ونبدأ اليوم ان شاء الله بسم الله الحكيم - 00:00:00ضَ

خلينا نذكر نفسنا كده بالنية آآ اللي وراء تدبر اسماء الله الحسنى قال تعالى في سورة طه الله لا اله الا هو له الاسماء الحسنى من هذه الاية نفهم ان الله سبحانه وتعالى له اسماء حسنى - 00:00:28ضَ

وطالما ان اشرف العلوم هو معرفة الله تعالى لان ربنا سبحانه وتعالى قال لنا في سورة الطلاق انه خلق العلم انا اسف خلق السماوات والارض من اجل العلم. خلق الكون كله من اجل العلم بالله. اشرف علم هو العلم بالله - 00:00:50ضَ

نشوف كده مع بعض سورة الطلاق اخر اية في سورة الطلاق اعوذ بالله السميع العليم من الشيطان الرجيم. الله الذي خلق سبع سماوات ومن الارض مثلهن يتنزل الامر بينهن لتعلموا - 00:01:11ضَ

ان الله على كل شيء قدير. وان الله قد احاط بكل شيء علما اذا ربنا خلق الكون كله من اجل العلم واشرف علم هو العلم بالله سبحانه وتعالى وطالما انها له اسماء حسنى فهي دي الطريقة التي نعرف بها الله ونتعرف بها على صفات الله وافعال الله. سبحانه وتعالى. قال تعالى في سورة الاعراف - 00:01:25ضَ

ولله الاسماء الحسنى فادعوه بها. وذروا الذين يلحدون في اسمائه سيجزون ما كانوا يعملون من الاية دي عرفنا ان واجبنا اننا ندعو الله سبحانه وتعالى باسمائه الحسنى ومن تدبرنا لادعية الانبياء في حلقات المقدمة لو تتذكروا وصلنا الى ان معنى فادعوه بها - 00:01:51ضَ

يعني ادعوه بمقتضيات هذه الاسباب. ليس بالضرورة اننا نذكر الاسم نفسه في الدعاء. مش بالضرورة نقول يا رحيم ارحمنا قل يا عفو اعف عنا مسلا. يعني هنلاقي مسلا ايه في سورة البقرة اخر اية خالص - 00:02:19ضَ

واعف عنا واغفر لنا وارحمنا انت مولانا. ما قالش انت العفو عشان قال اعفوا عنا ما قالش انت الغفار عشان قال اغفر لنا ما قالش انت الرحيم او الرحمن عشان قال ارحمني - 00:02:36ضَ

اختار اسم اخر وهو المولى ازا مجرد ان احنا بنطلب المغفرة فقد دعونا بسم الله الغفار الغفور مجرد ما نطلب الرحمة دعونا بسم الله الرحمن او الرحيم تمام؟ تمام ومقتضيات الاسماء دي. يعني انت بتفهم الاسم وتعرف ما عند الله لك فتطلبه - 00:02:50ضَ

وورد الصحيح المتفق عليه يعني حديث فيه اعلى درجات الصحة متفق عليه وقلنا يعني اخرجه البخاري ومسلم في صحيحيهما. كل واحد عنده صحيح صحيح البخاري وصحيح مسلم قال النبي صلى الله عليه وسلم - 00:03:12ضَ

انا لله تسعة وتسعين أسماء مائة الا واحدة من احصاها دخل الجنة يبقى مهم جدا نحصي هذه الاسماء. نفهم هذه الاسماء نعيش نعيش بمعاني هذه الاسماء وبمقتضيات هذه الاسماء. ونترك انفسنا - 00:03:29ضَ

الاسماء تغيرنا الليلة سنعيش مع اسم الله الحكيم بسم الله الحكيم يأتي من جذر احنا عارفين الكلمات في اللغة العربية لها جذور جذر الكلمة حك مه ومنها الحكم والاحكام الاحكام - 00:03:49ضَ

من معانيه ايضا الاتقان بقول لك ايه الشباك محكم يعني ايه محكم؟ يعني مش مقفول كده مردود ردة كده ولا مقفول قفلة عادية لأ ده محكم مقفول باتقان الحكم يعني القاضي - 00:04:16ضَ

اللي بيصدر الاحكام اسمه حكم انه بيصدر احكام. يعني ايه بيصدر احكام؟ يعني بيفصل بين الناس حكم المباراة هو اللي بيقرر احتساب الهدف او ضربة جزاء لان هو الحكم بس الحكم ممكن يخطئ اه الحكم يخطئ لزلك الله سبحانه وتعالى بقى كمان هو الحكيم. يعني حكم يحكم باحكام - 00:04:37ضَ

