بسم الله الرحمن الرحيم السلام عليكم ورحمة الله وبركاته لما حاول هذا الشخص الملحد انه يطرح اطروحاته الالحادية. في شكل علمي وجاد لاقى فشل ذريع جدا جدا. لان ما بيتهاونوش مع اي طرح ظاهره نقاش علمي جاد - 00:00:00

فاخدوا كل اطروحاته الالحادية اللي ظاهرها النقاش العلمي الجاد وانتقدوه انتقاد شديد جدا جدا وبينوا عواره وردوا على كل شبهاتي اللي حاول يطرحها بطرح علمي جاد. فرجع مرة اخرى صاحبنا الى الطرح - 00:00:24

تخيف الى الطرح الكوميدي اللي فيه تسطيح شديد جدا جدا علشان يحاول يروج لبضاعته الالحادية عن طريق مغالطات منطقية مغالطة رجل القش ومغالطة الاستدلال بالجهل في البداية لو مهتمين بمواضيع الايمان والالحاد وبالقضايا الفكرية المعاصرة يبقى انتم لازم تشتركوا في هذه القناة. اضغط على زر الاشتراك الاحمر واضغط على علامة الجرس علشان - 00:00:44

تجيلك كل الاشعارات بكل الحلقات الجديدة. المفروض الفيديو الساخر اللي عمله هذا الشخص الملحد بيحاول يبين فيه المغالطات الكثيرة كتيرة جدا جدا اللي بيقع فيها الدعاء لما بييجوا يدعوا شخص ملحد. وهو بيحاول يبين انه محاولات الدعاة لدعوة - 00:01:16

الملحدين فارغة من اي دليل ومبنية على مغالطات منطقية ومبنية على العاطفة ومبنية على التخويف ومبنية على اشياء المفروض لا تؤدي الى اقتناع الشخص بوجود اله او اقتناع شخص بصحة دين الاسلام. ايه اللي عمله هذا الشخص - 00:01:36

الملحد في الفيديو الاخير بتاعه وقع في مغالطتين منطقيتين مشهورتين جدا جدا. المغالطة الاولى اسمها مغالطة رجل القش والمغالطة التانية اسمها مغالطة الاستدلال بالجهل. يعني ايه مغالطة رجل القش؟ مغالطة رجل القش معناها ان انت تبني رجل من قبل - 00:01:56

ثم تهدمه وتنتقده. بمعنى ايه؟ بمعنى ان انت مش بتجيب كلام المؤمنين فعلا. مش بتجيب كلام علماء المسلمين في طرح ادلتهم وفي طرح عججهم لأ انت جايب صورة مشوهة وصورة وحشة لهذه الحجج وهذه الادلة. بتصورها - 00:02:16

اه بشكل خيبان سم تنتقد هذا الشكل الخيبان وتعمل نفسك ان انت ايه بترد على حجج المسلمين وحجج المسلمين تعبانة وانت مش بترد على حجج المسلمين في الحقيقة. انت بترد على تصويرك المشوه لهذه الحجج - 00:02:36

دي اسمها مغالطة رجل القش. المغالطة التانية اللي هذا الشخص الملحد بيحاول يروجها على لسان المسلمين. او بيحاول يقول ان مسلمين بيقعوا في هذه المغالطة هي مغالطة الاستدلال بالجهل. مغالطة الاستدلال بالجهل صورها اكتر من مرة. لما جه - 00:02:56

اطرح سؤال هو مين اللي جابك على الحياة؟ ما اعرفش يبقى الاستدلال بالجهل. المسلمين اصلا ما بيطرحوش دليل على وجود الله الاستدلال بنشأة الحياة على وجود الله ما بيطرحوش الحجة بهذه الطريقة وما بيستدلوش بها بهذا الشكل - 00:03:16

اللي فيه الاستدلال بالجهل. من ضمن المغالطات المنطقية اللي بيقع فيها شريف جابر او بيحاول يصور ان المسلمين بيقعوا فيها وغلطة الاستدلال الدائري. لما جه يتكلم عن صدق النبي محمد صلى الله عليه وسلم. وبيقول القرآن هو اللي بيقول ان النبي محمد صلى الله عليه - 00:03:36

