Baheth

كل السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين - 00:00:00ضَ

فينا وفي كل وقت وحين. اما بعد اخواني واخواتي في الله. الحلقة الرابعة في سورة قاف. اخيرا هنبدأ الشرح التفصيلي بازن الله سبحانه وتعالى للايات بعد تلات حلقات كاملة عن مقدمات لفهم السورة. احنا الوقتي في الخطوة آآ رقم آآ تمانية وهي الشرح التفصيلي للايات - 00:00:53ضَ

بازن الله سبحانه وتعالى. يلا افتحوا المصحف معي بقى لان احنا هنبدأ بقى نحتاج فتح المصحف مع بعض. مش هينفع نشرح على شاشة مش هينفع نشرح على باور بوينت. الشرح التفصيلي - 00:01:13ضَ

ان كل واحد منكم وكل واحدة منكم يقوم حالا اهو ويمسك المصحف بتاعه ويفتحه على صورة قاف صفحة خمسمية وتمنتاشر. سورة قاف صاد خمسمية وتمنتاشر ونبدأ بازن الله سبحانه وتعالى مسيرة التدبر بقى التفصيلي آآ آآ متوكلين على الله سبحانه وتعالى. اعوذ بالله - 00:01:23ضَ

العليم من الشيطان الرجيم. بسم الله الرحمن الرحيم. قاف والقرآن المجيد. قاف قاف ده ايه؟ حرف من الحروف المقطعة. معناه ايه؟ العلماء اختلفوا حوالي اكتر من تلاتين قول معنى الحروف المقطعة ايه ولكن اوجه الاقوال واقوى الاقوال انها حروف زي اي حروف من اللغة - 00:01:44ضَ

قصد بها القرآن معنى التحدي. يعني ايه معنى التحدي؟ يعني بالزبط كده لما واحد يقول لي ايه يعني الطيارة؟ اقول له طب خد الالمونيوم والكاوتش والكراسي واعمل لي طيارة. واحد يقول ايه يعني الانسان؟ اقول له ادي التراب اللي اتخلق منه الانسان بجميع العناصر. اعمل لي بني ادم، تقدر تعمل لي بني ادم؟ تقدرش ، انت ممكن - 00:02:04ضَ

الجسد انما تعمل روح ما تقدرش الروح دي لا يقدر عليها الا الله. سبحانه وتعالى. يبقى المعنى الاول في الحروف المقطعة التحدي. انك انت تحسي ان كلمة قاف دي قنبلة بترميها في قلب اعداء الامة. انك وانت بتقول قاف تحس بالقوة ان احنا اقوى من الباطل. تحس انك لا يمكن ننكسر ابدا قدام الباب - 00:02:24ضَ

وقدام حرب اهل الباطل. ولو جابوا لنا سبعين الف ساحر زي اللي جابوهم قدام سيدنا موسى. سيدنا موسى ربنا قال له لا تخف انك انت الاعلى وسيدنا موسى هو اللي انتصر عليهم. طول ما احنا معنا القرآن احنا اللي هننتصر على اهل الباطل مهما حاربونا بمواقع فاسدة. مهما حاربونا - 00:02:44ضَ

بوسائل الفساد مهما حاربونا باي طريق من الطرق. احنا الاقوى طالما مع القرآن. يبقى المعنى الاول معنى التحدي. المعنى التاني يا جماعة معنى استسلام يعني ايه معنى الاستسلام؟ احنا مش عارفين يعني ايه قاف. بس هنعبدك يا رب وهنقرأها. وربنا لان احنا بنعبده بها هيدينا على حرف قف ده عشر حسنات - 00:03:04ضَ

واحنا اصلا مسلمين لربنا فيه بنقرأه واحنا مش فاهمين. انا فاهم يعني ايه هو القرآن المجيد؟ انما مش فاهم يعني ايه قاف. يا رب انا سواء الحكم في شريعتك اللي فاهمه - 00:03:24ضَ

او الحكم اللي انا مش فاهمه انا يا رب هطبق الاتنين. سواء يا رب فهمت الحكمة او ما فهمتش الحكمة. انا مسلم لك يا رب. سمعنا واطعنا. عشان كده وعشرين سورة في القرآن بيبدأوا بالحروف المقطعة. قاف الف لام ميم الف لام راء. نون صاد. آآ آآ بمجموع تلاتين اية. بمجموع - 00:03:34ضَ

تمانية وسبعين حرف. يعني الحروف المقطعة الواحدة بناخد عليها سبعمية وتمانين حسنة في كل خاتمة قرآن بنختمها بدون ما نكون فاهمين المعنى المعنى التالت بعد التحدي والاستسلام لله. معنى الثقة في الله. يعني ايه الثقة في الله؟ يا رب انا مش فاهم يعني ايه قاف بس انا واثق ان لها معنى. وانا واثق ان لها حكمة. وانا واثق - 00:03:54ضَ

كلها حاجة عظيمة حتى لو انا ما فهمتش الحكمة اللي فيها. يبقى دي اسمها الثقة. انا واثق في شريعة ربنا. انا واثق في حكمة ورحمة الشرع. آآ عشان كده يا جماعة ربنا قال ايتين والايتين في سورة البقرة. والايتين يعني عظيمتين اوي. الاية الاولانية وفي ذلكم بلاء من ربكم. طب يعني الرب - 00:04:14ضَ

بتيجي مع النعم. طب ربنا جاب بلاء يا رب ده ربنا بيتكلم عن بني اسرائيل وهم بيتدبحوا. ربنا بيقول لهم وفي ذلكم بلاء بس من ربكم. الابتلاء اللي في حياتك ده من ربك - 00:04:34ضَ

من اللي بيربيك من المربي اللي بيربيك. يبقى كل اقدار الله تربية لنا. طيب والاية التانية بقى ربنا سبحانه وتعالى قال امين الرسول بما انزل اليه من ربه. يعني كل احكام الشريعة تربية. يبقى اية بتقول لكل اقدار الله حتى الابتلاءات تربية - 00:04:44ضَ

اية بتقول لك كل احكام الشريعة تربية لك. فاحنا بنتربى لما بنطبق دين ربنا سواء بالعبادات او الاخلاق او الاحكام او الحلال والحرام يبقى ده معنى الثقة. يبقى التلات فوايد اللي بنخرج بهم من الحروف المقطعة. معنى التحدي والقوة وعدم الانكسار النفسي معنى الاستسلام والتسليم لله - 00:05:04ضَ

والتفويض لله معنى الثقة العظيمة في ان كل شرع ربنا خير وان كل قدر ربنا تربية وخير. والقرآن المجيد دواو القسم الله بيقسم بسورة قاف يا جماعة الاقسام فيها كتير. والقرآن المجيد قسم بعد شوية ولقد خلقنا الانسان ونعلم اللام دي بيسموها لام القسم. الله بيقسم. بعد - 00:05:24ضَ

شوية ولقد خلقنا السماوات والارض وما بينهما في ستة ايام وما مسنا من لغوب. اللام دي لام القسم. يعني سورة قاف مليانة اقسام. والقسم يدل على قوة الصياغة وشدة اهمية الموضوع وخطورته. وان الموضوع يترتب عليه مصير المستمعين فالله بيقسم. عشان نصدق وننقاد. والمعنى التاني - 00:05:44ضَ

الغضب ان الصورة فيها غضب على الغافلين المعرضين عن الله سبحانه وتعالى. طب هنا الله بيقسم بيقول والقرآن المجيد والعظيم لا يقسم الا بعظيم. يبقى دا معنى عظمة القرآن الذي يقسم به الله. طب ربنا بيقسم بالقرآن المجيد على ايه يا جماعة؟ قبل ما نشرح القسم وايه المقسم عليه؟ فيه - 00:06:04ضَ

العلماء قالوا المقسم عليه قد علمنا ما تنقص الارض منهم. الله يقسم بالقرآن بعلم الله اللي هو القرآن على علم الله بزرات تراب الاجسام احوال البشر قبل الموت وبعد الموت. آآ آآ طيب وفي علماء تانيين قالوا ان المقسم عليه هو السورة كلها. السورة كلها مقسم عليها. السورة كلها حقائق - 00:06:24ضَ

الله يؤكد ويقسم على ان كل كلمة في السورة دي حقيقة. وكل كلمة في السورة دي هتحصل هتحصل. سواء الكلام اللي في الدنيا والكلام اللي في الاخرة. طيب نبدأ بقى نشوف القسم نفسه معناه ايه؟ والقرآن المجيد. هو ايه المجد يا جماعة؟ المجد هو الفعل. الذي - 00:06:44ضَ

يبهر جميع البشر على مدى العصور. يعني انا ممكن مسلا واقف مع الشلة بتاعتي. فاقوم مسلا عامل حرف حركة رياضية كده ولا اجيب كورة مسلا اقعد انطق بالكورة اطلعها السما وانزلها على راسي فيقوموا باصين لي واو ايه ده! انت عملت ده ازاي! ده فعل - 00:07:04ضَ

انا بهرت به فعلا ولكن بهرت به شلتي بس او المهتمين بالكورة بس. وفي الدقيقتين دول بس وبعد كده يتشغلوا بحاجات تانية. انما المجد هو الفعل الذي يبهر جميع البشرية. الكرة الارضية كلها فتحت بوقها. ايه ده! ومش بس العصر ده وعلى مدى العصور المتطاولة. هو ده المجد. فربنا بيقول لك والقرآن - 00:07:24ضَ

المجيد القرآن صانع الامجاد. القرآن صانع الامجاد. النقطة دي لازم نقف معها يا جماعة. حتى لو وقفنا معه ميت مرة بعد كده الكلام عن امجاد القرآن حاجة مزهلة لو القرآن دخل لو القرآن دخل في دعوتنا هيحقق امجاد في الدعوة - 00:07:44ضَ

