Baheth

السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كل ولك الملك كله وبيدك الخير كله واليك يرجع الامر كله. اللهم لك الحمد كله ولك الملك كله وبيدك - 00:00:33ضَ

الخير كله وبيدك الخير كله. واليك يرجع الامر كله. اللهم صل على حبيب قلوبنا وعلى طبيب قلوبنا وعلى شفيعنا يوم العرض عليك محمد صلى الله عليه وسلم. في الاولين والاخرين وفي كل وقت وحين. اما بعد اخواني واخواتي في الله. النهاردة - 00:00:53ضَ

فضل ومنة الله سبحانه وتعالى مع اللقاء الرابع في تفسير سورة الطور في دورة صرخات للغافلين بازن الله سبحانه وتعالى. النهاردة مع اللقاء الرابع يا جماعة وهنبدأ مع ايات الجنة بقى. هنبدأ مع قول الله سبحانه وتعالى ان المتقين في جنات ونعيم. هنعيش بقلوبنا - 00:01:13ضَ

الليلة يا جماعة مع تاني اعظم نعيم في الجنة بعد النظر لوجه الله. نعيم الحياة الاجتماعية في الجنة. تاني في اعظم نعيم في الجنة بعد النظر لوجه الله. هنعيش الليلة بقلوبنا مع برومو عن الجنة جاي يعني مباشرة من الجنة. برومو يعني زي - 00:01:33ضَ

لخص كده او بعض اللقطات اللي تثير القلب وتثير الرغبة المهولة لدخول الجنة القلب الحي لما يسمع ايات ربنا اللي في سورة التور عن الجنة هيذوب من الشوق للجنة. عشان كده اول وقفة هنقفها. النهاردة مع بعض يا جماعة واحنا بنتكلم عن الجنة - 00:01:53ضَ

هو احنا ما بنشتاقش للجنة ليه ؟ هو احنا لما بنسمع ربنا بيقول ان المتقين في جنات ونعيم فاكهين بما اتاهم ربهم ووقاهم ربهم عذاب الجحيم. كلوا واشربوا هنيئا بما كنتم تعملون. ما بنشتاقش له. يعني لو ربنا لو الاية دي بتتكلم عن نادي من النوادي وبتوصف - 00:02:12ضَ

صافي النعيم اللي فيه مش قلوبنا هتتلهف عليه. لو الايات دي بتتكلم عن منتجع سياحي. والايات بتوصف مدى الروعة بتاعة اصناف النعيم في المنتجع السياحي. قلوبنا بتتلهف عليه احنا هنتكلم الوقتي عن نعيم اعظم منتجع سياحي في العالم ما يجيش واحد في الالف منه ولا مستحيل يقرب منه اصلا. هنتكلم عن اصناف من النعيم - 00:02:32ضَ

يا جماعة بازن الله بس قلوبنا نسلمها للقرآن الليلة. نسلمها للقرآن في قيام الليل بالايات دي ونشوف القرآن هيعمل في قلوبنا ايه لو ربنا بيتكلم عن آآ يعني اي صنف من اصناف نعيم الدنيا كنا اشتقنا. اشمعنى الايات بتتكلم عن الجنة ما بنشتاقش. لان الجنة لازم نموت عشان ندخلها - 00:02:52ضَ

احنا بنكره الموت. لان الجنة بعيدة. حلني الدنيا بين ايدينا الوقتي. فاحنا مستبعدينها. مستعجلين. عايزين الحاجة العاجلة حتى لو حقيرة. والحاجة اجلة حتى لو عزيمة لأ. لان الجنة غيب. فاحنا مش شايفينها بعنينا. عايزين النهاردة ننسف كل الحواجز دي. عايزين نجري بقلوبنا على الجنة يا جماعة. عايزين - 00:03:12ضَ

عايزين نعيش بقى مع تاني اعظم نعيم في الجنة بعد النزر لوجه الله. ولكن فيه وقفة تانية مهمة جدا وهي هو ليه ربنا بيكلمنا عن الجنة؟ يعني ايات والقيامة المرة اللي فاتت ما خدتش جزء صغير من السورة. انما ايات الجنة حوالي صفحة. ربنا بيتكلم عن الجنة كتير في السورة هنا ليه؟ لان ما ينفعش يجي - 00:03:32ضَ

ترهيب من غير ترغيب. لازم الداعي الى الله يبقى متوازن بين الترغيب والترهيب. ولان يا جماعة احنا في عام الحزن. فالقلوب تعبانة والناس تعبانة الصحابة تعبانين. فلازم نسمع كتير عن الجنة عشان نقدر نصبر على التضحيات اللي احنا بنقدمها في الايام دي لدين الله سبحانه وتعالى - 00:03:52ضَ

تعال. طب ليه ربنا بيتكلم عن الحياة الاجتماعية بالزات في الجنة؟ كان ممكن ربنا يتكلم عن النعيم المادي في الجنة. ليه الحياة الاجتماعية بالذات؟ نعيم الانس والبهجة والفرحة والشلة ليه؟ ليه كده؟ لان احنا في عام الحزن في اكتر مرحلة فيها غربة اجتماعية عاشها الصحابة. فجه جزاء من جنس العمل - 00:04:12ضَ

انتم هتتحرموا من الحياة الاجتماعية والمجتمع هيعتزلكم عشان دينكم! انا هاديكم حياة اجتماعية لا يتخيلها انسان. لا لم تخطر على قلب بشر ابدا. زي ما الرسول عليه الصلاة والسلام قال طوبى للغرباء. طوبى دي شجرة في الفردوس الاعلى. اقضي لها مية سنة اكتر من مية سنة كمان - 00:04:32ضَ

اه لقيناها نادي اجتماعي بيجتمع فيه اهل الفردوس الاعلى. يعني دي نادي هليوبلس او نادي الجزيرة او نادي الصيد بتاع اهل الفردوس الاعلى. بيجتمعوا تحتها طب الرسول قال طوبى لمن؟ للغرباء. اللي داقوا الغربة الاجتماعية في الدنيا عشان ينطلقوا الى الله. بياخدوا الحياة الاجتماعية الباهرة في الجنة - 00:04:52ضَ

جزاء من جنس العمل. ياللا نبدأ بقى ولكن برضو ما قبل ما ابدأ الايات يا جماعة انا عايز يعني نعيش انتم هتشوفوا الايات بقى الايات وهي على الشاشة بقى تعيشوا مع زاهرتين مذهلتين في الايات. ظاهرتين مذهلتين في - 00:05:12ضَ

الحياة الاجتماعية المذهلة والحب المذهل. قبل ما ابدأ اشرح الايات لازم نقف مع الظاهرتين دول. وربنا بيتكلم ان المتقين في جنات مش جنة. ونعيم فاكهين بما اتاهم ربهم ووقاهم ربهم عذاب الجحيم. ركزت وربنا بيقول الحقنا بهم ذريتهم - 00:05:28ضَ

ركزتوا وربنا بيقول وزوجناهم بحور عينين. ركزت وربنا بيقول يتنازعون فيها كأسا. يطوف عليهم غلمان. اقبل بعضهم على بعض. ركز شوف الايات ديت هنقف الاول مع ظاهرتين مذهلتين في الايات. وبعد كده نبدأ ندخل في شرح الايات. الظاهرة المذهلة الاولى في الايات هي - 00:05:48ضَ

الحياة الاجتماعية المزهلة. ازاي؟ ان ان الجو مبهج اوي يا اخوانا. يعني بين المؤمنين وبعض. ربنا سبحانه وتعالى بيقول فاكهين قاعدين يدحكوا جو بهجة جو شلة. ربنا بيقول متكئين على سرر مصفوفة. قاعدين على عروش الملك جنب بعض. جو بهجة. يتنازعون فيها - 00:06:08ضَ

كأسة يتنازعون في جو لعب ومداعبة ومرح وده يجري ورا ده يخطف منه علبة العصير او كأس الخمر وده يقوم جاي وخاطف الكأس من جو بهجة وجو مرح يطوف عليهم غلمان كأنهم قاعدين في حلقة والغلمان قاعدين يطوفوا داير ما يدور. يبقى جو انس وجو حفلات وجو - 00:06:28ضَ

مرح يبقى الانس بالصحبة والاخوة والاحباب. الانس بالزوجة. وزوجناهم بحور عين. كمان مراتك. عشان كده ربنا قالش زوجناهم حورا عين. زوجناهم بي الباء هنا دماء مصاحبة. يعني دلت ان ديت زوجته اللي كانت في الدنيا اللي كانوا متصاحبين - 00:06:48ضَ

في قيام الليل اللي كانوا متصاحبين في العبادة. اللي كان ممكن ينزلم جولة هي توقف البنت تكلمها وهو يوقف الولد يكلمه. يدعو الى الله مع بعض كانوا متصاحبين في تربية اولادهم على الدين. انا هاحفظهم الجزء التلاتين وانت هتراجعيه لهم. انا هاحفزهم قرآن وانت هتشرحي لهم سيرة الرسول - 00:07:08ضَ

عليه الصلاة والسلام وامهات المؤمنين يبقى كانوا متصاحبين في الدنيا فيبقوا متصاحبين في النعيم في الجنة. يبقى جو حياة اجتماعية مزهلة ولا اعظم منتجع سياحي في العالم. والله فيه شيء من الكلام - 00:07:28ضَ