الحكيم حكم يحكم باحكام من اسباب الحكم ايضا لما بنتكلم فيه بعدين. لكن شوفوا ابن جرير بيقول الحكيم هو الذي لا يدخل في تدبيره خلل ولا زلل يعني اي شيء بيدبره - 00:05:05ضَ

ما يحصلش فيه اي غلطة ولا اي زلة لا خلل ولا زلل اسم الحكيم ورد في القرآن الكريم كم مرة بقى واحد وتسعين مرة يعني كثير من الاسماء الحسنى وردت مرة واحدة - 00:05:25ضَ

المهيمن مرة واحدة المقيد مرة واحدة ده اسمه مهم جدا وهناخده قريب على فكرة المحيط. الجبار مرة واحدة اسم الحكيم يأتي واحد وتسعين مرة يعني ربنا بيعرف نفسه للناس لخلقه بالاسم ده واحد وتسعين مرة - 00:05:44ضَ

ده اشارة الى ايه اشارة الى الاهمية الرهيبة لهذا الاسم لما النبي صلى الله عليه وسلم يقول ان لله تسعة وتسعين اسما مائة الا واحدة. من احصاها دخل الجنة يبقى اكيد بقى اسمه ورد واحد وتسعين مرة يبقى واحد منهم - 00:06:08ضَ

مش معقول بيبقاش واحد منهم احنا الرسول صلى الله عليه وسلم قال لنا فيه تسعة وتسعين اسم المهمين. واحنا عارفين ان الاسماء الصحيحة متين وتمانين اسم. بس منهم تسعة وتسعين اسم اللي يحصيهم - 00:06:28ضَ

يدخل الجنة وما قالش هم ايه تسعة وتسعين اسم دول احنا قلنا تسعة وتسعين اسم اللي معروفين دول مشتهرين مش بالضرورة يكونوا هم دول. هذا ليس قول النبي صلى الله عليه وسلم - 00:06:38ضَ

لم يخبرنا ليه النبي عليه الصلاة والسلام لم يخبرنا ايه هم التسعة وتسعين اسم علشان نقعد قعدتنا دي وعشان نطلب العلم وعشان نقدح الذهن. وعشان نتدبر ايات الوحي تخيلوا معي ان مسلم يبقى مش مؤمن بان الله سبحانه وتعالى هو حكيم. تخيلوا - 00:06:50ضَ

افتكروا المسلم ده ممكن يدخل الجنة! يعني واحد مش مؤمن ان الله حكيم. يدخل الجنة! مستحيل مستحيل ليه ؟ لان الايمان بسم الله الحكيم مرتبط بالايمان بالغيب ومرتبط بالرضاء بالقضاء والقدر - 00:07:10ضَ

من اقسام الايمان الستة ايه؟ يعني الف به اسلام الف باء الاسلام ايه لا اقتنع من الستة الايمان بالله الايمان بالملائكة الايمان بالرسل الكتب اليوم الاخر والقضاء والقدر يعني الرضا بالقضاء والقدر خيره وشره حلوه ومره - 00:07:27ضَ

خلي بالك بقى ربنا هم بيدبر الامر هذا التدبير عبارة عن تقدير المقادير يعني تقدير اقدار معينة واشياء تحدث للانسان اما احداث حلوة ومفرحة او احداث مرة ومحزنة لكن كلها اقدار الله. ربنا بيقدرها - 00:07:46ضَ

الخير والشر الحلو والمر لما تحدث هذه الاقدار بتبقى ايه؟ قضي الامر بيبقى اسمها قضاء قضاء حصل بالفعل التقدير لامر ما يحدث القضاء لما يحدث يبقى قدر الله بيصبح قضاء - 00:08:15ضَ

الرضا لازم يكون رضا بالقضاء والقدر من اقسام الايمان. طيب. هل ممكن انسان يرضى بقضاء الله وقدره دون ان يؤمن بان الله سبحانه وتعالى حكيم مش ممكن الانسان بيرضى بالبلية بالبلوة - 00:08:37ضَ

لانه مؤمن ان الله له حكمة في زلك قد يكون له حكمة ونحن لا نعلمها. او اكيد له حكمة ونحن لا نعلمها لانه لا يوجد شر مطلق ما فيش حاجة في الدنيا كلها شر مية في المية - 00:08:57ضَ