ربنا بيقول انا سمعنا قرآنا عجبا الجن يهدي الى الرشد الى الرشد فامنا به. يا جماعة لو احنا الدعاة والاخوة والاخوات اللي شغالين في الدعوة استخدموا المصحف في دعوتهم واتكلموا بالقرآن هيذهلوا الشباب والبنات والعصاة. هنحقق امجاد في الدعوة. انا سمعنا قرآنا عجبا - 00:08:01ضَ

يهدي الى الرشد. الاية ديت راعي الكنيسة الانجيلية في مصر. ابراهيم خليل فيليبس اسلم بسببها. وسمى اسمه ابراهيم خليل احمد. آآ لو القرآن دخل في التربية لو المربين اللي بيربوا الاخوة والاخوات دخلوا القرآن في التربية هيقلبوا حياة الناس. ليه؟ لما النبي ربى بالقرآن خرج ابو بكر وخرج عمر - 00:08:21ضَ

مخرج مصعب وخرج سلمان وخرج القرآن لو دخل في التربية الاخ والاخت اللي اتربوا على القرآن هيطلعوا جبال. هيطلعوا جبال لو اتربوا على القرآن صح. لو اتربوا تربية دار الارقم. لو القرآن يا جماعة عشان كده احنا مش بنقول امجاد يا عرب امجاد. بنقول امجاد يا اهل القرآن امجاد. امجاد ليه؟ لان - 00:08:41ضَ

القرآن لما العجم خدوه مش العرب خدوه ها البخاري اعجمي. الترمزي اعجمي مسلم اعجمي ابن ماجة اعجمي النسائي اعجمي العلماء جهابز العلم الشرعي في التاريخ عاجب ليه؟ لانهم تلقوا القرآن وخدوا القرآن. امجاد يا اهل القرآن امجاد. اهل القرآن - 00:09:01ضَ

السؤالين دول هم سبب المجد في الحياة كلها. عشان كده كلمة والقرآن المجيد ديت ديت يعني انا باسميها كده التفسير القرآني للتاريخ مش الشيوعيين قال لك التفسير تفسير التاريخ وقال لك ان التاريخ كله بيفسر بناء على المصالح البشرية التفسير القرآني للتاريخ الاسلامي - 00:09:21ضَ

كاني اجاوب على سورة الحجرات. الحجرات هو المجد اللي ازهل البشرية كلها والمفكرين الغرب لحد النهاردة. ازاي محمد ابن عبدالله وحد آآ القبائل اللي زي الغنم بتاعة العرب دي وده اللي حصل في سورة الحجرات. ان الحجرات المتباعدة انضمت وبقت ميت واحد. زي زي اي بيت احنا ساكنين فيه بيتكون من حجرات - 00:09:41ضَ

كتير ولكن في النهاية بقى بيت واحد. ازاي اقنع كفار عاملين زي الاغنام مزلولين تابعين للفرس والروم ان هم يتوحدوا مع بعضه يبقى بيت واحد ويكونوا فكرة الحجرات اللي هي الولايات المتحدة الاسلامية. اللي بتكون البيت الاسلامي الكبير. ويقتنعوا انهم يرتبوا البيت الاسلامي - 00:10:01ضَ

الترتيب الخطير ده اللي احنا سميناه الخلافة الاسلامية. اللي امريكا دلوقتي خدته بقت الولايات المتحدة الامريكية. نفس النظام السياسي للخلافة بالزبط المجد اللي حصل في الحجرات بعدها ربنا بيقول والقرآن المجيد. ان كل امجاد الامة الاسلامية بسبب القرآن. يبقى ده التفسير القرآني - 00:10:21ضَ

التاريخ الاسلامي ان كل امجاد الامة وكل حضارة الامة بسبب اتباع الامة للقرآن وكل ذل الامة بسبب بعد الامة عن القرآن. لو القرآن دخل في حياتك هيعمل فيك ايه ؟ كفاية قول الله سبحانه وتعالى واذ ابتلى ابراهيم ربه بكلمات زي القرآن كده ما هو كلمات. فاتمهن قال اني جاعلك - 00:10:41ضَ

نسي امامة. يبقى لو القرآن دخل في حياتنا هيرجع تاني الامة فيها ائمة. بعد ما بقينا نفسنا نشوف امام. نفسنا نشوف ائمة في الدين يا جماعة نفسنا نشوف ائمة الامة كلها تمشي وراها وتقتدي بها. ائمة في العلم وفي العمل. نشوفها ائمة يبقى القرآن هو اللي هيحقق تاني ان - 00:11:01ضَ

جعلك للناس امام لو قرآن دخل في الدعوة هيغير الدعوة. لو القرآن دخل في التربية هيغير التربية. لو القرآن دخل في الحياة الام هتبقى امجاد يا اهل القرآن امجاد. لو القرآن رجع للامة تاني هيرجع لها مجدها. لو القرآن دخل في حياتنا اني جاعلك للناس اماما. هيغير كل حاجة. عشان - 00:11:21ضَ

سورة المزمل اولها يا ايها المزمل. واحد نايم ملفوف في بطانية. اخرها ان ربك يعلم انك تقوم وادى من ثلثي الليل. بطل جبل واقف يصلي تلتين الليل بعد كفاح طول النهار في الدعوة. ليه؟ العزيمة دي ازاي المزمل بقى يقوم ادنى من ثلثي الليل كل ليلة؟ وقدمه - 00:11:41ضَ

ازاي حبيب الله محمد عليه الصلاة والسلام كل ده بسبب القرآن. القرآن هو اللي عمل هزه النقلة الجبارة في العزيمة. القرآن ده لو دخل في حياتنا يعمل نقد صلاة جبارة نوعية في حياتنا كلنا. فديت والقرآن المجيد ان احنا نفهم الاعجاز التغييري للقرآن. القرآن قادر انه يغير في - 00:12:01ضَ

حياتنا قد ايه بل عجبوا ان جاءهم منذر منهم. بل بل ديت المفروض بعد القرآن المعجز ده كانوا ينبهروا بل عجبوا بل كذبوا. الكلمة حرف بال هنا يا جماعة بيفيد يعني الرسول كان بيدعو نمازج صعبة قد ايه. الرسول كانوا بيدعوا كانوا بيدعوا ناس بيقولوا يعني قضية التوحيد عندهم غريبة - 00:12:21ضَ

لدرجة اجعل الالهة الها واحدا. ان هزا لشيء عجاب. مش قادرين يستوعبوا ان كله اله واحد. لدرجة انهم بيتريقوا على النبي لما بيكلموهم عن البعث يقولوا هل ندلكم على رجل ينبئكم اذا مزقتم كل ممزق لو اتقطعتم حتت بعد ما متوا في القبور؟ انكم لفي خلق جديد - 00:12:42ضَ

تعالوا اما نسمعك واحد بيقول كلام لا يعقل. افترى على الله كذبا ام به جنا؟ ما هو يا عاقل يا مجنون! لو عاقل يبقى مفتري كداب. افتر على الله كذبا. يا اما مجنون - 00:13:02ضَ

قام به جنة دي العقليات اللي النبي كان بيتعامل معها. دي القلوب الحجر. اللي النبي عليه الصلاة والسلام كان بيتعامل معها. احنا قاعدين نقول الشباب بعيد والبنات بعيدة وقفت مرة شاب كلمته عن ربنا وما لقتش قلبه لن. كلمتي مرة واحدة صاحبتك عن ربنا بعد ما سمعت درس ديني تحضري لها كلمتين بجد مش - 00:13:12ضَ

بخواطرك. اه وما اتأسرتش بالكلام عن ربنا. يا جماعة احنا اللي ما بنشتغلش. الرسول اتعامل مع الصخور وربنا لا. لين للنبي قلوب هزه واحنا بنتعامل مع ناس مسلمين ولكن عصاة. ومش عارفين نأخذهم الى الله. احنا اللي ضعفاء. بل عجبوا ان جاءهم منذر منهم - 00:13:32ضَ

ان جاءهم ديت يعني معناها الداعية هو اللي بيروح للناس. ان جاءهم. ما ينفعش الداعية يفضل قاعد في الجامع ويقول للناس تعالوا لي. لا يا جماعة مريض البرد غير مريض السرطان. مريض البرد - 00:13:52ضَ

في العيادة اكشف عني. مريض السرطان انا اللي لازم انزل واروح له. والا هيموت مني. يبقى لازم نفهم ان رسالة الدعوة ان جاءهم احنا اللي لازم ننزل للناس احنا اللي لازم ننزل ان جاءهم منذر. منذر دي كلمة قوية جدا. بتدل على ان الدعوة يجب ان تكون دعوة قوية. النبي عليه الصلاة والسلام ده وصف الصحابة - 00:14:02ضَ

النبي عليه الصلاة والسلام كان اذا خطبنا كأنه منذر جيش. يقول صبحكم ومساكم. يعني ايه منذر جيش؟ يعني واحد عرف ان فيه جيش جاي يقتلنا كلنا ويميتنا. فيقول صبحكم يعني ايه صبحكم؟ يعني الصبح الجيش جاي يدبحكم كلكم. مساكم لأ ده الجيش مش هيستنى للصبح. ده الليلة - 00:14:22ضَ

مش جاي يدبحكوا كلكم فتخيلوا المفروض الناس تتفزع قد ايه فالنبي كان بيقول للصحابة كده في الخطب بتاعته بيقول لهم الدار الاخرة وملائكة الحساب عزاب ممكن تيجي لكم الصبح او بالليل. لازم تتغيروا يعني بالتعبير بتاعنا الوقتي يا تلحقوا يا ما تلحقوش. ما عندكش وقت تستنى وتأجل قرار التوبة لحد بكرة - 00:14:42ضَ

