Baheth

السلام عليكم ورحمة الله وبركاته. اخواني واخواتي في الله. وصلنا خلاص قربنا يا جماعة من نهاية رحلة انما يبايعون الله. خلاص قربنا كل طريق في طاعة ربنا سبحانه وتعالى الله بييسره. الله بيهونه لحد ما بنوصل لخط النهاية بازن الله سبحانه وتعالى. نسأل الله ان يثبت قلوبنا على دينه. نسأل الله - 00:00:01ضَ

يصرف قلوبنا على طاعته. نسأل الله ان يهدينا ويسددنا انما يبايعنا الله. احنا دلوقتي في اللقاء رقم تمنتاشر بفضل ومنة الله. وقفنا عند لله سبحانه وتعالى اذ جعل الذين كفروا في قلوبهم الحمية حمية الجاهلية فانزل الله سكينته - 00:00:24ضَ

على رسوله وعلى المؤمنين. الاول على رسوله قبل على المؤمنين. القائد الاول يعني ايه؟ يعني المعونة على قدر المؤونة. يعني ربنا عينك على قد ما انت تصدرت في دعوته. الله يعينك على قد ما انت شلت مسؤوليات. فده فليه القائد ربنا بينزل عليه سكينة - 00:00:44ضَ

اكتر من الجنود ليه المتصدر ربنا بينزل عليه سكينة اكتر من اللي وراه لان هو تحمل اكتر لان هو تقحم المهالك والاهوال لاجل دين ربنا ولاجل دعوة ربنا اقدر يعني ربنا مش هيسيبك. يعني كل ما هتخطي في طريق الدعوة ربنا هيمدك. يعني كل ما هتدخل مجال جديد في نصرة - 00:01:04ضَ

دين ربنا. ربنا هيعينك وهيفتح عليك. وهياخد بايدك وهيقومك. ربنا مش هيسيب اي حد. اقبل عليه. ربنا مش هيسيب اي حد حد شال دينه ونصر دينه ونصر دعوته لازم يبقى ده يقين. عندنا يقين عند كل واحد ماشي في طريق الدعوة. كل ما هتشيل مسؤوليات للدين اكتر - 00:01:24ضَ

كل عشان كده اكتر سورة ربنا اتكلم على مسؤوليات النبي فيها. سورة الاحزاب. سورة الاحزاب اكتر سورة ربنا اتكلم على مسؤوليات النبي ومسئولية النبي مع نساء النبي ومسؤولية النبي مع الصحابة. اللي كان ممكن بعضهم يدخل ياكل عند النبي ويفضل بقى غير ناظرين اله. ويفضلوا ياكلوا ومسئولين - 00:01:44ضَ

النبي في الواقع وامام احزاب الكفر وامام المنافقين اللي بيتكلموا عليه. وعلى زوجاته بيتعرضوا للنساء المؤمنين بالاذى. اكتر صورة ربنا نتكلم فيها عن مسئوليات النبي اللي تحملها عشان الدين هي سورة الاحزاب. وهي اكتر سورة ربنا اتكلم عن اكرام النبي عليه الصلاة والسلام فيها. هي اللي - 00:02:04ضَ

قول الله ان الله وملائكته يصلون على النبي ليه ؟ لانه شايل مسؤولية كبيرة. فربنا بيثني عليه وربنا بيساعده وربنا بيعينه وربنا ينزل عليه الرحمات. والملايكة بتدعي له لانه شايل مسئوليات. كل ما هتشيل مسؤوليات اكتر. كل ما في دين ربنا وفي دعوة ربنا ما تخافش من شيل المسؤولية في - 00:02:24ضَ

ما تخافيش من شيل المسئولية في الدعوة ما تخافش. الله معك. الله يمدك الله يعينك. عشان كده فانزل الله سكينته على رسوله قبل على المؤمنين. لان هو اللي شايل اكتر فهو اللي ياخد المدد الاعظم. وهو اللي ياخد الفتح الاكبر وهو اللي ياخد التيسير الاعظم. هو اللي - 00:02:45ضَ

خد الاعانة العظمى من الله سبحانه وتعالى فالمعونة على قدر المؤونة فلا تخف من تقحم الاهوال في دعوة الله ومن تقحم المسئوليات طبعا بالعقل وبالحكمة. وباستخارة الله وباستشارة اهل العلم في طريق الدعوة الى الله. فانزل الله - 00:03:05ضَ

سكينته يعني الاطمئنان نزل. والسكينة نزلت وبقى في بلسم في القلوب كده. بقى فيه سعادة. فالكلمة دي معناها ان هم في الاهوال في سعادة اعداء والزمهم كلمة التقوى يعني اصابوا مراد الله يعني فيه نجاح. يعني فيه سعادة ونجاح على فكرة يا جماعة اللي يتعامل مع اهل الدنيا يلاقي - 00:03:25ضَ

الناس اللي في الدنيا هي سعداء يا ناجحين. يا واحد سعيد ولكن مكبر دماغه على مسؤولياته وعايش تعيس. اه وعايش فاشل. يا واحد ناجح ولكن جاي على وعلى نفسيته وعلى كل حاجة في حياته. عشان يبقى ناجح في عيش تعيس. الحاجة الوحيدة اللي بتدي المعاملة المستحيلة اللي هو النجاح والسعادة مع بعض هون - 00:03:45ضَ