مهما كان الشيء اللي حصل سيء جدا او تسبب في خسائر رهيبة لابد ان فيه خير ولو بسيط بس انت مش شايفه مسلا ربنا سبحانه وتعالى قال في سورة البقرة - 00:09:15ضَ

كتب عليكم القتال وهو كره لكم وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون اه ربنا كتب عليكم القتال هتقاتلوا وانتم كارهين ده! بس مين عاقل هيكم بتكرهوا حاجة هي كويسة عشانكم - 00:09:32ضَ

يمكن القتال ده فيه خير عشانكم واحيانا بتحبوا حاجات شر لكم بس انتم مش عارفين. والله يعلم وانتم لا تعلمون انا يوم حداشر سبتمبر نزلت اوقف تاكسي في منطقة برودواي في مانهاتن رايح المركز التجارة العالمي. الساعة تمانية الصبح - 00:09:53ضَ

ما فيش تاكسي وقف لي لمدة نص ساعة انا واصحابي اتنين اصحاب انا عايز اقول لكم بعد مرور اول عشر دقايق انا كنت ابتديت اتكهرب وابقى متضايق ومتضجر جدا لان انا وقتي ضيق - 00:10:11ضَ

والاحسن في ظني الافضل عشاني ده في ظني انا. ان كان يقف لي التاكسي بسرعة عشان اوصل في الوقت اوصل في وقت قصير بعدها بساعة الا ربع اكتشفت ان ربنا انقز حياتي بعدم وقوف التاكسي - 00:10:25ضَ

يعني انا اولادي كانوا هيتيتموا لو كان التاكسي ده وقف لي بسرعة يعني الحاجة السيئة اللي انا كرهتها وقتها كان لي احسن حاجة حصلت في حياتي. ممكن تكون هي احسن حاجة حصلت في حياتي - 00:10:44ضَ

والحاجة الحلوة اللي انا كنت احب انها تحصل ان تاكسي يقف بسرعة مسلا من اول دقيقة ها انت تبقى اسوأ حاجة حصلت في حياتي طب لما انا مش عارف الحاجة الكويسة كويسة بجد ولا لأ - 00:10:59ضَ

الحاجة الوحشة وحشة بجد ولا لأ ليه لسة بافرح وبازعل بيقول كتب عليكم القتال وهو كره لكم وعسى ان تكرهوا شيئا وهو خير لكم وعسى ان تحبوا شيئا وهو شر لكم - 00:11:14ضَ

والله يعلم وانتم لا تعلمون فهمت يومها هذه الاية ان طالما ان الله سبحانه وتعالى حكيم عنده حكمة نحن لا نعلمها يبقى لازم اتوقف عن الشعور بالفرح وبالحزن افرح ليه بحاجة حلوة وهي ما نيش عارف ان كانت حلوة بجد ولا لأ - 00:11:33ضَ

وافرح واحزن لي على حاجة وحشة وانا عارفها. ما يمكن تطلع كويسة ومش وحشة ولا حاجة اسمع كده سورة الحديد الاية اتنين وعشرين تلاتة وعشرين بيتكلموا عن الموضوع ده بالزبط - 00:11:52ضَ

المشينة مش حاططها الاية اتنين وعشرين بتقول ايه شرطة الحديد ما اصاب من مصيبة في الارض ولا في انفسكم الا في كتاب. من قبل ان نبرأها. ان ذلك على الله يسير - 00:12:07ضَ

اي مصيبة تحصل لكم مكتوبة عند الله قبل ما تخلق يعلمها وهو اللي قدرها الايمان بده يعمل ايه بقى فيك ها لكي لا تأسوا على ما فاتكم ولا تفرحوا بما اتاكم. والله لا يحب كل مختل فخور - 00:12:23ضَ

لسة باقول لك لا تزعل ولا تفرح امال ايه ارضى ارضى بقضاء الله لكي لا تأس وما تحسش بالاسى على ما فاتكم ولا تفرحوا بما اتاكم. لا تفرح باللي ربنا يديه لك ولا تزعل على اللي ما يدهولكش - 00:12:47ضَ

ارضى بقضاء ربنا ارضى لما يعطيك وارضى لما يحرمك اللي يسهل بقى ده اللي سهل الرضا ده هو ايه ؟ الايمان بسم الله الحكيم الايمان بان الله عنده حكمة انت مش عارفها - 00:13:02ضَ