الصبح ممكن الملايكة تيجي لك بالليل. ممكن ملك الموت يجي لك بعد ساعة. شوفوا دعوة النبي كانت قوية ازاي! الصحابة كانوا بيقولوا كان يرجف به المنبر. النبي المنبر ده بيبقى خشب يا جماعة وسابت. يعني الموضوع مش سهل يعني - 00:15:02ضَ

والصحابي النجار العبقري اللي اخترع فكرة او او او نفز للنبي فكرة المنبر لان ما كانش فيه في البشرية قبل كده حاجة اسمها المنبر. المنبر ده اكتشاف. المنبر ده موديل الاسلام طرحه للبشرية. ما كانش موجود السورة دي قبل كده في الخطابة وفي الوعظ. فالنبي عليه الصلاة والسلام المنبر ده حاجة سابتة. تخيلوا من قوة النبي - 00:15:17ضَ

في الوقف المنبر بيتهز به بيترجي به. معنى يعني معناه ان النبي عليه الصلاة والسلام كانت دعوته قوية. كانت خطبه قوية. كانت دروسه قوية هو ده اللي ينفع مع الناس يا اخوانا. الناس في غفلة. الناس في غيبوبة ما بين تلات انواع من الجنون جنون المصالح. ناس دلوقتي كل قضيتها مصلحتي - 00:15:37ضَ

ما يقربش منك غير لو عايز مصلحة. لو لو انت بتقول له تعال درس ديني وفيه مصلحة عنده يا عم ما نيش فاضي مصلحتي. مصلحتي ومصالحي ومصالح ولادي ولقمة الجنون التاني جنون الطموحات الدنيوية. انا عايز اسافر استراليا. انا عايز اخد البورد الامريكي والزمالة البريطانية. انا جنون - 00:15:57ضَ

يا عم سيبونا. يا عم انتم بتكلمونا في الدين ما عندناش وقت غير لطموحاتنا. والطموح التالت الجنون التالت جنون ايلاست ليف ماي لايف. جن كل استمتاع بالحياة. انا هاستمتع بها انا هاستمتع بها. انا لا يمكن هاضيع حياتي. عشان كده من اكبر اسباب الخيانات الزوجية لما الزوج او الزوجة بيحس ان الطرف التاني مش - 00:16:17ضَ

هيبقى هيمتعه في الحياة وهيدي له المتعة البهجة في الحياة اللي هو عايزها. بيقوم يلجأ الى الخيانة الزوجية والعياذ بالله. ويقول هو انا اعيش يا ابو عمرو يبقى الجنون بتاع الدنيا ده لا حل له الا جاءهم منذر. نزول للناس ده رقم واحد جاءهم. رقم اتنين - 00:16:37ضَ

قوية جدا منذر. ما ينفعش يا جماعة الدعوة بتاعتنا تبقى شوية خواطر بنقولها للناس من دماغنا. لازم نسمع دروس ونحضر ونكلم الناس ونجاهد في سبيل توصيل الدعوة. الشرط التالت للدعوة الناجحة بعد شرط جاءهم وشرط منذر. شرط منهم. منهم دي الكلمة اللي بيرشحوا نفسهم للانتخابات بيكتبوها. بيقولوا - 00:16:57ضَ

منكم واحب ان انال ثقتكم. منكم يعني انا انا انا منكم عايش المكم وعايش املكم. وبكلمكم من واقع الواقع اللي انتم عايشينه مش داعية المريخ. مش اخ نازل يكلم اصحابه وهو اصلا جاي من المريخ ما هوش عارف حاجة عن واقع الشباب وعن واقع الناس. والناس وصلت ليه؟ لأ ده انا منكم - 00:17:17ضَ

ده انا عايش املكم والمكم. ده انا اكتر واحد في الدنيا بحبكم. ده انا منكم كانكم حتة من لحمي وانا حتة من لحمكم. احنا شيء واحد. احنا اكتر ناس في - 00:17:37ضَ

دنيا عايزين الشباب يتوبوا لربنا. دي الرسالة اللي لازم توصل. رسالة الحب والانتماء. فقال الكافرون قدام جاءهم. ومنذر ومنهم. قدام داعية نزل لهم بنفسه. وداعية جايب لهم كلام قوي جدا وعلم قوي جدا. وداعية بيحبهم بجد. وخايف عليهم بجد اللي هي منهم؟ فقال الكافرون - 00:17:47ضَ

هذا شيء عجيب. فالفاء ديت تفيد يعني فورية التعامل. الناس دي ما فكرتش اصلا. الناس دي ما سمعتش. الناس دي ما ادتش ودنها حتى للنبي عليه الصلاة والسلام. فورا ليه يا عم انت جاي تخنقنا! انت جاي تقول لي حرام وحلال! اي حد هيقول لي حرام وحلال هو صح هو غلط! جاي يخنقني في حياتي! سبحان الله! عشان كده ربنا سبحانه وتعالى بيقول - 00:18:07ضَ

الذين يحدون الله ورسوله كبتوا. قلت سبحان الله اللي بيحدوا دول زي العلمانيين كده يقول لك حدود الدين دي خنقة. فبينهم وبين الدين معركة حدود. لأ ده مش حرام. ما تقعدوش تقولوا لنا حرام. فربنا قال العقوبة بتاعتهم ايه؟ كبتوا. قلت سبحان الله! هم اصلا ما هربوش من الحلال والحرام غير لانهم فاكرين ان الدين - 00:18:27ضَ

وان الدين والشريعة هتكبتهم. فربنا قال ان العقوبة بتاعتهم من جنس ما فعلوا كبتوا. هيجدوا الكبت في الدنيا وفي الاخرة والعياذ بالله فقال الكافرون. كلمة الكافرون هنا بيسموها في اللغة اسلوب تشنيع. يعني ايه؟ ممكن فقالوا هذا شيء عجيب. انما زي ما اقول لك الظالم - 00:18:47ضَ

الضلال بيقول اللي عايز يشتري البيت بتاعي اللي بمليون جنيه بعشر تلاف جنيه. ده اسلوب اللي هو ايه؟ الزالم الضلالي ده اسمه اسلوب تشنيع. اه فقال الكفرة الظلمة لما شافوا القرآن بالمنظر ده والنبي جاي لهم بالمنظر ده هذا شيء عجيب. مش قادرين يتخيلوا ان ده حاجة تعقل اعوذ بالله - 00:19:07ضَ

لا ااذا متنا وكنا ترابا ذلك رجع بعيد. هو هنا فيه حزف من الكلام والقرآن ازا زاد لفز او حزف لفز فانما الاعجاز فهنا في حذف اعجازي. ائذا متنا وكنا ترابا المفروض كان ايه؟ ائنا لمبعوثون؟ يعني المفروض ايه؟ بيقولوا بعد ما نموت ونبقى تراب. هنبعث - 00:19:27ضَ

انما هم ما قالوش ائمة لما بعثون ليه؟ لما الواحد مثلا آآ يعني واحد كلمة مش قادر ينطقها قلبه رافضها لدرجة انه مش قادر ينطقها. فمسلا آآ بيقولوا على ابنك ان ابنك حرامي. فيتصدم يقول له باب ابني انا - 00:19:48ضَ

وبعد كده لسانه اتشل ليه ؟ مش قادر ينطق كلمة حرامي حتى على ابنه. من كتر ما قلبه رافضها. فمن كتر ما هم رافضين البعس. مش قادرين ينطقوه والعياز بالله - 00:20:04ضَ

شفتم الكفر وصل لفين ؟ ائذا متنا وكنا ترابا ذلك رجع بعيد. بعيد عقليا يعني يا عم انتم بتتكلموا كلام لا يعقل. يا عم انتم عايشين في المريخ يا عم. يا عم انتم بتقولوا كلام لا يمكن يحصل. ذلك راجع رجوع ها - 00:20:14ضَ

مش هيحصل فتيجي الصدمة الكهربائية في الرد عليهم. قد علمنا ما تنقص الارض منهم. وعندنا كتاب حفيظ. ربنا يقول صمت وفاكرين اني ما اقدرش ارجعكم تاني قد علمنا ما تنقص الارض منهم ده انتم كل زرة تراب الارض بتاكلها من جسمكم بعد الموت الله يعلمها - 00:20:29ضَ

والارض هنا كائن حي بياكل اجساد البشر. ها آآ بياكل اجساد البشر بعد الموت. وعندنا كتاب حفيظ ده مش بس انا اعلم ده فيه كتاب فيه زرات كل واحد منكم بعد الموت هيحصل فيه ايه ؟ معنى مهول يا جماعة الصدمة الكهربائية معنى صاعق يعني انا فاكر اول مرة وانا باقرأ هزا المعنى في تفسير ابن كثير - 00:20:49ضَ

صعقت من المعنى لم اكن اتخيل يعني فعلا يعني بتعبير كده بعض المفسرين يقولوا ان فيه ايات في القرآن لا يمكن حد يقولها عن ربنا غير ربنا مين اللي يعني لو لو سيدنا محمد يعني واحد مش من عند ربنا بس بقى بيحب ربنا وعايز يتكلم عنه لا يمكن بشر هييجي في زينه - 00:21:09ضَ

التصور ده اصلا زي اية وما تسقط من ورقة الا يعلمها ولا حبات في ظلمات الارض ما فيش بشر اصلا حتى لو عايز يتكلم عن من دماغه هيعرف يجيب الكلام ده. ده كلام لا يستطيع ان يقوله عن الله الا الله. كلام مزهل يا اخواننا وعندنا كتاب حفيظ - 00:21:29ضَ