جامدة يا جماعة جو صحبة عزيم انسب الصحبة انسب الزوجة انسب الاولاد الحقنا بهم ذريتهم اولادك واحفادك واحفاد احفادك مبتهجين انس بالله يا جماعة. وامددناهم بفاكهة ولحم. يعني ربنا يبعت لهم اصناف من اللحوم والفواكه. ما هيش موجودة في الجنة اصلا. وهم قاعدين - 00:07:41ضَ

الحفلة الجميلة بتاعتهم اللي هنوصف فيها الوقتي بازن الله. فربنا يبعت لهم اصناف لم تخلق في الجنة مسلها اصلا. كأن ربنا بيقول لهم انا معكم. انا انا انا معكم في - 00:08:01ضَ

انا معكم في حفلتكم. انا معكم في الجو الاجتماعي المبهر ده فيزداد الانس انس بالله. وبمعية الله سبحانه وتعالى. الملايكة كلوا واشربوا هنيئا بما كنتم تعملون. مين اللي بيقول الملايكة؟ يعني الحفلة مليانة ملايكة في الدنيا كنا بنصلي ومش شايفين الملايكة. بنقوم الليل ومش شايفين - 00:08:11ضَ

الملايكة بندعو الى الله ومش شايفين الملايكة بنجاهد في سبيل الله ومش شايفين الملايكة. انما النهاردة في الجنة الملايكة حوالينا شايفينهم. اللهم ارزقنا الفردوس الاعلى يا رب. اللهم لا تحرمنا من هذا النعيم بعد ان شوقتنا اليه. يا رب. يبقى انس بالله. انسب الملايكة. انصب الصحبة - 00:08:31ضَ

انسب الزوجة انصب الاولاد كمان من ضمن الحياة الاجتماعية الخدم يطوف ويطوف عليهم غلمان آآ لهم كأنهم لؤلؤ مكنون يعني جو حياتك تبقى هي خدم بقى وخدم بقى مش اي حاجة ده لو مكنون جمال الجمال يعني. يعني اجمل من ملوك الدنيا وامراء الدنيا واميرات الدنيا وبيطوف هؤلاء - 00:08:51ضَ

الغلمان اللي كأنهم لؤلؤ مكنون يبقى اول ظاهرة مذهلة ظاهرة الحياة الاجتماعية المذهلة في الايات. الظاهرة التانية المزهلة زاهرة الحب المزهل اللي في لان ممكن حياة اجتماعية ممكن آآ يعني يعني ممكن تحضر حفلة مسلا آآ لجو اجتماعي عالي وآآ بس ما تحسش ان الناس بتحب - 00:09:12ضَ

ما تحسش الناس مجتمعة بس ما فيش الحب. ما فيش العواطف الملتهبة بينهم وبين بعض. جو الحب المذهل. ازاي بقى يا اخواننا يعني جو الحب المذهل وزوجناهم بحور عين حب مراتك. كلمة حور اصلا يعني مؤمن ضمن الجزور اللغوية للحور. قال آآ حارا - 00:09:32ضَ

اي ماله مال ان قلبها مايل لك وانت قلبك مايل لها. يعني جو الحب العظيم يا جماعة مع الزوجة جو الحب العظيم مع الاولاد. واقبل بعضهم على بعض يتساءلون هو واولاده احفاده وذريته. اقبل الاقبال ده ان قلبك سابق رجليك - 00:09:52ضَ

يبقى جو الحب حتى الخدم يطوف عليهم غلمان لهم. يعني كتير من الملوك لهم خدم بيخدموهم. وهم كارهينهم وكارهين عجرفتهم وكبرهم انما هنا يطوف رايح جاي رايح جاي رايح جاي بيخدمك بقلب. بيخدمك بحب. الملايكة كلوا واشربوا هنيئا - 00:10:10ضَ

بالهنا والشفا الكلمة اللي اللي والدتك بتقولها لك وانت بتاكلي بالهنا والشفا يا ابني. بالهنا والشفا. الملك كل واشربوا هنيئا. يعني انت وسط جو حب رهيب من الملايكة وحب عظيم من زوجتك وزوجك وحب عظيم من ولادك وعيلتك وحب عظيم من - 00:10:30ضَ

اللي بيخدموك حب الصحبة نفسها. الصحبة متكئين على سرر مصفوفة قدام بعض. يعني حب عظيم. يعني الواحد لو مش بيحب واحد مش عايز يبقى في وشه مش عايز يبقى جنبه حب عظيم ما بين الصحبة وبعضها حب من الله. امددناهم بفاكهة ولحم مما يشتهون. ربنا بيمتعنا - 00:10:50ضَ

ربنا بينعمهم. ربنا بيمتع بيبهجهم يا جماعة. يعني ناس حياتها مليانة حب. ارض الحب اللي هي الجنة. ارض الحب اللي هي الفردوس الفردوس الاعلى يبقى الظاهرتين المذهلتين اللي هم ظاهرة الحياة الاجتماعية المذهلة وظاهرة الحب المذهل. ده دي كل اللي فات ده يا جماعة في الحلقة مقدمة لان احنا نعيش بقلوبنا مع - 00:11:10ضَ

رومو بتاع الجنة اللي جاي لنا من الفردوس الاعلى. عشان نشوف بقى يعني الايات مش بتوصف منتجع سياحي ولا بتوصف نادي ترفيهي ولا بتوصف قصر من قصور الملوك والامراء. الايات بتوصف اهل الفردوس الاعلى عايشين ازاي؟ يا رب شوقنا للجنة يا رب - 00:11:34ضَ

متعنا بالفردوس الاعلى يا رب. اللهم امين. نبدأ بقى رحلة متعة مع الايات كده ناخد اية اية. ان المتقين في جنات ونعيم. ان ان ايه اه السورة فيها اتنين ان ان عذاب ربك لواقع وان المتقين في جنة ونعيم. بعد الخمس اقسام اللي في اول السورة كأن ربنا بيقسم على ان عذاب ربك - 00:11:54ضَ

وان المتقين في جنة ونعيم. يعني ربنا بيؤكد ان النعيم ده هيحصل هيحصل. ان المتقين المتقين دول اعلى المراتب. يعني اول المقامات المسلمين. الاعلى الاعلى المحسنين الاعلى المتقين. يعني الايات دي بتتكلم عن الفردوس الاعلى مش النعيم العام للجنة. احسن واحد نايم على جنبه وقاعد الوقتي يبص - 00:12:14ضَ

كده وهو ماسك السيجارة بيطلعها ويدخلها وحياته معاصي وليل ومعاصي ونار معاصي ويقول يا سلام ده الجنة والله لزيزة حبيبي ده الفردوس الاعلى الكلام ده له امل له تمن. مش كل واحد بيحب الطب بيبقى دكتور. اللي بيجيب مجموع طب. مش كل واحد بيحب الهندسة بيبقى مهندس. اللي بيجيب مجموع هندسة. مش كل واحد بيحب - 00:12:34ضَ

الفردوس الاعلى بيدخلها. اللي بيجيب مجموع الفردوس الاعلى. مجموع الفردوس الاعلى ممكن دعوة. اللهم ارزقنا الفردوس الاعلى يا رب. دعوة ربنا يستجيبها. ولكن لازم ندفع التمن. ان المتقين في جنات. نعيم التنوع بقى ونعيم. طب في سورة الذاريات كانت في جنات وعيون ليه؟ لان الذريات بتتكلم عن الرزق - 00:12:54ضَ

والعيون منابعها مش متشافة انما السمرة النهائية بتاعتها متشافة. فده فده مسل للرزق. ان الرزق انت ما انتش ما لكش دعوة اخوك هيجي منين هو هييجي هييجي. انت لك انه هييجي بس ما لكش دعوة طالع منين. فناسب هزا ايات الجنة مع الزاريات. انما هنا احنا بنتكلم عن البهجة بقى ونعيم - 00:13:14ضَ

اصناف النعم التي لا يوجد فيها منغصات. فاكهين بما اتاهم ربهم. اه. الايات بتوصف هنا حفلة اجتماعية في الجنة. حفلة بقى يا رب لو دخلنا الفردوس الاعلى انا هاعمل الحفلة دي معكم يا جماعة. ان شاء الله انا هاعزمكم في القصر بتاعي ان شاء الله لو دخلنا الفردوس استاز ياسر بازن الله سبحانه وتعالى. واخوانا وكل - 00:13:34ضَ

اشتغلوا في فرق العمل بازن الله يا رب اللهم امين يا رب. مع الحبيب محمد عليه الصلاة والسلام يا رب. لو دخلنا الفردوس الاعلى يا جماعة بس نجتهد بقى ونضحي يا جماعة. ونضحي - 00:13:54ضَ

ونبيع الدنيا ونطلقها. وننطلق في الدين وفي الاخوة وفي الدعوة وفي العبادة. ونتربى عشان نقدر نمشي على الطريق. ونرتبط بالقرآن ونطلع عمرة يا جماعة الجنة لها تمن. خلونا ندفعه والله العظيم هنكتشف في الاخر انها كانت سهلة قوي. واللي ما اجتهدش - 00:14:04ضَ

اندم اللي كان مستصعب تمن الفردوس الاعلى هيندم. هيقول ده كان بمجهود مش كبير. كان ممكن انا لها. يلا يا اخوانا هعزمكم على الحفلة دي بازن الله ان شاء الله تفكروني في الجنة بازن الله. لو دخلنا الفردوس الاعلى يا رب اللهم امين. فاكهين بما اتاهم ربهم. زي ما في ايات القيامة قلنا دي اول لحظات - 00:14:24ضَ