سلام صادق واحنا بنصدقه علشان هو صادق علشان القرآن بيقول عنه صادق يبقى استدلال دائري. وده كلام خيبان جدا جدا لان معروف ان المسلمين ما بيستدلوش بهذا الاستدلال الدائري. والشهادة على صدق النبي محمد صلى الله عليه وسلم. القرآن وغير القرآن من - 00:03:56

تاريخية من كفار قريش انفسهم بيشهدوا للنبي محمد صلى الله عليه وسلم بالصدق والامانة. فبالتالي ده مش استدلال دائري زي شريف جابر بيحاول يصور. انا وضعت مجموعة من العناصر حابب انتقدها ذكرها شريف جابر في هذا الفيديو. علشان يكون نقد سريع والفيديو ما يطولش - 00:04:16

باذن الله عز وجل. اول حاجة هذا الشخص الملحد بيحاول يبين ان الدعاة المسلمين اول ما بيكلموا الملحد في اثبات وجود الاله بيتكلموا عن اسم الاله وعن الدين وعن صفات الله عز وجل العلو والفوقية وهكذا. وبيتصرف تصرف في غاية الغباء انه بيبص للسقف كده - 00:04:36

على اساس ان الاله هيبص له من السقف. ما انت يا ابني فيه سقف فوقيك حتى لو الاله في السما انت هتشوفه من خلال السقف ازاي. فبيعمل كده حركة قاد بهلوانية فيها تسخيف شديد جدا جدا للقضية الكبيرة جدا جدا اللي احنا بنتناولها. في البداية لازم نوضح ان احنا كمسلمين لما - 00:04:56

نيجي نتكلم مع ملحدين في اثبات وجود الاله او في اثبات وجود الله. نحن لا نستخدم لفظ الجلالة الله على انه اسم اله الاسلام. لكن بيتم استخدام لفظ الجلالة الله بشكل عام كالدلالة على الخالق او الدلالة على الصانع - 00:05:16

ان هذا الكون وكل ما فيه له خالق وله صانع. ما بنقصدش الاسم نفسه اللي بيدل على الدين. لكن بنستخدمه للدلالة على الخالق والصانع. فبالتالي هو طول الفيديو عمال يقول رينو سرينو سرينو على اساس ان ده اله بعينه تابع لدين بعينه - 00:05:36

القضية ليست هكذا. نحن في البداية نتكلم عن وجود اله بشكل عام نتكلم عن وجود خالق بشكل عام. نتكلم طبعا وجود صانع بشكل عام. ولما بنقول وجود اله نقصد كائن متصف بصفات الالوهية. ان هو عنده - 00:05:56

آآ كمال القوة وكمال القدرة وعنده الارادة والحكمة والعلم وهكذا. مش بنتكلم عن اله بعينه تابع لدين بعينه بنتكلم عن تصور عقلي عام لما يجب ان يكون عليه الاله وفق دراسة عقلية - 00:06:16

ومنطقية وفلسفية مجردة من خلال التأمل في هذا الكون. احنا ما بنتكلمش عن اسماء الاله في البداية. احنا اول شيء بنتكلم فيه اثبات وجود الخالق او اثبات وجود الصانع. من ضمن النقاط الغبية اللي هذا الشخص الملحد بيحاول يروجها هو فكرة ان الدليل على وجود الاله - 00:06:36

هو المعاينة المباشرة الرؤية بشكل مباشر ان انت تتكلم معه بشكل مباشر ان هو يتكلم معك بشكل مباشر. هو ده اللي يرضيه على وجود الله. وهو بيتغافل ان الله عز وجل خلقنا في هذه الدنيا من اجل الامتحان والاختبار - 00:06:56

واساس الاختبار هو الايمان بالغيب. والغيب مش زي ما هو بيحاول يروج انه ليس عليه اي دليل على الاطلاق. لان الله عز وجل غيب فاحنا ما شفناش الله عز وجل. احنا ما تواصلناش مع الله عز وجل بشكل مباشر. لكن احنا من خلال الكون ومن خلال المخلوقات ومن - 00:07:16