كذبوا بالحق لما جاءهم عقول حجرية مهما جبتهم يمين جبتهم شمال برضو ما فيش فايدة. بل كذبوا بالحق لما جاءهم عقوبة فهم في امر مريج. هنا في كلمتين عكس بعض يا جماعة. كلمة الحق عكس كلمة بريج. الحق يعني السابت المستقر. ده معنى كلمة الحق - 00:21:49ضَ

الثابت المستقر ماريج امر المريج ماريج معناه الاضطراب وعدم الاستقرار. لغة فكلمة ماريج عكس كلمة الحق. يعني سبب السبات النفسي وسبب الاستقرار في الحياة. هو الارتباط بكلام الله والاتصال بالله. فالناس دي لما غاغت القرآن من حياتها اكبر عقوبة دلوقتي احنا فيها - 00:22:09ضَ

فهم في امر مريج. احنا هم في امر مريج ديت كلمة مرعبة. احنا في زمن المرج. اه يقول لك الهرج والمرج. احنا في زمن الاضطرابات النفسية. احنا في زمن عدم الاستقرار في شيء اقعد مع اي حد هتلاقيه مش مستقر نفسيا. مش مستقر في حياته حاسس انه خايف. مرعوب من كل حاجة ومرعوب على كل حاجة وقلقان من الايام وقلقان - 00:22:29ضَ

من مضاعفات المرض وقلقان من العجز وقلقان من الكبر. وخايف من الفقر وخايف من تهديدات خايف من كل حاجة وخايف على كل حاجة. فهم في امر مريج لما بعدوا عن الحق اللي هو سبب السبات والاستقرار خدوا المرج اللي هو حياتهم بقى كلها اضطرابات نفسية. دايما حلم الانسان في الحياة والاستقرار. نفسي بيتي يبقى - 00:22:49ضَ

مستقر. نفسي نفسيتي تبقى مستقرة نفسي ابقى متصالح مع نفسي. يعني كنت قاعد مع مجموعة من الشباب كده فسبحان الله العزيم يعني الشاب اللي قال الكلمة ديت يعني ساعات لما باشوفه كده بيصعب علي - 00:23:09ضَ

يعني اما اشوفه عامل في شعره ايه وعامل في لبسه ايه يعني بعيد يعني ربنا يهديه يا رب. ها فبقول لهم يا جماعة تشتري بكم نعمة ان انت وانت جاي تنام تلاقي - 00:23:22ضَ

نفسك مستقرة نفسيا عند النوم لقيته بيقول اه ده الواحد يدفع فيها عمر والله يا اخواني انا صعب علي حسيت انه يا عيني النوم بالنسبة له عزاب. ما فيش استقرار ما فيش تصالح مع النفس - 00:23:32ضَ

انسان من جوة بركان اوهام وبركان مخاوف وبركان احزان. انما الانسان المتصل بالقرآن انسان مستقر يا اخواننا. يا اخوانا كفاية فهم في امر المريج عقوبة للبعد عن كتاب الله. افلم ينظروا الى السماء فوقهم؟ اه بدأنا نتكلم بقى عن ايات الله. التلات ايات بتوع الايات الكونية - 00:23:44ضَ

افلم ينظروا انتم لسة ما بصيتوش! انتم لسة هنا! انت عارف لما تقول لي واحد يا ابني انت لسة هنا! انتم بعد كل شاشات العرض الجبارة العملاقة الاربعة وعشرين ساعة - 00:24:04ضَ

بتبس ايات الله الكونية ديت لسة لسة ما بصتوش. لسة ما فهمتش من كل اعجاز في الخلق اللي حواليك في عشرين مليون نوع كائن حي ربنا خلقهم بابداع واعجاز معك على وجه الارض. لسة ما فيش حاجة لفتت نظرك! سبحان الله! ده التدبر في الخلق! التدبر في - 00:24:14ضَ

ربنا جابه بعد ما قال ايه ؟ والقرآن المجيد. دايما التدبر في الكون بييجي في القرآن مع التدبر في القرآن. دايما القرآن والكون يا جماعة الاتنين بييجوا مع بعض. عشان نفهم - 00:24:34ضَ

عشان كده في في سنة اولى التزام برنامج التربية اللي احنا عاملينه اللي اسمه سانوية الالتزام. آآ عاملين فيه حاجة اسمها العمود الفقري للتربية. ايه العمود الفقري للتربية الاتصال بالكون والتدبر في الخلق. ليه؟ دول من غيرهم التربية بتبقى من غير عمود فقري. تبقى زي الحلس البالي حتة قماش مهلهل. ما فيش - 00:24:44ضَ

واحد هيتربى من غير عبادتين. من غير الاتصال بالقرآن آآ الاتصال الوثيق ومن غير الاتصال بالكل. دول اعظم عبادتين يوصلوا لربنا افلم ينظروا الى السماء فوقهم؟ كيف بنيناها؟ ينظروا دية آآ آآ يعني يعني ربنا بيقول لك افلم ينظروا الى السماء فوقهم فوقهم - 00:25:04ضَ

يعني ايه ؟ يا عم مش مطلوب منك انك تحجز تزكرة طيران وتسافر عشان تشوف ايات الله الكونية. يا عم بس ارفع راسك بس كده اهو. ارفع عينك بس وبص لفوق. يا عم - 00:25:24ضَ

نبص للسما قاعدين امبارح يعني مجموعة شباب كده قاعدين مع بعض في آآ يعني حفلة شوي وجو ايماني وصلاة يعني جو بقى فكنا على سطح مكان كده فواحد بيبص في السماء قال ايه ده! ايه المنظر التحفة ده! فبابص على السما كنا بعد المغرب منزر يخلع القلب يا اخوانا! فلم ينظروا الى السماء فوق - 00:25:34ضَ

الناس دي مش عايزة تفتح ليه؟ مش عايزة تبص ليه؟ وفوقهم يعني مش مش هتسافر. بص لفوق. وبرضه كلمة فوقهم هنا بتفيد فايدة تانية ان ربنا ما كلمكش السمك الملون اللي موجود في اعماق المحيطات. وانا اكلمك على العصافير الملونة. عصافير الجنة زي ما سماها العلماء اللي موجودة في الغابات الاستوائية. ربنا ولا الفراشات الملونة - 00:25:54ضَ

اللي موجودة في بعض الجناين ربنا كلمك عن السما. افلم ينزروا الى السماء. والارض القينا فيها رواسي الجبال. انبتنا فيها من كل زوج. النبات يعني ربنا كلمنا عن الحاجات اللي موجودة حوالينا يا جماعة ليل نهار. ليه؟ لان ربنا لو كان كلمنا عن السمك الملون ده كل ما تسافر كل سنة بقى تعرف تسافر تقول سبحان الله قدامه - 00:26:14ضَ

ربنا كلمك عن الاربعة وعشرين ساعة حواليك. ليه؟ لان ربنا اراد ان التدبر في الخلق ما يبقاش حاجة بتتعمل مرة في السنة. وانما تبقى اربعة وعشرين ساعة ليل نهار تدبر. طول ما انت ماشية في الشارع تبصي في السما سبحانك يا رب. تبص في الشمس الله اكبر. تبص لورقة شجر المفاعل الوحيد اللي بيكون الكربوهيدرات - 00:26:34ضَ

على وجه الكرة الارضية. ايه الاعجاز ده يا رب الله اراد ان التدبر ده تبقى عبادة حية في حياتنا. بس السما والجبال اللي ربنا بيتكلم عنها احنا مش حاسين بها. لو سمك ملون كنا حسينا وخشعنا ليه - 00:26:54ضَ

لان في السعادة احنا من كتر ما بصينا للسما والشمس والقمر ما عدناش حاسين بهم غلط. اشمعنى ايه في العادة ده مش مع فتنة النزر للبنات؟ اشمعنى ما فيش شاب بيجي يقول - 00:27:08ضَ

انا من كتر ما بصيت للبنات حصل لي انفعال. اشمعنى ايه الانفعال ده ما بيحصلش مع المواقع القزرة؟ ما فيش واحد بيقول انا من كتر انا حصل لي ايه الفعادة. اشمعنى ايه في العادة بييجي في - 00:27:18ضَ

الطاعة ما بتجيش في المعصية. ده مش الفعادة. ده قسوة قلوب. ده غفلة قلوب يا جماعة. عشان كده كلمة فوقهم دي كلمة خطيرة جدا. بص وشف اعجاز قدرة الله افلم ينظروا الى السماء فوقهم ان نظر يا جماعة هو تقليب البصر في - 00:27:28ضَ

شيء مع اعمال الفكر. يعني النزر ده فيه مجهود. فكري. بصي كده واعملي زهنك زي سيدنا ابراهيم. فنظر نظرة في النجوم فيه كانه اخترق النجم بعينيه من كتر التدبر. فهو اصلا بقى خليل الرحمن. التدبر ده عبادة بتقلب الحياء. عشان كده هي مجهودها كبير. ولكن - 00:28:00ضَ

السمرة والمكاسب بتاعة التدبر ايه ؟ من سمار التدبر في الخلق. رقم واحد اليقين في وجود الله. اليقين في وجود الله يا جماعة التدبر بيجيب يقين في وجود الله جبار - 00:28:20ضَ

عشان كده دايما في القرآن ام خلقوا السماوات والارض بل لا يوقنون. ليه ييجي اليقين مع خلق السماوات والارض؟ لان التدبر في الخلق بيجيب يقين. ها وفي الارض ايات للموقنين. ليه ييجي اليقين مع التدبر في الارض؟ التدبر بيجيب يقين. وكذلك نري ابراهيم ملكوت السماوات والارض وليكون من - 00:28:30ضَ