اللي هو اول مرحلة في القيامة. وفي ايات النار قلنا دي اول لحظات النار. كزلك في الجنة دي حفلة الجنة بقى اللي ممكن نحملها على اول حفلة في الجنة. اول حفلة بقى حد مننا عازمنا في الايه؟ عازم الشلة بتاعته في الجنة. فبداية المشهد - 00:14:44ضَ

الكاميرا جابت الاول المنزر زي ما بيعمل بقى المخرجين الشاطرين بقى والمصورين الشاطرين يقوم جايب لك المنزر من بعيد تلاقي المكان كبير وكله نعيم في نعيم وبعد كده يقوم عامل زوم ان اسمها زوم ان يا استاز ياسر يقوم عامل زوم ان على قصر واحد من القصور ديت تفاجأ بقى - 00:15:00ضَ

ان المشهد بيفتتح شوفوا التصوير المهول في القرآن فاكهين بما اتاهم ربهم شلة قاعدة بقى فرحانين بقى ويضربوا كف بكف ها في الحفلة بتاعتهم فاكهين قمة الفكاهة والمرح اللي طالع من القلب. بما اتاهم ربهم ووقاهم ربهم عذاب الجحيم - 00:15:20ضَ

بما اتاهم ربهم السببية يعني بسبب اللي ربنا عمله لهم. ربنا فرحهم. بما اتاهم ربهم يا جماعة كلمة غامضة. ولكن كل ايات الجنة وكل كل احاديس الجنة بتدخل تحتها. يعني فاكهين قاعدين بقى ينوعوا. شفتم الحور اللي ربنا اداهم لنا؟ شفتم القصور؟ شفتم الانهار؟ شفتم الاشجار؟ شفتم تفاح الجنة - 00:15:40ضَ

شفتم شفتم النزر لوجه الله كانت قلوبنا مرفرفة فيه ازاي ؟ شفت صحبة الانبياء في الفردوس الاعلى؟ شفتم الاحجار الكريمة اللي احنا بندوس عليها بما ما للتعظيم بقى والتهويل بما اتاهم ربهم قاعدين يفتكروا الجنة ملمح ملمح ووقاهم ربهم عذاب الجحيم - 00:16:00ضَ

وبيفتكروا النار ملمح ملمح. طب هم شافوا النار فين؟ وهم معديين من على الصراط. شافوا النار والناس اللي بتتحرق في النار والسنة لعب النار. ومقامع النار بيحمدوا ربنا برضه على صنف صنف من اصناف العذاب ربنا ينجهم منه. الحمد لله شفتم المقامع فظيعة ازاي؟ شفتم عقارب النار وحياتها - 00:16:19ضَ

شفتم زنازين جهنم؟ شفتم لما بيطلعوا على اهل النار ويشوفوا اهل النار بيتعزبوا قد ايه؟ بيشوفوا اصناف مروعة. فقاعدين بقى فرحانين وقاعدين في النعيم اللي هم فيه والعذاب اللي نجوا منه. وكمان ووقاهم دلالة ان الناس دي دخلت الجنة بلا حساب ولا عذاب. ان الناس دي دخلت الجنة ما اتعزبتش يا جماعة ففرحانين برده - 00:16:39ضَ

غير بانهم نجوا من النار واصنفا ان هم لم يمسهم العذاب بلا حساب ولا عذاب. طب ربنا الاول ذكر تفكهم وفرحتهم بالجنة ولا بالنجاة من النار؟ لأ بالجنة الاول بما اتاهم ربهم في الجنة الاول وبعد كده بالنجاة من النار - 00:16:59ضَ

طب ليه رغم ان نجاة من النار المفروض انها اعظم؟ لأ. كان اهل الجنة حينما دخلوا الجنة علموا ان الحرمان من نعيم الجنة ان بعد ان رأوه عذاب اشد من عذاب النار. فحمدوا ربنا على الجنة قبل ما يحمدوا ربنا على النجاة من النار - 00:17:17ضَ

كلوا واشربوا هنيئا. بعد كده الحفلة بقى الملايكة سمعت بالحفلة. قامت الملايكة جاية بقى باصناف الولائم وداخلة عليهم. كلوا واشربوا هنيئا الهنائة بحلم البشر كلهم. يعني ايه الهناءة؟ يعني ايه كل بالهنا؟ يعني ايه الهنا يا جماعة؟ يعني ايه نفسي اتهنى؟ الهنائة هو خلو - 00:17:37ضَ

الحياة من المنغصات والمكدرات. ان انت ما فيش خبر وحش تسمعه. ما فيش حاجة مضايقاك. ما فيش حاجة شاغلة بالك وانت قاعد. ما فيش حاجة كده موتراك يبقى الهناءة خلو الحياة من المنغصات والمكدرات. فدي الحالة دي في الجنة بقى. شفتم حالة الهناءة اللي الناس هتموت عليها دي في الجنة - 00:17:57ضَ

كلوا واشربوا هنيئا بما انتاش خايف بقى تاكل ديك رومي وبعد كده تلاقي جالك بقى القولون اشتغل والقولون العصبي ولا عسر هضم ولا الحقوني من الحموضة يعني ما فيش مكدرات بدنية ولا مكدرات نفسية خالص خالص. هنيئا بما كنتم - 00:18:17ضَ

الباء هنا باقي السبب. يعني ايه باقي السبب؟ يعني اللي انتم فيه ده بسبب الطاعة. الطاعة هي السبب. ولكنها ليست السر. السر رحمة فانتم تتنعمون على قدر رحمة الله وليس على قدر عملكم. عشان كده الجنة دي تجلي من تجليات قدرة الله. الجنة دي مش مخلوقة على قد - 00:18:37ضَ

شغلك ده على ده تجلي لقدرة الله ولرحمة الله. متعنا بالجنة يا رب. متعنا بالجنة يا رب. متكئين على سرر مصفوفة. اه المنزر الاخوة بقى متكئين يعني قاعدين بشوات كده وملوك على سرر. كنت بشرح الاية دي لحد من اخواني. لقيته فاكر ان السرر يعني السرير اللي بنام عليه سرير - 00:18:57ضَ

بمخدة ومرتبة ده. لا يا جماعة السرير في اللغة هو عرش الملك. السرير سرير الملك يعني عرش الملك. يعني متكئين على سرر يعني قاعدين على عروش الملك يعني الاخوة الغلابة والاخوات الغلبانات اللي اللي يعني كان ممكن يعني بتشيل من من ميزانية بيتها عشان تجيب الجوان - 00:19:17ضَ

الاسمر والشراب الاسمر عشان العفاف دول بقوا ملوك يا جماعة. دول بقوا ملوك. يعني يعني اوعى لما تدخل درس ديني تبص بقى للاخوة الفقراء لأ انا عايز اخ شيك غني مدر زي الشلة القديمة بتاعتي. يا ابني الغلابة المساكين دول هيبقوا بكرة ملوك الفردوس الاعلى هتتمنى انك تتمحك فيهم - 00:19:37ضَ

على سرر عروش ملك مصفوفة بعض الناس يفكر كده ويقول لك يعني انا هابقى ملك في الجنة؟ اه. طيب يعني هابقى ملك في الجنة برضو مش نعيم كبير. ليه ؟ لان في الدنيا ان انا ابقى ملك الناس كلهم - 00:19:57ضَ

الناس كلهم عاديين يعني. فلما ابقى ملك هبقى مميز. انما في الجنة يبقى الكل ملك. يعني الكل بقى هو المستوى العام اللايف ستاندرد في الجنة ومستوى الدخل في الجنة ان كل ملك. لا يا جماعة الجنة فيها نعيم تميز. اوعوا تفتكروا ان الجنة كل الناس زي بعض فيها. الجنة فيها نعيم تميز رهيب. ما بين الناس - 00:20:11ضَ

بعض ما بين الناس وبعض ولكن الدنيا كانت تميز ابتلاء بدون اسباب ده طلع ابن مالك كده هو ما اشتغلش عشان يطلع ابن ملك انما في الجنة التميز بالاعمال الصالحة. فالجنة فيها تميز - 00:20:31ضَ

ابراهيم متكئين وده من اصناف نعيم الجنة. متكئين على سرر مصفوفة. وزوجناهم بحور عين. هنا آآ يعني آآ الجميلة قوي ان ربنا زكر جلسة الاخوة قبل التزويج قبل الزواج كأن نعيم الاخوة في الله الز على القلب من نعيم الزواج - 00:20:41ضَ

من حورية من الحور العين. اي والله يا جماعة. لان الاخوة في الله دي اتصال بالله اصلا. انا ما حبتكش غير عشان انت بتحب ربنا. فانا اساسا انما احب الله - 00:21:01ضَ

كأنها اتصالي بك ما هو الا اتصال بالله. سبحانه وتعالى انما الزواج ده نعيم جسدي. نعيم جسدي. فالاخوة اه عشان كده اتمسكوا ببعض يا جماعة. اتمسكي باخواتك. اتمسكي يعني انت ممكن بقى مستنية الزواج في الجنة - 00:21:11ضَ

وزوجي في الجنة يبقى شكله ايه وقوته ايه وجماله ايه وملكه ايه. يا بنتي الاخوة في الله. يا ابني الاخوة في الله اتمسكوا ببعض يا جماعة. اشارة مهولة الاخوة دي يعني الاخوة مزكورة في ايات الجنة اهو. الاخوة من اصناف نعيم الجنة. بل زكرت قبل نعيم الحور العين ونعيم الزواج - 00:21:26ضَ