خلال التأمل في هذا الكون بنقدر نستنبط وجود الله. فبالتالي نحن نستطيع ان نؤمن بوجود الله وفي ادلة على وجوده رغم انه ما زال غيب. غيب يعني محجوب عن حواسنا الخمس. لكننا - 00:07:36

تقطيع ان نستنبط وجوده من خلال العقل والمنطق والفلسفة. بيحول هذا الشخص الملحد مرارا وتكرارا في الفيديو ان هو يأصل لمبدأ ده ما اتكلم معه ده ما حدش شافه ده ما حدش سمعه. ده ما حدش يتواصل معه. رغم ان هذا الكلام من ابطل الباطل في العقيدة الاسلامية. احنا بنقول ان - 00:07:56

الله عز وجل خلق ادم بيديه والله عز وجل كان بيكلم ادم. وان الله عز وجل كلم موسى وكلم النبي محمد صلى الله عليه وسلم. وبيتواصل مع الانبياء عن طريق الوحي لكن بنفس الوقت بنقر مبدأ الاختبار. الله عز وجل لا يريد ان يتعامل مع عامة البشرية بشكل مباشر - 00:08:16

بحيث ان خلاص لم يعد هناك مجال الا ان تؤمن بوجود الله من غير ما يكون في مساحة للايمان والكفر. زي ما فلاسفة بيقولوا الفلاسفة بيقولوا ان الكون اللي حوالينا مليء بالادلة التي نستطيع من خلالها ان نستنبط وجود الله - 00:08:36

لكن لا يوجد في الطبيعة ظهور مباشر للاله. فيظل هناك مساحة للايمان بالغيب. من ضمن الادلة الصحيحة اللي المؤمنين بيستدلوا بها على الملاحدة. كدليل على وجود الله. وهذا الشخص الملحد بيحاول يشوه هذا الدليل اللي هي مغالطة رجل - 00:08:56

القش. الدليل على وجود الله من خلال الاستدلال بنشأة الحياة. احنا بنقول مرارا وتكرارا ان الاستدلال بنشأة الحياة على الارض كدليل على وجود الله مش الاستدلال بالجهل. بمعنى ان مش علشان البشر غير قادرين على معرفة بشكل - 00:09:16

دقيق وواضح من الذي انشأ الحياة على الارض ما نقدرش نعرف ده بشكل محدد واضح من خلال العلم الا اننا من خلال العلم بنقدر نعرف ونستنبط صفات الذي استطاع ان ينشئ الحياة على الارض - 00:09:36

فبالتالي الموضوع ما عدش الاستدلال بالجهل. لكن احنا بالعلم بنقدر نعرف صفات الحياة ومن خلال هذه ايه الصفات بنبتدي نفكر من القادر على ان ينشئ هذه الحياة بصفاتها هذه. وهكذا لما نتأمل الحياة وصفاتها ونشوف هذا التعقيب - 00:09:56

ايد غير قابل للاختزال اللي موجود في الحياة. ونشوف هذا المستوى الكبير جدا جدا من التعقيد وندرس. هل الطبيعة وحدها بالقوانين هذه العمياء وحدها قادرة ان تنشئ هذا المستوى من التعقيد بنلاقي لأ. يبقى بالتالي ما هي الصفات - 00:10:18

اللي الذي انشأ الحياة لابد ان يكون متصف بها لابد ان يكون متصل بقدرة ولابد ان يكون متصف بعلم ولابد ان يكون متصف بحكمة وهكذا. ايضا لما بنتأمل المعلومات الجينية اللي موجودة في الحياة. بنقول ان هذه المعلومات الجينية المشفرة - 00:10:39

بهذه الطريقة والمدونة بهذه الطريقة لابد ان اللي يكون انشأها متصف بالقدرة والقوة والعلم والحكمة وهكذا ايضا الوظايف الحيوية المبهرة اللي الخلية بتمارسها بتدلل على ان اللي انشأ هذه الوظايف الحيوية لابد ان يكون متصفا - 00:10:59