موقنين دايما ييجي في القرآن اليقين مع التدبر في الخلق. يبقى اللي عنده مشاكل شكوك الحادية شكوك في وجود الله التدبر اسحقها سحقا سحقا يا اخوانا يبقى التدبر في الخلق من اسباب اليقين في وجود الله - 00:28:50ضَ

يعني تخيلوا كده لو انت ماشية مسلا على على شط بحر لقيت القلعة آآ معمولة بالرمل ولها ابواب ولها مجاري مائية جواها وحصن قولي لواحدة هو مين اللي عمل دي؟ قالت لك الموج امبارح كان هايج شوية قعد يضرب في الرملة على الشط عمل القلعة دي. هتصدقيها؟ لا يمكن. مين اللي عمل يا جماعة الاعجاز ده؟ مين يا اخوان - 00:29:06ضَ

يعني الناس اللي عايزة البحر يتشاق وبتنبهر بعيد شق البحر. هو البحر مش معجزة اكتر من شق البحر. اللي منبهرين بشق الارض هو القمر نفسه مش معجزة اعزم من شق القمر؟ يعني اللي يبص للبيضة كده وبعد كده يبص للكتكوت ويبص للعصفور الملون ويبص - 00:29:26ضَ

كل دول جم من بيضة. فين في البيضة الرفرفة؟ فين في البيضة الصوصوة؟ فين في البيضة فرد الجناح في الشمس والانطلاق وسط القدرة. اللي تبص للحياة الحيوان المنوي وبعد كده يبص للمخترع العزيم اللي خد نوبل والفنان والشاعر والانسانة المفكرة فين في الحيوان المنوي الفكر - 00:29:46ضَ

والفرح والحزن والغضب والقصائد الشعرية والانجازات العسكرية والاختراعات العلمية والطموحات الزهنية استراتيجية والتكتيك فين الكلام ده في الحيوان المنوي؟ اعجاز يا جماعة. الواحد ساعات بينبهر. يا ترى اول طلعة شمس على الارض كان شكلها ايه؟ اول - 00:30:06ضَ

طنط قمر كان شكلها ايه ؟ اول مرة النهار جه. اول مرة الليل دخل كان شكلها ايه يا اخوانا على الارض. كل كل ضباب مرة بيجي كل تقوم بتغيب عن السما. كل امر بالليل والسحاب مغطيه ومبين منه ظلال ضعيفة. كل مرة الشمس قدامها سحاب متقطع والاشعة - 00:30:26ضَ

خارجة ما بين السحاب كل نزلة مطر كل نبتة شجر كل زهرة كل فراشة كل ابتسامة طفل في وش امه بعد ما ولد من شهور كل لمسة حنان وام بتحضن ابنها. كل لحزة شوق لاتنين افترقوا عن بعض وبيعانقوا بعض ساعة اللقاء - 00:30:46ضَ

كل المشاعر البشرية كل ده ما بهرناش يا اخواننا. كل ده ما يجيبلناش يقين في وجود الله يا جماعة. انا بحس ان الدنيا دي ولله المسل الاعلى العشرين نوع كائن حي والنباتات كل ده كأن فنان عظيم ورسم عشرين مليون لوحة مزهلة فانت - 00:31:06ضَ

تبص للوحات ما فيش حد راضي يبص. كل اللوحات دي يعني لو فنان رسم عشرين مليون لوحة كل لوحة تخلع القلب. تخلع لوحة منهم واحدة بس اسمها الانسان الانسان ده قعدنا في كلية طب ندرس ست سنين في عجائب ومعجزات. النزام الداخلي في الانسان وما خدناش اي حاجة. لما كنا نطلع المكتبة نشوف المراجع الكبيرة - 00:31:26ضَ

نكتشف ان اللي بناخده ده كلام بدائي جدا. بالنسبة للمزهلات اللي في خلق الانسان. ده ده نوع ده دي لوحة واحدة. العشرين مليون لوحة فنية اعجازية ما وقفوكيش ما وقفوكش جريمة يا اخواننا دي جريمة. تارك التدبر مجرم زي تارك القرآن بالزبط. وهاجر القرآن - 00:31:46ضَ

والله المثل الاعلى تخيلوا مخترع عظيم. قام جايب لنا كمبيوتر قال انا اخترعت الكمبيوتر ده. تاني يوم جاب لنا آآ ايباد انا اخترعت الايباد ده. تالت يوم جاب لنا الاهرامات انا بنيت الاهرامات دي. رابع يوم قام جايب مسلا القنبلة الزرية والهيدروجينية. انا اخترعت القنبلة. المفروض نزهل به. ايه ده! تخيلوا بقى عشرين - 00:32:05ضَ

مليون اختراع مزهل مزهل اختراع واحد منهم بس الايه البني ادم عقليته بس اللي اخترعت كل المخترعات اللي على وجه الارض دي. عضو واحد بس الاعضاء اختراع واحد من اعجاز خلق الله سبحانه وتعالى. يا اخوانا ازاي ما بنبصش؟ ازاي افلم ينزروا؟ ما بيفكروش - 00:32:25ضَ

عشان كده تارك التدبر مجرم هاجر ايات الله الكونية مجرم كهاجر ايات الله القرآنية. هو ليه الرسول عليه الصلاة والسلام قل رغم انف امرئ ادرك رمضان ولم يغفر له. اللي ييجي رمضان وما يجتهدش في العبادة هيتمرغ بمناخيره في التراب يوم القيامة. ليه يا رسول الله؟ عادي - 00:32:45ضَ

عبادة وانا مش عايز اعبد لأ هو انا لما اعمل لك عزومة واجيب لك تلاتين نوع لحوم وعشرين نوع طيور وفي الاخر انت ما ترضاش تيجي. انت كده اللي انت عملته معي ده حاجة قليلة - 00:33:05ضَ

الى بعد ما ربنا عمل لنا الوليمة التعبدية في رمضان دي. انت ما ترضيش يعني تقتربي ودي تبقى حاجة قليلة؟ اه بالزبط كده. بعد كل الوليد التدبرية الجبارة. وانت مش عايز تبص وتفكر. انت مجرم. اللي اللي ما بيتدبرش في الخلق ده انسان مجرم يا جماعة. عشان كده الرسول عليه الصلاة والسلام - 00:33:15ضَ

ليلة بكى فيها لما نزل عليه قول الله سبحانه وتعالى ان في خلق السماوات والارض واختلاف الليل والنهار لايات لاولي الالباب. فقال لابي هريرة ويل لمن قال للسيدة عائشة ويل لمن قرأها ولم يتفكر فيها. يا ويله اللي - 00:33:35ضَ

مش هيبص ويفكر. يا ويله اللي مش هيتدبر. التفكير اه زي ما بيقول لعباس العهد رحمه الله. كتاب له التفكير فريضة اسلامية. الاسلام دي بيفرض عليك وعليك انك تفكره وتتدبره. افلم ينظروا الى السماء فوقهم كيف بنيناها؟ وزيناها - 00:33:55ضَ

وما لها من فروج. التلات حاجات دول معجزة. عشان نفهم الفرق ما بين التلاتة اه اه يعني قلت بعدها العمارة لقيتهم قاعدين يصبوا حديد ويعملوا حصانة وعمود الخرسانة تخن متر ولا اتنين متر. يعني ايه ده! ليه! متانة رهيبة! بناء محكم رهيب! بس - 00:34:15ضَ

وهي خرسانة مهما لو خدت ملايين الملايين من الحديد والخرسانة المسلحة برضو ما هياش ايه ما ينفعش حد يعيش فيها. بعد كده ييجي بقى شركة تقوم بقى مقفلة الجدران وتقوم بقى مزينة وداهنة الوان وعاملة ازواق. فتبقى البرج واو! الله اكبر! ايه التحفة دي! جايبها تحفة فنية! بس ممكن كده - 00:34:35ضَ

بعد سبعين تمانين سنة يبدأ يحصل شروخ في المبنى. او لما ييجي زلزال المبنى يقع فيحصل فيه فروج شقوق وفتحات. ويبدأ المبنى يتعرض للازالة فهنا ربنا بيقول لنا بصوا للسماء. واحد كيف بنيناها؟ المتانة المزهلة. المزهلة في خلق السماء. اتنين وزيناها. ده مش بس متانة. الجمال - 00:34:55ضَ

بصوا للجمال المذهل. ده مش شوية دقيق واتنثر ده العلاقة بين النجوم وبعضها علاقة في غاية الاحكام والمتانة. وزيناها وما يا لها من فروج وبعد ملايين السنين اللي اتخلقت فيها ما فيش شقة حصلت في السما. ما فيش شرخ حصل في السما. ما فيش نجمة وقعت. ما فيش وما لها من - 00:35:15ضَ

يبقى اعجاز خلق الله سبحانه وتعالى في السماء طب انا قلت لكم بصوا فوق. مش عايزين طب بص تحت. والارض مددناها. ايات من فوق ومن تحت. ايات في السماء في الارض. والارض مددناها. طول ما انت ماشي تلاقي - 00:35:35ضَ

الارض قدامك منبسطة. ها ما تلاقيش الارض فجأة قامت زي المربع كده قامت محنية لتحت. الارض منبسطة اعجاز. ان هي ممدودة ومددناها ده من ادلة الارض كروية. ليه؟ لان لو الارض مش كروية هتبقى ممدودة لحد ما تيجي حتة الارض خلصت. زي المكتب اللي قدامي ده. الحتة دي المكتب خلص. ما خلاص - 00:35:50ضَ

ما عدتش ممدودة. انما معنى انها ممدودة دا على طول بلا توقف هزا لا يوجد في الحياة في شكل هندسي غير الشكل الايه البيضاوي. اللي هو شكل الكرة الارضية. والارض مددناها. والقينا فيها رواسي وانبتنا فيها من كل زوج بهيج. آآ خلق الجبال وخلق - 00:36:10ضَ