ايه هي انواع الحكم الالهي. ربنا عنده نوعين حكم حكم شرعي وحكم كوني او تكويني فاهم المسألة دي يا جماعة مهم جدا لان بعض الناس بتخلط بينهم ونتيجة كده بتضل - 00:13:22ضَ

الحكم الكوني مم او الحكم التكويني انت لا خيار لك فيه لا اخترت ابوك ولا امك ولا جنسك ولا ذكر او انثى ولا حالتك الصحية قوية ولا عندك امراض ما اخترتش حاجة ده اسمه حكم كوني او حكم تكميم ربنا كونك كده - 00:13:43ضَ

لكن الاوامر الشرعية حكم شرعي انك تصلي انك تصوم انك تتوضأ قبل الصلاة مسلا. دي احكام شرعية انت لك فيها دور وهو انك تختار الطاعة لان الانسان ممكن يعصي ربنا - 00:14:02ضَ

ولا يؤدي الاحكام الشرعية. ممكن بمعنى ان عنده القدرة انه يعصي مش ممكن يعني آآ هو حر يعفي وخلاص لأ لا يجوز انه يعاصي في عقوبة على المعصية لكن ربنا اعطاه القدرة على المعصية - 00:14:22ضَ

يعني اليد اللي بتاخد اوامر من صاحبها انه انها تسرق بتسرق تقتل بتقتل ربنا ممكن يشل اليد دي ويجعلها لا تقتل لا تسرق لكن ربنا امر اليد انها تطيع صاحبها - 00:14:40ضَ

يوم القيامة هتشهد عليك هتقول لي يا عم ما ده كلام واضح مش محتاج انك تعمل لنا فيها مهم بقى. وتقول لي اصل الخلط بينهم ممكن يسبب ان الانسان يضل. لانه عين واضحين يا عمي. مين اللي هيخلط بينهم اصلا - 00:14:59ضَ

لأ مش دايما واضحين هوريكم انا مسال ناس كتير جدا مش فاهماها بيقول في سورة البقرة ان اول بيت وضع للناس للذي ببكة مباركا وهدى للعالمين فيه ايات بينات. ربنا بيتكلم عن الكعبة ها - 00:15:13ضَ

مقام ابراهيم ومن دخله كان امنا اللي يدخل الكعبة يدخل الحرم صحن الكعبة كده ها او حرام الحرم الحرم حرام الحرم النبوي اسف الحرم المكي لازم يبقى امن وبعدين الواحد يلاقي مسلا ايه ناس سنة الفين وخمستاشر يقع عليهم ونش بتاع شركة المقاولات بتاعة بن لادن يقع عليهم ويمشي ويموت - 00:15:33ضَ

مية وحداشر انسان حجاج لبس الاحرام معظمهم واصيب متين تمانية وتلاتين تانيين منهم ناس جالهم عاهات مستديمة بيقول لك فيه ايه بقى هيبقى كلام القرآن غلط بقى. ليه غلط ليه؟ ربنا قال ومن دخله كان امنا. طب ما الناس دول دخلوا وما كانوش امنين. واللي اتعور واللي - 00:16:02ضَ

طالما قال القرآن غلط يبقى ضل يبقى ضال خلاص ضال بتصلي ليه؟ لانه خلط بين الحكم الكوني والحكم الشرعي ومن دخله كان امنا هذا حكم شرعي واقيموا الصلاة ومن دخله كان امنا يعني امنوا الناس في الحال. ربنا بيأمر بتأمين الناس في الحرم. لو واحد عليه حكم - 00:16:20ضَ

ولجأ للحرم لا يجوز للحاكم انه يطبق عليه الحكم في الحرب. لازم يخرجه برة الحرم لكن لا يطبق في الحرم حد ولا عقوبة ولا الله ازا ومن دخله كان امنا ده امر شرعي حكم شرعي مش حكم تكويني - 00:16:51ضَ

لأ ومن دخله كان امنا الاية دي ما بتمنعش ان يحصل حوادس لناس في الحرم او ان الناس لا فيه ناس بتخالف الحكم الشرعي دوة وبتخشه انا نفسي اتنشلت في في الحج سنة واحد وتسعين وانا في الطواف. يعني انا بطوف حوالين الكعبة واتنشر - 00:17:09ضَ

فلوس من جيبي ما كنتش امن ليه ؟ عشان فيه واحد خالف الحكم الشرعي. ده مش حكم تكويني خلاص نرجع بقى للمسألة مسألة اهمية اسم الحكيم. في عقيدة كل مسلم يا جماعة - 00:17:25ضَ