الدين هو الوحيد على وجه الارض. اللي بيوعدك وبيوعدك بالسعادة في الساعات تبقى سعيد وفرحان لانك موصول باسماء الله الحسنى والنجاح لانك انت ممدود من الله. معان من الله مؤيد من الله موفق مسدد راشد بنور الله سبحانه وتعالى - 00:04:05ضَ

الزمهم كلمة التقوى. الزمهم يعني ايه يعني دي مش اول مرة عارف الزابط لما بيبقى آآ زي الطبيب المقيم كده في المستشفى قاعد في القسم على طول قسم الشرطة على طول قسم ملازم - 00:04:25ضَ

ملازم فالزمهم. الزمهم ده يا جماعة كلمة التقوى يعني دي مش اول مرة يختاروا القرار الصعب. مش اول مرة يختاروا كلمة التقوى مش اول مرة الزمهم ده هم ملازمين لها اصلا. عنده تاريخ طويل معها ولسه عنده مستقبل كبير معه الزمهم كلمة التقوى - 00:04:38ضَ

ملازم لكلمة التقوى معناها ان الاختيارات الصعبة في الحياة. ان الانتصارات العظمى على النفس دي محصلة جهاد طويل. ان القرارات الصح ان اختيارات الصح في الحياة دي محصلة جهاد طويل مع النفس. ما فيش حاجة اسمها خبطة عمر يا اخوانا. يعني الانتصار على النفس ساعة هلع الموت وفزع - 00:04:58ضَ

بقول لا اله الا الله ده محاصيل الجهاد طويل. من شغلك على نفسك. الانتصار على النفس ساعة اصطدام اهل الباطل باهل الدعوة والثبات على الدعوة في هزه اللحزات هي محصلة جهاد طويل مع النفس مش خبطة عمر كده. مش واحد سبك كده وخلاص يعني بازن الله سبحانه وتعالى. اللي - 00:05:18ضَ

انتصار على النفس ساعد اداء الاوراد وساعة قيام الليل والواحد نفسه ينام. وساعة التضحية للدعوة والواحد نفسه يرتاح وينام على سريره جنب زوجته وولاده دي محصلة جهاد طويل. الانتصار على النفس لما الدين بيحتاجك والدعوة بتحتاجك. ولازم تخرج من بيتك بالحق وانت نفسك - 00:05:38ضَ

تمكث في بيتك محصلة جهاد طويل الانتصار على النفس. ساعة الابتلاءات المفزعة. وساعة الامراض المفاجئة. وساعة تغير الزروف الدنيوية انت تسبت على دينك ودعوتك. وعبادتك دي محصلة جهاد طويل. الانتصار على النفس. بالاستمرار في الدعاء ليل نهار دي محصلة جهاد طويلة - 00:05:58ضَ

الانتصار على النفس بالانكسار لاخوانك والانكسار لاخواتك. ساعة المشاكل اللي بتهدد وحدة الصف ووحدة المتدينين في بيئة الايمان في محصلة جهاد طويل اللي انت ما فيش خبطات عمر يا اخواننا. كلمة التقوى دي بيرزقها الذين لازموها. مش بيرزقوا - 00:06:18ضَ

اصحاب خبطات العمر يبقى لازم تبقى ملازم. لازم تشتغل على نفسك عشان في النهاية ساعة الزروف الصعبة في الدعوة في في الحياة في الابتلاءات تقدر تاخد القرارات الصعبة. تقدر تاخد الاختيارات الصح. تقدر تنتصر على نفسك. ايه كلمة التقوى بقى؟ كلمة التقوى هي الكلمة - 00:06:38ضَ

يتقى بها عذاب الله. ما هي التقوى؟ التقوى هي اتقاء عذاب الله. اتقاء غضب الله. يبقى كلمة التقوى هي الكلمة التي نتق بها عذاب الله ونتقي بها عقوبات الله. ونتقي بها غضب الله. ايه هي هم كلمتين؟ الكلمتين اللي بنتقي بهم عذاب الله. كلمة لا - 00:06:58ضَ

لا اله الا الله بنتقي بها عذاب الله وبننتقل الى الايمان بازن الله. وبنترك الكفر وكلمة سمعنا واطعنا لما بنقول سمعنا انا ساعة التنفيزات العملية بقى بنتقي بها عذاب الله. يبقى ايه كلمة التقوى هنا؟ ان هم ثبتوا على التوحيد واليقين الراسخ لا اله - 00:07:18ضَ

الا الله وان هم قالوا سمعنا واطعنا. ورغم ان النفوس مضغوطة ورغم ان يعني الاستفزازات كتيرة. ورغم ان الجو كهرب ورغم ان الحماس اللي جواهم والشوق للكعبة مش قادرين. ولكن قالوا سمعنا واطعنا. فكانت كلمة التقوى. طب ده معناه ايه - 00:07:38ضَ

معناه انك انت بتعرض نفسك لغضب الله. لو لم تسمع وتطيع. مهما كانت الزروف معناه ان الموضوع جنة ونار يا جماعة. معناه ان طاعة ربنا دي قضية جنة ونار. معناه ان - 00:07:58ضَ