القدرة والقوة والعلم والحكمة والارادة وهكذا. الاستدلال بنشأة الحياة على وجود الله لم تعد الاستدلال بالجهل. انما من خلال صفات آآ اللي احنا بنقدر نرصدها علميا بنقدر نفكر بشكل عقلاني ومنطقي. مين اللي يقدر يعمل كده؟ فبنخرج ان اللي يقدر يعمل - 00:11:19

كده كائن متصف بصفات الاله زي ما اتباع المذهب الالوهي اللي بيؤمنوا. ايضا من الحاجات اللي هذا الشخص الملحد بيحاول يشوهها الاستدلال نال بالجمال على وجود الله. ورغم ان هذا الدليل المؤمنين محتاجين يشتغلوا عليه اكتر. ويستعرضوا له ادلة ومظاهر اخرى كثيرة - 00:11:39

واقوى الا ان في النهاية هو دليل صحيح على وجود الله. لان الملحد بحسب التصور المادي البحت. المفروض هذه المفاهيم المعنوية لا يكون لها وجود اصلا. مفاهيم الخير والشر. كذلك مفاهيم الجمال والحسن والقبح وهكذا. كل هذه المفاهيم - 00:11:59

ليس لها وجود في العالم المادي. احنا بنقول كذلك ان وجود هذه الصفات المعنوية في الطبيعة وفي الكائنات الحية شيء اضافي على مجرد وجودها ولابد ان نبحث عن سبب وجود هذه الصفات وهل الطبيعة وهل المادة في حد ذاتها تستطيع - 00:12:19

ان تضيف هذه الصفات على الوجود ام لا. من اسخف الحاجات اللي هذا الشخص الملحد حاول يعملها الاستخفاف بدليل السببية كدليل على وجود الله. وهو بيطرح اصلا الدليل بشكل مشوه مغالطة رجل القش. وبيحاول من خلال هذا الطرح المشوه انه ينتقد الدليل - 00:12:39

ما فيش شخص عاقل من اتباع المذهب الالوهي لما بيجي يطرح دليل قانون السببية بيقول ان كل حاجة لها سبب. الكلام ده غير صحيح احنا بنقول ان كل مخلوق له خالق وكل فعل له فاعل. وكل مصنوع له صانع. وكل حدث له - 00:12:59

سبب. فبالتالي احنا بنتمسك ان قانون الحدوث او قانون السببية معناه ان كل شيء حادث له سبب لحدوثه. الشيء الحادث الذي كان بعد ان لم يكن. حاجة جديدة حصلت هي دي اللي بيكون لها سبب - 00:13:19

مش كل شيء بالاطلاق له سبب علشان نيجي بعد كده نقوم سائلين طب ايه سبب وجود الاله؟ دي مغالطة منطقية انت بتقع انت بتشوه الدليل علشان تسقطه. المفروض ان دليل الحدوث اللي هو من اقوى الادلة على وجود الله قائم على مقدمتين ونتيجة - 00:13:39

المقدمة الاولى هي قانون السببية ان كل شيء حادث له سبب لحدوسه. ان كل شيء مخلوق له خالق. ان كل فعل له فاعل ان كل مصنوع له صانع هو ده قانون السببية. لما بنيجي نقول ان كل مخلوق له خالق ده معناه انه شيء - 00:13:59

حادث انه شيء لم يكن له وجود ثم ظهر الى الوجود. فبالتالي كل البشر مخلوقين كل الكائنات الحية مخلوقين يكون كله مخلوق بمعنى انه في لحظة ما في الماضي لم يكن له وجود. وفجأة ظهر للوجود. كان بعد - 00:14:19

ان لم يكن يبقى المقدمة الاولى قانون السببية كل شيء حادث له سبب لحدوسه. المقدمة الثانية هي ان الكون حادث. يبقى انك تيجي اللي احنا لابد ان نستنبطها ان هناك سبب وراء حدوس الكون. وبعد كده بنفكر بشكل عقلاني ومنطقي. ما هي - 00:14:39

صفات التي يجب ان توجد في السبب الذي احدث واوجد الكون. يبقى بالتالي الطرح مش سخيف وسطحي وبسيط زي ما هذا الشخص الملحد بيحاول يصوره. الطرح منطقي وعقلاني وفلسفي رصين. ولا يوجد ملحد على وجه الارض - 00:14:59