ما هي اول صفة من صفات المتقين في سورة البقرة اول ما تفتح المصحف تجد الفاتحة وقدامها البقرة على طول. كيف تبدأ البقرة تبدأ هكذا الف لام ميم. ذلك الكتاب لا ريب فيه. هدى للمتقين - 00:17:39ضَ

سين الكتاب ده بيبدأ بتعريف نفسه ان هو هدى للمتقين. اذا الهدف من هذا الكتاب هو انه يجعل القارئ تقيا ويهديه الى الحق المهتدين دول صفاتهم ايه ؟ كمل. الذين يؤمنون بالغيب ويقيمون الصلاة ومما رزقناهم - 00:18:02ضَ

ينفقون رقم واحد بيؤمنوا بالغيب. اتنين بيقيموا الصلاة. تلاتة بيؤتوا الزكاة كمل والذين يؤمنون بما انزل اليك وما انزل من قبلك وبالاخرة هم يوقنون رقم اربعة بيؤمنوا بالوحي المنزل من السماء. سواء اللي نزل على النبي عليه الصلاة والسلام او اللي قبل النبي عليه الصلاة والسلام. رقم خمسة بيؤمنوا بالبعث بعد الموت والحساب - 00:18:29ضَ

كده يبقوا ايه اولئك على هدى من ربهم واولئك هم المفلحون. كده يبقوا مهديين خلاص على هدى ويفوزوا وينجحوا ويدخلوا الجنة لما تنزر في ترتيب الصفات بتاعة المتقين. تجد الايمان بالغيب جه اول حاجة - 00:18:57ضَ

قبل الصلاة قبل الزكاة قبل الايمان بالقرآن قبل الايمان بالدار الاخرة معقول ايه الاهمية الرهيبة دي للايمان بالغيب الايمان بالغيب يعني الايمان بان هناك ما يغيب عن حواسك هناك موجودات تغيب عن نظرك عن سمعك عن شمك عن لمسك عن عقلك. حتى عن عقلك - 00:19:18ضَ

يعني هناك اشياء قد لا تفهمها قد لا تعقلها فعشان تؤمن بان الله حكيم لازم تؤمن بالغيب لان حكمة الله كثيرا ما تغيب عنك وبعدين انت تتفكر فيها وتقدح بينك - 00:19:43ضَ

وتعمل عقلك مصلحة او ما توصلهاش عارفين ده فهمني كلمة كنت دايما كنت بستغرب اوي الكلمة اللي قالها نبي الله يعقوب صلى الله عليه وسلم لما ابنه التاني ضاع من يمين. لما رجع اخواته - 00:20:05ضَ

قوات يوسف من مصر وقالوا له ابنك اتمسك في قضية سرقة في بلد غريبة وما نعرفش نبيع حد. يعني ابنك ما رجعش معنا ليه! ابنك اتمسك ان ابنك سرق يعني ايه - 00:20:23ضَ

الواد ضاع الاول سيدنا يعقوب شك في اللي عملوه بعد ما عملوا اللي عملوه في يوسف من عشرات السنين الكلام ده قال لهم ايه قال بل سولت لكم انفسكم امرا - 00:20:37ضَ

صبر جميل عسى الله ان يأتيني بهم جميعا انه هو العليم الحكيم. دايما كنت بتسائل هو ليه بيستحضر مأساة يوسف دلوقتي غريبة جدا ايه اللي فكره بيوسف بعد عشرات السنين - 00:20:54ضَ

سيدنا يوسف لما رموه في البير طفل صغير واتاخد وتباع عبد وكبر وبقى الشاب كل ده وهو في العبودية ثم اتهم ظلما ودخل السجن مدة طويلة يقال خمستاشر سنة ثم خرج واصبح على خزائن مصر وبعد كده بقى العزيز - 00:21:13ضَ

عزيز مصر في مسيرة طويلة من خمسة وعشرين لتلاتين سنة على الاقل سيدنا يعقوب ما يعرفش الكلام ده هم كلهم متوقعين ان هو مات اوضاع للابد ما عدا سيدنا يعقوب عارف انه ما متش حاسس انه ما ماتش - 00:21:33ضَ

لكن ما يعرفش حاجة عنه ما يعرفش هو فين بالمفهوم البلدي بتاعنا كده نقول ايه ؟ يعني لما يضيع لك ولد تاني ما تفولش عليه وتجيب سيرة الاولاني دلوقتي اللي ضاع وما رجعش - 00:21:52ضَ