يعني حاجة عزيمة. يعني لا يوجد ملمح على وجه الارض من الجنة الا اختك الا اخوك. يبقى الاخوة دي المتعة الوحيدة من قطع الجنة اللي موجودة في الدنيا. المتعة الوحيدة التي اذن الله ان نتمتع بها من الجنة في الدنيا هي الاخوة في الله. ازاي ما نبزلش وقتنا لبعض - 00:21:45ضَ

ازاي ما نبوسش ايدين بعض؟ ازاي ما نبوسش راس بعض؟ ازاي ما نتكسرش لبعض ونرعى اخوتنا في الله اخوانا؟ فمتكئين على سنن مصفوفة وزوجناهم بحور عين. آآ زوجناهم بحور ايه ؟ كلمة حور ديت يعني لما نيجي نبص في اللغة كده نلاقي حور ممكن من من حيرة العين - 00:22:05ضَ

والقلب امام جمال الملامح. يعني دلالة على شدة جمال ملامحها. شدة جمال ملامحها. هييجي لافتة دلوقتي على شدة جمال الزوج برضو. شدة الحاجة تانية الحور شدة البياض. شدة بياض لونها. شدة بياض لونها. الحاجة التالتة اه حور العين شدة بياض النني - 00:22:25ضَ

مع شدة السواق شدة بياض العين مع شدة سواد النني. يبقى شدة جمال العين. والحور من الميل معنى الميل. يعني شدة العواطف اللي في قلبها ناحيتك. يعني عظمة جمال ملامحها. وعظمة جمال لونها وعظمة جمال عينيها. وعظمة جمال مشاعرها في كلمة واحدة من تلات حب - 00:22:45ضَ

الله اكبر. الله اكبر. وزوجناهم بحور عين. طب ما جمال العين ضمن وصف الحور. ليه خص بعد عموم لفز حور؟ لان دي لغة المشاعر والعين دي اكتر حاجة بتشد الواحد للي قدامه. العين دي حاجة جميلة اوي فخص شدة جمال العين. لان العين دي - 00:23:05ضَ

يعني اجمل ملمح في الانسان والذين امنوا واتبعتهم ذريتهم بايمان الحقنا بهم ذريتهم. وما التناهم من عملهم من شيء. ان الانسان اللي اللي امن واجتهد على تربية اولاده اجتهاد شديد. فطلع اولاده يعني متدينين ولكن اقل منه في العمل. فهم يستاهلوا اصحاب اليمين - 00:23:25ضَ

وهو دخل في الفردوس الاعلى. الحقنا بهم ذريتهم. ربنا يلحق الذرية بهم وفي قراءة الحقنا بهم ذرياتهم. يعني ولادهم واحفادهم احفاد احفادهم احفاد احفاد احفادهم يعني الحق بهم العيلة كاملة اجتمعت الاسرة في الجنة وما التناهم من عملهم من شيء. يعني ايه وما التناهم - 00:23:47ضَ

الالة في اللغة لها يعني يعني في الجزور اللغوية بتاعتها فيها معنى النقص. وما التناهم ما انقصناهم من عملهم من شيء. يعني يا اب مش معنى ان انا اطلع ابنك في الفردوس الاعلى ان انا هاخد من حسناتك وادي له فيطلع. لأ انت مش هتنقص حاجة. انت زي ما انت في المقام العالي وابنك هو اللي هيطلع - 00:24:07ضَ

وما التناهم برضو؟ الا ت آآ فيها جزر الشد الشدة او الشدة؟ يعني ما التناهم مش هنشد عليك في الحساب. لو ربنا شد في الحساب على اعظم الصالحين. اه وفتش في سوءات اعمالهم لزهبت اعمالهم اصلا. يعني الحساب اليسير الجميل. ما تخافوش يا جماعة. الحساب - 00:24:27ضَ

اليسير الجميل. ما التناهم برضو من معنى آآ جزور الالتا الرد. يعني ما رددناهم. يعني آآ آآ يعني انتم عارفين يا جماعة لما واحد عشمان في واحد فرايح كده عشمان بقى انه يدي له فيرد يقول له امشي من هنا لأ مش هنرد عشم. هؤلاء الاباء الصالحين في رحمتي. مش هرد عشانهم فهحافظ لهم على حسناتهم - 00:24:47ضَ

وديهم ولادهم معي. يبقى ما التناهم ما انقصناهم من عملهم من شيء. ما التناهم ما رددناهم ما كسفناهمش. ما ما خيبناش رجاؤهم في حناننا ورحمتنا ما التناهم ما شددنا عليهم في الحساب بل حاسبناهم حسابا يسيرا. وما التناهم من عملهم من شيء مطلقا. كل امرئ - 00:25:07ضَ

بما كسب رهين. يعني ايه كل امرئ بما كسب رهين؟ اه ده احتراز بقى. ان الوقتي دول اه ذرية مش يعني يعني مش بنفس درجة الاباء ولكن ذرية صالحة. طب لو الزرية فاسدة؟ برضو يا رب تدخلهم الفردوس الاعلى مع اباهم؟ لأ. ليه؟ كل امرئ بما كسب رهين. كل امرء - 00:25:27ضَ

بما كسب آآ آآ رهين. احنا كده بقى لنا ايه تلت ساعة يا جماعة ولا بقى لنا قد ايه ؟ كل امرء بما كسب رهين يعني ايه يا اخواني؟ يعني رهين يا اما من الرهينة يعني المحبوس كل امرئ محبوس بعمله لا تزول قدم عبد حتى يسأل عن - 00:25:47ضَ

محبوس مش هيتفك مش هيفكه غير عمله. ايه العمل اللي هيفك قدمك يوم القيامة؟ يبقى الابن الفاسد مش هيدخل الجنة مع ابوه. يا اما من الرهان اي المسابقة والمخاطرة. يعني كل واحد داخل مخاطرة يوم القيامة بمركب العمل الصالح. ايه مركب العمل الصالح اللي انت هتركبيه - 00:26:06ضَ

عشان تنجي يوم القيامة كل امرئ بما كسب رهين. وامددناهم بفاكهة ولحم مما يشتهون امددناهم مدد بقى ربنا سبحانه وتعالى في هزه الحفلة المبهجة اللي الاولاد فيها والزوجة فيها والاصحاب فيها والملايكة فيها ربنا كمان - 00:26:26ضَ

ابعت لهم اصناف من الفواكه واللحوم لم يخلق مسلها في الجنة. عشان يمتعهم الفاكهة قبل اللحم. لان اهل الجنة ما بياكلوش اللحمة عن جوع. وانما عن تفكه كده لما قال لك هو فيه نوم في الجنة؟ فمن اجمل الاقوال قالوا النوم اللي على سبيل الراحة بعد الاجهاد والتعب وعايز اريح ليس بموجود. انما نوم التلزز - 00:26:46ضَ

تنعم بقى ده اللي ممكن يبقى موجود في الجنة. وامددناهم بفاكهة نكرة للتعظيم ولحم نكرة للتعظيم. مما يشتهون يتنازعون فيها كأسا لا لغو فيها ولا تأثير يتنازعون فيها كأسا لا لغو فيها ولا تأثيم - 00:27:06ضَ

يتنازعون يا جماعة لفز غريب جدا كثير من المفسرين وقف قدامه قال يعني ايه يتنازعون فقالوا حاجة من اتنين يا اما يتنازعون من المجاذبة والمداعبة انتم عارفين كل واحد بقى - 00:27:41ضَ

ده يخطف حتة اللحمة من ده. يوم ده يخطفها منه. يقوم التالت يخطفها منه. يا عم طب ما اللحمة كتير والشرب كتير والعصير كتير والنعيم كتير. جو البهجة فرح يا اخوانا جو البرح جو الجو الجو ده مش موجود في الدنيا. ما فيش لفظ ولا حرف واحد في الايات اللي احنا بنقولها ديت. موجود زيه في الدنيا - 00:27:51ضَ

تتنازعون يتنازعون جذب المضارع عشان استحضار المشهد كأنك تبصي كده وتسرحي ايه الجمال ده! ايه المنظر المبهج ده! لو جبت لك تصوير بث مسلا من نادي من النوادي والشباب قاعدين يجروا ورا بعض ويضحكوا وده يخطفها ويجري ويضحك وكلهم يقوموا نايمين في الارض من الضحك. هتقول ياه انا عايز اروح النادي - 00:28:11ضَ

ايه ده! يا ريتني كنت جزء من المشهد اللي انا شايفه قلوبنا ما بتتأسرش ليه يا جماعة؟ قلوبنا ما بتتخلعش ليه يا جماعة؟ ما بنعاهدش ربنا على ان احنا هنعيش عشان - 00:28:31ضَ

نوصل لده ليه؟ يا جماعة اللهم ارزقنا الفردوس الاعلى مع الحبيب محمد يا رب. يتنازعون المعنى التاني بقى قال لك التنازع آآ يعني تطوع يعني ايه ؟ اللي هو يعطون كؤوس الخمر لبعضهما البعض. يعني ده معنى تاني خالص بقى غير معنى البهجة والفرح معنى الاخوة والايثار - 00:28:41ضَ