طه ان ينتقد هذا الدليل بهذه الصياغة القوية المتينة. من اهم الاشياء اللي اتباع المذهب الالوهي بيشرحوها لما يجوا يستدلوا بدليل السببية على وجود الله اللي هو كائن اول واجب الوجود ليس له سبب لانه ازلي لانه مش حاد - 00:15:19

وهو الذي احدث واوجد كل الوجود الحادث المخلوق بعده مفهوم اسمه استحالة التسلسل بلا نهاية في مفهوم استحالة التسلسل بلا نهاية في الماضي او استحالة تسلسل الاسباب بلا نهاية في الماضي او استحالة تسلسل الفاعلين بلا نهاية - 00:15:39

في الماضي ده مفهوم عقلاني ومنطقي المفترض ان البشرية وكل العقلاء متفقين عليها. يعني ايه استحالة تسلسل الاسباب بلا نهاية في الماضي. يعني لو هذا الكون حادث يعني هو مفتقر في وجوده الى اخر يستحيل ان - 00:15:59

للاسباب بلا نهاية في الماضي. لازم يكون في نهاية لهذه السلسلة من الاسباب تتوقف عند سبب اول ليس مفتقرا في وجوده الى اخر. من ضمن الامثلة اللي العلماء بيضربوها علشان الناس تفهم معنى موضوع استحالة - 00:16:19

التسلسل بلا نهاية في الماضي مثال العسكري اللي هيضرب رصاصة لكنه لا يستطيع ان يطلق الرصاصة قبل ان يأخذ الاذن من قائده. وبعدين قائده ده ما يقدرش يعطي الاذن للعسكري الا لما ياخد اذن من قائده. ثم - 00:16:39

هذا القائد لا يستطيع ان يعطي الامر الا قبل ان يأخذ الاذن من قائده. وهكذا يبقى كل واحد مفتقر الى غيره علشان ان يعطي الامر. لو العسكري ده ضرب الرصاصة ده معناه ان هذه السلسلة المفتقرة الى اخر علشان - 00:16:58

الامر لها نهاية. لها اول يستطيع ان يعطي الامر وهو غير معتمد على اخر في اعطاء هذا الامر لكن لو فضلنا لأ ده انا لازم اسأل اللي قبلي لازم اسأل اللي قبلي لازم اسأل اللي قبلي الى ما لا نهاية مش هتيجي اللحظة اللي العسكري - 00:17:18

يطلق فيها الرصاصة لان هذه السلسلة لا تنتهي الى ما لا نهاية في الماضي. لكن ما دام العسكري ضرب الرصاصة يبقى ده معناه ان هذه السلسلة لها نهاية فيه سبب اول مش معتمد على اخر في اعطاء الامر باطلاق النار. الادلة العلمية على حدوث الكون كالاتي. اولا النسبية العامة - 00:17:38

ثانيا توسع الكون اللي اكتشفه ادوان هابل. ثالثا الخلفية الميكروية للكون اللي اكتشفه ارنو بانزياس ومعه واحد تاني. وبعدين ناسا اطلقت اكثر من قمر واكدوا موضوع الخلفية الميكروية للكون. ومن هنا على اساس التلات حاجات دول بدأ يتم صياغة - 00:18:02

بيك بانج موديل. البيك بانج موديل له ادلة مستقلة بعينها مش مهم ان احنا نعرضها دلوقتي. بما فيها مسلا نسبة الهيدروجين في الكون وهكذا والبيك بان موديل بيعطي قوة تفسيرية لازاي ظهرت العناصر وازاي تكونت النجوم وهكذا. وفي النهاية من اكبر الادلة على - 00:18:22

توصل كون القانون الساني للديناميكا الحرارية اللي بتقول ان الطاقة اللي احنا بنقدر نستخدمها في الكون بتنفذ. لكن بما ان ما زال فيه طاقة في الكون نستطيع ان نستخدمها يبقى ده معناه ان الكون ليس ازليا لان لو كان الكون ازلي والكون - 00:18:42