ثبات في الدعوة دي قضية جنة ونار. وان شغل الدعوة ده ليس فضل وانما فرض. وانما فرض والا ما كانتش بقت كلمة تقوى. كانت بقى كلمة الرضا. يعني الكلمة التي ترضي الله. انما كلمة التقوى الكلمة التي يتقى بها غضب الله. ويتقى بها عذاب الله. هو طريق الدعوة. مش انا ماشي فيها عشان بس ربنا يرضى - 00:08:08ضَ

لأ وعشان ما تتعزبش في النار. هو الدعوة فرض؟ اه الدعوة فرض. هو الثبات على الدعوة فرض؟ اه الثبات على الدعوة فرض. ونصرة دين ربنا فرض في رقابنا وامان في رقابنا امام الله سبحانه وتعالى. والزمهم كلمة التقوى وكانوا احق بها واهلها. وكانوا اه كانوا دي زي الزمهم كده. كانوا الناس دي معها سي في - 00:08:28ضَ

طويل من كلمات التقوى. الناس دي معها سي في طويل من المواقف الحلوة مع الدين. مش اول مرة يقفوا موقف. عشان كده ما تعتقدش ان انت لو رفعت الجهاد فجأة هتبقى بطل. يا ابني ايه مواقفك في الجهاد في الدعوة؟ عشان يوم ما يجي الجهاد في سبيل الله يفتح يبقى انت فعلا راجل ولك مواقف. ما تعتقديش ان - 00:08:48ضَ

فجأة لو اتفتح آآ ابواب الاستعمال في الدين هتلاقي نفسك بطلة لازم يبقى لك مواقف مع الدين عشان لما ييجي بقى المواقف الكبيرة بجد يبقى انت المهدي يظهر ولا الدجال يخرج ولا عيسى ينزل ولا يبقى انت لك مواقف بجد لانك انت اصلا عندك سي في وكانوا احق - 00:09:08ضَ

ولا كانوا. كانوا دي اشتغلوا على نفسهم كتير زي ابو بكر الصديق. ابو بكر الصديق الموقف الرهيب اللي عمله في الحديبية ده. الموقف لما قال لعمر الزم غرسة فانك اتي البيت ومطوف به. صدق النبي عليه الصلاة والسلام هو رسول الله حقا. ونحن على الحق وهم على الباطل. الوقفة - 00:09:28ضَ

ساعة ابو بكر الخالدة دي ليه؟ لانه في الدعوة في المرحلة الجهرية وقف وطلع كل ماله عشان اعطاق اخوانه من النار. وبعد كده في عام الحزن وقف لما عقبة بن ابي معيط كان هيقتل - 00:09:48ضَ

النبي في الحرم ويخنق النبي ودخل هو الوحيد اللي دافع عن النبي عليه الصلاة والسلام. وفي الهجرة وقف وساند النبي عليه الصلاة والسلام. رغم المخاطر الرهيبة في طريق الهجرة مواقف مواقف تجيبها في الموقف الصعب بتاع الحديبية. وكانوا هو معه اصلا سي في كبير اهله ان هو النهاردة - 00:09:58ضَ

يقدر يختار القرارات الصعبة وينتصر على نفسه بسهولة بفضله ومنة الله. لانه متدرب زي بطل الجيم اللي بيشيل متين كيلو حديد. انت مزهول ازاي! يا عم! ده هو اصلا ليل نهار بيشيل في الجيم! فلما جت البطولة عارف بسهولة يتعامل معها! فانت بالنسبة لك هي مفاجأة انما بالنسبة له وكانوا - 00:10:18ضَ

وكانوا احق بها واهلها. يعني ايه احق بها واهلها يا جماعة؟ ما ان انا استحق الحاجة زي ان انا استاهل الحاجة. يعني يعني آآ انا انا استحق خير وانا استاهل الخير عند الناس واحد على فكرة المترادفات القرآنية دي من العلوم العظيمة في القرآن. القرآن دايما يجيب مترادفات يجيب العلم والمعرفة - 00:10:38ضَ

فتيجي تقول مسلا ايه آآ لا تعلمونهم اه لا تعرفونهم. آآ طب يعرفونه آآ يعلمونه لأ العلم غير المعرفة زي الشك والريب كده لا ريب فيه يقول لك لا شك فيه. آآ طب الرايب يقول لك يعني الشك. الريب يعني الشك والشك يعني الريب. يقوم ربنا كل المترادفات يقوم جايبها مع بعض. في - 00:10:58ضَ

قرآن زي مسلا الزخرف يقول لك الزينة. طب الزينة الزخرف. فربنا يقول لك حتى ازا اخزت الارض زخرفها وازينت. لازم تفرق بقى. انهم كانوا في شك اريد الله طب ايه الفرق بين الشك والريب؟ الشك لما اكون شاكك في الكلام. يعني الكلام ما نيش مصدقه. ها الريب لما اكون شاكك في المتكلم - 00:11:18ضَ

شاكك في نية اللي بيتكلم ده بيتكلم ده عايز مقصد. ده عايز شهرة. ده عايز وضع. فالرايب لما اكون شاكك في نية المتكلم. يعني اللي شاكك في الدين والعياذ بالله - 00:11:38ضَ