الايه؟ النباتات انبتنا فيها من كل زوج بهيج. الجبال والنباتات والنباتات بتيجي بعد الجبال. لان الجبال آآ آآ هي السبب في تكسف السحاب نزول الامطار والامطار هي اللي بتجيب النبات. يعني سبحان الله العزيم ترتيب حتى في الاعجاز العلمي. مش بس اعجاز في المعاني والفوائد والارض مددناها - 00:36:30ضَ

فيها رواسيا وانبتنا فيها من كل زوج بهيج. تبصرة وذكرى لكل عبد منيب. تبصرة وذكرى. الله فده هنقف وقفة تاني مع سمار التدبر في الخلق. احنا لحد دلوقتي قلنا سمار التدبر في الخلق رقم واحد اليقين في وجود الله. اليقين في وجود طب رقم اتنين اليقين في الاخرة. تبصرة - 00:36:50ضَ

هيفتح عينيك. اليقين في الاخرة. يعني ايه اليقين في الاخرة؟ يعني اللي خلق كل ده ما يقدرش يبعسنا بعد ما نبقى تراب. يقدر يقدر طبعا. اللي خلق كل ده ما يقدرش يحاسبنا يقدر اللي خلق كل ده ما يقدرش يجيب البشر مهما كانوا جبابرة في الدنيا ويعاقبهم يقدر يبقى اللي قدر يعمل ده يقدر يعمل - 00:37:10ضَ

كل حاجة. يبقى دي ثمرة تانية للتدبر في الخلق. اليقين في الاخرة. سمرة تالتة حياة القلب مع الله. نفسك ان قلبك يبقى عايش مع ربنا ليل نهار فسبحان الله حين تمسون وحين تصبحون. ايات الله بتخلي قلبك ليل نهار عايش مع الله. لان الانسان لما بيتدبر في الخلق بيذهل - 00:37:30ضَ

ايه العظمة دي يا رب! ايه يا رب الاعجاز ده يا رب! ايه يا رب! الواحد احيانا يا جماعة يعني ينظر الى بعض المخلوقات مش لاقي كلام في لغة يعبر بها عن اللي عايز يقوله. ايه يا رب ده ساعات يعني تلاقي واحد كده واقف قدام لوحة طبيعية يقول الله يا رب. الله! عارف لما - 00:37:50ضَ

حاجة كده وتقول تبارك الخلاق فيما خلق. ايه الاعجاز ده؟ حياة القلب مع الله دي سمرة. السمرة الرابعة هنا تبصرة وذكرى تبصرة ديت لو واحد مش ملتزم. يعني شاب مش ملتزم. يعني انا ممكن ادعو شاب غير ملتزم. بان انا اكلمه عن خلق الله في الكون. الرسول دعبه ابو جهل وابو لهب - 00:38:10ضَ

بالتدبر في الكون يا جماعة. يا اخوانا لازم نرفع افق المدعوين. ما يفضلش كلامنا مع المدعوين كلام تحت كان لازم نعلي افقهم. نقول لهم بصم. بصوا جوة جوة جسمكم معجزات شكلها ايه؟ يبقى تبصرة الغافل يفتح بعد عمى لما يسمع عن التدبر في خلق الله. طب وذكرى ان الملتزم بعد ما ابصر. كل شوية - 00:38:30ضَ

بيجي له غفلة فمحتاج تزكرة. محتاج حاجة تفوقه تاني وتنشط قلبه تاني. يعني تبصرة معناها ان التدبر في الخلق يجب ان يستعمل في دعوة غير الملتزمين وذكرى معناها ان التدبر في الخلق يجب ان يستعمل في تربية الملتزمين. يعني انت محتاجة التدبر في الخلق في الدعوة وفي التربية. يعني انت محتاج - 00:38:50ضَ

انظر في الخلق عشان تفوق وطول عمرك عشان تفضل قلبك يتشحن. يعني التدبر في الخلق ده من اعظم اسباب شحن القلب بالايمان. يبقى ده طب صورة وذكرى. غير يا جماعة ان آآ يعني معنى بديع اشار له بعض المفسرين - 00:39:10ضَ

ان الانسان لما بيتدبر في المخلوقات بياخد نفس صفاتها. يعني والارض مددناها. لما يقعد يتدبر في الارض الممدودة الفسيحة ياخد انشراح الصدر وسعة الصدر. والقينا فيها رواسي لما يتدبر في الجبال ياخد الرسوخ واليقين. ها زي بالزبط كده افلم ينظروا الى السماء فوقهم كيف بنيناها - 00:39:27ضَ

لما يتدبر في السماء ياخد العمق والسكينة وانبتنا فيها. النبات ما بينموش غير بالراحة. كنت معهد اخواني مرة في جلسة تدبر فبيقول سبحان الله! الماية ماشية بهدوء. الطيور طايرة بهدوء. النبات بينمو بهدوء. الشمس ماشية بهدوء. الهوا ماشي - 00:39:47ضَ

بهدوء السمك في الماية ماشي بهدوء. بيقول الانسان هو الحاجة الوحيدة المتسربعة. وهو الحاجة الوحيدة اللي حياتها غلط. وكل المخلوقات حياتها حلوة. اهي دي انبتنا بقى. من كتر التدبر في الكون الساكن ده بيجي لك السكينة. يعني من علاج التوتر النفسي التدبر في الخلق. وانبتنا فيها من كل زوج بهيج. يعني من اسباب البهجة - 00:40:07ضَ

الصحة والسعادة التدبر في الكون. يبقى دي من سمار التدبر انك بتاخد نفس صفات الكون الزي تتدبر فيه. عشان كده من اعظم اسباب العودة في الفطرة فترة وجلاء الفترة بعد ما اتلوست بالزنوب هو التدبر في المخلوقات التي لا تزال على الفطرة. اللي هي الجناين والاماكن الطبيعية. تبصرة وتفتحها - 00:40:27ضَ

قلبك وفطرتك تبصرة وذكرى اه اصل انا حاسس دلوقتي ان في ناس بتسمعني دلوقتي وتقول الكلام ده عالي اوي. هو انت بتتكلم عن عبادات عالية كأن اللي تاركها مجرم ليه ؟ طب شوفي بقى الرد لكل عبد منيب. لكل ما فيش واحد هيقبل على التدبر وربنا مش هيفتح له - 00:40:47ضَ

اللي يقول انا انا وقفت على باب ربنا وما فتحليش كداب. ما فيش واحد والزين جاهدوا فينا لنهدينهم. سبلنا. هنهديهم كل الطرق. كلمة كل دي خدوا بالكم في سورة قاف هيبقى لنا وقفة معها. لانها جت ست مرات في السورة منهم خمس مرات مع البشر. طب سورة وذكرى لكل عبد منيب. وجاءت كل نفس في - 00:41:07ضَ

حد هيهرب ما فيش ما فيش حد هيفلت من الحساب. يبقى آآ القي في جهنم كل كفار. آآ ربنا ما بيحبيش حد. فهنا تبصرة وذكرى لكل عبد منيب كل اللي هيقف على باب ربنا ربنا يفتح له يا جماعة. حرف يدي امل لكل عبد آآ منيب وخدوا بالكم ان لفظ ذكرى جه في - 00:41:27ضَ

مرتين. تبصرة وزكرى جت مع التدبر في الخلق. وان في ذلك لذكرى جت مع القرآن. فالحاجتين اللي هيفوقوك الكون والقرآن زي ما قلنا ان الاتنين ييجوا دايما مع بعض. لكل عبد منيب يعني ايه منيب يا جماعة؟ منيب بيقف عشان ينطلق الى الله - 00:41:47ضَ

يعني لابد من وقف واحد مستعد انه يوقف دنيته عشان يفكر في دينه. يعني ايه يوقف دنيته عشان يفكر في دينه يعني؟ عارفين العداء لما بيجيب خطوة ورا عشان يوم طالع لقدام. يعني يا جماعة الناس كلها بتجري. ما فيش حد عايز يقف عشان دينه. اللي قلبه فيه سرطان من الرياء والنفاق - 00:42:04ضَ

مش عايز يقف واللي كل طاعاتها بتقع منها وبتنهار مش عايزة تقف. واللي المعاصي بتكتسح وقاعد واقع في معصية سر ما حدش عايز يقف عشان ربنا. ما حدش عايز يوقف دنيته يوم عشان يفكر في دينه. عشان يعيد حساباته في علاقته مع ربنا. ما حدش عايز يقف عشان الدين. عشان كده يا اخوانا البطون - 00:42:24ضَ

بتاعة سيدنا حنظلة لما وقف في وش الطريق حنظلة الاسيدية في صحيح مسلم. وقال نافق حنظلة. ابو بكر بيقول له ما له؟ قال له انا نكون عند رسول الله. عليه - 00:42:44ضَ

الصلاة والسلام فيحدثنا عن الجنة والنار. فكأن رأي عين بيبقى قلوبنا في السما. فاذا رجعنا الى بيوتنا وعافسنا الزوجات والضيعات. رجعنا للدنيا زهب عنا ما نجد حنظلة لما حس ان ايمانه بيقل وهو في الدنيا وقف حياته. ابو بكر قال له انا لنجد ما تجد. هلم بنا الى رسول الله. كان عندهم استعداد يقفوا عشان الدين - 00:42:54ضَ

يا اخوانا لا ملتزم ولا عاصي بيقف عشان الدين يا اخوانا. يا جماعة الناس بتقف عشان الدنيا اللي مراته بتعيا بياخد اجازة من شغله اسبوع عشان يبقى فاللي بيجي له دور برد بينفز سرير اسبوع. اللي عنده امتحانات بيوقف كل علاقاته بالحياة وبالمتع لمدة شهرين تلاتة عشان يمتحن. اللي بيحصل له - 00:43:14ضَ