ان هو قدامه كأس خمرة عاجبه اوي يقوم يديه لاخوه. فيناولون بعضهم البعض اصناف النعيم. يبقى يا اما معنى الاخوة والايثار يا اما معنى وان كان الجنة كل حاجة فيها وفرة. يا اما معنى البهجة والفرح. يتنازعون فيها كأسا - 00:29:01ضَ

هو ايه كلمة فيها دي يا جماعة؟ يعني ايه كلمة فيها؟ يعني ما يتنازعون كأسا وخلاص. فيها دي انت عارف مسلا لما اروح امريكا اقوم اقول لك ايه؟ امريكا في امريكا بقى المواصلات شكلها - 00:29:20ضَ

في امريكا البدل كزا في امريكا نزام الحياة كزا. انا بشوقك بشوقك. يتنازعون فيها كلمة فيها دي بتقوم واخدة قلبك من صدرك كده حطاه في الجنة بقى يتنازعون فيها كأسا نكرة للتعظيم مش اي كأس. ده ده ربنا يعني ده ده دهب يا ترى يا جماعة الجاليري بتاع الجنة شكله ايه - 00:29:30ضَ

التحف والانتيكات بتاعة الجنة انا لي واحد صاحبي عنده محل جاليري كبير جدا. لما بادخل فيه بتوه هو البشر عملوا كل ده عشان تحفوا انتيكات! امال الجنة بقى يتنازعون فيها - 00:29:50ضَ

كأسا لا لغو فيها ولا تأثيم. الى لغو فيها. من اجمل معاني اللغو. آآ آآ الشيء الذي لا خير فيه. الشيء الذي لا فائدة فيه فالناس دي كانت في الدنيا ناس هدفية جدا. كل اقوالها لها هدف. كل افعالها لها هدف. ناس كانت حياتها فيها جدية. ها آآ عكس بقى الذين هم في - 00:30:00ضَ

فيغدوا حياة في الجنة بدون اي حاجة تعطلهم عن النعيم. اي حاجة تعطلهم عن هدف النعيم وهدف ذكر الله والحياة مع الله لا لغو فيها ولا تأثيم ويطوف عليهم غلمان لهم كأنهم لؤلؤ مكنون. يطوف يا جماعة حاجة من اتنين. يا اما هم قاعدين في حلقة بيضحكوا فالغلمان قاعدين يطوفوا حواليهم - 00:30:20ضَ

يصحوا واحد واحد يا اما يطوف رايحين جايين رايحين جايين الاية دي دايما افتكرها لما نروح الكعبة. مع الطواف ان احنا بنطوف في عبادة ربنا في الدنيا فجزاء من انسى العمل ربنا يدينا اللي يطوفه علينا بالنعيم في الجنة. ويطوف عليهم غلمان لهم دول خدم لهم في الجنة. الغلبان دول يا جماعة خدم - 00:30:42ضَ

مخلوقين في الجنة يعني زي الحور العين بالزبط. صنف من اصناف النعيم مخلوق من الجنة. في الجنة عشان يخدمهم. طب هم دول زي صورة الانسان يطوف عليهم ولدان لهم. آآ اذا رأيتهم حسبتهم ايه؟ لؤلؤا منثورا. ولدان - 00:31:02ضَ

بدون اقصد اذا رأيتهم حسبتهم لؤلؤا منثورا. ايه الفرق بين الغلمان والولدان؟ بعض المفسرين قال الولدان المخلدون دول اولاد المسلمين اللي ماتوا وهم اطفال فربنا سبحانه وتعالى يجيبهم مع اهاليهم بقى وهم اطفال في الجنة. ها يفضلوا اطفال في الجنة. في نفس المرحلة ديت ويبقوا بقى ايه؟ من اصناف النعيم العظيم - 00:31:22ضَ

اهاليهم في الجنة ده قول من الاقوال. عشان كده ربنا مع الغلمان اللي هم اللي مخلوقين في الجنة صرف نعيم. قال لؤلؤ مكنون. ليه؟ لان هم زي الحور المقصورات في الخيام لان هم - 00:31:42ضَ

لطفي النعيم بيفضل في القصر بتاع سيده. انما الولدان لان هم بشر فلهم ملك ونعيم دول ملوك في الجنة برضو. ها يطوف عليهم ولدان ولا دول بس بيحبوا اهاليهم فقاعدين يطوفوا على اهاليهم. انما هم برضه ملوك في الجنة ومتنعمين. مش فيه في الدنيا كان ملوك وهم اطفال! ابوه مات وبقى وهو عنده عشر سنين واتناشر سنة - 00:31:52ضَ

ملك من ملوك الدنيا اه فالتانية يطوف عليهم ولدان مخلدون اذا رأيتهم حسبتهم لؤلؤا ايه؟ منثورا. مش لؤلؤ مكنون هنا في مكانه منصورة لانهم برضه بيمرحوا في الجنة وبيتنعموا ويسبحوا في انهارها. ولهم اصناف نعيم مهولة في الجنة. يبقى فهمتم يا اخواني بقى الفرق الممتع - 00:32:12ضَ

ما بين كل اية شبه التانية في القرآن. طب الوقتي غلمان ولا دول الخدم؟ كأنهم لؤلؤ مكنون. يعني الخادم كأنه لؤلؤة من جماله وبياضه وسناؤه وروعته. ازا كان هذا جمال الخادم فكيف بجمال المخلوق - 00:32:32ضَ

ازا كان ده الخدام. اومال المخدوم جماله شكله ايه؟ عشان كده قلت لكم من شوية ان احنا بنوصف جمال الزوجة في الجنة حور عين. فالوقت بنوصف جمال الزوج في الجنة. ان ان الاتنين في قمة الجمال. والاتنين قاعدين مع بعض بقى في قعدة كده على نهر الكوثر - 00:32:52ضَ

ضيافة النبي عليه الصلاة والسلام بيشربوا مع بعض ويتكلموا مع بعض ويضحكوا مع بعض. ويقولوا لبعض كلام حب وكلام مشاعر ويذكروا الله مع بعض. ايه النعيم ده وايه البهجة ديت ؟ ندخل بقى في خاتمة ايات الجنة. لما زهلوا بقى حفلة الاجتماعية. شفتم يا جماعة بتتطور ازاي ؟ الاول كانوا اصحاب في الحفلة الاجتماعية. بعد كده - 00:33:12ضَ

الملايكة جات لهم. بعد كده كل واحد دخلت عليه مراته بقى. هو هو عاد الاختلاط في الجنة يا جماعة الاختلاط في الدنيا محرم لان القلوب مريضة. انا مش هطمع في مراتك في الجنة ولا هبص لها اصلا - 00:33:32ضَ

وانت مش هتبص لمراتي في الجنة. فالاختلاط في الجنة مش حرام لان القلوب عادت سليمة. لا عادت الخمر حرام لانها مش هتذهب العقل. ولا الحرير حرام لان خلاص ما عدناش في الدنيا. ولا الاختلاط حرام لان كانت القلوب مريضة. ولا المعازف حرام لانها كانت بتشغل عن القرآن. في الجنة كل ده بقى حلال. كل ده نصبر في الدنيا - 00:33:42ضَ

وناخده في الجنة. وناخده بعد كده في الجنة. فلما فبعد كده جه زوجاتهم دخلوا في الحفلة. بقت حفلة تحفة. مزهلة. بعد كده ولادهم في الحفلة. بقت حفلة اجتماعية ثرية اخوية ملائكية بعد كده كمان ربنا بعت لهم بقى الايه المدد في الحفلة. بعد كده قام جاي الخدم بقى باصناف تانية كمان في الحفلة ايه ده يا جماعة - 00:34:02ضَ

ايه الحفلة الاجتماعية المذهلة دي؟ فهو في وسط الحفلة يقوموا سايبين الاكل وسايبين الشرب وسايبين كل حاجة. ليه؟ ايه ده؟ احنا عملنا ايه؟ عشان ناخد كل ده واقبل بعضهم على بعض يتساءلون. دي بقى ايات عايزة وقفة بقى. الايات اللي بتصور لحظة الذهول من النعيم. هو ايه يا رب اللي - 00:34:22ضَ

احنا عملنا عشان ناخد كل ده عشان ناخد الحب ده والحياة الاجتماعية دي والنعيم المادي ده واقبل بعضهم على بعض واقبل بعضهم على بعض يتسائلون. اقبل دي فيها فرحة. وفيها بقى - 00:34:42ضَ

زي يا موسى اقبل تعالى بقلبك ما تخافش. واقبل بعضهم على بعض الكل مزهول يتسائلون. التساؤل ان اللي بيسأل مش عارف الاجابة. واللي بيتسأل مش عارف الاجابة بيسأل نفسه ليه ؟ دول الاولاد والاحفاد والاباء دول ناس من عصور مختلفة وقارات مختلفة وجنسيات مختلفة. الكل بادئ يتعارف على - 00:35:12ضَ

بقى هو فيه ايه؟ هو احنا عملنا ايه؟ هو انتم عملتم ايه؟ هو انتم ايه اللي جابكم هنا؟ واقبل بعضهم على بعض يتسائلون. مذهولين بقى شغلوا عن النعيم بالتساؤل هو ايه ربنا ادانا كل ده ليه؟ قالوا انا كنا قبلوا في اهلنا مشفقين. انا كنا - 00:35:32ضَ