شاكك في القرآن. المرتاب شاكك في النبي نفسه. وفي نية النبي عليه الصلاة والسلام. فهمت الفرق؟ يبقى المترادف القرآنية دي علم كبير جدا. فتلاقي دايما ربنا يقوم جايب لك حافظين جمب بعض عشان المفسرين اللي قالوا دي هي دي ودي هي دي. لأ تعال حط الاتنين جنب بعض بقى عشان تضطر انك تدور على الفرق. فهنا ده اللي حصل ما هو ان انا استحقت - 00:11:48ضَ

الحاجة يعني ان انا استاهل الحاجة. ايه الفرق بين الاستحقاق والاهلية للشيء بصوا يا اخواني استحقاق الشيء او الاحقية بالشيء ما هو ربنا هنا قال ان الترقيات في الدين والاصطفاءات - 00:12:08ضَ

ركز العالية في الدين لها شرطين. انك تكون تستحق الترقية. وانك تكون مؤهل لها. الاستحقاق او الاحقية ان تدفع التمن المطلوب ان تدفع الثمن المطلوب. الاهلية ان تحقق الصفات المطلوبة. طب ايه الفرق بين الاتنين - 00:12:24ضَ

يعني مسلا آآ رئيس الجمهورية ازاي يستحق انه يبقى رئيس جمهورية انه يجيب في الانتخابات؟ نسبة عالية. يبقى هو كده بقى يستحق يدفع التمن. التمن ايه؟ انك تكسب في الانتخابات. طب الاهلية انه يبقى رئيس جمهورية لأ ده قصة تانية بقى. ممكن نكسب في الانتخابات وهو رئيس فاشل اصلا. وهو ما يعرفش يقود بلد وهو ما يعرفش يصلح اقتصاد. وهو ما يعرفش - 00:12:43ضَ

يعمل علاج للانشقاق المجتمعي. وهو ما عندوش رؤية للعلاقات الخارجية. وهو يبقى المؤهل لأ اللي عنده صفات ينفع انه يحكم صح. طب مسل تاني زي مسلا عروسة زي القمر. عروس اميرة مسلا. فواحد سافر وجاب مهر غالي وجاب المهر بتاعها. دا الاحق بها. يبقى الايه؟ مين اللي يستحقها - 00:13:03ضَ

اللي معه مهرها. اللي جايب اللي دفع التمن المطلوب. امال مين اللي مؤهل للجواز لها؟ ممكن واحد معه مهر ومعه ملايين ولكن لما يتجوز يفشل في الجواز. لانه لا بيعرف - 00:13:23ضَ

يحتوي زوجته ولا بيعرف يحنو عليها ولا بيعرف يقول كلمة حلوة ولا بيعرف يوازن ما بين شغله وما بين احتياجات زوجته النفسية والوقتية ولا بيعرف يشيل مسؤولية بيت ولا بيعرف - 00:13:33ضَ

يربي اولاد. يبقى المؤهل هو اللي عنده صفات يقدر يسعدها. ويقدر يتفاهم معها ويعيش معها. فهمتم الفرق بين الاتنين يا جماعة؟ تعالوا نسكت في الدين بقى ايه الفرق بين انك تستحق فتح الله؟ وانك وانك مؤهل لفتح الله. انك تستحق الفتح دي معناها انك دافع التمن. دافع - 00:13:43ضَ

تمن ربنا يمن عليك سبحانه وتعالى بمنه وكرمه انه يفتح عليك في الدين ويستعملك ويبوأك ثغر عزيم في دين الله. ايه التمن ده ان فيه خلوة بينك وبين ربك؟ كل ده تمن للفتح. انك مجتهد في الدعاء دايما. انك انت شغال في الدعوة. ان عندك تضحية. ان عندك مجاهدة في الدين. ان عندك اقبال على الله وزهد - 00:14:03ضَ

في الدنيا كل دي حاجات انت بتدفعها عشان ربنا يفتح عليك. يبقى ده احقية. طب التأهيل بقى انت مؤهل للدعوة؟ انت مؤهل للاستعمال طلبت علم ولا لأ ؟ معك المؤهلات ولا لأ ؟ انك تعرف تشتغل في الدعوة. طلبت علم ولا لأ ؟ اشتغلت على تربية نفسك ولا لأ ؟ اشتغلت على نفسيتك وتهزيبها وتزكيتها - 00:14:23ضَ

ولا لأ ؟ وتغيير اشتغلت على تعديل سلوكك عشان ما تبقاش داعية عندك تشوهات معرفية. او داعية عندك اضطرابات في شخصيتك وسلوكك. تكره الناس الدين بسبب طبقك الغلط. مش بسبب الكلام اللي انت بتقوله. ولكن بسبب سلوكك الصعب وشخصيتك الصعبة. وفظاظتك وشدتك. فهمت - 00:14:43ضَ

الفرق بين الاتنين بيبقى ازا نخرج من دي بقاعدة خطيرة جدا. ان الفتوحات في الدين والاصطفاءات في الدين لها شرطين عشان ربنا يرقيك. انك انت تبقى مستحق دافع تمن الفتوحات دافع تمن فتح الله يعني فيه خلوة وفيه سر بينك وبين ربنا. وفي حال تاني حاجة انك تبقى مؤهل - 00:15:03ضَ