مشكلة مادية بيوقف الدنيا كلها. بيسافر عقد عمل. بيلغي لحياته كلها من حياته. ويسافر عشان يدور على مصلحته. الناس بتقف عشان دنيتها ومشاكل دنيتها طب ليه ما بنقفش عشان دينا؟ ليه ما بنقفش زي سيدنا ابراهيم؟ فلما جن عليه الليل رأى كوكبا وقف حياته. انا عايز عايز اوصل لربنا. بعد عن الناس ورحمة - 00:43:34ضَ

كان منعزل وقعد يتدبر في الكون في سورة الانعام. عشان يوصل لربنا. زي سيدنا زي سيدنا سلمان الفارسي. لما ساب ابوه وساب بلده وساب قبلته وساب ايران كلها من اولها لاخرها. وانطلق يدور على حد يوصله لربنا. وما رضاش يتجوز ولا يخلف ولا يشوف مستقبله - 00:43:54ضَ

لحد ما يوصل لربنا. ليه يا جماعة ما حدش عايز يقف عشان ربنا؟ ليه يا اخواننا تبصرة وذكرى؟ لكل عبد منيب. ما فيش حد هيقف مع نفسه وربنا مش هيوصله - 00:44:14ضَ

يعني طب امتى اقف؟ امتى ستوب؟ امتى لازم اقف لو حصل حاجة من اتنين؟ لو بدأت تدخل في حياتك معاصي سر وتتكرر هتضيعي هتضيع من الشرخ اللي حصل في ايمانك. آآ او لو بدأت اورادك تضيع من حياتك. خلاص اوراد العبادة كلها باظت في حياتك - 00:44:24ضَ

اورادك الدينية كلها باز لو عدت بتحضر درس اسبوعي ولا عاد قيام ليل ولا عاد جلسة ضحى ولا عاد ورد القرآن ولا عاد ورد الزكر كله باز. يبقى لما الطاعات تبوز او - 00:44:44ضَ

لما المعاصي يتكرر دخولها في حياتك. اقف عشان ربنا. اقف اعمل ايه؟ يا عم يا عم اخرج مع التبليغ والدعوة تلات تيام. تلات تيام تلات تيام كده ايه خد اجازة من شغلك واخرج مع اي مجموعة تبليغ ودعوة اقف بس في الجامع معهم كده فكر في دينك. يا عم سافر عمرة - 00:44:54ضَ

سافر عمرة عشر تيام يا عم لو تقدر سافر عمرة حتى لو هجيب تأشيرة وتزكرة وتروح تعتكف في الحرم تقف مع نفسك. يا عم اعتكف في الجامع اللي جنبه بيتكم يوم. او يومين - 00:45:12ضَ

اقف مع نفسك وانت بتقرا قرآن. يا عم روح لواحد صاحبك مستيقظ قل له لو سمحت اديني نص ساعة من وقتك. ارتب فيه تاني حياتي وعلاقتي بربنا سبحانه وتعالى يا اخوانا وقفة عشان ننطلق في الدين. انما ديننا قاعد يتسرق يتسرب من بين ايدينا. واحنا قاعدين نبص لهم. يعني منطلقين في الدنيا. الدنيا - 00:45:22ضَ

ممكن تقف كلام خطر كلام خطر على الدين وعلى الدنيا. تبصرة وذكرى لكل عبد منيب يبقى سبحان الله العظيم يبقى ده ايات التدبر في الخلق وملامح منها خدناها. طب ايات النعم بقى ونزلنا من السماء ماء مباركا. فانبت - 00:45:42ضَ

به جنات وحب الحصيد. والنخل باسقات لها طلع نضيد. ونزلنا من السماء ماء مباركا. منظر المطر وهو نازل؟ يعني انتم عارفين يعني منظر فتح عينك بس بص قدامك المطر نازل. يا جماعة تخيلوا لو كان اللي نازل دنانير دهب السما بتمطر دنانير دهب كنا - 00:46:01ضَ

بكرم الله قد ايه؟ كل ده كرم يا رب. طب بالله عليكم لو كانت السماء بتمطر دهب كان كلنا متنا. كنا نشرب منين؟ يعني المطر ده كل نقطة مطر اغلى من - 00:46:21ضَ

سبيك الدهب نازلة من السما. يعني شوفوا المنزر الكرم المهول ده لمين ده يا رب؟ للي معاصيهم طالعة لك ليل نهار يا رب. لمين الكرم ده كله يا رب؟ كرم - 00:46:31ضَ

المزهل انت وانت قاعدة قدامي الوقتي كلتك. انت عارفة امبارح بس جسمك ده ربنا اداكي نعم فيه قد ايه ؟ كلتك رشحت دمك تمنتاشر مرة مريض الفشل الكلوي عشان يترشح دمه تلات مرات في الاسبوع. حياته بتقف وبتتشل. انت عارفة امبارح قلبك نبض مية الف نبضة. رئتك خدت - 00:46:41ضَ

اتنفس خمسة وعشرين الف مرة. انت عارف امبارح كرات الدم الحمرا اللي في جسمك جرت في جسمك مسافة من المنصورة للقاهرة حداشر مرة جرت في جسمك يعني مسافة جبارة. يا جماعة احنا مش حاسين ربنا عمل لنا ايه ؟ انت قاعدة دلوقتي ودايما ما انتيش حاسة كل زرة في جسمك ربنا مانن عليك - 00:47:01ضَ

النعم فيها قد ايه ؟ الف مليار خلية في جسمك الوقتي شغالين. ما فيش خلية فيهم فيها سرطان. لو خلية واحدة فيها سرطان هتيجي على الجسم كله. يعني كل يوم - 00:47:21ضَ

الصبح بتاخد من ربنا الف مليار نعمة. حاجة مزهلة ان احنا نفكر ربنا عمل لنا ايه. ربنا ادانا ايه ونزلنا من السماء ماء مباركا فانبتنا به جنات وحب الحصيد والنخل باسقات. الجنات الجنة آآ ده آآ التلاتة غزاء رزقا للعبادة. تلاتة رزق - 00:47:31ضَ

ولكن الجنات دي رزق الروح. الانسان لما يشوف جنينة جميلة واشجار جميلة وازهار جميلة. روحه بتترد له. يقول لك روحي اتردت لي. ده رزق للروح وحبة الحصيد ده رزق للجسد بقى القمح والفول الحبوب بقى الغزائية. اللي احنا عايشين على قوت حياتنا اصلا كلها. ها يبقى ده رزق الجسد - 00:47:51ضَ

اقلب سقات الفواكه ديت رزق النفس. يقول لك عايزين نتفكه. النفس دي محل الرغبة. النفس دي دايما عايزة تعيش متفكهة. عايزة تعيش مستمتعة. فالنخل ده الفاكهة ديت اه ده رزق النفس. ها لها طلع نضد رزق النفس. يبقى ربنا هنا جاب في الاية ديت تلات انواع من الرزق. رزق الروح جنات. رزق الجسد - 00:48:11ضَ

حب الحصيد رزق النفس اللي هو الفواكه والتفكه اللي هي والنخلة باسقات لها طلع نديد. طب الاول جه رزق ايه؟ الروح جنات ليه؟ لان ده الغزاء اللي البشر مش راضيين انهم يعترفوا به. انتم عارفين الشباب الوقتي اللي عندهم اكتئاب نفسي عاملين زي ايه ؟ عاملين زي واحد الزايدة الدودية عنده بتصرخ الم رهيب. فقام واحد مدي له حباية - 00:48:31ضَ

مسكن. هو المفروض يروح يكشف ويفتح ويشيل الزايدة الدونية. هو بيهرب من المواجهة. فخد حباية مسكن. فسكنت الالم بس الزايدة الدودية انفجرت سممت له جسمه وقتلته هو بالزبط كده الاكتئاب والتوتر ده نفس روحك بتستغيس بك. بتقول لك غزيني بالقرآن. غزيني بسجدة بين ايدين ربنا. في التلت - 00:48:51ضَ

الاخير من الليل غزيني بيوم صيام. غزيني بفتحة مصحف وبكاء. دمعة واحدة هتنزل على التوتر والاكتئاب اللي جواك كله تحرقه. غزيني فالانسان غافل عن الروح. فربنا جاب اول حاجة رزق الروح. وبعد كده رزق الجسد حب الحصيد. الحب اللي بيتحصد بعد كده هو النخلة باسقات. طب ليه جات هنا رزق النفس - 00:49:11ضَ

لان الانسان دايما معتقد النفس دي محل الرغبة. رغباتي. شهواتي. طموحي. كل ده محله النفس. فالانسان دايما معتقد ان الدين ضد النفس وضد الرغبات الدين ان الرغبات تكبت. الدين ان الطموحات تتلغي. الدين ان الشهوات تتلغي. فكأن الايات بتقول له الدين مش ضد رغباتك. الدين حرص على - 00:49:31ضَ

ده ربنا خلق لك مخلوقات عشان نفسيتك تستمتع. ربنا ما يريدش انه يكبتك. ولا يريد انه يخنقك. كانهم حمر مستنفرا فرت من قسورة قسورة من القصر والقهر والجبر. فكأن الناس معتقدة ان الدين ده قصر وقهر. فربنا بيقول له الدين ده عشان انت تعيش سعيد - 00:49:51ضَ

عشان نفسيتك تعيش مستقرة وفي سكينة طب يا رب كل انواع الرزق دي لمين يا رب؟ يا رب ده احنا معاصينا طالعة لك ليل نهار وانت منزل لنا رزق الجسد ورزق روح ورزق نفس. ومع المباركة كان اغلى من ان دنانير دهب - 00:50:10ضَ