بنيامين ما ضاعش زي يوسف. لا ده اتمسك بتهمة السرقة يعني احنا عارفين هو محبوس فين وعارفين اللي حابسينه مين ولسه هنشوف بقى نعمل ايه وهنكلم مين ليه نجيب سيرة يوسف - 00:22:06ضَ

اللي ضاع والكل فقد الامل في رجوعه ودايما كنت اقعد افكر فيها ما حدش عارف هو حي ولا ميت لو حي وفيه ناس وجدوه طب ما يمكن وجدوه وخدوه على الشام مش على مصر ما حدش يعرف على بلاد الروم على بلاد فارس. يعني ما فيش حاجة بتقول انه راجع تاني - 00:22:20ضَ

ما فيش مقارنة بين حالة يوسف وحالة بنيامين اتاري الكل كان فاقد الامل ما عدا هو سيدنا يعقوب سيدنا يعقوب يعلم ان ابنه ده سيكون له شأن. وسيكون نبيا حزن على فقده صحيح - 00:22:40ضَ

لكنه يعلم انه موجود وانه عايش وانه بيدعو كمان فلما راح منه اخوه التاني بص بقى دي تأمل في حكمة الله تأمل في المصيبة مصيبة ضياع الاخ التاني بنيامين وقال يمكن يكون ضياع بنيامين سبب في رجوع الاتنين - 00:22:59ضَ

وهو متأكد ان الله له حكمة ولكنه لا يعلمها عسى الله ان يأتيني بهم جميعا انا ما اعرفش حاجة اللي يعرف هو مين انه هو العليم الحكيم عسى الله ان يأتيني بهم جميعا - 00:23:21ضَ

وطبعا كله مستغرب. قال لهم انه هو العليم الحكيم هو العليم هو الحكيم حكمة الله اللي مستحيل يتوقعها اي انسان في اللحزة دي ها هي انه ضياع بنيامين من يعقوب - 00:23:44ضَ

هو اللي كان سبب في رجوع يوسف فعلا فرجع مع اخوه لولا اللي حصل دوا ما كانش حصل ان يوسف آآ قابلهم وعرفهم وعرف اخوه وما كانش بيحصل لولا ان بنيامين راح معهم وحصل اللي حصل - 00:23:59ضَ

يقول احد الحكماء لو اطلعتم على الغيب لاخترتم الواقع عرفت الغيب هتختار الواقع بتاعك في حد حكيم صيني جاب ناس قاعدين في قاعة كبيرة كده معه كل واحد جاي بشكوى - 00:24:14ضَ

كل واحد يكتب الشكوى بتاعته في ورقة وخلاهم كلهم يرموها فيه صندوق وبعدين فتح الورق وقرا كل الشكاوي بتاعتهم وبعدين قال كل واحد بقى يختار شكوى من دول تبقى هي مشكلته. كل واحد خد الشكوى بتاعته هو - 00:24:31ضَ

لو اطلعتم على الغيب لاخترتم الواقع حتى لما الانسان بيقع في بلية ربنا بيعطي الانسان البلية المناسبة له هو اللي بتصلحه هو لو قيل ليعقوب هل تحب ان ابنك بنيامين يضيع منك - 00:24:52ضَ

اكيد هيقول لأ لكن لو ربنا اطلعه على الغيب ان لو ابنه بنيامين ضاع هيضيع شوية ويقوم راجع يوسف وبنيامين مع بعض هيختار الواقع هيختار ان ابنه يضيع ساعتها خلي بالك بقى يعني لو اطلع على الغيب هيختار ان بنيامين يضيع. لان هو ده لكن ما هو مش مطلع على الغير - 00:25:10ضَ

لذلك المؤمن الذي يوحد الله باسمه الحكيم سيرضى دائما بقضاء الله ان عطاء الله السكندري بيقول لو رزقت الفهم في المنع صار المنع عين العطاء يعني لو ربنا منع عنك المال او الاولاد مسلا. ماشي؟ منع حاجة منهم عندك - 00:25:31ضَ

ورزقك الفهم المنع ده حكمة ربنا منه ايه تدرك ان المنع ده هو العطاء كله. مسلا انسان اه ممكن يكون فقير ويصبر على فقره ويكون هذا الصبر على الفقر سبب في دخوله الجنة - 00:25:54ضَ

بينما هو هو نفس الانسان ده ضعيفة امام المال فلو رزق المال هيطغى ويسرف ويعصي الله ويبقى المال سبب في دخوله النار. ازا فقره افضل له من الغنى بس هو لا يعلم زلك - 00:26:17ضَ