من يستخدم في هذه الطاقة؟ الطاقة اللي احنا نستطيع ان نستخدمها بيحولها لطاقة لا نستطيع ان نستخدمها. لو كان الكون ازلي كان كل الطاقة اللي احنا نقدر نستخدمها نفذت لكن لسه فيه عندنا طاقة نستطيع ان نستخدمها. اذا ده معناه ان الكون ليس ازليا. يبقى عندك النسبية العامة وتوسع الكون - 00:19:02

والخلفية المكوية للكون. نفسه والقانون الثاني للديناميكا الحرارية. دول خمس ادلة على ان الكون الدليل فلسفي على وجود الكون هو ان احنا بنشاهد في هذا الكون ان الكون عبارة عن حوادث. الكون عبارة عن حوادث بمعنى - 00:19:27

انها اشياء مفتقرة في وجودها الى اخر. يستحيل تسلسل الاسباب ان هي تفضل كلها اسباب تقر في وجودها الى اخر. السلسلة دي سلسلة الاسباب اللي في النهاية جه سبب اوجد الكون هذه السلسلة - 00:19:47

يستحيل كلها تكون مفتقرة في وجودها الى اخر. لازم هذه السلسلة تنتهي بكائن اول واجب بوجود ازلي ليس له بداية وهو ليس مفتقرا في وجوده الى اخر. هو يملك في - 00:20:07

ذاته اسباب وجوده. من ضمن الحاجات اللي هذا الملحد حاول يشوهها فكرة ان انتم ليه بتتكلموا عن السبب وراء وجود هذا الكون على انه كائن او شخص احنا بنقول ان هذا هو التفكير المنطقي الوحيد في صفات السبب - 00:20:27

الذي وراء وجود هذا الكون او السبب الذي احدث الكون. احنا بنقول ان بما ان الكون له عمر محدد في الماضي ده انا ان السبب وراء وجود هذا الكون اراد ان الكون ينشأ في وقت معين. لكن لو هذا السبب - 00:20:47

شيء مجرد ليس له ارادة فبالتالي المفروض بمجرد وجوده يوجد الكون لكن هذا السبب الاول واجب الوجود اراد وجود الكون في وقت معين. الكون له عمر معين في الماضي. الكون مش ازلي بازلية السبب - 00:21:06

او موجود فور وجود هذا السبب او معه بالتلازم. فبالتالي بما ان الكون له عمر محدد في الماضي ده معناه ان السبب الذي اوجد الكون اراد ايجاد الكون في وقت معين في الماضي. علشان كده الكون موجود - 00:21:28

منذ وقت معين في الماضي مش ازلي او قديم بقدم السبب نفسه. كذلك لما نيجي نتأمل في الكون نفسه ونتأمل في خصائص الكون نفسه ونتأمل في الفكرة اللي هذا الملحد حاول يشوهها اللي هي فكرة الفاين تيوننج اوف ذايونيفورس فور لايف ان - 00:21:48

هذا الكون مضبوط ضبط دقيق من اجل نشأة الحياة على الارض بنيجي نستنبط صفات هذا السبب الذي اوجد الكون لما نيجي نشوف ان الكون مضبوط ضبط دقيق جدا جدا وان قيم الثوابت الفيزيائية والقوانين وهكذا - 00:22:08

مضبوطة ضبط دقيق جدا جدا بنيجي نستنبط بشكل عقلاني ومنطقي. ان الذي ضبط الكون بهذا الشكل الدقيق جدا جدا لابد ان يكون عنده ارادة ولابد انه يكون عنده قدرة وقوة ولابد انه يكون عنده علم وحكمة - 00:22:28

تالي بنصل بتفكير عقلاني ومنطقي وفلسفي الى التصور التقليدي للاله عند اتباع المذهب الالوهي. من برضو لهذا الشخص الملحد حاول يعملها انه يستخدم بعض الكلمات اللي فعلا احنا بنستخدمها في الحجج المنطقية. اللي بنتكلم فيها مع الملاحدة لكن هو بيحاول - 00:22:48