فقبلوا في يعني ايه مشفقين يا جماعة؟ الاشفاق من الشفق. عارفين الشفق اللي في السما؟ طب وسمي الاشفاق من الشفق ليه؟ لان الشفق رقيق جدا رقيق يعني حاجة حاجة الوان رقيقة. فالشفقة رقة القلب. ان الانسان كل ما يفتكر حاجة يبكي. طب يعني ايه ايه الاشفاق؟ الاشفاق هو التفكر - 00:35:52ضَ

في العواقب ان الانسان يقعد مع نفسه كده. طب لو انا لو انا ذنوبي ما اتغفرتش اعمل ايه؟ طب لو انا لقيت يوم القيامة بيتقال لي انت داخل النار. طب اعمل ايه - 00:36:12ضَ

طب لو انا في حساب الملكين ما عرفتش اسبت واقول ربي الله والعياذ بالله. اعمل ايه؟ طب آآ طب هو الوقتي يعني انسان قاعد يتفكر في العواقب طب طب لو الطاعة بتاعتي ما اتقبلتش اعمل ايه؟ قاعد يفكر بقى مع رقة القلب فيقعد يبكي بقى اهو ده الاشفاق. انا كنا قبل في اهلنا مشفقين مشفقين - 00:36:22ضَ

طين من ايه من اربع حاجات يا اما مشفقين من الا تتقبل الطاعة. خايفين على الطاعات احسن ما تتقبلش. اتنين مشفقين من الا بالله علينا من المعاصي احسن معصينا ما تتغفرش. ولو ذنب واحد ما اتغفرش هنروح في داهية. يا اما مشفقين على الناس. الناس اللي ماشية بتعصي ربنا دي هتعمل ايه - 00:36:42ضَ

الكفار اللي لو ماتوا على الكفر دول هيروحوا جهنم هيعملوا ايه؟ يا اما اربعة مشفقين على اولادنا وزوجاتنا مشفقين لو لو ما فهموش لو ما قاموش الليل لو ما بقوش متدينين بجد وبعدين هيواجهوا العزاب ازاي هيواجهوا العقوبة ازاي ؟ يبقى مشفقين ناس خايفة - 00:37:02ضَ

بس مشفقين يا جماعة كلمة فيها عمل. يعني الانسان الخايف ده بيتبع الخوف بالعمل. يعني الناس دي علمت اسرها الخوف من الله باعمالهم مش اقوالهم. الناس دي علمت اسرها بالعمل وليس بالقول الاتجاه للدار الاخرة. قالوا انا كنا كنا كان قبله من زمان - 00:37:23ضَ

يعني خلاص كل حاجة انتهت ولم يبق الا النعيم. ولم يبقى الا العمل الصالح. فيه اهلنا ما سبناش اهلنا كنا وسطهم. يبقى التدين التدين مش معناه رمي المسؤولية. فيه اخوة كتير جدا باسم التدين مش عايز يشتغل. بسم التدين رامي مراته. بسم التدين رامي ولاده. التدين مش رامي المسؤولية. التدين هو تحمل - 00:37:43ضَ

المسئولية. هو تحمل المسئولية. انا كنا قبلوا في اهلنا مشفقين. فجازانا الله على اشفاقنا ووقانا عذاب السموم. لأ فمن الله علينا. يعني ذكروا العمل اللي كانوا بيعملوه. وبعد العمل لم تتعلق قلوبهم بالعمل. فلم يقولوا فجازانا الله على - 00:38:03ضَ

وانما فمن الله علينا. فذكروا العمل لان لازم عمل. ولكن بعدها قالوا اللي احنا فينا محض منا من الله. فهي رحمة ربنا اللي دخلتنا. شوفوا يا جماعة الفهم العميق. فاهمين قيمة العمل. وفي نفس الوقت قلوبهم غير معلقة به. وانما معلقة برحمة الله. فمن الله عليه - 00:38:23ضَ

ووقانا عذاب السموم. ووقانا عذاب السموم. وما لقوش عذاب السموم. بس شافوا اللي داقه شافوه. عشان كده يا اخواننا يعني سبحان الله العظيم ربنا واصف قبلها في ايات النار الرحلة للنار. يعني يعني الرحلة للنار. الرحلة - 00:38:43ضَ

ليه؟ لان اهل الجنة من ضمن نعيمهم انهم يروا اهل النار وهم يقتدوا الى النار. آآ عشان كده هو فاهم عزاب النار هو فاهم عزاب النار منين؟ وهو بيعدي من على الصراط - 00:39:01ضَ

شاف النار تحته. ماشي بس دي برضه مش كافية ان هو لان الناس دي بتعدي كالبرق. يعني الناس دي بتعدي بسرعة. الحاجة التانية انه لما بينظر منافزة من الجنة اتكلم مع اهل النار زي في سورة الاعراف وزي في سورة الصافات ها هل انتم مطلعون ها وزي في سورة المطففين آآ آآ هل على الارائك ينظرون هل ثوب الكفار - 00:39:11ضَ

يبقى ازا الناس دي بتشوف عزاب النار. الحاجة التالتة يا جماعة ان الناس دي شافت المعذبين وهم بيقتادوا الى النار. فمن ثم اصناف نعيم الجنة ان يروا اللي خدها لعبة وهو بيقتاد الى النار بيعذب ازاي؟ يعني ربنا ما سابهمش - 00:39:31ضَ

حرمه من انهم يشوفوا التانيين وهم بيقتادوا الى النار. فمعنى عجيب جدا عشان كده الناس دي فقهاء في النار. فاهمين؟ ووقانا عذاب السموم. وقانا الملايكة ما دعتناش. الملايكة ما صلتناش. ما اترماش في توابيت منفردة في جهنم. والعياذ بالله. ووقانا عذاب السموم. لما - 00:39:51ضَ

قارن ما بين ايات النار وبين ايات الجنة نلاقي ان ان ايات النار وايات الجنة يا جماعة وحدة واحدة بالظبط. يعني ايات الجنة اهل الجنة معمول لهم حفلة. ايات اهل النار معمول عليهم حفلة بالمعنى بتاعنا كده. معمول عليهم حفلة يتجرجروا قدام الناس. اه وبعد كده يقفوا اه برضه قدام الناس. على شفير - 00:40:11ضَ

جهنم وبعد كده يتريق عليهم ويسخر منهم قدام الناس وبعد كده يترموا واحد وواحد زي كياس الزبالة قدام الناس ها يعني ويتقال لهم كلمات الاحتقار والمعنوي قدام الناس فمعمول عليهم حفلة معمول عليهم حفلة يعني واحد بيهزق واحد قدام الناس قدام الناس وفيه جمهور متفرجين فبيسموه عامل عليه حفلة واخدين بالكم من - 00:40:34ضَ

كلمة يعني مصطلح يعني. فشوفوا دول بيكرموا ازاي ودول بيهانوا قدام اهل الجنة ازاي؟ الترابط العظيم اللي بين ايات الجنة وايات النار ان ايات النار الرحلة للنار. مش جوة النار. ايات الجنة جابت النعيم اللي جوة الجنة. كان ايات النار جزء من نعيم الجنة وايات - 00:40:54ضَ

الجنة جزء من عزاب النار. ازاي بقى كأن اهل الجنة ايات الجنة بادئة من اول يوم يدعون الى نار جهنم. ازاي؟ ازاي بادئة من اولها؟ ان اهل الجنة قبل ما يدخلوا الجنة - 00:41:14ضَ

قعدوا يتفرجوا على اهل النار وهم بيقتدوا للنار وبيدافعوا عن الجنة بيدعون عن الجنة يطرد عن الجنة قعدوا يتفرجوا عليهم وبعد كده دخلوا يتنعموا في شفي غلهم من الظالمين اللي كانوا بيحاربوا الدين. فايات النار كأنها جزء من نعيم الجنة - 00:41:27ضَ

وايات الجنة كأنها جزء من عزاب النار. ازاي ؟ ده قول بعض المفسرين يقول لك ان المتقين في جنة ونعيم ده المخاطب هنا هو اهل النار ان بعد ما اضربوا في النار وقاسوا حرها يقوم ربنا يقول لهم بقى استنوا اما اقول لكم بقى اهل الجنة بيتنعموا ازاي؟ فكل الوصف نعيم اهل الجنة - 00:41:45ضَ

بينزل زي المكواة زي مكواة جهنمية على قلوب اهل النار وهم يعذبون. فهذا من اعجاز القرآن يا اخواننا ان ان ايات النار جزء من عزاب الجنة جزء من نعيم الجنة. وايات الجنة جزء من عزاب النار. وكل ده بسبب السياق العجيب. بسبب هزا السياق العجيب - 00:42:05ضَ

فمن الله علينا ووقانا عذاب السموم. السموم آآ جاية من من تخلل مسام الجسد. ريح النار التي تتخلل نسمي الجسد والعياذ بالله. ووقانا عذاب السموم. انا كنا من قبل ندعوه انه هو البر الرحيم. انا كنا من - 00:42:25ضَ

قبلوا ندعوه ندعوه آآ آآ مضارع مضارع يفيد الاستمرار. يعني احنا كنا في الدنيا على طول يا رب نصحى قبل الفجر يا رب نجينا من النار يا رب وارزقنا الجنة. على طول ما بين الاذان والاقامة. يا رب نجنا من النار وارزقنا الجنة. كأن اهل الجنة لما - 00:42:46ضَ