مؤهل لهزا يعني هجيب لكم مثل قبل ما نسيب بهزه الاية وكانوا احق بها واهلها زي اعزم الناس شهادة عند رب العالمين. مين اعظم الناس شهادة عند رب العالمين. الرجل اللي هيخرج للدجال في نهاية الزمان لما الدجال بيحاصر المدينة فيخرج له رجل - 00:15:23ضَ

الراجل ده الدجال هيقتله. فالنبي عليه الصلاة والسلام قال فهذا اعظم الناس شهادة عند رب العالمين. هو خد المقام المزهل ده ازاي خلي الاصطفاء المذهل ده ازاي؟ عشان حاجتين. اه تعالوا نشوف الحديس كده هو بيخرج للدجال فتلقاه المسالح اللي هم بقى جنود الدجال اللي معهم السلاح. فيقول - 00:15:42ضَ

قولونا الى اين تعمد؟ فيقول الى هذا الرجل الذي خرج. اه يقولون اوتقصد ربنا؟ انت بتتكلم على المسيح انت المسيح ربنا استغفر الله فيقول ما بربنا خفاء والله لو ربنا هاعرفه على طول. فيقولون اقتلوه. فيقول بعضهم لبعض. الم يأمركم ربكم الا تقتلوا احدا - 00:16:02ضَ

قال لكم ما تقتلوش حد الا لما ترجعوا له. فيقوموا واخدين الراجل ده للدجال اول ما يوصل للدجال يلاقي كل الجنود وراه يقول لهم يا ايها الناس هذا هو دجال الذي قال عنه رسول الله. يعني هو خارج يعمل جولة اصلا على جنود الدجال ويدعوهم الى الله. واخد بالك من اللي هو بيعمله. فالدجال يقوم جايب - 00:16:22ضَ

آآ بالمنشار المقشار آآ المنشار ويقسمه نصين ويمشي ما بين النصين ويرجع وبعد كده يضم النصين يقوم الراجل واقف تاج. اول ما يقف تاني زلك الراجل يقوم قايل للناس ايه يقوم قايل للدجال والله ما ازددت فيك الا بصيرة. انت الدجال الذي قال عنه رسول الله. يا ايها الناس - 00:16:42ضَ

هذا هو الدجال الذي قال عنه رسول الله. عليه الصلاة والسلام. اليوم الدجال يحاول يدبحه فتتحول رقبته الى نحاس. ما بتدبحش فيحمله فيلقيه في نهر من نار. مع الدجال فيظن الناس انه القي في النار وانما القي في الجنة. يقول النبي صلى الله عليه وسلم فذلك اعظم - 00:17:02ضَ

شهادة عند رب العالمين. الراجل ده خد المقام المزهل ده ازاي؟ ده حاجتين. استحقاق احقية واهلية ومواهب. ايه الاستحقاق التمن اللي دفعه انه فضل شغال في الدعوة حتى في اشد فتنة على وجه الارض وفتنة الدجال. فضل مشغول بالدعوة مهما كانت الفتن - 00:17:22ضَ

بنشتغل في الدعوة مهما كان الاغلاق اشتغل في الدعوة. مهما كانت المعوقات اشتغل في الدعوة اوعى تبطل كلام عن الله. اوعي تبطلي دعوة الى الله ادفع تمن الفتح. ادفع تمن الاصطفاء من الاستمرار على الدعوة والاستمرار على العبادة. مهما تخلى حتى لو الملتزمين دابوا. حتى لو الملتزمين بقوا مشغولين بدنيتهم - 00:17:42ضَ

كل ملتزم شايل بطيخة وجرنال ومروح بيته. وما عادش شايل هم دين. والملتزمين تفرقوا وما عادش في دروس بتتحضر. ما لكش انت دعوة. اسبت على بقية سليمان اسبت على الدعوة الى الله. اسبت على صحبة الصالحين. اسبت على اوراد العبادة. اثبتي. على طلب التربية. اسبت على طلب العلم - 00:18:02ضَ

فدي الاحقية. امال ايه التأهيل بقى؟ الراجل اللي خد اعزم الناس شهادة مؤهل في ايه؟ مؤهل لان الراجل ده يا جماعة الراجل ده لما الدجال شق وقال والله الزدت فيك الا بصيرا ده طالب علم. ده عارف ده دارس احاديس الدجال كويس جدا. ده دارس قرآن وسنة حلوة فده مؤهل اصلا. ده مش واحد جاهل - 00:18:22ضَ

مش واحد عنده شوية مشاعر ومتحمس. ده واحد خارج وهو فاهم هيعمل ايه. وطالب علم وعارف علامات الدجال. ولما الدجال شق ورجعه قال يا ايها الناس والله لن يفعلها باحد بعدي. دي اخر مرة حاولوا كده انكم تخلي انه يشق حد تاني ويرجعه نصين مش هيقدر - 00:18:42ضَ

مش ده دارس فده مؤهل. يبقى احقية واهلية وكانوا احق بها واهلها. انك تبقى انت وكلمة التقوى اهل. الاهل دول عايشين مع بعض ليل نهار ان انت على طول كلمة التقوى دي اصلا عندك اهلية لها انت وهي زي الاهل بالزبط مع بعض انت على طول بتتقي الله في كل مواقفك وكلماتك وافعالك - 00:19:02ضَ