فكرة ان الاله خارج الزمان والمكان هذا كلام صحيح جدا جدا. هذا الملحد بيحاول يستخدم هذه العبارة. في اطار مشوه علشان يشوه الفكرة. فكرة ادعاء ان الاله قال ان كل حاجة لها سبب ما عدا انا انا ما ليش سبب هذا كلام باطل لان قانون السببية ما بيقولش ان كل حاجة لها سبب - 00:23:08

لكن بيقول ان كل شيء حادث هناك سبب لحدوثه. بعد كده هذا الشخص الملحد بدأ ينتقد موضوع الوحي والنبوة والرسالة وهكذا ونزول كتاب القرآن على النبي محمد صلى الله عليه وسلم. والافكار اللي هو اتكلم عنها هنتقدها وارد عليها بازن الله عز وجل في فيديو اخر. لكن احنا في البداية لازم - 00:23:28

توضح شيء في غاية الاهمية. ان فكرة وجود الاله ودي مغالطة رجل القش الكبيرة والعظيمة جدا جدا اللي هذا الشخص الملحد حاول صورها للناس في هذه الحلقة ان كأن فكرة وجود اله اول واحد جه بها هو النبي محمد صلى الله عليه وسلم. وكأن الناس طوال - 00:23:48

طوال تاريخ البشر ما كانوش متدينين وما كانوش بيؤمنوا بوجود الله. فدي مغالطة في غاية القبح. هذا الشخص او اللي يروجها. تعالوا نسمع مع بعض مغالطة رجل القش الكبيرة اللي شريف جابر بيحاول يوصلها في هذا الفيديو - 00:24:08

طب واحدة واحدة كده عشان يمكن انا مش فاهم. اتفضل. يعني رينوس اللي انتم بتقولوا انه قاعد فوق ده فوق السما فوق السما اه. يعني ده لا حد شافه ولا حد كلمه ولا حد سمعه ولا حد قبله قبل كده نهائي. حصل. دي اول مغالطة. ده ادعاء - 00:24:26

اصلا باطل في التصور الاسلامي باطل من بداية البشرية باطل دي اول مغالطة هو عاوز يبني عليها. طب وبعدين واللي قال لكم ان في حاجة اسمها لينوس اصلا ده واحد اسمه حمادة. تمام كده. تاني مغالطة ان النبي محمد صلى الله عليه وسلم بغض النزر عن المستوى المنحرف - 00:24:43

حط اللي هو بيتكلم به في الفيديو. لكن هو عاوز يوصل للناس ان فكرة وجود خالق. ان فكرة وجود صانع للكون. ان فكرة وجود كائن متصف بصفات الالوهية مستحق للعبادة. دي فكرة النبي محمد صلى الله عليه وسلم اول واحد يأتي بها. وده باطل - 00:25:02

البطلان شديد جدا جدا. فكرة وجود اله. والمناظرة حول وجود الله. والادلة الفلسفية والعلمية على وجود اله طرح قديم جدا جدا بقدم البشرية. هو عاوز يحسسك ان العالم كله كان ملحد وبينكر وجود الخالق - 00:25:22

وبينكر وجود الصانع لغاية ما جه النبي محمد صلى الله عليه وسلم ده اول واحد يقول لنا على فكرة يا جماعة الكون ده له خالق وصانع. خلوا بالكم من مغالطة اللي عاوز يرتكبها شريف جابر انه عاوز يغالط ما بين الاله ده اسمه ايه وانهي دين هو اللي صح وما بين الفكرة العامة - 00:25:42

كبرى اللي اتباع المذهب الالوهي كلهم بيتفقوا عليه. احنا قلنا ان المفروض الموضوع يمشي بالترتيب. الاول نثبت وجود خالق وصانع لهذا الكون. وبعدين نثبت ان هذا الخالق والصانع يتدخل في هذا الكون وانه ضبط الكون من اجل نشأة الحياة - 00:26:02

ان الحياة اللي هو انشأها لها هدف هناك غاية وحكمة من وجود البشر على الارض وان البشر هؤلاء يحتاجون الى الدين. وبعدين نتكلم في معقولية ان الاله ينزل دين وينزل - 00:26:22