دخلوا الجنة قالوا ان السبب في دخولنا الجنة لو كان في عمل هو اللي دخلنا الجنة هو الدعاء. العمل الوحيد اللي احنا نقدر نقول انه السبب في دخولنا الجنة هو الدعاء. شفتم خطورة الدعاء يا جماعة؟ يعني اهل الجنة بيقولوا من جوة الجنة احنا دخلنا الجنة بالدعاء. انه هو البر الرحيم. البر المرة الوحيدة - 00:43:06ضَ

اللي ذكر فيها اسم الله البر في القرآن في سورة الطور. المرة الوحيدة اللي ذكر فيها واسم الله البر ده من الاسماء العظيمة. من معاني البر زي البر بتاع البحر اللي هو الامان بعد البحر المتلاطم الامواج المرعب. جينا في الايه؟ جينا في الامان. اهجنا للامان. فانك - 00:43:26ضَ

كل ما بتقربي من ربنا انت بتقربي من الامان. بتقربي من النجاة. ومن معاني البر اللي بيبر دعائك فلا يسقط لك دعوة. بيستجيب له كل الدعاء. ومن معاني البر اللي بيبر عبادتك فلا يضيع عليك حسنة واحدة في سجدة واحدة عملتيها. ومن معاني البر اللي بيبر وعوده اللي ولا وعد وعدنا به - 00:43:46ضَ

الا وهيديه لنا. ومن معاني البر اللي بيغمر عباده بالاحسان الفائض وبيؤنسهم باحبابهم. وهو ده اللي حصل في الجنة. لما دخلوا الجنة اشمعنى جابوا اسم الله البر لانهم وصلوا للنجاة بعد بعد رعب يوم القيامة. ولانهم لقوا ان كل عمل عملوه ربنا اداهم سوابه في الجنة بره عبادته - 00:44:06ضَ

ولقوا ان كل دعوة دعوها لربنا ربنا اداهم استجابتها. فبر دعاءهم وكل وعد ربنا بعثه لهم لو قطعوه اداه لهم في الجنة. فبر وعود ولان ربنا غمرهم بالجو الاجتماعي. فغمرهم بالانس والاحسان العظيم. عشان كده اسم الله البر هنا اسم خطير. في درس آآ يعني - 00:44:26ضَ

اوعى على النت لو كتبتوه على جوجل اديته مرة اسمه المعاني العشر لاسم الله البر. يعني فيها معاني مهولة لهذا الاسم العظيم. انه هو البر الرحيم طب وليه الرحيم جت بعد البر؟ لان النصارى بيقول لك ان ان لازم لازم نبقى ابرار. يعني لازم نبقى اطهار. بس ما ينفعش يبقى - 00:44:46ضَ

كبر بالعمل. قال لك الانسان لو قعد يصوم كل يوم ويقوم الليل كل ليلة برضه مش مش هيطهر. ليه؟ الانسان نجس. هو ده كلامهم. الانسان نجس مهما عمل. مهما عمل ومهما عمل - 00:45:07ضَ

طب والحل ايه؟ حل ان ربنا ينزل يتدبح بس هو ده الطريق الوحيد ان الانسان يبر. فبر ما فيش فيه رحمة. يعني بر ما فيش فيه رحمة. انما عندنا في الدين بر ربنا بنا لو عملنا الاعمال الصالحة ربنا يطهرنا بسببها. ويزكي نفوسنا بسببها. فبري فيه رحمة. ربنا رحمنا. طهرنا - 00:45:17ضَ

سبحانه وتعالى مش بالام. انا كنا من قبل ندعوه انه هو البر الرحيم. العلاقة بين كلمة ندعوه وكلمة البر ان ربنا بار الدعاء بتاعنا في قراءة في الايات دي يا جماعة انه هو البر الرحيم. يعني ايه؟ يعني كنا بندعوه لما لقينا في الدنيا انه برر - 00:45:37ضَ

رحيم فقلنا هيبر دعائنا لما ندعوه بالجنة فدعناه بالجنة ونجاه من النار. فربنا بار دعائنا. يعني كل نجاتهم بسبب انهم عرفوا اسمين من اسباب انهم عرفوا اسم الله البر واسم الله الرحيم. فلما عرفوهم وشافوا بر الله ورحمته رفعوا ايدهم ودعوا فلما دعوا استجيب لهم. فدخلوا - 00:45:57ضَ

والجنة بسبب اسمين من اسماء الله الحسنى. يا اللي مقصرين في التعرف على اسماء الله الحسنى. يا اللي لما قلت لكم الوقتي اسمعوا درس المعاني العشر اللي اسم الله البر. قلتم احنا قادرين - 00:46:17ضَ

كويس ان احنا بنسمع التفسير وخلاص. ومكسلين. تسمعوا دروس اسماء الله الحسنى. اسمين بس من اسماء الله الحسنى. ربنا انقذ بهم المصير بتاعهم ايات عظيمة اوي يا جماعة. وايات جميلة قوي وايات مبهرة يا جماعة. واحنا حلقة الليلة واحنا عايشين مع ايات الجنة - 00:46:27ضَ

اللي انا قلبي مش جايبني ان انا اسيبها. يعني يعني احنا خلاص لسانا الوقت دقائق بازن الله سبحانه وتعالى وتخلص الحلقة يعني المفروض ان احنا بقى نخرج من الرحلة المهولة ديت في سورة الطور. قلوبنا عاشت مع قدرة الله في مقدمة الصورة. بعد كده عاشت مع يوم القيامة - 00:46:47ضَ

المور والسير والويل وبعد كده عاشت مع النار والاقتياد والصلي والشوي والعياذ بالله والرحلة المرعبة بتاعة النار اه اللي كانت تحت اعين اهل الجنة وهم بيتفرجوا عليها. وبعد كده اهل الجنة بقى شافوا اهل النار وهم بيتطردوا من على الجنة وبعد كده اتفتحت لهم الجنة دخلوا - 00:47:08ضَ

النعيم المهول العظيم اللي قلوبنا يعني قلوبنا في السما الوقتي واحنا قاعدين نتكلم عنه ونسمعه من كتر ما الالفاز والله العظيم يا جماعة. والله العظيم انا حاسس ان الفاز بتنطق. انا حاسس ان الحروف بتنطق. انا حاسس ان ترتيب الايات بينطق. انا حاسس اني يعني فعلا نعيم - 00:47:28ضَ

يا رب ما تحرمناش منه بعد ما شوقتنا اليه. يا رب العالمين. وندخل الوقتي بقى ان شاء الله بازن الله. يعني الحلقة الجاية هنبدأ من اول فذكر فما انت ربك بكاهن ولا مجنون هندخل الوقتي بازن الله نتكلم على الانفوجراف اللي هنلخص فيه الحلقة عشان نستوعب المعاني كويس. ما يبقاش كلام بنقوله وخلاص لأ - 00:47:48ضَ

ده احنا بنلخص وبنرتب زهننا عشان يبقى مش كلام واظي. لأ ده احنا بناخد الكلام وبنحفزه وبنفهمه وبنزاكره وبنمتحن عليه وبناخد عمرات كمان بازن الله مع الانفوجراف. ان شاء الله - 00:48:08ضَ

عشنا يا جماعة بقلوبنا في الحلقة بتاعة النهاردة مع تاني اعظم نعيم في الجنة بعد النزر لوجه الله. وهو الحياة الاجتماعية في الجنة. عشنا يا جماعة مع برومو عن الجنة بيوصف لنا - 00:48:28ضَ

مدى البدائع اللي في الجنة قلنا في الاول ليه الكلام عن الجنة بالطول ده في سورة الطور لان احنا في عام الحزن القلوب تعبانة فاحنا محتاجين الوقت ان احنا نسمع عن الجنة - 00:48:48ضَ

كتير عشان نصبر طب ليه الكلام عن الحياة الاجتماعية بالزات في الجنة؟ لان احنا الوقتي معزولين عن المجتمع في عام الحزن بعد شعب ابي طالب. فاكتر فترة عزل فيها الصحابة عن المجتمع في اكتر فترة محتاجين ربنا يعني يرطب قلوبهم بانكم هتاخدوا جو اجتماعي عزيم بسبب صبركم - 00:48:58ضَ

وسباتكم وعشنا يا جماعة مع زاهرتين مذهلتين في الايات. اول زاهرة الحياة الاجتماعية المزهلة. ان شوفي الزوج والزوجة في الجنة زوجناهم بحور عين مش هيحرمك من مراتك. اولادك مش هيحرمك منهم الحقنا بهم ذريتهم. اصحابك مش هيحرمك منهم متكئين على - 00:49:18ضَ

المصفوفة. الخدم مش هاحرمك منهم. معية الله امددناهم بفاكهة ولحم. ملايكة مش هاحرمك من صحبة الملايكة. كلوا اشربوا هنيئا. يعني تخيلوا الجو الاجتماعي المزهل اللي لا يوجد واحد على الالف منه في اعزم منتجع سياحي في العالم. الزاهرة المزهلة التانية اللي في - 00:49:38ضَ

الحب المزهل بقى. الحب المزهل اللي ما بين الزوج والزوجة بحور من معاني الحور الميل. يعني ميل المشاعر. بتحبه قلبها ما يليش مش قادرة تشيل عينها من عليه. اقبل بعضهم على بعض. اولاده جايين بقلوب امددناهم بفاكهة ولحم مما يشتهون. ربنا - 00:49:58ضَ