وكانوا احق بها واهلها. وكان الله بكل شيء عليما. ايه يعني ايه قيمة انك تعرف ان ربنا بكل شيء عليم هنا وكان الله بكل شيء عليم. ربنا بيخاطب اهل الدعوة وبيخاطب اهل التضحية للدين. ربنا فوضوا الامر الى الله. ربنا عالم بحالكم. فمش هيسيبكم هو يختار لكم صح. الاحساس ده لازم يكون في - 00:19:22ضَ

كل داعي الى الله يا جماعة. لازم يكون في صدر كل حامل رسالة. ان ما دام انت شايل هم الدين وما دام شغال في الدعوة ربنا اللي هيختار لك بقى ما لكش دعوة. ربنا اللي هيختار لك في - 00:19:43ضَ

وانت بتاخد بالاسباب وتكون في كل حاجة. ولكن انت واسق ان ربنا مش هيسيبك وهيرتب لك وهيدبر لك وهيحميك وهيرزقك. وهيدبر لك امرك ييسر لك امورك وهيسفلتك هيسفلت لك السكك الوعرة وكان الله بكل شيء عليما. انت بقى ماشي شغال في الدعوة وما لكش دعوة - 00:19:53ضَ

واسق ان العليم عالم بكل امورك وعالم بمصلحتك وبيرتب لك سبحانه وتعالى احساس حلو اوي. ان طول ما انت شغال في الدعوة انت مش شايل هم حد حاجة اه بتاخد بالاسباب في تربية ولادك بتاخد في الاسباب في اختيار المدارس الصح لهم بتاخد بالاسباب. في ايه؟ السعي على رزقك بتاخد بالاسباب في المحافزة على صحتك - 00:20:13ضَ

بتاخد في الاسباب في استقرار العلاقة العاطفية والزوجية بينك وبين مراتك بتاخد بالاسباب في نجاحك المهني بتاخد بالاسباب في كل حاجة حاجة ولكن انت طغيان اهتمامك بالدعوة بيخليك واسق انك وانت بتاخد بابسط الاسباب. في كل ده ربنا مش هيسيبك ولا هيتخلى عنك ابدا - 00:20:33ضَ

وربنا يختار لك اعظم الخير. لقد صدق الله رسوله الرؤيا بالحق. معنى جبار قوي يا جماعة. لقد اللام دي لام القسم. لقد صدق الله رسوله وربنا بيقسم ما بنرد على سيدنا عمر وعلى الناس اللي بيقولوا طب الرؤيا اللي النبي شافها دي ؟ ان احنا داخلين ونطوف بالبيت. احنا راجعين دلوقتي لا طوفنا ولا حاجة. فربنا بيقسم لقد صدق الله - 00:20:53ضَ

الله ورسوله الرؤيا بالحق لتدخلن المسجد الحرام. اللام بتاعتنا تدخلن ابن عطية في في التفسير المحرر الوجيز يقول انها لام القسم ايضا يعني قسمين لا من قسم. لقد صدق الله اقسم بالله لتدخلن المسجد. اقسم بالله قسمين. الله بيؤكد الله بيثبت - 00:21:13ضَ

النفوس ساعة الاهتزازات ساعة الفتن ساعة المواقف الصعبة. ربنا معك مش هيسيبك ما دام انت في الطريق ودام انت سابت على الطريق ما حاولتش. لقد صدق الله رسوله الرؤيا بالحق طول ما انت في الطريق ربنا مش هيسيبك. ابدا عشان كده بني اسرائيل لما جم يقولوا لسيدنا موسى ايه يقولوا لن نصبر على طعام واحد. انا مش خلاص - 00:21:33ضَ

مش هنقدر نصبر على المن والسلوى بقى قال اهبطوا مصرا. خلاص اهبطوا يعني شوفوا لكم اي بلد مصر اي مصر من الامصار. شوفوا اي بلد انزلوا اشتغلوا عشان تاكلوا بقى - 00:21:57ضَ

وعايزين تاكلوا اللي انتم عايزين تاكلوه خلاص انزلوا اشتغلوا. الله! يا موسى لأ ده احنا عايزين ينزل لنا من السما حاجات تانية. او يطلع لنا من الارض حاجات تانية. لأ. ما هو طول ما انت ماشي في مراد - 00:22:07ضَ

ربنا كافلك وكافيكم ييسر لك امورك. هتتمرد على دعوة ربنا خلاص اشتغل زيك زي غيرك بقى انزل اشتغل زيك زي غيرك. انزل بقى بهدل بقى وهات الجنيه بطلوع الروح زيك زي غيرك. انت ماشي في كفالة الله طول ما انت في طريق الدعوة. تمردت على طريق الدعوة الى الله اهبطه مصرا - 00:22:17ضَ

رح اشتغل بقى زيك زي غيرك. المعاملة هتتغير. مش هتلاقي التيسير اللي انت كنت تلاقيه في حياتك وفي امورك. وفي اختياراتك وفي ولادك وفي صحتك وفي رزقك مش هتلاقي هزا التسجيل ليه ؟ هتتعامل زيك زي الناس بقى. يبقى ربنا طول ما انت شايل هم الدين وماشي في الطريق ربنا هيعاملك معاملة خاصة هتسعى الاسباب - 00:22:37ضَ