الانبياء ويبعث رسل وينزل عليهم كتب ويتواصل معهم بالوحي هو بيجي من الاخر بيقفز على كل اللي فات علشان هو مش هيقدر يتناقش في هذه المواضيع الكبرى. لو جابر كان بيقدر يبقى راجل كده ويعترف ويقول انا مؤمن يا جماعة بالفعل ان الكون له خالق وصانع. وان الكون مضبوط - 00:26:40

وقت دقيق جدا من اجل نشرة الحياة على الارض. لكني لا اؤمن ان هذا الخالق والصانع هو الهكم اله الاسلام. كنا قلنا ماشي ان الاقل هذا الرجل عاقل وبيقدر يفكر ولا يستطيع انكار القضية البديهية الكبرى ان هناك - 00:27:06

خالق وصانع للكون. لكن هو بيقفز عاوز يقول لك اه اله الاسلام اسمه ايه؟ اسمه الله. ما فيش حاجة اسمها الله. وبيتغافل ان الله الاله بحسب تصور المذهب الالوهي بنقدر نستنبط وجوده والكثير جدا من صفاته قبل نزول الوحي - 00:27:26

ومن غير اللجوء للكتب المقدسة. فقط من خلال التأمل في الكون من خلال تفكير عقلاني ومنطقي فلسفي سوي ومضبوط. وحمادة دوت عرف رينوس بانه راح في كهف ما حدش كان شايفه فيه. بعدين رجع وقال لكم يا جماعة رينوس موجود وده صح - 00:27:46

وبيبلغكم تعملوا كزا وكزا وكزا وتسمعوا كلامي والا هيضربكم. اه. الجزء الاخير هو كأنه بيقول ان الدليل الوحيد على وجود الله هو ان النبي محمد صلى الله عليه وسلم كان في غار حراء وبعدين الله عز وجل توصل معه ورجع لقومه وقال لهم آآ ربنا موجود او - 00:28:06

او في اله اسمه كذا طبعا محاولة التشويه ان السبب الوحيد للايمان هو التخويف ده كلام فاضي. تاني شيء ان النبي محمد عليه وسلم ما بلغش كفار قريش ان خلوا بالكم ده فيه اله وخالق وصنع للكون. كفار قريش كانوا اصلا مؤمنين بده قبل ما النبي محمد صلى - 00:28:26

قال وسلم يبعث وقبل ما النبي محمد صلى الله عليه وسلم يبلغهم ان هو نبي اصلا. لكن الرسالة الاساسية اللي النبي محمد صلى الله عليه وسلم وصلها لكفار قريش هو توحيد الالوهية او فكرة التوحيد. ان كفار قريش كانوا بيعبدوا مع الله الهة اخرى. فالنبي محمد صلى الله عليه وسلم - 00:28:46

وصلهم فكرة التوحيد ووصل لهم فكرة البعث والحساب والثواب والعقاب. انا هاكتفي بهذا القدر في هذا الفيديو ان شاء الله يكون في فيديو اخر نبض فيها وننتقد الخرافات والخزعبلات لدى الشخص الملحد. بيروجها على موضوع او فكرة النبوة والرسالة وبعثة النبي - 00:29:06

محمد صلى الله عليه وسلم ونزول القرآن عليه وهكذا. وانا بتحدى هذا الشخص ان هو يرجع عن هذه الفيديوهات المنحطة السخيفة السطحية وانه يرجع مرة تانية للفيديوهات اللي لها صبغة العلمية والجدية. ونشوف هل يقدر يستمر في طرح علمي - 00:29:26

ولا لأ ولا مش هيقدر يروج الالحاد الا عن طريق هذا التسخيف والانحطاط والسفالة والتريقة وقلة الادب. لو كان الفيديو عجبك لايك وشير وسبسكرايب لو الفيديو ما عجبكش اعمل له مش مشكلة. ولو تقدر تدعمنا على بتريون يا ريت. الى ان نلتقي في فيديو اخر قريبا جدا باذن الله عز وجل - 00:29:46

لا تنسوني من صالح دعائكم والسلام عليكم ورحمة الله وبركاته - 00:30:06