مين اللي يعلم؟ العليم الحكيم خلي بالك بقى من الاقتران ده اقتران العليم والحكيم لانه يعلم ما يصلحك وما يفسدك فبحكمته يقدم لك ما في صالحك. ده فيه حديث على فكرة - 00:26:33ضَ

هنفتكره ان الله يمنع احدكم الدنيا وهو يحبه كما تمنعون مريضكم الطعام والشراب يعني ايه ؟ انت عندك واحد مريض في اسرتك، عنده السكر لو اكل حاجة حلوة هيموت هيجي له كريزة سكر وممكن يروح منكم فيها. ما تلحقوهوش بالحقنة الانسولين دي ولا بتاع - 00:26:52ضَ

فبتخبوا منه الحلويات وانتم بتحبوه بس حبا دي بتخبوها منه احيانا ربنا يخبي مننا الحلويات حبا فينا احيانا ربنا يمنع عننا الحاجة بتاعة نعمة نعمة معينة في الدنيا عشان هي مش مناسبة لنا - 00:27:20ضَ

تعالوا نشوف موضع اخر لهذا الاقتران. اللي هو اقتران اسم العليم والحكيم دي اهم قصة في القرآن الكريم اللي هي ايه خلق الانسان قصة ادم ورد نفس هذا الاقتران في سياق الرضا بالرزق - 00:27:39ضَ

عارفين فين سورة البقرة اتنين وتلاتين الملايكة بتقول ايه ؟ قالوا سبحانك لا علم لنا الا ما علمتنا انك انت العليم الحكيم. هو ايه الحكاية؟ الحكاية ان ربنا اذ قال ربك للملائكة - 00:27:57ضَ

اني جاعل في الارض خليفة. اعلن انه هيجعل في الارض مدير هيديرها خليفة قالوا اتجعل فيها من يفسد فيها ويسفك الدماء ونحن نسبح بحمدك ونقدس لك معقول تخلي فيها ده واحنا اللي ما بنبطلش حمد وتقديس - 00:28:15ضَ

يعني ما تجعلناش احنا كده يعني وربنا دخلهم في مباراة ضد ادم هذا المخلوق الجديد عشان يعرفه ان هو اللي يستحق والمباراة هي مين هيعرف اسماء كل الاشياء قال يا ادم انبئهم باسمائهم - 00:28:36ضَ

وادم انبأه لكن هم لم يستطيعوا معرفة الاسماء كلها وكان ممكن يقولوا خلي بالك بقى ما هو انت يا رب اللي لم تعلمنا كل الاسماء فلماذا يتميز ادم عننا لكن الايمان بعلم الله وبحكمته منعهم انهم يسألوا هذا السؤال - 00:28:57ضَ

قالوا سبحانك لا علم لنا الا ما علمتنا انك انت العليم الحكيم ربنا سبحانه وتعالى يا جماعة لا يسأل عما يفعل وهم يسألون. الكل يسأل يسأل عما احيانا يقول لك طب تعالوا نتفكر في حكمة ربنا اه. لكن ما حدش يسأل ربنا احنا مش احنا مش جايين دنيا عشان نحاسب ربنا - 00:29:23ضَ

احنا مش جايين الدنيا عشان احنا نختبر ربنا ليه ؟ عشان احنا اللي ربنا بيختبرنا لان ده هو اختبار هل انت مؤمن بان الله عليم حكيم ولا لأ لو مؤمن انه عليم حكيم ستفق فيما يفعل - 00:29:51ضَ

حتى لو ما انتاش فاهم الحكمة لما تثق فيما يفعل واتفق في في علمه بالمخلوقات كلها هتتوكل عليه ومش هيهمك ان انت مش عارف الحكمة. مش هيفرق معك انت خلاص متوكل عليه معتمد عليه تماما. متطمن تماما - 00:30:12ضَ

زي ما بتبقى مسلا مشتري تزكرة طيران على شركة طيران مشهورة كبيرة انت بتركب الطيارة من غير ما تسأل. معلش يا جماعة هي الطيارة دي اخر مرة عملت الصيانة امتى ؟ - 00:30:35ضَ

ممكن نشوف اوراق الصيانة لو سمحتم. طب عدد ساعات الطيران اللي طارها الطيار الكابتن اللي هيطير بنا دي قد ايه؟ عايز اعرف خبرته قد ايه؟ لأ ما بتعملش حاجة من دي خالص ليه؟ لانك واسق في - 00:30:46ضَ