اشتغل بكل حاجة ولكن هتلاقي فيه تيسير وبركة ومدد من الله حاجة تانية اوعى تخسر هزه المعاملة. اوعى تخلي معاملة ربنا لك اتغير نتيجة تركك لسبيل الدعوة الى الله. لقد صدق الله رسوله الرؤيا بالحق. هنا بقى حاجة لقد صدق الله رسوله الرؤيا. يعني رؤيا - 00:22:57ضَ

صدق من الله. يعني الرؤيا اللي النبي شايفها صدق بالحق يعني هتتحقق. الله! هو ممكن صدقه ما تتحققش! اه سيدنا يوسف لما في نهاية سورة يوسف بيقول وقال يا ابتي هذا تأويل رؤياي من قبل قد جعلها ربي حقا اتحققت. الله! هي ممكن تبقى رؤية صادقة ولا تتحقق - 00:23:17ضَ

وايه الكلام الخطير ده هو مش رؤية صادقة يعني لازم تتحقق لأ ممكن رؤية صادقة ولا تتحقق. يبقى عشان كده الاية فرقت وقلت لكم كل لفظ في القرآن ما تعديش كده - 00:23:37ضَ

صدق الله رسوله الرؤيا بالحق. طب ايه اللي يخلي رؤيا صادقة ولا تتحقق؟ الاول يا جماعة اللي احنا بنشوفه في المنام تلات انواع. فيه حاجة ما رؤية؟ فيه حاجة اسمها من الشيطان؟ فيه حاجة اسمها حديس نفس. ايه الرؤية؟ الرؤية دي من الله. ده مثل يلقيه الملك. دي حاجة منورة كده زي القرآن - 00:23:48ضَ

كده زي الوحي كده حاجة منورة جزء من ستة واربعين جزء من النبوة. حاجة منورة وحاجة كده عليها نور الملك اللي بيلقي هذا المثل وآآ بتبقى حاجة واضح انها رؤية من الله سبحانه وتعالى وخاصة لو حد متمرس في الرؤى هيعرف ان هي رؤية. قال لها طب في حاجات تانية ممكن اشوفها - 00:24:08ضَ

عشان افرق لان فيه ناس بتشوف حلم من الشيطان الشيطان بيحطمه اصلا وبيضلله ويقول دي رؤية وياخد قرارات ويقاطع ناس ويقاطع صحبة صالحة ويبعد عن ابواب خير ويزهد في فرص دين ودعوة ربنا فتحها لهم بيتهيأ له ان هي رؤية وهي مش رؤية. الشيطان بيضيعك. الله - 00:24:28ضَ

اومال ايه الشيطان ده! طب الاول نخلص بس من حديس النفس. حديس النفس لبخ. ده لبخ بقى ده الدماغ شغالة بقى والنفسية. انت خايف من كورونا. تحلم انك انت مش عارف مين قريبك اللي مات وجاي بيقول لك تعال معي وانت بتشد نفسك وهو بيشدك ده بقى ايه نفسيتك مرعوبة بالموت فقعدت تشوف حاجات والنفس زكية وممكن - 00:24:48ضَ

حديس النفس ده يبقى حاجات مترتبة لان النفس زكية. يعني ممكن ترتب المشاهد في شكل حاجة يديها لك انها حاجة مترتبة. انما هي حديس النفس. ايه حديس النفس مخاوفك او احلامك او رغباتك آآ انت بتحب واحدة تشوفها عشان كده تلاقي ان هي اخوة كتير واخوات يقول لك ده انا بشوف الشيخ فلان في المنام كتير. لانه بيحبه - 00:25:08ضَ

دي مش معزمها رؤى. دي حديس نفس هو بيحبه وهايبه ونفسه يقابله فهو بيشوفه كتير في الاحلام. خدتوا بالكم يا جماعة؟ يبقى حديس النفس ده نفسك اللي جوة نفسيتك طالع - 00:25:28ضَ

وده اللي فرويد كان بيتكلم عليه في تفسير الاحلام اللي هو انا هاعرف شخصيتك من احلامك. دي الحتة دي بس حديس النفس. الناحية التالتة اللي هي من الشيطان. ايه اللي من الشيطان بقى - 00:25:41ضَ

ده بتبقى حاجات شبه الرؤية كده. حاجات مترتبة. الشيطان يشتغل معك على حاجتين. دايما في الاحلام الشيطانية. يا اما يحاول يجيب لك احباط. واحد صاحبي بدأ يطلب علم الشيطان بيتجنن اول ما الاخ يطلب علم. اتجنن لان طالب العلم ده مستقبل. ده بيبني مستقبل لحياته وللامة - 00:25:51ضَ

فبيقول لي انا شفت ان في نمل ماشي على الكتاب اللي انا بزاكره. فقلت له النمل ده ده بيبي النمل ده الرياء. اخفى من دبيب النمل. يبقى ده معناه رياء. انك مرائي؟ قال لي اه. قلت - 00:26:11ضَ

يلا يا حبيبي من الشيطان. الشيطان بيحطمك عشان تسيب طلب العلم. على طول الله! طب اعرف منين الحاجة اللي من الشيطان؟ لما تلاقي الرسالة اللي من ورا الكلام اللي من ورا - 00:26:21ضَ