لسه ما تمطرها لمين اه اتعلموا بقى يا جماعة. اتعلموا ربنا عامل العصاة كده. انت تعاملي العصاة ازاي؟ اللي غلط في حق ربنا ربنا عامله كده وادى له النعم دي. اللي يغلط في حقك ما بتسامحوش ليه؟ اللي هي يا جماعة لا نتخلق باخلاق الله. ليه يا جماعة لا نتعلم من معاملة الله للبشر؟ ان نعامل نحن البشر ايضا - 00:50:23ضَ

نبقى متسامحين يبقى صدرنا واسع. يقذفنا الناس بالحجر. فنقذفهم بالثمر. ليه يا جماعة ما نبقاش هذا النموزج المبهر الجميل في التسامح اسرت فيها الايات دي اوي وانا بفتكر كل واحد ازاني او غلط في حقي وما قدرتش اسامحه. اقول ياه ده انا وحش اوي. بقى ربنا بيعاملنا على اخطائنا كده - 00:50:43ضَ

واحنا مش قادرين نسامح ومش قادرين نعفو ومش قادرين نصفح للناس. ونزلنا من السماء ماء مباركا فانبتنا به جنات المحبة الحصيد. ادي السما اهي وبعد كده الارض والنخل باسقات لها طلع نضيد رزقا للعباد واحيينا به بلدة ميتة. كذلك الخروج. يعني يعني ربنا اتكلم عن - 00:51:03ضَ

ايات وبعد كده ربنا سبحانه وتعالى اتكلم عن النعم. عندنا هنا وقفة جميلة اوي اوي اوي اوي مع الجمال في ايات في ايات التدبر في الخلق وفي ايات النعم ولكن يعني احنا كده آآ وصلنا لنهاية الحلقة النهاردة فهنسيب المعنى الجميل ده اللي - 00:51:23ضَ

الواحد حسان قلبه بيتنسى بنسان جميلة. وانا بستشعر هذا المعنى اللي هو صرخة من صرخات سورة قاف. انتم ما بصطوش للجمال في الكون. هنشوف الجمال اللي في وهنشوف قد ايه القرآن اتكلم عن الجمال. وقد ايه الجمال ده عبادة يا جماعة؟ الجمال ده عبادة. وان الجمال ده بيسحق الالحاد سحقا. الكون الجميل ده - 00:51:43ضَ

طب انتم قلتم ان الكون ده جه صدفة. طب الجمال ده جه صدفة. الابداع ده جه صدفة. الابداع المزهل. ده انا مش هاقول لك مخلوقات. انا هاكلمك عن الجمال. فيه فيلم في التدبر اسمه الجمال - 00:52:03ضَ

الكائنات اللي عمله غرب يعني مش اللي عمله ناس مننا اللي عمله غرب ولكن للاسف مش عايزين يفكروا مازا وراء هزا الجمال المذهل ان شاء الله بازن الله ناخد الوقت الانفوجراف بتاعنا. ان شاء الله بازن الله عشان نختم الحلقة. ونستأنف الشرح التفصيلي لسورة قاف. من اول المرة الجاية بازن الله. سبحانه وتعالى. جزاكم الله خيرا - 00:52:13ضَ

بدأنا الليلة يا جماعة الجزء الاول في الشرح التفصيلي لسورة قاف واتكلمنا عن معنى حرف قاف انه بيفيد تلات فوايد. الفايدة الاولى التحدي وعدم الانكسار النفسي امام الباطل. الفايدة التانية الاستسلام - 00:52:33ضَ

لشرع الله انا بقرأ الحرف وانا مش فاهمه. بس بسلم لشرعك يا رب. الفايدة التالتة الثقة ان حتى لو انا مش فاهم معناه الا ان انا واثق ان له حكمة. انا واسق في كل احكام دينك يا رب. والقرآن المجيد قلنا ده قسم. والعظيم لا يقسم الا بعظيم. وقلنا ان السورة فيها - 00:53:04ضَ

تلات اقسام قد علمنا ما تنقص الارض منهم وعندنا كتاب حفيظ. وقلنا ان قدام هذا القسم العظيم وهذا القرآن المجيد النبي تعامل مع قلوب حجر. طب النبي لين القلوب الحجر دي ازاي بتلات حاجات؟ واحد جاءهم اتنين منذر تلاتة منهم - 00:53:24ضَ

جاءهم الداعية هو اللي لازم ينزل للناس. اتنين منذر الداعية لازم يكون دعوته قوية. تزلزل قلوب الناس زي ما النبي عليه الصلاة والسلام كان يرجو به المنبر وهو يخطب في الصحابة تلاتة منهم لازم يعيش الداعية الام الناس وامالهم ومع ذلك فقال الكافرون - 00:53:44ضَ

شيء عجيب برضه ما فيش فايدة. فربنا سبحانه وتعالى رد عليهم بصعقة كهربائية. قد علمنا ما تنقص الارض منه عندنا كتاب حفيظ. معنى يزلزل القلب. ده انتم ما فيش زرة تراب واحدة. الارض بتاكلها من اجسادكم بعد الموت الا - 00:54:04ضَ

وهي في كتاب عندي وامام هزا المعنى العظيم بل كذبوا بالحق لما جاءهم فهم في امر مريج. قلنا ان كلمة الحق عكس كلمة بريج الحق الثابت المستقر مريج المضطرب غير المستقر. وان الانسان لما بعد عن مصدر السبات والاستقرار في الحياة وهو القرآن - 00:54:24ضَ

الناس في امر المريج بقينا في زمن الاضطرابات النفسية. بقينا في زمن الناس نصها ما بينامش غير على مهدئات نفسية. فلما الانسان بعد القرآن مصدر الاستقرار كل حياته بقت في هرج ومرج. ربنا سبحانه وتعالى بيقول في الايات وهو يتكلم عن التدبر في الكون افلم ينظروا الى - 00:54:44ضَ

السماء فوقهم. بص فوقك بس ارفع راسك. كيف بنيناها وزيناها وما لها من فروج؟ وقلنا ان اي بناء فيه تلات آآ مراحل. المرحلة الاولى المتانة البناء دي كيف بنيناها؟ المرحلة التانية ان بعد الخرسانة والحديد المسلح المرحلة التانية تزيين البناء وتجميله ودي وزيناها. المرحلة - 00:55:04ضَ

الحالة التالتة ان مهما مرت السنين ما يحصلش فيه شروخ وتصدعات وما لها من فروج. والارض مددناها. كأن المعنى ايات في السماء الى السماء وايات في الارض والارض مددناها والتدبر في الكون ده سمرته ايه يا رب؟ تبصرة وذكرى لكل عبد منيب. تبصرة الشاب الغير ملتزم - 00:55:24ضَ

لو عايز فطرته تجلى التدبر في الخلق طريق. لان الانسان يلتزم. وذكرى بعد ما التزم بقى محتاج ان قلبه يتشحن بالايمان كل فترة محتاج التدبر في الخلق كل فترة عشان يفضل القلب يتذكر جلال ربنا. وربنا بيقول لكل عبد منيب. لكل يعني ما فيش حد هيقف على باب ربنا - 00:55:44ضَ

ربنا مش هيوصله بعد الكلام عن الايات المزهلة. جه الكلام عن النعم الغامرة. ونزلنا من السماء ماء مباركا. قلنا تخيل لو السما مش بتمطر ميه لو بتمطر دنانير دهب وكل نقطة مطر بدينار دهب او سميك الدهب كنا هنبهر بكرم الله قد ايه؟ طب الاغلى ان السماء تمطر دهب ونموت من العطش - 00:56:04ضَ

ولا تمطر بميه ونرتوي ويطلع جنات الارض بسبب المطر. فانبتنا به جنات وحب الحصيد والنخل باسقات قلنا ان في الاخر ربنا قال رزقا للعباد. الجنات رزق الروح. بتبتهج لما تشوف الجنات الجميلة. وحب الحصيد رزق الجسد. الحبوب اللي - 00:56:24ضَ

الزينة وبتدينا القوت. والنخلة باسقاط ده رزق النفس. فربنا ادانا تلات انواع من الرزق. رزق للروح ورزق للجسد ورزق للنفس. وقلنا ان رزق الروح جه الاول لان احنا دايما مهتمين باجسادنا ومش مهتمين بارواحنا. وجه في الاخر رزق النفس والنخلة باسقات الله طلع نضديد. رزق النفس جه في النهاية ليه - 00:56:44ضَ

لان الانسان معتقد ان الدين ضد نفسيته. ضد رغباته ضد انطلاقه ضد سعادته لأ كأن ربنا بيقول له انا خلقت مخلوقات بس عشان انت تبقى سعيد. عشان انت تبقى مبتهج. اوعى تفتكر ان الشرع ضد نفسيتك وضد رغباتك. ابدا - 00:57:04ضَ

في نهاية الحلقة يا جماعة يعني بفضل ومنة الله سبحانه وتعالى ان شاء الله بدأنا في شرح سورة قاف وان شاء الله المرة الجاية نبدأ نستأنف مع بعض عايزين قيام الليل بالصورة - 00:57:24ضَ

عايزين مزاكرة تفسير في السورة عايزين تبعتوا التدبرات بتاعتكم بقى على صفحة الفيس الرسمية. او آآ على قناة التليجرام تبعتوا تفسير التدبرات اللي انتم وصلتوا لها من خلال مزاكرة السورة معنا عشان نبقى في النهاية ان شاء الله بازن الله من اصحاب القرآن ومن اهل القرآن. اللهم اجعل - 00:57:34ضَ

القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم اجعلنا من اهل القرآن الذي اين هم اهلك وخاصتك؟ امين امين امين. جزاكم الله - 00:57:54ضَ