ادي له اللي بيحبه لانه بيحبه اصحابه بيحبوه ويتنازعون فيها كأسا. يبقى نفسه في الكأس اللي قدامه ويديها لاخوه. لانه بيحبه الخدم بتحبه يطوف عليهم غلمان الخدم رايحين جايين رايحين جايين باصناف النعيم. بعد كده يا جماعة شرحنا الايات بقى الحفلة الاجتماعية - 00:50:18ضَ

مزهلة اللي في الجنة اللي الايات بتصورها. من اول فاكهين بما اتاهم ربهم. لما الصحبة اتلمت في قصر واحد منهم بدأوا يضحكوا مع بعض ويفتكروا نعيم الجنة اللي ربنا اداه لهم. والنجاة من عذاب النار. وبعد كده الملائكة دخلت كلوا واشربوا هنيئا. الملايكة - 00:50:38ضَ

دخلت تحتفل معهم بالحفلة الجميلة ديت. وبعد كده مراته دخلت كل واحد زوجته دخلت عليه وزوجناهم بحور عين. وقلنا ان الاختلاط في الجنة مش حرام لان ما فيش حد هيبص لمرات حد ما فيش حد عنده شهوة غير لزوجته. ولا واحدة عندها شهوة غير لزوجها. والكل فرحان وسعيد. وبعد - 00:50:58ضَ

هنا ولاده دخلوا عليه الحقنا بهم ذريته. المنزر قاعد يكبر يكبر. وجو البهجة الاجتماعي في الحفلة الاجتماعية قاعد يكبر. وبعد كده كمان جه الخدم ودخل ويطوف عليهم غلمان. يعني منظر حفلة اجتماعية مذهلة في الجنة - 00:51:18ضَ

فجم في الاخر سابوا النعيم وسابوا الحفلة وبدأوا يتساءلوا اقبل بعضهم على بعض يتسائلون. هو احنا خدنا كل ده ليه؟ قالوا وخدنا كل ده لان احنا كنا مشفقين خايفين على الناس من النار. خايفين على ولادنا وزوجاتنا من النار. خايفين على نفسنا من النار. وتحملنا مسؤوليتنا في اهلنا. ما سبناش - 00:51:38ضَ

وتخلينا عن مسئوليتنا باسم الدين لأ باسم الدين شلنا المسؤوليات فربنا من علينا مش بسبب عملنا ده منة من الله ووقانا عذاب ليه؟ انا كنا من قبل ندعوه. بسبب كلمة يا رب. دخلنا الجنة بسبب كلمة يا رب. بسبب ان احنا كنا مواظبين على الدعاء على طول - 00:51:58ضَ

على طول انه هو البر الرحيم. المرة الوحيدة اللي ذكر فيها اسم الله البر في القرآن كله ذكر من جوة الجنة. اهل الجنة لما شافوا ربنا مر وعودوا بهم قد ايه. وبر عبادتهم وبر دعائهم. وما اسقطش ولا دعوة لهم قد ايه. قالوا ربنا هو البر الرحيم - 00:52:18ضَ

وقلنا يا جماعة معنى بديع في العلاقة بين ايات النار اللي شرحناها الحلقة اللي فاتت وايات الجنة اللي شرحناها الحلقة دي. ايات النار ما بتوصفش هل اهل النار جواها انما بتوصف الرحلة لهم وهم بيدعوا الى النار. وايات الجنة ما بتوصفش رحلة للجنة. انما بتوصفهم وهم قاعدين - 00:52:38ضَ

في حفلة جوة الجنة كأن الاول ربنا فرج اهل الجنة على اهل النار وهم بيطردوا من على ابواب الجنة وبيطردوا لحد ما يوصلوا لجهنم وبعد كده دخلهم الجنة يتنعموا في الحفلات بتاعتها. فكأن ايات النار جزء من نعيم الجنة. جزء من المشاهد اللي - 00:52:58ضَ

يتنعم بها اهل الجنة وهم بيشوفوا اللي عزبوهم في الدنيا. واللي انتهكوا حرمات الله في الدنيا واللي تجرأوا على الحق ومنعوا الدعاء الى الله في الدنيا بيحصل فيهم ايه وبعد كده جت ايات الجنة جوة الجنة. كان بعد ما اهل النار دخلوا النار ربنا بيقول لهم احوال اهل الجنة ايه؟ فوصلنا الى شيء مبهر. وهو - 00:53:18ضَ

ان ايات النار في سورة الطور جزء من نعيم الجنة. وان ايات الجنة في سورة الطور جزء من عذاب النار. في ترتيب اعجازي بديع في هزه المعاني اللي لو قمنا الليل بها وعشنا معها قلبنا هيتملى ايمان. يا اخواني في الله. في نهاية الحلقة يا اخواني واحبابي واخواتي - 00:53:38ضَ

الكلمات الفاضلات يعني شفتم يا جماعة واحنا عايشين مع الجنة النهاردة شفتم يا جماعة ايات الجنة في سورة الطور بتتكلم عن عن الحياة الاجتماعية ليه؟ لان سورة الطور نازلة في وقت غربة اجتماعية. ايات الجنة في سورة الذاريات بتتكلم عن الرزق وعطاءات الله من الرزق لعباده اخذين ما اتاهم ربهم. لان سورة الزناد - 00:53:58ضَ

بتتكلم عن الرزق وازاي ان الانسان قلبه يتعلق بالله لوحده في الرزق. ايات الجنة في سورة القمر بتتكلم عن النظر لوجه الله في مقعد صدق عند ملك مقتدر لان في شواهد ان سورة القمر نازلة في شعب ابي طالب. في وقت عزاب رهيب وحرمان وحصار. فربنا بيقول لهم اصبروا عشان تنالوا اعظم - 00:54:18ضَ

اعظم نعيم وهو النظر لوجه الله يعني فهم في فترة صعبة فلازم يرتبطوا بالروحانيات. ما يجيش هنا نعيم مادي يجي هنا نعيم روحاني عشان يقدروا يصبروا على الازى المائي. الازى المادي اللي هم فيه. ايات الجنة في سورة النبأ جت بقى كواعب اترابا وكأسا دهاقا. زوجة جسدها - 00:54:38ضَ

وكأس خمر مليانة. هو ايه نعيم مادي اوي كده ليه ؟ لان سورة النبأ في اول المرحلة الجهرية. بنكلم شباب مكة اللي بيقع في الزنا وبيشرب خمر وبنقول لهم تعالوا لربنا. فالشباب هيقولوا احنا بنعمل معاصي. مش هنقدر نسيب المعاصي ونيجي. فبنقول لهم الجنة فيها اجمل من اللي انتم فيه ده - 00:54:58ضَ

بالزبط كده لما تعدي جنب آآ ولد بيبص على بنت تقول له الجنة فيها اللي احلى منها. اهو كده عشان كده كل سورة النعيم بتاع الجنة اللي فيها متناسب مع موضوع السورة. ومتناسب مع زمن نزول السورة. وده من اروع انواع اعجاز القرآن. اعجاز التناسب والتناقص - 00:55:18ضَ

وان ما فيش ايات الجنة بتاعة سورة الطور ما ينفعش تيجي في الزريات. ايادي الجنة بتاعة الزريات ما ينفعش تيجي في القمر. ايات الجنة بتاعة القمر النعيم الروحاني لا يمكن - 00:55:38ضَ

ينفع تيجي بالمنزر ده في صورة النبأ ليه ؟ انما انا باكلم شاب بيتلزز بمتع مادية فباقول له المتع المادية اللي في الجنة. ايه الاعجاز ده! ايه الجمال ده ايه الروعة دي! كلام ربي كلام ربي. كلام الله يا جماعة. كلام ربي. كلام الله اللي نزل من فوق سبع سماوات عشان ينور لنا حياتنا. وينور - 00:55:48ضَ

هنا طريقنا الحمد لله على نعمة ان احنا قاعدين نفهم في كتابك يا رب وفي كلامك يا رب. زاكروا قموا الليل من اراد الطريق. الطريق الى قرآن فعليه بالفهم العميق زي الشرح اللي احنا بنقوله في التفسير عشان تروحوا تقروا من تفاسير وتفهموا والاتصال الوثيق - 00:56:08ضَ

تقوم الليل بصورة الطور وتعيشي معها. والقلب الرقيق ده دوام ذكر الله عشان قلوبنا ترق. عشان نعيش مع القرآن الكريم ونعيش مع هزه المعاني شدوا حيلكم يا جماعة مع ايات القرآن الكريم. ربنا يبارك فيكم. ربنا يحفزكم. ربنا يسددكم. ربنا يسبتكم - 00:56:28ضَ

سبحانك اللهم وبحمدك اشهد ان لا اله الا انت استغفرك واتوب اليك. مستنيين مدارساتكم على الصفحة الرسمية على النت. آآ مكتوب قدامكم الصفحة الرسمية للدكتور حازم شومان. مستنيين مدارساتكم يلا عشان نعمل حلقة المدارسة بقى بازن الله. في اقرب وقت ان شاء الله بازن الله. مستنيين مدارساتكم. المزكرات - 00:56:46ضَ

بتنزل زاكروا يا اخوانا يلا عشان امتحان القرآن غيرني في شهر رجب بازن الله سبحانه وتعالى. ربنا يبارك فيكم. ربنا يجعلنا من اهل القرآن مرة ثانية. سبحانك اللهم الله بيحبك اشهد ان لا اله الا انت استغفرك واتوب اليك وجزاكم الله خيرا - 00:57:06ضَ