الحلم اللي انت شفته معناها سب آآ صحبة صالحة. او ابعد عن الشيخ الفلاني. او آآ آآ ابعد عن باب خير لك. اعرف ان ده مش ربنا. هو ربنا ربنا - 00:26:31ضَ

اجعل مصلحتك هو ربنا يأمرك بحاجة في القرآن وينهاك انت عنها في الحلم مخصوص ليه ؟ الاحلام ما هيش عكس الشرع يا جماعة عشان كده لو لقيت واحد جاي لك ابيض في ابيض - 00:26:41ضَ

ويقول لك انا النبي وروح ادبح للبدوي طبعا ده مش حلم. ده ده مش رؤية ليه؟ لان النبي ما يقولش كده وده مش النبي اصلا عليه الصلاة والسلام فيه شروط في الرؤى اللي فيها النبي عليه الصلاة والسلام. فالشيطان بيشتغل معك على اما يجيب لك احباط يا اما يجيب لك كبر. واحد جاي يقول لي انا حلمت - 00:26:51ضَ

واحد فاسق يعني استغفر الله العظيم كان فيه انا حلمت ان انا ماشي على طريق وقاعد آآ اتجنب الوقعات والنقرات وماشي طاير فانا بيني صدري كده قلت ايه ؟ يا نهار ابيض! الصراط المستقيم ما فيش فيه نقرات اصلا ووقعات ومطبات. الصراط المستقيم ده طريق متسفلت. فاصل الطريق - 00:27:11ضَ

انت ماشي عليه ده مش طريق صح اصلا. ده دي لو رؤيا يبقى معناها انك مش ماشي على الطريق الصح اصلا. فاحيانا والا انسى واحد صاحبي كان آآ يعني دخل في - 00:27:31ضَ

مشروع تجاري كده فخسر فجه يقول لي انا خسرت ازاي ؟ فقلت له يا ابني يعني اعقل بس او اهدا. قال لي قلت لي قال لي لو كانت الرؤى صح كان زمانك سبته قلت له ازاي ؟ قال لي ده انا حلمت حلم خطير جدا. قلت له ايه ؟ قال لي حلمت ان انا آآ في بنات حلوة - 00:27:41ضَ

خدتني ودتني فلسطين. قلت له يا ابني فلسطين دي فلس وطين. يعني ما اصل الروح يا جماعة بتتقول! ده اصلا حتى بالالفاظ العامية. يعني الرؤية دي لها طرق في قلت له يا ابني ده تكنيك الرؤية دي معناها انك اصلا لما استخرت ربنا ما كنتش تدخل اصلا المشروع ده. معناه ان المشروع ده انت هتفلس بسبب وصلة - 00:28:01ضَ

ما كنتش تدخل المشروع ده يبقى الموضوع مش الموضوع عايز يعني فنية في حساباته يا جماعة ايه الرؤية وايه حديس النفس وايه الحاجة اللي من الشيطان لان احنا خسورنا بسبب حاجات من الشيطان. ياما اخ بدأ يطلب علم ويشوف بقى وفعلا دي حقيقة وشاف ان هو آآ رايح او - 00:28:21ضَ

حد من اخوانه شاف ان هو ان هم رايحين للنبي عليه الصلاة والسلام. قام هو سايبهم وراح قاعد في مكتبة وساب الطريق للنبي. فصحي يا نهار ابيض! انا سبت اني وسبت طريق الدعوة عشان طلب العلم. فربنا بيعاتبني ايه يا حبيبي ده من الشيطان. الشيطان هيتجنن انك طلبت علم. فبيخوفك وبيوسوسك - 00:28:41ضَ

يخليك توسوس لازم نفهم يا جماعة ان لو رؤيا حلم صرفك عن طلب العلم صرفك عن العبادة صرفك عن لزوم اخوانك والصحبة الصالحة آآ على حد من الناس قساك على امك وابوك على زوجتك على ولادك على ده مش من ربنا. يبقى بنفهم بنفهم احلام الشيطان منين؟ من المقاصد - 00:29:01ضَ

ساعتها انها حاجة بتحطمك بتحبطك بتشيلك الهم بتقفلك بتقفل عليك ابواب الخير. انما الرؤى الرؤى دي حاجة ربنا بينور لك طريقك بها. بايديك لك توجيه فيها ازاي تحقق اعلى احسان في الدين. فده الفرق ما بين التلاتة. ان شاء الله المرة الجاية بقى - 00:29:21ضَ

بداية اللقاء التسعتاشر ان شاء الله بازن الله. نتكلم هو ممكن رؤية صادقة ولا تتحقق. طب ايه الاسباب يا جماعة؟ اقول قولي هذا واستغفر الله لي ولكم. اللهم اللهم انا عبيدك بنو عبيدك. بنو امائك نواصينا بيدك. ماض فينا حكمك. عدل فينا قضاؤك. سميت به نفسك - 00:29:39ضَ

او انزلته في كتاب او علمته احدا من خلقك او استأثرت به في علم الغيب عندك. ان تجعل القرآن العظيم ربيع قلوب ونور صدورنا وجلاء احزاننا وذهاب همومنا. اللهم ارزقنا حفظ القرآن في صدورنا. اللهم اجعلنا من اهل القرآن سبحانك اللهم - 00:29:59ضَ

وبحمدك اشهد ان لا اله الا انت استغفرك واتوب اليك - 00:30:19ضَ