شركة الطيران دي الشركة صغيرة مش شركة مغمورة مش شركة جديدة ولله المثل الاعلى من يثق في علم الله وحكمته لا يسأل عن شيء اسأل اللي بيثق في علم الله وحكمته - 00:30:56ضَ

والله اعلى واعلم. اني داع فامنوا. وبكرة ان شاء الله هنكمل اسم الحكيم. في نفس هذا الموعد اللهم انت ربنا قال قلت انا ونحن عبيدك واماؤك نواصينا بيدك ماض فينا حكمك - 00:31:15ضَ

عدل فينا قضاؤك. اللهم ربنا ورب السماوات ورب الارض ورب كل شيء ومليكه فالق الحب والنوى. منزل التوراة والانجيل والقرآن العظيم. نعوذ بك من شر كل دابة انت اخذ بناصيتها. انت الاول فليس قبلك - 00:31:31ضَ

وانت الاخر فليس بعدك شيء. وانت الظاهر فليس فوقك شيء. وانت الباطن فليس دونك شيء اقض عنا الدين واغننا من الفقر اللهم انت الله لا اله الا انت انت الغني ونحن الفقراء اليك - 00:31:51ضَ

اللهم اغننا بالافتقار اليك ولا تفقرنا بالاستغناء عنك نعوذ بك من الفقر الا اليك اللهم اكفنا بحلالك عن حرامك واغننا بفضلك عمن سواك. اللهم ما امسى بنا من نعمة او باحد من خلقك فمنك وحدك لا شريك لك. فلك الحمد ولك الشكر - 00:32:10ضَ

يا ربنا لك الحمد كما ينبغي لجلال وجهك وعظيم سلطانك اغفر لنا ذنوبنا. ادخلنا في رحمتك وانت ارحم الراحمين. تب علينا انك انت التواب الرحيم. حسن اخلاقنا بالصفات الحميدة والاخلاق الكريمة. اعزنا بطاعتك ولا تذلنا بمعصيتك - 00:32:34ضَ

اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا - 00:32:59ضَ

اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ما لا وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين - 00:33:16ضَ

اللهم احي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا قل له في مرضاتك اللهم اجعلنا ممن احصوا اسماءك الحسنى وبلغنا بها جنتك - 00:33:40ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرتك ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل - 00:34:03ضَ

كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظ واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:34:31ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم يا حي يا قيوم برحمتك نستغيث. اللهم سدد رميهم وخيب رمي عدوهم. اللهم انصرهم على - 00:34:49ضَ

اللهم انصرهم فانهم اولياؤك انصر اولياءك على اعدائك. وكن مع اخواننا في تركستان الشرقية وفي الشام وفي كشميرا وفي الهند انصر من نصرهم اخذل من خذلهم وطهري المسجد الاقصى من الدنس فانهم لا يعجزونك - 00:35:11ضَ

اللهم احفظ المسلمين من الزلازل والغرق والهدم والامراض. اللهم يا من جعلت النار بردا وسلاما على ابراهيم اجعل السجن بردا وسلاما على عباده المأسورين وايماءك المأسورات وعجل بفرجهم واحسن خلاصهم وفرج كربهم وكن مع المبتلين من عبادك المهجرين من ديارهم. ضاع ثوابهم ثبتهم على دينهم - 00:35:30ضَ

ان كانوا جياع فاطعمهم ان كانوا حفاة فاحملهم. ان كانوا عراة فاكسهم. ان كانوا مرضى فعافهم. ان كانوا مقهورين فانصرهم واشف صدور عبادك ممن ظلمهم. فارهم فيه يوما كاليوم الذي شققت فيه البحر لموسى وهارون. واغرقت - 00:35:54ضَ

عدوك اللهم اشفي مرضانا واهدي شبابنا وارض عنا ورضنا واجمعنا في ظل عرشك يوم لا ظل الا ظلك واسقنا من يد سيدنا محمد شربة هنيئة لا نظمأ بعدها ابدا ولا تحرمنا لذة النظر الى نور وجهك الكريم - 00:36:14ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وحدت على دعوتك وتعاهدت تعالى لنصرة شريعتك ووثق اللهم رابطتها وادم مدها واهدها سبلها واملأها بنورك الذي لا يخبو. واشرح صدورها بفيض الايمان - 00:36:36ضَ

وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله - 00:37:02ضَ

ونراكم غدا باذن الله هذا الموعد ان كنا من اهل الدنيا - 00:37:24ضَ